1᠂ ᠨᠢᠳᠦ ᠪᠡᠨ ᠴᠠᠪᠴᠢᠬᠤ᠄ ᠨᠤᠮ ᠤᠨᠭᠰᠢᠬᠤ ᠪᠤᠶᠤ ᠦᠰᠦᠭ ᠪᠢᠴᠢᠵᠤ ᠪᠠᠢᠬᠤ ᠲᠤᠮᠳᠠ ᠪᠡᠨ ᠨᠢᠳᠤ ᠪᠡᠨ ᠴᠠᠪᠴᠢᠬᠤ ᠠᠷᠭ᠎ᠠ ᠪᠡᠷ ᠨᠢᠳᠤᠨ  ᠪᠤᠯᠴᠢᠩ᠎ᠢ ᠬᠦᠳᠡᠯᠭᠡᠨ᠎ᠡ᠃ ᠨᠢᠳᠦ ᠪᠡᠨ ᠠᠨᠢᠬᠤ᠎ᠳᠠᠭᠠᠨ ᠬᠤᠶᠠᠷ ᠬᠦᠮᠦᠰᠭᠡ ᠪᠡᠨ ᠬᠦᠴᠦᠲᠡᠢᠬᠡᠨ ᠨᠡᠳᠦᠢᠬᠦ ᠪᠦᠭᠡᠳ ᠬᠤᠶᠠᠷ ᠨᠢᠳᠦ ᠪᠡᠨ ᠲᠠᠰᠤ ᠠᠨᠢᠨ᠎ᠠ᠃

2᠂ ᠬᠤᠯᠠ ᠵᠢ ᠬᠠᠷᠠᠬᠤ᠄ ᠦᠷᠯᠦᠭᠡ ᠪᠦᠷᠢ ᠲᠡᠨᠵᠢᠯᠢᠭ ᠭᠠᠵᠠᠷ ᠤᠴᠢᠵᠤ ᠬᠤᠶᠠᠷ ᠬᠦᠯ᠎ᠢᠶᠡᠨ ᠮᠦᠷᠦ ᠵᠢᠨ᠎ᠢᠶᠡᠨ ᠬᠢᠷᠢ ᠦᠷᠭᠡᠨ ᠠᠯᠴᠠᠢᠨ ᠵᠤᠭᠰᠤᠵᠤ᠂ ᠬᠤᠶᠠᠷ ᠭᠠᠷ᠎ᠢᠶᠡᠷ᠎ᠢᠶᠡᠨ ᠰᠦᠪᠡᠭᠡ ᠪᠡᠨ ᠲᠤᠯᠤᠨ ᠨᠢᠳᠤᠨ ᠴᠡᠴᠡᠭᠡᠢ ᠪᠡᠨ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠡᠷᠭᠢᠯᠳᠦᠭᠦᠯᠦᠨ᠎ᠡ᠃ ᠲᠡᠭᠡᠭᠡᠳ ᠲᠠᠬᠢᠨ ᠬᠤᠯᠠ ᠪᠠᠢᠬᠤ ᠮᠤᠳᠤᠨ ᠰᠠᠯᠠᠭ᠎ᠠ᠂ ᠲᠤᠭ᠎ᠤᠨ ᠡᠰᠢ᠂ ᠠᠰᠠᠷ ᠰᠤᠪᠤᠷᠭ᠎ᠠ ᠵᠢᠨ ᠤᠷᠤᠢ᠂ ᠡᠭᠦᠯᠡ ᠵᠡᠷᠭᠡ ᠨᠢᠭᠡ ᠲᠤᠭᠳᠠᠮᠠᠯ ᠬᠠᠷᠠᠯᠳᠠ ᠵᠢ ᠬᠠᠷᠠᠨ᠎ᠠ᠃ ᠬᠡᠭᠦ᠎ᠳᠡᠭᠡᠨ ᠡᠨᠡ ᠬᠦ᠌ ᠬᠤᠯᠠ ᠵᠦᠢᠯ᠎ᠢ ᠲᠤᠳᠤ ᠤᠯᠵᠤ ᠬᠠᠷᠠᠭᠰᠠᠨ ᠪᠠᠢᠬᠤ ᠬᠡᠷᠡᠭᠳᠡᠢ᠃  ᠨᠢᠭᠡ ᠮᠢᠨᠤᠢ᠍ᠲ ᠎ᠤᠨ  ᠲᠠᠷᠠᠭ᠎ᠠ ᠲᠠᠬᠢᠭᠠᠳ ᠤᠢᠷᠠᠯᠴᠠᠭᠠᠬᠢ ᠭᠠᠵᠠᠷ᠎ᠢ ᠨᠢᠭᠡ ᠤᠳᠠᠭ᠎ᠠ ᠬᠠᠷᠠᠨ᠎ᠠ᠂ ᠡᠨᠡ ᠮᠡᠳᠦ ᠪᠡᠷ ᠠᠬᠢᠨ ᠲᠠᠬᠢᠨ ᠭᠤᠷᠪᠠᠨᠳᠠ ᠬᠢᠨ᠎ᠡ᠃ ᠡᠢᠨ ᠬᠦ᠌ ᠤᠷᠳᠦ ᠬᠤᠭᠤᠴᠠᠭ᠎ᠠ ᠪᠡᠷ ᠪᠠᠷᠢᠮᠲᠠᠯᠠᠪᠠᠯ ᠨᠢᠳᠦᠨ ᠪᠤᠯᠴᠢᠩ᠎ᠤᠨ ᠶᠠᠳᠠᠷᠠᠭ᠎ᠠ ᠵᠢ ᠲᠠᠢᠯᠬᠤ ᠪᠡᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠬᠠᠷᠠᠬᠤ ᠮᠡᠳᠡᠷᠡᠯ᠎ᠤᠨ ᠴᠢᠳᠠᠪᠤᠷᠢ ᠵᠢ ᠰᠠᠢᠵᠢᠷᠠᠭᠤᠯᠤᠨ᠎ᠠ᠃

3᠂ ᠤᠳᠤᠨ ᠮᠡᠴᠢᠳ ᠪᠠᠷᠠᠯᠠᠬᠤ᠄ ᠲᠤᠯᠤᠭᠠᠢ ᠦᠨᠳᠡᠢᠨ ᠤᠳᠤᠨ ᠮᠡᠴᠢᠳ᠎ᠢ ᠢᠯᠡᠭᠦᠬᠡᠨ ᠰᠤᠨᠢᠷᠬᠠᠵᠤ ᠪᠠᠷᠠᠯᠠᠬᠤ ᠨᠢ ᠮᠡᠳᠡᠯᠭᠡ ᠪᠡᠨ ᠨᠡᠮᠡᠭᠳᠡᠬᠦᠯᠬᠦ ᠪᠡᠷ ᠪᠠᠷᠠᠬᠤ ᠦᠬᠡᠢ ᠨᠢᠳᠦᠨ ᠪᠤᠯᠴᠢᠩ᠎ᠤᠨ ᠶᠠᠳᠠᠷᠠᠭ᠎ᠠ ᠴᠤᠴᠠᠭ᠎ᠠ ᠵᠢ ᠲᠠᠢᠯᠳᠠᠭ᠃

4᠂ ᠴᠠᠭᠠᠰᠤᠨ ᠰᠢᠪᠠᠭᠤ ᠨᠢᠰᠭᠡᠬᠦ᠄ ᠬᠡᠭᠡᠷ᠎ᠡ ᠭᠠᠳᠠᠭ᠎ᠠ ᠭᠠᠷᠴᠦ ᠴᠠᠭᠠᠰᠤᠨ ᠰᠢᠪᠠᠭᠤ ᠨᠢᠰᠭᠡᠬᠦ ᠨᠢ ᠤᠷᠮ᠎ᠠ ᠰᠡᠳᠬᠢᠯᠭᠡ ᠵᠢ ᠬᠦᠭᠵᠢᠭᠡᠨ ᠪᠡᠶ᠎ᠡ ᠵᠢ ᠪᠤᠯᠪᠠᠰᠤᠷᠠᠭᠤᠯᠬᠤ ᠪᠡᠷ ᠪᠠᠷᠠᠬᠤ ᠦᠬᠡᠢ ᠪᠠᠰᠠ ᠤᠢᠷ᠎ᠠ ᠬᠠᠷᠠᠭ᠎ᠠ ᠡᠴᠡ ᠰᠡᠷᠭᠡᠢᠯᠡᠵᠤ ᠴᠢᠳᠠᠨ᠎ᠠ᠃ ᠡᠮᠨᠡᠯᠭᠡ ᠵᠢᠨ ᠤᠬᠠᠭᠠᠨᠳᠠᠨ᠎ᠤ ᠰᠤᠳᠤᠯᠤᠭᠰᠠᠨ᠎ᠢᠶᠡᠷ᠂ ᠴᠠᠭᠠᠰᠤᠨ ᠰᠢᠪᠠᠭᠤ ᠨᠢᠰᠭᠡᠬᠦ ᠦᠶ᠎ᠡ᠎ᠳᠦ ᠨᠢᠳᠤᠨ ᠬᠠᠷᠠᠭ᠎ᠠ ᠬᠤᠯᠠ ᠲᠤᠰᠴᠦ᠂ ᠬᠠᠷᠠᠴᠠ ᠠᠭᠤᠵᠢᠮ ᠪᠤᠯᠬᠤ ᠲᠤᠯᠠ ᠨᠢᠳᠤᠨ ᠪᠤᠯᠴᠢᠩ᠎ᠤᠨ ᠶᠠᠳᠠᠷᠠᠭ᠎ᠠ ᠵᠢ ᠲᠠᠢᠯᠵᠤ ᠬᠠᠷᠠᠭ᠎ᠠ ᠵᠢ ᠰᠠᠢᠵᠢᠷᠠᠭᠤᠯᠳᠠᠭ᠃

5᠂ ᠫᠢᠨᠭᠫᠠᠩ ᠪᠦᠮᠪᠦᠭᠡ ᠨᠠᠭᠠᠳᠬᠤ᠄ ᠦᠷᠬᠦᠯᠵᠢ ᠫᠢᠨᠭᠫᠠᠩ ᠪᠦᠮᠪᠦᠭᠡ ᠨᠠᠭᠠᠳᠬᠤ ᠨᠢ ᠭᠠᠷᠠᠭ ᠪᠤᠶᠤ ᠪᠠᠶᠠᠷ ᠲᠤᠷᠠᠰᠬᠠᠯ᠎ᠤᠨ ᠠᠮᠠᠷᠠᠯᠳᠠ᠎ᠳᠦ ᠬᠦᠷ ᠨᠡᠮᠡᠬᠦ ᠪᠡᠷ ᠪᠠᠷᠠᠬᠤ ᠦᠬᠡᠢ ᠫᠢᠨᠭᠫᠠᠩ ᠪᠦᠮᠪᠦᠭᠡ ᠵᠢᠨ ᠬᠤᠯᠠ᠂ ᠤᠢᠷ᠎ᠠ᠂ ᠲᠡᠭᠡᠷ᠎ᠡ᠂ ᠲᠤᠤᠷ᠎ᠠ ᠰᠢᠯᠵᠢᠬᠦ ᠵᠢ ᠲᠠᠭᠠᠯᠳᠤᠨ ᠨᠢᠳᠤᠨ ᠴᠡᠴᠡᠭᠡᠢ᠎ᠳᠡᠬᠢ ᠴᠢᠰᠤᠨ᠎ᠤ ᠬᠠᠨᠭᠭᠠᠯᠳᠠ ᠵᠢᠨ ᠰᠤᠯᠢᠯᠴᠠᠭ᠎ᠠ ᠰᠠᠢᠵᠢᠷᠠᠵᠤ᠂ ᠨᠢᠳᠤᠨ ᠪᠤᠯᠴᠢᠩ᠎ᠤᠨ ᠴᠢᠳᠠᠪᠤᠷᠢ ᠵᠢ ᠤᠯᠠᠮ ᠲᠡᠭᠡᠭᠰᠢᠯᠡᠬᠦᠯᠳᠡᠭ᠃

6᠂ ᠨᠢᠳᠤᠨ ᠲᠠᠮᠢᠷ ᠬᠢᠬᠦ᠄ ᠬᠡᠥᠬᠡᠳ ᠪᠠᠭᠠᠴᠤᠳ ᠰᠤᠷᠭᠠᠭᠤᠯᠢ᠎ᠳᠠᠭᠠᠨ ᠡᠳᠦᠷ᠎ᠤᠨ ᠬᠤᠶᠠᠷ ᠤᠳᠠᠭ᠎ᠠ ᠨᠢᠳᠤᠨ ᠲᠠᠮᠢᠷ ᠬᠢᠬᠦ ᠪᠡᠷ ᠪᠠᠷᠠᠬᠤ ᠦᠬᠡᠢ  ᠭᠠᠷᠠᠭ᠎ᠤᠨ ᠡᠳᠦᠷ ᠪᠤᠶᠤ ᠠᠮᠠᠷᠠᠯᠳᠠ ᠵᠢᠨ ᠬᠤᠭᠤᠴᠠᠭᠠᠨ᠎ᠳᠦ ᠴᠦ᠍ ᠮᠦᠨ ᠨᠢᠳᠤᠨ ᠲᠠᠮᠢᠷ᠎ᠢ ᠠᠯᠭᠠᠰᠠᠯ ᠦᠬᠡᠢ ᠬᠢᠬᠦ ᠬᠡᠷᠡᠭᠳᠡᠢ᠃ ᠡᠭᠦᠨ ᠡᠴᠡ ᠭᠠᠳᠠᠨ᠎ᠠ᠂ ᠨᠤᠮ ᠦᠵᠡᠬᠦ ᠪᠤᠶᠤ ᠦᠰᠦᠭ ᠪᠢᠴᠢᠬᠦ᠎ᠳᠡᠭᠡᠨ 45 ᠮᠢᠨᠦᠢ᠍ᠲ ᠪᠤᠯᠪᠠᠯ ᠬᠡᠳᠦᠨ ᠰᠸᠺᠦ᠋ᠨ᠋ᠳ᠋ ᠲᠡᠭᠡᠭᠰᠢ ᠬᠠᠷᠠᠵᠤ᠂ ᠲᠠᠬᠢᠭᠠᠳ ᠠᠷᠪᠠ ᠬᠤᠷᠢᠨ ᠮᠸᠲᠷ ᠬᠤᠯᠠ ᠪᠠᠢᠬᠤ ᠲᠤᠳᠤᠷᠬᠠᠢ ᠬᠠᠷᠠᠭᠳᠠᠬᠤ ᠲᠤᠭᠳᠠᠮᠠᠯ ᠪᠤᠳᠠᠰ᠎ᠢ 15 ᠰᠸᠺᠦ᠋ᠨ᠋ᠳ᠋ ᠬᠠᠷᠠᠨ᠎ᠠ᠂ ᠵᠠᠯᠭᠠᠭᠠᠳ ᠨᠢᠭᠡ ᠲᠤᠬᠤᠢ ᠤᠷᠴᠢᠮ ᠤᠢᠷᠠᠯᠴᠠᠭᠠᠬᠢ ᠪᠤᠳᠠᠰ᠎ᠢ ᠬᠠᠷᠠᠨ᠎ᠠ᠃ ᠡᠨᠡ ᠮᠡᠳᠦ ᠪᠡᠷ 2 ᠮᠢᠨᠦᠢ᠍ᠲ  ᠬᠢᠷᠢᠲᠡᠢ ᠲᠠᠬᠢᠨ ᠲᠠᠪᠳᠠᠨ ᠪᠤᠯᠪᠠᠰᠤᠷᠠᠪᠠᠯ ᠵᠤᠬᠢᠨ᠎ᠠ᠃