ᠲᠦᠷᠦᠭᠦᠭᠡᠨ᠂ ᠵᠢᠷᠭᠠᠯᠠᠩᠳᠤ ᠨᠤᠳᠤᠭᠤᠨ ᠵᠢᠪᠬᠤᠭᠠᠳᠤ ᠲᠡᠦᠬᠡᠶ᠋ᠢ ᠦᠰᠦᠭ ᠪᠢᠴᠢᠭᠢᠶᠠᠷᠢᠶᠠᠨ ᠳᠡᠮᠳᠡᠭ᠌ᠯᠡᠭ᠌ᠰᠡᠨ 600 ᠱᠢᠬᠠᠮ ᠨᠢᠭᠤᠷᠲᠠᠢ 《ᠠᠷᠤ ᠬᠤᠷᠴᠢᠨ ᠬᠤᠱᠢᠭᠤᠨᠤ ᠲᠦᠷᠪᠡᠳᠡᠢ ᠭᠠᠴᠠᠭᠠᠶ᠋ᠢᠨ ᠤᠢ᠍ᠢᠯᠠᠯᠭᠠ》 ᠶ᠋ᠢᠨ ᠳᠠᠷᠬᠠᠭᠠᠯᠳᠠᠶ᠋ᠢᠨ ᠶᠤᠰᠤᠯᠠᠯ ᠱᠤᠤ ᠪᠠᠯᠭᠠᠰᠤᠶ᠋ᠢᠨ ᠲᠦᠷᠪᠡᠳᠡᠢ ᠭᠠᠴᠠᠭᠠᠨᠳᠤ ᠶᠠᠪᠤᠬ᠍ᠳᠠᠵᠤ᠂ ᠦᠷᠭᠡᠨ ᠲᠦᠮᠡᠨ ᠪᠠ ᠮᠠᠯᠴᠢᠨ ᠠᠷᠠᠳᠤᠨᠢᠶᠠᠨ ᠭᠠᠷᠲᠤ ᠬᠦᠷᠦᠭ᠌ᠰᠡᠨ ᠶᠤᠮ᠃
ᠲᠦᠷᠪᠡᠳᠡᠢ ᠨᠤᠳᠤᠭᠨᠢ ᠠᠷᠤ ᠬᠤᠷᠴᠢᠨ ᠬᠤᠱᠢᠭᠤᠶ᠋ᠢᠨ ᠡᠮᠦᠨᠡ ᠵᠠᠬᠠ᠂ ᠺᠠᠢᠯᠦ᠍ ᠱᠢᠶᠠᠨᠲᠠᠢ ᠵᠠᠬᠠ ᠨᠡᠢᠯᠡᠭ᠌ᠰᠡᠨ ᠲᠤᠢᠭᠤᠨ ᠭᠤᠤᠯᠤᠨ ᠳᠡᠨᠵᠢᠨᠳᠤ ᠪᠠᠢᠷᠢᠯᠠᠵᠤ᠂ ᠡᠷᠳᠡᠨᠠᠴᠠᠪᠠᠨ ᠠᠷᠤ ᠬᠤᠷᠴᠢᠨ ᠬᠤᠱᠢᠭᠤᠨᠤ ᠴᠢᠬᠤᠯᠠ ᠭᠠᠵᠠᠷ ᠤᠷᠤᠨ ᠪᠤᠯᠤᠨᠠ᠃ ᠠᠳᠡᠬᠢᠨᠢ ᠲᠦᠷᠪᠡᠯᠵᠢ ᠡᠪᠡᠰᠦ ᠠᠷᠪᠢᠨ ᠤᠷᠭᠤᠳᠠᠭ ᠨᠤᠳᠤᠭ ᠪᠠᠢᠬ᠍ᠰᠠᠨᠠᠴᠠ ᠲᠦᠷᠪᠡᠳᠡᠢ ᠭᠡᠮᠡᠨ ᠨᠡᠷᠡᠢᠳᠦᠭ᠌ᠳᠡᠵᠠᠢ᠃ ᠲᠦᠷᠪᠡᠳᠡᠢᠨᠢ ᠪᠤᠷᠵᠢᠭᠢᠨ᠂ ᠬᠠᠨᠵᠢᠳ᠂ ᠡᠷᠬᠡᠳᠦ᠂ ᠪᠦᠬᠡᠨᠠᠷ᠂ ᠪᠤᠷᠤᠨᠤᠳ᠂ ᠪᠠᠯᠴᠢᠷᠤᠳ᠂ ᠬᠠᠷᠠᠨᠤᠳ ᠵᠡᠷᠭᠡ 26 ᠤᠪᠤᠭ ᠠᠢᠮᠠᠭᠤᠨ 247 ᠡᠷᠦᠬᠡ᠂ 904 ᠬᠦᠮᠦᠨ ᠠᠮᠠᠲᠠᠢ᠂ ᠤᠯᠠᠨ ᠤᠪᠤᠭ ᠠᠢᠮᠠᠭᠢᠶᠠᠷ ᠪᠦᠷᠢᠯᠳᠦᠭ᠌ᠰᠡᠨ ᠲᠦᠷᠪᠡᠳᠡᠢ᠂ ᠪᠠᠶᠠᠨᠬᠤᠸᠠ᠂ ᠶᠡᠭᠡᠨ᠋ᠠᠢᠯ ᠵᠡᠷᠭᠡ ᠭᠤᠷᠪᠠᠨ ᠲᠤᠭᠤᠢ᠍ᠢᠯᠠᠩᠢᠶᠠᠷ ᠪᠦᠷᠢᠯᠳᠦᠭ᠌ᠰᠡᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠲᠦᠪᠯᠡᠷᠡᠨ ᠰᠠᠭᠤᠷᠢᠱᠢᠭᠠ ᠭᠠᠴᠠᠭᠠ ᠪᠤᠯᠤᠨᠠ᠃
ᠲᠦᠷᠪᠡᠳᠡᠢ ᠭᠠᠴᠠᠭᠠᠶ᠋ᠢᠨ ᠤᠢ᠍ᠢᠯᠠᠯᠭᠠᠨᠢ ᠲᠤᠰ ᠭᠠᠴᠠᠭᠠᠶ᠋ᠢᠨ ᠲᠡᠦᠬᠡᠶ᠋ᠢᠨ ᠬᠡᠷᠡᠭ ᠶᠠᠪᠤᠳᠠᠯ᠂ ᠪᠠᠢᠭᠠᠯᠢ ᠠᠬᠤᠢ᠂ ᠭᠠᠴᠠᠭᠠᠶ᠋ᠢᠨ ᠪᠠᠢᠭᠤᠯᠤᠮᠵᠢ᠂ ᠬᠦᠮᠦᠨ ᠠᠮᠠ ᠭᠡᠷ ᠪᠦᠯᠢ᠂ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩ᠂ ᠨᠡᠢᠭᠡᠮᠤᠨ ᠦᠢᠯᠡᠴᠢᠯᠡᠭᠡᠨᠤ ᠦᠢᠯᠡᠰ᠂ ᠰᠤᠷᠭᠠᠨ ᠬᠦᠮᠦᠵᠢᠯ᠂ ᠰᠤᠶᠤᠯ ᠤᠷᠠᠯᠢᠭ᠂ ᠠᠷᠠᠳᠤᠨ ᠠᠮᠢᠳᠤᠷᠠᠯ᠂ ᠵᠠᠩ ᠦᠢᠯᠡ᠂ ᠬᠦᠮᠦᠰᠤᠨ ᠳᠠᠨᠢᠯᠴᠠᠭᠤᠯᠭᠠ ᠵᠡᠷᠭᠡ ᠠᠭᠤᠯᠭᠠᠶ᠋ᠢ ᠬᠠᠮᠤᠷᠴᠤ᠌᠂ ᠭᠠᠴᠠᠭᠠᠨᠤ ᠴᠡᠴᠡᠭ᠌ᠯᠡᠯ ᠬᠦᠭ᠌ᠵᠢᠯᠳᠡᠶ᠋ᠢ ᠳᠡᠮᠳᠡᠭ᠌ᠯᠡᠭ᠌ᠰᠡᠨ 600 ᠭᠠᠷᠤᠢ ᠨᠢᠭᠤᠷᠲᠠᠢ ᠲᠤᠮᠤᠬᠠᠨ ᠪᠦᠲᠦᠭᠡᠯ ᠪᠤᠯᠬᠤ ᠶᠤᠮ᠃
ᠤᠢ᠍ᠢᠯᠠᠯᠭᠠᠶ᠋ᠢ ᠨᠠᠢᠷᠠᠭᠤᠯᠬᠤᠳᠤ ᠬᠦᠴᠦᠨ ᠵᠢᠳᠬᠦᠯ ᠦᠵᠡᠭᠦᠯᠦᠭ᠌ᠰᠡᠨ ᠤᠤᠯᠤᠨ ᠭᠠᠴᠠᠭᠠᠨ ᠳᠠᠷᠤᠭᠠ ᠪᠦᠷᠢᠨᠴᠤᠬ᠍ᠳᠤ᠄ 《ᠤᠢ᠍ᠢᠯᠠᠯᠭᠠ ᠨᠠᠢᠷᠠᠭᠤᠯᠬᠤ ᠠᠵᠢᠯᠢ 2017 ᠤᠨᠤ 3 ᠰᠠᠷᠠᠠᠴᠠ ᠡᠬᠢᠯᠡᠭᠦᠯᠵᠤ᠂ ᠠᠷᠤ ᠬᠤᠷᠴᠢᠨ ᠬᠤᠱᠢᠭᠤᠨᠤ ᠰᠤᠷᠭᠠᠨ ᠬᠦᠮᠦᠵᠢᠯᠤᠨ ᠲᠤᠪᠴᠢᠶᠠᠶ᠋ᠢᠨ ᠺᠠᠳ᠋ᠷ ᠮᠦᠩᠬᠡᠪᠠᠳᠤ᠂ ᠠᠷᠤ ᠬᠤᠷᠴᠢᠨ ᠬᠤᠱᠢᠭᠤᠨᠤ ᠦᠨᠳᠦᠰᠦᠳᠡᠨᠤ ᠠᠵᠢᠯ ᠮᠡᠷᠭᠡᠵᠢᠯᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠤᠨᠴᠠ ᠳᠡᠰᠤᠨ ᠪᠠᠭ᠍ᠰᠢ ᠮᠦᠩᠬᠡᠸᠴᠢᠷ ᠬᠤᠶᠠᠷ ᠨᠦᠬᠦᠷ ᠭᠤᠤᠯᠯᠠᠨ ᠨᠠᠢᠷᠠᠭᠤᠯᠵᠤ᠂ ᠤᠯᠠᠨ ᠬᠦᠮᠦᠨᠤ ᠡᠯᠡ ᠲᠠᠯᠠᠶ᠋ᠢᠨ ᠬᠠᠪᠰᠤᠷᠤᠯᠭᠠ ᠳᠡᠮᠵᠢᠯᠭᠡ᠂ ᠬᠦᠴᠦ᠍ ᠬᠦᠯᠦᠰᠦᠪᠠᠷ ᠳᠡᠮᠵᠢᠨ ᠵᠤᠬᠢᠶᠠᠨ ᠪᠦᠲᠦᠭᠡᠭ᠌ᠰᠡᠨ ᠶᠤᠮ᠃ ᠬᠠᠭᠤᠴᠢᠨ ᠶᠠᠭᠤᠮᠠ ᠤᠯᠠ ᠪᠤᠯᠵᠤ᠂ ᠱᠢᠨᠡ ᠶᠠᠭᠤᠮᠠ ᠵᠤᠯᠠ ᠪᠤᠯᠳᠠᠭ᠃ ᠤᠢ᠍ᠢᠯᠠᠯᠭᠠ ᠮᠠᠨᠢ᠂ ᠮᠠᠨᠤᠰᠲᠤ ᠦᠩᠭᠡᠷᠡᠭ᠌ᠰᠡᠨᠤᠬᠢᠶ᠋ᠢ ᠮᠡᠳᠡᠭᠦᠯᠵᠤ᠂ ᠡᠳᠦᠭᠡᠶ᠋ᠢᠬᠢ ᠰᠡᠩᠬᠡᠷᠡᠭᠦᠯᠵᠤ᠂ ᠬᠤᠢᠱᠢᠬᠢᠳᠤ ᠰᠤᠷᠭᠠᠯ ᠪᠤᠯᠬᠤᠳᠤ ᠪᠢᠳᠡ ᠢᠳᠡᠭᠡᠯ ᠲᠦᠭᠦᠷᠡᠩ ᠪᠤᠢ》 ᠭᠡᠵᠤ ᠳᠠᠨᠢᠯᠴᠠᠭᠤᠯᠤᠨ ᠶᠠᠷᠢᠪᠠ᠃
ᠲᠤᠰ ᠤᠢ᠍ᠢᠯᠠᠯᠭᠠᠳᠤ ᠪᠢᠴᠢᠵᠤ ᠳᠡᠮᠳᠡᠭ᠌ᠯᠡᠭ᠌ᠰᠡᠨ ᠲᠡᠦᠬᠡᠨ ᠬᠡᠷᠡᠭ ᠶᠠᠪᠤᠳᠠᠯᠨᠢ ᠶᠤᠸᠠᠨ ᠤᠯᠤᠰᠤᠨ ᠰᠡᠭᠦᠯᠴᠢᠠᠴᠠ ᠡᠬᠢᠯᠡᠨ ᠲᠦᠭᠦᠮ ᠲᠤᠭᠠᠴᠢᠵᠤ᠂ 1945 ᠤᠨᠠᠴᠠ ᠨᠠᠭᠠᠱᠢᠬᠢ ᠲᠡᠦᠬᠡᠨ ᠬᠡᠷᠡᠭ ᠤᠴᠢᠷ ᠪᠤᠯᠤᠨ ᠬᠠᠮᠳᠤᠷᠠᠯ ᠬᠤᠷᠱᠢᠶᠠᠵᠢᠯᠠᠴᠠ 2017 ᠤᠨᠤ ᠵᠢᠯᠤᠨ ᠰᠡᠭᠦᠯᠴᠢ ᠪᠤᠯᠳᠠᠯᠠᠬᠢ ᠦᠨᠡᠨ ᠪᠤᠳᠠᠳᠤ ᠤᠴᠢᠷ ᠶᠠᠪᠤᠳᠠᠯᠢ ᠨᠠᠷᠢᠯᠢᠬ ᠳᠡᠮᠳᠡᠭ᠌ᠯᠡᠵᠠᠢ᠃
《ᠲᠤᠰ ᠤᠢ᠍ᠢᠯᠠᠯᠭᠠᠳᠤ ᠮᠠᠰᠢ ᠤᠯᠠᠨ ᠲᠡᠦᠬᠡᠶ᠋ᠢᠨ ᠤᠯᠳᠠᠰᠢ ᠦᠭᠡᠢ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯᠢ ᠳᠠᠭᠠᠯᠳᠤᠭᠤᠯᠪᠠ᠃ ᠤᠩᠱᠢᠬ᠍ᠰᠠᠨᠤ ᠳᠠᠷᠠᠭᠠᠬᠢ ᠤᠯᠤᠯᠳᠠ ᠮᠠᠰᠢ ᠶᠡᠭᠡ᠂ ᠨᠤᠳᠤᠭ ᠤᠰᠤᠨᠤᠪᠠᠨ ᠨᠡᠷᠡ ᠠᠯᠳᠠᠷᠢ ᠡᠷᠭᠦᠵᠤ ᠶᠠᠪᠤᠭᠠ ᠬᠦᠮᠦᠰᠠᠴᠠ ᠰᠤᠷᠤᠯᠴᠠᠵᠤ᠂ ᠬᠤᠵᠢᠮ ᠨᠡᠩ ᠢᠯᠡᠭᠦᠦ ᠴᠢᠷᠮᠠᠢᠬᠤ ᠪᠤᠳᠤᠯ ᠲᠦᠷᠦᠵᠠᠢ᠃ ᠡᠨᠡ ᠨᠤᠮᠨᠢ ᠤᠨᠴᠠᠭᠠᠢᠯᠠᠨ ᠮᠠᠨᠤ ᠵᠠᠯᠠᠭᠤ ᠦᠶᠡᠶ᠋ᠢᠨᠬᠢᠨᠤ ᠰᠤᠷᠤᠯᠴᠠᠨ ᠬᠠᠳᠠᠭᠠᠯᠠᠬᠤ ᠦᠨᠡ ᠦᠷᠳᠡᠭᠢᠶᠠᠷ ᠮᠠᠰᠢ ᠦᠨᠳᠦᠷ ᠭᠡᠵᠤ ᠦᠵᠡᠨᠡ》 ᠭᠡᠵᠤ ᠲᠤᠰ ᠭᠠᠴᠠᠭᠠᠨᠤ ᠵᠠᠯᠠᠭᠤ ᠡᠮᠴᠢ ᠤᠷᠬᠢᠯ ᠬᠡᠯᠡᠪᠡ᠃
ᠲᠤᠰ ᠤᠢ᠍ᠢᠯᠠᠯᠭᠠᠳᠤ ᠭᠠᠴᠠᠭᠠᠨᠤᠪᠠᠨ 70 ᠭᠠᠷᠤᠢ ᠤᠪᠤᠭ ᠲᠦᠷᠦᠯᠤᠨ ᠭᠡᠷᠤᠨ ᠴᠠᠳᠢᠭ᠂ ᠭᠡᠷ ᠪᠦᠯᠢᠶ᠋ᠢᠨ ᠤᠯᠠᠮᠵᠢᠯᠠᠯ ᠵᠠᠯᠭᠠᠮᠵᠢᠯᠠᠯᠤᠨ ᠪᠠᠢᠳᠠᠯᠢ ᠳᠠᠨᠢᠯᠴᠠᠭᠤᠯᠤᠬ᠍ᠰᠠᠨᠢᠶᠠᠷᠢᠶᠠᠨ ᠬᠤᠢᠴᠢ ᠦᠶᠡᠳᠡᠭᠡᠨ ᠦᠯᠡᠳᠡᠭᠡᠨ ᠦᠭ᠌ᠬᠦ ᠬᠤᠪᠤᠷ ᠨᠠᠨᠳᠢᠨ ᠬᠦᠷᠦᠩᠬᠡ ᠪᠤᠯᠵᠠᠢ᠃ ᠤᠪᠤᠭ ᠠᠢᠮᠠᠭᠢ ᠳᠠᠨᠢᠯᠴᠠᠭᠤᠯᠬᠤᠳᠠᠭᠠᠨ᠂ ᠨᠢᠭᠡ ᠤᠪᠤᠭ ᠲᠦᠷᠦᠯᠢᠶᠠᠷ ᠬᠤᠯᠪᠤᠵᠤ ᠬᠡᠯᠬᠢᠶᠡᠵᠢᠭᠦᠯᠦᠨ᠂ ᠬᠠᠩᠭᠠᠬ᠍ᠰᠠᠨ ᠮᠠᠲ᠋ᠧᠷᠢᠶᠠᠯ ᠪᠤᠶᠤ ᠰᠤᠷᠪᠤᠯᠵᠢᠯᠠᠬ᠍ᠰᠠᠨ ᠡᠰᠢ ᠪᠠᠷᠢᠮᠳᠠᠪᠠᠷ ᠦᠨᠳᠦᠰᠦᠯᠡᠯ ᠪᠤᠯᠭᠠᠵᠤ᠂ ᠲᠦᠷᠪᠡᠳᠡᠢ ᠭᠠᠴᠠᠭᠠᠳᠤ ᠨᠡᠭᠦᠵᠤ ᠢᠷᠡᠭ᠌ᠰᠡᠨ ᠴᠠᠭ ᠦᠶᠠᠶ᠋ᠢ ᠳᠤᠳᠤᠷᠬᠠᠢᠯᠠᠨ᠂ ᠲᠤᠰ ᠭᠠᠴᠠᠭᠠᠶ᠋ᠢᠨ ᠬᠠᠷᠢᠶᠠᠨᠳᠤ ᠪᠠᠢᠭᠠ ᠤᠪᠤᠭ ᠠᠢᠮᠠᠭᠤᠨ ᠬᠦᠮᠦᠰᠢ ᠳᠡᠮᠳᠡᠭ᠌ᠯᠡᠵᠠᠢ᠃
ᠤᠢ᠍ᠢᠯᠠᠯᠭᠠᠶ᠋ᠢᠨ ᠨᠠᠢᠷᠠᠭᠤᠯᠤᠬ᠍ᠴᠢ ᠠᠷᠤ ᠬᠤᠷᠴᠢᠨ ᠬᠤᠱᠢᠭᠤᠨᠤ ᠰᠤᠷᠭᠠᠨ ᠬᠦᠮᠦᠵᠢᠯᠤᠨ ᠲᠤᠪᠴᠢᠶᠠᠨᠤ ᠺᠠᠳ᠋ᠷ ᠪᠠᠢᠬ᠍ᠰᠠᠨ ᠮᠦᠩᠭᠡᠪᠡᠳᠦ᠄ 《ᠲᠤᠰ ᠭᠠᠴᠠᠭᠠᠨᠤ ᠳᠠᠩᠰᠠ ᠡᠪᠬᠡᠮᠡᠯ ᠨᠡᠯᠢᠶᠡᠳ ᠪᠦᠷᠢᠨ ᠪᠠᠢᠪᠠ᠃ ᠤᠢ᠍ᠢᠯᠠᠯᠭᠠᠨᠢ ᠪᠤᠳᠠᠳᠤ ᠮᠠᠲ᠋ᠧᠷᠢᠶᠠᠯᠢᠶᠠᠷ ᠦᠨᠳᠦᠰᠦᠯᠡᠯ ᠪᠤᠯᠭᠠᠵᠤ᠂ ᠳᠡᠮᠳᠡᠭ᠌ᠯᠡᠨ ᠲᠤᠭᠠᠴᠢᠬᠤᠪᠠᠷ ᠭᠤᠤᠯᠳᠠᠭᠤᠯᠵᠤ᠂ ᠨᠠᠢᠷᠠᠭᠤᠯᠭᠠᠪᠠᠷ ᠳᠡᠳ᠋ᠯᠡᠭᠦᠯᠵᠤ᠂ ᠬᠦᠰᠦᠨᠦᠭ᠌ᠳᠦ᠂ ᠵᠠᠷᠢᠮ ᠤᠤᠯ ᠮᠠᠲ᠋ᠧᠷᠢᠶᠠᠯ ᠡᠷᠬᠢᠴᠡᠭᠦᠯᠦᠯ᠂ ᠮᠡᠳᠡᠭᠡᠯᠡᠯᠢ ᠳᠠᠭᠠᠯᠳᠤᠭᠤᠯᠵᠠᠢ᠃ ᠲᠡᠦᠬᠡᠶ᠋ᠢᠨ ᠬᠡᠷᠡᠭ ᠶᠠᠪᠤᠳᠠᠯᠤᠨ ᠳᠡᠮᠳᠡᠭ᠌ᠯᠡᠯᠨᠢ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠲᠤᠬᠠᠢᠶ᠋ᠢᠨ ᠴᠠᠭ ᠦᠶᠡᠶ᠋ᠢᠨ ᠨᠡᠢᠭᠡᠮᠤᠨ ᠪᠠᠢᠳᠠᠯᠢ ᠬᠠᠷᠠᠭᠤᠯᠬᠤᠶ᠋ᠢ ᠠᠩᠬᠠᠷᠴᠤ᠌᠂ ᠲᠤᠬᠠᠢᠶ᠋ᠢᠨ ᠴᠠᠭ ᠦᠶᠡᠶ᠋ᠢᠨ ᠬᠡᠯᠡ ᠬᠡᠯᠡᠯᠭᠡᠪᠠᠷ ᠳᠡᠮᠳᠡᠭ᠌ᠯᠡᠵᠠᠢ᠃ ᠳᠤᠷᠠᠳᠤᠭᠤᠱᠢᠳᠠᠢᠨᠢ ᠤᠢ᠍ᠢᠯᠠᠯᠭᠠᠳᠤ ᠲᠤᠰ ᠭᠠᠴᠠᠭᠠᠨᠳᠤ ᠪᠠᠢᠭᠠ ᠡᠷᠦᠬᠡ ᠠᠮᠠᠶ᠋ᠢ ᠤᠪᠤᠭ ᠠᠢᠮᠠᠭᠢᠶᠠᠷ ᠨᠢᠭᠡᠴᠢᠯᠡᠨ ᠪᠦᠬᠦᠨᠢ ᠢᠯᠡᠳᠭᠡᠵᠤ ᠭᠠᠷᠭᠠᠵᠠᠢ᠃ ᠡᠭᠦᠨᠠᠴᠠ ᠶᠠᠮᠠᠷ ᠤᠪᠤᠭ ᠠᠢᠮᠠᠭᠤᠨ ᠬᠦᠮᠦᠨ ᠬᠡᠨᠲᠠᠢ ᠶᠠᠰᠤᠨᠤ ᠬᠤᠯᠪᠤᠬ᠍ᠳᠠᠯᠲᠠᠢ ᠭᠡᠳᠡᠭᠢ ᠪᠦᠷ ᠦᠵᠡᠵᠤ ᠭᠠᠷᠤᠨᠠ᠃ ᠡᠨᠡᠨᠢ ᠤᠳᠤᠶ᠋ᠢᠨ ᠵᠠᠯᠠᠭᠤᠴᠤᠳᠤᠨ ᠤᠪᠤᠭ ᠠᠢᠮᠠᠭᠤᠨ ᠲᠤᠬᠠᠢ᠂ ᠳᠡᠭᠡᠷᠡ ᠦᠶᠡᠶ᠋ᠢᠨᠢᠶᠠᠨ ᠲᠤᠬᠠᠢ ᠮᠡᠳᠡᠬᠦ᠌ ᠦᠭᠡᠢ ᠪᠠᠢᠳᠠᠯᠳᠤ ᠵᠤᠷᠢᠭᠤᠯᠤᠬ᠍ᠰᠠᠨ ᠶᠤᠮ》 ᠭᠡᠵᠤ ᠳᠠᠨᠢᠯᠴᠠᠭᠤᠯᠤᠨ ᠶᠠᠷᠢᠪᠠ᠃
ᠡᠨᠡ ᠬᠦ᠌ ᠲᠦᠷᠪᠡᠳᠡᠢ ᠨᠤᠳᠤᠭᠤᠨ ᠲᠡᠦᠬᠡ ᠰᠤᠶᠤᠯᠢ ᠳᠡᠮᠳᠡᠭ᠌ᠯᠡᠬᠦ᠌ ᠭᠠᠴᠠᠭᠠᠨᠤ ᠤᠢ᠍ᠢᠯᠠᠯᠭᠠᠨᠢ ᠭᠠᠴᠠᠭᠠᠨᠠᠴᠠ ᠴᠤᠯᠭᠤᠷᠠᠬ᠍ᠰᠠᠨ ᠨᠡᠷᠡᠳᠦ ᠬᠦᠮᠦᠰ᠂ ᠭᠠᠴᠠᠭᠠᠨᠤ ᠠᠵᠤ ᠠᠬᠤᠢ᠍ᠢᠯᠠᠯᠳᠠᠨ᠂ ᠱᠢᠯᠢᠳᠡᠭ ᠮᠠᠯᠴᠢᠨ ᠵᠡᠷᠭᠡ ᠬᠦᠮᠦᠰᠢ ᠳᠠᠨᠢᠯᠴᠠᠭᠤᠯᠤᠬ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠲᠡᠦᠬᠡᠨ ᠨᠡᠷᠡᠳᠦ ᠬᠦᠮᠦᠰᠤᠨ ᠦᠢᠯᠡ ᠶᠠᠪᠤᠳᠠᠯᠤᠨ ᠳᠡᠮᠳᠡᠭ᠌ᠯᠡᠯᠢ ᠳᠠᠭᠠᠯᠳᠤᠭᠤᠯᠵᠤ᠂ ᠭᠠᠴᠠᠭᠠᠨᠤᠪᠠᠨ ᠳᠠᠭᠤᠷᠢᠶᠠᠯ᠂ ᠤᠮᠤᠬ᠍ᠰᠢᠯ ᠪᠤᠯᠤᠬ᠍ᠰᠠᠳᠢ ᠳᠡᠮᠳᠡᠭ᠌ᠯᠡᠵᠠᠢ᠃
《ᠲᠤᠰ ᠤᠢ᠍ᠢᠯᠠᠯᠭᠠᠨᠢ ᠭᠠᠴᠠᠭᠠᠨᠤ ᠠᠷᠠᠳᠤᠨ ᠪᠦᠯᠬᠦᠮᠳᠡᠯ ᠨᠢᠬ᠍ᠳᠠᠷᠠᠯᠢ ᠴᠢᠩᠭᠠᠳᠭᠠᠵᠤ᠂ ᠰᠤᠶᠤᠯᠤᠨ ᠢᠳᠡᠭᠡᠯᠢ ᠨᠡᠮᠡᠭ᠌ᠳᠡᠬᠦᠯᠵᠦ᠍᠂ ᠭᠠᠴᠠᠭᠠᠨᠤ ᠨᠡᠩ ᠰᠠᠷᠠᠭᠤᠯ ᠢᠷᠡᠭᠡᠳᠦᠢᠳᠤ ᠰᠠᠭᠤᠷᠢ ᠳᠠᠯᠪᠢᠬᠤᠶ᠋ᠢ ᠪᠢ ᠢᠳᠡᠭᠡᠵᠤ ᠪᠠᠢᠨᠠ᠃ ᠭᠤᠴᠢᠨ ᠬᠦᠮᠦᠨ ᠰᠡᠳᠭᠢᠯ ᠬᠠᠮᠳᠤᠷᠠᠪᠠᠰᠤ ᠱᠢᠷᠠ ᠱᠢᠷᠤᠢ ᠠᠯᠳᠠ ᠪᠤᠯᠤᠨ ᠬᠤᠪᠢᠷᠠᠵᠤ᠂ ᠭᠤᠷᠪᠠᠨ ᠦᠶᠡ ᠵᠤᠷᠢᠭ ᠨᠢᠭᠡᠳᠦᠪᠡᠰᠦ ᠬᠦᠬᠡ ᠴᠢᠯᠠᠭᠤ ᠠᠯᠳᠠ ᠪᠤᠯᠤᠨ ᠪᠦᠷᠢᠯᠳᠦᠨᠡᠮ！ ᠦᠪᠯᠡᠵᠤ ᠳᠡᠭᠡᠳᠦᠯᠡᠬᠦ᠌ ᠰᠤᠶᠤᠯ ᠨᠢᠭᠡᠳᠡᠢ᠂ ᠡᠭᠦᠷᠢᠳᠡ ᠲᠡᠮᠡᠦᠯᠬᠦ᠌ ᠵᠤᠷᠢᠯᠳᠠ ᠨᠢᠭᠡᠳᠡᠢ ᠲᠦᠷᠪᠡᠳᠡᠢᠶ᠋ᠢᠨ ᠬᠦᠮᠦᠨ ᠠᠷᠠᠳ ᠮᠢᠨᠢ ᠬᠦᠴᠦ᠍ ᠵᠤᠷᠢᠭᠢᠶᠠᠨ ᠬᠠᠮᠳᠤᠳᠭᠠᠨ ᠦᠨᠢᠷ ᠪᠠᠶᠠᠯᠢᠭ ᠱᠢᠨᠡ ᠲᠦᠷᠪᠡᠳᠡᠢᠪᠠᠨ ᠪᠦᠲᠦᠭᠡᠨ ᠪᠠᠢᠭᠤᠯᠬᠤ ᠪᠤᠯᠤᠨᠠ》 ᠭᠡᠵᠤ ᠲᠦᠷᠪᠡᠳᠡᠢ ᠭᠠᠴᠠᠭᠠᠨ ᠳᠠᠷᠤᠭᠠ ᠤᠷᠬᠢᠯ ᠬᠡᠯᠡᠪᠡ᠃