ᠠᠩᠬᠠᠨᠤ ᠴᠠᠰᠤ ᠵᠢᠯ ᠪᠤᠯᠭᠠᠨ ᠴᠤ᠋ ᠱᠢᠨᠡ ᠬᠦᠭ ᠠᠶᠠᠰ᠂ ᠮᠦᠩᠭᠡᠶ᠋ᠢᠨ ᠴᠠᠭᠠᠨ ᠦᠩᠭᠡᠪᠠᠷᠢᠶᠠᠨ ᠪᠡᠶᠡ ᠰᠡᠳᠭᠢᠯᠢ ᠮᠢᠨᠢ ᠰᠡᠷᠡᠭᠡᠨ ᠳᠤᠯᠠᠢᠯᠭᠠᠳᠠᠭ ᠶᠤᠮ ᠰᠠᠨ᠃
ᠪᠢ 2014 ᠤᠨᠤ 2 ᠰᠠᠷᠠᠶ᠋ᠢᠨ 8ᠤ᠋ ᠡᠳᠦᠷᠤᠨ ᠠᠩᠬᠠᠨᠤ ᠴᠠᠰᠤᠨᠳᠤ ᠵᠤᠷᠢᠭᠤᠯᠵᠦ᠍᠂ 《ᠢᠷᠡᠭᠡᠳᠦᠢᠶ᠋ᠢ ᠮᠢᠨᠢ ᠴᠠᠢᠳᠠᠯᠠ ᠤᠷᠤᠭ᠍ᠰᠠᠨ ᠶᠤᠮ ᠰᠠᠨ》᠂ 《ᠰᠠᠨᠴᠢᠭᠢ ᠮᠢᠨᠢ ᠬᠠᠷᠠᠯᠠᠳᠠᠯᠠ ᠤᠷᠤᠭ᠍ᠰᠠᠨ ᠶᠤᠮ ᠰᠠᠨ》 ᠭᠡᠵᠦ᠍ ᠲᠡᠰᠭᠡᠯ ᠦᠭᠡᠢ ᠲᠤᠭ᠍ᠳᠤᠯᠤᠨ ᠪᠢᠴᠢᠭ᠌ᠰᠡᠨ ᠤᠳᠠᠭᠠᠲᠠᠢ᠃ ᠲᠠᠪᠢᠶ᠋ᠢᠨ ᠲᠠᠪᠠᠭᠠᠶ᠋ᠢ ᠲᠠᠪᠠᠴᠢᠬᠠᠭᠠᠳ ᠴᠦ᠍ ᠭᠡᠰᠡᠨ ᠲᠡᠭᠡᠵᠦ᠍ ᠶᠡᠭᠡ ᠲᠤᠭ᠍ᠳᠤᠯᠤᠨᠠ ᠭᠡᠵᠦ᠍᠂ ᠠᠩᠬᠠᠨᠤ ᠴᠠᠰᠤᠨᠤ ᠷᠢᠳᠢ ᠱᠢᠳᠢ ᠪᠠᠷ ᠯᠡ ᠪᠠᠢᠬᠠ ᠡ ᠭᠡᠵᠦ᠍ ᠪᠤᠳᠤᠳᠠᠭ᠃
ᠶᠠᠭ ᠦᠨᠡᠨᠢ ᠬᠡᠯᠡᠪᠡᠯ᠂ ᠤᠳᠠᠭᠠ ᠪᠤᠯᠭᠠᠨᠤ ᠴᠠᠰᠤᠶ᠋ᠢ ᠪᠦᠷ ᠠᠩᠬᠠᠨᠤ ᠬᠡᠬᠦ᠌ᠳᠤ ᠠᠬ᠍ᠠᠳᠠᠬᠤᠪᠠᠷ ᠦᠭᠡᠢ ᠪᠢᠯᠡ᠃ ᠠᠩᠬᠠᠨᠤ ᠪᠢᠰᠢ ᠶᠤᠮ ᠪᠤᠯ᠂ ᠴᠠᠭ᠍ᠯᠠᠰᠢ ᠦᠭᠡᠢ ᠠᠷᠢᠭᠤᠨ ᠴᠠᠭᠠᠨᠢᠨᠢ ᠪᠢᠳᠡ ᠬᠡᠷᠬᠢᠨ ᠲᠠᠢᠯᠪᠤᠷᠢᠯᠠᠬᠤ ᠪᠢᠯᠡ ᠡ᠃ ᠦᠭᠡᠷᠡᠪᠠᠷ ᠬᠡᠯᠡᠪᠡᠯ᠂ ᠤᠳᠠᠭᠠ ᠪᠤᠯᠭᠠᠨ ᠴᠦᠮ ᠠᠩᠬᠠᠨᠤ ᠪᠤᠯᠬᠤᠷᠢᠶᠠᠨ ᠴᠠᠰᠤ ᠬᠡᠵᠢᠶᠡᠳᠡ ᠠᠷᠢᠭᠤᠨ ᠴᠠᠭᠠᠨ ᠪᠠᠢᠳᠠᠭ ᠰᠠᠨ᠃
ᠪᠠᠢᠭᠠᠯᠢ ᠲᠡᠯᠡᠭᠡᠢᠶ᠋ᠢᠨ ᠬᠠᠯᠳᠠᠷ ᠪᠤᠯᠳᠠᠷᠢᠨᠢ ᠨᠠᠮᠤᠭᠤᠬᠠᠨ ᠲᠠᠷᠤᠵᠦ᠍ ᠡᠩᠳᠤᠨᠢ ᠴᠠᠢᠯᠭᠠᠬᠤ ᠪᠦᠭᠡᠳ 《ᠠᠩ ᠴᠠᠪᠠ》 ᠶ᠋ᠢᠨᠢ ᠬᠦᠷᠳᠡᠯᠡ ᠠᠶᠠᠳᠠᠢᠬᠠᠨ ᠠᠨᠠᠭᠠᠨ ᠭᠠᠩᠨᠠᠳᠠᠭ ᠪᠤᠯᠬᠤᠷᠢᠶᠠᠨ ᠴᠠᠰᠤ ᠰᠠᠢᠬᠠᠨ᠃ ᠬᠠᠯᠳᠠᠷ ᠪᠤᠯᠳᠠᠷ᠂ 《ᠠᠩ ᠴᠠᠪᠠ》ᠶ᠋ᠢᠨᠢ ᠵᠦᠭᠡᠷ ᠯᠡ ᠨᠢᠭᠡ ᠳᠦᠷ ᠵᠠᠭᠤᠷᠠ ᠬᠤᠴᠢᠵᠦ᠍ ᠬᠠᠯᠬᠠᠯᠠᠭᠠᠳ ᠳᠦᠩᠭᠡᠵᠦ᠍ ᠠᠷᠭᠠᠴᠠᠭᠠᠵᠦ᠍ ᠪᠠᠢᠭᠠ ᠪᠢᠰᠢ᠂ ᠬᠠᠷᠢᠨ ᠠᠮᠢᠯᠠᠯᠤᠨ ᠱᠢᠮᠡᠶ᠋ᠢ ᠳᠡᠬᠦᠯᠳᠡᠷ ᠠᠭᠤᠯᠤᠭ᠍ᠰᠠᠨ ᠠᠷᠢᠭᠤᠨ ᠴᠠᠭᠠᠨᠢᠶᠠᠷᠢᠶᠠᠨ ᠠᠷᠢᠭᠤᠰᠭᠠᠨ ᠪᠠᠯᠠᠯᠵᠦ᠍᠂ ᠱᠢᠨᠡᠭᠡᠨ ᠬᠠᠭᠤᠳᠠᠰᠤᠶ᠋ᠢᠨᠢ ᠲᠡᠯᠭᠡᠨ ᠨᠡᠭᠡᠭᠡᠭᠡᠳ ᠴᠠᠭᠠᠨ ᠮᠦᠷᠲᠠᠢ ᠪᠤᠯᠭᠠᠳᠠᠭ ᠲᠤᠯᠠᠳᠠᠪᠠᠨ ᠰᠠᠢᠬᠠᠨ ᠪᠠᠢᠳᠠᠭ᠃
ᠬᠦᠭ ᠱᠤᠤᠬᠢᠶᠠᠨᠢ ᠱᠢᠩᠭᠡᠭᠡᠨ ᠨᠠᠮᠳᠠᠭᠤᠯᠵᠦ᠍᠂ ᠶᠢᠷᠲᠢᠨᠴᠦ᠍ᠶ᠋ᠢᠨ ᠤᠴᠢᠷᠢ ᠳᠦᠷ ᠵᠠᠭᠤᠷᠠ ᠴᠦ᠍ ᠭᠡᠰᠡᠨ ᠰᠡᠷᠭᠡᠭ ᠪᠦᠭᠡᠳ ᠬᠦᠨ ᠮᠡᠳᠡᠷᠡᠬᠦ᠌ ᠪᠤᠯᠤᠮᠵᠢ ᠤᠯᠭᠤᠨ ᠠᠶᠠᠷᠬᠠᠨ ᠤᠷᠤᠳᠠᠭ ᠪᠤᠯᠬᠤᠷᠢᠶᠠᠨ ᠴᠠᠰᠤ ᠰᠠᠢᠬᠠᠨ᠃ ᠲᠡᠷᠡ ᠮᠦᠴᠡᠳᠤ᠂ ᠬᠠᠶᠠ ᠲᠤᠭᠤᠯᠳᠠᠬᠤ ᠮᠤᠷᠢᠨᠤ ᠢᠨᠴᠠᠭᠠᠯᠳᠠ᠂ ᠨᠤᠬᠠᠢᠶ᠋ᠢᠨ ᠬᠤᠴᠠᠯᠳᠠ᠂ ᠱᠢᠪᠠᠭᠤᠨᠤ ᠵᠢᠷᠭᠢᠯᠳᠡ ᠲᠡᠷᠢᠬᠦᠳᠡᠨ ᠳᠠᠭᠤ ᠠᠨᠢᠷᠤᠳ ᠶᠡᠭᠡ ᠯᠡ ᠠᠶᠠᠳᠠᠢᠬᠠᠨ ᠬᠤᠯᠠ ᠰᠤᠨᠤᠰᠳᠠᠬᠤ ᠪᠦᠭᠡᠳ ᠬᠠᠮᠢᠭᠠ ᠨᠢᠭᠡ ᠤᠳᠤᠭᠠᠳ᠂ ᠬᠡᠨ ᠨᠢᠭᠡᠨᠲᠠᠢᠪᠠᠨ ᠠᠭᠤᠯᠵᠠᠵᠦ᠍ ᠤᠴᠠᠷᠠᠮᠠᠷ ᠴᠦ᠍ ᠶᠤᠮ ᠱᠢᠭ᠋ ᠪᠤᠳᠤᠭ᠍ᠳᠠᠭᠤᠯᠤᠨᠠ᠃ ᠴᠠᠰᠤᠶ᠋ᠢ ᠭᠡᠰᠴᠦ᠍ ᠬᠠᠢᠯᠬᠤᠪᠠᠷᠨᠢ ᠠᠯᠳᠠᠨ ᠲᠡᠯᠡᠭᠡᠢ ᠠᠬᠢᠭᠠᠳ ᠯᠡ ᠬᠦᠭ᠌ᠵᠢᠨ ᠱᠤᠤᠭᠢᠭᠠᠳ ᠲᠤᠳᠤᠭᠤᠷ ᠭᠠᠳᠠᠭᠤᠷᠢᠶᠠᠨ ᠪᠦᠷ ᠲᠤᠯᠬᠢᠶᠠᠯᠠᠨ ᠲᠠᠪᠠᠯᠭᠠᠯᠠᠭᠠᠳ ᠦᠷᠨᠢᠬᠦᠨ ᠬᠦᠭ᠌ᠵᠢᠯᠳᠡᠢ ᠪᠤᠯᠳᠠᠭ ᠵᠢᠮᠡᠲᠠᠢ᠃
ᠮᠡᠳᠡᠭᠡᠵᠢ᠂ ᠬᠦᠮᠦᠨᠤ ᠤᠷᠴᠢᠯᠠᠩᠤᠨ ᠴᠠᠰᠤ ᠲᠠᠩᠳᠠᠪᠠᠨ ᠨᠠᠮᠤᠭᠤᠬᠠᠨ ᠤᠷᠤᠭᠠᠳ ᠪᠠᠢᠳᠠᠭ ᠪᠢᠰᠢ᠂ ᠬᠠᠶᠠ ᠪᠦᠷ ᠭᠠᠵᠠᠷ ᠲᠡᠭ᠌ᠷᠢᠶ᠋ᠢ ᠨᠡᠢᠯᠡᠳᠡᠯᠡᠨᠢ᠂ ᠭᠠᠯᠪᠠ ᠲᠡᠯᠡᠭᠡᠢᠶ᠋ᠢ ᠬᠡᠢᠰᠳᠡᠯᠡᠨᠢ ᠬᠦᠴᠦᠳᠡᠢ ᠱᠢᠭᠤᠷᠳᠠᠭ ᠪᠢᠯᠡ᠃ ᠬᠡᠳᠦᠢᠪᠡᠷ ᠴᠠᠰᠤᠨ ᠱᠢᠭᠤᠷᠭᠠ ᠭᠡᠵᠦ᠍ 《ᠴᠠᠭᠠᠨ ᠵᠤᠳ》 ᠨᠡᠷᠡᠳᠡᠢ ᠪᠤᠯᠪᠠᠴᠦ᠍᠂ ᠶᠠᠭᠤᠨᠳᠤ ᠴᠦ᠍ ᠦᠯᠦ᠍ ᠡᠷᠭᠡᠱᠢᠶᠡᠭ᠌ᠳᠡᠬᠦ᠌ ᠠᠤᠭᠠ ᠶᠡᠭᠡ ᠬᠦᠴᠦᠨᠢ ᠮᠡᠳᠡᠷᠡᠬᠦᠯᠬᠦ᠌ ᠳᠡᠳᠦᠢ ᠦᠭᠡᠢ᠂ ᠭᠡᠷᠡᠯᠳᠦ ᠴᠠᠭᠠᠨ ᠰᠠᠷᠠᠨᠢ ᠪᠦᠷ ᠽᠠᠮᠪᠤᠯᠢᠩᠤᠨ ᠤᠷᠤᠨ ᠵᠠᠢᠳᠤ ᠪᠤᠲᠠᠷᠠᠳᠠᠯᠠᠨᠢ ᠬᠤᠢᠯᠠᠷᠠᠭᠤᠯᠵᠦ᠍ ᠪᠠᠢᠭᠠ ᠱᠢᠭ᠋ ᠷᠤᠮᠠᠨᠲ᠋ᠢᠭ ᠰᠠᠨᠠᠭ᠍ᠳᠠᠭᠤᠯᠬᠤᠨᠢ ᠡᠬᠡ ᠪᠠᠢᠭᠠᠯᠢᠶ᠋ᠢᠨ ᠭᠠᠢᠬᠠᠮᠱᠢᠭᠢ ᠦᠭᠡᠷᠡ ᠲᠠᠯᠠᠠᠴᠠᠨᠢ ᠬᠦᠨᠵᠡᠭᠡᠢ ᠮᠡᠳᠡᠷᠡᠬᠦᠯᠳᠡᠭ ᠪᠤᠯᠬᠤᠷᠢᠶᠠᠨ ᠪᠠᠰᠠ ᠰᠠᠢᠬᠠᠨ᠃
ᠤᠰᠤᠨᠤ ᠬᠡᠯᠪᠡᠷᠢᠨᠦᠭᠦᠳᠤᠨ ᠲᠤᠮᠳᠠᠪᠠᠨ ᠴᠠᠰᠤᠨᠤ ᠯᠠᠪᠰᠠ ᠭᠡᠵᠦ᠍ ᠬᠠᠮᠤᠭᠤᠨ ᠰᠠᠢᠬᠠᠨᠨᠢ᠃ ᠨᠢᠭᠡᠨ ᠱᠢᠯᠦᠭᠤᠨ ᠨᠤᠮᠢᠶᠠᠨ ᠬᠦᠷᠳᠡᠯᠡ ᠪᠢ 《ᠴᠠᠰᠤᠨᠤ ᠮᠠᠷᠺ》 ᠭᠡᠵᠦ᠍ ᠨᠡᠷᠡᠯᠡᠭ᠌ᠰᠡᠨ ᠮᠢᠨᠢ ᠡᠢᠮᠦ᠍ ᠤᠴᠢᠷᠳᠠᠢ᠃ ᠴᠠᠭᠠᠰᠤᠨ ᠲᠡᠭᠡᠷᠡ ᠪᠢᠴᠢᠵᠦ᠍ ᠲᠤᠭ᠍ᠳᠤᠢᠳᠤ ᠬᠢᠭ᠌ᠰᠡᠨ ᠪᠢᠰᠢ᠂ ᠬᠠᠷᠢᠨ ᠪᠤᠯᠤᠷᠤᠨ ᠭᠡᠷᠡᠯᠳᠦ ᠮᠠᠷᠺᠤᠳᠤᠨ ᠳᠤᠲᠤᠷᠠ ᠱᠢᠭᠤᠳ ᠪᠢᠴᠢᠭ᠌ᠰᠡᠨ ᠬᠦᠬᠡ ᠲᠡᠭ᠌ᠷᠢᠶ᠋ᠢᠨ ᠲᠤᠭᠠ ᠲᠤᠮᠰᠢ ᠦᠭᠡᠢ ᠵᠠᠬᠢᠶᠠᠨᠤᠭᠤᠳᠢ ᠡᠬᠦᠯᠡᠨ ᠱᠢᠤᠳᠠᠨ ᠡᠬᠡ ᠭᠠᠵᠠᠷᠲᠤ ᠲᠦᠭᠡᠭᠡᠨ ᠰᠠᠴᠤᠳᠠᠭ ᠰᠠᠨ᠃ ᠲᠡᠷᠡ ᠵᠠᠬᠢᠶᠠᠨᠤᠭᠤᠳᠢᠨᠢ ᠨᠢᠳᠦᠯᠡᠨ ᠤᠩᠱᠢᠭᠠᠳ ᠴᠡᠭᠡᠵᠢᠯᠡᠨ ᠬᠠᠳᠠᠩᠱᠢᠭᠤᠯᠳᠠᠭᠨᠢ ᠡᠪᠡᠰᠦ ᠮᠤᠳᠤᠳ᠂ ᠨᠠᠪᠴᠢ ᠴᠡᠴᠡᠭᠡᠰ ᠁ ᠤᠩᠱᠢᠬᠤ ᠲᠤᠳᠤᠮᠨᠢ ᠴᠠᠰᠤ ᠤᠶᠠᠷᠠᠨ ᠬᠠᠢᠯᠤᠨᠠ᠃ ᠲᠠᠷᠤᠭ᠍ᠰᠠᠨ ᠴᠠᠰᠤ ᠬᠠᠢᠯᠤᠭᠠᠳ ᠭᠠᠵᠠᠷ ᠡᠷᠢᠶᠡᠨᠳᠦᠬᠦ᠌ᠶ᠋ᠢ 《ᠴᠠᠰᠤ ᠨᠢᠳᠦᠯᠡᠨᠡ》 ᠬᠡᠮᠡᠳᠡᠭᠨᠢ ᠴᠦ᠍ ᠶᠡᠭᠡ ᠤᠴᠢᠷᠳᠠᠢ ᠰᠠᠨᠠᠭ᠍ᠳᠠᠨᠠᠮ᠃
《ᠴᠠᠰᠤ ᠬᠠᠨᠵᠠᠷᠠᠬᠤ》 ᠭᠡᠰᠡᠨ ᠰᠤᠨᠢᠷᠬᠠᠯᠳᠠᠢ ᠦᠭᠡ ᠪᠤᠢ᠃ 《ᠬᠠᠨᠵᠠᠷᠠᠬᠤ》 ᠭᠡᠳᠡᠭ ᠦᠢᠯᠡ ᠦᠭᠡᠨᠢ ᠶᠠᠭᠤᠮᠠᠨᠤ ᠤᠶᠤᠳᠠᠯ ᠵᠦᠢᠳᠡᠯᠤᠨ ᠵᠠᠳᠠᠷᠠᠬᠤᠶ᠋ᠢ ᠬᠡᠯᠡᠳᠡᠭ ᠶᠤᠮ ᠪᠤᠯ᠂ 《ᠴᠠᠰᠤ ᠬᠠᠨᠵᠠᠷᠠᠬᠤ》 ᠶ᠋ᠢᠨᠢ 《ᠪᠢᠳᠡᠬᠦᠦ ᠴᠠᠰᠤ ᠬᠠᠢᠯᠵᠦ᠍ ᠴᠤᠬᠤᠷ ᠪᠤᠯᠵᠦ᠍ ᠡᠬᠢᠯᠡᠬᠦ᠌》 ᠭᠡᠵᠦ᠍ ᠲᠤᠯᠢ ᠪᠢᠴᠢᠭᠲᠤ ᠲᠠᠢᠯᠪᠤᠷᠢᠯᠠᠳᠠᠭ ᠪᠢᠯᠡ᠃ ᠬᠠᠨᠵᠠᠷᠠᠬᠤ ᠦᠢᠯᠡ ᠪᠠᠢᠪᠠᠯ ᠯᠠᠪ ᠬᠠᠨᠵᠠᠯᠬᠤ ᠦᠢᠯᠡ ᠴᠦ᠍ ᠪᠠᠢᠨᠠ ᠪᠢᠵᠠ ᠡ᠃ ᠨᠠᠷᠠ ᠰᠠᠷᠠ ᠤᠳᠤᠨᠤ ᠭᠡᠷᠡᠯ ᠬᠡᠭᠡ᠂ ᠰᠠᠯᠬᠢᠨᠤ ᠢᠯᠪᠢᠯᠳᠡ᠂ ᠱᠢᠪᠠᠭᠤᠳᠤᠨ ᠬᠤᠱᠢᠭᠤ ᠪᠠ ᠰᠠᠪᠠᠷ᠂ ᠠᠳᠤᠭᠤᠰᠤ ᠠᠮᠢᠳᠠᠳᠤᠨ ᠬᠤᠱᠢᠭᠤ ᠬᠢᠭᠡᠳ ᠲᠤᠭᠤᠷᠠᠢ᠂ ᠬᠦᠮᠦᠨᠤ ᠮᠦᠷ ᠁ ᠲᠡᠷᠡ ᠴᠦ᠍ ᠪᠠᠢᠳᠤᠭᠠᠢ ᠪᠠᠷᠠᠭᠤᠨ ᠭᠠᠷᠤᠨ ᠮᠢᠨᠢ ᠲᠤᠯᠢᠶᠠᠪᠤᠷ ᠬᠤᠷᠤᠭᠤ ᠬᠦᠷᠳᠡᠯᠡ ᠴᠠᠰᠤᠨᠤ ᠤᠶᠤᠳᠠᠯ ᠵᠦᠢᠳᠡᠯᠢ ᠬᠠᠨᠵᠠᠯᠵᠦ᠍ ᠵᠠᠳᠠᠯᠬᠤ ᠦᠢᠯᠡᠳᠤ ᠤᠷᠤᠯᠴᠠᠳᠠᠭ ᠪᠦᠯᠦᠭᠡ᠃ ᠲᠡᠭᠡᠭᠡᠳ ᠯᠡ ᠴᠠᠭᠠᠨᠠᠠᠴᠠᠨᠢ ᠴᠠᠰᠤᠨᠤ ᠱᠢᠨᠡᠳᠭᠡᠭ᠌ᠰᠡᠨ ᠲᠡᠯᠡᠬᠡᠢ ᠲᠤᠲᠤᠷᠠᠳᠠᠭ ᠰᠠᠨ᠃
ᠠᠩᠬᠠᠨᠤ ᠴᠠᠰᠤᠨᠢ ᠠᠩᠬᠠᠨᠤ ᠬᠠᠢᠷᠠ ᠱᠢᠭ᠋ ᠬᠦᠮᠦᠨᠤ ᠨᠢᠭᠡ ᠨᠠᠰᠤᠨᠤ ᠠᠩᠬᠠᠨᠤ ᠲᠤᠬᠢᠶᠠᠯᠳᠤᠯ ᠪᠢᠰᠢ ᠪᠤᠯᠪᠠᠴᠦ᠍᠂ ᠴᠠᠰᠤᠨᠤ ᠬᠤᠪᠢᠳᠤ ᠨᠢᠭᠡ ᠵᠢᠯᠢ ᠨᠢᠭᠡ ᠨᠠᠰᠤᠨᠢ ᠭᠡᠬᠦ᠌ᠳᠤ ᠪᠤᠷᠤᠭᠤᠳᠠᠬᠤ ᠦᠭᠡᠢ ᠪᠠᠢᠬᠠ ᠡ᠃ ᠶᠠᠭ ᠡᠢᠮᠦ᠍ ᠪᠤᠯᠬᠤᠷᠢᠶᠠᠨ ᠬᠦᠮᠦᠨ ᠪᠢᠳᠡ ᠵᠢᠯ ᠪᠦᠷᠢᠶ᠋ᠢᠨ ᠠᠩᠬᠠᠨᠤ ᠴᠠᠰᠤᠶ᠋ᠢ ᠠᠩᠬᠠᠨᠤ ᠬᠠᠢᠷᠠᠪᠠᠨ ᠱᠢᠭ᠋ ᠨᠠᠨᠳᠢᠩᠨᠠᠨ ᠡᠷᠬᠢᠮᠨᠡᠵᠦ᠍᠂ ᠳᠠᠭᠤᠤ ᠱᠢᠯᠦᠭ ᠵᠢᠷᠤᠭ ᠪᠢᠴᠢᠯᠭᠡᠪᠠᠷᠢᠶᠠᠨ ᠠᠮᠵᠢᠨ ᠳᠡᠮᠳᠡᠭ᠌ᠯᠡᠭᠡᠳ᠂ ᠰᠤᠳᠤᠨ ᠱᠢᠨᠡᠯᠢᠭ ᠮᠡᠳᠡᠷᠡᠮᠵᠢᠪᠠᠨ ᠬᠤᠪᠢᠶᠠᠯᠴᠠᠨ ᠦᠢ ᠤᠯᠠᠨᠠ ᠳᠠᠭᠤᠷᠢᠰᠭᠠᠳᠠᠭ ᠤᠴᠢᠷᠳᠠᠢ᠃ ᠭᠠᠷ ᠰᠡᠳᠭᠢᠯᠤᠨ ᠤᠷᠠ ᠪᠠᠨ ᠭᠠᠢᠬᠠᠭᠤᠯᠵᠦ᠍᠂ ᠭᠤᠳᠤᠮᠵᠢᠨᠤ ᠦᠨᠴᠦᠭ ᠪᠤᠯᠤᠩ᠂ ᠪᠡᠯᠴᠢᠭᠡᠷᠤᠨ ᠵᠠᠬᠠ᠂ ᠮᠠᠩᠬᠠᠨᠤ ᠤᠷᠤᠢ᠂ ᠡᠰᠡᠬᠦᠯᠡ ᠬᠦᠷᠢᠶᠡ ᠬᠠᠱᠢᠶᠠᠨᠤ ᠪᠠᠨ ᠡᠭᠦᠳᠡᠨᠳᠤ ᠁ ᠴᠠᠰᠤᠨ ᠬᠦᠮᠦᠨ ᠤᠷᠠᠯᠠᠨ ᠪᠠᠷᠢᠳᠠᠭᠨᠢ ᠴᠦ᠍ ᠪᠤᠢ᠃ ᠴᠠᠰᠤ ᠤᠷᠤᠬᠤ ᠪᠤᠯᠭᠠᠨ ᠶᠠᠮᠠᠷ ᠨᠢᠭᠡᠨ ᠦᠯᠵᠡᠢᠳᠡᠢ ᠰᠠᠢᠬᠠᠨ ᠦᠢᠯᠡ ᠶᠠᠪᠤᠳᠠᠯᠢ ᠡᠬᠦᠰᠭᠡᠨ ᠡᠬᠢᠯᠡᠬᠦᠯᠬᠦ᠌ ᠶᠤᠰᠤᠯᠠᠯᠤᠨ ᠬᠢᠨᠢ ᠨᠢᠭᠡᠨ ᠠᠭᠤᠯᠭᠠ ᠲᠡᠷᠡ ᠪᠠᠢᠬᠠ ᠡ᠃
ᠪᠠᠷᠠᠭᠤᠨ ᠭᠠᠷᠤᠨ ᠲᠤᠯᠢᠶᠠᠪᠤᠷ ᠬᠤᠷᠤᠭᠤᠪᠠᠨ ᠵᠢᠮᠵᠢᠭᠢᠨᠡᠬᠦᠯᠦᠭ᠌ᠰᠡᠭᠡᠷ ᠨᠤᠢᠳᠠᠨ ᠴᠠᠰᠤᠨ ᠲᠡᠭᠡᠷᠡ ᠤᠪᠤᠭ ᠨᠡᠷᠡᠪᠠᠨ ᠪᠢᠴᠢᠬᠦ᠌ ᠰᠠᠢᠬᠠᠨ᠂ ᠬᠠᠢᠷᠠᠳᠠᠢ ᠬᠦᠮᠦᠨᠤᠪᠠᠨ ᠨᠡᠷᠡᠶ᠋ᠢ ᠪᠢᠴᠢᠬᠦ᠌ ᠰᠠᠢᠬᠠᠨ᠂ ᠲᠤᠷᠠᠳᠠᠢ ᠦᠭᠡᠰᠢᠶᠠᠨ ᠪᠢᠴᠢᠬᠦ᠌ ᠰᠠᠢᠬᠠᠨ᠃ ᠴᠠᠰᠤᠨᠤ ᠬᠠᠢᠯᠬᠤᠶ᠋ᠢ ᠳᠠᠭᠠᠯᠳᠤᠭᠠᠳ ᠲᠡᠳᠡᠭᠡᠷ ᠦᠰᠦᠭᠤᠳᠤᠨᠢᠶᠠᠨ ᠤᠶᠠᠷᠠᠨ ᠤᠷᠤᠰᠭᠤᠶ᠋ᠢ ᠬᠠᠷᠠᠭᠠᠳ ᠪᠠᠢᠬᠤ ᠴᠦ᠍ ᠰᠠᠢᠬᠠᠨ᠃ ᠪᠢᠴᠢᠭ᠌ᠰᠡᠨ ᠦᠰᠦᠭᠤᠳ ᠮᠢᠨᠢ ᠭᠠᠵᠠᠷᠲᠤ ᠱᠢᠮᠡᠳᠦᠨ᠂ ᠤᠷᠭᠤᠮᠠᠯᠤᠨ ᠲᠤᠮᠳᠠᠭᠤᠷ ᠦᠭ᠌ᠰᠦᠨ ᠤᠷᠤᠰᠤᠭᠠᠳ᠂ ᠬᠤᠢᠳᠦᠨ ᠡᠪᠦᠯ ᠠᠬᠢᠭᠠᠳ ᠯᠡ ᠴᠠᠰᠤ ᠬᠤᠪᠢᠯᠤᠨᠠ ᠡ ᠭᠡᠵᠦ᠍ ᠤᠷᠭᠤᠭᠤᠯᠤᠨ ᠪᠤᠳᠤᠬᠤᠪᠠᠷ ᠨᠡᠩ ᠴᠦ᠍ ᠰᠠᠢᠬᠠᠨ᠃
ᠠᠩᠬᠠᠨᠤ ᠴᠠᠰᠤ ᠬᠦᠯᠢᠶᠡᠯᠭᠡᠨ ᠬᠦᠯᠢᠶᠡᠯᠭᠡᠭ᠌ᠰᠡᠭᠡᠷ ᠬᠠᠪᠤᠷᠨᠢ ᠲᠦᠩᠭᠡᠵᠦ᠍ ᠤᠷᠤᠳᠠᠭ ᠵᠢᠯ ᠪᠠᠢᠳᠠᠭ᠃ ᠡᠢᠮᠦ᠍ ᠴᠠᠰᠤ ᠦᠭᠡᠢ ᠲᠤᠭᠤᠯᠤᠭ᠍ᠰᠠᠨ ᠡᠪᠦᠯᠢ ᠬᠠᠷᠠ ᠡᠪᠦᠯ ᠭᠡᠳᠡᠭᠨᠢ ᠴᠦ᠍ ᠪᠤᠢ᠃ ᠡᠪᠦᠯᠤᠨ ᠲᠡᠭ᠌ᠷᠢᠶ᠋ᠢᠨ ᠲᠤᠭᠠᠯᠠᠰᠢ ᠦᠭᠡᠢ ᠤᠯᠠᠨ ᠡᠮᠵᠡᠭ ᠴᠠᠭᠠᠨ ᠮᠡᠳᠡᠷᠡᠮᠵᠢᠨᠦᠭᠦᠳᠨᠢ — ᠬᠡᠯᠡᠮᠡᠷ ᠬᠡᠯᠡᠮᠡᠷ ᠪᠤᠯᠤᠭᠠᠳ ᠬᠡᠯᠡᠨᠤ ᠦᠵᠦᠬᠦᠷᠲᠤ ᠪᠦᠮᠪᠦᠭᠡᠨᠡᠵᠦ᠍ ᠪᠠᠢᠳᠠᠭ ᠦᠭᠡᠨᠦᠭᠦᠳ ᠱᠢᠭ ᠭᠠᠵᠠᠷ ᠱᠢᠷᠤᠢᠠᠴᠠ ᠴᠤᠬᠤᠯᠵᠠᠵᠦ᠍ ᠪᠠᠢᠭᠠ ᠨᠢᠯᠬᠠ ᠨᠤᠭᠤᠭᠠᠨ ᠲᠡᠭᠡᠷᠡ ᠬᠦᠷᠦᠯᠴᠡᠭᠡᠳ ᠤᠳᠠᠯ ᠦᠭᠡᠢ ᠤᠷᠢ ᠢᠯᠴᠢᠨᠳᠤᠨᠢ ᠬᠠᠢᠯᠤᠨ ᠤᠶᠠᠷᠠᠵᠦ᠍᠂ ᠭᠠᠵᠠᠷᠲᠤ 《ᠦᠨᠳᠦᠰᠦᠯᠡᠨᠡ》 ᠭᠡᠵᠦ᠍ ᠶᠠᠭᠤᠳᠠᠢ ᠰᠠᠢᠬᠠᠨ ᠲᠤᠷᠭᠠᠨ ᠭᠱᠠᠨ ᠪᠢᠯᠡ᠃
ᠴᠠᠰᠤ ᠴᠤᠬᠤᠮ ᠤᠭ᠍ᠲᠠᠷᠭᠤᠢᠳᠤ ᠬᠡᠷᠬᠢᠨ ᠪᠦᠷᠢᠯᠳᠦᠵᠦ᠍ ᠪᠠᠷᠢᠯᠳᠤᠳᠠᠭᠤᠨ ᠲᠤᠬᠠᠢ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠲᠠᠢᠯᠪᠤᠷᠢᠶ᠋ᠢ ᠪᠢ ᠶᠠᠭᠠᠬᠢᠬᠤᠶ᠋ᠢᠨ ᠠᠷᠭᠠ ᠦᠭᠡᠢ ᠵᠦᠪ ᠬᠡᠮᠡᠨ ᠬᠦᠯᠢᠶᠡᠨ ᠵᠦᠪᠱᠢᠶᠡᠷᠡᠳᠡᠭ ᠪᠤᠯᠪᠠᠴᠦ᠍᠂ ᠴᠠᠰᠤᠨᠤ ᠯᠠᠪᠰᠠ ᠪᠤᠶᠤ ᠴᠠᠰᠤᠨᠤ ᠱᠢᠷᠭᠡᠭᠢ ᠬᠠᠷᠢᠨ ᠪᠤᠷᠤᠭᠠᠨᠤ ᠪᠤᠯᠤᠷ ᠲᠤᠩᠭᠠᠯᠠᠭ ᠦᠷᠡᠨᠦᠭᠦᠳ ᠡᠬᠡ ᠭᠠᠵᠠᠷᠲᠤ ᠰᠠᠴᠤᠭ᠍ᠳᠠᠵᠦ᠍ ᠦᠨᠳᠦᠰᠦᠯᠡᠭᠡᠳ᠂ ᠲᠡᠭ᠌ᠷᠢ ᠦᠭᠡᠳᠡᠪᠠᠨ ᠮᠤᠬᠤᠰᠢ ᠦᠭᠡᠢ ᠦᠨᠳᠦᠷᠢ ᠲᠡᠮᠡᠴᠡᠨ ᠤᠷᠭᠤᠭ᠍ᠰᠠᠨᠤ ᠳ᠋ᠦᠩᠳᠤ᠂ ᠦᠯᠦ᠍ ᠦᠵᠡᠭ᠌ᠳᠡᠬᠦ᠌ ᠠᠭᠠᠳ ᠲᠡᠭ᠌ᠷᠢ ᠲᠦᠭᠦᠷᠡᠩ ᠤᠷᠤᠱᠢᠬᠤ ᠴᠡᠩᠬᠡᠷᠭᠡᠨ ᠤᠢ ᠮᠤᠳᠤᠳᠤᠨᠢᠶᠠᠨ ᠰᠠᠯᠠᠭᠠ ᠮᠦᠴᠢᠷᠲᠤ ᠭᠠᠭ᠍ᠴᠠ ᠦᠳᠡᠰᠢᠶ᠋ᠢᠨ ᠬᠤᠭᠤᠷᠤᠨᠳᠤ᠂ ᠬᠠᠯᠠᠭᠤᠨ ᠬᠦᠢᠳᠡᠨᠤ ᠡᠴᠢᠨᠡ ᠨᠢᠭᠤᠴᠠᠭᠠᠢ ᠢᠪᠡᠭᠡᠯᠳᠦᠯᠢᠶᠠᠷ ᠪᠠᠳᠠᠷᠠᠨ ᠲᠡᠯᠭᠡᠷᠡᠭ᠌ᠰᠡᠨ ᠴᠠᠭᠠᠨ ᠴᠡᠴᠡᠭᠡᠰ ᠬᠡᠮᠡᠨ ᠢᠳᠡᠭᠡᠬᠦ᠌ ᠨᠡᠩ ᠲᠤᠷᠠᠳᠠᠢ᠃ ᠦᠷᠡ ᠳ᠋ᠦᠩᠤᠨ ᠬᠤᠪᠢᠳᠤ᠂ ᠡᠢᠨ ᠬᠦ᠌ ᠲᠦᠰᠦᠭᠡᠯᠡᠬᠦ᠌ᠨᠢ ᠢᠯᠡᠬᠦᠦ ᠲᠠᠢᠳᠭᠤᠷᠠᠯ ᠲᠤᠭ᠍ᠳᠤᠯᠤᠯ ᠲᠠᠢ ᠰᠠᠨᠠᠭ᠍ᠳᠠᠳᠠᠭ ᠪᠤᠯᠪᠠᠴᠦ᠍᠂ ᠲᠠᠢᠳᠭᠤᠷᠠᠶᠠ ᠲᠤᠭ᠍ᠳᠤᠯᠤᠶᠠ ᠬᠡᠮᠡᠨ ᠵᠤᠷᠢᠭᠤᠳᠠ ᠲᠦᠰᠦᠭᠡᠯᠡᠳᠡᠭ ᠴᠦ᠍ ᠪᠢᠰᠢ᠂ ᠬᠠᠷᠢᠨ ᠴᠠᠰᠤᠨᠠᠴᠠ ᠡᠬᠦᠰᠦᠯᠳᠡᠢ 《ᠤᠷᠤᠱᠢᠭ᠍ᠰᠠᠨ》 ᠤᠩᠭᠤᠳ ᠮᠡᠳᠡᠷᠡᠮᠵᠢᠳᠡᠭᠡᠨ ᠦᠪᠡᠷᠤᠨ ᠡᠷᠭᠡ ᠦᠭᠡᠢ ᠠᠪᠳᠠᠳᠠᠭᠢᠶᠠᠷᠢᠶᠠᠨ ᠤᠴᠢᠷ ᠪᠢᠳᠡᠬᠦᠯᠢᠭ ᠲᠠᠢᠳᠭᠤᠷᠠᠨ ᠲᠤᠭ᠍ᠳᠤᠯᠳᠠᠭ ᠮᠢᠨᠢ ᠲᠡᠷᠡ ᠰᠠᠨ᠃
ᠶᠠᠫᠤᠨᠤ ᠡᠷᠳᠡᠨᠤ ᠬᠠᠢᠺᠦ᠋ᠴᠢᠨ ᠡᠸᠨᠥᠮᠤᠲ᠋ᠤ᠋ ᠺᠢᠺᠠᠺᠦ᠋ 《ᠮᠢᠨᠤᠬᠢ ᠶᠤᠮ ᠡ ᠭᠡᠵᠦ᠍ ᠪᠤᠳᠤᠴᠢᠬᠠᠬᠤᠪᠠᠷ \ ᠮᠠᠯᠠᠭᠠᠢᠶᠢᠨ ᠲᠡᠭᠡᠷᠡ ᠴᠠᠰᠤ ᠬᠦᠩᠭᠡᠨ》 ᠭᠡᠵᠦ᠍ ᠪᠢᠴᠢᠭ᠌ᠰᠡᠨ ᠱᠢᠭ᠂ ᠠᠶᠠᠷᠬᠠᠨ ᠬᠠᠶᠠᠯᠠᠬᠤ ᠴᠠᠰᠤᠨᠳᠤ ᠶᠠᠪᠤᠬᠤᠳᠠᠭᠠᠨ ᠪᠢ ᠴᠦ᠍ ᠭᠡᠰᠡᠨ ᠴᠠᠰᠤᠶ᠋ᠢ ᠪᠦᠷ 《ᠮᠢᠨᠤᠬᠢ》 ᠪᠤᠯᠭᠠᠴᠢᠬᠠᠭᠠᠳ᠂ ᠴᠠᠰᠤᠨᠤ ᠯᠠᠪᠰᠠ ᠬᠤᠪᠢᠯᠤᠨ ᠬᠦᠩᠭᠡᠷᠡᠴᠢᠭᠡᠭ᠌ᠰᠡᠨ᠂ ᠡᠰᠡᠬᠦᠯᠡ ᠴᠠᠰᠤ ᠬᠠᠶᠠᠯᠠᠭ᠍ᠰᠠᠨ ᠠᠭᠠᠷ ᠲᠡᠭ᠌ᠷᠢᠶ᠋ᠢᠨ ᠦᠴᠦᠭᠡᠨ ᠨᠢᠭᠡᠨ ᠴᠡᠭᠨᠢ ᠪᠤᠯᠴᠢᠬᠠᠭ᠍ᠰᠠᠨ — ᠦᠪᠡᠷᠤᠨ ᠡᠷᠭᠡ ᠦᠭᠡᠢ ᠴᠢᠯᠦᠭᠡᠳᠡᠢ ᠬᠦᠪᠳᠡᠭ ᠶᠤᠮ ᠰᠠᠨ ᠁