ᠬᠣᠶᠠᠷ ᠬᠤᠷᠠᠯᠤᠨ ᠲᠤᠰᠭᠠᠢ ᠮᠡᠳᠡᠭᠡᠯᠡᠯ
✦ 3 ᠰᠠᠷᠠᠶᠢᠨ 12ᠤᠨ ᠡᠳᠦᠷ （ᠭᠠᠷᠠᠭᠤᠨ ᠳᠥᠷᠪᠡᠨ）ᠤᠨ ᠦᠳᠡᠶᠢᠨ ᠬᠣᠢᠨᠠᠬᠢ 3 ᠴᠠᠭᠲᠤ᠂ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠪᠥᠬᠥ ᠤᠯᠤᠰᠤᠨ ᠠᠷᠠᠳᠤᠨ
ᠲᠥᠯᠥᠭᠡᠯᠡᠭᠴᠢᠳᠦᠨ ᠶᠡᠬᠡ ᠬᠤᠷᠠᠯᠤᠨ ᠳᠥᠷᠪᠡᠳᠦᠭᠡᠷ ᠬᠤᠷᠠᠯᠤᠨ ᠲᠡᠭᠦᠰᠬᠦ ᠬᠤᠷᠠᠯ ᠠᠷᠠᠳᠤᠨ ᠶᠡᠬᠡ ᠬᠤᠷᠠᠯᠤᠨ ᠲᠠᠩᠬᠢᠮ ᠳ᠋ᠤ ᠶᠠᠪᠤᠭᠳᠠᠨᠠ᠃
ᠨᠡᠢᠭᠡᠮ
✦ 11 ᠤ᠋ ᠡᠳᠦᠷ᠂ ᠮᠠᠨᠤ ᠤᠯᠤᠰᠤᠨ ᠪᠡᠶᠡᠪᠡᠨ ᠳᠠᠭᠠᠭᠠᠵᠤ ᠰᠤᠳᠤᠯᠤᠨ ᠦᠢᠯᠡᠳᠦᠭᠰᠡᠨ
T1200 ᠲᠠᠰᠤᠨ ᠬᠡᠲᠦ ᠥᠨᠳᠥᠷ ᠬᠦᠴᠦᠯᠡᠴᠡᠲᠠᠢ ᠨᠡᠭᠦᠷᠡᠰᠦᠲᠥ᠋ᠷᠥᠭᠴᠢᠶᠢᠨ ᠰᠢᠷᠬᠡᠭᠯᠢᠭᠢ ᠪᠥᠬᠥ ᠳᠡᠯᠡᠬᠡᠢᠳᠦ ᠠᠩᠬᠠ ᠳᠠᠷᠬᠠᠭᠠᠪᠠ᠃ ᠡᠨᠡ ᠬᠦ᠌ ᠰᠢᠪᠲᠤᠯᠤᠯᠲᠠ ᠨᠢ ᠪᠦᠬᠦ ᠪᠥᠮᠪᠥᠷᠴᠡᠭᠦᠨ
ᠬᠣᠯᠪᠣᠭᠳᠠᠯ ᠪᠦᠬᠦᠢ ᠬᠦᠷᠢᠶᠡᠨᠦ ᠬᠣᠭᠣᠰᠤᠨᠢ ᠨᠥᠬᠥᠪᠦᠷᠢᠯᠡᠵᠦ᠂ ᠮᠠᠨᠤ ᠤᠯᠤᠰ ᠬᠡᠳᠦ ᠥᠨᠳᠥᠷ ᠬᠦᠴᠦᠯᠡᠴᠡᠲᠠᠢ
ᠨᠡᠭᠦᠷᠡᠰᠦᠲᠥ᠋ᠷᠥᠭᠴᠢᠶᠢᠨ ᠰᠢᠷᠬᠡᠭᠯᠢᠭᠦᠨ ᠬᠦᠷᠢᠶᠡᠨ ᠳ᠋ᠦ ᠴᠢᠬᠤᠯᠠ ᠶᠡᠬᠡ ᠳᠠᠪᠠᠯᠲᠠᠲᠠᠢ
ᠪᠤᠯᠤᠭᠰᠠᠨᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃
✦ ᠲᠥᠪᠦᠨ ᠢᠨᠲᠸᠷ
ᠰᠦᠯᠵᠢᠶᠡᠨᠦ ᠠᠮᠤᠷ ᠲᠦᠪᠰᠢᠨ ᠪᠠ ᠮᠡᠳᠡᠭᠡ ᠵᠠᠩᠭᠢᠴᠢᠯᠠᠯᠲᠠ ᠵᠢᠨ ᠵᠦᠪᠯᠡᠯᠤᠨ
ᠠᠯᠪᠠᠨ ᠭᠡᠷ ᠣᠢᠷᠠᠳᠤ 《ᠲᠤᠨᠭᠭᠠᠯᠠᠭ·2026 ᠣᠨᠤ᠋ ᠥᠯᠵᠡᠢ ᠪᠡᠯᠭᠡᠲᠦ ᠴᠠᠭᠠᠨ ᠰᠠᠷᠠᠶᠢᠨ ᠰᠦᠯᠵᠢᠶᠡᠨᠦ
ᠣᠷᠴᠢᠨᠢ ᠪᠣᠶ ᠪᠣᠯᠭᠠᠬᠤ》 ᠲᠤᠰᠬᠠᠢ ᠠᠵᠢᠯᠯᠠᠭᠠᠶᠢ ᠪᠠᠢᠷᠢᠯᠠᠭᠤᠯᠤᠨ ᠥᠷᠨᠢᠭᠦᠯᠵᠦ᠂ ᠣᠲᠣᠬᠠᠨ
ᠪᠣᠯᠲᠠᠯᠠ ᠬᠠᠤᠯᠢ ᠶᠣᠰᠣᠭᠠᠷ 3.9 ᠲᠦᠮᠡ ᠭᠠᠷᠤᠢ ᠲᠠᠩᠰᠠᠨ ᠨᠣᠮᠧᠷᠢ ᠰᠢᠢᠳᠪᠦᠷᠢᠯᠡᠵᠦ᠂ ᠬᠠᠤᠯᠢ ᠲᠣᠭᠲᠠᠭᠠᠯ
ᠠ᠋ᠴᠠ ᠵᠥᠷᠢᠴᠡᠭᠰᠡᠨ 70.8 ᠲᠦᠮᠡ ᠭᠠᠷᠤᠢ ᠮᠡᠳᠡᠭᠡ ᠵᠠᠩᠭᠢᠶᠢ ᠴᠡᠪᠡᠷᠯᠡᠭᠰᠡᠨ ᠪᠠᠢᠨᠠ᠃
✦ ᠭᠠᠳᠠᠭᠠᠳᠤ ᠶᠠᠪᠤᠳᠠᠯᠤᠨ
ᠶᠠᠮᠤᠨᠤ ᠮᠡᠳᠡᠭᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠡᠯᠡ ᠲᠠᠯᠠ ᠶ᠋ᠢᠨ ᠬᠢᠨᠦ ᠬᠠᠮᠲᠤ ᠶ᠋ᠢᠨ ᠴᠢᠷᠮᠠᠢᠯᠭᠠᠪᠠᠷ ᠣᠳᠣᠬᠠᠨᠳᠤ
ᠳᠤᠮᠳᠠᠳᠤ ᠤᠯᠤᠰᠤᠨ ᠲᠦᠮᠡ ᠭᠠᠷᠤᠢ ᠬᠦᠮᠦᠨ ᠠᠷᠠᠪᠤᠨ ᠬᠣᠯᠪᠣᠭᠠᠲᠤ ᠠᠬᠠᠮᠠᠳᠲᠤ ᠤᠯᠤᠰ᠂ ᠤᠮᠠᠨ᠂ ᠰᠠᠦᠢ᠍ᠳ᠋ᠤᠨ
ᠠᠷᠠᠪ ᠵᠡᠷᠭᠡ ᠤᠯᠤᠰ ᠠ᠋ᠴᠠ ᠠᠮᠤᠷ ᠲᠦᠪᠰᠢᠨ ᠪᠥᠭᠡᠳ ᠡᠮᠬᠢ ᠵᠢᠷᠤᠮᠲᠠᠢᠪᠠᠷ ᠤᠯᠤᠰ ᠲᠠᠭᠠᠨ ᠪᠤᠴᠠᠵᠤ ᠢᠷᠡᠭᠰᠡᠨ
ᠪᠠᠢᠨᠠ᠃
✦ ᠰᠤᠷᠭᠠᠨ
ᠬᠥᠮᠦᠵᠢᠯᠦᠨ ᠶᠠᠮᠤᠨ᠂ ᠤᠯᠤᠰᠤᠨ ᠭᠠᠯ ᠰᠡᠷᠭᠡᠢᠯᠡᠵᠦ ᠭᠠᠯ ᠤᠨᠲᠠᠷᠠᠭᠠᠬᠤ ᠠᠪᠤᠷᠠᠨ ᠲᠤᠰᠠᠯᠠᠬᠤ
ᠲᠣᠪᠴᠢᠶᠠ ᠠ᠋ᠴᠠ ᠬᠠᠮᠲᠤᠷᠠᠨ ᠡᠷᠭᠢᠯᠡᠭᠰᠡᠨ 2026 ᠣᠨᠤ ᠬᠠᠪᠤᠷ ᠤ᠋ᠨ ᠤᠯᠠᠷᠢᠯᠤᠨ ᠪᠦᠬᠦ ᠤᠯᠤᠰᠤᠨ
ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶ᠋ᠢᠨ ᠭᠠᠯ ᠤ᠋ᠨ ᠠᠶᠤᠯ ᠡᠴᠡ ᠰᠡᠷᠭᠡᠢᠯᠡᠬᠦ ᠨᠡᠬᠡᠬᠡᠯᠳᠡᠳᠦ ᠬᠢᠴᠢᠶᠡᠯ ᠢ᠋
3 ᠰᠠᠷᠠ ᠶ᠋ᠢᠨ 13ᠤ ᠡᠳᠦᠷᠦᠨ 15 ᠴᠠᠭᠲᠤ
ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠦᠨᠡ᠃
✦ ᠡᠨᠡ ᠵᠢᠯ ᠥᠪᠥᠷ
ᠮᠣᠩᠭᠣᠯᠤᠨ ᠬᠥᠮᠥᠨᠦ ᠬᠦᠴᠦᠨᠦ ᠡᠬᠢ ᠪᠠᠶᠠᠯᠢᠭ᠋ ᠪᠠ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠰᠠᠯᠠᠭᠠ ᠮᠥᠴᠢᠷ
ᠠᠵᠢᠯ ᠣᠯᠭᠣᠯᠲᠠᠶᠢᠨ ᠠᠵᠢᠯᠤᠨ ᠪᠠᠢᠷᠢᠶᠢ ᠭᠦᠨᠵᠡᠭᠡᠢ ᠠᠭᠤᠳᠠᠯᠵᠤ᠂ ᠪᠥᠬᠥ ᠵᠢᠯᠳᠦ 50 ᠲᠦᠮᠡᠡᠴᠡ
ᠳᠡᠭᠡᠭᠰᠢ ᠵᠠᠬᠠ ᠳᠡᠯᠭᠡᠭᠦᠷᠴᠢᠯᠡᠭᠰᠡᠨ ᠠᠵᠢᠯᠤᠨ ᠪᠠᠢᠷᠢᠶᠢ ᠴᠤᠭᠯᠠᠭᠤᠯᠤᠨ ᠨᠡᠢᠲᠡᠯᠡᠵᠦ᠂ ᠪᠠᠢᠭᠤᠯᠭᠠ
ᠠᠵᠢᠯ ᠦᠢᠯᠡᠰᠦᠨ ᠨᠢᠭᠡᠴᠢ᠂ ᠦᠨᠳᠦᠰᠦᠨ ᠱᠠᠲᠤᠨ ᠳ᠋ᠤ ᠦᠢᠯᠡᠴᠢᠯᠡᠬᠦ ᠲᠥᠷᠥᠯ ᠵᠦᠢᠯ ᠵᠡᠷᠭᠡ ᠲᠥᠷᠥᠶᠢᠨ
ᠪᠣᠳᠣᠯᠭᠠᠶᠢᠨ ᠴᠢᠨᠠᠷᠲᠠᠢ ᠠᠵᠢᠯᠤᠨ ᠪᠠᠢᠷᠢᠶᠢ 4.5 ᠲᠦᠮᠡᠡᠴᠡ ᠢᠯᠡᠬᠦᠦ ᠪᠠᠢᠯᠭᠠᠨ᠂ ᠨᠡᠭᠡᠭᠡᠨ
ᠬᠥᠭᠵᠢᠭᠦᠯᠵᠦ ᠠᠵᠢᠯ ᠣᠯᠭᠣᠬᠤᠶᠢ ᠲᠤᠰᠠᠯᠠᠬᠤ ᠠᠵᠢᠯᠤᠨ ᠪᠠᠢᠷᠢᠶᠢ 1000 ᠡᠴᠡ ᠢᠯᠡᠬᠦᠦ
ᠪᠠᠢᠯᠭᠠᠬᠤᠪᠠᠷ ᠲᠥᠯᠥᠪᠯᠡᠵᠦ ᠪᠣᠶ᠃
✦ 10ᠤ ᠡᠳᠦᠷ᠂
ᠬᠥᠬᠡᠬᠣᠲᠠᠶᠢᠨ ᠱᠧᠩ ᠯᠧ ᠣᠯᠠᠨ ᠤᠯᠤᠰᠤᠨ ᠨᠢᠰᠬᠡᠯᠦᠨ ᠪᠠᠭᠤᠳᠠᠯᠤᠨ ᠠᠭᠠᠷᠤᠨ ᠠᠶᠠᠯᠠᠯᠤᠨ ᠪᠣᠭᠣᠮᠲᠠ
ᠲᠤᠬᠠᠢᠶᠢᠨ ᠲᠠᠯᠠᠪᠤᠷᠤᠨ ᠰᠢᠯᠭᠠᠨ ᠪᠠᠢᠴᠠᠭᠠᠯᠲᠠ ᠳ᠋ᠤ ᠬᠢᠷᠢ ᠳᠡᠨᠭᠴᠡᠪᠡ᠃ ᠡᠨᠡ ᠨᠢ ᠥᠪᠥᠷ ᠮᠣᠩᠭᠣᠯᠤᠨ
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠩᠬᠠᠳᠠᠭ᠍ᠴᠢ 4F ᠲᠠᠰᠤᠨ ᠣᠯᠠᠨ ᠤᠯᠤᠰ ᠤ᠋ᠨ ᠨᠢᠰᠬᠡᠯᠦᠨ
ᠪᠠᠭᠤᠳᠠᠯᠤᠨ ᠠᠭᠠᠷᠤᠨ ᠠᠶᠠᠯᠠᠯᠤᠨ ᠪᠣᠭᠣᠮᠲᠠ ᠠᠰᠢᠭ᠍ᠯᠠᠯᠲᠠ ᠳ᠋ᠤ ᠣᠷᠣᠬᠤ ᠨᠥᠬᠥᠴᠡᠯᠢ
ᠪᠦᠷᠢᠯᠳᠦᠬᠦᠯᠵᠦ᠂ ᠨᠢᠰᠬᠡᠯᠦᠨ ᠪᠠᠭᠤᠳᠠᠯ ᠵᠢᠩᠬᠢᠨᠢᠪᠡᠷ ᠠᠶᠠᠯᠠᠯ ᠨᠡᠪᠲᠡᠷᠡᠬᠦ᠂ ᠳᠡᠯᠡᠬᠡᠢᠴᠢᠯᠡᠭᠰᠡᠨ
ᠡᠵᠡᠩᠨᠡᠯᠲᠡ ᠵᠠᠩᠭᠢᠯᠠᠭᠠ ᠶ᠋ᠢᠨ ᠠᠯᠬᠤᠮ ᠢ᠋ ᠠᠯᠬᠤᠭᠰᠠᠨᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃
✦ ᠬᠥᠯᠥᠨ
ᠪᠤᠢ᠍ᠢᠷ ᠬᠤᠳᠠᠶᠢᠨ ᠠᠳᠤᠭᠤᠨ ᠦᠢᠯᠡᠰᠤᠨ ᠵᠢᠳᠬᠦᠯᠳᠡᠳ ᠵᠢᠴᠢ ᠤᠶᠠᠭᠠᠴᠢᠳᠤᠨ ᠱᠠᠩᠨᠠᠯ ᠣᠯᠭᠣᠬᠤ
ᠶᠣᠰᠣᠯᠠᠯ ᠤᠢᠷᠠ ᠳ᠋ᠤ ᠡᠸᠡᠩᠬᠢ ᠦᠨᠳᠦᠰᠦᠲᠡᠨ ᠤ᠋ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠬᠣᠰᠢᠭᠤᠨᠳ᠋ᠤ ᠶᠠᠪᠤᠭᠳᠠᠵᠤ᠂
ᠬᠦᠯᠦᠨ ᠪᠤᠢᠷ ᠬᠤᠳᠠ ᠵᠢᠨ ᠮᠠᠯᠵᠢᠬᠤ ᠳᠦᠷᠪᠡᠨ ᠬᠤᠰᠢᠭᠤᠨᠤ ᠤᠶᠠᠭᠠᠴᠢᠳ᠂ ᠠᠳᠤᠭᠤᠴᠢᠳ ᠵᠢᠴᠢ ᠠᠳᠤᠭᠤᠨ
ᠰᠣᠶᠣᠯᠢ ᠤᠯᠠᠮᠵᠢᠯᠠᠭ᠍ᠴᠢᠳᠲᠦ᠍ ᠠᠷᠪᠠ ᠭᠠᠷᠤᠢ ᠵᠦᠢᠯᠦᠨ ᠢᠷᠠᠭᠤ ᠠᠯᠳᠠᠷᠤᠯᠭᠤᠪᠠ᠃
✦ ᠦᠬᠠᠢ ᠬᠣᠲᠠ
ᠬᠠᠪᠤᠷᠤᠨ ᠤᠯᠠᠷᠢᠯᠤᠨ ᠨᠡᠭᠦᠳᠡᠯᠤᠨ ᠰᠢᠪᠠᠭᠤ ᠰᠣᠨᠢᠷᠬᠠᠬᠤ ᠬᠠᠮᠤᠭᠤᠨ ᠰᠠᠢᠨ ᠤᠯᠠᠷᠢᠯᠳᠤ ᠣᠷᠣᠵᠦ᠂
ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠣᠶ ᠰᠢᠭᠤᠢ ᠪᠠ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠰᠠᠯᠠᠭᠠ ᠮᠥᠴᠢᠷᠦᠨ 8 ᠬᠢᠨᠠᠨ
ᠬᠡᠮᠵᠢᠬᠦ ᠴᠡᠭᠦᠨ ᠲᠣᠭᠠ ᠪᠠᠷᠢᠮᠲᠠᠳᠤ ᠢᠯᠡᠷᠡᠭᠦᠯᠦᠭᠰᠡᠨᠢᠶᠡᠷ᠂ ᠣᠳᠣᠬᠠᠨᠳᠤ ᠨᠢᠭᠡᠨᠲᠡ ᠬᠤᠨ
ᠭᠠᠯᠠᠭᠤ᠂ ᠤᠯᠠᠭᠠᠨ ᠬᠣᠰᠢᠭᠤᠲᠤ ᠴᠠᠬᠤᠯᠠᠢ ᠵᠡᠷᠭᠡ 10 ᠭᠠᠷᠤᠢ ᠵᠦᠢᠯᠦᠨ ᠨᠡᠭᠦᠳᠡᠯᠦᠨ ᠰᠢᠪᠠᠭᠤ ᠦᠬᠠᠢ
ᠬᠣᠲᠠᠳᠤ ᠢᠷᠡᠵᠦ᠂ ᠳᠦᠷᠰᠦᠶᠢᠨ ᠰᠦᠷᠦᠭᠦᠨ ᠶᠡᠷᠦᠩᠬᠡᠢ ᠬᠡᠮᠵᠢᠶᠠ ᠪᠠᠷᠤᠭ 2 ᠲᠦᠮᠡ ᠪᠠᠢᠨᠠ᠃
✦ ᠰᠥᠨᠢᠳ ᠵᠡᠭᠦᠨ
ᠬᠣᠰᠢᠭᠤᠨᠤ ᠳᠠᠯᠠᠢ ᠰᠤᠮᠤ ᠵᠢᠨ ᠬᠢᠨ ᠤᠷᠴᠢᠮᠬᠠᠨ 19 ᠡᠷᠦᠬᠡ ᠵᠢᠨ ᠮᠠᠯᠴᠢᠳᠲᠤ ᠬᠠᠪᠤᠷᠤᠨ ᠤᠯᠠᠷᠢᠯᠤᠨ
ᠬᠤᠯᠤᠭᠠᠨᠠᠶᠢᠨ ᠭᠠᠮᠰᠢᠭ ᠢ᠋ ᠰᠡᠷᠭᠡᠢᠯᠡᠬᠦ ᠡᠮᠦᠨ ᠵᠦᠢᠯᠡᠰᠢ ᠲᠥᠪᠯᠡᠷᠡᠭᠦᠯᠦᠨ ᠲᠦᠭᠡᠭᠡᠵᠡᠢ᠃ ᠡᠨᠡ
ᠨᠢ ᠲᠤᠰ ᠬᠣᠰᠢᠭᠤᠨᠤ 2026 ᠣᠨᠤ ᠬᠠᠪᠤᠷᠤᠨ ᠤᠯᠠᠷᠢᠯᠤᠨ ᠬᠤᠯᠤᠭᠠᠨᠠᠶᠢᠨ ᠭᠠᠮᠰᠢᠭᠢ ᠰᠡᠷᠭᠡᠢᠯᠡᠨ
ᠡᠵᠡᠮᠳᠡᠬᠦ ᠠᠵᠢᠯ ᠪᠦᠬᠦ ᠲᠠᠯᠠᠪᠠᠷ ᠡᠬᠢᠯᠡᠭᠰᠡᠨᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃
ᠠᠵᠤ ᠠᠬᠤᠢ
✦ ᠪᠠᠷᠠᠭᠤᠨ
ᠦᠵᠦᠮᠦᠴᠢᠨ ᠬᠣᠰᠢᠭᠤ ᠤᠯᠠᠨ ᠡᠰᠢᠴᠢᠯᠡᠭᠰᠡᠨ ᠪᠣᠢᠵᠢᠭᠤᠯᠤᠯᠲᠠᠶᠢᠨ ᠠᠷᠭᠠ ᠵᠠᠮᠢᠶᠠᠷ ᠳᠠᠮᠵᠢᠭᠤᠯᠤᠨ
ᠨᠢᠭᠡ ᠪᠦᠯᠦᠭ ᠳᠠᠢᠴᠢᠯᠠᠬᠤ ᠴᠢᠳᠠᠪᠤᠷᠢᠪᠠᠷ ᠴᠢᠩᠭᠠ᠂ ᠨᠥᠯᠥᠭᠡᠯᠡᠬᠦ ᠬᠡᠪᠴᠢᠶᠡᠪᠡᠷ ᠥᠷᠭᠡᠨ᠂
ᠡᠵᠡᠩᠨᠡᠯᠲᠡ ᠬᠠᠮᠢᠶᠠᠷᠤᠯᠲᠠ ᠵᠢᠷᠤᠮᠵᠢᠭ᠍ᠰᠠᠨ ᠬᠡᠪ ᠳᠠᠭᠤᠷᠢᠶᠠᠯᠤᠨ ᠬᠡᠯᠪᠡᠷᠢᠶᠢᠨ ᠡᠵᠡᠩᠨᠡᠯᠲᠡᠶᠢᠨ
ᠭᠣᠣᠯ ᠴᠣᠭᠴᠠᠶᠢ ᠪᠠᠢᠭᠤᠯᠵᠠᠢ᠃ ᠣᠲᠣᠬᠠᠨ ᠪᠣᠯᠲᠠᠯᠠ ᠪᠥᠬᠥ ᠬᠣᠰᠢᠭᠤᠨᠳᠤ ᠨᠢᠭᠡᠨᠲᠡ 772 ᠭᠡᠷ
ᠪᠦᠯᠢᠶᠢᠨ ᠮᠠᠯᠵᠢᠯᠤᠨ ᠲᠠᠯᠠᠪᠠᠶ᠂ 143 ᠮᠠᠯᠴᠢᠳᠤᠨ ᠲᠤᠰᠬᠠᠢ ᠬᠣᠷᠰᠢᠶᠠᠶᠢ ᠪᠣᠢᠵᠢᠭᠤᠯᠵᠠᠢ᠃
ᠰᠣᠶᠣᠯ
✦ ᠬᠣᠶᠠᠳᠤᠭᠠᠷ
ᠬᠤᠭᠤᠴᠠᠭᠠᠨᠦ 《ᠢᠵᠠᠭᠤᠷ ᠰᠣᠶᠣᠯ》 ᠨᠡᠷᠡᠮᠵᠢᠲᠤ ᠣᠷᠳᠣᠰ ᠨᠠᠢᠷᠤᠨ ᠤᠷᠤᠯᠳᠤᠭᠠᠨ ᠲᠦᠷᠦᠭᠦᠬᠡᠨ ᠣᠲᠤᠭ ᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨ ᠳ᠋ᠤ
ᠠᠮᠵᠢᠯᠲᠠᠲᠠᠢ ᠶᠠᠪᠤᠭᠳᠠᠵᠤ᠂ ᠦᠦᠰᠢᠨ ᠬᠣᠰᠢᠭᠤ᠂ ᠣᠲᠣᠭᠤᠨ ᠡᠮᠦᠨᠡᠲᠦ ᠬᠣᠰᠢᠭᠤ᠂ ᠣᠲᠣᠭ ᠬᠣᠰᠢᠭᠤᠨᠤ
ᠠᠷᠪᠠᠨ ᠰᠠᠯᠪᠤᠷᠢ ᠠᠷᠠᠳᠤᠨ ᠤᠷᠠᠯᠢᠭ᠍ᠴᠢᠳᠤᠨ ᠪᠦᠯᠬᠦᠮ ᠨᠡᠷᠡ ᠮᠡᠳᠡᠭᠦᠯᠦᠨ ᠣᠷᠣᠯᠴᠠᠵᠤ᠂ ᠥᠪᠡᠷ ᠥᠪᠡᠷ
ᠤ᠋ᠨ ᠤᠷᠠ ᠠᠪᠢᠶᠠᠰ ᠵᠢᠡᠨ ᠦᠵᠡᠬᠦᠯᠦᠭᠰᠡᠨ ᠪᠠᠢᠨᠠ᠃
✦ ᠤᠢᠷᠠ ᠳ᠋ᠤ 《ᠴᠠᠬᠢᠷᠮᠠ》 ᠨᠡᠷᠡᠮᠵᠢᠲᠦ ᠱᠠᠭᠠ ᠨᠠᠭᠠᠳᠤᠮᠤᠨ ᠤᠷᠤᠯᠳᠤᠭᠠᠨ
ᠣᠲᠤᠭ ᠤ᠋ᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠳᠤ ᠨᠢᠵᠢᠭᠢᠷ ᠰᠠᠢᠬᠠᠨ ᠶᠠᠪᠤᠭᠳᠠᠵᠦ᠂ ᠪᠥᠬᠥ ᠣᠷᠣᠨᠤ ᠡᠯᠡ ᠠᠢᠮᠠᠭ ᠬᠣᠲᠠᠶᠢᠨ
140 ᠭᠠᠷᠤᠢ ᠱᠠᠭᠠ ᠰᠣᠶᠣᠯᠤᠨ ᠪᠠᠬᠠᠲᠠᠳ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠪᠠ᠃
ᠲᠠᠮᠢᠷ
✦ 2026 ᠤᠨᠤ ᠮᠢᠯᠠᠨᠤ
ᠡᠪᠦᠯᠦᠨ ᠤᠯᠠᠷᠢᠯᠤᠨ ᠵᠡᠮᠳᠡᠭᠴᠦᠳ ᠦ᠋ᠨ ᠣᠯᠢᠮᠫᠢᠺᠶᠢᠨ ᠲᠠᠮᠢᠷᠤᠨ ᠴᠤᠭᠯᠠᠭᠠᠨᠤ ᠳᠥᠷᠪᠡᠳᠦᠭᠡᠷ ᠤᠷᠤᠯᠳᠤᠭᠠᠨᠤ
ᠡᠳᠦᠷ ᠪᠣᠯᠲᠠᠯᠠ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠥᠯᠥᠭᠡᠯᠡᠭᠴᠢᠳᠦᠨ ᠪᠦᠯᠬᠦᠮ 9 ᠠᠯᠲᠠᠨ ᠮᠧᠳᠠᠯ᠂ 6 ᠮᠥᠩᠭᠥᠨ ᠮᠧᠳᠠᠯ᠂
8 ᠬᠦᠷᠡᠯ ᠮᠧᠳᠠᠯ᠂ ᠨᠡᠶ᠋ᠢᠲᠡ 23 ᠮᠧᠳᠠᠯ ᠭᠠᠷᠳᠠᠵᠤ᠂ ᠱᠠᠩᠨᠠᠯᠤᠨ ᠮᠧᠳᠠᠯ ᠤ᠋ᠨ ᠵᠢᠭ᠍ᠰᠠᠭᠠᠯᠲᠠᠳᠤ ᠲᠦᠷᠦᠭᠦᠯᠡᠪᠡ᠃
ᠳᠡᠯᠡᠬᠡᠢ
✦ ᠰᠢᠨᠬᠤᠸᠠ ᠬᠣᠷᠢᠶᠠ
ᠵᠢᠨ ᠮᠡᠳᠡᠭᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠠᠮᠧᠷᠢᠺᠠ᠂ ᠤᠷᠤᠰ᠂ ᠦᠺᠷᠠᠢᠨ ᠭᠤᠷᠪᠠᠨ ᠲᠠᠯᠠᠶᠢᠨ ᠬᠡᠯᠡᠯᠴᠡᠭᠡᠶᠢ ᠳᠠᠷᠠᠭᠠ
ᠭᠠᠷᠠᠭᠲᠤ ᠬᠢᠬᠦᠪᠡᠷ ᠬᠣᠢᠰᠢᠯᠠᠭᠤᠯᠤᠨᠠ ᠭᠡᠪᠡ᠃ ᠦᠺᠷᠠᠢᠨᠤ ᠶᠡᠷᠦᠩᠬᠡᠢᠯᠡᠭᠴᠢ ᠽᠸᠯᠢᠶᠠᠨᠰᠺᠢ ᠬᠡᠯᠡᠬᠦᠳᠡᠭᠡᠨ᠂
ᠬᠡᠯᠡᠯᠴᠡᠭᠡ ᠬᠢᠬᠦ ᠭᠠᠵᠠᠷ ᠨᠢ ᠲᠦᠷᠺᠲᠦ ᠪᠠᠢᠬᠤ ᠪᠣᠯᠣᠯᠴᠠᠭᠠ ᠲᠠᠢ ᠭᠡᠵᠡᠢ᠃
✦ 10ᠤ ᠡᠳᠦᠷ᠂ ᠳᠤᠮᠳᠠᠳᠤ
ᠳᠣᠷᠣᠨᠠᠲᠤ ᠶ᠋ᠢᠨ ᠳᠠᠶ᠋ᠢᠨ ᠤ᠋ ᠲᠤᠬᠠᠢ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠰᠠᠨᠠᠭᠠᠰᠢᠷᠠᠯ ᠨᠠᠮᠳᠠᠭᠰᠠᠨ ᠠ᠋ᠴᠠ ᠪᠣᠯᠵᠤ᠂
ᠣᠯᠠᠨ ᠤᠯᠤᠰᠤᠨ ᠲᠦᠭᠦᠬᠡᠢ ᠴᠢᠯᠠᠭᠤᠨ ᠲᠣᠰᠣᠨᠤ ᠬᠤᠭᠤᠴᠠᠭᠠᠲᠤ ᠪᠠᠷᠠᠭᠠᠨᠤ ᠦᠨᠡ ᠬᠠᠩᠰᠢ ᠶᠡᠬᠡ ᠪᠡᠷ ᠡᠷᠭᠢᠵᠦ᠂
ᠶᠡᠬᠡᠪᠡᠷ ᠥᠰᠴᠦ ᠪᠠᠢᠭᠰᠠᠨ ᠠ᠋ᠴᠠᠪᠠᠨ ᠶᠡᠬᠡᠪᠡᠷ ᠪᠠᠭᠤᠷᠠᠭᠰᠠᠨ ᠪᠠᠢᠨᠠ᠃
ᠦᠢᠯᠡᠴᠢᠯᠡᠭᠡ
✦ ᠥᠪᠥᠷ
ᠮᠣᠩᠭᠣᠯᠤᠨ ᠴᠠᠭ ᠠᠭᠤᠷᠤᠨ ᠰᠠᠯᠠᠭᠠ ᠮᠥᠴᠢᠷ 24 ᠠᠵᠢᠯᠲᠠᠨ ᠡᠯᠰᠡᠨᠠ᠃
ᠲᠠᠨᠤ ᠲᠤᠰᠠᠳᠤ
✦ ᠴᠢᠰᠤᠨ ᠰᠢᠬᠢᠷ ᠥᠨᠳᠥᠷ
ᠬᠥᠮᠥᠰ ᠭᠤᠯᠢᠷ ᠬᠤᠭᠤᠯᠠ ᠢᠳᠡᠬᠦ ᠳ᠋ᠡᠭᠡᠨ ᠪᠠᠭᠠ ᠰᠠᠭᠠ ᠪᠦᠳᠦᠭᠦᠯᠢᠭ ᠠᠮᠤ ᠵᠢᠨ ᠨᠤᠨᠳᠠᠭ ᠪᠤᠶᠤ
ᠪᠤᠷᠴᠠᠭᠤᠨ ᠨᠤᠨᠳᠠᠭ ᠬᠤᠯᠢᠵᠦ ᠪᠣᠯᠣᠨᠠ᠃ ᠡᠨᠡ ᠨᠢ ᠬᠣᠭᠣᠯᠠᠨᠤ ᠳᠠᠷᠠᠭᠠᠬᠢ ᠴᠢᠰᠤᠨ ᠰᠢᠬᠢᠷᠢ
ᠬᠢᠵᠠᠭᠠᠷᠯᠠᠬᠤᠳᠤ ᠲᠤᠰᠠᠲᠠᠢ ᠪᠠᠢᠵᠦ᠂ ᠪᠠᠰᠠ ᠵᠣᠬᠢᠬᠤ ᠬᠡᠮᠵᠢᠶᠡᠨᠳᠦ ᠡᠷᠦᠳᠡᠰᠦ᠂ ᠸᠢᠲ᠋ᠠᠮᠢᠨ ᠪᠠ
ᠢᠳᠡᠭᠡᠨᠦ ᠰᠢᠷᠬᠡᠭᠯᠢᠭ ᠢ ᠰᠢᠩᠭᠡᠬᠡᠨ ᠠᠪᠬᠤ ᠬᠡᠮᠵᠢᠶᠡᠶᠢ ᠨᠡᠮᠡᠭᠳᠡᠭᠦᠯᠦᠨᠡ᠃ ᠭᠡᠬᠦ ᠳ᠋ᠡᠭᠡᠨ ᠡᠵᠡᠯᠡᠬᠦ
ᠬᠠᠷᠢᠴᠠᠯᠢ 20% ᠡᠴᠡ ᠳᠠᠪᠠᠭᠤᠯᠬᠤ ᠦᠭᠡᠢ᠂ ᠡᠰᠡ ᠲᠡᠢᠮᠦ ᠪᠤᠯ ᠭᠤᠯᠢᠷ ᠨᠤᠬᠤᠬᠤ ᠳ᠋ᠤ ᠠᠮᠠᠷᠬᠠᠨ
ᠨᠡᠢᠯᠡᠬᠦ ᠦᠭᠡᠢ᠃
ᠵᠠᠯᠭᠠᠭᠠᠳ 《ᠬᠠᠯᠵᠠᠨ ᠬᠦᠷᠡᠨᠭ》 ᠬᠡᠬᠦ ᠲᠠᠭᠤᠤ ᠪᠡᠷ ᠠᠶᠠ ᠪᠠᠷᠢᠵᠤ ᠨᠡᠪᠳᠡᠷᠡᠭᠦᠯᠬᠡ ᠪᠡᠨ
ᠵᠢᠷᠭᠠᠭᠠᠶᠠ᠂ ᠲᠠ ᠪᠦᠬᠦᠨᠤ ᠬᠦᠯᠢᠶᠡᠨ ᠠᠪᠴᠤ᠌ ᠰᠤᠨᠤᠰᠤᠬ᠍ᠰᠠᠨ ᠳ᠋ᠤ ᠪᠠᠶᠠᠷᠯᠠᠯᠠ᠂ ᠪᠠᠶᠠᠷᠳᠠᠢ！
（ᠢᠷᠡᠯᠳᠡ᠄ ᠰᠢᠨᠬᠤᠧᠠ ᠬᠤᠷᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠷᠠᠳᠤᠨ
ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠵᠤ ᠠᠬᠤᠢ ᠵᠢᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ
ᠲᠠᠪᠴᠠᠩ᠂ ᠮᠠᠨᠤ ᠤᠷᠤᠨᠤ ᠡᠯᠠ ᠠᠢᠮᠠᠭ
ᠬᠤᠳᠠ᠂ ᠬᠤᠰᠢᠭᠤ ᠰᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ）