ᠨᠡᠢᠭᠡᠮ
✦ᠤᠯᠤᠰᠤᠨ
ᠣᠶ ᠰᠢᠭᠤᠢ ᠪᠠ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠲᠣᠪᠴᠢᠶᠠᠶᠢᠨ ᠬᠠᠮᠤᠭ ᠤ᠋ᠨ ᠰᠢᠨᠡ ᠲᠣᠭᠠ ᠪᠠᠷᠢᠮᠲᠠᠳᠤ ᠢᠯᠡᠷᠡᠭᠦᠯᠦᠭᠰᠡᠨᠢᠶᠡᠷ᠂
ᠣᠲᠣᠬᠠᠨ ᠪᠣᠯᠲᠠᠯᠠ ᠮᠠᠨᠤ ᠤᠯᠤᠰ ᠨᠢᠭᠡᠨᠲᠡ 1140 ᠨᠡᠭᠦᠳᠡᠯᠦᠨ ᠰᠢᠪᠠᠭᠤᠨᠤ ᠨᠡᠭᠦᠳᠡᠯ ᠦ᠋ᠨ ᠵᠠᠮᠳ᠋ᠡᠬᠢ
ᠴᠢᠬᠤᠯᠠ ᠣᠷᠣᠰᠢᠨ ᠠᠮᠢᠳᠤᠷᠠᠬᠤ ᠭᠠᠵᠠᠷᠢ ᠲᠣᠳᠣᠷᠬᠠᠢ ᠲᠣᠭᠲᠠᠭᠠᠵᠤ᠂ 19 ᠵᠦᠢᠯᠦᠨ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠢ
ᠬᠠᠮᠠᠭᠠᠯᠠᠯᠲᠠ ᠳ᠋ᠤ ᠪᠠᠢᠭᠠ ᠰᠢᠪᠠᠭᠤᠨᠤ ᠲᠥᠷᠥᠯᠦᠨ ᠰᠦᠷᠦᠭ ᠲᠣᠭᠲᠠᠭᠤᠨ ᠪᠤᠶᠤ ᠨᠡᠮᠡᠭᠳᠡᠬᠦ ᠬᠠᠨᠳᠤᠰᠢᠲᠠᠢ
ᠪᠠᠢᠨᠠ᠃
✦14ᠦ ᠡᠳᠦᠷ᠂
ᠥᠪᠥᠷ ᠮᠣᠩᠭᠣᠯᠤᠨ 2026 ᠣᠨᠤ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠰᠣᠷᠣᠭ᠍ᠴᠢ ᠡᠯᠰᠡᠬᠦ ᠠᠵᠢᠯ ᠳᠠᠭᠤᠰᠴᠤ᠂
ᠪᠥᠬᠥ ᠤᠯᠤᠰᠤᠨ 1691 ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠮᠠᠨᠤ ᠤᠷᠤᠨ ᠡᠴᠡ ᠨᠡᠶ᠋ᠢᠲᠡ 197607 ᠰᠣᠷᠣᠭ᠍ᠴᠢ ᠡᠯᠰᠡᠪᠡ᠃
✦13 ᠤ ᠡᠳᠦᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠤᠷᠳᠤ ᠥᠷᠭᠡᠰᠦᠲᠦ
ᠵᠠᠩᠭᠤᠤ ᠵᠡᠷᠭᠡ ᠵᠢ ᠶᠡᠷᠦᠩᠬᠡᠢᠯᠡᠨ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠮᠡᠷᠭᠡᠵᠢᠯᠦᠨ ᠴᠤᠭᠯᠠᠷᠠᠯ ᠪᠣᠯᠣᠨ
ᠵᠢᠱ᠌ᠢᠶᠡ ᠦᠵᠡᠭᠦᠯᠦᠨ ᠳᠡᠯᠭᠡᠷᠡᠭᠦᠯᠬᠦ ᠪᠦᠯᠬᠦᠮᠦᠨ ᠪᠣᠯᠪᠠᠰᠤᠷᠠᠯᠤᠨ ᠠᠵᠢᠯᠯᠠᠭᠠ ᠬᠢᠩᠭᠠᠨ
ᠠᠢᠮᠠᠭᠲᠤ ᠶᠠᠪᠤᠭᠳᠠᠵᠦ᠂ 《ᠲᠤᠬᠠᠢᠶᠢᠨ ᠭᠠᠵᠠᠷ ᠲᠤᠨᠢ
ᠦᠵᠡᠵᠦ᠂ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨᠢᠶᠡᠷ ᠶᠠᠷᠢᠭᠤᠯᠵᠤ᠂ ᠬᠠᠷᠢᠯᠴᠠᠨ ᠰᠤᠷᠤᠯᠴᠠᠬᠤ》 ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠭᠰᠠᠨ ᠰᠣᠯᠢᠯᠴᠠᠭᠠᠨᠤ ᠲᠠᠪᠴᠠᠩᠢ ᠪᠣᠶ ᠪᠣᠯᠭᠠᠪᠠ᠃
✦14ᠦ ᠡᠳᠦᠷ᠂
2026 ᠣᠨᠤ ᠬᠣᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠢᠨᠡᠶᠢ ᠡᠭᠦᠳᠬᠦ ᠪᠦᠲᠦᠭᠡᠯᠴᠢ ᠲᠥᠰᠥᠪᠯᠡᠯᠦᠨ
ᠤᠷᠤᠯᠳᠤᠭᠠᠨ ᠣᠷᠳᠣᠰ ᠬᠣᠲᠠᠳᠤ ᠶᠠᠪᠤᠭᠳᠠᠵᠦ᠂ ᠣᠷᠳᠣᠰᠤᠨ ᠨᠣᠤᠯᠦᠭᠤᠷᠤᠨ ᠠᠵᠤ ᠦᠢᠯᠡᠰᠦᠨ ᠳᠠᠪᠠᠭᠤᠯᠢᠭ᠋ᠲᠤ
ᠲᠦᠰᠢᠭᠯᠡᠨ᠂ ᠴᠢᠭᠬᠬᠤᠸᠠ ᠶᠡᠬᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠤᠷᠠᠨ ᠵᠢᠷᠤᠭᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠲᠠᠢ ᠬᠣᠯᠪᠤᠭᠠᠯᠠᠨ
ᠤᠯᠤᠰᠤᠨ ᠲᠠᠰᠤᠨ ᠪᠦᠲᠦᠭᠡᠯᠴᠢ ᠲᠠᠪᠴᠠᠩᠢ ᠪᠠᠢᠭᠤᠯᠵᠠᠢ᠃
ᠠᠵᠤ ᠠᠬᠤᠢ
✦8 ᠰᠠᠷᠠᠶᠢᠨ 14ᠦ ᠡᠳᠦᠷ ᠪᠣᠯᠲᠠᠯᠠ᠂ ᠥᠪᠥᠷ
ᠮᠣᠩᠭᠣᠯᠤᠨ ᠪᠥᠬᠥ ᠣᠷᠣᠨᠤ ᠬᠠᠭᠤᠷᠠᠢ ᠵᠠᠮᠤᠨ ᠪᠣᠭᠣᠮᠲᠠᠶᠢᠨ 2026 ᠣᠨᠤ ᠬᠢᠯᠢᠪᠡᠷ ᠣᠷᠣᠭᠤᠯᠵᠤ
ᠭᠠᠷᠭᠠᠬᠰᠠᠨ ᠪᠠᠷᠠᠭᠠᠨᠤ ᠲᠡᠭᠡᠭᠡᠪᠦᠷᠢᠶᠢᠨ ᠬᠡᠮᠵᠢᠶᠡ 1 ᠳ᠋ᠦᠩᠰᠢᠭᠤᠷ ᠲᠣᠨᠢ ᠳᠠᠪᠠᠵᠤ᠂ ᠨᠢᠳᠤᠨᠤᠨᠤ
ᠬᠢᠡᠴᠡ ᠨᠢᠭᠡ ᠰᠠᠷᠠ ᠤᠷᠢᠳᠴᠢᠯᠠᠨ 《ᠳ᠋ᠦᠩᠰᠢᠭᠤᠷ
ᠲᠣᠨᠤ ᠪᠣᠭᠣᠮᠲᠠ》 ᠵᠢ ᠳᠠᠪᠠᠵᠤ᠂ ᠪᠠᠷᠠᠭᠠᠨᠤ ᠲᠡᠭᠡᠭᠡᠪᠦᠷᠢ ᠶ᠋ᠢᠨ
ᠬᠡᠪᠴᠢᠶᠡ ᠪᠥᠬᠥ ᠤᠯᠤᠰᠲᠤ ᠲᠦᠷᠦᠭᠦᠯᠡᠵᠦ᠂ ᠣᠷᠣᠨ ᠪᠦᠰᠡᠶᠢᠨ ᠤᠮᠠᠷᠠᠰᠢ ᠨᠡᠭᠡᠭᠡᠯᠲᠡ ᠬᠢᠬᠦ
ᠵᠠᠩᠭᠢᠯᠠᠭᠠᠶᠢᠨ ᠦᠢᠯᠡᠳᠦᠯᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠪᠠᠲᠤᠳᠬᠠᠪᠠ᠃
✦15ᠤ ᠡᠳᠦᠷ᠂
ᠭᠤᠷᠪᠠᠨ ᠡᠳᠦᠷ ᠶᠠᠪᠤᠭᠳᠠᠬᠤ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨ ᠤ᠋ ᠥᠪᠥᠷ ᠮᠣᠩᠭᠣᠯᠤᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ
ᠦᠵᠡᠰᠬᠦᠯᠡᠩᠦᠨ ᠴᠤᠭᠯᠠᠭᠠᠨ ᠬᠥᠬᠡᠬᠣᠲᠠ ᠳ᠋ᠤ ᠡᠬᠢᠯᠡᠵᠦ᠂ ᠪᠥᠬᠥ ᠤᠯᠤᠰᠤᠨ 30 ᠮᠤᠵᠢ ᠣᠷᠣᠨ ᠬᠣᠲᠠᠶᠢᠨ
489 ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠠᠵᠤ ᠠᠬᠤᠢᠯᠠᠯ ᠤᠷᠤᠯᠴᠠᠵᠠᠢ᠃
✦14ᠡᠴᠡ 15ᠤ ᠡᠳᠦᠷ ᠪᠣᠯᠲᠠᠯᠠ᠂ 2026 ᠣᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠬᠦᠢᠲᠡᠨ
ᠰᠡᠷᠢᠭᠦᠨ ᠢᠳᠡᠰᠢᠨ ᠨᠣᠭᠣᠭᠠ᠂ ᠰᠢᠨᠡ ᠰᠣᠷᠭᠣᠭ ᠢᠳᠡᠭᠡᠨ ᠡᠷᠳᠡᠨᠢ ᠰᠢᠰᠢᠶᠢᠨ ᠦᠢᠯᠡᠳᠪᠦᠷᠢᠯᠡᠯ ᠪᠣᠷᠤᠯᠠᠭᠤᠯᠭᠠᠶᠢ
ᠵᠣᠯᠭᠠᠭᠤᠯᠬᠤ ᠪᠠ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡᠶᠢᠨ ᠲᠤᠬᠠᠢᠶᠢᠨ ᠲᠠᠯᠠᠪᠤᠷᠤᠨ ᠬᠤᠷᠠᠯ ᠪᠠᠶᠠᠨᠨᠠᠭᠤᠷ ᠬᠣᠲᠠᠳᠤ
ᠶᠠᠪᠤᠭᠳᠠᠵᠦ᠂ ᠨᠡᠶ᠋ᠢᠲᠡ 2.81 ᠲᠦᠮᠡᠨ ᠮᠦ᠍᠂ 11 ᠲᠥᠷᠥᠯᠦᠨ ᠬᠦᠢᠲᠡᠨ ᠰᠡᠷᠢᠭᠦᠨ ᠢᠳᠡᠰᠢᠨ ᠨᠣᠭᠣᠭᠠ ᠳᠠᠷᠢᠬᠤ
ᠰᠠᠭᠤᠷᠢᠨ ᠵᠢᠴᠢ ᠲᠦᠮᠡᠨ ᠲᠣᠨ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠦ ᠵᠠᠬᠢᠶᠠᠯᠠᠭᠠᠶᠢᠨ ᠭᠡᠷᠡ ᠲᠣᠭᠲᠠᠵᠤ᠂
7 ᠠᠢᠮᠠᠭ ᠬᠣᠲᠠᠶᠢ ᠬᠠᠮᠤᠷᠴᠠᠢ᠃
ᠰᠤᠶᠤᠯ
✦ᠣᠢᠷᠠᠳᠤ ᠣᠷᠳᠣᠰ ᠬᠤᠳᠠᠶᠢᠨ ᠮᠦᠽᠧᠢ ᠡᠷᠲᠡᠨᠦ ᠶᠧᠵᠢᠫᠲᠦᠨ ᠪᠣᠯᠪᠠᠰᠤᠨᠤ
ᠭᠣᠣᠯ ᠰᠡᠳᠦᠪᠲᠦ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠰᠥᠨᠢᠶᠢᠨ ᠰᠤᠳᠤᠯᠭᠠᠨᠤ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠂ ᠬᠡᠦᠬᠡᠳ
ᠪᠠᠭᠠᠴᠤᠳ ᠰᠥᠨᠢᠶᠢᠨ ᠦᠵᠡᠰᠬᠦᠯᠡᠩᠦᠨ ᠣᠷᠳᠣᠨᠳᠤ ᠵᠢᠭᠤᠯᠴᠢᠯᠠᠵᠤ᠂ ᠮᠢᠩᠭᠠᠨ ᠵᠢᠯᠦᠨ ᠲᠡᠤᠬᠡ ᠲᠠᠢ ᠡᠷᠲᠡᠨᠦ
ᠶᠧᠵᠢᠫᠲᠦᠨ ᠪᠣᠯᠪᠠᠰᠤᠨᠤ ᠨᠢᠭᠤᠴᠠᠶᠢ ᠬᠠᠢᠪᠠ᠃
✦15ᠤ ᠡᠳᠦᠷ᠂
ᠪᠤᠭᠤᠲᠤᠶᠢᠨ ᠮᠦᠽᠧᠢ᠂ ᠪᠠᠢ ᠶᠢᠨ ᠬᠣᠲᠠᠶᠢᠨ ᠮᠦᠽᠧᠢ᠂ ᠵᠢᠩ ᠶᠤᠸᠠᠨ ᠰᠢᠶᠠᠨᠤ ᠮᠦᠽᠧᠢᠡᠴᠡ ᠬᠠᠮᠲᠤᠷᠠᠨ
ᠡᠷᠭᠢᠯᠡᠭᠰᠡᠨ 《ᠬᠠᠳᠠᠨᠤ ᠨᠢᠭᠤᠴᠠ — ᠬᠠᠲᠤᠨ ᠭᠤᠤᠯᠤᠨ ᠬᠠᠳᠠᠨ ᠵᠢᠷᠤᠭᠤᠨ ᠦᠵᠡᠰᠬᠦᠯᠡᠩ》 ᠪᠤᠭᠤᠲᠤᠶᠢᠨ ᠮᠦᠽᠧᠢᠳᠦ ᠡᠬᠢᠯᠡᠪᠡ᠃
✦15ᠤ ᠡᠳᠦᠷ᠂ ᠳᠣᠯᠣᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ
ᠵᠠᠰᠠᠬᠤ ᠣᠷᠣᠨᠤ ᠭᠣᠷ ᠰᠡᠢᠯᠦᠮᠡᠯᠦᠨ ᠪᠦᠲᠦᠭᠡᠯᠦᠨ ᠦᠵᠡᠰᠬᠦᠯᠡᠨᠭᠤᠨ ᠬᠢᠩᠭᠠᠨ ᠠᠢᠮᠠᠭ ᠲᠡᠬᠢ
ᠦᠵᠡᠰᠬᠦᠯᠡᠨᠭᠤᠨ ᠠᠵᠢᠯᠯᠠᠭᠠ ᠬᠢᠩᠭᠠᠨ ᠠᠢᠮᠠᠭᠤᠨ ᠤᠷᠠᠨ ᠵᠢᠷᠤᠭᠤᠨ ᠣᠷᠳᠣᠨᠳᠤ ᠶᠠᠪᠤᠭᠳᠠᠵᠦ᠂ 9 ᠰᠠᠷᠠᠶᠢᠨ
7ᠤ ᠡᠳᠦᠷ ᠪᠤᠯᠳᠠᠯᠠ ᠦᠷᠬᠦᠯᠵᠢᠯᠡᠬᠦ ᠪᠤᠯᠤᠨᠠ᠃
✦13 ᠤ ᠡᠳᠦᠷᠡᠴᠡ 14 ᠦ ᠡᠳᠦᠷ ᠪᠣᠯᠲᠠᠯᠠ᠂ ᠤᠳᠬᠠ ᠵᠣᠬᠢᠶᠠᠯᠤᠨ ᠨᠡᠷᠡᠳᠦ
ᠬᠦᠮᠦᠰᠤᠨ ᠪᠣᠷᠣᠳᠣᠬᠣᠢᠶᠢᠨ ᠠᠶᠠᠯᠠᠯ ᠤ᠋ᠨ ᠠᠵᠢᠯᠯᠠᠭᠠᠶᠢᠨ ᠲᠤᠰᠬᠠᠢ ᠰᠡᠳᠦᠪᠲᠦ ᠬᠢᠴᠢᠶᠡᠯ ᠪᠠᠶᠠᠨᠨᠠᠭᠤᠷ
ᠬᠤᠳᠠᠳᠤ ᠶᠠᠪᠤᠭᠳᠠᠵᠦ᠂ ᠪᠦᠬᠦ ᠤᠯᠤᠰᠤᠨ 10 ᠨᠡᠷᠡᠳᠦ ᠵᠣᠬᠢᠶᠠᠯᠴᠢ᠂ ᠤᠳᠬᠠ ᠵᠣᠬᠢᠶᠠᠯᠤᠨ ᠰᠡᠳᠬᠦᠯᠦᠨ
ᠨᠡᠷᠡ ᠬᠦᠨᠳᠦᠲᠦ ᠨᠠᠢᠷᠠᠭᠤᠯᠤᠭ᠍ᠴᠢ ᠲᠤᠬᠠᠢᠶᠢᠨ ᠲᠠᠯᠠᠪᠠᠢᠳᠤ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠶᠢᠨ ᠲᠤᠷᠰᠢᠯᠭᠠᠪᠠᠨ
ᠬᠤᠪᠢᠶᠠᠯᠴᠠᠵᠤ᠂ ᠪᠦᠬᠦ ᠬᠤᠳᠠᠶᠢᠨ 60 ᠭᠠᠷᠤᠢ ᠤᠷᠤᠨ ᠨᠤᠲᠤᠭᠤᠨ ᠵᠣᠬᠢᠶᠠᠯᠴᠢᠶᠢᠨ ᠲᠥᠯᠥᠭᠡᠯᠡᠭᠴᠢ ᠣᠷᠣᠯᠴᠠᠵᠠᠢ᠃
ᠲᠠᠮᠢᠷ
✦15ᠤ ᠡᠳᠦᠷ᠂ 2026
ᠣᠨᠤ ᠬᠤᠯᠠᠨ ᠰᠢᠷᠭᠠ ᠳᠠᠭᠠ ᠵᠢᠨ ᠡᠯᠡᠰᠦ ᠵᠢ ᠲᠤᠭᠤᠯᠬᠤ ᠮᠠᠰᠢᠨ ᠲᠡᠷᠭᠡᠨ ᠤ᠋ ᠤᠷᠤᠯᠳᠤᠭᠠᠨ ᠡᠬᠢᠯᠡᠵᠦ᠂
ᠪᠦᠬᠦ ᠤᠯᠤᠰᠤᠨ ᠡᠯᠡ ᠭᠠᠵᠠᠷᠤᠨ ᠮᠢᠩᠭᠠ ᠭᠠᠷᠤᠢ ᠲᠡᠷᠭᠡ ᠂ ᠲᠦᠮᠡ ᠭᠠᠷᠤᠢ ᠲᠡᠷᠭᠡᠴᠢᠨ ᠵᠢᠴᠢ ᠮᠠᠰᠢᠨ
ᠲᠡᠷᠭᠡᠨᠤ ᠪᠠᠬᠠᠲᠠᠳ ᠤᠷᠤᠯᠴᠠᠵᠠᠢ᠃
✦15ᠤ ᠡᠳᠦᠷ᠂ 2026 ᠣᠨᠤ ᠠᠯᠠᠱᠠ ᠠᠢᠮᠠᠭᠤᠨ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ
ᠡᠯᠡᠰᠦᠨ ᠲᠠᠡᠭᠤᠨ ᠠᠯᠠᠭᠠᠳᠠᠬᠤ ᠪᠥᠮᠪᠥᠭᠡᠶᠢᠨ ᠤᠷᠤᠯᠳᠤᠭᠠᠨᠠᠯᠠᠱᠠ ᠠᠢᠮᠠᠭᠤᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ
ᠴᠡᠴᠡᠷᠯᠢᠭᠲᠦ ᠡᠬᠢᠯᠡᠵᠦ᠂ ᠤᠷᠤᠯᠳᠤᠭᠠᠨ ᠨᠢ 8 ᠰᠠᠷᠠᠶᠢᠨ 19 ᠤ᠋ ᠡᠳᠦᠷ ᠪᠣᠯᠲᠠᠯᠠ ᠦᠷᠬᠦᠯᠵᠢᠯᠡᠵᠦ᠂ ᠡᠳᠦᠷ
ᠪᠦᠷᠢ 8 ᠲᠠᠯᠠᠪᠠᠢ ᠤᠷᠤᠯᠳᠤᠭᠠᠨ ᠶᠠᠪᠤᠭᠳᠠᠨᠠ᠃
✦14ᠦ ᠡᠳᠦᠷ᠂ 2026 ᠣᠨᠤ ᠬᠢᠩᠭᠠᠨ ᠠᠢᠮᠠᠭᠤᠨ ᠪᠥᠬᠥ ᠠᠷᠠᠳ ᠤ᠋ᠨ ᠪᠡᠶᠡ
ᠴᠢᠭᠢᠷᠠᠭᠵᠢᠭᠤᠯᠬᠤ ᠲᠠᠮᠢᠷᠤᠨ ᠴᠤᠭᠯᠠᠭᠠᠨᠤ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠤ᠋ᠨ ᠫᠢᠩᠫᠠᠩ ᠪᠥᠮᠪᠥᠭᠡᠶᠢᠨ ᠤᠷᠢᠯᠭᠠᠶᠢᠨ
ᠤᠷᠤᠯᠳᠤᠭᠠᠨ ᠬᠢᠩᠭᠠᠨ ᠠᠢᠮᠠᠭ ᠤ᠋ᠨ ᠲᠠᠮᠢᠷᠤᠨ ᠣᠷᠳᠣᠨᠳᠤ ᠶᠠᠪᠤᠭᠳᠠᠵᠤ᠂ ᠨᠡᠶ᠋ᠢᠲᠡ 110 ᠭᠠᠷᠤᠢ ᠬᠥᠮᠥᠨ
ᠣᠷᠣᠯᠴᠠᠵᠠᠢ᠃
ᠳᠡᠯᠡᠬᠡᠢ
✦ᠰᠢᠨᠬᠤᠸᠠ ᠬᠣᠷᠢᠶᠠ ᠵᠢᠨ ᠮᠡᠳᠡᠭᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠢᠨᠳᠤᠨᠧᠰᠢᠶᠠᠶᠢᠨ
ᠤᠯᠤᠰᠤᠨ ᠭᠠᠮᠰᠢᠭ᠋ᠲᠠᠢ ᠲᠡᠮᠡᠴᠡᠬᠦ ᠵᠠᠬᠢᠷᠭᠠ 15 ᠤ ᠣᠷᠣᠢ ᠠᠯᠪᠠᠨ ᠵᠠᠷᠯᠠᠯ ᠨᠡᠢᠲᠡᠯᠡᠵᠦ᠂ ᠢᠨᠳᠤᠨᠧᠰᠢᠶᠠᠶᠢᠨ
ᠵᠡᠭᠦᠨ ᠬᠡᠰᠡᠭᠦᠨ ᠹᠯᠤᠷᠸᠰ ᠠᠷᠠᠯᠤᠨ ᠣᠢᠷᠠ ᠬᠠᠪᠢᠶᠢᠨ ᠲᠠᠯᠠᠢᠶᠢᠨ ᠣᠷᠣᠨᠳᠤ ᠲᠤᠰ ᠡᠳᠦᠷᠦᠨ ᠥᠷᠯᠥᠭᠡ
ᠡᠭᠦᠰᠦᠭᠰᠡᠨ 7.7 ᠳᠡᠰᠤᠨ ᠭᠠᠵᠠᠷ ᠬᠥᠳᠡᠯᠦᠯᠲᠡᠳᠦ ᠠᠳᠠᠭ ᠪᠠᠭᠠᠳᠠᠭᠠᠨ 47 ᠬᠥᠮᠥᠨ ᠡᠨᠳᠡᠵᠡᠢ ᠭᠡᠪᠡ᠃
✦ᠰᠢᠨᠬᠤᠸᠠ ᠬᠣᠷᠢᠶᠠ ᠵᠢᠨ ᠮᠡᠳᠡᠭᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ᠪᠸᠯᠬᠢᠶᠢᠨ ᠵᠡᠭᠦᠨ
ᠬᠡᠰᠡᠭᠦᠨ ᠭᠠᠵᠠᠷ ᠣᠷᠣᠨᠳᠤ ᠣᠢᠷᠠᠶᠢᠨ ᠡᠳᠦᠷ ᠶᠡᠬᠡ ᠬᠡᠪᠴᠢᠶᠡᠨᠦ ᠲᠦᠢᠮᠡᠷ ᠭᠠᠷᠴᠤ᠂ 15 ᠤ ᠣᠷᠣᠢ ᠪᠣᠯᠲᠠᠯᠠ
ᠲᠦᠢᠮᠡᠷᠦᠨ ᠲᠠᠯᠠᠪᠠᠢ ᠨᠢᠭᠡᠨᠲᠡ 2700 ᠾᠧᠺᠲ᠋ᠠᠷᠢ ᠳᠠᠪᠠᠵᠤ᠂ ᠣᠢᠷᠠ ᠬᠠᠪᠢᠶᠢᠨ ᠤᠯᠠᠨ ᠲᠣᠰᠬᠣᠨᠤ ᠬᠡᠳᠦᠨ
ᠵᠠᠭᠤᠨ ᠰᠠᠭᠤᠭᠠᠯᠢ ᠠᠷᠠᠳᠢ ᠲᠠᠷᠬᠠᠭᠠᠬᠤᠪᠠᠷ ᠱᠠᠭᠠᠷᠳᠠᠵᠠᠢ᠃ ᠵᠠᠷᠢᠮ ᠲᠣᠭᠠ ᠪᠠᠷᠢᠮᠲᠠᠳᠤ ᠢᠯᠡᠷᠡᠭᠦᠯᠦᠭᠰᠡᠨᠢᠶᠡᠷ᠂
ᠲᠣᠰ ᠤᠳᠠᠭᠠᠨᠤ ᠭᠠᠯᠤᠨ ᠠᠶᠤᠯ ᠪᠣᠯ ᠪᠧᠯᠭᠢᠶᠢᠨ ᠲᠡᠮᠳᠡᠭᠯᠡᠯᠲᠠᠢ ᠪᠣᠯᠤᠭᠰᠠᠨᠠᠴᠠ ᠨᠠᠭᠠᠰᠢᠬᠢ ᠬᠡᠪᠴᠢᠶᠡᠪᠡᠷ
ᠬᠠᠮᠤᠭᠤᠨ ᠶᠡᠬᠡ ᠬᠡᠭᠡᠷᠡᠶᠢᠨ ᠲᠦᠢᠮᠡᠷ ᠪᠤᠯᠤᠨᠠ᠃
ᠦᠢᠯᠡᠴᠢᠯᠡᠭᠡ
✦ᠬᠣᠷᠢᠨᠭᠡᠷ ᠰᠢᠶᠠᠨ ᠬᠣᠶᠠᠳᠤᠭᠠᠷ ᠪᠦᠯᠦᠭᠦᠨ
ᠨᠡᠶ᠋ᠢᠲᠡᠶᠢᠨ ᠠᠰᠠᠷᠠᠮᠵᠢ ᠶ᠋ᠢᠨ ᠴᠢᠨᠠᠷᠲᠠᠢ ᠠᠵᠢᠯᠤᠨ ᠪᠠᠢᠷᠢᠳ᠋ᠤ 46 ᠠᠵᠢᠯᠲᠠᠨ ᠡᠯᠰᠡᠨᠠ᠃
ᠲᠠᠨᠤ ᠲᠤᠰᠠᠳᠤ
✦《ᠨᠠᠮᠤᠷᠰᠢᠬᠤ》 ᠭᠡᠳᠡᠭ ᠨᠢ ᠨᠠᠮᠤᠷ ᠪᠣᠯᠬᠤᠪᠡᠷᠬᠦᠮᠦᠨᠤ
ᠪᠡᠶᠡᠳᠦ ᠨᠢᠭᠡ ᠵᠦᠢᠯᠦᠨ ᠶᠠᠳᠠᠷᠠᠯᠤᠨ ᠲᠥᠷᠥᠭᠳᠡᠯ ᠲᠠᠢ ᠪᠤᠯᠬᠤ ᠵᠢ ᠬᠡᠯᠡᠳᠡᠭ᠃ ᠡᠨᠡ ᠦᠶᠠ ᠳ᠋ᠤ ᠤᠨᠲᠠᠬᠤ ᠪᠣᠯ
ᠪᠡᠶᠡᠶᠢᠨ ᠶᠠᠳᠠᠷᠠᠯᠢ ᠲᠠᠢᠯᠬᠤ ᠴᠢᠬᠤᠯᠠ ᠠᠷᠭᠠ ᠪᠣᠯᠣᠨᠠ᠃ ᠠᠯᠢ ᠴᠢᠳᠠᠬᠤᠪᠠᠷ ᠡᠳᠦᠷ ᠪᠦᠷᠢ
ᠢᠯᠡᠭᠦᠦ ᠨᠢᠭᠡ ᠴᠠᠭ ᠤᠨᠲᠠᠵᠤ᠂ ᠣᠷᠣᠢᠳ᠋ᠠᠭᠠᠨ 10 ᠴᠠᠭᠠᠴᠠ ᠡᠮᠦᠨᠡ ᠤᠨᠲᠠᠪᠠᠯ ᠰᠠᠢᠨ ᠪᠠᠢᠳᠠᠭ᠃
ᠵᠠᠯᠭᠠᠭᠠᠳ 《ᠨᠤᠲᠤᠭ ᠲᠠᠭᠠᠨ
ᠶᠠᠭᠠᠷᠠᠭᠰᠠᠨ ᠰᠡᠳᠬᠢᠯ》 ᠬᠡᠬᠦ ᠲᠠᠭᠤᠤ ᠪᠡᠷ ᠠᠶᠠ ᠪᠠᠷᠢᠵᠤ ᠨᠡᠪᠳᠡᠷᠡᠭᠦᠯᠬᠡ ᠪᠡᠨ
ᠵᠢᠷᠭᠠᠭᠠᠶᠠ᠂ ᠲᠠ ᠪᠦᠬᠦᠨᠤ ᠬᠦᠯᠢᠶᠡᠨ ᠠᠪᠴᠤ᠌ ᠰᠤᠨᠤᠰᠤᠬ᠍ᠰᠠᠨ ᠳ᠋ᠤ ᠪᠠᠶᠠᠷᠯᠠᠯᠠ᠂
ᠪᠠᠶᠠᠷᠳᠠᠢ！
（ᠢᠷᠡᠯᠳᠡ᠄ ᠰᠢᠨᠬᠤᠧᠠ ᠬᠤᠷᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠷᠠᠳᠤᠨ
ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠵᠤ ᠠᠬᠤᠢ ᠵᠢᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ
ᠲᠠᠪᠴᠠᠩ᠂ ᠮᠠᠨᠤ ᠤᠷᠤᠨᠤ ᠡᠯᠠ ᠠᠢᠮᠠᠭ
ᠬᠤᠳᠠ᠂ ᠬᠤᠰᠢᠭᠤ ᠰᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ）