ᠨᠡᠢᠭᠡᠮ
✦ 2026 ᠣᠨᠤ ᠴᠠᠭᠠᠨ ᠰᠠᠷᠠᠶᠢᠨ
ᠠᠮᠠᠷᠠᠯᠲᠠᠶᠢᠨ ᠬᠤᠭᠤᠴᠠᠭᠠᠨᠳᠤ ᠪᠥᠬᠥ ᠤᠯᠤᠰᠤᠨ ᠮᠦᠽᠧᠢᠶᠢᠨ ᠭᠥᠯᠢᠶᠡᠨ ᠠᠪᠤᠭᠰᠠᠨ ᠦᠵᠡᠭᠴᠢᠳ 8951.12 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠᠳᠤ ᠬᠦᠷᠴᠦ᠂ 2025 ᠣᠨᠤ ᠴᠠᠭᠠᠨ ᠰᠠᠷᠠᠶᠢᠨ ᠬᠤᠭᠤᠴᠠᠭᠠᠨᠳᠠᠬᠢ ᠲᠣᠭᠣᠷᠢᠨ
ᠦᠵᠡᠭᠰᠡᠨ ᠬᠥᠮᠥᠨᠦ ᠲᠣᠭᠠ （7017.27 ᠲᠦᠮᠡᠨ
ᠬᠥᠮᠥᠨ ᠤᠳᠠᠭᠠ） ᠡᠴᠠ 1933.85 ᠲᠦᠮᠡ
ᠨᠡᠮᠡᠭᠳᠡᠨ᠂ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠡᠴᠡ 27. 6% ᠪᠠᠷ ᠨᠡᠮᠡᠭᠳᠡᠵᠦ᠂ ᠲᠡᠦᠬᠡᠶᠢᠨ ᠰᠢᠨᠡ ᠲᠡᠮᠳᠡᠭᠯᠡᠯᠢ ᠡᠭᠦᠳᠪᠡ᠃
✦ ᠤᠢᠷᠡᠳᠦ 2026 ᠣᠨᠤ
ᠴᠧᠨ ᠵᠢᠶᠠ ᠭᠧᠩ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠱᠠᠩᠨᠠᠯᠤᠨ ᠰᠢᠯᠭᠠᠷᠠᠭᠤᠯᠤᠯᠲᠠᠶᠢᠨ
ᠦᠷᠡ ᠳ᠋ᠦᠩᠢ ᠪᠡᠭᠡᠵᠢᠩᠳᠦ ᠨᠡᠢᠲᠡᠯᠡᠪᠡ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠦᠨ
ᠠᠺᠠᠳᠧᠮᠢᠴᠢ᠂ ᠤᠯᠤᠰᠤᠨ ᠣᠳᠣᠨ ᠣᠷᠣᠨᠤ ᠥᠷᠲᠡᠭᠡᠶᠢᠨ ᠰᠤᠳᠤᠯᠤᠭ᠍ᠴᠢ᠂ ᠥᠪᠥᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ
ᠣᠳᠣᠨ ᠣᠷᠣᠨ ᠬᠢᠭᠡᠳ ᠹᠢᠽᠢᠺ ᠰᠤᠳᠤᠯᠬᠤ ᠬᠦᠷᠢᠶᠡᠯᠡᠩᠦᠨ ᠳᠠᠷᠤᠭᠠ ᠵᠣᠣ ᠭᠠᠩᠤᠨ ᠬᠥᠲᠥᠯᠥᠨ ᠪᠡᠶᠡᠯᠡᠭᠦᠯᠦᠭᠰᠡᠨ
ᠲᠥᠷᠥᠯ ᠵᠦᠢᠯ 2026 ᠣᠨᠤ ᠴᠧᠨ ᠵᠢᠶᠠ ᠭᠧᠩ ᠲᠣᠭᠠ
ᠹᠢᠽᠢᠺᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠱᠠᠩᠨᠠᠯᠢ ᠭᠥᠷᠳᠡᠪᠡ᠃
✦ ᠤᠢᠷᠠᠵᠢᠨ ᠡᠳᠦᠷ ᠤᠯᠤᠰᠤᠨ
ᠡᠮᠴᠢᠯᠡᠭᠡᠨᠤ ᠪᠠᠲᠤᠯᠠᠭᠠᠵᠢᠨ ᠲᠣᠪᠴᠢᠶᠠ ᠮᠡᠳᠡᠭᠡ ᠨᠡᠢᠲᠡᠯᠡᠵᠦ᠂ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠲᠠᠪᠤᠨ ᠵᠢᠯᠦᠨ
ᠲᠥᠯᠦᠪᠵᠢᠭᠦᠯᠭᠡᠶᠢᠨ ᠬᠤᠭᠤᠴᠠᠭᠠᠨᠳᠤ ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠬᠠᠯᠢ ᠲᠤᠷᠰᠢᠯᠲᠠ
ᠬᠢᠵᠦ ᠪᠠᠢᠭᠰᠠᠨᠠᠴᠠ ᠪᠥᠬᠥ ᠲᠠᠯᠠᠶᠢᠨ ᠪᠠᠢᠭᠤᠯᠤᠮᠵᠢᠶᠢᠨ ᠳᠦᠷᠢᠮ ᠪᠣᠯᠭᠠᠬᠤ ᠪᠣᠯᠣᠨᠠ ᠭᠡᠪᠡ᠃ 2026 ᠣᠨᠤ 2 ᠰᠠᠷᠠ ᠪᠣᠯᠲᠠᠯᠠ᠂ ᠪᠥᠬᠥ ᠤᠯᠤᠰᠤᠨ 49 ᠬᠣᠲᠠᠶᠢ ᠤᠯᠤᠰᠤᠨ ᠲᠠᠰᠤᠨ ᠲᠤᠷᠰᠢᠯᠲᠠᠶᠢᠨ ᠬᠣᠲᠠ ᠪᠣᠯᠭᠠᠵᠤ
ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠬᠠᠯᠤᠨ ᠲᠤᠷᠰᠢᠯᠲᠠ ᠬᠢᠵᠦ ᠥᠩᠭᠡᠷᠡᠵᠡᠢ᠂ ᠡᠭᠦᠨᠳᠦ ᠮᠠᠨᠤ
ᠤᠷᠤᠨᠤ ᠬᠥᠬᠡᠬᠣᠲᠠ ᠪᠠᠭᠲᠠᠨᠠ᠃
✦ 2026 ᠣᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ
ᠠᠩᠬᠠ ᠵᠡᠷᠭᠡᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠰᠤᠷᠤᠯᠭᠠᠶᠢᠨ ᠬᠢᠷᠢ ᠲᠦᠪᠰᠢᠨᠦ ᠰᠢᠯᠭᠠᠯᠲᠠᠶᠢᠨ ᠰᠦᠯᠵᠢᠶᠡᠨ
ᠳᠡᠭᠡᠷᠡ ᠨᠡᠷᠡ ᠮᠡᠳᠡᠭᠦᠯᠬᠦ ᠠᠵᠢᠯ 3 ᠰᠠᠷᠠᠶᠢᠨ 12ᠤᠨ ᠡᠳᠦᠷᠡᠴᠡ 26ᠤ ᠡᠳᠦᠷ ᠪᠣᠯᠲᠠᠯᠠ ᠶᠠᠪᠤᠭᠳᠠᠨᠠ᠃
✦ 3 ᠰᠠᠷᠠᠶᠢᠨ 5ᠤ ᠡᠳᠦᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ
ᠬᠠᠪᠤᠷᠤᠨ ᠲᠠᠷᠢᠶᠠᠯᠠᠭᠠᠶᠢᠨ ᠠᠵᠢᠯ ᠪᠠᠷᠠᠭᠤᠨᠠᠴᠠ ᠵᠡᠭᠦᠨᠰᠢ ᠪᠥᠬᠥ ᠲᠠᠯᠠᠪᠠᠷ ᠡᠬᠢᠯᠡᠵᠡᠢ᠃
✦ ᠤᠷᠳᠤᠰ ᠬᠤᠲᠠᠵᠢᠨ ᠬᠠᠩᠭᠢᠨ ᠬᠣᠰᠢᠭᠤ 3 ᠰᠠᠷᠠᠶᠢᠨ 1ᠤ ᠡᠳᠦᠷᠡᠴᠡ ᠡᠬᠢᠯᠡᠨ 100 ᠲᠦᠮᠡᠨ ᠲᠥᠭᠥᠷᠢᠭᠦᠨ ᠮᠠᠰᠢᠨ ᠲᠡᠷᠭᠡᠨᠦ ᠬᠡᠷᠡᠭᠯᠡᠭᠡᠨᠦ
ᠨᠥᠬᠥᠪᠦᠷᠢ ᠲᠠᠷᠬᠠᠭᠠᠵᠤ᠂ 3 ᠰᠠᠷᠠᠶᠢᠨ 31ᠤ ᠡᠳᠦᠷ ᠪᠣᠯᠲᠠᠯᠠ ᠲᠠᠷᠬᠠᠭᠠᠬᠤᠪᠡᠷ ᠪᠤᠢ᠃ ᠮᠠᠰᠢᠨ ᠲᠡᠷᠭᠡᠨᠦ
ᠦᠨᠡ ᠨᠢ 20 ᠲᠦᠮᠡᠨ ᠲᠥᠭᠥᠷᠢᠭᠢ ᠳᠠᠪᠠᠪᠠᠯ 5000 ᠲᠥᠭᠥᠷᠢᠭ᠂ 10 ᠲᠦᠮᠡᠨ ᠲᠥᠭᠥᠷᠢᠭᠢ ᠳᠠᠪᠠᠪᠠᠯ 4000 ᠲᠥᠭᠥᠷᠢᠭ᠂ 10 ᠲᠦᠮᠡᠨ ᠲᠥᠭᠥᠷᠢᠭ ᠬᠦᠷᠬᠦ ᠦᠭᠡᠢ ᠪᠠᠢᠪᠠᠯ 2500 ᠲᠥᠭᠥᠷᠢᠭᠦᠨ ᠨᠥᠬᠥᠪᠦᠷᠢ ᠣᠯᠭᠣᠨᠠ᠃
✦ ᠤᠢᠷᠠᠳᠦ 2026 ᠣᠨᠤ ᠬᠠᠪᠤᠷᠤᠨ ᠤᠯᠠᠷᠢᠯᠤᠨ ᠠᠵᠢᠯᠲᠠᠨ ᠡᠯᠰᠡᠬᠦ ᠠᠵᠢᠯᠯᠠᠭᠠ
ᠪᠠᠶᠠᠨᠨᠠᠭᠤᠷ ᠬᠤᠲᠠᠵᠢᠨ ᠯᠢᠨᠾᠧ ᠲᠣᠭᠣᠷᠢᠭ᠋ᠲᠦ ᠶᠠᠪᠤᠭᠳᠠᠪᠠ᠃ ᠠᠵᠢᠯᠯᠠᠭᠠ ᠨᠢ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠡᠴᠡ
ᠲᠡᠭᠦᠰᠦᠭᠰᠡᠨ ᠰᠤᠷᠤᠭ᠍ᠴᠢᠳ᠂ ᠴᠡᠷᠢᠭᠡᠴᠡ ᠬᠠᠯᠠᠭᠳᠠᠭᠰᠠᠳ᠂ ᠬᠤᠲᠠᠳᠤ ᠣᠷᠣᠵᠤ ᠠᠵᠢᠯ ᠬᠥᠳᠡᠯᠮᠦᠷᠢ ᠬᠢᠵᠦ ᠪᠠᠢᠭᠠ ᠬᠥᠮᠥᠰ᠂ ᠠᠵᠢᠯ ᠣᠯᠬᠤᠳᠤ
ᠬᠦᠴᠢᠷᠲᠡᠢ ᠬᠥᠮᠥᠰ᠂ ᠨᠤᠲᠤᠭᠲᠠᠭᠠᠨ ᠪᠤᠴᠠᠭᠰᠠᠨ ᠬᠥᠯᠥᠰᠦᠨ ᠠᠵᠢᠯᠴᠢᠨᠳᠤ ᠬᠠᠨᠳᠤᠭᠤᠯᠵᠤ᠂ ᠨᠡᠶ᠋ᠢᠲᠡ 1900 ᠭᠠᠷᠤᠢ ᠠᠵᠢᠯ ᠡᠷᠢᠭᠰᠡᠳᠲᠦ ᠦᠢᠯᠡᠴᠢᠯᠡᠵᠡᠢ᠃
✦ ᠲᠦᠷᠦᠭᠦᠬᠡᠨ ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠤᠨ
ᠣᠶ ᠰᠢᠭᠤᠢ ᠪᠠ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠲᠦᠢᠮᠡᠷᠢ ᠰᠡᠷᠭᠡᠢᠯᠡᠨ ᠤᠨᠲᠠᠷᠠᠭᠠᠬᠤᠶᠢ ᠵᠢᠯᠤᠭᠣᠳᠬᠤ ᠭᠠᠵᠠᠷ ᠮᠡᠳᠡᠭᠳᠡᠯ
ᠨᠡᠢᠲᠡᠯᠡᠵᠦ᠂ 3 ᠰᠠᠷᠠᠶᠢᠨ 5ᠤ ᠡᠳᠦᠷᠡᠴᠡ ᠡᠬᠢᠯᠡᠨ ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭ ᠬᠠᠪᠤᠷᠤᠨ
ᠤᠯᠠᠷᠢᠯᠤᠨ ᠣᠶ ᠰᠢᠭᠤᠢ ᠪᠠ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠲᠦᠢᠮᠡᠷᠢ ᠰᠡᠷᠭᠡᠢᠯᠡᠬᠦ ᠬᠤᠭᠤᠴᠠᠭᠠᠨᠳᠤ ᠪᠥᠬᠥ ᠲᠠᠯᠠᠪᠠᠷ
ᠣᠷᠣᠵᠤ᠂ ᠭᠠᠯᠢ ᠴᠢᠩᠭᠠ ᠰᠡᠷᠭᠡᠢᠯᠡᠵᠦ ᠵᠠᠬᠢᠷᠤᠨ ᠬᠠᠮᠢᠶᠠᠷᠬᠤ ᠠᠵᠢᠯ ᠨᠢ 3 ᠰᠠᠷᠠᠵᠢᠨ 15ᠤ ᠡᠳᠦᠷ ᠪᠣᠯᠲᠠᠯᠠ ᠶᠠᠪᠤᠭᠳᠠᠵᠤ᠂ ᠥᠩᠭᠡᠷᠡᠭᠰᠡᠨ ᠵᠢᠯᠦᠨ
ᠬᠢᠡᠴᠡ 10 ᠡᠳᠦᠷ ᠤᠷᠢᠳᠴᠢᠯᠠᠵᠠᠢ᠃
✦ 3 ᠰᠠᠷᠠᠶᠢᠨ 5ᠤ ᠡᠳᠦᠷ᠂ ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨᠤ
ᠣᠯᠨᠨᠪᠤᠯᠠᠭ ᠪᠠᠯᠭᠠᠰᠤᠨᠤ ᠳᠥᠬᠥᠮ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠪᠦᠷᠢᠨᠲᠡᠭᠦᠰ ᠠᠯᠠᠱᠠ ᠠᠢᠮᠠᠭᠤᠨ ᠨᠣᠮᠤᠨ ᠰᠠᠩᠳᠤ
ᠠᠬᠠᠮᠠᠳ ᠺᠠᠳ᠋ᠷ ᠤᠯᠠᠮᠰᠠᠢᠨᠤ ᠪᠢᠴᠢᠭᠰᠡᠨ 《ᠶᠡᠬᠡ ᠡᠯᠡᠰᠦᠨᠦ ᠭᠦᠨᠳᠡᠬᠢ ᠫᠤᠤᠶᠢᠨ ᠳᠠᠭᠤᠨ》 ᠭᠡᠬᠦ ᠶᠢᠰᠦᠨ ᠳᠡᠪᠲᠡᠷ ᠨᠣᠮ ᠪᠣᠯᠣᠨ ᠨᠠᠷᠠᠲᠤ ᠤᠷᠠᠨ ᠪᠢᠴᠢᠯᠭᠡᠲᠡᠨ
ᠽᠠᠨᠳᠠᠷᠠᠶᠢᠨ ᠨᠠᠢᠷᠠᠭᠤᠯᠤᠭᠰᠠᠨ 《ᠠᠯᠠᠱᠠ ᠮᠣᠩᠭᠣᠯ ᠤᠷᠠᠨ ᠪᠢᠴᠢᠯᠭᠡ》 ᠭᠡᠬᠦ ᠤᠷᠠᠨ ᠪᠢᠴᠢᠯᠭᠡᠶᠢᠨ ᠨᠣᠮᠢ ᠬᠠᠨᠳᠢᠪᠯᠡᠪᠠ᠃
ᠠᠵᠤ ᠠᠬᠤᠢ
✦ 2 ᠰᠠᠷᠠᠶᠢᠨ 23ᠤ ᠡᠳᠦᠷ ᠪᠣᠯᠲᠠᠯᠠ ᠬᠥᠬᠡᠬᠣᠲᠠᠶᠢᠨ
《ᠬᠠᠭᠤᠴᠢᠨᠢᠶᠠᠷ ᠰᠢᠨᠡᠶᠢ ᠰᠣᠯᠢᠬᠤ》 ᠠᠵᠢᠯᠯᠠᠭᠠ 12 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠦᠨ ᠪᠣᠷᠤᠯᠠᠭᠤᠯᠭᠠᠶᠢᠨ ᠬᠡᠮᠵᠢᠶᠡᠶᠢ
ᠳᠠᠢᠴᠢᠯᠠᠭᠰᠠᠨ ᠪᠠᠢᠨᠠ᠃ ᠣᠳᠣᠬᠠᠨᠳᠦ ᠬᠥᠬᠡᠬᠣᠲᠠᠶᠢᠨ ᠮᠠᠰᠢᠨ ᠲᠡᠷᠭᠡᠨᠦ ᠬᠠᠭᠤᠴᠢᠨᠢᠶᠠᠷ ᠰᠢᠨᠡ
ᠶᠢ ᠰᠣᠯᠢᠬᠤ ᠪᠠᠷ ᠡᠷᠡᠮᠡᠯᠵᠡᠯᠡᠭᠰᠡᠨ ᠬᠡᠮᠵᠢᠶᠡ 5200ᠶᠢ ᠳᠠᠪᠠᠵᠤ᠂ ᠬᠡᠷᠡᠭᠯᠡᠭᠡ ᠶᠢ ᠳᠠᠢᠴᠢᠯᠠᠭᠰᠠᠨ
ᠬᠡᠮᠵᠢᠶᠡ 9 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠲᠦ ᠬᠦᠷᠴᠡᠢ᠃
ᠰᠣᠶᠣᠯ
✦ 3 ᠰᠠᠷᠠᠶᠢᠨ 5ᠤ ᠡᠳᠦᠷ᠂ 116ᠳᠡᠬᠢ ᠳᠡᠯᠡᠬᠡᠢᠶᠢᠨ ᠡᠮᠡᠭᠲᠡᠢᠴᠦᠳᠤᠨ
ᠪᠠᠶᠠᠷᠤᠨ ᠡᠳᠦᠷ ᠬᠦᠷᠴᠦ ᠢᠷᠡᠬᠦ ᠲᠠᠰᠢᠷᠠᠮᠳᠤ᠂ ᠤᠯᠠᠭᠠᠨᠬᠠᠳᠠ ᠬᠤᠲᠠᠵᠢᠨ ᠠᠷᠤ ᠬᠣᠷᠴᠢᠨ ᠬᠣᠰᠢᠭᠤᠨᠤ ᠱᠤᠣ
ᠪᠠᠯᠭᠠᠰᠤᠨᠤ ᠡᠮᠡᠭᠲᠡᠢᠴᠦᠳᠤᠨ ᠬᠣᠯᠪᠤᠭᠠ 《ᠦᠨᠡᠨᠴᠢ ᠪᠠᠷ ᠨᠠᠮᠢᠶᠠᠨ ᠳᠠᠭᠠᠵᠤ ᠪᠣᠳᠠᠲᠤ ᠠᠵᠢᠯᠯᠠᠭᠠᠪᠠᠷ
ᠰᠢᠨᠡ ᠪᠠᠢᠳᠠᠯᠢ ᠡᠭᠦᠳᠬᠦ》 ᠰᠢᠨᠡ ᠵᠢᠯᠤᠨ ᠨᠣᠮ ᠤᠩᠰᠢᠬᠤ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠪᠡ᠃
ᠲᠠᠮᠢᠷ
✦ 5ᠤ ᠡᠳᠦᠷ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠡᠶᠡᠶᠢᠨ
ᠲᠠᠮᠢᠷᠤᠨ ᠲᠥᠯᠥᠭᠡᠯᠡᠭᠴᠢᠳᠦᠨ ᠪᠦᠯᠬᠦᠮ ᠮᠡᠳᠡᠭᠡ ᠨᠡᠢᠲᠡᠯᠡᠵᠦ᠂ ᠡᠮᠡᠭᠲᠡᠢᠶᠢᠨ ᠥᠨᠳᠥᠷ ᠠᠭᠤᠯᠠᠶᠢᠨ ᠴᠠᠨᠠᠯᠡᠯᠲᠡᠵᠢᠨ
ᠲᠠᠮᠢᠷᠴᠢᠨ ᠯᠢᠦ ᠰᠧ ᠲᠦᠩ ᠪᠣᠯᠣᠨ ᠡᠷᠡᠭᠲᠡᠢᠶᠢᠨ ᠲᠠᠩ ᠬᠠᠪᠲᠠᠰᠤᠲᠤ ᠴᠠᠨᠡᠯᠡᠯᠲᠡᠵᠢᠨ ᠲᠠᠮᠢᠷᠴᠢᠨ ᠵᠢᠢ ᠯᠢ
ᠵᠢᠶᠠᠶᠢ 2026 ᠣᠨᠤ ᠮᠢᠯᠠᠨ — ᠺᠤᠷᠲ᠋ᠢᠨᠠᠶᠢᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠵᠡᠮᠳᠡᠭᠴᠦᠳᠦᠨ ᠣᠯᠢᠮᠫᠢᠺᠤᠨ
ᠲᠠᠮᠢᠷᠤᠨ ᠴᠤᠭᠯᠠᠭᠠᠨᠤ ᠡᠬᠢᠯᠡᠯᠲᠡᠶᠢᠨ ᠶᠣᠰᠣᠯᠠᠯᠳᠡᠬᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ
ᠲᠥᠯᠥᠭᠡᠯᠡᠭᠴᠢᠳᠦᠨ ᠪᠦᠯᠬᠦᠮᠦᠨ ᠲᠤᠭ᠍ᠴᠢ ᠪᠤᠯᠭᠠᠬᠤᠪᠡᠷ ᠲᠤᠭᠲᠠᠪᠠ᠃
✦ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠴᠠᠭᠢᠶᠠᠷ 3ᠤ ᠡᠳᠦᠷ ᠳ᠋ᠠᠨᠮᠠᠷᠺᠲᠦ ᠶᠠᠪᠤᠭᠳᠠᠭᠰᠠᠨ 2025 — 2026 ᠣᠨᠤ ᠤᠷᠤᠯᠳᠤᠭᠠᠨᠤ ᠤᠯᠠᠷᠢᠯᠤᠨ ᠳᠡᠯᠡᠬᠡᠢᠶᠢᠨ ᠵᠠᠯᠠᠭᠤᠴᠤᠳᠤᠨ ᠮᠥᠰᠥᠨ ᠳᠡᠪᠦᠷᠡᠶᠢᠨ
ᠮᠠᠩᠯᠠᠢ ᠰᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨᠤ A ᠳᠤᠭᠤᠢᠯᠠᠩᠤᠨ ᠤᠷᠤᠯᠳᠤᠭᠠᠨᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠮᠥᠰᠥᠨ ᠳᠡᠪᠦᠷᠡᠶᠢᠨ ᠡᠮᠡᠭᠲᠡᠢᠶᠢᠨ
ᠵᠠᠯᠠᠭᠤᠴᠤᠳᠤᠨ ᠠᠩᠭᠢ 11᠄ 4ᠪᠠᠷ ᠠᠮᠧᠷᠢᠺᠠᠶᠢᠨ ᠠᠩᠭᠢᠶᠢ ᠢᠯᠠᠵᠤ ᠬᠦᠷᠡᠯ ᠮᠧᠳᠠᠯ ᠬᠦᠷᠲᠡᠵᠡᠢ᠃
ᠳᠡᠯᠡᠬᠡᠢ
✦ ᠣᠢᠷᠠᠳᠤ
ᠠᠮᠧᠷᠢᠺᠠ ᠪᠠ ᠢᠰᠷᠧᠯᠦᠨ ᠢᠷᠠᠨᠳᠤ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠴᠣᠬᠢᠯᠲᠠ ᠥᠭᠭᠦᠭᠰᠡᠨ ᠨᠥᠯᠥᠭᠡᠪᠡᠷ ᠳᠤᠮᠳᠠᠳᠤ
ᠳᠣᠷᠣᠨᠠᠲᠤ ᠣᠷᠣᠨᠤ ᠣᠯᠠᠨ ᠤᠯᠤᠰᠤᠨ ᠡᠭᠡᠯᠵᠢᠶᠢᠨ ᠨᠢᠰᠬᠡᠯᠦᠨ ᠠᠶᠠᠯᠠᠯ ᠬᠦᠨᠳᠦ ᠨᠣᠴᠢᠲᠠᠢ ᠨᠥᠯᠥᠭᠡᠯᠡᠭᠳᠡᠵᠡᠢ᠃
ᠠᠮᠤᠷ ᠲᠦᠪᠰᠢᠨᠦ ᠦᠨᠡᠯᠡᠯᠲᠡᠶᠢᠨ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠮᠠᠨᠤ ᠤᠯᠤᠰᠤᠨ ᠠᠭᠠᠷᠤᠨ ᠠᠶᠠᠯᠠᠯᠤᠨ ᠺᠣᠮᠫᠠᠨᠢ
ᠣᠳᠣᠬᠠᠨᠳᠤ ᠮᠠᠨᠤ ᠤᠯᠤᠰᠠᠴᠠ ᠳᠤᠮᠳᠠᠳᠤ ᠳᠣᠷᠣᠨᠠᠲᠤ ᠣᠷᠣᠨᠳᠤ ᠬᠦᠷᠬᠦ ᠬᠡᠰᠡᠭ ᠡᠭᠡᠯᠵᠢᠶᠢᠨ ᠨᠢᠰᠬᠡᠯᠢ
ᠰᠡᠷᠭᠦᠭᠡᠭᠰᠡᠨ ᠪᠠᠢᠨᠠ᠃
✦ ᠲᠥᠪ ᠲᠸᠯᠸᠢᠰᠤᠨ ᠮᠡᠳᠡᠭᠡᠶᠢ ᠦᠨᠳᠦᠰᠦᠯᠡᠪᠡᠯ᠂ ᠢᠰᠷᠧᠯᠦᠨ ᠵᠠᠮ ᠬᠠᠷᠢᠯᠴᠠᠭᠠᠨᠤ
ᠶᠠᠮᠤᠨᠤ ᠰᠠᠢᠳ ᠮᠡᠳᠡᠭᠡ ᠨᠡᠢᠲᠡᠯᠡᠵᠦ᠂ ᠢᠰᠷᠧᠯ 8ᠤ ᠡᠳᠦᠷ ᠲᠤᠰ ᠤᠯᠤᠰᠤᠨ ᠬᠠᠷᠢᠶᠠᠨᠳᠡᠬᠢ
ᠠᠭᠠᠷᠤᠨ ᠠᠶᠠᠯᠠᠯᠢ ᠳᠠᠬᠢᠨ ᠨᠡᠭᠡᠭᠡᠵᠦ᠂ ᠬᠢᠯᠢᠡᠴᠡ ᠭᠠᠷᠬᠤ ᠡᠭᠡᠯᠵᠢᠶᠢᠨ ᠨᠢᠰᠬᠡᠯᠦᠨ ᠨᠡᠪᠲᠡᠷᠡᠬᠦᠶᠢ
ᠵᠥᠪᠰᠢᠶᠡᠷᠡᠨᠡ ᠭᠡᠪᠡ᠃
ᠦᠢᠯᠡᠴᠢᠯᠡᠭᠡ
✦ ᠬᠥᠬᠡᠬᠣᠲᠠᠶᠢᠨ
ᠭᠠᠯ ᠤᠨᠲᠠᠷᠠᠭᠠᠵᠤ ᠠᠪᠤᠷᠠᠨ ᠲᠤᠰᠠᠯᠠᠬᠤ ᠰᠠᠯᠪᠤᠷᠢ ᠠᠩᠭᠢ ᠠᠵᠢᠯᠲᠠᠨ ᠡᠯᠰᠡᠬᠦᠪᠡᠷ ᠪᠤᠢ᠃
ᠲᠠᠨᠤ ᠲᠤᠰᠠᠳᠤ
✦ ᠶᠠᠭᠤᠶᠢ ᠳᠣᠣᠷᠠ GI ᠢᠳᠡᠭᠡᠨ
ᠭᠡᠬᠦ ᠪᠣᠢ᠂ ᠰᠣᠩᠭᠣᠵᠤ ᠬᠤᠳᠠᠯᠳᠤᠨ ᠠᠪᠬᠤ ᠦᠶᠡᠳᠦ ᠠᠩᠬᠠᠷᠬᠤ ᠵᠦᠢᠯ᠄
1. GI — ᠳᠠᠷᠤᠢ ᠴᠢᠰᠤᠨ ᠰᠢᠬᠢᠷ ᠡᠭᠦᠰᠬᠦ ᠵᠢᠭᠠᠯᠲᠠ ᠲᠣᠭᠠ᠂ ᠢᠳᠡᠭᠡᠨ ᠢᠳᠡᠭᠰᠡᠨᠦ ᠳᠠᠷᠠᠭᠠ
ᠴᠢᠰᠤᠨ ᠰᠢᠬᠢᠷ ᠥᠨᠳᠥᠷᠵᠢᠬᠦ ᠬᠤᠷᠳᠤᠴᠠ ᠪᠠ ᠬᠡᠮᠵᠢᠶᠡᠶᠢ ᠬᠡᠮᠵᠢᠬᠦ ᠭᠦᠢᠴᠡᠳᠬᠡᠯ ᠲᠣᠭᠠ ᠪᠣᠯᠣᠨᠠ᠃ ᠳᠣᠣᠷᠠ
GI ᠢᠳᠡᠭᠡᠨ ᠭᠡᠳᠡᠭ ᠨᠢ ᠶᠡᠷᠦᠳᠡᠭᠡᠨ GI ᠬᠡᠮᠵᠢᠭᠳᠡᠯ
ᠨᠢ 55ᠠᠴᠠ ᠳᠣᠣᠷᠠ ᠢᠳᠡᠭᠡᠨᠢ ᠵᠢᠭᠠᠵᠤ ᠪᠠᠢᠨᠠ᠂ ᠡᠨᠡ
ᠲᠥᠷᠥᠯᠦᠨ ᠢᠳᠡᠭᠡᠨᠢ ᠰᠢᠩᠭᠡᠭᠡᠬᠦ ᠳ᠋ᠦ ᠤᠳᠠᠭᠠᠨ᠂ ᠴᠢᠰᠤᠨ ᠰᠢᠬᠢᠷᠦᠨ ᠲᠣᠭᠲᠠᠭᠤᠨ ᠪᠠᠢᠬᠤᠶᠢ ᠪᠠᠲᠤᠯᠠᠬᠤᠳᠤ
ᠠᠰᠢᠭ᠍ᠲᠠᠢ᠃
2. ᠢᠳᠡᠭᠡᠨ
ᠢ ᠰᠣᠩᠭᠣᠵᠤ ᠬᠤᠳᠠᠯᠳᠤᠨ ᠠᠪᠬᠤᠳᠠᠭᠠᠨ ᠨᠠᠢᠷᠠᠯᠭᠠᠶᠢᠨ ᠬᠦᠰᠦᠨᠦᠭᠲᠦᠶᠢ ᠢᠯᠡᠭᠦᠬᠡᠨ ᠠᠩᠬᠠᠷᠴᠤ᠂ ᠰᠢᠬᠢᠷ᠂
ᠰᠢᠷᠠ ᠲᠣᠰᠣ᠌ ᠵᠡᠷᠭᠡ ᠪᠦᠷᠢᠯᠳᠦᠭᠦᠨᠲᠠᠢ ᠪᠦᠲᠦᠭᠡᠭᠳᠡᠬᠦᠨᠡᠴᠡ ᠠᠯᠢ ᠴᠢᠳᠠᠬᠤᠪᠠᠷ ᠵᠠᠢᠯᠠᠰᠬᠢᠪᠡᠯ
ᠵᠤᠬᠢᠨᠠ᠃ ᠡᠭᠦᠨᠦ ᠬᠠᠮᠲᠤ ᠰᠢᠮᠡ ᠲᠡᠵᠢᠭᠡᠯᠦᠨ ᠪᠦᠷᠢᠯᠳᠦᠭᠦᠨᠦ ᠬᠦᠰᠦᠨᠦᠭᠲᠦᠶᠢ ᠠᠩᠬᠠᠷᠴᠤ᠂ ᠥᠭᠡᠬᠦ
ᠪᠠ ᠨᠠᠲᠷᠢᠶᠢᠨ ᠠᠭᠤᠯᠤᠭᠳᠠᠴᠠ ᠬᠡᠲᠦ ᠥᠨᠳᠥᠷ ᠢᠳᠡᠭᠡᠨᠡᠴᠡ ᠵᠠᠢᠯᠠᠰᠬᠢᠵᠤ᠂ ᠢᠳᠡᠭᠡᠨᠦ ᠰᠢᠮᠡ ᠲᠡᠵᠢᠭᠡᠯᠦᠨ
ᠠᠭᠤᠯᠤᠭᠳᠠᠴᠠᠶᠢ ᠠᠩᠬᠠᠷᠪᠠᠯ ᠵᠤᠬᠢᠨᠠ᠃
ᠵᠠᠯᠭᠠᠭᠠᠳ 《ᠬᠥᠬᠡ
ᠰᠢᠯᠢᠵᠢᠨ ᠨᠤᠲᠤᠭ》 ᠬᠡᠬᠦ ᠲᠠᠭᠤᠤ
ᠪᠡᠷ ᠠᠶᠠ ᠪᠠᠷᠢᠵᠤ ᠨᠡᠪᠳᠡᠷᠡᠭᠦᠯᠬᠡ ᠪᠡᠨ ᠵᠢᠷᠭᠠᠭᠠᠶᠠ᠂ ᠲᠠ ᠪᠦᠬᠦᠨᠤ ᠬᠦᠯᠢᠶᠡᠨ
ᠠᠪᠴᠤ᠌ ᠰᠤᠨᠤᠰᠤᠬ᠍ᠰᠠᠨᠳᠤ ᠪᠠᠶᠠᠷᠯᠠᠯᠠ᠂ ᠪᠠᠶᠠᠷᠳᠠᠢ！
（ᠢᠷᠡᠯᠳᠡ᠄ ᠰᠢᠨᠬᠤᠧᠠ ᠬᠤᠷᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠷᠠᠳᠤᠨ
ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠵᠤ ᠠᠬᠤᠢ ᠵᠢᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ
ᠲᠠᠪᠴᠠᠩ᠂ ᠮᠠᠨᠤ ᠤᠷᠤᠨᠤ ᠡᠯᠠ ᠠᠢᠮᠠᠭ
ᠬᠤᠳᠠ᠂ ᠬᠤᠰᠢᠭᠤ ᠰᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ）