2 ᠰᠠᠷᠠᠶ᠋ᠢᠨ 4 ᠦ ᠡᠳᠦᠷ ᠬᠠᠪᠤᠷᠤᠨ ᠠᠭᠤᠷ ᠤᠷᠤᠯᠠ᠃ ᠣᠳᠣᠨ ᠣᠷᠣᠨᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨᠡᠴᠡ᠂ ᠬᠠᠷᠠ ᠪᠠᠷᠰ ᠵᠢᠯ ᠪᠣᠯ 《ᠳ᠋ᠠᠩ ᠬᠠᠪᠤᠷ ᠲᠠᠢ ᠵᠢᠯ》 ᠪᠠᠢᠵᠤ᠂ ᠵᠥᠪᠬᠡᠨ ᠨᠢᠭᠡ ᠯᠡ 《ᠬᠠᠪᠤᠷᠤᠨ ᠠᠭᠤᠷ》 ᠣᠷᠣᠬᠤ ᠡᠳᠦᠷ ᠲᠠᠢ ᠭᠡᠵᠦ ᠢᠯᠡᠷᠬᠡᠢᠯᠡᠪᠡ᠃
ᠳᠤᠮᠳᠠᠳᠤ ᠤᠯᠤᠰᠤᠨ ᠣᠳᠣᠨ ᠣᠷᠣᠨᠤ ᠰᠤᠳᠤᠯᠤᠯᠤᠨ ᠨᠡᠢᠭᠡᠮᠯᠢᠭᠦᠨ ᠭᠡᠱᠢᠭᠦᠨ᠂ ᠲᠢᠶᠠᠨᠵᠢᠨ ᠬᠣᠲᠠᠶ᠋ᠢᠨ ᠣᠳᠣᠨ ᠣᠷᠣᠨᠤ ᠰᠤᠳᠤᠯᠤᠯᠤᠨ ᠨᠡᠢᠭᠡᠮᠯᠢᠭ ᠦᠨ ᠬᠡᠷᠡᠭ ᠡᠷᠬᠢᠯᠡᠭ᠌ᠴᠢ ᠶᠠᠩ ᠵᠢᠩ ᠲᠠᠨᠢᠯᠴᠠᠭᠤᠯᠬᠤᠳᠠᠭᠠᠨ᠂ ᠬᠠᠪᠤᠷᠤᠨ ᠠᠭᠤᠷ ᠪᠣᠯ ᠬᠣᠷᠢᠨ ᠳᠥᠷᠪᠡᠨ ᠴᠠᠭ ᠤᠯᠠᠷᠢᠯᠤᠨ ᠨᠢᠭᠡᠳᠦᠭᠡᠷ ᠴᠠᠭ ᠤᠯᠠᠷᠢᠯ ᠪᠠᠢᠵᠤ᠂ ᠬᠠᠪᠤᠷᠤᠨ ᠤᠯᠠᠷᠢᠯᠤᠨ ᠡᠬᠢᠯᠡᠯᠲᠡ ᠮᠥᠨ᠃ ᠬᠣᠷᠢᠨ ᠳᠥᠷᠪᠡᠨ ᠴᠠᠭ ᠤᠯᠠᠷᠢᠯ ᠪᠣᠯ ᠳᠡᠯᠡᠬᠡᠶᠶ᠋ᠢᠨ ᠪᠥᠮᠪᠥᠷᠴᠡᠭᠦᠨ ᠨᠠᠷᠠᠶ᠋ᠢ ᠲᠣᠭᠣᠷᠢᠨᠡᠷᠭᠢᠬᠦ᠌ ᠦᠶᠡᠯᠡᠯᠢᠶᠡᠷ ᠲᠣᠭ᠍ᠳᠠᠭᠠᠭ᠍ᠳᠠᠵᠤ᠂ ᠮᠥᠨ ᠴᠢᠨᠠᠷ ᠳᠡᠭᠡᠷᠡᠪᠡᠨ ᠠᠷᠭᠠᠶ᠋ᠢᠨ ᠤᠯᠠᠷᠢᠯᠳᠤ ᠬᠠᠷᠢᠶᠠᠯᠠᠭ᠍ᠳᠠᠨᠠ᠃ ᠬᠠᠷᠢᠨ ᠪᠢᠯᠢᠭᠦᠨ ᠤᠯᠠᠷᠢᠯ ᠪᠣᠯ ᠰᠠᠷᠠᠨᠤ ᠳᠦᠷᠰᠦᠶ᠋ᠢᠨ ᠬᠤᠪᠢᠷᠠᠯᠲᠠᠶ᠋ᠢᠨ ᠦᠶᠡᠯᠡᠯᠢᠶᠡᠷ ᠲᠣᠭ᠍ᠳᠠᠭᠠᠭ᠍ᠳᠠᠵᠤ᠂ ᠰᠠᠷᠠ ᠲᠡᠷᠭᠡᠯᠱᠢᠬᠦ᠌ ᠨᠢᠭᠡ ᠦᠶᠡᠯᠡᠯᠢ 《ᠪᠢᠯᠢᠭᠤᠨ ᠰᠠᠷᠠ》 ᠭᠡᠨᠡ᠃ ᠪᠢᠯᠢᠭᠦᠨ ᠤᠯᠠᠷᠢᠯᠤᠨ ᠡᠩᠦᠨ ᠵᠢᠯ ᠨᠢ ᠠᠷᠭᠠᠶ᠋ᠢᠨ ᠤᠯᠠᠷᠢᠯᠤᠨ ᠵᠢᠯᠡᠴᠡ 11 ᠡᠳᠦᠷ ᠣᠷᠴᠢᠮ ᠳᠤᠲᠠᠭᠤ ᠪᠠᠢᠳᠠᠭ᠃ ᠪᠢᠯᠢᠭᠦᠨ ᠤᠯᠠᠷᠢᠯ ᠪᠣᠯᠤᠨ ᠠᠷᠭᠠᠶ᠋ᠢᠨ ᠤᠯᠠᠷᠢᠯᠤᠨ ᠬᠣᠭᠣᠷᠣᠨᠳᠣᠬᠢ ᠡᠳᠦᠷᠦᠨ ᠲᠣᠭᠠ ᠶᠢᠨ ᠵᠥᠷᠢᠶᠡᠶᠢ ᠵᠣᠬᠢᠴᠠᠭᠤᠯᠬᠤᠶ᠋ᠢᠨ ᠲᠥᠯᠥᠭᠡ᠂ 《ᠢᠯᠡᠭᠦᠦ ᠲᠣᠭᠠᠶ᠋ᠢ ᠲᠣᠬᠢᠷᠠᠭᠤᠯᠬᠤ》ᠠᠷᠭᠠᠶᠢ ᠬᠡᠷᠡᠭᠯᠡᠵᠦ᠂ ᠡᠩᠦᠨ ᠵᠢᠯ 12 ᠰᠠᠷᠠ ᠲᠠᠢ᠂ ᠤᠷᠲᠤ ᠵᠢᠯ 13 ᠰᠠᠷᠠ ᠲᠠᠢ ᠪᠤᠯᠭᠠᠨ᠂ ᠳᠤᠮᠳᠠᠴᠢᠪᠠᠷ 19 ᠵᠢᠯ ᠪᠦᠷᠢ ᠨᠢᠭᠡ ᠦᠶᠡᠯᠡᠯ ᠪᠤᠯᠤᠨᠠ᠃ ᠡᠨᠡ ᠮᠡᠲᠦ᠍ᠪᠡᠷ ᠪᠢᠯᠢᠭᠦᠨ ᠤᠯᠠᠷᠢᠯ ᠪᠣᠯᠤᠨ ᠠᠷᠭᠠ ᠶ᠋ᠢᠨ ᠤᠯᠠᠷᠢᠯ ᠬᠣᠶᠠᠷ ᠢ ᠤᠶᠠᠯᠳᠤᠭᠤᠯᠤᠭ᠍ᠰᠠᠨ ᠴᠠᠭ ᠤᠯᠠᠷᠢᠯᠢ 《ᠠᠷᠭᠠ ᠪᠢᠯᠢᠭᠤᠨ ᠨᠡᠢᠯᠡᠮᠡᠯ ᠤᠯᠠᠷᠢᠯ》 ᠭᠡᠵᠦ᠂ ᠳᠠᠷᠤᠢ ᠲᠠᠷᠢᠶᠠᠯᠠᠬᠤ ᠬᠠᠭᠤᠴᠢᠨ ᠤᠯᠠᠷᠢᠯ （ᠪᠢᠯᠢᠭᠦᠨ ᠤᠯᠠᠷᠢᠯ）ᠢ ᠵᠢᠭᠠᠨᠠ᠃
ᠲᠠᠷᠢᠶᠠᠯᠠᠬᠤ ᠬᠠᠭᠤᠴᠢᠨ ᠤᠯᠠᠷᠢᠯᠤᠨ ᠤᠷᠲᠤ ᠵᠢᠯ (ᠢᠯᠡᠭᠦᠦ ᠰᠠᠷᠠ ᠲᠠᠶ) ᠦᠨ ᠡᠳᠦᠷᠦᠨ ᠲᠣᠭᠠ ᠨᠢ ᠲᠠᠷᠢᠶᠠᠯᠠᠬᠤ ᠬᠠᠭᠤᠴᠢᠨ ᠤᠯᠠᠷᠢᠯᠤᠨ ᠡᠩᠦᠨ ᠵᠢᠯ (ᠢᠯᠡᠭᠦᠦ ᠰᠠᠷᠠ ᠦᠭᠡᠶ) ᠦᠨ ᠡᠳᠦᠷᠦᠨ ᠲᠣᠭᠠᠠᠴᠠ 30 ᠡᠳᠦᠷ ᠣᠷᠴᠢᠮ ᠢᠯᠡᠭᠦᠦ᠂ ᠡᠢᠮᠦ᠍ᠡᠴᠡ ᠲᠠᠷᠢᠶᠠᠯᠠᠬᠤ ᠬᠠᠭᠤᠴᠢᠨ ᠤᠯᠠᠷᠢᠯᠤᠨ ᠤᠷᠲᠤ ᠵᠢᠯ ᠨᠢ 25 ᠴᠠᠭ ᠤᠯᠠᠷᠢᠯ ᠲᠠᠶ᠂ ᠬᠠᠷᠢᠨ ᠲᠠᠷᠢᠶᠠᠯᠠᠬᠤ ᠬᠠᠭᠤᠴᠢᠨ ᠤᠯᠠᠷᠢᠯᠤᠨ ᠡᠩᠦᠨ ᠵᠢᠯ ᠨᠢ 23 ᠪᠤᠶᠤ 24 ᠴᠠᠭ ᠤᠯᠠᠷᠢᠯ ᠲᠠᠶ ᠪᠠᠢᠳᠠᠭ᠃ ᠬᠠᠪᠤᠷᠤᠨ ᠠᠭᠤᠷ ᠣᠷᠣᠬᠤ ᠨᠢ ᠵᠢᠯᠦᠨ ᠰᠡᠭᠦᠯ ᠪᠤᠶᠤ ᠵᠢᠯᠦᠨ ᠡᠬᠢᠨᠳᠦ ᠪᠠᠢᠳᠠᠭ ᠪᠣᠯᠬᠣᠷ᠂ ᠬᠠᠪᠤᠷᠤᠨ ᠠᠭᠤᠷ ᠨᠢ ᠲᠦᠷᠦᠭᠦᠦ ᠨᠢᠭᠡ ᠲᠠᠷᠢᠶᠠᠯᠠᠬᠤ ᠬᠠᠭᠤᠴᠢᠨ ᠤᠯᠠᠷᠢᠯᠤᠨ ᠵᠢᠯᠦᠨ ᠰᠡᠭᠦᠯᠳᠤ ᠢᠯᠡᠷᠡᠬᠦ ᠪᠤᠶᠤ ᠳᠠᠷᠠᠭᠠ ᠨᠢᠭᠡ ᠲᠠᠷᠢᠶᠠᠯᠠᠬᠤ ᠬᠠᠭᠤᠴᠢᠨ ᠤᠯᠠᠷᠢᠯᠤᠨ ᠵᠢᠯᠦᠨ ᠡᠬᠢᠨᠳᠦ ᠢᠯᠡᠷᠡᠬᠦ ᠪᠠᠢᠳᠠᠯ ᠦᠷᠭᠦᠯᠵᠢ ᠭᠠᠷᠳᠠᠭ ᠪᠠᠢᠨᠠ᠃ ᠡᠭᠦᠨᠡᠴᠡ ᠪᠤᠯᠵᠤ ᠲᠠᠷᠢᠶᠠᠯᠠᠬᠤ ᠬᠠᠭᠤᠴᠢᠨ ᠤᠯᠠᠷᠢᠯᠤᠨ ᠵᠢᠯᠳᠤ 《ᠬᠣᠣᠰ ᠬᠠᠪᠤᠷ》 《ᠳ᠋ᠠᠩ ᠬᠠᠪᠤᠷ》ᠪᠤᠶᠤ 《ᠬᠠᠪᠤᠷ ᠦᠭᠡᠢ》ᠠᠳᠠᠯᠢ ᠪᠤᠰᠤ ᠪᠠᠢᠳᠠᠯ ᠭᠠᠷᠳᠠᠭ᠃ ᠦᠨᠳᠦᠰᠦᠨᠳᠡᠭᠡᠨ᠂ ᠳᠤᠮᠳᠠᠴᠢᠪᠠᠷ 19 ᠵᠢᠯ ᠪᠦᠷᠢᠳᠦ 7 ᠵᠢᠯᠳᠤ ᠨᠢ 《ᠬᠣᠣᠰ ᠬᠠᠪᠤᠷ》᠂ 7 ᠵᠢᠯᠳᠤᠨᠢ 《ᠬᠠᠪᠤᠷ ᠦᠭᠡᠶ》᠂ 5 ᠵᠢᠯᠳᠤᠨᠢ 《ᠳ᠋ᠠᠩ ᠬᠠᠪᠤᠷ》 ᠲᠠᠢ᠃
ᠬᠠᠷᠠ ᠪᠠᠷᠰ ᠵᠢᠯ ᠪᠣᠯ ᠲᠠᠷᠢᠶᠠᠯᠠᠬᠤ ᠬᠠᠭᠤᠴᠢᠨ ᠤᠯᠠᠷᠢᠯᠤᠨ ᠡᠩᠦᠨ ᠵᠢᠯ ᠪᠣᠯᠤᠨᠠ᠂ ᠨᠡᠢᠲᠡ 355 ᠡᠳᠦᠷ ᠲᠠᠢ᠃ ᠪᠣᠳᠠᠲᠠᠶᠪᠠᠷ ᠬᠡᠯᠡᠪᠡᠯ᠂ ᠬᠠᠷᠠ ᠪᠠᠷᠰ ᠵᠢᠯᠤᠨ ᠬᠠᠷᠠᠭᠠᠯᠵᠠᠭᠰᠠᠨ ᠠᠷᠭᠠᠶ᠋ᠢᠨ ᠤᠯᠠᠷᠢᠯᠤᠨ ᠡᠳᠦᠷ ᠬᠤᠭᠤᠴᠠᠭᠠ ᠨᠢ 2022 ᠣᠨᠤ 2 ᠰᠠᠷᠠᠶ᠋ᠢᠨ 1 ᠦ ᠡᠳᠦᠷᠡᠴᠡ 2023 ᠣᠨᠤ 1 ᠰᠠᠷᠠᠶ᠋ᠢᠨ 21 ᠦ ᠡᠳᠦᠷ ᠪᠤᠯᠲᠠᠯᠠ ᠪᠠᠢᠵᠤ᠂ ᠡᠨᠡ ᠬᠤᠭᠤᠴᠠᠭᠠᠨᠳᠤ ᠵᠥᠪᠬᠡᠨ ᠨᠢᠭᠡ ᠯᠡ 《ᠬᠠᠪᠤᠷᠤᠨ ᠠᠭᠤᠷ》 ᠤᠷᠤᠬᠤ ᠡᠳᠦᠷ ᠲᠠᠢ᠂ ᠳᠠᠷᠤᠢ ᠠᠷᠭᠠᠶ᠋ᠢᠨ ᠤᠯᠠᠷᠢᠯᠤᠨ 2 ᠰᠠᠷᠠᠶ᠋ᠢᠨ 4 ᠦ ᠡᠳᠦᠷ ᠪᠣᠯᠤᠨᠠ᠃ ᠡᠭᠦᠨᠦ ᠳᠠᠷᠠᠭᠠᠬᠢ ᠬᠠᠷᠠᠭ᠍ᠴᠢᠨ ᠲᠠᠤᠯᠠᠢ ᠵᠢᠯ ᠪᠣᠯ ᠲᠠᠷᠢᠶᠠᠯᠠᠬᠤ ᠬᠠᠭᠤᠴᠢᠨ ᠤᠯᠠᠷᠢᠯᠤᠨ ᠤᠷᠲᠤ ᠵᠢᠯ᠂ ᠢᠯᠡᠭᠦᠦ ᠬᠣᠶᠠᠷ ᠰᠠᠷᠠ ᠲᠠᠶ ᠪᠣᠯᠬᠣᠷ ᠳᠠᠷᠤᠶ ᠬᠣᠶᠠᠷ 《ᠬᠠᠪᠤᠷᠤᠨ ᠠᠭᠤᠷ》 ᠤᠷᠤᠬᠤ ᠡᠳᠦᠷ ᠲᠠᠢ ᠪᠠᠢᠵᠤ᠂ ᠴᠥᠮ ᠠᠷᠭᠠᠶ᠋ᠢᠨ ᠤᠯᠠᠷᠢᠯᠤᠨ 2 ᠰᠠᠷᠠᠶ᠋ᠢᠨ 4 ᠦ ᠡᠳᠦᠷ ᠪᠣᠯᠤᠨᠠ᠃