ᠤᠷᠤᠨ ᠨᠤᠳᠤᠭᠤᠨ ᠰᠤᠶᠤᠯᠤᠨ ᠰᠤᠳᠤᠯᠭᠠᠨ ᠪᠤᠯ ᠤᠷᠤᠨ ᠨᠤᠳᠤᠭᠤᠨ ᠨᠡᠢᠬᠡᠮ ᠲᠡᠤᠭᠡ᠂ ᠠᠵᠦ᠍ ᠠᠬᠤᠢ᠂ ᠰᠤᠶᠤᠯ ᠰᠤᠷᠭᠠᠨ ᠭᠦᠮᠦᠵᠢᠯ ᠵᠡᠷᠬᠡ ᠤᠯᠠᠨ ᠲᠠᠯᠠᠳᠤ ᠬᠤᠯᠪᠤᠭ᠍ᠳᠠᠵᠦ᠍᠂ ᠴᠢᠨᠠᠭ᠍ᠰᠢᠯᠠᠭᠠᠳ ᠦᠨᠳᠦᠰᠦᠳᠡᠨᠤ ᠰᠤᠶᠤᠯᠤᠨ ᠰᠤᠯᠢᠯᠴᠠᠭᠠᠶ᠋ᠢ ᠠᠬᠢᠭᠤᠯᠤᠨ᠂ ᠰᠤᠶᠤᠯᠤᠨ ᠢᠳᠡᠬᠡᠯᠢ ᠲᠡᠭᠡᠭ᠌ᠰᠢᠯᠡᠬᠦᠯᠬᠦ᠌ ᠴᠢᠬᠤᠯᠠ ᠠᠴᠢ ᠬᠤᠯᠪᠤᠭ᠍ᠳᠠᠯᠲᠠᠢ ᠶᠤᠮ᠃ ᠨᠢᠳᠤᠨᠤᠨᠤ 11 ᠰᠠᠷᠠᠶ᠋ᠢᠨ 23 ᠤ ᠡᠳᠦᠷ᠂ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠭᠡ ᠰᠤᠷᠭᠠᠭᠤᠯᠢᠳᠤ ᠶᠠᠪᠤᠭ᠍ᠳᠠᠬ᠍ᠰᠠᠨ ᠦᠪᠦᠷ ᠮᠤᠩᠭᠤᠯᠤᠨ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠠᠷᠠᠳᠤᠨ ᠠᠮᠠᠨ ᠵᠤᠬᠢᠶᠠᠯ ᠤᠷᠠᠯᠢᠭ ᠱᠢᠨᠵᠢᠯᠡᠯᠤᠨ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ᠄ 《ᠬᠦᠷᠢᠶᠠ ᠲᠡᠤᠭᠡ ᠰᠤᠶᠤᠯ ᠰᠤᠳᠤᠯᠤᠯᠤᠨ ᠴᠤᠪᠤᠷᠠᠯ ᠪᠢᠴᠢᠭ》 ᠪᠤᠯᠤᠨ ᠠᠨᠳᠠᠢ ᠰᠤᠶᠤᠯᠤᠨ ᠡᠷᠳᠡᠮ ᠱᠢᠨᠵᠢᠯᠡᠬᠡᠨᠤ ᠶᠠᠷᠢᠯᠴᠠᠭᠠᠨᠳᠤ᠂ 《ᠬᠦᠷᠢᠶᠠ ᠲᠡᠤᠭᠡ ᠰᠤᠶᠤᠯ ᠰᠤᠳᠤᠯᠤᠯᠤᠨ ᠴᠤᠪᠤᠷᠠᠯ ᠪᠢᠴᠢᠭ》 （1 — 18 ᠪᠤᠳᠢ） ᠤᠨ ᠬᠠᠳᠠᠬᠢ ᠰᠡᠬᠦᠵᠦ᠍᠂ ᠤᠯᠤᠰᠤᠨ ᠲᠤᠳᠤᠨᠠ ᠭᠠᠳᠠᠨᠠᠠᠴᠠ ᠬᠦᠷᠦᠯᠴᠡᠨ ᠢᠷᠡᠭ᠌ᠰᠡᠨ 40 ᠭᠠᠷᠤᠢ ᠡᠷᠳᠡᠮᠳᠡᠨ ᠰᠤᠳᠤᠯᠭᠠᠳᠠᠳᠠᠴᠠ ᠲᠤᠰ ᠴᠤᠪᠤᠷᠠᠯᠢ ᠤᠯᠠᠨ ᠲᠠᠯᠠᠠᠴᠠ ᠦᠨᠡᠯᠡᠨ ᠵᠠᠳᠠᠯᠬᠤ᠂ ᠠᠨᠳᠠᠢ ᠰᠤᠶᠤᠯ ᠰᠤᠳᠤᠯᠤᠯᠤᠨ ᠦᠡᠭ᠌ᠭᠡᠷᠡᠭ᠌ᠰᠡᠨ ᠤᠳᠤ ᠢᠷᠡᠬᠡᠳᠦᠢᠶ᠋ᠢᠨ ᠪᠠᠢᠳᠠᠯ ᠵᠢᠴᠢ ᠤᠷᠤᠨ ᠨᠤᠳᠤᠭᠤᠨ ᠰᠤᠶᠤᠯ ᠰᠤᠳᠤᠯᠤᠯᠤᠨ ᠬᠦᠷᠢᠶᠡᠨᠳᠠᠬᠢ ᠤᠯᠠᠨ ᠠᠰᠠᠭᠤᠳᠠᠯᠤᠳᠤᠨ ᠲᠤᠬᠠᠢ ᠤᠴᠢᠷᠯᠠᠨ ᠶᠠᠷᠢᠯᠴᠠᠵᠠᠭᠠᠬ᠍ᠰᠠᠨ ᠪᠢᠯᠡ᠃ ᠡᠷᠳᠡᠮᠳᠡᠳᠠᠴᠠ 《ᠬᠦᠷᠢᠶᠠ ᠲᠡᠤᠭᠡ ᠰᠤᠶᠤᠯ ᠰᠤᠳᠤᠯᠤᠯᠤᠨ ᠴᠤᠪᠤᠷᠠᠯ ᠪᠢᠴᠢᠭ》 （1 — 18 ᠪᠤᠳᠢ） ᠨᠢ ᠤᠷᠤᠨ ᠨᠤᠳᠤᠭᠤᠨ ᠲᠡᠤᠭᠡ ᠰᠤᠶᠤᠯᠢ ᠡᠮᠬᠢᠳᠭᠡᠨ ᠴᠤᠭ᠍ᠯᠠᠭᠤᠯᠵᠦ᠍᠂ ᠱᠢᠰᠲ᠋ᠧᠮᠵᠢᠬᠦᠯᠦᠨ ᠰᠤᠳᠤᠯᠬᠤᠳᠤ ᠦᠯᠢᠬᠡᠷ ᠵᠢᠱ᠌ᠢᠶᠠ ᠪᠤᠯᠬᠤᠢ᠍ᠢᠴᠠ ᠪᠦᠳᠦᠬᠡᠯ ᠪᠤᠯᠤᠨᠠ ᠬᠡᠵᠦ᠍ ᠦᠨᠳᠦᠷ ᠦᠨᠡᠯᠡᠯᠳᠡᠪᠠᠨ ᠦᠭ᠌ᠬᠦᠭ᠌ᠰᠡᠨ ᠪᠠᠢᠯᠠ᠃
ᠬᠦᠷᠢᠶᠠ ᠲᠡᠤᠭᠡ ᠰᠤᠶᠤᠯᠤᠨ 《ᠪᠦᠷᠢᠨ ᠪᠢᠴᠢᠭ》
《ᠬᠦᠷᠢᠶᠠ ᠲᠡᠤᠭᠡ ᠰᠤᠶᠤᠯ ᠰᠤᠳᠤᠯᠤᠯᠤᠨ ᠴᠤᠪᠤᠷᠠᠯ ᠪᠢᠴᠢᠭ》 ᠪᠤᠯ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠮᠤᠩᠭᠤᠯ ᠰᠤᠳᠤᠯᠤᠯᠤᠨ ᠲᠡᠬᠡᠳᠦ ᠰᠤᠷᠭᠠᠭᠤᠯᠢ ᠬᠢᠬᠡᠳ ᠲᠤᠮᠳᠠᠳᠦ ᠤᠯᠤᠰᠤᠨ ᠡᠪ ᠬᠠᠮᠳᠦ ᠨᠠᠮᠤᠨ ᠬᠦᠷᠢᠶᠠ ᠬᠤᠱᠢᠭᠤᠨᠤ ᠬᠤᠷᠢᠶᠠ᠂ ᠬᠦᠷᠢᠶᠠ ᠬᠤᠱᠢᠭᠤᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠤᠷᠳᠤᠨᠤ ᠬᠠᠮᠳᠤᠷᠠᠬ᠍ᠰᠠᠨ ᠲᠦᠰᠦᠯ᠂ ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠡᠳ᠋ᠤᠨ ᠵᠠᠰᠠᠬᠤᠨ ᠲᠢᠩᠬᠢᠮ ᠬᠢᠭᠡᠳ ᠬᠦᠷᠢᠶᠠ ᠬᠤᠱᠢᠭᠤᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠤᠷᠳᠤᠨᠤ ᠬᠠᠮᠵᠢᠯᠴᠠᠬ᠍ᠰᠠᠨ ᠪᠦᠳᠦᠬᠡᠯ ᠪᠠᠢᠵᠦ᠍᠂ 100 ᠭᠠᠷᠤᠢ ᠵᠤᠬᠢᠶᠠᠬ᠍ᠴᠢ᠂ ᠨᠠᠢᠷᠠᠭᠤᠯᠤᠬ᠍ᠴᠢ᠂ ᠤᠷᠴᠢᠭᠤᠯᠤᠬ᠍ᠴᠢ᠂ ᠬᠢᠨᠠᠬ᠍ᠴᠢ᠂ ᠲᠦᠰᠦᠪᠯᠡᠨ ᠤᠷᠠᠯᠠᠬ᠍ᠴᠢᠶ᠋ᠢᠨ 10 ᠵᠢᠯᠤᠨ ᠠᠵᠢᠯᠤᠨ ᠠᠮᠵᠢᠯᠳᠠ ᠪᠤᠯᠬᠤ ᠠᠵᠢ᠃
ᠬᠡᠯᠡᠬᠦ᠌ᠠᠴᠠ᠂ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠮᠤᠩᠭᠤᠯ ᠰᠤᠳᠤᠯᠤᠯᠤᠨ ᠲᠡᠬᠡᠳᠦ ᠰᠤᠷᠭᠠᠭᠤᠯᠢᠨᠢ ᠬᠦᠷᠢᠶᠠ ᠬᠤᠱᠢᠭᠤᠨᠤ ᠠᠷᠠᠳᠤᠨ ᠵᠠᠰᠠᠬᠤᠨ ᠤᠷᠳᠤᠨᠲᠠᠢ ᠬᠠᠮᠳᠤᠷᠠᠨ ᠠᠵᠢᠯᠯᠠᠬ᠍ᠰᠠᠨᠨᠢ ᠲᠤᠰ ᠴᠤᠪᠤᠷᠠᠯ ᠨᠤᠮᠤᠨ ᠬᠡᠪᠯᠡᠭ᠌ᠳᠡᠬᠦ᠌ ᠰᠠᠭᠤᠷᠢ᠂ ᠪᠡᠯᠡᠳᠭᠡᠯ ᠪᠤᠯᠬᠤ ᠶᠤᠮ᠃ 《2010 ᠤᠨᠤ 9 ᠰᠠᠷᠠᠶ᠋ᠢᠨ 23 ᠤ ᠡᠳᠦᠷ᠂ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠮᠤᠩᠭᠤᠯ ᠰᠤᠳᠤᠯᠤᠯᠤᠨ ᠲᠡᠬᠡᠳᠦ ᠰᠤᠷᠭᠠᠭᠤᠯᠢ ᠬᠢᠬᠡᠳ ᠬᠦᠷᠢᠶᠠ ᠬᠤᠱᠢᠭᠤᠨᠤ ᠠᠷᠠᠳᠤᠨ ᠵᠠᠰᠠᠬᠤᠨ ᠤᠷᠳᠤᠨ ᠬᠠᠮᠳᠤᠷᠠᠨ ᠠᠵᠢᠯᠯᠠᠬᠤ ᠬᠡᠷᠠ ᠲᠤᠭ᠍ᠳᠠᠵᠦ᠍᠂ 〈ᠦᠪᠦᠷ ᠮᠤᠩᠭᠤᠯᠤᠨ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠮᠤᠩᠭᠤᠯ ᠰᠤᠳᠤᠯᠤᠯᠤᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠱᠠᠱᠢᠨ ᠲᠡᠤᠭᠡ ᠰᠤᠶᠤᠯ ᠰᠤᠳᠤᠯᠬᠤ ᠰᠠᠭᠤᠷᠢᠨ〉 ᠤ ᠢᠯᠡᠷᠬᠡᠢᠯᠡᠯ ᠡᠯᠬᠦᠬᠦ᠌ ᠶᠤᠰᠤᠯᠠᠯᠢ ᠬᠦᠷᠢᠶᠡ ᠬᠤᠱᠢᠭᠤᠨᠳᠤ ᠶᠠᠪᠤᠭ᠍ᠳᠠᠭᠤᠯᠤᠬ᠍ᠰᠠᠨ ᠶᠤᠮ᠃ ᠡᠨᠡᠨᠢ ᠮᠠᠨᠤ ᠲᠡᠭᠡᠳᠦ ᠰᠤᠷᠭᠠᠭᠤᠯᠢᠶ᠋ᠢᠨᠬᠢᠨᠤ ᠬᠤᠱᠢᠭᠤ ᠲᠡᠰᠲᠤ ᠪᠠᠢᠭᠤᠯᠤᠬ᠍ᠰᠠᠨ ᠠᠩᠬᠠᠨᠤ ᠰᠠᠭᠤᠷᠢᠨ ᠪᠤᠯᠤᠨᠠ᠃ ᠲᠤᠰ ᠰᠠᠭᠤᠷᠢᠨᠤ ᠬᠠᠮᠵᠢᠯᠴᠠᠭᠠᠶ᠋ᠢᠨ ᠪᠢᠴᠢᠭᠤᠨ ᠠᠩᠬᠠᠨᠤ ᠲᠦᠰᠦᠯ ᠪᠤᠯ 〈ᠬᠦᠷᠢᠶᠠ ᠲᠡᠤᠭᠡ ᠰᠤᠶᠤᠯ ᠰᠤᠳᠤᠯᠤᠯᠤᠨ ᠴᠤᠪᠤᠷᠠᠯ ᠪᠢᠴᠢᠭ〉 ᠢ ᠬᠠᠮᠳᠤᠷᠠᠨ ᠬᠡᠪᠯᠡᠬᠦᠯᠬᠦ᠌ ᠠᠵᠢᠯ ᠪᠠᠢᠬ᠍ᠰᠠᠨ ᠶᠤᠮ》 ᠬᠡᠵᠦ᠍ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠮᠤᠩᠭᠤᠯ ᠰᠤᠳᠤᠯᠤᠯᠤᠨ ᠲᠡᠬᠡᠳᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠡᠳ᠋ ᠵᠠᠬᠢᠷᠦᠯ ᠡᠦ ᠶᠢᠩ ᠵᠧ ᠡᠷᠬᠢᠴᠡᠬᠦᠯᠦᠨᠠ᠃
《ᠬᠦᠷᠢᠶᠠ ᠨᠤᠳᠤᠭᠤᠨ ᠤᠯᠠᠨ ᠲᠦᠮᠡᠨᠤ 300 ᠭᠠᠷᠤᠢ ᠵᠢᠯᠤᠨ ᠲᠤᠷᠰᠢ ᠤᠯᠠᠮᠵᠢᠯᠠᠨ ᠱᠢᠨᠡᠴᠢᠯᠡᠵᠦ᠍᠂ ᠡᠬᠦᠳᠦᠨ ᠪᠦᠳᠦᠭᠡᠭ᠌ᠰᠡᠨ ᠠᠮᠢᠵᠢᠷᠡᠯᠤᠨ ᠬᠦᠴᠦᠨ ᠪᠦᠬᠦᠢ ᠠᠷᠠᠳᠤᠨ ᠰᠤᠶᠤᠯᠤᠨ ᠡᠯᠧᠮᠧᠨ᠋ᠲᠢ ᠠᠭᠤᠳᠠᠯᠤᠨ ᠴᠤᠭ᠍ᠯᠠᠭᠤᠯᠵᠦ᠍᠂ ᠡᠷᠢᠨ ᠢᠯᠡᠷᠡᠬᠦᠯᠵᠦ᠍᠂ ᠠᠬᠤᠭᠤᠯᠤᠮᠵᠢ ᠦᠨᠠ ᠴᠠᠨᠠᠶ᠋ᠢᠨᠢ ᠱᠢᠨᠵᠢᠯᠡᠨ ᠰᠤᠳᠤᠯᠵᠦ᠍᠂ ᠲᠡᠨᠢᠨ ᠮᠡᠳᠡᠵᠦ᠍᠂ ᠵᠠᠯᠭᠠᠮᠵᠢᠯᠠᠨ ᠬᠦᠭ᠌ᠵᠢᠬᠦᠯᠵᠦ᠍᠂ ᠬᠤᠱᠢᠭᠤ ᠨᠤᠳᠤᠭᠤᠨ ᠰᠤᠶᠤᠯ ᠪᠤᠯᠪᠠᠰᠤᠨᠢ ᠲᠡᠭᠡᠭ᠌ᠰᠢᠯᠡᠬᠦᠯᠬᠦ᠌ᠨᠢ ᠴᠤᠪᠤᠷᠠᠯ ᠪᠢᠴᠢᠭᠢ ᠲᠤᠭᠤᠷᠪᠢᠨ ᠬᠡᠪᠯᠡᠬᠦᠯᠬᠦ᠌ ᠵᠤᠷᠢᠯᠭᠠ ᠪᠤᠯᠬᠤ ᠶᠤᠮ᠃ 10 ᠭᠠᠷᠤᠢ ᠵᠢᠯᠤᠨ ᠬᠤᠭᠤᠴᠠᠭᠠᠨᠳᠤ᠂ ᠶᠡᠭᠡ ᠰᠤᠷᠭᠠᠭᠤᠯᠢ ᠬᠢᠬᠡᠳ ᠤᠷᠤᠨ ᠨᠤᠳᠤᠭᠤᠨ ᠬᠠᠮᠳᠤᠷᠠᠯ᠂ ᠰᠡᠳᠦᠪ ᠰᠤᠩᠭᠤᠯᠳᠠᠶ᠋ᠢᠨ ᠬᠠᠮᠳᠤᠷᠠᠯ᠂ ᠡᠷᠬᠢᠯᠡᠨ ᠨᠡᠢᠷᠡᠭᠤᠯᠤᠬ᠍ᠴᠢ᠂ ᠵᠤᠬᠢᠶᠠᠬ᠍ᠴᠢ᠂ ᠬᠡᠪᠯᠡᠭ᠌ᠴᠢᠶ᠋ᠢᠨ ᠬᠠᠮᠳᠦᠶ᠋ᠢᠨ ᠴᠢᠷᠮᠠᠢᠯᠭᠠᠪᠠᠷ ᠲᠤᠰ ᠢᠵᠢ ᠴᠤᠪᠤᠷᠠᠯ ᠪᠢᠴᠢᠭ ᠬᠡᠪᠯᠡᠭ᠌ᠳᠡᠯᠠ᠃ ᠠᠳᠡ ᠠᠷᠪᠠᠨ ᠵᠢᠯᠤᠨ ᠬᠤᠭᠤᠴᠠᠭᠠᠨᠳᠤ ᠨᠠᠰᠦ ᠨᠦᠭ᠌ᠴᠢᠭ᠌ᠰᠡᠨ ᠲᠠᠪᠤᠨ ᠶᠠᠰᠤᠳᠠᠨ ᠵᠤᠬᠢᠶᠠᠬ᠍ᠴᠢᠶ᠋ᠢᠨ ᠭᠠᠪᠢᠶᠠ ᠵᠢᠳᠬᠦᠯᠢ ᠲᠤᠷᠠᠰᠤᠨ ᠲᠡᠮᠳᠡᠭ᠌ᠯᠡᠵᠦ᠍᠂ ᠲᠤᠷᠠᠰᠦᠨ ᠰᠠᠨᠠᠭᠠᠯᠵᠠᠵᠦ᠍ ᠪᠠᠢᠭᠠᠪᠠᠨ ᠢᠯᠡᠳᠭᠡᠶᠠ！ ᠴᠤᠪᠤᠷᠠᠯ ᠪᠢᠴᠢᠭᠢ ᠬᠡᠪᠯᠡᠬᠦᠯᠬᠦ᠌ ᠶᠠᠪᠤᠴᠠᠳᠤ ᠬᠠᠪᠰᠤᠷᠤᠨ ᠲᠠᠮᠵᠢᠭ᠍ᠰᠡᠨ ᠨᠡᠢᠬᠡᠮᠤᠨ ᠡᠯᠠ ᠡᠳᠡᠭᠡᠳᠤᠨᠬᠢᠨᠳᠤ ᠲᠠᠯᠠᠷᠬᠠᠯᠠ᠃ ᠲᠠᠯᠠᠢᠭᠠᠴᠢ ᠨᠠᠴᠢᠨᠱᠤᠩᠬᠤᠷ 30 ᠵᠢᠯᠤᠨ ᠬᠡᠬᠡᠷᠠᠶ᠋ᠢᠨ ᠪᠠᠢᠴᠠᠭᠠᠯᠳᠠ ᠬᠢᠵᠦ᠍ ᠴᠤᠭ᠍ᠯᠠᠭᠤᠯᠤᠨ ᠡᠮᠬᠢᠳᠭᠡᠭ᠌ᠰᠡᠨ 100 ᠱᠢᠬᠠᠮ ᠵᠦᠢᠯᠤᠨ ᠪᠦᠬᠡᠶ᠋ᠢᠨ ᠲᠠᠭᠤᠳᠠᠯᠭᠠᠶ᠋ᠢ ᠪᠦᠬᠦᠨᠢ ᠦᠯᠡᠳᠡᠭᠡᠨ ᠦᠭ᠌ᠬᠦᠭ᠌ᠰᠡᠨ； ᠬᠦᠷᠢᠶ ᠠ ᠶᠠᠪᠠᠭᠠᠨ ᠦᠯᠢᠬᠡᠷᠤᠨ ᠲᠡᠮᠳᠡᠭ᠌ᠯᠡᠯ ᠬᠤᠭᠤᠰᠤᠨ ᠪᠠᠢᠭᠠ ᠦᠶᠠᠳᠤ᠂ ᠨᠠᠰᠦ ᠠᠬᠢᠬ᠍ᠰᠠᠨ ᠪᠠᠭᠠᠳᠤᠷ ᠪᠠᠭ᠍ᠰᠢ ᠶᠠᠪᠠᠭᠠᠨ ᠦᠯᠢᠬᠡᠷᠴᠢ ᠡᠬᠡᠨᠡᠷ ᠬᠡᠷᠡᠯᠤᠨᠢᠶᠠᠨ ᠶᠡᠷᠢᠬ᠍ᠰᠠᠨ 70 ᠱᠢᠬᠠᠮ ᠶᠠᠪᠠᠭᠠᠨ ᠦᠯᠢᠬᠡᠷᠢ ᠲᠡᠮᠳᠡᠭ᠌ᠯᠡᠵᠦ᠍ ᠦᠭ᠌ᠭᠦᠭ᠌ᠰᠡᠨ᠃ ᠪᠠᠰᠠ ᠪᠠᠭ᠍ᠰᠢ ᠪᠦᠬᠡᠳ ᠵᠤᠬᠢᠶᠠᠯᠴᠢ ᠱᠤᠸᠡᠩᠶ᠋ᠢᠨ ᠬᠤᠸᠠ ᠶᠠᠪᠠᠭᠠᠨ ᠦᠯᠢᠬᠡᠷᠴᠢ ᠡᠮᠡᠭᠡᠶ᠋ᠢᠨᠢᠶᠠᠨ ᠬᠡᠯᠡᠭ᠌ᠰᠡᠨ ᠶᠠᠪᠠᠭᠠᠨ ᠦᠯᠢᠬᠡᠷᠢ 70 ᠭᠠᠷᠤᠢ ᠲᠡᠮᠳᠡᠭ᠌ᠯᠡᠵᠦ᠍᠂ ᠲᠡᠮᠳᠡᠭ᠌ᠯᠡᠯᠤᠨ ᠲᠡᠪᠳᠡᠷᠢᠶᠠᠨ ᠢᠯᠡᠬᠡᠵᠦ᠍ ᠦᠭ᠌ᠭᠦᠭ᠌ᠰᠡᠨ ᠵᠡᠷᠬᠡ ᠰᠡᠳᠭᠢᠯ ᠬᠦᠳᠡᠯᠬᠡᠮᠠ ᠦᠯᠢᠭᠡᠷ ᠤᠯᠠᠨ ᠪᠤᠢ》 ᠬᠡᠵᠦ᠍ ᠲᠤᠰ ᠴᠤᠪᠤᠷᠠᠯ ᠨᠤᠮᠤᠨ ᠶᠡᠷᠦᠩᠬᠡᠢ ᠡᠷᠬᠢᠯᠡᠨ ᠨᠠᠢᠷᠠᠭᠤᠯᠤᠬ᠍ᠴᠢ᠂ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠡᠯᠱᠠ ᠫᠷᠤᠹᠧᠰᠰᠤᠷ ᠶᠠᠷᠢᠵᠦ᠍ ᠪᠠᠢᠬ᠍ᠰᠠᠨ ᠶᠤᠮ᠃
《ᠬᠦᠷᠢᠶᠠ ᠲᠡᠤᠭᠡ ᠰᠤᠶᠤᠯ ᠰᠤᠳᠤᠯᠤᠯᠤᠨ ᠴᠤᠪᠤᠷᠠᠯ ᠪᠢᠴᠢᠭ》 （1 — 18 ᠪᠤᠳᠢ） ᠨᠢ 《ᠬᠦᠷᠢᠶᠠ ᠠᠨᠳᠠᠢ ᠲᠤᠪᠴᠢᠶᠠ》᠂ 《ᠬᠦᠷᠢᠶᠠ ᠬᠤᠭᠤᠷᠤᠨ ᠦᠯᠢᠬᠡᠷ᠂ ᠬᠤᠯᠪᠤᠭᠠ᠂ ᠲᠦᠷᠪᠡᠨ ᠤᠳᠠᠰᠦᠳᠦ ᠬᠤᠭᠤᠷᠤᠨ ᠬᠦᠭ᠌ᠵᠢᠮᠤᠨ ᠲᠦᠢᠮᠦ᠍》᠂ 《ᠬᠦᠷᠢᠶᠠ ᠮᠤᠩᠭᠤᠯ ᠬᠡᠯᠡ ᠠᠮᠠᠨ ᠶᠠᠷᠢᠶ ᠠ ᠰᠤᠳᠤᠯᠤᠯ》᠂ 《ᠬᠦᠷᠢᠶᠡ ᠭᠠᠵᠠᠷᠤᠨ ᠨᠡᠷᠠᠶ᠋ᠢᠨ ᠰᠤᠶᠤᠯ ᠰᠤᠳᠤᠯᠤᠯ》᠂ 《ᠬᠦᠷᠢᠶᠠ ᠨᠤᠳᠤᠭ ᠤᠰᠤᠨᠤ ᠤᠷᠠᠨ ᠵᠤᠬᠢᠶᠠᠯ ᠰᠤᠳᠤᠯᠤᠯ》᠂ 《ᠬᠦᠷᠢᠶᠠ ᠠᠷᠠᠳᠤᠨ ᠶᠠᠪᠠᠭᠠᠨ ᠦᠯᠢᠬᠡᠷᠤᠨ ᠴᠤᠮᠤᠷᠯᠢᠭ》᠂ 《ᠬᠦᠷᠢᠶᠠ ᠠᠷᠠᠳᠤᠨ ᠲᠠᠭᠤᠤᠶ᠋ᠢᠨ ᠴᠤᠮᠤᠷᠯᠢᠭ》᠂ 《ᠬᠦᠷᠢᠶᠠ ᠮᠤᠩᠭᠤᠯᠴᠤᠳᠤᠨ ᠤᠪᠤᠭ ᠤᠭ᠍ᠰᠠᠭᠠᠶ᠋ᠢᠨ ᠴᠢᠭᠤᠯᠭᠠ》᠂ 《ᠬᠦᠷᠢᠶᠠ ᠲᠡᠤᠭᠡ ᠰᠤᠶᠤᠯᠤᠨ ᠲᠤᠮᠤᠭᠤᠨ ᠴᠤᠮᠤᠷᠯᠢᠬ》᠂ 《ᠬᠦᠷᠢᠶᠠ ᠪᠦᠬᠡ ᠮᠦᠷᠬᠦᠯᠤᠨ ᠲᠤᠪᠴᠢᠶᠠ》᠂ 《ᠬᠦᠷᠢᠶᠠ ᠪᠤᠷᠠᠬ᠍ᠨ ᠱᠠᠱᠢᠨᠤ ᠲᠤᠪᠴᠢᠶᠠ》᠂ 《ᠬᠦᠷᠢᠶᠠ ᠨᠡᠷᠡᠳᠦ ᠬᠦᠮᠦᠰᠤᠨ ᠴᠢᠭᠤᠯᠭᠠ》᠂ 《ᠬᠦᠷᠢᠶᠠ ᠤᠷᠠᠨ ᠪᠦᠳᠦᠬᠡᠯᠤᠨ ᠴᠤᠮᠤᠷᠯᠢᠭ》᠂ 《ᠬᠦᠷᠢᠶᠠᠶ᠋ᠢᠨ ᠰᠤᠶᠤᠯᠤᠨ ᠦᠪᠤᠨ ᠲᠤᠪᠴᠢᠶᠠ》᠂ 《ᠬᠦᠷᠢᠶᠠ ᠮᠤᠩᠭᠤᠯᠴᠤᠳᠤᠨ ᠵᠠᠩ ᠦᠢᠯᠡᠶ᠋ᠢᠨ ᠲᠤᠪᠴᠢᠶᠠ》᠂ 《ᠬᠦᠷᠢᠶᠠ ᠮᠤᠩᠭᠤᠯ ᠰᠤᠷᠭᠠᠨ ᠬᠦᠮᠦᠵᠢᠯᠤᠨ ᠲᠤᠪᠴᠢᠶᠠ》᠂ 《20 ᠳ᠋ᠤᠭᠠᠷ ᠵᠠᠭᠤᠨᠤ ᠡᠬᠢᠨ ᠬᠠᠭᠠᠰᠲᠠᠬᠢ ᠬᠦᠷᠢᠶᠠᠶ᠋ᠢᠨ ᠶᠠᠫᠤᠨ ᠬᠡᠯᠡᠨᠤ ᠮᠠᠲ᠋ᠧᠷᠢᠶᠠᠯᠤᠨ ᠰᠤᠩᠭᠤᠮᠠᠯ》᠂ 《ᠬᠦᠷᠢᠶᠠ ᠳᠡᠳ᠋ ᠠᠮᠠᠨ ᠠᠶᠠᠯᠭᠤᠶ᠋ᠢᠨ ᠦᠬᠡ ᠬᠡᠯᠡᠯᠬᠡᠶ᠋ᠢᠨ ᠮᠠᠲ᠋ᠧᠷᠢᠶᠠᠯ》 ᠵᠡᠷᠬᠡ 18 ᠪᠤᠳᠢᠪᠠᠷ ᠪᠦᠷᠢᠯᠳᠦᠵᠦ᠍᠂ ᠨᠡᠢᠳᠡ 18 ᠪᠤᠳᠢ᠂ 1020 ᠲᠦᠮᠡᠨ ᠦᠬᠡ ᠦᠰᠦᠭᠲᠠᠢ ᠲᠤᠮᠦ᠍ ᠪᠦᠳᠦᠬᠡᠯ ᠪᠤᠯᠤᠨᠠ᠃
— 10 ᠵᠢᠯᠤᠨ ᠲᠤᠷᠰᠢ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠡᠯᠱᠠ ᠫᠷᠤᠹᠧᠰᠰᠤᠷᠢᠶᠠᠷ ᠲᠦᠷᠦᠬᠦᠯᠡᠬᠦᠯᠦᠭ᠌ᠰᠡᠨ ᠤᠯᠠᠨ ᠡᠷᠳᠡᠮᠳᠡᠨ ᠰᠤᠳᠤᠯᠭᠠᠳᠠᠳ ᠦᠨᠳᠦᠰᠦᠳᠡᠨᠤ ᠰᠤᠶᠤᠯᠢᠶᠠᠨ ᠭᠡᠰᠡᠨ ᠭᠠᠯ ᠬᠠᠯᠠᠭᠤᠨ ᠰᠡᠳᠭᠢᠯᠬᠡ᠂ ᠭᠠᠨᠭ᠌ ᠪᠤᠯᠤᠳ ᠵᠤᠷᠢᠭᠢᠶᠠᠷ᠂ ᠬᠦᠴᠢᠷ ᠪᠡᠷᠬᠡᠶ᠋ᠢ ᠲᠤᠭᠤᠯᠤᠨ᠂ ᠴᠢᠨᠡᠷ ᠰᠠᠢᠳᠠᠢ᠂ ᠦᠨᠳᠦᠷ ᠪᠠᠷᠢᠮᠵᠢᠶᠡ ᠪᠦᠬᠦᠢ ᠲᠤᠰ ᠴᠤᠪᠤᠷᠠᠯ ᠨᠤᠮᠢ ᠪᠦᠳᠦᠬᠡᠵᠡᠢ᠃ 《ᠴᠤᠪᠤᠷᠠᠯ ᠪᠢᠴᠢᠭ》 ᠨᠢ ᠬᠦᠷᠢᠶᠠ ᠬᠤᠱᠢᠭᠤᠶ᠋ᠢᠨ ᠲᠡᠤᠭᠡ ᠰᠤᠶᠤᠯᠤᠨ ᠦᠨᠡᠳᠦ ᠰᠤᠳᠤᠷ ᠪᠠᠢᠵᠦ᠍᠂ ᠲᠡᠬᠦᠨᠤ ᠬᠡᠪᠯᠡᠭ᠌ᠳᠡᠭ᠌ᠰᠡᠨᠨᠢ ᠬᠦᠷᠢᠶᠠ ᠬᠤᠱᠢᠭᠤᠨᠤ ᠠᠵᠦ᠍ ᠠᠬᠤᠢ᠂ ᠨᠡᠢᠬᠡᠮᠤᠨ ᠴᠢᠨᠡᠷ ᠰᠠᠢᠳᠠᠢ ᠬᠦᠭ᠌ᠵᠢᠯᠳᠡᠶ᠋ᠢ ᠠᠭᠢᠭᠤᠯᠬᠤ ᠪᠠ ᠬᠦᠷᠢᠶᠠ ᠬᠤᠱᠢᠭᠤᠨᠤ ᠨᠡᠷᠠ ᠠᠯᠳᠠᠷᠱᠢᠯᠢ ᠲᠡᠭᠡᠭ᠌ᠰᠢᠯᠡᠬᠦᠯᠬᠦ᠌ᠳᠤ ᠠᠯᠤᠰ ᠬᠡᠳᠦᠶ᠋ᠢᠨ ᠠᠴᠢ ᠬᠤᠯᠪᠤᠭ᠍ᠳᠠᠯᠲᠠᠢ ᠶᠤᠮ ᠭᠡᠵᠦ᠍ ᠬᠦᠷᠢᠶᠠ ᠬᠤᠱᠢᠭᠤᠨᠤ ᠨᠠᠮᠤᠨ ᠬᠤᠷᠢᠶᠠᠶ᠋ᠢᠨ ᠪᠠᠢᠡᠭ᠌ᠭᠤᠶ᠋ᠢᠨ ᠬᠡᠱᠢᠬᠦᠨ ᠪᠤᠤ ᠸᠧᠡ ᠯᠠᠨ ᠰᠡᠳᠭᠢᠯ ᠲᠤᠭ᠍ᠳᠤᠯᠤᠨ ᠶᠠᠷᠢᠵᠦ᠍ ᠪᠠᠢᠬ᠍ᠰᠠᠨ ᠶᠤᠮ᠃
ᠤ᠊ ᠷᠤᠨ ᠨᠤᠳᠤᠭᠤᠨ ᠰᠤᠶᠤᠯᠤᠨ ᠪᠦᠬᠦᠯᠢ ᠴᠤᠭ᠍ᠴᠠᠳᠦ ᠰᠤᠳᠤᠯᠤᠯᠤᠨ ᠰᠤᠳᠤᠨ ᠪᠦᠳᠦᠬᠡᠯ
ᠤᠳᠤᠬᠠᠨᠳᠤ᠂ ᠮᠤᠩᠭᠤᠯ ᠰᠤᠳᠤᠯᠤᠯ ᠬᠤᠶᠡᠷ ᠶᠡᠭᠡ ᠱᠤᠭᠤᠮᠢᠶᠠᠷ ᠬᠦᠨᠵᠡᠬᠡᠢᠷᠡᠬᠦ᠌ ᠬᠠᠨᠳᠤᠰᠢᠲᠠᠢ᠃ ᠨᠢᠬᠡᠨᠢ᠂ ᠮᠤᠩᠭᠤᠯᠴᠤᠳᠤᠨ ᠬᠦᠮᠦᠨ ᠲᠦᠷᠦᠯᠬᠢᠳᠡᠨᠳᠤ ᠦᠵᠡᠬᠦᠯᠦᠭ᠌ᠰᠡᠨ ᠬᠤᠪᠢ ᠨᠡᠮᠡᠷᠢᠶ᠋ᠢ ᠬᠤᠷᠸᠠ ᠲᠠᠯᠠᠠᠴᠠ ᠰᠤᠳᠤᠯᠵᠦ᠍᠂ ᠨᠦᠬᠦᠬᠡᠨᠢ ᠮᠤᠩᠭᠤᠯᠴᠤᠳᠤᠨ ᠤᠪᠤᠭ ᠠᠢᠮᠠᠬᠠᠴᠠ ᠤᠷᠤᠨ ᠨᠤᠳᠤᠭ ᠬᠦᠷᠳᠡᠯᠡᠬᠢ ᠪᠢᠴᠢᠯ ᠰᠤᠳᠤᠯᠭᠠᠨ ᠪᠤᠯᠬᠤ ᠶᠤᠮ᠃ ᠡᠬᠦᠨᠳᠤ᠂ ᠰᠠᠶᠢᠬᠠᠨ ᠬᠡᠪᠯᠡᠭ᠌ᠳᠡᠭ᠌ᠰᠡᠨ 《ᠬᠦᠷᠢᠶᠠ ᠲᠡᠤᠭᠡ ᠰᠤᠶᠤᠯ ᠰᠤᠳᠤᠯᠤᠯᠤᠨ ᠴᠤᠪᠤᠷᠠᠯ ᠪᠢᠴᠢᠭ》 ᠪᠤᠯ ᠤᠷᠤᠨ ᠨᠤᠳᠤᠭᠲᠤ ᠴᠢᠭ᠌ᠯᠡᠬᠦᠯᠦᠭ᠌ᠰᠡᠨ ᠪᠢᠴᠢᠯ ᠰᠤᠳᠤᠯᠭᠠᠨᠤ ᠴᠢᠬᠤᠯᠠ ᠨᠢᠬᠡᠨ ᠲᠦᠯᠦᠭᠡᠯᠡᠭ᠌ᠴᠢ ᠪᠤᠯᠤᠨᠠ᠄ ᠲᠤᠬᠠᠢᠯᠠᠪᠠᠯ᠂ ᠤᠷᠤᠨ ᠨᠤᠳᠤᠭᠤᠨ ᠬᠠᠮᠢᠶ ᠠ ᠪᠦᠬᠦᠢ ᠰᠤᠷᠪᠤᠯᠵᠢ ᠪᠢᠴᠢᠭᠢ ᠬᠠᠢᠨ ᠱᠢᠬᠦᠬᠦ᠂ ᠬᠡᠬᠡᠷ ᠠᠶ᠋ᠢᠨ ᠪᠠᠢᠴᠠᠭᠠᠯᠳᠠᠪᠠᠷ ᠮᠠᠲ᠋ᠧᠷᠢᠶᠠᠯ ᠴᠤᠭ᠍ᠯᠠᠭᠤᠯᠬᠤ᠂ 18 ᠲᠡᠯᠠᠠᠴᠠ ᠤᠷᠤᠨ ᠨᠤᠳᠤᠭᠤᠨ ᠰᠤᠶᠤᠯᠢ ᠤᠨᠤᠯᠤᠨ ᠦᠨᠳᠦᠷ ᠲᠦᠪᠱᠢᠨᠠᠴᠠ ᠨᠡᠯᠢᠶᠡᠳ ᠬᠦᠨᠵᠡᠬᠡᠢ ᠱᠢᠰᠲ᠋ᠧᠮᠲᠠᠢ ᠰᠤᠳᠤᠯᠵᠦ᠍᠂ ᠬᠦᠷᠢᠶᠠ ᠰᠤᠶᠤᠯᠤᠨ ᠦᠨᠳᠦᠰᠦᠨ ᠰᠤᠶᠤᠯᠤᠨ ᠲᠤᠭ᠍ᠳᠠᠯᠴᠠᠭᠠᠶ᠋ᠢ ᠪᠠᠢᠭᠤᠯᠵᠦ᠍᠂ ᠬᠦᠷᠢᠶᠠ ᠰᠤᠶᠤᠯᠤᠨ ᠶᠡᠷᠦᠩᠬᠡᠢ ᠤᠨᠴᠠᠯᠢᠭᠢ ᠡᠵᠡᠮᠳᠡᠭ᠌ᠰᠡᠨ； ᠲᠡᠬᠡᠳᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠡᠷᠳᠡᠮᠳᠡᠨ ᠪᠤᠯᠤᠨ ᠤᠷᠤᠨ ᠨᠤᠳᠤᠭᠤᠨ ᠡᠷᠳᠡᠮᠳᠡᠨ᠂ ᠲᠡᠬᠡᠳᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠡᠷᠳᠡᠮᠳᠡᠨ ᠪᠤᠯᠤᠨ ᠤᠷᠤᠨ ᠨᠤᠳᠤᠬᠤᠨ ᠵᠠᠰᠠᠬᠤᠨ ᠤᠷᠳᠤᠨ᠂ ᠬᠦᠷᠢᠶᠠ ᠨᠤᠳᠤᠭᠲᠠᠢ ᠡᠷᠳᠡᠮᠳᠡᠨ ᠪᠤᠯᠤᠨ ᠪᠤᠰᠤᠳ ᠨᠤᠳᠤᠭᠤᠨ ᠡᠷᠳᠡᠮᠳᠡᠨ ᠬᠠᠮᠳᠤᠷᠠᠨ ᠪᠦᠳᠦᠭᠡᠭ᠌ᠰᠡᠨ ᠤᠷᠤᠨ ᠨᠤᠳᠤᠭᠤᠨ ᠰᠤᠶᠤᠯ ᠲᠡᠤᠭᠡᠶ᠋ᠢᠨ ᠠᠮᠵᠢᠯᠳᠡᠲᠠᠢ ᠲᠤᠷᠱᠢᠴᠠ ᠪᠤᠯᠬᠤᠶ᠋ᠢ ᠬᠤᠷᠠᠯᠳᠤ ᠤᠷᠤᠯᠴᠠᠬ᠍ᠰᠠᠨ ᠡᠷᠳᠡᠮᠳᠡᠳ ᠰᠠᠨᠠᠯ ᠨᠢᠬᠡᠳᠡᠢ ᠦᠵᠡᠵᠡᠬᠡᠵᠦ᠍ ᠪᠠᠢᠯᠠ᠃
ᠦᠪᠦᠷ ᠮᠤᠩᠭᠤᠯᠤᠨ ᠨᠡᠢᠬᠡᠮᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠤᠨ ᠲᠡᠳ᠋ ᠵᠡᠬᠢᠷᠦᠯ᠂ ᠰᠤᠳᠤᠯᠤᠬ᠍ᠴᠢ᠂ ᠲᠤᠮᠳᠠᠳᠦ ᠤᠯᠤᠰᠤᠨ ᠮᠤᠩᠭᠤᠯ ᠰᠤᠳᠤᠯᠤᠯᠤᠨ ᠨᠡᠢᠬᠡᠮᠯᠢᠭᠤᠨ ᠶᠡᠷᠦᠩᠬᠡᠢ ᠨᠡᠷᠢᠨ ᠪᠢᠴᠢᠭᠤᠨ ᠲᠠᠷᠤᠭᠠᠶ᠋ᠢᠨ ᠬᠠᠢ ᠳ᠋ᠤᠺᠲ᠋ᠤᠷᠠᠴᠠ ᠲᠤᠰ ᠴᠤᠪᠤᠷᠠᠯ ᠪᠢᠴᠢᠭᠤᠨ ᠤᠨᠴᠠᠯᠢᠭᠢ 《ᠠᠭᠤᠯᠭᠠ ᠪᠦᠷᠢᠨ᠂ ᠬᠠᠷᠠᠭᠠᠰᠦ ᠦᠷᠬᠡᠨ᠂ ᠠᠷᠭᠠ ᠤᠯᠠᠨ； ᠰᠤᠳᠤᠯᠭᠠᠨᠤ ᠱᠢᠰᠲ᠋ᠧᠮᠳᠦ ᠴᠢᠨᠡᠷ ᠪᠤᠯᠤᠨ ᠡᠷᠳᠡᠮ ᠱᠢᠨᠵᠢᠯᠡᠬᠡᠨᠤ ᠲᠦᠷᠢᠮᠵᠢᠯᠢᠶᠠᠷ ᠴᠢᠩᠭᠠ； ᠤᠷᠤᠨ ᠨᠤᠳᠤᠭᠤᠨ ᠰᠤᠶᠤᠯᠤᠨ ᠡᠯᠧᠮᠧᠨ᠋ᠲ᠂ ᠦᠵᠡᠭ᠌ᠳᠡᠯ᠂ ᠲᠡᠤᠭᠡ ᠰᠤᠶᠤᠯᠤᠨ ᠨᠡᠷᠡᠳᠦ ᠬᠦᠮᠦᠰᠤᠨ ᠲᠠᠨᠢᠯᠴᠠᠭᠤᠯᠭᠠ ᠪᠤᠯᠤᠨ ᠦᠨᠡᠯᠡᠯᠳᠡᠨᠢ ᠪᠤᠰᠤᠳᠴᠢ； ᠬᠦᠷᠢᠶᠠ ᠬᠤᠱᠢᠭᠤᠨᠤ ᠰᠤᠶᠤᠯᠤᠨ ᠬᠤᠷᠸᠠ ᠵᠠᠬ᠍ᠪᠤᠷ ᠪᠤᠯᠤᠨ ᠬᠤᠮᠠᠬᠢ ᠮᠡᠳᠡᠯᠬᠡᠶ᠋ᠢᠨ ᠱᠢᠰᠲ᠋ᠧᠮ ᠵᠢᠴᠢ ᠪᠤᠰᠤᠳ ᠰᠤᠶᠤᠯᠤᠨ ᠡᠯᠧᠮᠧᠨ᠋ᠲᠤᠨ ᠦᠨᠳᠦᠰᠤᠨ ᠤᠨᠤᠯᠤᠨ ᠱᠢᠰᠲ᠋ᠧᠮᠢ ᠴᠤᠭ᠍ᠴᠠᠯᠠᠬ᠍ᠰᠠᠨ； ᠰᠤᠳᠤᠯᠭᠠᠨ ᠬᠦᠨᠵᠡᠬᠡᠢ ᠬᠤᠷᠢᠶᠠᠩᠭᠤᠢ᠍ᠢᠯᠠᠯ ᠤᠨᠤᠪᠴᠢᠳᠠᠢ᠃ ᠬᠦᠷᠢᠶᠠ ᠰᠤᠶᠤᠯᠤᠨ ᠠᠭᠤᠤᠴᠢ ᠪᠦᠳᠦᠴᠡᠶ᠋ᠢᠨ ᠱᠢᠰᠲᠧᠮ ᠪᠤᠯᠤᠨ ᠪᠢᠴᠢᠯ ᠮᠡᠳᠡᠯᠬᠡᠶ᠋ᠢᠨ ᠲᠤᠭ᠍ᠳᠠᠯᠴᠠᠭᠠ᠂ ᠵᠡᠷᠢᠮ ᠰᠤᠶᠤᠯᠤᠨ ᠡᠯᠧᠮᠧᠨ᠋ᠲᠤᠨ ᠤᠨᠤᠯᠤᠨ ᠲᠤᠭ᠍ᠳᠠᠯᠴᠠᠭᠠᠶ᠋ᠢ ᠪᠦᠳᠦᠬᠡᠵᠦ᠍᠂ ᠦᠨᠳᠦᠰᠦᠳᠡᠨᠤ ᠨᠡᠢᠳᠡᠯᠢᠭ ᠱᠢᠨᠵᠢ ᠪᠠ ᠤᠷᠤᠨ ᠨᠤᠳᠤᠭᠤᠨ ᠦᠪᠡᠷᠮᠢᠴᠡ ᠱᠢᠨᠵᠢᠶ᠋ᠢ ᠢᠯᠡᠷᠡᠬᠦᠯᠵᠡᠢ᠃ ᠴᠤᠪᠤᠭᠠ ᠴᠠᠬ ᠪᠤᠯᠤᠨ ᠬᠠᠮ ᠴᠠᠬᠤᠨ ᠱᠢᠨᠵᠢᠯᠡᠬᠡᠨᠢᠶᠠᠷ ᠬᠦᠷᠢᠶᠠ ᠰᠤᠶᠤᠯᠤᠨ ᠪᠦᠬᠦᠯᠢ ᠴᠤᠭ᠍ᠴᠠᠶ᠋ᠢᠨ ᠶᠡᠷᠦᠩᠬᠡᠢ ᠤᠨᠴᠠᠯᠢᠭᠢ ᠬᠤᠷᠢᠶᠠᠩᠭᠤᠢ᠍ᠢᠯᠠᠵᠠᠢ》 ᠭᠡᠬᠦ᠌ ᠵᠡᠷᠬᠡᠪᠠᠷ ᠦᠨᠡᠯᠡᠨ ᠶᠠᠷᠢᠬ᠍ᠰᠠᠨ ᠶᠤᠮ᠃
ᠲᠦᠪᠤᠨ ᠦᠨᠳᠦᠰᠦᠳᠡᠨᠤ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠫᠷᠤᠹᠧᠰᠰᠤᠷ ᠰᠡᠷᠡᠨᠬᠡᠷᠡᠯᠠᠴᠠ᠂ 《ᠬᠦᠷᠢᠶᠠ ᠪᠦᠬᠡ ᠮᠦᠷᠬᠦᠯᠤᠨ ᠲᠤᠪᠴᠢᠶᠠ》 ᠨᠢ ᠵᠦᠪᠬᠡᠨ ᠪᠦᠬᠡ ᠮᠦᠷᠬᠦᠯᠤᠨ ᠬᠦᠷᠢᠶᠡᠨᠳᠤ ᠲᠡᠳᠦᠢ ᠦᠬᠡᠢ᠂ ᠨᠡᠢᠳᠡ ᠮᠤᠩᠭᠤᠯ ᠰᠤᠳᠤᠯᠤᠯᠤᠨ ᠬᠤᠯᠪᠤᠭ᠍ᠳᠠᠯ ᠪᠦᠬᠦᠢ ᠡᠯᠠ ᠬᠦᠷᠢᠶᠠᠨᠳᠤ ᠰᠤᠳᠤᠯᠭᠠᠨᠤ ᠱᠢᠨᠠ ᠰᠠᠨᠠᠭᠠ ᠤᠳᠭᠠ᠂ ᠱᠢᠨᠠ ᠰᠡᠳᠦᠪ᠂ ᠱᠢᠨᠠ ᠴᠢᠭ ᠬᠠᠨᠳᠤᠯᠭᠠ᠂ ᠴᠢᠨᠠᠭ᠍ᠰᠢᠯᠠᠪᠠᠯ ᠱᠢᠨᠠ ᠰᠤᠳᠤᠯᠭᠠᠨᠤ ᠬᠦᠷᠢᠶᠠ ᠴᠡᠷᠠ ᠨᠡᠬᠡᠬᠡᠭ᠌ᠰᠡᠨ ᠠᠴᠢ ᠬᠤᠯᠪᠤᠬ᠍ᠳᠠᠯᠲᠠᠢ； ᠮᠤᠩᠭᠤᠯ ᠤᠯᠨᠨ ᠤᠪᠤᠭ ᠶᠠᠰᠦᠳᠠᠨᠤ ᠪᠦᠬᠡ ᠮᠦᠷᠬᠦᠯᠤᠨ ᠬᠦᠭ᠌ᠵᠢᠯᠤᠨ ᠲᠡᠤᠭᠡ ᠵᠢᠴᠢ ᠰᠤᠳᠤᠯᠭᠠᠨᠤ ᠲᠡᠤᠭᠡᠨ ᠴᠠᠬ ᠦᠶᠠᠶ᠋ᠢ ᠵᠠᠭᠠᠬ᠍ᠯᠠᠬ᠍ᠰᠠᠨ ᠠᠴᠢ ᠬᠤᠯᠪᠤᠬ᠍ᠳᠠᠯᠲᠠᠢ ᠪᠦᠳᠦᠬᠡᠯ ᠪᠤᠯᠵᠠᠢ ᠬᠡᠪᠡ᠃
ᠦᠪᠦᠷ ᠮᠤᠩᠭᠤᠯᠤᠨ ᠦᠨᠳᠦᠰᠦᠳᠡᠨᠤ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠫᠷᠤᠹᠧᠰᠰᠤᠷ ᠭᠠ᠊ · ᠤᠯᠠᠭᠠᠨᠪᠠᠭᠠᠳᠤᠷᠠᠴᠠ᠂ ᠲᠤᠰ ᠴᠤᠪᠤᠷᠠᠯ ᠪᠢᠴᠢᠭᠨᠢ ᠲᠤᠮᠳᠠᠳᠦ ᠤᠯᠤᠰᠤᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠤᠷᠠᠨ ᠵᠤᠬᠢᠶᠠᠯᠤᠨ ᠰᠤᠳᠤᠯᠭᠠᠨᠤ ᠬᠦᠷᠢᠶᠠᠨᠳᠤ ᠬᠤᠱᠢᠭᠤ ᠨᠤᠳᠤᠭᠤᠨ ᠤᠷᠠᠨ ᠵᠤᠬᠢᠶᠠᠯᠢ ᠠᠩᠬᠠ ᠠᠯᠬᠤᠮ᠂ ᠨᠠᠷᠢᠯᠢᠬ᠂ ᠬᠦᠨᠵᠡᠬᠡᠢ᠂ ᠱᠢᠰᠲ᠋ᠧᠮᠲᠠᠢ ᠰᠤᠳᠤᠯᠵᠠᠢ᠃ ᠲᠤᠬᠠᠢᠯᠠᠪᠠᠯ ᠨᠤᠳᠤᠬ ᠤᠰᠤᠨᠤ ᠤᠷᠠᠨ ᠵᠤᠬᠢᠶᠠᠯᠤᠨ ᠤᠨᠤᠯᠤᠨ ᠰᠦᠪᠡᠭ᠌ᠴᠢᠯᠡᠯ᠂ ᠨᠤᠳᠤᠬ ᠤᠰᠤᠨᠤ ᠤᠷᠠᠨ ᠵᠤᠬᠢᠶᠠᠯᠤᠨ ᠱᠢᠰᠲ᠋ᠧᠮᠳᠦ ᠰᠤᠳᠤᠯᠭᠠᠨᠤ ᠱᠢᠨᠠ ᠵᠠᠬ᠍ᠪᠤᠷ᠂ ᠲᠡᠤᠭᠡᠶ᠋ᠢᠨ ᠬᠠᠷᠠᠭᠠᠰᠦᠨᠤ ᠲᠤᠯᠢᠳᠡᠯ ᠪᠤᠯᠤᠨ ᠬᠤᠱᠢᠭᠤ ᠨᠤᠳᠤᠭᠤᠨ ᠤᠷᠠᠨ ᠵᠤᠬᠢᠶᠠᠯᠤᠨ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠰᠤᠳᠤᠯᠭᠠᠨᠤ ᠡᠬᠢᠯᠡᠯᠳᠡᠶ᠋ᠢ ᠲᠠᠯᠪᠢᠵᠦ᠍᠂ ᠰᠤᠳᠤᠯᠭᠠᠨᠤ ᠬᠠᠷᠠᠭᠠᠰᠦ᠂ ᠦᠷᠬᠡᠴᠡ᠂ ᠬᠦᠨᠴᠡ᠂ ᠦᠨᠳᠦᠷᠴᠡᠪᠠᠷᠢᠶᠠᠨ ᠲᠤᠮᠳᠠᠳᠦ ᠤᠯᠤᠰᠤᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠨᠤᠳᠤᠭ ᠤᠰᠤᠨᠤ ᠤᠷᠠᠨ ᠵᠤᠬᠢᠶᠠᠯᠤᠨ ᠰᠤᠳᠤᠯᠭᠠᠨᠤ ᠱᠢᠨᠠ ᠱᠢᠪᠳᠤᠯᠤᠯᠳᠠᠶ᠋ᠢ ᠪᠡᠶᠡᠯᠡᠬᠦᠯᠵᠡᠢ ᠬᠡᠪᠡ᠃
ᠪᠤᠭᠤᠳᠦᠶ᠋ᠢᠨ ᠪᠠᠭ᠍ᠰᠢᠶ᠋ᠢᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠡᠳ᠋ ᠵᠡᠬᠢᠷᠦᠯ᠂ ᠫᠷᠤᠹᠧᠰᠰᠤᠷ ᠱᠤᠸᠠᠩ ᠱᠠᠨ ᠶᠡᠭᠡ ᠲᠡᠬᠡᠳᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠤᠳᠤᠷᠢᠳᠤᠯᠭᠠᠶ᠋ᠢᠨ ᠵᠤᠭ᠍ᠰᠤᠴᠠᠠᠴᠠ 《ᠬᠦᠷᠢᠶᠠ ᠨᠤᠳᠤᠭ ᠤᠰᠤᠨᠤ ᠤᠷᠠᠨ ᠵᠤᠬᠢᠶᠠᠯ ᠰᠤᠳᠤᠯᠤᠯ》 ᠤᠨ ᠬᠠᠮᠳᠤᠷᠠᠯᠤᠨ ᠵᠠᠬ᠍ᠪᠤᠷ ᠪᠤᠯᠤᠨ ᠲᠡᠬᠦᠨᠤ ᠤᠳᠭᠠ ᠠᠭᠤᠯᠭᠠᠶ᠋ᠢ ᠱᠢᠨᠵᠢᠯᠡᠵᠦ᠍᠂ ᠲᠤᠰ ᠪᠦᠳᠦᠬᠡᠯ ᠪᠤᠯ ᠶᠡᠭᠡ ᠲᠡᠬᠡᠳᠦ ᠰᠤᠷᠭᠠᠭᠤᠯᠢ ᠪᠤᠯᠤᠨ ᠤᠷᠤᠨ ᠨᠤᠳᠤᠭ ᠬᠠᠮᠳᠤᠷᠠᠨ ᠠᠵᠢᠯᠯᠠᠬᠤ᠂ ᠶᠡᠭᠡ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠤᠷᠤᠨ ᠨᠤᠳᠤᠭᠲᠤ ᠦᠢᠯᠡᠴᠢᠯᠡᠬᠦ᠌ ᠲᠡᠯᠠᠪᠠᠷᠬᠢ ᠪᠦᠳᠦᠮᠵᠢᠳᠡᠢ ᠨᠢᠬᠡᠨ ᠵᠢᠱ᠌ᠢᠶᠠ ᠪᠤᠯᠤᠬ᠍ᠰᠠᠨ ᠬᠡᠵᠦ᠍ ᠶᠡᠷᠢᠬ᠍ᠰᠠᠨ ᠪᠠᠢᠨᠠ᠃
ᠡᠬᠦᠨᠠᠴᠠ ᠭᠠᠳᠠᠨᠠ᠂ ᠡᠷᠳᠡᠮᠳᠡᠳ ᠪᠠᠰᠠ ᠬᠦᠷᠢᠶᠠ ᠰᠤᠶᠤᠯᠤᠨ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠴᠢᠨᠡᠷᠳᠡᠢ ᠬᠤᠷᠢᠶᠠᠩᠭᠤᠢᠶ᠋ᠢ ᠪᠢᠴᠢᠬᠦ᠂ ᠬᠦᠷᠢᠶᠠ ᠰᠤᠶᠤᠯᠤᠨ ᠲᠡᠤᠭᠡ ᠪᠤᠶᠤ ᠨᠡᠪᠳᠡᠷᠬᠡᠢ ᠲᠡᠤᠭᠡᠶ᠋ᠢ ᠪᠢᠴᠢᠬᠦ᠂ ᠬᠦᠷᠢᠶ ᠠ ᠰᠤᠶᠤᠯᠤᠨ ᠲᠦᠬᠡᠮᠡᠯ ᠪᠠᠢᠴᠠᠭᠠᠯᠳᠠ ᠬᠢᠵᠦ᠍ ᠶᠡᠷᠦᠩᠬᠡᠢ ᠪᠠᠢᠳᠠᠯᠢ ᠡᠮᠬᠢᠳᠭᠡᠬᠦ᠂ ᠬᠦᠷᠢᠶᠠ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠪᠤᠯᠪᠠᠰᠤᠷᠠᠭᠤᠯᠤᠨ ᠬᠤᠷᠢᠶᠠᠩᠭᠤᠢ᠍ᠢᠯᠠᠬᠤ᠂ ᠤᠯᠠᠨ ᠲᠦᠮᠡᠨᠳᠤ ᠬᠠᠨᠳᠤᠭᠤᠯᠤᠬ᠍ᠰᠠᠨ 《ᠬᠦᠷᠢᠶᠠ ᠰᠤᠶᠤᠯᠤᠨ ᠤᠡᠭ᠌ᠰᠢᠪᠤᠷᠢ》 ᠶ᠋ᠢ ᠬᠡᠪᠯᠡᠬᠦᠯᠬᠦ᠌ ᠵᠡᠷᠬᠡᠪᠠᠷ ᠤᠷᠤᠨ ᠨᠤᠳᠤᠭᠤᠨ ᠰᠤᠶᠤᠯ ᠱᠢᠨᠵᠢᠯᠡᠯᠤᠨ ᠲᠡᠯᠠᠪᠠᠷ ᠤᠬᠠᠭᠠᠨ ᠱᠢᠪᠬᠠᠵᠦ᠍ ᠤᠴᠢᠷᠳᠠᠢ ᠶᠠᠷᠢᠯᠴᠠᠵᠠᠭᠠᠬ᠍ᠰᠠᠨ ᠪᠢᠯᠡ᠃