ᠬᠦᠮᠦᠨ ᠠᠮᠠᠶ᠋ᠢᠨ ᠨᠠᠰᠤᠵᠢᠯᠢ ᠢᠳᠡᠪᠬᠢᠳᠡᠢ ᠠᠷᠭᠠᠴᠠᠭᠠᠬᠤ ᠤᠯᠤᠰᠤᠨ ᠪᠠᠢᠯᠳᠤᠬᠤ ᠪᠤᠳᠤᠯᠭᠠᠶ᠋ᠢ ᠬᠡᠷᠡᠭ᠌ᠵᠢᠬᠦᠯᠤᠨᠡ᠃ ᠨᠠᠰᠤᠳᠠᠨᠤ ᠠᠰᠠᠷᠠᠮᠵᠢᠶ᠋ᠢᠨ ᠠᠵᠢᠯ ᠦᠢᠯᠡᠰ ᠪᠤᠯᠤᠨ ᠨᠠᠰᠤᠳᠠᠨᠤ ᠠᠰᠠᠷᠠᠮᠵᠢᠶ᠋ᠢᠨ ᠠᠵᠤ ᠦᠢᠯᠡᠰᠤᠨ ᠬᠠᠮᠵᠢᠯᠴᠠᠨ ᠬᠦᠭ᠌ᠵᠢᠬᠦ᠌ᠶ᠋ᠢ ᠠᠬᠢᠭᠤᠯᠵᠤ᠂ ᠦᠨᠳᠤᠰᠤᠨ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢᠶ᠋ᠢᠨ ᠦᠢᠯᠡᠴᠢᠯᠡᠬᠡᠨᠤ ᠱᠢᠰᠲ᠋ᠧᠮᠢ ᠲᠡᠬᠦᠯᠳᠡᠷᠵᠢᠬᠦᠯᠤᠨ᠂ ᠲᠦᠬᠡᠮᠡᠯ ᠬᠦᠷᠳᠡᠬᠡᠮᠵᠢᠳᠤ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢᠶ᠋ᠢᠨ ᠦᠢᠯᠡᠴᠢᠯᠡᠭᠡ ᠪᠤᠯᠤᠨ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠬᠤ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢᠶ᠋ᠢᠨ ᠦᠢᠯᠡᠰᠢ ᠬᠦᠭ᠌ᠵᠢᠬᠦᠯᠵᠤ᠂ ᠬᠡᠷ ᠪᠦᠯᠢ ᠨᠡᠢᠬᠡᠮ ᠲᠤᠭᠤᠷᠢᠭᠤᠨ ᠪᠠᠢᠭᠤᠯᠤᠮᠵᠢ ᠬᠠᠷᠢᠯᠴᠠᠨ ᠵᠤᠬᠢᠴᠠᠯᠳᠤᠭ᠍ᠰᠠᠨ᠂ ᠡᠮᠴᠢᠯᠡᠨ ᠰᠤᠪᠢᠯᠠᠬᠤ ᠡᠷᠡᠬᠦᠯᠵᠢᠬᠦᠯᠦᠨ ᠰᠤᠪᠢᠯᠠᠬᠤᠶ᠋ᠢ ᠬᠠᠷᠢᠯᠴᠠᠨ ᠤᠶᠠᠯᠳᠤᠭᠤᠯᠤᠭ᠍ᠰᠠᠨ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢᠶ᠋ᠢᠨ ᠱᠢᠰᠲ᠋ᠧᠮᠢ ᠴᠤᠭ᠍ᠴᠠᠯᠠᠨᠠ᠃
— 《ᠤᠯᠤᠰ ᠠᠷᠠᠳᠤᠨ ᠠᠵᠤ ᠠᠬᠤᠶ ᠪᠠ ᠨᠡᠢᠭᠡᠮᠤᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠲᠠᠪᠤᠨ ᠵᠢᠯᠤᠨ ᠲᠥᠯᠥᠪᠵᠢᠭᠦᠯᠭᠡ ᠪᠤᠯᠤᠨ 2035 ᠣᠨᠤ ᠠᠯᠤᠰᠤᠨ ᠬᠠᠷᠠᠯᠲᠠᠶ᠋ᠢ ᠲᠣᠭ᠍ᠲᠠᠭᠠᠬᠤ ᠲᠤᠬᠠᠶ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠲᠥᠪ ᠬᠤᠷᠢᠶᠠᠨᠤ ᠰᠠᠨᠠᠭᠤᠯᠭᠠ》 ᠠᠴᠠ
ᠡᠷᠡᠬᠦᠯ ᠡᠩᠭᠡ ᠪᠤᠯ ᠦᠷᠭᠡᠨ ᠤᠯᠠᠨ ᠲᠦᠮᠡᠨᠤ ᠬᠦᠰᠡᠯ ᠬᠦᠭᠡᠭᠡᠴᠡᠯᠳᠦᠯ ᠮᠦᠨ᠃ 2020 ᠤᠨᠤ 12 ᠰᠠᠷᠠᠶ᠋ᠢᠨ ᠰᠡᠬᠦᠯᠴᠢ᠂ ᠦᠪᠦᠷ ᠮᠤᠩᠭᠤᠯᠤᠨ ᠪᠠᠷᠠᠭᠤᠨ ᠬᠢᠵᠠᠭᠠᠷᠤᠨ ᠨᠢᠭᠡᠨ ᠰᠤᠪᠢᠯᠠᠯᠳᠠᠶ᠋ᠢᠨ ᠬᠦᠷᠢᠶᠡᠯᠡᠩᠳᠤ ᠡᠯᠡ ᠭᠠᠵᠠᠷᠠᠴᠠ ᠢᠷᠡᠭ᠌ᠰᠡᠨ 300 ᠭᠠᠷᠤᠢ ᠡᠪᠡᠳᠴᠢᠳᠡᠨ ᠤᠨᠴᠠ ᠡᠮᠴᠢᠯᠡᠭᠡ ᠰᠤᠪᠢᠯᠠᠯᠳᠠ ᠬᠦᠷᠳᠡᠵᠦ᠍᠂ ᠡᠷᠡᠬᠦᠯᠵᠢᠨ ᠢᠯᠡᠷᠢᠱᠢᠬᠤᠶ᠋ᠢᠨ ᠪᠠᠶᠠᠷ ᠪᠠᠶᠠᠰᠤᠯᠢ ᠡᠳ᠋ᠯᠡᠨᠡ᠃ ᠡᠨᠡ ᠪᠤᠯ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠡᠮᠴᠢᠯᠡᠭᠡ ᠰᠤᠪᠢᠯᠠᠯᠳᠠᠶ᠋ᠢ ᠤᠶᠠᠯᠳᠤᠭᠤᠯᠤᠭ᠍ᠰᠠᠨ ᠲᠤᠷᠱᠢᠯᠳᠠᠶ᠋ᠢᠨ ᠴᠡᠭ — ᠤᠷᠳᠤᠰ ᠬᠤᠳᠠᠶ᠋ᠢᠨ ᠤᠲᠤᠭᠤᠨ ᠡᠮᠦᠨᠡᠲᠦ ᠬᠤᠱᠢᠭᠤᠨᠤ ᠠᠵᠠᠳᠠᠢ ᠰᠤᠪᠢᠯᠠᠯᠲᠠᠶ᠋ᠢᠨ ᠬᠦᠷᠢᠶᠡᠯᠡᠩ ᠪᠤᠯᠤᠨᠠ᠃
ᠤᠲᠤᠭᠤᠨ ᠡᠮᠦᠨᠡᠲᠦ ᠬᠤᠱᠢᠭᠤ ᠪᠦᠬᠦ᠌ ᠠᠷᠠᠳᠤᠨ ᠡᠷᠡᠭᠦᠯ ᠮᠡᠨᠳᠦᠶ᠋ᠢᠨ ᠦᠢᠯᠡᠰ ᠨᠠᠰᠤᠵᠢᠯᠤᠨ ᠦᠢᠯᠡᠰᠢ ᠪᠦᠬᠦ᠌ ᠬᠦᠴᠦᠨᠢᠶᠠᠷ ᠠᠬᠢᠭᠤᠯᠵᠤ᠂ ᠪᠡᠶᠡ ᠰᠤᠪᠢᠯᠠᠯᠳᠠ᠂ ᠡᠮᠴᠢᠯᠡᠭᠡ ᠦᠢᠯᠡᠴᠢᠯᠡᠭᠡ᠂ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢᠶ᠋ᠢ ᠤᠶᠠᠯᠳᠤᠭᠤᠯᠬᠤ ᠲᠤᠷᠱᠢᠯᠲᠠᠶ᠋ᠢᠨ ᠠᠵᠢᠯᠢ ᠯᠠᠪᠳᠠᠭᠤᠨ ᠪᠠᠲᠤᠲᠠᠶ ᠥᠷᠨᠢᠭᠦᠯᠵᠦ᠍ ᠢᠷᠡᠪᠡ᠃ 2014 ᠤᠨᠳᠤ ᠠᠵᠠᠳᠠᠢ ᠰᠤᠪᠢᠯᠠᠯᠳᠠᠶ᠋ᠢᠨ ᠬᠦᠷᠢᠶᠡᠯᠡᠩᠢ ᠪᠠᠢᠭᠤᠯᠵᠤ᠂ 2016 ᠤᠨᠠᠴᠠ ᠡᠮᠴᠢᠯᠡᠭᠡ ᠰᠤᠪᠢᠯᠠᠯᠳᠠᠶ᠋ᠢ ᠤᠶᠠᠯᠳᠤᠭᠤᠯᠬᠤᠶ᠋ᠢ ᠲᠤᠷᠱᠢᠨ ᠬᠡᠷᠡᠭ᠌ᠵᠢᠬᠦᠯᠵᠦ᠍᠂ 2017 ᠤᠨᠠᠴᠠ ᠬᠤᠱᠢᠭᠤᠨᠤ ᠮᠤᠩᠭᠤᠯ ᠡᠮᠨᠡᠯᠭᠡᠶ᠋ᠢᠨ ᠬᠤᠷᠢᠶᠠᠨᠤ ᠮᠤᠩᠭᠤᠯ ᠡᠮᠨᠡᠯᠭᠡᠶ᠋ᠢᠨ ᠪᠡᠶᠡ ᠰᠡᠳᠭᠢᠴᠠ ᠬᠠᠷᠢᠯᠴᠠᠨ ᠦᠢᠯᠡᠳᠦᠯᠴᠡᠬᠦ᠌ ᠵᠠᠰᠠᠯᠤᠨ ᠰᠠᠯᠠᠭᠠᠨᠤ 9 ᠡᠮᠴᠢ ᠰᠤᠪᠢᠯᠠᠭ᠍ᠴᠢᠶ᠋ᠢ ᠲᠤᠮᠢᠯᠠᠨ ᠰᠠᠭᠤᠯᠭᠠᠵᠤ᠂ ᠡᠮᠴᠢᠯᠡᠭᠡ ᠰᠤᠪᠢᠯᠠᠯᠳᠠᠶ᠋ᠢᠨ ᠤᠶᠠᠯᠳᠤᠯᠢ ᠦᠨᠡᠨ ᠬᠦ᠌ ᠪᠡᠶᠡᠯᠡᠬᠦᠯᠵᠡᠢ᠃
ᠠᠭᠠᠷᠨᠢ ᠴᠡᠯᠮᠡᠭ᠂ ᠤᠰᠤᠨᠢ ᠲᠤᠩᠭᠠᠯᠠᠭ᠂ ᠲᠠᠯᠠᠨᠢ ᠲᠡᠨᠢᠭᠡᠷ ᠡᠭᠡ ᠪᠠᠢᠭᠠᠯᠢᠶ᠋ᠢᠨ ᠰᠤᠶᠤᠷᠬᠠᠭ᠍ᠰᠠᠨ ᠬᠡᠱᠢᠭᠢ ᠬᠥᠷᠲᠡᠭ᠌ᠰᠡᠨ ᠠᠵᠠᠲᠠᠢ ᠰᠤᠪᠢᠯᠠᠯᠲᠠᠶ᠋ᠢᠨ ᠬᠦᠷᠢᠶᠡᠯᠡᠩᠨᠢ ᠮᠤᠩᠭᠤᠯ ᠡᠮᠨᠡᠯᠭᠡᠶ᠋ᠢᠨ ᠪᠡᠶᠡ ᠰᠡᠳᠭᠢᠴᠠ ᠬᠠᠷᠢᠯᠴᠠᠨ ᠦᠢᠯᠡᠳᠦᠯᠴᠡᠬᠦ᠌ ᠵᠠᠰᠠᠯᠢᠶᠠᠷ ᠲᠤᠯᠭᠠᠭᠤᠷᠢᠯᠠᠵᠤ᠂ ᠲᠥᠪᠯᠡᠷᠡᠩᠭᠦᠶ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢ ᠪᠠ ᠪᠡᠶᠡ ᠰᠡᠳᠭᠢᠴᠠᠶ᠋ᠢᠨ ᠡᠷᠡᠬᠦᠯᠵᠢᠯᠤᠨ ᠰᠤᠪᠢᠯᠠᠯᠳᠠᠪᠠᠷ ᠰᠠᠭᠤᠷᠢ ᠪᠣᠯᠭᠠᠵᠤ᠂ ᠣᠨᠣᠱᠢᠯᠠᠨ ᠵᠠᠰᠠᠬᠤ ᠦᠶᠯᠡᠴᠢᠯᠡᠭᠡ᠂ ᠬᠦᠨᠳᠦ ᠡᠪᠡᠳᠴᠢᠳᠡᠨᠢ ᠡᠷᠡᠭᠦᠯᠵᠢᠭᠦᠯᠬᠦ᠌ ᠦᠶᠯᠡᠴᠢᠯᠡᠭᠡ᠂ ᠰᠡᠳᠭᠢᠴᠡᠶ᠋ᠢᠨ ᠵᠥᠪᠯᠡᠯᠭᠡ᠂ ᠰᠡᠳᠭᠢᠴᠡᠶ᠋ᠢᠨ ᠡᠮᠴᠢᠯᠡᠭᠡ ᠪᠠ ᠨᠠᠰᠤᠳᠠᠨᠤ ᠠᠰᠠᠷᠠᠮᠵᠢ᠂ ᠨᠠᠰᠤ ᠨᠥᠭ᠌ᠴᠢᠬᠦ᠌ ᠦᠶᠡᠶ᠋ᠢᠨ ᠬᠠᠯᠠᠮᠵᠢᠯᠠᠯᠤᠨ ᠦᠶᠯᠡᠴᠢᠯᠡᠭᠡᠪᠠᠷ ᠭᠤᠤᠯ ᠪᠤᠯᠭᠠᠵᠤ᠂ ᠠᠷᠠᠳ ᠤᠯᠠᠨᠳᠤ ᠡᠷᠡᠬᠦᠯ ᠮᠡᠨᠳᠦ ᠵᠤᠯ ᠵᠢᠷᠭᠠᠯ ᠪᠠᠶᠠᠷ ᠪᠠᠶᠠᠰᠤᠯᠢ ᠬᠦᠷᠭᠡᠨᠡᠮ᠃
《ᠤᠳᠤᠬᠠᠨᠳᠤ᠂ ᠠᠰᠠᠷᠠᠮᠵᠢᠶ᠋ᠢᠨ ᠬᠦᠷᠢᠶᠡᠯᠡᠩᠳᠤ 690 ᠤᠷᠤᠲᠠᠢ᠂ ᠬᠢᠵᠢᠭᠤᠨ ᠪᠠᠢᠳᠠᠯᠤᠨ ᠨᠦᠯᠦᠭᠡᠠᠴᠠ ᠪᠤᠯᠵᠤ ᠵᠦᠪᠬᠡᠨ 300 ᠭᠠᠷᠤᠢ ᠬᠦᠮᠦᠨᠢᠶᠠᠷ ᠬᠢᠵᠠᠭᠠᠷᠯᠠᠵᠤ ᠪᠠᠢᠨᠠ》 ᠬᠡᠵᠦ᠍ ᠠᠵᠠᠲᠠᠢ ᠰᠤᠪᠢᠯᠠᠯᠲᠠᠶ᠋ᠢᠨ ᠬᠦᠷᠢᠶᠡᠯᠡᠩᠤᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠬᠠᠩᠭᠠᠢ ᠮᠠᠨᠤ ᠰᠤᠷᠪᠤᠯᠵᠢᠯᠠᠭᠠᠶ᠋ᠢ ᠬᠦᠯᠢᠶᠡᠬᠦ᠌ᠳᠡᠭᠡᠨ ᠬᠡᠯᠡᠵᠦ᠍ ᠪᠠᠢᠯᠠ᠃
ᠦᠤᠱᠢᠨ ᠬᠤᠱᠢᠭᠤᠨᠤ ᠲᠤᠬ ᠪᠠᠯᠭᠠᠰᠦᠶ᠋ᠢᠨ ᠬᠤᠧᠠᠲᠤᠯᠤᠭᠠᠢ ᠭᠠᠴᠠᠭᠠᠨᠤ ᠠᠵᠢᠯᠠᠴᠠᠪᠠᠨ ᠠᠮᠠᠷᠠᠬ᠍ᠰᠠᠨ ᠪᠠᠭ᠍ᠰᠢ ᠬᠠᠰᠭᠡᠷᠡᠯᠲᠤ᠌᠄ 《2017 ᠤᠨᠳᠤ ᠲᠠᠷᠢᠬᠢᠨᠳᠤ ᠴᠢᠰᠦ ᠬᠠᠷᠪᠤᠵᠤ᠂ ᠲᠠᠯᠠ ᠪᠡᠶᠡ ᠲᠠᠮᠪᠠᠷᠠᠭ᠍ᠰᠠᠨᠠᠴᠠ ᠪᠤᠯᠵᠤ ᠬᠤᠯᠠ ᠤᠢ᠍ᠢᠷᠠᠳᠠᠭᠠᠨ ᠠᠯᠳᠠᠷᠱᠢᠭ᠍ᠰᠠᠨ ᠠᠵᠠᠳᠠᠢ ᠰᠤᠪᠢᠯᠠᠯᠳᠠᠶ᠋ᠢᠨ ᠬᠦᠷᠢᠶᠡᠯᠡᠩᠳᠤ ᠢᠷᠡᠭ᠌ᠰᠡᠨ ᠶᠤᠮ᠃ ᠲᠤᠬᠠᠢᠶ᠋ᠢᠨ ᠦᠶᠡᠳᠤ ᠬᠡᠪᠳᠡᠵᠦ᠍ ᠴᠦ᠍ ᠴᠢᠳᠠᠬᠤ ᠦᠭᠡᠢ ᠪᠤᠰᠴᠤ᠌ ᠴᠦ᠍ ᠲᠡᠢᠯᠬᠦ᠌ ᠦᠭᠡᠢ ᠪᠠᠢᠭ᠍ᠰᠠᠨ ᠪᠤᠯᠬᠤᠷ ᠶᠤᠰᠤᠲᠠᠢ ᠦᠭᠦᠶᠡ ᠬᠡᠬᠦ᠌ ᠪᠤᠳᠤᠯ ᠤᠷᠤᠵᠤ ᠪᠠᠢᠭ᠍ᠰᠠᠨ᠃ ᠲᠦᠷᠪᠡᠨ ᠵᠢᠯ ᠲᠠᠷᠠᠭᠠᠯᠠᠨ ᠠᠳᠡ ᠢᠷᠡᠵᠦ᠍ ᠵᠤᠬᠢᠬᠤ ᠬᠤᠭᠤᠴᠠᠭᠠᠨᠤ ᠡᠮᠴᠢᠯᠡᠭᠡ ᠰᠤᠪᠢᠯᠠᠯᠳᠠᠶ᠋ᠢ ᠬᠦᠷᠳᠡᠭ᠌ᠰᠡᠨᠤ ᠠᠴᠢᠪᠠᠷ ᠤᠳᠤ ᠦᠪᠡᠷᠢᠶᠠᠨ ᠶᠠᠪᠤᠵᠤ ᠰᠠᠭᠤᠵᠤ ᠲᠡᠢᠯᠬᠦ᠌ ᠪᠤᠯᠵᠤ᠂ ᠡᠳᠦᠷᠠᠴᠠ ᠡᠳᠦᠷ ᠡᠷᠡᠬᠦᠯᠱᠢᠵᠦ᠍ ᠪᠠᠢᠨᠠ᠃ ᠠᠳᠡᠬᠢ ᠵᠠᠷᠤᠳᠠᠯ ᠪᠠᠭᠠ᠂ ᠦᠢᠯᠡᠴᠢᠯᠡᠭᠡ ᠰᠠᠢᠨ᠃ ᠵᠢᠯ ᠪᠤᠯᠭᠠᠨ ᠠᠳᠡ ᠢᠷᠡᠵᠦ᠍ ᠲᠤᠭ᠍ᠳᠠᠭ᠍ᠰᠠᠨ ᠬᠤᠭᠤᠴᠠᠭᠠᠲᠠᠢ ᠡᠷᠡᠬᠦᠯᠵᠢᠯᠤᠨ ᠰᠤᠪᠢᠯᠠᠯᠳᠠ ᠬᠢᠬᠦ᠌ ᠪᠤᠶᠤ ᠡᠷᠡᠬᠦᠯ ᠮᠡᠨᠳᠦᠶ᠋ᠢᠨ ᠵᠢᠭᠤᠯᠴᠢᠯᠠᠯᠳᠤ ᠤᠷᠤᠯᠴᠠᠨ ᠡᠷᠡᠬᠦᠯ ᠮᠡᠨᠳᠦᠪᠠᠨ ᠪᠠᠳᠤᠳᠭᠠᠨᠠ》 ᠬᠡᠵᠦ᠍ ᠰᠡᠳᠭᠢᠯ ᠲᠤᠬ᠍ᠳᠤᠯᠤᠩᠭᠤᠢ ᠶᠠᠷᠢᠵᠤ ᠪᠠᠢᠯᠠ᠃
ᠡᠷᠡᠬᠦᠯ ᠮᠡᠨᠳᠦᠶ᠋ᠢᠨ ᠬᠢᠴᠢᠶᠡᠯ ᠲᠠᠢᠯᠤᠮᠵᠢ ᠰᠤᠨᠤᠰᠭᠤ᠂ ᠡᠷᠡᠬᠦᠯᠵᠢᠯᠤᠨ ᠡᠮᠴᠢᠯᠡᠭᠡ ᠵᠠᠰᠠᠯ ᠬᠦᠷᠳᠡᠬᠦ᠂ ᠪᠡᠶᠡᠶ᠋ᠢᠨ ᠲᠠᠮᠢᠷ ᠤᠷᠠᠨ ᠰᠠᠢᠬᠠᠨᠤ ᠠᠵᠢᠯᠯᠠᠭᠠᠠᠴᠠ ᠭᠠᠳᠠᠨᠠ᠂ ᠡᠷᠡᠬᠦᠯ ᠮᠡᠨᠳᠦᠶ᠋ᠢᠨ ᠵᠢᠭᠤᠯᠴᠢᠯᠠᠯ ᠪᠤᠯ ᠠᠵᠠᠳᠠᠢ ᠰᠤᠪᠢᠯᠠᠯᠳᠠᠶ᠋ᠢᠨ ᠬᠦᠷᠢᠶᠡᠯᠡᠩᠤᠨ ᠪᠠᠰᠠ ᠨᠢᠭᠡᠨ ᠤᠨᠴᠠᠯᠢᠬ᠍ᠳᠤ ᠦᠢᠯᠡᠴᠢᠯᠡᠭᠡ ᠪᠤᠯᠤᠨᠠ᠃ 《ᠪᠢᠳᠡ ᠵᠢᠯᠳᠡᠭᠡᠨ 5 — 6 ᠤᠳᠠᠭᠠᠨᠤ ᠡᠷᠡᠭᠦᠯ ᠮᠡᠨᠲᠤᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠠᠵᠢᠯᠯᠠᠭᠠ ᠦᠷᠨᠢᠭᠦᠯᠳᠡᠭ᠃ ᠤᠷᠤᠯᠴᠠᠭ᠍ᠴᠢᠶ᠋ᠢᠨ ᠨᠠᠰᠤᠨᠤ ᠪᠠᠢᠳᠠᠯ᠂ ᠡᠷᠡᠬᠦᠯ ᠮᠡᠨᠳᠦᠶ᠋ᠢᠨ ᠪᠠᠢᠳᠠᠯᠢ ᠦᠨᠳᠦᠰᠦᠯᠡᠨ ᠵᠢᠭᠤᠯᠴᠢᠯᠠᠯᠤᠨ ᠵᠠᠮ ᠱᠤᠭᠤᠮᠢᠶᠠᠨ ᠲᠤᠬ᠍ᠳᠠᠭᠠᠨᠠ᠂ ᠬᠦᠮᠦᠰ ᠵᠠᠮ ᠲᠠᠭᠠᠤ ᠪᠠᠢᠭᠠᠯᠢᠶ᠋ᠢᠨ ᠦᠩᠭᠡ ᠦᠵᠡᠮᠵᠢ ᠲᠡᠦᠭᠡ ᠰᠤᠶᠤᠯ ᠢᠷᠭᠡᠨᠱᠢᠯᠢ ᠰᠤᠨᠢᠷᠬᠠᠬᠤᠶ᠋ᠢᠨ ᠬᠠᠮᠲᠤ ᠡᠷᠡᠭᠦᠯ ᠮᠡᠨᠲᠤᠶ᠋ᠢᠨ ᠲᠤᠬᠠᠢ ᠬᠢᠴᠢᠶᠡᠯ ᠲᠠᠢᠯᠤᠮᠵᠢ ᠰᠤᠨᠤᠰᠴᠤ᠌ ᠪᠡᠶᠡ ᠰᠡᠳᠭᠢᠯᠤᠨ ᠲᠠᠢᠪᠤᠱᠢᠷᠠᠯᠢ ᠤᠯᠵᠤ ᠡᠷᠡᠬᠦᠯᠵᠢᠳᠡᠭ》 ᠭᠡᠵᠦ᠍ ᠬᠠᠩᠭᠠᠢ ᠲᠠᠨᠢᠯᠴᠠᠭᠤᠯᠤᠯᠠ᠃
ᠠᠵᠠᠳᠠᠢ ᠰᠤᠪᠢᠯᠠᠯᠳᠠᠶ᠋ᠢᠨ ᠬᠦᠷᠢᠶᠡᠯᠡᠩ 2017 ᠤᠨᠤ 1 ᠰᠠᠷᠠᠠᠴᠠ 2018 ᠤᠨᠤ 7 ᠰᠠᠷᠠ ᠪᠤᠯᠳᠠᠯᠠ 18.9 ᠲᠦᠮᠡ ᠱᠢᠬᠠᠮ ᠬᠦᠮᠦᠨ ᠤᠳᠠᠭᠠᠳᠤ ᠡᠷᠡᠬᠦᠯ ᠮᠡᠨᠳᠦᠶ᠋ᠢᠨ ᠦᠢᠯᠡᠴᠢᠯᠡᠭᠡ ᠰᠤᠪᠢᠯᠠᠯᠳᠠ ᠬᠠᠩᠭᠠᠵᠠᠢ᠃ ᠤᠲᠤᠬᠤᠨ ᠡᠮᠦᠨᠡᠲᠤ ᠬᠤᠱᠢᠭᠤᠨᠤ ᠪᠤᠷᠤᠪᠠᠯᠭᠠᠰᠦᠶ᠋ᠢᠨ ᠬᠢᠵᠤᠤᠷ ᠭᠠᠴᠠᠭᠠᠶ᠋ᠢᠨ ᠨᠠᠶᠠᠨ ᠨᠠᠰᠤᠨᠤ ᠦᠨᠳᠦᠷ ᠬᠤᠳᠤᠭᠢ ᠵᠤᠭᠤᠭ᠍ᠯᠠᠵᠤ ᠶᠠᠪᠤᠭᠠ ᠴᠤᠬ᠍ᠵᠢᠨᠴᠢᠮᠡᠭ ᠨᠠᠰᠤᠲᠠᠨ ᠡᠪᠦᠬᠡᠨᠲᠠᠢᠪᠠᠨ ᠬᠠᠮᠲᠤ ᠴᠡᠪᠡᠷ ᠲᠤᠬᠢᠯᠢᠭ ᠰᠤᠪᠢᠯᠠᠯᠲᠠᠶ᠋ᠢᠨ ᠦᠷᠦᠭᠡᠨᠳᠡᠭᠡᠨ ᠲᠠᠪᠠᠲᠠᠢ ᠰᠠᠢᠬᠠᠨ ᠰᠠᠭᠤᠵᠤ ᠪᠠᠢᠯᠠ᠃ ᠨᠠᠰᠤᠲᠠᠨᠤ ᠵᠢᠷᠦᠭᠡᠨᠢ ᠮᠠᠭᠤ᠂ ᠲᠤᠯᠤᠭᠠᠢᠨᠢ ᠲᠦᠨᠡᠷᠡᠭᠡᠳ ᠪᠠᠢᠳᠠᠬ ᠭᠡᠨᠡ᠃ ᠡᠪᠦᠭᠡᠨᠤ ᠬᠢᠨᠢ ᠬᠦᠯᠨᠢ ᠮᠠᠭᠤ᠂ ᠦᠪᠡᠷᠢᠶᠠᠨ ᠶᠠᠪᠤᠵᠤ ᠰᠠᠭᠤᠵᠤ ᠲᠡᠢᠯᠬᠦ᠌ ᠦᠭᠡᠢ ᠪᠠᠢᠯᠠ᠃ 《ᠬᠤᠶᠠᠷ ᠰᠠᠷᠠ ᠱᠢᠬᠠᠮᠤᠨ ᠰᠤᠪᠢᠯᠠᠯᠳᠠᠪᠠᠷ ᠲᠠᠮᠵᠢᠭᠠᠳ ᠬᠦᠯ ᠭᠠᠷ ᠨᠡᠯᠢᠶᠡᠳ ᠬᠦᠩᠬᠡᠷᠡᠴᠢᠭᠡᠯᠡ᠃ ᠠᠳᠡᠬᠢ ᠦᠢᠯᠡᠴᠢᠯᠡᠭᠡ ᠮᠠᠰᠢ ᠰᠠᠢᠨ᠂ ᠡᠪᠦᠭᠡᠨᠢ ᠮᠠᠨᠢ ᠵᠢᠳᠭᠦᠭᠦᠷ ᠲᠡᠷᠭᠡᠪᠠᠷ ᠨᠠᠭᠠᠰᠢ ᠴᠠᠭᠠᠰᠢ ᠵᠦᠭᠡᠭᠡᠵᠦ᠍᠂ ᠡᠷᠡᠬᠦᠯᠵᠢᠯᠤᠨ ᠪᠤᠯᠪᠠᠰᠤᠷᠠᠯ᠂ ᠡᠷᠡᠬᠦᠯ ᠮᠡᠨᠳᠦᠶ᠋ᠢᠨ ᠬᠢᠴᠢᠶᠡᠯ ᠲᠠᠢᠯᠤᠮᠵᠢᠳᠤ ᠤᠷᠤᠭᠤᠯᠤᠨᠠ᠂ ᠬᠤᠪᠴᠠᠰᠦ ᠬᠤᠨᠠᠷᠢ ᠪᠠᠰᠠ ᠤᠬᠢᠶᠠᠵᠤ ᠦᠭ᠌ᠬᠦᠨᠡ᠂ ᠴᠠᠢ ᠪᠤᠳᠠᠭᠠᠶ᠋ᠢ ᠴᠠᠭᠲᠠᠭᠠᠨ ᠬᠦᠷᠭᠡᠭᠡᠳ ᠢᠷᠡᠨᠡ ᠁ ᠠᠳᠡ ᠢᠷᠡᠭ᠌ᠰᠡᠭᠡᠷ ᠰᠠᠨᠠᠭᠠ ᠰᠡᠳᠭᠢᠯ ᠲᠠᠢᠪᠤᠱᠢᠷᠠᠭᠠᠳ ᠪᠠᠶᠠ ᠶᠡᠭᠡ ᠴᠢᠩᠭᠠ ᠪᠤᠯᠴᠢᠬᠠᠳᠠᠬ》 ᠬᠡᠵᠤ ᠨᠠᠰᠤᠲᠠᠨ ᠪᠠᠶᠠᠷᠳᠠᠢ ᠶᠠᠷᠢᠨᠠ᠃
ᠡᠮᠴᠢᠯᠡᠭᠡ ᠰᠤᠪᠢᠯᠠᠯᠳᠠᠶ᠋ᠢ ᠤᠶᠠᠯᠳᠤᠭᠤᠯᠬᠤ ᠪᠤᠯ ᠱᠢᠨᠡ ᠮᠠᠶᠢᠭᠤᠨ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢᠶ᠋ᠢᠨ ᠵᠠᠭ᠍ᠪᠤᠷ ᠮᠦᠨ᠂ ᠡᠷᠡᠬᠦᠯ ᠡᠩᠭᠡ ᠲᠤᠮᠳᠠᠳᠤ ᠤᠯᠤᠰᠢ ᠪᠠᠢᠭᠤᠯᠬᠤ ᠦᠨᠳᠦᠰᠦᠨ ᠪᠣᠳᠣᠯᠭᠠ ᠴᠢᠭ᠌ᠯᠡᠯᠲᠡ ᠮᠥᠨ᠃ ᠠᠵᠠᠲᠠᠢ ᠰᠤᠪᠢᠯᠠᠯᠲᠠᠶ᠋ᠢᠨ ᠬᠦᠷᠢᠶᠡᠯᠡᠩ ᠡᠷᠡᠭᠦᠯ ᠮᠡᠨᠳᠦᠶ᠋ᠢᠨ ᠬᠥᠮᠦᠵᠢᠯ᠂ ᠪᠡᠶᠡ ᠰᠤᠪᠢᠯᠠᠯᠲᠠᠶ᠋ᠢᠨ ᠮᠡᠳᠡᠯᠭᠡᠶ᠋ᠢ ᠳᠡᠯᠭᠡᠷᠡᠭᠦᠯᠬᠦ᠌ᠪᠠᠷ ᠳᠠᠮᠵᠢᠭᠤᠯᠤᠨ᠂ ᠪᠦᠬᠦ᠌ ᠠᠷᠠᠳᠤᠨ ᠪᠡᠶᠡ ᠰᠡᠳᠭᠢᠯᠤᠨ ᠡᠷᠡᠭᠦᠯ ᠮᠡᠨᠳᠦᠶ᠋ᠢᠨ ᠬᠡᠪ ᠪᠤᠯᠪᠠᠰᠤᠷᠠᠯᠢ ᠳᠡᠭᠡᠭ᠌ᠰᠢᠯᠡᠭᠦᠯᠵᠦ᠍᠂ ᠥᠷᠭᠡᠨ ᠣᠯᠠᠨ ᠲᠦᠮᠡᠨᠤ ᠢᠲᠡᠭᠡᠯ ᠬᠦᠨᠳᠦᠳᠭᠡᠯᠢ ᠣᠯᠵᠤ᠂ ᠤᠷᠤᠨ ᠨᠤᠳᠤᠭᠤᠨ ᠣᠨᠴᠠᠯᠢᠭᠲᠠᠢ ᠡᠮᠴᠢᠯᠡᠭᠡ ᠰᠤᠪᠢᠯᠠᠯᠲᠠᠶ᠋ᠢ ᠤᠶᠠᠯᠳᠤᠭᠤᠯᠬᠤ ᠵᠠᠭ᠍ᠪᠤᠷᠢ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠪᠦᠷᠢᠯᠳᠦᠭᠦᠯᠵᠦ᠍᠂ 2016 ᠤᠨᠳᠤ ᠤᠯᠤᠰᠤᠨ ᠬᠢᠲᠠᠳ ᠡᠮ ᠡᠮᠨᠡᠯᠭᠡᠶ᠋ᠢᠨ ᠡᠷᠡᠭᠦᠯ ᠮᠡᠨᠳᠦᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠰᠠᠭᠤᠷᠢᠨᠢᠶᠠᠷ ᠰᠣᠩᠭᠤᠭ᠍ᠳᠠᠵᠦ᠍᠂ 2017 ᠣᠨᠳᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠩᠬᠠᠳᠠᠭ᠍ᠴᠢ ᠪᠦᠯᠦᠭ ᠡᠮᠴᠢᠯᠡᠭᠡ ᠰᠤᠪᠢᠯᠠᠯᠳᠠᠶ᠋ᠢ ᠤᠶᠠᠯᠳᠤᠭᠤᠯᠤᠭ᠍ᠰᠠᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠰᠠᠭᠤᠷᠢᠨᠢᠶᠠᠷ ᠦᠨᠡᠯᠡᠭ᠌ᠳᠡᠵᠡᠢ᠃
ᠦᠩᠭᠡᠷᠡᠭ᠌ᠰᠡᠨᠢᠶᠠᠨ ᠡᠷᠬᠢᠴᠡᠬᠦᠯᠵᠦ᠍ ᠢᠷᠡᠭᠡᠳᠦᠢᠪᠠᠨ ᠪᠠᠷᠠᠯᠠᠬᠤᠶᠠ᠂ ᠬᠦᠰᠡᠯ ᠬᠦᠪᠦᠷᠡᠵᠦ᠍ ᠢᠳᠡᠭᠡᠯ ᠨᠡᠮᠡᠭ᠌ᠳᠡᠨᠡ᠃ ᠨᠢᠭᠡ ᠯᠡ ᠲᠡᠭᠡᠷᠡ 1600 ᠭᠠᠷᠤᠢ ᠬᠦᠮᠦᠨᠢ ᠬᠦᠯᠢᠶᠡᠨ ᠠᠪᠴᠤ᠌ ᠲᠡᠢᠯᠬᠦ᠌ ᠠᠵᠠᠳᠠᠢ ᠰᠤᠪᠢᠯᠠᠯᠳᠠᠶ᠋ᠢᠨ ᠬᠦᠷᠢᠶᠡᠯᠡᠩᠤᠨ ᠬᠤᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠳᠠ ᠦᠨᠳᠦᠰᠦᠨᠳᠡᠭᠡᠨ ᠲᠠᠭᠤᠰᠴᠤ᠌ ᠤᠳᠠᠯ ᠦᠭᠡᠢ ᠠᠱᠢᠬ᠍ᠯᠠᠯᠳᠠᠳᠤ ᠤᠷᠤᠬᠤᠪᠠᠷ ᠪᠠᠢᠭᠠ᠂ ᠢᠯᠠᠩᠭᠤᠶᠠ ᠠᠵᠠᠳᠠᠢ ᠰᠤᠪᠢᠯᠠᠯᠳᠠᠶ᠋ᠢᠨ ᠬᠦᠷᠢᠶᠡᠯᠡᠩᠯᠦᠭᠡ ᠨᠢᠭᠡᠭᠡᠨ ᠬᠡᠷᠡᠮ ᠠᠯᠤᠰᠯᠠᠨ ᠰᠦᠨᠳᠡᠷᠯᠡᠭ᠌ᠰᠡᠨ ᠤᠷᠳᠤᠰ ᠬᠤᠳᠠᠶ᠋ᠢᠨ ᠮᠤᠩᠭᠤᠯ ᠡᠮᠨᠡᠯᠭᠡᠶ᠋ᠢᠨ ᠬᠤᠷᠢᠶᠠᠶ᠋ᠢᠨ ᠱᠢᠨᠡ ᠪᠠᠭᠤᠴᠠ ᠱᠢᠨᠡ ᠤᠨᠢ ᠤᠭ᠍ᠳᠤᠨ ᠠᠱᠢᠬ᠍ᠯᠠᠯᠳᠠᠳᠤ ᠤᠷᠤᠬᠤᠪᠠᠷ ᠪᠠᠢᠭᠠᠨᠢ ᠤᠳᠤᠭᠤᠨ ᠡᠮᠦᠨᠡᠳᠦ ᠬᠤᠱᠢᠭᠤᠨᠤ ᠡᠮᠴᠢᠯᠡᠭᠡ ᠰᠤᠪᠢᠯᠠᠯᠳᠠᠶ᠋ᠢ ᠤᠶᠠᠯᠳᠤᠭᠤᠯᠤᠨ ᠬᠦᠭ᠌ᠵᠢᠬᠦᠯᠬᠦ᠌ᠳᠤ ᠨᠡᠩ ᠠᠱᠢᠭ᠍ᠳᠠᠢ ᠨᠦᠬᠦᠴᠡᠯᠢ ᠪᠦᠷᠢᠯᠳᠦᠬᠦᠯᠦᠨ ᠦᠭ᠌ᠴᠦ᠂ ᠡᠷᠡᠭᠦᠯ ᠡᠩᠭᠡ ᠲᠤᠮᠳᠠᠳᠤ ᠤᠯᠤᠰᠤᠨ ᠪᠠᠢᠭᠤᠯᠤᠯᠲᠠᠳᠤ 《ᠤᠨᠴᠠᠯᠢᠬ᠍ᠲᠤ ᠵᠤᠷ》 ᠬᠠᠩᠭᠠᠬᠤ ᠪᠤᠯᠤᠨᠠ᠃