ᠠᠭᠤᠳᠠᠮ ᠲᠠᠯᠠᠳᠠᠭᠠᠨ ᠬᠠᠨᠭ᠌ᠭᠢᠨᠠᠭ᠍ᠰᠠᠨ ᠠᠷᠠᠳᠤᠨ ᠰᠠᠢᠬᠠᠨ ᠲᠠᠭᠤᠤ ᠮᠢᠨᠢ
ᠤᠳᠤᠮᠳᠤ ᠲᠦᠮᠡᠨᠢᠶᠠᠨ ᠪᠠᠶᠠᠰᠭᠠᠭ᠍ᠰᠠᠨ ᠤᠶᠠᠩᠭᠠᠶ᠋ᠢᠨ ᠰᠠᠢᠬᠠᠨ ᠡᠭᠡᠱᠢᠭ ᠮᠢᠨᠢ
ᠠᠷᠠᠳᠤᠨ ᠲᠠᠭᠤᠤᠪᠠᠨ ᠭᠡᠵᠦ᠍ ᠬᠦᠷᠦᠯᠴᠡᠨ ᠢᠷᠡᠭ᠌ᠰᠡᠨ ᠨᠤᠳᠤᠭᠤᠨ ᠠᠷᠠᠳ ᠲᠦᠮᠡᠨ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠤ ᠤᠯᠢᠶᠠᠰᠤᠳᠠᠢ ᠪᠠᠯᠭᠠᠰᠤᠶ᠋ᠢᠨ ᠦᠵᠦᠮᠦᠴᠢᠨ ᠠᠭᠤᠳᠠᠮ ᠳᠠᠯᠠᠪᠠᠢᠳᠤ ᠮᠤᠩᠭᠤᠯᠢᠶᠠᠷᠢᠶᠠᠨ ᠭᠤᠶᠤᠯᠠᠵᠤ᠂ ᠮᠤᠩᠭᠤᠯᠢᠶᠠᠷᠢᠶᠠᠨ ᠪᠠᠭ᠍ᠠᠷᠬᠠᠵᠤ᠂ ᠮᠤᠩᠭᠤᠯᠢᠶᠠᠷᠢᠶᠠᠨ ᠳᠠᠭᠤᠯᠠᠵᠠᠭᠠᠨᠠ᠃
8 ᠰᠠᠷᠠᠶ᠋ᠢᠨ 14 ᠤ ᠦᠳᠡᠶ᠋ᠢᠨ ᠬᠤᠢᠨᠠ᠂ ᠠᠷᠪᠠᠨ ᠳᠤᠯᠤᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠳᠤᠮᠳᠠᠳᠤ ᠤᠯᠤᠰ • ᠦᠪᠦᠷ ᠮᠤᠩᠭᠤᠯᠤᠨ ᠳᠠᠯᠠ ᠨᠤᠳᠤᠭᠤᠨ ᠰᠤᠶᠤᠯᠤᠨ ᠨᠠᠢᠷᠤᠨ ᠴᠢᠬᠤᠯᠠ ᠨᠢᠭᠡᠨ ᠲᠦᠷᠦᠯ ᠵᠦᠢᠯ ᠪᠤᠯᠬᠤ ᠡᠭᠦᠯᠡᠨ ᠬᠦᠯᠦᠭ •2020 ᠦᠪᠦᠷ ᠮᠤᠩᠭᠤᠯᠤᠨ ᠠᠷᠠᠳᠤᠨ ᠳᠠᠭᠤᠤᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠤᠬᠠᠭᠤᠯᠭᠠᠶ᠋ᠢᠨ ᠳᠤᠭ᠍ᠯᠠᠯᠳᠠ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠤ ᠤᠯᠢᠶᠠᠰᠤᠳᠠᠢ ᠪᠠᠯᠭᠠᠰᠤᠶ᠋ᠢᠨ ᠦᠵᠦᠮᠦᠴᠢᠨ ᠠᠭᠤᠳᠠᠮ ᠳᠠᠯᠠᠪᠠᠢᠳᠤ ᠨᠢᠵᠢᠬᠢᠷ ᠰᠠᠢᠬᠠᠨ ᠶᠠᠪᠤᠭ᠍ᠳᠠᠭ᠍ᠰᠠᠨ ᠪᠢᠯᠡ᠃ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠱᠢᠭᠤ 《ᠨᠡᠭᠦᠳᠡᠯ ᠰᠤᠶᠤᠯᠤᠨ ᠲᠠᠷᠬᠠᠨ ᠭᠤᠯᠤᠮᠳᠠ᠂ ᠨᠠᠢ᠍ᠮᠠᠨ ᠱᠢᠷᠭᠠᠶ᠋ᠢᠨ ᠤᠨᠠᠭᠠᠨ ᠨᠤᠳᠤᠭ᠂ ᠠᠪᠤᠷᠭᠤ ᠪᠦᠬᠡᠶ᠋ᠢᠨ ᠠᠯᠳᠠᠨ ᠦᠯᠦᠭᠡᠢ᠂ ᠤᠷᠳᠤᠶ᠋ᠢᠨ ᠲᠠᠭᠤᠤᠶ᠋ᠢᠨ ᠤᠶᠠᠩᠭᠠᠳᠤ ᠬᠦᠳᠡᠭᠡ᠂ ᠤᠷᠠᠨ ᠦᠢᠯᠡᠶ᠋ᠢᠨ ᠤᠯᠠᠮᠵᠢᠯᠠᠯᠳᠤ ᠤᠷᠤᠨ》 ᠵᠡᠷᠭᠡ ᠢᠷᠠᠭᠤ ᠠᠯᠳᠠᠷᠢᠶᠠᠷ ᠬᠤᠱᠢᠭᠤ ᠨᠤᠳᠤᠭᠢᠶᠠᠨ ᠴᠢᠮᠡᠵᠦ᠍ ᠪᠠᠢᠳᠠᠭ᠃ ᠲᠤᠰ ᠤᠳᠠᠭᠠᠨᠤ ᠤᠷᠤᠯᠳᠤᠭᠠᠨᠢ ᠨᠡᠩ ᠰᠠᠢᠳᠤᠷ ᠤᠬᠠᠭᠤᠯᠤᠨ ᠰᠤᠷᠳᠠᠯᠴᠢᠯᠠᠵᠦ᠍᠂ ᠨᠡᠩ ᠤᠯᠠᠨ ᠬᠦᠮᠦᠰᠲᠤ ᠡᠨᠡ ᠠᠯᠳᠠᠨ ᠪᠤᠯᠤᠮᠵᠢᠶ᠋ᠢ ᠬᠠᠨᠭ᠌ᠭᠠᠬᠤᠶ᠋ᠢᠨ ᠲᠦᠯᠦᠭᠡ᠂ ᠤᠬᠠᠭᠤᠯᠭᠠᠶ᠋ᠢᠨ ᠳᠤᠭ᠍ᠯᠠᠯᠳᠠᠶ᠋ᠢ ᠦᠨᠢᠷ ᠪᠠᠶᠠᠯᠢᠭ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠳᠤ ᠶᠠᠪᠤᠭ᠍ᠳᠠᠭᠤᠯᠵᠤ᠂ ᠠᠷᠠᠳᠤᠨ ᠰᠠᠢᠬᠠᠨ ᠲᠠᠭᠤᠤᠪᠠᠨ ᠠᠯᠳᠠ ᠴᠡᠩᠬᠡᠷ ᠬᠠᠳᠠᠭ ᠪᠤᠯᠭᠠᠨ ᠤᠯᠠᠨ ᠲᠦᠮᠡᠨᠲᠠᠢᠪᠠᠨ ᠠᠭᠤᠯᠵᠠᠨ ᠤᠴᠠᠷᠠᠭ᠍ᠰᠠᠨ ᠪᠠᠢᠨᠠ᠃
ᠦᠵᠦᠮᠦᠴᠢᠨ ᠨᠤᠳᠤᠭᠢ ᠶᠠᠷᠢᠬᠤᠳᠤ ᠵᠦᠭ ᠵᠦᠭᠤᠨ ᠰᠠᠯᠬᠢᠠᠴᠠᠨᠢ ᠮᠤᠩᠭᠤᠯᠤᠨ ᠦᠨᠦᠷ ᠬᠠᠨᠭ᠌ᠬᠤᠯᠵᠤ᠂ ᠵᠦᠢᠯᠤᠨ ᠱᠢᠪᠠᠭᠤᠳ ᠵᠢᠷᠭᠢᠨ ᠲᠤᠩᠭᠤᠳᠴᠤ᠌ ᠵᠢᠷᠭᠠᠯᠳᠤ ᠠᠮᠢᠳᠤᠷᠠᠯᠤᠨ ᠠᠶᠠᠰ ᠬᠦᠭ᠌ᠯᠡᠭ᠌ᠳᠡᠨᠡ᠃ 《ᠦᠵᠡᠰᠭᠦᠯᠡᠩᠳᠤ ᠰᠠᠢᠬᠠᠨ ᠦᠵᠦᠮᠦᠴᠢᠨ ᠨᠤᠲᠤᠭ》᠂ 《ᠴᠠᠭᠠᠨ ᠳᠤᠬᠤᠢ ᠨᠤᠳᠤᠭ》᠂ 《ᠴᠡᠩᠬᠡᠷ ᠬᠠᠩᠭᠠᠢ ᠨᠤᠳᠤᠭ》 ᠬᠡᠳ ᠨᠤᠳᠤᠭ ᠤᠰᠤᠨᠤᠪᠠᠨ ᠴᠡᠩᠬᠡᠷ ᠳᠤᠩᠭᠠᠯᠠᠭ ᠲᠡᠭ᠌ᠷᠢ᠂ ᠳᠠᠢᠪᠤᠩ ᠠᠮᠤᠭᠤᠯᠠᠩ ᠬᠦᠳᠡᠭᠡ᠂ ᠬᠦᠭ᠌ᠵᠢᠶᠡᠨ ᠨᠠᠷᠭᠢᠶᠠᠨᠳᠤ ᠠᠮᠢᠳᠤᠷᠠᠯᠢᠶᠠᠨ ᠮᠠᠭ᠍ᠳᠠᠨ ᠮᠠᠭ᠍ᠳᠠᠨ ᠳᠠᠭᠤᠯᠠᠨᠠ᠃
ᠦᠵᠦᠮᠦᠴᠢᠨ ᠨᠤᠳᠤᠭᠲᠤ ᠭᠤᠷᠪᠠᠨ ᠬᠦᠮᠦᠨ ᠬᠠᠮᠲᠤ ᠪᠠᠢᠪᠠᠯ ᠨᠢᠭᠡᠨᠢ ᠲᠠᠭᠤᠴᠢᠨ᠂ ᠨᠢᠭᠡᠨᠢ ᠪᠦᠬᠡᠴᠢᠨ᠂ ᠨᠢᠭᠡᠨᠢ ᠤᠷᠭᠠᠴᠢᠨ ᠭᠡᠵᠦ᠍ ᠬᠡᠯᠡᠳᠡᠭ᠂ ᠲᠠᠢᠮᠦ᠍ ᠪᠤᠯᠬᠤᠷ ᠡᠨᠡ ᠨᠤᠳᠤᠭᠠᠴᠠ ᠠᠪᠤᠷᠭᠤ ᠴᠤᠤᠳᠤ ᠪᠦᠬᠡᠴᠢᠳᠠᠴᠠ ᠠᠪᠤᠭᠠᠳ ᠠᠷᠠᠳᠤᠨ ᠰᠠᠢᠬᠠᠨ ᠲᠠᠭᠤᠤᠪᠠᠨ ᠦᠪᠯᠡᠨ ᠤᠯᠠᠮᠵᠢᠯᠠᠭ᠍ᠰᠠᠨ ᠮᠠᠰᠢ ᠤᠯᠠᠨ ᠤᠷᠠᠯᠢᠭ᠍ᠴᠢᠨ ᠲᠠᠭᠤᠴᠢᠳ ᠴᠤᠯᠭᠤᠷᠠᠨ ᠭᠠᠷᠤᠭ᠍ᠰᠠᠨ ᠪᠦᠬᠡᠳ ᠠᠷᠠᠳᠤᠨ ᠳᠤᠮᠳᠠᠪᠠᠨ ᠳᠠᠭᠤᠯᠠᠭ᠍ᠳᠠᠵᠤ᠂ ᠤᠨᠴᠠᠯᠠᠨ ᠳᠤᠷᠠᠳᠤᠭᠤᠱᠢᠳᠠᠢᠨᠢ 《ᠳᠦᠭᠦᠷᠡᠩᠵᠠᠭᠠᠨᠠ》 ᠪᠢᠯᠡ᠃ ᠬᠠᠭᠤᠴᠢᠳ ᠬᠠᠮᠳᠤᠯᠢᠭ ᠡᠨᠡ ᠬᠦ᠌ ᠰᠠᠢᠬᠠᠨ ᠤᠷᠳᠤᠶ᠋ᠢᠨ ᠳᠠᠭᠤᠤᠪᠠᠨ ᠱᠢᠨᠡᠪᠠᠷ ᠨᠠᠢᠷᠠᠭᠤᠯᠤᠨ᠂ ᠬᠦᠬᠡᠮᠠᠢ ᠬᠠᠪᠰᠤᠷᠭᠠᠨ ᠳᠠᠭᠤᠯᠠᠵᠤ᠂ ᠤᠯᠠᠮᠵᠢᠯᠠᠯᠳᠤ ᠠᠷᠠᠳᠤᠨ ᠳᠠᠭᠤᠤᠪᠠᠨ ᠱᠢᠨᠡᠪᠠᠷ ᠬᠦᠭ᠌ᠵᠢᠭᠦᠯᠦᠨ ᠤᠯᠠᠮᠵᠢᠯᠠᠵᠤ ᠶᠠᠪᠤᠨᠠ᠃
ᠠᠷᠠᠳᠤᠨ ᠦᠭᠡᠨᠳᠤ 《ᠨᠠᠷᠠᠪᠠᠨ ᠲᠠᠭᠠᠪᠠᠯ ᠲᠠᠭᠠᠷᠠᠬᠤ ᠦᠭᠡᠢ᠂ ᠨᠠᠮᠢᠶᠠᠨ ᠲᠠᠭᠠᠪᠠᠯ ᠪᠤᠷᠤᠭᠤᠳᠠᠬᠤ ᠦᠭᠡᠢ》 ᠭᠡᠵᠦ᠍ ᠶᠠᠷᠢᠳᠠᠭ᠃ ᠡᠨᠡ ᠨᠤᠳᠤᠭᠤᠨ ᠬᠦᠮᠦᠨ ᠠᠷᠠᠳ ᠴᠦ᠍ ᠭᠡᠰᠡᠨ ᠨᠠᠮ ᠠᠷᠠᠳ ᠲᠦᠮᠡᠨᠢᠶᠠᠨ ᠮᠠᠭ᠍ᠳᠠᠨ ᠲᠠᠭᠤᠯᠠᠵᠦ᠍᠂ 《ᠠᠮᠤᠭᠤᠯᠠᠩᠳᠤ ᠲᠦᠷᠦᠶ᠋ᠢᠨ ᠳᠤᠪᠴᠢᠶᠠᠨ》᠂ 《ᠬᠦᠬᠡ ᠳᠤᠷᠭᠠᠨ ᠳᠡᠪᠡᠯ》᠂ 《ᠮᠠᠯᠴᠢᠨ ᠲᠦᠮᠡᠨ ᠡᠪ ᠬᠠᠮᠳᠤ ᠨᠠᠮᠢᠶᠠᠨ ᠮᠠᠭ᠍ᠳᠠᠨ ᠲᠠᠭᠤᠯᠠᠨᠠ》 ᠵᠡᠷᠭᠡ ᠲᠠᠭᠤᠤᠪᠠᠷᠢᠶᠠᠨ ᠰᠡᠳᠭᠢᠯᠢᠶᠠᠨ ᠢᠯᠡᠳᠭᠡᠨᠡ᠃
ᠠᠷᠠᠳᠤᠨ ᠳᠠᠭᠤᠤ ᠦᠵᠦᠮᠦᠴᠢᠨ ᠠᠭᠤᠳᠠᠮ ᠳᠠᠯᠠᠪᠠᠢᠶ᠋ᠢ ᠬᠠᠩᠬᠢᠨᠠᠭᠤᠯᠤᠨ᠂ ᠠᠭᠠᠷᠤᠨ ᠳᠤᠯᠬᠢᠶᠠᠨ ᠰᠦᠯᠵᠢᠶᠠᠨᠤ ᠴᠤᠤᠷᠢᠶᠠᠪᠠᠷ ᠬᠦᠯᠦᠨ ᠪᠦᠢᠷᠠᠴᠠ ᠠᠯᠠᠱᠠ᠂ ᠦᠪᠦᠷ ᠮᠤᠩᠭᠤᠯᠠᠴᠠ ᠪᠦᠮᠪᠦᠷᠴᠡᠭᠤᠨ ᠴᠠᠭᠠᠨᠠ ᠬᠦᠷᠳᠡᠯᠡ ᠳᠠᠮᠵᠢᠭ᠍ᠳᠠᠵᠤ᠂ ᠦᠵᠦᠮᠦᠴᠢᠨ ᠠᠷᠠᠳᠤᠨ ᠳᠠᠭᠤᠤ᠂ ᠬᠤᠷᠴᠢᠨ ᠠᠷᠠᠳᠤᠨ ᠳᠠᠭᠤᠤ᠂ ᠪᠠᠷᠭᠤ ᠠᠷᠠᠳᠤᠨ ᠳᠠᠭᠤᠤ᠂ ᠤᠷᠠᠳ ᠠᠷᠠᠳᠤᠨ ᠳᠠᠭᠤᠤ᠂ ᠤᠷᠳᠤᠰ ᠠᠷᠠᠳᠤᠨ ᠳᠠᠭᠤᠤ ᠁ ᠬᠡᠭᠦᠴᠢᠯᠡᠨ 《ᠡᠭᠦᠯᠡᠨ ᠬᠦᠯᠦᠭ》 ᠠᠷᠠᠳᠤᠨ ᠳᠠᠭᠤᠤᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠰᠠᠢᠬᠠᠨ ᠴᠢᠮᠡᠭᠡᠶ᠋ᠢ ᠬᠦᠮᠦᠨ ᠠᠷᠠᠳᠲᠠᠭᠠᠨ ᠲᠤᠭᠤᠯᠭᠠᠯᠠ᠃ ᠡᠭᠦᠯᠡᠨ ᠬᠦᠯᠦᠭ ᠱᠢᠯᠵᠢᠶᠡ ᠪᠠ ᠳᠠᠯ ᠨᠤᠳᠤᠭᠤᠨ ᠡᠭᠦᠯᠡ ᠱᠢᠯᠵᠢᠶᠡᠪᠠᠷ ᠱᠢᠭᠤᠳ ᠨᠡᠪᠳᠡᠷᠡᠭᠦᠯᠭᠡᠶ᠋ᠢ ᠬᠦᠯᠢᠶᠡᠨ ᠰᠤᠨᠢᠷᠬᠠᠭ᠍ᠰᠠᠨ ᠬᠦᠮᠦᠨᠤ ᠳᠤᠭᠠ 15 ᠲᠦᠮᠡᠶ᠋ᠢ ᠳᠠᠪᠠᠵᠤ᠂ ᠤᠬᠠᠭᠤᠯᠭᠠᠶ᠋ᠢᠨ ᠲᠤᠭ᠍ᠯᠠᠯᠳᠠ ᠦᠯᠵᠡᠢᠳᠠᠢ ᠰᠠᠢᠬᠠᠨ ᠦᠨᠳᠦᠷᠯᠡᠵᠦ᠍ ᠪᠢᠯᠡ᠃
ᠠᠷᠠᠳᠤᠨ ᠲᠠᠭᠤᠤᠶ᠋ᠢᠨ ᠱᠢᠷᠤᠩᠬᠠᠢ ᠤᠶᠠᠩᠭᠠᠷᠠᠨ ᠤᠶᠠᠩᠭᠠᠷᠠᠬᠤ ᠪᠤᠯᠳᠤᠭᠠᠢ！
ᠠᠷᠠᠳᠤᠨ ᠲᠠᠭᠤᠤᠶ᠋ᠢᠨ ᠢᠷᠡᠭᠡᠳᠦᠢ ᠤᠯᠠᠮ ᠰᠠᠷᠠᠭᠤᠯ ᠪᠠᠢᠬᠤ ᠪᠤᠯᠳᠤᠭᠠᠢ！
（ᠭᠡᠷᠡᠯ ᠵᠢᠷᠤᠭᠤᠳᠢ ᠳᠤᠰ ᠰᠤᠨᠢᠨᠤ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠮᠠ ᠵᠢᠶᠠᠨ ᠴᠢᠤᠸᠠᠨ ᠪᠤᠤ ᠰᠠᠷᠠᠭᠤᠯ ᠪᠢᠯᠢᠭ᠍ᠪᠠᠭᠠᠳᠤᠷ ᠰᠡᠭᠦᠳᠡᠷᠯᠡᠪᠡ）