ᠴᠠᠭᠠᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠭᠤᠷᠪᠠᠨᠤ ᠥᠷᠯᠥᠭᠡᠶᠢᠨ 7 ᠴᠠᠭᠲᠤ ᠵᠥᠩ ᠲᠦᠩ ᠲᠦᠷᠭᠡᠨ ᠬᠦᠷᠭᠡᠯᠲᠡᠶᠢᠨ ᠺᠤᠮᠫᠠᠨᠢ ᠵᠢᠨ ᠬᠥᠬᠡᠬᠣᠲᠠᠶᠢᠨ ᠠᠵᠢᠯᠴᠢᠨ ᠲᠠᠷᠢᠶᠠᠴᠢᠨ ᠴᠡᠷᠢᠭ ᠵᠠᠮᠳ᠋ᠡᠬᠢ ᠡᠵᠡᠩᠨᠡᠯᠲᠡᠶᠢᠨ ᠲᠢᠩᠬᠢᠮ ᠬᠡᠳᠦᠢᠨ ᠶᠠᠭᠠᠷᠠᠯᠲᠠᠢ ᠠᠵᠢᠯᠯᠠᠵᠤ ᠡᠬᠢᠯᠡᠪᠡ᠃ ᠳᠦᠭᠦᠷᠲᠡᠯᠡ ᠪᠠᠷᠠᠭᠠ ᠲᠡᠭᠡᠭᠡᠭᠰᠡᠨ ᠭᠤᠷᠪᠠᠨ ᠬᠦᠷᠳᠦᠲᠦ ᠲᠡᠷᠭᠡ ᠡᠭᠦᠳᠡᠨ ᠳᠡᠭᠡᠷᠡ ᠵᠣᠭᠰᠣᠵᠤ᠂ ᠶᠡᠬᠡ ᠬᠡᠮᠵᠢᠶᠡᠨᠦ ᠪᠣᠭᠣᠳᠠᠯ ᠪᠠᠭᠯᠠᠭᠠ ᠤᠰᠤᠨ ᠤᠷᠤᠰᠬᠠᠯ ᠭᠡᠮᠡᠷ ᠳᠠᠮᠵᠢᠭᠤᠯᠭᠠᠶᠢᠨ ᠪᠦᠰᠡᠪᠡᠷ ᠳᠠᠮᠵᠢᠭᠳᠠᠨ ᠢᠷᠡᠵᠦ᠂ ᠡᠵᠡᠩᠨᠡᠯᠲᠡᠶᠢᠨ ᠲᠢᠩᠬᠢᠮᠦᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠵᠢᠶᠠ ᠶᠤᠸᠠᠢ ᠴᠢ ᠳᠠᠮᠵᠢᠭᠤᠯᠭᠠᠶᠢᠨ ᠪᠦᠰᠡᠶᠢᠨ ᠡᠮᠦᠨᠡ ᠵᠣᠭᠰᠣᠵᠤ᠂ ᠲᠦᠷᠭᠡᠨ ᠬᠦᠷᠭᠡᠯᠲᠡ ᠵᠢᠨ ᠪᠤᠳᠠᠰ ᠨᠢᠭᠡ ᠪᠦᠷᠢᠶᠢ ᠪᠣᠯᠪᠠᠰᠤᠷᠠᠩᠭᠤᠢᠪᠠᠷ ᠢᠯᠭᠠᠨ ᠰᠠᠯᠭᠠᠵᠤ ᠤᠪᠤᠭᠠᠯᠠᠨᠠ᠃
ᠤᠳᠠᠯ ᠦᠭᠡᠢ᠂ ᠲᠡᠭᠦᠨᠦ ᠬᠠᠵᠠᠭᠤ ᠳ᠋ᠠᠭᠢ ᠭᠤᠷᠪᠠᠨ ᠬᠦᠷᠳᠦᠲᠦ ᠲᠡᠷᠭᠡᠨ ᠳᠡᠭᠡᠷᠡᠬᠢ ᠪᠣᠭᠣᠳᠠᠯ ᠪᠠᠭᠯᠠᠭᠠ ᠨᠢ ᠵᠢᠵᠢᠭ ᠠᠭᠤᠯᠠ ᠪᠣᠯᠵᠤ ᠤᠪᠤᠭᠠᠷᠠᠪᠠ᠃《ᠴᠠᠭᠠᠨ ᠰᠠᠷᠠ ᠨᠢ ᠮᠠᠰᠢ ᠤᠯᠠᠨ ᠬᠥᠮᠥᠨᠳᠦ ᠠᠪᠴᠤ ᠬᠡᠯᠡᠪᠡᠯ ᠭᠡᠷ ᠬᠤᠲᠠᠯᠠᠭᠠᠷ ᠢᠶᠡᠨ ᠴᠤᠭᠯᠠᠷᠠᠬᠤ ᠵᠢᠷᠭᠠᠯᠳᠤ ᠴᠠᠭ ᠮᠦᠴᠡ ᠪᠤᠯᠬᠤ ᠶᠤᠮ᠃ ᠡᠢᠮᠦ ᠣᠯᠠᠨ ᠲᠦᠷᠭᠡᠨ ᠬᠦᠷᠭᠡᠯᠲᠡᠵᠢᠨ ᠪᠤᠭᠤᠳᠠᠯ ᠪᠠᠭᠯᠠᠭᠠ ᠡᠴᠡ ᠤᠯᠠᠨ ᠬᠥᠮᠥᠨ ᠲᠡᠳᠡᠨᠦ ᠰᠢᠨᠡ ᠵᠢᠯᠦᠨ ᠪᠡᠯᠡᠭᠵᠢᠡᠨ ᠬᠦᠯᠢᠶᠡᠵᠦ ᠪᠠᠢᠬᠤ ᠶᠤᠮ᠂ ᠡᠢᠮᠦᠡᠴᠡ ᠪᠢᠳᠡᠨᠦ ᠠᠵᠢᠯᠤᠨ ᠪᠠᠢᠷᠢ ᠪᠠᠨ ᠪᠠᠲᠤ ᠰᠠᠬᠢᠬᠤ ᠨᠢ ᠮᠠᠰᠢ ᠤᠳᠬᠠ ᠠᠭᠤᠯᠭᠠᠲᠠᠢ ᠶᠤᠮ！》 ᠵᠢᠶᠠ ᠶᠤᠸᠠᠢ ᠴᠢ ᠢᠩᠬᠢᠵᠦ ᠬᠡᠯᠡᠬᠦᠵᠢᠨ ᠳᠠᠭᠠᠤ ᠬᠠᠵᠠᠭᠤᠳᠠᠬᠢ ᠬᠠᠮᠲᠤ ᠠᠵᠢᠯᠲᠠᠨᠢᠶᠠᠨ ᠪᠣᠭᠣᠳᠠᠯᠢ ᠲᠠᠷᠢ ᠲᠡᠭᠰᠢᠬᠡᠨ ᠵᠢᠡᠷ ᠲᠡᠷᠭᠡᠨ ᠳᠡᠭᠡᠷᠡ ᠲᠢᠭᠯᠡᠵᠦ ᠲᠠᠯᠪᠢᠭᠠᠷᠠᠢ ᠭᠡᠵᠦ ᠰᠠᠨᠠᠭᠤᠯᠵᠤ ᠪᠠᠢᠯᠠ᠂ ᠲᠡᠭᠦᠨᠤ ᠬᠥᠳᠡᠯᠦᠯ ᠪᠠᠷᠢᠯ ᠨᠢ ᠪᠤᠱᠢᠭᠤ ᠱᠠᠯᠠᠮᠠᠭᠠᠢ ᠪᠦᠭᠡᠳ ᠮᠠᠰᠢ ᠪᠣᠯᠪᠠᠰᠤᠷᠠᠩᠭᠤᠢ ᠬᠠᠷᠠᠬᠳᠠᠨᠠ᠃
2021 ᠣᠨᠤ 8 ᠰᠠᠷᠠᠶᠢᠨ 1 ᠤ᠋ ᠡᠳᠦᠷ᠂ ᠰᠠᠶᠢᠬᠠᠨ ᠴᠡᠷᠢᠭᠦᠨ ᠠᠯᠪᠠ ᠡᠴᠡ ᠬᠠᠯᠠᠬᠳᠠᠬᠰᠠᠨ ᠵᠢᠶᠠ ᠶᠤᠸᠠᠢ ᠴᠢ ᠲᠦᠷᠭᠡᠨ ᠬᠦᠷᠭᠡᠯᠳᠠ ᠵᠢᠨ ᠠᠵᠢᠯᠳᠠᠨ ᠪᠤᠯᠪᠠ᠃ ᠠᠩᠬᠠ ᠵᠦᠩ ᠲᠦᠩ ᠲᠦᠷᠭᠡᠨ ᠬᠦᠷᠭᠡᠯᠲᠡ ᠵᠢᠨ ᠺᠤᠮᠫᠠᠨᠢ ᠳᠤ ᠠᠵᠢᠯᠯᠠᠬᠤ ᠥᠶᠡ ᠳᠤ ᠲᠡᠷᠡ ᠶᠤᠰᠤᠲᠠᠢ ᠶᠠᠭᠤ ᠴᠤ᠌ ᠮᠡᠳᠡᠬᠦ ᠦᠬᠡᠢ ᠪᠠᠢᠪᠠ᠂ ᠬᠡᠰᠡᠭ ᠬᠤᠭᠤᠴᠠᠭᠠᠨᠤ ᠭᠦᠨᠵᠡᠭᠡᠢ ᠨᠢᠮᠪᠠᠢ ᠰᠤᠷᠤᠯᠴᠠᠯᠭᠠᠪᠠᠷ ᠳᠠᠮᠵᠢᠨ᠂ ᠵᠢᠶᠠ ᠶᠤᠸᠠᠢ ᠴᠢ ᠠᠭᠠᠵᠢᠮᠢᠶᠠᠷ ᠶᠡᠷᠦᠩᠬᠡᠢᠯᠡᠭᠰᠡᠨ ᠲᠤᠬᠠᠢᠯᠠᠭᠰᠠᠨ ᠠᠵᠢᠯᠤᠨ ᠮᠡᠷᠭᠡᠵᠢᠯᠲᠡᠨ ᠪᠣᠯᠪᠠ᠃ ᠤᠳᠠᠰᠤ ᠲᠤᠰᠬᠤ ᠬᠡᠮᠵᠢᠶᠡ ᠶᠡᠬᠡ ᠦᠶᠡᠰ ᠲᠡᠷᠡ ᠤᠳᠠᠰᠤ ᠲᠤᠰᠤᠬᠴᠢ ᠪᠤᠯᠵᠤ᠂ ᠪᠠᠷᠠᠭᠠ ᠪᠠᠭᠤᠯᠭᠠᠬᠤ ᠠᠵᠢᠯ ᠶᠠᠭᠠᠷᠠᠦ ᠦᠶᠡᠰ ᠲᠡᠷᠡ ᠪᠤᠭᠤᠳᠠᠯ ᠪᠠᠬᠯᠠᠭᠠ ᠲᠢᠭᠯᠡᠭᠴᠢ ᠪᠤᠯᠵᠤ ᠂ ᠲᠤᠬᠠᠢᠯᠠᠭᠰᠠᠨ ᠠᠵᠢᠯᠲᠠᠨ ᠬᠦᠷᠦᠯᠴᠡᠬᠦ ᠦᠭᠡᠢ ᠦᠶᠡᠰ ᠲᠡᠷᠡ ᠲᠤᠬᠠᠢᠯᠠᠭᠰᠠᠨ ᠠᠵᠢᠯᠲᠠᠨ ᠪᠤᠯᠵᠤ᠂ ᠵᠢᠯᠣᠭᠣᠴᠢ ᠠᠮᠠᠷᠠᠵᠦ ᠪᠠᠢᠭᠠ ᠦᠶᠡᠰ ᠲᠡᠷᠡ ᠵᠢᠯᠣᠭᠣᠴᠢ ᠪᠤᠯᠵᠤ᠂ ᠲᠡᠷᠡ ᠪᠦᠷᠢᠨ ᠴᠢᠳᠠᠪᠤᠷᠢᠲᠤ ᠲᠦᠷᠭᠡᠨ ᠬᠦᠷᠭᠡᠭᠴᠢ ᠪᠣᠯᠵᠦ ᠪᠤᠯᠪᠠᠰᠤᠷᠠᠭᠰᠠᠨ ᠪᠠᠢᠨᠠ᠃
ᠵᠢᠶᠠ ᠶᠤᠸᠠᠢ ᠴᠢ ᠺᠤᠮᠫᠠᠨᠢ ᠵᠢᠨᠢᠶᠡᠨ ᠬᠥᠬᠡᠬᠣᠲᠠᠶᠢᠨ ᠬᠣᠲᠤᠩ ᠠᠷᠠᠳᠤᠨ ᠲᠣᠭᠣᠷᠢᠭ᠋ᠤᠨ ᠠᠵᠢᠯᠴᠢᠨ ᠲᠠᠷᠢᠶᠠᠴᠢᠨ ᠴᠡᠷᠢᠭ ᠵᠠᠮ ᠳ᠋ᠡᠬᠢ ᠲᠦᠷᠭᠡᠨ ᠬᠦᠷᠭᠡᠯᠲᠡ ᠵᠢᠨ ᠠᠵᠢᠯᠢ ᠬᠠᠷᠢᠭᠤᠴᠠᠳᠠᠭ᠂ ᠡᠨᠳᠡᠬᠢ ᠪᠤᠯ ᠪᠦᠷ ᠲᠡᠭᠦᠨᠦ ᠭᠤᠷᠪᠠᠨ ᠵᠢᠯᠦᠨ ᠲᠤᠷᠰᠢ ᠲᠠᠰᠤᠯᠴᠠᠬᠰᠠᠨ ᠬᠠᠭᠤᠴᠢᠨ ᠬᠡᠷᠡᠭᠯᠡᠭᠴᠢ ᠪᠤᠯᠬᠤ ᠶᠤᠮ᠃ 2 ᠰᠠᠷᠠᠶᠢᠨ 1ᠤ᠋ ᠡᠳᠦᠷ᠂ ᠵᠢᠶᠠ ᠶᠤᠸᠠᠢ ᠴᠢ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠄ 《ᠡᠳᠦᠷ ᠪᠣᠯᠭᠠᠨ ᠬᠠᠷᠢᠯᠴᠠᠭᠰᠠᠭᠠᠷ ᠪᠠᠢᠵᠤ ᠲᠠᠨᠢᠯ ᠳᠠᠰᠤᠯ ᠪᠤᠯᠵᠤ᠂ ᠠᠭᠠᠵᠢᠮᠳᠠᠭᠠᠨ ᠪᠦᠷ ᠨᠠᠢᠵᠠ ᠪᠣᠯᠣᠯᠴᠠᠭᠰᠠᠨ᠂ ᠨᠠᠳᠠᠳᠤ ᠠᠪᠴᠤ ᠬᠡᠯᠡᠪᠡᠯ ᠲᠡᠳᠡ ᠪᠣᠯ ᠮᠢᠨᠤ ᠡᠨᠡ ᠠᠵᠢᠯᠢ ᠬᠢᠭᠰᠡᠨᠡᠴᠡ ᠨᠠᠭᠠᠰᠢᠬᠢ ᠬᠠᠮᠤᠭᠤᠨ ᠶᠡᠬᠡ ᠣᠯᠣᠯᠲᠠ ᠮᠦᠨ》 ᠭᠡᠪᠡ᠃
ᠡᠳᠦᠷ ᠲᠤᠳᠤᠮᠤᠨ ᠲᠦᠷᠭᠡᠨ ᠬᠦᠷᠭᠡᠯᠲᠡᠶᠢᠨ ᠠᠵᠢᠯᠢ ᠰᠠᠢᠲᠤᠷ ᠬᠢᠭᠰᠡᠨᠦ ᠲᠠᠷᠠᠭᠠ᠂ ᠵᠢᠶᠠ ᠶᠤᠸᠠᠢ ᠴᠢ ᠰᠠᠨᠠᠭᠠᠴᠢᠯᠠᠭᠠᠡᠴᠡᠪᠠᠨ ᠨᠠᠮᠤᠨ ᠭᠡᠰᠢᠭᠦᠨᠦ ᠬᠣᠰᠢᠭᠤᠴᠢ ᠵᠢᠱ᠌ᠢᠶᠡᠴᠢᠦᠢᠯᠡᠳᠦᠯᠢᠶᠡᠨ ᠪᠠᠳᠠᠷᠠᠭᠤᠯᠵᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠠᠩᠬᠠᠳᠠᠭ᠍ᠴᠢ ᠲᠦᠷᠭᠡᠨ ᠬᠦᠷᠭᠡᠯᠲᠡᠶᠢᠨ ᠠᠵᠢᠯ ᠲᠦᠷᠦᠯᠦᠨ ᠨᠡᠭᠦᠳᠡᠯ ᠨᠠᠮᠤᠨ ᠭᠡᠰᠢᠭᠦᠨᠦ ᠨᠠᠮᠤᠨ ᠡᠭᠦᠷᠢ ᠪᠠᠢᠭᠤᠯᠵᠤ᠂ ᠨᠠᠮᠤᠨ ᠭᠡᠰᠢᠭᠦᠨ ᠲᠦᠷᠭᠡᠨ ᠬᠦᠷᠭᠡᠭᠴᠢ ᠲᠦᠷᠦᠭᠦᠯᠡᠨ ᠣᠷᠣᠯᠴᠠᠭᠰᠠᠨ᠂ ᠡᠪᠯᠡᠯᠦᠨ ᠭᠡᠰᠢᠭᠦᠨ ᠲᠦᠷᠭᠡᠨ ᠬᠦᠷᠭᠡᠭᠴᠢ ᠪᠤᠤᠬᠢᠶᠠᠲᠠᠮᠵᠢᠭᠤᠯᠤᠨ ᠣᠷᠣᠯᠴᠠᠭᠰᠠᠨ《ᠤᠯᠠᠭᠠᠨ ᠬᠣᠰᠢᠭᠤᠴᠢ ᠰᠠᠢᠨ ᠳᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠠᠩᠭᠢ》 ᠶ᠋ᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠠᠢ᠃ ᠪᠠᠷᠠᠭᠠ ᠬᠦᠷᠭᠡᠬᠦ ᠳᠤᠮᠳᠠ ᠭᠠᠯ ᠤᠨᠲᠠᠷᠠᠭᠠᠬᠤ ᠲᠤᠨᠤᠭ ᠲᠦᠬᠦᠬᠡᠷᠦᠮᠵᠢ ᠡᠪᠳᠡᠷᠡᠵᠦ ᠰᠦᠢᠳᠦᠭᠰᠡᠨ ᠵᠡᠷᠭᠡ ᠠᠰᠠᠭᠤᠳᠠᠯᠢ ᠢᠯᠡᠷᠡᠬᠦᠯᠪᠡᠯ᠂ ᠲᠡᠷᠡ ᠳᠠᠷᠤᠢᠳᠤᠨᠢ ᠵᠠᠪᠳᠤᠨ ᠰᠡᠭᠦᠳᠡᠷᠯᠡᠵᠦ᠂ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠳᠠᠮᠵᠢᠭᠤᠯᠵᠤ᠂ ᠨᠡᠢᠭᠡᠮ ᠲᠣᠭᠣᠷᠢᠭ᠋ᠢ ᠬᠠᠪᠰᠤᠷᠤᠨ ᠭᠡᠮᠰᠤᠭᠤᠭᠢ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠢᠯᠡᠷᠡᠭᠦᠯᠬᠦ ᠪᠠ ᠰᠢᠢᠳᠪᠦᠷᠢᠯᠡᠵᠦ ᠥᠭᠳᠡᠭ᠃ ᠵᠡᠭᠡᠯᠢ ᠳᠠᠭᠠᠤᠶᠢᠨ ᠲᠦᠷᠭᠡᠨ ᠬᠦᠷᠭᠡᠯᠲᠡᠶᠢᠨ ᠦᠷᠲᠡᠭᠡᠶᠢ ᠬᠠᠢᠷᠠ ᠬᠠᠯᠠᠮᠵᠢᠶᠢᠨ ᠦᠷᠲᠡᠭᠡ ᠪᠣᠯᠭᠠᠨ ᠪᠠᠢᠭᠤᠯᠵᠤ᠂ ᠲᠦᠷᠭᠡᠨ ᠬᠦᠷᠭᠡᠭᠴᠢ᠂ ᠵᠠᠬᠢᠶᠠᠯᠠᠭᠠᠶᠢᠨ ᠬᠤᠭᠤᠯᠠ ᠬᠦᠷᠭᠡᠭᠴᠢ ᠵᠡᠷᠭᠡ ᠭᠠᠳᠠᠨᠠᠬᠢ ᠦᠢᠯᠡᠴᠢᠯᠡᠭᠡᠨᠤ ᠬᠥᠮᠥᠰᠲᠦ ᠳᠠᠭᠠᠷᠠᠪᠠᠯ ᠳᠤᠯᠠᠭᠠᠴᠠᠵᠤ ᠪᠤᠯᠬᠤ᠂ ᠰᠢᠷᠬᠠᠳᠤᠪᠠᠯ ᠡᠮ ᠬᠡᠷᠡᠭᠯᠡᠵᠦ ᠪᠣᠯᠬᠤ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠦᠷᠦᠭᠡ ᠪᠤᠯᠭᠠᠨ ᠬᠠᠨᠭᠭᠠᠵᠠᠢ᠃
3 ᠵᠢᠯᠦᠨ ᠲᠤᠷᠰᠢ᠂ ᠵᠢᠶᠠ ᠶᠤᠸᠠᠢ ᠴᠢ ᠣᠯᠠᠨ ᠤᠳᠠᠭᠠ 《ᠪᠥᠬᠥ ᠤᠯᠤᠰᠤᠨ ᠦᠢᠯᠡᠴᠢᠯᠡᠭᠡᠨᠦ ᠶᠠᠰᠤ ᠴᠢᠨᠠᠷᠤᠨ ᠰᠢᠯᠢᠳᠡᠭ ᠬᠡᠪ ᠳᠠᠭᠤᠷᠢᠶᠠᠯᠤᠨ ᠱᠠᠩᠨᠠᠯ》 ᠢ᠋ ᠭᠥᠷᠳᠡᠵᠦ᠂ ᠤᠷᠢᠳ ᠬᠣᠵᠢᠳ 20 ᠭᠠᠷᠤᠢ ᠱᠠᠩᠨᠠᠯ ᠭᠥᠷᠳᠡᠵᠡᠢ᠃ ᠬᠥᠬᠡᠬᠣᠲᠠᠳᠤ ᠵᠢᠶᠠ ᠶᠤᠸᠠᠢ ᠴᠢ ᠮᠡᠲᠦ ᠵᠢᠨ ᠴᠠᠭᠠᠨ ᠰᠠᠷᠠᠶᠢᠨ ᠬᠤᠭᠤᠴᠠᠭᠠᠨᠳᠤ ᠠᠵᠢᠯᠤᠨ ᠪᠠᠢᠷᠢᠪᠠᠨ ᠰᠠᠬᠢᠭᠰᠠᠨ ᠲᠦᠷᠭᠡᠨ ᠬᠦᠷᠭᠡᠭᠴᠢ ᠲᠤᠩ ᠤᠯᠠᠨ ᠪᠤᠢ᠂ ᠬᠡᠷ ᠬᠤᠳᠠᠯᠠᠭᠠᠷ ᠵᠢᠡᠨ ᠴᠤᠭᠯᠠᠷᠠᠵᠤ ᠴᠠᠭᠠᠨ ᠰᠠᠷᠠ ᠪᠠᠨ ᠪᠠᠶᠠᠷ ᠬᠦᠷ ᠲᠠᠢ ᠦᠩᠬᠡᠷᠡᠬᠦᠯᠵᠤ ᠪᠠᠢᠬᠤ ᠦᠶᠠ ᠳ᠋ᠤ ᠳᠡᠳᠡ ᠮᠥᠨ ᠯᠡ ᠠᠵᠢᠯᠤᠨ ᠪᠠᠢᠷᠢᠪᠠᠨ ᠪᠠᠲᠤ ᠰᠠᠬᠢᠵᠤ᠂ ᠲᠡᠷᠭᠡ ᠪᠡᠨ ᠵᠢᠯᠤᠭᠤᠳᠤᠨ ᠵᠡᠭᠡᠯᠢ ᠭᠤᠳᠤᠮᠵᠢᠪᠡᠷ ᠰᠦᠯᠵᠢᠵᠤ᠂ ᠵᠢᠵᠢᠭᠬᠡᠨ ᠲᠦᠷᠭᠡᠨ ᠬᠦᠷᠭᠡᠯᠲᠡᠪᠡᠷ ᠲᠦᠭ ᠲᠦᠮᠡᠨ ᠠᠢᠯ ᠡᠷᠦᠬᠡ ᠳ᠋ᠤ ᠳᠥᠭᠥᠮ ᠦᠵᠡᠬᠦᠯᠵᠤ ᠶᠠᠪᠤᠨᠠ᠃