ᠨᠤᠮᠢᠨ ᠨᠣᠭᠤᠭᠠᠨ ᠥᠩᠭᠡ ᠪᠣᠯ ᠥᠪᠥᠷ ᠮᠣᠩᠭᠤᠯᠤᠨ ᠬᠠᠮᠤᠭᠤᠨ ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠤᠤᠭᠠᠯ ᠥᠩᠭᠡ᠂ ᠮᠦᠨ ᠴᠤ᠌ ᠥᠪᠥᠷ ᠮᠣᠩᠭᠤᠯᠤᠨ ᠬᠠᠮᠤᠭᠤᠨ ᠶᠡᠭᠡ ᠡᠳ᠋ ᠪᠠᠶᠠᠯᠢᠭ ᠮᠦᠨ᠃
ᠰᠠᠢᠨ ᠰᠠᠢᠬᠠᠨ ᠠᠮᠢ ᠠᠬᠤᠶ ᠣᠷᠴᠢᠨ ᠲᠣᠭᠤᠷᠢᠨ ᠪᠣᠯ ᠠᠷᠠᠳᠤᠨ ᠠᠮᠢᠳᠦᠷᠠᠯᠳᠤ ᠬᠦᠷᠳᠡᠬᠡᠬᠦ᠌ ᠬᠠᠮᠤᠭᠤᠨ ᠲᠦᠭᠡᠮᠡᠯ ᠪᠤᠶᠠᠨ ᠵᠢᠷᠭᠠᠯ ᠮᠥᠨ᠃
ᠥᠪᠥᠷ ᠮᠣᠩᠭᠤᠯ ᠴᠢᠩ ᠰᠡᠳᠭᠢᠯᠤᠨ ᠬᠦᠰᠡᠯ ᠨᠠᠢᠳᠠᠯᠭᠠᠶ᠋ᠢ ᠪᠠᠲᠤ ᠴᠡᠭᠡᠵᠢᠯᠡᠵᠦ᠍᠂ ᠬᠥᠬᠡᠮᠳᠦᠭ ᠨᠣᠭᠤᠭᠠᠨ ᠠᠭᠤᠯᠠ ᠤᠰᠤ ᠪᠣᠯ ᠠᠯᠲᠠ ᠮᠥᠩᠭᠦᠨ ᠠᠭᠤᠯᠠ ᠮᠥᠨ ᠭᠡᠬᠦ᠌ ᠣᠢᠯᠠᠭᠠᠭ᠍ᠳᠠᠬᠤᠨᠢ ᠪᠠᠲᠤ ᠪᠣᠶ ᠪᠣᠯᠭᠠᠵᠤ᠂ ᠠᠮᠢ ᠠᠬᠤᠶᠶ᠋ᠢ ᠤᠷᠢᠳᠢᠶᠠᠷ ᠪᠣᠳᠣᠯᠬᠢᠯᠠᠬᠤ ᠪᠣᠬᠢᠷᠲᠤᠯ ᠥᠬᠡᠶ ᠬᠥᠭ᠌ᠵᠢᠬᠦᠯᠬᠦ᠌ ᠵᠠᠮᠢᠶᠠᠷ ᠡᠷᠡᠰ ᠭᠤᠢᠪᠢᠰᠢ ᠥᠬᠡᠶ ᠵᠠᠮᠨᠠᠵᠤ᠂ ᠠᠭᠤᠯᠠ ᠤᠰᠤ ᠣᠶ ᠮᠣᠳᠣ ᠭᠠᠵᠠᠷ ᠲᠠᠷᠢᠶᠠ ᠨᠠᠭᠤᠷ ᠪᠦᠷᠢᠳᠦ ᠨᠤᠲᠤᠭ ᠪᠡᠯᠴᠢᠭᠡᠷ ᠡᠯᠡᠰᠦ ᠮᠠᠩᠬᠠᠶ᠋ᠢ ᠱᠢᠰᠲ᠋ᠧᠮᠲᠠᠢ ᠵᠠᠰᠠᠬᠤᠶ᠋ᠢ ᠨᠢᠭᠡᠳᠦᠯᠲᠡᠶ ᠲᠥᠯᠥᠪᠵᠢᠭᠦᠯᠵᠦ᠍᠂ ᠠᠮᠢ ᠠᠬᠤᠶᠶ᠋ᠢ ᠬᠠᠮᠠᠭᠠᠯᠠᠨ ᠰᠡᠷᠭᠦᠭᠡᠬᠦ᠌ ᠢᠨᠵᠧᠨᠧᠷᠢᠩᠢ ᠬᠦᠴᠦᠯᠡᠨ ᠠᠬᠢᠭᠤᠯᠵᠤ᠂ ᠡᠬᠡ ᠤᠯᠤᠰᠤᠨ ᠤᠮᠠᠷᠠᠲᠤᠶ᠋ᠢᠨ ᠡᠨᠡ ᠬᠡᠰᠡᠭ ᠨᠣᠮᠢᠨ ᠨᠣᠭᠤᠭᠠᠨ᠂ ᠬᠥᠬᠡᠮᠳᠦᠭ ᠴᠡᠩᠬᠡᠷ᠂ ᠴᠡᠪᠡᠷ ᠲᠤᠩᠭᠠᠯᠠᠭᠢ ᠰᠠᠢᠲᠤᠷ ᠬᠠᠮᠠᠭᠠᠯᠠᠵᠤ᠂ ᠬᠥᠮᠦᠨ ᠬᠢᠬᠡᠳ ᠪᠠᠢᠭᠠᠯᠢᠶ᠋ᠢᠨ ᠡᠶᠡ ᠵᠣᠬᠢᠴᠠᠯᠲᠠᠢᠪᠠᠷ ᠬᠠᠮᠲᠤ ᠣᠷᠣᠱᠢᠬᠤ ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠬᠡᠷ ᠣᠷᠣᠨᠢᠶᠠᠨ ᠴᠢᠷᠮᠠᠢᠨ ᠪᠥᠲᠥᠭᠡᠨ ᠪᠠᠢᠭᠤᠯᠵᠤ ᠪᠠᠢᠨᠠ᠃
ᠡᠬᠡ ᠤᠯᠤᠰᠤᠨ ᠤᠮᠠᠷᠠᠲᠤᠳᠤ ᠪᠠᠢᠷᠢᠯᠠᠵᠤ ᠪᠠᠢᠭᠠ ᠥᠪᠥᠷ ᠮᠣᠩᠭᠤᠯ ᠬᠡᠵᠤ ᠠᠭᠤᠯᠠ ᠨᠢᠷᠤᠭᠤᠳ ᠰᠡᠬᠦ᠋ᠢᠨ ᠰᠦᠨᠳᠡᠷᠯᠡᠵᠦ᠍᠂ ᠤᠢ ᠮᠤᠳᠤᠳ ᠢᠬ᠍ᠴᠤᠷᠠᠨ ᠰᠠᠬᠤᠯᠢᠬ᠍ᠵᠢᠵᠤ᠂ ᠨᠤᠮᠢᠨ ᠨᠤᠭᠤᠭᠠᠨ ᠲᠠᠯᠠ ᠨᠤᠳᠤᠭ᠂ ᠨᠡᠯᠦᠬᠡᠷ ᠶᠡᠭᠡ ᠡᠯᠡᠰᠦᠨ ᠴᠦᠯ᠂ ᠥᠩ ᠱᠢᠮᠡᠯᠢᠭ ᠬᠦᠷᠦᠰᠦ ᠱᠢᠷᠦᠢᠲᠠᠢ᠂ ᠲᠠᠪᠤᠨ ᠲᠠᠷᠢᠶᠠᠨᠠᠴᠠ ᠲᠠᠩᠰᠤᠭ ᠦᠨᠦᠷ ᠬᠠᠩᠬᠤᠯᠵᠤ᠂ ᠭᠤᠣᠯ ᠮᠥᠷᠡᠨ ᠤᠷᠤᠰᠭᠠᠯ ᠰᠠᠢᠳᠠᠢ᠂ ᠨᠠᠭᠤᠷ ᠪᠦᠷᠢᠳᠦ ᠤᠳᠤᠨ ᠮᠡᠴᠢᠳ ᠱᠢᠭ ᠲᠦᠭᠡᠵᠦ᠍᠂ ᠪᠦᠷᠢᠨ ᠪᠦᠲᠦᠨ ᠠᠮᠢ ᠠᠬᠤᠢᠶ᠋ᠢᠨ ᠱᠢᠰᠲ᠋ᠧᠮᠢ ᠪᠦᠷᠢᠯᠳᠦᠭᠦᠯᠵᠦ᠍᠂ ᠮᠠᠨᠤ ᠤᠯᠤᠰᠤᠨ ᠴᠢᠬᠤᠯᠠ ᠪᠦᠬᠦᠢ ᠠᠮᠢ ᠠᠬᠤᠢᠶ᠋ᠢᠨ ᠴᠢᠳᠠᠮᠵᠢᠶ᠋ᠢᠨ ᠣᠷᠣᠨ ᠪᠣᠯᠵᠤ ᠪᠢᠯᠡ᠃
ᠠᠳᠡ ᠮᠠᠨᠤ ᠤᠯᠤᠰᠤᠨ ᠲᠠᠯᠠᠪᠠᠢᠪᠠᠷ ᠬᠠᠮᠤᠭᠤᠨ ᠶᠡᠭᠡ ᠪᠠᠯᠠᠷ ᠤᠢ — ᠶᠡᠭᠡ ᠬᠢᠩᠭᠠᠨ ᠳᠠᠪᠠᠭᠠᠶ᠋ᠢᠨ ᠣᠶ ᠱᠢᠭᠤᠶᠲᠠᠢ； ᠠᠽᠢᠶᠠ ᠲᠢᠪᠤᠨ ᠬᠠᠮᠤᠭᠤᠨ ᠪᠦᠷᠢᠨ ᠪᠦᠲᠦᠨ᠂ ᠲᠠᠯᠠᠪᠠᠢᠪᠠᠷ ᠬᠠᠮᠤᠭ ᠶᠡᠭᠡ ᠭᠠᠯᠲᠤ ᠠᠭᠤᠯᠠᠨᠤ ᠰᠦᠷᠦᠭ᠌ᠵᠢᠯ — ᠷᠠᠱᠢᠶᠠᠨᠤ ᠳᠡᠯᠡᠬᠡᠶᠶ᠋ᠢᠨ ᠭᠠᠵᠠᠷ ᠱᠢᠨᠵᠢᠯᠡᠭᠡᠨᠤ ᠴᠡᠴᠡᠷᠯᠢᠭᠲᠠᠢ； ᠳᠡᠯᠡᠬᠡᠶ ᠳᠡᠭᠡᠷᠡᠬᠢ ᠴᠣᠷᠤᠨ ᠭᠠᠭ᠍ᠴᠠ ᠡᠯᠡᠰᠦᠪᠠᠷ ᠭᠤᠤᠯ ᠴᠣᠭ᠍ᠴᠠ ᠪᠣᠯᠭᠠᠭ᠍ᠰᠠᠨ ᠭᠠᠵᠠᠷ ᠱᠢᠨᠵᠢᠯᠡᠭᠡᠨᠤ ᠴᠡᠴᠡᠷᠯᠢᠭ — ᠠᠯᠠᠱᠠ ᠡᠯᠡᠰᠦᠶ᠋ᠢᠨ ᠳᠡᠯᠡᠬᠡᠶᠶ᠋ᠢᠨ ᠭᠠᠵᠠᠷ ᠱᠢᠨᠵᠢᠯᠡᠭᠡᠨᠤ ᠴᠡᠴᠡᠷᠯᠢᠭᠲᠠᠢ᠃ ᠠᠳᠡ ᠪᠠᠰᠠ ᠬᠥᠯᠥᠨ ᠪᠤᠢᠷᠤᠨ ᠲᠠᠯᠠ ᠨᠤᠳᠤᠭ᠂ ᠱᠢᠯᠢᠶ᠋ᠢᠨ ᠭᠤᠤᠯᠤᠨ ᠲᠠᠯᠠ ᠨᠤᠳᠤᠭ᠂ ᠬᠤᠷᠴᠢᠨᠤ ᠲᠠᠯᠠ ᠨᠤᠳᠤᠭ᠂ ᠣᠷᠳᠣᠰᠤᠨ ᠲᠠᠯᠠ ᠨᠤᠳᠤᠭ᠂ ᠠᠯᠠᠱᠠᠶ᠋ᠢᠨ ᠲᠠᠯᠠ ᠨᠤᠳᠤᠭ ᠵᠡᠷᠭᠡ ᠠᠳᠠᠯᠢ ᠪᠤᠰᠤ ᠲᠥᠷᠥᠯᠤᠨ ᠪᠠᠢᠭᠠᠯᠢᠯᠢᠭ ᠲᠠᠯᠠ ᠨᠤᠲᠤᠭᠤᠨ ᠥᠩᠭᠡ ᠦᠵᠡᠮᠵᠢ ᠪᠣᠶ᠃
ᠨᠢᠳᠤᠨ ᠴᠡᠴᠡᠭᠡᠢᠪᠠᠨ ᠬᠠᠢᠷᠠᠯᠠᠬᠤ ᠱᠢᠭ᠋ᠢᠶᠠᠷ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠤᠷᠢᠨᠢᠶᠠᠨ ᠬᠠᠢᠷᠠᠯᠠᠨ ᠬᠠᠮᠠᠭᠠᠯᠠᠵᠤ᠂ ᠠᠮᠢ ᠨᠠᠰᠤᠨᠳᠤ ᠬᠠᠨᠳᠤᠬᠤ ᠱᠢᠭ᠋ᠢᠶᠠᠷ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠤᠷᠢᠨᠳᠤ ᠬᠠᠨᠳᠤᠨᠠ — ᠥᠪᠥᠷ ᠮᠣᠩᠭᠤᠯ ᠬᠦᠰᠡᠯ ᠨᠠᠢᠳᠠᠯᠭᠠᠶ᠋ᠢ ᠪᠠᠲᠤ ᠴᠡᠭᠡᠵᠢᠯᠡᠵᠦ᠍᠂ ᠵᠣᠷᠢᠭ᠍ᠲᠠᠢᠪᠠᠷ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠵᠦ᠍᠂ 《ᠠᠭᠤᠯᠠ ᠤᠰᠤ ᠤᠢ ᠮᠣᠳᠣ ᠭᠠᠵᠠᠷ ᠲᠠᠷᠢᠶᠠ ᠨᠠᠭᠤᠷ ᠪᠦᠷᠢᠳᠦ ᠨᠤᠲᠤᠭ ᠪᠡᠯᠴᠢᠭᠡᠷ ᠡᠯᠡᠰᠦ ᠮᠠᠩᠬᠠ ᠪᠣᠯ ᠠᠮᠢ ᠨᠠᠰᠤᠨᠤ ᠬᠠᠮᠲᠤᠶ᠋ᠢᠨ ᠴᠣᠭ᠍ᠴᠠ ᠮᠥᠨ》 ᠬᠡᠳᠡᠭᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠠᠭᠤᠯᠬᠤᠨᠢ ᠭᠦᠨᠵᠡᠭᠡᠢ ᠡᠵᠡᠮᠳᠡᠵᠦ᠍᠂ ᠠᠭᠤᠯᠠ ᠤᠰᠤ ᠤᠢ ᠮᠣᠳᠣ ᠭᠠᠵᠠᠷ ᠲᠠᠷᠢᠶᠠ ᠨᠠᠭᠤᠷ ᠪᠦᠷᠢᠳᠦ ᠨᠤᠲᠤᠭ ᠪᠡᠯᠴᠢᠭᠡᠷ ᠡᠯᠡᠰᠦ ᠮᠠᠩᠬᠠᠶ᠋ᠢ ᠱᠢᠰᠲ᠋ᠧᠮᠲᠠᠢ ᠵᠠᠰᠠᠬᠤᠶ᠋ᠢ ᠨᠢᠭᠡᠳᠦᠯᠲᠡᠢ ᠲᠥᠯᠥᠪᠵᠢᠭᠦᠯᠵᠦ᠍᠂ ᠤᠯᠠᠨ ᠠᠷᠭᠠ ᠬᠡᠮᠵᠢᠶᠡᠪᠠᠷ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠤᠷᠢᠨᠤ ᠪᠦᠬᠦᠯᠢ ᠴᠣᠭ᠍ᠴᠠᠶ᠋ᠢᠨ ᠴᠢᠨᠠᠷᠲᠠᠢ ᠬᠠᠮᠠᠭᠠᠯᠠᠯᠲᠠ ᠪᠠ ᠱᠢᠰᠲ᠋ᠧᠮᠲᠦ ᠴᠢᠨᠠᠷᠲᠠᠢ ᠰᠡᠷᠭᠦᠭᠡᠯᠲᠡᠶ᠋ᠢ ᠠᠬᠢᠭᠤᠯᠪᠠ᠃
《ᠠᠭᠤᠯᠠ ᠤᠰᠤ ᠤᠢ ᠮᠣᠳᠣ ᠭᠠᠵᠠᠷ ᠲᠠᠷᠢᠶᠠ ᠨᠠᠭᠤᠷ ᠪᠦᠷᠢᠳᠦ ᠨᠤᠲᠤᠭ ᠪᠡᠯᠴᠢᠭᠡᠷ ᠡᠯᠡᠰᠦ ᠮᠠᠩᠬᠠ ᠪᠣᠯ ᠨᠢᠭᠡᠨ ᠲᠤᠮᠤ ᠠᠮᠢ ᠠᠬᠤᠢᠶ᠋ᠢᠨ ᠱᠢᠰᠲ᠋ᠧᠮ ᠮᠥᠨ᠂ ᠵᠢᠮᠡ ᠶᠣᠰᠣᠶ᠋ᠢ ᠬᠦᠨᠳᠦᠳᠭᠡᠵᠦ᠍᠂ ᠰᠡᠳᠭᠢᠬᠦᠢᠪᠠᠨ ᠥᠷᠭᠡᠳᠭᠡᠵᠦ᠍᠂ ᠬᠡᠷᠬᠢᠨ ᠡᠨᠡ ᠬᠦ᠌ ᠲᠤᠮᠤ ᠠᠮᠢ ᠠᠬᠤᠢᠶ᠋ᠢᠨ ᠱᠢᠰᠲ᠋ᠧᠮ ᠳᠣᠣᠷᠠ 〈ᠭᠡᠷᠡᠯᠴᠢ ᠴᠡᠨᠡᠭ +〉 ᠠᠵᠤ ᠦᠢᠯᠡᠰᠤᠨ ᠬᠥᠭ᠌ᠵᠢᠯᠲᠡᠶ᠋ᠢ ᠠᠬᠢᠭᠤᠯᠬᠤ᠂ ᠭᠡᠷᠡᠯᠴᠢ ᠴᠡᠨᠡᠭᠤᠨ ᠬᠠᠪᠲᠠᠰᠤᠨᠤ ᠳᠣᠣᠷᠠ ᠶᠠᠭᠤ ᠲᠠᠷᠢᠪᠠᠯ ᠵᠤᠬᠢᠬᠤ᠂ ᠶᠠᠭᠤ ᠬᠢᠪᠠᠯ ᠲᠤᠬᠢᠷᠠᠬᠤ ᠪᠤᠢ ᠬᠡᠳᠡᠭᠢ ᠭᠦᠨᠵᠡᠭᠡᠢ ᠰᠤᠳᠤᠯᠵᠤ᠂ ᠲᠤᠰᠭᠠᠢ ᠮᠡᠷᠭᠡᠵᠢᠯᠲᠡᠨᠢ ᠤᠷᠢᠵᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠨᠤᠲᠠᠯᠠᠯᠲᠠ ᠬᠢᠯᠭᠡᠵᠦ᠍᠂ ᠠᠮᠢ ᠠᠬᠤᠢᠶ᠋ᠢ ᠰᠡᠷᠭᠦᠭᠡᠨ ᠵᠠᠰᠠᠬᠤᠶ᠋ᠢ ᠬᠥᠳᠡᠭᠡ ᠲᠣᠰᠭᠤᠨᠢ ᠬᠥᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤᠯᠤᠭᠠ ᠨᠡᠩ ᠰᠠᠢᠲᠤᠷ ᠤᠶᠠᠯᠳᠤᠭᠤᠯᠵᠤ᠂ ᠠᠵᠤ ᠠᠬᠤᠢᠯᠠᠯ ᠪᠣᠯᠤᠨ ᠲᠠᠷᠢᠶᠠᠴᠢᠨ ᠵᠡᠷᠭᠡ ᠡᠯᠡ ᠲᠠᠯᠠᠶ᠋ᠢᠨ ᠠᠱᠢᠭ ᠲᠤᠰᠠᠶ᠋ᠢ ᠰᠠᠢᠲᠤᠷ ᠬᠠᠷᠠᠭᠠᠯᠵᠠᠵᠤ᠂ ᠠᠮᠢ ᠠᠬᠤᠢᠶ᠋ᠢᠨ ᠦᠷᠡ ᠠᠱᠢᠭ᠂ ᠠᠵᠤ ᠠᠬᠤᠢᠶ᠋ᠢᠨ ᠦᠷᠡ ᠠᠱᠢᠭ ᠪᠣᠯᠤᠨ ᠨᠡᠢᠭᠡᠮᠤᠨ ᠦᠷᠡ ᠠᠱᠢᠭᠤᠨ ᠨᠢᠭᠡᠳᠦᠯᠢ ᠴᠢᠷᠮᠠᠢᠨ ᠪᠡᠶᠡᠯᠡᠭᠦᠯᠬᠦ᠌ ᠬᠡᠷᠡᠭ᠌ᠲᠡᠢ》 3 ᠰᠠᠷᠠᠶ᠋ᠢᠨ 22 ᠠᠴᠠ 24 ᠤ ᠡᠳᠦᠷ ᠪᠣᠯᠲᠠᠯᠠ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠨᠠᠮᠤᠨ ᠬᠤᠷᠢᠶᠠᠨᠤ ᠱᠦᠵᠢ ᠱ᠌ᠢᠲᠠᠢ ᠹᠧᠩ ᠬᠦᠬᠡᠬᠤᠳᠠ ᠪᠤᠭᠤᠳᠤ ᠤᠷᠳᠤᠰ ᠭᠤᠷᠪᠠᠨ ᠬᠤᠳᠠᠳᠤ ᠪᠠᠢᠴᠠᠭᠠᠨ ᠰᠤᠳᠤᠯᠤᠯᠳᠠ ᠬᠢᠬᠦ᠌ᠳᠡᠭᠡᠨ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠲᠡᠬᠢᠨ ᠲᠠᠪᠳᠠᠨ ᠵᠡᠬᠢᠵᠤ ᠪᠢᠯᠡ᠃
《ᠲᠣᠯᠣᠭᠠᠢ ᠡᠪᠡᠳᠪᠡᠯ ᠲᠣᠯᠣᠭᠠᠢᠶ᠋ᠢᠨᠢ ᠵᠠᠰᠠᠵᠤ᠂ ᠬᠦᠯ ᠡᠪᠡᠳᠪᠡᠯ ᠬᠦᠯᠢᠨᠢ ᠡᠮᠨᠡᠬᠦ᠌》 ᠵᠠᠰᠠᠯᠲᠠᠶ᠋ᠢᠨ ᠠᠷᠭᠠ ᠨᠢᠭᠡᠨᠲᠡ ᠴᠠᠭᠠᠴᠠᠪᠠᠨ ᠦᠩᠬᠡᠷᠡᠵᠤ᠂ ᠱᠢᠰᠲ᠋ᠧᠮᠲᠦ ᠰᠡᠳᠭᠢᠬᠦᠢ᠂ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠰᠡᠳᠭᠢᠮᠵᠢ᠂ ᠪᠠᠢᠳᠠᠯᠳᠤᠨᠢ ᠲᠤᠬᠢᠷᠠᠭᠤᠯᠬᠤ᠂ ᠲᠦᠷᠦᠯ ᠬᠤᠪᠢᠶᠠᠨ ᠠᠷᠭᠠ ᠪᠤᠳᠤᠯᠭᠠ ᠬᠡᠷᠡᠭ᠌ᠵᠢᠭᠦᠯᠬᠦ᠂ ᠪᠦᠬᠦᠯᠢ ᠴᠣᠭ᠍ᠴᠠᠪᠠᠷᠨᠢ ᠠᠬᠢᠭᠤᠯᠬᠤ ᠵᠡᠷᠬᠡᠪᠠᠷ ᠤᠷᠤᠯᠠᠭᠤᠯᠤᠭ᠍ᠳᠠᠪᠠ᠃
ᠭᠤᠤᠯᠳᠠᠯᠭᠠᠶ᠋ᠢ ᠳᠣᠪᠤᠢᠯᠭᠠᠵᠤ᠂ ᠳᠦᠷᠢᠮᠢ ᠴᠢᠩᠳᠠᠯᠠᠪᠠ᠃ ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠴᠢᠬᠤᠯᠠ ᠠᠮᠢ ᠠᠬᠤᠶᠶ᠋ᠢᠨ ᠴᠢᠳᠠᠮᠵᠢᠲᠤ ᠣᠷᠣᠨᠳᠤ ᠱᠢᠨᠠᠪᠠᠷ ᠠᠭᠤᠷᠬᠠᠶᠶ᠋ᠢᠨ ᠦᠢᠯᠡᠰᠢ ᠨᠡᠭᠡᠭᠡᠨ ᠬᠥᠭ᠌ᠵᠢᠭᠦᠯᠬᠦ᠌ ᠪᠠ ᠰᠠᠯᠬᠢᠨ ᠬᠦᠴᠦᠨᠤ ᠴᠠᠬᠢᠯᠭᠠᠨ᠂ ᠭᠡᠷᠡᠯᠴᠢ ᠴᠡᠨᠡᠭᠤᠨ ᠲᠥᠷᠥᠯ ᠵᠦᠢᠯᠢ ᠱᠢᠨᠡᠪᠠᠷ ᠪᠠᠢᠭᠤᠯᠬᠤ ᠦᠭᠡᠶ᠂ ᠨᠢᠭᠡᠨᠲᠡ ᠪᠦᠳᠦᠬᠡᠨ ᠪᠠᠢᠭᠤᠯᠤᠬ᠍ᠰᠠᠨ ᠠᠭᠤᠷᠬᠠᠶᠶ᠋ᠢᠨ ᠦᠢᠯᠡᠰ ᠪᠠ ᠰᠠᠯᠬᠢᠨ ᠬᠦᠴᠦᠨᠤ ᠴᠠᠬᠢᠯᠭᠠᠨ᠂ ᠭᠡᠷᠡᠯᠴᠢ ᠴᠡᠨᠡᠭᠤᠨ ᠲᠥᠷᠥᠯ ᠵᠦᠢᠯ ᠦᠢᠯᠡᠴᠢᠯᠡᠬᠦ᠌ ᠬᠤᠭᠤᠴᠠᠭᠠᠨᠢ ᠳᠦᠭᠦᠷᠦᠭ᠌ᠰᠡᠨᠤ ᠳᠠᠷᠠᠭᠠ ᠡᠷᠬᠡᠪᠰᠢ ᠤᠬᠤᠷᠢᠨ ᠭᠠᠷᠬᠤ ᠬᠡᠷᠡᠭ᠌ᠳᠡᠢ； ᠨᠢᠭᠡᠨᠲᠡ ᠪᠤᠶ ᠪᠣᠯᠤᠭ᠍ᠰᠠᠨ ᠵᠠᠳᠠᠭᠠᠶ ᠠᠭᠤᠷᠬᠠᠶᠶ᠋ᠢᠨ 《ᠲᠣᠮᠣ ᠨᠦᠬᠡ》 ᠳᠤ 《ᠨᠢᠭᠡ ᠠᠭᠤᠷᠬᠠᠶᠳᠤ ᠨᠢᠭᠡ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠ ᠬᠡᠷᠡᠭ᠌ᠵᠢᠭᠦᠯᠵᠤ》᠂ ᠵᠠᠰᠠᠯᠳᠠᠶ᠋ᠢᠨ ᠪᠠᠷᠢᠮᠵᠢᠶᠠ ᠪᠣᠯᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢᠪᠠᠷ ᠵᠠᠰᠠᠬᠤ ᠬᠢᠷᠢ ᠲᠦᠪᠱᠢᠨᠢ ᠳᠡᠭᠡᠭ᠌ᠰᠢᠯᠡᠭᠦᠯᠦᠨ᠂ ᠤᠤᠯ ᠳᠦᠷᠰᠦ ᠪᠠᠢᠳᠠᠯᠢᠨᠢ ᠬᠠᠮᠤᠭᠤᠨ ᠶᠡᠭᠡ ᠬᠡᠮᠵᠢᠶᠡᠪᠠᠷ ᠰᠡᠷᠭᠦᠭᠡᠨᠠ᠃
ᠨᠢᠭᠡᠳᠦᠯᠲᠡᠶ ᠲᠥᠯᠥᠪᠵᠢᠬᠦᠯᠦᠨ ᠰᠦᠪᠡᠭ᠌ᠴᠢᠯᠡᠵᠦ᠍᠂ ᠱᠢᠰᠲ᠋ᠧᠮᠲᠠᠢ ᠵᠠᠰᠠᠪᠠ᠃ 《ᠭᠤᠤᠯ ᠮᠥᠷᠡᠨᠤ ᠳᠠᠷᠤᠭᠠᠶ᠋ᠢᠨ ᠲᠦᠷᠢᠮ》᠂ 《ᠨᠠᠭᠤᠷ ᠴᠥᠭᠦᠷᠥᠮᠤᠨ ᠳᠠᠷᠤᠭᠠᠶ᠋ᠢᠨ ᠲᠦᠷᠢᠮ》᠂ ᠪᠠᠢᠭᠠᠯᠢᠶ᠋ᠢᠨ ᠡᠬᠢ ᠪᠠᠶᠠᠯᠢᠭ ᠡᠳ᠋ ᠬᠥᠷᠥᠩᠭᠡᠶ᠋ᠢᠨ ᠥᠷᠢ ᠱᠢᠷᠢᠶ᠋ᠢᠨ ᠬᠦᠰᠦᠨᠦᠭ᠌ᠲᠦ᠂ ᠪᠠᠢᠭᠠᠯᠢᠶ᠋ᠢᠨ ᠡᠬᠢ ᠪᠠᠶᠠᠯᠢᠭ ᠡᠳ᠋ ᠬᠥᠷᠥᠩᠭᠡᠶ᠋ᠢᠨ ᠲᠤᠱᠢᠶᠠᠯᠠᠴᠠ ᠰᠠᠯᠬᠤ ᠦᠶᠡᠶ᠋ᠢᠨ ᠬᠢᠨᠠᠨ ᠪᠤᠳᠤᠯᠲᠠ ᠵᠡᠷᠭᠡ ᠣᠷᠴᠢᠨ ᠠᠬᠤᠶᠶ᠋ᠢᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ 《ᠬᠤᠷᠢᠭᠠ ᠴᠡᠭᠡᠷ》 ᠵᠠᠯᠭᠠᠭᠠᠪᠠᠷ ᠨᠡᠢᠲᠡᠯᠡᠭ᠌ᠳᠡᠵᠦ᠍᠂ ᠲᠦᠷᠢᠮᠤᠨ ᠱᠢᠰᠲ᠋ᠧᠮᠤᠨ 《ᠳᠥᠷᠪᠡᠨ ᠨᠢᠷᠤᠭᠤ ᠨᠠᠢ᠍ᠮᠠᠨ ᠲᠤᠯᠭᠠᠭᠤᠷᠢ》 ᠶ᠋ᠢ ᠪᠦᠷᠢᠯᠳᠦᠬᠦᠯᠦᠭ᠌ᠰᠡᠨ ᠪᠠᠢᠨᠠ᠃
ᠪᠦᠬᠦ᠌ ᠲᠠᠯᠠᠪᠠᠷ ᠬᠠᠮᠠᠭᠠᠯᠠᠵᠤ᠂ ᠬᠠᠤᠯᠢ ᠶᠣᠰᠣᠭᠠᠷ ᠵᠠᠰᠠᠪᠠ᠃ ᠠᠭᠠᠷ ᠮᠠᠨᠳᠠᠯᠤᠨ ᠪᠣᠬᠢᠷᠲᠤᠯᠢ ᠰᠡᠷᠭᠡᠢᠯᠡᠨ ᠵᠠᠰᠠᠬᠤ ᠬᠠᠤᠯᠢ᠂ ᠬᠡᠭᠡᠷᠡᠶ᠋ᠢᠨ ᠠᠮᠢᠲᠠᠨᠢ ᠬᠠᠮᠠᠭᠠᠯᠠᠬᠤ ᠬᠠᠤᠯᠢ᠂ ᠣᠷᠴᠢᠨ ᠲᠣᠭᠤᠷᠢᠨᠤ ᠨᠥᠯᠥᠭᠡᠯᠡᠯᠢ ᠦᠨᠡᠯᠡᠬᠦ᠌ ᠬᠠᠤᠯᠢ᠂ ᠣᠷᠴᠢᠨ ᠲᠣᠭᠤᠷᠢᠨᠤ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠭᠠᠢᠯᠢᠶ᠋ᠢᠨ ᠬᠠᠤᠯᠢ ᠵᠡᠷᠭᠡ ᠣᠷᠴᠢᠨ ᠲᠣᠭᠤᠷᠢᠨᠤ ᠡᠬᠢ ᠪᠠᠶᠠᠯᠢᠭᠤᠨ ᠬᠠᠤᠯᠢ ᠴᠠᠭᠠᠵᠠᠶ᠋ᠢᠨ ᠲᠦᠷᠢᠮ ᠵᠠᠯᠭᠠᠭᠠᠪᠠᠷ ᠨᠡᠢᠲᠡᠯᠡᠭ᠌ᠳᠡᠵᠦ᠍᠂ 《ᠬᠦᠨᠳᠡᠵᠤ ᠪᠣᠯᠤᠰᠢ ᠥᠬᠡᠶ ᠥᠨᠳᠥᠷ ᠬᠦᠴᠦᠳᠡᠯᠳᠤ ᠴᠠᠬᠢᠯᠭᠠᠨ ᠤᠳᠠᠰᠤ》 ᠪᠣᠯᠪᠠ᠃
ᠲᠩᠷᠢᠨᠢ ᠴᠡᠯᠮᠡᠭ ᠡᠪᠡᠰᠦᠨᠢ ᠨᠣᠭᠤᠭᠠᠨ ᠤᠰᠤᠨᠢ ᠲᠤᠩᠭᠠᠯᠠᠭ — ᠡᠳᠦᠷᠠᠴᠠ ᠡᠳᠦᠷ ᠲᠦᠷᠭᠡᠨ ᠨᠡᠮᠡᠭ᠌ᠳᠡᠵᠤ ᠪᠠᠢᠭᠠ ᠠᠮᠢ ᠠᠬᠤᠶᠶ᠋ᠢᠨ ᠣᠷᠣᠱᠢᠨ ᠰᠠᠭᠤᠬᠤᠳᠤ ᠲᠣᠬᠢᠷᠠᠮᠵᠢᠲᠠᠶ ᠭᠠᠵᠠᠷ ᠤᠷᠤᠨ ᠪᠤᠯ ᠲᠡᠷᠡ ᠴᠢᠭᠢᠶᠠᠷᠢᠶᠠᠨ ᠥᠪᠥᠷ ᠮᠣᠩᠭᠤᠯᠤᠨ ᠠᠮᠢ ᠠᠬᠤᠶᠶ᠋ᠢᠨ ᠪᠣᠯᠪᠠᠰᠤᠨᠤ ᠪᠠᠢᠭᠤᠯᠤᠯᠲᠠ ᠪᠠ ᠣᠷᠴᠢᠨ ᠠᠬᠤᠶᠶ᠋ᠢᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ 《ᠴᠤᠩᠬᠤᠪᠴᠢ》 ᠮᠥᠨ᠂ ᠨᠠᠩ ᠴᠤ᠌ ᠲᠦᠭ ᠲᠦᠮᠡᠨ ᠠᠷᠠᠳ ᠢᠷᠭᠡᠳᠤᠨ ᠠᠵᠠ ᠵᠢᠷᠭᠠᠯᠢ ᠠᠴᠢᠶᠠᠯᠠᠭ᠍ᠰᠠᠨ ᠰᠠᠢᠨ ᠰᠠᠢᠬᠠᠨ ᠬᠡᠷ ᠣᠷᠣᠨ ᠮᠥᠨ᠃
ᠦᠵᠡᠭ᠌ᠳᠡᠯ 1 —
ᠨᠠᠭᠤᠷᠤᠨ ᠠᠰᠠᠭᠤᠳᠠᠯᠢ ᠱᠢᠢᠳᠪᠦᠷᠢᠯᠡᠬᠦ᠌ᠳᠤ ᠨᠠᠭᠤᠷᠤᠨ ᠭᠠᠳᠠᠨᠠ ᠬᠦᠴᠦᠯᠠᠪᠠ
ᠤᠷᠢᠬᠠᠨ ᠬᠠᠪᠤᠷᠤᠨ ᠰᠠᠢᠬᠠᠨ ᠡᠳᠦᠷ ᠤᠯᠠᠭᠠᠨᠰᠤᠬᠠᠢ ᠨᠠᠭᠤᠷᠲᠤ ᠨᠣᠮᠢᠨ ᠳᠣᠯᠭᠢᠶᠠᠨ ᠬᠠᠶᠠᠯᠠᠨ᠂ ᠤᠷᠠᠨ ᠱᠢᠪᠠᠭᠤᠳ ᠵᠢᠷᠭᠢᠨᠡ᠃ ᠡᠤ ᠮᠤᠤ ᠵᠢᠶ ᠤᠰᠤ ᠵᠠᠯᠠᠬᠤ ᠬᠠᠭᠠᠯᠲᠠ （ᠨᠡᠭᠡᠯᠡᠭᠡᠢ） ᠪᠣᠯ ᠤᠯᠠᠭᠠᠨᠰᠤᠬᠠᠢ ᠨᠠᠭᠤᠷᠤᠨ ᠬᠠᠲᠤᠨ ᠭᠤᠤᠯ ᠤᠷᠤᠭᠤ ᠤᠰᠤ ᠭᠠᠳᠠᠭ᠍ᠰᠢᠯᠠᠭᠤᠯᠬᠤ ᠠᠮᠠᠰᠠᠷᠤᠨ ᠬᠠᠭᠠᠯᠲᠠ ᠪᠣᠯᠤᠨᠠ᠂ ᠲᠤᠩᠭᠠᠯᠠᠭ ᠤᠰᠤᠨ ᠤᠷᠤᠰᠭᠠᠯ ᠬᠠᠭᠠᠯᠲᠠᠶ᠋ᠢᠨ ᠳᠤᠤᠷᠠᠠᠴᠠ ᠤᠷᠬᠢᠯᠤᠨ ᠭᠠᠷᠴᠤ᠌᠂ ᠤᠰᠤ ᠲᠠᠲᠠᠷᠠᠭᠤᠯᠬᠤ ᠰᠤᠪᠠᠭᠢᠲᠠᠭᠠᠨ 24 ᠺᠢᠯᠣᠮᠧᠲᠷ ᠤᠷᠤᠰᠤᠭ᠍ᠰᠠᠨᠤ ᠳᠠᠷᠠᠭᠠ ᠬᠠᠲᠤᠨ ᠭᠤᠤᠯᠳᠤ ᠴᠢᠳᠭᠤᠨᠠ᠃
《ᠪᠢᠳᠡ ᠤᠯᠠᠭᠠᠨᠰᠤᠬᠠᠢᠶ᠋ᠢᠨ ᠰᠠᠪᠠ ᠭᠠᠵᠠᠷᠤᠨ ᠡᠯᠡ ᠴᠢᠬᠤᠯᠠ ᠬᠦᠢᠰᠦ ᠴᠡᠭᠲᠤ ᠤᠰᠤᠨᠤ ᠴᠢᠨᠠᠷᠢ ᠬᠡᠮᠵᠢᠬᠦ᠌ ᠠᠦ᠋ᠲ᠋ᠣ᠋ ᠬᠢᠨᠠᠨ ᠬᠡᠮᠵᠢᠬᠦ᠌ 28 ᠲᠣᠭ᠍ᠲᠠᠮᠠᠯ ᠥᠷᠲᠡᠭᠡ ᠪᠠ 10 ᠬᠥᠪᠦᠮᠡᠯ ᠣᠩᠭᠤᠴᠠᠨ ᠥᠷᠲᠡᠭᠡᠶ᠋ᠢ ᠲᠣᠬᠢᠷᠠᠭᠤᠯᠵᠠᠢ᠂ ᠡᠦ ᠮᠤᠤ ᠵᠶ᠋ᠢᠶ᠋ᠢᠨ ᠬᠢᠨᠠᠨ ᠬᠡᠮᠵᠢᠬᠦ᠌ ᠥᠷᠲᠡᠭᠡ ᠪᠣᠯ ᠡᠬᠦᠨᠤ ᠨᠢᠭᠡ ᠪᠣᠯᠤᠨᠠ᠃ ᠬᠢᠨᠠᠨ ᠬᠡᠮᠵᠢᠯᠳᠡᠶ᠋ᠢᠨ ᠲᠤᠭᠠ ᠪᠠᠷᠢᠮᠲᠠᠶ᠋ᠢ ᠦᠨᠳᠦᠰᠦᠯᠡᠪᠡᠯ᠂ ᠤᠯᠠᠭᠠᠨᠰᠤᠬᠠᠢᠶ᠋ᠢᠨ ᠤᠰᠤᠨᠤ ᠴᠢᠨᠠᠷ ᠤᠤᠯᠤᠨᠬᠢᠠᠴᠠᠪᠠᠨ ᠮᠠᠰᠢ ᠰᠠᠢᠵᠢᠷᠠᠬ᠍ᠰᠠᠨ ᠪᠥᠭᠡᠳ ᠵᠢᠯ ᠳᠠᠷᠠᠭᠠᠯᠠᠨ ᠰᠠᠢᠵᠢᠷᠠᠬᠤ ᠬᠠᠨᠳᠤᠰᠢᠲᠠᠢ ᠪᠣᠯᠵᠠᠶ》 ᠭᠡᠵᠦ᠍ ᠪᠠᠶᠠᠨᠨᠠᠭᠤᠷ ᠬᠤᠲᠠᠶ᠋ᠢᠨ ᠣᠷᠴᠢᠨ ᠲᠣᠭᠤᠷᠢᠨᠤ ᠮᠡᠳᠡᠭᠡ ᠵᠠᠩᠭᠢᠶ᠋ᠢ ᠬᠢᠨᠠᠨ ᠡᠵᠡᠮᠳᠡᠬᠦ᠌ ᠲᠥᠪᠤᠨ ᠳᠡᠳ᠋ ᠡᠷᠬᠢᠯᠡᠭ᠌ᠴᠢ ᠭᠤᠤ ᠸᠧᠶ ᠬᠡᠯᠡᠪᠡ᠃
ᠳᠡᠭᠡᠷᠡ ᠵᠠᠭᠤᠨᠤ ᠶᠡᠷᠡᠭᠡᠳ ᠣᠨᠠᠴᠠ ᠨᠠᠭᠠᠰᠢ᠂ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠤᠰᠤ ᠲᠠᠲᠠᠭᠤᠷᠠᠭ᠍ᠰᠠᠨ ᠪᠠ ᠬᠤᠲᠠᠶ᠋ᠢᠨ ᠠᠮᠢᠳᠤᠷᠠᠯᠤᠨ ᠪᠣᠬᠢᠷ ᠤᠰᠤ᠂ ᠠᠵᠤ ᠦᠶᠯᠡᠳᠪᠦᠷᠢᠶ᠋ᠢᠨ ᠬᠠᠶᠠᠭ᠍ᠳᠠᠮᠠᠯ ᠤᠰᠤ ᠤᠯᠠᠭᠠᠨᠰᠤᠬᠠᠢ ᠨᠠᠭᠤᠷᠲᠤ ᠣᠷᠣᠭ᠍ᠰᠠᠨᠤ ᠳᠡᠭᠡᠷᠡ ᠠᠮᠢ ᠠᠬᠤᠶᠶ᠋ᠢᠨ ᠤᠰᠤ ᠨᠥᠬᠦᠪᠥᠷᠢᠯᠡᠬᠦ᠌ ᠴᠢᠳᠠᠪᠦᠷᠢ ᠬᠦᠷᠦᠯᠴᠡᠬᠦ᠌ ᠥᠬᠡᠶ ᠵᠡᠷᠬᠡ ᠤᠯᠠᠨ ᠲᠠᠯᠠᠶ᠋ᠢᠨ ᠱᠢᠯᠳᠠᠭᠠᠨᠠᠴᠠ ᠪᠣᠯᠵᠣ᠂ ᠤᠯᠠᠭᠠᠨᠰᠤᠬᠠᠢ ᠨᠠᠭᠤᠷᠤᠨ ᠤᠰᠤᠨᠤ ᠴᠢᠨᠠᠷ ᠲᠤᠩ ᠮᠠᠭᠤᠳᠠᠬ᠍ᠰᠠᠨ ᠲᠡᠳᠦᠶ ᠦᠬᠡᠢ᠂ ᠨᠠᠭᠤᠷᠤᠨ ᠤᠰᠤᠨᠤ ᠬᠡᠮᠵᠢᠶᠡ ᠶᠡᠭᠡᠪᠠᠷ ᠪᠠᠭᠠᠰᠤᠭ᠍ᠰᠠᠨ ᠪᠢᠯᠡ᠃
ᠣᠢᠷᠠᠶ᠋ᠢᠨ ᠵᠢᠯᠠᠴᠠ ᠨᠠᠭᠠᠰᠢ᠂ ᠪᠠᠶᠠᠨᠨᠠᠭᠤᠷ ᠬᠤᠲᠠ 《ᠨᠠᠭᠤᠷᠤᠨ ᠠᠰᠠᠭᠤᠳᠠᠯᠢ ᠱᠢᠢᠳᠪᠦᠷᠢᠯᠡᠬᠦ᠌ᠳᠤ᠂ ᠨᠠᠭᠤᠷᠤᠨ ᠭᠠᠳᠠᠨᠠᠬᠢᠶ᠋ᠢ ᠵᠠᠰᠠᠬᠤᠳᠤ ᠬᠦᠴᠦᠯᠡᠬᠦ᠌》 ᠵᠠᠰᠠᠯᠲᠠᠶ᠋ᠢᠨ ᠰᠡᠳᠭᠢᠮᠵᠢᠶ᠋ᠢ ᠪᠠᠷᠢᠮᠲᠠᠯᠠᠵᠤ᠂ ᠤᠯᠠᠭᠠᠨᠰᠤᠬᠠᠢ ᠨᠠᠭᠤᠷᠤᠨ ᠰᠠᠪᠠ ᠭᠠᠵᠠᠷᠤᠨ ᠠᠭᠤᠯᠠ ᠤᠰᠤ ᠣᠶ ᠮᠣᠳᠣ ᠭᠠᠵᠠᠷ ᠲᠠᠷᠢᠶᠠ ᠨᠠᠭᠤᠷ ᠪᠦᠷᠢᠳᠦ ᠨᠤᠲᠤᠭ ᠪᠡᠯᠴᠢᠭᠡᠷ ᠡᠯᠡᠰᠦ ᠮᠠᠩᠬᠠᠶ᠋ᠢ ᠠᠮᠢ ᠨᠠᠰᠤᠨᠤ ᠬᠠᠮᠲᠤᠶ᠋ᠢᠨ ᠴᠣᠭ᠍ᠴᠠ ᠪᠣᠯᠭᠠᠵᠤ᠂ ᠲᠠᠩ ᠭᠠᠭ᠍ᠴᠠ 《ᠨᠠᠭᠤᠷ ᠴᠥᠭᠦᠷᠥᠮᠢ ᠵᠠᠰᠠᠵᠤ》 ᠪᠠᠢᠬ᠍ᠰᠠᠨᠠᠴᠠ 《ᠰᠠᠪᠠ ᠭᠠᠵᠠᠷᠢ ᠱᠢᠰᠲ᠋ᠧᠮᠲᠠᠢ ᠵᠠᠰᠠᠬᠤ》 ᠲᠡᠢᠰᠢ ᠬᠤᠪᠢᠷᠠᠭᠤᠯᠵᠤ᠂ ᠪᠥᠬᠦ᠌ ᠰᠠᠪᠠ ᠭᠠᠵᠠᠷᠤᠨ ᠠᠮᠢ ᠠᠬᠤᠶᠶ᠋ᠢ ᠰᠡᠷᠭᠦᠭᠡᠨ ᠵᠠᠰᠠᠬᠤ᠂ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠬᠤ ᠪᠠ ᠬᠠᠮᠠᠭᠠᠯᠠᠨ ᠨᠡᠭᠡᠭᠡᠨ ᠬᠥᠭ᠌ᠵᠢᠭᠦᠯᠬᠦ᠌ᠶ᠋ᠢ ᠨᠢᠭᠡᠳᠦᠯᠲᠡᠶ ᠲᠥᠯᠥᠪᠵᠢᠭᠦᠯᠵᠦ᠍᠂ ᠭᠤᠤᠯᠳᠠᠯᠭᠠᠲᠠᠢ ᠣᠷᠣᠨ ᠪᠦᠰᠡᠶ᠋ᠢᠨ ᠠᠮᠢ ᠠᠬᠤᠶᠶ᠋ᠢ ᠵᠠᠰᠠᠨ ᠰᠡᠷᠭᠦᠭᠡᠬᠦ᠌ᠶ᠋ᠢ ᠵᠡᠷᠭᠡᠳᠠ ᠠᠬᠢᠭᠤᠯᠵᠤ᠂ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠬᠤ ᠳᠠᠢᠯᠠᠯᠳᠤᠭᠠᠨᠢ ᠪᠥᠬᠦ᠌ ᠲᠠᠯᠠᠪᠠᠷ ᠡᠬᠢᠯᠡᠭᠦᠯᠪᠡ᠃
2020 ᠣᠨᠳᠤ᠂ ᠤᠯᠠᠭᠠᠨᠰᠤᠬᠠᠢᠶ᠋ᠢᠨ ᠠᠭᠤᠯᠠ ᠤᠰᠤ ᠤᠢ ᠮᠣᠳᠣ ᠭᠠᠵᠠᠷ ᠲᠠᠷᠢᠶᠠ ᠨᠠᠭᠤᠷ ᠪᠦᠷᠢᠳᠦ ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠠᠮᠢ ᠠᠬᠤᠢᠶ᠋ᠢ ᠬᠠᠮᠠᠭᠠᠯᠠᠵᠤ ᠵᠠᠰᠠᠨ ᠰᠡᠷᠭᠦᠭᠡᠬᠦ᠌ ᠲᠦᠷᠦᠯ ᠵᠦᠢᠯ ᠤᠯᠤᠰᠤᠨ ᠪᠠᠢᠭᠠᠯᠢᠶ᠋ᠢᠨ ᠡᠬᠢ ᠪᠠᠶᠠᠯᠢᠭᠤᠨ ᠶᠠᠮᠤᠨᠤ 《ᠨᠡᠢᠭᠡᠮᠤᠨ ᠡᠳ᠋ ᠬᠦᠷᠦᠩᠬᠡ ᠤᠯᠤᠰᠤᠨ ᠭᠠᠵᠠᠷ ᠱᠢᠷᠦᠢᠶ᠋ᠢᠨ ᠣᠷᠣᠨ ᠵᠠᠢᠶ᠋ᠢᠨ ᠠᠮᠢ ᠠᠬᠤᠢᠶ᠋ᠢ ᠵᠠᠰᠠᠨ ᠰᠡᠷᠭᠦᠭᠡᠬᠦ᠌ᠳᠤ ᠣᠷᠣᠯᠴᠠᠭ᠍ᠰᠠᠨ ᠵᠢᠱ᠌ᠢᠶᠡ （ᠨᠢᠭᠡᠳᠦᠭᠡᠷ ᠪᠦᠯᠦᠭ）》 ᠪᠠᠷ ᠰᠣᠩᠭᠤᠭ᠍ᠳᠠᠪᠠ᠂ ᠡᠨᠡ ᠪᠣᠯ ᠪᠦᠬᠦ᠌ ᠤᠯᠤᠰᠤᠨ ᠠᠭᠤᠯᠠ ᠤᠰᠤ ᠤᠢ ᠮᠣᠳᠣ ᠭᠠᠵᠠᠷ ᠲᠠᠷᠢᠶᠠ ᠨᠠᠭᠤᠷ ᠪᠦᠷᠢᠳᠦ ᠨᠤᠲᠤᠭ ᠪᠡᠯᠴᠢᠭᠡᠷᠢ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠬ᠍ᠰᠠᠨ ᠴᠤᠷᠤᠨ ᠭᠠᠭ᠍ᠴᠠ ᠲᠦᠷᠦᠯ ᠵᠦᠢᠯ ᠪᠣᠯᠤᠨᠠ᠃
ᠦᠵᠡᠭ᠌ᠳᠡᠯ 2 —
《ᠨᠣᠭᠤᠭᠠᠨᠤ ᠠᠭᠤᠯᠬᠤᠡ》 ᠲᠡᠭᠡᠭ᠌ᠰᠢᠯᠡᠵᠤ 《ᠠᠯᠳᠠᠨᠤ ᠠᠭᠤᠯᠬᠤᠨ》 ᠨᠡᠮᠡᠭ᠌ᠳᠡᠯᠡ
ᠡᠬᠡᠯᠢᠳᠤ ᠬᠠᠪᠤᠷ ᠡᠬᠡ ᠭᠠᠵᠠᠷᠲᠤ ᠰᠠᠭᠠᠳᠠᠵᠤ ᠠᠯᠢᠪᠠ ᠪᠦᠬᠦᠨ ᠡᠰᠡᠨᠢᠯ ᠠᠮᠢᠯᠠᠯᠢᠶᠠᠷ ᠪᠢᠯᠬᠠᠨᠠ᠃ ᠬᠢᠩᠭᠠᠨ ᠠᠢᠮᠠᠭᠤᠨ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠱᠢᠭᠤᠨᠤ ᠪᠠᠶᠠᠨᠮᠠᠩᠬᠠ ᠰᠤᠮᠤᠶ᠋ᠢᠨ ᠬᠠᠲᠠᠪᠴᠢ ᠭᠠᠴᠠᠭᠠᠨᠤ ᠠᠭᠤᠯᠠ ᠲᠠᠯᠠᠪᠠᠷ ᠦᠪᠴᠢ ᠴᠢᠴᠠᠷᠭᠠᠨᠠ ᠨᠠᠬᠢᠶᠠᠯᠠᠨ ᠨᠠᠪᠴᠢᠯᠠᠵᠤ᠂ ᠰᠠᠯᠬᠢᠨᠤ ᠠᠶᠠᠪᠠᠷ ᠰᠠᠵᠢᠯᠠᠨ ᠨᠠᠢᠭᠤᠨᠠ᠃ ᠠᠮᠢᠵᠢᠷᠠᠯ ᠪᠢᠯᠬᠠᠭ᠍ᠰᠠᠨ ᠡᠨᠡ ᠭᠠᠵᠠᠷ ᠤᠤᠯᠨᠢ ᠡᠵᠡᠭᠦᠶ ᠡᠯᠡᠰᠦ ᠪᠠᠢᠭ᠍ᠰᠠᠨ ᠬᠡᠳᠡᠭᠢ ᠲᠥᠰᠦᠭᠡᠯᠡᠬᠦᠶᠡ ᠪᠡᠷᠬᠡ᠃
《ᠥᠩᠭᠡᠷᠡᠭ᠌ᠰᠡᠨᠳᠤ᠂ ᠠᠳᠡ ᠬᠠᠪᠤᠷ ᠨᠠᠮᠤᠷ ᠪᠤᠯᠤᠭ᠍ᠰᠠᠭᠠᠷ ᠬᠠᠷᠠ ᠰᠠᠯᠬᠢ ᠪᠤᠰᠴᠤ᠌ ᠲᠩᠷᠢ ᠭᠠᠵᠠᠷ ᠨᠡᠢᠯᠡᠮᠡᠷ ᠪᠤᠯᠳᠠᠭ᠃ ᠣᠳᠣ ᠠᠮᠢ ᠠᠬᠤᠢᠶ᠋ᠢᠨ ᠣᠷᠴᠢᠨ ᠲᠣᠭᠤᠷᠢᠨ ᠰᠠᠢᠵᠢᠷᠠᠵᠤ᠂ ᠠᠮᠢ ᠠᠮᠢᠯᠠᠯᠢᠶᠠᠷ ᠪᠢᠯᠬᠠ᠂ ᠪᠢᠳᠡᠡᠳᠤ ᠠᠮᠢᠳᠤᠷᠠᠯᠤᠨ ᠰᠠᠢᠬᠠᠨᠢ ᠦᠨᠡᠨ ᠬᠦ᠌ ᠮᠡᠳᠡᠷᠡᠬᠦᠯᠦᠯᠡ》 ᠭᠡᠵᠦ᠍ 55 ᠨᠠᠰᠤᠲᠠᠢ ᠪᠠᠢ ᠵᠢᠷᠠᠨᠪᠠᠶᠠᠷ ᠭᠤᠸᠠᠢ ᠢᠨᠢᠶᠡᠮᠰᠦᠭ᠌ᠯᠡᠨ ᠬᠡᠯᠡᠨᠡ᠃
ᠣᠢᠷᠠᠶ᠋ᠢᠨ ᠵᠢᠯᠠᠴᠠ ᠨᠠᠭᠠᠰᠢ᠂ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠱᠢᠭᠤ ᠬᠥᠬᠡᠮᠳᠦᠭ ᠨᠣᠭᠤᠭᠠᠨ ᠠᠭᠤᠯᠠ ᠤᠰᠤ ᠪᠣᠯ ᠠᠯᠲᠠ ᠮᠥᠩᠭᠦᠨ ᠠᠭᠤᠯᠠ ᠮᠥᠨ ᠭᠡᠬᠦ᠌ ᠣᠢᠯᠠᠭᠠᠭ᠍ᠳᠠᠬᠤᠨᠢ ᠢᠳᠡᠪᠬᠢᠲᠡᠶ ᠦᠶᠯᠡᠳᠦᠯᠭᠡᠵᠢᠭᠦᠯᠵᠦ᠍᠂ ᠠᠭᠤᠯᠠ ᠤᠰᠤ ᠣᠶ ᠮᠣᠳᠣ ᠭᠠᠵᠠᠷ ᠲᠠᠷᠢᠶᠠ ᠨᠠᠭᠤᠷ ᠪᠦᠷᠢᠳᠦ ᠨᠤᠲᠤᠭ ᠪᠡᠯᠴᠢᠭᠡᠷ ᠡᠯᠡᠰᠦ ᠮᠠᠩᠬᠠᠶ᠋ᠢ ᠱᠢᠰᠲ᠋ᠧᠮᠲᠠᠢ ᠵᠠᠰᠠᠬᠤᠶ᠋ᠢ ᠨᠢᠭᠡᠳᠦᠯᠲᠡᠶ ᠲᠥᠯᠥᠪᠵᠢᠭᠦᠯᠦᠨ ᠠᠬᠢᠭᠤᠯᠵᠤ᠂ ᠡᠯᠡᠰᠦᠷᠬᠡᠭ᠌ᠵᠢᠯᠢ ᠰᠡᠷᠭᠡᠢᠯᠡᠵᠦ᠍ ᠡᠯᠡᠰᠦᠷᠬᠡᠭ᠌ᠵᠢᠯᠢ ᠵᠠᠰᠠᠬᠤ ᠠᠮᠢ ᠠᠬᠤᠶᠶ᠋ᠢᠨ ᠪᠥᠲᠥᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢ ᠶᠡᠭᠡᠪᠠᠷ ᠥᠷᠨᠢᠭᠦᠯᠦᠭ᠌ᠰᠡᠨᠢᠶᠠᠷ᠂ 2020 ᠣᠨᠳᠤ᠂ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠱᠢᠭᠤᠨᠤ ᠤᠢ ᠱᠢᠭᠤᠢᠶ᠋ᠢᠨ ᠪᠦᠷᠬᠦᠴᠡ 2014 ᠣᠨᠤᠬᠢᠠᠴᠠ ᠵᠠᠭᠤᠨᠤ ᠬᠠᠷᠢᠴᠠᠯᠢᠶᠠᠷ 3.1 ᠬᠤᠪᠢ ᠳᠡᠭᠡᠭ᠌ᠰᠢᠯᠡᠵᠦ᠍᠂ ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠤᠷᠭᠤᠮᠠᠯᠤᠨ ᠪᠦᠷᠬᠦᠴᠡ 2016 ᠣᠨᠤᠬᠢᠠᠴᠠ ᠵᠠᠭᠤᠨᠤ ᠬᠠᠷᠢᠴᠠᠯᠢᠶᠠᠷ 28.8 ᠬᠤᠪᠢ ᠳᠡᠭᠡᠭ᠌ᠰᠢᠯᠡᠵᠦ᠍᠂ ᠪᠦᠬᠦ᠌ ᠬᠤᠱᠢᠭᠤᠨᠤ ᠡᠯᠡᠰᠦᠷᠬᠡᠭ᠌ᠵᠢᠭ᠌ᠰᠡᠨ ᠭᠠᠵᠠᠷ ᠱᠢᠷᠣᠢᠶ᠋ᠢ ᠪᠦᠲᠦᠮᠵᠢᠲᠡᠢ ᠰᠡᠷᠭᠦᠭᠡᠭ᠌ᠰᠡᠨ ᠬᠠᠷᠢᠴᠠᠯ 88.4 % ᠳᠤ ᠬᠦᠷᠪᠡ᠃
《ᠨᠣᠭᠤᠭᠠᠨᠤ ᠠᠭᠤᠯᠬᠤᠡ》 ᠲᠡᠭᠡᠭ᠌ᠰᠢᠯᠡᠵᠤ᠂ 《ᠠᠯᠲᠠᠨᠤ ᠠᠭᠤᠯᠬᠤᠡ》 ᠨᠡᠮᠡᠭ᠌ᠳᠡᠯᠡ᠃ ᠣᠳᠣᠬᠠᠨᠳᠤ᠂ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠱᠢᠭᠤᠨᠤ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠤᠷᠢᠨᠢᠶᠠᠷ ᠬᠠᠮᠤᠭᠤᠨ ᠬᠡᠪᠡᠷᠡᠭ ᠪᠠᠢᠬ᠍ᠰᠠᠨ 《ᠡᠮᠦᠨᠡᠲᠦ ᠭᠤᠷᠪᠠᠨ ᠰᠤᠮᠤ》 ᠶ᠋ᠢᠨ ᠨᠡᠭᠦᠳᠡᠯ ᠡᠯᠡᠰᠦ ᠨᠢᠭᠡᠨᠲᠡ ᠬᠠᠯᠬᠠᠪᠴᠢ ᠤᠢᠳᠤ 《ᠣᠨᠢᠰᠤᠯᠠᠭ᠍ᠳᠠᠵᠤ》᠂ ᠴᠢᠴᠠᠷᠭᠠᠨᠠᠶ᠋ᠢᠨ ᠤᠢ ᠬᠦᠬᠡᠷᠡᠨ； ᠠᠭ᠍ᠯᠠᠭ ᠠᠭᠤᠯᠠ ᠨᠣᠭᠤᠭᠠᠷᠠᠭ᠍ᠰᠠᠨ ᠡᠮᠲᠦᠶ᠋ᠢᠨ ᠭᠤᠤᠯ ᠰᠤᠮᠤᠳᠤ ᠭᠤᠸᠠ ᠵᠢᠮᠢᠰᠤᠨ ᠦᠨᠦᠷ ᠬᠠᠩᠬᠤᠯᠵᠤ᠂ ᠤᠨᠴᠠᠯᠢᠬ᠍ᠳᠤ ᠤᠢ ᠱᠢᠭᠤᠢ ᠵᠢᠮᠢᠰᠤᠨ ᠦᠢᠯᠡᠰ᠂ ᠦᠵᠡᠰᠭᠦᠯᠡᠩᠳᠤ ᠰᠠᠢᠬᠠᠨ ᠬᠥᠳᠡᠭᠡ ᠲᠣᠰᠭᠤᠨᠤ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠨᠢ ᠠᠷᠠᠳ ᠤᠯᠠᠨᠢ ᠪᠠᠶᠠᠵᠢᠯᠤᠨ ᠵᠠᠮᠢᠶᠠᠷ ᠬᠦᠳᠦᠯᠦᠯᠠ ᠁ ᠨᠢᠳᠤᠨᠤᠨᠤ 10 ᠰᠠᠷᠠᠳᠤ᠂ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠱᠢᠭᠤ ᠤᠯᠤᠰᠤᠨ 《ᠬᠥᠬᠡᠮᠳᠦᠭ ᠨᠣᠭᠤᠭᠠᠨ ᠠᠭᠤᠯᠠ ᠤᠰᠤ ᠪᠣᠯ ᠠᠯᠳᠠ ᠮᠥᠩᠭᠦᠨ ᠠᠭᠤᠯᠠ》 ᠬᠡᠬᠦ᠌ ᠤᠢ᠍ᠢᠯᠠᠭᠠᠬ᠍ᠳᠠᠬᠤᠨᠢ ᠦᠢᠯᠡᠳᠦᠯᠭᠡᠵᠢᠬᠦᠯᠦᠭ᠌ᠰᠡᠨ ᠱᠢᠨᠡᠶ᠋ᠢ ᠡᠭᠦᠳᠦᠭ᠌ᠰᠡᠨ ᠰᠠᠭᠤᠷᠢᠨᠢᠶᠠᠷ ᠨᠡᠷᠡᠢᠳᠦᠭ᠌ᠳᠡᠪᠡ᠃
《ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠲᠠᠪᠤᠨ ᠵᠢᠯ》 ᠤᠨ ᠲᠥᠯᠥᠪᠵᠢᠭᠦᠯᠭᠡᠶ᠋ᠢᠨ ᠱᠢᠨᠡ ᠠᠶᠠᠨᠤ ᠤᠷᠤᠬ᠍ᠰᠢᠯᠠᠯᠳᠠᠶ᠋ᠢᠨ ᠪᠦᠷᠢᠶᠡ ᠬᠠᠩᠭᠢᠨᠠᠯᠡ — ᠲᠤᠰ ᠲᠤᠰᠲᠠᠭᠠᠨ ᠪᠠᠢᠯᠳᠤᠵᠤ ᠪᠠᠢᠭ᠍ᠰᠠᠨᠢ ᠪᠦᠬᠦ᠌ ᠣᠷᠣᠨ ᠪᠦᠰᠡᠶ᠋ᠢᠨ ᠵᠠᠰᠠᠯᠲᠠ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠵᠤ᠂ ᠤᠯᠠᠨ ᠲᠠᠯᠠᠠᠴᠠ ᠬᠠᠮᠢᠶᠠᠷᠴᠤ᠌ ᠪᠠᠢᠭ᠍ᠰᠠᠨᠢ ᠨᠢᠭᠡᠳᠦᠯᠲᠡᠢ ᠲᠥᠯᠥᠪᠵᠢᠭᠦᠯᠦᠨ ᠬᠠᠮᠵᠢᠯᠴᠠᠬᠤ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠪᠠ᠃
《ᠥᠪᠥᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠯᠤᠰ ᠠᠷᠠᠳᠤᠨ ᠠᠵᠤ ᠠᠬᠤᠶ ᠪᠠ ᠨᠡᠢᠭᠡᠮᠤᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠲᠠᠪᠤᠨ ᠵᠢᠯᠤᠨ ᠲᠥᠯᠥᠪᠵᠢᠭᠦᠯᠭᠡ ᠪᠠ 2035 ᠣᠨᠤ ᠠᠯᠤᠰᠤᠨ ᠬᠠᠷᠠᠯᠲᠠᠶ᠋ᠢᠨ ᠬᠥᠲᠥᠯᠪᠦᠷᠢ》 ᠳᠤ᠂ ᠠᠭᠤᠯᠠ ᠤᠰᠤ ᠣᠶ ᠮᠣᠳᠣ ᠭᠠᠵᠠᠷ ᠲᠠᠷᠢᠶᠠ ᠨᠠᠭᠤᠷ ᠪᠦᠷᠢᠳᠦ ᠨᠤᠲᠤᠭ ᠪᠡᠯᠴᠢᠭᠡᠷ ᠡᠯᠡᠰᠦ ᠮᠠᠩᠬᠠᠶ᠋ᠢ ᠱᠢᠰᠲ᠋ᠧᠮᠲᠠᠢ ᠵᠠᠰᠠᠬᠤᠶ᠋ᠢ ᠨᠢᠭᠡᠳᠦᠯᠲᠡᠶ ᠲᠥᠯᠥᠪᠵᠢᠭᠦᠯᠬᠦ᠌ ᠬᠡᠷᠡᠭ᠌ᠲᠡᠶ ᠬᠡᠵᠤ ᠲᠤᠳᠤᠷᠬᠠᠢ ᠱᠠᠭᠠᠷᠳᠠᠬ᠍ᠰᠠᠨ ᠪᠠᠢᠨᠠ᠃
ᠥᠪᠥᠷ ᠮᠣᠩᠭᠤᠯ ᠪᠣᠬᠢᠷᠲᠤᠯᠢ ᠵᠠᠰᠠᠬᠤ ᠪᠠ ᠦᠵᠡᠮᠵᠢᠶ᠋ᠢ ᠴᠣᠭ᠍ᠴᠠᠯᠠᠬᠤ᠂ ᠠᠮᠢ ᠠᠬᠤᠶ ᠪᠠ ᠡᠵᠡᠩᠨᠡᠯᠲᠡᠶ᠋ᠢᠨ ᠬᠡᠯᠪᠡᠷᠢ᠂ ᠵᠠᠰᠠᠯᠲᠠ ᠪᠠ ᠨᠡᠭᠡᠭᠡᠨ ᠬᠥᠭ᠌ᠵᠢᠭᠦᠯᠦᠯᠲᠡᠶ᠋ᠢ ᠨᠢᠭᠡᠳᠦᠯᠲᠡᠶ ᠲᠥᠯᠥᠪᠵᠢᠭᠦᠯᠵᠦ᠍᠂ ᠭᠤᠤᠯᠳᠠᠯᠭᠠᠶ᠋ᠢ ᠳᠣᠪᠤᠢᠯᠭᠠᠨ᠂ ᠥᠩᠭᠡᠨ ᠲᠠᠯᠠ ᠪᠠ ᠦᠨᠳᠦᠰᠦᠨᠠᠴᠠᠨᠢ ᠵᠡᠷᠬᠡᠪᠠᠷ ᠵᠠᠰᠠᠵᠤ᠂ ᠦᠪᠦᠷ ᠮᠤᠩᠭᠤᠯᠢᠶᠠᠨ ᠨᠠᠩ ᠨᠤᠮᠢᠨ ᠨᠣᠭᠤᠭᠠᠨ᠂ ᠨᠡᠩ ᠬᠥᠬᠡᠮᠳᠦᠭ ᠴᠡᠩᠬᠡᠷ᠂ ᠨᠡᠩ ᠴᠡᠪᠡᠷ ᠲᠤᠩᠭᠠᠯᠠᠭ ᠪᠣᠯᠭᠠᠨ ᠪᠦᠳᠦᠭᠡᠨ ᠪᠠᠢᠭᠤᠯᠤᠨᠠ᠃