ᠨᠡᠢᠭᠡᠮ
✦ ᠤᠯᠤᠰᠤᠨ ᠭᠠᠢᠯᠢᠶᠢᠨ ᠶᠠᠪᠤᠳᠠᠯᠤᠨ
ᠶᠡᠷᠦᠩᠬᠡᠢ ᠲᠣᠪᠴᠢᠶᠠᠶᠢᠨ ᠮᠡᠳᠡᠭᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠡᠨᠡ ᠵᠢᠯᠦᠨ ᠲᠦᠷᠦᠭᠦᠸ᠋ 11 ᠰᠠᠷᠠᠳᠤ
ᠭᠠᠢᠯᠢᠶᠢᠨ ᠶᠠᠪᠤᠳᠠᠯᠤᠨ ᠰᠠᠯᠠᠭᠠ ᠮᠥᠴᠢᠷ ᠨᠡᠶ᠋ᠢᠲᠡ 3904 ᠠᠶᠤᠯ ᠲᠦᠭᠰᠢᠭᠦᠷᠢ ᠶᠡᠬᠡᠲᠡᠢ ᠲᠣᠰᠣ᠌
ᠨᠡᠮᠡᠬᠦ ᠥᠷᠲᠡᠭᠡᠶᠢ ᠪᠠᠢᠴᠠᠭᠠᠨ ᠰᠢᠢᠳᠪᠦᠷᠢᠯᠡᠵᠦ᠂ ᠭᠠᠢᠯᠢᠶᠢᠨ ᠵᠣᠭᠣᠰᠢ 41.63 ᠳ᠋ᠦᠩᠰᠢᠭᠤᠷ
ᠲᠥᠭᠥᠷᠢᠭ ᠪᠠᠢᠴᠠᠭᠠᠨ ᠨᠥᠬᠥᠪᠦᠷᠢᠯᠡᠪᠡ᠃ ᠰᠦᠯᠵᠢᠶᠡᠨᠦ ᠨᠡᠷᠡᠲᠦ ᠬᠥᠮᠥᠰ ᠢ᠋ ᠪᠠᠭᠲᠠᠭᠠᠭᠰᠠᠨ 1818 《ᠬᠣᠣᠰ ᠥᠨᠳᠥᠷ》 ᠠᠵᠢᠯᠲᠠᠨ ᠢ᠋ ᠪᠠᠢᠴᠠᠭᠠᠨ
ᠰᠢᠢᠳᠪᠦᠷᠢᠯᠡᠵᠦ᠂ 15.23 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠦᠨ ᠭᠠᠢᠯᠢ ᠶ᠋ᠢᠨ ᠵᠣᠭᠣᠰ ᠢ᠋ ᠪᠠᠢᠴᠠᠭᠠᠨ
ᠨᠥᠬᠥᠪᠦᠷᠢᠯᠡᠪᠡ᠃
✦ ᠣᠢᠷᠠᠳᠤ ᠤᠯᠤᠰᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ
ᠡᠷᠡᠭᠦᠯ ᠮᠡᠨᠳᠦᠶᠢᠨ ᠵᠥᠪᠯᠡᠯ 《ᠦᠨᠳᠦᠰᠦᠨ ᠱᠠᠲᠤᠨᠤ
ᠤᠳᠠᠭᠠᠨ ᠴᠢᠨᠠᠷᠲᠠᠢ ᠡᠪᠡᠳᠴᠢᠨᠦ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠦ
ᠴᠢᠳᠠᠪᠤᠷᠢ ᠶᠢᠨ ᠪᠠᠢᠭᠤᠯᠤᠯᠲᠠᠶᠢᠨ ᠵᠢᠯᠣᠭᠣᠳᠤᠮᠵᠢ》ᠶ᠋ᠢ
ᠨᠡᠢᠲᠡᠯᠡᠵᠦ᠂ ᠡᠯᠡ ᠭᠠᠵᠠᠷᠤᠨ ᠬᠢᠨᠦ ᠬᠡᠷᠡᠭᠴᠡᠭᠡᠪᠡᠨ ᠦᠨᠳᠦᠰᠦᠯᠡᠨ ᠦᠨᠳᠦᠰᠦᠨ ᠱᠠᠲᠤᠨᠤ ᠤᠳᠠᠭᠠᠨ
ᠴᠢᠨᠠᠷᠲᠠᠢ ᠡᠪᠡᠳᠴᠢᠨᠦ ᠡᠷᠡᠭᠦᠯ ᠮᠡᠨᠳᠦᠶᠢᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠦᠢᠯᠡᠴᠢᠯᠡᠭᠡᠨ ᠤ᠋ ᠴᠢᠳᠠᠪᠤᠷᠢᠶᠢᠨ
ᠪᠠᠢᠭᠤᠯᠤᠯᠲᠠᠶᠢ ᠠᠬᠢᠭᠤᠯᠵᠤ᠂《ᠨᠢᠭᠡ ᠥᠷᠲᠡᠭᠡᠴᠢᠯᠡᠭᠰᠡᠨ
ᠮᠠᠶᠢᠭ᠋》ᠤ᠋ᠨ ᠴᠢᠳᠠᠮᠵᠢᠶᠢ ᠨᠢᠭᠡᠳᠬᠡᠭᠰᠡᠨ ᠦᠨᠳᠦᠰᠦᠨ ᠱᠠᠲᠤᠨᠤ
ᠤᠳᠠᠭᠠᠨ ᠴᠢᠨᠠᠷᠲᠠᠢ ᠡᠪᠡᠳᠴᠢᠨᠦ ᠡᠷᠡᠭᠦᠯ ᠮᠡᠨᠳᠦᠶᠢᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠬᠤ
ᠵᠢ ᠵᠢᠭᠠᠨ ᠵᠢᠯᠤᠭᠣᠳᠴᠠᠢ᠃
✦ ᠳᠤᠮᠳᠠᠳᠤ ᠪᠢᠷᠮᠠᠲᠠᠢ ᠤᠯᠤᠰ ᠭᠤᠷᠪᠠᠨ
ᠤᠯᠤᠰᠤᠨ ᠴᠠᠭᠳᠠᠭᠠᠨ ᠤ᠋ ᠲᠠᠯᠠᠶᠢᠨ ᠬᠢᠨᠦ ᠴᠠᠬᠢᠯᠭᠠᠨ ᠬᠣᠯᠪᠣᠭᠠ ᠰᠦᠯᠵᠢᠶᠡᠨᠦ ᠮᠡᠬᠡᠯᠡᠯᠦᠨ
ᠶᠠᠯᠠᠲᠤ ᠠᠵᠢᠯᠯᠠᠭᠠᠳᠤ ᠴᠣᠬᠢᠯᠲᠠ ᠥᠭᠬᠦ ᠬᠠᠮᠲᠤᠷᠠᠭᠰᠠᠨ ᠠᠵᠢᠯᠯᠠᠭᠠᠶᠢᠨ ᠭᠦᠨᠵᠡᠭᠡᠢᠷᠡᠬᠦᠶᠢ
ᠳᠠᠭᠠᠯᠳᠤᠨ᠂ ᠤᠷᠴᠢᠮᠬᠠᠨ ᠪᠢᠷᠮᠠᠶᠢᠨ ᠮᠢᠶᠠᠸᠠᠳᠢ ᠣᠷᠣᠨ ᠳ᠋ᠡᠬᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠷᠢᠶᠠᠲᠠᠢ
ᠬᠢᠬᠠᠨ ᠮᠡᠬᠡᠯᠡᠭᠰᠡᠨ ᠶᠠᠯᠠ ᠬᠢᠭᠰᠡᠨ 1178 ᠰᠡᠵᠢᠭᠲᠡᠨᠢ ᠮᠠᠨᠤ ᠤᠯᠤᠰᠲᠠᠢ ᠤᠯᠤᠰ ᠤ᠋ᠨ
ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠪᠠᠢᠭᠤᠯᠭᠠ ᠪᠡᠷ ᠳᠠᠮᠵᠢᠨ ᠪᠠᠷᠢᠪᠴᠢᠯᠠᠵᠤ ᠠᠪᠴᠢᠷᠠᠪᠠ᠃
✦ 2025 ᠣᠨ ᠠ᠋ᠴᠠ ᠨᠠᠭᠠᠰᠢ᠂ ᠦᠪᠦᠷ ᠮᠤᠨᠭᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ
ᠣᠷᠣᠨᠤ ᠡᠮᠡᠭᠲᠡᠢᠴᠦᠳᠦᠨ ᠬᠣᠯᠪᠣᠭᠠ ᠪᠥᠬᠥ ᠤᠯᠤᠰᠤᠨ ᠡᠮᠡᠭᠲᠡᠢᠴᠦᠳᠦᠨ ᠰᠠᠭᠤᠷᠢ ᠮᠥᠩᠭᠥᠨᠦ ᠨᠡᠢᠭᠡᠮᠯᠢᠭ᠂
ᠬᠡᠦᠬᠡᠳᠦᠨ ᠰᠠᠭᠤᠷᠢ ᠮᠥᠩᠭᠥᠨᠦ ᠨᠡᠢᠭᠡᠮᠯᠢᠭ ᠪᠣᠯᠣᠨ ᠨᠡᠢᠭᠡᠮᠦᠨ ᠡᠯᠡ ᠡᠲᠡᠭᠡᠳᠦᠨ ᠳᠡᠮᠵᠢᠯᠭᠡ ᠳᠣᠣᠷᠠ
ᠨᠡᠶ᠋ᠢᠲᠡᠶᠢᠨ ᠠᠰᠠᠷᠠᠮᠵᠢᠶᠢᠨ ᠬᠠᠢᠷᠠ ᠬᠠᠯᠠᠮᠵᠢᠶᠢᠨ ᠵᠣᠭᠣᠰ ᠮᠥᠩᠭᠥ ᠡᠳ᠋ ᠪᠣᠳᠠᠰᠢ 4972 ᠲᠦᠮᠡᠨ ᠲᠥᠭᠥᠷᠢᠭ
ᠴᠤᠭᠯᠠᠭᠤᠯᠵᠤ᠂ ᠬᠠᠯᠠᠮᠵᠢᠯᠠᠨ ᠬᠠᠢᠷᠠᠯᠠᠵᠤ ᠬᠠᠪᠰᠤᠷᠤᠨ ᠲᠡᠳᠬᠦᠬᠦ 35 ᠲᠦᠷᠦᠯ ᠵᠦᠢᠯ ᠢ᠋ ᠬᠡᠷᠡᠭᠵᠢᠭᠦᠯᠵᠦ
ᠪᠤᠢ᠃
✦ 2025 — 2026 ᠬᠥᠬᠡᠬᠣᠲᠠᠶᠢᠨ ᠴᠠᠰᠤ ᠮᠥᠰᠥᠨᠤ ᠵᠢᠭᠤᠯᠴᠢᠯᠠᠯ ᠤ᠋ᠨ
ᠤᠯᠠᠷᠢᠯ 7ᠤ ᠡᠳᠦᠷᠡᠴᠡ ᠡᠬᠢᠯᠡᠵᠦ᠂ ᠬᠣᠲᠠᠶᠢᠨ ᠠᠷᠠᠳ 2025 ᠣᠨᠤ 12 ᠰᠠᠷᠠᠶᠢᠨ 7ᠡᠴᠡ 2026
ᠣᠨᠤ 1 ᠰᠠᠷᠠᠶᠢᠨ 7ᠤ ᠡᠳᠦᠷᠦᠨ ᠬᠣᠭᠣᠷᠣᠨᠳᠤ ᠵᠢᠭᠠᠨ ᠲᠣᠭᠲᠠᠭᠠᠭᠰᠠᠨ ᠦᠵᠡᠮᠵᠢᠶᠢᠨ ᠣᠷᠣᠨ᠂ ᠬᠣᠨᠣᠭ
ᠬᠣᠭᠣᠯᠠ ᠤᠮᠳᠠᠭᠠᠨᠤ ᠭᠠᠵᠠᠷ ᠲᠸ᠋ ᠬᠢᠮᠳᠠᠷᠠᠯ ᠬᠦᠷᠲᠡᠵᠦ ᠪᠣᠯᠣᠨᠠ᠃
✦ 2026 ᠣᠨᠤ 1 ᠰᠠᠷᠠ ᠠ᠋ᠴᠠ ᠡᠬᠢᠯᠡᠨ
ᠬᠥᠯᠥᠨ ᠪᠣᠶ᠋ᠢᠷ ᠬᠤᠲᠠ ᠥᠨᠳᠥᠷ ᠨᠠᠰᠤᠨᠤ ᠨᠥᠬᠥᠪᠦᠷᠢ ᠣᠯᠭᠣᠬᠤ ᠠᠷᠭᠠ ᠮᠠᠶᠢᠭ᠋ᠲᠤ
ᠲᠣᠬᠢᠷᠠᠭᠤᠯᠤᠯᠲᠠ ᠬᠢᠵᠦ᠂ ᠰᠠᠷᠠ ᠪᠦᠷᠢ ᠭᠡᠷᠡᠴᠢᠯᠡᠬᠦ ᠱᠠᠭᠠᠷᠳᠠᠯᠭᠠ ᠨᠡᠮᠡᠵᠡᠢ᠃ ᠥᠨᠳᠥᠷ ᠨᠠᠰᠤᠨᠤ ᠨᠥᠬᠥᠪᠦᠷᠢᠳᠦ 《ᠲᠣᠰ ᠰᠠᠷᠠᠳᠤ ᠭᠡᠷᠡᠴᠢᠯᠡᠭᠡ ᠬᠢᠵᠦ᠂ ᠳᠠᠷᠠᠭᠠ ᠰᠠᠷᠠᠳᠤ ᠣᠯᠭᠣᠬᠤ》 ᠳᠦᠷᠢᠮᠢ ᠬᠡᠷᠡᠭᠵᠢᠭᠦᠯᠵᠦ᠂ ᠰᠠᠷᠠ ᠪᠦᠷᠢ ᠭᠡᠷᠡᠴᠢᠯᠡᠭᠡ ᠬᠢᠯᠭᠡᠭᠰᠡᠨ
ᠨᠠᠰᠤᠲᠠᠢᠴᠤᠳᠤᠨ ᠨᠥᠬᠥᠪᠦᠷᠢᠶᠢ ᠳᠠᠷᠠᠭᠠ ᠰᠠᠷᠠᠶᠢᠨ 10ᠤ ᠡᠳᠦᠷᠡᠴᠡ ᠡᠮᠦᠨᠡ ᠲᠠᠩᠰᠠᠨᠳᠤ
ᠣᠷᠣᠭᠤᠯᠤᠨᠠ᠃
✦ 2025 ᠣᠨᠤ 6 ᠰᠠᠷᠠᠠᠴᠠ ᠨᠠᠭᠠᠰᠢ᠂ ᠴᠤᠤᠯ ᠭᠣᠣᠯᠤᠨ
ᠤᠰᠤᠶᠢ ᠯᠢᠶᠣᠤᠾᠧ ᠭᠣᠣᠯᠳᠤ ᠲᠠᠲᠠᠬᠤ ᠢᠨᠵᠧᠨᠧᠷᠢᠩ ᠨᠡᠢᠲᠡ
5500 ᠲᠦᠮᠡᠨ ᠪᠣᠰᠣᠭᠠ ᠳᠥᠷᠪᠡᠯᠵᠢᠨ ᠮᠧᠲᠷ ᠤᠰᠤ ᠨᠥᠬᠥᠪᠦᠷᠢᠯᠡᠪᠡ᠃ 2026 ᠣᠨᠳᠤ ᠢᠵᠢ ᠪᠦᠷᠢᠳᠦᠭᠦᠯᠬᠦ ᠲᠥᠬᠦᠭᠡᠷᠦᠮᠵᠢᠶᠢ ᠪᠠᠢᠭᠤᠯᠵᠤ
ᠳᠠᠭᠤᠰᠬᠠᠭᠰᠠᠨᠤ ᠳᠠᠷᠠᠭᠠ ᠵᠢᠯ ᠪᠦᠷᠢ ᠭᠠᠵᠠᠷᠤᠨ ᠭᠠᠳᠠᠷᠭᠤᠶᠢᠨ ᠤᠰᠤᠶᠢ 2.87 ᠳ᠋ᠦᠩᠰᠢᠭᠤᠷ ᠪᠣᠰᠣᠭᠠ
ᠳᠥᠷᠪᠡᠯᠵᠢᠨ ᠮᠧᠲᠷ ᠬᠠᠩᠭᠠᠵᠤ ᠳᠡᠶ᠋ᠢᠯᠬᠦ ᠪᠣᠯᠣᠨᠠ᠃
✦ ᠣᠢᠷᠠᠳᠤ 《ᠠᠭᠤᠯᠠ ᠤᠰᠤᠨᠤ ᠢᠨᠵᠧᠨᠧᠷᠢᠩ — ᠳᠤᠮᠳᠠᠳᠤ ᠤᠯᠤᠰᠤᠨ ᠠᠮᠢ ᠠᠬᠤᠢᠶᠢᠨ ᠬᠠᠮᠠᠭᠠᠯᠠᠯᠲᠠ ᠰᠡᠷᠭᠦᠭᠡᠯᠲᠡ》 ᠵᠢᠨ ᠲᠠᠪᠤᠳᠤᠭᠠᠷ ᠪᠦᠯᠦᠭ ᠪᠤᠯᠬᠤ 《ᠨᠣᠭᠣᠭᠠᠨ
ᠨᠢᠷᠤᠭᠤ》 ᠶ᠋ᠢ ᠲᠥᠪ ᠲᠧᠯᠸᠢᠰᠲᠦ ᠨᠡᠪᠲᠡᠷᠡᠭᠦᠯᠵᠦ᠂
ᠪᠠᠶᠠᠨᠨᠠᠭᠤᠷᠤᠨ ᠠᠮᠢ ᠠᠬᠤᠢᠶᠢᠨ ᠬᠠᠮᠠᠭᠠᠯᠠᠯᠲᠠ ᠪᠠ ᠰᠡᠷᠭᠦᠭᠡᠯᠲᠡᠳᠦ ᠠᠩᠬᠠᠷᠤᠯᠢᠶᠠᠨ
ᠲᠥᠪᠯᠡᠷᠡᠭᠦᠯᠵᠦ᠂ ᠪᠠᠶᠠᠨᠨᠠᠭᠤᠷ ᠬᠡᠷᠬᠢᠨ 《ᠠᠭᠤᠯᠠ ᠤᠰᠤ ᠣᠶ ᠰᠢᠭᠤᠢ
ᠲᠠᠷᠢᠶᠠᠨ ᠭᠠᠵᠠᠷ ᠨᠠᠭᠤᠷ ᠪᠦᠷᠢᠳᠦ ᠨᠤᠳᠤᠭ ᠪᠡᠯᠴᠢᠭᠡᠷ ᠡᠯᠡᠰᠦ ᠮᠠᠨᠭᠬᠠ》 ᠶ᠋ᠢ ᠰᠢᠰᠲᠧᠮᠲᠠᠢ ᠵᠠᠰᠠᠬᠰᠠᠨᠢ ᠳᠡᠯᠭᠡᠨ ᠦᠵᠡᠭᠦᠯᠵᠡᠢ᠃
✦ ᠤᠢᠷᠠ ᠳ᠋ᠤ ᠣᠷᠳᠣᠰᠤᠨ ᠬᠣᠲᠠᠶᠢᠨ ᠳᠡᠰᠤᠨ ᠮᠠᠯᠤᠨ
ᠠᠰᠢᠭ᠋ ᠰᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠦ ᠣᠷᠣᠨ ᠪᠦᠰᠡᠶᠢᠨ ᠨᠡᠢᠲᠡᠶᠢᠨ ᠬᠡᠷᠡᠭᠯᠡᠭᠡᠨᠦ ᠲᠦᠷᠦᠯ
ᠲᠡᠮᠳᠡᠭ ᠪᠣᠯᠬᠤ 《ᠳᠤᠯᠠᠭᠠᠨ ᠬᠣᠲᠠᠶᠢᠨ ᠲᠠᠩᠰᠤᠭ
ᠠᠮᠲᠠ》 ᠵᠢᠨ ᠪᠡᠭᠡᠵᠢᠩᠳᠡᠬᠢ
ᠠᠩᠬᠠᠨᠤ ᠳᠡᠯᠭᠡᠭᠦᠷ ᠡᠭᠦᠳᠡ ᠪᠠᠨ ᠨᠡᠬᠡᠬᠡᠵᠦ᠂ ᠨᠡᠢᠰᠯᠡᠯᠤᠨ ᠬᠡᠷᠡᠭᠯᠡᠭᠴᠢᠳᠤᠨ ᠲᠠᠭᠠᠰᠢᠶᠠᠯᠢ ᠤᠯᠵᠤ
ᠪᠠᠢᠨᠠ᠃
✦ ᠣᠳᠣᠬᠠᠨᠳᠤ ᠡᠷᠢᠶᠡᠨ ᠬᠣᠲᠠᠶᠢᠨ ᠳᠤᠮᠳᠠᠳᠤ ᠮᠣᠩᠭᠣᠯᠤᠨ
ᠠᠵᠤ ᠠᠬᠤᠢᠶᠢᠨ ᠬᠠᠮᠲᠤᠷᠠᠯᠴᠠᠭᠠᠨᠤ ᠣᠷᠣᠨᠤ ᠣᠶᠤᠨᠴᠢ ᠪᠣᠭᠣᠮᠲᠠᠶᠢᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠰᠢᠰᠲᠧᠮᠦᠨ
ᠪᠠᠢᠭᠤᠯᠤᠯᠲᠠᠶᠢ ᠶᠠᠭ ᠲᠦᠷᠭᠡᠳᠬᠡᠨ ᠠᠬᠢᠭᠤᠯᠵᠤ ᠪᠠᠢᠨᠠ᠂ ᠵᠢᠱ᠌ᠢᠯᠲᠡᠪᠡᠷ 2026 ᠣᠨᠤ 2 ᠰᠠᠷᠠᠳᠤ ᠪᠠᠢᠭᠤᠯᠵᠤ
ᠳᠠᠭᠤᠰᠬᠠᠨᠠ᠃ ᠲᠤᠬᠠᠢᠶᠢᠨ ᠦᠶᠡᠳᠦ ᠳᠤᠮᠳᠠᠳᠤ ᠮᠣᠩᠭᠣᠯᠤᠨ ᠠᠵᠤ ᠠᠬᠤᠢᠶᠢᠨ ᠬᠠᠮᠲᠤᠷᠠᠯᠴᠠᠭᠠᠨᠤ ᠣᠷᠣᠨᠤ
ᠪᠣᠭᠣᠮᠲᠠ ᠨᠢ 《ᠣᠶᠤᠨᠴᠢᠪᠠᠷ ᠪᠣᠭᠣᠮᠲᠠ ᠥᠩᠭᠡᠷᠡᠬᠦ》 ᠰᠢᠨᠡ ᠴᠠᠭ ᠦᠶᠡᠳᠦ ᠣᠷᠣᠵᠤ᠂ ᠣᠷᠣᠨ ᠪᠦᠰᠡᠶᠢᠨ ᠠᠵᠤ ᠠᠬᠤᠢ ᠠᠷᠠᠯᠵᠢᠶᠠᠨᠤ ᠶᠠᠪᠤᠯᠴᠠᠭᠠ
ᠬᠢᠭᠡᠳ ᠬᠥᠮᠥᠰᠦᠨ ᠰᠣᠯᠢᠯᠴᠠᠭᠠᠳᠤ ᠨᠠᠩ ᠥᠨᠳᠥᠷ ᠪᠦᠲᠦᠮᠵᠢᠲᠡᠶ᠂ ᠳᠥᠭᠥᠮ ᠳᠥᠲᠡ᠂ ᠠᠮᠤᠷ ᠲᠦᠪᠰᠢᠨᠢᠶᠡᠷ
ᠪᠣᠭᠣᠮᠲᠠ ᠥᠩᠭᠡᠷᠡᠬᠦ ᠪᠠᠲᠤᠯᠠᠭᠠ ᠬᠠᠩᠭᠠᠬᠤ ᠪᠣᠯᠣᠨᠠ᠃
✦ ᠵᠡᠭᠦᠨᠭᠠᠷ ᠬᠣᠰᠢᠭᠤ ᠠᠷᠠᠳᠤᠨ ᠠᠮᠢᠳᠤᠷᠠᠯᠤᠨ ᠪᠣᠳᠠᠲᠤ
ᠶᠠᠪᠤᠳᠠᠯᠳᠤ ᠨᠡᠢ᠍ᠢᠲᠡ 2340.03 ᠲᠦᠮᠡᠨ ᠲᠥᠭᠥᠷᠢᠭᠦᠨ ᠪᠡᠯᠡ ᠣᠷᠣᠭᠤᠯᠬᠤᠪᠠᠷ ᠲᠥᠯᠥᠪᠯᠡᠵᠦ᠂ ᠣᠳᠣ᠌ ᠨᠢᠭᠡᠨᠲᠡ
60 ᠨᠠᠰᠤᠨᠠᠴᠠ ᠳᠡᠭᠡᠭᠰᠢᠬᠢ 54260 ᠬᠥᠮᠥᠨᠳᠦ 2026 ᠣᠨᠤ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠡᠮ ᠡᠮᠨᠡᠯᠭᠡᠶᠢᠨ
ᠳᠠᠭᠠᠳᠬᠠᠯᠢ ᠣᠷᠣᠯᠠᠨ ᠲᠤᠰᠢᠶᠠᠵᠤ᠂ ᠣᠷᠣᠯᠠᠨ ᠲᠤᠰᠢᠶᠠᠭᠰᠠᠨ ᠵᠣᠭᠣᠰᠤᠨ ᠲᠣᠭᠠ ᠨᠢ 1982.14 ᠲᠦᠮᠡᠨ ᠲᠥᠭᠥᠷᠢᠭᠲᠦ
ᠬᠥᠷᠪᠡ᠃
ᠠᠵᠤ ᠠᠬᠤᠢ
✦ 8ᠤ ᠡᠳᠦᠷ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ
ᠪᠠᠩᠬᠢ 2026 ᠣᠨᠤ ᠦᠨᠡᠲᠦ ᠲᠡᠮᠦᠷᠯᠢᠭᠦᠨ ᠳᠤᠷᠠᠰᠬᠠᠯᠤᠨ ᠵᠣᠭᠣᠰᠤᠨ ᠲᠥᠷᠥᠯ ᠵᠦᠢᠯᠦᠨ
ᠲᠠᠷᠬᠠᠭᠠᠯᠲᠠᠶᠢᠨ ᠲᠥᠯᠥᠪᠯᠡᠭᠡᠶᠢ ᠨᠡᠢᠲᠡᠯᠡᠵᠦ᠂ 10 ᠲᠥᠷᠥᠯ ᠵᠦᠢᠯ᠂ 53 ᠲᠦᠷᠦᠯ ᠬᠡᠯᠪᠡᠷᠢ
ᠲᠠᠷᠬᠠᠭᠠᠬᠤᠪᠠᠷ ᠪᠣᠶ᠃
✦ ᠣᠢᠷᠠᠳᠤ ᠦᠪᠦᠷ ᠮᠤᠨᠭᠭᠤᠯᠤᠨ 800 ᠵᠢᠩ
ᠨᠠᠢ᠍ᠮᠠᠯᠵᠢ ᠵᠢ ᠲᠡᠭᠡᠭᠡᠭᠰᠡᠨ ᠨᠢᠰᠭᠡᠯ ᠱᠠᠩᠬᠠᠢᠶᠢᠨ ᠨᠢᠰᠬᠡᠯᠦᠨ ᠪᠠᠭᠤᠳᠠᠯ ᠠ᠋ᠴᠠ ᠤᠷᠤᠭᠰᠢᠲᠠᠢᠪᠠᠷ
ᠮᠣᠷᠳᠠᠵᠤ᠂ ᠰᠢᠭᠤᠳ ᠮᠠᠯᠠᠢᠰᠢᠶᠠᠶᠢᠨ ᠨᠡᠢᠰᠯᠡᠯ ᠺᠦᠸᠠᠯᠠ ᠯᠦᠮᠫᠦᠷᠲᠤ ᠬᠦᠷᠴᠡᠢ᠃ ᠡᠨᠡ ᠨᠢ ᠦᠪᠦᠷ
ᠮᠤᠨᠭᠭᠤᠯᠤᠨ ᠰᠢᠨᠡ ᠰᠣᠷᠭᠣᠭ ᠤᠰᠤᠨᠤ ᠭᠠᠷᠤᠯᠳᠠ ᠵᠢ ᠭᠠᠳᠠᠭᠠᠳᠤᠳᠤ ᠭᠠᠷᠭᠠᠬᠤ ᠲᠠᠯᠠᠪᠠᠷ
ᠰᠢᠪᠲᠤᠯᠤᠯᠲᠠ ᠲᠠᠢ ᠪᠣᠯᠤᠭᠰᠠᠨᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃
ᠲᠠᠮᠢᠷ
✦ ᠪᠦᠬᠦ ᠤᠯᠤᠰᠤᠨ ᠠᠷᠪᠠᠨ ᠬᠣᠶᠠᠳᠤᠭᠠᠷ
ᠬᠤᠭᠤᠴᠠᠭᠠᠨᠤ ᠵᠡᠮᠳᠡᠭᠴᠦᠳ ᠦ᠋ᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠴᠤᠭᠯᠠᠭᠠᠨ ᠵᠢᠴᠢ ᠶᠢᠰᠦᠳᠦᠭᠡᠷ
ᠬᠤᠭᠤᠴᠠᠭᠠᠨᠤ ᠣᠨᠴᠠᠭᠠᠢ ᠣᠯᠢᠮᠫᠢᠺᠤᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠴᠤᠭᠯᠠᠭᠠᠨ 12 ᠰᠠᠷᠠ ᠵᠢᠨ 8ᠤ
ᠡᠳᠦᠷᠡᠴᠡ 15ᠤ ᠡᠳᠦᠷ ᠪᠣᠯᠲᠠᠯᠠ ᠭᠤᠸᠠᠩᠳᠦ᠋ᠩ ᠰᠢᠶᠠᠩᠭᠠᠩ ᠣᠣᠮᠧᠨ ᠭᠤᠷᠪᠠᠨ ᠭᠠᠵᠠᠷ ᠲᠦ᠍ ᠶᠠᠪᠤᠭᠳᠠᠬᠤ
ᠪᠠᠷ ᠪᠠᠢᠵᠤ᠂ ᠲᠤᠰ ᠬᠤᠭᠤᠴᠠᠭᠠᠨᠤ ᠴᠤᠭᠯᠠᠭᠠᠨᠳᠤ ᠨᠡᠢ᠍ᠢᠳᠡ 7218 ᠲᠠᠮᠢᠷᠴᠢᠨ ᠣᠷᠣᠯᠴᠠᠵᠤ᠂ ᠳᠡᠭᠡᠷᠡ
ᠬᠤᠭᠤᠴᠠᠭᠠᠨᠤ ᠬᠢᠡᠴᠡ 2734 ᠬᠥᠮᠥᠨ ᠨᠡᠮᠡᠭᠳᠡᠵᠡᠢ᠃
ᠳᠡᠯᠡᠬᠡᠢ
✦ 12 ᠰᠠᠷᠠᠶᠢᠨ 8ᠤ ᠡᠳᠦᠷ ᠮᠡᠳᠡᠭᠡᠯᠡᠭᠰᠡᠨ
ᠵᠢᠡᠷ᠂ ᠡᠨᠡ ᠵᠢᠯᠦᠨ ᠭᠤᠷᠪᠠᠳᠤᠭᠠᠷ ᠤᠯᠠᠷᠢᠯᠤᠨ ᠶᠠᠫᠤᠨᠤ ᠤᠯᠤᠰᠤᠨ ᠳᠣᠲᠣᠭᠠᠳᠤᠶᠢᠨ
ᠦᠢᠯᠡᠳᠪᠦᠷᠢᠯᠡᠯᠦᠨ ᠶᠡᠷᠦᠨᠭᠬᠡᠢ ᠥᠷᠲᠡᠭ （GDP） ᠳᠡᠭᠡᠷᠠ ᠤᠯᠠᠷᠢᠯᠤᠨ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢ ᠡᠴᠡ 0.6% ᠪᠡᠷ ᠪᠠᠭᠠᠰᠤᠭᠰᠠᠨ
ᠪᠠᠢᠨᠠ᠃ ᠵᠢᠯᠦᠨ ᠨᠣᠷᠮᠠᠪᠠᠷ ᠪᠤᠳᠤᠪᠠᠯ ᠪᠠᠭᠤᠷᠠᠯᠲᠠᠶᠢᠨ ᠬᠡᠮᠵᠢᠶᠡ 2.3% ᠪᠣᠯᠲᠠᠯᠠ ᠥᠷᠭᠡᠳᠴᠡᠢ᠂
ᠡᠨᠡ ᠬᠦ᠌ ᠪᠠᠭᠤᠷᠠᠯᠲᠠᠶᠢᠨ ᠬᠡᠮᠵᠢᠶᠡ ᠨᠢ ᠠᠷᠠᠳᠤᠨ ᠳᠤᠮᠳᠠᠬᠢ ᠵᠢᠱ᠌ᠢᠯᠲᠡᠶᠢᠨ ᠳᠤᠮᠳᠠᠴᠢ
ᠥᠷᠲᠡᠭᠡᠴᠡ 2.0% ᠳᠠᠪᠠᠭᠰᠠᠨ ᠪᠠᠢᠨᠠ᠃
✦ ᠠᠩᠭ᠌ᠯᠢᠶᠢᠨ ᠵᠠᠰᠠᠭᠤᠨ ᠣᠷᠳᠣᠨ ᠲᠦᠷᠦᠭᠦᠬᠡᠨ
8.2 ᠳ᠋ᠦᠩᠰᠢᠭᠤᠷ ᠫᠦᠨᠳ᠋ᠤᠨ ᠵᠠᠯᠠᠭᠤᠴᠤᠳᠤᠨ ᠠᠵᠢᠯ ᠣᠯᠭᠣᠯᠲᠠᠶᠢ ᠳᠡᠮᠵᠢᠬᠦ ᠲᠥᠯᠥᠪᠯᠡᠭᠡᠶᠢ
ᠬᠡᠷᠡᠭᠵᠢᠭᠦᠯᠵᠦ᠂ ᠪᠣᠯᠪᠠᠰᠤᠷᠠᠯᠤᠨ ᠠᠵᠢᠯᠤᠨ ᠪᠠᠢᠷᠢᠶᠢ ᠰᠢᠨᠡᠪᠡᠷ ᠨᠡᠮᠡᠭᠳᠡᠭᠦᠯᠬᠦ᠂ ᠦᠨᠳᠦᠰᠦᠨ
ᠠᠵᠢᠯ ᠣᠯᠭᠣᠯᠲᠠᠶᠢ ᠪᠠᠲᠤᠯᠠᠬᠤ᠂ ᠲᠤᠰᠬᠠᠢ ᠵᠦᠢᠯᠢᠶᠡᠷ ᠬᠠᠪᠰᠤᠷᠤᠨ ᠲᠡᠳᠬᠦᠬᠦ ᠵᠡᠷᠭᠡ ᠠᠷᠭᠠ
ᠬᠡᠮᠵᠢᠶᠡᠪᠡᠷ ᠳᠠᠮᠵᠢᠭᠤᠯᠤᠨ ᠵᠠᠭᠤ ᠰᠢᠬᠠᠮ ᠲᠦᠮᠡᠨ ᠵᠠᠯᠠᠭᠤᠴᠤᠳᠤᠨ ᠠᠵᠢᠯ ᠣᠯᠬᠤ ᠪᠤᠶᠤ
ᠭᠦᠨᠵᠡᠭᠡᠢᠷᠡᠨ ᠰᠤᠷᠤᠯᠴᠠᠬᠤᠳᠤ ᠬᠦᠴᠦᠨ ᠨᠡᠮᠡᠷᠢᠯᠡᠨᠡ ᠭᠡᠵᠦ ᠨᠡᠢᠲᠡᠯᠡᠵᠡᠢ᠃
ᠦᠢᠯᠡᠴᠢᠯᠡᠭᠡ
✦ ᠥᠪᠥᠷ ᠮᠣᠩᠭᠣᠯ ᠨᠡᠢᠭᠡᠮ ᠨᠡᠶ᠋ᠢᠲᠡᠡᠴᠡ 1991 ᠵᠠᠰᠠᠭ
ᠵᠠᠬᠢᠷᠭᠠᠨᠤ ᠬᠠᠤᠯᠢ ᠬᠡᠷᠡᠭᠵᠢᠭᠦᠯᠬᠦ ᠠᠵᠢᠯᠲᠠᠨ ᠡᠯᠰᠡᠬᠦ ᠪᠡᠷ ᠪᠤᠢ᠃
✦ 2025 ᠣᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ
ᠵᠠᠰᠠᠬᠤ ᠣᠷᠣᠨᠤ ᠨᠠᠰᠤᠨᠳᠤ ᠭᠦᠷᠦᠭᠰᠡᠳᠦᠨ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠰᠣᠷᠣᠭ᠍ᠴᠢ ᠡᠯᠰᠡᠬᠦ
ᠠᠵᠢᠯ 12 ᠰᠠᠷᠠᠶᠢᠨ 10ᠤ ᠡᠳᠦᠷᠡᠴᠡ ᠡᠬᠢᠯᠡᠵᠦ᠂ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠡᠷᠡᠮᠡᠯᠵᠡᠯ ᠲᠠᠭᠯᠠᠬᠤ᠂ ᠰᠦᠯᠵᠢᠶᠡᠨ
ᠳᠡᠭᠡᠷᠡ ᠡᠯᠰᠡᠬᠦ ᠠᠷᠭᠠᠪᠠᠷ ᠶᠠᠪᠤᠭᠳᠠᠨᠠ᠃ ᠰᠢᠯᠭᠠᠭᠤᠯᠤᠭ᠍ᠴᠢ ᠥᠪᠥᠷ ᠮᠣᠩᠭᠣᠯᠤᠨ ᠰᠣᠷᠣᠭ᠍ᠴᠢ
ᠡᠯᠰᠡᠬᠦ ᠰᠢᠯᠭᠠᠯᠲᠠᠶᠢᠨ ᠮᠡᠳᠡᠭᠡ ᠵᠠᠩᠭᠢᠶᠢᠨ ᠰᠦᠯᠵᠢᠶᠡᠳᠦ ᠭᠠᠷᠴᠤ᠂ ᠡᠯᠰᠡᠭᠳᠡᠭᠰᠡᠨ ᠡᠰᠡᠬᠦ ᠵᠢᠨ
ᠦᠷᠡ ᠳ᠋ᠦᠩᠢᠶᠡᠨ ᠯᠠᠪᠯᠠᠵᠤ ᠪᠣᠯᠣᠨᠠ᠃
ᠲᠠᠨᠤ ᠲᠤᠰᠠᠳᠤ
✦ ᠪᠡᠶᠡ ᠤᠬᠢᠶᠠᠬᠤᠳᠠᠭᠠᠨ ᠠᠩᠬᠠᠷᠬᠤ ᠵᠦᠢᠯ᠄
ᠤᠰᠤᠨᠤ ᠳᠤᠯᠠᠭᠠᠨᠢ ᠵᠣᠬᠢᠰᠲᠠᠢ ᠬᠢᠵᠠᠭᠠᠷᠯᠠᠵᠦ᠂ ᠬᠡᠷᠪᠡ ᠠᠷᠠᠰᠤ ᠬᠠᠭᠤᠷᠠᠢ
ᠪᠤᠶᠤ ᠠᠷᠠᠰᠤᠨᠤ ᠠᠰᠠᠭᠤᠳᠠᠯ ᠣᠷᠣᠰᠢᠵᠤ ᠪᠠᠢᠪᠠᠯ᠂ ᠱᠦᠯᠲᠦᠯᠢᠭ ᠴᠢᠨᠠᠷᠢᠶᠠᠷ ᠴᠢᠩᠭᠠ ᠦᠨᠦᠷᠲᠦ ᠰᠠᠪᠤᠩ᠂
ᠡᠮᠲᠦ ᠰᠠᠪᠤᠩ ᠵᠡᠷᠭᠡᠶᠢ ᠬᠡᠷᠡᠭᠯᠡᠬᠦᠡᠴᠡ ᠵᠠᠢᠯᠠᠰᠬᠢᠨᠡ᠃ ᠪᠡᠶᠡ ᠤᠬᠢᠶᠠᠬᠤ ᠳᠠᠪᠲᠠᠮᠵᠢᠶᠢ
ᠪᠠᠭᠠᠰᠬᠠᠵᠤ᠂ ᠡᠩᠦᠨ ᠪᠠᠢᠳᠠᠯᠳᠤ 2 ᠡᠴᠡ 3 ᠡᠳᠦᠷ ᠲᠦ᠍ ᠨᠢᠭᠡ ᠤᠳᠠᠭᠠ ᠤᠬᠢᠶᠠᠪᠠᠯ ᠪᠣᠯᠴᠢᠬᠠᠨᠠ᠃
ᠪᠡᠶᠡ ᠤᠬᠢᠶᠠᠬᠤᠳ᠋ᠤ ᠶᠡᠷᠦᠳᠡᠭᠡᠨ 20 ᠮᠢᠨᠦ᠋ᠲᠡᠴᠡ ᠬᠡᠲᠦᠷᠡᠵᠦ ᠪᠣᠯᠬᠤ ᠦᠭᠡᠢ ᠪᠠᠢᠳᠠᠭ᠃
ᠵᠠᠯᠭᠠᠭᠠᠳ 《ᠨᠠᠷᠠ ᠬᠤᠷᠠ ᠲᠠᠢ
ᠨᠤᠲᠤᠭ》 ᠬᠡᠬᠦ ᠲᠠᠭᠤᠤ
ᠪᠡᠷ ᠠᠶᠠ ᠪᠠᠷᠢᠵᠤ ᠨᠡᠪᠳᠡᠷᠡᠭᠦᠯᠬᠡ ᠪᠡᠨ ᠵᠢᠷᠭᠠᠭᠠᠶᠠ᠂ ᠲᠠ ᠪᠦᠬᠦᠨᠤ
ᠬᠦᠯᠢᠶᠡᠨ ᠠᠪᠴᠤ᠌ ᠰᠤᠨᠤᠰᠤᠬ᠍ᠰᠠᠨ ᠳ᠋ᠤ ᠪᠠᠶᠠᠷᠯᠠᠯᠠ᠂ ᠪᠠᠶᠠᠷᠳᠠᠢ！
（ᠢᠷᠡᠯᠳᠡ᠄ ᠰᠢᠨᠬᠤᠧᠠ ᠬᠤᠷᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠷᠠᠳᠤᠨ
ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠵᠤ ᠠᠬᠤᠢ ᠵᠢᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ
ᠲᠠᠪᠴᠠᠩ᠂ ᠮᠠᠨᠤ ᠤᠷᠤᠨᠤ ᠡᠯᠠ ᠠᠢᠮᠠᠭ ᠬᠤᠳᠠ᠂ ᠬᠤᠰᠢᠭᠤ ᠰᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ）