ᠨᠠᠮᠤᠷ ᠤ᠋ᠨ ᠡᠬᠢᠨ ᠤ᠋ ᠱᠢᠯᠢ ᠵᠢᠨ ᠭᠣᠣᠯ ᠠᠢᠮᠠᠭ ᠤ᠋ᠨ ᠳᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠳᠤᠯᠤᠨ ᠨᠤᠤᠷ ᠪᠠᠯᠭᠠᠰᠤᠨᠤ ᠱᠢᠨ ᠮᠢᠨ ᠲᠣᠰᠭᠣᠨ ᠳ᠋ᠤ ᠠᠭᠤᠯᠠ ᠳᠤᠯᠤᠭᠠᠳ ᠬᠦᠬᠡᠷᠡᠨ ᠤᠢ ᠱᠢᠭᠤᠢ ᠢᠭᠴᠤᠷᠠᠨ ᠬᠠᠷᠠᠭ᠍ᠳᠠᠨᠠ᠃ ᠬᠠᠢᠯᠠᠷ ᠨᠠᠷᠠᠰᠤ᠂ ᠱᠢᠷᠠ ᠪᠤᠷᠭᠠᠰᠤ᠂ ᠬᠡᠭᠡᠷᠡ ᠵᠢᠨ ᠬᠦᠢᠯᠡᠰᠦ ᠵᠡᠷᠭᠡ 40 ᠭᠠᠷᠤᠢ ᠲᠦᠮᠡᠨ ᠰᠠᠭᠤᠷᠢ ᠮᠣᠳᠣᠪᠠᠷ ᠪᠦᠷᠢᠯᠳᠦᠭ᠌ᠰᠡᠨ 3700 ᠮᠦ᠍ ᠨᠤᠮᠢᠨ ᠲᠠᠯᠠᠢ ᠨᠢ ᠠᠭ᠍ᠯᠠᠭ ᠠᠭᠤᠯᠠ ᠶ᠋ᠢ ᠨᠣᠭᠣᠭᠠᠨ ᠪᠦᠷᠢᠳᠦ ᠪᠤᠯᠭᠠᠨ ᠬᠤᠪᠢᠷᠠᠭᠤᠯᠵᠤ ᠡᠯᠡᠰᠦ ᠶ᠋ᠢ ᠵᠠᠰᠠᠭ᠍ᠰᠠᠨ ᠭᠠᠢᠬᠠᠮᠱᠢᠭ ᠢ᠋ ᠪᠢᠴᠢᠭ᠌ᠯᠡᠭ᠌ᠰᠡᠨ ᠪᠠᠢᠨᠠ᠃
ᠲᠤᠯᠤᠨ ᠨᠤᠤᠷ ᠱᠢᠶᠠᠨ ᠪᠣᠯ ᠬᠤᠯᠠᠨ ᠱᠢᠷᠭᠠ ᠳᠠᠭᠠ ᠵᠢᠨ ᠡᠯᠡᠰᠦᠷᠬᠡᠭ ᠭᠠᠵᠠᠷ ᠤ᠋ᠨ ᠡᠮᠦᠨᠡ ᠵᠠᠬᠠ ᠳ᠋ᠤ ᠪᠠᠢᠷᠢᠯᠠᠵᠤ᠂ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠪᠡᠭᠡᠵᠢᠩ ᠡᠴᠡ ᠬᠠᠮᠤᠭ ᠤ᠋ᠨ ᠤᠢ᠍ᠢᠷᠠ ᠬᠣᠱᠢᠭᠤ ᠱᠢᠶᠠᠨ ᠪᠣᠯᠤᠨᠠ᠂ 2000 ᠣᠨᠤ ᠳᠠᠭᠠᠭᠤᠯᠢ ᠤᠳᠤᠨᠤ ᠠᠯᠤᠰ ᠰᠡᠷᠡᠯ ᠤ᠋ᠨ ᠬᠢᠨᠠᠨ ᠬᠡᠮᠵᠢᠯᠲᠡ ᠡᠴᠡ ᠦᠵᠡᠪᠡᠯ᠂ ᠪᠦᠬᠦ᠌ ᠱᠢᠶᠠᠨᠤ ᠰᠠᠯᠬᠢᠨ ᠳ᠋ᠤ ᠢᠳᠡᠭ᠌ᠳᠡᠭ᠌ᠰᠡᠨ᠂ ᠤᠷᠤᠰᠬᠠᠯ ᠤᠰᠤᠨ ᠳ᠋ᠤ ᠢᠳᠡᠭ᠌ᠳᠡᠭ᠌ᠰᠡᠨ᠂ ᠡᠯᠡᠰᠦᠷᠬᠡᠭᠵᠢᠭ᠌ᠰᠡᠨ ᠲᠠᠯᠠᠪᠠᠢ 3365 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠺᠢᠯᠤᠮᠸᠲᠷ ᠲᠤ᠌ ᠬᠦᠷᠴᠦ᠍᠂ ᠭᠠᠵᠠᠷ ᠱᠢᠷᠣᠢ ᠵᠢᠨ ᠶᠡᠷᠦᠩᠬᠡᠢ ᠲᠠᠯᠠᠪᠠᠢ ᠵᠢᠨ 87% ᠶ᠋ᠢ ᠡᠵᠡᠯᠡᠨ᠂ ᠡᠭᠦᠨᠳᠦ ᠬᠦᠨᠳᠦ ᠨᠣᠴᠢᠲᠠᠢ ᠡᠯᠡᠰᠦᠷᠬᠡᠭᠵᠢᠭ᠌ᠰᠡᠨ ᠲᠠᠯᠠᠪᠠᠢ 1400 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠺᠢᠯᠤᠮᠸᠲᠷ ᠪᠠᠢᠵᠤ᠂ ᠭᠠᠵᠠᠷ ᠱᠢᠷᠣᠢ ᠵᠢᠨ ᠶᠡᠷᠦᠩᠬᠡᠢ ᠲᠠᠯᠠᠪᠠᠢ ᠵᠢᠨ 36% ᠶ᠋ᠢ ᠡᠵᠡᠯᠡᠨ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠴᠢᠭ᠌ᠯᠡᠯᠲᠡᠶⅠ᠂ Ⅱ᠂ Ⅲ ᠨᠣᠮᠧᠷᠲᠤ ᠭᠤᠷᠪᠠᠨ ᠶᠡᠬᠡ ᠡᠯᠡᠰᠦᠨ ᠪᠦᠰᠡ ᠪᠦᠬᠦ ᠱᠢᠶᠠᠨ ᠵᠢᠡᠷ ᠲᠠᠷᠬᠠᠵᠤ ᠪᠤᠢ᠃ ᠮᠠ ᠶᠦᠨ ᠫᠢᠩ ᠪᠣᠯ ᠲᠤᠯᠤᠨ ᠨᠤᠤᠷ ᠪᠠᠯᠭᠠᠰᠤᠨᠤ ᠱᠢᠨ ᠮᠢᠨ ᠲᠣᠰᠭᠣᠨᠤ ᠲᠠᠷᠢᠶᠠᠴᠢᠨ᠂ ᠲᠡᠳᠡᠨ ᠤ᠋ ᠭᠡᠷ ᠨᠢ ᠶᠠᠭⅠᠨᠣᠮᠧᠷᠲᠤ ᠡᠯᠡᠰᠦᠨ ᠪᠦᠰᠡ ᠵᠢᠨ ᠥᠷᠥᠴᠡᠨᠳᠦ ᠪᠠᠢᠷᠢᠯᠠᠳᠠᠭ᠃
《ᠡᠯᠡᠰᠦᠨ ᠱᠢᠭᠤᠷᠭᠠ ᠳᠡᠭᠳᠡᠬᠦ ᠪᠦᠷᠢ ᠲᠡᠭᠷᠢ ᠭᠠᠵᠠᠷᠢ ᠪᠦᠷᠬᠦᠭᠰᠡᠨ ᠡᠯᠡᠰᠦ ᠰᠢᠷᠤᠢ ᠭᠡᠷ ᠲᠤ᠌ ᠦᠯᠢᠶᠡᠭ᠌ᠳᠡᠨ ᠣᠷᠣᠵᠤ ᠢᠷᠡᠭᠡᠳ ᠡᠯᠡᠰᠤ ᠰᠢᠷᠤᠢ ᠬᠦᠮᠦᠨ ᠤ᠋ ᠬᠢᠷᠢᠲᠠᠢ ᠤᠪᠤᠭᠠᠷᠠᠴᠢᠬᠠᠳᠠᠭ ᠢ᠋ ᠪᠢ ᠪᠠᠭᠠ ᠡᠴᠡ ᠪᠡᠨ ᠬᠠᠷᠠᠵᠤ ᠪᠠᠢᠭᠰᠠᠨ ᠪᠤᠯᠬᠤᠷ ᠶᠡᠬᠡ ᠠᠶᠤᠵᠤ ᠡᠮᠢᠶᠡᠳᠡᠭ ᠪᠠᠢᠭ᠍ᠰᠠᠨ》 ᠭᠡᠵᠦ᠍ ᠮᠠ ᠶᠦᠨ ᠫᠢᠩ ᠡᠷᠭᠢᠴᠡᠭᠦᠯᠤᠨ ᠶᠠᠷᠢᠵᠦ᠂ ᠮᠥᠨ ᠴᠤ᠌ ᠲᠡᠷᠡ ᠦᠶᠡ ᠡᠴᠡ ᠡᠬᠢᠯᠡᠨ᠂ 《ᠨᠤᠮᠢᠨ ᠨᠤᠭᠤᠭᠠᠨ》 ᠬᠦᠰᠡᠯ ᠵᠡᠭᠦᠳᠦ᠍ ᠲᠡᠭᠦᠨ ᠤ᠋ ᠰᠡᠳᠭᠢᠯᠳᠦ ᠭᠦᠨ ᠦᠨᠳᠦᠰᠦᠯᠡᠪᠡ᠃
《2000 ᠣᠨ ᠳ᠋ᠤ ᠤᠯᠤᠰᠠᠴᠠ ᠪᠡᠭᠡᠵᠢᠩ ᠲᠢᠶᠠᠨᠵᠢᠨᠤ ᠰᠠᠯᠬᠢ ᠡᠯᠡᠰᠦᠨ ᠤ᠋ ᠡᠬᠢ ᠶ᠋ᠢ ᠵᠠᠰᠠᠬᠤ ᠢᠨᠵᠧᠨᠧᠷᠢᠩ ᠢ᠋ ᠡᠬᠢᠯᠡᠨ ᠬᠡᠷᠡᠭ᠌ᠵᠢᠭᠦᠯᠪᠡ᠃ ᠱᠢᠶᠠᠨᠤ ᠬᠢᠨ ᠴᠤ᠌ ᠡᠭᠦᠨ ᠤ᠋ ᠳᠠᠭᠠᠤ ᠳ᠋ᠤ ᠲᠠᠪᠤᠨ ᠡᠯᠡᠰᠦᠷᠭᠡᠭᠵᠢᠭᠰᠡᠨ ᠭᠠᠵᠠᠷ ᠢ᠋ ᠳᠠᠭᠠᠭᠠᠴᠢᠯᠠᠭᠤᠯᠬᠤᠪᠠᠷ ᠤᠷᠢᠶᠠᠯᠠᠪᠠ᠂ ᠭᠡᠪᠡᠴᠦ᠍ ᠲᠦᠷᠦ᠍ ᠵᠢᠨ ᠪᠤᠳᠤᠯᠭᠠ ᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠦᠭ᠌ᠰᠡᠨ ᠤ᠋ ᠲᠠᠷᠠᠭᠠ ᠳᠠᠭᠠᠭᠠᠴᠢᠯᠠᠬᠤ ᠳᠤᠷᠠᠲᠠᠶ ᠬᠥᠮᠦᠨ ᠨᠢᠭᠡ ᠴᠤ᠌ ᠪᠠᠢᠭᠰᠠᠨ ᠦᠭᠡᠢ᠃ ᠬᠠᠷᠠᠬᠠᠨ ᠪᠠᠭᠠᠠᠴᠠᠪᠠᠨ ᠦᠰᠴᠤ ᠲᠦᠷᠦᠭᠰᠡᠨ ᠭᠡᠷ ᠣᠷᠣᠨ ᠵᠢᠡᠨ ᠡᠯᠡᠰᠦᠨᠳᠦ ᠰᠦᠢᠳᠭᠡᠭ᠌ᠳᠡᠬᠦ ᠢ᠋ᠢ ᠪᠢ ᠬᠠᠷᠠᠵᠤ ᠪᠠᠢᠭᠠᠳ ᠬᠠᠶᠠᠭᠠᠨ ᠳ᠋ᠤᠨᠢ ᠬᠠᠶᠠᠵᠤ ᠪᠤᠯᠬᠤ ᠦᠭᠡᠢ ᠲᠤᠯᠠ ᠡᠬᠡᠨᠡᠷᠲᠡᠶᠪᠡᠨ ᠤᠯᠠᠨ ᠤᠳᠠᠭᠠ ᠵᠥᠪᠳᠡᠭ᠌ᠰᠡᠨ ᠤ᠋ ᠲᠠᠷᠠᠭᠠ᠂ 3700 ᠮᠦ᠍ ᠵᠢᠨ 〈ᠡᠯᠡᠰᠦᠷᠭᠡᠭᠵᠢᠭᠰᠡᠨ ᠠᠳᠠᠷ ᠭᠠᠵᠠᠷ ᠤ᠋ᠨ ᠳᠠᠭᠠᠭᠠᠴᠢᠯᠠᠯᠲᠠ ᠵᠢᠨ ᠭᠡᠷᠡ〉 ᠳ᠋ᠤ ᠡᠷᠡᠰ ᠱᠢᠭᠤᠷᠬᠠᠢᠪᠠᠷ ᠭᠠᠷ ᠤ᠋ᠨ ᠦᠰᠦᠭ ᠵᠢᠷᠤᠪᠠ》 ᠭᠡᠵᠦ ᠮᠠ ᠶᠦᠨ ᠫᠢᠩ ᠶᠠᠷᠢᠨᠠ᠃
ᠨᠡᠯᠦᠢᠨ ᠴᠠᠢᠷᠠᠭᠰᠠᠨ ᠬᠤᠪᠠᠬᠠᠢ ᠡᠯᠡᠰᠦᠨᠳᠤ᠂ ᠤᠷᠤᠰᠢᠯ ᠲᠤᠭᠳᠠᠨᠢᠯᠤᠨ ᠨᠤᠮᠢᠨ ᠨᠤᠭᠤᠭᠠᠨ ᠣᠷᠣᠨ ᠵᠠᠶ ᠶ᠋ᠢ ᠡᠷᠢᠯᠬᠢᠯᠡᠬᠦ᠌ ᠪᠣᠯ ᠨᠢᠭᠡ ᠵᠦᠢᠯᠤᠨ ᠬᠠᠳᠠᠭᠤ ᠪᠡᠷᠭᠡ ᠲᠡᠮᠡᠴᠡᠯ ᠮᠥᠨ᠃ 2000 ᠣᠨᠤ ᠬᠠᠪᠤᠷ᠂ ᠮᠠ ᠶᠦᠨ ᠫᠢᠩ ᠡᠯᠡᠰᠤ ᠰᠢᠷᠤᠢᠲᠠᠶ ᠵᠢᠩᠬᠢᠨᠢᠪᠠᠷ 《ᠲᠠᠢᠨ ᠵᠠᠷᠯᠠᠵᠦ》 ᠡᠬᠢᠯᠡᠪᠡ᠂ ᠲᠡᠷᠡ ᠡᠬᠡᠨᠡᠷᠲᠡᠶᠪᠡᠨ ᠬᠤᠶᠠᠭᠤᠯᠠ ᠡᠯᠡᠰᠦᠨ ᠳ᠋ᠤ ᠨᠢᠭᠡᠨ ᠳᠦᠭᠦᠮᠬᠡᠨ ᠫᠸᠩ ᠪᠠᠷᠢᠵᠤ᠂ ᠡᠯᠡᠰᠦᠨ ᠲᠤᠮᠳᠠ ᠢᠳᠡᠵᠦ᠍ ᠬᠤᠨᠤᠵᠤ᠂ ᠶᠠᠭ ᠯᠡ ᠵᠠᠷᠯᠢᠭ ᠭᠦᠢᠴᠡᠳᠭᠡᠵᠤ ᠪᠤᠢ ᠪᠠᠢᠯᠳᠤᠭ᠍ᠴᠢ ᠱᠢᠭ᠋ ᠡᠯᠡᠰᠦ ᠶ᠋ᠢ ᠰᠠᠬᠢᠨ᠂ ᠡᠯᠡᠰᠦ ᠶ᠋ᠢ ᠵᠠᠰᠠᠬᠤ ᠵᠠᠮ ᠵᠢᠡᠨ ᠡᠬᠢᠯᠡᠭᠦᠯᠦᠭᠰᠡᠨ ᠪᠠᠢᠨᠠ᠃
ᠬᠤᠪᠠᠬᠠᠢ ᠡᠯᠡᠰᠦ ᠶ᠋ᠢ ᠵᠠᠰᠠᠨᠠ ᠭᠡᠳᠡᠭ ᠠᠮᠠᠷ ᠦᠭᠡᠢ ᠳᠠᠪᠠᠭᠠ！ ᠪᠡᠷᠬᠡ ᠬᠠᠳᠠᠭᠤ ᠤᠷᠴᠢᠨ ᠡᠴᠡ ᠨᠡᠩ ᠭᠡᠴᠡᠬᠦᠦ ᠨᠢ ᠡᠮᠦᠨᠡᠬᠢ ᠬᠤᠭᠤᠴᠠᠭᠠᠨᠤ ᠡᠯᠡᠰᠦ ᠵᠠᠰᠠᠬᠤ ᠠᠶᠠᠨ ᠳ᠋ᠤ ᠲᠤᠷᠱᠢᠯᠭᠠ ᠬᠤᠮᠰᠠ ᠡᠴᠡ ᠪᠣᠯᠵᠤ᠂ ᠤᠯᠠᠨᠳᠠ ᠨᠤᠭᠤᠷᠠᠯ ᠪᠦᠳᠦᠷᠢᠯᠳᠤ ᠤᠴᠠᠷᠠᠭᠰᠠᠨ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃ ᠲᠠᠳᠠ ᠱᠢᠷᠠ ᠪᠤᠷᠭᠠᠰᠤ᠂ ᠤᠯᠢᠶᠠᠰᠤᠨᠤ ᠮᠥᠴᠢᠷ ᠪᠠ ᠲᠠᠷᠢᠮᠠᠯ ᠤ᠋ᠨ ᠡᠰᠢ ᠰᠦᠷᠡᠯ ᠵᠢᠡᠷ ᠨᠢᠭᠡᠨ ᠲᠣᠬᠣᠶ ᠬᠢᠷᠢᠲᠠᠢ ᠱᠢᠳᠠᠮ ᠵᠤᠬᠢᠶᠠᠨ᠂ ᠨᠡᠭᠦᠳᠡᠯ ᠡᠯᠡᠰᠦᠨ ᠳᠡᠭᠡᠷᠡ ᠰᠠᠷᠠᠯᠵᠢᠨ ᠬᠠᠯᠬᠠᠪᠴᠢ ᠬᠠᠳᠬᠤᠭᠠᠳ ᠰᠠᠷᠠᠯᠵᠢᠨ ᠳᠣᠲᠣᠷᠠ ᠨᠢ ᠡᠪᠡᠰᠦᠨ ᠦᠷᠡ ᠳᠠᠷᠢᠵᠤ᠂ ᠳᠠᠷᠠᠭᠠ ᠨᠢ ᠡᠯᠡᠰᠦᠨ ᠳᠡᠭᠡᠷᠡ ᠨᠢᠮᠪᠡᠭᠡ᠂ ᠱᠢᠷᠠ ᠪᠤᠷᠭᠠᠰᠤ ᠵᠡᠷᠭᠡ ᠰᠠᠯᠬᠢ ᠶ᠋ᠢ ᠬᠠᠯᠬᠠᠯᠠᠨ ᠡᠯᠡᠰᠦ ᠶ᠋ᠢ ᠲᠣᠭ᠍ᠲᠠᠪᠤᠷᠢᠵᠢᠭᠤᠯᠳᠠᠭ ᠤᠷᠭᠤᠮᠠᠯ ᠳᠠᠷᠢᠳᠠᠭ᠃ ᠭᠡᠪᠡᠴᠦ᠍ ᠰᠠᠯᠬᠢ ᠱᠢᠭᠤᠷᠭᠠ ᠶᠡᠬᠡᠲᠡᠶ ᠡᠴᠡ ᠪᠣᠯᠵᠤ᠂ ᠬᠠᠪᠤᠷ ᠳᠠᠷᠢᠭ᠍ᠰᠠᠨ ᠡᠯᠡᠰᠦᠨ ᠬᠠᠯᠬᠠᠪᠴᠢ ᠪᠠᠷᠤᠭ ᠪᠦᠬᠦᠨ ᠵᠢᠡᠷ ᠵᠢᠡᠨ ᠪᠤᠯᠠᠭ᠍ᠳᠠᠭ᠍ᠰᠠᠨ ᠪᠣᠯᠪᠠᠴᠤ᠌ ᠲᠡᠳᠡ ᠶᠡᠷᠦ᠍ ᠵᠣᠷᠢᠭ ᠮᠣᠬᠣᠭ᠍ᠰᠠᠨ ᠦᠭᠡᠶ᠂ ᠪᠤᠯᠠᠭᠳᠠᠪᠠᠯ ᠳᠠᠷᠢᠵᠤ᠂ ᠳᠠᠷᠢᠪᠠᠯ ᠪᠤᠯᠠᠭᠳᠠᠨᠠ᠂ ᠪᠤᠯᠠᠭᠳᠠᠪᠠᠯ ᠲᠠᠬᠢᠭᠠᠳ ᠯᠡ ᠳᠠᠷᠢᠵᠤ᠂ ᠳᠠᠬᠢᠨ ᠳᠤᠯᠤᠭᠠ ᠳᠠᠪᠲᠠᠳᠠᠭ᠃ ᠵᠤᠷᠢᠭ ᠪᠠᠢᠪᠠᠯ ᠵᠤᠷᠢᠭᠰᠠᠨ ᠳᠠᠭᠠᠨ ᠭᠡᠳᠡᠭᠴᠢᠯᠡᠨ ᠮᠠ ᠶᠦᠨ ᠫᠢᠩ ᠡᠷᠲᠡᠯᠡᠵᠦ᠍ ᠣᠷᠣᠢᠯᠠᠬᠤ 《ᠱᠢᠷᠦᠭᠦᠨ ᠪᠠᠢᠯᠳᠤᠭᠠᠨ》 ᠤ᠋ ᠳᠤᠮᠳᠠ᠂ ᠠᠩᠬᠠᠨᠤ ᠡᠯᠡᠰᠦᠨ ᠲᠤᠪᠤ ᠶ᠋ᠢ ᠡᠴᠦᠰᠲᠡᠬᠡᠨ ᠵᠠᠰᠠᠵᠤ ᠲᠠᠭᠤᠰᠬᠠᠵᠠᠢ᠃
ᠮᠠ ᠶᠦᠨ ᠫᠢᠩ ᠨᠡᠭᠦᠵᠤ ᠪᠠᠢᠬᠰᠠᠨ ᠡᠯᠡᠰᠦᠷᠬᠡᠭ ᠭᠠᠵᠠᠷ ᠨᠢ ᠲᠣᠭ᠍ᠲᠠᠪᠤᠷᠢᠵᠢᠭ᠍ᠰᠠᠨ ᠢ᠋ ᠦᠵᠡᠭᠡᠳ᠂ ᠡᠯᠡᠰᠦᠷᠬᠡᠭ ᠭᠠᠵᠠᠷ ᠲᠤ᠌ ᠮᠣᠳᠣ ᠲᠠᠷᠢᠵᠤ ᠣᠢᠵᠢᠭᠤᠯᠵᠤ ᠡᠬᠢᠯᠡᠪᠡ᠃ ᠵᠢᠯ ᠪᠦᠷᠢ ᠵᠢᠨ ᠬᠠᠪᠤᠷ ᠤ᠋ᠨ ᠤᠯᠠᠷᠢᠯ ᠳ᠋ᠤ ᠪᠦᠷ ᠬᠡᠳᠦᠨ ᠤᠳᠠᠭᠠᠨᠤ ᠡᠯᠡᠰᠦᠨ ᠱᠢᠭᠤᠷᠭᠠ ᠳᠡᠭ᠌ᠳᠡᠳᠡᠭ᠂ ᠲᠡᠷᠡ ᠰᠠᠯᠬᠢ ᠨᠠᠮᠳᠠᠬᠤ ᠦᠶᠡᠳᠦ ᠴᠠᠭ ᠢ᠋ ᠠᠮᠵᠢᠨ ᠲᠠᠷᠢᠵᠦ᠍᠂ ᠶᠠᠳᠠᠷᠠᠭᠠᠳ ᠨᠢᠷᠤᠭᠤᠪᠠᠨ ᠵᠢᠬᠢᠯᠭᠡᠵᠦ᠍ ᠳᠡᠢᠯᠬᠦ᠌ ᠦᠭᠡᠢ ᠪᠤᠯᠪᠠᠯ ᠵᠢᠭᠠᠬᠠᠨ ᠰᠠᠭᠤᠵᠤ ᠠᠮᠠᠷᠠᠴᠢᠬᠠᠭᠠᠳ ᠦᠷᠭᠦᠯᠵᠢᠯᠡᠨ ᠲᠠᠷᠢᠳᠠᠭ ᠪᠠᠢᠨᠠ； ᠵᠤᠨᠤ ᠤᠯᠠᠷᠢᠯ ᠪᠣᠯ ᠮᠣᠳᠣᠨ ᠳ᠋ᠤ ᠤᠰᠤ ᠨᠥᠬᠥᠬᠦ᠌ ᠤᠯᠠᠷᠢᠯ ᠪᠣᠯᠤᠨᠠ᠂ ᠮᠤᠷᠢᠨ ᠲᠡᠷᠭᠡᠪᠡᠷ 2 ᠺᠢᠯᠤᠮᠸᠲᠷ ᠤ᠋ᠨ ᠵᠠᠢᠲᠠᠢ ᠪᠠᠢᠭᠠ ᠭᠡᠷ ᠡᠴᠡ ᠪᠡᠨ ᠤᠰᠤ ᠲᠠᠲᠠᠵᠤ ᠪᠠᠢᠭ᠍ᠰᠠᠨᠠᠴᠠᠪᠠᠨ ᠲᠦᠷᠪᠡᠨ ᠬᠦᠷᠳᠦᠲᠦ ᠲᠡᠷᠭᠡᠪᠡᠷ ᠤᠰᠤ ᠲᠠᠲᠠᠬᠤ ᠪᠣᠯᠪᠠ᠂ ᠲᠡᠷᠡ ᠤᠳᠠᠭᠠ ᠳᠠᠷᠠᠭᠠᠯᠠᠨ ᠤᠰᠤ ᠲᠠᠲᠠᠵᠤ ᠵᠤᠯᠵᠠᠭᠠ ᠮᠣᠳᠣ ᠪᠣᠯᠭᠠᠨ ᠢ᠋ ᠤᠰᠤᠯᠠᠬᠤᠳᠠᠭᠠᠨ ᠪᠠᠶᠠᠷᠯᠠᠬᠤ ᠵᠢᠨ ᠶᠡᠬᠡᠪᠡᠷ ᠪᠠᠶᠠᠷᠯᠠᠳᠠᠭ； ᠨᠠᠮᠤᠷ ᠡᠪᠦᠯ ᠤ᠋ᠨ ᠴᠠᠭ ᠵᠢᠡᠷ᠂ ᠮᠠ ᠶᠦᠨ ᠫᠢᠩ ᠬᠠᠮᠢᠶᠠᠷᠴᠤ᠌ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠢ᠋ ᠭᠣᠣᠯᠳᠠᠯᠭᠠᠲᠠᠶ ᠴᠢᠩᠭᠠᠳᠭᠠᠵᠤ᠂ ᠮᠣᠳᠣᠨᠤ ᠰᠠᠯᠠᠭᠠ ᠨᠠᠮᠠᠭᠠ ᠶ᠋ᠢ ᠵᠠᠰᠠᠨ᠂ ᠡᠳᠦᠷ ᠪᠦᠷᠢ ᠬᠦᠷᠵᠡ ᠪᠡᠨ ᠡᠭᠦᠷᠴᠦ᠍ ᠭᠠᠵᠠᠷ ᠪᠣᠯᠭᠠᠨ ᠵᠢᠡᠷ ᠲᠣᠭᠣᠷᠢᠨ ᠪᠠᠢᠴᠠᠭᠠᠵᠤ᠂ ᠶᠠᠭ ᠯᠡ ᠥᠪᠡᠷ ᠤ᠋ᠨ ᠦᠷᠡ ᠬᠡᠦᠬᠡᠳ ᠵᠢᠡᠨ ᠬᠠᠢᠷᠠᠯᠠᠨ ᠬᠠᠮᠠᠭᠠᠯᠠᠳᠠᠭ ᠱᠢᠭ᠋ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠬᠠᠨᠳᠤᠳᠠᠭ᠃
ᠵᠢᠯ ᠪᠦᠷᠢ᠂ ᠡᠳᠦᠷ ᠪᠤᠯᠭᠠᠨ ᠠᠵᠢᠯᠯᠠᠬᠤ ᠶᠠᠪᠤᠴᠠ ᠳ᠋ᠤ᠂ ᠥᠩᠭᠡᠷᠡᠭ᠌ᠰᠡᠨ ᠤ᠋ 《ᠲᠡᠭᠷᠢ ᠭᠠᠵᠠᠷ ᠢ᠋ ᠨᠡᠢᠯᠡᠭᠦᠯᠦᠮᠡᠷ ᠡᠯᠡᠰᠤ ᠰᠢᠷᠤᠢ》 ᠲᠠᠢ ᠪᠠᠢᠭᠰᠠᠨ ᠪᠠᠢᠳᠠᠯ ᠡᠴᠤᠰᠯᠠᠵᠤ᠂ ᠡᠯᠡᠰᠦᠨ ᠴᠥᠯᠳᠦ ᠣᠶ ᠱᠢᠭᠤᠶ ᠬᠥᠬᠡᠷᠡᠨ ᠨᠤᠭᠤᠭᠠᠷᠠᠵᠤ᠂ ᠲᠡᠬᠦᠨᠢ ᠤᠯᠠᠮ ᠵᠤᠷᠢᠬᠵᠢᠭᠤᠯᠵᠠᠢ᠃
《ᠡᠳᠡᠭᠡᠷ ᠵᠢᠯ ᠤ᠋ᠳᠲᠦ ᠡᠬᠡᠨᠡᠷ ᠪᠢᠳᠡ ᠬᠤᠶᠠᠭᠤᠯᠠ ᠬᠦᠷᠦᠩᠭᠡ ᠪᠡᠨ ᠬᠦᠨᠳᠤᠷᠦᠭᠰᠡᠨ ᠪᠦᠭᠡᠳ ᠪᠠᠰᠠ ᠭᠠᠵᠠᠷ ᠪᠣᠯᠭᠠᠨᠠᠴᠠ ᠵᠣᠭᠣᠰ ᠵᠢᠭᠡᠯᠡᠵᠦ᠍ ᠪᠠᠢᠭᠠᠳ ᠲᠠᠷᠢᠶᠠ ᠲᠠᠷᠢᠵᠤ᠂ ᠬᠠᠯᠠ ᠵᠣᠪᠠᠯᠠᠩ ᠢ᠋ ᠬᠠᠰᠢᠷᠠᠳᠠᠯᠠ ᠠᠮᠰᠠᠭ᠍ᠰᠠᠨ ᠪᠣᠯᠪᠠᠴᠤ᠌ ᠡᠯᠡᠰᠦ ᠵᠢ ᠵᠠᠰᠠᠬᠤ ᠪᠠᠨ ᠪᠠᠷᠢᠮᠳᠠᠯᠠᠭᠰᠠᠭᠠᠷ ᠢᠷᠡᠵᠡᠢ᠃ ᠲᠤᠬᠠᠶ ᠵᠢᠨ ᠦᠶᠡᠳᠦ ᠪᠢ ᠭᠡᠷᠡᠳᠦ ᠭᠠᠷ ᠤ᠋ᠨ ᠦᠰᠦᠭ ᠵᠢᠷᠤᠭ᠍ᠰᠠᠨ ᠨᠢ ᠳᠠᠷᠤᠶ ᠬᠠᠷᠢᠭᠤᠴᠠᠯᠭᠠ ᠮᠥᠨ᠂ ᠪᠢ ᠨᠠᠰᠤᠪᠠᠷ ᠵᠢᠡᠨ ᠪᠠᠲᠤ ᠰᠠᠬᠢᠵᠤ᠂ ᠬᠡᠳᠦᠶ ᠬᠦᠴᠢᠷᠲᠠᠢ ᠬᠡᠳᠦᠶ ᠶᠠᠳᠠᠷᠠᠵᠤ ᠵᠦᠳᠡᠷᠡᠭᠰᠡᠨ ᠴᠤ᠌ ᠡᠯᠡᠰᠦ ᠱᠢᠷᠣᠶᠪᠠᠷ ᠭᠡᠷ ᠣᠷᠣᠨ ᠵᠢᠡᠨ ᠶᠠᠭᠠᠬᠢᠭ᠍ᠰᠠᠨ ᠴᠤ᠌ ᠪᠤᠯᠠᠭᠤᠯᠬᠤ ᠦᠭᠡᠶ》 ᠭᠡᠵᠤ ᠮᠠ ᠶᠦᠨ ᠫᠢᠩ ᠮᠣᠳᠣ ᠪᠡᠨ ᠬᠠᠷᠠᠨ ᠪᠠᠶᠠᠷᠲᠠᠢᠪᠠᠷ ᠬᠡᠯᠡᠬᠦ᠌ᠳᠡᠭᠡᠨ᠄ 《ᠡᠨᠡ ᠠᠵᠢᠯ ᠢ᠋ 23 ᠵᠢᠯ ᠬᠢᠴᠢᠬᠡᠯᠡ᠂ ᠡᠨᠡ ᠤᠢ ᠶᠠᠭ ᠯᠡ ᠮᠢᠨᠦ᠍ ᠦᠷᠡ ᠬᠡᠦᠬᠡᠳ ᠱᠢᠭ᠂ ᠡᠳᠦᠷ ᠲᠡᠭᠡᠨ ᠬᠦᠷᠵᠡ ᠪᠡᠨ ᠡᠭᠦᠷᠴᠦ᠍ ᠰᠢᠭᠤᠢ ᠪᠡᠷ ᠮᠤᠳᠤᠨ ᠤ᠋ ᠰᠠᠯᠠᠭᠠ ᠨᠠᠮᠠᠭᠠ ᠵᠢ ᠬᠠᠢᠴᠢᠯᠠᠵᠤ ᠪᠠᠢᠨᠠ᠂ ᠡᠬᠡ ᠨᠤᠲᠤᠭ ᠵᠢᠡᠨ ᠨᠤᠭᠤᠭᠠᠷᠠᠭᠤᠯᠤᠨᠠ ᠭᠡᠳᠡᠭ ᠠᠯᠢ ᠬᠡᠳᠦᠢᠨ ᠮᠢᠨᠦ᠍ ᠰᠡᠳᠬᠢᠯ ᠳ᠋ᠤ ᠬᠠᠳᠠᠩᠰᠢᠵᠤ᠂ ᠠᠮᠢᠳᠤᠷᠠᠯ ᠳ᠋ᠤ ᠠᠭᠤᠰᠤᠭᠰᠠᠨ ᠪᠤᠯᠬᠤᠷ ᠡᠳᠡᠭᠡᠷ ᠢᠭ᠍ᠴᠤ ᠰᠠᠬᠤᠯᠢᠭ ᠮᠣᠳᠣ ᠶ᠋ᠢ ᠬᠠᠷᠠᠪᠠᠯ ᠪᠢ ᠬᠡᠵᠢᠶᠡᠳᠡ ᠬᠠᠷᠠᠮᠰᠠᠬᠤ ᠦᠬᠡᠢ》 ᠭᠡᠪᠡ᠃
ᠣᠳᠣᠬᠠᠨ ᠳ᠋ᠤ᠂ 3700 ᠮᠦ᠍ ᠡᠯᠡᠰᠦᠷᠬᠡᠭ ᠭᠠᠵᠠᠷᠲᠤ ᠨᠢᠭᠡᠨᠲᠡ 1768 ᠮᠦ᠍ ᠬᠠᠢᠯᠠᠷ ᠨᠠᠷᠠᠰᠤ᠂ 1940 ᠮᠦ᠍ ᠤᠯᠢᠶᠠᠰᠤ᠂ ᠬᠠᠢᠯᠠᠰᠤᠨ ᠮᠣᠳᠣ᠂ ᠬᠦᠢᠯᠡᠰᠦ᠂ ᠱᠢᠷᠠ ᠪᠤᠷᠭᠠᠰᠤ᠂ ᠨᠢᠮᠪᠡᠭᠡ ᠵᠡᠷᠭᠡ ᠪᠤᠳᠠᠯᠢᠬ ᠤᠷᠭᠤᠮᠠᠯ ᠲᠠᠷᠢᠵᠠᠢ᠃ ᠮᠠ ᠶᠦᠨ ᠫᠢᠩ ᠡᠯᠡᠰᠤ ᠶ᠋ᠢ ᠵᠠᠰᠠᠬᠤ ᠠᠯᠬᠤᠭᠠᠪᠠᠨ ᠶᠡᠷᠦ᠍ ᠵᠣᠭ᠍ᠰᠣᠭᠠᠭ᠍ᠰᠠᠨ ᠦᠭᠡᠢ᠂ ᠲᠡᠷᠡ ᠡᠯᠡᠰᠦᠷᠭᠡᠭᠵᠢᠯ ᠢ ᠰᠡᠷᠭᠡᠢᠯᠡᠨ ᠡᠯᠡᠰᠦ ᠶ᠋ᠢ ᠵᠠᠰᠠᠬᠤ᠂ ᠮᠣᠳᠣ ᠲᠠᠷᠢᠵᠤ ᠣᠢᠵᠢᠭᠤᠯᠬᠤ ᠠᠮᠢ ᠠᠬᠤᠢ ᠵᠢᠨ ᠠᠵᠤ ᠦᠢᠯᠡᠰ ᠤ᠋ᠨ ᠬᠡᠯᠬᠢᠶᠡ ᠶ᠋ᠢ ᠲᠠᠰᠤᠷᠠᠯᠳᠡ ᠦᠭᠡᠢ ᠡᠷᠢᠯᠬᠢᠯᠡᠪᠡ᠃ ᠤᠯᠠᠨ ᠵᠢᠯ ᠤ᠋ᠨ ᠲᠤᠷᠱᠢᠯᠭᠠ ᠬᠤᠷᠠᠮᠳᠤᠭᠤᠯᠤᠯ ᠵᠢᠡᠷ ᠲᠠᠮᠵᠢᠨ᠂ ᠲᠡᠷᠡ ᠢᠯᠡᠭᠦᠴᠡ ᠱᠢᠷᠠ ᠪᠤᠷᠭᠠᠰᠤᠨᠤ ᠨᠠᠮᠠᠭᠠ ᠶ᠋ᠢ ᠪᠦᠲᠦᠭᠡᠯᠴᠢᠪᠡᠷ ᠬᠡᠷᠡᠭ᠌ᠯᠡᠨ ᠦᠬᠡᠷ ᠲᠡᠵᠢᠭᠡᠬᠦ᠌ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠦᠢᠯᠡᠳᠪᠦᠷᠢᠯᠡᠵᠦ᠍᠂ ᠮᠢᠬᠠᠨᠤ ᠦᠬᠡᠷ ᠲᠡᠵᠢᠭᠡᠬᠦ᠌ ᠥᠪᠡᠷ ᠤ᠋ᠨ ᠦᠷᠳᠡᠭ ᠢ᠋ ᠶᠡᠬᠡᠪᠡᠷ ᠠᠷᠪᠢᠯᠠᠵᠠᠢ᠃
《ᠡᠨᠡ 20 ᠮᠥ᠍ ᠤᠯᠠᠭᠠᠨ ᠴᠠᠨᠠ ᠶ᠋ᠢ 2019 ᠣᠨ ᠳ᠋ᠤ ᠲᠠᠷᠢᠵᠠᠢ᠂ ᠢᠷᠡᠬᠦ᠌ ᠵᠢᠯᠳᠦ ᠬᠤᠷᠢᠶᠠᠯᠲᠠᠲᠠᠶ ᠪᠣᠯᠤᠨᠠ᠂ ᠵᠠᠬᠠ ᠳᠡᠯᠭᠡᠭᠦᠷ ᠤ᠋ᠨ ᠦᠨᠡᠪᠡᠷ ᠪᠠᠷᠤᠭᠴᠠᠭᠠᠯᠠᠪᠠᠯ 20 ᠮᠥ᠍ ᠴᠠᠨᠠ ᠡᠴᠡ 20 ᠲᠦᠮᠡᠨ ᠲᠥᠭᠥᠷᠢᠭ ᠣᠷᠴᠢᠮ ᠤ᠋ᠨ ᠣᠷᠣᠯᠭᠠᠤᠯᠳᠠᠭ》 ᠭᠡᠵᠦ᠍ ᠮᠠ ᠶᠦᠨ ᠫᠢᠩ ᠬᠡᠯᠡᠪᠡ᠃ ᠣᠢᠷᠠ ᠵᠢᠨ ᠵᠢᠯᠳᠦ ᠮᠠ ᠶᠦᠨ ᠫᠢᠩ ᠪᠠᠰᠠ ᠣᠶ ᠲᠤᠳᠤᠷᠠᠬᠢ ᠠᠵᠤ ᠠᠬᠤᠶ ᠶ᠋ᠢ ᠶᠡᠬᠡᠪᠡᠷ ᠬᠥᠭ᠌ᠵᠢᠭᠦᠯᠤᠨ᠂ ᠬᠠᠢᠯᠠᠷ ᠨᠠᠷᠠᠰᠤᠨ ᠮᠣᠳᠣᠨᠤ ᠳᠣᠸ᠋ᠷᠠ ᠶᠡᠬᠡ ᠬᠡᠮᠵᠢᠶᠡᠨ ᠤ᠋ ᠤᠯᠠᠭᠠᠨ ᠴᠠᠨᠠ ᠬᠢᠲᠠᠳ ᠡᠪᠡᠰᠦᠨ ᠡᠮ ᠳᠠᠷᠢᠵᠤ᠂ ᠣᠢᠲᠤ ᠭᠠᠵᠠᠷ ᠢ᠋ ᠭᠦᠶ᠋ᠴᠡᠳ ᠠᠱᠢᠭ᠍ᠯᠠᠨ᠂ 《ᠬᠥᠬᠡᠮᠳᠦᠭ ᠨᠣᠭᠣᠭᠠᠨ ᠠᠭᠤᠯᠠ ᠤᠰᠤ》 ᠶ᠋ᠢ ᠦᠨᠡᠨ ᠬᠦ᠌ 《ᠠᠯᠲᠠ ᠮᠥᠩᠭᠥᠨ ᠠᠭᠤᠯᠠ》 ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠤᠭ᠍ᠰᠠᠨ ᠪᠠᠢᠨᠠ᠃