ᠵᠢᠯ ᠪᠦᠷᠢ ᠵᠢᠨ ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠳᠦ ᠬᠦᠷᠴᠦ ᠬᠥᠳᠡᠭᠡ ᠲᠣᠰᠬᠣᠨᠢ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠠᠵᠢᠯᠢ᠋ ᠮᠡᠳᠡᠭᠳᠡᠬᠦ ᠡᠳᠦᠷ ᠤᠳᠠᠬᠤ ᠦᠭᠡᠢ ᠬᠦᠷᠴᠤ ᠢᠷᠡᠬᠦ ᠭᠡᠵᠦ ᠪᠤᠢ᠂ ᠡᠨᠡ ᠡᠳᠦᠷ ᠢ ᠬᠥᠯᠥᠨ ᠪᠤᠢ᠍ᠢᠷ ᠬᠤᠳᠠᠶᠢᠨ ᠠᠷᠤᠨ ᠬᠣᠰᠢᠭᠤᠨᠤ ᠶᠢᠨ ᠾᠸ ᠰᠢᠶᠠᠩᠤᠨ ᠠᠩᠴᠢᠨᠤ ᠰᠢᠨᠡ ᠲᠣᠰᠬᠣᠨᠤ ᠨᠠᠮᠤᠨ ᠡᠭᠦᠷᠦᠨ ᠱᠦᠵᠢ ᠦ᠋ ᠰᠢᠶᠣᠣ ᠵᠢᠤᠸᠠᠨ ᠮᠠᠰᠢ ᠬᠦᠰᠡᠨ ᠬᠦᠯᠢᠶᠡᠵᠦ ᠪᠠᠢᠯᠠ᠃ ᠨᠢᠳᠤᠨᠤᠨ ᠤᠷᠢᠯᠭᠠᠪᠠᠷ ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠦᠨ 40 ᠳ᠋ᠤᠭᠡᠷ ᠤᠳᠠᠭᠠᠶᠢᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠳᠠᠶᠢᠨ ᠬᠥᠬᠢᠭᠦᠯᠦᠨ ᠰᠠᠢᠰᠢᠶᠠᠬᠤ ᠶᠡᠬᠡ ᠬᠤᠷᠠᠯᠳᠤ ᠣᠷᠣᠯᠴᠠᠭᠰᠠᠨ ᠪᠠᠢᠳᠠᠯ ᠨᠢ ᠲᠡᠭᠦᠨᠳᠤ ᠦᠪᠡᠷᠤᠨ ᠡᠷᠬᠡ ᠦᠭᠡᠢ ᠪᠤᠲᠤᠬᠲᠠᠨᠠ᠃
《1998 ᠣᠨᠳᠤ᠂ ᠵᠠᠭᠤᠨ ᠵᠢᠯᠳᠦ ᠲᠣᠬᠢᠶᠠᠯᠳᠤᠭᠠ ᠦᠭᠡᠢ ᠣᠨᠴᠠ ᠶᠡᠬᠡ ᠦᠶᠡᠷᠦᠨ ᠭᠠᠮᠰᠢᠭ᠋ᠲᠤ ᠸᠧᠢ ᠭᠦ ᠴᠢᠠᠩᠴᠢᠨᠤ ᠲᠣᠰᠬᠣᠨᠤ 80%ᠤᠨ ᠭᠡᠷ ᠪᠠᠢᠰᠢᠩ ᠪᠠ ᠰᠠᠢᠨ ᠲᠠᠷᠢᠶᠠᠨ ᠭᠠᠵᠠᠷ ᠡᠪᠳᠡᠭᠳᠡᠵᠦ᠂ ᠰᠠᠶᠢᠬᠠᠨ ᠠᠪᠠᠶᠢᠨ ᠫᠤᠤᠪᠠᠨ ᠲᠠᠯᠪᠢᠵᠦ ᠲᠠᠷᠢᠶᠠᠯᠠᠬᠤ ᠦᠢᠯᠡᠳᠪᠦᠷᠢᠯᠡᠯ ᠡᠷᠬᠢᠯᠡᠭᠰᠡᠨ ᠲᠣᠰᠬᠣᠨᠤ ᠠᠷᠠᠳᠤᠨ ᠠᠮᠢᠳᠤᠷᠠᠯᠢ ᠲᠤᠢᠯᠤᠨ ᠬᠦᠴᠢᠷ ᠪᠣᠯᠭᠠᠵᠠᠢ᠃ ᠪᠢᠳᠡᠨᠢ ᠪᠠᠴᠢᠮᠳᠠᠨ ᠵᠤᠪᠠᠵᠦ ᠪᠠᠢᠬᠰᠠᠨ ᠦᠶᠡᠳᠦ᠂ ᠬᠡᠳᠦᠨ ᠮᠢᠩᠭᠠᠨ ᠭᠠᠵᠠᠷᠤᠨ ᠲᠡᠷᠲᠡᠭᠡ ᠪᠠᠢᠭᠠ ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠦᠨ ᠬᠢᠨ ᠰᠠᠨᠠᠭᠠᠴᠢᠯᠠᠭᠠᠡᠴᠠᠪᠠᠨ ᠤᠷᠢᠳ ᠬᠣᠵᠢᠳ 45 ᠲᠦᠮᠡᠨ ᠲᠥᠭᠥᠷᠢᠭ ᠲᠤᠰᠠᠯᠠᠨ ᠪᠠᠴᠢᠮ ᠪᠠᠢᠳᠠᠯᠢ ᠰᠢᠢᠳᠪᠦᠷᠢᠯᠡᠵᠦ᠂ ᠵᠠᠭᠤᠨ ᠡᠷᠦᠭᠡ ᠳᠠᠭᠤᠷ ᠪᠣᠯᠣᠨ ᠡᠸᠡᠩᠬᠢ ᠠᠩᠴᠢᠨᠤ ᠣᠷᠣᠨ ᠰᠠᠭᠤᠴᠠᠶᠢ ᠲᠦᠪᠬᠢᠨᠡᠭᠦᠯᠵᠤ ᠪᠢᠳᠡᠨᠦ ᠲᠠᠷᠢᠶᠠᠯᠠᠬᠤ ᠬᠦᠰᠡᠯ ᠵᠡᠭᠦᠳᠦᠶᠢ ᠳᠠᠬᠢᠨᠲᠠ ᠲᠡᠷᠭᠡᠯᠰᠢᠭᠦᠯᠦᠭᠰᠡᠨ᠂ ᠳᠡᠭᠦᠨ ᠡᠴᠡ ᠬᠣᠢᠰᠢ ᠮᠠᠨᠤ ᠲᠣᠰᠬᠣᠨ 〈ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠤᠨ ᠠᠩᠴᠢᠨᠤ ᠰᠢᠨᠡ ᠲᠣᠰᠬᠣᠨ〉 ᠭᠡᠬᠦ ᠪᠠᠰᠠ ᠨᠢᠭᠡᠨ ᠰᠢᠨᠡ ᠨᠡᠷᠡᠲᠠᠢ ᠪᠣᠯᠪᠠ᠃ ᠨᠠᠮᠤᠨ ᠰᠠᠢᠨ ᠲᠦᠷᠦᠶᠢᠨ ᠪᠣᠳᠣᠯᠭᠠ ᠮᠠᠨᠤ ᠠᠩᠴᠢᠳᠲᠤ ᠰᠢᠨᠡ ᠠᠮᠢᠳᠤᠷᠠᠯᠢ ᠠᠪᠴᠢᠷᠠᠵᠤ ᠥᠭᠭᠦᠭᠰᠡᠨᠳᠦ ᠪᠢᠳᠠ ᠲᠠᠯᠠᠷᠬᠠᠵᠤ ᠪᠠᠢᠬᠤ ᠪᠥᠭᠡᠳ ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠤᠨ 30 ᠲᠦᠮᠡᠨ ᠠᠬᠠ ᠳᠡᠭᠦᠦ ᠨᠠᠷᠲᠦ 25 ᠵᠢᠯ ᠬᠣᠵᠢᠮᠳᠠᠵᠤ ᠢᠷᠡᠭᠰᠡᠨ ᠲᠠᠯᠠᠷᠬᠠᠯ ᠢ᠋ᠢᠡᠨ ᠢᠯᠡᠳᠬᠡᠶᠡ！ ᠲᠠ ᠨᠠᠷᠤᠨ ᠬᠠᠢᠷᠠ ᠬᠠᠯᠠᠮᠵᠢᠳᠤ ᠲᠠᠯᠠᠷᠬᠠᠵᠤ ᠪᠠᠢᠨᠠ！》
ᠬᠥᠬᠢᠭᠦᠯᠦᠨ ᠰᠠᠢᠰᠢᠶᠠᠬᠤ ᠶᠡᠬᠡ ᠬᠤᠷᠠᠯᠤᠨ ᠬᠤᠭᠤᠴᠠᠭᠠᠨᠳᠠᠬᠢ ᠭᠣᠣᠯ ᠰᠡᠳᠦᠪᠲᠦ ᠦᠯᠢᠭᠡᠷᠦᠨ ᠬᠤᠷᠠᠯ ᠳᠡᠭᠡᠷᠡ᠂ ᠦ᠋ ᠰᠢᠶᠣᠣ ᠵᠢᠤᠸᠠᠨ ᠬᠡᠯᠡᠵᠦ ᠪᠠᠷᠠᠬᠰᠠᠨᠤ ᠳᠠᠷᠠᠭᠠ ᠭᠦᠨ ᠶᠣᠰᠣᠯᠠᠬᠤᠳᠤ᠂ ᠲᠤᠬᠠᠢ ᠢ᠋ᠢᠨ ᠲᠠᠯᠠᠪᠠᠢᠳᠤ ᠠᠯᠠᠭᠠ ᠲᠡᠰᠢᠯᠲᠡᠶᠢᠨ ᠲᠠᠭᠤᠨ ᠨᠢᠵᠢᠭᠢᠨᠡᠪᠡ᠃
20 ᠭᠠᠷᠤᠢ ᠵᠢᠯᠦᠨ ᠡᠮᠦᠨᠡᠬᠢ ᠣᠨᠴᠠ ᠶᠡᠬᠡ ᠦᠶᠡᠷᠡᠨᠡ ᠬᠦ᠌ 100 ᠭᠠᠷᠤᠢ ᠠᠩᠴᠢᠨᠡᠷᠦᠭᠡ ᠲᠠᠢ ᠸᠸᠢ ᠬᠦ ᠴᠢ ᠵᠢᠵᠢᠭ ᠲᠣᠰᠬᠣᠨᠢ ᠭᠠᠮᠰᠢᠭᠳᠠᠭᠤᠯᠪᠠ᠃ ᠬᠦᠴᠢᠷᠳᠡᠯ ᠲᠠᠢ ᠦᠶᠡᠳᠦ᠂ ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠦᠨ ᠬᠢᠨ ᠲᠤᠰᠠᠯᠠᠮᠵᠢ ᠦᠵᠡᠭᠦᠯᠵᠦ᠂ ᠲᠤᠬᠠᠢᠶᠢᠨ ᠵᠢᠯᠳᠦ ᠰᠢᠨᠡ ᠰᠠᠭᠤᠷᠢᠨᠳᠦ 98 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠸᠲᠷ ᠪᠦᠬᠦᠢ ᠲᠣᠭᠣᠰᠬᠠᠨ ᠪᠠᠢᠰᠢᠩᠢ 27 ᠪᠠᠢᠭᠤᠯᠵᠤ ᠦᠭᠭᠦᠭᠰᠡᠨ ᠪᠥᠭᠡᠳ ᠡᠮᠴᠢᠯᠡᠭᠡᠨᠤ ᠠᠩᠭᠢᠶᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠸᠧᠢ ᠭᠦ ᠴᠢ ᠲᠣᠰᠬᠣᠨᠳᠤ ᠬᠦᠷᠴᠦ᠂ ᠬᠦᠰᠡᠯ ᠡᠷᠡᠮᠡᠯᠵᠡᠯᠢᠶᠡᠷ ᠪᠢᠯᠬᠠᠭᠰᠠᠨ 《ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠦᠨ ᠠᠩᠴᠢᠨᠤ ᠰᠢᠨᠡ ᠲᠣᠰᠬᠣᠨ》 ᠢ᠋ ᠪᠠᠢᠭᠤᠯᠵᠠᠢ᠃
ᠤᠯᠠᠨ ᠵᠢᠯᠦᠨ ᠲᠤᠷᠰᠢ᠂ ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠦᠨ ᠬᠢᠨ ᠠᠩᠴᠢᠨᠤ ᠰᠢᠨᠡ ᠲᠣᠰᠬᠣᠨ ᠲᠠᠢ ᠰᠡᠳᠬᠢᠯ ᠵᠢᠷᠦᠬᠡᠪᠡᠨ ᠬᠣᠯᠪᠣᠵᠤ᠂ ᠭᠠᠷ ᠬᠣᠯᠪᠣᠨ ᠬᠠᠮᠲᠤ ᠪᠠᠷ ᠪᠠᠢᠭᠤᠯᠵᠤ᠂ ᠰᠢᠨᠡ ᠲᠣᠰᠬᠣᠨᠢ ᠶᠠᠳᠠᠭᠤᠡᠴᠠ ᠠᠩᠭᠢᠵᠢᠷᠠᠭᠤᠯᠤᠨ ᠴᠢᠨᠡᠭᠡᠯᠢᠭᠵᠢᠭᠦᠯᠵᠦ᠂ ᠬᠥᠳᠡᠭᠡ ᠲᠣᠰᠬᠣᠨᠢ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠠᠵᠢᠯᠯᠠᠭᠠᠳᠤ ᠪᠦᠬᠦ ᠬᠦᠴᠦᠨᠢᠶᠡᠷᠢᠶᠡᠨ ᠳᠡᠮᠵᠢᠯᠭᠡ ᠦᠵᠡᠭᠦᠯᠵᠡᠢ᠃
ᠣᠳᠣᠬᠠᠨᠳᠤ ᠲᠣᠰ ᠲᠣᠰᠬᠣᠨᠤ ᠬᠠᠮᠲᠤᠶᠢᠨ ᠠᠵᠤ ᠠᠬᠤᠢᠶᠢᠨ ᠵᠢᠯᠦᠨ ᠣᠷᠣᠯᠭᠠ ᠨᠢ 15 ᠲᠦᠮᠡᠨ ᠲᠥᠭᠥᠷᠢᠭᠲᠦ ᠬᠦᠷᠴᠦ᠂ 104 ᠡᠷᠦᠬᠡᠶᠢᠨ ᠳᠣᠲᠣᠷᠠᠬᠢ 30 ᠭᠠᠷᠤᠢ ᠡᠷᠦᠬᠡ ᠨᠢ ᠮᠠᠰᠢᠨ ᠲᠡᠷᠭᠡ ᠬᠤᠲᠠᠯᠲᠤᠨ ᠠᠪᠴᠤ᠂ 17 ᠡᠷᠦᠬᠡ ᠨᠢ ᠪᠠᠯᠭᠠᠰᠤᠨ ᠡᠴᠠ ᠰᠤᠷᠭᠠᠭᠤᠯᠢᠶᠢᠨ ᠲᠣᠭᠣᠷᠢᠭ᠋ᠤᠨ ᠭᠡᠷ ᠪᠠᠢᠰᠢᠩ ᠬᠤᠳᠠᠯᠳᠤᠨ ᠠᠪᠴᠠᠢ᠃
20 ᠭᠠᠷᠤᠢ ᠵᠢᠯᠦᠨ ᠲᠤᠷᠰᠢ ᠠᠩᠴᠢᠨᠤ ᠲᠣᠰᠬᠣᠨᠤ ᠠᠬᠠ ᠳᠡᠭᠦᠦ ᠨᠠᠷ ᠬᠠᠮᠤᠭᠤᠨ ᠪᠣᠷᠣᠭᠵᠢᠭᠤᠨ ᠦᠢᠯᠡ ᠠᠵᠢᠯᠯᠠᠭᠠᠪᠠᠷᠢᠶᠠᠨ ᠨᠠᠮᠤᠨ ᠦᠭᠡᠶᠢ ᠰᠣᠨᠣᠰᠴᠤ᠂ ᠨᠠᠮᠢᠶᠠᠨ ᠳᠠᠭᠠᠬᠤ ᠵᠣᠷᠢᠭ᠋ᠢᠶᠠᠨ ᠢᠯᠡᠳᠬᠡᠵᠦ᠂ ᠦᠵᠡᠰᠬᠦᠯᠡᠩᠲᠦ ᠰᠠᠢᠬᠠᠨ ᠭᠡᠷ ᠣᠷᠣᠨᠢᠶᠠᠨ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠬᠤᠳᠤ ᠪᠦᠬᠦ ᠰᠡᠳᠬᠢᠯ ᠪᠦᠬᠦ ᠵᠣᠷᠢᠭ᠋ᠢᠶᠠᠷᠢᠶᠠᠨ ᠣᠷᠣᠯᠴᠠᠵᠤ᠂ ᠴᠢᠩ ᠦᠨᠡᠨᠴᠢ ᠰᠡᠳᠬᠢᠯᠢᠶᠡᠷᠢᠶᠡᠨ ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠲᠠᠢ ᠰᠠᠬᠢᠨ ᠪᠠᠷᠠᠯᠠᠨ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠵᠦ ᠬᠠᠮᠲᠦ ᠪᠡᠷ ᠤᠷᠤᠭᠰᠢᠯᠠᠨᠠ᠄ 2015 ᠣᠨᠳᠤ 《ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠦᠨ ᠠᠩᠴᠢᠨᠤ ᠰᠢᠨᠡ ᠲᠣᠰᠬᠣᠨ》 ᠡᠴᠡ ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠳᠦ 200 ᠭᠠᠷᠤᠢ ᠬᠠᠢᠷᠴᠠᠭ ᠪᠣᠬᠢᠷᠲᠤᠯ ᠦᠭᠡᠢ ᠴᠢᠨᠠᠷ ᠰᠠᠢᠲᠠᠢ ᠭᠤᠯᠢᠷ ᠬᠠᠨᠳᠢᠪᠯᠡᠵᠤ᠂ ᠸᠧᠢ ᠭᠦ ᠴᠢ ᠲᠣᠰᠬᠣᠨᠤ 《ᠲᠠᠷᠢᠶᠠᠯᠠᠬᠤ ᠵᠡᠭᠦᠳᠦ》 ᠶ᠋ᠢ ᠡᠷᠢᠯᠬᠢᠯᠡᠭᠰᠡᠨ ᠦᠷᠡ ᠪᠦᠲᠦᠭᠡᠯᠢ᠋ᠢᠡᠨ ᠳᠡᠯᠭᠡᠨ ᠦᠵᠡᠭᠦᠯᠵᠡᠢ᠃
2021 ᠣᠨᠳᠤ ᠨᠠᠮᠤᠨ ᠲᠡᠦᠬᠡᠶᠢᠨ ᠰᠤᠷᠤᠯᠴᠠᠯᠭᠠ ᠬᠥᠮᠦᠵᠢᠯᠢ ᠥᠷᠨᠢᠭᠦᠯᠬᠦ ᠶᠠᠪᠤᠴᠠᠳᠤ᠂ ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠦᠨ ᠬᠢᠨ ᠲᠣᠰᠬᠣᠨᠤ ᠠᠷᠠᠳᠲᠤ 5000 ᠲᠥᠭᠥᠷᠢᠭᠦᠨ ᠦᠷᠳᠡᠭ ᠪᠦᠬᠦᠢ ᠲᠠᠷᠢᠶᠠᠯᠠᠩᠤᠨ ᠬᠠᠮᠢᠶᠠᠳᠠᠢ ᠨᠣᠮ ᠪᠢᠴᠢᠭᠢ ᠬᠦᠷᠭᠡᠵᠦ᠂ ᠬᠥᠳᠡᠭᠡ ᠲᠣᠰᠬᠣᠨᠢ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠠᠵᠤ ᠦᠢᠯᠡᠰᠦᠨ ᠲᠦᠷᠦᠯ ᠵᠦᠢᠯᠦᠨ ᠪᠡᠯᠡ ᠮᠥᠩᠭᠥᠶᠢ 100 ᠲᠦᠮᠡᠨ ᠲᠥᠭᠥᠷᠢᠭ ᠥᠭᠴᠦ᠂ ᠸᠧᠢ ᠭᠦ ᠴᠢ ᠠᠩᠴᠢᠨᠤ ᠲᠣᠰᠬᠣᠨᠢ ᠬᠠᠪᠰᠤᠷᠤᠨ ᠣᠷᠣᠨ ᠰᠠᠭᠤᠴᠠᠶᠢᠨ ᠨᠥᠬᠥᠴᠡᠯᠢ ᠥᠭᠡᠷᠡᠴᠢᠯᠡᠬᠦ᠂ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩ ᠦᠢᠯᠡᠳᠪᠦᠷᠢᠯᠡᠯ ᠵᠡᠷᠭᠡ ᠲᠠᠯᠠᠪᠠᠷ ᠪᠣᠳᠠᠲᠠᠢ ᠬᠦᠴᠢᠷᠳᠡᠯᠢ ᠨᠢ ᠰᠢᠢᠳᠪᠦᠷᠢᠯᠡᠵᠡᠢ᠃
《ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠦᠨ ᠬᠥᠭᠵᠢᠯ ᠴᠡᠴᠡᠭᠯᠡᠯ ᠨᠢ ᠮᠠᠨᠤ ᠠᠩᠴᠢᠨᠤ ᠰᠢᠨᠡ ᠲᠣᠰᠬᠣᠨᠤ ᠬᠥᠭᠵᠢᠯ ᠴᠡᠴᠡᠭᠯᠡᠯᠲᠠᠢ ᠨᠢᠭ᠍ᠲᠠ ᠬᠣᠯᠪᠣᠭᠠᠲᠠᠢ ᠶᠤᠮ᠂ 20 ᠭᠠᠷᠤᠢ ᠵᠢᠯᠦᠨ ᠲᠤᠷᠰᠢ ᠪᠢ ᠵᠢᠯ ᠪᠦᠷᠢ ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠳᠤ ᠢᠷᠡᠵᠤ᠂ ᠤᠳᠠᠭᠠ ᠪᠦᠷᠢ ᠦᠢᠯᠡᠳᠪᠦᠷᠢᠶᠢᠨ ᠲᠠᠰᠤᠭ ᠢ᠋ᠢᠡᠷ ᠶᠠᠪᠤᠳᠠᠭ᠃ ᠡᠳᠦᠷ ᠢᠷᠡᠬᠦᠶᠡ ᠰᠢᠨᠡᠳᠴᠦ ᠪᠠᠢᠭᠠ ᠰᠢᠨᠡ ᠬᠥᠭᠵᠢᠯᠲᠡ᠂ ᠰᠢᠨᠡ ᠬᠤᠪᠢᠷᠠᠯᠲᠠᠶᠢ ᠣᠯᠵᠤ ᠬᠠᠷᠠᠭᠠᠳ ᠦᠨᠡᠬᠡᠷ ᠪᠠᠶᠠᠷᠯᠠᠵᠤ ᠪᠠᠢᠨᠠ᠂ ᠪᠤᠭᠤᠲᠤᠶᠢᠨ ᠪᠣᠯᠣᠳ ᠲᠡᠮᠦᠷᠦᠨ ᠪᠦᠯᠦᠭᠯᠡᠯᠤᠨ ᠤᠯᠠᠮ ᠡᠴᠡ ᠤᠯᠠᠮ ᠰᠠᠢᠨ ᠪᠣᠯᠬᠤᠶᠢ ᠬᠦᠰᠡᠵᠦ ᠪᠠᠢᠨᠠ！》 ᠭᠡᠵᠦ ᠦ᠋ ᠰᠢᠶᠣᠣ ᠵᠢᠤᠸᠠᠨ ᠢᠯᠡᠳᠬᠡᠪᠡ᠃