ᠮᠠᠨᠤ ᠤᠷᠤᠨᠳᠤ 46 ᠤᠢ ᠱᠢᠭᠤᠢᠶ᠋ᠢᠨ ᠴᠡᠴᠡᠷᠯᠢᠭ ᠳᠠᠷᠬᠠᠨ ᠪᠠᠢᠷᠢᠱᠢᠵᠦ᠍᠂ ᠠᠮᠢ ᠬᠠᠤᠢᠯᠤᠨ ᠲᠤᠮᠤ ᠬᠠᠯᠬᠠᠪᠴᠢ ᠪᠤᠯᠵᠦ᠍ ᠪᠦᠷᠢᠯᠳᠦᠭ᠌ᠰᠡᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠤᠨ ᠴᠢᠬᠤᠯᠠ ᠰᠠᠭᠤᠷᠢᠨ ᠪᠤᠯᠤᠭ᠍ᠰᠠᠨ ᠪᠠᠢᠨᠠ᠃
ᠮᠠᠨᠤ ᠤᠷᠤᠨᠳᠤ 11 ᠡᠭᠦᠰᠦᠮᠡᠯ ᠤᠢ ᠪᠠ ᠡᠳᠦᠢ ᠲᠡᠳᠦᠢ ᠲᠠᠷᠢᠮᠠᠯ ᠤᠢᠲᠠᠢ ᠪᠠᠢᠵᠦ᠍᠂ ᠤᠢᠶ᠋ᠢᠨ ᠲᠤᠳᠤᠷᠠ ᠪᠠᠷᠤᠭ 712 ᠲᠦᠷᠦᠯᠤᠨ ᠬᠡᠭᠡᠷᠡᠶ᠋ᠢᠨ ᠠᠮᠢᠳᠠᠨ ᠪᠠ 2718 ᠲᠦᠷᠦᠯ ᠤᠨ ᠤᠷᠭᠤᠮᠠᠯ ᠤᠷᠤᠱᠢᠨ ᠲᠦᠯᠵᠢᠵᠦ᠍ ᠪᠠᠢᠨᠠ᠃
ᠡᠨᠡ ᠵᠢᠯᠤᠨ 7 ᠰᠠᠷᠠᠶ᠋ᠢᠨ 4 ᠤ 9 ᠴᠠᠭᠲᠤ᠌᠂ 《ᠬᠦᠯᠦᠨ ᠪᠤᠢᠷ ᠨᠤᠮᠧᠷᠲᠦ》 ᠲᠠᠯᠠ ᠨᠤᠲᠤᠭ ᠤᠢ ᠱᠢᠭᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠲᠤᠰᠭᠠᠢ ᠭᠠᠯᠳᠤ ᠲᠡᠷᠭᠡ ᠬᠢᠨᠭ᠌ᠭᠠᠨ ᠠᠢᠮᠠᠭ ᠵᠦᠭ ᠲᠤᠭ᠍ᠲᠠᠭ᠍ᠰᠠᠨ ᠴᠠᠭᠲᠠᠭᠠᠨ ᠮᠤᠷᠲᠠᠯᠠ᠃ ᠡᠨᠡ ᠬᠦ᠌ ᠭᠠᠯᠳᠤ ᠲᠡᠷᠭᠡ ᠬᠦᠯᠦᠨ ᠪᠤᠢᠷ ᠬᠤᠲᠠ ᠪᠠ ᠬᠢᠨᠭ᠌ᠭᠠᠨ ᠠᠢᠮᠠᠭᠢ ᠬᠤᠯᠪᠤᠵᠦ᠍᠂ ᠵᠠᠮ ᠲᠤᠵᠢ ᠬᠦᠯᠦᠨ ᠪᠤᠢᠷᠤᠨ ᠲᠠᠯᠠ ᠨᠤᠲᠤᠭ᠂ ᠴᠠᠭᠠᠨᠨᠠᠭᠤᠷᠤᠨ ᠲᠠᠯᠠ ᠨᠤᠲᠤᠭ᠂ ᠷᠠᠱᠢᠶᠠᠨ ᠤᠯᠤᠰᠤᠨ ᠤᠢ ᠱᠢᠭᠤᠢᠶ᠋ᠢᠨ ᠴᠡᠴᠡᠷᠯᠢᠭ ᠵᠡᠷᠭᠡ ᠪᠠᠢᠭᠠᠯᠢᠶ᠋ᠢᠨ ᠦᠵᠡᠮᠵᠢᠶ᠋ᠢᠨ ᠤᠷᠤᠨᠢᠶᠠᠷ ᠦᠡᠭ᠌ᠭᠡᠷᠡᠵᠦ᠍᠂ ᠵᠢᠭᠤᠯᠴᠢᠯᠠᠭ᠍ᠰᠠᠳᠲᠤ ᠲᠠᠯᠠ ᠨᠤᠲᠤᠭ ᠪᠠ ᠤᠢ ᠱᠢᠭᠤᠢᠶ᠋ᠢᠨ ᠭᠤᠶᠤ ᠦᠵᠡᠮᠵᠢ ᠵᠢᠴᠢ ᠤᠢ ᠱᠢᠭᠤᠢᠶ᠋ᠢᠨ ᠰᠤᠶᠤᠯ ᠢᠷᠭᠡᠨᠱᠢᠯᠢ ᠰᠤᠨᠢᠷᠬᠠᠭᠤᠯᠤᠬ᠍ᠰᠠᠨ ᠪᠠᠢᠨᠠ᠃
ᠤᠢ ᠱᠢᠭᠤᠢ ᠪᠤᠯ ᠮᠠᠨᠤ ᠤᠷᠤᠨᠤ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠤᠨ ᠴᠢᠬᠤᠯᠠ ᠡᠬᠢ ᠪᠠᠶᠠᠯᠢᠭ ᠶᠤᠮ᠃ ᠤᠢ᠍ᠢᠷᠠᠶ᠋ᠢᠨ ᠵᠢᠯᠳᠤ᠂ ᠮᠠᠨᠤ ᠤᠷᠤᠨ ᠷᠠᠱᠢᠶᠠᠨ — ᠴᠠᠢᠾᠧ᠂ ᠴᠦᠡᠭ᠌ᠬᠦᠯᠤᠨ ᠭᠤᠤ᠂ ᠭᠡᠭᠡᠨ ᠭᠤᠤᠯᠤᠨ ᠬᠦᠢᠳᠡᠨᠤ ᠲᠦᠢᠯᠤᠨ ᠲᠤᠰᠭᠤᠨ ᠵᠡᠷᠭᠡ ᠤᠢ ᠱᠢᠭᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠤᠷᠤᠨᠢ ᠲᠡᠬᠦᠯᠳᠡᠷᠵᠢᠬᠦᠯᠦᠨ ᠬᠦᠭ᠌ᠵᠢᠬᠦᠯᠵᠦ᠍᠂ ᠤᠢ ᠱᠢᠭᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠵᠠᠮ ᠱᠤᠭᠤᠮᠢᠶᠠᠨ ᠱᠢᠯᠢᠳᠡᠭ᠌ᠵᠢᠬᠦᠯᠤᠨ ᠵᠢᠭᠤᠯᠴᠢᠯᠠᠯᠤᠨ ᠲᠤᠰᠭᠠᠢ ᠭᠠᠯᠳᠤ ᠲᠡᠷᠭᠡ ᠨᠡᠪᠳᠡᠷᠡᠬᠦᠯᠵᠤ᠂ ᠤᠢ ᠱᠢᠭᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠢ ᠬᠦᠴᠦᠯᠡᠨ ᠬᠦᠭ᠌ᠵᠢᠬᠦᠯᠵᠠᠢ᠃ ᠤᠳᠤ ᠮᠠᠨᠤ ᠤᠷᠤᠨᠳᠤ ᠶᠡᠭᠡ ᠬᠢᠨᠭ᠌ᠭᠠᠨ ᠲᠠᠪᠠᠭᠠᠶ᠋ᠢᠨ ᠬᠠᠢᠯᠠᠷ ᠨᠠᠷᠠᠰᠦᠨ ᠤᠢᠠᠴᠠ ᠠᠯᠠᠱᠠᠶ᠋ᠢᠨ ᠵᠠᠬᠤᠨ ᠤᠢ ᠬᠦᠷᠳᠡᠯᠡ 46 ᠤᠢ ᠱᠢᠭᠤᠢᠶ᠋ᠢᠨ ᠴᠡᠴᠡᠷᠯᠢᠭ ᠲᠠᠷᠬᠠᠨ ᠪᠠᠢᠷᠢᠱᠢᠵᠦ᠍᠂ ᠠᠮᠢ ᠠᠬᠤᠢᠶ᠋ᠢᠨ ᠲᠤᠮᠤ ᠬᠠᠯᠬᠠᠪᠴᠢ ᠪᠤᠯᠵᠤ ᠪᠦᠷᠢᠯᠳᠦᠭ᠌ᠰᠡᠨᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠤᠢ ᠱᠢᠭᠤᠢ ᠲᠤᠲᠤᠷᠠᠬᠢ ᠠᠮᠢᠲᠠᠨ ᠭᠤᠤᠯᠲᠠᠨ᠂ ᠭᠤᠤᠯ ᠮᠦᠷᠡᠨ᠂ ᠦᠵᠡᠮᠵᠢ ᠪᠠᠢᠲᠠᠯ᠂ ᠦᠪᠡᠷᠮᠢᠴᠡ ᠰᠤᠶᠤᠯ ᠢᠷᠭᠡᠨᠱᠢᠯᠲᠠᠢᠪᠠᠨ ᠤᠶᠠᠯᠲᠤᠨ ᠵᠤᠬᠢᠴᠠᠭᠠᠳ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠤᠨ ᠴᠢᠬᠤᠯᠠ ᠰᠠᠭᠤᠷᠢᠨ ᠪᠤᠯᠤᠬ᠍ᠰᠠᠨ ᠪᠢᠯᠡ᠃
ᠠᠮᠢ ᠠᠬᠤᠢᠶ᠋ᠢᠨ 《ᠨᠤᠮᠢᠨ ᠨᠤᠭᠤᠭᠠᠨ ᠤᠷᠲᠤ ᠴᠠᠭᠠᠨ ᠭᠡᠷᠡᠮ》
ᠮᠠᠨᠤ ᠤᠷᠤᠨ ᠪᠤᠯ ᠤᠯᠤᠰᠤᠨ ᠴᠢᠬᠤᠯᠠ ᠤᠢ ᠱᠢᠭᠤᠢᠶ᠋ᠢᠨ ᠰᠠᠭᠤᠷᠢᠨᠤ ᠨᠢᠭᠡ ᠪᠤᠯᠤᠨᠠ᠃ ᠪᠦᠬᠦ᠌ ᠤᠷᠤᠨᠤ ᠲᠤᠯᠤᠲᠤᠭᠠᠷ ᠤᠳᠠᠭᠠᠶ᠋ᠢᠨ ᠤᠢ ᠱᠢᠭᠤᠢᠶ᠋ᠢᠨ ᠡᠬᠢ ᠪᠠᠶᠠᠯᠢᠭᠤᠨ ᠪᠠᠢᠴᠠᠭᠠᠯᠲᠠᠶ᠋ᠢ ᠦᠨᠲᠦᠰᠦᠯᠡᠪᠡᠯ᠂ ᠮᠠᠨᠤ ᠤᠷᠤᠨᠤ ᠤᠢ ᠱᠢᠭᠤᠢᠲᠠᠢ ᠭᠠᠵᠠᠷᠤᠨ ᠲᠠᠯᠠᠪᠠᠢ 6.6 ᠳ᠋ᠦᠩᠱᠢᠭᠤᠷ ᠮᠦ᠍᠂ ᠤᠢ ᠱᠢᠭᠤᠢᠶ᠋ᠢᠨ ᠲᠠᠯᠠᠪᠠᠢ 3.73 ᠳ᠋ᠦᠩᠱᠢᠭᠤᠷ ᠮᠦ᠍ᠳᠤ ᠬᠦᠷᠴᠦ᠍᠂ ᠪᠦᠬᠦ᠌ ᠤᠯᠤᠰᠤᠨ ᠮᠤᠵᠢ ᠬᠤᠳᠠ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠲᠤᠳᠤᠷᠠ ᠮᠠᠩᠯᠠᠢ ᠪᠠᠢᠷᠢᠨᠳᠤ ᠲᠤᠳᠤᠷᠠᠭ᠍ᠰᠠᠨ ᠠᠵᠢ᠃
ᠮᠠᠨᠤ ᠤᠷᠤᠨᠳᠤ ᠵᠡᠬᠦᠨᠠᠴᠠ ᠪᠠᠷᠠᠭᠤᠨᠰᠢ ᠶᠡᠭᠡ ᠬᠢᠨᠭ᠌ᠭᠠᠨ ᠲᠠᠪᠠᠭᠠᠶ᠋ᠢᠨ ᠡᠬᠦᠰᠦᠮᠡᠯ ᠤᠢ᠂ ᠪᠤᠬ᠍ᠲᠠ ᠠᠭᠤᠯᠠᠶ᠋ᠢᠨ ᠡᠬᠦᠰᠦᠮᠡᠯ ᠤᠢ᠂ ᠲᠠᠯᠠᠨ ᠬᠠᠷᠠ ᠠᠭᠤᠯᠠᠶ᠋ᠢᠨ ᠡᠬᠦᠰᠦᠮᠡᠯ ᠤᠢ᠂ ᠮᠠᠩᠬᠠᠨ ᠠᠭᠤᠯᠠᠶ᠋ᠢᠨ ᠡᠬᠦᠰᠦᠮᠡᠯ ᠤᠢ᠂ ᠠᠯᠠᠱᠠ ᠠᠭᠤᠯᠠᠶ᠋ᠢᠨ ᠡᠬᠦᠰᠦᠮᠡᠯ ᠤᠢ ᠵᠡᠷᠭᠡ 11 ᠡᠬᠦᠰᠦᠮᠡᠯ ᠤᠢ ᠲᠠᠷᠬᠠᠵᠦ᠍ ᠪᠠᠢᠭᠠ ᠪᠦᠬᠡᠳ ᠪᠠᠰᠠ ᠬᠦᠮᠦᠨᠤ ᠬᠦᠴᠦᠪᠠᠷ ᠤᠢ᠍ᠢᠵᠢᠭᠤᠯᠤᠬ᠍ᠰᠡᠨ ᠡᠳᠤᠢ ᠲᠡᠳᠤᠢ ᠲᠠᠷᠢᠮᠠᠯ ᠤᠢ ᠲᠠᠷᠬᠠᠵᠦ᠍ ᠪᠠᠢᠲᠠᠭ᠃ ᠪᠦᠬᠦ᠌ ᠤᠷᠤᠨᠤ ᠤᠢ ᠱᠢᠭᠤᠢᠳᠤ ᠪᠠᠷᠤᠭ 712 ᠲᠦᠷᠦᠯᠤᠨ ᠭᠡᠭᠡᠷᠡᠶ᠋ᠢᠨ ᠠᠮᠢᠲᠠᠨ ᠤᠷᠤᠱᠢᠨ ᠠᠮᠢᠲᠤᠷᠠᠵᠦ᠍᠂ 2718 ᠲᠦᠷᠦᠯᠤᠨ ᠤᠷᠭᠤᠮᠠᠯ ᠤᠷᠭᠤᠨ ᠲᠦᠯᠵᠢᠵᠤ ᠪᠠᠢᠨᠠ᠃ ᠡᠬᠦᠨᠳᠤ ᠬᠠᠨ ᠠᠭᠤᠯᠠᠶ᠋ᠢᠨ ᠭᠠᠴᠤᠷᠠ᠂ ᠨᠠᠷᠠᠰᠦ᠂ ᠤᠯᠢᠶᠠᠰᠦ ᠪᠤᠯᠤᠨ ᠲᠠᠯᠠᠨ ᠬᠠᠷᠠ ᠠᠭᠤᠯᠠ ᠪᠠ ᠠᠯᠠᠱᠠ ᠠᠭᠤᠯᠠᠨᠤ ᠭᠠᠴᠤᠷᠠ᠂ ᠨᠠᠷᠠᠰᠦ ᠵᠢᠴᠢ ᠴᠦᠡᠭ᠌ᠬᠦᠯᠤᠨ ᠭᠤᠤᠶ᠋ᠢᠨ ᠦᠷᠭᠡᠨ ᠨᠠᠪᠴᠢᠲᠦ ᠤᠢ ᠵᠡᠷᠭᠡᠨᠢ ᠪᠦᠷ ᠲᠦᠢᠯᠤᠨ ᠶᠡᠭᠡ ᠠᠵᠦ᠍ ᠠᠬᠤᠢᠶ᠋ᠢᠨ ᠪᠠ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠲᠤᠯᠭᠠᠨᠤ ᠦᠨᠡ ᠦᠷᠳᠡᠭᠲᠠᠢ ᠬᠤᠪᠤᠷ ᠴᠤᠬᠠᠬ ᠤᠢ ᠮᠤᠲᠤᠨᠤ ᠲᠦᠷᠦᠯ ᠵᠦᠢᠯ ᠪᠤᠯᠬᠤ ᠶᠤᠮ᠃
ᠤᠷᠲᠤ ᠬᠤᠭᠤᠴᠠᠭᠠᠨᠤ ᠴᠦᠬᠦᠷᠡᠰᠢ ᠦᠬᠡᠢ ᠤᠢ᠍ᠢᠵᠢᠭᠤᠯᠤᠯᠲᠠ ᠨᠤᠭᠤᠭᠠᠷᠠᠭᠤᠯᠤᠯᠲᠠᠪᠠᠷ ᠲᠠᠮᠵᠢᠨ ᠡᠳᠦᠬᠡ ᠮᠤᠤᠠᠤᠰᠤᠶ᠋ᠢᠨ ᠡᠯᠡᠰᠦᠷᠬᠡᠭ ᠭᠠᠵᠠᠷ 《ᠨᠤᠭᠤᠭᠠᠨ ᠬᠦᠷᠮᠡ》 ᠬᠡᠲᠡᠷᠴᠦ᠍᠂ ᠬᠦᠪᠴᠢᠶ᠋ᠢᠨ ᠡᠯᠡᠰᠤ 《ᠤᠬᠤᠷᠢᠨ》᠂ ᠬᠤᠯᠠᠨ ᠱᠢᠷᠭᠠ ᠲᠠᠭᠠᠶ᠋ᠢᠨ ᠡᠯᠡᠰᠦᠷᠬᠡᠭ ᠭᠠᠵᠠᠷ 《ᠨᠤᠮᠤᠬᠠᠷᠠᠪᠠ》； ᠪᠤᠷᠤᠯᠲᠠᠢ᠂ ᠰᠦᠬᠡ ᠵᠡᠷᠭᠡ ᠡᠯᠡᠰᠦ ᠵᠠᠰᠠᠬ᠍ᠰᠠᠨ ᠪᠠᠭᠠᠲᠤᠷᠤᠳ ᠴᠤᠯᠭᠤᠷᠠᠨ ᠭᠠᠷᠴᠦ᠍᠂ ᠡᠯᠡᠰᠦ ᠮᠠᠩᠬᠠᠲᠠᠢ ᠲᠠᠢᠨ ᠵᠠᠷᠯᠠᠬ᠍ᠰᠠᠨ ᠦᠶᠡ ᠦᠶᠡᠶ᠋ᠢᠨ ᠬᠦᠮᠦᠰᠤᠨ ᠬᠠᠮᠳᠤᠶ᠋ᠢᠨ ᠴᠢᠷᠮᠠᠢᠯᠭᠠᠪᠠᠷ ᠦᠷᠬᠡᠨ ᠠᠭᠤᠳᠠᠮ ᠦᠪᠤᠷ ᠮᠤᠩᠭᠤᠯᠳᠤ ᠠᠮᠢ ᠠᠬᠤᠢᠶ᠋ᠢᠨ 《ᠨᠤᠮᠢᠨ ᠨᠤᠭᠤᠭᠠᠨ ᠤᠷᠲᠤ ᠴᠠᠭᠠᠨ ᠬᠡᠷᠡᠮ》 ᠰᠦᠨᠳᠡᠷᠯᠡᠨ ᠪᠤᠰᠤᠯᠠ᠃
ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠤᠨ 《ᠨᠤᠮᠢᠨ ᠨᠤᠭᠤᠭᠠᠨ ᠡᠷᠳᠡᠨᠢᠶ᠋ᠢᠨ ᠰᠠᠩ》
ᠡᠨᠡ ᠵᠢᠯᠤᠨ 6 ᠰᠠᠷᠠᠶ᠋ᠢᠨ 15 ᠤ ᠡᠲᠦᠷ᠂ ᠬᠢᠵᠢᠭᠤᠨ ᠨᠦᠯᠦᠬᠡᠠᠴᠠ ᠪᠤᠯᠵᠦ᠍ ᠡᠬᠦᠳᠡᠪᠠᠨ ᠲᠦᠷ ᠬᠠᠭᠠᠭᠠᠳ ᠪᠠᠢᠬ᠍ᠰᠠᠨ ᠤᠯᠤᠰᠤᠨ AAA ᠲᠡᠰᠤᠨ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠤᠷᠤᠨ ᠪᠤᠯᠬᠤ ᠤᠯᠭᠤᠶᠠ ᠦᠵᠡᠮᠵᠢᠶ᠋ᠢᠨ ᠤᠷᠤᠨ ᠡᠬᠦᠳᠡᠪᠠᠨ ᠨᠡᠭᠡᠭᠡᠵᠦ᠍ ᠵᠢᠭᠤᠯᠴᠢᠯᠠᠭ᠍ᠰᠠᠳᠢᠶᠠᠨ ᠤᠬ᠍ᠲᠤᠯᠠ᠃ ᠤᠢ ᠱᠢᠭᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠢᠶᠠᠷ ᠭᠤᠤᠯᠯᠠᠬ᠍ᠰᠠᠨ ᠲᠤᠰ ᠦᠵᠡᠮᠵᠢᠶ᠋ᠢᠨ ᠤᠷᠤᠨᠨᠢ ᠦᠵᠡᠮᠵᠢ ᠰᠤᠨᠢᠷᠬᠠᠬᠤ ᠵᠢᠭᠤᠯᠴᠢᠯᠠᠯᠠᠴᠠ ᠭᠠᠲᠠᠨᠠ ᠤᠯᠭᠤᠶᠠᠶ᠋ᠢᠨ ᠡᠸᠠᠩᠬᠢᠴᠤᠳᠤᠨ ᠬᠤᠷᠢᠮᠤᠨ ᠶᠤᠰᠤᠯᠠᠯ᠂ ᠤᠢ᠍ᠢᠰᠦᠨ ᠵᠢᠷᠤᠭ᠂ ᠴᠠ ᠪᠤᠭᠤᠶ᠋ᠢᠨ ᠰᠤᠶᠤᠯ ᠵᠡᠷᠭᠡ ᠪᠤᠲᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠢᠶᠠᠷᠢᠶᠠᠨ ᠲᠦᠷᠪᠡᠨ ᠵᠦᠭ ᠨᠠᠢ᠍ᠮᠠᠨ ᠵᠤᠪᠬᠢᠰᠤᠨ ᠵᠢᠭᠤᠯᠴᠢᠯᠠᠭ᠍ᠴᠢᠶ᠋ᠢ ᠲᠠᠲᠠᠵᠤ ᠪᠤᠢ᠃
ᠤᠯᠭᠤᠶᠠ ᠦᠵᠡᠮᠵᠢᠶ᠋ᠢᠨ ᠤᠷᠤᠨᠲᠠᠢ ᠠᠲᠠᠯᠢᠪᠠᠷ ᠮᠠᠨᠤ ᠤᠷᠤᠨᠤ ᠤᠢ ᠱᠢᠭᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯ ᠶᠠᠭ ᠦᠵᠡᠮᠵᠢ ᠰᠤᠨᠢᠷᠬᠠᠬᠤ ᠳ᠋ᠠᠩ ᠴᠤᠯᠭᠤᠢ ᠵᠢᠭᠤᠯᠴᠢᠯᠠᠯᠠᠴᠠ 《ᠵᠢᠭᠤᠯᠴᠢᠯᠠᠯ +》 ᠲᠡᠢᠰᠢ ᠬᠦᠭ᠌ᠵᠢᠵᠦ᠍᠂ ᠬᠠᠯᠠᠭᠤᠨ ᠷᠠᠱᠢᠶᠠᠨ᠂ ᠴᠠᠰᠦ ᠮᠦᠰᠦ᠂ ᠲᠠᠯᠠ ᠨᠤᠲᠤᠭ᠂ ᠭᠠᠯᠲᠦ ᠠᠭᠤᠯᠠ ᠵᠡᠷᠭᠡ ᠪᠠᠢᠭᠠᠯᠢᠶ᠋ᠢᠨ ᠦᠵᠡᠮᠵᠢ ᠬᠢᠬᠡᠳ ᠦᠪᠡᠷᠮᠢᠴᠨ ᠤᠨᠴᠠᠯᠢᠭᠲᠠᠢ ᠤᠢ ᠱᠢᠭᠤᠢᠶ᠋ᠢᠨ ᠵᠠᠩ ᠦᠶᠯᠡ ᠤᠶᠠᠯᠲᠤᠨ ᠬᠦᠭ᠌ᠵᠢᠭᠡᠳ ᠰᠤᠶᠤᠯ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠤᠨ ᠠᠭᠤᠲᠠᠯᠤᠭᠠᠳ ᠪᠠᠷᠠᠰᠢ ᠦᠬᠡᠢ 《ᠨᠤᠮᠢᠨ ᠨᠤᠭᠤᠭᠠᠨ ᠡᠷᠳᠡᠨᠢᠶ᠋ᠢᠨ ᠰᠠᠩ》 ᠪᠤᠯᠤᠬ᠍ᠰᠠᠨ ᠪᠢᠯᠡ᠃
ᠲᠡᠯᠡᠭᠡᠢᠶ᠋ᠢᠨ ᠬᠠᠮᠤᠭᠤᠨ ᠶᠡᠭᠡ ᠴᠢᠲᠠᠪᠬᠢᠲᠦ ᠷᠠᠱᠢᠶᠠᠨᠤ ᠲᠦᠷᠦᠯ ᠪᠤᠯᠬᠤ ᠷᠠᠱᠢᠶᠠᠨ — ᠴᠠᠢ ᠾᠧ ᠵᠢᠭᠤᠯᠴᠢᠯᠠᠯᠤᠨ ᠤᠷᠤᠨᠤ ᠬᠠᠯᠠᠭᠤᠨ ᠷᠠᠱᠢᠶᠠᠨᠤ ᠡᠬᠢ ᠪᠠᠶᠠᠯᠢᠭ ᠨᠢᠬᠡᠨᠳᠡ ᠷᠠᠱᠢᠶᠠᠨ ᠬᠤᠲᠠᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠤᠨ ᠭᠤᠤᠯ ᠲᠠᠲᠠᠬᠤ ᠬᠦᠴᠦᠨ ᠪᠤᠯᠪᠠ； ᠵᠠᠯᠠᠨ ᠠᠢᠯ ᠬᠤᠳᠠᠶ᠋ᠢᠨ ᠹᠧᠩ ᠬᠤᠸᠠᠩ ᠱᠠᠨ ᠠᠭᠤᠯᠠᠨᠤ ᠴᠠᠰᠦᠨᠳᠤ ᠭᠤᠯᠭᠤᠬᠤ ᠲᠠᠯᠠᠪᠠᠢ᠂ ᠤᠯᠠᠭᠠᠨᠬᠠᠲᠠ ᠬᠤᠲᠠᠶ᠋ᠢᠨ ᠮᠡᠢᠷᠡᠨ ᠭᠤᠤᠶ᠋ᠢᠨ ᠴᠠᠰᠦᠨᠳᠤ ᠭᠤᠯᠭᠤᠬᠤ ᠲᠠᠯᠠᠪᠠᠢ᠂ ᠬᠦᠬᠡᠬᠤᠲᠠᠶ᠋ᠢᠨ ᠤᠢ ᠱᠢᠭᠤᠢᠶ᠋ᠢᠨ ᠴᠡᠴᠡᠷᠯᠢᠭᠲᠠᠬᠢᠲᠠᠢ ᠸᠧᠢ ᠴᠠᠰᠦᠨᠳᠤ ᠭᠤᠯᠭᠤᠬᠤ ᠲᠠᠯᠠᠪᠠᠢ ᠵᠡᠷᠭᠡᠨᠢ ᠤᠢ ᠱᠢᠭᠤᠢ ᠪᠠ ᠴᠠᠰᠦ ᠮᠦᠰᠦ᠂ ᠴᠠᠰᠦ ᠮᠦᠰᠦ ᠪᠠ ᠪᠡᠶᠡᠶ᠋ᠢᠨ ᠲᠠᠮᠢᠷᠢ ᠤᠶᠠᠯᠲᠤᠭᠤᠯᠤᠬ᠍ᠰᠠᠨᠢᠶᠠᠷ ᠤᠯᠤᠰᠤᠨ ᠲᠤᠲᠤᠭᠠᠲᠦ ᠭᠠᠲᠠᠭᠠᠲᠦᠶ᠋ᠢᠨ ᠴᠠᠰᠦᠨᠳᠤ ᠭᠤᠯᠭᠤᠬᠤ ᠲᠤᠷᠠ ᠪᠠᠭ᠍ᠠᠲᠠᠳᠤᠨ ᠲᠠᠭᠠᠱᠢᠶᠠᠯᠢ ᠤᠯᠵᠦ᠍ ᠪᠠᠢᠨᠠ； ᠬᠦᠯᠦᠨ ᠪᠤᠢᠷᠤᠨ ᠲᠠᠯᠠ ᠨᠤᠲᠤᠭ᠂ ᠱᠢᠯᠢᠶ᠋ᠢᠨ ᠭᠤᠤᠯᠤᠨ ᠲᠠᠯᠠ ᠨᠤᠲᠤᠭ᠂ ᠬᠤᠷᠴᠢᠨᠤ ᠲᠠᠯᠠ ᠨᠤᠲᠤᠭᠤᠨ ᠰᠤᠯᠪᠢᠴᠠᠯ ᠤᠷᠤᠨ ᠪᠤᠯᠬᠤ ᠶᠡᠭᠡ ᠬᠢᠨᠭ᠌ᠭᠠᠨ ᠲᠠᠪᠠᠭᠠᠶ᠋ᠢᠨ ᠱᠢᠭᠤᠢ᠍ᠢᠲᠦ ᠤᠷᠤᠨᠨᠢ ᠡᠪᠡᠰᠤ ᠤᠷᠭᠤᠮᠠᠯ ᠤᠢ ᠮᠤᠳᠤᠶ᠋ᠢᠨ ᠪᠦᠷᠬᠦᠴᠡ ᠰᠠᠢᠳᠠᠢᠪᠠᠷᠢᠶᠠᠨ ᠰᠡᠯᠡᠬᠦᠴᠡᠵᠦ᠍ ᠵᠢᠭᠤᠯᠴᠢᠯᠠᠬᠤ ᠪᠠ ᠰᠤᠪᠢᠯᠠᠵᠤ ᠠᠮᠠᠷᠠᠬᠤ ᠬᠠᠮᠤᠭᠤᠨ ᠲᠤᠬᠢᠷᠠᠮᠵᠢᠲᠠᠢ ᠭᠠᠵᠠᠷ ᠪᠤᠯᠵᠠᠢ； ᠷᠠᠱᠢᠶᠠᠨ — ᠴᠠᠢ ᠾᠧ ᠵᠢᠭᠤᠯᠴᠢᠯᠠᠯᠤᠨ ᠤᠷᠤᠨᠤ 200 ᠭᠠᠷᠤᠢ ᠲᠡᠭ᠌ᠰᠢ ᠲᠦᠷᠪᠡᠯᠵᠢᠨ ᠺᠢᠯᠤᠮᠧᠲᠷᠤᠨ ᠪᠦᠷᠢᠨ ᠬᠠᠲᠠᠭᠠᠯᠠᠯᠲᠠᠲᠠᠢ ᠠᠽᠢᠶᠡ ᠲᠢᠪᠤᠨ ᠬᠠᠮᠤᠭᠤᠨ ᠶᠡᠭᠡ ᠭᠠᠯᠲᠦ ᠠᠭᠤᠯᠠᠨᠤ ᠮᠠᠬ᠍ᠮᠠᠶ᠋ᠢᠨ ᠭᠠᠵᠠᠷᠤᠨ ᠪᠠᠢᠴᠠ᠂ ᠤᠯᠠᠨ ᠦᠨᠲᠦᠰᠦᠳᠡᠨᠤ ᠰᠤᠶᠤᠯ ᠬᠠᠷᠢᠯᠴᠠᠨ ᠠᠭᠤᠰᠤᠯᠴᠠᠭ᠍ᠰᠠᠨ ᠦᠪᠡᠷᠮᠢᠴᠡ ᠰᠤᠶᠤᠯ ᠢᠷᠭᠡᠨᠱᠢᠯ ᠵᠡᠷᠭᠡᠨᠢ ᠠᠳᠡᠬᠢᠶ᠋ᠢᠨ ᠤᠢ ᠱᠢᠭᠤᠢᠶ᠋ᠢᠨ ᠠᠮᠢ ᠠᠬᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠯᠤᠲᠦ ᠶᠡᠭᠡ ᠲᠠᠲᠠᠬᠤ ᠬᠦᠴᠦᠨᠢ ᠪᠦᠷᠢᠯᠲᠦᠬᠦᠯᠦᠭ᠌ᠰᠡᠨ ᠠᠵᠢ᠃
ᠠᠵᠤ ᠠᠬᠤᠢᠶ᠋ᠢᠨ 《ᠨᠤᠮᠢᠨ ᠨᠤᠭᠤᠭᠠᠨ ᠬᠦᠳᠡᠯᠭᠡᠬᠦ᠌ ᠬᠦᠴᠦᠨ》
8 ᠰᠠᠷᠠᠶ᠋ᠢᠨ ᠷᠠᠱᠢᠶᠠᠨ ᠬᠤᠲᠠᠳᠤ ᠨᠠᠷᠠ ᠨᠠᠯᠠᠢᠵᠦ᠍ ᠨᠠᠪᠴᠢ ᠭᠤᠨᠭ᠌ᠬᠠᠨ᠂ ᠠᠭᠠᠷᠨᠢ ᠬᠦᠷᠳᠡᠯᠡ ᠴᠡᠭᠡᠵᠢ ᠤᠡᠭ᠌ᠭᠤᠢ᠍ᠢᠯᠭᠠᠨ ᠤᠬᠠᠭᠠᠨᠢ ᠰᠠᠷᠠᠭᠤᠯᠵᠢᠭᠤᠯᠤᠨᠠ᠃ ᠷᠠᠱᠢᠶᠠᠨ ᠬᠤᠲᠠᠶ᠋ᠢᠨ ᠤᠢ ᠱᠢᠭᠤᠢᠶ᠋ᠢᠨ ᠰᠤᠶᠤᠯ ᠢᠷᠭᠡᠨᠱᠢᠯᠤᠨ ᠰᠤᠶᠤᠯᠤᠨ ᠠᠵᠦ᠍ ᠦᠢᠯᠡᠰᠤᠨ ᠬᠦᠭ᠌ᠵᠢᠯᠳᠡᠶ᠋ᠢᠨ ᠬᠢᠵᠠᠭᠠᠷᠲᠦ ᠺᠤᠮᠫᠠᠨᠢᠳᠤ ᠬᠡᠲᠦᠨ ᠪᠦᠰᠡᠬᠦᠢ ᠤᠢ᠍ᠢᠰᠦᠨ ᠵᠢᠷᠤᠭ ᠬᠠᠢᠴᠢᠯᠠᠭᠠᠳ ᠶᠠᠭᠠᠷᠠᠯᠲᠤᠨᠠ᠃ 《2017 ᠤᠨᠠᠴᠠ ᠪᠢ ᠤᠢ᠍ᠢᠰᠦᠨ ᠵᠢᠷᠤᠭ ᠬᠢᠬᠦ᠌ᠶ᠋ᠢ ᠰᠤᠷᠤᠭ᠍ᠰᠠᠨ᠂ ᠤᠲᠤ ᠰᠠᠷᠠ ᠪᠦᠷᠢ ᠤᠢ᠍ᠢᠰᠦᠨ ᠵᠢᠷᠤᠭᠠᠴᠠᠪᠠᠨ 2000 ᠭᠠᠷᠤᠢ ᠲᠦᠬᠦᠷᠢᠭᠤᠨ ᠤᠷᠤᠯᠭᠠ ᠤᠯᠵᠤ ᠲᠠᠨᠢᠭᠦᠨ ᠵᠢᠷᠭᠠᠯᠳᠠᠢ ᠠᠮᠢᠳᠤᠷᠠᠵᠤ ᠪᠠᠢᠨᠠ》 ᠭᠡᠵᠦ᠍ ᠷᠠᠱᠢᠶᠠᠨ ᠬᠤᠲᠠᠶ᠋ᠢᠨ ᠰᠠᠭᠤᠭᠠᠯᠢ ᠠᠷᠠᠳ ᠬᠦ᠋ ᠴᠠᠩ ᠶᠦᠨ ᠤᠢ᠍ᠢᠰᠦᠨ ᠵᠢᠷᠤᠭᠢᠶᠠᠨ ᠬᠠᠢᠴᠢᠯᠠᠬᠤᠶ᠋ᠢᠨ ᠲᠠᠭᠠᠦ ᠪᠠᠶᠠᠷᠲᠠᠢ ᠶᠠᠷᠢᠨᠠ᠃
ᠷᠠᠱᠢᠶᠠᠨ ᠬᠤᠲᠠᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠤᠨ ᠬᠦᠭ᠌ᠵᠢᠯᠳᠡᠶ᠋ᠢ ᠲᠠᠭᠠᠯᠲᠤᠨ ᠤᠢ ᠱᠢᠭᠤᠢᠶ᠋ᠢᠨ ᠰᠤᠶᠤᠯ ᠢᠷᠭᠡᠨᠱᠢᠯᠤᠨ ᠪᠦᠲᠦᠭᠡᠭ᠌ᠳᠡᠬᠦᠨᠤ ᠪᠤᠷᠤᠯᠠᠭᠤᠯᠭᠠ ᠰᠠᠢᠵᠢᠷᠠᠵᠦ᠍᠂ ᠵᠢᠭᠤᠯᠴᠢᠯᠠᠯᠤᠨ ᠲᠠᠸᠠᠷᠤᠨ ᠲᠦᠷᠦᠯ ᠵᠦᠢᠯ ᠪᠠᠶᠠᠯᠢᠬ᠍ᠵᠢᠨ᠂ ᠪᠦᠬᠦ᠌ ᠬᠤᠲᠠᠶ᠋ᠢᠨ ᠠᠵᠤ ᠠᠬᠤᠢᠶ᠋ᠢᠨ ᠬᠦᠭ᠌ᠵᠢᠯᠳᠡᠶ᠋ᠢᠨ 《ᠨᠤᠮᠢᠨ ᠨᠤᠭᠤᠭᠠᠨ ᠬᠦᠳᠡᠯᠭᠡᠬᠦ᠌ ᠬᠦᠴᠦᠨ》 ᠪᠤᠯᠪᠠ᠃ ᠷᠠᠱᠢᠶᠠᠨ ᠬᠤᠲᠠᠲᠠᠢ ᠠᠳᠠᠯᠢᠪᠠᠷ ᠪᠦᠬᠦ᠌ ᠤᠷᠤᠨᠤ ᠬᠠᠮᠢᠶᠠ ᠪᠦᠬᠦᠢ ᠭᠠᠵᠠᠷᠤᠨᠬᠢᠨ ᠤᠷᠤᠨ ᠨᠤᠳᠤᠭᠤᠨ ᠤᠨᠴᠠᠯᠢᠭ ᠪᠠ ᠦᠪᠡᠷᠮᠢᠴᠡ ᠤᠢ ᠱᠢᠭᠤᠢᠶ᠋ᠢᠨ ᠡᠬᠢ ᠪᠠᠶᠠᠯᠢᠭᠲᠠᠭᠠᠨ ᠲᠦᠱᠢᠭ᠌ᠯᠡᠨ ᠤᠢ ᠱᠢᠭᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠲᠦᠷᠦᠯ ᠵᠦᠢᠯᠳᠡᠭᠡᠨ ᠲᠤᠬᠢᠷᠠᠭᠤᠯᠤᠯᠲᠠ ᠬᠢᠵᠦ᠍᠂ ᠵᠢᠭᠤᠯᠴᠢᠯᠠᠯᠤᠨ ᠲᠤᠨᠤᠭ ᠲᠦᠬᠦᠬᠡᠷᠦᠮᠵᠢᠪᠠᠨ ᠱᠢᠯᠢᠳᠡᠭ᠌ᠵᠢᠬᠦᠯᠦᠨ ᠠᠵᠦ᠍ ᠠᠬᠤᠢᠶ᠋ᠢᠨ ᠤᠷᠤᠯᠭᠠᠪᠠᠨ ᠨᠡᠮᠡᠭ᠌ᠳᠡᠬᠦᠯᠵᠦ᠍ ᠪᠠᠢᠨᠠ᠃
2019 ᠤᠨᠤ 《10.1 ᠤ ᠠᠮᠠᠷᠠᠯᠳᠠ》 ᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ ᠮᠠᠨᠤ ᠤᠷᠤᠨᠤ 28 ᠭᠤᠤᠯᠲᠠᠯᠭᠠᠲᠦ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠤᠷᠤᠨᠤ ᠬᠦᠯᠢᠶᠠᠨ ᠠᠪᠤᠬ᠍ᠰᠡᠨ ᠵᠢᠭᠤᠯᠴᠢᠯᠠᠬ᠍ᠴᠢ ᠪᠦᠬᠦ᠌ ᠤᠷᠤᠨᠤ ᠬᠦᠯᠢᠶᠡᠨ ᠠᠪᠤᠬ᠍ᠰᠠᠨ ᠵᠢᠭᠤᠯᠴᠢᠯᠠᠭ᠍ᠴᠢᠶ᠋ᠢᠨ ᠶᠡᠷᠦᠩᠭᠡᠢ ᠲᠤᠭᠠᠨᠤ 11.5% ᠶ᠋ᠢ ᠡᠵᠡᠯᠡᠵᠤ᠂ ᠵᠢᠭᠤᠯᠴᠢᠯᠠᠯᠤᠨ ᠪᠦᠬᠦ᠌ ᠤᠷᠤᠯᠭᠠᠨᠢ ᠪᠦᠬᠦ᠌ ᠤᠷᠤᠨᠤ ᠵᠢᠭᠤᠯᠴᠢᠯᠠᠯᠤᠨ ᠶᠡᠷᠦᠩᠭᠡᠢ ᠤᠷᠤᠯᠭᠠᠶ᠋ᠢᠨ 5% ᠶ᠋ᠢ ᠡᠵᠡᠯᠡᠭ᠌ᠰᠡᠨ ᠪᠠᠢᠨᠠ᠃ ᠡᠳᠡᠭᠡᠷ ᠦᠵᠡᠮᠵᠢᠶ᠋ᠢᠨ ᠤᠷᠤᠨᠳᠤ ᠠᠯᠠᠱᠠᠶ᠋ᠢᠨ ᠲᠤᠤᠷᠠᠢᠶ᠋ᠢᠨ ᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠤᠷᠤᠨ᠂ ᠬᠢᠨᠭ᠌ᠭᠠᠨ ᠠᠢᠮᠠᠭᠤᠨ ᠷᠠᠱᠢᠶᠠᠨ ᠤᠯᠤᠰᠤᠨ ᠤᠢ ᠱᠢᠭᠤᠢᠶ᠋ᠢᠨ ᠴᠡᠴᠡᠷᠯᠢᠭ᠂ ᠤᠯᠠᠭᠠᠨᠴᠠᠪ ᠬᠤᠲᠠᠶ᠋ᠢᠨ ᠰᠤᠮᠤ ᠠᠭᠤᠯᠠᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠤᠷᠤᠨ ᠵᠡᠷᠭᠡ ᠪᠠᠭ᠍ᠲᠠᠵᠦ᠍ ᠪᠤᠢ᠃ ᠡᠨᠡ ᠬᠦ᠌ ᠲᠤᠭᠠ ᠪᠠᠷᠢᠮᠲᠠᠠᠴᠠ ᠪᠢᠳᠡ ᠤᠢ ᠱᠢᠭᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠤᠨ ᠴᠢᠬᠤᠯᠠ ᠴᠢᠨᠠᠷ ᠪᠠ ᠬᠦᠭ᠌ᠵᠢᠯᠳᠡᠶ᠋ᠢᠨ ᠲᠠᠯᠲᠠ ᠬᠦᠴᠦᠨᠢ ᠤᠢ᠍ᠢᠯᠠᠭᠠᠵᠦ᠍ ᠪᠤᠯᠬᠤ ᠪᠦᠬᠡᠳ ᠬᠠᠮᠤᠭᠤᠨ ᠴᠢᠬᠤᠯᠠᠨᠢ ᠱᠢᠭᠤᠢ᠍ᠢᠲᠦ ᠤᠷᠤᠨᠤ ᠰᠠᠭᠤᠭᠠᠯᠢ ᠠᠷᠠᠳ ᠨᠢᠭᠡᠨᠳᠡ ᠤᠢ ᠱᠢᠭᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠠᠴᠠ ᠪᠤᠲᠠᠲᠠᠢ ᠦᠷᠡ ᠠᠱᠢᠭ ᠬᠦᠷᠳᠡᠭ᠌ᠰᠡᠨ ᠭᠡᠳᠡᠭᠢ ᠮᠡᠳᠡᠵᠦ᠍ ᠪᠤᠯᠬᠤ ᠶᠤᠮ᠃
2020 ᠤᠨᠤ ᠠᠷᠪᠠᠨ ᠲᠠᠪᠤᠲᠤᠭᠠᠷ ᠬᠤᠭᠤᠴᠠᠭᠠᠨᠤ ᠠᠯᠠᠱᠠᠶ᠋ᠢᠨ ᠪᠠᠭᠠᠲᠤᠳᠤᠨ ᠴᠤᠭ᠍ᠯᠠᠭᠠᠨ 10 ᠰᠠᠷᠠᠶ᠋ᠢᠨ 1 — 5 ᠤ ᠡᠲᠦᠷ ᠪᠤᠯᠲᠠᠯᠠ ᠠᠯᠠᠱᠠ ᠵᠡᠬᠦᠨ ᠬᠤᠱᠢᠭᠤᠨᠳᠤ ᠶᠠᠪᠤᠭ᠍ᠲᠠᠬᠤᠪᠠᠷ ᠪᠤᠢ᠃ ᠮᠠᠱᠢᠨ ᠲᠡᠷᠭᠡᠶ᠋ᠢᠨ ᠲᠤᠷᠠ ᠪᠠᠭ᠍ᠠᠲᠠᠳᠤᠨ ᠰᠤᠨᠢᠷᠬᠠᠯᠢ ᠲᠠᠲᠠᠭ᠍ᠰᠠᠨ ᠲᠤᠰ ᠤᠷᠤᠯᠲᠤᠭᠠᠨᠨᠢ ᠡᠬᠢᠯᠡᠨ ᠵᠤᠬᠢᠶᠠᠨ ᠪᠠᠢᠭᠤᠯᠤᠬ᠍ᠲᠠᠬ᠍ᠰᠠᠨᠠᠴᠠᠪᠠᠨ ᠠᠪᠤᠭᠠᠳ ᠰᠤᠶᠤᠯ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠲᠠᠢ ᠰᠠᠯᠤᠰᠢ ᠦᠬᠡᠢ ᠨᠢᠬ᠍ᠲᠠ ᠬᠤᠯᠪᠤᠭᠠᠲᠠᠢ ᠪᠠᠢᠵᠦ᠍᠂ ᠳ᠋ᠦᠩ ᠹᠧᠩ ᠰᠠᠨᠰᠠᠷᠤᠨ ᠬᠤᠲᠠ᠂ ᠪᠠᠲᠠᠢᠶ᠋ᠢᠨ ᠵᠢᠷᠠᠨᠤ ᠡᠯᠡᠰᠦ᠂ ᠲᠤᠤᠷᠠᠢᠶ᠋ᠢᠨ ᠤᠢᠶ᠋ᠢᠨ ᠦᠵᠡᠮᠵᠢᠶ᠋ᠢᠨ ᠤᠷᠤᠨᠲᠠᠢ ᠨᠡᠢᠯᠡᠬᠡᠳ 《ᠠᠯᠠᠱᠠᠶ᠋ᠢᠨ ᠪᠠᠭᠠᠲᠤᠳᠤᠨ ᠴᠤᠭ᠍ᠯᠠᠭᠠᠨ + ᠪᠦᠬᠦ᠌ ᠤᠷᠤᠨ ᠪᠦᠰᠡᠶ᠋ᠢᠨ ᠵᠢᠭᠤᠯᠴᠢᠯᠠᠯ》 ᠤᠨ ᠱᠢᠨᠡ ᠵᠠᠬ᠍ᠪᠦᠷᠢ ᠪᠤᠢ ᠪᠤᠯᠭᠠᠵᠦ᠍᠂ ᠠᠯᠠᠱᠠ ᠠᠢᠮᠠᠬᠤᠨ ᠰᠤᠶᠤᠯ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠤᠨ ᠬᠢᠯᠠᠰ ᠴᠡᠭ᠂ ᠠᠵᠦ᠍ ᠠᠬᠤᠢᠶ᠋ᠢᠨ ᠤᠷᠤᠯᠭᠠᠶ᠋ᠢᠨ ᠴᠢᠬᠤᠯᠠ ᠢᠷᠡᠯᠳᠡ ᠪᠤᠯᠵᠠᠢ᠃
ᠡᠵᠡᠨᠡᠶ᠋ᠢᠨ ᠲᠤᠤᠷᠠᠢᠶ᠋ᠢᠨ ᠤᠢᠶ᠋ᠢᠨ ᠦᠵᠡᠮᠵᠢᠶ᠋ᠢᠨ ᠤᠷᠤᠨ᠂ ᠶᠡᠭᠡ ᠬᠢᠨᠭ᠌ᠭᠠᠨ ᠲᠠᠪᠠᠭᠠᠶ᠋ᠢᠨ ᠱᠢᠭᠤᠢ᠍ᠢᠲᠦ ᠤᠷᠤᠨ᠂ ᠷᠠᠱᠢᠶᠠᠨ — ᠴᠠᠢ ᠾᠧ᠂ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠢᠳᠤ ᠬᠤᠱᠢᠭᠤᠨᠤ ᠴᠦᠡᠭ᠌ᠬᠦᠯᠤᠨ ᠭᠤᠤ᠂ ᠤᠯᠠᠭᠠᠨᠬᠠᠲᠠᠶ᠋ᠢᠨ ᠮᠡᠢᠷᠡᠨ ᠭᠤᠤ᠂ ᠠᠯᠠᠱᠠ ᠠᠭᠤᠯᠠ ᠁ ᠮᠠᠨᠤ ᠤᠷᠤᠨᠤ ᠤᠢ ᠱᠢᠭᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠤᠷᠤᠨᠤᠳ ᠨᠢᠭᠡᠨᠳᠡ ᠤᠯᠤᠰᠤᠨ ᠲᠤᠲᠤᠭᠠᠲᠦ ᠭᠠᠲᠠᠭᠠᠲᠦᠶ᠋ᠢᠨ ᠵᠢᠭᠤᠯᠴᠢᠯᠠᠭ᠍ᠰᠠᠳᠤᠨ ᠠᠩᠬᠠᠷᠤᠯᠢ ᠲᠠᠲᠠᠭ᠍ᠰᠠᠨ ᠬᠠᠷᠠᠯᠳᠠᠳᠤ ᠤᠷᠤᠨ ᠪᠤᠯᠵᠦ᠍᠂ ᠮᠠᠨᠤ ᠤᠷᠤᠨᠤ ᠤᠢ ᠱᠢᠭᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯ ᠶᠠᠭ ᠲᠦᠷᠪᠡᠨ ᠤᠯᠠᠷᠢᠯᠤᠨ ᠵᠢᠭᠤᠯᠴᠢᠯᠠᠯ᠂ ᠪᠦᠬᠦ᠌ ᠤᠷᠤᠨ ᠪᠦᠰᠡᠶ᠋ᠢᠨ ᠵᠢᠭᠤᠯᠴᠢᠯᠠᠯ ᠲᠡᠢᠰᠢ ᠡᠷᠴᠢᠮᠳᠡᠢ ᠠᠬᠢᠵᠤ ᠪᠠᠢᠨᠠ᠃