ᠭᠠᠬᠴᠠ ᠤᠳᠠᠭᠠ ᠬᠡᠷᠡᠭᠯᠡᠬᠦ ᠰᠠᠪᠬᠠ᠂ ᠰᠦᠯᠢᠶᠤᠤ ᠤᠭᠤᠳᠠ᠂ ᠲᠦᠷᠭᠡᠨ ᠬᠦᠷᠭᠡᠯᠳᠡ ᠵᠢᠨ ᠴᠠᠭᠠᠰᠤᠨ ᠬᠠᠢᠷᠴᠠᠭ ᠵᠡᠷᠭᠡ ᠵᠢᠨ ᠬᠠᠶᠠᠬᠳᠠᠮᠠᠯ ᠢ᠋ ᠲᠠ ᠡᠳᠦᠷ ᠲᠦ᠍ ᠬᠡᠳᠦᠢ ᠭᠠᠷᠭᠠᠵᠤ ᠪᠠᠢᠬᠤ ᠪᠤᠢ？ ᠬᠤᠭᠤᠯᠠᠨ ᠭᠡᠷ ᠪᠤᠶᠤ ᠬᠤᠪᠢ ᠵᠢᠨ ᠭᠡᠷ ᠲᠡᠭᠡᠨ ᠪᠤᠳᠠᠭᠠ ᠨᠤᠭᠤᠭᠠ ᠦᠯᠡᠳᠡᠭᠡᠵᠤ ᠬᠠᠶᠠᠵᠤ ᠪᠠᠢᠨᠠ ᠦᠦ ？ ᠦᠷᠭᠦᠯᠵᠢ ᠭᠠᠷ ᠤ᠋ᠨ ᠠᠶᠠ ᠪᠡᠷ ᠵᠢᠠᠨ ᠬᠡᠷᠡᠭᠯᠡᠬᠦ ᠦᠭᠡᠢ ᠴᠠᠬᠢᠯᠭᠠᠨ ᠳ᠋ᠸᠩ ᠢ᠋ ᠤᠨᠳᠠᠷᠠᠭᠠᠵᠤ ᠪᠠᠢᠨᠠ ᠦᠦ？ᠤᠰᠤ ᠲᠤᠰᠤᠯᠠᠬᠤ ᠤᠰᠤᠨ ᠴᠤᠷᠭᠤ ᠵᠢ ᠲᠠ ᠤᠢᠰᠢᠶᠠᠬᠰᠠᠨ ᠦᠭᠡᠢ ᠭᠠᠷᠤᠬᠰᠠᠨ ᠤᠳᠠᠭᠠ ᠪᠤᠢ ᠦᠦ？ ᠡᠳᠦᠷ ᠵᠢᠡᠷ ᠲᠠ ᠳ᠋ᠸᠩ ᠠᠰᠠᠭᠠᠳᠠᠭ ᠦᠦ？ ᠨᠡᠢᠳᠡ ᠵᠢᠨ ᠶᠠᠭᠤᠮᠠ ᠭᠡᠵᠤ ᠲᠠ ᠪᠦᠷᠢᠯᠭᠡᠵᠤ ᠪᠠᠢᠨᠠ ᠦᠦ？ ᠤᠳᠤ ᠵᠢᠨ ᠱᠠᠯᠢᠨ ᠪᠦᠷᠢᠯᠭᠡᠬᠦ ᠶᠡᠬᠡ ᠤᠷᠤᠰᠬᠠᠯ ᠳ᠋ᠦ ᠲᠠ ᠤᠷᠤᠰᠬᠠᠯ ᠰᠦᠷᠴᠦ ᠶᠠᠪᠤᠵᠤ ᠪᠠᠢᠨᠠ ᠦᠦ？ ᠤᠷᠤᠰᠬᠠᠯ ᠳᠠᠭᠠᠵᠤ ᠶᠠᠪᠤᠵᠤ ᠪᠠᠢᠨᠠ ᠦᠦ？
ᠡᠳ᠋ ᠪᠤᠳᠠᠰ ᠬᠤᠮᠰᠠ᠂ ᠦᠭᠡᠢᠬᠦᠤ ᠶᠠᠳᠠᠭᠤ ᠦᠶᠡᠰ ᠠᠷᠪᠢᠯᠠᠨ ᠭᠠᠮᠨᠠᠬᠤ ᠨᠢ ᠬᠦᠮᠦᠨ ᠤ᠋ ᠤᠷᠤᠰᠢᠨ ᠠᠮᠢᠳᠤᠷᠠᠬᠤ ᠲᠦᠷᠦᠯᠬᠢ ᠴᠢᠳᠠᠪᠤᠷᠢ ᠬᠡᠮᠡᠷ ᠪᠠᠢᠳᠠᠭ᠃ ᠬᠠᠷᠢᠨ ᠠᠮᠢᠳᠤᠷᠠᠯ ᠤ᠋ᠨ ᠨᠦᠬᠦᠴᠡᠯ ᠨᠡᠢᠳᠡᠮ ᠰᠠᠢᠵᠢᠷᠠᠬᠰᠠᠨ ᠵᠢᠷᠭᠠᠬᠤ ᠴᠡᠩᠬᠡᠬᠦ ᠶᠡᠬᠡ ᠤᠷᠤᠰᠬᠠᠯ ᠳᠡᠯᠭᠡᠷᠡᠬᠦ ᠦᠨᠦᠳᠦᠷ ᠠᠷᠪᠢᠯᠠᠨ ᠭᠠᠮᠨᠠᠬᠤ ᠨᠢ ᠮᠠᠰᠢ ᠡᠷᠬᠢᠮ ᠨᠠᠨᠳᠢᠨ ᠰᠤᠷᠳᠠᠯ ᠪᠤᠯᠵᠤ ᠪᠠᠢᠨᠠ᠃
《ᠤᠰᠤ ᠴᠠᠬᠢᠯᠭᠠᠨ ᠢ᠋ ᠠᠷᠪᠢᠯᠠᠶᠠ！》 ᠭᠡᠬᠦ ᠳ᠋ᠦ 《ᠮᠠᠨ ᠤ᠋ ᠬᠢᠨ ᠨᠦᠬᠦᠴᠡᠯ ᠲᠠᠢ》᠂《ᠮᠦᠩᠬᠦ ᠪᠠᠨ ᠲᠤᠰᠢᠶᠠᠬᠰᠠᠨ ᠬᠦᠮᠦᠨ》᠂《ᠲᠡᠭᠡᠵᠤ ᠪᠡᠶᠡ ᠪᠡᠨ ᠵᠤᠪᠠᠭᠠᠭᠠᠳ ᠶᠠᠭᠠᠬᠢᠬᠤ ᠪᠤᠢ！》 ᠭᠡᠬᠦ ᠮᠡᠳᠦ ᠵᠢᠨ ᠬᠠᠷᠢᠭᠤ ᠵᠢ ᠤᠯᠠᠨ ᠤᠯᠵᠤ ᠰᠤᠨᠤᠰᠳᠠᠭ᠃ ᠬᠦᠯ ᠤ᠋ᠨ ᠳᠤᠤᠷᠠᠬᠢ ᠪᠠᠨ ᠬᠠᠷᠠᠭᠠᠳ ᠬᠦᠳᠦᠯ ᠤ᠋ᠨ ᠴᠠᠭᠠᠨᠠ ᠶᠠᠭᠤ ᠪᠤᠯᠵᠤ ᠪᠠᠢᠭᠠ ᠵᠢ ᠬᠠᠢᠬᠤᠷᠬᠤ ᠦᠭᠡᠢ ᠬᠦᠮᠦᠨ ᠪᠠᠭᠠ ᠪᠤᠰᠤ ᠪᠠᠢᠨᠠ᠃ ᠠᠷᠪᠢᠯᠠᠶᠠ ᠭᠡᠳᠡᠭ ᠨᠢ ᠪᠦᠷᠢᠯᠭᠡᠵᠤ ᠦᠯᠦ ᠪᠤᠯᠬᠤ ᠵᠢ ᠪᠦᠷᠢᠯᠭᠡᠬᠦ ᠦᠭᠡᠢ ᠪᠠᠢᠬᠤ ᠵᠢ ᠵᠢᠭᠠᠵᠤ ᠪᠠᠢᠨᠠ᠃ ᠬᠠᠷᠢᠨ ᠵᠠᠪᠠᠯ 《ᠬᠠᠯᠠ ᠠᠮᠰᠠᠵᠤ ᠬᠠᠳᠠᠭᠤᠬᠠᠨ ᠠᠮᠢᠳᠤᠷᠠᠬᠤ》 ᠵᠢ ᠶᠠᠷᠢᠵᠤ ᠪᠠᠢᠬᠤ ᠪᠢᠰᠢ ᠶᠤᠮ᠃ ᠬᠤᠭᠤᠯᠠᠨ ᠭᠡᠷ ᠲᠦ᠍ ᠬᠤᠭᠤᠯᠠᠯᠠᠪᠠᠯ ᠢᠳᠡᠬᠦ ᠵᠢᠨ ᠬᠡᠮᠵᠢᠶᠡ ᠪᠡᠷ ᠨᠤᠭᠤᠭᠠ ᠵᠠᠬᠢᠶᠠᠯᠠᠵᠤ᠂ ᠠᠶᠠᠭᠠᠨ ᠳ᠋ᠠᠭᠠᠨ ᠮᠦᠬᠦᠯᠢᠭ ᠠᠮᠤ ᠦᠯᠦ ᠦᠯᠡᠳᠡᠭᠡᠬᠦ ᠵᠢ ᠬᠢᠴᠢᠶᠡᠵᠤ ᠪᠠᠢᠶᠠ！ᠠᠮᠢᠳᠤᠷᠠᠯ ᠳᠤᠮᠳᠠ ᠪᠠᠨ ᠡᠯᠠ ᠲᠦᠷᠦᠯᠤᠨ ᠴᠠᠭᠠᠰᠤ᠂ ᠦᠵᠡᠬᠦ ᠨᠤᠮ ᠳᠡᠪᠳᠡᠷ ᠵᠢᠠᠨ ᠠᠷᠪᠢᠴᠢ ᠭᠠᠮᠳᠠᠢ ᠬᠡᠷᠡᠭᠯᠡᠵᠤ᠂ ᠪᠦᠷᠢᠯᠭᠡᠨ ᠰᠦᠢᠳᠭᠡᠬᠦ ᠵᠢ ᠳᠡᠪᠴᠢᠶᠡ！《ᠡᠨᠡ ᠵᠢᠭᠠᠬᠠᠨ ᠢ᠋ ᠠᠷᠪᠢᠯᠠᠵᠤ ᠪᠢ ᠪᠠᠶᠠᠵᠢᠬᠤ ᠶᠤᠮ ᠪᠢᠰᠢ》᠂ 《ᠤᠯᠠᠨ ᠡᠴᠡ ᠤᠨᠴᠠᠭᠠᠢ ᠤᠪᠤᠢᠬᠤ ᠶᠠᠭᠤᠮᠠ ᠦᠭᠡᠢ》 ᠭᠡᠵᠤ ᠪᠠᠰᠠ ᠵᠠᠷᠢᠮ ᠨᠢ ᠶᠠᠷᠢᠬᠤ ᠮᠠᠭᠠᠳ᠃ ᠬᠦᠮᠦᠨ ᠪᠦᠬᠦᠨ ᠡᠳᠦᠷ ᠪᠦᠷᠢ ᠨᠢᠭᠡ ᠮᠦᠬᠦᠯᠢᠭ ᠠᠮᠤ᠂ ᠨᠢᠭᠡ ᠰᠢᠷᠭᠡᠭ ᠴᠠᠭᠠᠰᠤ ᠠᠷᠪᠢᠯᠠᠬᠤ ᠪᠡᠷ ᠪᠤᠳᠤᠪᠠᠯ᠂ ᠪᠦᠬᠦ ᠳᠡᠯᠡᠬᠡᠢ ᠵᠢᠨ ᠬᠦᠮᠦᠨ ᠠᠮᠠ ᠰᠠᠨᠠᠭᠠᠨ ᠳ᠋ᠦ ᠦᠭᠡᠢ ᠭᠡᠴᠢᠨᠡᠨ ᠤᠯᠠᠨ ᠡᠬᠢ ᠪᠠᠶᠠᠯᠢᠭ ᠢ᠋ ᠠᠷᠪᠢᠯᠠᠨ ᠭᠠᠷᠭᠠᠵᠤ ᠴᠢᠳᠠᠬᠤ ᠪᠢᠯᠡ！ ᠲᠡᠭᠡᠬᠦ ᠪᠡᠷ ᠠᠷᠪᠢᠯᠠᠬᠤ ᠳ᠋ᠦ《ᠪᠠᠭᠠ》 ᠭᠡᠵᠤ ᠴᠢᠮᠠᠯᠠᠵᠤ ᠪᠤᠯᠬᠤ ᠦᠭᠡᠢ᠂ ᠪᠦᠷᠢᠯᠭᠡᠬᠦ ᠳ᠋ᠦ ᠴᠦ᠍《ᠪᠠᠭᠠ》 ᠵᠦᠢᠯ ᠪᠠᠢᠬᠤ ᠦᠭᠡᠢ ᠶᠤᠮ᠃
ᠠᠷᠪᠢᠯᠠᠬᠤ ᠵᠢ ᠠᠮᠠᠰᠠᠷ ᠡᠴᠡ ᠨᠢ ᠭᠡᠳᠡᠭ ᠵᠢᠡᠷ᠂ ᠪᠢᠳᠠ ᠪᠠᠢᠬᠤ ᠴᠠᠭ ᠲᠤᠨᠢ ᠠᠷᠪᠢᠯᠠᠬᠤ ᠬᠡᠷᠡᠭᠳᠡᠢ᠃ ᠢᠷᠤᠭᠠᠷ ᠲᠤᠨᠢ ᠬᠦᠷᠦᠭᠰᠡᠨ ᠤ᠋ ᠳᠠᠷᠠᠭᠠ ᠰᠠᠶᠢ ᠠᠷᠪᠢᠯᠠᠶᠠ ᠭᠡᠪᠡᠯ ᠳᠡᠩᠳᠡᠬᠦᠦ ᠤᠷᠤᠢᠳᠠᠬᠤ ᠪᠤᠯᠤᠨᠠ᠃ ᠲᠡᠭᠡᠬᠦ ᠪᠡᠷ ᠠᠷᠪᠢᠯᠠᠨ ᠭᠠᠮᠨᠠᠬᠤ ᠵᠢᠨ ᠴᠢᠬᠤᠯᠠ ᠴᠢᠨᠠᠷ ᠢ᠋ ᠳᠠᠨᠢᠵᠤ᠂ ᠠᠮᠢᠳᠤᠷᠠᠯ ᠳᠤᠮᠳᠠ ᠪᠠᠨ ᠠᠷᠪᠢᠯᠠᠨ ᠭᠠᠮᠨᠠᠬᠤ ᠡᠷᠬᠢᠮ ᠰᠤᠷᠳᠠᠯ ᠢ᠋ ᠡᠷᠬᠢᠮᠯᠡᠵᠤ᠂ ᠠᠷᠪᠢᠴᠢ ᠭᠠᠮᠳᠠᠢ ᠠᠮᠢᠳᠤᠷᠠᠶᠠ！