ᠡᠨᠡ ᠵᠢᠯᠦᠨ 《5·4》 ᠤ᠋ ᠵᠠᠯᠠᠭᠤᠴᠤᠳᠤᠨ ᠪᠠᠶᠠᠷ ᠨᠢ ᠤᠯᠠᠭᠠᠨᠴᠠᠪ ᠬᠤᠳᠠᠶ᠋ᠢᠨ ᠳᠥᠷᠪᠡᠳ ᠬᠣᠱᠢᠭᠤᠨᠤ ᠬᠢᠷᠰᠠᠳᠠᠢ ᠪᠠᠯᠭᠠᠰᠤᠨᠳᠤ ᠦᠢᠯᠡᠴᠢᠯᠡᠵᠦ ᠪᠠᠢᠭᠠ 《2000 ᠤᠨ ᠡᠴᠡ ᠰᠡᠭᠦᠯᠡᠷ ᠳᠦᠷᠦᠭᠰᠡᠨ》 ᠪᠠᠷᠠᠭᠤᠨ ᠣᠷᠣᠨᠤ ᠲᠥᠯᠥᠪᠯᠡᠭᠡᠶ᠋ᠢᠨ ᠰᠠᠢ᠌ᠨ ᠳᠤᠷᠠᠶ᠋ᠢᠨ ᠠᠵᠢᠯᠯᠠᠭ᠍ᠴᠢ ᠵᠠᠩ ᠵᠢᠶᠦ᠋ᠨᠳᠦ ᠠᠪᠴᠤ᠌ ᠬᠡᠯᠡᠪᠡᠯ ᠨᠢᠭᠡᠨ ᠣᠨᠴᠠᠭᠠᠢ ᠪᠠᠶᠠᠷᠤᠨ ᠡᠳᠦᠷ ᠪᠣᠯᠤᠨᠠ᠃ ᠲᠥᠪᠦᠨ ᠲᠧᠯᠸᠢᠰ ᠬᠤᠷᠢᠶᠠ ᠵᠢᠨ ᠰᠣᠨᠢᠨ ᠮᠡᠳᠡᠭᠡᠨᠦ ᠰᠤᠪᠠᠭ ᠵᠢᠨᠷ ᠨᠡᠪᠲᠡᠷᠡᠬᠥᠯᠥᠭᠰᠡᠨ ᠲᠡᠭᠦᠨᠦ ᠲᠤᠬᠠᠶ ᠲᠤᠰᠭᠠᠶ ᠰᠤᠷᠪᠤᠯᠵᠢᠯᠠᠭᠠ ᠨᠢ ᠲᠡᠭᠦᠨᠤ ᠬᠠᠮᠤᠭᠤᠨ ᠲᠤᠷᠠᠰᠬᠠᠯ ᠲᠠᠢ ᠪᠠᠶᠠᠷᠤᠨ ᠡᠳᠦᠷᠦᠨ ᠪᠡᠯᠡᠭ ᠪᠤᠯᠤᠭᠰᠠᠨ ᠪᠠᠢᠨᠠ᠃
ᠡᠨᠡ ᠵᠢᠯ 24 ᠨᠠᠰᠤᠲᠠᠢ ᠵᠠᠩ ᠵᠢᠶᠦ᠋ᠨ ᠪᠣᠯ ᠱᠠᠨ ᠰᠢ ᠮᠤᠵᠢᠶ᠋ᠢᠨ ᠶᠠᠩ ᠴᠢᠤᠸᠠᠨ ᠬᠤᠳᠠᠶ᠋ᠢᠨ ᠬᠥᠮᠦᠨ᠂ 2024 ᠣᠨᠤ 7 ᠰᠠᠷᠠᠳᠤ ᠯᠢᠦᠵᠧᠦ᠍ᠶ᠋ᠢᠨ ᠠᠵᠤ ᠦᠢᠯᠡᠳᠪᠦᠷᠢᠶ᠋ᠢᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠡᠴᠡ ᠲᠡᠭᠦᠰᠪᠡ᠂ ᠲᠤᠰ ᠵᠢᠯᠦᠨ 8 ᠰᠠᠷᠠᠳᠤ᠂ ᠲᠡᠷᠡ ᠤᠯᠤᠰᠤᠨ ᠤᠷᠢᠶᠠᠯᠠᠭᠠᠶ᠋ᠢ ᠢᠳᠡᠪᠬᠢᠲᠡᠢ ᠴᠤᠤᠷᠢᠶᠠᠲᠤᠨ ᠪᠠᠷᠠᠭᠤᠨ ᠣᠷᠣᠨᠳᠤ ᠬᠦᠷᠴᠦ᠍᠂ ᠦᠨᠳᠦᠰᠦᠨ ᠱᠠᠲᠤᠨᠳᠤ ᠭᠦᠨᠵᠡᠭᠡᠢᠷᠡᠨ᠂ ᠳᠥᠷᠪᠡᠳ ᠬᠣᠱᠢᠭᠤᠨᠤ ᠬᠢᠷᠰᠠᠳᠠᠢ ᠪᠠᠯᠭᠠᠰᠤᠨᠳᠤ ᠢᠷᠡᠭᠰᠡᠨ ᠪᠠᠢᠨᠠ᠃
ᠡᠨᠡ ᠵᠢᠯᠦᠨ 4 ᠰᠠᠷᠠᠶ᠋ᠢᠨ ᠡᠬᠢᠪᠡᠷ᠂ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠵᠠᠩ ᠵᠢᠶᠦ᠋ᠨᠢ ᠰᠤᠷᠪᠤᠯᠵᠢᠯᠠᠬᠤ ᠦᠶᠡᠳᠦ᠂ ᠲᠡᠷᠡ ᠶᠠᠭ ᠳᠥᠷᠪᠡᠳ ᠬᠣᠱᠢᠭᠤᠨᠤ ᠬᠢᠷᠰᠠᠳᠠᠢ ᠪᠠᠯᠭᠠᠰᠤᠨᠤ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢᠶ᠋ᠢᠨ ᠦᠶ᠋ᠯᠡᠴᠢᠯᠡᠭᠡᠨᠦ ᠲᠥᠪᠲᠦ ᠡᠮᠴᠢᠯᠡᠬᠡᠨ ᠤ ᠪᠠᠲᠤᠯᠠᠭᠠ ᠵᠢᠨ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠤᠬᠠᠭᠤᠯᠵᠤ᠂ ᠨᠠᠰᠤᠲᠠᠨᠳᠤ APP ᠶ᠋ᠢ ᠬᠡᠷᠡᠭ᠌ᠯᠡᠬᠦ᠌ ᠠᠷᠭᠠ ᠵᠢ ᠵᠢᠭᠠᠵᠤ ᠦᠭᠴᠦ ᠪᠠᠢᠪᠠ᠃
《ᠠᠪᠠᠭᠠ ᠡ᠂ ᠮᠢᠨᠦ᠍ ᠰᠠᠶᠢᠶ᠋ᠢᠨ ᠲᠠᠨᠳᠤ ᠤᠩᠱᠢᠵᠤ ᠥᠭ᠌ᠭᠦᠭ᠌ᠰᠡᠨ ᠡᠮᠴᠢᠯᠡᠭᠡᠨᠤ ᠪᠠᠳᠤᠯᠠᠭᠠᠶᠢᠨ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠲᠠ ᠣᠢᠯᠠᠭᠠᠭ᠍ᠰᠠᠨ ᠦᠦ？》᠂ 《ᠲᠠ ᠵᠠᠪᠠᠯ ᠴᠠᠭᠲᠠᠭᠠᠨ ᠡᠮᠴᠢᠯᠡᠭᠡᠨᠤ ᠪᠠᠳᠤᠯᠠᠭᠠᠳᠤ ᠣᠷᠣᠯᠴᠠᠬᠤ ᠬᠡᠷᠡᠭ᠌ᠲᠡᠶ ᠰᠢᠦ᠂ ᠢᠩᠭᠢᠪᠡᠯ ᠲᠠ ᠤᠳᠠᠭᠠᠨ ᠴᠢᠨᠠᠷᠲᠠᠶ ᠡᠪᠡᠳᠴᠢᠨᠢᠶᠡᠨ ᠡᠮᠨᠡᠭᠦᠯᠬᠦ᠌ ᠬᠤᠭᠤᠴᠠᠭᠠᠨᠳᠤ ᠤᠯᠤᠰᠤᠨ ᠬᠣᠯᠪᠣᠭ᠍ᠳᠠᠯ ᠪᠥᠬᠥᠶ ᠨᠥᠬᠥᠪᠥᠷᠢᠶ᠋ᠢᠨ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠ ᠵᠢᠨ ᠬᠠᠷᠠᠭᠠᠯᠵᠠᠯ ᠢ ᠭᠥᠷᠳᠡᠵᠦ᠍ ᠪᠣᠯᠤᠨᠠ》᠂ 《ᠲᠠ ᠨᠠᠰᠤ ᠠᠭᠢᠭ᠍ᠰᠠᠨ ᠪᠣᠯᠬᠣᠷ ᠪᠢ ᠲᠠᠨᠳᠤ APP ᠶ᠋ᠢ ᠬᠡᠷᠡᠭ᠌ᠯᠡᠬᠦ᠌ ᠶᠠᠪᠤᠴᠠᠶ᠋ᠢ ᠵᠢᠭᠠᠵᠤ ᠥᠭ᠌ᠭᠦᠶᠡ᠂ ᠲᠠ ᠴᠡᠭᠡᠵᠢᠯᠡᠵᠦ᠍ ᠳᠡᠢᠯᠬᠦ᠌ ᠥᠬᠡᠶ ᠪᠣᠯ ᠨᠠᠳᠠᠳᠤ ᠤᠲᠠᠰᠤᠳᠠᠭᠠᠷᠠᠶ》᠃
76 ᠨᠠᠰᠤᠲᠠᠢ ᠲᠣᠰᠭᠣᠨᠤ ᠠᠷᠠᠳ ᠲᠢᠶᠠᠨ ᠱᠧᠩ᠄ 《ᠵᠠᠩ ᠵᠢᠶᠦ᠋ᠨ ᠦᠨᠡᠬᠡᠷ ᠰᠠᠢ᠌ᠨ ᠬᠡᠤᠬᠡᠨ ᠰᠢᠤ ᠂ ᠨᠠᠰᠤᠲᠠᠢᠴᠤᠳᠪᠢᠳᠠᠨᠳᠤ ᠮᠠᠰᠢ ᠬᠠᠯᠠᠭᠤᠮᠰᠤᠭ ᠬᠠᠨᠳᠤᠳᠠᠭ ᠁》 ᠭᠡᠵᠦ᠍ ᠰᠠᠢᠱᠢᠶᠠᠨ ᠬᠡᠯᠡᠪᠡ᠃
ᠦᠨᠳᠦᠰᠦᠨ ᠱᠠᠲᠤᠨᠳᠤ ᠢᠷᠡᠵᠦ ᠠᠵᠢᠯᠯᠠᠭ᠍ᠰᠠᠨ ᠲᠤᠬᠠᠢ ᠪᠠᠨ ᠵᠠᠩ ᠵᠢᠶᠦ᠋ᠨ᠄《ᠡᠨᠳᠡ ᠢᠷᠡᠭ᠌ᠰᠡᠨ ᠠᠩᠬᠠᠨᠤ ᠰᠥᠨᠢ᠂ ᠴᠣᠩᠬᠣᠪᠠᠨ ᠨᠡᠭᠡᠭᠡᠭᠡᠳ ᠤᠨᠳᠠᠴᠢᠬᠠᠵᠠᠢ᠂ ᠬᠣᠨᠢᠨ ᠬᠣᠷᠭᠣᠯᠤᠨ ᠦᠨᠦᠷ ᠲᠤ᠌ ᠮᠠᠰᠢ ᠲᠠᠰᠬᠤ ᠦᠭᠡᠢ ᠪᠠᠢᠵᠠᠢ᠃ ᠭᠡᠷᠢᠶᠡᠨ ᠦᠨᠡᠬᠡᠷ ᠰᠠᠨᠠᠯᠠ᠂ ᠪᠠᠰᠠ ᠰᠡᠮᠡᠭᠡᠷ ᠤᠬᠢᠯᠠᠵᠤ ᠥᠩᠭᠡᠷᠡᠵᠡᠶ》 ᠭᠡᠵᠡᠢ᠃
ᠵᠠᠩ ᠵᠢᠶᠦ᠋ᠨ᠄ 《 ᠮᠢᠨᠦ᠍ ᠬᠠᠮᠤᠭᠤᠨ ᠳᠤᠷᠠᠲᠠᠶ ᠠᠵᠢᠯ ᠪᠣᠯ ᠲᠠᠷᠤᠢ〈ᠪᠠᠷᠢᠭᠠᠳᠠᠳᠤ ᠪᠠᠭᠤᠬᠤ〉 ᠶᠠᠪᠤᠳᠠᠯ ᠪᠣᠯᠤᠨᠠ ᠂ ᠱᠢᠶᠠᠩ ᠪᠠᠯᠭᠠᠰᠤ᠂ ᠲᠣᠰᠭᠣᠨᠤ ᠨᠠᠮᠤᠨ ᠬᠣᠷᠢᠶᠠ᠂ ᠲᠣᠰᠭᠣᠨᠳᠤ ᠰᠠᠭᠤᠭᠠ ᠠᠵᠢᠯᠯᠠᠬᠤ ᠠᠩᠭᠢᠶ᠋ᠢᠨ ᠺᠠᠳ᠋ᠷᠴᠤᠳᠢ ᠳᠠᠭᠠᠵᠤ ᠠᠢᠯ ᠡᠷᠦᠬᠡᠳᠦ ᠣᠴᠢᠪᠠᠯ ᠰᠠᠶᠢ〈 ᠦᠨᠳᠦᠰᠦᠨ ᠱᠠᠲᠤᠨᠳᠤ ᠦᠨᠳᠦᠰᠦᠯᠡᠵᠦ᠍ ᠂ ᠠᠷᠠᠳ ᠲᠦᠮᠡᠨᠳᠦ ᠦᠶ᠋ᠯᠡᠴᠢᠯᠡᠬᠦ᠌ 〉 ᠭᠡᠳᠡᠭᠢ ᠨᠠᠩ ᠭᠦᠨᠵᠡᠭᠡᠶ ᠣᠢᠯᠠᠭᠠᠵᠤ ᠴᠢᠳᠠᠨᠠ》 ᠭᠡᠪᠡ᠃
《ᠣᠯᠠᠨ ᠲᠦᠮᠡᠨᠦ ᠰᠠᠨᠠᠯᠢ ᠰᠣᠨᠣᠰᠤᠨ᠂ ᠣᠯᠠᠨ ᠲᠦᠮᠡᠨᠦ ᠬᠦᠴᠢᠷ ᠠᠰᠠᠭᠤᠳᠠᠯᠢ ᠰᠢᠢᠳᠪᠦᠷᠢᠯᠡᠵᠦ᠂ ᠣᠯᠠᠨ ᠲᠦᠮᠡᠨᠦ ᠪᠠᠴᠢᠮᠳᠠᠵᠤ ᠪᠠᠢᠭᠠ ᠶᠠᠪᠤᠳᠠᠯᠳᠤ ᠪᠠᠴᠢᠮᠳᠠᠵᠤ᠂ ᠣᠯᠠᠨ ᠲᠦᠮᠡᠨᠦ ᠪᠤᠳᠤᠵᠤ ᠪᠠᠢᠭᠠ ᠵᠦᠢᠯᠢ ᠪᠤᠳᠤᠵᠤ᠂ ᠠᠷᠠᠳᠲᠤ ᠠᠰᠢᠭ᠋ ᠬᠦᠷᠲᠡᠭᠡᠬᠦ ᠪᠣᠳᠠᠲᠤ ᠶᠠᠪᠤᠳᠠᠯ ᠬᠢᠬᠦ ᠪᠣᠯᠣᠨ ᠣᠯᠠᠨ ᠲᠦᠮᠡᠨᠦ ᠵᠢᠷᠭᠠᠯᠲᠤ ᠢᠨᠢᠶᠡᠳᠦ ᠪᠣᠯ ᠨᠠᠳᠠᠳᠤ ᠥᠭᠭᠦᠭᠰᠡᠨ ᠬᠠᠮᠤᠭᠤᠨ ᠶᠡᠬᠡ ᠵᠣᠷᠢᠭ᠍ᠵᠢᠭᠤᠯᠤᠯ ᠮᠥᠨ！》᠃
ᠰᠤᠷᠪᠤᠯᠵᠢᠯᠠᠭ᠍ᠴᠢ ᠵᠠᠩ ᠵᠢᠶᠦ᠋ᠨ ᠲᠠᠢ ᠶᠠᠷᠢᠯᠴᠠᠵᠦ ᠪᠠᠢᠬᠤᠳᠦ᠂ ᠭᠢᠷᠰᠡᠲᠡᠢ ᠪᠠᠯᠭᠠᠰᠤᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠤᠰᠠᠯᠠᠭ᠍ᠴᠢ ᠯᠢᠶᠠᠩ ᠵᠦᠩ ᠶᠦᠩ ᠣᠷᠣᠵᠤ ᠢᠷᠡᠭᠡᠳ᠄ 《ᠶᠠᠭᠠᠷᠠᠤ ᠪᠠᠢᠨᠠ ᠤᠤ？》 ᠭᠡᠵᠤ ᠵᠠᠩ ᠵᠢᠶᠦᠢ᠍ᠨ ᠡᠴᠡ ᠠᠰᠠᠭᠤᠪᠠ᠃
《ᠭᠠᠢᠭᠤᠢ᠂ ᠯᠢᠶᠠᠩ ᠠᠬᠠ ᠲᠠ ᠶᠠᠮᠠᠷ ᠤᠴᠢᠷᠲᠠᠢ ᠪᠤᠢ？》᠂ 《ᠲᠤᠮᠤ ᠤᠴᠢᠷ ᠴᠦ᠍ ᠪᠢᠰᠢ᠂ ᠴᠢᠨᠦ ᠲᠡᠷᠡ〈ᠪᠠᠭᠠ ᠡᠭᠦᠳᠦᠯᠲᠡ〉 ᠪᠡᠨ ᠬᠡᠵᠢᠶᠡ ᠲᠤᠰᠬᠠᠢ ᠠᠰᠢᠭ᠋ᠤᠨ ᠡᠷᠬᠡ ᠡᠷᠡᠮᠡᠯᠵᠡᠬᠦ ᠭᠡᠵᠦ ᠪᠠᠢᠭᠠ ᠶᠤᠮ ᠪᠤᠶ？》 ᠭᠡᠵᠦ ᠯᠢᠶᠠᠩ ᠵᠥᠩ ᠶᠦᠩ ᠢᠨᠢᠶᠡᠨ ᠠᠰᠠᠭᠤᠪᠠ᠃
ᠵᠠᠩ ᠵᠢᠶᠦ᠋ᠨ᠄ 《ᠯᠢᠶᠠᠩ ᠠᠬᠠ ᠡ᠂ ᠡᠨᠡ ᠬᠡᠳᠦᠨ ᠡᠳᠦᠷ ᠪᠠᠯᠭᠠᠰᠤᠨᠤ ᠠᠵᠢᠯ ᠲᠠᠨᠭᠴᠢ ᠣᠯᠠᠨ᠂ ᠡᠷᠡᠮᠡᠯᠵᠡᠬᠦ ᠵᠠᠪ ᠦᠭᠡᠢ ᠪᠠᠢᠭᠰᠠᠭᠠᠷ》 ᠭᠡᠵᠤ ᠶᠠᠷᠢᠯᠠ᠃
《ᠲᠤᠰᠬᠠᠢ ᠠᠰᠢᠭ᠋ᠤᠨ ᠡᠷᠬᠡ ᠭᠡᠨᠡᠤᠤ？ ᠶᠠᠮᠠᠷ 〈ᠪᠠᠭᠠ ᠡᠭᠦᠳᠦᠯᠲᠡ〉 ᠪᠤᠢ？》 ᠭᠡᠵᠦ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠠᠰᠠᠭᠤᠪᠠ᠃
ᠵᠠᠩ ᠵᠢᠶᠦ᠋ᠨ ᠲᠤᠤᠭᠠᠷᠴᠤ ᠠᠮᠵᠢᠬᠤᠡᠴᠡ ᠡᠮᠦᠨᠡ ᠯᠢᠶᠠᠩ ᠵᠦᠩ ᠶᠦᠩ᠄ 《ᠵᠠᠩ ᠵᠢᠶᠦᠢ᠍ᠨ ᠡᠨᠡ ᠬᠡᠦᠬᠡᠳ ᠠᠵᠢᠯᠳᠠᠭᠠᠨ ᠨᠠᠷᠢᠨ ᠬᠢᠨᠠᠮᠠᠭᠠᠢᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠰᠤᠳᠤᠯᠬᠤ ᠳᠤᠷᠠᠲᠠᠢ᠂ ᠲᠡᠷᠡ ᠤᠯᠠᠨᠢ ᠲᠠᠭᠠᠵᠤ ᠠᠢᠯ ᠡᠷᠦᠬᠡᠪᠡᠷ ᠪᠠᠭᠤᠵᠤ ᠶᠠᠪᠤᠬᠤ ᠦᠶᠡᠰ ᠨᠢᠭᠡᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠡᠷᠦᠬᠡᠳᠦ ᠪᠠᠴᠢᠮ ᠤᠴᠢᠷ ᠲᠤᠬᠢᠶᠠᠯᠳᠤᠵᠤ ᠬᠤᠳᠠᠳᠦ ᠤᠷᠤᠬᠤ ᠴᠢᠬᠤᠯᠠᠲᠠᠢ ᠪᠤᠯᠤᠭᠰᠠᠨ ᠡᠴᠡ ᠬᠣᠨᠢᠪᠠᠨ ᠴᠠᠭᠲᠠᠭᠠᠨ ᠲᠡᠵᠢᠭᠡᠵᠦ ᠳᠡᠶ᠋ᠢᠯᠬᠦ ᠦᠭᠡᠢ ᠪᠠᠢᠭᠰᠠᠨᠢ ᠤᠯᠵᠤ ᠮᠡᠳᠡᠪᠡ᠂ ᠲᠡᠷᠡ ᠨᠢᠭᠡ ᠭᠠᠷᠠᠭ ᠬᠡᠷᠡᠭᠰᠡᠵᠦ 〈ᠠᠤᠢ᠍ᠲ᠋ᠤ᠋ ᠬᠣᠨᠢ ᠲᠡᠵᠢᠭᠡᠬᠦ ᠲᠦᠬᠦᠭᠡᠷᠦᠮᠵᠢ〉 ᠶ᠋ᠢ ᠡᠭᠦᠳᠦᠨ ᠪᠦᠲᠦᠭᠡᠵᠡᠢ᠂ ᠦᠨᠡᠬᠡᠷ ᠰᠠᠢᠨ ᠡᠳ᠋ ᠰᠢᠤ ᠁》 ᠭᠡᠵᠦ ᠳᠣᠭᠳᠣᠯᠤᠨ ᠬᠡᠯᠡᠪᠡ᠃
《ᠦᠨᠡᠬᠡᠷ ᠰᠦᠷᠡᠭᠡᠢ ᠪᠠᠢᠨᠠ᠂ ᠪᠢᠳᠡᠨ ᠣᠴᠢᠵᠤ ᠦᠵᠡᠶᠡ ᠭᠡᠵᠤ ᠪᠤᠳᠤᠵᠤ ᠪᠠᠢᠨᠠ》 ᠭᠡᠵᠦ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠬᠦᠭᠰᠡᠨ ᠬᠡᠯᠡᠪᠡ᠃
ᠪᠢᠳᠠ ᠤᠢᠷᠠᠬᠠᠨ ᠨᠢᠭᠡᠨ ᠬᠤᠨᠢᠨᠤ ᠫᠸᠩᠳᠦ ᠬᠦᠷᠴᠦ᠂ ᠵᠠᠩ ᠵᠢᠶᠦ᠋ᠨᠦ 《ᠪᠠᠭᠠ ᠡᠭᠦᠳᠦᠯᠲᠡ》 ᠶ᠋ᠢ ᠰᠤᠨᠢᠷᠬᠠᠵᠤ ᠪᠢᠯᠡ᠃
《ᠲᠠ ᠨᠠᠷᠤᠨ ᠡᠯᠡᠭ ᠪᠤᠯᠬᠤ ᠨᠢ ᠡ ᠂ 〈ᠪᠠᠭᠠ ᠡᠭᠦᠳᠦᠯᠲᠡ〉 ᠳ᠋ᠤ ᠴᠦ᠍ ᠲᠤᠭᠠᠴᠠᠭᠳᠠᠬᠤ ᠦᠭᠡᠢ᠂ ᠪᠢ ᠨᠢᠭᠡ ᠵᠦᠢᠯᠦᠨ ᠨᠡᠩ ᠳᠥᠭᠥᠮ ᠳᠥᠲᠡ ᠠᠷᠭᠠ ᠵᠢ ᠬᠡᠷᠡᠭᠯᠡᠵᠤ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠡᠷᠦᠬᠡᠳᠦ ᠨᠡᠩ ᠢᠯᠡᠭᠦᠦ ᠴᠠᠭ ᠪᠠ ᠬᠦᠴᠦᠨ ᠠᠷᠪᠢᠯᠠᠵᠤ ᠦᠭᠬᠦ ᠵᠢ ᠰᠠᠨᠠᠭᠰᠠᠨ ᠶᠤᠮ》᠃ ᠵᠠᠩ ᠵᠢᠶᠦ᠋ᠨ᠂《ᠪᠢ ᠶᠡᠬᠡ ᠰᠤᠷᠭᠠᠭᠤᠯᠢᠳᠦ ᠡᠯᠧᠺᠲᠷᠣᠨ ᠮᠡᠳᠡᠭᠡ ᠵᠠᠩᠭᠢᠶᠢᠨ ᠢᠨᠵᠧᠨᠧᠷᠢᠩᠦᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠢ ᠰᠣᠷᠣᠭᠰᠠᠨ ᠶᠤᠮ᠂ ᠡᠨᠳᠡ ᠬᠠᠷᠢᠨ ᠠᠰᠢᠭᠯᠠᠴᠢᠬᠠᠨᠠ ᠭᠡᠵᠦ ᠪᠤᠳᠤᠵᠤ ᠣᠯᠣᠭᠰᠠᠨ ᠦᠭᠡᠢ》 ᠭᠡᠪᠡ᠃
《ᠡᠨᠡ ᠨᠢ ᠵᠥᠪᠬᠡᠨ ᠨᠢᠭᠡᠨ ᠲᠦ᠋ᠬᠦᠮᠬᠡᠨ ᠵᠠᠭ᠍ᠪᠤᠷ ᠪᠣᠯᠬᠤ ᠶᠤᠮ᠂ ᠲᠡᠷᠡ ᠨᠢ ᠤᠨᠭᠭᠤᠴᠠ᠂ ᠠᠷᠠᠭᠠᠲᠤ ᠬᠦᠷᠳᠦ᠂ ᠴᠠᠭ ᠲᠣᠭ᠍ᠲᠠᠭᠠᠭᠤᠷᠢᠶᠠᠷ ᠪᠦᠷᠢᠯᠳᠦᠵᠡᠢ᠃ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠡᠷᠦᠬᠡᠨᠢ ᠤᠨᠭᠭᠤᠴᠠᠨ ᠳᠣᠲᠣᠷᠠ ᠪᠣᠷᠳᠣᠭᠠᠪᠠᠨ ᠬᠢᠵᠦ᠍᠂ ᠳᠠᠷᠠᠭᠠᠨᠢ ᠬᠣᠨᠢᠨᠤ ᠲᠣᠭᠠ ᠬᠡᠮᠵᠢᠶᠡᠶ᠋ᠢ ᠦᠨᠳᠦᠰᠦᠯᠡᠨ ᠠᠷᠭᠠᠲᠤ ᠬᠦᠷᠳᠦᠨᠦ ᠬᠤᠷᠳᠤᠴᠠᠶ᠋ᠢ ᠲᠣᠭ᠍ᠲᠠᠭᠠᠵᠤ᠂ ᠬᠠᠮᠤᠭ ᠰᠡᠭᠦᠯᠳᠦᠨᠢ ᠴᠠᠭ ᠲᠣᠭ᠍ᠲᠠᠭᠠᠭᠤᠷᠵᠢᠡᠷ ᠲᠡᠵᠢᠭᠡᠬᠦ᠌ ᠴᠠᠭᠢ ᠲᠣᠭ᠍ᠲᠠᠭᠠᠨᠠ᠂ ᠢᠩᠭᠢᠪᠡᠯ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠡᠷᠦᠬᠡᠶ᠋ᠢᠨ ᠪᠠᠴᠢᠮ ᠤᠴᠢᠷᠲᠠᠶ ᠭᠠᠳᠠᠭ᠍ᠰᠢ ᠭᠠᠷᠤᠭᠠᠳ ᠲᠣᠭ᠍ᠲᠠᠭ᠍ᠰᠠᠨ ᠴᠠᠭᠲᠠᠭᠠᠨ ᠬᠣᠨᠢᠪᠠᠨ ᠲᠡᠵᠢᠭᠡᠵᠦ᠍ ᠳᠡᠢᠯᠬᠦ᠌ ᠥᠬᠡᠶ ᠪᠤᠯᠬᠤ ᠠᠰᠠᠭᠤᠳᠠᠯᠢ ᠱᠢᠶ᠋ᠳᠪᠦᠷᠢᠯᠡᠵᠦ᠍ ᠪᠣᠯᠤᠨᠠ᠂ ᠪᠠᠰᠠ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠡᠷᠦᠬᠡᠶ᠋ᠢᠨ ᠬᠦᠳᠡᠯᠮᠦᠷᠢ ᠬᠦᠴᠦ ᠵᠢ ᠴᠢᠯᠥᠭᠡᠯᠡᠵᠦ᠍᠂ ᠲᠡᠳᠡᠨᠢ ᠪᠤᠰᠤᠳ ᠠᠵᠢᠯᠢ ᠬᠢᠬᠦ ᠭᠦᠶ᠋ᠴᠡᠳ ᠴᠠᠭ ᠲᠠᠢ ᠪᠤᠯᠭᠠᠨᠠ》᠃ ᠵᠠᠩ ᠵᠢᠶᠦ᠋ᠨ᠂ 《ᠦᠶ᠋ᠯᠡᠳᠬᠦ᠌ ᠦᠨᠡ ᠨᠢ ᠪᠠᠰᠠ ᠳᠤᠤᠷᠠ᠂ 30 ᠬᠣᠨᠢ ᠲᠡᠵᠢᠭᠡᠬᠦ᠌ᠪᠡᠷ ᠪᠤᠳᠤᠪᠠᠯ 500 ᠲᠥᠭᠥᠷᠢᠭ ᠣᠷᠴᠢᠮ ᠬᠡᠷᠡᠭ᠌ᠰᠡᠨᠡ》 ᠭᠡᠵᠦ ᠲᠠᠨᠢᠯᠴᠠᠭᠤᠯᠪᠠ᠃
《ᠡᠨᠡ ᠪᠣᠯ ᠳᠥᠭᠥᠮᠬᠡᠨ〈ᠪᠠᠭᠠ ᠡᠭᠦᠳᠦᠯᠲᠡ〉 ᠪᠢᠰᠢ ᠱᠢᠤ᠂ ᠬᠡᠷᠪᠡ ᠡᠨᠡ〈ᠠᠦ᠋ᠲ᠋ᠣ᠋ ᠬᠣᠨᠢ ᠲᠡᠵᠢᠭᠡᠬᠦ᠌ ᠪᠠᠭᠠᠵᠢ〉ᠵᠢᠨ ᠲᠥᠬᠥᠭᠡᠷᠦᠮᠵᠢᠶ᠋ᠢ ᠱᠢᠯᠢᠳᠡᠭ᠌ᠵᠢᠭᠦᠯᠵᠦ᠍᠂ ᠥᠷᠭᠡᠨᠢᠶᠡᠷ ᠳᠡᠯᠭᠡᠷᠡᠭᠦᠯᠪᠡᠯ᠂ ᠬᠣᠨᠢ ᠲᠡᠵᠢᠭᠡᠬᠦ᠌ ᠴᠦ᠍ ᠲᠡᠷᠡ᠂ ᠦᠬᠡᠷ ᠲᠡᠵᠢᠭᠡᠬᠦ᠌ ᠴᠦ᠍ ᠲᠡᠷᠡ᠂ ᠡᠨᠡ ᠨᠢ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠡᠷᠦᠬᠡᠶ᠋ᠢᠨ ᠬᠥᠳᠡᠯᠮᠦᠷᠢᠶ᠋ᠢᠨ ᠳᠠᠷᠤᠭᠠᠰᠤᠶ᠋ᠢ ᠶᠡᠭᠡ ᠭᠡᠮᠵᠢᠶᠡ ᠪᠡᠷ ᠬᠥᠩᠭᠡᠷᠡᠭᠦᠯᠤᠨᠠ》 ᠭᠡᠵᠦ᠍ ᠳᠥᠷᠪᠡᠳ ᠬᠣᠱᠢᠭᠤᠨᠤ ᠡᠪᠯᠡᠯᠦᠨ ᠬᠤᠷᠢᠶᠠᠵᠢᠨ ᠱᠦᠵᠢ ᠵᠤᠤ ᠪᠢᠨ ᠱᠠᠬᠰᠢᠨ ᠰᠠᠢᠱᠢᠶᠠᠵᠦ ᠪᠠᠢᠪᠠ᠃
5 ᠰᠠᠷᠠᠶ᠋ᠢᠨ 6 ᠤ᠋ ᠡᠳᠦᠷ᠂ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠮᠠᠱᠢᠨ ᠲᠡᠷᠭᠡᠪᠡᠷ ᠬᠢᠷᠰᠠᠳᠠᠢ ᠪᠠᠯᠭᠠᠰᠤᠨᠤ ᠪᠤᠮᠪᠠ ᠲᠣᠰᠭᠣᠨᠤ 《ᠬᠠᠢᠷᠠ ᠬᠠᠯᠠᠮᠵᠢᠶ᠋ᠢᠨ ᠬᠣᠭᠣᠯᠠᠨ ᠬᠡᠷ》 ᠲᠤ᠌ ᠬᠦᠷᠴᠦ᠍ ᠵᠠᠩ ᠵᠢᠶᠦ᠋ᠨᠢ ᠳᠠᠬᠢᠨᠲᠠ ᠰᠤᠷᠪᠤᠯᠵᠢᠯᠠᠪᠠ᠂ ᠲᠡᠷᠡ ᠶᠠᠭ 62 ᠨᠠᠰᠤᠲᠠᠶ ᠾᠧ ᠠᠶ ᠠᠶᠲᠠᠶ ᠬᠠᠮᠲᠤ ᠬᠡᠷᠲᠡᠬᠡᠨ ᠬᠣᠴᠣᠷᠤᠭ᠍ᠰᠠᠨ 10 ᠭᠠᠷᠤᠶ ᠥᠨᠥᠴᠢᠨ ᠪᠡᠯᠪᠡᠰᠦᠨ ᠨᠠᠰᠤᠲᠠᠨᠳᠤ ᠦᠳᠡᠶ᠋ᠢᠨ ᠬᠣᠭᠣᠯᠠ ᠬᠢᠵᠦ᠍ ᠥᠭ᠌ᠴᠦ ᠪᠠᠢᠯᠠ᠃
《ᠵᠠᠩ ᠵᠢᠶᠦ᠋ᠨᠤ ᠪᠠᠯᠭᠠᠰᠤᠨᠳᠠᠬᠢ ᠠᠵᠢᠯ ᠶᠡᠷᠦ᠍ ᠨᠢ ᠶᠡᠬᠡ ᠶᠠᠭᠠᠷᠠᠤ ᠪᠠᠶ᠋ᠢᠳᠠᠭ ᠪᠤᠯᠪᠠᠴᠤ ᠦᠷᠭᠦᠯᠵᠢ ᠢᠷᠡᠵᠦ᠍ ᠨᠠᠰᠤᠲᠠᠢᠴᠤᠳᠲᠤ ᠬᠣᠭᠣᠯᠠ ᠬᠢᠵᠦ᠍ ᠥᠭ᠌ᠳᠡᠭ᠂ ᠬᠣᠲᠠᠶ᠋ᠢᠨ ᠬᠡᠦᠬᠡᠨ ᠪᠠᠢᠭᠠᠳ ᠠᠵᠢᠯᠢ ᠪᠤᠵᠠᠷ ᠵᠦᠳᠡᠷᠡᠯᠲᠡᠢ ᠭᠡᠵᠦ ᠭᠤᠯᠤᠬᠤ ᠦᠭᠡᠢ ᠪᠡᠷ ᠬᠢᠨᠡ᠂ ᠦᠨᠡᠬᠡᠷ ᠰᠠᠢᠨ ᠬᠡᠤᠬᠡᠨ ᠶᠤᠮ》 ᠭᠡᠵᠦ᠍ ᠾᠧ ᠠᠶ ᠠᠶ ᠵᠠᠩ ᠵᠢᠶᠦ᠋ᠨᠢ ᠮᠠᠭ᠍ᠲᠠᠨ ᠰᠠᠢᠱᠢᠶᠠᠵᠤ ᠪᠠᠢᠯᠠ᠃
《ᠡᠨᠡ ᠬᠦ᠌ 〈ᠬᠠᠢᠷᠠ ᠬᠠᠯᠠᠮᠵᠢ ᠶ᠋ᠢᠨ ᠬᠣᠭᠣᠯᠠᠨ ᠭᠡᠷ〉ᠢ᠋ ᠮᠠᠨᠤ ᠪᠠᠯᠭᠠᠰᠤᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠤᠰᠠᠯᠠᠭ᠍ᠴᠢ ᠯᠢᠶᠠᠩ ᠵᠦᠩ ᠶᠦᠩ ᠠᠬᠠ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ᠪᠠᠢᠭᠤᠯᠤᠭ᠍ᠰᠠᠨ ᠶᠤᠮ᠂ ᠲᠡᠭᠦᠨᠦ ᠬᠠᠢᠷᠠ ᠬᠠᠯᠠᠮᠵᠢ ᠨᠢ ᠨᠠᠲᠠ ᠵᠢ ᠨᠦᠯᠦᠭᠡᠯᠡᠨ ᠵᠣᠷᠢᠭ᠍ᠵᠢᠭᠤᠯᠵᠤ ᠪᠠᠢᠨᠠ᠂ ᠨᠠᠰᠤᠲᠠᠢᠴᠤᠳ ᠬᠠᠮᠲᠤ ᠬᠣᠭᠣᠯᠠ ᠢᠳᠡᠵᠦ᠍᠂ ᠵᠤᠭᠤᠭ ᠳᠡᠯᠭᠡᠬᠦ ᠨᠢ ᠮᠠᠰᠢ ᠰᠠᠢᠨ ᠶᠤᠮ᠂ ᠬᠢᠵᠦ᠍ ᠳᠡᠢᠯᠬᠦ᠌ ᠶᠠᠪᠤᠳᠠᠯᠵᠢᠡᠨ ᠴᠢᠳᠠᠯᠤᠨ ᠬᠢᠷᠢᠪᠡᠷᠢᠶᠡᠨ ᠬᠢᠵᠦ ᠲᠡᠳᠡᠨᠢ ᠬᠠᠪᠰᠤᠷᠴᠤ ᠪᠠᠢᠬᠤ ᠳ᠋ᠠᠭᠠᠨ ᠪᠢ ᠮᠠᠰᠢ ᠪᠠᠶᠠᠷᠯᠠᠵᠤ ᠪᠠᠢᠨᠠ》 ᠭᠡᠵᠦ᠍ ᠵᠠᠩ ᠵᠢᠶᠦ᠋ᠨ ᠬᠣᠭᠣᠯᠠ ᠪᠠᠵᠠᠭᠠᠬᠤ ᠶ᠋ᠢᠨ ᠳᠠᠭᠠᠤ ᠬᠡᠯᠡᠪᠡ᠃
《 ᠬᠣᠭᠣᠯᠠᠨ ᠭᠡᠷᠤᠨ ᠬᠢᠨ ᠨᠠᠰᠤᠲᠠᠢᠴᠤᠳᠲᠤ ᠰᠦᠢᠳᠭᠡᠯ ᠬᠤᠷᠢᠶᠠᠬᠤ ᠦᠭᠡᠢᠪᠡᠷ ᠢᠳᠡᠭᠡᠨ ᠤᠮᠳᠠᠭᠠᠨ ᠬᠠᠩᠭᠠᠵᠤ ᠪᠠᠢᠨᠠ᠂ ᠮᠠᠨᠤ ᠡᠨᠳᠡ ᠨᠠᠰᠤᠪᠠᠷ ᠬᠠᠮᠤᠭᠤᠨ ᠶᠡᠬᠡ ᠨᠢ 90 ᠨᠠᠰᠤᠲᠠᠢ᠂ ᠬᠠᠮᠤᠭᠤᠨ ᠪᠠᠭᠠ ᠨᠢ 67 ᠨᠠᠰᠤᠲᠠᠢ᠂ ᠳᠤᠮᠳᠠᠴᠢ ᠨᠠᠰᠤ ᠨᠢ 75 ᠨᠠᠰᠤ ᠪᠣᠯᠤᠨᠠ》᠃ ᠡᠨᠡ ᠵᠢᠯ 67 ᠨᠠᠰᠤᠲᠠᠢ ᠷᠧᠨ ᠰᠧ ᠬᠠᠢ᠄《ᠡᠨᠡ ᠬᠡᠳᠦᠨ ᠡᠳᠦᠷ ᠪᠠᠯᠭᠠᠰᠤᠨᠤ ᠬᠥᠮᠦᠰ ᠪᠦᠷ ᠵᠠᠩ ᠵᠢᠶᠦ᠋ᠨ ᠲᠧᠯᠸᠢᠰ ᠳᠡᠭᠡᠷᠡ ᠭᠠᠷᠤᠭ᠍ᠰᠠᠨ ᠭᠡᠵᠦ᠍ ᠬᠡᠯᠡᠵᠦ᠍ ᠪᠠᠢᠨᠠ᠂ ᠪᠢᠳᠡ ᠰᠤᠨᠤᠰᠤᠭᠠᠳ ᠮᠠᠰᠢ ᠪᠠᠶᠠᠷᠯᠠᠵᠠᠭᠠᠯᠠ ᠂ ᠬᠣᠲᠠᠶ᠋ᠢᠨ ᠬᠡᠦᠬᠡᠳ ᠡᠨᠳᠡ ᠢᠷᠡᠵᠦ᠍ ᠬᠦᠴᠢᠷ ᠵᠣᠪᠠᠯᠠᠩ ᠠᠮᠰᠠᠬᠤ ᠭᠡᠭᠴᠢ ᠠᠮᠠᠷ ᠦᠭᠡᠢ᠂ ᠦᠨᠡᠬᠡᠷ ᠰᠠᠢᠨ ᠬᠡᠦᠬᠡᠳ ᠪᠠᠢᠨᠠ》 ᠭᠡᠵᠦ ᠪᠠᠶᠠᠷᠲᠠᠢᠬᠠᠨ ᠬᠡᠯᠡᠪᠡ᠃
ᠵᠠᠩ ᠵᠢᠶᠦ᠋ᠨ᠂ ᠡᠨᠡ ᠬᠦ᠌ 《2000 ᠤᠨ ᠡᠴᠡ ᠰᠡᠭᠦᠯᠡᠷ ᠳᠦᠷᠦᠭᠰᠡᠨ》 ᠱᠠᠨ ᠰᠢ ᠨᠤᠳᠤᠭ ᠲᠠᠢ ᠬᠡᠦᠬᠡᠨ ᠨᠢᠳᠤᠨᠤᠨᠤ 8 ᠰᠠᠷᠠᠳᠤ ᠤᠮᠠᠷᠠᠲᠤᠶ᠋ᠢᠨ ᠲᠠᠯᠠ ᠨᠤᠲᠤᠭᠲᠤ ᠢᠷᠡᠵᠦ᠂ ᠬᠠᠮᠤᠭ ᠠᠩᠬᠠᠨᠤ 《ᠳᠠᠳᠭᠤ ᠦᠭᠡᠢ》 ᠪᠠᠢᠭ᠍ᠰᠠᠨ ᠡᠴᠡᠪᠠᠨ ᠤᠳᠤ ᠬᠠᠷᠢᠨ《 ᠤᠤᠭᠠᠯ 》ᠮᠡᠳᠦ ᠪᠤᠯᠵᠤ᠂ ᠬᠣᠭᠣᠯᠠ ᠬᠢᠬᠦ᠌᠂ ᠬᠤᠨᠢ ᠮᠠᠯ ᠲᠡᠵᠢᠭᠡᠬᠦ᠌᠂ ᠭᠤᠷᠪᠠᠨ ᠬᠦᠷᠳᠦᠲᠦ ᠲᠡᠷᠭᠡ ᠵᠢᠯᠣᠭᠣᠳᠭᠤᠶ᠋ᠢ ᠰᠤᠷᠤᠭᠰᠠᠨᠢᠶᠡᠷ ᠪᠠᠷᠠᠬᠤ ᠦᠭᠡᠢ ᠦᠷᠭᠦᠯᠵᠢ ᠲᠣᠰᠭᠣᠨᠳᠦ ᠬᠦᠷᠴᠦ ᠡᠷᠦᠭᠡᠪᠡᠷ ᠣᠷᠣᠵᠤ᠂ ᠠᠷᠠᠳᠤᠨ ᠰᠠᠨᠠᠭᠠᠶ᠋ᠢ ᠣᠢᠯᠠᠭᠠᠵᠤ᠂ ᠵᠠᠭᠤᠷᠠᠯᠳᠤᠭᠠᠨᠢ ᠡᠶᠡᠳᠡᠭᠦᠯᠵᠦ᠍᠂ ᠪᠠᠰᠠ ᠲᠠᠷᠢᠶᠠᠴᠢᠳᠤᠨ ᠪᠤᠳᠤᠵᠦ᠍ ᠪᠠᠢᠭᠠ ᠵᠦᠢᠯᠢ ᠪᠤᠳᠤᠵᠦ᠍᠂ ᠲᠠᠷᠢᠶᠠᠴᠢᠳᠤᠨ ᠪᠠᠴᠢᠮᠳᠠᠵᠤ ᠪᠠᠢᠭᠠ ᠵᠦᠢᠯᠳᠦ ᠪᠠᠴᠢᠮᠳᠠᠵᠤ᠂ ᠥᠪᠡᠷᠦᠨ ᠰᠤᠷᠤᠭ᠍ᠰᠠᠨ ᠮᠡᠳᠡᠯᠭᠡᠪᠡᠷᠢᠶᠡᠨ《ᠠᠥ᠋ᠲ᠋ᠤ᠋ ᠬᠣᠨᠢ ᠲᠡᠵᠢᠭᠡᠬᠦ᠌ ᠪᠠᠭᠠᠵᠢ》 ᠶᠢ ᠡᠭᠦᠳᠪᠡ᠃
ᠳᠠᠬᠢᠨ ᠳᠠᠪᠲᠠᠨ ᠰᠤᠳᠤᠯᠬᠤᠪᠠᠷ ᠳᠠᠮᠵᠢᠨ᠂ ᠣᠳᠣ ᠲᠡᠭᠦᠨᠦ ᠬᠣᠶᠠᠳᠤᠭᠠᠷ ᠬᠡᠪᠤᠨ 《ᠠᠥ᠋ᠲ᠋ᠤ᠋ ᠬᠣᠨᠢ ᠲᠡᠵᠢᠭᠡᠬᠦ᠌ ᠪᠠᠭᠠᠵᠢ》 ᠨᠢ ᠨᠠᠩ ᠳᠠᠪᠱᠢᠩᠭᠤᠶ ᠪᠣᠯᠵᠠᠶ᠃ ᠭᠡᠪᠡᠴᠦ᠍ ᠲᠡᠷᠡ ᠮᠥᠨ ᠯᠡ ᠰᠡᠳᠭᠢᠯ ᠬᠠᠨᠤᠬᠤ ᠦᠭᠡᠢ ᠪᠠᠢᠵᠤ ᠳᠠᠬᠢᠨ ᠳᠠᠪᠲᠠᠨ ᠲᠤᠷᠱᠢᠯᠲᠠ ᠬᠢᠵᠦ᠍᠂ ᠲᠠᠰᠤᠷᠠᠯᠲᠠ ᠦᠭᠡᠢ ᠱᠢᠯᠢᠳᠡᠭ᠌ᠵᠢᠭᠦᠯᠵᠦ᠍᠂ ᠥᠪᠡᠷᠦᠨ ᠰᠤᠷᠤᠭ᠍ᠰᠠᠨ ᠮᠡᠳᠡᠯᠭᠡ ᠪᠡᠷᠢᠶᠡᠨ ᠤᠯᠠᠨᠳᠦ ᠠᠰᠢᠭ ᠬᠦᠷᠲᠡᠭᠡᠵᠦ᠍᠂ ᠲᠡᠭᠦᠨᠢ ᠳᠠᠪᠳᠠᠨ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠡᠨᠡᠬᠦ ᠬᠠᠯᠠᠭᠤᠨ ᠬᠥᠷᠥᠰᠥᠳᠦ ᠨᠡᠩ ᠤᠯᠠᠨ ᠬᠤᠪᠢ ᠨᠡᠮᠡᠷᠢ ᠪᠠᠨ ᠦᠵᠡᠭᠦᠯᠬᠦ᠌ᠶ᠋ᠢ ᠬᠦᠰᠡᠵᠦ᠍ ᠪᠠᠢᠯᠠ᠃
《ᠰᠤᠷᠤᠭ᠍ᠰᠠᠨ ᠮᠡᠳᠡᠯᠭᠡᠪᠡᠷ ᠢᠶᠡᠨ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠤᠯᠠᠨ ᠲᠦᠮᠡᠨᠳᠦ ᠬᠡᠷᠡᠭᠴᠡᠭᠡᠳᠡᠢ ᠵᠦᠢᠯᠢ ᠬᠢᠵᠦ᠍ ᠥᠭ᠌ᠭᠦᠭ᠌ᠰᠡᠨᠳᠡᠭᠡᠨ ᠮᠠᠰᠢ ᠰᠡᠳᠭᠢᠯ ᠬᠠᠨᠤᠮᠵᠢᠲᠠᠢ ᠪᠠᠢᠨᠠ》᠃ ᠵᠠᠩ ᠵᠢᠶᠦ᠋ᠨ᠂ 《ᠰᠠᠢᠨ ᠳᠤᠷᠠ ᠡᠴᠡ ᠪᠠᠨ ᠪᠠᠷᠠᠭᠤᠨ ᠤᠷᠤᠨᠳᠦ ᠦᠢᠯᠡᠴᠢᠯᠡᠬᠦ ᠲᠥᠯᠥᠪᠯᠡᠭᠡ᠂ ᠡᠨᠡ ᠬᠦ᠌ ᠬᠦᠰᠡᠯᠡᠩ ᠪᠠ ᠪᠣᠳᠠᠲᠤ ᠠᠬᠤᠶ ᠰᠣᠯᠪᠢᠴᠠᠭ᠍ᠰᠠᠨ ᠠᠶᠠᠯᠠᠯ ᠨᠢ ᠣᠷᠣᠯᠴᠠᠭ᠍ᠴᠢ ᠨᠢᠭᠡᠪᠦᠷᠢᠳᠦ ᠠᠪᠴᠤ᠌ ᠬᠡᠯᠡᠪᠡᠯ ᠴᠥᠮ ᠶᠡᠷᠦ᠍ ᠪᠤᠰᠤᠶ᠋ᠢᠨ ᠤᠳᠬᠠ ᠠᠭᠤᠯᠭᠠᠲᠠᠶ ᠶᠤᠮ᠂ ᠪᠢ ᠡᠨᠡ ᠤᠳᠠᠭᠠᠨᠤ ᠠᠶᠠᠯᠠᠯᠢᠶᠠᠨ ᠲᠠᠯᠠᠭᠠᠷ ᠥᠩᠭᠡᠷᠡᠭᠦᠯᠬᠦ᠌ ᠥᠬᠡᠶ᠂ ᠵᠠᠯᠠᠭᠤ ᠨᠠᠰᠤᠨᠳᠠᠭᠠᠨ ᠣᠰᠣᠯᠳᠠᠬᠤ ᠥᠬᠡᠶ ᠭᠡᠵᠦ᠍ ᠯᠡ ᠪᠤᠳᠤᠵᠤ ᠪᠠᠢᠨᠠ》 ᠭᠡᠵᠦ ᠢᠯᠡᠳᠬᠡᠪᠡ᠃
ᠬᠢᠷᠰᠠᠳᠠᠢ ᠪᠠᠯᠭᠠᠰᠤᠨᠤ ᠨᠠᠮᠤᠨ ᠬᠤᠷᠢᠶᠠᠶᠢᠨ ᠱᠦᠵᠢ ᠸᠠᠩ ᠶᠦᠨ ᠹᠸᠩ᠄ 《ᠱᠢᠶᠤᠤ ᠵᠠᠩ ᠪᠣᠯ ᠱᠢᠯᠢᠳᠡᠭ ᠵᠠᠯᠠᠭᠤ᠂ ᠠᠵᠢᠯᠳᠠᠭᠠᠨ ᠱᠢᠷᠭᠠᠭᠤ ᠬᠢᠴᠢᠶᠡᠩᠭᠦᠢ᠂ ᠵᠣᠪᠠᠭᠤᠷᠢ ᠵᠦᠳᠡᠭᠦᠷᠢ ᠡᠴᠡ ᠠᠶᠤᠬᠤ ᠦᠭᠡᠢ᠂ ᠦᠭᠡ ᠳᠠᠭᠤᠨ ᠦᠭᠡᠢ ᠵᠢᠳᠬᠦᠳᠡᠭ᠂ ᠱᠢᠶᠠᠩ ᠪᠠᠯᠭᠠᠰᠤᠨᠤ ᠡᠷᠬᠢᠯᠡᠭ᠌ᠰᠡᠨ ᠶᠠᠩᠭᠠᠷ ᠪᠥᠵᠢᠭ᠂ ᠪᠥᠮᠪᠥᠷ ᠬᠡᠩᠭᠡᠷᠭᠡ ᠳᠡᠯᠡᠳᠬᠦ᠌ ᠵᠡᠷᠭᠡ ᠰᠣᠶᠣᠯ ᠪᠡᠶᠡᠶ᠋ᠢᠨ ᠲᠠᠮᠢᠷ ᠵᠤᠭᠠ ᠴᠡᠩᠭᠡᠯᠦᠨ ᠠᠵᠢᠯᠯᠠᠭᠠᠳᠤ ᠢᠳᠡᠪᠬᠢᠲᠡᠶ ᠣᠷᠣᠯᠴᠠᠵᠤ᠂ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠠᠮᠢᠳᠤᠷᠠᠯᠳᠦ ᠬᠦᠨ ᠠᠭᠤᠰᠤᠯᠴᠠᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠂ ᠦᠨᠳᠦᠰᠦᠨ ᠱᠠᠲᠤᠨᠤ ᠠᠵᠢᠯᠢ ᠴᠤ᠌ ᠮᠠᠰᠢ ᠰᠠᠢᠨ ᠬᠢᠳᠡᠭ！ 》 ᠭᠡᠪᠡ᠃
2024 ᠣᠨᠳᠤ᠂ ᠵᠠᠩ ᠵᠢᠶᠦ᠋ᠨ ᠤᠷᠢᠳ ᠬᠣᠵᠢᠳ ᠳᠥᠷᠪᠡᠳ ᠬᠣᠱᠢᠭᠤᠨᠤ ᠨᠡᠢᠭᠡᠮᠦᠨ ᠠᠵᠢᠯᠤᠨ ᠬᠡᠯᠳᠡᠰ ᠪᠠ ᠬᠢᠷᠰᠠᠳᠠᠢ ᠪᠠᠯᠭᠠᠰᠤᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠳᠤ 《ᠱᠢᠯᠢᠳᠡᠭ ᠰᠠᠢᠨ ᠳᠤᠷᠠᠶ᠋ᠢᠨ ᠠᠵᠢᠯᠯᠠᠭ᠍ᠴᠢ》 ᠪᠠ 《ᠱᠢᠯᠢᠳᠡᠭ ᠺᠠᠳ᠋ᠷ》 ᠢ᠋ᠶ᠋ᠠᠷ ᠦᠨᠡᠯᠡᠭ᠌ᠳᠡᠪᠡ᠃
《ᠲᠠᠷᠢᠶᠠᠯᠠᠩ ᠪᠠ ᠨᠡᠭᠦᠳᠡᠯ ᠮᠠᠯᠵᠢᠯᠤᠨ ᠢᠷᠠᠭᠤ ᠡᠭᠡᠱᠢᠭᠢ ᠬᠠᠮᠲᠤ ᠴᠢᠪᠬᠠᠳᠠᠭ᠍ᠰᠠᠨ ᠡᠨᠡ ᠨᠤᠲᠤᠭᠲᠦ ᠪᠢ ᠡᠳᠦᠷ ᠪᠦᠷᠢ ᠱᠢᠨᠡ ᠥᠷᠢᠰᠥᠯᠳᠦᠭᠡᠨ ᠪᠠ ᠬᠦᠴᠢᠷᠳᠡᠯᠳᠦ ᠲᠤᠯᠭᠠᠷᠠᠵᠤ ᠪᠤᠢ᠂ ᠡᠳᠡᠭᠡᠷ ᠬᠦᠴᠢᠷ ᠪᠡᠷᠬᠡᠱᠢᠶᠡᠯᠢ ᠢᠯᠠᠨ ᠳᠠᠪᠠᠬᠤ ᠶᠠᠪᠤᠴᠠᠳᠤ ᠡᠯᠪᠡᠭ ᠬᠤᠷᠢᠶᠠᠯᠲᠠ ᠣᠯᠤᠭᠰᠠᠨᠳᠠᠭᠠᠨ ᠦᠷᠬᠦᠯᠵᠢ ᠰᠡᠳᠭᠢᠯ ᠳᠣᠭ᠍ᠳᠣᠯᠤᠨᠠ᠂ ᠰᠠᠢᠨ ᠳᠤᠷᠠ ᠡᠴᠡ ᠪᠠᠨ ᠪᠠᠷᠠᠭᠤᠨ ᠤᠷᠤᠨᠳᠦ ᠦᠢᠯᠡᠴᠢᠯᠡᠬᠦ ᠲᠥᠯᠥᠪᠯᠡᠭᠡᠳᠦ ᠣᠷᠣᠯᠴᠠᠬᠤ ᠨᠢ ᠵᠥᠪᠬᠡᠨ ᠨᠢᠭᠡ ᠤᠳᠠᠭᠠᠨᠤ ᠳᠥᠭᠥᠮᠬᠡᠨ ᠰᠠᠢ᠌ᠨ ᠳᠤᠷᠠᠶ᠋ᠢᠨ ᠦᠢᠯᠡᠴᠢᠯᠡᠭᠡ ᠲᠡᠳᠦᠢ ᠪᠢᠰᠢ᠂ ᠨᠡᠩ ᠴᠤ᠌ ᠨᠢᠭᠡ ᠤᠳᠠᠭᠠᠨᠤ ᠤᠶᠤᠨ ᠰᠠᠨᠠᠭᠠᠨᠤ ᠠᠷᠢᠭᠤᠳᠭᠠᠯ ᠪᠠ ᠪᠣᠢᠵᠢᠯᠲᠠᠶᠢᠨ ᠠᠶᠠᠨ ᠮᠥᠨ ᠭᠡᠳᠡᠭᠢ ᠪᠢ ᠠᠭᠠᠵᠢᠮᠢᠶᠠᠷ ᠣᠢᠯᠠᠭᠠᠵᠠᠢ᠂ ᠮᠢᠨᠦ᠍ ᠨᠠᠷᠠᠨᠳᠦ ᠪᠤᠷᠤᠯᠠᠭᠰᠠᠨ ᠴᠢᠷᠠᠢ ᠪᠤᠯ ᠮᠢᠨᠤ ᠬᠠᠮᠤᠭ ᠰᠠᠢᠨ ᠭᠠᠪᠢᠶᠠᠨ ᠲᠡᠮᠳᠡᠭ ᠮᠦᠨ》 ᠭᠡᠵᠦ᠍ ᠵᠠᠩ ᠵᠢᠶᠦ᠋ᠨ ᠡᠷᠡᠰ ᠪᠠᠲᠤ ᠶᠠᠷᠢᠨᠠ᠃