8 ᠰᠠᠷᠠᠶ᠋ᠢᠨ 17 ᠤ ᠡᠳᠤᠷ᠂ ᠦᠪᠤᠷ ᠮᠤᠩᠭᠤᠯᠤᠨ ᠠᠷᠠᠳᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠᠨᠠᠴᠠ ᠨᠠᠢᠷᠠᠭᠤᠯᠤᠨ ᠬᠡᠪᠯᠡᠬᠦᠯᠦᠭ᠌ᠰᠡᠨ 《ᠪᠢᠯᠢᠭᠤᠨ ᠬᠤᠷᠠ》 ᠪᠠᠯᠴᠢᠷ ᠬᠡᠦᠬᠡᠳᠤᠨ ᠴᠤᠪᠤᠷᠠᠯ ᠨᠤᠮᠤᠨ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠬᠦᠬᠡᠬᠤᠳᠠᠳᠤ ᠶᠠᠪᠤᠭ᠍ᠳᠠᠪᠠ᠃ ᠲᠤᠰ ᠴᠤᠪᠤᠷᠠᠯ ᠨᠤᠮᠨᠢ ᠴᠡᠴᠡᠷᠯᠢᠭᠤᠨ ᠪᠠᠭᠠ ᠠᠩᠬᠢ᠂ ᠲᠤᠮᠳᠠ ᠠᠩᠬᠢ᠂ ᠶᠡᠭᠡ ᠠᠩᠬᠢᠪᠠᠷ ᠨᠢᠬᠡᠴᠢᠯᠡᠨ ᠠᠩᠬᠢ ᠪᠦᠷᠢᠳᠤ 《ᠲᠤᠷᠭᠠᠨ ᠬᠡᠯᠡ》᠂ 《ᠤᠷᠠᠨ ᠲᠠᠩᠨᠠᠢ》᠂ 《ᠡᠷᠳᠡᠮᠤᠨ ᠵᠦᠰᠡ》᠂ 《ᠠᠮᠢᠳᠤᠷᠠᠯᠤᠨ ᠷᠠᠱᠢᠶᠠᠨ》᠂ 《ᠤᠷᠠᠯᠢᠭᠤᠨ ᠨᠠᠮᠢᠷᠠᠭᠠ》᠂ 《ᠠᠮᠢᠳᠤᠷᠠᠯᠤᠨ ᠱᠢᠪᠡᠷᠡᠭᠡ》᠂ 《ᠤᠷᠠᠨ ᠬᠤᠷᠤᠭᠤ》 ᠵᠡᠷᠬᠡ ᠲᠤᠯᠤᠭᠠᠨ ᠲᠤᠪᠬᠢᠮᠠᠯᠢᠶᠠᠷ ᠨᠢᠬᠡ ᠪᠤᠳᠢ ᠪᠤᠯᠭᠠᠨ ᠨᠠᠢᠷᠠᠭᠤᠯᠤᠭ᠍ᠰᠠᠨ 42 ᠲᠤᠪᠬᠢᠮᠠᠯᠢᠶᠠᠷ ᠪᠦᠷᠢᠯᠳᠦᠭ᠌ᠰᠡᠨ ᠪᠠᠢᠨᠠ᠃
ᠶᠠᠷᠢᠯᠴᠠᠬᠤ ᠬᠤᠷᠠᠯᠳᠤ ᠮᠠᠨᠤ ᠤᠷᠤᠨᠤ ᠬᠡᠦᠬᠡᠳᠤᠨ ᠤᠷᠠᠨ ᠵᠤᠬᠢᠶᠠᠯᠴᠢ ᠯᠢᠭ᠌ᠳᠡᠨ᠂ ᠬᠦᠷᠵᠠᠪ᠂ ᠴᠡᠯᠡᠬᠡᠷ ᠵᠢᠴᠢ ᠡᠯᠠ ᠠᠢᠮᠠᠭ ᠬᠤᠳᠠ ᠬᠤᠱᠢᠭᠤ ᠱᠢᠶᠠᠨᠤ ᠮᠤᠩᠭᠤᠯ ᠬᠡᠦᠬᠡᠳᠤᠨ ᠴᠡᠴᠡᠷᠯᠢᠭᠤᠨ ᠵᠠᠬᠢᠷᠤᠯ᠂ ᠴᠡᠴᠡᠷᠯᠢᠭᠤᠨ ᠪᠠᠭ᠍ᠰᠢ᠂ ᠤᠩᠱᠢᠭ᠍ᠴᠢᠳ ᠨᠡᠢᠳᠡ 50 ᠭᠠᠷᠤᠢ ᠬᠦᠮᠦᠰ ᠮᠤᠷᠢᠯᠠᠨ ᠰᠠᠭᠠᠳᠠᠵᠦ᠍᠂ ᠲᠤᠰ ᠴᠤᠪᠤᠷᠠᠯ ᠨᠤᠮᠢ ᠨᠠᠢᠷᠠᠭᠤᠯᠤᠨ ᠵᠤᠬᠢᠶᠠᠭ᠍ᠰᠠᠨ ᠵᠢᠨᠪᠤᠤ᠂ ᠤᠳᠠᠪᠠᠯᠠᠴᠡᠴᠡᠭ᠂ ᠠᠶᠠ ᠲᠠᠭᠤᠤ ᠵᠤᠬᠢᠶᠠᠨ ᠪᠦᠳᠦᠬᠡᠭ᠌ᠰᠡᠨ ᠡ᠊ · ᠤᠶᠠᠩᠭᠠ ᠨᠠᠷᠲᠠᠢ ᠬᠠᠮᠳᠤᠪᠠᠷ 《ᠪᠢᠯᠢᠭᠤᠨ ᠬᠤᠷᠠ》 ᠪᠠᠯᠴᠢᠷ ᠬᠡᠦᠬᠡᠳᠤᠨ ᠴᠤᠪᠤᠷᠠᠯ ᠨᠤᠮᠤᠨ ᠬᠡᠯᠡ ᠨᠠᠢᠷᠠᠭᠤᠯᠭᠠ᠂ ᠤᠩᠱᠢᠭ᠍ᠰᠠᠨᠤ ᠲᠠᠷᠠᠭᠠᠬᠢ ᠲᠦᠷᠦᠭ᠌ᠳᠡᠯ᠂ ᠠᠶᠠ ᠲᠠᠭᠤᠤ᠂ ᠺᠠᠷᠲ᠋ᠤᠨ ᠵᠢᠷᠤᠭ᠂ ᠱᠢᠨᠡᠴᠢᠯᠡᠯᠳᠡ ᠦᠬᠡᠷᠡᠴᠢᠯᠡᠯᠳᠡᠶ᠋ᠢᠨ ᠲᠠᠯᠠᠪᠠᠷ ᠰᠠᠨᠠᠯ ᠪᠤᠳᠤᠯᠢᠶᠠᠨ ᠰᠤᠯᠢᠯᠴᠠᠯᠠ᠃
ᠲᠤᠰ ᠴᠤᠪᠤᠷᠠᠯ ᠨᠤᠮ ᠪᠤᠯ ᠵᠤᠬᠢᠶᠠᠯᠴᠢ ᠨᠠᠢᠷᠠᠭᠤᠯᠤᠭ᠍ᠴᠢ ᠵᠢᠨᠪᠤᠤᠶ᠋ᠢᠨ ᠤᠳᠠᠭᠠᠨ ᠵᠢᠯ ᠨᠠᠢᠷᠠᠭᠤᠯᠤᠭ᠍ᠴᠢ᠂ ᠤᠷᠴᠢᠭᠤᠯᠤᠭ᠍ᠴᠢ᠂ ᠵᠤᠬᠢᠶᠠᠯᠴᠢᠪᠠᠷ ᠠᠵᠢᠯᠯᠠᠭ᠍ᠰᠠᠨ ᠪᠠᠶᠠᠯᠢᠭ ᠲᠤᠷᠱᠢᠯᠭᠠ᠂ ᠦᠨᠳᠦᠷ ᠪᠤᠯᠪᠠᠰᠤᠷᠠᠯᠤᠨ ᠬᠢᠨᠢ ᠦᠷᠠ ᠪᠦᠳᠦᠬᠡᠯ ᠪᠤᠯᠤᠭ᠍ᠰᠠᠨ ᠴᠣ ᠱᠢᠨᠠ ᠪᠦᠳᠦᠬᠡᠯ ᠪᠤᠯᠤᠨᠠ᠃ ᠲᠤᠰ ᠨᠤᠮᠨᠢ ᠠᠬᠤᠢᠳᠤ ᠬᠠᠨᠳᠤᠵᠦ᠍ ᠰᠡᠳᠤᠪ ᠰᠤᠩᠭᠤᠬᠤ ᠪᠠ ᠬᠡᠯᠡ ᠨᠠᠢᠷᠠᠭᠤᠯᠭᠠᠶ᠋ᠢᠨ ᠦᠨᠳᠦᠷ ᠱᠠᠭᠠᠷᠳᠠᠯᠭᠠᠪᠠᠷ ᠬᠡᠦᠬᠡᠳ ᠪᠠᠭᠠᠴᠤᠳᠤᠨ ᠨᠠᠰᠤᠨᠤ ᠤᠨᠴᠠᠯᠢᠭ ᠪᠤᠯᠤᠨ ᠰᠡᠳᠭᠢᠬᠦᠢᠶ᠋ᠢᠨ ᠤᠨᠴᠠᠯᠢᠭᠲᠤ ᠵᠤᠬᠢᠴᠠᠭᠤᠯᠤᠨ ᠨᠠᠢᠷᠠᠭᠤᠯᠤᠭ᠍ᠰᠠᠨ ᠮᠤᠩᠭᠤᠯ ᠬᠡᠯᠡᠨᠤ ᠭᠠᠢᠬᠠᠮᠱᠢᠭᠢ ᠬᠠᠷᠠᠭᠤᠯᠤᠭ᠍ᠰᠠᠨ ᠰᠠᠢᠬᠠᠨ ᠨᠤᠮ ᠪᠤᠯᠵᠠᠢ᠃ ᠡᠬᠦᠨᠳᠤ ᠱᠢᠨᠡᠪᠠᠷ ᠵᠤᠬᠢᠶᠠᠨ ᠪᠦᠳᠦᠭᠡᠭ᠌ᠰᠡᠨ ᠬᠡᠦᠬᠡᠳᠤᠨ ᠲᠠᠭᠤᠤᠶ᠋ᠢᠨ ᠱᠢᠯᠦᠭ 60 ᠪᠠᠭ᠍ᠲᠠᠵᠠᠢ᠃ ᠡᠬᠦᠨᠤ ᠲᠤᠳᠤᠷᠠᠠᠴᠠ 30 ᠲᠠᠭᠤᠤᠶ᠋ᠢᠨ ᠱᠢᠯᠦᠭᠲᠤ ᠠᠶᠠ ᠲᠠᠭᠠᠷᠠᠭᠤᠯᠤᠨ ᠬᠡᠦᠬᠡᠳᠢᠶᠠᠷ ᠲᠠᠭᠤᠯᠠᠭᠤᠯᠵᠦ᠍ 《ᠡᠬᠡᠱᠢᠭ》 ᠲᠠᠭᠤᠤ ᠤᠷᠠᠯᠢᠭᠤᠨ ᠰᠦᠯᠵᠢᠶᠡᠪᠠᠷ ᠲᠠᠮᠵᠢᠭᠤᠯᠤᠨ ᠬᠡᠦᠬᠡᠳᠤᠨ ᠰᠤᠷᠴᠤ᠌ ᠰᠤᠨᠢᠷᠬᠠᠬᠤᠳᠤ ᠲᠦᠬᠦᠮ ᠪᠤᠯᠭᠠᠭ᠍ᠰᠠᠨ ᠪᠠᠢᠨᠠ᠃
ᠪᠦᠬᠦ᠌ ᠨᠤᠮᠤᠨ ᠠᠭᠤᠯᠭᠠᠨᠢ ᠬᠡᠦᠬᠡᠳᠢ ᠦᠨᠳᠦᠰᠦᠳᠡᠨᠤ ᠰᠡᠳᠭᠢᠬᠦᠢᠲᠠᠢ ᠪᠤᠯᠭᠠᠨ ᠬᠦᠮᠦᠵᠢᠬᠦᠯᠬᠦ᠌ᠪᠠᠷ ᠵᠤᠷᠢᠯᠭᠠ ᠪᠤᠯᠭᠠᠵᠦ᠍᠂ ᠬᠡᠯᠡᠨᠤ ᠪᠤᠯᠪᠠᠰᠤᠷᠠᠯ᠂ ᠰᠡᠳᠭᠢᠬᠦᠢᠶ᠋ᠢᠨ ᠪᠤᠯᠪᠠᠰᠤᠷᠠᠯ᠂ ᠨᠡᠢᠬᠡᠮᠤᠨ ᠠᠮᠢᠳᠤᠷᠠᠯᠤᠨ ᠠᠩᠬᠠᠨᠤ ᠮᠡᠳᠡᠴᠡ᠂ ᠡᠷᠡᠬᠦᠯ ᠮᠡᠨᠳᠦᠶ᠋ᠢᠨ ᠠᠩᠬᠠᠨᠤ ᠮᠡᠳᠡᠴᠡ᠂ ᠪᠠᠢᠭᠠᠯᠢᠶ᠋ᠢᠨ ᠤᠬᠠᠭᠠᠨᠤ ᠠᠩᠬᠠᠨᠤ ᠮᠡᠳᠡᠴᠡ᠂ ᠤᠷᠠᠯᠢᠭᠤᠨ ᠪᠤᠯᠪᠠᠰᠤᠷᠠᠯ᠂ ᠭᠠᠷ ᠬᠦᠯᠤᠨ ᠪᠤᠯᠪᠠᠰᠤᠷᠠᠯ ᠵᠡᠷᠬᠡ ᠤᠯᠠᠨ ᠲᠠᠯᠠᠪᠠᠷ ᠬᠦᠳᠦᠯᠤᠨ ᠵᠢᠯᠤᠭᠤᠳᠭᠤᠶ᠋ᠢ ᠬᠢᠴᠢᠶᠡᠭ᠌ᠰᠡᠨ ᠪᠠᠢᠨᠠ᠃
ᠤᠳᠤ ᠲᠤᠰ ᠴᠤᠪᠤᠷᠠᠯ ᠨᠤᠮᠤᠨ ᠲᠡᠭᠡᠳᠦ ᠲᠡᠪᠳᠡᠷᠤᠨ 21 ᠨᠤᠮᠢ ᠨᠢᠬᠡᠨᠳᠡ ᠬᠡᠪᠯᠡᠨ ᠲᠠᠷᠬᠠᠭᠠᠪᠠ᠂ 8 ᠰᠠᠷᠠᠶ᠋ᠢᠨ ᠰᠡᠬᠦᠯᠴᠢᠠᠴᠠ ᠡᠬᠢᠯᠡᠨ ᠵᠢᠩ ᠳ᠋ᠦᠩ ᠰᠦᠯᠵᠢᠶᠠᠠᠴᠠ ᠵᠠᠬᠢᠶᠠᠯᠠᠵᠦ᠍ ᠪᠤᠯᠤᠨᠠ᠂ ᠲᠤᠤᠷᠠᠳᠤ ᠲᠡᠪᠳᠡᠷᠤᠨ 21 ᠨᠤᠮ ᠴᠤ᠌ ᠤᠳᠠᠯ ᠦᠬᠡᠢ ᠬᠡᠪᠯᠡᠭ᠌ᠳᠡᠬᠦ᠌ ᠪᠤᠯᠤᠨᠠ᠃