ᠬᠦᠮᠡᠯᠢ ᠲᠠᠭᠠᠨᠠᠶ᠋ᠢᠨ ᠴᠠᠭᠠᠨ ᠶᠠᠭᠠᠨ ᠴᠡᠴᠡᠭᠤᠳ ᠲᠡᠯᠡ ᠬᠦᠨᠳᠡᠢᠪᠠᠷ ᠪᠦᠷᠬᠦᠨ᠂ ᠦᠳᠭᠡᠨ ᠵᠡᠷᠭᠡᠯᠭᠡᠨ ᠦᠶᠡᠯᠵᠡᠵᠦ᠍᠂ ᠠᠳᠡ ᠲᠡᠨᠳᠡ ᠦᠭᠡᠢ ᠴᠠᠷᠴᠠ ᠴᠠᠷᠬᠢᠨ᠂ ᠭᠤᠯᠢᠶᠠ ᠵᠢᠷᠵᠢᠬᠢᠨᠡᠭᠡᠳ ᠴᠠᠭᠠᠨ ᠱᠢᠬᠦᠳᠡᠷᠢᠶ᠋ᠢᠨ ᠪᠤᠯᠵᠤᠭᠠ ᠨᠠᠯᠠᠭᠠᠷ ᠭᠤᠪᠢᠶ᠋ᠢᠨ ᠠᠢᠯᠤᠳᠢᠶᠠᠷ ᠠᠢᠯᠰᠠᠩᠬᠠᠨ ᠪᠠᠭᠤᠯᠠ᠃
ᠬᠡᠬᠦᠦ ᠢᠪᠢᠯᠭᠡᠬᠦ ᠨᠠᠷᠠᠨᠢᠶᠠᠷ ᠲᠦᠮᠡᠨ ᠪᠤᠳᠠᠰᠤᠨ ᠰᠡᠬᠦᠳᠡᠷ ᠵᠡᠬᠦᠨ ᠤᠷᠤᠭ᠍ᠰᠢᠪᠠᠨ ᠰᠤᠨᠵᠤ᠂ ᠲᠠᠭᠠᠨᠠᠳᠤᠶ᠋ᠢᠨ ᠵᠣᠶ᠋ᠢᠨ ᠲᠠᠯᠪᠢᠭᠤᠨ ᠬᠦᠨᠳᠡᠢᠪᠠᠷ ᠪᠡᠷᠡ ᠪᠡᠷᠡᠪᠠᠨ ᠬᠠᠷᠠᠨ ᠰᠠᠭᠤᠷᠢᠱᠢᠭ᠍ᠰᠠᠨ ᠠᠢᠯ ᠤᠳ ᠤᠨ ᠮᠠᠯ ᠰᠦᠷᠦᠭᠤᠳ ᠪᠡᠯᠴᠢᠭᠡᠷᠠᠴᠠᠪᠠᠨ ᠨᠠᠯᠠᠢᠨ ᠨᠡᠬᠦᠳᠡᠯᠯᠡᠭ᠌ᠰᠡᠭᠡᠷ ᠬᠤᠳᠠᠪᠠᠨ ᠵᠠᠬᠠᠯᠠᠨ᠂ ᠬᠡᠪᠳᠡᠬᠦ᠌ᠨᠢ ᠬᠡᠪᠳᠡᠵᠦ᠍᠂ ᠡᠪᠡᠬᠦ᠌ᠨᠢ ᠡᠪᠡᠭᠡᠳ ᠪᠠᠢᠭᠠᠯᠢ ᠲᠡᠯᠡᠬᠡᠢ ᠠᠮᠤᠭᠤᠯᠠᠩ ᠲᠠᠢᠪᠤᠩᠳᠤ ᠠᠭᠤᠰᠴᠠᠢ᠃
ᠴᠠᠭᠠᠨ ᠱᠠᠭᠠᠵᠠᠩᠢᠶᠠᠷ ᠨᠢᠭᠤᠷᠯᠠᠭ᠍ᠰᠠᠨ ᠤᠯᠠᠭᠠᠨ ᠲᠤᠭᠤᠰᠭᠠᠨ ᠪᠠᠢᠱᠢᠩᠤᠨ ᠰᠡᠬᠦᠳᠡᠷᠲᠤ ᠬᠤᠳᠳᠤᠭ ᠤᠰᠤ ᠨᠢᠬᠡᠳᠡᠢ ᠬᠤᠶᠠᠷ ᠡᠪᠦᠭᠡᠨ ᠢᠰᠡᠬᠡᠢ ᠲᠡᠪᠢᠰᠦᠨ᠂ ᠢᠳᠡᠭᠡᠱᠢᠭ ᠱᠢᠷᠭᠠᠯ ᠴᠠᠢ ᠤᠭᠤᠴᠢᠯᠠᠵᠤ᠂ ᠬᠤᠯᠠ ᠤᠢᠷᠠᠶ᠋ᠢᠨ ᠰᠤᠨᠢᠨᠢ ᠬᠠᠭᠤᠴᠢᠯᠠᠨᠠ᠃
ᠠᠯᠤᠰᠲᠤ ᠴᠠᠷᠴᠠ ᠴᠠᠷᠬᠢᠬᠤᠶ᠋ᠢ ᠰᠤᠨᠤᠰᠤᠭ᠍ᠰᠠᠨ ᠪᠤᠭᠤᠷᠤᠯ ᠲᠤᠯᠤᠭᠠᠢᠲᠠᠢ ᠪᠠᠯᠳᠠᠨ ᠡᠪᠦᠬᠡᠨ᠄ 《ᠴᠠᠷᠴᠠ ᠴᠠᠷᠬᠢᠭᠠᠳ ᠨᠠᠮᠤᠷᠱᠢᠬᠤᠨᠢ ᠤᠤ ᠳ᠋ᠠ⁈》 ᠭᠡᠰᠡᠨᠳᠤ᠂ 《ᠡᠳᠦᠷ ᠬᠤᠨᠤᠭ ᠴᠦ᠍ ᠬᠤᠷᠳᠤᠨ ᠦᠩᠭᠡᠷᠡᠬᠦ᠌ ᠶᠤᠮ᠃ ᠬᠡᠵᠢᠶᠡᠨᠡᠢ ᠦᠭᠡᠢ ᠴᠠᠭᠠᠨ ᠱᠢᠬᠦᠳᠡᠷᠢ ᠪᠤᠯᠴᠢᠬᠠᠭ᠍ᠰᠠᠨ ᠬᠡᠪᠳᠡᠨᠡ！》 ᠭᠡᠳ ᠰᠠᠮᠳᠠᠨ ᠡᠪᠦᠬᠡᠨ ᠨᠠᠷᠢᠬᠠᠨ ᠱᠢᠯᠪᠢᠲᠠᠢ ᠶᠠᠨᠵᠤᠤᠷ ᠠᠰᠠᠭᠠᠪᠠ᠃
《ᠴᠠᠭᠤᠨ ᠶᠠᠭᠤᠮᠠ ᠴᠠᠭ ᠲᠠᠭᠠᠨ ᠭᠡᠵᠤ᠂ ᠤᠷᠳᠤ ᠨᠠᠯᠠᠭᠠᠷ ᠨᠠᠮᠤᠷ ᠴᠦ᠍ ᠪᠠᠰᠠ ᠠᠶᠠᠳᠠᠢᠬᠠᠨ ᠱᠢᠤ᠃ ᠪᠢᠳᠠᠨᠢ ᠵᠠᠯᠠᠭᠤᠳᠤ ᠪᠤᠷᠤᠭᠠ ᠬᠤᠷᠠ ᠡᠯᠪᠡᠭ᠂ ᠡᠪᠡᠰᠦ ᠬᠠᠳᠤᠯᠠᠩ ᠰᠠᠬᠤᠯᠢᠭ᠂ ᠮᠠᠯᠤᠨ ᠲᠠᠷᠭᠤ ᠬᠦᠴᠦ᠍ ᠰᠠᠢᠨ᠂ ᠮᠠᠯᠴᠢᠳᠤᠨ ᠰᠠᠨᠠᠭᠠ ᠰᠡᠳᠭᠢᠯ ᠦᠭᠡᠳᠡᠷᠭᠡᠭ ᠮᠦᠨᠴᠦ᠍ ᠰᠠᠢᠬᠠᠨ ᠪᠠᠢᠯᠠ᠃ ᠨᠠᠮᠤᠷᠤᠨ ᠲᠡᠷᠢᠬᠦᠨ ᠰᠠᠷᠠ ᠭᠠᠷᠤᠩᠭᠤᠳᠠ ᠯᠠ ᠤᠯᠠᠨ ᠵᠠᠯᠠᠭᠤᠰ ᠬᠠᠳᠤᠯᠠᠩ ᠭᠡᠵᠤ ᠬᠦᠭᠡᠷᠦᠯᠳᠦᠨ ᠤᠷᠤᠯᠳᠤᠭᠠᠨ ᠵᠠᠷᠯᠠᠨ ᠪᠤᠵᠢᠬᠢᠨᠠᠯᠳᠤᠭᠠᠳ ᠠᠵᠢᠯ ᠬᠦᠳᠡᠯᠮᠦᠷᠢ ᠶᠠᠪᠤᠭᠤᠷᠢᠲᠠᠢ ᠲᠡᠭᠡᠷᠡᠪᠠᠨ ᠰᠠᠨᠠᠭᠠ ᠰᠡᠳᠭᠢᠯᠢᠶᠠᠨ ᠤᠯᠤᠯᠴᠠᠭ᠍ᠰᠠᠨᠨᠢ ᠠᠢᠯ ᠡᠷᠦᠬᠡ ᠪᠤᠰᠭᠠᠭᠠᠳ ᠁》 ᠭᠡᠳᠡᠯᠡ ᠰᠠᠮᠳᠠᠨ ᠡᠪᠦᠬᠡᠨ ᠦᠬᠡᠶ᠋ᠢᠨᠢ ᠱᠢᠬᠦᠷᠡᠨ᠄ 《ᠲᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ᠃ ᠲᠠᠯᠠᠨ ᠭᠤᠷᠪᠠᠨ ᠤᠨᠤ ᠨᠠᠮᠤᠷ ᠦᠯᠦᠩᠳᠡᠢᠶ᠋ᠢᠨ ᠬᠠᠳᠤᠯᠠᠩ ᠲᠡᠭᠡᠷᠡ ᠬᠤᠷᠯᠤ᠂ ᠲᠠᠨᠤ ᠬᠤᠶᠠᠷ ᠦᠶᠡᠷᠭᠡᠨ ᠠᠢᠯ ᠡᠷᠦᠬᠡ ᠪᠤᠰᠭᠠᠵᠤ ᠪᠤᠨᠳᠤᠭᠤᠷ ᠴᠠᠭᠠᠨ ᠬᠦᠦ᠍ᠲᠠᠢ ᠪᠤᠯᠤᠭᠰᠠᠨ ᠪᠢᠰᠢᠦ》 ᠬᠡᠯᠡ᠃
《ᠬᠠᠳᠤᠯᠠᠩ ᠲᠡᠭᠡᠷᠡ ᠡᠮᠡᠭᠡᠨᠲᠠᠢᠪᠠᠨ ᠲᠠᠨᠢᠯᠴᠠᠭ᠍ᠰᠠᠨᠢᠶᠠᠨ ᠲᠤᠪᠤᠢᠯᠭᠠᠬᠤ ᠭᠡᠰᠡᠨ ᠶᠤᠮᠱᠢᠭ ᠡᠪ ᠦᠭᠡᠢ ᠶᠠᠭᠤᠮᠠ ᠪᠤᠯᠴᠢᠬᠠᠪᠠ ᠤᠤ ᠳ᠋ᠠ᠂ ᠡᠨᠡ ᠴᠢᠨᠢ！》ᠭᠡᠮᠡᠨ ᠡᠪ ᠦᠬᠡᠢᠷᠭᠡᠭ᠌ᠰᠡᠨ ᠪᠠᠯᠳᠠᠨ ᠡᠪᠦᠬᠡᠨ᠄ 《ᠵᠠᠯᠠᠭᠤ ᠴᠠᠬ ᠲᠠᠭᠠᠨ ᠪᠢᠳᠠ ᠴᠢᠨᠢ ᠱᠠᠭᠢᠵᠤ ᠶᠠᠪᠤᠭ᠍ᠰᠠᠨ ᠳ᠋ᠠ᠃ ᠴᠢᠨᠦ᠍ ᠤᠨᠠᠭᠠᠨ ᠬᠦᠷᠡᠩ ᠭᠡᠵᠤ ᠶᠤᠰᠤᠳᠠᠢ ᠡᠷᠡᠶ᠋ᠢᠨ ᠬᠡᠢᠮᠦᠷᠢ ᠬᠤᠷᠤᠢᠯᠠᠭ᠍ᠰᠠᠨ ᠠᠵᠢᠨᠠᠢ ᠪᠠᠢᠯᠠ᠃ ᠴᠤᠢᠯᠤᠭ᠍ᠰᠠᠨ ᠤᠷᠤᠭᠠᠨᠤ ᠬᠤᠢᠨᠠᠠᠴᠠ ᠬᠡᠳᠦᠬᠡᠨ ᠬᠠᠷᠠᠢᠭᠠᠳ ᠯᠡ ᠬᠦᠢᠴᠡᠵᠦ᠍ ᠤᠴᠢᠨ ᠪᠦᠭᠡᠷᠡᠨᠳᠤᠨᠢ ᠲᠡᠯᠢᠬᠦᠦ ᠱᠢᠭ ᠨᠠᠭᠠᠯᠳᠤᠨᠠ᠃ ᠤᠷᠤᠭᠠ ᠬᠠᠩᠭᠠᠯᠤᠨ ᠲᠤᠯᠤᠭᠠᠢᠳᠤ ᠴᠢᠨᠦ᠍ ᠬᠠᠶᠠᠭ᠍ᠰᠠᠨ ᠰᠤᠷᠤᠨ ᠨᠤᠭ᠍ᠳᠤ ᠴᠠᠭᠠᠷᠢᠭ ᠲᠠᠳᠠᠨ ᠤᠷᠤᠬᠤᠳᠤ ᠤᠨᠠᠭᠠᠨ ᠬᠦᠷᠡᠩ ᠬᠤᠢᠳᠤ ᠬᠦᠯ ᠲᠡᠭᠡᠷᠡᠪᠠᠨ ᠰᠠᠭᠤᠨ ᠲᠤᠰᠴᠤ᠌᠂ ᠲᠦᠷᠪᠡᠨ ᠲᠤᠭᠤᠷᠠᠢᠪᠠᠷᠢᠶᠠᠨ ᠭᠠᠵᠠᠷ ᠵᠦᠰᠦᠭᠡᠳ ᠮᠦᠨ ᠴᠦ᠍ ᠭᠠᠢᠬᠠᠯᠲᠠᠢ᠃ ᠶᠠᠮᠠᠷ ᠠᠷᠳᠠᠭ ᠲᠤᠭ᠍ᠰᠢᠨ ᠴᠦ᠍ ᠨᠤᠮᠤᠬᠠᠷᠠᠵᠤ ᠯᠡ ᠲᠠᠭᠠᠷᠠᠨᠠ᠃ ᠬᠠᠷᠠᠭ᠍ᠰᠠᠨ ᠪᠤᠯᠭᠠᠨ 〈ᠡᠷᠡ ᠴᠦ᠍ ᠡᠷᠡ᠂ ᠮᠤᠷᠢ ᠴᠦ᠍ ᠮᠤᠷᠢ！〉 ᠬᠡᠮᠡᠨ ᠲᠠᠭᠤ ᠠᠯᠳᠠᠵᠤ ᠪᠢᠱᠢᠷᠡᠨ ᠱᠠᠭ᠍ᠰᠢᠷᠠᠳᠠᠭ ᠰᠠᠨ！》 ᠭᠡᠳ ᠪᠠᠯᠳᠠᠨ ᠡᠪᠦᠬᠡᠨᠤ ᠰᠡᠳᠭᠢᠯᠨᠢ ᠭᠦᠭᠡᠷᠦᠨ ᠲᠠᠭᠤᠨᠢ ᠴᠢᠩᠭᠠᠷᠠᠪᠠ᠃
《ᠠᠢ ᠳ᠋ᠠ᠂ ᠦᠳᠡᠯᠦᠭᠡ ᠨᠠᠰᠤ ᠬᠠᠶᠠᠭᠠᠨᠳᠤ ᠵᠠᠯᠠᠷᠠᠵᠤ᠂ ᠵᠠᠯᠠᠭᠤ ᠨᠠᠰᠤ ᠨᠠᠮᠤᠷᠤᠨ ᠬᠢᠷᠠᠭᠤ ᠱᠢᠭ᠋ ᠵᠠᠮᠬᠠᠷᠠᠵᠤ ᠤᠳᠤᠯᠠ᠃ ᠵᠠᠯᠠᠭᠤ ᠴᠠᠭᠲᠤ ᠰᠠᠨ ᠪᠤᠯ ᠶᠠᠭᠠᠬᠢᠯᠠ ᠭᠡᠵᠤ ᠭᠡᠷᠤᠨ ᠰᠡᠬᠦᠳᠡᠷ ᠪᠠᠷᠠᠳᠠᠨ ᠲᠡᠪᠤᠷᠡᠲᠠᠢ ᠴᠠᠢ ᠬᠦᠵᠡᠭᠡᠯᠡᠵᠦ᠍ ᠰᠠᠭᠤᠬᠤ ᠪᠤᠢ ᠳ᠋ᠠ᠂ ᠰᠠᠷᠠᠶ᠋ᠢᠨ ᠰᠠᠷᠠᠭᠤᠯᠳᠤ ᠬᠠᠩᠭᠠᠯ ᠠᠭ᠍ᠳᠠᠶ᠋ᠢᠨ ᠨᠢᠷᠤᠭᠤᠨ ᠲᠡᠭᠡᠷᠡ ᠬᠠᠩᠬᠢᠨᠠᠳᠠᠯᠠ ᠲᠠᠭᠤᠯᠠᠨ᠂ ᠵᠢᠩᠬᠢᠨᠡᠳᠡᠯᠡ ᠢᠰᠭᠡᠷᠦᠭᠡᠳ ᠭᠠᠯᠭᠢᠭᠤᠯᠵᠤ ᠶᠠᠪᠤᠬᠤ ᠦᠭᠡᠢ ᠤᠤ》 ᠭᠡᠳ ᠰᠠᠮᠳᠠᠨ ᠡᠪᠦᠬᠡᠨ ᠬᠦᠩᠭᠡᠨ ᠰᠡᠬᠦᠷᠡᠰᠦᠯᠡᠪᠡ᠃
ᠲᠡᠭᠡᠳᠡᠯᠡ ᠪᠠᠯᠳᠠᠨ ᠡᠪᠤᠬᠡᠨᠤ ᠬᠦᠦ᠂ ᠪᠡᠷᠢ ᠬᠤᠶᠠᠷ ᠨᠠᠢᠷ ᠨᠠᠭᠠᠳᠤᠮᠳᠤ ᠶᠠᠪᠤᠬᠤ ᠭᠡᠵᠤ ᠪᠠᠢᠬᠤ ᠱᠢᠭ᠋ ᠵᠠᠰᠠᠵᠤ ᠭᠤᠶᠤᠯᠠᠭᠠᠳ ᠭᠠᠷᠴᠤ᠌ ᠢᠷᠡᠯᠡ᠃
《ᠨᠠᠷᠠ ᠱᠢᠩᠭᠡᠬᠦ᠌ ᠭᠡᠵᠤ ᠪᠠᠢᠬᠤᠳᠤ᠂ ᠬᠠᠮᠢᠭᠠ ᠶᠠᠪᠤᠬᠤ ᠭᠡᠵᠤ ᠪᠠᠢᠬᠤ ᠶᠤᠮ？ᠨᠠᠢᠷ ᠴᠦᠭᠡᠷᠡᠭᠰᠡᠨ ᠨᠠᠮᠤᠷ ᠪᠤᠯᠤᠭᠰᠠᠨ ᠪᠠᠢᠳᠠᠯᠠ》ᠭᠡᠰᠡᠨᠳᠤ᠂ ᠬᠦᠦ᠍ᠨᠢ᠄ 《ᠪᠦᠷᠢᠨ ᠠᠬᠠᠶ᠋ᠢᠨ ᠬᠦᠦ᠍ᠶ᠋ᠢᠨ ᠭᠤᠷᠪᠠᠨ ᠨᠠᠰᠤᠨᠤ ᠦᠷᠪᠤᠬᠡᠨ ᠨᠠᠢᠷ ᠲᠡᠭᠡᠷᠡ 〈ᠮᠤᠷᠢᠲᠠᠢ ᠠᠶᠠᠯᠠᠯ〉 ᠠᠳᠤᠭᠤᠨ ᠰᠤᠶᠤᠯᠤᠨ ᠠᠵᠢᠯᠯᠠᠭᠠ ᠦᠷᠨᠢᠬᠦᠯᠬᠦ ᠶᠤᠮ ᠭᠡᠨᠡ᠃ ᠡᠷᠡᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮᠠᠴᠠ ᠭᠠᠳᠠᠨᠠ ᠵᠢᠷᠤᠭᠠ ᠮᠤᠷᠢᠨᠤ ᠤᠷᠤᠯᠳᠤᠭᠠᠨ᠂ ᠮᠤᠷᠢᠨᠤ ᠠᠯᠬᠤᠭᠠ ᠤᠷᠤᠯᠳᠤᠭᠠᠨ᠂ ᠡᠮᠨᠢᠭ ᠰᠤᠷᠭᠠᠬᠤ᠂ ᠬᠤᠤᠰ ᠬᠤᠶᠠᠷᠤᠨ ᠭᠤᠶᠤᠯᠠᠯ ᠵᠡᠬᠦᠰᠭᠡᠯᠢ ᠠᠳᠠᠯᠢᠳᠭᠠᠬᠤ ᠁ ᠭᠡᠳ ᠪᠢᠱᠢᠬᠦᠢ ᠠᠷᠪᠢᠨ ᠬᠦᠳᠡᠯᠬᠡᠬᠡᠨᠲᠠᠢ᠃ ᠮᠠᠷᠭᠠᠰᠢ ᠨᠤᠮᠤᠬᠠᠨᠢᠶᠠᠷᠨᠢ ᠬᠠᠯᠢᠭᠤᠨ ᠠᠯᠠᠭ᠂ ᠪᠦᠳᠡᠩ ᠬᠤᠶᠠᠷᠢᠶᠠᠨ ᠪᠠᠷᠢᠶᠠ᠃ ᠠᠢᠯᠤᠨ ᠠᠪᠤᠭᠠᠢ᠂ ᠲᠠ ᠬᠤᠶᠠᠷ ᠠᠯᠬᠤᠭᠠ ᠤᠷᠤᠯᠳᠤᠭᠠᠨᠳᠤ ᠠᠢᠷᠠᠭ᠍ᠳᠠᠵᠤ ᠮᠡᠳᠡᠨᠡ ᠱᠢᠤ》ᠭᠡᠳ ᠢᠵᠢᠯᠢᠭᠡᠨ ᠬᠤᠩᠭᠤᠷ ᠮᠤᠷᠢᠪᠠᠷ ᠭᠤᠶᠤᠯᠠᠭ᠍ᠰᠠᠨ ᠬᠤᠶᠠᠷ ᠵᠠᠯᠠᠭᠤ ᠱᠢᠩᠭᠡᠬᠦ᠌ ᠨᠠᠷᠠᠨᠤ ᠱᠢᠷᠭᠠᠯ ᠲᠤᠶᠠᠭᠠᠨᠳᠤ ᠤᠮᠪᠠᠩᠬᠠᠨ ᠤᠳᠪᠠ᠃
ᠬᠤᠤᠰ ᠬᠤᠶᠠᠷᠤᠨ ᠰᠤᠷᠳᠤᠭᠤᠯᠢᠭ ᠲᠦᠷᠢᠶ᠋ᠢ ᠪᠠᠭ᠍ᠠᠷᠬᠠᠨ ᠬᠠᠷᠠᠭ᠍ᠰᠠᠨ ᠰᠠᠮᠳᠠᠨ ᠡᠪᠦᠭᠡᠨᠤ ᠰᠡᠳᠭᠢᠯᠨᠢ ᠬᠦᠭ᠌ᠰᠡᠵᠦ᠍᠄ 《〈ᠲᠤᠭᠤᠷᠠᠢᠶ᠋ᠢᠨ ᠴᠢᠮᠡᠭᠡᠪᠠᠷ ᠭᠤᠯᠢᠶᠠ ᠫᠦᠷᠴᠢᠬᠢᠨᠡᠨ ᠨᠢᠰᠴᠦ᠍᠂ ᠵᠢᠷᠵᠢᠬᠢᠨᠡᠨ ᠲᠤᠤᠭᠠᠷᠬᠤᠪᠠᠷ ᠤᠨᠤᠭ᠍ᠰᠠᠨ ᠮᠤᠷᠢᠨᠤ ᠴᠢᠬᠢᠨᠢ ᠰᠤᠷᠳᠤᠯᠵᠠᠨ ᠬᠦᠯᠨᠢ ᠬᠦᠩᠬᠡᠷᠡᠭᠡᠳ ᠱᠤᠮᠳᠠᠢ ᠱᠢᠤ᠃ ᠨᠡᠩ ᠴᠦ᠍ ᠰᠠᠷᠠᠶ᠋ᠢᠨ ᠰᠠᠷᠠᠭᠤᠯᠳᠤ ᠬᠦᠩᠬᠡᠨ ᠠᠶᠠᠲᠠᠢ ᠴᠤᠭ᠍ᠯᠢᠭ ᠲᠠᠭᠤᠤᠶ᠋ᠢ ᠭᠤᠯᠢᠶᠠᠨᠤ ᠲᠠᠭᠤᠨᠲᠠᠢ ᠬᠤᠤᠰᠯᠠᠭᠤᠯᠤᠨ ᠢᠰᠭᠡᠷᠬᠦ᠌ ᠶᠤᠮ ᠪᠤᠯ ᠮᠤᠷᠢᠨᠳᠤ ᠶᠠᠪᠤᠳᠠᠯ ᠤᠷᠤᠭᠤᠯᠵᠤ ᠶᠠᠳᠠᠬᠤᠪᠠᠷ ᠶᠠᠭᠤ ᠪᠠᠢᠬᠤ ᠪᠤᠢ！ ᠬᠦᠦ᠂ ᠪᠡᠷᠢ ᠬᠤᠶᠠᠷ ᠴᠢᠨᠢ 〈ᠬᠤᠤᠰ ᠬᠤᠶᠠᠷᠤᠨ ᠠᠳᠠᠯᠢᠳᠭᠠᠯ〉 ᠳ᠋ᠦ᠍ ᠡᠩᠬᠡᠷᠢᠶᠠᠨ ᠮᠢᠯᠢᠶᠠᠯᠭᠠᠨᠠ ᠳ᠋ᠠ》 ᠭᠡᠯᠡ᠃
《ᠢᠷᠦᠬᠡᠯ ᠤᠷᠤᠱᠢᠬᠤ ᠪᠤᠯᠳᠤᠭᠠᠢ！》ᠭᠡᠵᠤ ᠪᠠᠯᠳᠠᠨ ᠡᠪᠦᠬᠡᠨ ᠬᠦᠭ᠌ᠰᠢᠨ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠵᠡᠷᠭᠡ ᠱᠢᠬᠠᠮ ᠲᠤᠤᠭᠠᠷᠪᠠ᠃ ᠢᠷᠦᠭᠡᠯ ᠵᠦᠩᠨᠡᠯ᠂ ᠪᠡᠯᠬᠡ ᠲᠡᠮᠪᠡᠷᠢᠯ ᠭᠡᠵᠤ ᠡᠢᠮᠦ᠍ ᠯᠡ ᠷᠢᠳᠢ ᠱᠢᠳᠢᠲᠠᠢ ᠪᠠᠢᠳᠠᠭ ᠰᠠᠨᠵᠠᠢ᠃
ᠲᠡᠷᠭᠡᠯ ᠰᠡᠷᠡ ᠲᠤᠨᠤᠷᠠᠭ᠍ᠰᠠᠨ ᠲᠡᠷᠡ ᠨᠢᠬᠡᠨ ᠰᠠᠷᠠᠭᠤᠯᠬᠠᠨ ᠦᠳᠡᠰᠢ ᠬᠠᠨᠢᠪᠠᠨ ᠲᠠᠭᠠᠭᠤᠯᠤᠨ᠄
《ᠠ ᠁
ᠤᠰᠤᠨ ᠵᠢᠷᠤᠭᠠ ᠮᠤᠷᠢᠨᠳᠠᠭᠠᠨ ᠮᠤᠷᠳᠠᠭᠠᠳ ᠭᠠᠷᠪᠠᠯ ᠬᠦᠶᠢ
ᠤᠷᠤᠯᠳᠤᠨ ᠲᠠᠪᠬᠢᠭᠤᠯᠤᠭᠠᠳ ᠵᠤᠭ᠍ᠰᠤᠨᠠ ᠭᠡᠮᠡᠨ ᠪᠠᠢᠨᠠ ᠤᠤ ᠳ᠋ᠠ
ᠤᠳᠠᠰᠤᠳᠤ ᠰᠠᠢᠬᠠᠨ ᠬᠤᠪᠢᠰ ᠬᠦᠭ᠌ᠵᠢᠮᠢᠶᠠᠨ ᠴᠢᠪᠬᠠᠳᠠᠩᠬᠠᠨ ᠰᠠᠭᠤᠪᠠᠯ ᠬᠦᠶᠢ
ᠤᠶᠠᠩᠭᠠᠯᠠᠨ ᠲᠠᠭᠤᠯᠠᠭᠠᠳ ᠵᠤᠭ᠍ᠰᠤᠨᠠ ᠭᠡᠮᠡᠨ ᠪᠠᠢᠨᠠ ᠤᠤ ᠳ᠋ᠠ
ᠬᠦᠭ᠌ᠵᠢᠯᠳᠦ ᠰᠠᠢᠠᠬ᠍ᠨ ᠬᠦᠳᠡᠭᠡ ᠨᠤᠳᠤᠭᠢᠶᠠᠨ ᠪᠠᠭ᠍ᠠᠷᠬᠠᠬᠤ ᠲᠤᠳᠤᠮᠢᠶᠠᠨ
ᠡᠨᠡᠷᠢᠯᠳᠦ ᠨᠠᠮᠤᠨᠢᠶᠠᠨ ᠠᠴᠢᠶ᠋ᠢ ᠮᠠᠭ᠍ᠳᠠᠨ ᠲᠠᠭᠤᠯᠠᠭᠠᠳ ᠪᠠᠷᠠᠨᠠ ᠤᠤ ᠳ᠋ᠠ ᠬᠦᠶᠢ᠁ 》ᠬᠡᠮᠡᠨ ᠤᠶᠠᠩᠭᠠᠯᠠᠭᠤᠯᠤᠨ ᠲᠠᠭᠤᠯᠠᠵᠤ᠂ ᠪᠠᠷᠢᠭᠠᠳᠠᠶ᠋ᠢᠨ ᠬᠠᠳᠤᠯᠠᠩ ᠤᠷᠤᠭᠤ ᠵᠤᠤᠵᠠᠢ ᠬᠤᠯᠪᠤᠨ ᠶᠦᠷᠭᠡᠬᠦᠯᠵᠦ᠍ ᠶᠠᠪᠤᠭ᠍ᠰᠠᠨᠢᠶᠠᠨ ᠲᠤᠷᠠᠰᠤᠨ ᠰᠠᠨᠠᠭᠠᠯᠵᠠᠵᠤ᠂ ᠦᠳᠭᠡᠨ ᠱᠢᠷᠭᠠᠯ ᠰᠦᠶ᠋ᠢ ᠬᠦᠬᠡᠰᠦᠷᠡᠬᠦᠯᠦᠨ ᠬᠦᠬᠡᠰᠦᠷᠡᠬᠦᠯᠦᠨ ᠰᠠᠮᠤᠷᠬᠤ ᠡᠮᠡᠭᠡᠨᠢᠶᠠᠨ ᠬᠠᠢᠷᠠᠶ᠋ᠢᠨ ᠨᠢᠳᠦ᠍ᠪᠠᠷ ᠡᠩᠬᠦᠷᠡᠢᠯᠡᠨ ᠬᠠᠷᠠᠭᠠᠳ᠄ 《ᠨᠠᠰᠤ ᠨᠠᠮᠪᠠᠭᠠᠳᠠᠭᠠᠨ ᠵᠤᠬᠢᠴᠠᠨ ᠤᠯᠠᠮ ᠴᠦ᠍ ᠠᠶᠠᠳᠠᠢᠬᠠᠨ ᠪᠤᠯᠴᠢᠬᠠᠵᠤ ᠤᠤ ᠳ᠋ᠠ》 ᠭᠡᠮᠡᠨ ᠬᠦᠶᠦᠯᠬᠡᠨ ᠪᠤᠳᠤᠭ᠍ᠰᠠᠨᠢᠶᠠᠨ᠂ ᠰᠠᠮᠳᠠᠨ ᠤᠷᠤᠭᠤ ᠬᠠᠷᠠᠵᠤ᠄ 《ᠦᠭᠡᠢ᠂ ᠪᠢᠳᠠ ᠬᠤᠶᠠᠷ ᠴᠢᠨᠢ ᠦᠳᠡᠯᠦᠭ᠌ᠰᠡᠨ ᠪᠤᠯᠬᠤᠠᠴᠠ ᠦᠬᠦᠭ᠌ᠰᠡᠨ ᠪᠢᠰᠢ᠂ ᠬᠡᠦᠬᠡᠳᠤᠨ ᠤᠷᠮᠠ ᠪᠠᠢᠨᠠ᠃ ᠬᠠᠯᠢᠭᠤᠨ ᠠᠯᠠᠭ᠂ ᠪᠦᠳᠡᠩ ᠬᠤᠶᠠᠷᠢᠶᠠᠷ ᠭᠠᠯᠭᠢᠭᠤᠯᠵᠤ ᠦᠵᠡᠬᠦ᠌ ᠤᠤ⁈ ᠲᠡᠷᠡ ᠬᠤᠶᠠᠷᠤᠨ ᠠᠯᠢ ᠠᠯᠢᠨᠢ ᠬᠦᠶᠦᠮᠠ ᠬᠠᠷᠠ ᠠᠯᠬᠤᠭᠠ ᠮᠤᠯᠳᠤᠯᠬᠤ ᠦᠭᠡᠢ ᠱᠢᠤ》 ᠬᠡᠯᠡ᠃
《ᠵᠠ᠂ ᠲᠡᠭᠡᠶᠡ᠂ ᠪᠤᠯᠤᠯᠬᠦᠢ ᠶᠠᠭᠠᠬᠢᠬᠤ ᠪᠤᠢ！ ᠬᠠᠷᠢᠵᠤ ᠰᠡᠬᠦᠵᠢᠪᠠᠨ ᠠᠮᠠᠷᠠᠭᠠᠭᠠᠳ ᠡᠷᠳᠡᠭᠡᠨ ᠪᠤᠰᠴᠤ᠌᠂ ᠡᠮᠡᠭᠡᠯ ᠬᠠᠵᠠᠭᠠᠷ᠂ ᠤᠯᠤᠩ ᠵᠢᠷᠢᠮᠢᠶᠠᠨ ᠶᠠᠩᠵᠤᠯᠠᠶᠠ！ ᠶᠡᠷᠦ᠍ᠨᠢ ᠦᠬᠡ ᠤᠯᠠᠳᠠᠵᠤ᠂ ᠦᠬᠡᠷ ᠬᠤᠯᠠᠳᠠᠬᠤᠨᠢ ᠁》 ᠭᠡᠳ ᠪᠤᠰᠪᠠ᠃
ᠠᠪᠤ ᠡᠵᠢᠶ᠋ᠢᠨᠢᠶᠠᠨ ᠴᠢᠮᠡᠭᠡᠶ᠋ᠢ ᠠᠨᠢᠷᠯᠠᠨ ᠵᠤᠭ᠍ᠰᠤᠵᠤ ᠪᠠᠢᠭ᠍ᠰᠠᠨ ᠤᠮᠪᠤᠯᠤᠨᠢ᠄ 《ᠡᠪᠦᠭᠡ ᠡ！ᠠᠯᠤᠰᠲᠤ ᠴᠠᠷᠴᠠ ᠴᠠᠷᠬᠢᠵᠤ ᠪᠠᠢᠨᠠ》 ᠭᠡᠰᠡᠨᠳᠤ᠂ 《〈ᠨᠠᠮᠤᠷ ᠪᠤᠯᠵᠤ ᠰᠡᠷᠢᠬᠦᠨ ᠤᠷᠤᠬᠤᠨᠢ᠂ ᠰᠤᠭᠤ ᠴᠠᠪᠢᠪᠠᠨ ᠬᠠᠮᠬᠢ！〉ᠬᠡᠮᠡᠨ ᠤᠭ᠍ᠰᠠᠭᠠ ᠲᠦᠷᠦᠯᠤᠨᠬᠢᠨᠳᠡᠭᠡᠨ ᠵᠠᠷᠯᠠᠵᠤ ᠪᠠᠢᠭᠠᠨᠢ ᠲᠡᠷᠡ ᠡ》 ᠭᠡᠳ ᠲᠤᠬᠤᠶ᠋ᠢᠨᠢ ᠦᠨᠦᠰᠦᠨ ᠦᠬᠦᠭᠡᠷᠳᠡᠭᠰᠡᠨ ᠵᠢᠡᠨ᠄ 《ᠵᠠ᠂ ᠡᠪᠦᠭᠡᠶ᠋ᠢᠨᠢᠶᠠᠨ ᠡᠪᠦᠷᠲᠤ ᠲᠤᠬᠵᠢᠷᠠᠵᠤ ᠤᠷᠬᠢ》ᠬᠡᠯᠡ᠃
ᠰᠠᠷᠠᠨᠤ ᠬᠡᠷᠡᠯᠳᠤ ᠰᠦᠯᠡᠭ᠌ᠳᠡᠭ᠌ᠰᠡᠨ ᠰᠦᠮᠡᠭᠡᠷ ᠴᠡᠭᠡᠨ ᠤᠳᠤᠳ ᠰᠦᠮᠡᠯᠵᠡᠩᠬᠡᠨ ᠰᠦᠮᠡᠯᠵᠡᠭ᠌ᠰᠡᠭᠡᠷ ᠬᠡᠦᠬᠡᠳ ᠬᠦᠭ᠌ᠰᠢᠳᠢ ᠨᠤᠢᠷᠤᠨ ᠶᠢᠷᠳᠢᠨᠴᠤᠳᠤ ᠰᠠᠭᠠᠳᠠᠭᠤᠯᠤᠩᠬᠠᠨ ᠤᠳᠤᠯᠠ᠃
《ᠲᠦᠷᠦᠭᠡᠨ ᠲᠡᠭᠡᠷᠡᠪᠠᠨ ᠦᠨᠳᠡᠢᠭᠡᠳ
ᠵᠤᠤᠵᠠᠢ ᠬᠤᠯᠪᠤᠨ ᠶᠦᠷᠭᠡᠬᠦᠯᠦᠭᠡᠳ
ᠲᠡᠩᠳᠡᠬᠦᠦ ᠱᠠᠪᠠᠢ ᠴᠢᠮᠠᠪᠠᠷᠢᠶᠠᠨ
ᠭᠠᠢᠬᠠᠭᠤᠯᠵᠤ ᠯᠠ ᠶᠠᠪᠤᠯᠠ ᠁》 ᠬᠡᠬᠦ᠌ ᠴᠤᠭ᠍ᠯᠢᠭ ᠠᠶᠠᠲᠠᠢ ᠰᠠᠢᠬᠠᠨ ᠲᠠᠭᠤᠤᠶ᠋ᠢ ᠮᠤᠷᠢᠨᠤ ᠶᠠᠪᠤᠳᠠᠯᠳᠤ ᠵᠤᠬᠢᠴᠠᠭᠤᠯᠤᠨ ᠢᠰᠭᠡᠷᠴᠦ᠍ ᠰᠠᠢᠪᠤᠷᠯᠠᠭᠤᠯᠤᠩᠬᠠᠨ ᠠᠯᠬᠤᠯᠠᠭᠤᠯᠤᠭ᠍ᠰᠠᠭᠠᠷ ᠬᠤᠤᠰ ᠬᠤᠶᠠᠷ ᠭᠠᠳᠠᠨᠠᠪᠠᠨ ᠪᠠᠭᠤᠪᠠ᠃
ᠪᠠᠢᠭᠠᠯᠢ ᠲᠡᠯᠡᠬᠡᠢᠲᠠᠢᠪᠠᠨ ᠠᠮᠢᠨ ᠬᠤᠯᠪᠤᠭᠠ ᠲᠠᠢ ᠨᠠᠯᠠᠭᠠᠷ ᠭᠤᠪᠢᠶ᠋ᠢᠨ ᠨᠠᠮᠤᠷᠵᠢᠶᠠᠨ ᠤ ᠬᠤᠳᠠ ᠠᠢᠯᠤᠨᠬᠢᠨ ᠡᠢᠨᠬᠦ᠌ ᠡᠬᠡ ᠤᠷᠤᠨ ᠤ ᠪᠠᠨ ᠲᠤᠷᠭᠠᠨ ᠬᠦᠷᠦᠰᠦᠨ ᠲᠡᠭᠡᠷᠡ ᠰᠠᠨᠠᠭᠠ ᠰᠡᠳᠭᠢᠯ ᠰᠠᠷᠠᠭᠤᠯ᠂ ᠰᠠᠨᠠᠭ᠍ᠰᠠᠨ ᠦᠢᠯᠡᠰ ᠦᠬᠡᠳᠡᠷᠭᠡᠭ᠂ ᠠᠵᠠ ᠬᠡᠢᠮᠦᠷᠢᠲᠠᠢ ᠠᠮᠢᠳᠤᠷᠠᠨ ᠵᠢᠷᠭᠠᠬᠤᠨᠢ ᠶᠠᠭᠤᠳᠠᠢ ᠵᠢᠷᠭᠠᠯᠳᠠᠢ᠂ ᠶᠠᠭᠤᠳᠠᠢ ᠪᠠᠭ᠍ᠠᠷᠬᠠᠯᠳᠠᠢ ᠠᠵᠢ！