— ᠬᠤᠷᠴᠢᠨ ᠵᠡᠬᠦᠨ
ᠭᠠᠷᠤᠨ ᠬᠤᠢᠳᠦ ᠬᠤᠰᠢᠭᠤᠨᠤ ᠵᠢᠷᠭᠠᠯᠠᠡᠭ ᠪᠠᠯᠭᠠᠰᠤ ᠵᠢᠨ ᠬᠦᠨᠨᠠᠭᠤᠷ ᠭᠠᠴᠠᠭᠠ ᠵᠢᠨ ᠠᠷᠠᠳ ᠤᠨ
ᠤᠷᠠᠯᠢᠭᠴᠢᠨ ᠤᠷᠳᠤᠵᠢᠷᠭᠠᠯ ᠢ ᠲᠡᠮᠲᠡᠭᠯᠡᠪᠡ
ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠪᠤᠯ ᠮᠤᠨᠭᠭᠤᠯ
ᠦᠨᠳᠦᠰᠦᠲᠡᠨ ᠤ ᠦᠯᠡᠮᠵᠢ ᠬᠡᠷᠡᠭᠯᠡᠳᠡᠭ ᠲᠦᠯᠦᠬᠡᠯᠡᠬᠦ ᠴᠢᠨᠠᠷ ᠲᠠᠢ ᠬᠦᠭᠵᠢᠮᠳᠡᠬᠦᠷ ᠪᠤᠯᠤᠨᠠ᠃ 2008
ᠤᠨ ᠳᠤ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠤᠨ ᠬᠦᠭᠵᠢᠮ ᠨᠢ ᠲᠦᠷᠦ ᠵᠢᠨ ᠶᠠᠪᠤᠳᠠᠯ ᠤᠨ ᠬᠤᠷᠢᠶᠠ ᠵᠢᠨ
ᠵᠦᠪᠰᠢᠶᠡᠷᠡᠯ ᠵᠢᠡᠷ ᠬᠤᠶᠠᠳᠤᠭᠠᠷ ᠪᠦᠯᠦᠭ ᠤᠯᠤᠰ ᠤᠨ ᠳᠡᠰᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠲᠤ᠌
ᠪᠦᠷᠢᠳᠭᠡᠭᠳᠡᠭᠰᠡᠨ ᠪᠠᠢᠳᠠᠭ᠃ ᠦᠷᠭᠡᠨ ᠤᠯᠠᠨ ᠮᠤᠨᠭᠭᠤᠯ ᠦᠨᠳᠦᠰᠦᠲᠡᠨᠤ ᠮᠠᠯᠴᠢᠨ ᠲᠠᠷᠢᠶᠠᠴᠢᠳᠤᠨ ᠳᠤᠮᠳᠠ
ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠤᠨ ᠳᠤᠷᠠ ᠪᠠᠬᠠᠲᠠᠳ ᠮᠤᠡᠭ ᠦᠬᠡᠢ ᠤᠯᠠᠨ ᠪᠠᠢᠳᠠᠭ ᠮᠦᠷᠲᠡᠭᠡᠨ ᠵᠠᠷᠢᠮᠠᠳ
ᠨᠢ ᠪᠦᠷ ᠨᠢᠯᠬᠠ ᠵᠢᠨ ᠨᠠᠰᠤᠨ ᠡᠴᠡ ᠪᠠᠨ ᠲᠠᠲᠠᠵᠦ ᠰᠤᠷᠤᠭᠠᠳ ᠨᠢᠬᠡ ᠨᠠᠰᠤ ᠪᠡᠷ ᠵᠢᠨᠨ ᠬᠠᠯᠠᠰᠢᠷᠠᠯ
ᠦᠬᠡᠢ ᠰᠢᠷᠭᠠᠭᠤ ᠬᠠᠲᠠᠭᠤᠵᠢᠯᠲᠠᠢ ᠤᠷᠤᠯᠳᠤᠭᠰᠠᠭᠠᠷ ᠪᠠᠢᠵᠦ ᠬᠢᠷᠢ ᠪᠠᠷᠤᠭᠤᠨ ᠮᠡᠷᠭᠡᠵᠢᠯ ᠤᠨ ᠬᠦᠮᠦᠨ
ᠡᠴᠡ ᠴᠤ᠌ ᠳᠤᠤᠷᠠᠳᠠᠮᠠ ᠦᠬᠡᠢ ᠬᠢᠷᠢ ᠲᠦᠪᠰᠢᠨ ᠳᠤ ᠬᠦᠷᠴᠢᠬᠡᠭᠰᠡᠨ ᠪᠠᠢᠳᠠᠭ᠃ ᠲᠡᠢᠮᠦ ᠬᠦᠮᠦᠰᠤᠨ ᠨᠢᠬᠡ
ᠨᠢ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠢᠳᠦ ᠬᠤᠰᠢᠭᠤᠨ ᠤ ᠵᠢᠷᠭᠠᠯᠠᠡᠭ ᠪᠠᠯᠭᠠᠰᠤ ᠵᠢᠨ ᠬᠦᠨᠨᠠᠭᠤᠷ ᠭᠠᠴᠠᠭᠠ ᠵᠢᠨ
ᠠᠷᠠᠳ ᠤᠨ ᠤᠷᠠᠯᠢᠭᠴᠢᠨ ᠤᠷᠳᠤᠵᠢᠷᠭᠠᠯ ᠭᠤᠸᠠᠢ ᠪᠤᠯᠬᠤ ᠶᠤᠮ᠃
ᠤᠷᠲᠤᠵᠢᠷᠭᠠᠯ 1959 ᠤᠨ ᠳᠤ ᠲᠤᠬᠠᠢ
ᠵᠢᠨ ᠦᠶᠡ ᠵᠢᠨ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠢᠳᠦ ᠬᠤᠰᠢᠭᠤᠨ ᠤ ᠬᠠᠯᠢᠭᠤᠲᠤ ᠰᠤᠮᠤ ᠵᠢᠨ ᠬᠠᠯᠢᠭᠤᠲᠦ ᠰᠤᠭᠤ
ᠵᠢᠨ ᠠᠢᠯ ᠳᠤ ᠵᠢᠷ ᠤᠨ ᠮᠠᠯᠴᠢᠨ ᠭᠠᠳᠠ ᠪᠤᠯᠤᠨ ᠢᠤᠢ ᠯᠠᠨ ᠬᠤᠶᠠᠭᠤᠯᠠ ᠵᠢᠨ ᠳᠦᠷᠪᠡᠳᠦᠬᠡᠷ ᠬᠦᠦ ᠨᠢ ᠪᠤᠯᠵᠦ
ᠵᠠᠶᠠᠭᠠᠵᠠᠢ᠃ ᠤᠷᠲᠤᠵᠢᠷᠭᠠᠯ ᠢ ᠲᠠᠨᠢᠳᠠᠭ ᠮᠡᠳᠡᠳᠡᠭ ᠬᠦᠮᠦᠰ ᠨᠢ ᠲᠡᠬᠦᠨ ᠢ ᠤᠷᠠᠯᠢᠬ ᠤᠨ ᠤᠳᠤᠨ ᠳᠤ
ᠲᠦᠷᠦᠵᠡᠢ ᠭᠡᠵᠦ ᠬᠡᠯᠡᠳᠡᠭ᠃ ᠤᠴᠢᠷ ᠨᠢ ᠲᠡᠷᠡ ᠲᠠᠪᠤ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠳᠠᠭᠠᠨ ᠵᠡᠷᠭᠡᠯᠡᠳᠡᠭᠡ ᠭᠡᠷ
ᠤᠨ ᠵᠢᠨᠨ ᠲᠠᠨ ᠴᠢᠨ ᠢ ᠬᠦᠭᠵᠢᠮᠳᠡᠵᠦ ᠰᠤᠷᠤᠭᠰᠠᠨ ᠵᠢᠡᠷ ᠪᠠᠷᠠᠬᠤ ᠦᠬᠡᠢ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ
ᠢ ᠴᠤ᠌ ᠲᠠᠲᠠᠭᠠᠳ ᠴᠢᠳᠠᠴᠢᠬᠠᠭᠰᠠᠨ ᠠᠪᠢᠶᠠᠰᠤᠯᠢᠬ ᠬᠡᠦᠬᠡᠳ ᠪᠠᠢᠭᠰᠠᠨ ᠶᠤᠮ᠃ ᠡᠬᠦᠪᠡᠷ ᠵᠤᠭᠰᠤᠬᠤ ᠦᠬᠡᠢ᠂
ᠪᠠᠷᠤᠭ ᠤᠨ ᠬᠦᠭᠵᠢᠮᠳᠡᠬᠦᠷᠢ ᠠᠳᠬᠤᠭᠠᠳ
ᠠᠪᠤᠭᠰᠠᠭᠠᠷ ᠳᠤᠤᠭᠠᠷᠭᠠᠴᠢᠬᠠᠳᠠᠭ ᠤᠷᠠᠯᠢᠬ ᠲᠦᠷᠦᠨᠡ ᠭᠡᠳᠡᠭ ᠬᠦᠮᠦᠨ ᠪᠤᠯᠭᠠᠨᠳᠤ ᠪᠠᠢᠵᠦ ᠴᠢᠳᠠᠰᠢ
ᠦᠬᠡᠢ ᠤᠷᠠ ᠠᠪᠢᠶᠠᠰ ᠪᠢᠯᠡ᠃
— ᠪᠢ ᠲᠠᠪᠤ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ
ᠦᠶᠡᠳᠡᠭᠡᠨ ᠵᠡᠷᠭᠡᠯᠡᠳᠡᠭᠡ ᠭᠡᠷ ᠤᠨ ᠳᠦᠷᠪᠡᠳᠦᠬᠡᠷ ᠠᠪᠠᠭᠠ ᠵᠢᠨ ᠵᠢᠨᠨ ᠲᠠᠨ ᠴᠢᠨ ᠢ ᠶᠡᠬᠡ ᠪᠠᠬᠠᠷᠬᠠᠵᠦ
ᠡᠳᠦᠷ ᠪᠦᠷᠢ ᠭᠡᠷ ᠲᠤ᠌ ᠨᠢ ᠤᠴᠢᠵᠦ ᠲᠤᠶᠢᠵᠦ ᠲᠤᠪᠴᠢᠵᠦ ᠰᠠᠭᠤᠳᠠᠭ ᠪᠠᠢᠪᠠ᠃ ᠭᠡᠬᠦ ᠳᠤ ᠠᠪᠠᠭᠠ ᠮᠠᠨᠢ ᠠᠯᠢ
ᠳᠠᠷᠤᠭᠤᠯ ᠢ ᠨᠢ ᠳᠠᠷᠤᠪᠠᠯ ᠶᠠᠮᠠᠷ ᠠᠶᠠ ᠭᠠᠷᠤᠨᠠ ᠭᠡᠵᠦ ᠵᠢᠭᠠᠵᠦ ᠳᠤᠬᠢᠭᠰᠠᠭᠠᠷ ᠪᠠᠢᠵᠦ ᠪᠢ ᠤᠳᠠᠭᠰᠠᠨ
ᠴᠤ᠌ ᠦᠬᠡᠢ ᠠᠶᠠ ᠭᠠᠷᠭᠠᠭᠠᠳ ᠴᠢᠳᠠᠴᠢᠬᠠᠪᠠ᠃ ᠲᠠᠨ ᠴᠢᠨ ᠳᠠᠷᠤᠭᠠᠳ ᠠᠶᠠ ᠭᠠᠷᠭᠠᠵᠦ ᠴᠢᠳᠠᠭᠰᠠᠨ ᠪᠢ ᠬᠠᠨᠠ
ᠳᠤ ᠡᠯᠬᠦᠭᠡᠰᠦᠲᠡᠢ ᠠᠪᠤ ᠵᠢᠨ ᠵᠢᠨᠨ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠢ ᠨᠢᠬᠡ ᠲᠠᠲᠠᠵᠦ ᠦᠵᠡᠪᠡᠯ ᠬᠡᠳᠦᠢ ᠰᠠᠢᠬᠠᠨ
ᠪᠤᠯ？ ᠭᠡᠵᠦ ᠭᠤᠷᠢᠳᠠᠳᠠᠭ ᠪᠤᠯᠵᠠᠢ᠃ ᠮᠢᠨᠦ ᠠᠪᠤ ᠪᠤᠯᠤᠨ ᠠᠬᠠ ᠨᠠᠷ
ᠪᠦᠷ ᠬᠤᠭᠤᠷ ᠰᠠᠢᠨ ᠲᠠᠲᠠᠳᠠᠭ ᠤᠯᠤᠰ ᠶᠤᠮ᠃ ᠨᠢᠬᠡ ᠵᠤᠨ ᠤ ᠡᠳᠦᠷ ᠠᠪᠤ ᠪᠤᠯᠤᠨ ᠠᠬᠠ ᠨᠠᠷ ᠪᠦᠷ ᠲᠠᠷᠢᠶᠠᠨ
ᠳᠤ ᠶᠠᠪᠤᠭᠰᠠᠨ ᠬᠤᠭᠤᠷᠤᠨᠳᠦ ᠪᠢ ᠡᠵᠢ ᠡᠴᠡ ᠭᠤᠶᠤᠵᠦ ᠪᠠᠢᠭᠠᠳ ᠬᠠᠨᠠ ᠳᠤ ᠡᠯᠬᠦᠬᠡᠰᠦᠲᠡᠢ ᠳᠦᠷᠪᠡᠨ ᠤᠳᠠᠰᠤᠲᠤ
ᠬᠤᠭᠤᠷ ᠢ ᠠᠪᠤᠭᠤᠯᠤᠨ ᠲᠠᠲᠠᠵᠦ ᠦᠵᠡᠬᠦ ᠳᠤ ᠦᠨᠡᠬᠡᠷ ᠠᠶᠠ ᠭᠠᠷᠴᠠᠢ᠃ ᠠᠪᠤ ᠪᠤᠯᠤᠨ ᠠᠬᠠ ᠨᠠᠷ ᠮᠢᠨᠦ ᠬᠤᠭᠤᠷ
ᠲᠠᠲᠠᠵᠦ ᠴᠢᠳᠠᠬᠤ ᠵᠢ ᠮᠡᠳᠡᠭᠰᠡᠨ ᠤ ᠳᠠᠷᠠᠭᠠ ᠨᠡᠡᠭ ᠪᠠᠢᠨ ᠳᠠᠬᠢᠨ ᠨᠠᠳᠠ ᠪᠡᠷ ᠬᠤᠭᠤᠷ ᠲᠠᠲᠠᠭᠤᠯᠤᠨ
ᠭᠡᠷ ᠪᠦᠯᠢ ᠪᠡᠷ ᠵᠢᠨᠨ ᠬᠦᠬᠡᠷᠦᠯᠳᠦᠨ ᠨᠠᠷᠬᠢᠯᠳᠤᠬᠤ ᠪᠤᠯᠵᠠᠢ᠃
ᠲᠡᠷᠡ ᠦᠶᠡᠰ ᠪᠢ 《ᠵᠢᠨᠵᠤᠤᠷ》 ᠂ 《ᠳ᠋ᠥᠡᠭ ᠹᠠᠡᠭ ᠬᠤᠡᠭ》 ᠵᠡᠷᠭᠡ ᠠᠶᠠ ᠵᠢ ᠲᠠᠲᠠᠵᠦ ᠪᠠᠢᠭᠰᠠᠨ ᠶᠤᠮ ᠭᠡᠵᠦ ᠤᠷᠲᠤᠵᠢᠷᠭᠠᠯ ᠭᠤᠸᠠᠢ ᠪᠠᠭᠠ ᠵᠢᠨ
ᠦᠶᠡ ᠪᠡᠨ ᠡᠷᠬᠢᠴᠡᠬᠦᠯᠦᠨᠡ᠃
ᠲᠤᠬᠠᠢ ᠵᠢᠨ ᠦᠶᠡᠰ ᠤᠷᠲᠤᠵᠢᠷᠭᠠᠯᠤᠨ
ᠨᠢᠬᠡ ᠪᠦᠯᠦ ᠠᠬᠠ ᠨᠢ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠢᠳᠦ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠥ᠋ᠴᠢᠷ ᠲᠤ᠌ ᠠᠵᠢᠯᠯᠠᠵᠦ
ᠪᠠᠢᠭᠰᠠᠨ ᠪᠦᠬᠡᠳ ᠤᠷᠲᠤᠵᠢᠷᠭᠠᠯ ᠳᠤ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠵᠢᠡᠷ ᠮᠤᠷᠢ ᠢᠨᠴᠠᠭᠠᠯᠭᠠᠬᠤ ᠮᠡᠲᠦ ᠵᠢᠨ
ᠮᠡᠷᠭᠡᠵᠢᠯ ᠢ ᠴᠤ᠌ ᠵᠢᠭᠠᠵᠦ ᠦᠭᠴᠡᠢ᠃ ᠲᠡᠭᠡᠵᠦ ᠡᠳᠦᠷᠵᠢᠨ ᠤᠳᠠᠰᠤᠲᠤ ᠬᠤᠭᠤᠷ ᠲᠠᠢ ᠪᠠᠨ ᠨᠤᠴᠤᠯᠳᠤᠭᠰᠠᠨ ᠪᠠᠭᠠ
ᠨᠠᠰᠤᠨᠤ ᠤᠷᠲᠤᠵᠢᠷᠭᠠᠯ ᠤᠯᠠᠭᠠᠨᠮᠦ᠋ᠴᠢᠷ ᠲᠤ᠌ ᠤᠷᠤᠬᠤ ᠭᠡᠰᠡᠨ ᠭᠠᠭᠴᠠᠬᠠᠨ ᠬᠦᠰᠡᠯ ᠡᠪᠦᠷᠯᠡᠨ ᠪᠢᠴᠢᠭ ᠦᠵᠡᠬᠦ
ᠴᠤ᠌ ᠳᠤᠷᠠ ᠦᠬᠡᠢ ᠪᠠᠢᠭᠰᠠᠨ ᠭᠡᠳᠡᠭ᠃ 《ᠤᠯᠠᠭᠠᠨᠮᠦ᠋ᠴᠢᠷ
ᠲᠤ᠌ ᠤᠷᠤᠬᠤ ᠬᠦᠮᠦᠨ ᠪᠢᠴᠢᠭ ᠮᠡᠳᠡᠬᠦ ᠦᠬᠡᠢ ᠪᠡᠷ ᠶᠠᠭᠠᠬᠢᠵᠦ ᠪᠤᠯᠬᠤ ᠪᠤᠢ？》 ᠂ 《ᠪᠢᠴᠢᠭ ᠮᠡᠳᠡᠬᠦ ᠦᠬᠡᠢ ᠬᠦᠮᠦᠨᠢ ᠤᠯᠠᠭᠠᠨᠮᠦ᠋ᠴᠢᠷ
ᠠᠪᠬᠤ ᠦᠬᠡᠢ ᠰᠢᠦ》 ᠭᠡᠬᠦ ᠮᠡᠲᠦ ᠵᠢᠨ ᠠᠪᠤ ᠪᠤᠯᠤᠨ ᠠᠬᠠ ᠨᠠᠷ ᠤᠨ
ᠵᠢᠨᠨ ᠢᠳᠬᠠᠯᠭᠠ ᠪᠡᠷ ᠤᠷᠳᠤᠵᠢᠷᠭᠠᠯ ᠠᠷᠪᠠ ᠬᠦᠷᠦᠬᠡᠳ ᠰᠠᠶᠢ ᠰᠤᠷᠭᠠᠭᠤᠯᠢ ᠵᠢᠨ ᠡᠬᠦᠳᠡ ᠵᠢ ᠠᠯᠬᠤᠵᠠᠢ᠃ ᠰᠤᠷᠭᠠᠭᠤᠯᠢ
ᠳᠤ ᠤᠷᠤᠭᠰᠠᠨ ᠤ ᠳᠠᠷᠠᠭᠠ ᠲᠡᠷᠡ ᠵᠠᠪ ᠯᠠ ᠤᠯᠳᠠᠭᠰᠠᠭᠠᠷ ᠮᠦᠨ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠵᠢᠨᠨ ᠲᠠᠲᠠᠳᠠᠭ
ᠪᠦᠬᠡᠳ ᠰᠤᠷᠭᠠᠭᠤᠯᠢ ᠵᠢᠨ ᠬᠦᠯ ᠵᠢᠡᠷ ᠬᠢᠰᠬᠢᠬᠦ ᠵᠢᠶᠤᠤ ᠹᠧᠡᠭ ᠴᠢᠨ ᠮᠡᠲᠦ ᠵᠢᠨ ᠬᠦᠭᠵᠢᠮᠳᠡᠬᠦᠷ ᠢ ᠴᠤ᠌
ᠪᠠᠬᠠᠷᠬᠠᠨ ᠬᠦᠭᠵᠢᠮᠳᠡᠵᠦ ᠤᠷᠠᠯᠢᠬ ᠤᠨ ᠳᠤᠷᠠ ᠪᠠᠬᠠ ᠪᠠᠨ ᠬᠠᠨᠤᠭᠠᠵᠦ ᠶᠠᠪᠤᠵᠠᠢ᠃ ᠤᠷᠳᠤᠵᠢᠷᠭᠠᠯᠤᠨ ᠶᠡᠬᠡ
ᠠᠬᠠ ᠨᠢ ᠮᠤᠳᠤᠨ ᠳᠠᠷᠬᠠᠨ ᠪᠤᠯᠬᠤᠷ ᠠᠷᠪᠠᠨ ᠭᠤᠷᠪᠠᠨ
ᠨᠠᠰᠤᠲᠠᠢ ᠤᠷᠲᠤᠵᠢᠷᠭᠠᠯ ᠠᠬᠠ ᠵᠢᠨ ᠵᠢᠨᠨ ᠵᠠᠷᠤᠳᠠᠯ ᠬᠡᠷᠡᠭᠰᠡᠯ ᠵᠢᠡᠷ ᠨᠢ ᠬᠦᠢᠯᠡᠰᠦᠨ ᠮᠤᠳᠤ ᠪᠡᠷ ᠬᠤᠭᠤᠷ
ᠵᠤᠬᠢᠶᠠᠴᠢᠬᠠᠳᠠᠭ ᠪᠤᠯᠪᠠ᠃ 《ᠤᠳᠠᠰᠤᠲᠤ ᠬᠤᠭᠤᠷ ᠵᠢᠨᠨ ᠰᠠᠢᠨ ᠰᠤᠷᠴᠦ ᠪᠠᠢᠭᠠᠳ ᠤᠯᠠᠭᠠᠨᠮᠦ᠋ᠴᠢᠷ ᠲᠤ᠌ ᠤᠷᠤᠬᠤ》
ᠭᠡᠰᠡᠨ ᠤᠨᠠᠭᠠᠨ ᠪᠠᠭᠠ ᠵᠢᠨ ᠬᠢᠨᠢ ᠬᠦᠰᠡᠯ ᠳᠡᠭᠡᠨ ᠬᠦᠲᠦᠯᠦᠭᠳᠡᠭᠰᠡᠨ ᠠᠷᠪᠠᠨ ᠲᠠᠪᠤ ᠵᠢᠷᠭᠤᠭᠠᠨ
ᠨᠠᠰᠤᠨ ᠤ ᠤᠷᠲᠤᠵᠢᠷᠭᠠᠯ ᠭᠠᠷᠠᠭ ᠤᠨ ᠠᠮᠠᠷᠠᠯᠲᠠ ᠪᠡᠷ ᠵᠢᠨᠨ ᠲᠠᠪᠢ ᠵᠢᠷᠠᠨ ᠭᠠᠵᠠᠷ ᠬᠤᠯᠠ ᠳᠤᠭᠤᠢ
ᠤᠨᠤᠵᠦ ᠲᠤᠬᠠᠢ ᠵᠢᠨ ᠦᠶᠡ ᠵᠢᠨ ᠡᠮᠡᠭᠡᠯ ᠰᠤᠮᠤ ᠵᠢᠨ ᠵᠢᠷᠦᠬᠡᠨ ᠲᠤᠪᠤ ᠭᠠᠴᠠᠭᠠ ᠵᠢᠨ ᠲᠦᠪᠰᠢᠨᠪᠠᠶᠠᠷ
ᠬᠡᠮᠡᠬᠦ ᠨᠡᠷᠡᠲᠦ ᠠᠷᠠᠳ ᠤᠨ ᠤᠷᠠᠯᠢᠭᠴᠢᠨ ᠤ ᠭᠡᠷ ᠲᠤ᠌ ᠨᠢ ᠬᠦᠷᠴᠦ ᠪᠠᠢᠭᠠᠳ ᠬᠤᠭᠤᠷ ᠵᠢᠭᠠᠯᠭᠠᠵᠦ
ᠮᠡᠷᠭᠡᠵᠢᠯ ᠵᠢᠨᠨ ᠳᠡᠭᠡᠭᠰᠢᠯᠡᠬᠦᠯᠵᠦ ᠪᠠᠢᠪᠠ᠃
《ᠵᠢᠷᠢᠮ ᠠᠢᠮᠠᠭ ᠤᠨ ᠤᠷᠠᠯᠢᠭ
ᠤᠨ ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠵᠢᠨ ᠡᠦ ᠶᠦᠨ ᠯᠦᠡᠭ ᠪᠠᠭᠰᠢ ᠨᠢᠬᠡ ᠳᠦᠷᠪᠡᠨ
ᠤᠳᠠᠰᠤᠲᠤ ᠬᠤᠭᠤᠷ ᠤᠨ ᠮᠡᠷᠭᠡᠵᠢᠯ ᠤᠨ ᠱᠠᠪᠢ ᠡᠯᠰᠡᠬᠦ ᠭᠡᠵᠦ ᠪᠠᠢᠨᠠ》 ᠭᠡᠬᠦ ᠬᠠᠯᠠᠭᠤᠨ ᠴᠢᠮᠡᠬᠡ ᠪᠡᠷ ᠠᠨᠭᠬᠠ ᠳᠤᠮᠳᠠᠳᠦᠳᠤ ᠪᠢᠴᠢᠭ ᠦᠵᠡᠵᠦ ᠪᠠᠢᠭᠰᠠᠨ ᠠᠷᠪᠠᠨ
ᠨᠠᠢ᠍ᠮᠠᠲᠠᠢ ᠤᠷᠲᠤᠵᠢᠷᠭᠠᠯ ᠬᠤᠭᠤᠷ ᠵᠢᠨᠨ ᠡᠬᠦᠷᠦᠬᠡᠳ ᠲᠠᠯᠪᠢᠭᠠᠳ ᠬᠦᠷᠴᠡᠢ᠃ ᠲᠡᠷᠡ ᠤᠳᠠᠭᠠᠨ ᠤ ᠰᠢᠯᠭᠠᠯᠲᠠ
ᠳᠤ 126 ᠬᠦᠮᠦᠨ ᠤᠷᠤᠯᠴᠠᠵᠦ᠂ ᠬᠠᠮᠤᠭ ᠰᠡᠬᠦᠯ ᠳᠤ ᠨᠢ
ᠬᠤᠶᠠᠷᠬᠠᠨ ᠬᠦᠮᠦᠨ ᠦᠯᠡᠳᠡᠭᠡᠬᠦ ᠳᠤ ᠤᠷᠳᠤᠵᠢᠷᠭᠠᠯ ᠰᠤᠨᠭᠭᠤᠭᠳᠠᠨ ᠤᠷᠤᠭᠰᠠᠨ ᠪᠤᠯᠪᠠᠴᠤ ᠡᠴᠦᠰ ᠲᠡᠭᠡᠨ ᠲᠡᠬᠦᠨ
ᠤ ᠬᠤᠭᠤᠷ ᠵᠢᠡᠷ ᠲᠠᠲᠠᠭᠰᠠᠨ ᠨᠦᠬᠦᠬᠡ ᠬᠦᠮᠦᠨ ᠨᠢ ᠡᠯᠰᠡᠭᠳᠡᠵᠦ ᠤᠷᠲᠤᠵᠢᠷᠭᠠᠯ ᠭᠤᠭᠤᠵᠢᠭᠳᠠᠴᠢᠬᠠᠪᠠ᠃ ᠰᠡᠬᠦᠯᠡᠷ ᠨᠢ ᠡᠮᠦᠨᠡᠲᠦ ᠭᠤᠷᠯᠤᠰ ᠤᠨ ᠤᠯᠠᠭᠠᠨᠮᠦ᠋ᠴᠢᠷ ᠪᠤᠯᠤᠨ
ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠢᠳᠦ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠲᠤ᠌ ᠰᠢᠯᠭᠠᠭᠠᠳ ᠮᠦᠨ ᠯᠠ ᠪᠦᠷ ᠬᠢᠷᠢ ᠪᠦᠲᠦᠮᠵᠢ ᠨᠢ
ᠤᠷᠤᠢᠯᠠᠵᠦ ᠪᠠᠢᠭᠰᠠᠨ ᠴᠤ᠌ ᠡᠴᠦᠰ ᠲᠡᠭᠡᠨ ᠪᠦᠷ ᠡᠯᠡ ᠵᠦᠢᠯ ᠤᠨ ᠰᠢᠯᠲᠠᠭᠠᠨ ᠵᠢᠡᠷ ᠤᠷᠤᠵᠦ ᠳᠡᠢᠯᠦᠭᠰᠡᠨ
ᠦᠬᠡᠢ᠃ ᠲᠡᠷᠡ ᠦᠶᠡᠰ ᠪᠤᠰᠤᠳ ᠲᠤ᠌ ᠪᠡᠡᠯᠡᠭ ᠲᠠᠯᠠ ᠦᠭᠬᠦ ᠵᠢ ᠪᠤᠤ ᠬᠡᠯᠡ᠂ ᠡᠪᠯᠡᠭᠡᠵᠦ ᠨᠢᠬᠡ ᠴᠠᠭ ᠤᠨ
ᠬᠤᠭᠤᠯᠠ ᠢᠳᠡᠬᠦᠯᠬᠦ ᠳᠤ ᠴᠤ᠌ ᠪᠡᠷᠬᠡᠳᠡᠳᠡᠭ ᠪᠠᠢᠭᠰᠠᠨ ᠤᠷᠲᠤᠵᠢᠷᠭᠠᠯ ᠡᠷᠳᠡᠮ ᠪᠠᠢᠭᠰᠠᠨ ᠴᠤ᠌ ᠭᠠᠷᠭᠠᠬᠤ
ᠭᠠᠵᠠᠷ ᠦᠬᠡᠢ ᠭᠡᠳᠡᠭ ᠵᠢᠨᠨ ᠮᠡᠳᠡᠵᠦ ᠨᠢᠬᠡᠮᠦᠰᠦᠨ ᠵᠤᠷᠢᠭ ᠮᠤᠬᠤᠷᠠᠵᠦ ᠬᠦᠳᠡᠭᠡ ᠭᠡᠷ ᠲᠡᠭᠡᠨ ᠬᠠᠷᠢᠵᠦ ᠮᠠᠯ
ᠲᠠᠷᠢᠶᠠ ᠲᠠᠢ ᠪᠠᠨ ᠨᠤᠴᠤᠯᠳᠤᠵᠠᠢ᠃
ᠤᠷᠲᠤᠵᠢᠷᠭᠠᠯ
ᠤᠷᠠᠯᠢᠬ ᠲᠤ᠌ ᠠᠪᠢᠶᠠᠰ ᠲᠠᠢ ᠪᠡᠷ ᠪᠠᠷᠠᠬᠤ ᠦᠬᠡᠢ ᠲᠠᠷᠢᠬᠢ ᠬᠤᠷᠴᠠ ᠴᠡᠭᠡᠵᠢ ᠰᠡᠷᠡᠭᠡᠢ ᠭᠠᠷ ᠤᠷᠠᠨ ᠬᠦᠮᠦᠨ
ᠪᠠᠢᠵᠦ᠂ ᠰᠡᠬᠦᠯᠡᠷ ᠨᠢ ᠶᠡᠬᠡ ᠠᠬᠠ ᠡᠴᠡ ᠪᠠᠨ ᠮᠤᠳᠤᠨ ᠲᠠᠷᠬᠠᠨ ᠤ ᠮᠡᠷᠭᠡᠵᠢᠯ ᠰᠤᠷᠴᠦ ᠨᠤᠲᠤᠭ ᠤᠰᠤᠨᠳᠠᠭᠠᠨ
ᠨᠡᠷᠡᠲᠡᠢ ᠰᠠᠢᠨ ᠮᠤᠳᠤᠴᠢᠨ ᠸᠠᠭᠠᠷᠴᠢᠨ ᠪᠤᠯᠵᠦ᠂ ᠪᠠᠰᠠ ᠨᠤᠲᠤᠭ ᠤᠰᠤᠨ ᠤ ᠪᠠᠨ ᠴᠠᠬᠢᠯᠭᠠᠨ ᠤ ᠠᠵᠢᠯ ᠢ
ᠬᠠᠷᠢᠭᠤᠴᠠᠵᠦ ᠠᠷᠠᠳ ᠤᠯᠠᠨ ᠳᠠᠭᠠᠨ ᠦᠢᠯᠡᠴᠢᠯᠡᠵᠦ ᠶᠠᠪᠤᠵᠠᠢ᠃ ᠰᠡᠬᠦᠯᠡᠷ ᠨᠢ ᠲᠡᠷᠡ ᠵᠢᠷᠭᠠᠯᠠᠡᠭ ᠪᠠᠯᠭᠠᠰᠤ
ᠵᠢᠨ ᠬᠦᠨᠨᠠᠭᠤᠷ ᠭᠠᠴᠠᠭᠠ ᠡᠴᠡ ᠬᠦᠮᠦᠨ ᠤ ᠭᠠᠭᠴᠠ ᠬᠡᠦᠬᠡᠨ ᠲᠠᠢ ᠬᠤᠷᠢᠮᠯᠠᠭᠰᠠᠨ ᠵᠢᠡᠷ ᠬᠠᠳᠠᠮ ᠤᠨ ᠵᠢᠨᠨ ᠨᠤᠲᠤᠭ ᠲᠤ᠌ ᠢᠷᠡᠵᠦ
ᠠᠮᠢᠳᠤᠷᠠᠪᠠ᠃ ᠡᠳᠡᠭᠡᠷ ᠵᠢᠯ ᠤᠨ ᠲᠤᠷᠰᠢ ᠬᠠᠮᠢᠭᠠ ᠶᠠᠪᠤᠵᠦ ᠶᠠᠮᠠᠷ ᠠᠵᠢᠯ ᠬᠢᠭᠰᠡᠨ ᠴᠤ᠌ ᠤᠷᠲᠤᠵᠢᠷᠭᠠᠯ
ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠵᠢᠨᠨ ᠬᠠᠶᠠᠭᠠ ᠦᠬᠡᠢ᠂ ᠵᠠᠪ ᠴᠢᠯᠦᠬᠡ ᠯᠠ ᠤᠯᠳᠠᠪᠠᠯ ᠠᠮᠢᠨ ᠬᠠᠢᠷᠠᠲᠠᠢ
ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠵᠢᠨᠨ ᠲᠠᠲᠠᠵᠦ ᠰᠠᠭᠤᠳᠠᠭ ᠪᠠᠢᠯᠠ᠃ 2010 ᠤᠨ ᠤ ᠦᠶᠡ ᠡᠴᠡ ᠡᠬᠢᠯᠡᠵᠦ ᠤᠷᠳᠤᠵᠢᠷᠭᠠᠯ
ᠬᠤᠶᠠᠷ ᠤᠮᠪᠤᠯᠤ ᠪᠠᠨ ᠪᠢᠴᠢᠭ ᠦᠵᠡᠬᠦᠯᠬᠦ ᠪᠡᠷ ᠵᠢᠷᠭᠠᠯᠠᠡᠭ ᠪᠠᠯᠭᠠᠰᠤ ᠵᠢᠨ ᠲᠦᠪ ᠳᠡᠭᠡᠷᠡ ᠠᠷᠪᠠᠭᠠᠳ
ᠵᠢᠯ ᠰᠠᠭᠤᠭᠰᠠᠨ ᠨᠢ ᠲᠡᠬᠦᠨ ᠳᠤ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠵᠢᠨᠨ ᠪᠤᠯᠪᠠᠰᠤᠷᠠᠬᠤ ᠨᠡᠡᠭ ᠰᠠᠢᠨ
ᠳᠤᠬᠢᠶᠠᠯ ᠪᠤᠯᠵᠦ᠂ ᠡᠳᠡᠭᠡᠷ ᠠᠷᠪᠠᠭᠠᠳ ᠵᠢᠯ ᠤᠨ ᠲᠤᠷᠰᠢ ᠲᠡᠬᠦᠨ ᠤ ᠤᠷᠠᠯᠢᠬ ᠤᠨ ᠬᠢᠷᠢ
ᠲᠦᠪᠰᠢᠨ ᠤᠯᠠᠮ ᠨᠢᠬᠡ ᠠᠯᠬᠤᠮ ᠳᠡᠭᠡᠭᠰᠢᠯᠡᠵᠡᠢ᠃ ᠡᠨᠡ ᠬᠤᠭᠤᠷᠤᠨᠳᠦ ᠲᠡᠷᠡ ᠮᠦᠨ ᠠᠴᠢᠯᠠᠯᠲᠤ ᠮᠡᠲᠦ ᠵᠢᠨ ᠬᠤᠭᠤᠷ
ᠬᠦᠭᠵᠢᠮ ᠳᠤ ᠪᠠᠬᠠᠲᠠᠢ ᠬᠦᠮᠦᠰ ᠲᠠᠢ ᠲᠠᠨᠢᠯᠴᠠᠵᠦ ᠴᠢᠯᠦᠬᠡ ᠯᠠ ᠭᠠᠷᠪᠠᠯ ᠬᠤᠭᠤᠷ ᠲᠠᠭᠠᠷᠠᠭᠤᠯᠳᠠᠭ
ᠪᠠᠢᠪᠠ᠃ 2011 ᠤᠨ ᠤ ᠨᠠᠮᠤᠷ ᠲᠡᠷᠡ ᠪᠠᠰᠠ ᠤᠯᠤᠰ ᠤᠨ ᠳᠡᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠪᠤᠯᠬᠤ
ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠤᠨ ᠬᠦᠭᠵᠢᠮ ᠤᠨ ᠤᠯᠤᠰ ᠤᠨ ᠲᠡᠰ ᠤᠨ ᠲᠦᠯᠦᠭᠡᠯᠡᠭᠴᠢ ᠴᠢᠨᠠᠷᠲᠠᠢ ᠦᠪᠯᠡᠨ
ᠤᠯᠠᠮᠵᠢᠯᠠᠭᠴᠢ ᠲᠡᠭᠰᠢᠳᠦᠬᠦ᠋ᠷᠡᠡᠭ ᠨᠠᠰᠤᠲᠠᠨ ᠳᠤ ᠱᠠᠪᠢ ᠤᠷᠤᠵᠦ᠂ ᠲᠡᠬᠦᠨ ᠡᠴᠡ ᠤᠯᠠᠨ ᠠᠷᠪᠢᠨ ᠬᠤᠭᠤᠷ
ᠤᠨ ᠮᠡᠷᠭᠡᠵᠢᠯ ᠪᠠ ᠬᠤᠭᠤᠷ ᠤᠨ ᠠᠶᠠ ᠰᠤᠷᠴᠦ ᠠᠪᠴᠠᠢ᠃ ᠤᠷᠳᠤᠵᠢᠷᠭᠠᠯ ᠤᠨ ᠬᠤᠭᠤᠷ ᠲᠠᠲᠠᠬᠤ ᠵᠢ
ᠰᠤᠨᠤᠰᠤᠭᠰᠠᠨ ᠲᠡᠭᠰᠢᠳᠦ᠋ᠬᠦᠷᠡᠡᠭ ᠪᠠᠭᠰᠢᠲᠠᠨ ᠨᠡᠬᠡᠷᠡᠨ ᠭᠠᠢᠬᠠᠵᠦ ᠬᠤᠶᠠᠷ ᠭᠠᠷ ᠤᠨ ᠡᠷᠡᠬᠡᠢ ᠬᠤᠷᠤᠭᠤ
ᠪᠠᠨ ᠵᠡᠷᠭᠡᠪᠡᠷ ᠭᠠᠷᠭᠠᠵᠦ᠄ 《ᠴᠢ ᠬᠤᠭᠤᠷ ᠢ ᠶᠠᠭᠠᠬᠢᠵᠦ ᠰᠤᠷᠤᠭᠰᠠᠨ ᠪᠤᠢ？ᠮᠢᠨᠦ ᠬᠤᠭᠤᠷ ᠤᠨ ᠡᠷᠳᠡᠮ ᠢ
ᠴᠢ ᠵᠠᠯᠭᠠᠮᠵᠢᠯᠠᠵᠦ ᠳᠡᠢᠯᠦᠨᠡ ᠡ》 ᠭᠡᠵᠦ ᠦᠨᠳᠦᠷ ᠦᠨᠡᠯᠡᠨ ᠦᠪᠡᠷ ᠤᠨ ᠬᠤᠭᠤᠷ ᠤᠨ ᠡᠷᠳᠡᠮ ᠵᠢᠨᠨ
ᠬᠠᠷᠠᠮ ᠦᠬᠡᠢ ᠵᠢᠭᠠᠵᠦ ᠤᠯᠠᠮᠵᠢᠯᠠᠵᠠᠢ᠃ ᠤᠷᠲᠤᠵᠢᠷᠭᠠᠯ ᠤᠤᠯ ᠡᠴᠡ ᠪᠠᠨ ᠤᠷᠠᠯᠢᠭ ᠤᠨ ᠮᠡᠳᠡᠷᠡᠮᠵᠢ ᠰᠠᠢᠨ
ᠪᠤᠯᠬᠤᠷ ᠵᠢᠭᠠᠭᠰᠠᠨ ᠪᠦᠬᠦᠨᠢ ᠨᠢ ᠰᠠᠢᠲᠤᠷ ᠰᠢᠨᠭᠭᠡᠭᠡᠨ ᠡᠵᠡᠮᠰᠢᠵᠦ᠂ ᠦᠨᠡᠨ ᠰᠡᠳᠬᠢᠯ ᠡᠴᠡ ᠪᠠᠨ ᠠᠮᠢ
ᠪᠠᠨ ᠬᠦᠭᠡᠭᠡᠵᠦ ᠰᠤᠷᠪᠡ᠃ ᠤᠷᠮᠠ ᠪᠠᠬᠠ ᠪᠤᠯ ᠬᠠᠮᠤᠭᠤᠨ ᠰᠠᠢᠨ ᠪᠠᠭᠰᠢ ᠭᠡᠳᠡᠭ ᠵᠢᠡᠷ᠂ ᠤᠷᠲᠤᠵᠢᠷᠭᠠᠯ
ᠭᠡᠭᠴᠢ ᠤᠨᠠᠭᠠᠨ ᠪᠠᠭᠠ ᠡᠴᠡ ᠪᠠᠨ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠭᠡᠪᠡᠯ ᠤᠷᠮᠠ ᠰᠡᠷᠬᠦᠵᠦ ᠪᠠᠬᠠ
ᠬᠦᠳᠡᠯᠳᠡᠭ ᠬᠦᠮᠦᠨ ᠪᠤᠯᠬᠤᠷ ᠪᠠᠭᠰᠢ ᠵᠢᠨ ᠵᠢᠨᠨ ᠵᠢᠭᠠᠭᠰᠠᠨ ᠠᠶᠠ ᠪᠤᠯᠭᠠᠨ ᠢ ᠬᠤᠪᠢᠷᠠᠭᠤᠯᠵᠦ
ᠤᠯᠠᠷᠢᠭᠤᠯᠤᠨ ᠡᠵᠡᠮᠰᠢᠭᠰᠡᠨ ᠪᠦᠬᠡᠳ《ᠨᠠᠢ᠍ᠮᠠᠨ ᠠᠶᠠᠯᠭᠤ》 ᠵᠡᠷᠭᠡ ᠵᠠᠷᠢᠮ ᠤᠨᠴᠠᠭᠠᠢ ᠬᠦᠴᠢᠷ ᠠᠶᠠ ᠵᠢ ᠨᠢ ᠴᠤ᠌ ᠪᠦᠷᠢᠨ ᠪᠦᠳᠦᠨ
ᠵᠢᠡᠷ ᠨᠢ ᠤᠷᠪᠠᠭᠤᠯᠵᠦ ᠬᠦᠷᠪᠡᠬᠦᠯᠦᠨ ᠲᠠᠲᠠᠵᠦ ᠳᠡᠢᠯᠬᠦ ᠪᠤᠯᠵᠠᠢ᠃ ᠲᠡᠷᠡ ᠪᠠᠭᠠ ᠡᠴᠡ ᠪᠠᠨ ᠨᠤᠲ ᠰᠤᠷᠤᠭᠨᠰᠠᠨ ᠤ ᠰᠠᠢᠨ ᠨᠢ ᠭᠠᠷᠴᠦ
ᠲᠡᠳᠡᠭᠡᠷ ᠠᠶᠠ ᠤᠳ ᠢ ᠪᠦᠷ ᠨᠤᠲ ᠵᠢᠡᠷ ᠪᠠᠭᠤᠯᠭᠠᠵᠦ ᠪᠠᠢᠭᠠᠳ ᠰᠤᠷᠪᠠ᠃ ᠨᠢᠬᠡ ᠮᠡᠳᠡᠬᠦ ᠳᠤ ᠲᠡᠬᠦᠨᠤ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠲᠠᠲᠠᠬᠤ ᠬᠢᠷᠢ ᠲᠦᠪᠰᠢᠨ
ᠵᠢᠷ ᠤᠨ ᠨᠢᠬᠡᠨ ᠠᠵᠢᠯ ᠤᠨ ᠴᠢᠯᠦᠬᠡᠨ ᠤ ᠠᠷᠠᠳ ᠤᠨ ᠤᠷᠠᠯᠢᠭᠴᠢᠨ ᠤ ᠬᠢᠷᠢ ᠬᠡᠮᠵᠢᠶᠡᠨ ᠡᠴᠡ
ᠬᠡᠳᠦᠢᠨ ᠳᠠᠪᠠᠵᠦ᠂ ᠵᠠᠷᠢᠮ ᠮᠡᠷᠭᠡᠵᠢᠯ ᠤᠨ ᠬᠦᠮᠦᠰ ᠴᠤ᠌ ᠲᠡᠬᠦᠨ ᠢ ᠡᠷᠢᠨ ᠵᠢᠭᠠᠨ ᠵᠢᠯᠤᠭᠤᠳᠤᠭᠤᠯᠳᠠᠭ
ᠪᠤᠯᠵᠠᠢ᠃
ᠤᠷᠲᠤᠵᠢᠷᠭᠠᠯ ᠡᠳᠡᠭᠡᠷ ᠵᠢᠯ
ᠤᠨ ᠲᠤᠷᠰᠢ ᠤᠯᠠᠨ ᠵᠦᠢᠯ ᠤᠨ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠢ ᠢᠯᠠᠨ ᠳᠠᠪᠠᠵᠦ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ
ᠤᠨ ᠤᠷᠤᠯᠳᠤᠭᠠᠨ ᠲᠡᠮᠡᠴᠡᠭᠡᠨᠳᠤ ᠤᠳᠠᠭᠠ ᠳᠠᠷᠠᠭᠠᠯᠠᠨ ᠤᠷᠤᠯᠴᠠᠵᠦ ᠪᠦᠷ ᠰᠢᠯᠢᠳᠡᠭ ᠬᠢᠷᠢ ᠪᠦᠲᠦᠮᠵᠢ
ᠤᠯᠵᠦ ᠶᠠᠪᠤᠵᠠᠢ᠃ 2012 ᠤᠨ ᠤ 9 ᠰᠠᠷᠠ ᠳᠤ ᠬᠢᠷᠢᠨ ᠮᠤᠵᠢ ᠵᠢᠨ ᠡᠮᠦᠨᠡᠳᠦ ᠭᠤᠷᠯᠤᠰ ᠲᠤ᠌
ᠶᠠᠪᠤᠭᠳᠠᠭᠰᠠᠨ 《ᠭᠤᠷᠯᠤᠰ》 ᠬᠤᠨᠳᠠᠭᠠᠲᠤ
ᠨᠠᠢ᠍ᠮᠠᠨ ᠮᠤᠵᠢ ᠤᠷᠤᠨ ᠤ ᠭᠤᠷᠪᠠᠳᠤᠭᠠᠷ ᠤᠳᠠᠭᠠᠨ ᠤ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠤᠨ ᠲᠧᠯᠸᠢᠰ ᠱᠠᠨᠭᠨᠠᠯᠲᠤ
ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠬᠤ ᠭᠡᠬᠦ ᠳᠤ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠢᠳᠦ ᠬᠤᠰᠢᠭᠤ ᠡᠴᠡ ᠤᠷᠤᠯᠴᠠᠬᠤ
ᠬᠦᠮᠦᠨ ᠤ ᠲᠤᠭᠠ ᠨᠢ ᠬᠡᠲᠦᠷᠡᠭᠡᠢ ᠠᠷᠪᠢᠨ ᠪᠤᠯᠤᠭᠰᠠᠨ ᠲᠡᠷᠡ ᠪᠠᠢᠳᠠᠯ ᠳᠤᠤᠷᠠ ᠤᠷᠲᠤᠵᠢᠷᠭᠠᠯ ᠠᠯᠤᠰ
ᠬᠤᠯᠠ ᠬᠦᠯᠦᠨ ᠪᠤᠢᠷ ᠲᠤ᠌ ᠬᠦᠷᠴᠦ ᠰᠠᠷᠠ ᠭᠠᠷᠤᠢ ᠪᠤᠯᠪᠠᠰᠤᠷᠠᠵᠦ ᠪᠠᠢᠭᠠᠳ ᠰᠢᠨᠡ ᠪᠠᠷᠭᠤ ᠵᠡᠬᠦᠨ
ᠬᠤᠰᠢᠭᠤ ᠵᠢ ᠲᠦᠯᠦᠬᠡᠯᠡᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠠᠢ᠃ ᠡᠨᠡ ᠮᠡᠲᠦ ᠪᠡᠷ ᠬᠤᠢᠨᠠ ᠡᠮᠦᠨᠡ ᠲᠡᠷᠡ 2014
ᠤᠨ ᠳᠤ ᠲᠦᠨᠭᠯᠢᠶᠤᠤ ᠬᠤᠲᠠ ᠳᠤ ᠶᠠᠪᠤᠭᠳᠠᠭᠰᠠᠨ ᠲᠦᠨᠭᠯᠢᠶᠤᠤ ᠬᠤᠲᠠ ᠵᠢᠨ ᠠᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ
ᠬᠤᠷᠴᠢᠨ ᠤᠷᠠᠯᠢᠭ ᠤᠨ ᠨᠠᠢᠷ ᠤᠨ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠤᠨ ᠤᠷᠤᠯᠳᠤᠭᠠᠨ᠂ 2016 ᠤᠨ ᠳᠤ ᠲᠦᠨᠭᠯᠢᠶᠤᠤ ᠬᠤᠲᠠ ᠳᠤ ᠶᠠᠪᠤᠭᠳᠠᠭᠰᠠᠨ ᠮᠤᠨᠭᠭᠤᠯ
ᠦᠨᠳᠦᠰᠦᠲᠡᠨ ᠤ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠤᠨ ᠤᠷᠤᠯᠳᠤᠭᠠᠨ ᠵᠡᠷᠭᠡ ᠳᠤ ᠪᠦᠷ ᠠᠯᠳᠠᠯ ᠦᠬᠡᠢ
ᠤᠷᠤᠯᠴᠠᠵᠦ ᠶᠠᠪᠤᠵᠠᠢ᠃ ᠤᠷᠳᠤᠵᠢᠷᠭᠠᠯ ᠦᠪᠡᠷ ᠤᠨ ᠰᠤᠷᠤᠭᠰᠠᠨ ᠮᠡᠳᠡᠭᠰᠡᠨ ᠵᠢᠨᠨ ᠪᠠᠰᠠ ᠤᠷᠠᠯᠢᠭ ᠲᠤ᠌ ᠳᠤᠷᠠ
ᠪᠠᠬᠠᠲᠠᠢ ᠪᠦᠬᠡᠳ ᠰᠤᠷᠴᠦ ᠮᠡᠳᠡᠶᠡ ᠭᠡᠰᠡᠨ ᠲᠡᠳᠡᠭᠡᠷ ᠬᠦᠮᠦᠰ ᠲᠤ᠌ ᠬᠠᠷᠠᠮ ᠦᠬᠡᠢ ᠵᠢᠭᠠᠵᠦ ᠤᠯᠠᠮᠵᠢᠯᠠᠭᠰᠠᠭᠠᠷ
ᠪᠠᠢᠪᠠ᠃ ᠤᠷᠳᠤᠵᠢᠷᠭᠠᠯ ᠵᠢᠷᠭᠠᠯᠠᠡᠭ ᠪᠠᠯᠭᠠᠰᠤ ᠵᠢᠨ ᠨᠢᠬᠡᠨ ᠬᠤᠪᠢ ᠬᠦᠮᠦᠨ ᠤ ᠬᠡᠦᠬᠡᠳ ᠤᠨ ᠴᠡᠴᠡᠷᠯᠢᠭ
ᠲᠤ᠌ ᠳᠤᠯᠤᠭᠠ ᠨᠠᠢ᠍ᠮᠠᠨ ᠵᠢᠯ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠵᠢᠭᠠᠵᠦ ᠪᠠᠭᠠ ᠪᠤᠰᠤ ᠦᠰᠪᠦᠷᠢ ᠬᠡᠦᠬᠡᠳ ᠲᠤ᠌
ᠦᠪᠡᠷ ᠤᠨ ᠰᠤᠷᠤᠭᠰᠠᠨ ᠡᠷᠳᠡᠮ ᠮᠡᠷᠭᠡᠵᠢᠯ ᠵᠢᠨᠨ ᠤᠯᠠᠮᠵᠢᠯᠠᠵᠠᠢ᠃ ᠲᠡᠷᠡ ᠳᠤᠮᠳᠠ ᠡᠴᠡ ᠪᠠᠢ ᡁᠢ ᠴᠢᠶᠠᠡᠭ
ᠭᠡᠳᠡᠭ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢᠨ ᠬᠡᠦᠬᠡᠳ 《ᠠᠳᠤᠭᠤᠴᠢᠨ ᠵᠠᠯᠠᠭᠤ》 ᠭᠡᠬᠦ ᠠᠶᠠ ᠵᠢ
ᠲᠠᠲᠠᠵᠦ ᠪᠠᠢᠭᠰᠠᠨ ᠭᠡᠳᠡᠭ ᠡᠴᠡ ᠨᠢ ᠦᠵᠡᠪᠡᠯ ᠨᠡᠯᠢᠶᠡᠳ ᠦᠨᠳᠦᠷ ᠬᠢᠷᠢ ᠲᠦᠪᠰᠢᠨ ᠳᠤ ᠬᠦᠷᠳᠡᠯᠡ ᠰᠤᠷᠴᠦ
ᠪᠠᠢᠭᠰᠠᠨ ᠭᠡᠳᠡᠭ ᠨᠢ ᠢᠯᠡᠬᠡᠨ᠃ 2017 ᠤᠨ ᠳᠤ ᠤᠷᠲᠤᠵᠢᠷᠭᠠᠯ
ᠤᠯᠤᠰ ᠤᠨ ᠳᠡᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠪᠤᠯᠬᠤ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠤᠨ ᠬᠦᠭᠵᠢᠮ
ᠤᠨ ᠬᠤᠰᠢᠭᠤᠨ ᠲᠡᠰ ᠤᠨ ᠲᠦᠯᠦᠭᠡᠯᠡᠭᠴᠢ ᠴᠢᠨᠠᠷᠲᠠᠢ ᠦᠪᠯᠡᠨ ᠤᠯᠠᠮᠵᠢᠯᠠᠭᠴᠢ ᠪᠤᠯᠪᠠ᠃ ᠡᠳᠡᠭᠡᠷ ᠵᠢᠯ ᠤᠨ
ᠲᠤᠷᠰᠢ ᠤᠷᠲᠤᠵᠢᠷᠭᠠᠯ ᠡᠴᠡ ᠬᠤᠭᠤᠷ ᠰᠤᠷᠤᠭᠰᠠᠨ ᠲᠡᠷᠡ ᠤᠯᠠᠨ ᠬᠦᠮᠦᠰ ᠡᠴᠡ ᠲᠦᠯᠦᠬᠡᠯᠡᠭᠴᠢ ᠬᠡᠳᠦ ᠵᠢ
ᠳᠤᠷᠠᠳᠪᠠᠯ ᠬᠦᠭᠵᠢᠯᠲᠦ᠂ ᠠᠴᠢᠯᠠᠯᠲᠤ᠂ ᠪᠦᠷᠢᠨᠮᠠᠨᠳᠠ᠂ ᠲᠢᠶᠧ ᠬᠤ᠌᠂ ᠰᠤᠶᠤᠯᠲᠦ᠂ ᠪᠤᠦ ᠳ᠋ᠢᠡᠭ ᠭᠡᠬᠦ ᠮᠡᠲᠦ ᠪᠡᠷ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠠᠷᠠᠳ ᠤᠨ ᠤᠷᠠᠯᠢᠭᠴᠢᠳ ᠡᠴᠡ
ᠡᠬᠢᠯᠡᠬᠡᠳ ᠠᠷᠠᠳ ᠤᠨ ᠪᠠᠭᠰᠢ᠂ ᠮᠡᠷᠭᠡᠵᠢᠯ ᠤᠨ
ᠬᠦᠮᠦᠰ ᠬᠦᠷᠳᠡᠯᠡ ᠪᠦᠷ ᠪᠠᠢᠯᠴᠠᠪᠠ᠃ 2019 ᠤᠨ ᠳᠤ ᠵᠢᠷᠭᠠᠯᠠᠡᠭ ᠤᠷᠠᠯᠢᠬ ᠤᠨ ᠪᠦᠯᠬᠦᠮ ᠪᠠᠢᠭᠤᠯᠤᠭᠳᠠᠬᠤ
ᠳᠤ ᠤᠷᠲᠤᠵᠢᠷᠭᠠᠯ ᠮᠦᠨ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠤᠨ ᠡᠷᠳᠡᠮ ᠵᠢᠡᠷ ᠵᠢᠨᠨ ᠭᠤᠤᠯ ᠬᠡᠰᠢᠬᠦᠨ ᠵᠢᠡᠷ
ᠡᠯᠰᠡᠭᠳᠡᠵᠡᠢ᠃ ᠬᠤᠰᠢᠭᠤᠨ ᠤ ᠰᠤᠶᠤᠯ ᠤᠨ ᠤᠷᠳᠤᠨ ᠡᠴᠡ ᠵᠢᠷᠭᠠᠯᠠᠡᠭ ᠤᠷᠠᠯᠢᠬ ᠤᠨ ᠪᠦᠯᠬᠦᠮ ᠳᠤ ᠵᠢᠯ
ᠳᠤ ᠬᠡᠳᠦᠢ ᠲᠠᠯᠠᠪᠠᠢ ᠲᠤᠭᠯᠠᠯᠲᠠ ᠭᠠᠷᠭᠠᠬᠤ ᠭᠡᠬᠦ ᠮᠡᠲᠦ ᠪᠡᠷ ᠡᠬᠦᠷᠭᠡ ᠲᠤᠭᠲᠠᠭᠠᠨ ᠦᠭᠭᠦᠭᠰᠡᠨ ᠵᠢᠡᠷ
ᠵᠢᠷᠭᠠᠯᠠᠡᠭ ᠤᠷᠠᠯᠢᠭ ᠤᠨ ᠪᠦᠯᠬᠦᠮ ᠤᠨ ᠤᠷᠳᠤᠵᠢᠷᠭᠠᠯ ᠢ ᠪᠠᠭᠲᠠᠭᠠᠭᠰᠠᠨ 14 ᠬᠡᠰᠢᠬᠦᠨ ᠪᠦᠲᠦᠨ 5
ᠵᠢᠯ ᠤᠨ ᠲᠤᠷᠰᠢ ᠤᠯᠠᠨ ᠲᠦᠮᠡᠨ ᠤ ᠪᠠᠨ ᠰᠤᠶᠤᠯ ᠤᠨ ᠠᠮᠢᠳᠤᠷᠠᠯ ᠢ ᠪᠠᠶᠠᠯᠢᠬᠵᠢᠭᠤᠯᠬᠤ ᠳᠤ
ᠤᠮᠳᠤᠭᠠᠢᠯᠠᠵᠦ ᠪᠤᠯᠤᠮᠠ ᠦᠬᠡᠢ ᠬᠦᠴᠦᠨ ᠵᠢᠳᠬᠦᠯ ᠵᠢᠨᠨ ᠦᠵᠡᠬᠦᠯᠵᠦ ᠶᠠᠪᠤᠵᠠᠢ᠃
— ᠪᠢ ᠬᠡᠳᠦᠢᠪᠡᠷ ᠵᠢᠷ ᠤᠨ ᠨᠢᠬᠡᠨ ᠮᠠᠯᠴᠢᠨ ᠤᠷᠠᠯᠢᠭᠴᠢᠨ ᠪᠤᠯᠪᠠᠴᠦ ᠤᠢᠷᠠ ᠬᠠᠪᠢ ᠵᠢᠨ
ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠤᠨ ᠳᠤᠷᠠ ᠪᠠᠬᠠᠲᠠᠳ ᠪᠤᠯᠤᠨ ᠰᠤᠷᠴᠦ ᠮᠡᠳᠡᠶᠡ ᠭᠡᠬᠦ ᠬᠦᠰᠡᠯ ᠲᠠᠢ
ᠬᠡᠦᠬᠡᠳ ᠳᠡᠬᠦᠦ ᠨᠠᠷ ᠲᠠᠭᠠᠨ ᠴᠢᠳᠠᠯ ᠤᠨ ᠬᠢᠷᠢ ᠪᠡᠷ ᠵᠢᠨᠨ ᠰᠤᠷᠤᠭᠰᠠᠨ ᠮᠡᠳᠡᠭᠰᠡᠨ ᠵᠢᠨᠨ ᠵᠢᠭᠠᠵᠦ
ᠤᠯᠠᠮᠵᠢᠯᠠᠵᠦ ᠢᠷᠡᠵᠡᠢ᠃ ᠤᠢᠷᠠ ᠵᠢᠨ ᠬᠡᠳᠦᠨ ᠵᠢᠯ ᠳᠤ
ᠪᠢ ᠬᠤᠷᠳᠤᠨ ᠭᠠᠷ ᠪᠤᠯᠤᠨ ᠵᠢᠷᠬᠢᠶᠠ ᠵᠡᠷᠭᠡ ᠲᠤᠤᠷ ᠰᠦᠯᠵᠢᠶᠡᠨ ᠤ ᠲᠠᠪᠴᠠᠡᠭ ᠳᠡᠭᠡᠷᠡ
ᠬᠤᠭᠤᠷ ᠵᠢᠨᠨ ᠲᠠᠲᠠᠵᠦ ᠨᠡᠡᠭ ᠤᠯᠠᠨ ᠰᠤᠷᠴᠦ ᠮᠡᠳᠡᠬᠦ ᠬᠦᠰᠡᠯ ᠲᠠᠢ ᠬᠦᠮᠦᠰ ᠲᠤ᠌ ᠲᠤᠰᠠ ᠳᠡᠮ ᠪᠤᠯᠬᠤ ᠵᠢ
ᠵᠤᠷᠢᠵᠦ ᠪᠤᠢ᠃ ᠤᠳᠤᠬᠠᠨᠳᠤ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ ᠢ ᠲᠠᠲᠠᠵᠦ ᠪᠠᠢᠬᠤ ᠬᠦᠮᠦᠨ ᠤᠯᠠᠨ ᠪᠠᠢᠨᠠ᠂
ᠭᠡᠬᠦ ᠳᠡᠭᠡᠨ 《ᠨᠠᠢ᠍ᠮᠠᠨ ᠠᠶᠠᠯᠭᠤ》 ᠮᠡᠲᠦ ᠵᠢᠨ ᠠᠶᠠ ᠵᠢ ᠠᠷᠪᠠᠨ ᠬᠤᠶᠠᠷ ᠦᠨᠭᠭᠡ ᠪᠡᠷ ᠤᠷᠪᠠᠭᠤᠯᠵᠦ
ᠬᠦᠷᠪᠡᠬᠦᠯᠦᠨ ᠳᠠᠲᠠᠵᠦ ᠳᠡᠢᠯᠬᠦ ᠨᠢ ᠬᠡᠳᠦ ᠯᠠ ᠪᠠᠢᠬᠤ ᠪᠤᠢ？ ᠪᠢ ᠡᠳᠡᠭᠡᠷ ᠰᠤᠷᠤᠭᠰᠠᠨ ᠪᠠᠭᠠ ᠰᠠᠭᠠ
ᠡᠷᠳᠡᠮ ᠵᠢᠨᠨ ᠵᠠᠯᠠᠭᠤ ᠨᠢᠬᠡ ᠦᠶᠡ ᠵᠢᠨ ᠬᠢᠨᠳᠡᠭᠡᠨ ᠴᠢᠳᠠᠯ ᠤᠨ ᠬᠢᠷᠢ ᠪᠡᠷ ᠵᠢᠨᠨ ᠤᠯᠠᠮᠵᠢᠯᠠᠵᠦ
ᠶᠠᠪᠤᠨᠠ ᠭᠡᠵᠦ ᠤᠷᠲᠤᠵᠢᠷᠭᠠᠯ ᠭᠤᠸᠠᠢ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳᠡᠭᠡᠨ ᠬᠡᠯᠡᠵᠦ ᠪᠠᠢᠯᠠ᠃
ᠡᠨᠡ ᠮᠡᠲᠦ ᠪᠡᠷ ᠵᠢᠷ ᠤᠨ ᠨᠢᠬᠡᠨ ᠠᠷᠠᠳ ᠤᠨ ᠤᠷᠠᠯᠢᠭᠴᠢᠨ ᠤᠷᠲᠤᠵᠢᠷᠭᠠᠯ ᠭᠤᠸᠠᠢ
ᠤᠨᠠᠭᠠᠨ ᠨᠠᠰᠤᠨ ᠡᠴᠡ ᠪᠠᠨ ᠤᠳᠠᠰᠤᠲᠤ ᠬᠤᠭᠤᠷ ᠲᠠᠢ ᠨᠦᠬᠦᠷᠯᠡᠵᠦ᠂ ᠵᠢᠷᠠᠨ ᠵᠢᠯ ᠤᠨ ᠲᠤᠷᠰᠢ ᠡᠨᠡ
ᠤᠷᠠᠯᠢᠬ ᠵᠢᠨᠨ ᠦᠨᠡᠨ ᠰᠡᠳᠬᠢᠯ ᠵᠢᠡᠷ ᠵᠢᠨᠨ ᠠᠮᠢᠨᠴᠢᠷᠬᠠᠨ ᠳᠡᠭᠡᠳᠦᠯᠡᠵᠦ᠂ ᠲᠤᠷᠠ ᠰᠤᠨᠢᠷᠬᠠᠯ ᠲᠠᠢ
ᠪᠠᠭᠠ ᠪᠤᠰᠤ ᠬᠦᠮᠦᠰ ᠲᠤ᠌ ᠤᠯᠠᠮᠵᠢᠯᠠᠨ ᠰᠤᠷᠭᠠᠵᠦ ᠶᠠᠪᠤᠭᠰᠠᠨ ᠨᠢ ᠨᠢᠬᠡ ᠶᠤᠰᠤᠨ ᠤ ᠪᠠᠬᠠᠷᠬᠠᠯ ᠪᠢᠯᠡ᠃