ᠬᠤᠶᠠᠷ ᠬᠤᠷᠠᠯᠤᠨ ᠲᠤᠰᠭᠠᠢ ᠮᠡᠳᠡᠭᠡᠯᠡᠯ
✦ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠪᠥᠬᠥ ᠤᠯᠤᠰᠤᠨ
ᠠᠷᠠᠳᠤᠨ ᠲᠥᠯᠥᠭᠡᠯᠡᠭᠴᠢᠳᠦᠨ ᠶᠡᠬᠡ ᠬᠤᠷᠠᠯᠤᠨ ᠳᠥᠷᠪᠡᠳᠦᠭᠡᠷ ᠬᠤᠷᠠᠯ 3 ᠰᠠᠷᠠᠶᠢᠨ
4ᠦ ᠡᠳᠦᠷᠤᠨ 12
ᠴᠠᠭᠲᠦ ᠠᠷᠠᠳᠤᠨ ᠶᠡᠬᠡ ᠬᠤᠷᠠᠯᠤᠨ ᠲᠠᠩᠬᠢᠮᠤᠨ ᠰᠣᠨᠢᠨ ᠮᠡᠳᠡᠭᠡ ᠨᠡᠢᠲᠡᠯᠡᠬᠦ ᠲᠢᠩᠬᠢᠮᠳᠦ ᠰᠣᠨᠢᠨ ᠮᠡᠳᠡᠭᠡ
ᠨᠡᠢᠲᠡᠯᠡᠬᠦ ᠬᠤᠷᠠᠯ ᠬᠢᠵᠦ᠂ ᠶᠡᠬᠡ ᠬᠤᠷᠠᠯᠤᠨ ᠥᠭᠦᠯᠡᠭᠴᠢᠡᠴᠡ ᠶᠡᠬᠡ ᠬᠤᠷᠠᠯᠤᠨ ᠵᠥᠪᠯᠡᠬᠦ ᠵᠦᠢᠯ ᠪᠣᠯᠣᠨ
ᠠᠷᠠᠳᠤᠨ ᠲᠥᠯᠥᠭᠡᠯᠡᠭᠴᠢᠳᠦᠨ ᠶᠡᠬᠡ ᠬᠤᠷᠠᠯᠤᠨ ᠠᠵᠢᠯᠤᠨ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠠᠰᠠᠭᠤᠳᠠᠯᠤᠨ ᠲᠤᠬᠠᠢ
ᠳᠤᠮᠳᠠᠳᠤ ᠭᠠᠳᠠᠭᠠᠳᠤᠶᠢᠨ ᠰᠣᠷᠪᠣᠯᠵᠢᠯᠠᠭ᠍ᠴᠢᠳᠤᠨ ᠠᠰᠠᠭᠤᠯᠲᠠᠶᠢ ᠬᠠᠷᠢᠭᠤᠯᠬᠤ ᠪᠤᠯᠤᠨᠠ᠃
✦ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ ᠤᠯᠤᠰ ᠲᠦᠷᠦ᠍ ᠶ᠋ᠢᠨ
ᠵᠥᠪᠯᠡᠯᠭᠡᠨ ᠤ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠪᠦᠬᠦ᠌ ᠤᠯᠤᠰᠤᠨ ᠬᠤᠷᠢᠶᠠ ᠵᠢᠨ ᠳᠥᠷᠪᠡᠳᠦᠭᠡᠷ ᠬᠤᠷᠠᠯ
3 ᠰᠠᠷᠠᠶᠢᠨ 4ᠦ ᠦᠳᠡᠶᠢᠨ ᠬᠣᠢᠨᠠᠬᠢ 3 ᠴᠠᠭᠲᠤ ᠠᠷᠠᠳᠤᠨ ᠶᠡᠬᠡ ᠬᠤᠷᠠᠯᠤᠨ ᠲᠠᠩᠬᠢᠮᠳᠤ ᠡᠬᠢᠯᠡᠭᠦ
ᠪᠣᠯᠣᠨᠠ᠃
ᠨᠡᠢᠭᠡᠮ
✦3 ᠰᠠᠷᠠᠶᠢᠨ 2ᠤᠨ ᠡᠳᠦᠷ᠂ ᠪᠦᠬᠦ ᠤᠯᠤᠰᠤᠨ
ᠡᠮᠡᠭᠲᠡᠢᠴᠦᠳᠦᠨ ᠬᠣᠯᠪᠣᠭᠠ ᠪᠡᠭᠡᠵᠢᠩᠳᠦ 《3·8》ᠤ ᠳᠡᠯᠡᠬᠡᠢᠶᠢᠨ ᠡᠮᠡᠭᠲᠡᠢᠴᠦᠳᠦᠨ ᠪᠠᠶᠠᠷᠢ ᠳᠤᠷᠠᠰᠬᠠᠬᠤ ᠵᠢᠴᠢ ᠬᠥᠬᠢᠭᠦᠯᠦᠨ ᠰᠠᠢᠰᠢᠶᠠᠬᠤ
ᠬᠤᠷᠠᠯ ᠬᠢᠪᠡ᠃ ᠬᠤᠷᠠᠯᠠᠴᠠ ᠪᠦᠬᠦ ᠤᠯᠤᠰᠤᠨ 《3·8》ᠤ ᠤᠯᠠᠭᠠᠨ ᠲᠤᠭ᠍ᠴᠢᠵᠢᠨ
ᠵᠢᠱ᠌ᠢᠶᠡᠴᠢ 9 ᠬᠦᠮᠦᠨ᠂ ᠪᠦᠬᠦ ᠤᠯᠤᠰᠤᠨ 《3·8》ᠤ ᠤᠯᠠᠭᠠᠨ
ᠲᠤᠭ᠍ᠴᠢ 598 ᠬᠥᠮᠥᠨ᠂ ᠪᠦᠬᠦ ᠤᠯᠤᠰᠤᠨ 《3·8》 ᠤ
ᠤᠯᠠᠭᠠᠨ ᠲᠤᠭ᠍ᠴᠢ 400 ᠬᠠᠮᠲᠤ ᠨᠡᠢᠲᠡ᠂ ᠪᠦᠬᠦ ᠤᠯᠤᠰᠤᠨ
600 ᠡᠮᠡᠭᠲᠡᠢᠴᠦᠳᠤᠨ ᠪᠣᠯᠪᠠᠰᠤᠨ
ᠠᠵᠢᠯᠤᠨ ᠪᠠᠢᠷᠢᠶᠢ ᠬᠥᠬᠢᠭᠦᠯᠦᠨ ᠰᠠᠢᠰᠢᠶᠠᠪᠠ᠃
✦ᠰᠢᠨᠵᠢᠯᠡᠬᠦ
ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠶᠠᠮᠤᠨ ᠵᠡᠷᠭᠡ ᠲᠦᠷᠪᠡᠨ ᠰᠠᠯᠠᠭᠠ ᠮᠥᠴᠢᠷ ᠬᠠᠮᠲᠤᠷᠠᠨ ᠪᠢᠴᠢᠭ ᠮᠠᠲᠧᠷᠢᠶᠠᠯ
ᠪᠠᠭᠤᠯᠭᠠᠵᠤ᠂ 6 ᠲᠠᠯᠠᠵᠢᠨ 20 ᠵᠦᠢᠯᠦᠨ ᠠᠷᠭᠠ ᠬᠡᠮᠵᠢᠶᠡᠶᠢ ᠳᠤᠷᠠᠳᠤᠨ ᠭᠠᠷᠭᠠᠵᠤ᠂ ᠰᠢᠨᠵᠢᠯᠡᠬᠦ
ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠰᠢᠨᠡ ᠡᠭᠦᠳᠦᠯᠲᠡᠲᠠᠢ ᠵᠣᠬᠢᠴᠠᠯᠳᠤᠭᠰᠠᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ
ᠮᠡᠷᠭᠡᠵᠢᠯᠦᠨ ᠳᠠᠭᠠᠳᠬᠠᠯᠤᠨ ᠪᠠᠢᠭᠤᠯᠤᠯ ᠲᠣᠭᠲᠠᠴᠠᠶᠢ ᠲᠦᠷᠭᠡᠪᠴᠢᠯᠡᠨ ᠪᠠᠢᠭᠤᠯᠪᠠ᠃
✦ᠵᠠᠬᠠ
ᠳᠡᠯᠭᠡᠭᠦᠷᠦᠨ ᠬᠢᠨᠠᠯᠲᠠ ᠬᠠᠮᠢᠶᠠᠷᠤᠯᠲᠠᠶᠢᠨ ᠶᠡᠷᠦᠩᠬᠡᠢ ᠲᠣᠪᠴᠢᠶᠠ ᠣᠢᠷᠠᠳᠤ 《ᠪᠠᠢᠴᠠᠭᠠᠨ ᠰᠢᠯᠭᠠᠵᠤ ᠪᠠᠢᠴᠠᠭᠠᠨ ᠬᠡᠮᠵᠢᠬᠦ
ᠣᠶᠤᠨᠴᠢ ᠬᠢᠨᠠᠯᠲᠠ ᠬᠠᠮᠢᠶᠠᠷᠤᠯᠲᠠᠶᠢᠨ ᠴᠢᠳᠠᠪᠤᠷᠢᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠰᠢᠪᠲᠤᠯᠤᠯᠲᠠᠶᠢᠨ ᠠᠵᠢᠯᠯᠠᠭᠠᠶᠢᠨ
ᠲᠥᠰᠥᠯ》ᠢ ᠳᠠᠷᠤᠮᠠᠯᠯᠠᠨ
ᠲᠠᠷᠬᠠᠭᠠᠵᠤ᠂ 2027 ᠣᠨᠤ ᠡᠴᠦᠰ ᠪᠣᠯᠬᠤᠳᠤ ᠪᠥᠬᠥ ᠤᠯᠤᠰᠤᠨ ᠨᠢᠭᠡᠳᠦᠯᠲᠡᠢ ᠪᠠᠢᠴᠠᠭᠠᠨ
ᠰᠢᠯᠭᠠᠵᠤ ᠪᠠᠢᠴᠠᠭᠠᠨ ᠬᠡᠮᠵᠢᠬᠦ ᠣᠶᠤᠨᠴᠢ ᠬᠢᠨᠠᠯᠲᠠ ᠬᠠᠮᠢᠶᠠᠷᠤᠯᠲᠠᠶᠢᠨ ᠲᠠᠪᠴᠠᠩ ᠢ ᠦᠨᠳᠦᠰᠦᠨᠳᠡᠭᠡᠨ
ᠪᠠᠢᠭᠤᠯᠵᠤ᠂ ᠪᠠᠢᠴᠠᠭᠠᠨ ᠰᠢᠯᠭᠠᠵᠤ ᠪᠠᠢᠴᠠᠭᠠᠨ ᠬᠡᠮᠵᠢᠬᠦ ᠬᠢᠨᠠᠯᠲᠠ ᠬᠠᠮᠢᠶᠠᠷᠤᠯᠲᠠᠶᠢᠨ ᠲᠤᠬᠠᠢᠯᠠᠭᠰᠠᠨ
ᠠᠵᠢᠯ ᠬᠢᠭᠡᠳ ᠲᠣᠭᠠᠴᠢᠯᠠᠭᠰᠠᠨ ᠣᠶᠤᠨᠴᠢᠯᠠᠭᠰᠠᠨ ᠮᠡᠷᠭᠡᠵᠢᠯᠦᠨ ᠭᠦᠨᠵᠡᠭᠡᠢ ᠠᠭᠤᠰᠤᠯᠴᠠᠯᠢ ᠪᠥᠬᠥ ᠲᠠᠯᠠᠪᠠᠷ
ᠠᠬᠢᠭᠤᠯᠤᠨᠠ ᠭᠡᠵᠦ ᠲᠣᠳᠣᠷᠬᠠᠢ ᠲᠣᠭᠲᠠᠭᠠᠪᠠ᠃
✦ᠠᠷᠠᠳᠤᠨ
ᠳᠡᠭᠡᠳᠦ ᠰᠢᠭᠦᠬᠦ ᠬᠣᠷᠢᠶᠠ ᠵᠢᠨ ᠮᠡᠳᠡᠭᠡᠶᠢ ᠦᠨᠳᠦᠰᠦᠯᠡᠪᠡᠯ᠂ ᠢᠷᠭᠡᠨᠦ ᠬᠠᠤᠯᠢᠶᠢᠨ ᠪᠢᠴᠢᠭᠢ ᠬᠡᠷᠡᠭᠵᠢᠭᠦᠯᠦᠭᠰᠡᠨ
ᠲᠠᠪᠤᠨ ᠵᠢᠯᠦᠨ ᠲᠤᠷᠰᠢ᠂ ᠡᠯᠡ ᠱᠠᠲᠤᠨᠤ ᠰᠢᠭᠦᠬᠦ ᠬᠣᠷᠢᠶᠠ 8674 ᠲᠦᠮᠡ ᠰᠢᠬᠠᠮ ᠨᠢᠭᠡᠳᠦᠭᠡᠷ ᠰᠢᠭᠦᠯᠲᠡᠶᠢᠨ ᠢᠷᠭᠡᠨᠦ
ᠬᠡᠷᠡᠭ ᠪᠠ ᠬᠤᠳᠠᠯᠳᠤᠭᠠᠨᠤ ᠬᠡᠷᠡᠭᠢ ᠰᠢᠭᠦᠨ ᠳᠠᠭᠤᠰᠬᠠᠪᠠ᠃
✦ᠣᠢᠷᠠᠳᠤ
ᠥᠪᠥᠷ ᠮᠣᠩᠭᠣᠯᠤᠨ ᠭᠦᠸᠧ ᠵᠢᠢ ᠢᠳᠡᠭᠡᠨᠦ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠬᠥᠭᠵᠢᠯᠲᠡᠶᠢᠨ
ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠵᠢᠢ ᠴᠢ ᠪᠦᠯᠦᠭᠯᠡᠯᠲᠠᠢ ᠬᠠᠮᠲᠤᠷᠠᠨ ᠠᠬᠢᠭᠤᠯᠤᠭᠰᠠᠨ ᠤᠷᠤᠰᠲᠤ ᠭᠠᠷᠭᠠᠬᠤ ᠲᠤᠬᠠᠢᠯᠠᠭᠰᠠᠨ ᠠᠵᠢᠯ ᠶᠡᠬᠡ ᠰᠢᠪᠲᠤᠯᠤᠯᠲᠠᠲᠠᠢ ᠪᠣᠯᠵᠤ᠂
ᠣᠷᠣᠰᠤᠨ ᠲᠠᠯᠠᠶᠢᠨ ᠵᠠᠬᠢᠶᠠᠯᠠᠭᠠᠶᠢ ᠲᠤᠰᠴᠤ᠂ GG᠂ VV ᠬᠣᠶᠠᠷ ᠶᠡᠬᠡ ᠲᠠᠸᠠᠷᠤᠨ ᠲᠡᠮᠳᠡᠭᠦᠨ ᠲᠥᠷᠥᠯ ᠲᠡᠮᠳᠡᠭᠳᠦᠶᠢ
ᠳᠠᠩᠰᠠᠯᠠᠬᠤ ᠵᠢᠴᠢ ᠪᠥᠬᠥ ᠰᠢᠰᠲᠧᠮᠦᠨ ᠦᠢᠯᠡᠳᠬᠦᠨᠦ ᠵᠢᠷᠤᠭ ᠲᠥᠯᠥᠪᠯᠡᠭᠡᠶᠢ ᠵᠡᠷᠭᠡ ᠳ᠋ᠦ᠍ᠨᠢ ᠪᠡᠶᠡᠯᠡᠭᠦᠯᠵᠦ᠂
ᠣᠷᠣᠰᠲᠤ ᠬᠡᠪᠴᠢᠶᠡᠵᠢᠭᠦᠯᠦᠨ ᠪᠠᠷᠠᠭᠠ ᠬᠠᠩᠭᠠᠬᠤ ᠠᠵᠢᠯᠢ ᠡᠬᠢᠯᠡᠭᠦᠯᠪᠡ᠃
✦2026 ᠣᠨᠤ ᠳᠡᠭᠡᠳᠦ ᠵᠡᠷᠭᠡᠶᠢᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠥᠪᠡᠰᠦᠪᠡᠨ
ᠰᠤᠷᠬᠤ ᠰᠢᠯᠭᠠᠯᠲᠠᠶᠢᠨ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠨᠡᠷᠡ ᠮᠡᠳᠡᠭᠦᠯᠬᠦ᠂ ᠬᠢᠴᠢᠶᠡᠯ ᠰᠣᠩᠭᠣᠬᠤ᠂ ᠰᠦᠢᠳᠬᠡᠯ ᠲᠤᠰᠢᠶᠠᠬᠤ
ᠠᠵᠢᠯ 3 ᠰᠠᠷᠠᠶᠢᠨ 9 ᠦ ᠡᠳᠦᠷᠡᠴᠡ ᠡᠬᠢᠯᠡᠨᠡ᠃ ᠲᠣᠰ ᠤᠳᠠᠭᠠᠨᠤ
ᠰᠢᠯᠭᠠᠯᠲᠠᠳᠤ ᠬᠥᠬᠡᠬᠣᠲᠠ᠂ ᠪᠤᠭᠤᠲᠤ ᠬᠣᠲᠠ᠂ ᠣᠷᠳᠣᠰ ᠬᠣᠲᠠ᠂ ᠤᠯᠠᠭᠠᠨᠬᠠᠳᠠ ᠬᠣᠲᠠ᠂ ᠲᠦᠩᠯᠢᠶᠣᠣ ᠬᠣᠲᠠ ᠵᠢᠴᠢ
ᠬᠢᠩᠭᠠᠨ ᠠᠢᠮᠠᠭᠲᠤ ᠰᠢᠯᠭᠠᠯᠲᠠᠶᠢᠨ ᠲᠣᠭᠣᠷᠢᠭ᠋ ᠲᠤᠬᠢᠷᠠᠭᠤᠯᠬᠤᠪᠡᠷ ᠪᠤᠢ᠃
✦3 ᠰᠠᠷᠠᠶᠢᠨ 3ᠤ ᠡᠳᠦᠷ᠂ ᠪᠦᠬᠦ ᠤᠯᠤᠰᠤᠨ 27ᠳᠠᠬᠢ ᠴᠢᠬᠢᠪᠡᠨ ᠬᠠᠮᠠᠭᠠᠯᠠᠬᠤ ᠡᠳᠦᠷᠢ ᠲᠣᠬᠢᠶᠠᠯᠳᠤᠭᠤᠯᠤᠨ᠂
ᠣᠲᠤᠭᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠵᠡᠮᠳᠡᠭᠴᠦᠳᠦᠨ ᠬᠣᠯᠪᠣᠭᠠᠠᠴᠠ ᠱᠠᠩᠬᠠᠢᠶᠢᠨ ᠬᠡᠦᠬᠡᠳᠦᠨ ᠡᠮᠨᠡᠯᠭᠡᠶᠢᠨ
ᠤᠬᠠᠭᠠᠨᠤ ᠲᠥᠪ᠂ ᠤᠷᠳᠤᠰ ᠬᠤᠲᠠᠶᠢᠨ ᠡᠬᠡ ᠨᠢᠯᠬᠠᠰᠤᠨ ᠡᠷᠡᠭᠦᠯᠵᠢᠯᠦᠨ ᠬᠣᠷᠢᠶᠠᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨᠢ
ᠤᠷᠢᠵᠤ᠂ ᠪᠦᠬᠦ ᠬᠣᠰᠢᠭᠤᠨᠤ 70 ᠭᠠᠷᠤᠢ ᠨᠠᠰᠤᠲᠠᠢᠴᠤᠳ ᠪᠠᠭᠠᠴᠤᠳᠲᠤ ᠦᠨᠡ ᠲᠥᠯᠥᠪᠦᠷᠢ ᠦᠭᠡᠢᠪᠠᠷ
ᠰᠣᠨᠣᠷᠤᠨ ᠡᠪᠡᠳᠴᠢᠨᠦ ᠪᠠᠢᠴᠠᠭᠠᠯᠲᠠ ᠪᠠ ᠵᠡᠮᠳᠡᠭᠢ ᠬᠢᠨᠠᠨ ᠲᠣᠭᠲᠠᠭᠠᠬᠤ ᠪᠠᠢᠴᠠᠭᠠᠯᠲᠠ ᠬᠢᠵᠦ ᠦᠭᠴᠠᠢ᠃
✦ᠣᠢᠷᠠᠳᠦ
ᠪᠠᠶᠠᠨᠨᠠᠭᠤᠷ ᠬᠤᠲᠠᠵᠢᠨ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠠᠯᠪᠠᠨ ᠭᠡᠷ
ᠮᠡᠳᠡᠭᠳᠡᠯ ᠨᠡᠢᠲᠡᠯᠡᠵᠦ᠂ 2 ᠰᠠᠷᠠᠶᠢᠨ 28ᠤ ᠡᠳᠦᠷᠡᠴᠡ 3 ᠰᠠᠷᠠᠶᠢᠨ 15ᠤ ᠡᠳᠦᠷ ᠪᠣᠯᠲᠠᠯᠡ ᠬᠣᠰᠢᠭᠤᠨᠤ ᠵᠠᠰᠠᠭ ᠵᠠᠬᠢᠷᠭᠠᠨᠤ
ᠣᠷᠣᠨᠤ ᠳᠣᠲᠣᠷᠠᠬᠢ ᠪᠦᠬᠦ ᠣᠷᠣᠨ ᠪᠦᠰᠡ᠂ ᠪᠦᠬᠦ ᠴᠠᠭ ᠬᠤᠭᠤᠴᠠᠭᠠᠨᠳᠤ ᠶᠠᠮᠠᠷᠪᠠ ᠨᠢᠭᠡᠴᠢ᠂ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ
ᠪᠠ ᠬᠤᠪᠢ ᠬᠥᠮᠥᠨᠦ ᠳᠡᠭᠳᠡᠭᠦᠷ ᠳ᠋ᠧᠩᠯᠦ ᠠᠰᠠᠭᠠᠵᠤ ᠲᠠᠯᠪᠢᠬᠤᠶᠢ ᠴᠠᠭᠠᠵᠠᠯᠠᠨᠠ ᠭᠡᠵᠡᠢ᠃
ᠠᠵᠤ ᠠᠬᠤᠢ
✦2025 ᠣᠨᠳᠤ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠣᠰᠢᠭᠤᠨᠤ ᠬᠦᠯᠢᠶᠡᠨ ᠠᠪᠤᠭᠰᠠᠨ
ᠤᠯᠤᠰᠤᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤᠶᠢᠨ ᠵᠢᠭᠤᠯᠴᠢᠯᠠᠭᠰᠠᠳ ᠤᠨ ᠲᠣᠭᠠ ᠪᠠᠷᠤᠭ 366.6 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠᠳᠤ ᠬᠦᠷᠴᠦ᠂ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ
ᠬᠢᠡᠴᠡ 1.39 ᠳᠠᠬᠢᠨ ᠨᠡᠮᠡᠭᠳᠡᠪᠡ᠃ ᠵᠢᠭᠤᠯᠴᠢᠯᠠᠯᠤᠨ
ᠶᠡᠷᠦᠩᠬᠡᠢ ᠣᠷᠣᠯᠭᠠ ᠪᠠᠷᠤᠭ 14.8 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠲᠦ ᠬᠦᠷᠴᠦ᠂ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ
ᠬᠢᠡᠴᠡ 1.16 ᠳᠠᠬᠢᠨ ᠨᠡᠮᠡᠭᠳᠡᠪᠡ᠃
ᠲᠠᠮᠢᠷ
✦ᠳᠡᠯᠡᠬᠡᠢᠶᠢᠨ ᠤᠮᠪᠠᠯᠲᠠᠶᠢᠨ ᠬᠣᠯᠪᠣᠭᠠᠨᠤ ᠤᠰᠤᠨᠳᠤ ᠬᠠᠷᠠᠢᠬᠤ
ᠳᠡᠯᠡᠬᠡᠢᠶᠢᠨ ᠬᠤᠨᠳᠠᠭᠠᠲᠤ ᠺᠠᠨᠠᠳᠠ ᠥᠷᠲᠡᠭᠡᠨᠦ ᠤᠷᠤᠯᠳᠤᠭᠠᠨᠳᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠩᠭᠢ 9 ᠠᠯᠲᠠᠨ ᠮᠧᠳᠠᠯ᠂ 4 ᠮᠥᠩᠭᠥᠨ ᠮᠧᠳᠠᠯᠤᠨ ᠬᠢᠷᠢ ᠪᠦᠲᠦᠮᠵᠢᠪᠡᠷ ᠤᠷᠤᠯᠳᠤᠭᠠᠨᠵᠢᠡᠨ ᠳᠠᠭᠤᠰᠬᠠᠵᠤ᠂ ᠠᠯᠲᠠᠨ
ᠮᠧᠳᠠᠯ ᠪᠠ ᠱᠠᠩᠨᠠᠯᠤᠨ ᠮᠧᠳᠠᠯᠤᠨ ᠨᠡᠷᠡᠰᠤᠨ ᠵᠢᠭᠰᠠᠭᠠᠯᠲᠠᠳᠦ ᠪᠦᠷ ᠲᠦᠷᠦᠭᠦᠯᠡᠵᠡᠢ᠃
✦ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠴᠠᠭᠢᠶᠠᠷ 3 ᠰᠠᠷᠠᠶᠢᠨ 1ᠦ ᠡᠳᠦᠷ᠂ ᠲᠦᠷᠭᠡᠨ ᠲᠡᠰᠢᠯᠲᠡ ᠶᠢᠨ ᠳᠡᠯᠡᠬᠡᠢᠶᠢᠨ ᠵᠠᠯᠠᠭᠤᠴᠤᠳᠤᠨ ᠮᠠᠩᠯᠠᠢ ᠰᠢᠯᠭᠠᠷᠠᠭᠤᠯᠬᠤ
ᠤᠷᠤᠯᠳᠤᠭᠠᠨ ᠭᠧᠷᠮᠠᠨᠳᠦ ᠥᠨᠳᠥᠷᠯᠡᠪᠡ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠩᠭᠢ ᠲᠤᠰ ᠤᠳᠠᠭᠠᠨᠤ ᠤᠷᠤᠯᠳᠤᠭᠠᠨᠳᠤ ᠨᠡᠢ᠍ᠢᠲᠡ
2 ᠠᠯᠲᠠᠨ ᠮᠧᠳᠠᠯ᠂ 2 ᠮᠥᠩᠭᠥᠨ ᠮᠧᠳᠠᠯ᠂ 2 ᠬᠦᠷᠡᠯ ᠮᠧᠳᠠᠯ ᠭᠠᠷᠳᠠᠵᠠᠢ᠃
ᠳᠡᠯᠡᠬᠡᠢ
✦ᠲᠥᠪ ᠲᠸᠯᠸᠢᠰᠤᠨ ᠮᠡᠳᠡᠭᠡᠶᠢ ᠦᠨᠳᠦᠰᠦᠯᠡᠪᠡᠯ᠂ ᠲᠤᠬᠠᠢᠶᠢᠨ
ᠭᠠᠵᠠᠷᠤᠨ ᠴᠠᠭᠢᠶᠠᠷ 3 ᠰᠠᠷᠠᠶᠢᠨ 2ᠤᠨ
ᠡᠳᠦᠷ᠂ ᠤᠮᠠᠷᠠᠲᠤ ᠠᠲᠯᠠᠨᠲ ᠳᠠᠯᠠᠢᠶᠢᠨ ᠨᠡᠶ᠋ᠢᠲᠡᠶᠢᠨ ᠭᠡᠷᠡᠶᠢᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠨᠠᠷᠢᠨ
ᠪᠢᠴᠢᠭᠦᠨ ᠳᠠᠷᠤᠭᠠ᠂ ᠤᠮᠠᠷᠠᠲᠤ ᠠᠲᠯᠠᠨᠲ ᠳᠠᠯᠠᠢᠶᠢᠨ ᠨᠡᠶ᠋ᠢᠲᠡᠶᠢᠨ ᠭᠡᠷᠡᠶᠢᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ
ᠠᠮᠧᠷᠢᠺᠠ ᠪᠣᠯᠣᠨ ᠢᠰᠷᠧᠯᠦᠨ ᠢᠷᠠᠨᠳᠠᠬᠢ ᠴᠡᠷᠢᠭ ᠳᠠᠢ᠍ᠢᠨᠦ ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠬᠤ ᠦᠭᠡᠢ ᠭᠡᠵᠦ
ᠢᠯᠡᠷᠬᠡᠢᠯᠡᠪᠡ᠃
✦ᠰᠢᠨᠬᠤᠸᠠ ᠬᠣᠷᠢᠶᠠᠵᠢᠨ ᠮᠡᠳᠡᠭᠡᠶᠢ ᠦᠨᠳᠦᠰᠦᠯᠡᠪᠡᠯ᠂ ᠣᠯᠠᠨ ᠤᠯᠤᠰᠤᠨ ᠡᠨᠧᠷᠭᠢᠶᠢᠨ
ᠵᠤᠷᠭᠠᠨᠤ ᠣᠢᠷᠠᠳᠤ ᠨᠡᠢᠲᠡᠯᠡᠭᠰᠡᠨ 《ᠴᠠᠬᠢᠯᠭᠠᠨ ᠬᠦᠴᠦᠨ 2026》ᠳᠦ᠂
ᠣᠳᠣᠬᠠᠨᠳᠤ ᠪᠥᠬᠥ ᠪᠥᠮᠪᠥᠷᠴᠡᠭᠦᠨ ᠴᠠᠬᠢᠯᠭᠠᠨ ᠬᠦᠴᠦᠨᠦ ᠬᠡᠷᠡᠭᠴᠡᠭᠡᠶᠢᠨ ᠨᠡᠮᠡᠭᠳᠡᠯᠦᠨ ᠬᠤᠷᠳᠤᠴᠠ ᠨᠢ
ᠥᠩᠭᠡᠷᠡᠭᠰᠡᠨ ᠠᠷᠪᠠᠨ ᠵᠢᠯᠦᠨ ᠬᠢᠡᠴᠡ ᠬᠣᠯᠠ ᠥᠨᠳᠥᠷ ᠪᠠᠢᠵᠤ᠂ ᠵᠢᠱ᠌ᠢᠯᠲᠡᠪᠡᠷ ᠣᠲᠣ᠌ᠠᠴᠠ 2030 ᠣᠨ
ᠪᠣᠯᠲᠠᠯᠠ᠂ ᠪᠥᠬᠥ ᠪᠥᠮᠪᠥᠷᠴᠡᠭᠦᠨ ᠴᠠᠬᠢᠯᠭᠠᠨ ᠬᠦᠴᠦᠨᠦ ᠬᠡᠷᠡᠭᠴᠡᠭᠡᠶᠢᠨ ᠵᠢᠯᠦᠨ ᠳᠤᠮᠳᠠᠴᠢ ᠨᠡᠮᠡᠭᠳᠡᠯᠦᠨ
ᠬᠤᠷᠳᠤᠴᠠ ᠨᠢ 3.5%ᠶᠢ ᠳᠠᠪᠠᠵᠤ᠂ ᠨᠠᠭᠠᠲᠤ ᠵᠠᠬᠠᠳᠠᠭᠠᠨ ᠪᠦᠬᠦᠯᠢ ᠴᠣᠭᠴᠠᠶᠢᠨ
ᠡᠨᠧᠷᠭᠢᠶᠢᠨ ᠬᠡᠷᠡᠭᠴᠡᠭᠡᠶᠢᠨ ᠨᠡᠮᠡᠭᠳᠡᠯᠦᠨ ᠬᠤᠷᠳᠤᠴᠠᠶᠢᠨ 2.5 ᠳᠠᠬᠢᠨ
ᠪᠣᠯᠣᠨᠠ ᠬᠡᠵᠡᠢ᠃
ᠦᠢᠯᠡᠴᠢᠯᠡᠭᠡ
✦ᠪᠤᠭᠤᠲᠤ ᠬᠣᠲᠠᠶᠢᠨ ᠳᠥᠷᠪᠡᠳᠦᠭᠡᠷ ᠡᠮᠨᠡᠯᠭᠡᠶᠢᠨ ᠬᠣᠷᠢᠶᠠ ᠠᠵᠢᠯᠲᠠᠨ ᠡᠯᠰᠡᠵᠦ
ᠪᠤᠢ᠃
ᠲᠠᠨᠤ ᠲᠤᠰᠠᠳᠤ
✦ᠠᠮᠧᠷᠢᠺᠠᠶᠢᠨ ᠨᠢᠭᠡᠨ ᠶᠡᠬᠡ
ᠰᠤᠷᠭᠠᠭᠤᠯᠢᠶᠢᠨ ᠰᠢᠨᠡ ᠰᠤᠳᠤᠯᠭᠠᠨ ᠳᠤ ᠢᠯᠡᠷᠡᠭᠦᠯᠦᠭᠰᠡᠨᠢᠶᠡᠷ᠂ ᠣᠷᠣᠢᠶᠢᠨ ᠬᠣᠭᠣᠯᠠᠨᠤ ᠴᠠᠭ ᠪᠠ ᠤᠨᠲᠠᠬᠤ
ᠴᠠᠭᠤᠨ ᠬᠤᠭᠤᠷᠤᠨᠳᠤ 3 ᠴᠠᠭᠠᠴᠠ ᠳᠡᠭᠡᠭᠰᠢ ᠠᠯᠤᠰᠯᠠᠪᠠᠯ᠂ ᠵᠢᠷᠦᠬᠡ ᠴᠢᠰᠤᠨ
ᠰᠤᠳᠠᠯ ᠪᠠ ᠰᠣᠯᠢᠯᠴᠠᠭᠠᠨᠤ ᠡᠪᠡᠳᠴᠢᠨᠦ ᠲᠦᠭᠰᠢᠭᠦᠷᠢᠶᠢ ᠪᠠᠭᠤᠷᠠᠭᠤᠯᠬᠤᠳᠤ ᠠᠰᠢᠭ᠍ᠲᠠᠢ ᠪᠠᠢᠳᠠᠭ᠃
ᠵᠠᠯᠭᠠᠭᠠᠳ 《ᠬᠠᠢᠷᠠᠵᠢᠨ ᠢᠪᠡᠭᠡᠯ》 ᠬᠡᠬᠦ ᠲᠠᠭᠤᠤ ᠪᠡᠷ ᠠᠶᠠ ᠪᠠᠷᠢᠵᠤ ᠨᠡᠪᠳᠡᠷᠡᠭᠦᠯᠬᠡ ᠪᠡᠨ
ᠵᠢᠷᠭᠠᠭᠠᠶᠠ᠂ ᠲᠠ ᠪᠦᠬᠦᠨᠤ ᠬᠦᠯᠢᠶᠡᠨ ᠠᠪᠴᠤ᠌ ᠰᠤᠨᠤᠰᠤᠬ᠍ᠰᠠᠨᠳᠤ ᠪᠠᠶᠠᠷᠯᠠᠯᠠ᠂
ᠪᠠᠶᠠᠷᠳᠠᠢ！
（ᠢᠷᠡᠯᠳᠡ᠄ ᠰᠢᠨᠬᠤᠧᠠ ᠬᠤᠷᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠷᠠᠳᠤᠨ
ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠵᠤ ᠠᠬᠤᠢ ᠵᠢᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ
ᠲᠠᠪᠴᠠᠩ᠂ ᠮᠠᠨᠤ ᠤᠷᠤᠨᠤ ᠡᠯᠠ ᠠᠢᠮᠠᠭ
ᠬᠤᠳᠠ᠂ ᠬᠤᠰᠢᠭᠤ ᠰᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ）