487 ᠭᠡᠱᠢᠭᠦᠨ 1540 ᠭᠠᠷᠤᠢ ᠤᠳᠠᠭᠠ ᠤᠬᠠᠭᠤᠯᠤᠨ ᠲᠠᠢᠯᠪᠤᠷᠢᠯᠠᠵᠦ᠍ 3.1 ᠲᠦᠮᠡᠨ ᠬᠦᠮᠦᠨ ᠤᠳᠠᠭᠠ ᠤᠷᠤᠯᠴᠠᠯᠠ —
9 ᠰᠠᠷᠠᠶ᠋ᠢᠨ 11 ᠤ ᠦᠳᠡᠶ᠋ᠢᠨ ᠡᠮᠦᠨᠡ᠂ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠱᠢᠭᠤᠨᠤ ᠪᠠᠶᠠᠨᠬᠤᠱᠢᠭᠤ ᠪᠠᠯᠭᠠᠰᠤᠶ᠋ᠢᠨ ᠱᠢᠷᠡᠳᠤᠪᠤ ᠭᠠᠴᠠᠭᠠᠨᠤ ᠨᠠᠮᠤᠨ ᠭᠡᠱᠢᠭᠦᠨ ᠪᠠ ᠤᠯᠠᠨ ᠲᠦᠮᠡᠨᠳᠤ ᠦᠢᠯᠡᠴᠢᠯᠡᠬᠦ᠌ ᠲᠦᠪᠤᠨ ᠬᠦᠷᠢᠶᠡᠨᠳᠤ ᠬᠦᠷ ᠬᠦᠭ᠌ᠵᠢᠶᠡᠨ ᠶᠡᠭᠡᠳᠡᠢ᠃ ᠠᠯᠢᠮᠠ ᠵᠢᠮᠢᠰᠨᠢ ᠪᠤᠯᠪᠠᠰᠤᠷᠠᠭᠠᠳ ᠮᠦᠴᠢᠷ ᠨᠠᠮᠠᠭᠠᠪᠠᠨ ᠲᠠᠭᠠᠭᠠᠵᠦ᠍ ᠶᠠᠳᠠᠳᠠᠯᠠ ᠮᠤᠨᠴᠤᠭ᠍ᠯᠠᠭ᠍ᠰᠠᠨ ᠵᠢᠮᠢᠰᠤᠨ ᠮᠤᠳᠤᠨᠤ ᠲᠡᠷᠭᠡᠳᠡ ᠬᠦᠮᠦᠰ ᠱᠢᠷᠡᠭᠡ ᠲᠤᠭᠤᠢ᠍ᠢᠯᠠᠨ ᠰᠠᠭᠤᠯᠴᠠᠭᠠᠳ ᠬᠤᠷᠴᠢᠨ ᠠᠷᠠᠳᠤᠨ ᠲᠠᠭᠤᠤᠪᠠᠨ ᠪᠠᠭ᠍ᠠᠷᠬᠠᠨ ᠰᠤᠨᠤᠰᠴᠠᠭᠠᠨᠠ᠃ ᠲᠠᠮᠠᠬᠢᠪᠠᠨ ᠳᠠᠳᠠᠴᠢᠬᠠᠵᠠᠢ᠂ ᠵᠢᠮᠢᠰᠢᠶᠠᠨ ᠢᠳᠡᠴᠢᠬᠡᠵᠡᠢ᠂ ᠠᠯᠢᠶᠠ ᠵᠢᠭᠠᠬᠠᠨ ᠭᠡᠦᠭᠡᠳᠨᠢ ᠱᠢᠷᠡᠭᠡ ᠲᠤᠭᠤᠢ᠍ᠢᠯᠠᠭᠠᠳ ᠭᠦᠶᠦᠴᠢᠬᠡᠵᠡᠢ ᠁ ᠠᠯᠳᠠᠨ ᠨᠠᠮᠤᠷᠤᠨ ᠱᠢᠷᠭᠠᠯ ᠡᠳᠦᠷᠤᠨ ᠬᠦᠳᠡᠭᠡᠶ᠋ᠢᠨ ᠪᠤᠷᠤ ᠵᠢᠷᠤᠭ ᠰᠡᠳᠭᠢᠯᠳᠤ ᠲᠠᠩᠴᠤ᠌ ᠲᠠᠭᠠᠳᠠᠢᠬᠠᠨ᠃ ᠭᠡᠨᠤ ᠲᠠᠷᠢᠶᠠ ᠲᠡᠯᠪᠡ ᠲᠦᠷᠦᠵᠡᠢ᠂ ᠬᠡᠨᠤᠬᠢᠨ ᠦᠭᠡᠷᠢᠶᠠᠨ ᠭᠡᠳᠦᠨ ᠲᠦᠮᠡᠪᠠᠷ ᠬᠤᠳᠠᠯᠳᠤᠪᠠ ᠭᠡᠳ ᠠᠵᠠ ᠵᠢᠷᠭᠠᠯᠳᠤ ᠠᠮᠢᠳᠤᠷᠠᠯᠢᠶᠠᠨ ᠠᠳᠠᠭᠠ ᠵᠢᠳᠦᠭᠡᠲᠠᠢ ᠱᠢᠬ ᠵᠤᠭᠤᠭ᠍ᠳᠠᠭᠠᠳ ᠰᠠᠭᠤᠬᠤᠳᠤ ᠠᠷᠠᠳᠤᠨ ᠲᠠᠭᠤᠤᠶ᠋ᠢᠨ ᠬᠢᠨᠢ ᠡᠭᠡᠱᠢᠭ ᠡᠭᠡ ᠲᠡᠯᠡᠬᠡᠢᠶ᠋ᠢ ᠤᠶᠠᠷᠠᠭᠠᠨᠠ᠃
ᠱᠢᠷᠡᠳᠤᠪᠤ ᠭᠠᠴᠠᠭᠠᠨᠤ ᠠᠷᠠᠳ ᠼᠠᠢ ᠱᠢᠶᠠ ᠪᠠᠭ᠍ᠰᠢᠶ᠋ᠢ ᠬᠦᠷᠢᠶᠡᠯᠡᠵᠤ ᠰᠠᠭᠤᠭᠠᠳ ᠲᠦᠪᠤᠨ ᠦᠨᠳᠤᠰᠤᠳᠡᠨᠤ ᠠᠵᠢᠯᠤᠨ ᠬᠤᠷᠠᠯᠤᠨ ᠲᠤᠬᠠᠢ ᠵᠤᠭᠤᠭ ᠲᠠᠯᠬᠡᠨᠠ᠃
ᠪᠢᠯᠢᠭ᠌ᠲᠦ ᠰᠡᠭᠦᠳᠡᠷᠯᠡᠪᠡ
《ᠵᠠ᠂ ᠤᠳᠤ ᠬᠤᠭᠤᠷᠳᠠᠬᠤᠪᠠᠨ ᠵᠤᠭ᠍ᠰᠤ ᠡ！ 〈ᠡᠭᠦᠳᠡᠨ ᠡᠮᠦᠨᠡᠬᠢ ᠵᠤᠭᠤᠭᠤᠨ ᠪᠦᠯᠬᠦᠮ〉 ᠤᠨ ᠪᠠᠭ᠍ᠰᠢ ᠪᠢᠳᠠᠨᠲᠠᠢ ᠵᠤᠭᠤᠭ᠍ᠳᠠᠬᠤᠪᠠᠷ ᠢᠷᠡᠯᠡ᠂ ᠡᠨᠡ ᠡᠳᠦᠷᠤᠨ ᠵᠤᠭᠤᠭ ᠵᠢᠩᠬᠢᠨᠢᠪᠠᠷ ᠡᠬᠢᠯᠡᠨᠡ》 ᠭᠡᠵᠦ᠍ ᠱᠢᠷᠡᠳᠤᠪᠤ ᠭᠠᠴᠠᠭᠠᠨᠤ ᠨᠠᠮᠤᠨ ᠡᠭᠦᠷᠤᠨ ᠱᠦᠵᠢ ᠯᠢᠦ ᠬᠠᠢ ᠯᠢᠨ 《ᠵᠠᠷᠯᠢᠬ》 ᠪᠠᠭᠤᠯᠠ᠃ ᠡᠨᠡ ᠡᠳᠦᠷᠤᠨ ᠵᠤᠭᠤᠭᠤᠨ ᠭᠤᠤᠯ ᠠᠭᠤᠯᠭᠠᠨᠢ ᠬᠠᠷᠢᠨ ᠲᠦᠪᠤᠨ ᠦᠨᠳᠦᠰᠦᠳᠡᠨᠤ ᠠᠵᠢᠯᠤᠨ ᠬᠤᠷᠠᠯᠤᠨ ᠵᠤᠷᠢᠭ ᠰᠠᠨᠠᠭᠠᠶ᠋ᠢᠨ ᠲᠤᠬᠠᠢ ᠪᠠᠢᠯᠠ᠃
ᠪᠠᠶᠠᠨᠬᠤᠱᠢᠭᠤ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠪᠠᠭ᠍ᠰᠢ ᠼᠠᠢ ᠱᠢᠶᠠ ᠬᠦᠷᠦᠯᠴᠡᠨ ᠢᠷᠡᠵᠤ ᠨᠡᠢᠰᠯᠡᠯ ᠪᠡᠭᠡᠵᠢᠩᠳᠤ ᠬᠤᠷᠠᠯᠳᠤᠭ᠍ᠰᠠᠨ ᠲᠥᠪᠤᠨ ᠦᠨᠳᠦᠰᠦᠲᠡᠨᠤ ᠠᠵᠢᠯᠤᠨ ᠬᠤᠷᠠᠯᠤᠨ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠤᠯᠠᠨ ᠲᠦᠮᠡᠨᠤ ᠤᠢ᠍ᠢᠯᠠᠭᠠᠬᠤᠳᠤ ᠳᠦᠭᠦᠮ ᠵᠤᠭᠤᠭᠤᠨ ᠬᠡᠯᠪᠡᠷᠢᠪᠠᠷ ᠤᠯᠠᠮᠵᠢᠯᠠᠨ ᠶᠠᠷᠢᠵᠦ᠍ ᠭᠠᠷᠤᠯᠠ᠃
— ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠨᠠᠮᠤᠨ ᠦᠨᠳᠦᠰᠦᠲᠡᠨᠤ ᠠᠵᠢᠯᠢ ᠰᠠᠢᠳᠤᠷ ᠬᠢᠬᠦ᠌ᠳᠤ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤ ᠴᠤᠭ᠍ᠴᠠᠶ᠋ᠢᠨ ᠤᠬᠠᠮᠰᠠᠷᠢ ᠪᠠᠲᠤ ᠴᠤᠭ᠍ᠴᠠᠯᠠᠬᠤᠪᠠᠷ ᠨᠠᠮᠤᠨ ᠦᠨᠳᠦᠰᠦᠲᠡᠨᠤ ᠠᠵᠢᠯᠤᠨ ᠭᠤᠤᠯ ᠱᠢᠵᠢᠮ ᠪᠤᠯᠭᠠᠬᠤ ᠬᠡᠷᠡᠭ᠌ᠲᠡᠢ᠃ ᠨᠡᠢᠲᠡᠯᠢᠭ ᠴᠢᠨᠠᠷ ᠪᠠ ᠵᠥᠷᠢᠶᠡᠲᠦ ᠴᠢᠨᠠᠷᠤᠨ ᠬᠠᠷᠢᠴᠠᠭᠠᠶ᠋ᠢ ᠵᠥᠪ ᠡᠵᠡᠮᠳᠡᠵᠦ᠍᠂ ᠨᠡᠢᠲᠡᠯᠢᠭ ᠴᠢᠨᠠᠷᠢ ᠨᠡᠮᠡᠭ᠌ᠳᠡᠭᠦᠯᠦᠨ᠂ ᠵᠥᠷᠢᠶᠡᠲᠦ ᠴᠢᠨᠠᠷᠢ ᠬᠦᠨᠳᠦᠳᠭᠡᠨ ᠪᠠᠭ᠍ᠲᠠᠭᠠᠬᠤ ᠪᠣᠯ ᠦᠨᠳᠦᠰᠦᠲᠡᠨᠤ ᠠᠵᠢᠯᠤᠨ ᠴᠢᠬᠤᠯᠠ ᠵᠠᠷᠴᠢᠮ ᠮᠥᠨ᠃ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤ ᠴᠣᠭ᠍ᠴᠠᠶ᠋ᠢᠨ ᠤᠬᠠᠮᠰᠠᠷ ᠪᠠ ᠡᠯᠡ ᠦᠨᠳᠦᠰᠦᠲᠡᠨᠤ ᠤᠬᠠᠮᠰᠠᠷᠤᠨ ᠬᠠᠷᠢᠴᠠᠭᠠᠶ᠋ᠢ ᠵᠥᠪ ᠡᠵᠡᠮᠳᠡᠵᠦ᠍᠂ ᠦᠨᠳᠦᠰᠦᠲᠡᠨᠨᠦᠭᠦᠳ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠠᠱᠢᠭ ᠲᠤᠰᠠᠶ᠋ᠢ ᠢᠮᠠᠭ᠍ᠲᠠ ᠲᠡᠷᠢᠭᠦᠨ ᠪᠠᠢᠷᠢᠨᠳᠤ ᠲᠠᠯᠪᠢᠬᠤᠶ᠋ᠢ ᠬᠦᠳᠦᠯᠦᠨ ᠲᠠᠭᠠᠭᠤᠯᠵᠤ᠂ ᠲᠤᠰ ᠦᠨᠳᠦᠰᠦᠲᠡᠨᠤ ᠤᠬᠠᠮᠰᠠᠷᠨᠢ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤ ᠴᠣᠭ᠍ᠴᠠᠶ᠋ᠢᠨ ᠤᠬᠠᠮᠰᠠᠷᠢ ᠳᠠᠭᠠᠬᠤ ᠪᠠ ᠲᠡᠭᠦᠨᠳᠤ ᠦᠢᠯᠡᠴᠢᠯᠡᠬᠦ᠌ᠶ᠋ᠢᠨ ᠬᠠᠮᠲᠤ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤ ᠴᠣᠭ᠍ᠴᠠᠶ᠋ᠢᠨ ᠪᠦᠬᠦ᠋ᠢᠯᠡ ᠠᠱᠢᠭ ᠲᠤᠰᠠᠶ᠋ᠢ ᠰᠠᠢᠲᠤᠷ ᠪᠡᠶᠡᠯᠡᠭᠦᠯᠬᠦ᠌ ᠠᠬᠢᠴᠠ ᠳᠤᠮᠳᠠ ᠡᠯᠡ ᠦᠨᠳᠦᠰᠦᠲᠡᠨᠤ ᠪᠣᠳᠠᠲᠠᠢ ᠠᠱᠢᠭ ᠲᠤᠰᠠᠶ᠋ᠢ ᠰᠠᠢᠲᠤᠷ ᠪᠡᠶᠡᠯᠡᠭᠦᠯᠬᠦ᠌ ᠬᠡᠷᠡᠭ᠌ᠲᠡᠢ᠂ ᠶᠡᠭᠡ ᠬᠢᠲᠠᠳ ᠦᠨᠳᠦᠰᠦᠲᠡᠨᠤ ᠦᠵᠡᠯ ᠪᠠ ᠣᠷᠣᠨ ᠨᠤᠲᠤᠭᠤᠨ ᠦᠨᠳᠦᠰᠦᠲᠡᠨᠤ ᠦᠵᠡᠯᠨᠢ ᠴᠥᠮ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤ ᠴᠣᠭ᠍ᠴᠠᠶ᠋ᠢᠨ ᠪᠠᠢᠭᠤᠯᠤᠯᠲᠠᠳᠤ ᠠᠱᠢᠭ ᠦᠭᠡᠢ ᠶᠤᠮ᠃ ᠳᠤᠮᠳᠠᠳᠤᠶ᠋ᠢᠨ ᠰᠣᠶᠣᠯ ᠪᠣᠯᠤᠨ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠰᠣᠶᠣᠯᠤᠨ ᠬᠠᠷᠢᠴᠠᠭᠠᠶ᠋ᠢ ᠵᠥᠪ ᠡᠵᠡᠮᠳᠡᠵᠤ᠂ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ ᠪᠣᠯ ᠴᠥᠮ ᠳᠤᠮᠳᠠᠳᠤᠶ᠋ᠢᠨ ᠰᠣᠶᠣᠯᠤᠨ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠮᠥᠨ᠂ ᠳᠤᠮᠳᠠᠳᠤᠶ᠋ᠢᠨ ᠰᠣᠶᠣᠯ ᠪᠣᠯ ᠭᠤᠣᠯ ᠡᠰᠢ ᠮᠥᠨ᠂ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠰᠣᠶᠣᠯ ᠪᠣᠯ ᠰᠠᠯᠠᠭᠠ ᠨᠠᠮᠠᠭᠠ ᠮᠥᠨ᠂ ᠦᠨᠳᠦᠰᠦ ᠭᠦᠨ ᠡᠰᠢᠨᠢ ᠪᠦᠳᠦᠭᠦᠨ ᠪᠠᠢᠪᠠᠯ ᠰᠠᠶᠢ ᠰᠠᠯᠠᠭᠠ ᠨᠠᠮᠠᠭᠠᠨᠢ ᠢᠭ᠍ᠴᠤ ᠰᠠᠬᠤᠯᠢᠭ ᠤᠷᠭᠤᠵᠤ ᠴᠢᠳᠠᠨᠠ᠃ ᠪᠣᠳᠠᠰᠤᠨ ᠪᠠ ᠤᠶᠤᠨᠤ ᠬᠠᠷᠢᠴᠠᠭᠠᠶ᠋ᠢ ᠵᠥᠪ ᠡᠵᠡᠮᠳᠡᠵᠦ᠍᠂ ᠪᠤᠢ ᠪᠦᠬᠦᠢ ᠥᠭᠡᠷᠡᠴᠢᠯᠡᠯᠲᠡ ᠬᠥᠭ᠌ᠵᠢᠯᠲᠡᠳᠤ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤ ᠴᠣᠭ᠍ᠴᠠᠶ᠋ᠢᠨ ᠤᠬᠠᠮᠰᠠᠷᠢ ᠢᠯᠡᠷᠡᠭᠦᠯᠬᠦ᠌ ᠠᠴᠢ ᠬᠤᠯᠪᠣᠭ᠍ᠳᠠᠯ᠂ ᠨᠢᠭᠡᠳᠦᠯᠢ ᠬᠠᠮᠠᠭᠠᠯᠠᠬᠤ᠂ ᠬᠠᠭᠠᠴᠡᠭᠤᠯᠬᠤᠶ᠋ᠢ ᠡᠰᠡᠷᠭᠦᠴᠡᠬᠦ᠌ ᠠᠴᠢ ᠬᠤᠯᠪᠣᠭ᠍ᠳᠠᠯ᠂ ᠠᠷᠠᠳᠤᠨ ᠠᠮᠢᠳᠤᠷᠠᠯᠢ ᠰᠠᠢᠵᠢᠷᠠᠭᠤᠯᠬᠤ᠂ ᠬᠥᠮᠦᠰᠤᠨ ᠰᠡᠳᠭᠢᠯᠢ ᠨᠢᠭ᠍ᠲᠠᠷᠠᠭᠤᠯᠬᠤ ᠠᠴᠢ ᠬᠤᠯᠪᠣᠭ᠍ᠳᠠᠯ ᠣᠯᠭᠤᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤ ᠴᠣᠭ᠍ᠴᠠᠶ᠋ᠢ ᠡᠪᠳᠡᠷᠡᠰᠢ ᠦᠭᠡᠢ ᠪᠠᠳᠤ ᠪᠠᠬᠢ ᠪᠤᠯᠭᠠᠬᠤ ᠬᠡᠷᠡᠭ᠌ᠳᠠᠢ ᠭᠡᠬᠦ᠌ ᠮᠡᠲᠦᠪᠠᠷ ᠶᠡᠷᠦᠩᠬᠡᠢ ᠱᠦᠵᠢ ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠨᠠᠮᠤᠨ ᠦᠨᠳᠦᠰᠦᠲᠡᠨᠤ ᠠᠵᠢᠯᠤᠨ 《ᠭᠤᠤᠯ ᠱᠢᠵᠢᠮ》᠂ 《ᠠᠷᠪᠠᠨ ᠬᠤᠶᠠᠷ ᠡᠷᠬᠡᠪᠰᠢ》᠂ 《ᠳᠦᠷᠪᠡᠨ ᠬᠠᠷᠢᠴᠠᠭᠠ》 ᠶ᠋ᠢ ᠵᠥᠪ ᠡᠵᠡᠮᠲᠡᠬᠦ᠌ ᠵᠡᠷᠭᠡᠶ᠋ᠢ ᠳᠤᠷᠠᠳᠤᠭ᠍ᠰᠠᠨ ᠪᠠᠢᠨᠠ᠃ ᠪᠢᠳᠡ ᠦᠨᠳᠦᠰᠦᠲᠡᠨᠤ ᠠᠵᠢᠯᠤᠨ ᠬᠤᠷᠠᠯᠤᠨ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠰᠠᠢᠳᠤᠷ ᠰᠤᠷᠤᠯᠴᠠᠨ᠂ ᠬᠠᠮᠳᠤᠪᠠᠷ ᠡᠶᠡ ᠵᠤᠬᠢᠴᠠᠩᠭᠤᠢ ᠡᠪ ᠪᠦᠯᠬᠦᠮᠳᠡᠯᠲᠠᠢ ᠭᠡᠷ ᠤᠷᠤᠨᠢ ᠪᠦᠲᠦᠭᠡᠨ ᠪᠠᠢᠭᠤᠯᠬᠤᠪᠠᠷ ᠴᠢᠷᠮᠠᠢᠵᠠᠭᠠᠶᠠ ᠭᠡᠵᠦ᠍ ᠼᠠᠢ ᠱᠢᠶᠠ ᠪᠠᠭ᠍ᠰᠢ ᠲᠠᠢᠯᠪᠤᠷᠢᠯᠠᠨ ᠶᠠᠷᠢᠬᠤᠳᠤ᠂ ᠵᠤᠭᠤᠭᠲᠤ ᠲᠤᠷᠠᠳᠠᠢ ᠬᠦᠮᠦᠰ ᠦᠪᠡᠷᠤᠨ ᠦᠢᠯᠠᠭᠠᠵᠤ ᠮᠡᠳᠡᠭ᠌ᠰᠡᠨ ᠦᠭᠡᠢ ᠵᠦᠢᠯᠡᠰᠢᠶᠠᠨ ᠠᠰᠠᠭᠤᠨ ᠯᠠᠪᠯᠠᠵᠤ᠂ ᠰᠠᠨᠠᠯ ᠪᠤᠳᠤᠯᠢᠶᠠᠨ ᠰᠤᠯᠢᠯᠴᠠᠨ᠂ ᠲᠠᠯᠪᠢᠬ᠍ᠰᠠᠨ ᠠᠰᠠᠭᠤᠯᠲᠠᠳᠤᠨᠢ ᠼᠠᠢ ᠱᠢᠶᠠ ᠪᠠᠭ᠍ᠰᠢ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠲᠠᠢᠯᠪᠤᠷᠢᠯᠠᠯᠲᠠ ᠬᠢᠵᠤ ᠪᠠᠢᠯᠠ᠃
ᠵᠤᠭᠤᠭᠤᠨ ᠲᠤᠮᠳᠠ ᠪᠠᠢᠨ ᠳᠠᠬᠢᠨ ᠲᠤᠯᠤᠭᠠᠢ ᠳᠤᠬᠢᠨ ᠰᠠᠭᠤᠭ᠍ᠰᠠᠨ ᠤᠯᠠᠨ ᠲᠦᠮᠡᠨᠤ ᠳᠤᠮᠳᠠᠠᠴᠠ ᠱᠢᠷᠠᠳᠤᠪᠤ ᠭᠠᠴᠠᠭᠠᠨᠤ ᠠᠬᠠᠮᠠᠳ ᠨᠠᠮᠤᠨ ᠭᠡᠱᠢᠭᠦᠨ ᠵᠠᠯᠠᠭᠠᠨᠵᠠᠪ ᠲᠤᠭ᠍ᠳᠤᠯᠤᠭ᠍ᠰᠠᠨ ᠰᠡᠳᠭᠢᠯᠭᠡᠪᠠᠨ ᠳᠠᠷᠤᠵᠤ ᠶᠠᠳᠠᠨ ᠠᠷᠠᠯᠲᠤ ᠬᠤᠭᠤᠷᠢᠶᠠᠨ ᠠᠳᠭᠤᠨ᠄
— ᠪᠠᠭ᠍ᠰᠢᠶ᠋ᠢᠨ ᠶᠠᠷᠢᠶᠠᠶ᠋ᠢ ᠰᠤᠨᠤᠰᠤᠭᠠᠳ ᠦᠨᠳᠦᠰᠦᠲᠡᠨᠤ ᠠᠵᠢᠯᠤᠨ ᠬᠤᠷᠠᠯᠤᠨ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠦᠨᠡᠨ ᠮᠦᠨᠢᠶᠠᠷᠨᠢ ᠤᠢ᠍ᠢᠯᠠᠭᠠᠵᠠᠢ᠃ ᠦᠨᠳᠦᠰᠦᠲᠡᠨᠨᠦᠭᠦᠳ ᠪᠦᠯᠬᠦᠮᠳᠡᠵᠦ᠍᠂ 《ᠳᠤᠤᠭᠠᠷᠪᠠᠯ ᠳᠠᠭᠤᠨ ᠨᠢᠭᠡᠲᠡᠢ᠂ ᠳᠤᠭ᠍ᠲᠤᠷᠪᠠᠯ ᠬᠦᠴᠦᠨ ᠨᠢᠭᠡᠲᠡᠢ》 ᠪᠠᠢᠪᠠᠯ ᠰᠠᠶᠢ ᠤᠯᠤᠰ ᠦᠨᠳᠦᠰᠦᠲᠡᠨ ᠬᠦᠭ᠌ᠵᠢᠨ ᠬᠦᠴᠦᠷᠭᠡᠭ᠌ᠵᠢᠵᠦ᠍ ᠴᠢᠳᠠᠨᠠ᠃ ᠤᠯᠤᠰ ᠦᠨᠳᠦᠰᠦᠲᠡᠨ ᠬᠦᠭ᠌ᠵᠢᠨ ᠬᠦᠴᠦᠷᠬᠡᠭ᠌ᠵᠢᠪᠡᠯ ᠦᠢ ᠲᠦᠮᠡᠨ ᠢᠷᠭᠡᠳ ᠰᠠᠶᠢ ᠠᠮᠤᠷ ᠲᠦᠪᠱᠢᠨ᠂ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠵᠦ᠍ ᠳᠡᠢᠯᠦᠨᠡ᠃ ᠲᠦᠷᠦ᠍ ᠲᠦᠪᠱᠢᠨ ᠪᠤᠯᠪᠠᠰᠤ ᠲᠦᠮᠡᠨ ᠠᠮᠤᠭᠤᠯᠠᠩ᠃ ᠡᠨᠡ ᠪᠤᠯ ᠳᠠᠷᠤᠢ ᠡᠪ ᠬᠠᠮᠲᠤ ᠨᠠᠮᠤᠨ ᠨᠢᠭᠡᠲᠦᠯᠲᠡᠢ ᠤᠳᠤᠷᠢᠳᠤᠯᠭᠠ᠂ ᠡᠯᠡ ᠦᠨᠳᠦᠰᠦᠳᠡᠨᠤ ᠪᠦᠯᠬᠦᠮᠳᠡᠯᠤᠨ ᠬᠦᠴᠦᠨ ᠶᠤᠮ ᠭᠡᠵᠦ᠍ ᠬᠤᠭᠤᠷᠢᠶᠠᠨ ᠬᠦᠭ᠌ᠯᠡᠭᠦᠯᠵᠦ᠍ ᠬᠤᠯᠪᠤᠭᠠᠪᠠᠨ ᠭᠡᠯᠡᠵᠦ᠍ ᠭᠠᠷᠤᠯᠠ᠃
— ᠦᠨᠳᠦᠰᠦᠳᠡᠨ ᠪᠦᠬᠦᠨ ᠪᠦᠯᠬᠦᠮᠳᠡᠭ᠌ᠰᠡᠨᠢᠶᠠᠷ ᠦᠨᠦᠳᠦᠷᠤᠨ ᠠᠮᠢᠳᠤᠷᠠᠯ ᠴᠢᠨᠡᠭᠡᠯᠢᠭ ᠪᠦᠭᠡᠳ ᠵᠢᠷᠭᠠᠯᠲᠠᠢ᠃ ᠢᠳᠡᠬᠦ᠌ ᠡᠮᠦᠰᠭᠦᠳᠡᠭᠡᠨ ᠵᠦᠪ ᠦᠭᠡᠢ ᠪᠠᠢᠭ᠍ᠰᠠᠨ ᠮᠠᠨᠤ ᠭᠠᠴᠠᠭᠠᠪᠠᠷ ᠵᠢᠱ᠌ᠢᠶᠡᠯᠡᠬᠦ᠌ᠳᠤ᠂ ᠤᠳᠤ 200 ᠲᠦᠮᠡᠨ ᠲᠦᠭᠦᠷᠢᠭᠠᠴᠠ ᠲᠡᠭᠡᠭ᠌ᠰᠢ ᠬᠠᠳᠠᠭᠠᠯᠠᠮᠵᠢᠲᠠᠢ ᠡᠷᠦᠭᠡ ᠬᠤᠷᠢᠭᠠᠳ᠂ 100 ᠲᠦᠮᠡᠠᠴᠠ ᠲᠡᠭᠡᠭ᠌ᠰᠢ ᠬᠠᠳᠠᠭᠠᠯᠠᠮᠵᠢᠲᠠᠢ ᠡᠷᠦᠭᠡ ᠪᠠᠰᠠ ᠭᠤᠴᠢ ᠭᠠᠷᠤᠢ ᠪᠤᠯᠵᠠᠢ᠃ ᠦᠷᠢᠲᠠᠢ ᠡᠷᠦᠭᠡ ᠭᠡᠵᠦ᠍ ᠪᠠᠢᠬᠤ ᠦᠭᠡᠢ ᠪᠤᠯᠤᠭ᠍ᠰᠠᠨ ᠱᠢᠦ᠃ ᠡᠨᠡ ᠪᠦᠷ ᠨᠠᠮ ᠵᠠᠰᠠᠭᠤᠨ ᠰᠠᠢᠨ᠂ ᠡᠶᠡ ᠪᠦᠯᠬᠦᠮᠳᠡᠯᠲᠠᠢ ᠪᠠᠢᠮᠠᠨ ᠡᠷᠦᠭᠡ ᠭᠡᠷ᠂ ᠴᠢᠨᠠᠭ᠍ᠰᠢᠯᠠᠭᠠᠳ ᠤᠯᠤᠰ ᠦᠨᠳᠦᠰᠦᠳᠡᠨ ᠰᠠᠶᠢ ᠬᠦᠭ᠌ᠵᠢᠵᠦ᠍ ᠴᠢᠳᠠᠨᠠ ᠱᠢᠦ ᠬᠡᠵᠤ ᠯᠢᠦ ᠬᠠᠢ ᠯᠢᠨ ᠦᠭᠡ ᠡᠯᠭᠦᠨ ᠤᠴᠢᠷᠯᠠᠨᠠ᠃
ᠲᠤᠰ ᠤᠳᠠᠭᠠᠶ᠋ᠢᠨ ᠵᠤᠭᠤᠭᠢᠶᠠᠷ ᠳᠠᠮᠵᠢᠨ ᠭᠠᠴᠠᠭᠠᠨᠤ ᠨᠠᠮᠤᠨ ᠭᠡᠱᠢᠭᠦᠨ ᠺᠠᠳ᠋ᠷᠴᠤᠳ ᠠᠷᠠᠳ ᠲᠦᠮᠡᠨᠳᠡᠭᠡᠨ ᠲᠦᠪᠤᠨ ᠦᠨᠳᠦᠰᠦᠲᠡᠨᠤ ᠠᠵᠢᠯᠤᠨ ᠬᠤᠷᠠᠯᠤᠨ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠱᠢᠰᠲ᠋ᠧᠮᠲᠠᠢ ᠡᠵᠡᠮᠱᠢᠭᠦᠯᠵᠦ᠍᠂ ᠪᠦᠯᠬᠦᠮᠳᠡᠯ ᠨᠢᠭ᠍ᠲᠠᠷᠠᠯᠤᠨ ᠴᠢᠬᠤᠯᠠ ᠴᠢᠨᠠᠷᠢ ᠭᠦᠨᠵᠡᠭᠡᠢ ᠤᠢ᠍ᠢᠯᠠᠭᠠᠭᠤᠯᠵᠦ᠍᠂ ᠡᠯᠡ ᠦᠨᠳᠦᠰᠦᠳᠡᠨ ᠬᠠᠮᠲᠤᠪᠠᠷ ᠬᠦᠴᠢᠷᠢ ᠲᠤᠭᠤᠯᠵᠦ᠍᠂ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠭᠡᠷ ᠤᠷᠤᠨᠢᠶᠠᠨ ᠪᠦᠲᠦᠭᠡᠨ ᠪᠠᠢᠭᠤᠯᠬᠤ ᠡᠷᠴᠢ ᠵᠤᠷᠢᠭᠢ ᠤᠯᠠᠮ ᠬᠦᠭ᠌ᠵᠢᠬᠡᠭ᠌ᠰᠡᠨᠨᠢ ᠢᠯᠡᠬᠡᠨ᠃
— ᠪᠠᠭᠠ ᠭᠡᠷ ᠪᠦᠯᠢ ᠪᠦᠯᠬᠦᠮᠳᠡᠯᠲᠠᠢ ᠪᠣᠯ ᠶᠡᠭᠡ ᠭᠡᠷ ᠪᠦᠯᠢ ᠰᠠᠶᠢ ᠪᠦᠯᠬᠦᠮᠳᠡᠯᠲᠠᠢ ᠪᠠᠢᠵᠤ ᠴᠢᠳᠠᠨᠠ᠃ ᠪᠢᠳᠡ ᠦᠪᠡᠷᠤᠨ ᠨᠤᠲᠤᠭ ᠤᠰᠤᠨᠤᠪᠠᠨ ᠡᠨᠡ ᠬᠦ᠌ ᠪᠦᠯᠬᠦᠮᠳᠡᠯᠤᠨ ᠬᠦᠴᠦᠨᠢᠶᠠᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠨᠡᠩ ᠴᠢᠨᠠᠭ᠍ᠰᠢᠲᠠ ᠤᠯᠤᠰ ᠭᠡᠷᠤᠨ ᠬᠡᠪᠴᠢᠶᠡᠨᠳᠤ ᠬᠦᠷᠲᠡᠯᠡ ᠳᠠᠮᠵᠢᠭᠤᠯᠵᠤ᠂ ᠨᠡᠩ ᠤᠯᠠᠨ ᠬᠦᠮᠦᠨ᠂ ᠨᠡᠩ ᠣᠯᠠᠨ ᠭᠠᠴᠠᠭᠠ ᠲᠤᠰᠭᠤᠨᠳᠤ ᠮᠡᠳᠡᠷᠡᠬᠦᠯᠦᠨᠠ ᠭᠡᠵᠦ᠍ ᠯᠢᠦ ᠬᠠᠢ ᠯᠢᠨ ᠢᠲᠡᠭᠡᠯ ᠲᠡᠭᠦᠯᠳᠡᠷ ᠶᠠᠷᠢᠬᠤᠳᠤ ᠪᠦᠭᠦᠳᠡᠭᠡᠷ ᠠᠯᠠᠭᠠ ᠲᠠᠱᠢᠵᠠᠭᠠᠯᠠ᠃
ᠵᠤᠭᠤᠭᠤᠨ ᠠᠭᠤᠯᠭᠠ ᠲᠡᠯᠡᠷᠡᠨ ᠦᠶᠡ ᠦᠶᠡ ᠲᠦᠩᠬᠢᠨᠡᠳᠡᠯᠡ ᠢᠨᠢᠶᠡᠯᠴᠡᠭᠡᠳ᠂ ᠬᠠᠪᠢ ᠰᠠᠬᠠᠭᠠᠯᠳᠠᠶ᠋ᠢᠨ ᠬᠦᠮᠦᠰ ᠴᠤᠬ᠍ᠯᠠᠷᠠᠭ᠍ᠰᠠᠭᠠᠷ ᠪᠠᠢᠯᠠ᠃ ᠼᠠᠢ ᠱᠢᠶᠠ ᠪᠠᠭ᠍ᠰᠢ ᠵᠤᠭᠤᠭᠤᠨ ᠲᠡᠭᠦᠰᠭᠡᠯᠳᠡᠭᠡᠨ ᠶᠡᠷᠦᠩᠬᠡᠢ ᠱᠦᠵᠢᠶ᠋ᠢᠨ ᠦᠭᠡᠠᠴᠠ ᠡᠱᠢᠯᠡᠨ᠂
— ᠪᠢᠳᠠ ᠨᠢᠳᠦᠨ ᠴᠡᠴᠡᠬᠡᠢᠪᠠᠨ ᠬᠠᠢᠷᠠᠯᠠᠬᠤ ᠱᠢᠭ᠋ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯᠢ ᠬᠠᠢᠷᠠᠯᠠᠵᠤ᠂ ᠠᠮᠢ ᠨᠠᠰᠤᠪᠠᠨ ᠨᠠᠨᠳᠢᠩᠨᠠᠬᠤ ᠱᠢᠭ᠋ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯᠢ ᠨᠠᠨᠳᠢᠩᠨᠠᠨ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤ ᠴᠤᠭ᠍ᠴᠠᠶ᠋ᠢᠨ ᠤᠬᠠᠮᠰᠠᠷᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠪᠠᠲᠤ ᠴᠤᠭ᠍ᠴᠠᠯᠠᠵᠤ᠂ ᠤᠶᠤᠨ ᠤᠬᠠᠭᠠᠨ ᠪᠠ ᠬᠦᠴᠦᠨ ᠴᠢᠳᠠᠯᠢᠶᠠᠨ ᠬᠠᠮᠤᠭᠤᠨ ᠶᠡᠭᠡ ᠬᠡᠮᠵᠢᠶᠡᠪᠠᠷ ᠨᠢᠭ᠍ᠲᠠᠷᠠᠭᠤᠯᠤᠨ᠂ ᠦᠵᠡᠰᠭᠦᠯᠡᠩᠳᠤ ᠰᠠᠢᠬᠠᠨ ᠬᠦᠳᠡᠭᠡ ᠨᠤᠲᠤᠭᠢᠶᠠᠨ ᠴᠤᠭ᠍ᠴᠠᠯᠠᠨ ᠪᠠᠢᠭᠤᠯᠤᠶᠠ ᠬᠡᠵᠦ᠍ ᠤᠷᠢᠶᠠᠯᠠᠬᠤᠳᠤ ᠬᠦᠮᠦᠰ ᠨᠢᠵᠢᠬᠢᠨᠡᠳᠡᠯᠡ ᠠᠯᠠᠭᠠ ᠲᠠᠱᠢᠵᠠᠭᠠᠯᠠ᠃
《ᠡᠭᠦᠳᠡᠨ ᠡᠮᠦᠨᠡᠬᠢ ᠵᠤᠭᠤᠭᠤᠨ ᠪᠦᠯᠬᠦᠮ》 ᠪᠤᠯ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠲᠤᠮᠳᠠᠳᠤ ᠬᠤᠱᠢᠭᠤᠨᠤ ᠨᠠᠮᠤᠨ ᠬᠤᠷᠢᠶᠠᠨᠤ ᠤᠬᠠᠭᠤᠯᠬᠤ ᠭᠡᠯᠳᠡᠰᠠᠴᠠ ᠤᠷᠤᠨ ᠨᠤᠲᠤᠭᠤᠨᠢᠶᠠᠨ ᠪᠤᠳᠠᠳᠤ ᠪᠠᠢᠳᠠᠯᠢ ᠦᠨᠳᠦᠰᠦᠯᠡᠨ ᠰᠠᠨᠠᠭᠠᠴᠢᠯᠠᠨ ᠪᠠᠢᠭᠤᠯᠤᠭ᠍ᠰᠠᠨ᠂ ᠨᠠᠮᠤᠨ ᠱᠤᠭᠤᠮ ᠴᠢᠭ᠌ᠯᠡᠯᠳᠡ ᠲᠦᠷᠦᠶ᠋ᠢᠨ ᠪᠤᠳᠤᠯᠭᠠ ᠪᠠᠢᠷᠢᠯᠠᠭᠤᠯᠤᠯᠲᠠ ᠱᠠᠭᠠᠷᠳᠠᠯᠭᠠᠶ᠋ᠢ ᠴᠠᠭ ᠲᠤᠬᠠᠢᠳᠤᠨᠢ ᠦᠨᠳᠦᠰᠦᠨ ᠱᠠᠲᠤᠨᠳᠤ ᠬᠦᠷᠭᠡᠨ ᠤᠬᠠᠭᠤᠯᠬᠤ 《ᠡᠴᠦᠰᠤᠨ ᠨᠢᠭᠡ ᠺᠢᠯᠤᠮᠧᠲᠷ》 ᠢ ᠰᠠᠭᠠᠳ ᠦᠭᠡᠢ ᠨᠡᠪᠲᠡᠷᠡᠭᠦᠯᠬᠦ᠌ ᠰᠠᠢᠨ ᠳᠤᠷᠠᠶ᠋ᠢᠨ ᠦᠢᠯᠡᠴᠢᠯᠡᠭᠡᠨᠤ ᠪᠦᠯᠬᠦᠮ ᠪᠤᠯᠤᠨᠠ᠃ ᠡᠨᠡ ᠵᠢᠯᠤᠨ 5 ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢᠪᠠᠷ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨ ᠲᠤᠰ ᠪᠦᠯᠬᠦᠮᠨᠢ ᠤᠳᠤ ᠭᠠᠴᠠᠭᠠᠨᠤ ᠨᠠᠮᠤᠨ ᠡᠭᠦᠷᠤᠨ ᠱᠦᠵᠢ᠂ ᠲᠤᠰᠭᠤᠨᠳᠤ ᠰᠠᠭᠤᠭᠠ ᠨᠢᠭᠡᠳᠦᠭᠡᠷ ᠱᠦᠵᠢ ᠵᠢᠴᠢ ᠬᠤᠱᠢᠭᠤᠨᠤ ᠠᠯᠪᠠᠨ ᠪᠠᠢᠭᠤᠯᠭᠠᠶ᠋ᠢᠨ ᠠᠵᠢᠯᠲᠠᠨ᠂ ᠶᠤᠰᠤ ᠰᠤᠷᠲᠠᠬᠤᠨᠤ ᠵᠢᠱ᠌ᠢᠶᠠᠴᠢ᠂ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯ ᠳᠠᠪᠱᠢᠯᠲᠠᠶ᠋ᠢᠨ ᠲᠡᠷᠢᠭᠦᠨᠤ ᠬᠤᠪᠢ ᠬᠦᠮᠦᠨ᠂ ᠴᠡᠷᠢᠭᠤᠨ ᠠᠯᠪᠠᠠᠴᠠ ᠬᠠᠯᠠᠭ᠍ᠳᠠᠭ᠍ᠰᠠᠳ ᠪᠠ ᠰᠤᠳᠤᠯᠬᠤ ᠰᠤᠷᠤᠭ᠍ᠴᠢ ᠵᠡᠷᠭᠡᠶ᠋ᠢ ᠪᠠᠭ᠍ᠳᠠᠭᠠᠭ᠍ᠰᠠᠨ 487 ᠭᠡᠱᠢᠭᠦᠨᠲᠠᠢ ᠪᠤᠯᠵᠦ᠍᠂ 1540 ᠭᠠᠷᠤᠢ ᠤᠳᠠᠭᠠ ᠤᠬᠠᠭᠤᠯᠤᠨ ᠲᠠᠢᠯᠪᠤᠷᠢᠯᠠᠬ᠍ᠰᠡᠨᠳᠤ 3.1 ᠲᠦᠮᠡᠨ ᠬᠦᠮᠦᠨ ᠤᠳᠠᠭᠠ ᠤᠷᠤᠯᠴᠠᠵᠤ᠂ ᠨᠤᠲᠤᠭ ᠤᠰᠤᠨᠤ ᠤᠯᠠᠨ ᠲᠦᠮᠡᠨᠤᠪᠠᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯᠢ ᠤᠯᠤᠭ᠍ᠰᠠᠨ ᠪᠦᠭᠡᠳ ᠤᠬᠠᠭᠤᠯᠭᠠᠶ᠋ᠢᠨ ᠦᠷᠡ ᠪᠦᠲᠦᠮᠵᠢᠶ᠋ᠢ ᠶᠡᠭᠡᠪᠠᠷ ᠲᠡᠭᠡᠭ᠌ᠰᠢᠯᠡᠭᠦᠯᠵᠦ᠍ ᠴᠢᠳᠠᠭ᠍ᠰᠠᠨ ᠪᠠᠢᠨᠠ᠃
ᠦᠳᠡᠶ᠋ᠢᠨ ᠨᠠᠷᠠᠨ ᠵᠤᠯᠠᠢ ᠲᠡᠭᠡᠷᠡ ᠲᠦᠭᠡᠨᠡᠬᠦ᠌ᠳᠤ ᠵᠤᠭᠤᠭᠲᠤ ᠠᠮᠳᠠᠱᠢᠬ᠍ᠰᠠᠨ ᠬᠦᠮᠦᠰ ᠭᠡᠷ ᠭᠡᠷ ᠦᠭᠡᠳᠡᠪᠠᠨ ᠰᠠᠯᠵᠦ᠍ ᠶᠠᠳᠠᠨ ᠶᠠᠪᠤᠵᠠᠭᠠᠬᠤᠳᠠᠭᠠᠨ ᠲᠠᠷᠠᠭᠠ ᠤᠳᠠᠭᠠᠶ᠋ᠢᠨ ᠵᠤᠭᠤᠭᠢ ᠬᠠᠮᠢᠭᠠ ᠶᠠᠮᠠᠷ ᠠᠭᠤᠯᠭᠠᠪᠠᠷ ᠶᠠᠪᠤᠭ᠍ᠳᠠᠭᠤᠯᠬᠤ ᠲᠤᠬᠠᠢ ᠠᠰᠠᠭᠤᠨ ᠰᠤᠷᠠᠵᠠᠭᠠᠨᠠ᠃