ᠡᠷᠭᠢᠮ ᠭᠦᠨᠳᠦᠳᠦ
ᠰᠤᠨᠤᠰᠤᠭ᠍ᠴᠢᠳ ᠮᠢᠨᠢ᠂ ᠰᠠᠢ᠌ᠨ ᠪᠠᠢ᠌ᠨᠠᠤᠤ᠂ ᠦᠪᠦᠷ ᠮᠤᠩᠭᠤᠯᠤᠨ ᠡᠳᠦᠷᠤᠨ ᠰᠤᠨᠢᠨᠤ ᠬᠤᠷᠢᠶᠠ ᠵᠢᠨ ᠪᠦᠷᠢᠨ
ᠵᠠᠭᠤᠴᠢᠯᠠᠭᠤᠷᠤᠨ 《ᠬᠦᠯᠦᠭ》 ᠨᠡᠪᠲᠡᠷᠡᠭᠦᠯᠭᠡ
ᠲᠠ ᠪᠦᠬᠦᠨᠲᠠᠢ ᠪᠡᠨ ᠮᠡᠨᠳᠦᠴᠢᠯᠡᠨ ᠵᠤᠯᠭᠠᠵᠤ ᠪᠠᠢ᠌ᠨᠠ᠃ ᠪᠢ ᠨᠡᠪᠳᠡᠷᠡᠭᠦᠯᠦᠭ᠌ᠴᠢ ᠤᠷᠠᠨᠲᠠᠨᠠ᠃
ᠦᠨᠦᠳᠦᠷ ᠪᠤᠯ 2026 ᠤᠨᠤ 2 ᠰᠠᠷᠠ ᠵᠢᠨ 24ᠤ
ᠡᠳᠦᠷ᠂ ᠪᠢᠯᠢᠭᠤᠨ ᠤᠯᠠᠷᠢᠯᠤᠨ ᠤᠯᠠᠭᠠᠨ ᠮᠤᠷᠢ ᠵᠢᠯᠤᠨ ᠴᠠᠭᠠᠨ ᠰᠠᠷᠠ ᠵᠢᠨ ᠰᠢᠨᠡ ᠵᠢᠨ 8᠂
ᠭᠠᠷᠠᠭᠤᠨ 2᠃
ᠨᠡᠢᠭᠡᠮ
✦ ᠡᠳ᠋ᠦᠨ ᠵᠠᠰᠠᠭᠤᠨ ᠶᠠᠮᠤᠨ᠂ ᠣᠷᠣᠨ ᠰᠠᠭᠤᠴᠠ ᠪᠠ ᠬᠣᠲᠠ ᠬᠥᠳᠡᠭᠡᠶᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢᠨ
ᠶᠠᠮᠤᠨ ᠣᠢᠷᠠᠳᠤ ᠬᠠᠮᠲᠤᠷᠠᠨ ᠮᠡᠳᠡᠭᠳᠡᠯ ᠨᠡᠢᠲᠡᠯᠡᠵᠦ᠂ ᠲᠥᠪᠦᠨ ᠡᠳ᠋ᠦᠨ ᠵᠠᠰᠠᠭᠠᠴᠠ ᠨᠥᠬᠥᠪᠦᠷᠢ ᠪᠡᠯᠡ
ᠮᠥᠩᠭᠥ ᠲᠣᠬᠢᠷᠠᠭᠤᠯᠵᠤ᠂ ᠤᠯᠠᠮᠵᠢᠯᠠᠯᠲᠤ ᠠᠢᠯ ᠲᠣᠰᠬᠣᠨᠤ ᠣᠨᠴᠠᠯᠢᠭ᠍ᠲᠤ ᠬᠠᠮᠠᠭᠠᠯᠠᠯᠲᠠᠶᠢᠨ ᠣᠷᠣᠨᠤ ᠪᠦᠲᠦᠭᠡᠨ
ᠪᠠᠢᠭᠤᠯᠤᠯᠲᠠᠶᠢᠨ ᠠᠵᠢᠯ ᠥᠷᠨᠢᠭᠦᠯᠬᠦᠶᠢ ᠳᠡᠮᠵᠢᠨᠡ ᠭᠡᠵᠦ ᠲᠣᠳᠣᠷᠬᠠᠢ ᠲᠣᠭᠲᠠᠭᠠᠪᠠ᠃
✦ ᠤᠢᠷᠠᠳᠤ ᠡᠳ᠋ᠦᠨ ᠵᠠᠰᠠᠭᠤᠨ ᠶᠠᠮᠤᠨ᠂ ᠪᠣᠭᠣᠮᠲᠠᠶᠢᠨ ᠶᠡᠷᠦᠩᠬᠡᠢ ᠵᠠᠬᠢᠷᠭᠠ᠂ ᠭᠠᠢᠯᠢᠶᠢᠨ
ᠶᠠᠪᠤᠳᠠᠯᠤᠨ ᠶᠡᠷᠦᠩᠬᠡᠢ ᠲᠣᠪᠴᠢᠶᠠ ᠮᠡᠳᠡᠭᠳᠡᠯ ᠳᠠᠷᠤᠮᠠᠯᠯᠠᠨ ᠲᠠᠷᠬᠠᠭᠠᠵᠤ᠂ 《ᠠᠷᠪᠠᠨ ᠲᠠᠪᠤᠳᠤᠭᠠᠷ ᠲᠠᠪᠤᠨ
ᠵᠢᠯ》ᠦᠨ ᠲᠥᠯᠦᠪᠵᠢᠭᠦᠯᠭᠡᠶᠢᠨ ᠬᠤᠭᠤᠴᠠᠭᠠᠨᠳᠠᠬᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠢ ᠲᠦᠭᠡᠮᠡᠯᠵᠢᠭᠦᠯᠬᠦ
ᠦᠢᠯᠡᠰᠦᠨ ᠬᠥᠭᠵᠢᠯᠲᠡᠶᠢ ᠳᠡᠮᠵᠢᠬᠦ ᠭᠠᠳᠠᠭᠠᠳᠤ ᠣᠷᠣᠭᠤᠯᠤᠯᠲᠠᠶᠢᠨ ᠭᠠᠢᠯᠢ ᠲᠠᠲᠠᠪᠤᠷᠢᠶᠢᠨ ᠬᠠᠷᠠᠭᠠᠯᠵᠠᠯᠤᠨ
ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢ ᠲᠣᠳᠣᠷᠬᠠᠢ ᠲᠣᠭᠲᠠᠭᠠᠪᠠ᠃
✦ 2025 ᠣᠨᠤ ᠡᠴᠦᠰ ᠪᠣᠯᠲᠠᠯᠠ᠂ ᠮᠠᠨᠤ ᠤᠯᠤᠰᠤᠨ ᠪᠣᠯᠣᠳ ᠲᠡᠮᠦᠷᠦᠨ ᠠᠵᠢᠯ ᠲᠥᠷᠥᠯᠦᠨ
ᠤᠨᠴᠠ ᠳᠣᠣᠷᠠ ᠭᠠᠳᠠᠭᠰᠢᠯᠠᠭᠤᠯᠤᠯᠲᠠᠶᠢᠨ ᠥᠭᠡᠷᠡᠴᠢᠯᠡᠯᠲᠡᠶᠢᠨ ᠲᠦᠷᠦᠯ ᠵᠤᠢᠯ ᠲᠡᠭᠦᠰ ᠠᠮᠵᠢᠯᠲᠠᠤᠯᠵᠤ᠂
80%ᠠᠴᠠ ᠳᠡᠭᠡᠭᠰᠢᠬᠢ ᠪᠦᠳᠦᠭᠦᠯᠢᠭ ᠪᠣᠯᠣᠳ ᠦᠢᠯᠡᠳᠪᠦᠷᠢᠯᠡᠬᠦ ᠤᠢᠯᠡᠰᠤᠨ ᠤᠨᠴᠠ ᠳᠣᠣᠷᠠ ᠭᠠᠳᠠᠭᠰᠢᠯᠠᠭᠤᠯᠤᠯᠲᠠᠶᠢ
ᠪᠡᠶᠡᠯᠡᠭᠦᠯᠪᠡ᠃
✦ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠳ᠋ᠦᠨ ᠵᠠᠰᠠᠭᠤᠨ ᠲᠢᠩᠬᠢᠮᠠᠴᠠ ᠣᠢᠯᠠᠭᠠᠭᠰᠠᠨᠢᠶᠠᠷ᠂
ᠤᠢᠷᠠᠳᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠳ᠋ ᠦᠨ ᠵᠠᠰᠠᠭᠠᠴᠠ ᠲᠥᠪ ᠦᠨ ᠡᠳ᠋ᠤᠨ ᠵᠠᠰᠠᠭᠤᠨ ᠥᠪᠥᠷ ᠮᠣᠩᠭᠣᠯᠳᠤ ᠤᠷᠢᠳᠴᠢᠯᠠᠨ
ᠪᠠᠭᠤᠯᠭᠠᠭᠰᠠᠨ 2026 ᠣᠨᠦ ᠵᠠᠮ ᠲᠡᠭᠡᠭᠡᠪᠦᠷᠢᠶᠢᠨ ᠬᠦᠷᠢᠶᠡᠨᠳᠡᠬᠢ 78.4 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠦᠨ
ᠪᠡᠯᠡ ᠮᠥᠩᠭᠥᠶᠢ ᠪᠦᠬᠦᠨᠢ ᠲᠤᠰ ᠱᠠᠲᠤᠨᠤ ᠰᠠᠯᠠᠭᠠ ᠮᠥᠴᠢᠷ ᠪᠠ ᠬᠠᠮᠢᠶᠠ ᠪᠦᠬᠦᠢ ᠠᠢᠮᠠᠭ ᠬᠣᠲᠠᠳᠤ ᠪᠠᠭᠤᠯᠭᠠᠵᠤ᠂
ᠵᠠᠰᠠᠮᠠᠯ ᠵᠠᠮᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠳᠤ ᠲᠤᠰᠬᠠᠢ ᠬᠡᠷᠡᠭᠯᠡᠭᠦᠯᠵᠦ ᠪᠠᠢᠨᠠ᠃
✦ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠲᠢᠩᠬᠢᠮᠤᠨ ᠵᠠᠮ ᠬᠠᠷᠢᠯᠴᠠᠭᠠᠨᠤ
ᠬᠠᠮᠢᠶᠠᠷᠤᠯᠲᠠᠶᠢᠨ ᠲᠣᠪᠴᠢᠶᠠ ᠤᠷᠴᠢᠮᠬᠠᠨ 《ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠳᠦ ᠳᠤᠭᠤᠢ ᠲᠡᠷᠭᠡᠨᠦ ᠵᠠᠮ ᠬᠠᠷᠢᠯᠴᠠᠭᠠᠨᠦ ᠠᠮᠤᠷ ᠲᠦᠪᠰᠢᠨᠦ
ᠬᠠᠮᠢᠶᠠᠷᠤᠯᠲᠠᠶᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠴᠢᠩᠭᠠᠳᠬᠠᠬᠤ ᠲᠤᠬᠠᠢ ᠮᠡᠳᠡᠭᠳᠡᠯ》 ᠨᠡᠢᠲᠡᠯᠡᠵᠤ᠂ 3 ᠰᠠᠷᠠᠶᠢᠨ 1ᠤ
ᠡᠳᠤᠷᠠᠴᠠ ᠡᠬᠢᠯᠡᠵᠦ ᠬᠡᠷᠡᠭᠵᠢᠬᠦᠯᠬᠦ ᠪᠡᠷ ᠪᠤᠢ᠃
✦ 2 ᠰᠠᠷᠠ ᠵᠢᠨ 21ᠦ ᠡᠳᠤᠷ᠂ ᠬᠠᠲᠤᠨ ᠭᠣᠣᠯᠤᠨ ᠥᠪᠥᠷ ᠮᠣᠩᠭᠣᠯᠳᠠᠬᠢ ᠬᠥᠯᠳᠡᠭᠰᠡᠨ ᠭᠣᠣᠯᠤᠨ
ᠬᠡᠰᠡᠭ ᠨᠢ ᠬᠠᠢᠯ ᠭᠠᠷᠴᠤ᠂ ᠰᠠᠨ ᠱᠧᠩ ᠭᠦᠩ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠬᠦᠢᠰᠦ ᠪᠠᠷᠢᠯᠭᠠᠶᠢᠨ ᠬᠡᠰᠡᠭᠲᠦ ᠬᠦᠷᠴᠦ᠂ ᠡᠩᠦᠨ ᠵᠢᠯᠦᠨ ᠬᠢᠡᠴᠡ 18 ᠡᠳᠦᠷ ᠡᠷᠲᠡᠯᠡᠵᠦ᠂
ᠬᠠᠲᠤᠨ ᠭᠣᠣᠯ ᠭᠡᠰᠬᠦ ᠵᠠᠩᠭᠢᠯᠠᠭᠠᠶᠢᠨ ᠬᠤᠭᠤᠴᠠᠭᠠᠨᠳᠤ ᠣᠷᠣᠭᠰᠠᠨ ᠪᠠᠢᠨᠠ᠃
ᠠᠵᠤ ᠠᠬᠤᠢ
✦ ᠰᠦᠯᠵᠢᠶᠡᠨ ᠲᠠᠪᠴᠠᠩᠤᠨ ᠲᠣᠭᠠ ᠪᠠᠷᠢᠮᠲᠠᠶᠢ ᠦᠨᠳᠦᠰᠦᠯᠡᠪᠡᠯ᠂ 2026 ᠣᠨᠤ ᠴᠠᠭᠠᠨ
ᠰᠠᠷᠠᠶᠢᠨ ᠺᠢᠨᠣ᠋ᠶᠢᠨ ᠶᠡᠷᠦᠩᠬᠡᠢ ᠪᠢᠯᠧᠲᠦᠨ ᠣᠷᠣᠯᠭᠠ （ᠤᠷᠢᠳᠴᠢᠯᠠᠨ ᠬᠤᠳᠠᠯᠳᠤᠬᠤᠶᠢ ᠪᠠᠭᠲᠠᠭᠠᠨᠠ） 50 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠢ ᠳᠠᠪᠠᠵᠠᠢ᠃
✦ ᠤᠷᠴᠢᠮᠬᠠᠨ ᠤᠯᠤᠰᠤᠨ ᠳᠣᠲᠣᠭᠠᠳᠤᠶᠢᠨ ᠪᠡᠯᠡᠨ ᠪᠠᠷᠠᠭᠠᠨᠤ ᠰᠢᠵᠢᠷ ᠠᠯᠲᠠᠨᠤ ᠦᠨᠡ
ᠭᠷᠡᠮ ᠪᠦᠷᠢᠳᠡᠭᠡᠨ 1134 ᠲᠥᠭᠥᠷᠢᠭᠲᠦ ᠬᠦᠷᠴᠦ᠂ ᠥᠰᠦᠯᠲᠡᠶᠢᠨ ᠬᠡᠮᠵᠢᠶᠡ ᠨᠢ 2.22%ᠲᠦ ᠬᠦᠷᠴᠤ᠂
ᠡᠨᠡ ᠨᠢ ᠨᠢᠭᠡ ᠪᠦᠯᠦᠭ ᠠᠯᠲᠠᠨᠤ ᠵᠠᠰᠠᠯ ᠵᠢᠮᠰᠡᠭᠦᠨ
ᠲᠦᠷᠦᠯ ᠲᠡᠮᠳᠡᠭᠲᠦᠶᠢᠨ ᠠᠯᠲᠠᠨᠤ ᠦᠨᠡᠶᠢ ᠥᠰᠬᠡᠭᠰᠡᠨ ᠪᠠᠢᠨᠠ᠃
✦ ᠦᠦᠰᠢᠨ ᠬᠣᠰᠢᠭᠤᠨᠤ ᠭᠠᠯᠠᠭᠤᠲᠤ ᠪᠠᠯᠭᠠᠰᠤᠨᠤ ᠰᠠᠷᠠᠭᠤᠯᠨᠤᠲᠤᠭ ᠭᠠᠴᠠᠭᠠᠨᠤ
ᠮᠠᠯᠴᠢᠨ ᠰᠠᠬᠢᠶᠠᠶᠢᠨ ᠬᠢᠨ ᠭᠡᠭᠦᠦ ᠰᠠᠭᠠᠵᠤ ᠴᠡᠭᠡ ᠬᠢᠭᠡᠳ ᠬᠣᠷᠢᠭᠠᠳ ᠵᠢᠯ ᠪᠤᠯᠵᠤ ᠪᠠᠢᠨᠠ᠃ ᠡᠳᠡᠨᠠᠢᠬᠢᠨ
ᠵᠢᠯᠳᠦ ᠪᠠᠷᠤᠭ ᠲᠦᠮᠡᠨ ᠵᠢᠩ ᠴᠡᠭᠡᠶᠢ ᠣᠷᠳᠣᠰ᠂ ᠬᠥᠬᠡᠬᠣᠲᠠ᠂ ᠪᠠᠶᠠᠨᠨᠠᠭᠤᠷ᠂
ᠠᠯᠠᠱᠠ᠂ ᠲᠡᠮᠡᠭᠡᠲᠦ ᠵᠡᠷᠭᠡ ᠠᠢᠮᠠᠭ ᠬᠣᠲᠠᠳᠤ ᠪᠣᠷᠣᠯᠠᠭᠤᠯᠵᠤ ᠪᠤᠢ᠃
ᠰᠣᠶᠣᠯ
✦ ᠴᠠᠭᠠᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠲᠠᠪᠤᠨᠳᠤ᠂ ᠣᠩᠨᠢᠭᠤᠳ ᠬᠣᠰᠢᠭᠤᠨᠤ ᠬᠡᠷᠰᠡᠩ ᠰᠤᠮᠤᠨᠤ
ᠳᠣᠯᠣᠭᠠᠨ ᠮᠣᠳᠣ᠌ ᠭᠠᠴᠠᠭᠠᠨᠤ ᠬᠢᠨ ᠨᠣᠮᠤᠨ ᠪᠡᠯᠡᠭᠲᠠᠢ ᠰᠠᠷᠠ ᠰᠢᠨᠡᠶᠢᠨ ᠵᠣᠯᠭᠠᠯᠲᠠ ᠬᠢᠯᠡ᠃
ᠲᠡᠳᠡ ᠨᠠᠰᠤᠲᠠᠨᠢᠶᠡᠨ ᠬᠦᠨᠳᠦᠯᠡᠭᠰᠡᠨ ᠭᠡᠷ ᠪᠦᠯᠢ ᠪᠣᠯᠣᠨ ᠴᠡᠷᠢᠭᠦᠨ ᠭᠡᠷ ᠪᠦᠯᠢᠶᠢ ᠰᠠᠢᠰᠢᠶᠠᠨ ᠬᠥᠬᠢᠭᠦᠯᠬᠦᠶᠢᠨ
ᠬᠠᠮᠲᠤ ᠵᠠᠯᠠᠭᠤᠴᠤᠳ ᠪᠠᠶᠠᠯᠢᠭ᠋ ᠠᠭᠤᠯᠭᠠᠲᠠᠢ ᠤᠷᠠᠨ ᠰᠠᠢᠬᠠᠨᠤ ᠲᠣᠭᠯᠠᠯᠲᠠ ᠭᠠᠷᠭᠠᠵᠤ᠂ ᠬᠥᠮᠥᠨ ᠠᠷᠠᠳᠢᠶᠠᠨ
ᠪᠠᠶᠠᠰᠬᠠᠯᠠ᠃
✦ 2 ᠰᠠᠷᠠᠶᠢᠨ 21ᠦ ᠡᠳᠦᠷ᠂ 2026 ᠣᠨᠤ 《ᠪᠠᠷᠠᠭᠤᠨ ᠯᠢᠶᠣᠤᠾᠧ ᠭᠣᠣᠯᠤᠨ ᠳᠡᠨᠵᠢᠨᠡ
ᠪᠠᠶᠠᠷ ᠬᠥᠷᠲᠠᠢ ᠴᠠᠭᠠᠯᠠᠶᠠ》 ᠬᠡᠮᠡᠬᠦ ᠵᠠᠩ ᠦᠢᠯᠡᠶᠢᠨ ᠲᠣᠭᠣᠷᠢᠨ ᠦᠵᠡᠭᠦᠯᠭᠡ ᠵᠢᠴᠢ ᠲᠦᠩᠯᠢᠶᠣᠣ ᠬᠤᠲᠠᠶᠢᠨ ᠶᠠᠩᠭᠠᠷ
ᠪᠥᠵᠢᠭᠦᠨ ᠤᠷᠤᠯᠳᠤᠭᠠᠨ ᠨᠢᠵᠢᠭᠢᠷ ᠰᠠᠢᠬᠠᠨ ᠶᠠᠪᠤᠭᠳᠠᠪᠠ᠃
✦ ᠴᠠᠭᠠᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠲᠠᠪᠤᠨᠳᠤ᠂ ᠰᠢᠯᠤᠭᠤᠨ ᠬᠥᠬᠡ ᠬᠣᠰᠢᠭᠤᠨᠤ ᠪᠤᠱᠤᠥᠲᠠᠶ
ᠰᠤᠮᠤᠨᠤ ᠪᠠᠶᠠᠨᠪᠤᠯᠠᠭ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠰᠡᠴᠡᠨᠪᠤᠯᠠᠭ ᠰᠠᠢᠨᠴᠡᠴᠡᠭᠦᠨ ᠬᠢᠨ ᠲᠠᠪᠤᠨ ᠬᠣᠰᠢᠭᠤ ᠮᠠᠯᠢᠶᠠᠨ
ᠰᠢᠨᠡᠯᠡᠭᠦᠯᠬᠦ ᠨᠠᠢᠷ ᠬᠢᠵᠦ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠥᠨᠢᠷ
ᠦᠰᠬᠦ ᠵᠢ ᠪᠡᠯᠭᠡᠳᠡᠵᠡᠢ᠃
ᠲᠠᠮᠢᠷ
✦ 2 ᠰᠠᠷᠠ ᠵᠢᠨ 22ᠤᠨ ᠡᠳᠦᠷ᠂ ᠮᠠᠨᠤ ᠤᠯᠤᠰᠤᠨ ᠳᠠᠮᠢᠷᠴᠢᠨ ᠭᠦ ᠠᠢ ᠯᠢᠩ᠂ ᠯᠢ ᠹᠠᠩ
ᠬᠤᠢ ᠮᠢᠯᠠᠨᠤ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭᠠᠨᠤ ᠴᠢᠯᠦᠭᠡᠲᠦ ᠴᠠᠨᠠᠯᠠᠯᠲᠠᠶᠢᠨ
ᠡᠮᠡᠭᠲᠡᠢᠶᠢᠨ U ᠬᠡᠯᠪᠡᠷᠢᠶᠢᠨ ᠲᠠᠯᠠᠪᠤᠷᠤᠨ ᠤᠷᠠ
ᠮᠡᠷᠭᠡᠵᠢᠯᠦᠨ ᠤᠷᠤᠯᠳᠤᠭᠠᠨᠳᠤ ᠲᠦᠷᠦᠬᠦᠯᠡᠵᠤ ᠳᠡᠳ᠋ᠯᠡᠭᠰᠡᠨ ᠵᠢᠡᠷ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠥᠯᠥᠭᠡᠯᠡᠭᠴᠢᠳᠦᠨ
ᠪᠦᠯᠬᠦᠮ ᠲᠤᠰ ᠬᠤᠭᠤᠴᠠᠭᠠᠨᠤ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭᠠᠨ ᠳᠡᠭᠡᠷᠡ 5
ᠠᠯᠲᠠᠨ ᠮᠧᠳᠠᠯ᠂ 4 ᠮᠥᠩᠭᠥᠨ ᠮᠧᠳᠠᠯ᠂ 6 ᠬᠦᠷᠡᠯ ᠮᠧᠳᠠᠯ ᠬᠦᠷᠳᠡᠵᠤ᠂ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ
ᠲᠠᠮᠢᠷᠤᠨ ᠴᠤᠭᠯᠠᠭᠠᠨᠤ ᠬᠢᠯᠢᠶᠢᠨ ᠭᠠᠳᠠᠨᠠᠬᠢ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠭᠰᠠᠨ ᠬᠠᠮᠤᠭᠤᠨ ᠰᠠᠢᠨ ᠬᠢᠷᠢ
ᠪᠦᠲᠦᠮᠵᠢᠶᠢ ᠰᠢᠨᠡᠳᠬᠡᠪᠡ᠃
✦ ᠠᠪᠠᠭᠠ ᠬᠣᠰᠢᠭᠤᠨᠤ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ 《ᠬᠡᠢᠮᠣᠷᠢ ᠬᠤᠨᠳᠠᠭᠠᠲᠤ ᠴᠠᠭᠠᠨ
ᠰᠠᠷᠠ ᠶᠢᠨ ᠪᠥᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ》ᠲᠦᠷᠦᠬᠦᠬᠡᠨ
ᠶᠠᠪᠤᠭᠳᠠᠵᠤ᠂ 128 ᠬᠦᠴᠦᠲᠦ ᠪᠥᠬᠡ ᠪᠠ ᠮᠣᠷᠢ ᠵᠢᠯ
ᠲᠠᠢ ᠠᠷᠪᠠᠨ
ᠭᠤᠷᠪᠠᠨ ᠨᠠᠰᠤᠨᠤ 64 ᠬᠡᠦᠬᠡᠳᠤᠨ ᠪᠥᠬᠡ ᠵᠣᠳᠣᠭᠯᠠᠭᠰᠠᠨ ᠰᠠᠢᠬᠠᠨ ᠨᠠᠭᠠᠳᠤᠮ ᠪᠣᠯᠵᠠᠢ᠃ 128 ᠬᠦᠴᠦᠲᠦ ᠪᠦᠬᠡ ᠵᠢᠨ
ᠪᠠᠷᠢᠯᠳᠤᠭᠠᠨᠳᠤ ᠠᠪᠠᠭᠠ ᠬᠣᠰᠢᠭᠤᠨᠤ ᠴᠠᠭᠠᠨᠵᠠᠭᠠᠨ ᠲᠦᠷᠦᠬᠦᠯᠡᠵᠤ᠂ 64 ᠬᠡᠦᠬᠡᠳᠦᠨ ᠪᠥᠬᠡᠶᠢᠨ ᠪᠠᠷᠢᠯᠳᠤᠭᠠᠨᠳᠤ
ᠰᠥᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠵᠢᠪᠬᠤᠭᠠᠰᠠᠶ᠋ᠢᠬᠠᠨ ᠲᠦᠷᠦᠭᠦᠯᠡᠵᠡᠢ᠃
ᠳᠡᠯᠡᠬᠡᠢ
✦ ᠰᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ ᠮᠡᠳᠡᠭᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠶᠤᠷᠲᠠᠨᠤ ᠯᠦ᠍ ᠶᠠ ᠰᠣᠨᠢᠨ
ᠮᠡᠳᠡᠭᠡᠨᠦ ᠰᠦᠯᠵᠢᠶᠡᠶᠢᠨ 21ᠦ ᠡᠳᠦᠷ ᠮᠡᠳᠡᠭᠡᠯᠡᠭᠰᠡᠨᠢᠶᠡᠷ᠂ ᠠᠮᠧᠷᠢᠺᠠ ᠲᠦᠷᠦᠭᠦᠬᠡᠨ ᠶᠤᠷᠲᠠᠨᠤ
ᠮᠦᠸᠹᠭᠧᠰᠠᠯᠲ᠋ᠢ ᠠᠭᠠᠷᠤᠨ ᠴᠡᠷᠢᠭᠦᠨ ᠰᠠᠭᠤᠷᠢᠨᠳᠤ ᠶᠡᠬᠡ ᠬᠡᠮᠵᠢᠶᠡᠨᠦ ᠪᠠᠢᠯᠳᠤᠭᠠᠨᠤ ᠨᠢᠰᠬᠡᠯ ᠪᠠ ᠲᠡᠭᠡᠭᠡᠪᠦᠷᠢᠶᠢᠨ
ᠨᠢᠰᠬᠡᠯ ᠪᠠᠢᠷᠢᠯᠠᠭᠤᠯᠵᠤ᠂ ᠲᠣᠭᠠ ᠬᠡᠮᠵᠢᠶᠡ ᠨᠢ ᠲᠣᠰ ᠰᠠᠭᠤᠷᠢᠨᠤ ᠡᠳᠦᠷ ᠲᠤᠲᠤᠮᠤᠨ ᠪᠠᠢᠷᠢᠯᠠᠭᠤᠯᠤᠯᠲᠠᠠᠴᠠ
ᠢᠯᠡᠳᠲᠡ ᠨᠡᠮᠡᠭᠳᠡᠵᠡᠢ᠃
ᠦᠢᠯᠡᠴᠢᠯᠡᠭᠡ
✦ ᠦᠪᠤᠷ ᠮᠤᠩᠭᠤᠯᠤᠨ ᠪᠠᠬᠰᠢ ᠵᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠴᠢᠳᠠᠪᠤᠷᠢᠳᠠᠨ ᠤᠷᠢᠨ ᠡᠯᠰᠡᠵᠤ
ᠪᠤᠢ᠃
ᠲᠠᠨᠤ ᠲᠤᠰᠠᠳᠤ
✦ ᠣᠷᠣᠢ ᠭᠡᠵᠢᠭᠡ ᠤᠬᠢᠶᠠᠵᠤ ᠪᠣᠯᠣᠨᠠ ᠦᠦ？
ᠬᠠᠮᠢᠶᠠ ᠪᠦᠬᠦᠢ ᠰᠤᠳᠤᠯᠭᠠᠨᠢ ᠦᠨᠳᠦᠰᠦᠯᠡᠪᠡᠯ᠂
ᠣᠷᠣᠢ ᠭᠡᠵᠢᠭᠡᠪᠠᠨ ᠤᠬᠢᠶᠠᠬᠤ ᠨᠢ ᠭᠡᠵᠢᠭᠡ ᠤᠨᠠᠬᠤᠲᠠᠢ ᠰᠢᠭᠤᠳ ᠬᠣᠯᠪᠣᠭᠠ ᠦᠭᠡᠢ ᠶᠤᠮ᠃ ᠭᠡᠪᠡᠴᠦ ᠭᠡᠵᠢᠭᠡᠪᠡᠨ
ᠤᠬᠢᠶᠠᠬᠤ ᠪᠠ ᠬᠠᠮᠠᠭᠠᠯᠠᠬᠤ ᠠᠷᠭᠠ ᠨᠢ ᠵᠣᠬᠢᠰ ᠦᠭᠡᠢ᠂ ᠳᠠᠷᠤᠢ ᠣᠰᠤᠨᠤ ᠬᠠᠯᠠᠭᠤᠨ ᠬᠡᠲᠦᠷᠬᠡᠢ ᠥᠨᠳᠥᠷ᠂
ᠭᠡᠵᠢᠭᠡᠪᠡᠨ ᠦᠯᠢᠶᠡᠵᠤ ᠬᠠᠲᠠᠭᠠᠭᠰᠠᠨ ᠦᠭᠡᠢᠪᠡᠷ ᠤᠨᠲᠠᠬᠤ ᠵᠡᠷᠭᠡ ᠨᠢ ᠲᠣᠯᠣᠭᠠᠢᠶᠢᠨ ᠠᠷᠠᠰᠤᠨᠤ ᠡᠷᠡᠭᠦᠯ
ᠮᠡᠨᠳᠦᠶᠢ ᠳᠠᠮᠢᠶᠠᠷ ᠨᠥᠯᠥᠭᠡᠯᠡᠵᠦ ᠮᠡᠳᠡᠨᠡ᠃
ᠭᠡᠵᠢᠭᠡ ᠤᠨᠠᠬᠤ ᠵᠢᠨ ᠭᠣᠣᠯ ᠰᠢᠯᠲᠠᠭᠠᠨ ᠨᠢ ᠤᠳᠤᠮᠰᠢᠯᠤᠨ ᠴᠢᠨᠠᠷᠲᠠᠢ ᠭᠡᠵᠢᠭᠡ ᠤᠨᠠᠬᠤ᠂ ᠳᠣᠲᠣᠭᠠᠳᠤ ᠱᠦᠭᠦᠷᠡᠯ
ᠲᠡᠩᠴᠡᠭᠦᠷᠢᠪᠡᠨ ᠠᠯᠳᠠᠬᠤ᠂ ᠰᠢᠮᠡ ᠲᠡᠵᠢᠭᠡᠯ ᠳᠤᠲᠠᠭᠳᠠᠬᠤ᠂ ᠣᠶᠤᠨ ᠰᠠᠨᠠᠭᠠᠨᠤ ᠳᠠᠷᠤᠯᠲᠠ ᠪᠤᠶᠤ ᠲᠣᠯᠣᠭᠠᠢᠶᠢᠨ
ᠠᠷᠠᠰᠤᠨᠤ ᠡᠪᠡᠳᠴᠢᠨ ᠵᠡᠷᠭᠡᠡᠴᠡ ᠪᠣᠯᠳᠠᠭ᠃
ᠵᠠᠯᠭᠠᠭᠠᠳ 《ᠤᠶᠠᠭᠠ ᠮᠤᠷᠢᠨᠤ
ᠳᠡᠷᠭᠡᠳᠡ ᠬᠦᠳᠡᠭᠡ ᠬᠤᠨᠤᠬᠤ ᠰᠠᠢᠬᠠᠨ》 ᠬᠡᠬᠦ ᠲᠠᠭᠤᠤ ᠪᠡᠷ ᠠᠶᠠ ᠪᠠᠷᠢᠵᠤ ᠨᠡᠪᠳᠡᠷᠡᠭᠦᠯᠬᠡ ᠪᠡᠨ
ᠵᠢᠷᠭᠠᠭᠠᠶᠠ᠂ ᠲᠠ ᠪᠦᠬᠦᠨ ᠤ ᠬᠦᠯᠢᠶᠡᠨ ᠠᠪᠴᠤ᠌ ᠰᠤᠨᠤᠰᠤᠬ᠍ᠰᠠᠨ ᠳ᠋ᠦ ᠪᠠᠶᠠᠷᠯᠠᠯᠠ᠂ ᠪᠠᠶᠠᠷᠳᠠᠢ︕