ᠬᠣᠶᠠᠷ ᠬᠤᠷᠠᠯᠤᠨ ᠲᠤᠰᠭᠠᠢ ᠮᠡᠳᠡᠭᠡᠯᠡᠯ
✦ 2026 ᠣᠨᠤ 3 ᠰᠠᠷᠠᠶᠢᠨ 11ᠦ ᠡᠳᠦᠷᠦᠨ ᠦᠳᠡᠶᠢᠨ ᠡᠮᠦᠨᠡᠬᠢ 9 ᠴᠠᠭᠲᠤ᠂ ᠪᠥᠬᠥ ᠤᠯᠤᠰᠤᠨ ᠤᠯᠤᠰ ᠲᠥᠷᠥᠶᠢᠨ ᠵᠥᠪᠯᠡᠯᠭᠡᠨᠦ
ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠬᠤᠷᠢᠶᠠ ᠵᠢᠨ ᠳᠥᠷᠪᠡᠳᠦᠭᠡᠷ ᠬᠤᠷᠠᠯ ᠠᠷᠠᠳᠤᠨ ᠶᠡᠬᠡ ᠬᠤᠷᠠᠯᠤᠨ
ᠲᠠᠩᠬᠢᠮᠳᠤ ᠲᠡᠭᠦᠰᠬᠦ ᠬᠤᠷᠠᠯ ᠬᠢᠨᠠ᠃
ᠨᠡᠢᠭᠡᠮ
✦ ᠬᠥᠳᠡᠭᠡ ᠠᠵᠤ ᠠᠬᠤᠢ ᠬᠥᠳᠡᠭᠡ ᠲᠣᠰᠬᠣᠨᠤ ᠶᠠᠮᠤᠨᠤ ᠲᠣᠭᠠ
ᠪᠠᠷᠢᠮᠲᠠᠳᠤ ᠢᠯᠡᠷᠬᠡᠢᠯᠡᠭᠰᠡᠨᠢᠶᠠᠷ᠂ 2025 ᠣᠨᠳᠤ ᠮᠠᠨᠤ ᠤᠯᠤᠰᠤᠨ ᠮᠢᠬᠠᠨᠤ ᠲᠦᠷᠦᠯᠦᠨ ᠭᠠᠷᠤᠯᠲᠠ
ᠠᠩᠬᠠ ᠤᠳᠠᠭᠠ 1 ᠳ᠋ᠦᠩᠰᠢᠭᠤᠷ ᠲᠣᠨᠢ ᠳᠠᠪᠠᠵᠤ᠂ ᠪᠦᠬᠦ ᠤᠯᠤᠰᠤᠨ ᠬᠥᠮᠥᠨ ᠳᠤᠮᠳᠠᠴᠢᠳᠦ ᠨᠤᠬᠳᠠᠬᠤ ᠬᠡᠮᠵᠢᠶᠡ 72.3 ᠺᠢᠯᠣᠭ᠌ᠷᠠᠮᠳᠤ ᠬᠦᠷᠴᠦ᠂ ᠳᠡᠯᠡᠬᠡᠢᠶᠢᠨ ᠳᠤᠮᠳᠠᠴᠢ ᠲᠦᠪᠰᠢᠨᠡᠴᠡ
ᠳᠠᠪᠠᠵᠠᠢ᠃
✦ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠶᠠᠮᠤᠨᠤ ᠮᠡᠳᠡᠭᠡ
ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠣᠳᠣᠬᠠᠨᠳᠤ ᠪᠦᠬᠦ ᠤᠯᠤᠰᠲᠤ ᠡᠳᠦᠷ ᠪᠦᠷᠢ ᠲᠦᠷᠭᠡᠨᠦ ᠵᠠᠰᠠᠮᠠᠯ ᠵᠠᠮ ᠳᠡᠭᠡᠷᠡ 3000 ᠲᠦᠮᠡᠨ ᠵᠢᠵᠢᠭ ᠮᠠᠰᠢᠨ ᠲᠡᠷᠭᠡ ᠨᠡᠪᠲᠡᠷᠡᠵᠦ᠂ ᠲᠦᠷᠭᠡᠨᠦ ᠭᠠᠯᠲᠤ ᠲᠡᠷᠭᠡ 1000 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠᠶᠢ ᠵᠦᠭᠡᠭᠡᠪᠦᠷᠢᠯᠡᠵᠤ᠂ ᠠᠷᠠᠳᠤᠨ ᠠᠭᠠᠷᠤᠨ ᠵᠦᠭᠡᠭᠡᠪᠤᠷᠢ ᠪᠠᠷᠤᠭ 200 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠᠶᠢ ᠵᠦᠭᠡᠭᠡᠪᠦᠷᠢᠯᠡᠵᠤ ᠪᠤᠢ᠃
✦ ᠤᠯᠤᠰᠤᠨ ᠠᠮᠤ ᠪᠤᠳᠠᠭᠠ ᠪᠠ ᠡᠳ᠋ ᠪᠠᠷᠠᠭᠠ ᠨᠥᠭᠡᠴᠡᠯᠡᠬᠦ
ᠳᠤᠪᠴᠢᠶᠠ ᠵᠢᠨ ᠬᠠᠮᠤᠭᠤᠨ ᠰᠢᠨᠡ ᠲᠣᠭᠠ ᠪᠠᠷᠢᠮᠲᠠᠳᠤ᠂ ᠣᠳᠣᠬᠠᠨ ᠪᠣᠯᠲᠠᠯᠠ ᠪᠦᠬᠦ ᠤᠯᠤᠰᠤᠨ ᠡᠯᠡ
ᠲᠦᠷᠦᠯᠦᠨ ᠠᠮᠤ ᠪᠤᠳᠠᠭᠠᠨᠤ ᠡᠵᠡᠩᠨᠡᠯᠲᠡ ᠵᠢᠨ ᠭᠣᠣᠯ ᠴᠣᠭᠴᠠ ᠨᠠᠮᠤᠷᠤᠨ ᠠᠮᠤ ᠪᠤᠳᠠᠭᠠ ᠶᠢ 3 ᠳ᠋ᠦᠩᠰᠢᠭᠤᠷ ᠲᠣᠨ ᠬᠤᠳᠠᠯᠳᠤᠨ ᠠᠪᠴᠤ᠂ ᠣᠢᠷᠠᠶᠢᠨ ᠵᠢᠯᠤᠨ ᠨᠡᠯᠢᠶᠡᠳ ᠥᠨᠳᠥᠷ ᠲᠦᠪᠰᠢᠨᠳᠦ
ᠬᠦᠷᠴᠠᠢ᠃
✦ 2025 ᠣᠨᠳᠤ᠂ ᠤᠯᠤᠰᠤᠨ ᠵᠠᠬᠠ
ᠳᠡᠯᠭᠡᠭᠦᠷᠦᠨ ᠬᠢᠨᠠᠯᠲᠠ ᠬᠠᠮᠢᠶᠠᠷᠤᠯᠲᠠᠶᠢᠨ ᠶᠡᠷᠦᠩᠬᠡᠢ ᠲᠣᠪᠴᠢᠶᠠ ᠮᠢᠬᠠᠨᠤ ᠪᠦᠲᠦᠭᠡᠭᠳᠡᠬᠦᠨ᠂ ᠢᠳᠡᠰᠢᠨᠦ
ᠤᠷᠭᠤᠮᠠᠯᠤᠨ ᠲᠣᠰᠣ᠌ᠶᠢ ᠬᠤᠳᠠᠯ ᠬᠠᠭᠤᠷᠮᠠᠭᠢᠶᠠᠷ ᠦᠢᠯᠡᠳᠴᠦ ᠪᠣᠷᠣᠯᠠᠭᠤᠯᠬᠤ ᠲᠣᠪᠣᠢᠮᠠ ᠠᠰᠠᠭᠤᠳᠠᠯᠳᠤ
ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠵᠦ᠂ ᠪᠦᠬᠦ ᠤᠯᠤᠰᠲᠤ ᠲᠤᠰᠬᠠᠢ ᠴᠡᠭᠴᠡᠯᠡᠨ ᠵᠠᠰᠠᠬᠤ ᠠᠵᠢᠯ ᠥᠷᠨᠢᠭᠦᠯᠵᠦ᠂ ᠪᠦᠬᠦ
ᠵᠢᠯᠳᠦ 4.17 ᠲᠦᠮᠡᠨ ᠬᠡᠷᠡᠭᠢ ᠪᠠᠢᠴᠠᠭᠠᠨ
ᠰᠢᠢᠳᠪᠦᠷᠢᠯᠡᠵᠦ᠂ 3.29 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭ
ᠲᠣᠷᠭᠠᠵᠤ ᠬᠤᠷᠢᠶᠠᠮᠵᠢᠯᠠᠨ᠂ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠪᠠᠢᠭᠤᠯᠭᠠᠳᠤ 1702 ᠶᠠᠯᠠᠲᠤ ᠬᠡᠷᠡᠭ ᠢ ᠰᠢᠯᠵᠢᠭᠦᠯᠦᠨ ᠬᠦᠷᠭᠡᠵᠦ᠂ ᠥᠨᠳᠥᠷ ᠳᠠᠷᠤᠯᠲᠠ ᠪᠡᠷ ᠬᠠᠤᠯᠢ ᠬᠡᠷᠡᠭᠵᠢᠭᠦᠯᠵᠦ ᠤᠯᠠᠨ
ᠲᠦᠮᠡᠨᠦ ᠢᠳᠡᠭᠡᠨᠦ ᠠᠮᠤᠷ ᠲᠦᠪᠰᠢᠨᠢ ᠬᠠᠮᠠᠭᠠᠯᠠᠪᠠ᠃
✦ ᠲᠡᠮᠦᠷ ᠵᠠᠮᠤᠨ 12306 ᠳᠠᠪᠴᠠᠩ ᠲᠦᠷᠦᠬᠦᠬᠡᠨ ᠠᠯᠪᠠᠨ ᠵᠠᠷᠯᠠᠯ ᠨᠡᠢᠲᠡᠯᠡᠵᠦ᠂ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠳᠲᠦ
ᠠᠵᠢᠯ ᠣᠯᠭᠣᠬᠤ ᠦᠢᠯᠡᠴᠢᠯᠡᠭᠡᠨᠦ ᠠᠵᠢᠯᠢ ᠤᠯᠠᠮ ᠰᠠᠢᠲᠤᠷ ᠦᠷᠨᠢᠭᠦᠯᠵᠦ᠂ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠳᠦᠨ
ᠭᠠᠵᠠᠷ ᠣᠷᠣᠨ ᠠᠯᠤᠰᠯᠠᠨ ᠠᠵᠢᠯ ᠡᠷᠢᠬᠦᠳᠦ ᠳᠥᠭᠥᠮ ᠦᠵᠡᠭᠦᠯᠬᠦᠶᠢᠨ ᠲᠥᠯᠥᠭᠡ 2026 ᠣᠨᠤ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠳ ᠭᠠᠯᠲᠤ
ᠲᠡᠷᠭᠡᠨᠤ ᠪᠢᠯᠧᠲ ᠬᠤᠳᠠᠯᠳᠤᠨ ᠠᠪᠬᠤᠳᠤ ᠬᠠᠷᠠᠭᠠᠯᠵᠠᠯ ᠦᠵᠡᠭᠦᠯᠦᠨᠡ ᠭᠡᠪᠡ᠃ 2026 ᠣᠨᠳᠤ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠳ ᠪᠡᠶᠡᠶᠢᠨ ᠦᠨᠡᠮᠯᠡᠯᠢᠶᠡᠨ ᠰᠢᠯᠭᠠᠭᠤᠯᠤᠭᠰᠠᠨᠤ
ᠳᠠᠷᠠᠭᠠ᠂ ᠲᠡᠭᠦᠰᠬᠦ ᠰᠤᠷᠤᠯᠭᠠᠶᠢᠨ ᠵᠢᠯᠳᠡᠭᠡᠨ ᠳᠠᠩ ᠴᠢᠭᠯᠡᠯᠦᠨ ᠰᠤᠷᠤᠭ᠍ᠴᠢᠶᠢᠨ ᠬᠠᠷᠠᠭᠠᠯᠵᠠᠯᠤᠨ
ᠪᠢᠯᠧᠲᠢ ᠢᠯᠡᠭᠦᠦ 2 ᠤᠳᠠᠭᠠ ᠬᠦᠷᠲᠡᠵᠦ ᠪᠣᠯᠣᠨᠠ᠃ ᠪᠢᠯᠧᠲᠦᠨ ᠦᠨᠡ
ᠪᠣᠯᠣᠨ ᠰᠠᠭᠤᠳᠠᠯᠤᠨ ᠬᠠᠷᠠᠭᠠᠯᠵᠠᠯ ᠢ ᠣᠳᠣ᠌ ᠶᠢᠨ ᠬᠡᠷᠡᠭᠵᠢᠭᠦᠯᠵᠦ ᠪᠠᠢᠭᠠ ᠰᠤᠷᠤᠭ᠍ᠴᠢᠶᠢᠨ
ᠪᠢᠯᠧᠲᠦᠨ ᠬᠠᠷᠠᠭᠠᠯᠵᠠᠯᠤᠨ ᠲᠥᠷᠥᠶᠢᠨ ᠪᠣᠳᠣᠯᠭᠠ ᠯᠤᠭᠠ ᠨᠢᠭᠡᠳᠦᠯᠲᠡᠢ ᠪᠠᠢᠯᠭᠠᠨᠠ᠃
✦ ᠰᠤᠷᠭᠠᠨ ᠬᠥᠮᠦᠵᠢᠯ ᠦᠨ ᠶᠠᠮᠤᠨᠠᠴᠠ ᠨᠠᠢ᠍ᠮᠠᠳᠤᠭᠠᠷ
ᠬᠤᠭᠤᠴᠠᠭᠠᠨᠤ ᠮᠤᠵᠢᠶᠢᠨ ᠬᠠᠷᠢᠶᠠ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠣᠨᠣᠪᠴᠢᠲᠠᠶᠪᠠᠷ ᠬᠠᠪᠰᠤᠷᠤᠨ ᠲᠡᠳᠬᠦᠬᠦ
ᠨᠡᠢᠳᠡᠯᠢᠭ ᠲᠥᠰᠥᠯᠢ ᠰᠣᠩᠭᠣᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠦᠷᠡ ᠳ᠋ᠦᠩ ᠢ ᠨᠡᠢᠲᠡᠯᠡᠪᠡ᠃ ᠪᠥᠬᠥ ᠤᠯᠤᠰᠤᠨ 66 ᠲᠥᠰᠥᠯᠦᠨ ᠳᠣᠲᠣᠷᠠ ᠮᠠᠨᠤ ᠣᠷᠣᠨᠤ 4 ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ
ᠨᠡᠢᠲᠡᠯᠢᠭ ᠲᠥᠰᠥᠯ ᠠᠮᠵᠢᠯᠲᠠᠲᠠᠢ ᠪᠡᠷ ᠰᠣᠩᠭᠣᠭᠳᠠᠵᠤ᠂ ᠪᠥᠬᠥ ᠤᠯᠤᠰᠤᠨ ᠡᠯᠡ ᠮᠤᠵᠢ （ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ᠂ ᠰᠢᠭᠤᠳ ᠬᠠᠷᠢᠶᠠ ᠬᠣᠲᠠ） ᠵᠢᠨ ᠳᠣᠲᠣᠷᠠ ᠣᠷᠣᠢᠯᠠᠵᠤ᠂ ᠡᠵᠡᠯᠡᠬᠦ ᠬᠠᠷᠢᠴᠠᠯ ᠨᠢ ᠪᠦᠬᠦ ᠤᠯᠤᠰᠤᠨ
ᠶᠡᠷᠦᠩᠬᠡᠢ ᠲᠣᠭᠠᠨᠤ 6% ᠶᠢ ᠳᠠᠪᠠᠭᠰᠠᠨ ᠪᠠᠢᠨᠠ᠃
✦ ᠣᠢᠷᠠᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ ᠬᠡᠷᠡᠭᠯᠡᠭᠡᠨᠦ
ᠠᠭᠠᠷᠤᠨ ᠠᠶᠠᠯᠠᠯᠤᠨ ᠲᠣᠪᠴᠢᠶᠠᠶᠢᠨ ᠵᠥᠪᠰᠢᠶᠡᠷᠡᠯᠢᠶᠡᠷ᠂ ᠮᠠᠨᠵᠤᠤᠷᠤᠨ ᠪᠠᠷᠠᠭᠤᠨ ᠲᠡᠭᠦᠷᠭᠡᠶᠢᠨ ᠨᠢᠰᠬᠡᠯᠦᠨ
ᠪᠠᠭᠤᠳᠠᠯᠢ ᠮᠠᠨᠵᠤᠤᠷᠤᠨ ᠪᠠᠷᠠᠭᠤᠨ ᠲᠡᠭᠦᠷᠭᠡᠶᠢᠨ ᠣᠯᠠᠨ ᠤᠯᠤᠰᠤᠨ ᠨᠢᠰᠬᠡᠯᠦᠨ ᠪᠠᠭᠤᠳᠠᠯ ᠭᠡᠵᠦ ᠬᠠᠯᠠᠪᠠ᠃
✦ ᠦᠦᠰᠢᠨ ᠬᠣᠰᠢᠭᠤᠨᠤ ᠣᠷᠣᠨ ᠨᠤᠲᠤᠭᠤᠨ ᠣᠨᠴᠠ ᠪᠦᠲᠦᠭᠡᠭᠳᠡᠬᠦᠨᠦ
ᠳᠡᠯᠭᠡᠨ ᠲᠠᠨᠢᠯᠴᠠᠭᠤᠯᠭᠠᠶᠢᠨ ᠠᠵᠢᠯᠯᠠᠭᠠ ᠤᠷᠴᠢᠮᠬᠠᠨ ᠬᠥᠬᠡᠬᠣᠲᠠᠳᠤ ᠶᠠᠪᠤᠭᠳᠠᠪᠠ᠃ ᠠᠵᠢᠯᠯᠠᠭᠠᠳᠤ
ᠦᠦᠰᠢᠨ ᠬᠣᠰᠢᠭᠤᠨᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠲᠡᠶᠢᠨ ᠣᠳᠣᠬᠢ ᠪᠠᠢᠳᠠᠯᠢ ᠪᠦᠬᠦ ᠲᠠᠯᠠᠪᠠᠷ
ᠳᠡᠯᠭᠡᠨ ᠦᠵᠡᠭᠦᠯᠦᠭᠰᠡᠨᠤ ᠬᠠᠮᠲᠤ ᠣᠷᠣᠨ ᠨᠤᠲᠤᠭᠤᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠬᠳᠤ ᠪᠣᠬᠢᠷᠲᠤᠯ ᠦᠭᠡᠢ ᠮᠠᠯᠤᠨ
ᠠᠰᠢᠭ ᠰᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠢ ᠳᠡᠯᠭᠡᠨ ᠲᠠᠨᠢᠯᠴᠠᠭᠤᠯᠪᠠ᠃
ᠠᠵᠤ ᠠᠬᠤᠢ
✦ 2026 ᠣᠨᠠᠴᠠ ᠨᠠᠭᠠᠰᠢ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠺᠢᠨᠣ᠋ ᠶᠢᠨ
ᠪᠢᠯᠧᠲᠦᠨ ᠣᠷᠣᠯᠭᠠ 110 ᠳ᠋ᠦᠩᠰᠢᠭᠤᠷ ᠰᠢᠬᠠᠮ ᠲᠥᠭᠥᠷᠢᠭ ᠬᠦᠷᠴᠦ᠂ ᠪᠥᠬᠥ ᠳᠡᠯᠡᠬᠡᠢᠶᠢᠨ
ᠺᠢᠨᠣ᠋ ᠶᠢᠨ ᠵᠠᠬᠠ ᠳᠡᠯᠭᠡᠭᠦᠷᠲᠠᠬᠢ ᠡᠵᠡᠯᠡᠬᠦ ᠬᠠᠷᠢᠴᠠᠯ ᠨᠢ 28%ᠶᠢ ᠳᠠᠪᠠᠵᠠᠢ᠃
✦ 3 ᠰᠠᠷᠠᠶᠢᠨ 7 — 9ᠤ ᠡᠳᠦᠷ ᠪᠣᠯᠲᠠᠯᠠ ᠶᠠᠪᠤᠭᠳᠠᠭᠰᠠᠨ 《ᠥᠪᠥᠷ ᠮᠣᠩᠭᠣᠯᠤᠨ ᠵᠡᠭᠦᠨ ᠬᠡᠰᠡᠭ · 2026 ᠣᠨᠤ ᠥᠪᠥᠷ ᠮᠣᠩᠭᠣᠯ （ᠬᠠᠪᠤᠷᠤᠨ ᠤᠯᠠᠷᠢᠯ）ᠤᠨ ᠬᠥᠳᠡᠭᠡ ᠠᠵᠤ ᠠᠬᠤᠢᠶᠢᠨ ᠮᠠᠰᠢᠨ ᠮᠧᠬᠠᠨᠢᠭ᠋ᠤᠨ ᠦᠵᠡᠰᠬᠦᠯᠡᠩ》 ᠤᠯᠠᠭᠠᠨᠬᠠᠳᠠᠶᠢᠨ ᠠᠷᠠᠯᠵᠢᠶᠠ
ᠬᠤᠳᠠᠯᠳᠤᠭᠠᠨᠤ ᠦᠢᠯᠡᠴᠢᠯᠡᠭᠡᠨ ᠤ ᠪᠣᠳᠠᠰ ᠤᠨ ᠭᠦᠢᠯᠭᠡᠭᠡ ᠶᠢᠨ ᠬᠦᠷᠢᠶᠡᠯᠡᠩ ᠲᠣᠭᠣᠷᠢᠭ᠋ᠲᠤ ᠠᠮᠵᠢᠯᠲᠠᠲᠠᠢ
ᠥᠨᠳᠥᠷᠯᠡᠵᠦ᠂ ᠭᠤᠷᠪᠠᠨ ᠡᠳᠦᠷᠦᠨ ᠬᠤᠭᠤᠴᠠᠭᠠᠨᠳᠤ 326 ᠵᠠᠬᠢᠶᠠᠯᠠᠭᠠ ᠲᠣᠭᠲᠠᠵᠤ᠂ ᠰᠠᠨᠠᠮᠵᠢᠶᠢᠨ ᠠᠷᠠᠯᠵᠢᠶᠠ ᠪᠦᠲᠦᠭᠰᠡᠨ ᠬᠡᠮᠵᠢᠶᠡ
5 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠢ ᠳᠠᠪᠠᠪᠠ᠃
ᠰᠣᠶᠣᠯ
✦ 《3·8》ᠤ ᠳᠡᠯᠡᠬᠡᠢᠶᠢᠨ ᠡᠮᠡᠭᠲᠡᠢᠴᠦᠳᠤᠨ
ᠪᠠᠶᠠᠷᠤᠨ ᠡᠳᠦᠷᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠲᠠᠷᠬᠠᠨ ᠮᠤᠣᠮᠢᠩᠭᠠᠨ ᠬᠣᠯᠪᠣᠭᠠᠲᠤ ᠬᠣᠰᠢᠭᠤᠨᠤ 《ᠪᠠᠶᠠᠰᠬᠤᠯᠠᠩᠲᠤ ᠨᠠᠭᠠᠳᠤᠮ》 ᠬᠣᠯᠪᠣᠭᠠᠨᠤ ᠬᠢᠨ ᠤᠯᠠᠮᠵᠢᠯᠠᠯᠲᠤ
ᠱᠠᠭᠠ ᠨᠠᠭᠠᠳᠤᠮᠤᠨ ᠤᠷᠣᠯᠳᠤᠭᠠᠨ ᠶᠠᠪᠤᠭᠳᠠᠭᠤᠯᠤᠯᠠ᠃ ᠲᠤᠰ ᠤᠳᠠᠭᠠᠨᠤ ᠨᠠᠭᠠᠳᠤᠮᠳᠤ ᠪᠠᠷᠭᠠᠶ ᠲᠣᠭᠯᠠᠭᠠᠮ᠂ ᠱᠠᠭᠠ ᠬᠠᠮᠤᠬᠤ᠂ ᠱᠠᠭᠠ ᠬᠠᠷᠪᠤᠬᠤ᠂ ᠬᠡᠢᠮᠣᠷᠢᠶᠢᠨ ᠠᠷᠪᠠᠨ
ᠭᠤᠷᠪᠠ ᠵᠡᠷᠭᠡ ᠲᠠᠪᠤᠨ ᠲᠥᠷᠥᠯᠦᠨ ᠨᠠᠭᠠᠳᠤᠮᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠶᠠᠪᠤᠭᠳᠠᠭᠤᠯᠵᠤ᠂ ᠪᠠᠶᠠᠨᠨᠠᠭᠤᠷ ᠬᠤᠲᠠ᠂
ᠠᠪᠠᠭᠠ ᠬᠣᠰᠢᠭᠤ᠂ ᠰᠥᠨᠢᠳ ᠵᠡᠭᠦᠨ ᠬᠣᠰᠢᠭᠤ᠂ ᠳᠥᠷᠪᠡᠳ ᠬᠣᠰᠢᠭᠤ ᠵᠡᠷᠭᠡ ᠭᠠᠵᠠᠷ ᠣᠷᠣᠨᠤ ᠱᠠᠭᠠ ᠨᠠᠭᠠᠳᠤᠮᠤᠨ
ᠪᠠᠬᠠᠲᠠᠳ ᠣᠷᠣᠯᠴᠠᠭᠰᠠᠨ ᠪᠠᠢᠨᠠ᠃
ᠲᠠᠮᠢᠷ
✦ ᠡᠮᠡᠭᠲᠡᠢᠶᠢᠨ ᠬᠥᠯ ᠪᠥᠮᠪᠥᠭᠡᠶᠢᠨ
ᠠᠽᠢᠶᠠ ᠲᠢᠪ ᠬᠤᠨᠳᠠᠭᠠᠲᠤ ᠳᠤᠭᠤᠢᠯᠠᠩᠤᠨ ᠤᠷᠤᠯᠳᠤᠭᠠᠨᠤ B ᠳᠤᠭᠤᠢᠯᠠᠩᠤᠨ ᠬᠠᠮᠤᠭᠤᠨ
ᠰᠡᠭᠦᠯᠴᠢ ᠵᠢᠨ ᠡᠭᠡᠯᠵᠢᠳᠦ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠩᠭᠢ 2᠄ 1 ᠪᠡᠷ
ᠰᠣᠯᠣᠩᠭᠣᠰᠤᠨ ᠠᠩᠭᠢᠶᠢ ᠢᠯᠠᠵᠤ᠂ ᠵᠠᠯᠭᠠᠭᠠᠪᠠᠷ ᠭᠤᠷᠪᠠ ᠤᠳᠠᠭᠠ ᠲᠤᠰ ᠳᠤᠭᠤᠢᠯᠠᠩᠤᠨ ᠨᠢᠭᠡᠳᠦᠭᠡᠷᠲᠦ
ᠣᠷᠣᠵᠤ᠂ ᠳᠥᠷᠪᠡᠨᠦ ᠨᠢᠭᠡᠶᠢᠨ ᠰᠢᠢᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨᠳᠤ C ᠳᠤᠭᠤᠢᠯᠠᠩᠤᠨ ᠬᠣᠶᠠᠳᠤᠭᠠᠷ
ᠪᠥᠮᠪᠥᠭᠡᠨ ᠠᠩᠭᠢᠲᠠᠢ ᠤᠷᠤᠯᠳᠤᠬᠤ ᠪᠣᠯᠣᠨᠠ᠃
✦ ᠠᠩᠬᠠᠨ ᠤ ᠬᠤᠭᠤᠴᠠᠭᠠᠨᠤ 《ᠨᠤᠲᠤᠭ》 ᠨᠡᠷᠡᠮᠵᠢᠳᠤ
ᠮᠤᠩᠭᠤᠯ ᠮᠤᠷᠢᠨᠤ ᠰᠤᠷᠢᠭᠠ ᠤᠷᠤᠯᠳᠤᠭᠠᠨ ᠤᠷᠴᠢᠮᠬᠠᠨ ᠤᠩᠨᠢᠭᠤᠳ ᠬᠤᠰᠢᠭᠤᠨᠤ ᠭᠡᠷᠰᠡᠩ ᠰᠤᠮᠤᠳᠤ ᠶᠠᠪᠤᠭᠳᠠᠪᠠ᠃
ᠤᠷᠤᠯᠳᠤᠭᠠᠨᠳᠤ 12 ᠭᠠᠵᠠᠷᠤᠨ ᠵᠢᠷᠤᠭᠠ ᠮᠣᠷᠢᠨᠤ ᠤᠷᠤᠯᠳᠤᠭᠠᠨ᠂ 25 ᠭᠠᠵᠠᠷᠤᠨ
ᠬᠤᠷᠳᠤᠨ ᠮᠣᠷᠢᠨᠤ ᠤᠷᠤᠯᠳᠤᠭᠠᠨ ᠵᠡᠷᠭᠡ ᠲᠥᠷᠪᠡᠨ ᠲᠥᠷᠥᠯᠦᠨ ᠤᠷᠤᠯᠳᠤᠭᠠᠨᠢ ᠲᠣᠬᠢᠷᠠᠭᠤᠯᠵᠤ᠂ ᠣᠩᠨᠢᠭᠤᠳ ᠬᠣᠰᠢᠭᠤᠨᠤ ᠬᠡᠪᠴᠢᠶᠡᠨᠤ ᠤᠶᠠᠭᠠᠴᠢᠳ
ᠤᠨ ᠵᠠᠭᠤ ᠭᠠᠷᠤᠢ ᠮᠣᠷᠢ ᠤᠷᠣᠯᠳᠤᠵᠤ᠂ ᠬᠤᠷᠠᠭᠰᠠᠨ ᠣᠯᠠᠨᠢᠶᠠᠨ ᠪᠠᠶᠠᠰᠬᠠᠵᠠᠢ᠃
✦ 3 ᠰᠠᠷᠠᠶᠢᠨ 9ᠤ ᠡᠳᠦᠷ᠂ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠣᠰᠢᠭᠤᠨᠳᠤ ᠶᠠᠪᠤᠭᠳᠠᠭᠰᠠᠨ ᠬᠥᠯᠥᠨ ᠪᠣᠶ᠋ᠢᠷ
ᠬᠣᠲᠠᠶᠢᠨ ᠨᠠᠢ᠍ᠮᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠳᠣᠯᠢᠶᠠᠲᠤ ᠪᠥᠬᠡ ᠵᠢᠨ ᠡᠭᠡᠯᠵᠢᠲᠦ ᠪᠠᠷᠢᠯᠳᠤᠭᠠᠨᠤ ᠰᠢᠯᠢᠳᠡᠭ
128 ᠪᠥᠬᠡᠶᠢᠨ
ᠪᠠᠷᠢᠯᠳᠤᠭᠠᠨᠳᠤ ᠰᠠᠢᠬᠠᠨ ᠲᠦᠷᠦᠭᠦᠯᠡᠪᠡ᠃
ᠳᠡᠯᠡᠬᠡᠢ
✦ ᠰᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ
ᠮᠡᠳᠡᠭᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠠᠮᠧᠷᠢᠺᠠᠶᠢᠨ ᠶᠡᠷᠦᠩᠬᠡᠢᠯᠡᠭᠴᠢ ᠲᠸᠷᠠᠮᠫᠦ᠋ 8ᠤ
ᠡᠳᠦᠷ ᠢᠰᠷᠧᠯᠦᠨ ᠵᠠᠭᠤᠴᠢᠯᠠᠭᠤᠷᠲᠤ ᠬᠡᠯᠡᠬᠦᠳᠡᠭᠡᠨ᠂ 《ᠲᠣᠬᠢᠷᠠᠮᠵᠢᠲᠠᠢ
ᠴᠠᠭ ᠲᠣᠬᠢᠶᠠᠯ》ᠳᠤ ᠢᠷᠠᠨᠳᠠᠬᠢ ᠴᠡᠷᠢᠭ
ᠲᠡᠶ᠋ᠢᠨᠦ ᠠᠵᠢᠯᠯᠠᠭᠠᠪᠠᠨ ᠳᠠᠭᠤᠰᠬᠠᠬᠤ ᠡᠴᠦᠰᠦᠨ ᠲᠣᠭᠲᠠᠭᠠᠯ ᠭᠠᠷᠭᠠᠨᠠ ᠭᠡᠵᠡᠢ᠃
ᠦᠢᠯᠡᠴᠢᠯᠡᠭᠡ
✦ ᠤᠩᠨᠢᠭᠤᠳ ᠬᠤᠰᠢᠭᠤᠨᠤ ᠠᠵᠢᠯ ᠤᠯᠭᠤᠯᠳᠠ ᠵᠢᠨ ᠤᠢᠯᠡᠴᠢᠯᠡᠭᠡᠨᠤ ᠲᠦᠪ
ᠨᠡᠢᠳᠡ ᠵᠢᠨ ᠠᠰᠠᠷᠠᠮᠵᠢ ᠵᠢᠨ ᠴᠢᠨᠠᠷᠳᠠᠢ ᠠᠵᠢᠯᠤᠨ ᠪᠠᠢᠷᠢᠳᠤ ᠠᠵᠢᠯᠳᠠᠨ ᠡᠯᠰᠡᠬᠦ ᠪᠡᠷ ᠪᠤᠢ᠃
ᠲᠠᠨᠤ ᠲᠤᠰᠠᠳᠤ
✦ ᠵᠠᠷᠢᠮ ᠦᠶᠡᠰᠲᠦ ᠲᠡᠷᠭᠡᠨᠦ ᠠᠭᠠᠷ ᠲᠣᠬᠢᠷᠠᠭᠤᠯᠤᠭ᠍ᠴᠢᠠᠴᠠ ᠨᠢᠭᠡ ᠵᠦᠢᠯᠦᠨ ᠰᠣᠨᠢᠨ ᠦᠨᠦᠷ ᠭᠠᠷᠳᠠᠭ᠃
ᠡᠢᠮᠦᠷᠬᠦᠦ ᠪᠠᠢᠳᠠᠯᠳᠤ ᠲᠡᠷᠭᠡᠨ ᠳᠣᠲᠣᠷᠠ ᠪᠠᠨ ᠠᠯᠮᠤᠷᠠᠳ ᠪᠤᠶᠤ ᠨᠢᠮᠪᠡᠭᠡᠶᠢ ᠬᠡᠰᠡᠭᠯᠡᠨ ᠬᠡᠷᠴᠢᠭᠡᠳ
ᠲᠠᠯᠪᠢᠪᠠᠯ ᠵᠢᠮᠢᠰᠦᠨ ᠠᠩᠬᠢᠯᠤᠮᠠ ᠦᠨᠦᠷ ᠲᠡᠷᠭᠡᠨ ᠳᠣᠲᠣᠷᠠᠬᠢ ᠰᠣᠨᠢᠨ ᠦᠨᠦᠷᠢ ᠨᠠᠮᠳᠠᠭᠠᠵᠤ ᠲᠠᠢᠯᠤᠨᠠ᠃
ᠵᠠᠯᠭᠠᠭᠠᠳ 《ᠡᠵᠢ
ᠮᠦᠷᠦᠭᠡᠳᠤᠯ》 ᠬᠡᠬᠦ ᠲᠠᠭᠤᠤ ᠪᠡᠷ ᠠᠶᠠ ᠪᠠᠷᠢᠵᠤ ᠨᠡᠪᠳᠡᠷᠡᠭᠦᠯᠬᠡ ᠪᠡᠨ
ᠵᠢᠷᠭᠠᠭᠠᠶᠠ᠂ ᠲᠠ ᠪᠦᠬᠦᠨᠤ ᠬᠦᠯᠢᠶᠡᠨ ᠠᠪᠴᠤ᠌ ᠰᠤᠨᠤᠰᠤᠬ᠍ᠰᠠᠨ ᠳ᠋ᠦ ᠪᠠᠶᠠᠷᠯᠠᠯᠠ᠂ ᠪᠠᠶᠠᠷᠳᠠᠢ︕
（ᠢᠷᠡᠯᠳᠡ᠄ ᠰᠢᠨᠬᠤᠧᠠ ᠬᠤᠷᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠷᠠᠳᠤᠨ
ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠵᠤ ᠠᠬᠤᠢ ᠵᠢᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ
ᠲᠠᠪᠴᠠᠩ᠂ ᠮᠠᠨᠤ ᠤᠷᠤᠨᠤ ᠡᠯᠠ ᠠᠢᠮᠠᠭ
ᠬᠤᠳᠠ᠂ ᠬᠤᠰᠢᠭᠤ ᠰᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ）