ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩ ᠬᠦᠭ᠌ᠵᠢᠪᠠᠯ ᠠᠯᠢᠪᠠ ᠦᠢᠯᠡᠰ ᠬᠦᠭ᠌ᠵᠢᠵᠤ᠂ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩ ᠲᠤᠭ᠍ᠳᠠᠭᠤᠨ ᠪᠤᠯ ᠪᠦᠬᠦ᠌ ᠲᠠᠯᠠ ᠲᠤᠭ᠍ᠳᠠᠭᠤᠨ ᠪᠠᠢᠳᠠᠭ᠃ ᠡᠨᠡ ᠪᠤᠯ ᠤᠯᠤᠰ ᠠᠷᠠᠳᠤᠨ ᠠᠵᠤ ᠠᠬᠤᠢᠶ᠋ᠢᠨ ᠰᠠᠭᠤᠷᠢ ᠪᠤᠯᠤᠭ᠍ᠰᠠᠨ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠤᠨ ᠴᠢᠬᠤᠯᠠ ᠴᠢᠨᠠᠷᠤᠨ ᠲᠤᠬᠠᠢ ᠲᠤᠪᠴᠢ ᠲᠤᠳᠤᠷᠠᠭᠤᠨ ᠨᠤᠳᠠᠯᠠᠯᠳᠠ ᠪᠤᠯᠬᠤ ᠶᠤᠮ᠃ ᠡᠬᠦᠨᠠᠴᠠ ᠤᠯᠤᠰᠤᠨ ᠠᠮᠤ ᠪᠤᠳᠠᠭᠠᠨᠤ ᠭᠤᠤᠯ ᠭᠠᠷᠤᠯᠳᠠᠶ᠋ᠢᠨ ᠮᠤᠵᠢ ᠤᠷᠤᠨᠤ ᠨᠢᠭᠡ ᠪᠤᠯᠬᠤ ᠪᠦᠭᠡᠳ ᠤᠯᠤᠰᠤᠨ ᠮᠠᠯᠤᠨ ᠠᠱᠢᠭ ᠱᠢᠮᠠ ᠲᠠᠷᠢᠶᠠᠯᠠᠩᠤᠨ ᠪᠦᠳᠦᠭᠡᠭ᠌ᠳᠡᠭᠦᠨᠤ ᠦᠢᠯᠡᠳᠪᠦᠷᠢᠯᠡᠯᠤᠨ ᠴᠢᠬᠤᠯᠠ ᠰᠠᠭᠤᠷᠢᠨ ᠪᠤᠯᠤᠭ᠍ᠰᠠᠨ ᠦᠪᠦᠷ ᠮᠤᠩᠭᠤᠯᠳᠤ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩ ᠶᠠᠮᠠᠷ ᠪᠠᠢᠷᠢ ᠰᠠᠭᠤᠷᠢᠲᠠᠢ ᠪᠠᠢᠬᠤᠶ᠋ᠢ ᠲᠤᠳᠤᠬᠠᠨ ᠮᠡᠳᠡᠵᠤ ᠲᠠᠢᠯᠬᠦ᠌ ᠠᠵᠢ᠃ ᠡᠨᠡ ᠵᠢᠯᠠᠴᠠ ᠨᠠᠭᠠᠰᠢ᠂ ᠮᠠᠨᠤ ᠤᠷᠤᠨ ᠬᠢᠵᠢᠭᠤᠨ ᠪᠠᠢᠳᠠᠯᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ᠌ ᠪᠠ ᠠᠵᠤ ᠠᠬᠤᠢ ᠨᠡᠢᠭᠡᠮᠤᠨ ᠬᠦᠭ᠌ᠵᠢᠯᠳᠡᠶ᠋ᠢ ᠨᠢᠭᠡᠳᠦᠯᠳᠡᠢ ᠲᠦᠯᠦᠪᠵᠢᠬᠦᠯᠦᠨ ᠠᠬᠢᠭᠤᠯᠵᠤ᠂ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠤᠨ ᠰᠡᠷᠭᠦᠯᠳᠡᠶ᠋ᠢᠨ ᠴᠢᠨᠠᠷᠳᠠᠢ ᠬᠦᠭ᠌ᠵᠢᠯᠳᠡᠶ᠋ᠢ ᠪᠡᠶᠡᠯᠡᠭᠦᠯᠦᠭ᠌ᠰᠡᠨᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠠᠵᠤ ᠠᠬᠤᠢᠶ᠋ᠢᠨ ᠬᠦᠭ᠌ᠵᠢᠯᠳᠡᠶ᠋ᠢᠨ ᠰᠠᠭᠤᠷᠢᠪᠠᠨ ᠴᠦ᠍ ᠪᠠᠬᠢᠵᠢᠬᠦᠯᠵᠤ ᠴᠢᠳᠠᠭ᠍ᠰᠠᠨ ᠪᠠᠢᠨᠠ᠃
ᠦᠨᠳᠤᠷ ᠦᠷᠠ ᠠᠱᠢᠭ᠍ᠳᠤ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠢ ᠬᠦᠭ᠌ᠵᠢᠭᠦᠯᠵᠦ᠍ ᠤᠳᠤᠬᠢᠴᠢᠯᠠᠭ᠍ᠰᠠᠨ ᠬᠦᠭ᠌ᠵᠢᠯᠳᠡᠳᠤ ᠵᠢᠭᠦᠷ ᠤᠷᠭᠤᠭᠤᠯᠤᠯᠠ
ᠪᠠᠷᠢᠮᠵᠢᠶᠠᠵᠢᠯᠳᠠ᠂ ᠬᠡᠪᠴᠢᠶᠡᠵᠢᠯᠳᠡ᠂ ᠦᠷᠠ ᠠᠱᠢᠭ᠂ ᠪᠤᠬᠢᠷᠳᠤᠯ ᠦᠭᠡᠢ᠃ ᠡᠨᠡ ᠪᠤᠯ ᠤᠳᠤ ᠦᠶᠠᠶ᠋ᠢᠨ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠢ ᠬᠦᠭ᠌ᠵᠢᠭᠦᠯᠬᠦ᠌ ᠴᠢᠬᠤᠯᠠ ᠪᠠᠷᠢᠮᠳᠠᠯᠠᠯ ᠮᠦᠨ᠃ ᠲᠦᠷᠪᠡᠳ ᠬᠤᠱᠢᠭᠤᠨᠤ ᠬᠤᠩᠭᠤᠷ ᠰᠤᠮᠤᠶ᠋ᠢᠨ ᠪᠠᠶᠠᠨᠬᠤᠸᠠ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠡᠷᠳᠡᠨᠢ ᠤᠢ᠍ᠢᠷᠠᠶ᠋ᠢᠨ ᠵᠢᠯᠠᠴᠠ ᠰᠠᠭᠤᠷᠢ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠳᠠᠪᠠᠨ ᠰᠠᠢᠳᠤᠷ ᠬᠢᠵᠦ᠍᠂ ᠵᠤᠨᠳᠠᠭᠠᠨ ᠰᠡᠷᠢᠭᠦᠨ ᠡᠪᠤᠯᠳᠡᠭᠡᠨ ᠲᠤᠯᠠᠭᠠᠨ ᠪᠠᠢᠳᠠᠭ 700 ᠭᠠᠷᠤᠢ ᠲᠡᠭ᠌ᠰᠢ ᠲᠦᠷᠪᠡᠯᠵᠢᠨ ᠮᠧᠲᠷᠤᠨ ᠬᠠᠱᠢᠶᠠ ᠰᠠᠷᠠᠪᠴᠢᠳᠠᠭᠠᠨ ᠬᠤᠨᠢᠳᠢᠶᠠᠨ ᠬᠤᠪᠢᠶᠠᠨ ᠲᠤᠬᠢᠷᠠᠭᠤᠯᠵᠤ᠂ ᠡᠪᠡᠰᠤ ᠪᠤᠷᠳᠤᠭᠠᠶ᠋ᠢ ᠬᠡᠮᠵᠢᠶᠡᠨᠳᠤᠨᠢ ᠳᠠᠭᠠᠷᠠᠭᠤᠯᠤᠨ ᠱᠢᠮᠠ ᠲᠡᠵᠢᠭᠡᠯᠲᠠᠢ ᠦᠭ᠌ᠴᠦ ᠮᠠᠯᠵᠢᠭ᠍ᠰᠠᠨᠢᠶᠠᠷ ᠨᠢᠭᠡ ᠵᠢᠯᠳᠤ ᠬᠤᠶᠠᠷ ᠤᠳᠠᠭᠠ ᠲᠦᠯ ᠲᠤᠰᠴᠦ᠍᠂ ᠬᠠᠪᠤᠷ ᠨᠠᠮᠤᠷ ᠬᠤᠪᠢᠶᠠᠵᠤ ᠲᠠᠷᠭᠤ ᠬᠦᠴᠦᠲᠠᠢ ᠬᠤᠨᠢᠳᠢᠶᠠᠨ ᠬᠤᠳᠠᠯᠳᠤᠨ ᠱᠢᠢᠳᠪᠤᠷᠢᠯᠡᠬᠡᠳ ᠵᠢᠯᠳᠤ 100 ᠲᠦᠮᠡ ᠭᠠᠷᠤᠢ ᠲᠦᠭᠦᠷᠢᠭᠤᠨ ᠤᠷᠤᠯᠭᠠ ᠤᠯᠵᠤ ᠪᠠᠶᠠᠨ ᠲᠠᠩᠰᠤᠭ ᠠᠮᠢᠳᠤᠷᠠᠨᠠ᠃ ᠡᠷᠳᠡᠨᠢᠲᠠᠢ ᠠᠳᠠᠯᠢ ᠪᠠᠷᠢᠮᠵᠢᠶᠠᠵᠢᠵᠤ ᠬᠡᠪᠴᠢᠶᠡᠵᠢᠭ᠌ᠰᠡᠨ ᠦᠷᠠ ᠠᠱᠢᠭ᠍ᠳᠤ ᠮᠠᠯ ᠠᠵᠤ ᠠᠬᠤᠢᠶ᠋ᠢᠨ ᠬᠡᠱᠢᠭᠢ ᠡᠳ᠋ᠯᠡᠵᠤ ᠶᠠᠪᠤᠭᠠ ᠮᠠᠯᠴᠢᠳ ᠦᠪᠦᠷ ᠮᠤᠩᠭᠤᠯᠳᠤ ᠬᠤᠷᠠᠶ᠋ᠢᠨ ᠲᠠᠷᠠᠭᠠᠬᠢ ᠬᠤᠯᠤᠰᠤᠨ ᠰᠦᠶᠦᠬᠡ ᠱᠢᠭ ᠤᠯᠠᠱᠢᠷᠠᠵᠤ ᠪᠤᠢ᠃ ᠲᠠᠬᠡᠷᠠ ᠬᠠᠭᠠᠰ ᠵᠢᠯᠳᠤ᠂ ᠪᠦᠬᠦ᠌ ᠤᠷᠤᠨᠤ ᠮᠠᠯ ᠠᠵᠤ ᠠᠬᠤᠢᠶ᠋ᠢᠨ ᠦᠢᠯᠡᠳᠬᠦᠨᠤ ᠦᠷᠳᠡᠭ 541.1 ᠳ᠋ᠦᠩᠱᠢᠭᠤᠷ ᠲᠦᠬᠦᠷᠢᠭᠲᠤ ᠬᠦᠷᠴᠦ᠍᠂ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤᠬᠢᠠᠴᠠ 4.4% ᠪᠠᠷ ᠨᠡᠮᠡᠭ᠌ᠳᠡᠪᠡ； ᠮᠠᠯᠵᠢᠬᠤ ᠲᠠᠷᠢᠶᠠᠯᠠᠬᠤ ᠤᠷᠤᠨᠳᠤ ᠪᠠᠢᠩᠭᠤ ᠰᠠᠭᠤᠭᠠ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠬᠦᠮᠦᠨ ᠲᠤᠮᠳᠠᠴᠢᠶ᠋ᠢᠨ ᠡᠵᠡᠮᠳᠡᠵᠤ ᠪᠤᠯᠬᠤ ᠤᠷᠤᠯᠭᠠ 6369 ᠲᠦᠬᠦᠷᠢᠭᠲᠤ ᠬᠦᠷᠴᠦ᠍᠂ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤᠬᠢᠠᠴᠠ 4.9% ᠪᠠᠷ ᠨᠡᠮᠡᠭ᠌ᠳᠡᠪᠡ᠃
ᠲᠠᠷᠢᠶᠠᠨ ᠭᠠᠵᠠᠷᠤᠨ ᠠᠮᠤ ᠪᠤᠳᠠᠭᠠᠨᠤ ᠦᠢᠯᠡᠳᠪᠤᠷᠢᠯᠡᠯᠤᠨ ᠴᠢᠳᠠᠪᠤᠷᠢᠶ᠋ᠢ ᠪᠠᠳᠤᠯᠠᠵᠤ᠂ ᠮᠡᠷᠬᠡᠵᠢᠯᠢᠶᠠᠷ ᠠᠮᠤ ᠪᠤᠳᠠᠭᠠᠨᠤ ᠤᠨᠠᠯᠳᠠᠶ᠋ᠢ ᠨᠡᠮᠡᠭ᠌ᠳᠡᠬᠦᠯᠤᠨᠠ᠃ ᠡᠨᠡ ᠪᠤᠯ ᠠᠮᠤ ᠪᠤᠳᠠᠭᠠᠨᠤ ᠠᠮᠤᠷ ᠲᠦᠪᠱᠢᠨᠢ ᠪᠠᠳᠤᠯᠠᠬᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠠᠷᠭᠠ ᠵᠠᠮ ᠮᠦᠨ᠃ ᠮᠠᠨᠤ ᠤᠷᠤᠨ ᠦᠨᠳᠦᠷ ᠪᠠᠷᠢᠮᠵᠢᠶᠠᠳᠤ ᠲᠠᠷᠢᠶᠠᠨ ᠭᠠᠵᠠᠷ ᠭᠠᠷᠭᠠᠬᠤ ᠪᠠ ᠬᠤᠵᠢᠷᠯᠢᠭ ᠲᠠᠷᠢᠶᠠᠨ ᠭᠠᠵᠠᠷᠢ ᠰᠠᠢᠵᠢᠷᠠᠭᠤᠯᠬᠤ ᠲᠦᠷᠦᠯ ᠵᠦᠢᠯᠤᠨ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠳᠠᠶ᠋ᠢ ᠶᠡᠭᠡᠪᠠᠷ ᠠᠬᠢᠭᠤᠯᠵᠤ᠂ 33.3 ᠲᠦᠮᠠᠨ ᠾᠧᠺᠲ᠋ᠠᠷ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠶᠠᠰᠤ ᠴᠢᠨᠠᠷᠢ ᠲᠡᠭᠡᠭ᠌ᠰᠢᠯᠡᠭᠦᠯᠬᠦ᠂ 46.7 ᠲᠦᠮᠡᠨ ᠾᠧᠺᠲ᠋ᠠᠷᠤᠨ ᠵᠡᠭᠦᠨ ᠬᠤᠢᠳᠤ ᠬᠡᠰᠡᠭᠤᠨ ᠬᠠᠷᠠ ᠬᠦᠷᠦᠰᠦᠶ᠋ᠢᠨ ᠬᠠᠮᠠᠭᠠᠯᠠᠯᠳᠠᠶ᠋ᠢᠨ ᠴᠢᠨᠠᠷᠳᠠᠢ ᠲᠠᠷᠢᠶᠠᠯᠠᠭᠠ ᠵᠡᠷᠭᠡ ᠴᠢᠬᠤᠯᠠ ᠶᠡᠭᠡ ᠢᠨᠵᠧᠨᠧᠷᠢᠩᠢ ᠰᠠᠢᠳᠤᠷ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠲᠠᠷᠢᠶᠠᠯᠠᠩᠤᠨ ᠦᠢᠯᠡᠳᠪᠦᠷᠢᠯᠡᠯᠤᠨ ᠰᠠᠭᠤᠷᠢᠪᠠᠨ ᠪᠠᠬᠢᠵᠢᠭᠦᠯᠬᠦ᠌ᠶ᠋ᠢᠨ ᠬᠠᠮᠳᠤ ᠠᠮᠤ ᠪᠤᠳᠠᠭᠠᠨᠤ ᠦᠢᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢᠪᠠᠨ ᠴᠦ᠍ ᠪᠦᠳᠦᠮᠵᠢᠳᠠᠢ ᠲᠡᠭᠡᠭ᠌ᠰᠢᠯᠡᠭᠦᠯᠪᠠ᠃ ᠡᠨᠡ ᠵᠢᠯ ᠪᠦᠬᠦ᠌ ᠤᠷᠤᠨᠤ ᠠᠮᠤ ᠪᠤᠳᠠᠭᠠᠨᠤ ᠲᠠᠷᠢᠮᠠᠯᠤᠨ ᠲᠠᠯᠠᠪᠠᠢ 10252 ᠲᠦᠮᠡᠨ ᠮᠦ᠍ᠳᠤ ᠬᠦᠷᠴᠦ᠍᠂ ᠨᠢᠳᠤᠨᠤᠨᠤᠬᠢᠠᠴᠠ 10 ᠲᠦᠮᠡᠨ ᠮᠦ᠍ ᠨᠡᠮᠡᠭ᠌ᠳᠡᠨ᠂ ᠤᠯᠤᠰᠠᠴᠠ ᠮᠠᠨᠤ ᠤᠷᠤᠨᠳᠤ ᠪᠠᠭᠤᠯᠭᠠᠭ᠍ᠰᠠᠨ ᠠᠮᠤ ᠪᠤᠳᠠᠭᠠ ᠲᠠᠷᠢᠬᠤ ᠭᠦᠢᠴᠡᠳᠭᠡᠬᠦ᠌ ᠲᠤᠭᠠᠶ᠋ᠢ ᠲᠠᠪᠠᠭᠤᠯᠤᠨ ᠪᠡᠶᠡᠯᠡᠭᠦᠯᠦᠭ᠌ᠰᠡᠨ ᠠᠵᠢ᠃
ᠦᠷᠠᠶ᠋ᠢᠨ ᠦᠢᠯᠡᠰᠤᠨ ᠢᠨᠵᠧᠨᠧᠷᠢᠩ ᠪᠤᠯ ᠮᠠᠯᠤᠨ ᠠᠱᠢᠭ ᠱᠢᠮᠠᠶ᠋ᠢᠨ ᠶᠠᠰᠤ ᠴᠢᠨᠠᠷᠢ ᠲᠡᠭᠡᠭ᠌ᠰᠢᠯᠡᠭᠦᠯᠵᠤ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠤᠷᠤᠯᠭᠠᠶ᠋ᠢ ᠨᠡᠮᠡᠭ᠌ᠳᠡᠭᠦᠯᠬᠦ᠌ ᠦᠨᠳᠦᠰᠤᠨ ᠪᠠᠳᠤᠯᠠᠭᠠ ᠮᠦᠨ᠃ ᠮᠠᠨᠤ ᠤᠷᠤᠨᠳᠤ ᠤᠳᠤ ᠤᠯᠤᠰᠤᠨ ᠲᠡᠰᠤᠨ ᠭᠤᠤᠯᠳᠠᠯᠭᠠᠲᠠᠢ ᠢᠴᠡᠭᠡᠯ ᠦᠷᠠ ᠪᠤᠢᠵᠢᠭᠤᠯᠬᠤ 11 ᠲᠠᠯᠠᠪᠠᠢᠲᠠᠢ ᠪᠠᠢᠵᠤ᠂ ᠪᠦᠬᠦ᠌ ᠤᠯᠤᠰᠤᠨ ᠦᠭᠡᠷ ᠬᠤᠨᠢᠨᠤ ᠡᠭᠦᠯᠳᠡᠷᠢ ᠬᠠᠮᠤᠭᠤᠨ ᠤᠯᠠᠨ ᠪᠤᠢᠵᠢᠭᠤᠯᠤᠭ᠍ᠰᠠᠨ ᠮᠤᠵᠢ ᠤᠷᠤᠨ ᠪᠤᠯᠵᠠᠢ᠃ ᠡᠨᠡ ᠵᠢᠯ ᠮᠠᠨᠤ ᠤᠷᠤᠨ ᠤᠳᠤ ᠦᠶᠠᠶ᠋ᠢᠨ ᠦᠷᠠᠶ᠋ᠢᠨ ᠦᠢᠯᠡᠰᠢ ᠲᠡᠭᠡᠭ᠌ᠰᠢᠯᠡᠭᠦᠯᠬᠦ᠌ ᠢᠨᠵᠧᠨᠧᠷᠢᠩᠢ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠰᠠᠭᠠᠯᠢᠶ᠋ᠢᠨ ᠦᠨᠢᠶᠠ᠂ ᠮᠢᠬᠠᠨᠤ ᠦᠭᠡᠷ᠂ ᠮᠢᠬᠠᠨᠤ ᠬᠤᠨᠢ᠂ ᠨᠤᠤᠯᠤᠭᠤᠷᠤᠨ ᠢᠮᠠᠭᠠᠨᠤ ᠰᠠᠢᠨ ᠡᠭᠦᠯᠳᠡᠷᠢ ᠪᠤᠢᠵᠢᠭᠤᠯᠬᠤᠪᠠᠷ ᠱᠢᠪᠳᠤᠯᠤᠯᠳᠠ ᠪᠤᠯᠭᠠᠨ᠂ ᠨᠤᠤᠯᠤᠭᠤᠷᠤᠨ ᠴᠠᠭᠠᠨ ᠢᠮᠠᠭᠠ᠂ ᠮᠤᠩᠭᠤᠯ ᠮᠤᠷᠢ᠂ ᠮᠤᠩᠭᠤᠯ ᠦᠭᠡᠷ᠂ ᠬᠤᠤᠰ ᠪᠦᠬᠦᠳᠦ ᠲᠡᠮᠡᠭᠡ᠂ ᠭᠤᠷᠪᠠᠨ ᠭᠤᠤᠯᠤᠨ ᠠᠳᠤᠭᠤ᠂ ᠭᠤᠷᠪᠠᠨ ᠭᠤᠤᠯᠤᠨ ᠦᠭᠡᠷᠤᠨ ᠢᠴᠡᠭᠡᠯ ᠦᠷᠠ ᠪᠤᠢᠵᠢᠭᠤᠯᠬᠤ ᠲᠠᠯᠠᠪᠠᠢ᠂ ᠬᠠᠮᠠᠭᠠᠯᠠᠯᠳᠠᠶ᠋ᠢᠨ ᠤᠷᠤᠨ ᠪᠤᠯᠤᠨ ᠭᠧᠨᠤ ᠬᠦᠮᠦᠷᠭᠡᠶ᠋ᠢᠨ ᠪᠠᠢᠭᠤᠯᠤᠯᠳᠠᠶ᠋ᠢ ᠨᠢᠭᠡᠳᠦᠯᠳᠡᠢ ᠲᠦᠯᠦᠪᠵᠢᠬᠦᠯᠦᠨ ᠠᠬᠢᠭᠤᠯᠵᠤ᠂ ᠮᠠᠯ ᠠᠵᠤ ᠠᠬᠤᠢᠶ᠋ᠢᠨ ᠲᠤᠮᠤ ᠤᠷᠤᠨᠠᠴᠠ ᠮᠠᠯ ᠠᠵᠤ ᠠᠬᠤᠢᠶ᠋ᠢᠨ ᠬᠦᠴᠦᠷᠭᠡᠭ ᠤᠷᠤᠨᠳᠤ ᠱᠢᠯᠵᠢᠬᠦ᠌ᠳᠤ ᠬᠦᠴᠦᠨ ᠨᠡᠮᠡᠷᠢᠯᠡᠵᠡᠢ᠃ ᠡᠨᠡ ᠵᠢᠯᠤᠨ ᠨᠢᠭᠡᠳᠦᠭᠡᠷ ᠤᠯᠠᠷᠢᠯᠤᠨ ᠪᠦᠷᠢᠳᠭᠡᠯᠳᠤ ᠪᠦᠬᠦ᠌ ᠤᠷᠤᠨᠤ ᠮᠢᠬᠠᠨᠤ ᠦᠭᠡᠷ ᠪᠠ ᠮᠢᠬᠠᠨᠤ ᠬᠤᠨᠢᠨᠤ ᠲᠤᠭᠠ ᠲᠤᠰ ᠪᠦᠷᠢ 565.8 ᠲᠦᠮᠡ ᠪᠠ 6612.7 ᠲᠦᠮᠡᠳᠤ ᠬᠦᠷᠴᠦ᠍᠂ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤᠬᠢᠠᠴᠠ ᠲᠤᠰ ᠪᠦᠷᠢ 8% ᠪᠠ 6.8% ᠪᠠᠷ ᠨᠡᠮᠡᠭ᠌ᠳᠡᠪᠡ᠃
ᠰᠦᠶ᠋ᠢᠨ ᠦᠢᠯᠡᠰᠢ ᠬᠦᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠵᠤ ᠴᠠᠭᠠᠨ ᠢᠳᠡᠭᠡᠨᠤ ᠶᠠᠰᠤ ᠴᠢᠨᠠᠷ ᠪᠤᠯᠤᠨ ᠦᠷᠢᠰᠦᠯᠳᠦᠬᠦ᠌ ᠬᠦᠴᠦᠨᠢᠶᠠᠷ ᠲᠡᠯᠡᠭᠡᠢᠳᠤ ᠬᠤᠱᠢᠭᠤᠷᠠᠯᠠ
ᠤᠷᠴᠢᠮᠬᠠᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠠᠴᠠ ᠦᠨᠳᠦᠰᠦᠳᠡᠨᠤ ᠤᠯᠠᠮᠵᠢᠯᠠᠯᠳᠤ ᠴᠠᠭᠠᠨ ᠢᠳᠡᠭᠡᠨᠤ ᠠᠵᠤ ᠦᠢᠯᠡᠰᠢ ᠬᠦᠭ᠌ᠵᠢᠭᠦᠯᠬᠦ᠌ ᠲᠦᠷᠦᠭᠦᠦ ᠪᠦᠯᠦᠭᠤᠨ 160 ᠲᠤᠷᠱᠢᠯᠳᠠᠶ᠋ᠢᠨ ᠴᠡᠭᠢ ᠰᠤᠩᠭᠤᠨ ᠲᠤᠭ᠍ᠳᠠᠭᠠᠭ᠍ᠰᠠᠨᠳᠤ ᠱᠢᠯᠤᠭᠤᠨ ᠬᠦᠭᠡ ᠬᠤᠱᠢᠭᠤᠨᠤ 《ᠰᠦᠲᠠᠢ》 ᠺᠤᠮᠫᠠᠨᠢ ᠡᠨᠡ ᠬᠦ᠌ ᠡᠩᠨᠡᠬᠡᠨᠳᠤ ᠤᠷᠤᠭ᠍ᠰᠠᠨ ᠪᠠᠢᠨᠠ᠃ ᠨᠠᠢ᠍ᠮᠠᠨ ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢᠳᠤ ᠶᠠᠪᠤᠭ᠍ᠳᠠᠭ᠍ᠰᠠᠨ 《ᠱᠢᠯᠢᠶ᠋ᠢᠨ ᠭᠤᠤᠯ》 ᠴᠠᠭᠠᠨ ᠢᠳᠡᠭᠡᠨᠤ ᠦᠨᠡᠯᠡᠨ ᠱᠢᠯᠭᠠᠷᠠᠭᠤᠯᠬᠤ ᠠᠵᠢᠯᠯᠠᠭᠠ ᠲᠡᠭᠡᠷᠠ ᠲᠤᠰ ᠺᠤᠮᠫᠠᠨᠢ ᠡᠵᠡᠩᠨᠡᠨ ᠪᠤᠷᠤᠯᠠᠭᠤᠯᠬᠤ ᠠᠷᠭᠠ ᠪᠠᠷᠢᠯᠤᠨ ᠱᠢᠯᠭᠠᠷᠠᠭᠤᠯᠤᠯᠳᠠ ᠪᠤᠯᠤᠨ ᠪᠤᠬᠢᠷᠳᠤᠯ ᠦᠭᠡᠢ ᠤᠨᠴᠠᠯᠢᠭ᠍ᠳᠤ ᠪᠤᠭᠤᠳᠠᠯ ᠪᠠᠭ᠍ᠯᠠᠭᠠᠶ᠋ᠢᠨ ᠱᠢᠯᠭᠠᠷᠠᠭᠤᠯᠤᠯᠳᠠᠳᠤ ᠲᠤᠰ ᠪᠦᠷᠢ ᠨᠢᠭᠡᠳᠤᠬᠡᠷ ᠬᠤᠶᠠᠳᠤᠭᠠᠷ ᠨᠡᠷᠡᠰᠲᠤ ᠲᠤᠳᠤᠷᠠᠵᠤ᠂ ᠬᠦᠭ᠌ᠵᠢᠯᠳᠡᠶ᠋ᠢᠨ ᠲᠠᠯᠳᠠ ᠬᠦᠴᠦᠨᠢᠶᠠᠨ ᠤᠯᠠᠨᠠ ᠭᠠᠢᠬᠠᠭᠤᠯᠵᠠᠢ᠃ 《ᠬᠤᠢᠱᠢᠳᠠ ᠺᠤᠮᠫᠠᠨᠢᠶ᠋ᠢᠨ ᠴᠠᠭᠠᠨ ᠢᠳᠡᠭᠡᠨᠤ ᠲᠦᠷᠦᠯ ᠵᠦᠢᠯᠢᠶᠠᠨ ᠲᠤᠰᠭᠠᠢᠵᠢᠭᠤᠯᠵᠤ᠂ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠤᠯᠠᠮᠵᠢᠯᠠᠯᠳᠤ ᠴᠠᠭᠠᠨ ᠢᠳᠡᠭᠡᠨᠤ ᠦᠢᠯᠡᠰᠢᠶᠠᠨ ᠤᠯᠠᠮ ᠬᠦᠭ᠌ᠵᠢᠭᠦᠯᠤᠨ ᠠᠵᠢᠯ ᠲᠦᠷᠦᠯᠤᠨᠢᠶᠠᠨ ᠲᠤᠮᠳᠠ ᠬᠡᠪ ᠲᠠᠭᠤᠷᠢᠶᠠᠯ ᠪᠤᠯᠤᠨᠠ》 ᠭᠡᠵᠦ᠍ 《ᠰᠦᠲᠠᠢ》 ᠺᠤᠮᠫᠠᠨᠢᠶ᠋ᠢᠨ ᠲᠠᠭᠠᠭᠠᠮᠠᠯ ᠡᠷᠬᠢᠮᠪᠠᠶᠠᠷ ᠢᠳᠡᠭᠡᠯ ᠲᠦᠭᠦᠷᠡᠩ ᠶᠠᠷᠢᠨᠠ᠃
ᠤᠶᠤᠳᠠᠨ ᠵᠠᠯᠠᠭᠤ ᠡᠷᠬᠢᠮᠪᠠᠶᠠᠷ ᠤᠯᠠᠮᠵᠢᠯᠠᠯᠳᠤ ᠴᠠᠭᠠᠨ ᠢᠳᠡᠭᠡᠨᠤ ᠦᠢᠯᠡᠰ ᠡᠷᠬᠢᠯᠡᠭ᠌ᠰᠡᠨᠨᠢ ᠶᠠᠭ ᠰᠠᠢᠬᠠᠨ ᠮᠠᠨᠤ ᠤᠷᠤᠨᠤ ᠰᠦᠶ᠋ᠢᠨ ᠦᠢᠯᠡᠰᠢ ᠬᠦᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠪᠠᠢᠯᠳᠤᠬᠤ ᠪᠤᠳᠤᠯᠭᠠᠶ᠋ᠢᠨ ᠠᠵᠠ ᠲᠤᠬᠢᠶᠠᠯᠲᠠᠢ ᠬᠠᠷᠭᠤᠵᠤ᠂ ᠶᠤᠰᠤᠳᠠᠢ ᠵᠤᠯ ᠵᠠᠶᠠᠭᠠ ᠨᠡᠢᠯᠡᠭ᠌ᠰᠡᠨ ᠶᠠᠪᠤᠳᠠᠯ ᠪᠤᠯᠵᠠᠢ᠃ ᠡᠨᠡ ᠵᠢᠯᠠᠴᠠ ᠨᠠᠭᠠᠰᠢ᠂ ᠮᠠᠨᠤ ᠤᠷᠤᠨ ᠰᠦᠶ᠋ᠢᠨ ᠦᠢᠯᠡᠰᠢ ᠬᠦᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠪᠠ ᠦᠨᠳᠦᠰᠦᠳᠡᠨᠤ ᠤᠨᠴᠠᠯᠢᠭ᠍ᠳᠤ ᠴᠠᠭᠠᠨ ᠢᠳᠡᠭᠡᠨᠤ ᠬᠦᠭ᠌ᠵᠢᠯᠳᠡᠶ᠋ᠢ ᠲᠡᠮᠵᠢᠬᠦ᠌ ᠰᠠᠨᠠᠯ ᠵᠡᠷᠭᠡ ᠲᠦᠷᠦᠶ᠋ᠢᠨ ᠪᠤᠳᠤᠯᠭᠠ ᠠᠷᠭᠠ ᠬᠡᠮᠵᠢᠶᠠᠨᠦᠭᠦᠳᠢ ᠲᠤᠭ᠍ᠳᠠᠭᠠᠨ ᠬᠡᠷᠡᠭ᠌ᠵᠢᠬᠦᠯᠵᠤ᠂ 4 ᠳ᠋ᠦᠩᠱᠢᠭᠤᠷ ᠲᠦᠭᠦᠷᠢᠭᠤᠨ ᠰᠦᠶ᠋ᠢᠨ ᠦᠢᠯᠡᠰᠤᠨ ᠲᠤᠰᠭᠠᠢ ᠲᠦᠷᠦᠯᠤᠨ ᠪᠡᠯᠡ ᠮᠦᠩᠭᠦ᠌ ᠲᠤᠬᠢᠷᠠᠭᠤᠯᠤᠨ 216 ᠳ᠋ᠦᠩᠱᠢᠭᠤᠷ ᠲᠦᠭᠦᠷᠢᠭᠤᠨ ᠪᠡᠯᠡ ᠬᠤᠷᠠᠮᠳᠤᠭᠤᠯᠵᠤ᠂ ᠰᠦᠶ᠋ᠢᠨ ᠦᠢᠯᠡᠰᠤᠨ ᠴᠢᠬᠤᠯᠠ ᠶᠡᠭᠡ ᠲᠦᠷᠦᠯ ᠵᠦᠢᠯᠢ ᠪᠤᠳᠠᠳᠠᠢᠳᠤ ᠨᠠᠢᠳᠠᠪᠤᠷᠢᠵᠢᠭᠤᠯᠬᠤᠶ᠋ᠢ ᠵᠤᠷᠢᠪᠠ᠃ ᠡᠯᠠ ᠲᠠᠯᠠᠶ᠋ᠢᠨ ᠬᠠᠮᠳᠤᠶ᠋ᠢᠨ ᠴᠢᠷᠮᠠᠢᠯᠭᠠᠪᠠᠷ ᠮᠠᠨᠤ ᠤᠷᠤᠨᠤ ᠰᠦᠶ᠋ᠢᠨ ᠦᠢᠯᠡᠰᠢ ᠬᠦᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠠᠵᠢᠯᠯᠠᠭᠠᠨ ᠰᠠᠢᠨ ᠰᠠᠢᠬᠠᠨᠢᠶᠠᠷ ᠡᠬᠢᠯᠡᠵᠤ᠂ ᠰᠦᠶ᠋ᠢᠨ ᠦᠢᠯᠡᠰ ᠬᠤᠶᠠᠷ ᠵᠢᠯ ᠲᠠᠷᠠᠭᠠᠯᠠᠨ ᠰᠡᠷᠭᠦᠯᠳᠡᠶ᠋ᠢᠨ ᠴᠢᠨᠠᠷᠳᠠᠢ ᠨᠡᠮᠡᠭ᠌ᠳᠡᠯᠢ ᠪᠡᠶᠡᠯᠡᠭᠦᠯᠵᠡᠢ᠃ ᠤᠳᠤ ᠪᠦᠬᠦ᠌ ᠤᠷᠤᠨᠤ ᠰᠠᠭᠠᠯᠢᠶ᠋ᠢᠨ ᠦᠨᠢᠶᠡᠨᠤ ᠲᠤᠭᠠ 120 ᠲᠦᠮᠡᠶ᠋ᠢ ᠲᠠᠪᠠᠨ᠂ ᠵᠢᠯᠳᠤ 570 ᠭᠠᠷᠤᠢ ᠲᠦᠮᠡᠨ ᠲᠤᠨ ᠰᠦ ᠰᠠᠭᠠᠵᠤ᠂ ᠰᠦᠶ᠋ᠢᠨ ᠦᠢᠯᠡᠰᠤᠨ ᠦᠢᠯᠡᠳᠭᠦᠨᠤ ᠦᠷᠳᠡᠭ 1665 ᠳ᠋ᠦᠩᠱᠢᠭᠤᠷ ᠲᠦᠭᠦᠷᠢᠭᠲᠤ ᠬᠦᠷᠴᠦ᠍᠂ ᠦᠨᠢᠶᠡᠨ ᠰᠦᠶ᠋ᠢᠨ ᠭᠠᠷᠤᠯᠳᠠ᠂ ᠴᠠᠭᠠᠨ ᠢᠳᠡᠬᠡᠨᠤ ᠠᠵᠤ ᠦᠢᠯᠡᠰᠤᠨ ᠦᠢᠯᠡᠳᠪᠤᠷᠢᠯᠡᠯᠤᠨ ᠬᠡᠪᠴᠢᠶᠠ ᠪᠠ ᠵᠠᠬᠠ ᠲᠡᠯᠭᠡᠭᠦᠷᠤᠨ ᠡᠵᠡᠯᠡᠬᠦ᠌ ᠨᠤᠷᠮᠠᠪᠠᠷ ᠴᠦᠮ ᠪᠦᠬᠦ᠌ ᠤᠯᠤᠰᠲᠤ ᠲᠦᠷᠦᠭᠦᠯᠡᠵᠤ ᠪᠤᠢ； 2020 ᠤᠨᠤ 《ᠪᠦᠬᠦ᠌ ᠪᠦᠮᠪᠦᠷᠴᠡᠭᠤᠨ ᠰᠦᠶ᠋ᠢᠨ ᠦᠢᠯᠡᠰᠤᠨ ᠬᠤᠷᠢᠨ ᠬᠦᠴᠦᠷᠭᠡᠭ》 ᠤᠨ ᠵᠢᠭ᠍ᠰᠠᠭᠠᠯᠳᠠᠳᠤ ᠢᠯᠢ ᠪᠦᠯᠦᠭ᠌ᠯᠡᠯ ᠪᠤᠯᠤᠨ ᠮᠧᠩ ᠨᠢᠦ ᠺᠤᠮᠫᠠᠨᠢ ᠲᠤᠰ ᠪᠦᠷᠢ ᠲᠠᠪᠤᠳᠤᠭᠠᠷ ᠪᠠ ᠨᠠᠢ᠍ᠮᠠᠳᠤᠭᠠᠷᠲᠤ ᠤᠷᠤᠵᠤ᠂ ᠦᠪᠦᠷ ᠮᠤᠩᠭᠤᠯ ᠨᠡᠷᠠ ᠨᠢᠳᠡᠷᠲᠡᠭᠡᠨ ᠲᠡᠩᠴᠡᠭ᠌ᠰᠡᠨ ᠰᠦᠶ᠋ᠢᠨ ᠬᠦᠮᠦᠷᠭᠡ ᠪᠤᠯᠪᠠ᠃
ᠡᠨᠡ ᠵᠢᠯᠤᠨ 7 ᠰᠠᠷᠠᠳᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠨᠠᠮᠤᠨ ᠬᠤᠷᠢᠶᠠ᠂ ᠵᠠᠰᠠᠭᠤᠨ ᠤᠷᠳᠤᠨᠠᠴᠠ 《ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠤᠨ ᠴᠢᠨᠠᠷ ᠰᠠᠢᠳᠠᠢ ᠬᠦᠭ᠌ᠵᠢᠯᠳᠡᠶ᠋ᠢ ᠲᠦᠷᠭᠡᠳᠭᠡᠨ ᠠᠬᠢᠭᠤᠯᠬᠤ ᠲᠤᠬᠠᠢ ᠰᠠᠨᠠᠯ》 ᠢ ᠨᠡᠢᠳᠡᠯᠡᠨ ᠬᠡᠷᠡᠭ᠌ᠵᠢᠬᠦᠯᠵᠤ᠂ ᠴᠠᠭᠠᠨ ᠢᠳᠡᠭᠡᠨᠤ ᠠᠵᠤ ᠦᠢᠯᠡᠰᠤᠨ ᠪᠦᠯᠦᠭ᠌ᠵᠢᠯᠢ ᠪᠦᠬᠦ᠌ ᠤᠷᠤᠨᠤ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠤᠨ 11 ᠠᠵᠤ ᠦᠢᠯᠡᠰᠤᠨ ᠪᠦᠯᠦᠭ᠌ᠵᠢᠯᠳᠤ ᠤᠷᠤᠭᠤᠯᠵᠤ᠂ 2025 ᠤᠨ ᠪᠤᠯᠬᠤᠳᠤ ᠪᠦᠬᠦ᠌ ᠠᠵᠤ ᠦᠢᠯᠡᠰᠤᠨ ᠬᠡᠯᠬᠢᠶᠠᠶ᠋ᠢᠨ ᠦᠢᠯᠡᠳᠭᠦᠨᠤ ᠦᠷᠳᠡᠭᠢ 3000 ᠳ᠋ᠦᠩᠱᠢᠭᠤᠷ ᠲᠦᠭᠦᠷᠢᠭᠲᠤ ᠬᠦᠷᠭᠡᠨ ᠴᠠᠭᠠᠨ ᠢᠳᠡᠭᠡᠨᠤᠪᠠᠨ ᠶᠠᠰᠤ ᠴᠢᠨᠠᠷ ᠪᠤᠯᠤᠨ ᠠᠵᠤ ᠦᠢᠯᠡᠰᠤᠨ ᠦᠷᠢᠰᠦᠯᠳᠦᠬᠦ᠌ ᠬᠦᠴᠦᠨᠢ ᠲᠡᠯᠡᠭᠡᠢᠶ᠋ᠢᠨ ᠲᠡᠷᠢᠭᠦᠨᠤ ᠲᠦᠪᠱᠢᠨᠳᠤ ᠬᠦᠷᠭᠡᠬᠦ᠌ ᠬᠠᠷᠠᠯᠳᠠ ᠵᠦᠭᠢᠶᠠᠨ ᠬᠦᠴᠦᠯᠡᠨ ᠲᠡᠮᠡᠤᠯᠵᠤ ᠪᠠᠢᠨᠠ᠃
ᠠᠵᠤ ᠦᠢᠯᠡᠰᠤᠨ ᠪᠠᠢᠷᠢᠱᠢᠭᠤᠯᠤᠯᠳᠠᠶ᠋ᠢ ᠵᠦᠢ ᠵᠤᠬᠢᠰᠳᠠᠢ ᠲᠤᠬᠢᠷᠠᠭᠤᠯᠵᠤ ᠲᠦᠷᠦᠯ ᠲᠡᠮᠳᠡᠭᠤᠨ ᠨᠡᠷᠠ ᠠᠯᠳᠠᠷᠱᠢᠯ ᠨᠦᠯᠦᠭᠡᠯᠡᠬᠦ᠌ ᠬᠦᠴᠦᠨᠢᠶᠠᠨ ᠴᠢᠩᠭᠠᠳᠭᠠᠯᠠ
ᠺᠠᠢᠯᠤ ᠱᠢᠶᠠᠨᠤ ᠮᠢᠨ ᠵᠦ᠍ ᠲᠤᠰᠭᠤᠨᠤ ᠲᠦᠮᠡᠨ ᠮᠦ᠍ ᠦᠨᠳᠦᠷ ᠦᠷᠠ ᠠᠱᠢᠭ᠍ᠳᠤ ᠠᠷᠪᠢᠳᠠᠢ ᠤᠰᠤᠯᠠᠯᠳᠠᠶ᠋ᠢᠨ ᠲᠠᠷᠢᠶᠠᠯᠠᠩᠤᠨ ᠰᠠᠭᠤᠷᠢᠨᠳᠤ ᠲᠠᠷᠢᠶᠠᠴᠢᠳ ᠪᠤᠭᠤᠳᠠᠢᠪᠠᠨ ᠬᠤᠷᠢᠶᠠᠭ᠍ᠰᠠᠨᠤ ᠲᠠᠷᠠᠭᠠ ᠲᠠᠬᠢᠨ ᠭᠠᠢᠮᠤ ᠲᠠᠷᠢᠵᠤ᠂ ᠭᠠᠢᠮᠤᠶ᠋ᠢᠨ ᠮᠦ᠍ ᠲᠤᠮᠳᠠᠴᠢᠶ᠋ᠢᠨ ᠤᠷᠤᠯᠭᠠᠨᠢ 2000 ᠲᠦᠭᠦᠷᠢᠭᠲᠤ ᠬᠦᠷᠴᠦ᠍ ᠪᠤᠢ᠃ ᠭᠠᠢᠮᠤ ᠲᠠᠷᠢᠬᠤᠳᠤ ᠬᠡᠷᠡᠭ᠌ᠯᠡᠬᠦ᠌ ᠤᠰᠤ ᠴᠠᠬᠢᠯᠭᠠᠨ᠂ ᠬᠢᠮᠢᠶ᠋ᠢᠨ ᠪᠤᠷᠳᠤᠭᠤᠷ ᠵᠡᠷᠭᠡᠶ᠋ᠢᠨ ᠰᠦᠢᠳᠭᠡᠯᠢ ᠲᠦᠷᠦᠭᠦᠦ ᠡᠭᠡᠯᠵᠢᠶ᠋ᠢᠨ ᠪᠤᠭᠤᠳᠠᠢᠶ᠋ᠢᠨ ᠤᠷᠤᠯᠭᠠᠪᠠᠷᠢᠶᠠᠨ ᠨᠦᠬᠦᠳᠡᠭ ᠪᠤᠯᠬᠤᠷ ᠭᠠᠢᠮᠤ ᠲᠠᠷᠢᠭᠠᠳ ᠤᠯᠬᠤᠨᠢ ᠴᠤᠯ ᠴᠡᠪᠡᠷ ᠤᠷᠤᠯᠭᠠ ᠪᠤᠯᠬᠤ ᠶᠤᠮ᠃ ᠡᠨᠡᠨᠢ ᠴᠤᠯ ᠡᠷᠳᠡᠨᠢ ᠱᠢᠰᠢ ᠲᠠᠷᠢᠬᠤᠶ᠋ᠢ ᠪᠤᠳᠤᠪᠠᠯ᠂ 1 ᠮᠦ᠍ ᠲᠠᠷᠢᠶᠠᠨ ᠭᠠᠵᠠᠷᠠᠴᠠ 1000 ᠲᠦᠭᠦᠷᠢᠭᠤᠨ ᠤᠷᠤᠯᠭᠠ ᠨᠡᠮᠡᠭ᠌ᠳᠡᠭ᠌ᠰᠡᠨ ᠠᠵᠢ᠃ ᠡᠨᠡ ᠭᠦ᠌ ᠰᠠᠭᠤᠷᠢᠨ ᠪᠤᠯ ᠺᠠᠢᠯᠤ ᠱᠢᠶᠠᠨᠤ 50 ᠲᠦᠮᠡᠨ ᠮᠦ᠍ᠶ᠋ᠢᠨ ᠤᠳᠤ ᠦᠶᠠᠶ᠋ᠢᠨ ᠲᠠᠷᠢᠶᠠᠯᠠᠩᠤᠨ ᠵᠢᠱ᠌ᠢᠶᠠ ᠦᠵᠡᠭᠦᠯᠬᠦ᠌ ᠤᠷᠤᠨᠤ ᠨᠢᠬᠡᠨ ᠵᠢᠱ᠌ᠢᠶᠠ ᠦᠵᠡᠭᠦᠯᠬᠦ᠌ ᠠᠭᠤᠯᠭᠠ ᠲᠡᠳᠤᠢ ᠶᠤᠮ᠃
ᠮᠠᠨᠤ ᠤᠷᠤᠨ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠤᠨ ᠠᠵᠤ ᠦᠢᠯᠡᠰᠤᠨ ᠪᠠᠢᠷᠢᠱᠢᠭᠤᠯᠤᠯᠳᠠᠪᠠᠨ ᠵᠦᠢ ᠵᠤᠬᠢᠰᠳᠠᠢ ᠲᠤᠬᠢᠷᠠᠭᠤᠯᠵᠤ᠂ ᠲᠦᠷᠦᠯ ᠲᠡᠮᠳᠡᠭᠤᠨ ᠨᠡᠷᠠ ᠠᠯᠳᠠᠷᠱᠢᠯ ᠨᠦᠯᠦᠭᠡᠯᠡᠬᠦ᠌ ᠬᠦᠴᠦᠨᠢ ᠴᠢᠩᠭᠠᠳᠭᠠᠭ᠍ᠰᠠᠨᠢᠶᠠᠷ ᠨᠢᠭᠡ ᠪᠦᠯᠦᠭ ᠤᠷᠤᠨ ᠪᠦᠰᠡᠶ᠋ᠢᠨ ᠨᠡᠢᠳᠡᠶ᠋ᠢᠨ ᠬᠡᠷᠡᠭ᠌ᠯᠡᠭᠡᠨᠤ ᠲᠦᠷᠦᠯ ᠲᠡᠮᠳᠡᠭ ᠪᠤᠯᠤᠨ 《ᠦᠪᠦᠷ ᠮᠤᠩᠭᠤᠯ ᠨᠡᠷᠡᠮᠵᠢᠳᠤ》 ᠲᠦᠷᠦᠯ ᠲᠡᠮᠳᠡᠭ ᠴᠤᠯᠭᠤᠷᠠᠵᠤ᠂ ᠨᠢᠳᠤᠨᠳᠤ ᠦᠵᠡᠭ᠌ᠳᠡᠬᠦ᠌ ᠦᠭᠡᠢ ᠦᠪ ᠬᠦᠷᠦᠩᠭᠡᠪᠠᠷ ᠭᠠᠷᠲᠤ ᠪᠠᠷᠢᠭ᠍ᠳᠠᠭ᠍ᠰᠠᠨ ᠦᠷᠠ ᠠᠱᠢᠭᠢ ᠠᠪᠴᠢᠷᠠᠵᠠᠢ᠃ ᠬᠦᠯᠦᠨ ᠪᠤᠢᠷᠤᠨ ᠪᠡᠯᠴᠢᠭᠡᠷᠤᠨ ᠬᠤᠨᠢᠨ ᠮᠢᠬᠠ᠂ ᠬᠢᠩᠭᠠᠨᠤ ᠲᠤᠳᠤᠷᠭᠠ᠂ ᠤᠯᠠᠭᠠᠨᠬᠠᠳᠠᠶ᠋ᠢᠨ ᠨᠠᠷᠢᠮᠤ᠂ ᠪᠤᠷᠤᠳᠤᠬᠤᠢᠶ᠋ᠢᠨ ᠨᠠᠷᠠᠨ ᠬᠤᠸᠠᠷ ᠵᠡᠷᠭᠡ 11 ᠤᠷᠤᠨ ᠪᠦᠰᠡᠶ᠋ᠢᠨ ᠨᠡᠢᠳᠡᠶ᠋ᠢᠨ ᠬᠡᠷᠡᠭ᠌ᠯᠡᠭᠡᠨᠤ ᠲᠦᠷᠦᠯ ᠲᠡᠮᠳᠡᠭ 2019 ᠲᠤᠮᠳᠠᠳᠤ ᠤᠯᠤᠰᠤᠨ ᠬᠦᠳᠡᠭᠡ ᠠᠵᠤ ᠠᠬᠤᠢᠶ᠋ᠢᠨ ᠲᠦᠷᠦᠯ ᠲᠡᠮᠳᠡᠭᠤᠨ ᠭᠠᠷᠴᠠᠭᠲᠤ ᠰᠤᠩᠭᠤᠭ᠍ᠳᠠᠪᠠ᠃ ᠨᠡᠩ ᠴᠦ᠍ ᠲᠦᠩᠯᠢᠶᠤᠤᠶ᠋ᠢᠨ ᠱᠢᠷᠠ ᠡᠷᠳᠡᠨᠢ ᠱᠢᠰᠢ᠂ ᠬᠤᠷᠴᠢᠨᠤ ᠦᠭᠡᠷ᠂ ᠤᠯᠠᠭᠠᠨᠴᠠᠪᠤᠨ ᠲᠦᠮᠦᠰᠦ 3 ᠤᠷᠤᠨ ᠪᠦᠰᠡᠶ᠋ᠢᠨ ᠲᠦᠷᠦᠯ ᠲᠡᠮᠳᠡᠭᠤᠨ ᠦᠷᠳᠡᠭ 100 ᠳ᠋ᠦᠩᠱᠢᠭᠤᠷ ᠲᠦᠭᠦᠷᠢᠭᠢ ᠲᠠᠪᠠᠵᠤ᠂ ᠲᠡᠭ᠌ᠷᠢᠶ᠋ᠢᠨ ᠬᠡᠱᠢᠭ᠌ᠳᠦ ᠪᠤᠷᠤᠳᠤᠬᠤᠢᠶ᠋ᠢᠨ ᠨᠦᠯᠦᠭᠡᠯᠡᠬᠦ᠌ ᠬᠦᠴᠦᠨ ᠪᠦᠬᠦ᠌ ᠤᠯᠤᠰᠲᠤ ᠲᠡᠳ᠋ᠯᠡᠵᠤ ᠪᠤᠢ᠃ ᠲᠡᠷᠡ ᠮᠦᠷᠳᠡᠭᠡᠨ 《ᠨᠢᠭᠡ ᠪᠠᠯᠭᠠᠰᠤᠨᠳᠤ ᠨᠢᠭᠡ ᠠᠵᠤ ᠦᠢᠯᠡᠰ》 ᠲᠠᠢ ᠪᠠᠢᠯᠭᠠᠬᠤᠶ᠋ᠢ ᠵᠤᠷᠢᠵᠤ᠂ ᠠᠳᠤᠭᠤᠨᠤ ᠦᠢᠯᠡᠰᠤᠨ ᠤᠨᠴᠠᠯᠢᠭ᠍ᠳᠤ ᠵᠢᠵᠢᠭ ᠪᠠᠯᠭᠠᠰᠤ᠂ ᠮᠢᠬᠠᠨᠤ ᠦᠭᠡᠷᠤᠨ ᠵᠢᠵᠢᠭ ᠪᠠᠯᠭᠠᠰᠤ᠂ ᠦᠨᠳᠦᠰᠦᠳᠡᠨᠤ ᠴᠠᠭᠠᠨ ᠢᠳᠡᠭᠡᠨᠤ ᠠᠵᠤ ᠦᠢᠯᠡᠰᠤᠨ ᠬᠦᠷᠢᠶᠡᠯᠡᠩ ᠵᠡᠷᠭᠡᠶ᠋ᠢ ᠪᠠᠢᠭᠤᠯᠪᠠ᠃
ᠮᠠᠨᠤ ᠤᠷᠤᠨ ᠡᠨᠡ ᠵᠢᠯ ᠮᠠᠯᠤᠨ ᠠᠱᠢᠭ ᠱᠢᠮᠠ ᠲᠠᠷᠢᠶᠠᠯᠠᠩᠤᠨ ᠪᠦᠳᠦᠭᠡᠭ᠌ᠳᠡᠭᠦᠨᠤ 16 ᠲᠠᠪᠠᠭᠤᠯᠢᠭ᠍ᠳᠤ ᠠᠵᠤ ᠦᠢᠯᠡᠰᠤᠨ ᠪᠦᠰᠡ ᠪᠠ 11 ᠠᠵᠤ ᠦᠢᠯᠡᠰᠤᠨ ᠪᠦᠯᠦᠭ᠌ᠵᠢᠯᠤᠨ ᠲᠤᠭᠤᠷᠢᠨᠳᠤ ᠮᠢᠬᠠᠨᠤ ᠦᠭᠡᠷ᠂ ᠬᠤᠨᠢᠨ ᠮᠢᠬᠠ᠂ ᠦᠨᠢᠶᠡᠨ ᠰᠦ᠂ ᠲᠤᠳᠤᠷᠭᠠ᠂ ᠨᠠᠷᠢᠮᠤ᠂ ᠨᠤᠬᠠᠢᠶ᠋ᠢᠨ ᠬᠤᠱᠢᠭᠤ᠂ ᠰᠠᠭᠠᠭ᠂ ᠲᠦᠮᠦᠰᠦ᠂ ᠬᠤᠯᠤᠤᠪᠠᠩ᠂ ᠠᠮᠳᠠᠳᠤ ᠲᠦᠮᠦᠰᠦ᠂ ᠲᠡᠭ᠌ᠷᠢᠶ᠋ᠢᠨ ᠬᠡᠱᠢᠭ᠌ᠳᠦ ᠪᠤᠷᠤᠳᠤᠬᠤᠢ᠂ ᠱᠢᠯᠢᠶ᠋ᠢᠨ ᠭᠤᠤᠯᠤᠨ ᠴᠠᠭᠠᠨ ᠢᠳᠡᠭᠡᠨ ᠵᠡᠷᠭᠡ ᠤᠷᠤᠨ ᠪᠦᠰᠡᠶ᠋ᠢᠨ ᠨᠡᠢᠳᠡᠶ᠋ᠢᠨ ᠬᠡᠷᠡᠭ᠌ᠯᠡᠭᠡᠨᠤ ᠲᠦᠷᠦᠯ ᠲᠡᠮᠳᠡᠭᠢ ᠭᠤᠤᠯᠳᠠᠯᠭᠠᠲᠠᠢ ᠪᠤᠢᠵᠢᠭᠤᠯᠵᠤ᠂ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠤᠨ ᠴᠢᠨᠠᠷ ᠰᠠᠢᠳᠠᠢ ᠬᠦᠭ᠌ᠵᠢᠯᠳᠡᠶ᠋ᠢ ᠠᠬᠢᠭᠤᠯᠵᠤ ᠪᠠᠢᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠠᠪᠠᠭᠠ ᠬᠤᠱᠢᠭᠤ ᠪᠤᠯᠤᠨ ᠱᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠱᠢᠭᠤᠨᠳᠤ ᠤᠯᠤᠰᠤᠨ ᠲᠡᠰᠤᠨ ᠪᠡᠯᠴᠢᠭᠡᠷᠤᠨ ᠬᠤᠨᠢᠶ᠋ᠢᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭᠲᠠᠢ ᠲᠠᠪᠠᠭᠤᠯᠢᠭ᠍ᠳᠤ ᠠᠵᠤ ᠦᠢᠯᠡᠰᠤᠨ ᠪᠦᠯᠦᠭ᠌ᠵᠢᠯᠢ ᠪᠠᠢᠭᠤᠯᠬᠤᠪᠠᠷ ᠲᠠᠮᠵᠢᠨ ᠪᠡᠯᠴᠢᠭᠡᠷᠤᠨ ᠮᠢᠬᠠᠨᠤ ᠬᠤᠨᠢᠶ᠋ᠢᠨ ᠠᠵᠤ ᠦᠢᠯᠡᠰᠢ ᠪᠤᠵᠠᠭᠠᠢᠷᠠᠭᠤᠯᠤᠨ ᠬᠦᠴᠦᠷᠭᠡᠭ᠌ᠵᠢᠭᠦᠯᠵᠦ᠍ ᠪᠤᠢ᠃