ᠴᠠᠭ ᠲᠦᠷᠦ
✦
ᠲᠦᠪᠤᠨ ᠴᠡᠷᠢᠭᠤᠨ ᠶᠠᠪᠤᠳᠠᠯᠤᠨ ᠬᠤᠷᠢᠶᠠᠨᠤ ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩ ᠵᠠᠷᠯᠢᠭᠲᠦ ᠭᠠᠷᠤᠨ ᠦᠰᠦᠭ
ᠵᠢᠷᠤᠵᠤ᠂ 《ᠴᠡᠷᠢᠭ ᠬᠦᠮᠦᠨᠤ ᠭᠠᠪᠢᠶᠠ ᠵᠢᠳᠬᠦᠯᠤᠨ ᠳᠡᠮᠳᠡᠭᠤᠨ
ᠬᠠᠮᠢᠶᠠᠷᠤᠯᠳᠠ ᠵᠢᠨ ᠳᠤᠬᠳᠠᠭᠠᠯ》ᠢ ᠨᠡᠢᠳᠡᠯᠡᠵᠦ᠂ 2023
ᠤᠨᠤ 1 ᠰᠠᠷᠠ ᠵᠢᠨ 1ᠤ
ᠡᠳᠦᠷ ᠡᠴᠡ ᠡᠬᠢᠯᠡᠨ ᠬᠡᠷᠡᠭᠵᠢᠬᠦᠯᠪᠡ᠃ 《ᠳᠤᠬᠳᠠᠭᠠᠯ》 ᠪᠤᠯ
ᠮᠠᠨᠤ ᠴᠡᠷᠢᠭᠤᠨ ᠠᠩᠬᠠᠳᠠᠬᠴᠢ ᠴᠡᠷᠢᠭ ᠬᠦᠮᠦᠨᠤ ᠭᠠᠪᠢᠶᠠ ᠵᠢᠳᠬᠦᠯᠤᠨ ᠳᠡᠮᠳᠡᠭᠤᠨ ᠬᠠᠮᠢᠶᠠᠷᠤᠯᠳᠠ
ᠵᠢᠨ ᠠᠵᠢᠯᠢ ᠪᠦᠬᠦ ᠳᠠᠯᠠ ᠪᠡᠷ ᠰᠢᠰᠲᠧᠮ ᠲᠠᠢ ᠵᠢᠷᠤᠮᠵᠢᠭᠤᠯᠬᠤ ᠴᠢᠬᠤᠯᠠ ᠬᠠᠤᠯᠢ ᠳᠤᠬᠳᠠᠭᠠᠯᠤᠨ
ᠪᠢᠴᠢᠭ ᠮᠠᠲᠧᠷᠢᠶᠠᠯ ᠪᠤᠯᠤᠨᠠ᠃
ᠨᠡᠢᠭᠡᠮ
✦
ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠬᠤᠳᠠᠯᠳᠤᠭᠠᠨᠤ ᠶᠠᠪᠤᠳᠠᠯᠤᠨ ᠲᠢᠩᠬᠢᠮ ᠡᠴᠡ ᠤᠢᠯᠠᠭᠠᠬᠰᠠᠨ ᠵᠢᠨᠷ᠂ 2022
ᠤᠨᠳᠦ ᠥᠪᠦᠷ ᠮᠤᠩᠭᠤᠯᠤᠨ ᠪᠤᠳᠠᠳᠠᠢ ᠬᠡᠷᠡᠭᠯᠡᠭᠰᠡᠨ ᠭᠠᠳᠠᠭᠠᠳᠤ ᠪᠡᠯᠡ 34.5
ᠳ᠋ᠦᠩᠰᠢᠭᠤᠷ ᠲᠦᠭᠦᠷᠢᠭᠲᠦ ᠬᠦᠷᠴᠡᠢ᠃
✦ 2022
ᠤᠨᠳᠦ ᠪᠦᠬᠦ ᠤᠷᠤᠨᠤ ᠬᠡᠷᠡᠭᠯᠡᠭᠴᠢᠳᠤᠨ ᠡᠷᠬᠡ ᠠᠰᠢᠬᠢ ᠬᠠᠮᠠᠭᠠᠯᠠᠬᠤ ᠦᠢᠯᠡᠴᠢᠯᠡᠬᠡᠨᠤ ᠲᠦᠪ 13
ᠲᠦᠮᠡ ᠭᠠᠷᠤᠢ ᠵᠠᠭᠠᠯᠳᠤᠯᠭᠠ ᠢᠯᠡᠴᠢᠯᠡᠨ ᠮᠡᠳᠡᠬᠦᠯᠦᠯᠳᠡ ᠶᠢ ᠰᠢᠢᠳᠪᠦᠷᠢᠯᠡᠵᠦ᠂ ᠰᠢᠢᠳᠪᠦᠷᠢᠯᠡᠵᠦ
ᠳᠠᠭᠤᠰᠬᠠᠬᠰᠠᠨ ᠨᠤᠷᠮᠠ ᠨᠢ 97% ᠰᠢᠬᠠᠮᠳᠦ ᠬᠦᠷᠴᠦ᠂
ᠬᠡᠷᠡᠭᠯᠡᠭᠴᠢᠳᠤᠨ 1.58 ᠳ᠋ᠦᠩᠰᠢᠭᠤᠷ ᠲᠦᠭᠦᠷᠢᠭᠤᠨ ᠠᠵᠤ ᠠᠬᠤᠢ ᠵᠢᠨ
ᠬᠤᠬᠢᠷᠠᠯᠢ ᠡᠬᠡᠬᠦᠯᠦᠨ ᠠᠪᠴᠢᠷᠠᠬᠰᠠᠨ ᠪᠠᠢᠨᠠ᠃
✦
ᠠᠮᠢ ᠠᠬᠤᠢ ᠤᠷᠴᠢᠨ ᠲᠤᠭᠤᠷᠢᠨᠤ ᠶᠠᠮᠤᠨᠤ 28ᠤ ᠡᠳᠦᠷ ᠨᠡᠢᠳᠡᠯᠡᠭᠰᠡᠨ
ᠮᠡᠳᠡᠬᠡᠶᠢ ᠦᠨᠳᠦᠰᠦᠯᠡᠪᠡᠯ᠂ 2022 ᠤᠨᠤ 1
ᠡᠴᠡ 12 ᠰᠠᠷᠠᠳᠦ ᠪᠦᠬᠦ ᠤᠯᠤᠰᠤᠨ 339
ᠳᠤᠰᠬᠠᠢ ᠤᠷᠤᠨᠤ ᠳᠡᠰ ᠵᠢᠴᠢ ᠲᠡᠭᠦᠨ ᠡᠴᠡ ᠲᠡᠭᠡᠭᠰᠢᠬᠢ ᠬᠤᠳᠠ ᠵᠢᠨ ᠳᠤᠮᠳᠠᠴᠢ ᠠᠭᠠᠷᠤᠨ ᠶᠠᠰᠤ ᠴᠢᠨᠠᠷ
ᠰᠢᠯᠢᠳᠡᠭ ᠰᠠᠢᠨ ᠡᠳᠦᠷᠤᠨ ᠳᠤᠭᠠᠨᠤ ᠬᠠᠷᠢᠴᠠᠯ 86.5%ᠳᠦ
ᠬᠦᠷᠦᠭᠰᠡᠨ ᠪᠠᠢᠨᠠ᠃
✦
ᠤᠯᠤᠰᠤᠨ ᠨᠡᠭᠦᠳᠡᠯ ᠠᠷᠠᠳᠤᠨ ᠬᠠᠮᠢᠶᠠᠷᠤᠯᠳᠠ ᠵᠢᠨ ᠳᠤᠪᠴᠢᠶᠠᠨᠤ ᠮᠡᠳᠡᠬᠡᠶᠢ ᠦᠨᠳᠦᠰᠦᠯᠡᠪᠡᠯ᠂ ᠴᠠᠭᠠᠨ
ᠰᠠᠷᠠ ᠵᠢᠨ ᠠᠮᠠᠷᠠᠯᠳᠠ ᠵᠢᠨ ᠬᠤᠭᠤᠴᠠᠭᠠᠨᠳᠦ ᠪᠦᠬᠦ ᠤᠯᠤᠰᠲᠦ ᠡᠳᠦᠷ ᠪᠦᠷᠢ ᠳᠤᠮᠳᠠᠴᠢ ᠪᠡᠷ 41
ᠲᠦᠮᠡᠨ ᠬᠦᠮᠦᠨ ᠤᠳᠠᠭᠠ ᠬᠢᠯᠢ ᠪᠡᠷ ᠤᠷᠤᠵᠤ ᠭᠠᠷᠴᠠᠢ᠃
✦ 2023
ᠤᠨᠤ ᠴᠠᠭᠠᠨ ᠰᠠᠷᠠ ᠵᠢᠨ ᠠᠮᠠᠷᠠᠯᠳᠠ ᠵᠢᠨ ᠬᠤᠭᠤᠴᠠᠭᠠᠨᠳᠦ ᠲᠡᠮᠦᠷ ᠵᠠᠮ᠂ ᠵᠠᠰᠠᠮᠠᠯ ᠵᠠᠮ᠂ ᠤᠰᠤᠨ
ᠵᠠᠮ᠂ ᠠᠭᠠᠷᠤᠨ ᠠᠶᠠᠯᠠᠯ ᠨᠢ ᠪᠦᠬᠦ ᠤᠯᠤᠰᠲᠦ ᠨᠡᠢᠳᠡ ᠪᠠᠷᠤᠭ 2.26
ᠳ᠋ᠦᠩᠰᠢᠭᠤᠷ ᠬᠦᠮᠦᠨ ᠤᠳᠠᠭᠠ ᠠᠶᠠᠨᠴᠢᠳ ᠬᠦᠷᠬᠡᠵᠡᠢ᠃
ᠠᠵᠤ ᠠᠬᠤᠢ
✦
ᠴᠠᠭᠠᠨ ᠰᠠᠷᠠ ᠵᠢᠨ ᠠᠮᠠᠷᠠᠯᠳᠠ ᠵᠢᠨ ᠬᠤᠭᠤᠴᠠᠭᠠᠨᠳᠦ ᠬᠢᠩᠭᠠᠨ ᠠᠢᠮᠠᠬᠤᠨ ᠬᠢᠨ ᠤᠯᠤᠰᠤᠨ ᠳᠤᠳᠤᠭᠠᠳᠤ
ᠵᠢᠨ ᠵᠢᠭᠤᠯᠴᠢᠯᠠᠬᠰᠠᠳᠢ ᠨᠡᠢᠳᠡ 40.23 ᠲᠦᠮᠡᠨ ᠬᠦᠮᠦᠨ ᠤᠳᠠᠭᠠ
ᠬᠦᠯᠢᠶᠡᠨ ᠠᠪᠴᠤ᠂ ᠵᠢᠭᠤᠯᠴᠢᠯᠠᠯᠤᠨ ᠤᠷᠤᠯᠭᠠ ᠨᠢ 1.57
ᠳ᠋ᠦᠩᠰᠢᠭᠤᠷ ᠲᠦᠭᠦᠷᠢᠭᠲᠦ ᠬᠦᠷᠴᠠᠢ᠃
✦
ᠡᠨᠡ ᠵᠢᠯ ᠮᠠᠨᠤ ᠤᠯᠤᠰ ᠰᠢᠷᠠ ᠪᠤᠷᠴᠠᠭᠤᠨ ᠳᠤᠰᠤᠯᠢᠬ ᠲᠠᠷᠢᠮᠠᠯᠤᠨ ᠦᠢᠯᠡᠳᠪᠦᠷᠢᠯᠡᠯᠤᠨ
ᠴᠢᠳᠠᠪᠤᠷᠢᠶᠢ ᠳᠡᠭᠡᠭᠰᠢᠯᠡᠬᠦᠯᠬᠦ ᠢᠨᠵᠧᠨᠧᠷᠢᠩᠢ ᠦᠷᠬᠦᠯᠵᠢᠯᠡᠨ ᠠᠬᠢᠭᠤᠯᠵᠤ᠂ ᠰᠢᠷᠠ ᠪᠤᠷᠴᠠᠭᠤᠨ
ᠳᠤᠰᠤᠯᠢᠬ ᠲᠠᠷᠢᠮᠠᠯᠤᠨ ᠳᠠᠯᠠᠪᠠᠢᠶᠢ 3.5 ᠳ᠋ᠦᠩᠰᠢᠭᠤᠷ ᠮᠦ᠍ ᠡᠴᠡ
ᠲᠡᠭᠡᠭᠰᠢ ᠳᠤᠬᠳᠠᠭᠤᠨ ᠪᠠᠢᠯᠭᠠᠬᠤᠶᠢ ᠪᠠᠳᠤᠯᠠᠬᠤ ᠪᠡᠷ ᠪᠤᠢ᠃
ᠲᠦᠷᠢᠮ ᠲᠣᠭ᠍ᠲᠠᠭᠠᠯ
✦ 28ᠤ
ᠡᠳᠦᠷ 《ᠶᠦᠨᠨᠠᠨ ᠮᠤᠵᠢ ᠵᠢᠨ ᠡᠷᠳᠡᠨᠤ ᠴᠠᠢ ᠵᠢᠨ ᠮᠤᠳᠤᠶᠢ
ᠬᠠᠮᠠᠭᠠᠯᠠᠬᠤ ᠲᠦᠷᠢᠮ ᠳᠤᠬᠳᠠᠭᠠᠯ》 ᠢ ᠬᠢᠨᠠᠨ ᠪᠠᠳᠤᠯᠠᠵᠤ᠂
ᠲᠦᠷᠢᠮ ᠳᠤᠬᠳᠠᠭᠠᠯ ᠨᠢ ᠴᠠᠢ ᠵᠢᠨ ᠮᠤᠳᠤᠨᠤ ᠨᠠᠰᠤ ᠵᠢᠯ ᠪᠠ ᠤᠷᠭᠤᠯᠳᠠ ᠡᠬᠦᠰᠦᠯ ᠵᠡᠷᠭᠡ ᠬᠤᠶᠠᠷ ᠳᠠᠯᠠ
ᠡᠴᠡ ᠬᠠᠮᠠᠭᠠᠯᠠᠬᠤ ᠭᠡᠵᠦ ᠡᠷᠳᠡᠨᠤ ᠴᠠᠢ ᠵᠢᠨ ᠮᠤᠳᠤᠨᠳᠦ ᠬᠢᠨᠠᠨ ᠳᠤᠬᠳᠠᠭᠠᠯᠳᠠ ᠬᠢᠵᠠᠢ᠃ ᠳᠤᠰ ᠲᠦᠷᠢᠮ
ᠳᠤᠬᠳᠠᠭᠠᠯᠢ 2023 ᠤᠨᠤ 3
ᠰᠠᠷᠠ ᠵᠢᠨ 1ᠤ ᠡᠳᠦᠷ ᠡᠴᠡ ᠡᠬᠢᠯᠡᠨ ᠬᠡᠷᠡᠭᠵᠢᠭᠦᠯᠬᠦ ᠪᠡᠷ ᠪᠤᠢ᠃
ᠰᠣᠶᠣᠯ
✦
ᠲᠦᠷᠦᠬᠦᠬᠡᠨ ᠨᠢᠭᠡᠨᠳᠡ ᠠᠷᠪᠠᠨ ᠵᠢᠯ ᠰᠢᠬᠠᠮ ᠪᠡᠯᠡᠳᠬᠡᠭᠰᠡᠨ ᠬᠠᠭᠠᠨᠤ ᠤᠷᠳᠤᠨᠤ ᠮᠦᠽᠧᠢ ᠵᠢᠨ ᠬᠤᠢᠳᠤ
ᠬᠦᠷᠢᠶᠡᠯᠡᠩ ᠲᠤᠭᠤᠷᠢᠭᠢ ᠵᠢᠩᠬᠢᠨᠢ ᠪᠡᠷ ᠪᠠᠷᠢᠯᠭᠠ ᠡᠬᠢᠯᠡᠬᠦᠯᠪᠡ᠃ ᠲᠦᠷᠦᠯ ᠵᠦᠢᠯ ᠨᠢ ᠪᠡᠭᠡᠵᠢᠩᠤᠨ
ᠪᠠᠷᠠᠭᠤᠨ ᠬᠤᠢᠳᠤ ᠲᠡᠭᠦᠷᠭᠡ ᠵᠢᠨ ᠬᠠᠢ ᠳ᠋ᠢᠶᠠᠨ ᠲᠤᠭᠤᠷᠢᠭᠤᠨ ᠪᠠᠷᠠᠭᠤᠨ ᠬᠤᠢᠳᠤᠬᠢ ᠸᠠᠩ ᠵᠧᠨ
ᠪᠠᠯᠭᠠᠰᠤᠨᠤ ᠰᠢ ᠢᠦᠢ ᠾᠧ ᠳᠤᠰᠬᠤᠨᠳᠦ ᠪᠤᠢ᠃
✦
ᠲᠦᠷᠦᠬᠦᠬᠡᠨ 2022- 2023
ᠤᠨᠤ ᠠᠩᠬᠠᠨᠤ ᠪᠦᠯᠦᠭ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠳᠠ ᠵᠢᠨ ᠪᠠᠷᠢᠯᠭᠠ ᠵᠢᠨ ᠯᠦ᠍ ᠪᠠᠨ
ᠱᠠᠩᠨᠠᠯ（ᠤᠯᠤᠰᠤᠨ ᠴᠢᠨᠠᠷ ᠰᠠᠢᠳᠠᠢ ᠪᠠᠷᠢᠯᠭᠠ）ᠳᠦ
ᠰᠤᠩᠭᠤᠬᠳᠠᠬᠰᠠᠨ ᠨᠡᠷᠡᠰᠢ ᠨᠡᠢᠳᠡᠯᠡᠪᠡ᠃ ᠡᠬᠦᠨᠳᠦ ᠰᠢᠯᠢ ᠵᠢᠨ ᠭᠤᠤᠯ ᠠᠢᠮᠠᠬᠤᠨ ᠮᠤᠩᠭᠤᠯ
ᠦᠨᠳᠦᠰᠦᠳᠡᠨᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠰᠢᠨᠡ
ᠰᠤᠷᠭᠠᠭᠤᠯᠢ ᠵᠢᠨ ᠲᠤᠭᠤᠷᠢᠭᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠳᠠ《2022 - 2023
ᠤᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠳᠠ ᠵᠢᠨ ᠪᠠᠷᠢᠯᠭᠠ ᠵᠢᠨ 〈ᠯᠦ᠍
ᠪᠠᠨ ᠱᠠᠩᠨᠠᠯ〉》ᠢ ᠬᠦᠷᠳᠡᠭᠰᠡᠨ ᠪᠠᠢᠨᠠ᠃
✦
ᠲᠦᠷᠦᠭᠦᠭᠡᠨ ᠬᠦᠳᠡᠬᠡ ᠠᠵᠤ ᠠᠬᠤᠢ ᠬᠦᠳᠡᠬᠡ ᠳᠤᠰᠬᠤᠨᠤ ᠶᠠᠮᠤᠨᠤ ᠰᠦᠯᠵᠢᠶᠠᠨᠳᠦ 2022
ᠤᠨᠤ ᠪᠦᠬᠦ ᠤᠯᠤᠰᠤᠨ ᠰᠡᠯᠡᠬᠦᠴᠡᠯ ᠲᠠᠷᠢᠶᠠᠯᠠᠩᠤᠨ ᠭᠤᠤᠯᠳᠠᠯᠭᠠ ᠲᠠᠢ ᠰᠢᠶᠠᠨᠤ ᠨᠡᠷᠡᠰᠢ
ᠨᠡᠢᠳᠡᠯᠡᠵᠦ᠂ ᠥᠪᠦᠷ ᠮᠤᠩᠭᠤᠯᠤᠨ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠵᠢᠨ ᠬᠡᠰᠢᠭᠳᠡᠨ ᠬᠤᠰᠢᠭᠤ᠂ ᠬᠦᠯᠦᠨ ᠪᠤᠢᠷ ᠬᠤᠳᠠ
ᠵᠢᠨ ᠮᠤᠷᠢᠨᠳᠠᠪᠠᠭᠠ ᠳᠠᠭᠤᠷ ᠦᠨᠳᠦᠰᠦᠳᠡᠨᠤ ᠥᠪᠡᠷᠳᠡᠬᠡᠨ ᠵᠠᠰᠠᠬᠤ ᠬᠤᠰᠢᠭᠤ ᠰᠤᠩᠭᠤᠬᠳᠠᠵᠠᠢ᠃
ᠲᠠᠮᠢᠷ
✦ ᠭᠦ
ᠠᠢ ᠯᠢᠩ ᠰᠢᠷᠬᠠᠳᠤᠬᠰᠠᠨ ᠡᠴᠡ ᠪᠤᠯᠵᠤ ᠳᠡᠯᠡᠬᠡᠢ ᠵᠢᠨ ᠰᠢᠨᠳᠠᠰᠤ ᠰᠢᠯᠭᠠᠬᠤ ᠪᠡᠶᠡ ᠵᠢᠨ ᠲᠠᠮᠢᠷᠤᠨ
ᠴᠤᠬᠯᠠᠭᠠᠨᠳᠦ ᠤᠷᠤᠯᠴᠠᠬᠤ ᠪᠡᠨ ᠪᠤᠯᠢᠪᠠ᠃
✦ 1
ᠰᠠᠷᠠ ᠵᠢᠨ 28ᠤ ᠡᠳᠦᠷ ᠤᠯᠤᠰᠤᠨ ᠪᠡᠶᠡ ᠵᠢᠨ ᠲᠠᠮᠢᠷᠤᠨ ᠶᠡᠷᠦᠩᠬᠡᠢ
ᠳᠤᠪᠴᠢᠶᠠ ᠵᠢᠨ ᠠᠯᠠᠭᠠᠳᠠᠬᠤ ᠪᠦᠮᠪᠦᠬᠡ ᠵᠢᠨ ᠲᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨᠤ ᠬᠠᠮᠢᠶᠠᠷᠤᠯᠳᠠ ᠵᠢᠨ ᠲᠦᠪ
ᠡᠴᠡ 2023 ᠤᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠯᠠᠭᠠᠳᠠᠬᠤ ᠪᠦᠮᠪᠦᠬᠡ ᠵᠢᠨ
ᠠᠩᠬᠠᠨᠤ ᠲᠦᠪᠯᠡᠷᠡᠬᠦᠯᠦᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠲᠠᠮᠢᠷᠴᠢᠳᠤᠨ ᠨᠡᠷᠡᠰᠢ ᠨᠡᠢᠳᠡᠯᠡᠵᠦ᠂ ᠯᠢ ᠶᠢᠩ ᠶᠢᠩ᠂
ᠶᠤᠸᠠᠨ ᠰᠢᠨ ᠶᠤᠸᠠᠢ ᠵᠡᠷᠭᠡ ᠲᠠᠮᠢᠷᠴᠢᠳ
ᠰᠤᠩᠭᠤᠬᠳᠠᠨ᠂ ᠵᠦ᠍ ᠲᠢᠩ ᠪᠤᠯᠤᠨ ᠶᠤᠤ ᠳᠢ ᠳᠤᠰ ᠨᠡᠷᠡᠰᠲᠦ ᠰᠤᠩᠭᠤᠬᠳᠠᠬᠰᠠᠨ ᠦᠭᠡᠢ᠃
✦ 1
ᠰᠠᠷᠠ ᠵᠢᠨ 27ᠤ ᠡᠳᠦᠷ ᠵᠡᠬᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨᠤ
ᠦᠨᠳᠦᠰᠦᠳᠡᠨᠤ ᠤᠯᠠᠮᠵᠢᠯᠠᠯᠳᠤ ᠰᠤᠷ ᠬᠠᠷᠪᠤᠭᠠ ᠵᠢᠨ ᠨᠡᠢᠭᠡᠮᠯᠢᠭᠤᠨ 2022
ᠤᠨᠤ《ᠤᠨᠤ ᠮᠠᠩᠯᠠᠢ》ᠰᠢᠯᠭᠠᠷᠠᠭᠤᠯᠬᠤ
ᠤᠷᠤᠯᠳᠤᠭᠠᠨ ᠠᠮᠵᠢᠯᠳᠠ ᠲᠦᠭᠦᠷᠡᠩ ᠶᠠᠪᠤᠬᠳᠠᠵᠠᠢ᠃
ᠳᠡᠯᠡᠬᠡᠢ
✦
ᠦᠺᠷᠠᠢᠨᠤ ᠬᠢᠮᠤᠷᠠᠯ ᠨᠢ ᠠᠮᠧᠷᠢᠺᠠ ᠵᠢᠨ 2022 ᠤᠨᠤ ᠡᠳ᠋ᠤᠨ
ᠵᠠᠰᠠᠬᠤᠨ ᠴᠡᠷᠢᠭᠤᠨ ᠪᠤᠷᠤᠯᠠᠭᠤᠯᠭᠠ ᠵᠢᠨ ᠳᠤᠭᠠᠶᠢ ᠲᠦᠷᠬᠡᠨ ᠵᠢᠨᠷ ᠨᠡᠮᠡᠭᠳᠡᠬᠦᠯᠵᠠᠢ᠃
✦
ᠵᠦᠩ ᠰᠢᠨ ᠰᠦᠯᠵᠢᠶᠡ ᠵᠢᠨ ᠮᠡᠳᠡᠬᠡᠶᠢ ᠦᠨᠳᠦᠰᠦᠯᠡᠪᠡᠯ᠂ ᠡᠸᠦ᠋ᠷᠦᠫᠠ ᠵᠢᠨ ᠬᠤᠯᠪᠤᠭᠠ ᠨᠢ ᠤᠷᠤᠰᠤᠨ
ᠴᠢᠯᠠᠭᠤᠨ ᠳᠤᠰᠤᠨᠤ ᠪᠦᠲᠦᠬᠡᠭᠳᠡᠬᠦᠨᠢ ᠵᠦᠭᠡᠭᠡᠪᠦᠷᠢᠯᠡᠬᠦᠶᠢ ᠴᠠᠭᠠᠵᠠᠯᠠᠬᠤ ᠡᠴᠡ ᠡᠮᠦᠨᠡ ᠵᠠᠪᠳᠤᠵᠤ
ᠤᠷᠤᠰ ᠡᠴᠡ ᠶᠡᠬᠡ ᠬᠡᠮᠵᠢᠶᠡᠨᠤ ᠴᠠᠢᠶᠢᠦ ᠳᠤᠰᠤ ᠬᠤᠳᠠᠯᠳᠤᠨ ᠠᠪᠴᠤ ᠪᠠᠢᠨᠠ᠃
ᠦᠢᠯᠡᠴᠢᠯᠡᠭᠡ
✦
ᠮᠧᠩ ᠱᠠᠩ ᠪᠠᠩᠬᠢ ᠠᠵᠢᠯᠳᠠᠨ ᠡᠯᠰᠡᠬᠦ ᠪᠡᠷ ᠪᠤᠢ᠃
✦
ᠬᠠᠭᠠᠨᠤ ᠤᠷᠳᠤᠨᠤ ᠮᠦᠽᠧᠢ 2 ᠰᠠᠷᠠ ᠵᠢᠨ 1ᠤ
ᠡᠳᠦᠷ ᠪᠠᠬᠰᠢ ᠪᠤᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠵᠢᠩᠬᠢᠨᠢ ᠠᠩᠬᠢ ᠵᠢᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ᠂ ᠳᠤᠰᠬᠠᠢ
ᠮᠡᠷᠭᠡᠵᠢᠯᠤᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠵᠢᠨ ᠰᠤᠷᠤᠬᠴᠢᠳ ᠡᠴᠡ ᠰᠦᠢᠳᠬᠡᠯ ᠬᠤᠷᠢᠶᠠᠬᠤ ᠦᠭᠡᠢ ᠨᠡᠬᠡᠬᠡᠬᠦ
ᠪᠤᠯᠤᠨᠠ᠃
ᠲᠠᠨ ᠤ ᠳᠣᠰᠠ ᠳᠤ
✦
ᠤᠨᠳᠠᠬᠤ ᠵᠢᠨ ᠳᠤᠬᠠᠢ ᠬᠡᠳᠦᠨ ᠰᠠᠨᠠᠭᠤᠯᠤᠮᠵᠢᠶᠢ ᠲᠠ ᠪᠦᠬᠦᠨ ᠲᠠᠢ ᠪᠡᠨ ᠬᠤᠪᠢᠶᠠᠯᠴᠠᠶᠠ᠃ ᠨᠢᠬᠡᠳᠦ᠂
ᠰᠡᠷᠢᠴᠢᠬᠡᠬᠡᠳ ᠤᠷᠤᠨ ᠡᠴᠡ ᠪᠡᠨ ᠪᠤᠰᠬᠤ ᠦᠭᠡᠢ ᠪᠠᠢᠳᠠᠯᠳᠦ ᠴᠠᠬᠤᠨ ᠬᠢᠵᠠᠭᠠᠷ ᠪᠠᠢᠳᠠᠭ᠃ 15
ᠡᠴᠡ 30 ᠮᠢᠨᠦ᠋ᠲᠤᠨ ᠳᠤᠳᠤᠷᠠ ᠬᠠᠮᠤᠭ ᠳᠤᠬᠢᠷᠠᠮᠵᠢᠳᠠᠢ
ᠪᠠᠢᠵᠤ᠂ ᠬᠡᠳᠦᠷᠡᠪᠡᠯ ᠲᠠᠷᠢᠬᠢᠨᠤ ᠴᠢᠰᠤᠨᠤ ᠬᠠᠩᠭᠠᠯᠭᠠ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠠᠢᠳᠠᠯ ᠡᠬᠦᠰᠳᠡᠭ；
ᠬᠤᠶᠠᠷᠲᠦ᠂ ᠤᠷᠳᠤ ᠬᠤᠭᠤᠴᠠᠭᠠ ᠪᠡᠷ ᠰᠦᠨᠢᠵᠢᠨ ᠤᠨᠳᠠᠬᠤ ᠦᠭᠡᠢ ᠪᠠᠢᠬᠤ ᠨᠢ ᠪᠡᠶᠡᠳᠦ ᠶᠡᠬᠡ ᠬᠤᠤᠷ
ᠬᠦᠨᠦᠬᠡᠯ ᠲᠠᠢ ᠪᠠᠢᠳᠠᠭ； ᠭᠤᠷᠪᠠᠳᠦ᠂ ᠵᠠᠷᠢᠮ ᠬᠦᠮᠦᠰ ᠦᠷᠬᠦᠯᠵᠢ ᠬᠡᠳᠦᠷᠡᠳᠡᠯᠡ ᠤᠨᠳᠠᠬᠤ ᠡᠴᠡ ᠪᠡᠨ
ᠡᠮᠢᠶᠡᠳᠡᠭ᠂ ᠡᠨᠡ ᠨᠢ ᠤᠨᠳᠠᠯᠭᠠ ᠵᠢᠨ ᠶᠠᠰᠤ ᠴᠢᠨᠠᠷᠢ ᠨᠦᠯᠦᠭᠡᠯᠡᠳᠡᠭ᠃ ᠪᠤᠯᠤᠮᠵᠢ ᠲᠠᠢ ᠪᠤᠯ
ᠰᠡᠷᠢᠬᠦᠯᠬᠡ ᠳᠠᠯᠪᠢᠬᠤ ᠦᠭᠡᠢ ᠰᠠᠨᠠᠭᠠᠨ ᠳᠠᠪᠠ ᠪᠡᠷ ᠵᠢᠨᠨ ᠤᠨᠳᠠᠵᠤ ᠰᠡᠷᠢᠪᠡᠯ ᠪᠡᠶᠡᠳᠦ ᠰᠠᠢᠨ；
ᠲᠦᠷᠪᠡᠳᠦ᠂ ᠤᠨᠳᠠᠯᠭᠠ ᠵᠢᠨ ᠦᠷᠦᠬᠡᠨᠤ ᠪᠡᠨ ᠤᠷᠴᠢᠨ ᠲᠤᠭᠤᠷᠢᠨᠢ ᠲᠠᠭᠠᠯᠠᠮᠵᠢᠳᠠᠢ ᠪᠠᠢᠯᠭᠠᠵᠤ᠂
ᠡᠯᠧᠺᠲ᠋ᠷᠤᠨ ᠲᠦᠭᠦᠭᠡᠷᠦᠮᠵᠢ ᠡᠴᠡ ᠬᠤᠯᠠᠬᠠᠨ ᠪᠠᠢᠵᠤ᠂ ᠳ᠋ᠧᠩᠤᠨ ᠬᠡᠷᠡᠯ ᠪᠦᠳᠡᠬᠢ ᠪᠠᠢᠪᠠᠯ ᠵᠤᠬᠢᠨᠠ᠃
ᠵᠠᠯᠭᠠᠭᠠᠳ《ᠮᠢᠨᠤ
ᠰᠠᠢᠬᠠᠨ ᠨᠠᠢᠵᠠ》ᠲᠠᠭᠤᠤ ᠪᠡᠷ ᠠᠶᠠ ᠪᠠᠷᠢᠵᠤ ᠨᠡᠪᠳᠡᠷᠡᠭᠦᠯᠬᠡ ᠪᠡᠨ
ᠵᠢᠷᠭᠠᠭᠠᠶᠠ᠂ ᠨᠡᠪᠳᠡᠷᠡᠭᠦᠯᠬᠡ ᠮᠠᠨᠢ ᠲᠠ ᠪᠦᠬᠦᠨᠳᠦ ᠲᠠᠭᠠᠯᠠᠬᠳᠠᠬᠰᠠᠨ ᠪᠤᠯ ᠤᠳᠤᠨ ᠳᠡᠮᠳᠡᠭ ᠱᠠᠩᠨᠠᠵᠤ
ᠤᠷᠮᠠ ᠬᠠᠢᠷᠠᠯᠠᠭᠠᠷᠠᠢ᠂ ᠲᠠᠬᠢᠨ ᠠᠭᠤᠯᠵᠠᠳᠠᠯᠠ ᠪᠡᠨ ᠲᠦᠷ ᠪᠠᠶᠠᠷᠳᠠᠢ！
（ᠢᠷᠡᠯᠳᠡ᠄ ᠰᠢᠨᠬᠤᠧᠠ
ᠬᠤᠷᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠷᠠᠳᠤᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠵᠤ
ᠠᠬᠤᠢ ᠵᠢᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂
ᠮᠠᠨᠤ ᠤᠷᠤᠨᠤ ᠡᠯᠠ ᠠᠢᠮᠠᠭ ᠬᠤᠳᠠ᠂
ᠬᠤᠰᠢᠭᠤ ᠰᠢᠶᠠᠨᠤ ᠵᠢᠷᠬᠢᠶᠠᠶᠢᠨ
ᠲᠠᠪᠴᠠᠩ）