11 ᠰᠠᠷ᠎ᠠ᠎ᠶᠢᠨ 22᠎ᠤᠨ ᠡᠳᠦᠷ᠎ᠦᠨ ᠦᠳᠡ᠎ᠶᠢᠨ ᠬᠣᠢᠨ᠎ᠠ᠂ ᠰᠢᠯᠢ᠎ᠶᠢᠨ ᠭᠣᠣᠯ ᠠᠢᠮᠠᠭ᠎ᠤᠨ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠣᠰᠢᠭᠤᠨ᠎ᠤ ᠪᠠᠴᠢ ᠭᠠᠴᠠᠭ᠎ᠠ᠎ᠠᠴᠠ ᠭᠣᠷᠣᠬᠠᠨ ᠪᠠᠯᠭᠠᠰᠤ ᠬᠦᠷᠬᠦ ᠵᠠᠮ ᠳᠡᠭᠡᠷ᠎ᠡ ᠨᠢᠭᠡ ᠠᠴᠢᠶᠠᠨ᠎ᠤ ᠮᠠᠰᠢᠨ ᠲᠡᠷᠭᠡᠨ᠎ᠤ ᠬᠦᠷᠲᠦ ᠨᠢ ᠰᠢᠳᠠᠵᠦ᠂ ᠲᠡᠷᠭᠡᠨ ᠳᠡᠭᠡᠷ᠎ᠡ ᠠᠴᠢᠭᠰᠠᠨ ᠡᠪᠡᠰᠦᠨ᠎ᠳᠦᠨᠢ ᠭᠠᠯ ᠵᠤᠯᠭᠠᠵᠠᠢ᠃ ᠡᠨᠡ ᠳᠡᠷᠬᠡ ᠡᠪᠡᠰᠦ ᠵᠢ ᠨᠢᠭᠡᠨ ᠮᠠᠯᠴᠢᠨ ᠮᠠᠯᠵᠢᠯ᠎ᠤᠨ ᠲᠠᠯᠠᠪᠠᠶ᠎ᠠᠴᠠ ᠰᠠᠶᠢᠬᠠᠨ 5 ᠲᠦᠮᠡᠨ ᠲᠥᠭᠥᠷᠢᠭ ᠵᠢᠡᠷ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠪᠠᠢᠵᠠᠢ᠃

ᠲᠠᠯ᠎ᠠ ᠵᠢᠨ ᠵᠠᠮ ᠵᠢᠡᠷ ᠶᠠᠪᠤᠵᠦ ᠵᠤᠷᠴᠢᠬᠤ ᠬᠦᠮᠦᠨ ᠴᠦᠭᠡᠨ᠂ ᠳᠥᠷᠪᠡᠨ ᠵᠦᠭ᠎ᠲᠦ ᠬᠥᠮᠥᠨ ᠠᠮᠢᠲᠠᠨ᠎ᠤ ᠪᠠᠷ᠎ᠠ ᠠᠯᠠᠭ᠎ᠠ᠂ ᠰᠢᠷᠦᠭᠦᠨ ᠭᠠᠯ ᠬᠤᠷᠤᠮ ᠵᠠᠭᠤᠷ᠎ᠠ ᠵᠢ ᠬᠦᠯᠢᠶᠡᠯ ᠦᠭᠡᠢ ᠠᠶᠤᠮᠰᠢᠭᠲᠡᠢ ᠲᠦᠷᠡᠯᠵᠡᠪᠡ᠃ ᠵᠢᠯᠤᠭᠤᠴᠢ ᠵᠢ ᠶᠠᠭᠠᠬᠢᠵᠦ ᠡᠢᠬᠦ ᠪᠠᠨ ᠤᠯᠵᠦ ᠶᠠᠳᠠᠵᠦ ᠪᠠᠢᠭᠰᠠᠨ ᠦᠶᠡᠰ᠂ ᠵᠠᠮ ᠵᠢᠡᠷ ᠦᠩᠬᠡᠷᠡᠬᠦ ᠬᠡᠰᠡᠨ ᠲᠡᠳᠡ ᠭᠠᠯ ᠡᠴᠡ ᠠᠪᠤᠷᠠᠬᠤ ᠪᠡᠷ ᠳᠡᠷᠬᠡᠨ ᠡᠴᠡ ᠪᠠᠨ ᠪᠠᠭᠤᠵᠠᠭᠠᠯ᠎ᠠ！

11 ᠰᠠᠷ᠎ᠠ᠎ᠶᠢᠨ 22᠎ᠤᠨ ᠡᠳᠦᠷ᠎ᠦᠨ ᠦᠳᠡ ᠵᠢᠨ ᠬᠣᠢᠨ᠎ᠠ᠂ ᠮᠡᠨᠳᠦ ᠨᠠᠢᠵᠠ ᠨᠠᠷ ᠲᠠᠢ ᠪᠠᠨ ᠭᠡᠷ᠎ᠲᠡᠬᠡᠨ ᠬᠠᠷᠢᠬᠤ ᠵᠠᠮ ᠵᠠᠭᠤᠷ᠎ᠠ ᠬᠣᠯᠠ᠎ᠠᠴᠠ ᠬᠠᠷ᠎ᠠ ᠤᠲᠤᠭ᠎ᠠ ᠮᠠᠨᠠᠷᠠᠵᠦ ᠪᠠᠢᠭ᠎ᠠ ᠵᠢ ᠬᠠᠷᠠᠭᠠᠳ 《ᠪᠠᠢᠳᠠᠯ ᠮᠠᠭᠤ ᠪᠤᠯᠤᠯᠲᠠᠢ》 ᠭᠡᠳ ᠬᠤᠷᠳᠤᠨ ᠬᠦᠷᠴᠦ ᠦᠵᠡᠭᠰᠡᠨ᠎ᠳᠦ ᠡᠪᠡᠰᠦ ᠠᠴᠢᠭᠰᠠᠨ ᠲᠡᠷᠭᠡ ᠭᠠᠯ ᠭᠠᠷᠴᠤ᠂ ᠭᠠᠯ ᠨᠢ ᠨᠢᠭᠡᠨᠲᠡ ᠬᠦᠷᠳᠦ᠎ᠡᠴᠡ ᠲᠡᠭᠡᠭᠰᠢ ᠬᠦᠷᠲᠡᠯ᠎ᠡ ᠦᠷᠪᠢᠰᠦᠨ ᠶᠡᠭᠡᠳᠦᠭᠡᠳ ᠪᠠᠢᠪᠠ᠃

ᠲᠡᠳᠡ ᠲᠠᠲᠠᠭᠠᠯᠵᠠᠭᠰᠠᠨ ᠦᠭᠡᠢ ᠪᠡᠷ ᠳᠠᠷᠤᠢᠬᠠᠨ ᠲᠡᠷᠭᠡ ᠎ᠪᠡᠨ ᠵᠣᠭᠰᠣᠭᠠᠵᠤ ᠠᠪᠤᠷᠠᠬᠤ ᠪᠡᠷ ᠬᠦᠶᠦᠪᠡ᠃ ᠵᠠᠮ ᠵᠢᠡᠷ ᠥᠩᠭᠡᠷᠡᠬᠦ ᠬᠦᠮᠦᠰ᠎ᠴᠤ ᠬᠠᠪᠰᠤᠷᠤᠯᠭ᠎ᠠ ᠦᠵᠡᠭᠦᠯᠵᠦ ᠪᠠᠢᠯ᠎ᠠ᠂ ᠭᠡᠪᠡᠴᠦ ᠭᠠᠯ᠎ᠤᠨ ᠪᠠᠢᠳᠠᠯ ᠮᠥᠨ ᠯᠡ ᠰᠢᠷᠦᠭᠦᠨ ᠦᠷᠭᠦᠯᠵᠢᠯᠡᠵᠦ ᠪᠠᠢᠪᠠ᠂ ᠪᠠᠰᠠ ᠬᠡᠳᠦᠨ ᠲᠡᠷᠭᠡ ᠵᠠᠯᠭᠠᠭ᠎ᠠ᠎ᠪᠠᠷ ᠵᠣᠭᠰᠣᠵᠤ᠂ ᠶᠡᠷᠦ᠎ᠡᠴᠡ ᠲᠠᠨᠢᠯᠴᠠᠬᠤ ᠦᠭᠡᠢ ᠬᠥᠮᠥᠰ ᠡᠨᠡ ᠮᠥᠴᠡ᠎ᠳᠦ ᠦᠭᠡ ᠳᠠᠭᠤ ᠦᠭᠡᠢ᠎ᠪᠡᠷ ᠬᠥᠮᠥᠨ᠎ᠢ ᠨᠢ ᠠᠪᠤᠷᠠᠬᠤ᠂ ᠲᠡᠷᠭᠡ ᠵᠢ ᠨᠢ ᠠᠪᠤᠷᠠᠬᠤ᠂ ᠭᠠᠯ᠎ᠤᠨ ᠪᠠᠢᠳᠠᠯ᠎ᠢ ᠡᠵᠡᠮᠳᠡᠬᠦ ᠪᠡᠷ ᠳᠠᠷᠤᠢ ᠲᠦᠷᠭᠡᠨ ᠬᠦᠳᠡᠯᠦᠯᠴᠡᠪᠡ᠃ ᠰᠠᠯᠬᠢᠨ᠎ᠤ ᠬᠦᠴᠦᠨ᠎ᠳᠦ ᠡᠪᠡᠰᠦ ᠮᠠᠰᠢ ᠠᠮᠠᠷᠬᠠᠨ ᠨᠣᠴᠣᠵᠤ ᠪᠠᠢᠭᠰᠠᠨ᠎ᠤ ᠲᠡᠭᠡᠷ᠎ᠡ ᠵᠢᠵᠢᠭ ᠭᠠᠯ ᠤᠨᠲᠠᠷᠠᠭᠠᠬᠤ ᠪᠠᠭᠠᠵᠢ ᠶᠠᠮᠠᠷ᠎ᠴᠤ ᠲᠤᠰᠠ ᠪᠤᠯᠬᠤ ᠦᠭᠡᠢ ᠪᠠᠢᠯ᠎ᠠ᠃

ᠮᠡᠨᠳᠦ ᠵᠢᠨ ᠨᠠᠢᠵᠠ ᠠᠯᠲᠠᠨᠰᠦ᠋ᠭᠡ ᠠᠶᠤᠯ ᠭᠠᠷᠤᠭᠰᠠᠨ ᠭᠠᠵᠠᠷ᠎ᠠᠴᠠ 3 ᠺᠢᠯᠣᠮᠧᠲᠷ ᠵᠠᠢᠲᠠᠢ ᠨᠤᠲᠤᠭ᠎ᠡᠴᠡ ᠲᠤᠰᠠᠯᠠᠮᠵᠢ ᠭᠤᠶᠤᠯ᠎ᠠ᠃ ᠳᠡᠮᠡᠢ ᠤᠳᠠᠭᠰᠠᠨ ᠦᠭᠡᠢ ᠨᠢᠭᠡᠨ ᠤᠳᠬᠤᠭᠤᠷ ᠲᠡᠷᠭᠡ ᠬᠦᠷᠴᠦ ᠢᠷᠡᠵᠦ ᠬᠠᠪᠰᠤᠷᠤᠬᠰᠠᠨ ᠴᠤ᠌ ᠪᠠᠰᠡ ᠲᠡᠮᠡᠢ ᠲᠤᠰᠠ ᠪᠤᠯᠵᠦ ᠲᠡᠢᠯᠦᠭᠰᠡᠨ ᠦᠭᠡᠢ᠃

《ᠤᠳᠬᠤᠭᠤᠷ ᠲᠡᠷᠭᠡ ᠳᠡᠩᠳᠡᠭᠦᠦ ᠪᠠᠭ᠎ᠠ᠂ ᠵᠠᠷᠢᠮ ᠭᠡᠰᠡᠭ᠎ᠤᠨ ᠡᠪᠡᠰᠦ ᠵᠢ ᠨᠢ ᠲᠦᠯᠬᠢᠵᠦ ᠳᠡᠶ᠋ᠢᠯᠬᠦ ᠦᠭᠡᠢ᠂ ᠵᠠᠷᠢᠮ᠎ᠳᠦᠨᠢ ᠬᠦᠷᠴᠦ ᠳᠡᠶ᠋ᠢᠯᠬᠦ ᠦᠭᠡᠢ᠂ ᠭᠠᠯ᠎ᠤᠨ ᠪᠠᠢᠳᠠᠯ᠎ᠴᠤ ᠴᠠᠭ ᠵᠠᠭᠤᠷ᠎ᠠ ᠵᠢᠨ ᠵᠠᠢ ᠦᠭᠬᠦ ᠦᠭᠡᠢ ᠪᠠᠢᠭᠰᠠᠨ᠃ ᠪᠢᠳᠡ ᠬᠥᠮᠥᠨ᠎ᠦ ᠬᠦᠴᠦᠨ᠎ᠳᠦ ᠲᠦᠰᠢᠭᠯᠡᠨ ᠨᠢᠭᠡ ᠨᠢᠭᠡ ᠪᠣᠭᠣᠯᠲᠠ᠎ᠪᠠᠷ ᠳᠣᠷᠣᠭ᠍ᠰᠢ ᠰᠢᠳᠡᠪᠡ ᠁》 ᠭᠡᠵᠦ ᠠᠯᠲᠠᠨᠰᠦ᠋ᠭᠡ ᠡᠷᠭᠢᠴᠡᠭᠦᠯᠵᠦ ᠶᠠᠷᠢᠨ᠎ᠠ᠃

ᠭᠠᠯ ᠬᠠᠵᠠᠭᠤ ᠡᠴᠡ ᠲᠥᠭᠡᠨᠡᠵᠦ ᠬᠠᠷ᠎ᠠ ᠣᠲᠣᠭ᠎ᠠ ᠨᠢᠳᠦ ᠨᠡᠭᠡᠭᠡᠯᠭᠡᠬᠦ ᠵᠢᠨ ᠠᠷᠭ᠎ᠠ ᠦᠭᠡᠢ ᠪᠠᠢᠭᠰᠠᠨ᠎ᠴᠤ᠂ ᠲᠠᠳᠠ ᠬᠣᠶᠠᠷ ᠭᠠᠷ᠎ᠢᠶᠠᠷ᠎ᠢᠶᠠᠨ ᠨᠣᠴᠣᠵᠤ ᠪᠠᠢᠭ᠎ᠠ ᠪᠤᠭᠤᠵᠢ ᠲᠠᠢ ᠡᠪᠡᠰᠦ᠎ᠶᠢ ᠲᠤᠷᠤᠭᠰᠢ ᠰᠢᠳᠡᠵᠦ ᠯᠡ ᠪᠠᠢᠯ᠎ᠠ᠃ 《ᠤᠯᠠᠨ ᠲᠠᠪᠤᠨ ᠶᠠᠭᠤᠮ᠎ᠠ ᠪᠤᠳᠤᠵᠦ ᠠᠮᠵᠢᠭᠰᠠᠨ ᠦᠭᠡᠢ᠂ ᠪᠢᠳᠡ ᠭᠠᠯ ᠤᠰᠤᠨ᠎ᠤ ᠠᠶᠤᠯ᠎ᠳᠦ ᠭᠠᠷ ᠲᠤᠭᠲᠤᠢᠯᠠᠵᠦ ᠬᠠᠷᠠᠵᠦ ᠵᠤᠭᠰᠤᠳᠠᠬ ᠦᠭᠡᠢ ᠰᠢᠦ》 ᠭᠡᠵᠦ ᠮᠡᠨᠳᠦ ᠶᠠᠷᠢᠨ᠎ᠠ᠃

ᠦᠳᠡ᠎ᠶᠢᠨ ᠬᠣᠢᠨᠠᠬᠢ 3 ᠴᠠᠭ 10 ᠮᠢᠨᠦ᠋ᠲ᠎ᠲᠦ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠣᠰᠢᠭᠤᠨ᠎ᠤ ᠭᠠᠯ ᠰᠡᠷᠭᠡᠢᠯᠡᠵᠦ ᠭᠠᠯ ᠤᠨᠲᠠᠷᠠᠭᠠᠬᠤ ᠠᠪᠤᠷᠠᠨ ᠲᠤᠰᠠᠯᠠᠬᠤ ᠥᠷᠲᠡᠭᠡ ᠵᠢᠨ ᠬᠢᠨ 80 ᠺᠢᠯᠣᠮᠧᠲᠷ᠎ᠦᠨ ᠬᠤᠯᠠ ᠡᠴᠡ ᠬᠦᠷᠴᠦ ᠢᠷᠡᠪᠡ᠃ ᠡᠨᠡ ᠦᠶ᠎ᠡ᠎ᠳᠦ ᠲᠡᠷᠭᠡ ᠪᠦᠷᠢᠮᠦᠰᠦᠨ ᠰᠢᠳᠠᠵᠦ᠂ ᠪᠤᠭᠤᠵᠢ ᠲᠠᠢ ᠡᠪᠡᠰᠦ ᠨᠢ᠎ᠴᠤ ᠭᠠᠳᠠᠨ᠎ᠡ ᠡᠴᠡ ᠲᠤᠳᠤᠭᠰᠢ ᠪᠠᠨ ᠰᠢᠷᠦᠭᠦᠨ ᠨᠣᠴᠣᠵᠤ ᠪᠠᠢᠯ᠎ᠠ᠃

ᠤᠯᠠᠨ ᠵᠢᠡᠷ ᠵᠢᠡᠨ ᠬᠣᠶᠠᠷ ᠴᠠᠭ ᠰᠢᠬᠠᠮ ᠬᠠᠲᠠᠭᠤᠵᠢᠯᠲᠠᠢ ᠲᠡᠮᠡᠴᠡᠵᠦ᠂ ᠶᠡᠬᠡ ᠭᠠᠯ᠎ᠢ ᠲᠤᠢᠯᠪᠤᠷᠢᠲᠠᠢ ᠤᠨᠲᠠᠷᠠᠭᠠᠪᠠ᠃ ᠮᠠᠯᠴᠢᠨ᠎ᠤ ᠲᠡᠷᠭᠡ ᠪᠠ ᠪᠤᠭᠤᠵᠢ ᠲᠠᠢ ᠡᠪᠡᠰᠦ ᠨᠢ ᠰᠢᠳᠠᠭᠰᠠᠨ᠎ᠴᠤ ᠲᠡᠷᠭᠡᠨ ᠲᠣᠯᠣᠭᠠᠢ᠎ᠶᠢ ᠬᠠᠮᠠᠭᠠᠯᠠᠵᠦ ᠴᠢᠳᠠᠭᠰᠠᠨ ᠪᠠ ᠣᠢᠷ᠎ᠠ ᠬᠠᠪᠢ᠎ᠶᠢᠨ ᠪᠡᠯᠴᠢᠭᠡᠷ᠎ᠲᠦ ᠭᠠᠯ ᠲᠦᠢᠮᠡᠷ ᠤᠷᠤᠭᠤᠯᠤᠭᠰᠠᠨ ᠦᠭᠡᠢ᠂ ᠬᠦᠮᠦᠨ ᠬᠠᠷ᠎ᠠ ᠡᠨᠳᠡᠭᠰᠡᠨ ᠦᠭᠡᠢ ᠨᠢ ᠵᠤᠯ ᠪᠤᠯᠵᠠᠢ᠃

ᠲᠤᠰ ᠤᠳᠠᠭᠠᠨ᠎ᠤ ᠠᠪᠤᠷᠠᠨ ᠲᠤᠰᠠᠯᠠᠭᠰᠠᠨ ᠠᠵᠢᠯᠯᠠᠭ᠎ᠠ ᠨᠢ 33 ᠲᠦᠮᠡ ᠭᠠᠷᠤᠢ ᠰᠦᠯᠵᠢᠶᠡᠴᠢᠨ᠎ᠤ ᠠᠩᠬᠠᠷᠤᠯ᠎ᠢ ᠲᠠᠲᠠᠵᠥ᠂ ᠨᠢᠭᠡ ᠪᠦᠯᠦᠭ ᠬᠦᠮᠦᠰ᠎ᠤᠨ ᠪᠤᠰᠤᠳ᠎ᠢ ᠬᠠᠷᠠᠮ ᠦᠭᠡᠢ ᠲᠤᠰᠠᠯᠠᠭᠰᠠᠨ ᠪᠤᠶᠠᠨᠰᠠᠭ ᠠᠵᠢᠯᠯᠠᠭ᠎ᠠ ᠨᠢ ᠤᠯᠠᠨ᠎ᠤ ᠰᠠᠢᠰᠢᠶᠠᠯ᠎ᠢ ᠤᠯᠪᠠ᠃

ᠵᠢᠷᠤᠭ᠎ᠢ ᠲᠤᠪᠴᠢᠳᠠᠵᠤ ᠨᠠᠷᠢᠨ ᠠᠭᠤᠯᠭ᠎ᠠ ᠵᠢ ᠦᠵᠡᠭᠡᠷᠡᠢ！

         ᠢᠷᠡᠯᠲᠡ᠄ ᠲᠡᠭᠦᠯᠢᠯᠲᠡ ᠬᠠᠮ ᠵᠠᠭᠤᠴᠢᠯᠠᠭᠤᠷ