ᠣᠢᠷᠠᠶ᠋ᠢᠨ ᠵᠢᠯᠠᠴᠠ ᠨᠡᠭᠠᠰᠢ ᠠᠮᠢᠵᠢᠷᠠᠯ ᠪᠢᠯᠬᠠᠭ᠍ᠰᠠᠨ ᠬᠥᠯ ᠪᠥᠮᠪᠦᠭᠡᠨ ᠤᠷᠤᠯᠳᠤᠭᠠᠨᠨᠢ ᠥᠪᠥᠷ ᠮᠣᠩᠭᠤᠯᠤᠨ ᠭᠤᠢᠳᠠ ᠰᠠᠢᠬᠠᠨ ᠦᠵᠡᠮᠵᠢᠶ᠋ᠢ ᠪᠦᠷᠢᠯᠳᠦᠬᠦᠯᠪᠡ᠃ ᠮᠠᠨᠤ ᠤᠷᠤᠨ ᠡᠯᠡ ᠲᠠᠯᠠᠶ᠋ᠢᠨ ᠡᠬᠢ ᠪᠠᠶᠠᠯᠢᠭᠢ ᠭᠦᠢᠴᠡᠳ ᠳᠠᠢᠴᠢᠯᠠᠵᠤ᠂ ᠨᠡᠢᠭᠡᠮᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢ ᠶᠡᠭᠡᠪᠠᠷ ᠠᠬᠢᠭᠤᠯᠵᠤ᠂ ᠣᠯᠠᠨ ᠲᠦᠮᠡᠨᠤ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠬᠦᠳᠡᠯᠬᠡᠬᠡᠨᠳᠤ ᠣᠷᠣᠯᠴᠠᠬᠤ ᠤᠷᠮᠠ ᠵᠤᠷᠢᠭᠢ ᠬᠥᠭ᠌ᠵᠢᠭᠡᠨ᠂ ᠪᠦᠬᠦ᠌ ᠠᠷᠠᠳᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢ ᠪᠠᠭ᠍ᠠᠷᠬᠠᠬᠤ ᠦᠳᠭᠡᠨ ᠵᠤᠵᠠᠭᠠᠨ ᠠᠭᠤᠷ ᠠᠮᠢᠰᠭᠤᠯᠢ ᠪᠣᠢ ᠪᠤᠯᠭᠠᠭ᠍ᠰᠠᠨ ᠪᠠᠢᠨᠠ᠃
ᠮᠠᠨᠤ ᠤᠷᠤᠨ 《ᠥᠪᠥᠷ ᠮᠣᠩᠭᠤᠯᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠨᠡᠢᠭᠡᠮᠯᠢᠭᠲᠤ ᠲᠣᠬᠢᠷᠠᠭᠤᠯᠤᠯᠲᠠ ᠥᠭᠡᠷᠡᠴᠢᠯᠡᠯᠳᠠ ᠬᠢᠬᠦ᠌ ᠲᠥᠰᠦᠯ》 ᠵᠡᠷᠭᠡ ᠴᠢᠬᠤᠯᠠ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯᠢ ᠵᠠᠯᠭᠠᠭᠠᠪᠠᠷ ᠨᠡᠢᠲᠡᠯᠡᠵᠦ᠍᠂ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠲᠣᠭ᠍ᠲᠠᠴᠠᠶ᠋ᠢ ᠲᠠᠰᠤᠷᠠᠯᠲᠠ ᠥᠬᠡᠶ ᠱᠢᠯᠤᠭᠤᠳᠭᠠᠨ᠂ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠥᠭᠡᠷᠡᠴᠢᠯᠡᠯᠲᠡᠳᠤ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠳᠡᠮᠵᠢᠯᠭᠡ ᠬᠠᠩᠭᠠᠪᠠ᠃ ᠪᠥᠬᠦ᠌ ᠣᠷᠣᠨᠤ ᠡᠯᠡ ᠱᠠᠲᠤᠨᠤ ᠵᠠᠰᠠᠭᠤᠨ ᠣᠷᠳᠣᠨ ᠵᠢᠴᠢ ᠨᠡᠢᠭᠡᠮᠤᠨ ᠡᠯᠡ ᠡᠳᠡᠭᠡᠳᠤᠨᠬᠢᠨ ᠨᠡᠢᠲᠡ 60 ᠳ᠋ᠦᠩᠱᠢᠭᠤᠷ ᠲᠥᠭᠦᠷᠢᠭᠤᠨ ᠪᠠᠯᠠ ᠣᠷᠣᠭᠤᠯᠵᠤ᠂ ᠲᠠᠯᠠᠪᠤᠷ ᠭᠠᠵᠠᠷᠤᠨ ᠪᠥᠲᠥᠭᠡᠨ ᠪᠠᠢᠭᠤᠯᠤᠯᠲᠠ᠂ ᠤᠷᠤᠯᠳᠤᠭᠠᠨᠤ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ᠂ ᠴᠢᠳᠠᠪᠤᠷᠢᠲᠠᠨ ᠬᠥᠮᠦᠵᠢᠭᠦᠯᠬᠦ᠌ ᠵᠡᠷᠭᠡ ᠲᠠᠯᠠᠪᠠᠷ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠥᠭᠡᠷᠡᠴᠢᠯᠡᠯᠲᠡ ᠬᠥᠭ᠌ᠵᠢᠯᠲᠡᠶ᠋ᠢ ᠳᠡᠮᠵᠢᠪᠡ᠃
ᠤᠢ᠍ᠢᠯᠠᠭᠠᠭ᠍ᠰᠠᠨᠢᠶᠠᠷ᠂ ᠣᠳᠣᠬᠠᠨᠳᠤ ᠮᠠᠨᠤ ᠤᠷᠤᠨᠳᠤ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠨᠡᠢᠭᠡᠮᠯᠢᠭ ᠨᠡᠢᠲᠡ 28 ᠪᠠᠢᠵᠦ᠍᠂ 42 ᠬᠤᠱᠢᠭᠤ ᠱᠢᠶᠠᠨ （ᠬᠤᠲᠠ᠂ ᠲᠣᠭᠤᠷᠢᠭ） ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠨᠡᠢᠭᠡᠮᠯᠢᠭ ᠪᠠᠢᠭᠤᠯᠵᠤ᠂ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢ ᠪᠦᠬᠦ᠌ ᠨᠡᠢᠭᠡᠮᠤᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠠᠷᠠᠳᠤᠨ ᠠᠮᠢᠳᠤᠷᠠᠯᠤᠨ ᠢᠨᠵᠧᠨᠧᠷᠢᠩ ᠪᠠ ᠡᠷᠡᠭᠦᠯ ᠮᠡᠨᠳᠦᠶ᠋ᠢᠨ ᠦᠢᠯᠡᠰ ᠪᠣᠯᠭᠠᠨ ᠬᠦᠭ᠌ᠵᠢᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃ 2001 ᠣᠨᠤ 4 ᠰᠠᠷᠠᠳᠤ ᠬᠥᠬᠡᠬᠤᠲᠠᠶ᠋ᠢᠨ ᠦ᠋ ᠵᠢᠶᠠᠩ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠺᠯᠦ᠋ᠪ᠂ ᠬᠥᠬᠡᠬᠤᠲᠠᠶ᠋ᠢᠨ ᠬᠤᠣ ᠶᠠᠩ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠺᠯᠦ᠋ᠪ ᠵᠡᠷᠭᠡᠨᠢ ᠬᠥᠬᠡᠬᠤᠲᠠᠶ᠋ᠢᠨ ᠠᠩᠬᠠᠳᠠᠭ᠍ᠴᠢ ᠪᠦᠯᠦᠭ ᠨᠡᠢᠭᠡᠮᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠨᠡᠷᠡᠲᠦ ᠪᠣᠯᠪᠠᠰᠤᠷᠠᠭᠤᠯᠬᠤ ᠪᠠᠢᠭᠤᠯᠤᠮᠵᠢᠪᠠᠷ ᠨᠡᠷᠡᠢᠳᠦᠭ᠌ᠳᠡᠪᠡ᠃ 2020 ᠣᠨ ᠪᠣᠯᠲᠠᠯᠠ ᠺᠯᠦ᠋ᠪᠲᠤ ᠲᠠᠩᠰᠠᠯᠠᠭᠤᠯᠤᠭ᠍ᠰᠠᠨ 3 — 16 ᠨᠠᠰᠤᠨᠤ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ 3000 ᠭᠠᠷᠤᠢ᠂ ᠰᠤᠷᠭᠠᠭ᠍ᠴᠢ 60 ᠭᠠᠷᠤᠢ ᠪᠤᠯᠵᠦ᠍᠂ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ᠂ ᠬᠡᠦᠬᠡᠳᠤᠨ ᠴᠡᠴᠡᠷᠯᠢᠭᠲᠤ ᠢᠵᠢ ᠪᠦᠷᠢᠳᠦᠭ᠌ᠰᠡᠨ ᠵᠢᠭᠠᠨ ᠰᠤᠷᠭᠠᠯᠲᠠ᠂ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠬᠢᠴᠢᠶᠡᠯ ᠵᠡᠷᠭᠡ ᠦᠢᠯᠡᠴᠢᠯᠡᠭᠡᠨᠢ ᠰᠤᠷᠭᠠᠭᠤᠯᠢᠶ᠋ᠢᠨ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠳᠤᠨ ᠬᠦᠷᠢᠶᠡᠯᠡᠯᠢ ᠣᠯᠤᠭ᠍ᠰᠠᠨ ᠪᠠᠢᠨᠠ᠃ ᠣᠳᠣᠬᠠᠨᠳᠤ ᠥᠪᠥᠷ ᠮᠣᠩᠭᠤᠯᠳᠤ ᠨᠡᠢᠭᠡᠮᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠺᠯᠦ᠋ᠪ 138 ᠪᠠᠢᠵᠤ᠂ ᠥᠪᠥᠷ ᠮᠣᠩᠭᠤᠯᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠨᠡᠢᠭᠡᠮᠯᠢᠭᠤᠨ ᠱᠢᠰᠲ᠋ᠧᠮᠳᠤ ᠳᠠᠩᠰᠠᠯᠠᠭᠤᠯᠤᠭ᠍ᠰᠠᠨ ᠺᠯᠦ᠋ᠪ 93 ᠪᠣᠢ᠃ ᠡᠭᠦᠨᠠᠴᠠ ᠭᠠᠳᠠᠨᠠ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠤᠪᠴᠢᠶᠠᠶ᠋ᠢᠨ ᠲᠤᠭᠠ ᠪᠦᠷᠢᠳᠭᠡᠯᠤᠨ ᠪᠠᠢᠴᠠᠭᠠᠯᠲᠠᠶ᠋ᠢᠨ ᠠᠯᠪᠠᠨ ᠮᠡᠳᠡᠭᠡᠶ᠋ᠢ ᠦᠨᠳᠦᠰᠦᠯᠡᠪᠡᠯ᠂ 2019 ᠣᠨᠤ ᠡᠴᠦᠰ ᠪᠣᠯᠲᠠᠯᠠ ᠪᠦᠬᠦ᠌ ᠣᠷᠣᠨᠳᠤ ᠨᠡᠢᠲᠡ 3530 ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠲᠠᠯᠠᠪᠤᠷ ᠪᠤᠢ᠃ ᠡᠬᠦᠨᠳᠤ ᠲᠠᠪᠤᠨ ᠬᠥᠮᠦᠨᠤ ᠳᠦᠷᠢᠮᠲᠦ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠲᠠᠯᠠᠪᠤᠷ 1604᠂ ᠳᠣᠯᠣᠭᠠᠨ ᠬᠥᠮᠦᠨᠤ ᠳᠦᠷᠢᠮᠲᠦ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠲᠠᠯᠠᠪᠤᠷ 997᠂ ᠠᠷᠪᠠᠨ ᠨᠢᠭᠡᠨ ᠬᠥᠮᠦᠨᠤ ᠳᠦᠷᠢᠮᠲᠦ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠲᠠᠯᠠᠪᠤᠷ 920 ᠪᠤᠢ᠃ ᠲᠦᠮᠡᠨ ᠬᠥᠮᠦᠨ ᠪᠦᠷᠢᠳᠤ 1.4 ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠲᠠᠯᠠᠪᠤᠷᠲᠠᠢ ᠪᠠᠢᠵᠤ᠂ ᠪᠦᠬᠦ᠌ ᠤᠯᠤᠰᠤᠨ ᠲᠡᠷᠢᠭᠦᠨᠤ ᠡᠩᠨᠡᠭᠡᠨᠳᠤ ᠣᠷᠣᠪᠠ᠃
ᠮᠠᠨᠤ ᠤᠷᠤᠨ 2014 ᠣᠨᠠᠴᠠ ᠪᠦᠬᠦ᠌ ᠤᠯᠤᠰᠤᠨ ᠠᠩᠬᠠᠳᠠᠭ᠍ᠴᠢ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠥᠭᠡᠷᠡᠴᠢᠯᠡᠯᠲᠡᠶ᠋ᠢᠨ ᠲᠤᠷᠱᠢᠯᠲᠠᠶ᠋ᠢᠨ ᠴᠡᠭᠤᠨ ᠮᠣᠵᠢ ᠣᠷᠣᠨ ᠪᠣᠯᠤᠭ᠍ᠰᠠᠨᠠᠴᠠ ᠨᠠᠭᠠᠰᠢ᠂ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠠᠵᠢᠯᠯᠠᠭᠠ ᠡᠳᠦᠷ ᠢᠷᠡᠬᠦᠶᠡ ᠡᠯᠪᠡᠭ ᠪᠠᠶᠠᠯᠢᠭ ᠪᠣᠯᠵᠠᠢ᠃ ᠨᠡᠢᠭᠡᠮᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠲᠥᠷᠥᠯᠤᠨ ᠤᠷᠤᠯᠳᠤᠭᠠᠨᠳᠤ ᠭᠤᠣᠯᠳᠠᠭᠤ ᠥᠪᠥᠷ ᠮᠣᠩᠭᠤᠯᠤᠨ ᠡᠷᠡᠭ᠌ᠲᠡᠢᠶ᠋ᠢᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠳᠡᠰᠠᠴᠠ ᠳᠠᠪᠠᠭ᠍ᠰᠠᠨ ᠬᠤᠯᠪᠣᠭᠠᠲᠤ ᠤᠷᠤᠯᠳᠤᠭᠠᠨ᠂ ᠥᠪᠥᠷ ᠮᠣᠩᠭᠤᠯᠤᠨ ᠡᠷᠡᠭ᠌ᠲᠡᠢᠶ᠋ᠢᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠬᠥᠬᠡ ᠳᠡᠰᠤᠨ ᠬᠤᠯᠪᠣᠭᠠᠲᠤ ᠤᠷᠤᠯᠳᠤᠭᠠᠨ᠂ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠮᠠᠩᠯᠠᠢ ᠱᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨ᠂ ᠴᠠᠰᠤᠲᠤ ᠭᠠᠵᠠᠷᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠤᠷᠢᠯᠭᠠᠶ᠋ᠢᠨ ᠤᠷᠤᠯᠳᠤᠭᠠᠨ᠂ ᠪᠦᠬᠦ᠌ ᠤᠯᠤᠰᠤᠨ ᠱᠢᠩᠭᠡᠯᠢᠭ ᠮᠠᠶᠢᠭᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠤᠷᠢᠯᠭᠠᠶ᠋ᠢᠨ ᠤᠷᠤᠯᠳᠤᠭᠠᠨ ᠵᠡᠷᠭᠡ ᠪᠤᠢ᠃ 《ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠲᠠᠯᠠᠪᠤᠷᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠲᠤᠭᠠ ᠬᠡᠳᠦ᠋ᠢᠪᠡᠷ ᠵᠢᠯ ᠳᠠᠷᠠᠭᠠᠯᠠᠨ ᠨᠡᠮᠡᠭ᠌ᠳᠡᠭ᠌ᠰᠡᠨ ᠪᠣᠯᠪᠠᠴᠤ᠌ ᠬᠥᠭ᠌ᠵᠢᠯᠲᠡᠶ᠋ᠢᠨ ᠪᠠᠢᠷᠢᠯᠠᠭᠤᠯᠤᠯᠲᠠᠨᠢ ᠲᠡᠩᠴᠡᠭᠦᠷᠢ ᠦᠭᠡᠢ᠂ ᠠᠱᠢᠬ᠍ᠯᠠᠯᠲᠠᠶ᠋ᠢᠨ ᠨᠣᠷᠮᠠᠨᠢ ᠥᠨᠳᠥᠷ ᠪᠤᠰᠤ ᠠᠰᠠᠭᠤᠳᠠᠯ ᠮᠥᠨ ᠯᠡ ᠣᠷᠣᠱᠢᠭ᠍ᠰᠠᠭᠠᠷ ᠪᠠᠢᠨᠠ᠃ ᠡᠳᠡᠭᠡᠷ ᠠᠰᠠᠭᠤᠳᠠᠯᠨᠢ ᠪᠦᠷ ᠨᠡᠢᠭᠡᠮᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ 〈ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠲᠠᠪᠤᠨ ᠵᠢᠯ〉 ᠤᠨ ᠲᠥᠯᠥᠪᠵᠢᠭᠦᠯᠭᠡᠳᠤ ᠢᠯᠡᠷᠡᠵᠦ᠍ ᠪᠤᠢ᠃ ᠢᠷᠡᠭᠡᠳᠦᠢᠶ᠋ᠢᠨ ᠨᠡᠢᠭᠡᠮᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢ ᠬᠥᠭ᠌ᠵᠢᠭᠦᠯᠬᠦ᠌ ᠮᠠᠨᠤ ᠬᠠᠷᠠᠯᠲᠠ ᠪᠣᠯ ᠳᠠᠷᠤᠢ ᠬᠥᠯ ᠪᠥᠮᠪᠦᠭᠡᠶ᠋ᠢ ᠨᠡᠢᠭᠡᠮ ᠲᠣᠭᠤᠷᠢᠭᠲᠤ ᠰᠠᠭᠤᠷᠢᠯᠠᠭᠤᠯᠵᠤ᠂ ᠴᠡᠴᠡᠷᠯᠢᠭᠲᠤ ᠦᠨᠳᠦᠰᠦᠯᠡᠬᠦᠯᠵᠤ᠂ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠳᠤ ᠰᠠᠭᠤᠷᠢᠱᠢᠭᠤᠯᠤᠨ᠂ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠲᠠᠯᠠᠪᠠᠢ ᠣᠷᠳᠣᠨᠳᠤ ᠰᠠᠭᠤᠷᠢᠯᠠᠭᠤᠯᠵᠤ᠂ 〈ᠬᠥᠯ ᠪᠥᠮᠪᠦᠭᠡ ᠪᠣᠯ ᠪᠦᠬᠦ᠌ ᠠᠷᠠᠳᠤᠨ ᠬᠥᠳᠡᠯᠭᠡᠭᠡᠨ ᠪᠤᠯᠤᠨᠠ〉 ᠭᠡᠭᠦ᠌ ᠣᠢᠯᠠᠭᠠᠭ᠍ᠳᠠᠬᠤᠨᠢ ᠤᠯᠠᠮ ᠰᠠᠢᠳᠤᠷ ᠤᠬᠠᠭᠤᠯᠵᠤ᠂ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠠᠴᠠ ᠢᠳᠡᠷ ᠨᠠᠰᠤᠨᠤ ᠬᠦᠮᠦᠰ ᠬᠦᠷᠲᠡᠯᠡ ᠪᠦᠮᠪᠦᠭᠡᠨ ᠲᠠᠯᠠᠪᠤᠷᠲᠤ ᠪᠥᠮᠪᠦᠭᠡ ᠢᠰᠭᠦᠯᠵᠦ᠍᠂ ᠤᠷᠤᠯᠳᠤᠭᠠᠨᠳᠤ ᠤᠷᠤᠯᠴᠠᠬᠤᠶ᠋ᠢ ᠠᠬᠢᠭᠤᠯᠤᠨᠠ》 ᠭᠡᠵᠦ᠍ ᠥᠪᠥᠷ ᠮᠣᠩᠭᠤᠯᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠨᠡᠢᠭᠡᠮᠯᠢᠭᠤᠨ ᠳᠡᠳ᠋ ᠲᠡᠷᠢᠭᠦᠯᠡᠭ᠌ᠴᠢ ᠡᠦ ᠭᠠᠩ ᠶᠡᠷᠢᠵᠦ᠍ ᠪᠠᠢᠯᠠ᠃
ᠤᠢ᠍ᠢᠯᠠᠭᠠᠭ᠍ᠰᠠᠨᠢᠶᠠᠷ᠂ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠪᠥᠬᠦ᠌ ᠤᠯᠤᠰᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠣᠯᠠᠨ ᠲᠦᠮᠡᠨᠴᠢ ᠤᠷᠤᠯᠳᠤᠭᠠᠨᠤ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠲᠥᠷᠥᠯ ᠵᠦᠢᠯᠤᠨ ᠲᠠᠪᠤᠨ ᠬᠥᠮᠦᠨᠤ ᠳᠦᠷᠢᠮᠲᠦ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠡᠷᠡᠭ᠌ᠲᠡᠶᠶ᠋ᠢᠨ ᠬᠥᠬᠡ ᠳᠤᠭᠤᠢᠯᠠᠩᠤᠨ ᠬᠥᠳᠡᠭᠡ ᠲᠣᠰᠭᠤᠨ ᠱᠢᠶᠠᠩ ᠪᠠᠯᠭᠠᠰᠤᠨᠤ ᠳᠤᠭᠤᠢᠯᠠᠩᠤᠨ ᠱᠢᠶᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨ 7 ᠰᠠᠷᠠᠶ᠋ᠢᠨ 10 ᠤ ᠡᠳᠦᠷᠠᠴᠠ 16 ᠤ ᠡᠳᠦᠷ ᠪᠣᠯᠲᠠᠯᠠ ᠬᠥᠬᠡᠬᠤᠲᠠᠳᠤ ᠶᠠᠪᠤᠭ᠍ᠳᠠᠵᠦ᠍᠂ ᠪᠦᠬᠦ᠌ ᠤᠯᠤᠰᠤᠨ 8 ᠡᠩᠨᠡᠭᠡ ᠬᠥᠬᠡᠬᠤᠲᠠᠳᠤ ᠴᠤᠭ᠍ᠯᠠᠷᠠᠵᠤ᠂ ᠤᠷᠤᠯᠳᠤᠭᠠᠨᠳᠤ ᠤᠷᠤᠯᠴᠠᠭ᠍ᠰᠠᠨ ᠪᠢᠯᠡ᠃ ᠡᠭᠦᠨᠳᠤ ᠥᠪᠥᠷ ᠮᠣᠩᠭᠤᠯᠤᠨ ᠲᠥᠯᠥᠭᠡᠯᠡᠭ᠌ᠴᠢᠳᠤᠨ ᠠᠩᠭᠢ ᠪᠤᠯᠬᠤ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠤ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠺᠯᠦ᠋ᠪ ᠤᠷᠤᠯᠳᠤᠭᠠᠨᠳᠤ ᠮᠠᠩᠯᠡᠢᠯᠠᠵᠦ᠍᠂ ᠤᠷᠤᠨ ᠨᠤᠲᠤᠭᠲᠠᠭᠠᠨ ᠢᠷᠠᠭᠤ ᠠᠯᠳᠠᠷ ᠠᠪᠴᠢᠷᠠᠵᠦ᠍ ᠦᠭ᠌ᠴᠠᠢ᠃
《ᠲᠦᠯᠦ᠍》 ᠺᠯᠦ᠋ᠪ ᠪᠤᠯ 2003 ᠣᠨᠤ 3 ᠰᠠᠷᠠᠶ᠋ᠢᠨ 9 ᠤ ᠡᠳᠦᠷ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨ ᠶᠤᠮ᠃ ᠡᠭᠦᠰᠭᠡᠨ ᠪᠠᠢᠭᠤᠯᠤᠭ᠍ᠴᠢ ᠢᠳᠡᠷᠵᠠᠨᠠᠶ᠋ᠢᠨ ᠰᠠᠨᠠᠭᠠᠴᠢᠯᠠᠭᠠ ᠳᠣᠣᠷᠠ᠂ ᠺᠯᠦ᠋ᠪᠨᠢ ᠪᠡᠶᠡ ᠮᠠᠬᠠᠪᠣᠳᠢᠶᠠᠨ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠨᠥᠬᠦᠷᠯᠡᠯᠢᠶᠠᠨ ᠵᠤᠵᠠᠭᠠᠳᠭᠠᠬᠤᠪᠠᠷ ᠬᠠᠷᠠᠯᠲᠠ ᠪᠣᠯᠭᠠᠵᠤ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠤ ᠱᠢᠨᠡ ᠨᠢᠭᠡ ᠦᠶᠡᠶ᠋ᠢᠨ ᠵᠠᠯᠠᠭᠤᠴᠤᠳᠤᠨ ᠢᠳᠡᠪᠬᠢᠲᠡᠶᠪᠠᠷ ᠥᠭᠡᠳᠡᠯᠡᠨ ᠳᠠᠪᠱᠢᠬᠤ᠂ ᠡᠷᠡᠯᠬᠡᠭ᠌ᠯᠡᠨ ᠲᠡᠮᠡᠴᠡᠬᠦ᠂ ᠪᠦᠯᠬᠦᠮᠳᠡᠨ ᠤᠷᠤᠬ᠍ᠰᠢᠯᠠᠬᠤ ᠵᠣᠷᠢᠭ ᠰᠠᠨᠠᠭᠠᠨᠤ ᠳᠦᠷᠰᠦ ᠪᠠᠢᠳᠠᠯᠢ ᠭᠦᠢᠴᠡᠳ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃
ᠭᠠᠯ ᠬᠠᠯᠠᠭᠤᠨ ᠰᠡᠳᠭᠢᠯᠭᠡᠪᠠᠷ ᠬᠥᠯ ᠪᠥᠮᠪᠦᠭᠡᠳᠤ ᠣᠷᠣᠯᠴᠠᠬᠤᠶ᠋ᠢ ᠬᠦᠰᠡᠨ ᠰᠠᠨᠠᠭᠠᠴᠢᠯᠠᠵᠤ ᠺᠯᠦ᠋ᠪᠤᠨ ᠨᠡᠷᠡᠪᠠᠨ 《ᠳᠥᠯᠥ᠍》 ᠬᠡᠵᠦ᠍ ᠨᠡᠷᠡᠯᠡᠭ᠌ᠰᠡᠨ ᠶᠤᠮ᠃ ᠠᠩᠬᠠ ᠡᠬᠢᠨᠳᠡᠭᠡᠨ ᠲᠤᠰ ᠺᠯᠦ᠋ᠪᠨᠢ ᠠᠷᠪᠠᠨ ᠬᠡᠳᠦᠭᠡᠨ ᠲᠠᠮᠢᠷᠴᠢᠨᠲᠠᠢ ᠪᠠᠢᠭ᠍ᠰᠠᠨᠠᠴᠠ ᠣᠳᠣ ᠨᠢᠭᠡᠨᠲᠡ 100 ᠭᠠᠷᠤᠶ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠲᠠᠮᠢᠷᠴᠢᠨᠲᠠᠢ ᠡᠩᠨᠡᠭᠡ ᠪᠣᠯᠵᠤ ᠬᠥᠭ᠌ᠵᠢᠵᠡᠶ᠃ 2014 ᠣᠨᠳᠤ᠂ ᠥᠪᠥᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠮᠠᠨᠤ ᠤᠯᠤᠰᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠥᠭᠡᠷᠡᠴᠢᠯᠡᠯᠲᠡᠶ᠋ᠢᠨ ᠲᠤᠷᠱᠢᠯᠲᠠᠶ᠋ᠢᠨ ᠭᠠᠵᠠᠷ ᠪᠤᠯᠪᠠ᠂ ᠡᠭᠦᠨᠴᠡ ᠦᠪᠦᠷ ᠮᠤᠩᠭᠤᠯ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠲᠦᠷᠭᠡᠨ ᠵᠠᠮᠢᠶᠠᠷ ᠵᠠᠮᠨᠠᠵᠤ᠂ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠲᠠᠯᠠᠪᠤᠷᠨᠢ ᠥᠪᠥᠷ ᠮᠣᠩᠭᠤᠯᠤᠨ ᠪᠥᠬᠦ᠌ ᠣᠷᠣᠨᠳᠤ ᠣᠳᠣᠨ ᠮᠡᠴᠢᠳ ᠱᠢᠭ ᠲᠦᠭᠡᠵᠦ᠍᠂ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠤᠷᠤᠯᠳᠤᠭᠠᠨ ᠴᠤ᠌ ᠬᠥᠷ ᠬᠥᠭ᠌ᠵᠢᠶᠡᠨᠲᠠᠢ ᠶᠠᠪᠤᠭ᠍ᠳᠠᠵᠤ᠂ ᠣᠯᠠᠨ ᠠᠷᠪᠢᠨ ᠬᠥᠮᠦᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠬᠥᠳᠡᠯᠭᠡᠭᠡᠨᠳᠤ ᠣᠷᠣᠯᠴᠠᠬᠤ ᠪᠤᠯᠪᠠ᠃ ᠱᠢᠯᠢᠩᠬᠤᠲᠠᠶ᠋ᠢᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠤᠷᠢᠯᠭᠠᠶ᠋ᠢᠨ ᠤᠷᠤᠯᠳᠤᠭᠠᠨ ᠣᠳᠣ ᠪᠣᠯᠲᠠᠯᠠ 14 ᠬᠤᠭᠤᠴᠠᠭᠠ ᠶᠠᠪᠤᠭ᠍ᠳᠠᠵᠤ᠂ ᠡᠨᠡ ᠬᠦ᠌ ᠱᠢᠷᠢᠰ ᠤᠷᠤᠯᠳᠤᠭᠠᠨᠳᠤ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨ 《ᠲᠦᠯᠦ᠍》 ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠺᠯᠦ᠋ᠪ ᠨᠡᠢᠲᠡ 8 ᠤᠳᠠᠭᠠ ᠮᠠᠩᠯᠠᠢᠯᠠᠵᠤ᠂ 5 ᠤᠳᠠᠭᠠ ᠳᠡᠳ᠋ᠯᠡᠪᠡ᠃
ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠤ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠺᠯᠦ᠋ᠪᠨᠢ 2017 ᠣᠨᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠪᠤᠨ ᠬᠥᠮᠦᠨᠤ ᠳᠦᠷᠢᠮᠲᠦ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠮᠠᠩᠯᠠᠶ᠂ 2018 — 2019 ᠣᠨᠤ ᠥᠪᠥᠷ ᠮᠣᠩᠭᠤᠯᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠨᠡᠢᠭᠡᠮᠯᠢᠭᠤᠨ ᠡᠷᠡᠭ᠌ᠲᠡᠶᠶ᠋ᠢᠨ 11 ᠬᠥᠮᠦᠨᠤ ᠳᠦᠷᠢᠮᠲᠦ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠪᠥᠬᠦ᠌ ᠣᠷᠣᠨᠤ ᠭᠤᠳᠠᠭᠠᠷ ᠨᠠᠷᠡᠰ᠂ 2019 ᠣᠨᠤ 《ᠤᠮᠠᠷᠠᠲᠤᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠮᠠᠩᠯᠠᠶ ᠬᠤᠨᠳᠠᠭᠠᠲᠤ》 ᠪᠥᠬᠦ᠌ ᠤᠯᠤᠰᠤᠨ ᠲᠠᠪᠤᠨ ᠬᠥᠮᠦᠨᠤ ᠳᠦᠷᠢᠮᠲᠦ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠤᠷᠢᠯᠭᠠᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠲᠦᠷᠦᠭᠦᠦ ᠨᠠᠶᠮᠠᠨ ᠨᠡᠷᠡᠳᠤ ᠲᠤᠰ ᠲᠤᠰ ᠲᠤᠳᠤᠷᠠᠭ᠍ᠰᠠᠨ ᠪᠦᠭᠡᠳ 2021 ᠣᠨᠤ 4 ᠰᠠᠷᠠᠳᠤ ᠨᠠᠩ ᠴᠤ᠌ ᠪᠥᠬᠦ᠌ ᠤᠯᠤᠰᠤᠨ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠤᠯᠠᠨ ᠲᠦᠮᠡᠨᠴᠢ ᠤᠷᠤᠯᠳᠤᠭᠠᠨᠤ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠲᠥᠷᠥᠯ ᠵᠦᠢᠯᠤᠨ ᠥᠪᠥᠷ ᠮᠣᠩᠭᠤᠯᠤᠨ ᠱᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨ （ᠬᠥᠳᠡᠭᠡ ᠲᠣᠰᠭᠤᠨ ᠱᠢᠶᠠᠩ ᠪᠠᠯᠭᠠᠰᠤᠨᠤ ᠳᠤᠭᠤᠢᠯᠠᠩ） ᠳᠤ ᠮᠠᠩᠯᠠᠢᠯᠠᠪᠠ᠃ ᠡᠨᠡ ᠵᠢᠯᠤᠨ ᠪᠥᠬᠦ᠌ ᠤᠯᠤᠰᠤᠨ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠣᠯᠠᠨ ᠲᠦᠮᠡᠨᠴᠢ ᠤᠷᠤᠯᠳᠤᠭᠠᠨᠤ ᠲᠠᠪᠤᠨ ᠬᠥᠮᠦᠨᠤ ᠳᠦᠷᠢᠮᠲᠦ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠪᠥᠬᠦ᠌ ᠤᠯᠤᠰᠤᠨ ᠶᠡᠷᠦᠩᠬᠡᠶ ᠱᠢᠢᠳᠪᠤᠷᠢᠳᠤ ᠤᠷᠤᠯᠳᠤᠭᠠᠨᠳᠤ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠤ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠺᠯᠦ᠋ᠪᠤᠨ 25 ᠬᠥᠮᠦᠨ ᠤᠷᠤᠯᠴᠠᠵᠦ᠍᠂ ᠮᠠᠩᠯᠠᠢ ᠱᠢᠭᠦᠷᠦᠭ᠌ᠰᠡᠨᠨᠢ ᠡᠨᠡ ᠪᠢᠯᠡ᠃
《ᠠᠷᠠᠳ ᠲᠦᠮᠡᠨᠤ ᠬᠥᠯ ᠪᠥᠮᠪᠦᠭᠡ ᠠᠷᠠᠳ ᠲᠦᠮᠡᠨᠤ ᠲᠥᠯᠥᠭᠡ᠂ ᠠᠷᠠᠳ ᠲᠦᠮᠡᠨᠤ ᠬᠥᠯ ᠪᠥᠮᠪᠦᠭᠡ ᠠᠷᠠᠳ ᠲᠦᠮᠡᠨᠳᠤ ᠲᠦᠱᠢᠭ᠌ᠯᠡᠨᠡ》᠃ ᠥᠭᠡᠷᠡᠴᠢᠯᠡᠯᠲᠡ ᠬᠥᠭ᠌ᠵᠢᠯᠲᠡᠶ᠋ᠢᠨ ᠱᠢᠨᠡ ᠪᠠᠢᠳᠠᠯ ᠪᠠ ᠬᠡᠷᠡᠭ᠌ᠴᠡᠭᠡ ᠱᠠᠭᠠᠷᠳᠠᠯᠭᠠᠳᠤ ᠵᠤᠬᠢᠴᠠᠨ᠂ ᠪᠥᠬᠦ᠌ ᠨᠡᠢᠭᠡᠮᠤᠨ ᠬᠦᠴᠦᠨᠢ ᠲᠥᠪᠯᠡᠷᠡᠭᠦᠯᠤᠨ ᠬᠥᠯ ᠪᠥᠮᠪᠦᠭᠡᠶ᠋ᠢᠨ ᠦᠢᠯᠡᠰ ᠤᠯᠠᠮᠠᠴᠠ ᠤᠯᠠᠮ ᠦᠷᠨᠢᠭᠦᠨ ᠭᠦᠭ᠌ᠵᠢᠯᠤᠨ ᠵᠠᠮᠢᠶᠠᠷ ᠵᠠᠮᠨᠠᠨᠠ᠃
ᠭᠡᠷᠡᠯ ᠵᠢᠷᠤᠭᠤᠳᠢ ᠢᠤᠢ ᠲᠤᠤ ᠰᠡᠬᠦᠳᠡᠷᠯᠡᠪᠡ