ᠡᠨᠡ ᠵᠢᠯ ᠪᠣᠯ ᠶᠠᠩᠱᠤᠤᠶ᠋ᠢᠨ ᠰᠣᠶᠣᠯᠢ ᠢᠯᠡᠷᠡᠭᠦᠯᠦᠭ᠌ᠰᠡᠨ100 ᠵᠢᠯᠦᠨ ᠤᠢ ᠪᠣᠯᠤᠨᠠ᠃ 1921 ᠣᠨᠳᠤ ᠾᠧᠨᠠᠨ ᠮᠤᠵᠢᠶ᠋ᠢᠨ ᠶᠠᠩᠱᠤᠤ ᠲᠣᠰᠭᠣᠨᠤ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠢᠯᠡᠷᠡᠭᠦᠯᠦᠯᠲᠡ ᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠳᠤ ᠦᠶᠡᠶ᠋ᠢᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠤᠬᠠᠭᠠᠨᠤ ᠡᠬᠢᠯᠡᠯᠲᠡᠶ᠋ᠢ ᠬᠠᠷᠠᠭᠤᠯᠪᠠ᠃ ᠶᠠᠡᠭ᠌ᠱᠤᠤ ᠵᠢᠨ ᠰᠣᠶᠣᠯ ᠣᠳᠣᠠᠴᠠ ᠪᠠᠷᠤᠭ 7000 — 5000 ᠵᠢᠯᠦᠨ ᠡᠮᠦᠨᠡᠬᠢ ᠬᠠᠲᠤᠨ ᠭᠣᠣᠯᠤᠨ ᠳᠤᠮᠳᠠᠳᠤ ᠤᠷᠤᠰᠭᠠᠯ ᠳᠠᠭᠠᠤ ᠣᠷᠣᠱᠢᠵᠤ᠂ ᠭᠣᠣᠯᠳᠠᠭᠤ ᠣᠳᠣᠶ᠋ᠢᠨ ᠾᠧᠨᠠᠨ᠂ ᠱᠠᠨᠰᠢ᠂ ᠱᠠᠨ ᠰᠢ᠂ ᠭᠠᠨᠰᠦ᠂ ᠾᠸᠪᠸᠢ᠂ ᠥᠪᠥᠷ ᠮᠣᠩᠭᠣᠯ᠂ ᠬᠤᠪᠸᠢ᠂ ᠬᠥᠬᠡᠨᠠᠭᠤᠷ᠂ ᠨᠢᠩᠱᠢᠶᠠ ᠵᠡᠷᠭᠡ ᠮᠤᠵᠢ ᠤᠷᠤᠨᠳᠤ ᠲᠠᠷᠬᠠᠵᠤ ᠪᠠᠢᠨᠠ᠃
ᠶᠠᠡᠭ᠌ᠱᠤᠤ ᠵᠢᠨ ᠰᠣᠶᠣᠯᠤᠨ ᠤᠮᠠᠷᠠᠰᠢ ᠲᠡᠯᠡᠭᠰᠡᠨ ᠴᠢᠬᠤᠯᠠ ᠣᠷᠣᠨ ᠪᠦᠰᠡ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠥᠪᠥᠷ ᠮᠣᠩᠭᠣᠯ ᠶᠠᠡᠭ᠌ᠱᠤᠤ ᠵᠢᠨ ᠦᠶᠡᠶ᠋ᠢᠨ ᠡᠯᠪᠡᠭ ᠪᠠᠶᠠᠯᠢᠭ ᠪᠠᠭᠤᠷᠢ ᠪᠠ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠢ ᠢᠯᠡᠷᠡᠭᠦᠯᠵᠡᠶ᠃ ᠶᠠᠡᠭ᠌ᠱᠤᠤ ᠵᠢᠨ ᠰᠣᠶᠣᠯᠢ ᠢᠯᠡᠷᠡᠭᠦᠯᠦᠭ᠌ᠰᠡᠨ 100 ᠵᠢᠯᠦᠨ ᠤᠢᠶ᠋ᠢᠨ ᠲᠠᠱᠢᠷᠠᠮᠢᠶᠠᠷ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠲᠡᠭᠦᠨᠦ ᠤᠮᠠᠷᠠᠰᠢ ᠲᠡᠯᠡᠭᠰᠡᠨ ᠵᠠᠮᠢᠶᠠᠷ ᠬᠣᠶᠠᠷ ᠦᠶᠡᠶ᠋ᠢᠨ ᠥᠪᠥᠷ ᠮᠣᠩᠭᠣᠯᠤᠨ ᠬᠠᠭᠤᠴᠢ ᠰᠤᠳᠤᠯᠤᠭ᠍ᠴᠢᠳᠤᠨ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠪᠠᠭᠤᠷᠢᠶ᠋ᠢ ᠬᠠᠢᠨ ᠰᠤᠷᠪᠤᠯᠵᠢᠯᠠᠵᠤ᠂ ᠶᠠᠡᠭ᠌ᠱᠤᠤ ᠵᠢᠨ ᠴᠠᠭ ᠦᠶᠡᠶ᠋ᠢ ᠰᠡᠷᠭᠦᠭᠡᠬᠦᠪᠠᠷ ᠲᠤᠷᠰᠢᠵᠠᠢ᠃ ᠲᠡᠷᠡ ᠬᠦ᠌ ᠭᠡᠷᠡᠯ ᠰᠠᠴᠤᠷᠠᠩᠭᠤᠶ 2000 ᠭᠠᠷᠤᠶ ᠵᠢᠯ ᠡᠷᠲᠠᠨᠤ ᠬᠥᠮᠦᠨᠬᠠᠮᠢᠭᠠᠠᠴᠠ ᠢᠷᠡᠭ᠌ᠰᠡᠨ ᠪᠤᠢ？ᠲᠡᠳᠡ ᠥᠩᠭᠡᠷᠡᠭ᠌ᠰᠡᠨᠳᠦ ᠶᠠᠭᠠᠬᠢᠵᠤ ᠠᠮᠢᠳᠤᠷᠠᠵᠤ ᠪᠠᠢᠭ᠍ᠰᠠᠨ ᠪᠤᠯ？ ᠲᠡᠦᠬᠡᠶ᠋ᠢ ᠬᠡᠷᠬᠢᠨ ᠪᠦᠲᠦᠭᠡᠭᠰᠡᠨ ᠪᠤᠯ？
ᠲᠠᠷᠢᠶᠠᠯᠠᠩ ᠠᠩᠨᠠᠯᠤᠨ ᠪᠠᠯᠠᠷ ᠡᠷᠲᠡᠨᠦ ᠠᠮᠢᠳᠤᠷᠠᠯ
ᠥᠨᠥᠳᠦᠷᠦᠨ ᠸᠠᠩ ᠮᠦ᠍ ᠱᠠᠨ ᠪᠠᠭᠤᠷᠢ ᠪᠣᠯ ᠤᠯᠠᠭᠠᠨᠴᠠᠪ ᠬᠣᠲᠠᠶ᠋ᠢᠨ ᠯᠢᠶᠠᠩᠴᠧᠩ ᠱᠢᠶᠠᠨᠠᠴᠠ ᠪᠠᠷᠠᠭᠤᠨ ᠬᠣᠢᠰᠢ 17 ᠺᠢᠯᠣᠮᠧᠲ᠋ᠷ ᠵᠠᠢᠲᠠᠶ᠂ ᠳᠠᠭᠠᠶ᠋ᠢᠨ ᠨᠠᠭᠤᠷᠤᠨ ᠡᠮᠦᠨᠡ ᠡᠷᠭᠢᠡᠴᠡ 2.5 ᠺᠢᠯᠣᠮᠧᠲ᠋ᠷ ᠵᠠᠢᠲᠠᠶ ᠪᠠᠢᠵᠤ᠂ ᠳᠠᠭᠠᠶ᠋ᠢᠨ ᠨᠠᠭᠤᠷᠤᠨ ᠪᠠᠭᠤᠷᠢᠶ᠋ᠢᠨ ᠳᠣᠲᠣᠷᠠᠬᠢ ᠶᠠᠩᠱᠤᠤ ᠵᠢᠨ ᠰᠣᠶᠣᠯᠤᠨ ᠴᠢᠬᠤᠯᠠ ᠪᠠᠭᠤᠷᠢ ᠪᠣᠯᠤᠨᠠ᠃ 10 ᠰᠠᠷᠠᠶ᠋ᠢᠨ ᠳᠤᠮᠳᠠᠴᠢᠪᠠᠷ᠂ ᠯᠢᠶᠠᠩᠴᠧᠩ ᠱᠢᠶᠠᠨᠤ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠢ ᠬᠠᠮᠠᠭᠠᠯᠠᠬᠤ ᠲᠥᠪᠦᠨ ᠡᠷᠬᠢᠯᠡᠭ᠌ᠴᠢ ᠹᠠᠩ ᠬᠣᠩ ᠮᠢᠩ ᠮᠠᠨᠢ ᠳᠠᠭᠠᠭᠤᠯᠤᠨ ᠡᠨᠳᠡ ᠢᠷᠡᠵᠦ᠍ ᠰᠤᠷᠪᠤᠯᠵᠢᠯᠠᠭᠰᠠᠨ ᠪᠢᠯᠡ᠃ ᠲᠡᠭᠦᠨᠤ ᠲᠠᠨᠢᠯᠴᠠᠭᠤᠯᠬᠤ ᠪᠡᠷ᠂ ᠸᠠᠩ ᠮᠦ᠍ ᠱᠠᠨᠤ ᠪᠠᠷᠠᠭᠤᠨ ᠬᠣᠢᠲᠤ ᠪᠠᠯᠳᠤ ᠳᠤᠤᠷᠠᠠᠴᠠ ᠳᠡᠭᠡᠭ᠌ᠰᠢ ᠳᠠᠷᠠᠭᠠᠯᠠᠨ ᠭᠤᠷᠪᠠᠨ ᠴᠠᠭ ᠦᠶᠡᠨᠢ ᠠᠳᠠᠯᠢ ᠪᠤᠰᠤ᠂ ᠠᠭᠤᠯᠤᠭ᠍ᠳᠠᠬᠤᠨᠨᠢ ᠤᠨᠳᠤᠤ ᠰᠣᠶᠣᠯᠤᠨ ᠦᠯᠡᠳᠡᠭ᠌ᠳᠡᠯ ᠪᠠᠢᠳᠠᠭ᠂ ᠡᠢᠮᠦ᠍ᠡᠴᠡ ᠸᠠᠩ ᠮᠦ᠍ ᠱᠠᠨᠤ ᠪᠠᠯᠠᠴᠠ ᠳᠣᠭᠣᠭ᠍ᠰᠢ᠂ ᠪᠠᠯ ᠳᠤᠮᠳᠠ ᠪᠠ ᠪᠠᠯ ᠳᠡᠭᠡᠷᠡᠬᠢ ᠪᠠᠭᠤᠷᠢ ᠭᠡᠵᠦ᠍ ᠲᠣᠰ ᠲᠣᠰ ᠨᠡᠷᠡᠢᠳᠪᠡ᠃ ᠢᠯᠡᠷᠡᠭᠦᠯᠦᠭ᠌ᠰᠡᠨ 500 ᠮᠧᠲ᠋ᠷᠦᠨ ᠳᠣᠲᠣᠷᠠᠬᠢ ᠭᠤᠷᠪᠠᠨ ᠪᠠᠭᠤᠷᠢᠠᠴᠠ 1000 ᠭᠠᠷᠤᠶ ᠵᠢᠯᠦᠨ ᠬᠤᠭᠤᠴᠠᠭᠠᠨᠳᠤ ᠤᠷᠢᠳ ᠬᠣᠵᠢᠳ ᠭᠤᠷᠪᠠᠨ ᠪᠦᠯᠦᠭ ᠬᠥᠮᠦᠰ ᠡᠨᠳᠡ ᠨᠡᠭᠦᠵᠦ᠍ ᠢᠷᠡᠭᠡᠳ ᠲᠡᠷᠡ ᠴᠠᠭ ᠦᠶᠡᠶ᠋ᠢᠨ ᠡᠷᠬᠢᠮ ᠨᠠᠨᠳᠢᠨ ᠤᠯᠠ ᠮᠥᠷᠢ ᠦᠯᠡᠳᠡᠭᠡᠭ᠌ᠰᠡᠨ ᠭᠡᠵᠦ ᠲᠠᠭᠠᠮᠠᠭᠯᠠᠵᠤ ᠪᠣᠯᠤᠨᠠ ᠭᠡᠨᠡ᠃
ᠸᠠᠩ ᠮᠦ᠍ ᠱᠠᠨ ᠪᠠᠭᠤᠷᠢᠠᠴᠠ 600 ᠭᠠᠷᠤᠶ ᠮᠧᠲ᠋ᠷ ᠵᠠᠢᠲᠠᠶ ᠱᠢ ᠬ᠍ᠦ ᠱᠠᠨᠤ ᠣᠷᠣᠶᠳᠤ ᠭᠠᠷᠪᠠᠯ ᠳᠠᠭᠠᠶ᠋ᠢᠨ ᠨᠠᠭᠤᠷᠤᠨ ᠪᠦᠬᠦ᠌ ᠦᠵᠡᠮᠵᠢᠶ᠋ᠢ ᠣᠯᠵᠤ ᠰᠤᠨᠢᠷᠠᠬᠨᠠ᠃ ᠥᠪᠥᠷ ᠮᠣᠩᠭᠣᠯᠤᠨ ᠭᠤᠷᠪᠠᠳᠤᠭᠠᠷ ᠶᠡᠬᠡ ᠳᠣᠲᠣᠭᠠᠳᠤ ᠬᠠᠭᠤᠷᠠᠶᠶ᠋ᠢᠨ ᠨᠠᠭᠤᠷ ᠪᠤᠯᠬᠤ ᠲᠠᠭᠠ ᠶ᠋ᠢᠨ ᠨᠠᠭᠤᠷᠤᠨ ᠲᠠᠯᠠᠪᠠᠶ ᠨᠢ ᠪᠠᠷᠤᠭ 50 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲ᠋ᠷ ᠪᠠᠢᠵᠤ᠂ ᠶᠠᠩᠱᠤᠤ ᠵᠢᠨ ᠰᠣᠶᠣᠯᠤᠨ ᠦᠶᠡᠳᠦ ᠲᠡᠭᠦᠨᠦ ᠲᠠᠯᠠᠪᠠᠶ ᠨᠢ ᠣᠲᠣᠶ᠋ᠢᠨ 4 ᠳᠠᠬᠢᠨ ᠪᠠᠢᠵᠠᠢ᠃ ᠳᠠᠭᠠᠶ᠋ᠢᠨ ᠨᠠᠭᠤᠷᠤᠨ ᠡᠷᠭᠢᠨ ᠲᠣᠭᠣᠷᠢᠨᠳᠤ ᠮᠠᠰᠢ ᠣᠯᠠᠨ ᠪᠠᠭᠤᠷᠢ ᠢᠯᠡᠷᠡᠭ᠌ᠰᠡᠨ ᠨᠢ ᠡᠷᠲᠠᠨᠤ ᠬᠦᠮᠦᠰ ᠳᠠᠭᠠᠶ᠋ᠢᠨ ᠨᠠᠭᠤᠷ ᠵᠢᠴᠢ ᠡᠷᠭᠢᠨ ᠲᠣᠭᠣᠷᠢᠨᠤ ᠰᠠᠢᠨ ᠰᠠᠢᠬᠠᠨ ᠪᠠᠢᠭᠠᠯᠢᠶ᠋ᠢᠨ ᠡᠬᠢ ᠪᠠᠶᠠᠯᠢᠭᠢ ᠲᠦᠱᠢᠭ᠌ᠯᠡᠵᠦ᠍ ᠪᠠᠢᠭ᠍ᠰᠠᠨᠠᠴᠠ ᠪᠣᠯᠵᠠᠶ᠃
ᠱ᠌ᠢ ᠬ᠍ᠦ ᠱᠠᠨ ᠪᠠᠭᠤᠷᠢ ᠪᠣᠯ ᠥᠪᠥᠷ ᠮᠣᠩᠭᠣᠯᠤᠨ ᠳᠤᠮᠳᠠ ᠡᠮᠦᠨᠡᠲᠦ ᠬᠡᠰᠡᠭᠤᠨ ᠬᠠᠮᠤᠭ ᠡᠷᠲᠡ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠶᠠᠩᠱᠤᠤ ᠵᠢᠨ ᠰᠣᠶᠣᠯᠤᠨ ᠡᠷᠲᠡ ᠦᠶᠡᠶ᠋ᠢᠨ ᠲᠥᠯᠥᠭᠡᠯᠡᠬᠦ᠌ ᠴᠢᠨᠠᠷᠲᠠᠢ ᠦᠯᠡᠳᠡᠭ᠌ᠳᠡᠯ ᠪᠣᠯᠤᠨᠠ᠂ ᠤᠳᠤ ᠪᠠᠰᠠ ᠲᠤᠬᠠᠢᠶ᠋ᠢᠨ ᠵᠢᠯᠦᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠮᠠᠯᠲᠠᠵᠤ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠣᠷᠣ ᠮᠥᠷ ᠵᠢᠴᠢ ᠭᠠᠵᠠᠷ ᠤᠨᠠᠭ᠍ᠰᠠᠨ ᠤᠯᠠᠭᠠᠨ ᠸᠠᠭᠠᠷᠤᠨ ᠬᠠᠭᠠᠷᠬᠠᠢ ᠪᠣᠯᠤᠨ ᠴᠢᠯᠠᠭᠤᠨ ᠵᠡᠪᠰᠡᠭᠦᠨ ᠬᠡᠯᠲᠡᠷᠬᠡᠢ ᠬᠠᠷᠠᠭᠳᠠᠨᠠ᠃ ᠹᠠᠩ ᠬᠣᠩ ᠮᠢᠩ ᠸᠠᠭᠠᠷ ᠰᠠᠪᠠᠶ᠋ᠢᠨ ᠠᠮᠠᠰᠠᠷᠤᠨ ᠬᠠᠭᠠᠷᠬᠠᠢ ᠰᠢᠬ ᠤᠯᠠᠭᠠᠨ ᠸᠠᠭᠠᠷᠤᠨ ᠬᠠᠭᠠᠷᠬᠠᠢᠶ᠋ᠢ ᠲᠡᠭᠦᠵᠦ᠍ ᠠᠪᠤᠭᠠᠳ᠂ ᠬᠣᠶᠠᠷ ᠲᠡᠭ᠌ᠰᠢ ᠭᠡᠮᠲᠡᠢ ᠵᠢᠵᠢᠭ ᠨᠦᠬᠡᠶ᠋ᠢ ᠵᠢᠭᠠᠵᠤ᠄ 《ᠡᠨᠡ ᠬᠣᠶᠠᠷ ᠵᠢᠵᠢᠭ ᠨᠦᠬᠡ ᠪᠠᠷᠤᠭ ᠸᠠᠭᠠᠷ ᠰᠠᠪᠠ ᠨᠢ ᠡᠪᠳᠡᠷᠡᠭ᠌ᠰᠡᠨᠦ ᠳᠠᠷᠠᠭᠠ᠂ ᠡᠷᠲᠠᠨᠤ ᠬᠦᠮᠦᠨ ᠰᠡᠯᠪᠢᠨ ᠵᠠᠰᠠᠬᠤ ᠦᠶᠡᠳᠦ ᠤᠨᠠᠭᠠᠭᠰᠠᠨ ᠮᠠᠭᠠᠳ》 ᠭᠡᠵᠦ ᠮᠠᠨᠳᠤ ᠲᠠᠨᠢᠯᠴᠠᠭᠤᠯᠤᠯᠠ᠃
ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠢᠯᠡᠷᠡᠭᠦᠯᠦᠯᠲᠡᠶ᠋ᠢ ᠦᠨᠳᠦᠰᠦᠯᠡᠪᠡᠯ᠂ ᠣᠲᠣᠠᠴᠠ ᠪᠠᠷᠤᠭ 6000 ᠵᠢᠯᠦᠨ ᠡᠮᠦᠨᠡ᠂ ᠲᠠᠭᠠᠶ᠋ᠢᠨ ᠨᠠᠭᠤᠷᠤᠨ ᠡᠷᠬᠢᠨ ᠲᠣᠭᠣᠷᠢᠨ ᠪᠣᠯ ᠳᠤᠯᠠᠭᠠᠨ ᠴᠢᠭᠢᠭ᠌ᠯᠢᠭ ᠠᠮᠢᠳᠤᠷᠠᠬᠤᠳᠤ ᠲᠣᠬᠢᠷᠠᠮᠵᠢᠲᠠᠶ ᠣᠷᠣᠨ ᠪᠠᠢᠵᠠᠢ᠃ ᠵᠦᠩᠶᠤᠸᠠᠨ ᠣᠷᠣᠨᠠᠴᠠ ᠡᠨᠳᠡ ᠨᠡᠭᠦᠵᠦ᠍ ᠢᠷᠡᠭ᠌ᠰᠡᠨ ᠡᠷᠲᠠᠨᠤ ᠬᠦᠮᠦᠨ ᠨᠠᠷᠠᠨ ᠲᠠᠯᠠ ᠵᠢᠨ ᠠᠭᠤᠯᠠᠨ ᠪᠠᠯ ᠳᠡᠭᠡᠷᠡ ᠨᠦᠭᠡᠨ ᠭᠡᠷ ᠪᠠᠷᠢᠵᠤ᠂ ᠲᠠᠷᠢᠶᠠᠯᠠᠩ ᠦᠢᠯᠡᠳᠪᠦᠷᠢᠯᠡᠯᠢᠶᠡᠷ ᠭᠣᠣᠯᠯᠠᠵᠤ᠂ ᠵᠢᠭᠠᠰᠤ ᠠᠩᠨᠠᠬᠤ ᠪᠠ ᠠᠩ ᠠᠩᠨᠠᠬᠤᠶ᠋ᠢ ᠬᠠᠪᠰᠤᠷᠭᠠᠨ᠂ ᠭᠠᠷ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠢᠷᠢ ᠬᠡᠮᠵᠢᠶᠡ ᠨᠢ ᠳᠡᠭᠡᠭᠰᠢᠯᠡᠨ ᠬᠡᠪᠴᠢᠶᠡ ᠨᠢ ᠲᠠᠰᠤᠷᠠᠯᠲᠠ ᠦᠭᠡᠶ ᠦᠷᠭᠡᠳᠪᠡ᠃ ᠲᠡᠳᠡ ᠭᠤᠤᠯᠳᠠᠭᠤ ᠰᠢᠪᠠᠷ ᠵᠢᠡᠷ ᠬᠢᠭᠰᠡᠨ ᠸᠠᠭᠠᠷ ᠰᠠᠪᠠ ᠬᠡᠷᠡᠭᠯᠡᠨ᠂ ᠡᠯᠡᠰᠦ ᠬᠠᠪᠴᠢᠭᠤᠯᠤᠭᠰᠠᠨ ᠸᠠᠭᠠᠷ ᠰᠠᠪᠠ ᠪᠠ ᠴᠢᠯᠠᠭᠤ ᠪᠡᠷ ᠬᠢᠭᠰᠡᠨ ᠸᠠᠭᠠᠷ ᠰᠠᠪᠠ ᠵᠢ ᠴᠦᠬᠡᠨ ᠬᠡᠷᠡᠭᠯᠡᠵᠦ ᠪᠠᠢᠵᠠᠢ᠃ ᠡᠯᠡᠰᠦ ᠬᠠᠪᠴᠢᠭᠤᠯᠤᠭᠰᠠᠨ ᠸᠠᠭᠠᠷ ᠰᠠᠪᠠ ᠵᠢᠨ ᠣᠯᠠᠩᠬᠢ ᠨᠢ ᠲᠣᠭᠣᠭᠠᠨ ᠭᠡᠷᠤᠨ ᠬᠡᠷᠡᠭ᠌ᠰᠡᠯ ᠪᠠᠢᠵᠤ᠂ ᠱᠢᠪᠠᠷ ᠵᠢᠡᠷ ᠬᠢᠭᠰᠡᠨ ᠸᠠᠭᠠᠷ ᠰᠠᠪᠠ ᠵᠢ ᠰᠠᠪᠠᠯᠠᠬᠤ ᠬᠡᠷᠡᠭᠰᠡᠯ ᠪᠤᠶᠤ ᠤᠰᠤ ᠲᠠᠲᠠᠬᠤ ᠰᠠᠪᠠ ᠪᠣᠯᠭᠠᠨ ᠬᠡᠷᠡᠭ᠌ᠯᠡᠵᠦ᠍᠂ ᠥᠪᠡᠷᠦᠨᠬᠡᠷᠡᠭ᠌ᠴᠡᠭᠡᠪᠡᠨᠥᠪᠡᠷᠢᠶᠡᠨᠬᠠᠩᠭᠠᠭ᠍ᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠠᠮᠢᠳᠤᠷᠠᠯᠤᠨ ᠬᠡᠷᠡᠭ᠌ᠰᠡᠯ ᠨᠢ ᠵᠣᠬᠢᠬᠤ ᠦᠯᠡᠳᠡᠪᠦᠷᠢᠲᠡᠶ ᠪᠣᠯᠪᠠ᠃
ᠣᠳᠣᠠᠴᠠ 5500 — 5000 ᠵᠢᠯᠦᠨ ᠬᠣᠭᠣᠷᠣᠨᠳᠣ᠂ ᠬᠥᠮᠦᠨ ᠲᠥᠷᠥᠯᠬᠢᠲᠡᠨᠦ ᠬᠥᠭ᠌ᠵᠢᠯᠲᠡ ᠥᠪᠥᠷ ᠮᠣᠩᠭᠣᠯᠤᠨ ᠳᠤᠮᠳᠠ ᠡᠮᠦᠨᠡᠲᠦ ᠬᠡᠰᠡᠭᠲᠦ ᠣᠷᠭᠢᠯᠳᠠᠭᠠᠨ ᠲᠤᠯᠵᠠᠶ᠃ ᠡᠨᠡ ᠦᠶᠡᠶ᠋ᠢᠨ ᠪᠠᠭᠤᠷᠢᠳᠤ ᠲᠤᠭᠤᠷᠢᠬ ᠰᠤᠪᠠᠭ ᠢᠯᠡᠷᠡᠭ᠌ᠰᠡᠨ ᠨᠢ ᠲᠤᠬᠠᠶᠶ᠋ᠢᠨ ᠦᠶᠡᠳᠦ ᠨᠢᠭᠡᠨᠲᠡ ᠲᠣᠭ᠍ᠲᠠᠪᠤᠷᠢᠲᠠᠶ ᠠᠢᠮᠠᠭᠤᠭᠰᠠᠭᠠ ᠤᠷᠤᠰᠢᠵᠤ ᠪᠠᠢᠬᠰᠠᠨᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃ ᠬᠥᠮᠦᠰ ᠰᠠᠭᠤᠷᠢᠱᠢᠨ ᠠᠮᠢᠳᠤᠷᠠᠵᠤ᠂ ᠬᠡᠷ ᠪᠠᠢᠱᠢᠩ ᠳᠤ ᠡᠳ᠋ ᠪᠣᠳᠠᠰ ᠬᠠᠳᠠᠭᠠᠯᠠᠬᠤ ᠵᠣᠭᠣᠷᠢ ᠢᠯᠡᠷᠡᠭᠰᠡᠨ ᠨᠢ ᠡᠳ᠋ ᠪᠣᠳᠠᠰᠤᠨ ᠦᠯᠡᠳᠡᠪᠦᠷᠢᠲᠠᠢ ᠪᠤᠯᠬᠤᠶ᠋ᠢ ᠳᠠᠭᠠᠯᠳᠤᠨ ᠪᠣᠶ ᠪᠣᠯᠵᠠᠢ᠃ ᠡᠨᠡ ᠬᠤᠭᠤᠴᠠᠭᠠᠨᠳᠤ ᠪᠠᠰᠠ ᠨᠡᠯᠢᠶᠡᠳ ᠶᠡᠬᠡ ᠲᠠᠯᠠᠪᠠᠢᠲᠠᠶ ᠭᠡᠷ ᠪᠠᠢᠱᠢᠩ ᠢᠯᠡᠷᠡᠵᠡᠶ᠂ ᠡᠭᠦᠨᠢ ᠦᠨᠳᠦᠰᠦᠯᠡᠪᠡᠯ᠂ ᠲᠤᠬᠠᠶᠶ᠋ᠢᠨ ᠦᠶᠡᠳᠦ ᠲᠠᠬᠢᠯᠭᠠ ᠬᠢᠬᠦ᠌ ᠪᠤᠶᠤ ᠬᠡᠷᠡᠭ ᠵᠥᠪᠯᠡᠬᠦ᠌ ᠨᠡᠢᠲᠡᠶ᠋ᠢᠨ ᠠᠵᠢᠯᠯᠠᠭᠠ ᠵᠢᠨ ᠣᠷᠣᠨ ᠵᠠᠶ ᠪᠤᠢ ᠪᠤᠯᠵᠠᠢ᠃ ᠶᠠᠡᠭ᠌ᠱᠤᠤ ᠵᠢᠨ ᠰᠣᠶᠣᠯᠤᠨ ᠲᠦᠷᠭᠡᠨ ᠬᠥᠭ᠌ᠵᠢᠯᠲᠡ ᠪᠠ ᠠᠭᠤᠷ ᠠᠮᠢᠰᠭᠤᠯᠤᠨ ᠬᠤᠪᠢᠷᠠᠯᠲᠠᠶ᠋ᠢ ᠳᠠᠭᠠᠯᠳᠤᠨ᠂ ᠨᠡᠢᠭᠡᠮᠦᠨ ᠪᠦᠲᠦᠴᠡᠳᠦ ᠠᠭᠠᠵᠢᠮᠢᠶᠠᠷ ᠬᠤᠪᠢᠷᠠᠯᠲᠠ ᠭᠠᠷᠴᠤ᠌᠂ ᠬᠡᠳᠦᠨ ᠵᠠᠭᠤᠨ ᠵᠢᠯᠦᠨ ᠳᠠᠷᠠᠭᠠ ᠶᠠᠡᠭ᠌ᠱᠤᠤ ᠵᠢᠨ ᠰᠣᠶᠣᠯ ᠠᠭᠠᠵᠢᠮᠢᠶᠠᠷ ᠳᠣᠷᠣᠢᠳᠠᠨ ᠪᠠᠭᠤᠷᠠᠵᠤ᠂ ᠯᠦᠡᠭ᠌ᠱᠠᠨᠤ ᠰᠣᠶᠣᠯ ᠮᠠᠨᠳᠤᠨ ᠬᠦᠭᠵᠢᠭᠰᠡᠨ ᠪᠠᠢᠨᠠ᠃
ᠬᠠᠭᠤᠴᠢ ᠰᠤᠳᠤᠯᠤᠭ᠍ᠴᠢᠳᠤᠨ ᠬᠠᠢᠨ ᠰᠦᠪᠡᠭ᠌ᠴᠢᠯᠡᠬᠰᠡᠨ ᠵᠠᠮ
ᠥᠪᠥᠷ ᠮᠣᠩᠭᠣᠯᠤᠨ ᠳᠤᠮᠳᠠ ᠡᠮᠦᠨᠡᠲᠦ ᠬᠡᠰᠡᠭᠦᠨ ᠶᠠᠩᠱᠤᠤ ᠵᠢᠨ ᠰᠣᠶᠣᠯᠤᠨ ᠪᠠᠭᠤᠷᠢ ᠳᠣᠲᠣᠷᠠ ᠳᠠᠭᠠᠶ᠋ᠢᠨ ᠨᠠᠭᠤᠷᠤᠨ ᠪᠠᠭᠤᠷᠢᠶ᠋ᠢᠨ ᠰᠦᠷᠦᠭ ᠪᠣᠯ ᠨᠡᠢᠲᠡᠯᠢᠭ ᠴᠢᠨᠠᠷ ᠲᠠᠶ ᠪᠠᠭᠠ ᠣᠷᠣᠨ ᠪᠦᠰᠡ ᠵᠢᠨ ᠰᠣᠶᠣᠯᠤᠨ ᠦᠯᠡᠳᠡᠭ᠌ᠳᠡᠯ ᠪᠣᠯᠤᠨᠠ᠃ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠦᠷᠡ ᠪᠦᠲᠦᠭᠡᠯᠡᠴᠡ ᠦᠵᠡᠪᠡᠯ᠂ ᠲᠠᠭᠠᠶ᠋ᠢᠨ ᠨᠠᠭᠤᠷᠤᠨ ᠪᠠᠭᠤᠷᠢᠨᠤᠭᠤᠳ ᠥᠪᠥᠷ ᠮᠣᠩᠭᠣᠯᠤᠨ ᠳᠤᠮᠳᠠ ᠡᠮᠦᠨᠡᠲᠦ ᠬᠡᠰᠡᠭᠦᠨ ᠱᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠦᠨ ᠰᠣᠶᠣᠯᠤᠨ ᠪᠠᠭᠤᠷᠢᠵᠢᠨ ᠳᠤᠲᠤᠷᠠ ᠲᠥᠯᠥᠭᠡᠯᠡᠬᠦ᠌ ᠴᠢᠨᠠᠷᠲᠠᠶ ᠪᠥᠭᠡᠳ ᠢᠯᠡᠷᠭᠡᠢ ᠴᠢᠨᠠᠷᠲᠠᠶ ᠪᠠᠢᠳᠠᠭ； ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠠᠷᠭᠠᠠᠴᠠ ᠦᠵᠡᠪᠡᠯ᠂ ᠥᠪᠥᠷ ᠮᠣᠩᠭᠣᠯᠤᠨ ᠠᠬᠠᠮᠠᠳ ᠨᠢᠭᠡ ᠦᠶᠡᠶ᠋ᠢᠨ ᠬᠠᠭᠤᠴᠢ ᠰᠤᠳᠤᠯᠤᠭᠴᠢᠳ ᠳᠠᠭᠠᠶ᠋ᠢᠨ ᠨᠠᠭᠤᠷᠤᠨ ᠡᠷᠬᠢᠨ ᠲᠣᠭᠣᠷᠢᠨᠤ ᠪᠠᠭᠠ ᠣᠷᠣᠨ ᠪᠦᠰᠡᠳᠦ ᠰᠣᠶᠣᠯᠤᠨ ᠴᠠᠳᠢᠭᠤᠨ ᠪᠠᠢᠭᠤᠯᠤᠯᠳᠠᠪᠠᠷ ᠰᠠᠭᠤᠷᠢ ᠪᠣᠯᠭᠠᠵᠤ᠂ ᠲᠦᠪᠯᠡᠷᠡᠩᠭᠦᠢ ᠰᠠᠭᠤᠷᠢᠱᠢᠯᠤᠨ ᠬᠠᠭᠤᠴᠢ ᠰᠤᠳᠤᠯᠤᠯ ᠪᠣᠯᠤᠨ ᠣᠷᠴᠢᠨ ᠲᠣᠭᠣᠷᠢᠨᠤ ᠬᠠᠭᠤᠴᠢ ᠰᠤᠳᠤᠯᠤᠯᠢᠶᠠᠷ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠰᠤᠳᠤᠯᠭᠠᠨ ᠥᠷᠨᠢᠭᠦᠯᠦᠭᠡᠳ ᠳᠤᠮᠳᠠᠳᠤ ᠤᠯᠤᠰᠤᠨ ᠣᠷᠣᠨ ᠪᠦᠰᠡᠶ᠋ᠢᠨ ᠴᠢᠨᠠᠷᠲᠠᠢ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠵᠢᠱ᠌ᠢᠢᠡᠶ᠋ᠢ ᠡᠭᠦᠳᠴᠦ᠍᠂ ᠲᠤᠬᠠᠢᠶ᠋ᠢᠨ ᠦᠶᠡᠳᠦ ᠪᠦᠬᠦ᠌ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠠᠵᠢᠯᠤᠨ ᠡᠮᠦᠨᠡ ᠡᠩᠨᠡᠭᠡᠨᠳᠦ ᠶᠠᠪᠤᠵᠤ ᠪᠠᠢᠪᠠ᠃
ᠥᠪᠥᠷ ᠮᠣᠩᠭᠣᠯᠤᠨ ᠳᠤᠮᠳᠠ ᠡᠮᠦᠨᠡᠲᠦ ᠬᠡᠰᠡᠭᠦᠨ ᠭᠠᠵᠠᠷ ᠣᠷᠣᠨᠤ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠦᠷᠡ ᠪᠦᠲᠦᠭᠡᠯᠢ ᠶᠠᠷᠢᠬᠤᠳᠤ ᠬᠠᠭᠤᠴᠢ ᠰᠤᠳᠤᠯᠤᠭ᠍ᠴᠢ ᠲᠢᠶᠠᠨ ᠭᠤᠸᠠᠩ ᠵᠢᠨᠤ ᠨᠡᠷᠡᠵᠢ ᠳᠤᠷᠠᠳᠬᠤ ᠶᠤᠰᠤᠲᠠᠢ᠃ 1965 ᠣᠨᠳᠤ᠂ ᠪᠡᠭᠡᠵᠢᠩ ᠶᠡᠬᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠡᠦᠬᠡᠶ᠋ᠢᠨ ᠰᠠᠯᠪᠤᠷᠢᠶ᠋ᠢᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠲᠤᠰᠭᠠᠢ ᠮᠡᠷᠭᠡᠵᠢᠯᠡᠴᠡ ᠲᠡᠭᠦᠰᠦᠭ᠌ᠰᠡᠨ ᠲᠢᠶᠠᠨ ᠭᠤᠸᠠᠩ ᠵᠢᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠠᠵᠢᠯ ᠰᠠᠶᠢᠬᠠᠨ ᠡᠬᠢᠯᠡᠵᠦ᠍ ᠪᠠᠢᠭᠠ ᠥᠪᠥᠷ ᠮᠣᠩᠭᠣᠯᠳᠤ ᠢᠷᠡᠵᠦ᠍᠂ ᠥᠪᠥᠷ ᠮᠣᠩᠭᠣᠯᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠠᠵᠢᠯᠤᠨ ᠠᠩᠬᠢ（ᠤᠳᠤ ᠵᠢᠨ ᠥᠪᠥᠷ ᠮᠣᠩᠭᠣᠯ ᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠭᠠᠵᠠᠷ）ᠵᠢᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠠᠵᠢᠯᠳᠠᠨ ᠪᠣᠯᠤᠭ᠍ᠰᠠᠨ ᠪᠥᠭᠡᠳ ᠠᠭᠠᠵᠢᠮᠢᠶᠠᠷ ᠥᠪᠥᠷ ᠮᠣᠩᠭᠣᠯᠤᠨ ᠲᠡᠦᠬᠡ ᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠭᠠᠵᠠᠷᠤᠨ ᠰᠤᠳᠤᠯᠤᠭ᠍ᠴᠢ᠂ ᠥᠪᠥᠷ ᠮᠣᠩᠭᠣᠯᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠭᠠᠵᠠᠷᠤᠨ ᠳᠠᠷᠤᠭᠠ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠬᠡᠷᠡᠭ ᠡᠷᠬᠢᠯᠡᠭᠦ ᠵᠦᠪᠯᠡᠯᠤᠨ ᠬᠡᠷᠡᠭ ᠡᠷᠬᠢᠯᠡᠭ᠌ᠴᠢ᠂ ᠰᠣᠶᠣᠯᠤᠨ ᠶᠠᠮᠤᠨᠤ ᠱᠢᠯᠢᠳᠡᠭ ᠲᠤᠰᠭᠠᠢ ᠮᠡᠷᠭᠡᠵᠢᠯᠲᠡᠨ ᠪᠣᠯᠵᠠᠢ᠃ ᠳᠡᠭᠡᠷᠡ ᠵᠠᠭᠤᠨᠤ ᠨᠠᠶᠠ ᠶᠡᠷᠡᠭᠡᠳ ᠣᠨᠳᠤ᠂ ᠤᠷᠳᠤᠰᠲᠤ ᠠᠷᠪᠠᠨ ᠬᠡᠳᠦᠨ ᠵᠢᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠮᠠᠷᠠᠲᠤᠶ᠋ᠢᠨ ᠮᠠᠯ ᠠᠵᠤ ᠠᠬᠤᠢ — ᠨᠡᠭᠦᠳᠡᠯ ᠮᠠᠯᠵᠢᠯᠤᠨ ᠦᠨᠳᠦᠰᠦᠲᠡᠨᠦ ᠰᠣᠶᠣᠯᠤᠨ ᠡᠭᠦᠰᠦᠯ ᠪᠠ ᠬᠥᠭ᠌ᠵᠢᠯᠲᠡᠶ᠋ᠢ ᠰᠤᠳᠤᠯᠤᠭ᠍ᠰᠠᠨ ᠲᠢᠶᠠᠨ ᠭᠤᠸᠠᠩ ᠵᠢᠨ ᠠᠵᠢᠯᠤᠨ ᠭᠣᠣᠯᠳᠠᠯᠭᠠᠪᠠᠨ ᠥᠪᠥᠷ ᠮᠣᠩᠭᠣᠯᠤᠨ ᠪᠠᠯᠠᠷ ᠡᠷᠲᠡᠨᠦ ᠰᠣᠶᠣᠯᠤᠨ ᠴᠠᠳᠢᠭ᠂ ᠲᠦᠪᠯᠡᠷᠡᠩᠭᠦᠢ ᠰᠠᠭᠤᠷᠢᠱᠢᠯᠤᠨ ᠬᠡᠯᠪᠡᠷᠢ ᠪᠠ ᠬᠥᠮᠦᠨ ᠭᠠᠵᠠᠷᠤᠨ ᠬᠠᠷᠢᠴᠠᠭᠠᠶ᠋ᠢ ᠰᠤᠳᠤᠯᠬᠤ ᠳᠡᠭᠡᠷᠡ ᠬᠠᠨᠳᠤᠭᠤᠯᠪᠠ᠃ 1982 ᠣᠨᠠᠴᠠ ᠬᠣᠢᠰᠢ᠂ ᠲᠢᠶᠠᠠ ᠭᠤᠸᠠᠩ ᠵᠢᠨᠤ ᠰᠤᠳᠤᠯᠤᠯᠤᠨ ᠭᠠᠵᠠᠷ ᠳᠠᠭᠠᠶ᠋ᠢᠨ ᠨᠠᠭᠤᠷᠲᠤ ᠱᠢᠯᠵᠢᠵᠦ᠍᠂ ᠤᠷᠢᠳ ᠬᠣᠵᠢᠳ ᠠᠩᠭᠢ ᠳᠠᠭᠠᠭᠤᠯᠤᠨ ᠸᠠᠩ ᠮᠦ᠍ ᠱᠠᠨᠤ ᠪᠠᠯ ᠳᠤᠤᠷᠠ᠂ ᠪᠠᠯ ᠳᠤᠮᠳᠠ᠂ ᠪᠠᠯ ᠳᠡᠭᠡᠷᠡᠬᠢ ᠪᠠ ᠱ᠌ᠢ ᠬ᠍ᠦ ᠱᠠᠨ᠂ ᠯᠣᠣ ᠬ᠍ᠦ ᠱᠠᠨ ᠵᠡᠷᠭᠡ ᠪᠠᠭᠤᠷᠢᠶ᠋ᠢ ᠮᠠᠯᠲᠠᠵᠤ᠂ ᠳᠠᠭᠠᠶ᠋ᠢᠨ ᠨᠠᠭᠤᠷᠤᠨ ᠣᠷᠣᠨ ᠴᠢᠨᠠᠭ᠍ᠰᠢᠯᠠᠪᠠᠯ ᠥᠪᠥᠷ ᠮᠣᠩᠭᠣᠯᠤᠨ ᠳᠤᠮᠳᠠ ᠡᠮᠦᠨᠡᠲᠦ ᠬᠡᠰᠡᠭᠦᠨ ᠪᠠᠯᠠᠷ ᠡᠷᠲᠡᠨᠦ ᠰᠣᠶᠣᠯᠤᠨ ᠴᠠᠳᠢᠭᠢ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠪᠠᠢᠭᠤᠯᠵᠠᠢ᠃
ᠲᠢᠶᠠᠨ ᠭᠤᠸᠠᠩ ᠵᠢᠨ ᠳᠠᠭᠠᠶ᠋ᠢᠨ ᠨᠠᠭᠤᠷᠲᠤ ᠲᠦᠪᠯᠡᠷᠡᠩᠭᠦᠢ ᠰᠠᠭᠤᠷᠢᠰᠢᠯᠤᠨ ᠬᠠᠭᠤᠴᠢ ᠰᠤᠳᠤᠯᠤᠯ ᠪᠣᠯᠤᠨ ᠣᠷᠴᠢᠨ ᠲᠣᠭᠣᠷᠢᠨᠤ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠠᠷᠭᠠᠪᠠᠷ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠰᠤᠳᠤᠯᠭᠠᠨ ᠥᠷᠨᠢᠭᠦᠯᠵᠦ᠍᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠣᠷᠣᠨ ᠪᠦᠰᠡᠶ᠋ᠢᠨ ᠴᠢᠨᠠᠷᠲᠠᠢ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠵᠢᠱ᠌ᠢᠢᠡᠶ᠋ᠢ ᠡᠭᠦᠳᠴᠡᠢ᠃ ᠲᠡᠭᠦᠨᠦ ᠲᠤᠱᠢᠶᠠᠯᠳᠤ ᠪᠠᠢᠬᠤ ᠬᠤᠭᠤᠴᠠᠭᠠᠨᠳᠤ ᠥᠪᠥᠷ ᠮᠣᠩᠭᠣᠯᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠦᠢᠯᠡᠰ ᠤᠮᠠᠷᠠᠲᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ ᠲᠡᠦᠬᠡ ᠪᠠ ᠰᠣᠶᠣᠯ᠂ ᠣᠷᠴᠢᠨ ᠲᠣᠭᠣᠷᠢᠨᠤ ᠬᠠᠭᠤᠴᠢ ᠰᠤᠳᠤᠯᠤᠯ᠂ ᠲᠦᠪᠯᠡᠷᠡᠩᠭᠦᠢ ᠰᠠᠭᠤᠷᠢᠱᠢᠯᠤᠨ ᠬᠠᠭᠤᠴᠢ ᠰᠤᠳᠤᠯᠤᠯ᠂ ᠤᠯᠠᠨ ᠱᠢᠨᠵᠢᠯᠡᠭᠡᠨᠦ ᠰᠠᠯᠠᠭᠠᠶ᠋ᠢᠨ ᠬᠠᠮᠲᠤᠷᠠᠯᠴᠠᠭᠠ ᠵᠢᠴᠢ ᠤᠯᠠᠨ ᠤᠯᠤᠰᠤᠨ ᠬᠠᠮᠲᠤᠷᠠᠯᠴᠠᠭᠠ ᠵᠡᠷᠭᠡ ᠤᠯᠠᠨ ᠬᠦᠷᠢᠶᠡᠨᠳᠦ ᠴᠥᠮ ᠪᠦᠬᠦ᠌ ᠤᠯᠤᠰᠤᠨ ᠡᠮᠦᠨᠡ ᠡᠩᠨᠡᠭᠡᠨ ᠳᠦ ᠶᠠᠪᠤᠵᠤ ᠪᠠᠢᠪᠠ᠃ ᠭᠡᠲᠡᠯᠡ ᠲᠢᠶᠠᠨ ᠭᠤᠸᠠᠩ ᠵᠢᠨ ᠡᠭᠦᠨᠳᠤ ᠰᠡᠳᠭᠢᠯ ᠬᠠᠩᠬᠤ ᠦᠭᠡᠢ ᠪᠠᠢᠳᠠᠭ᠃ ᠬᠠᠷᠢᠨ ᠡᠳᠡᠭᠡᠷᠤᠨ ᠠᠷᠤᠳᠡᠬᠢ ᠦᠨᠳᠦᠰᠦᠨ ᠱᠢᠯᠲᠠᠭᠠᠨ ᠪᠤᠯ ᠲᠡᠭᠦᠨᠤ ᠮᠡᠳᠡᠶᠡ ᠭᠡᠵᠦ᠍ ᠪᠤᠳᠤᠵᠤ ᠪᠠᠢᠭᠠ ᠵᠦᠢᠯ ᠪᠤᠯᠤᠨᠠ᠃ ᠦᠨᠡᠨᠳᠡᠭᠡᠨ ᠠᠯᠢ ᠡᠷᠲᠡ 20 ᠳ᠋ᠤᠭᠠᠷ ᠵᠠᠭᠤᠨᠤ ᠳᠠᠯᠠᠭᠠᠳ ᠣᠨᠳᠤ ᠣᠷᠳᠣᠰᠤᠨ ᠵᠢᠷᠦᠬᠡ ᠵᠢᠨ ᠭᠤᠤᠯᠤᠨ ᠪᠠᠭᠤᠷᠢᠶ᠋ᠢ ᠠᠭᠤᠳᠠᠯᠤᠨ ᠰᠤᠳᠤᠯᠬᠤ ᠦᠶᠡᠳᠦ ᠡᠢᠮᠦᠷᠬᠥᠤ ᠠᠰᠠᠭᠤᠳᠠᠯ ᠲᠡᠭᠦᠨᠢ ᠲᠦᠪᠡᠭ᠌ᠳᠡᠭᠦᠯᠵᠦ᠍ ᠡᠬᠢᠯᠡᠭ᠌ᠰᠡᠨ ᠶᠤᠮ ᠄ ᠣᠷᠳᠣᠰ ᠮᠠᠶᠢᠭᠤᠨ ᠬᠦᠷᠡᠯ ᠵᠡᠪᠰᠡᠭ ᠪᠣᠯᠤᠨ ᠤᠮᠠᠷᠠᠲᠤ ᠣᠷᠣᠨᠤ ᠮᠠᠯ ᠠᠵᠤ ᠠᠬᠤᠶᠶ᠋ᠢᠨ ᠦᠢᠯᠡᠳᠪᠦᠷᠢᠯᠡᠯ ᠬᠢᠵᠦ᠍ ᠪᠠᠢᠭᠠ ᠬᠥᠮᠦᠰ ᠬᠠᠮᠢᠭᠠᠠᠴᠠ ᠢᠷᠡᠭ᠌ᠰᠡᠨ ᠪᠤᠶ？ ᠬᠣᠵᠢᠮ ᠨᠢ ᠯᠤᠤ ᠬ᠍ᠦ ᠱᠠᠨ ᠪᠠᠭᠤᠷᠢ ᠵᠢ ᠮᠠᠯᠲᠠᠬᠤ ᠦᠶᠡᠳᠤ ᠬᠠᠭᠤᠴᠢ ᠰᠤᠳᠤᠯᠤᠯ ᠤᠨ ᠬᠢᠨ ᠰᠠᠶᠢ ᠤᠮᠠᠷᠠᠲᠤ ᠣᠷᠣᠨᠤ ᠮᠠᠯ ᠠᠵᠤ ᠠᠬᠤᠶᠶ᠋ᠢᠨ ᠦᠢᠯᠡᠳᠪᠦᠷᠢᠯᠡᠯ ᠬᠢᠵᠦ᠍ ᠪᠠᠢᠭᠠ ᠬᠦᠮᠦᠰ ᠪᠣᠯ ᠴᠠᠭᠠᠨ ᠬᠡᠷᠡᠮ ᠳᠠᠭᠠᠤ ᠲᠠᠷᠢᠶᠠᠯᠠᠩᠡᠷᠬᠢᠯᠡᠵᠦ ᠪᠠᠢᠭᠠ ᠬᠥᠮᠦᠰᠠᠴᠠ ᠰᠢᠯᠵᠢᠵᠦ ᠢᠷᠡᠭ᠌ᠰᠡᠨ ᠪᠥᠭᠡᠳ ᠲᠠᠷᠢᠶᠠᠯᠠᠩᠠᠴᠠ ᠮᠠᠯ ᠠᠵᠤ ᠠᠬᠤᠶ ᠪᠣᠯᠵᠤ ᠬᠤᠪᠢᠷᠬᠠᠰᠠᠨ ᠱᠢᠯᠲᠠᠭᠠᠨ ᠨᠢ ᠠᠭᠤᠷ ᠠᠮᠢᠰᠭᠤᠯᠤᠨ ᠣᠷᠴᠢᠨ ᠲᠣᠭᠣᠷᠢᠨᠤ ᠬᠤᠪᠢᠷᠠᠯᠲᠠᠠᠴᠠ ᠪᠣᠯᠤᠭ᠍ᠰᠠᠨ ᠪᠠᠢᠵᠤ ᠮᠡᠳᠡᠨᠡ ᠭᠡᠳᠡᠭᠢ ᠠᠭᠠᠵᠢᠮᠢᠶᠠᠷ ᠣᠯᠵᠤ ᠮᠡᠳᠡᠵᠡᠶ᠃
ᠠᠭᠤᠷ ᠠᠮᠢᠰᠭᠤᠯᠠᠴᠠ ᠪᠣᠯᠤᠭ᠍ᠰᠠᠨ ᠬᠥᠮᠦᠨ ᠲᠥᠷᠥᠯᠬᠢᠲᠡᠨᠦ ᠨᠡᠭᠦᠳᠡᠯ
ᠥᠪᠥᠷ ᠮᠣᠩᠭᠣᠯᠤᠨ ᠪᠦᠯᠦᠭ ᠪᠦᠯᠦᠭ ᠬᠠᠭᠤᠴᠢ ᠰᠤᠳᠤᠯᠤᠭ᠍ᠴᠢᠳ ᠠᠭᠤᠳᠠᠯᠤᠨ ᠰᠤᠳᠤᠯᠬᠤ ᠪᠡᠷ ᠳᠠᠮᠵᠢᠨ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠣᠷᠣᠨᠤ ᠶᠠᠩᠱᠤᠤᠶ᠋ᠢᠨ ᠦᠶᠡ ᠶ᠋ᠢᠨ ᠬᠥᠮᠦᠨ ᠭᠠᠵᠠᠷᠤᠨ ᠬᠠᠷᠢᠴᠠᠭᠠᠨᠤ ᠲᠤᠬᠠᠢ ᠱᠢᠨᠡ ᠨᠤᠲᠠᠯᠠᠯᠲᠠᠶ᠋ᠢ ᠳᠤᠷᠠᠳᠤᠭ᠍ᠰᠠᠨ ᠪᠠᠢᠨᠠ᠃ ᠥᠩᠭᠡᠷᠡᠭ᠌ᠰᠡᠨᠳᠦ ᠤᠮᠠᠷᠠᠲᠤ ᠣᠷᠣᠨ ᠪᠣᠯ ᠶᠡᠷᠦ᠍ᠡᠴᠡ ᠮᠠᠯ ᠠᠵᠤ ᠠᠬᠤᠶᠶ᠋ᠢᠨ ᠣᠷᠣᠨ ᠪᠠᠢᠵᠤ᠂ ᠬᠠᠬᠢᠷ ᠬᠦᠶ᠋ᠲᠡᠨ ᠭᠠᠩ ᠬᠠᠭᠤᠷᠠᠶ᠂ ᠣᠷᠣᠱᠢᠨ ᠰᠠᠭᠤᠬᠤᠳᠤ ᠳᠣᠭᠢᠷᠠᠬᠤ ᠥᠬᠡᠶ ᠭᠡᠵᠦ᠍ ᠬᠥᠮᠦᠰ ᠨᠡᠢᠳᠡᠮ ᠦᠵᠡᠵᠦ ᠪᠠᠢᠵᠠᠢ᠃ ᠦᠨᠡᠨᠳᠡᠭᠡᠨ ᠤᠮᠠᠷᠠᠲᠤ ᠣᠷᠣᠨ ᠶᠠᠩᠱᠤᠤᠶ᠋ᠢᠨ ᠦᠶᠡᠳᠦ ᠮᠠᠰᠢ ᠳᠤᠯᠠᠭᠠᠨ ᠴᠢᠭᠢᠭ᠌ᠯᠢᠭ ᠪᠠᠢᠪᠠ᠃ ᠬᠣᠵᠢᠮᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠠᠴᠠ ᠦᠵᠡᠬᠦ᠌ᠳᠦ᠂ ᠶᠠᠩᠱᠤᠤᠶ᠋ᠢᠨ ᠦᠶᠡᠶ᠋ᠢᠨ ᠥᠪᠥᠷ ᠮᠣᠩᠭᠣᠯᠤᠨ ᠳᠤᠮᠳᠠ ᠡᠮᠦᠨᠡᠲᠦ ᠬᠡᠰᠡᠭᠲᠤ᠂ ᠲᠡᠷᠡᠴᠢᠯᠡᠨ ᠲᠠᠯᠠ ᠨᠤᠲᠤᠭᠤᠨᠳᠣᠲᠣᠷᠠᠭᠠᠵᠠᠷᠤᠨᠡᠷᠢᠶᠡᠨᠬᠣᠲᠠ ᠵᠡᠷᠭᠡ ᠭᠠᠵᠠᠷᠲᠤ ᠬᠦᠷᠲᠡᠯᠡ ᠴᠥᠮ ᠮᠠᠰᠢ ᠣᠯᠠᠨ ᠭᠠᠵᠠᠷ ᠲᠠᠷᠢᠶᠠᠯᠠᠩᠡᠷᠬᠢᠯᠡᠵᠦ ᠪᠠᠢᠬᠰᠠᠨ ᠬᠥᠮᠦᠰ ᠣᠷᠣᠱᠢᠨ ᠰᠠᠭᠤᠵᠤ ᠪᠠᠢᠭ᠍ᠰᠠᠨᠢ ᠭᠡᠷᠡᠴᠢᠯᠡᠵᠦ᠍ ᠪᠣᠯᠤᠨᠠ᠃
ᠵᠦᠩᠶᠤᠸᠠᠨ ᠣᠷᠣᠨᠤ ᠱᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠦᠨ ᠰᠣᠶᠣᠯ ᠬᠥᠭ᠌ᠵᠢᠨ ᠴᠡᠴᠡᠭ᠌ᠯᠡᠭ᠌ᠰᠡᠨ ᠴᠠᠭ ᠦᠶᠡᠳᠦ ᠤᠷᠤᠭ᠍ᠰᠠᠨᠤ ᠳᠠᠷᠠᠭᠠ ᠳᠥᠷᠪᠡᠨ ᠵᠦᠭᠦᠨ ᠨᠥᠯᠥᠭᠡ ᠥᠷᠭᠡᠵᠢᠪᠡ᠃ ᠣᠲᠣᠠᠴᠠ 7000 ᠵᠢᠯᠦᠨ ᠤᠷᠴᠢᠮ᠂ ᠲᠠᠭᠠᠶ᠋ᠢᠨ ᠨᠠᠭᠤᠷ ᠣᠷᠣᠨ ᠶᠡᠬᠡ ᠳᠤᠯᠠᠭᠠᠷᠠᠯᠤᠨ ᠬᠤᠭᠤᠴᠠᠭᠠᠨᠳᠤ ᠣᠷᠣᠵᠤ᠂ ᠶᠠᠩᠱᠤᠤᠶ᠋ᠢᠨ ᠰᠣᠶᠣᠯᠤᠨ ᠾᠸᠦ ᠭᠠᠩ ᠤᠨ ᠲᠥᠷᠥᠯ᠂ ᠪᠠᠨ ᠫᠦᠸᠸᠶ᠋ᠢᠨ ᠲᠥᠷᠥᠯ᠂ ᠮᠢᠶᠣᠣ ᠳ᠋ᠢ ᠭᠸᠤᠶ᠋ᠢᠨ ᠲᠥᠷᠥᠯᠤᠨ ᠬᠥᠮᠦᠰ ᠬᠣᠢᠨᠠ ᠬᠣᠢᠨᠠᠠᠴᠠᠪᠠᠨ ᠡᠨᠳᠡ ᠢᠷᠡᠵᠦ᠍ ᠲᠠᠷᠢᠶᠠᠯᠠᠩᠤᠨ ᠨᠡᠭᠡᠭᠡᠯᠲᠡ ᠬᠢᠭᠰᠡᠨ ᠪᠠᠢᠨᠠ᠃
ᠲᠤᠬᠠᠶᠶ᠋ᠢᠨ ᠦᠶᠡᠳᠦ᠂ ᠬᠠᠲᠤᠨ ᠭᠣᠣᠯᠤᠨ ᠳᠤᠮᠳᠠᠳᠤ ᠤᠷᠤᠰᠭᠠᠯᠤᠨ ᠣᠷᠣᠨᠤ ᠬᠥᠮᠦᠨ ᠲᠥᠷᠥᠯᠬᠢᠲᠡᠨᠦ ᠠᠵᠢᠯᠯᠠᠭᠠ ᠣᠯᠠᠱᠢᠷᠠᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠪᠣᠯᠪᠠᠰᠤᠨᠢ ᠡᠨᠳᠡ ᠭᠦᠭᠵᠢᠭᠦᠯᠵᠡᠢ᠃ 《ᠶᠡᠬᠡ ᠶᠠᠩᠱᠤᠤ》 ᠵᠢᠨ ᠰᠣᠶᠣᠯᠤᠨ ᠬᠡᠪᠴᠢᠶᠡᠨᠳᠦ ᠤᠮᠠᠷᠠᠲᠤ ᠣᠷᠣᠨ ᠪᠣᠯᠤᠨ ᠳᠤᠮᠳᠠᠳᠤ ᠣᠷᠣᠨ ᠪᠤᠯ ᠤᠭ ᠤᠳᠤᠮ ᠨᠢᠭᠡᠲᠡᠢ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ ᠶᠡᠬᠡ ᠭᠡᠷ ᠪᠦᠯᠢᠶ᠋ᠢᠨ ᠨᠢᠭᠡ ᠪᠦᠷᠢᠯᠳᠦᠬᠦᠨ ᠪᠣᠯᠤᠨᠠ᠃
ᠣᠲᠣᠠᠴᠠ 5500 ᠵᠢᠯᠦᠨ ᠡᠮᠦᠨᠡᠬᠢ ᠶᠠᠩᠱᠤᠤᠶ᠋ᠢᠨ ᠰᠡᠭᠦᠯᠴᠢᠶ᠋ᠢᠨ ᠬᠤᠭᠤᠴᠠᠭᠠ ᠪᠣᠯᠬᠤᠳᠤ ᠠᠭᠠᠷᠤᠨ ᠳᠤᠯᠠᠭᠠᠨ ᠢᠯᠡᠳᠲᠡ ᠳᠣᠷᠣᠭ᠍ᠰᠢᠯᠠᠵᠤ᠂ ᠬᠤᠷᠠ ᠲᠤᠨᠳᠠᠰᠤ ᠪᠠᠭᠠᠰᠪᠠ᠃ ᠡᠭᠦᠨᠡᠴᠡ ᠬᠣᠢᠰᠢ᠂ ᠤᠮᠠᠷᠠᠲᠤ ᠣᠷᠣᠨᠤ ᠲᠠᠷᠢᠶᠠᠯᠠᠩᠤᠨ ᠬᠥᠭ᠌ᠵᠢᠯᠲᠡ ᠤᠳᠠᠭᠠᠱᠢᠷᠠᠵᠤ᠂ ᠮᠠᠯ ᠠᠵᠤ ᠠᠬᠤᠶ ᠠᠯᠭᠤᠷᠢᠶᠠᠷ ᠬᠥᠭ᠌ᠵᠢᠪᠡ᠃ ᠬᠡᠳᠦᠨ ᠮᠢᠩᠭᠠᠨ ᠵᠢᠯᠦᠨ ᠲᠤᠷᠰᠢ᠂ ᠥᠪᠥᠷ ᠮᠣᠩᠭᠣᠯᠤᠨ ᠳᠤᠮᠳᠠ ᠡᠮᠦᠨᠡᠲᠦ ᠬᠡᠰᠡᠭ ᠪᠣᠯ ᠠᠭᠤᠷ ᠠᠮᠢᠰᠭᠤᠯ ᠰᠡᠷᠭᠡᠭ ᠣᠷᠣᠨ ᠪᠣᠯᠤᠨᠠ᠂ ᠲᠠᠷᠢᠶᠠᠯᠠᠩ ᠪᠠ ᠨᠡᠭᠦᠳᠡᠯ ᠮᠠᠯᠵᠢᠯᠤᠨ ᠪᠣᠯᠪᠠᠰᠤᠨ ᠡᠨᠳᠡ ᠠᠭᠤᠰᠤᠯᠴᠠᠭᠠᠳ ᠪᠠᠶᠠᠯᠢᠭ ᠰᠣᠶᠣᠯᠢ ᠪᠦᠲᠦᠭᠡᠵᠡᠢ᠃ ᠡᠳᠦᠭᠡ ᠪᠣᠯᠲᠠᠯᠠ᠂ ᠡᠨᠡ ᠬᠦ᠌ ᠠᠭᠤᠰᠤᠯᠴᠠᠯ ᠨᠢ ᠮᠥᠨ ᠯᠡ ᠭᠠᠵᠠᠷ ᠪᠣᠯᠭᠠᠨᠳᠤ ᠬᠠᠷᠠᠭ᠍ᠳᠠᠭ᠍ᠰᠠᠭᠠᠷ᠃ ᠤᠯᠠᠭᠠᠨᠴᠠᠪ ᠬᠣᠲᠠᠳᠤ ᠪᠠᠰᠠ ᠮᠠᠰᠢ ᠣᠯᠠᠨ ᠱᠠᠨ ᠰᠢᠶ᠋ᠢᠨ ᠬᠥᠮᠦᠨᠦ ᠬᠣᠢᠴᠢᠰ ᠠᠮᠢᠳᠤᠷᠠᠵᠤ ᠪᠠᠢᠨᠠ᠂ ᠡᠨᠳᠡ ᠶᠡᠬᠡ ᠬᠡᠪᠴᠢᠶᠡᠨᠦ ᠲᠠᠷᠢᠶᠠᠯᠠᠬᠤ ᠣᠷᠣᠨ ᠪᠠᠢᠬᠤ ᠪᠦᠭᠡᠳ ᠪᠠᠰᠠ ᠮᠠᠯ ᠠᠵᠤ ᠠᠬᠤᠶᠪᠠᠷ ᠭᠤᠤᠯ ᠪᠣᠯᠭᠠᠭ᠍ᠰᠠᠨ ᠬᠣᠱᠢᠭᠤ ᠱᠢᠶᠠᠨ ᠪᠠᠢᠨᠠ᠃ ᠰᠦ ᠲᠡᠶ ᠴᠠᠢ᠂ ᠴᠢᠨᠠᠭ᠍ᠰᠠᠨ ᠮᠢᠬᠠ ᠪᠣᠯᠤᠨ ᠵᠠᠭᠤᠰᠢ ᠠᠳᠠᠯᠢᠬᠠᠨ ᠬᠦᠷᠢᠶᠡᠯᠡᠯᠲᠡᠶ᠃
ᠥᠪᠥᠷ ᠮᠣᠩᠭᠣᠯᠤᠨ ᠬᠠᠭᠤᠴᠢ ᠰᠤᠳᠤᠯᠤᠭ᠍ᠴᠢᠳ ᠮᠠᠨᠢ ᠳᠠᠭᠠᠭᠤᠯᠤᠨ ᠲᠡᠷᠡ ᠭᠡᠷᠡᠯ ᠰᠠᠴᠤᠷᠠᠩᠭᠤᠶ ᠲᠡᠦᠬᠡᠨ ᠡᠮᠦᠨᠡᠬᠢ ᠴᠠᠭ ᠦᠶᠡᠶ᠋ᠢ ᠲᠠᠨᠢᠭᠤᠯᠪᠠ᠃ ᠶᠠᠩᠱᠤᠤᠶ᠋ᠢᠨ ᠦᠶᠡᠶ᠋ᠢᠨ ᠡᠷᠲᠡᠨᠤ ᠬᠦᠮᠦᠨᠤ ᠠᠮᠢᠳᠤᠷᠠᠵᠤ ᠪᠠᠢᠭ᠍ᠰᠠᠨ ᠡᠨᠡ ᠬᠡᠰᠡᠭ ᠨᠤᠲᠤᠭ ᠳᠡᠪᠢᠰᠭᠡᠷᠢ ᠪᠠᠷᠠᠯᠠᠬᠤᠶᠠ᠂ ᠳᠠᠭᠠᠶ᠋ᠢᠨ ᠨᠠᠭᠤᠷ ᠳᠣᠯᠭᠢᠶᠠᠨ ᠲᠠᠲᠠᠵᠤ᠂ ᠦᠳᠡᠰᠢᠶ᠋ᠢᠨ ᠨᠠᠷᠠᠨᠢᠶᠡᠷ ᠦᠬᠡᠷ ᠬᠤᠨᠢ ᠬᠤᠳᠠᠨ ᠳ᠋ᠠᠭᠠᠨ ᠪᠤᠴᠠᠵᠤ᠂ ᠠᠯᠤᠰᠲᠤ ᠨᠠᠮᠤᠷᠤᠨ ᠬᠤᠷᠢᠶᠠᠯᠲᠠ ᠳᠠᠭᠤᠰᠤᠨ᠂ ᠶᠠᠭ ᠯᠠ ᠶᠠᠩᠱᠤᠤᠶ᠋ᠢᠨ ᠴᠠᠭ ᠦᠶᠡ ᠬᠤᠯᠠ ᠶᠠᠪᠤᠭᠠ ᠦᠭᠡᠢ ᠬᠡᠮᠡᠷ ᠰᠠᠨᠠᠭᠳᠠᠨᠠ᠃