ᠬᠦᠢᠳᠡᠨ ᠤ᠋ ᠡᠷᠴᠢ ᠴᠢᠩᠭᠠᠷᠠᠬᠤ ᠶ᠋ᠢ ᠳᠠᠭᠠᠯᠳᠤᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠳ ᠮᠠᠯ ᠤᠨᠤᠭᠠ ᠪᠡᠨ ᠮᠡᠨᠳᠦ ᠤᠨᠳᠤᠷᠤᠭᠤᠯᠬᠤ ᠪᠡᠷ ᠡᠪᠡᠰᠦ ᠪᠤᠷᠳᠤᠭᠠ ᠶ᠋ᠢ ᠴᠢᠳᠠᠬᠤ ᠶ᠋ᠢᠨ ᠲᠤᠳᠤᠷᠠ ᠢᠯᠡᠭᠦᠦ ᠨᠦᠭᠡᠴᠡᠯᠡᠨᠠ᠃ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶ᠋ᠢᠨ ᠯᠢᠨᠰᠢ ᠰᠢᠶᠠᠨ ᠤ᠋ ᠯᠢᠨᠰᠢ ᠪᠠᠯᠭᠠᠰᠦ ᠶ᠋ᠢᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠪᠠ ᠬᠦᠳᠡᠭᠡ ᠲᠤᠰᠬᠤᠨ ᠮᠠᠯᠵᠢᠬᠤ ᠤᠷᠤᠨ ᠤ᠋ ᠰᠠᠯᠠᠭᠠ ᠮᠦᠴᠢᠷ ᠤ᠋ᠨ ᠬᠢᠨ ᠯᠢᠨᠰᠢ ᠪᠠᠯᠭᠠᠰᠤ ᠶ᠋ᠢᠨ 5.6 ᠲᠦᠮᠡᠨ ᠮᠠᠯ ᠤᠨᠤᠭᠠ ᠶ᠋ᠢ ᠮᠡᠨᠳᠦ ᠤᠨᠳᠤᠷᠤᠭᠤᠯᠬᠤ ᠶ᠋ᠢᠨ ᠲᠦᠯᠦᠭᠡ ᠡᠪᠡᠰᠦ ᠪᠤᠷᠳᠤᠭᠠ ᠨᠦᠭᠡᠴᠡᠯᠡᠬᠦ ᠠᠵᠢᠯ ᠢ᠋ ᠡᠷᠳᠡ ᠡᠴᠡ ᠠᠳᠬᠤᠵᠤ ᠡᠷᠳᠡ ᠡᠴᠡ ᠪᠠᠢᠷᠢᠯᠠᠭᠤᠯᠵᠠᠢ᠃
ᠰᠠᠷᠠᠪᠴᠢᠨ ᠳ᠋ᠡᠬᠢ ᠰᠠᠭᠠᠯᠢ ᠶ᠋ᠢᠨ ᠦᠨᠢᠶᠠ
ᠯᠢᠨᠰᠢ ᠪᠠᠯᠭᠠᠰᠤ ᠶ᠋ᠢᠨ ᠴᠠᠩ ᠱᠧᠩ ᠲᠤᠰᠬᠤᠨ ᠤ᠋ ᠶᠠᠨ ᠴᠢᠩ ᠰᠠᠭᠠᠯᠢ ᠶ᠋ᠢᠨ ᠦᠨᠢᠶᠠ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠲᠤᠰᠬᠠᠢ ᠬᠤᠷᠰᠢᠶᠠ ᠶ᠋ᠢᠨ ᠬᠦᠷᠢᠶᠠ ᠳ᠋ᠤ ᠤᠷᠤᠪᠠᠯ᠂ ᠳᠤᠯᠠᠭᠠᠨ ᠰᠠᠷᠠᠪᠴᠢ ᠪᠤᠯᠤᠨ ᠫᠧᠩ ᠬᠤᠷᠤᠭᠠ ᠶ᠋ᠢ ᠪᠠᠢᠴᠠᠭᠠᠨ ᠰᠡᠯᠪᠢᠬᠦ ᠠᠵᠢᠯ ᠠᠯᠢ ᠬᠡᠳᠦᠢᠨ ᠳᠠᠭᠤᠰᠴᠤ᠂ ᠡᠪᠡᠰᠦ ᠪᠤᠷᠳᠤᠭᠠ ᠬᠦᠷᠢᠶᠡ ᠳᠦᠭᠦᠷᠡᠩ ᠤᠪᠤᠭᠠᠯᠠᠰᠤᠳᠠᠢ ᠪᠠᠢᠯᠠ᠃ 《ᠡᠨᠡ ᠵᠢᠯ ᠡᠪᠡᠰᠦ ᠪᠤᠷᠳᠤᠭᠠ ᠶ᠋ᠢ ᠴᠤᠬᠤᠮ ᠭᠦᠢᠴᠡᠳ ᠨᠦᠭᠡᠴᠡᠯᠡᠵᠠᠢ᠃ ᠬᠦᠬᠡ ᠳᠠᠷᠤᠰᠢ 3600 ᠭᠠᠷᠤᠢ ᠳᠤᠨ᠂ ᠬᠦᠭᠡ ᠡᠪᠡᠰᠦ 160 ᠳᠤᠨ ᠨᠦᠭᠡᠴᠡᠯᠡᠵᠦ᠂ ᠡᠷᠳᠡᠨᠢ ᠰᠢᠰᠢ ᠶ᠋ᠢ ᠬᠡᠳᠦᠢ ᠬᠡᠷᠡᠭᠰᠡᠪᠡᠯ ᠬᠡᠳᠦᠢ ᠠᠪᠴᠤ ᠪᠠᠢᠨᠠ》 ᠭᠡᠵᠦ ᠲᠤᠰᠬᠠᠢ ᠬᠤᠷᠰᠢᠶᠠ ᠶ᠋ᠢᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠵᠠᠩ ᠶᠠᠨ ᠴᠢᠩ ᠬᠡᠯᠡᠨᠠ᠃
ᠨᠦᠭᠡᠴᠡ ᠡᠪᠡᠰᠦ
ᠤᠢᠯᠠᠭᠠᠭᠰᠠᠨ ᠶ᠋ᠢᠡᠷ᠂ ᠯᠢᠨᠰᠢ ᠪᠠᠯᠭᠠᠰᠤ ᠳ᠋ᠤ ᠤᠳᠤ 3 ᠬᠡᠪᠴᠢᠶᠡᠵᠢᠭᠰᠡᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠲᠠᠯᠠᠪᠠᠢ᠂ ᠰᠤᠯᠠ ᠪᠡᠷ ᠮᠠᠯ ᠮᠠᠯᠵᠢᠵᠤ ᠪᠠᠢᠭᠠ 230 ᠭᠠᠷᠤᠢ ᠲᠠᠷᠢᠶᠠᠯᠠᠬᠤ ᠡᠷᠦᠬᠡ ᠲᠠᠢ ᠪᠠᠢᠵᠤ᠂ ᠡᠷᠬᠢᠨ ᠲᠤᠭᠤᠷᠢᠨ ᠤ᠋ ᠲᠠᠷᠢᠮᠠᠯ ᠤ᠋ᠨ ᠡᠬᠢ ᠪᠠᠶᠠᠯᠢᠭ ᠢ᠋ ᠭᠦᠢᠴᠡᠳ ᠠᠰᠢᠭᠯᠠᠨ ᠮᠠᠯ ᠤ᠋ᠨ ᠡᠪᠡᠰᠦ ᠪᠤᠷᠳᠤᠭᠠ ᠳᠤᠳᠠᠭᠳᠠᠬᠤ ᠠᠰᠠᠭᠤᠳᠠᠯ ᠢ᠋ ᠰᠢᠢᠳᠪᠤᠷᠢᠯᠡᠵᠦ ᠪᠠᠢᠨᠠ᠃ ᠤᠳᠤᠬᠠᠨ ᠳ᠋ᠤ ᠲᠤᠰ ᠪᠠᠯᠭᠠᠰᠦ ᠶ᠋ᠢᠨ ᠲᠠᠷᠢᠶᠠᠯᠠᠬᠤ ᠡᠷᠦᠬᠡ ᠨᠢᠭᠡᠨᠳᠡ 10 ᠲᠦᠮᠡᠨ ᠳᠤᠨ ᠤ᠋ ᠡᠪᠡᠰᠦ ᠪᠤᠷᠳᠤᠭᠠ ᠨᠦᠭᠡᠴᠡᠯᠡᠵᠦ᠂ ᠮᠠᠯ ᠤᠨᠤᠭᠠ ᠪᠡᠨ ᠮᠡᠨᠳᠦ ᠤᠨᠳᠤᠷᠤᠭᠤᠯᠬᠤ ᠪᠡᠯᠡᠳᠭᠡᠯ ᠢ᠋ ᠰᠠᠢᠳᠦᠷ ᠬᠢᠪᠡ᠃
ᠡᠪᠡᠰᠦ ᠵᠥᠭᠡᠭᠡᠪᠦᠷᠢᠯᠡᠨᠡ
（ ᠯᠢ ᠹᠦ ᠯᠢᠤ ᠬᠠᠢ ᠲᠤᠤ ᠰᠡᠭᠦᠳᠡᠷᠯᠡᠪᠡ）