ᠨᠣᠮᠢᠨ ᠨᠣᠭᠣᠭᠠᠨ ᠲᠠᠯᠠ ᠨᠤᠲᠤᠭᠲᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠦᠦᠱᠢᠨ ᠬᠣᠱᠢᠭᠤᠨᠤ ᠬᠤᠪᠢᠰᠭᠠᠯᠤᠨ ᠦᠯᠢᠬᠡᠷᠦᠨ ᠣᠷᠳᠣᠨ ᠲᠦᠪ ᠬᠢᠴᠢᠶᠡᠩᠭᠦᠢ ᠬᠠᠷᠠᠭ᠍ᠳᠠᠨᠠ᠃ ᠣᠷᠳᠣᠨᠤ ᠳᠣᠲᠣᠷᠠ᠂ ᠨᠠᠮᠤᠨ ᠡᠳᠦᠷᠦᠨ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍ ᠪᠠᠢᠭ᠍ᠰᠠᠨ ᠨᠠᠮᠤᠨ ᠭᠡᠱᠢᠭᠦᠳ ᠦᠵᠡᠭᠦᠯᠭᠡᠶ᠋ᠢᠨ ᠰᠠᠮᠪᠠᠷᠠᠶ᠋ᠢᠨ ᠡᠮᠦᠨᠡ ᠵᠣᠭ᠍ᠰᠣᠵᠤ᠂ 《 ᠴᠢᠶ᠋ᠢᠨ ᠱᠠᠨ — ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠲᠠᠢ᠌ᠨ ᠪᠣᠯᠤᠨ ᠦᠨᠳᠦᠰᠦᠲᠡᠨᠦ ᠴᠢᠯᠥᠭᠡᠯᠡᠯᠲᠡᠶ᠋ᠢᠨ ᠬᠥᠳᠡᠯᠭᠡᠭᠡᠨᠦ ᠲᠥᠯᠥᠭᠡ ᠠᠮᠢ ᠪᠡᠶᠡᠪᠡᠨ ᠵᠣᠷᠢᠭᠤᠯᠤᠭ᠍ᠰᠠᠨ ᠪᠠᠭᠠᠲᠤᠷ》 ᠭᠡᠬᠦ᠌ ᠠᠯᠳᠠᠨ ᠱᠢᠷᠭᠠᠯ ᠲᠤᠮᠤ ᠦᠰᠦᠭᠢ ᠱᠢᠷᠳᠡᠨᠠ᠃ ᠡᠨᠡ ᠬᠦ᠌ 51 ᠨᠠᠰᠤᠲᠠᠢ ᠪᠡᠶᠡ ᠦᠷᠡᠭ᠌ᠳᠡᠭ᠌ᠰᠡᠨ ᠶᠠᠫᠣᠨᠢ ᠡᠰᠡᠷᠭᠦᠴᠡᠭ᠌ᠰᠡᠨ ᠪᠠᠭᠠᠲᠤᠷ ᠤ᠋ᠨ ᠴᠤᠭ ᠵᠢᠪᠬᠤᠭᠠ ᠲᠡᠭᠦᠯᠳᠡᠷ ᠪᠠᠢᠵᠤ᠂ ᠡᠷᠡᠰ ᠪᠠᠲᠤ ᠬᠠᠷᠠᠴᠠ ᠨᠢ 80 ᠭᠠᠷᠤᠢ ᠵᠢᠯᠦᠨ ᠡᠮᠦᠨᠡᠬᠢ ᠲᠠᠯᠠ ᠨᠤᠲᠤᠭᠳᠡᠭᠡᠷᠡᠬᠢ ᠳᠠᠢᠨ ᠤ᠋ ᠭᠠᠯ ᠳᠦᠷᠡᠯᠵᠡᠭᠰᠡᠨ ᠣᠨ ᠰᠠᠷᠠᠶ᠋ᠢ ᠶᠠᠷᠢᠵᠤ ᠪᠠᠢᠭᠠ ᠱᠢᠭ᠋ ᠶᠤᠮ᠃
ᠴᠢᠶ᠋ᠢᠨ ᠱᠠᠨ᠂ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ᠂ 1894 ᠣᠨᠳᠤ ᠥᠪᠥᠷ ᠮᠣᠩᠭᠣᠯᠤᠨ ᠦᠦᠱᠢᠨ ᠬᠣᠱᠢᠭᠤᠨᠳᠤ ᠲᠦᠷᠦᠵᠡᠢ᠃ 1935 ᠣᠨᠳᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠲᠥᠪ ᠬᠣᠷᠢᠶᠠ 《ᠳᠤᠮᠳᠠᠳᠤᠶ᠋ᠢᠨ ᠰᠣᠪᠢᠶᠠᠳ ᠲᠥᠪ ᠵᠠᠰᠠᠭᠤᠨ ᠣᠷᠳᠣᠨ ᠡᠴᠡ ᠥᠪᠥᠷ ᠮᠣᠩᠭᠣᠯᠤᠨ ᠠᠷᠠᠳ ᠲᠦᠮᠡᠨᠳᠦ ᠥᠭ᠌ᠭᠦᠭ᠌ᠰᠡᠨ ᠲᠤᠩᠬᠠᠭ》ᠢ᠋ ᠨᠡᠢᠲᠡᠯᠡᠵᠦ᠍᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮ ᠴᠥᠭᠡᠨ ᠲᠣᠭᠠᠲᠤ ᠦᠨᠳᠦᠰᠦᠲᠡᠨᠲᠡᠶ ᠪᠦᠯᠬᠦᠮᠳᠡᠨ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠲᠡᠮᠡᠴᠡᠯ ᠬᠢᠬᠦ᠌ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠦᠨᠳᠦᠰᠦᠲᠡᠨᠦ ᠨᠢᠭᠡᠳᠦᠮᠡᠯ ᠹᠷᠣᠨᠲ ᠤ᠋ᠨ ᠲᠦᠷᠦ᠍ᠶ᠋ᠢᠨ ᠪᠤᠳᠤᠯᠭᠠᠶ᠋ᠢ ᠤᠬᠠᠭᠤᠯᠪᠠ᠃ ᠡᠨᠡ ᠬᠦ᠌ ᠲᠤᠩᠬᠠᠭ ᠢ᠋ ᠮᠣᠩᠭᠣᠯ ᠬᠡᠯᠡ ᠪᠡᠷ ᠤᠷᠴᠢᠭᠤᠯᠤᠨ ᠲᠠᠯᠠ ᠨᠤᠲᠤᠭᠲᠤ ᠲᠠᠷᠬᠠᠭᠠᠵᠤ᠂ ᠴᠢᠶ᠋ᠢᠨ ᠱᠠᠨᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠦᠨᠳᠦᠰᠦᠲᠡᠨᠦ ᠲᠦᠷᠦ᠍ᠶ᠋ᠢᠨ ᠪᠤᠳᠤᠯᠭᠠ ᠪᠣᠯᠤᠨ ᠬᠤᠪᠢᠰᠭᠠᠯᠤᠨ ᠵᠣᠷᠢᠯᠲᠠᠶ᠋ᠢ ᠭᠦᠨᠵᠡᠭᠡᠢ ᠤᠢ᠍ᠢᠯᠠᠭᠠᠭᠤᠯᠪᠠ᠃
1936 ᠣᠨᠤ ᠨᠠᠮᠤᠷ᠂ ᠡᠨᠡ ᠬᠦ᠌ ᠮᠣᠩᠭᠣᠯ ᠢᠵᠠᠭᠤᠷᠲᠠᠨᠤ ᠭᠠᠷᠤᠯ ᠲᠠᠢ ᠲᠠᠯᠠ ᠨᠤᠲᠤᠭᠤᠨ ᠪᠠᠭᠠᠳᠤᠷ ᠥᠪᠥᠷ ᠮᠣᠩᠭᠣᠯ ᠣᠷᠣᠨ ᠳ᠋ᠤ ᠦᠨᠳᠦᠰᠦᠲᠡᠨᠦ ᠠᠵᠢᠯ ᠬᠢᠬᠦ᠌ᠪᠡᠷ ᠲᠤᠮᠢᠯᠠᠭᠳᠠᠨ ᠢᠷᠡᠭᠰᠡᠨ ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠱᠢᠭᠦᠨᠲᠡᠶ ᠦᠬᠦᠵᠦ᠍ ᠰᠡᠬᠡᠬᠦ᠌ᠪᠠᠨ ᠬᠠᠮᠳᠤᠳᠬᠠᠭᠰᠠᠨ ᠠᠨᠳᠠ ᠪᠣᠯᠤᠯᠴᠠᠪᠠ᠃ ᠡᠭᠦᠨᠡᠴᠡ ᠬᠣᠢᠰᠢ᠂ ᠴᠢᠶ᠋ᠢᠨ ᠱᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠢ ᠴᠢᠩ ᠰᠡᠳᠭᠢᠯᠡᠴᠡᠪᠡᠨ ᠬᠦᠷᠢᠶᠡᠯᠡᠵᠦ᠍᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠦᠦᠱᠢᠨ ᠬᠣᠱᠢᠭᠤᠨᠤ ᠠᠵᠢᠯᠤᠨ ᠬᠣᠷᠢᠶᠠᠳ᠋ᠤ ᠢᠳᠡᠪᠬᠢᠲᠡᠢ ᠬᠠᠮᠵᠢᠯᠴᠠᠨ ᠮᠠᠰᠢ ᠤᠯᠠᠨ ᠠᠵᠢᠯ ᠬᠢᠵᠡᠢ᠃
《7·7》ᠤ᠋ ᠬᠡᠷᠡᠭ ᠬᠤᠪᠢᠰᠤᠯᠤᠨ ᠳᠠᠷᠠᠭᠠ᠂ ᠴᠢᠶ᠋ᠢᠨ ᠱᠠᠨᠤ ᠨᠤᠲᠤᠭ ᠶᠡᠬᠡ ᠵᠤᠤ ᠠᠢᠮᠠᠭ（ᠤᠳᠤᠶ᠋ᠢᠨ ᠤᠷᠳᠤᠰ ᠬᠤᠳᠠ） ᠤ᠋ᠨ ᠪᠠᠢᠳᠠᠯ ᠨᠢᠭᠡ ᠦᠶᠡ ᠪᠠᠴᠢᠮ ᠪᠠᠢᠳᠠᠯᠳᠤ ᠣᠷᠣᠪᠠ᠃ ᠡᠯᠡ ᠬᠣᠱᠢᠭᠤᠨᠤ ᠸᠠᠩ ᠭᠦᠩᠦᠨ ᠳᠣᠲᠣᠷᠠ ᠡᠴᠡ ᠵᠠᠷᠢᠮ ᠨᠢ ᠢᠯᠡᠪᠡᠷ ᠤᠷᠪᠠᠵᠤ ᠳᠠᠢᠰᠤᠨᠳᠤ ᠪᠠᠭᠤᠨ ᠥᠭ᠌ᠴᠦ᠂ ᠦᠦᠱᠢᠨ ᠬᠣᠱᠢᠭᠤᠨᠤ ᠭᠤᠢᠪᠢᠯᠵᠠᠵᠤ ᠪᠠᠢᠭᠰᠠᠨ ᠸᠠᠩᠤᠨ ᠣᠷᠳᠣᠨᠬᠥᠮᠦᠨ ᠲᠣᠮᠢᠯᠠᠨ ᠪᠤᠭᠤᠲᠤᠳᠤ ᠣᠴᠢᠭᠤᠯᠵᠤ᠂ ᠶᠠᠫᠣᠨᠤ ᠬᠠᠭᠤᠷᠮᠠᠭ ᠴᠡᠷᠢᠭᠲᠡᠶ ᠳᠠᠯᠳᠠᠭᠤᠷ ᠬᠣᠯᠪᠣᠭᠠ ᠠᠪᠴᠠᠶ᠃ ᠡᠨᠡ ᠬᠦ᠌ ᠵᠠᠩᠭᠢᠯᠠᠭᠠᠶ᠋ᠢᠨ ᠦᠶᠡᠳᠦ᠂ ᠴᠢᠶ᠋ᠢᠨ ᠱᠠᠨ ᠲᠠᠯᠠ ᠨᠤᠲᠤᠭᠤᠨ ᠳᠠᠪᠱᠢᠩᠭᠤᠶ ᠬᠥᠮᠦᠰ ᠲᠠᠢ ᠬᠠᠮᠲᠤᠪᠠᠷ ᠸᠠᠩᠤᠨ ᠣᠷᠳᠣᠨᠤ ᠡᠪᠰᠡᠨ ᠪᠠᠭᠤᠵᠤ ᠥᠭ᠌ᠬᠦ ᠵᠣᠷᠢᠯᠲᠠᠶ᠋ᠢ ᠡᠷᠡᠰ ᠡᠰᠡᠷᠭᠦᠴᠡᠪᠡ᠃
1939 ᠣᠨᠤ ᠰᠡᠭᠦᠯᠴᠢᠪᠡᠷ᠂ ᠭᠣᠮᠢᠨᠳᠠᠩᠤᠨ ᠮᠤᠵᠢᠭᠤᠳᠠ ᠡᠲᠡᠭᠡᠳ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠳᠠᠢ᠌ᠨᠡᠴᠡ ᠨᠠᠭᠠᠱᠢᠬᠢ ᠠᠩᠬᠠᠳᠤᠭᠠᠷ ᠤᠳᠠᠭᠠᠶ᠋ᠢᠨ ᠡᠪ ᠬᠠᠮᠲᠤ ᠨᠠᠮᠢ ᠡᠰᠡᠷᠭᠦᠴᠡᠬᠦ᠌ ᠥᠷᠨᠢᠯᠲᠡ ᠭᠠᠷᠭᠠᠵᠤ᠂ ᠶᠡᠬᠡ ᠵᠤᠤ ᠠᠢᠮᠠᠭᠲᠤ ᠰᠠᠭᠤᠭᠠ ᠭᠣᠮᠢᠨᠳᠠᠩᠤᠨ ᠴᠡᠷᠢᠭ ᠠᠩᠭᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠲᠠᠬᠢ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠠᠵᠢᠯᠯᠠᠭᠠᠳᠤ ᠭᠠᠷ ᠳᠦᠷᠦᠵᠤ᠂ ᠲᠠᠰᠤᠷᠠᠯᠲᠠ ᠦᠭᠡᠢ ᠮᠥᠷᠭᠥᠯᠳᠦᠭᠡᠨ ᠭᠠᠷᠭᠠᠪᠠ᠃ ᠲᠡᠳᠡ ᠡᠪ ᠬᠠᠮᠲᠤ ᠨᠠᠮ ᠵᠢᠴᠢ ᠲᠡᠭᠦᠨᠦ ᠤᠳᠤᠷᠢᠳᠤᠯᠭᠠ ᠳᠣᠣᠷᠠᠬᠢ ᠶᠡᠬᠡ ᠵᠣᠣ ᠠᠢᠮᠠᠭ ᠤ᠋ᠨ ᠠᠷᠠᠳᠤᠨ ᠵᠡᠪᠰᠡᠭ᠌ᠲᠦ ᠬᠦᠴᠦᠨᠢ ᠴᠢᠨᠡᠭᠡ ᠮᠡᠳᠡᠨ ᠭᠠᠳᠠᠭᠤᠷᠴᠢᠯᠠᠵᠤ᠂ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠠᠷᠠᠳᠴᠢᠯᠠᠭ᠍ᠰᠠᠨ ᠦᠵᠡᠯ ᠰᠠᠨᠠᠭᠠᠲᠠᠶ ᠳᠠᠪᠱᠢᠩᠭᠤᠶ ᠬᠥᠮᠦᠰᠢ ᠬᠣᠣᠷᠯᠠᠪᠠ᠃
ᠲᠡᠮᠡᠴᠡᠯᠦᠨ ᠳᠤᠮᠳᠠ᠂ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠲᠠᠢ᠌ᠨᠢ ᠭᠤᠤᠯᠯᠠᠨ ᠬᠠᠷᠢᠭᠤᠴᠠᠳᠠᠭ ᠴᠢᠶ᠋ᠢᠨ ᠱᠠᠨ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠦᠦᠱᠢᠨ ᠬᠣᠱᠢᠭᠤᠨᠤ ᠠᠵᠢᠯᠤᠨ ᠬᠣᠷᠢᠶᠠᠶ᠋ᠢᠨ ᠠᠵᠢᠯᠳᠤ ᠢᠳᠡᠪᠬᠢᠲᠡᠢ ᠲᠦᠬᠦᠮ ᠦᠵᠡᠭᠦᠯᠵᠦ᠍᠂ ᠲᠡᠭᠦᠨᠦ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠭᠠᠵᠠᠷ ᠨᠢ ᠠᠵᠢᠯᠤᠨ ᠬᠣᠷᠢᠶᠠᠶ᠋ᠢᠨ ᠨᠥᠬᠥᠳᠦᠨ ᠠᠵᠢᠯᠯᠠᠬᠤ ᠵᠢᠴᠢ ᠨᠢᠭᠤᠴᠠᠭᠠᠢ ᠠᠮᠤᠷ ᠲᠦᠪᠱᠢᠨ ᠭᠠᠵᠠᠷ ᠪᠤᠯᠵᠤ᠂ ᠳᠠᠢᠰᠤᠨᠳᠤ《 ᠬᠤᠪᠢᠰᠬᠠᠯᠲᠦ ᠣᠷᠣᠨ 》 ᠬᠡᠮᠡᠭ᠌ᠳᠡᠪᠡ᠃
1943 ᠣᠨᠤ 10 ᠰᠠᠷᠠᠳᠤ ᠴᠢᠶ᠋ᠢᠨ ᠱᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠤᠳᠤᠷᠢᠳᠤᠯᠭᠠᠶ᠋ᠢ ᠵᠢᠩᠬᠢᠨᠢᠪᠡᠷ ᠬᠦᠯᠢᠶᠡᠵᠦ᠍᠂ ᠬᠠᠷᠢᠶᠠᠲᠤ ᠴᠡᠷᠢᠭ ᠠᠩᠭᠢᠪᠠᠨ ᠥᠭᠡᠷᠡᠴᠢᠯᠡᠨ ᠦᠦᠱᠢᠨ ᠬᠣᠱᠢᠭᠤᠨᠤ ᠮᠣᠷᠢᠲᠤ ᠴᠡᠷᠢᠭᠦᠨ ᠬᠣᠷᠢᠶᠠ ᠪᠣᠯᠭᠠᠵᠤ᠂ ᠬᠤᠷᠢᠶᠠᠨ ᠳᠠᠷᠤᠭᠠᠶ᠋ᠢᠨ ᠲᠤᠱᠢᠶᠠᠯᠢ ᠬᠠᠷᠢᠭᠤᠴᠠᠵᠠᠶ᠃ ᠲᠡᠭᠦᠨᠡᠴᠡ ᠬᠣᠢᠰᠢ᠂ ᠲᠡᠷᠡ ᠶᠠᠨ ᠠᠨᠳᠤ ᠬᠦᠷᠴᠦ᠍ ᠰᠤᠷᠤᠯᠴᠠᠨ᠂ ᠬᠠᠷᠠᠭᠠᠪᠠᠨ ᠥᠷᠭᠡᠳᠭᠡᠪᠡ᠃ ᠲᠠᠯᠠ ᠨᠤᠲᠤᠭᠲᠤ ᠪᠤᠴᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠲᠡᠷᠡ ᠨᠠᠮᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠪᠡᠷ ᠤᠯᠤᠰ ᠲᠦᠷᠦ᠍ᠶ᠋ᠢᠨ ᠵᠢᠭᠠᠨ ᠵᠢᠯᠤᠭᠤᠳᠤᠭ᠍ᠴᠢᠶ᠋ᠢ ᠲᠤᠮᠢᠯᠠᠭᠤᠯᠵᠤ ᠦᠦᠱᠢᠨ ᠬᠣᠱᠢᠭᠤᠨᠤ ᠮᠣᠷᠢᠲᠤ ᠴᠡᠷᠢᠭᠦᠨ ᠬᠣᠷᠢᠶᠠᠶ᠋ᠢᠨ ᠺᠠᠳ᠋ᠷᠤᠨ ᠡᠩᠨᠡᠭᠡᠶ᠋ᠢ ᠲᠡᠭᠦᠯᠳᠡᠷᠵᠢᠭᠦᠯᠵᠦ᠍᠂ ᠴᠡᠷᠢᠭ ᠠᠩᠬᠢᠶ᠋ᠢᠨ ᠤᠯᠤᠰ ᠲᠦᠷᠦ᠍ᠶ᠋ᠢᠨ ᠠᠵᠢᠯᠢ ᠴᠢᠩᠭᠠᠳᠭᠠᠪᠠ； ᠣᠯᠠᠨ ᠲᠦᠮᠡᠨᠦ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠪᠦᠯᠬᠦᠮ —ᠮᠣᠩᠭᠣᠯ ᠬᠢᠲᠠᠳ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠬᠣᠯᠪᠣᠭᠠᠶᠢᠨ ᠤᠳᠤᠷᠢᠳᠭᠤ ᠠᠵᠢᠯᠳᠤ ᠣᠷᠣᠯᠴᠠᠪᠠ ᠁
《ᠡᠭᠦᠨᠡᠴᠡ ᠪᠤᠯᠵᠤ ᠴᠢᠶ᠋ᠢᠨ ᠱᠠᠨ ᠭᠣᠮᠢᠨᠳᠠᠩᠤᠨ ᠪᠤᠷᠤᠨᠭᠬᠤᠢᠴᠤᠳᠤᠨ ᠨᠢᠳᠦᠨᠦ ᠬᠣᠭ ᠪᠣᠯᠵᠠᠢ》᠃ ᠦᠦᠱᠢᠨ ᠬᠣᠱᠢᠭᠤᠨᠤ ᠣᠷᠣᠨ ᠨᠤᠲᠤᠭᠤᠨ ᠲᠡᠦᠬᠡ ᠰᠤᠳᠤᠯᠤᠭ᠍ᠴᠢ ᠬᠤᠤ ᠵᠶ᠋ᠢ ᠵᠦᠩ᠂ 1945 ᠣᠨᠤ ᠴᠠᠭᠠᠨ ᠰᠠᠷᠠᠡᠴᠡ ᠡᠮᠦᠨᠡᠬᠡᠨ᠂ ᠭᠣᠮᠢᠨᠳᠠᠩᠤᠨ ᠪᠤᠷᠤᠨᠭᠬᠤᠢᠴᠤᠳ 50 ᠲᠦᠮᠡᠨ ᠲᠥᠭᠥᠷᠢᠭᠦᠨ ᠱᠠᠩᠨᠠᠯᠤᠨ ᠮᠥᠩᠭᠥᠪᠡᠷ ᠴᠥᠭᠡᠨ ᠲᠣᠭᠠᠨᠤ ᠲᠥᠪ ᠪᠤᠰᠤ ᠡᠲᠡᠭᠡᠳᠢ ᠲᠠᠳᠠᠨ ᠠᠪᠴᠤ᠌᠂ ᠴᠢᠶ᠋ᠢᠨ ᠱᠠᠨᠢ ᠬᠣᠣᠷᠯᠠᠵᠦ ᠠᠯᠠᠬᠤᠪᠠᠷ ᠬᠤᠤᠪᠢᠯᠳᠤᠪᠠ᠃ 2 ᠰᠠᠷᠠᠶ᠋ᠢᠨ 16 ᠤ᠋ ᠡᠳᠦᠷ᠂ ᠪᠢᠯᠢᠭᠦᠨ ᠤᠯᠠᠷᠢᠯᠤᠨ ᠴᠠᠭᠠᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠳᠥᠷᠪᠡᠨᠳᠦ᠂ ᠮᠣᠷᠢᠲᠤ ᠴᠡᠷᠢᠭᠦᠨ ᠬᠣᠷᠢᠶᠠᠨᠤ ᠺᠠᠳ᠋ᠷ ᠪᠠᠢᠯᠳᠤᠭ᠍ᠴᠢᠳᠤᠨ ᠣᠯᠠᠩᠬᠢ ᠨᠢ ᠭᠡᠷᠲᠡᠬᠡᠨ ᠬᠠᠷᠢᠵᠤ ᠪᠠᠶᠠᠷᠤᠨ ᠡᠳᠦᠷᠢᠶᠡᠨ ᠥᠩᠭᠡᠷᠡᠬᠦ᠌ ᠦᠶᠡᠳᠦ᠂ ᠲᠡᠳᠡ ᠬᠣᠷᠢᠶᠠᠨᠤ ᠵᠠᠬᠢᠷᠭᠠᠳᠤ ᠦᠯᠡᠳᠡᠨ ᠰᠠᠬᠢᠵᠤ ᠪᠠᠢᠭ᠍ᠰᠠᠨ ᠴᠢᠶ᠋ᠢᠨ ᠱᠠᠨᠢ ᠠᠯᠠᠪᠠ ᠭᠡᠵᠦ ᠬᠡᠯᠡᠪᠡ᠃
ᠮᠠᠭᠤ ᠴᠢᠮᠡᠭᠡ ᠲᠠᠯᠠ ᠨᠤᠲᠤᠭ ᠲᠠᠶᠠᠭᠠᠷᠲᠡᠷᠡᠴᠢᠯᠡᠨ ᠶᠠᠨ ᠠᠨᠳᠤ ᠬᠦᠷᠲᠡᠯᠡ ᠲᠠᠷᠬᠠᠵᠠᠢ᠃ 1945 ᠣᠨᠤ 5 ᠰᠠᠷᠠᠶ᠋ᠢᠨ 8 ᠤ᠋ ᠡᠳᠦᠷ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠲᠥᠪ ᠬᠣᠷᠢᠶᠠᠶᠢᠨ ᠪᠠᠷᠠᠭᠤᠨ ᠬᠣᠢᠲᠤᠶ᠋ᠢᠨ ᠲᠣᠪᠴᠢᠶᠠᠨᠤ ᠨᠢᠭᠡᠳᠦᠮᠡᠯ ᠹᠷᠣᠨᠲᠤᠨ ᠬᠡᠯᠲᠡᠰᠦᠨ ᠮᠣᠩᠭᠣᠯ ᠦᠨᠳᠦᠰᠦᠲᠡᠨᠦ ᠠᠵᠢᠯᠢ ᠬᠠᠷᠢᠭᠤᠴᠠᠵᠤ ᠪᠠᠢᠭ᠍ᠰᠠᠨ ᠤᠯᠠᠭᠠᠨᠬᠦᠦ ᠶᠠᠨ ᠠᠨᠤ 《ᠴᠢᠯᠥᠭᠡᠯᠡᠯᠲᠡ ᠡᠳᠦᠷᠦᠨ ᠰᠣᠨᠢᠨ》 ᠳᠡᠭᠡᠷᠡ ᠴᠢᠶ᠋ᠢᠨ ᠱᠠᠨᠢ ᠭᠠᠱᠢᠭᠤᠳᠠᠬᠤ ᠵᠣᠬᠢᠶᠠᠯ ᠨᠡᠢᠲᠡᠯᠡᠵᠦ᠍᠂ ᠴᠢᠶ᠋ᠢᠨ ᠱᠠᠨ ᠪᠣᠯ 《ᠪᠠᠷᠠᠭᠤᠨ ᠦᠦᠱᠢᠨᠦ ᠶᠠᠫᠣᠨᠢ ᠡᠷᠡᠰ ᠡᠰᠡᠷᠭᠦᠴᠡᠭ᠌ᠰᠡᠨ᠂ ᠠᠷᠠᠳᠴᠢᠯᠠᠭ᠍ᠰᠠᠨ ᠦᠵᠡᠯ ᠰᠠᠨᠠᠭᠠᠲᠠᠶ᠂ ᠠᠷᠠᠳ ᠲᠦᠮᠡᠨᠦ ᠬᠠᠢᠷᠠ ᠬᠦᠨᠳᠦᠳᠭᠡᠯᠢ ᠭᠦᠨ ᠣᠯᠤᠭ᠍ᠰᠠᠨ ᠨᠢᠭᠡᠨ ᠳᠠᠪᠱᠢᠩᠭᠤᠢ ᠵᠠᠩᠵᠤᠨ ᠮᠥᠨ》 ᠭᠡᠵᠦ᠍ ᠮᠠᠭ᠍ᠲᠠᠨ ᠰᠠᠢᠱᠢᠶᠠᠪᠠ᠃
ᠤᠨᠤ ᠬᠦᠷᠲᠦ ᠡᠷᠭᠢᠯᠳᠦᠨ᠂ ᠳᠠᠷᠢᠶ᠋ᠢᠨ ᠤᠲᠤᠭᠠᠰᠠᠷᠨᠢᠨ ᠵᠠᠮᠬᠠᠷᠠᠪᠠ᠃ ᠴᠢᠶ᠋ᠢᠨ ᠱᠠᠨ ᠪᠣᠯᠤᠨ ᠳᠠᠢᠴᠢᠨ ᠨᠥᠬᠥᠳᠦᠨ ᠲᠡᠮᠡᠴᠡᠵᠦ᠍ ᠥᠩᠭᠡᠷᠡᠭ᠌ᠰᠡᠨ ᠦᠦᠱᠢᠨ ᠬᠣᠱᠢᠭᠤᠨᠤ ᠡᠦ ᠳ᠋ᠢᠩ ᠾᠧ ᠪᠠᠯᠭᠠᠰᠤᠨᠤ ᠪᠠᠲᠣᠶᠢᠨ ᠲᠤᠬᠤᠢ ᠲᠣᠰᠭᠣᠨᠤ ᠭᠠᠵᠠᠷ ᠱᠢᠷᠣᠢ ᠳᠡᠭᠡᠷᠡ᠂ ᠤᠳᠤ ᠨᠢᠭᠡᠨᠲᠡ ᠪᠠᠲᠤᠶᠢᠨ ᠲᠤᠬᠤᠢᠶᠢᠨ ᠬᠤᠪᠢᠰᠭᠠᠯᠤᠨ ᠰᠣᠶᠣᠯᠤᠨ ᠵᠢᠵᠢᠭ ᠪᠠᠯᠭᠠᠰᠤᠶ᠋ᠢ ᠪᠠᠢᠭᠤᠯᠪᠠ᠃ ᠡᠨᠳᠡ ᠬᠠᠷᠠᠬᠠᠨ ᠪᠠᠭᠠᠡᠴᠡᠪᠠᠨ ᠴᠢᠶ᠋ᠢᠨ ᠱᠠᠨᠤ ᠦᠯᠢᠭᠡᠷᠢ ᠰᠣᠨᠣᠰᠴᠤ᠌ ᠥᠰᠦᠭ᠌ᠰᠡᠨ ᠬᠥᠮᠦᠰ ᠬᠡᠬᠦᠳᠡᠭ ᠳᠦᠭᠦᠷᠡᠩ ᠬᠠᠯᠠᠭᠤᠨ ᠰᠡᠳᠭᠢᠯᠭᠡᠪᠡᠷ ᠦᠷᠡᠭ᠌ᠳᠡᠭ᠌ᠰᠡᠨ ᠪᠠᠭᠠᠲᠤᠷᠴᠤᠳᠤᠨ ᠦᠯᠢᠭᠡᠷᠢ ᠲᠦᠷᠪᠡᠨ ᠵᠦᠭ ᠨᠠᠢ᠍ᠮᠠᠨ ᠵᠣᠪᠬᠢᠰᠡᠴᠡ ᠬᠦᠷᠦᠯᠴᠡᠨ ᠢᠷᠡᠭ᠌ᠰᠡᠨ ᠲᠣᠭᠣᠷᠢᠨ ᠦᠵᠡᠭ᠌ᠴᠢᠳᠲᠦ ᠶᠠᠷᠢᠵᠤ ᠥᠭ᠌ᠴᠦ᠂ ᠬᠤᠪᠢᠰᠭᠠᠯᠲᠦ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠦᠶᠡᠶ᠋ᠢᠨ ᠦᠶᠡᠳᠦ ᠤᠯᠠᠮᠵᠢᠯᠠᠨᠠ᠃
（ᠱᠢᠨᠬᠤᠸᠠ ᠬᠣᠷᠢᠶᠠᠶᠢᠨ ᠬᠥᠬᠡᠬᠣᠲᠠᠶ᠋ᠢᠨ 8 ᠰᠠᠷᠠᠶ᠋ᠢᠨ 2 ᠤ᠋ᠨ ᠴᠠᠬᠢᠯᠭᠠᠨ ᠮᠡᠳᠡᠭᠡ）