ᠡᠦ ᠺᠦᠨ1910 ᠣᠨᠳᠤ ᠰᠸᠴᠤᠸᠠᠨ ᠮᠤᠵᠢᠶ᠋ᠢᠨ ᠸᠠᠨ ᠱᠢᠶᠠᠨ （ᠤᠳᠤᠶ᠋ᠢᠨ ᠴᠦᠩᠴᠢᠩ ᠬᠤᠳᠠᠶ᠋ᠢᠨ ᠸᠠᠨᠵᠸᠤ ᠲᠣᠭᠣᠷᠢᠭ） ᠤ᠋ ᠨᠢᠭᠡᠨ ᠬᠥᠯᠥᠰᠥᠨ ᠲᠠᠷᠢᠶᠠᠴᠢᠨᠤ ᠭᠡᠷᠲᠦ ᠮᠡᠨᠳᠦᠯᠡᠪᠡ᠃ 1930 ᠣᠨᠳᠤ᠂ ᠰᠸᠴᠤᠸᠠᠨᠤ ᠤᠯᠠᠭᠠᠨ ᠴᠡᠷᠢᠭᠦᠨ ᠨᠢᠭᠡᠳᠦᠭᠡᠷ ᠵᠠᠮᠤᠨ ᠫᠠᠷᠲ᠋ᠢᠽᠠᠨ ᠠᠩᠬᠢ （ᠬᠣᠵᠢᠮ ᠨᠢ ᠰᠸᠴᠤᠸᠠᠨᠤ ᠵᠡᠭᠦᠨ ᠬᠡᠰᠡᠭᠦᠨ ᠫᠠᠷᠲ᠋ᠢᠽᠠᠨ ᠴᠡᠷᠢᠭ ᠭᠡᠵᠦ᠍ ᠥᠭᠡᠷᠡᠴᠢᠯᠡᠪᠡ） ᠳ᠋ᠤ ᠣᠷᠣᠯᠴᠠᠵᠤ᠂ ᠲᠤᠰ ᠵᠢᠯᠳᠡᠭᠡᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠳᠤ ᠣᠷᠣᠵᠠᠢ᠃
1938 ᠣᠨᠤ ᠡᠬᠢᠪᠡᠷ᠂ ᠡᠦ ᠺᠦᠨ ᠱᠢᠨᠡ ᠳᠥᠷᠪᠡᠳᠦᠭᠡᠷ ᠠᠷᠮᠢᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠰᠠᠯᠪᠤᠷᠢ ᠠᠩᠬᠢᠶ᠋ᠢᠨ ᠵᠢᠷᠭᠤᠳᠤᠭᠠᠷ ᠬᠤᠷᠢᠶᠠᠶᠢᠨ ᠳᠡᠳ᠋ ᠬᠤᠷᠢᠶᠠᠨ ᠳᠠᠷᠤᠭᠠᠶ᠋ᠢᠨ ᠲᠤᠱᠢᠶᠠᠯ ᠢ ᠬᠠᠷᠢᠭᠤᠴᠠᠪᠠ᠃ 1938 ᠣᠨᠤ 5 ᠰᠠᠷᠠᠳᠤ᠂ ᠲᠡᠷᠡᠪᠡᠷ ᠬᠤᠷᠢᠶᠠᠨ ᠳᠠᠷᠤᠭᠠ ᠶᠧ ᠹᠸᠢ ᠲᠠᠢ ᠬᠠᠮᠲᠤ ᠵᠠᠷᠯᠢᠭᠢᠶᠠᠷ ᠴᠡᠷᠢᠭ ᠠᠩᠬᠢᠪᠠᠨ ᠳᠠᠭᠠᠭᠤᠯᠤᠨ ᠵᠢᠶᠠᠩᠰᠦᠶ᠋ᠢᠨ ᠡᠮᠦᠨᠡᠲᠦ ᠬᠡᠰᠡᠭᠦᠨ ᠮᠤᠤᠱᠠᠨ ᠣᠷᠣᠨᠳᠤ ᠬᠦᠷᠴᠦ᠂ ᠳᠠᠢᠰᠤᠨᠤ ᠠᠷᠤ ᠲᠠᠯᠠᠶ᠋ᠢᠨ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠰᠠᠭᠤᠷᠢᠨ ᠭᠠᠵᠠᠷᠢ ᠡᠭᠦᠰᠭᠡᠨ ᠪᠠᠢᠭᠤᠯᠵᠤ᠂ ᠪᠠᠢᠯᠳᠤᠭᠠᠨᠳᠤ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ ᠪᠠᠢᠳᠠᠭᠢᠶᠠᠷᠢᠶᠠᠨ《ᠪᠠᠭᠠᠳᠤᠷ ᠵᠠᠩᠵᠤᠨ》 ᠬᠡᠮᠡᠭ᠌ᠳᠡᠪᠡ᠃
1939 ᠣᠨᠤ 5 ᠰᠠᠷᠠᠳᠤ᠂ ᠡᠦ ᠺᠦᠨ ᠵᠢᠶᠠᠩᠨᠠᠨ ᠤ᠋ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠵᠢᠷᠤᠮᠤᠨ ᠴᠡᠷᠢᠭᠦᠨ ᠳᠡᠳ᠋ ᠶᠡᠷᠦᠩᠬᠡᠢ ᠵᠢᠯᠤᠭᠤᠳᠤᠬ᠍ᠴᠢ ᠪᠥᠭᠡᠳ ᠬᠣᠶᠠᠳᠤᠭᠠᠷ ᠵᠠᠮᠤᠨ ᠴᠡᠷᠢᠭᠦᠨ ᠺᠤᠮᠠᠨᠳ᠋ᠯᠠᠬ᠍ᠴᠢ ᠵᠢᠨ ᠲᠤᠱᠢᠶᠠᠯᠢ ᠬᠠᠷᠢᠭᠤᠴᠠᠵᠤ᠂ ᠶᠡᠷᠦᠩᠬᠡᠢ ᠵᠢᠯᠤᠭᠤᠳᠤᠬ᠍ᠴᠢ ᠶᠧ ᠹᠸᠢ ᠲᠠᠢ ᠬᠠᠮᠲᠤ ᠴᠡᠷᠢᠭ ᠠᠩᠬᠢᠶ᠋ᠢ ᠵᠢᠯᠣᠭᠣᠳᠤᠨ ᠵᠡᠭᠦᠨᠰᠢ ᠤᠷᠤᠭ᠍ᠰᠢᠯᠠᠵᠤ᠂ ᠳᠠᠢᠰᠤᠨᠤ ᠠᠷᠤ ᠲᠠᠯᠠᠶ᠋ᠢᠨ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠵᠡᠪᠰᠡᠭ᠌ᠲᠦ ᠬᠦᠴᠦᠨᠢ ᠬᠥᠭ᠌ᠵᠢᠭᠦᠯᠪᠡ᠃
1939 ᠣᠨᠤ 5 ᠰᠠᠷᠠᠶ᠋ᠢᠨ ᠳᠤᠮᠳᠠᠴᠢᠪᠠᠷ᠂ ᠡᠦ ᠺᠦᠨ ᠴᠡᠷᠢᠭ ᠠᠩᠬᠢᠪᠠᠨ ᠳᠠᠭᠠᠭᠤᠯᠤᠨ ᠡᠦ ᠰᠢ ᠱᠢᠶᠠᠨᠤ ᠮᠧᠢ ᠼᠦᠨ ᠲᠣᠰᠭᠣᠨ ᠡᠴᠡ ᠮᠤᠷᠳᠠᠵᠤ ᠴᠠᠩ ᠱᠤ᠌ ᠱᠢᠶᠠᠨᠤ ᠶᠠᠩ ᠴᠧᠩ ᠬᠤ᠌ ᠣᠷᠣᠨᠳᠡᠬᠢ ᠳᠠᠢᠰᠤᠨ ᠤ᠋ ᠰᠠᠭᠤᠷᠢᠨ ᠭᠠᠵᠠᠷᠢ ᠭᠡᠨᠡᠳᠡᠭᠦᠯᠦᠨ ᠳᠠᠭᠠᠷᠢᠵᠤ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠵᠡᠪᠰᠡᠭ᠌ᠲᠦ ᠬᠦᠴᠦᠨᠦ ᠬᠠᠮᠵᠢᠯᠴᠠᠭᠠ ᠳᠣᠣᠷᠠ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠬᠠᠭᠤᠷᠮᠠᠭ ᠴᠡᠷᠢᠭᠢ ᠨᠢᠭᠡ ᠯᠡ ᠳᠡᠭᠡᠷᠡ ᠰᠥᠨᠥᠭᠡᠪᠡ᠃ 5 ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢᠪᠡᠷ᠂ ᠡᠦ ᠺᠦᠨ ᠴᠡᠷᠢᠭ ᠠᠩᠬᠢᠪᠠᠨ ᠳᠠᠭᠠᠭᠤᠯᠤᠨ ᠮᠧᠢ ᠼᠦᠨ ᠲᠣᠰᠭᠣᠨᠳᠤ ᠪᠤᠴᠠᠪᠠ᠃ ᠴᠡᠷᠢᠭ ᠠᠩᠬᠢ ᠥᠰᠢ ᠪᠠ ᠵᠢᠶᠠᠩᠶ᠌ᠢᠨᠦ ᠠᠭᠤᠯᠵᠠᠷ ᠳᠡᠬᠢ ᠬᠤᠸᠠᠩ ᠲᠥ ᠲᠠᠩᠢᠶᠠᠷ ᠥᠩᠭᠡᠷᠡᠬᠦ᠌ ᠦᠶᠡᠳᠦ ᠬᠥᠳᠡᠭᠡ ᠪᠠᠭᠤᠵᠤ 《ᠱᠦᠭᠦᠷᠳᠡᠯᠲᠡ》 ᠬᠢᠵᠦ ᠪᠠᠢᠭᠰᠠᠨ ᠶᠠᠫᠣᠨ ᠴᠡᠷᠢᠭ ᠬᠠᠭᠤᠷᠮᠠᠭ ᠴᠡᠷᠢᠭᠲᠡᠶ ᠬᠠᠷᠭᠤᠪᠠ᠂ ᠡᠦ ᠺᠦᠨ ᠳᠠᠷᠤᠢ ᠲᠦᠷᠭᠡᠨᠢᠶᠡᠷ ᠪᠠᠢᠯᠳᠤᠭ᠍ᠴᠢᠳᠢᠶᠠᠨ ᠳᠠᠭᠠᠭᠤᠯᠤᠨ ᠠᠱᠢᠭ᠍ᠲᠠᠢ ᠭᠠᠵᠠᠷᠤᠨ ᠪᠠᠢᠴᠠᠶ᠋ᠢ ᠰᠣᠩᠭᠣᠵᠤ ᠳᠠᠢᠰᠤᠨᠢ ᠤᠭ᠍ᠲᠤᠨ᠂ ᠺᠤᠸᠠᠩ ᠱᠠᠨ ᠴᠢᠶᠣᠤ ᠬᠥᠭᠥᠷᠭᠡᠶ᠋ᠢᠨ ᠬᠥᠪᠡᠭᠡᠨᠳᠦ 30 ᠭᠠᠷᠤᠢ ᠶᠠᠫᠣᠨ ᠴᠡᠷᠢᠭ ᠬᠠᠭᠤᠷᠮᠠᠭ ᠴᠡᠷᠢᠭᠢ ᠠᠯᠠᠵᠤ ᠱᠢᠷᠬᠠᠲᠤᠭᠤᠯᠪᠠ᠃
ᠪᠠᠢᠯᠳᠤᠭᠠᠨ ᠬᠢᠬᠦᠳᠦ᠂ ᠡᠦ ᠺᠦᠨ ᠨᠢᠭᠡ ᠭᠠᠵᠠᠷᠲᠤ ᠬᠦᠷᠬᠦ᠌ ᠪᠦᠷᠢ ᠪᠡᠲ᠋ᠯᠢᠶᠦᠠ ᠪᠠ ᠰᠤᠮᠤᠨᠤ ᠺᠠᠳ᠋ᠷ᠂ ᠱᠲ᠋ᠠᠪᠴᠢᠨᠠᠷᠢ ᠳᠠᠭᠠᠭᠤᠯᠤᠨ ᠭᠣᠣᠯ ᠰᠡᠷᠭᠡᠢᠯᠡᠯᠲᠡᠶ᠋ᠢᠨ ᠱᠤᠭᠤᠮᠤᠨ ᠭᠠᠵᠠᠷᠤᠨ ᠪᠠᠢᠴᠠᠶ᠋ᠢ ᠪᠠᠢᠴᠠᠭᠠᠨ ᠦᠵᠡᠵᠦ᠍ ᠪᠠᠢᠯᠳᠤᠬᠤ ᠲᠥᠯᠥᠪᠯᠡᠭᠡᠪᠡᠨ ᠪᠡᠯᠡᠳᠭᠡᠳᠡᠭ᠃ ᠪᠠᠢᠯᠳᠤᠭᠠᠨ ᠡᠴᠡ ᠡᠮᠦᠨᠡ᠂ ᠲᠡᠷᠡ ᠶᠡᠷᠦ᠍ ᠨᠢ ᠨᠠᠷᠢᠨ ᠨᠢᠭ᠍ᠲᠠ ᠲᠠᠬᠢᠨ ᠳᠠᠪᠲᠠᠨ ᠪᠣᠳᠣᠯᠬᠢᠯᠠᠵᠤ ᠪᠠᠢᠯᠳᠤᠭᠠᠨ ᠳᠤᠮᠳᠠ ᠡᠭᠦᠰᠴᠦ᠍ ᠮᠡᠳᠡᠬᠦ᠌ ᠪᠠᠢᠳᠠᠯᠳᠤ ᠴᠢᠭ᠌ᠯᠡᠭᠦᠯᠦᠨ ᠭᠦᠢᠴᠡᠳ ᠵᠢᠱ᠌ᠢᠯᠲᠡ ᠬᠢᠬᠦ᠌ᠶ᠋ᠢᠨ ᠬᠠᠮᠲᠤ ᠠᠷᠭᠠᠴᠠᠭᠠᠬᠤ ᠪᠤᠳᠤᠯᠭᠠ ᠲᠣᠭ᠍ᠲᠠᠭᠠᠵᠤ᠂ ᠪᠠᠢᠯᠳᠤᠪᠠᠯ ᠳᠠᠷᠤᠢ ᠢᠯᠠᠯᠲᠠ ᠣᠯᠬᠤ ᠪᠡᠷ ᠴᠢᠷᠮᠠᠢᠳᠠᠭ᠃ ᠱᠢᠨᠡ ᠳᠥᠷᠪᠡᠳᠦᠭᠡᠷ ᠠᠷᠮᠢᠶ᠋ᠢᠨ ᠪᠠᠢᠯᠳᠤᠭᠠᠨᠤ ᠲᠡᠦᠬᠡᠨ ᠳᠡᠭᠡᠷᠡ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤᠳᠤ ᠠᠯᠳᠠᠷᠱᠢᠭ᠍ᠰᠠᠨ ᠬᠤ᠌ ᠢᠦᠢ ᠭᠤᠸᠠᠨᠤ ᠭᠠᠯᠲᠤ ᠲᠡᠷᠭᠡᠨ ᠦᠷᠳᠡᠭᠡᠶ᠋ᠢ ᠰᠥᠨᠢᠪᠡᠷ ᠲᠠᠭᠠᠷᠢᠬ᠍ᠰᠠᠨ᠂ ᠬᠣᠩ ᠴᠢᠶᠣᠤ ᠨᠢᠰᠭᠡᠯᠦᠨ ᠪᠠᠭᠤᠳᠠᠯᠢ ᠰᠥᠨᠢᠪᠡᠷ ᠲᠠᠭᠠᠷᠢᠬ᠍ᠰᠠᠨ ᠵᠡᠷᠭᠡ ᠪᠠᠢᠯᠳᠤᠭᠠᠨᠳᠤ ᠡᠦ ᠺᠦᠨ ᠴᠥᠮ ᠭᠠᠪᠢᠶᠠ ᠵᠢᠳᠬᠦᠯ ᠦᠵᠡᠭᠦᠯᠦᠭ᠌ᠰᠡᠨ ᠶᠤᠮ᠃
1939 ᠣᠨᠤ 9 ᠰᠠᠷᠠᠳᠤ᠂ ᠡᠦ ᠺᠦᠨ ᠴᠡᠷᠢᠭ ᠳᠠᠭᠠᠭᠤᠯᠤᠨ ᠵᠡᠭᠦᠨ ᠵᠠᠮᠤᠨ ᠣᠷᠣᠨ ᠡᠴᠡ ᠤᠬᠤᠷᠢᠨ ᠭᠠᠷᠪᠠ᠃ ᠵᠠᠮ ᠵᠠᠭᠤᠷᠠᠪᠠᠨ ᠵᠢᠶᠠᠩᠶ᠌ᠢᠨᠦ ᠮᠠ ᠵᠧᠨ ᠪᠠᠯᠭᠠᠰᠤᠨᠤ ᠱᠢᠶᠠᠩ ᠬᠤ᠌ ᠲᠠᠩᠤᠨ ᠳ᠋ᠢᠩ ᠱᠠᠨ ᠠᠭᠤᠯᠠ ᠣᠷᠴᠢᠮ 《ᠱᠢᠳᠤᠷᠭᠤ ᠵᠢᠷᠤᠮᠲᠤ ᠤᠯᠤᠰᠢᠶᠠᠨ ᠠᠪᠤᠷᠠᠬᠤ ᠴᠡᠷᠢᠭ》 ᠤ᠋ᠨ ᠭᠡᠨᠡᠳᠲᠡᠶ᠋ᠢᠨ ᠳᠠᠭᠠᠷᠢᠯᠲᠠᠳᠤ ᠤᠴᠠᠷᠠᠪᠠ᠃ ᠡᠦ ᠺᠦᠨ ᠪᠠᠢᠯᠳᠤᠭᠠᠨᠢ ᠵᠢᠯᠣᠭᠣᠳᠴᠤ ᠪᠠᠢᠬᠤᠳᠠᠭᠠᠨ ᠰᠤᠮᠤᠨᠳᠤ ᠤᠨᠤᠬ᠍ᠳᠠᠨ ᠪᠠᠭᠠᠲᠤᠷᠯᠢᠭᠢᠶᠠᠷ ᠪᠡᠶᠡ ᠦᠷᠡᠭ᠌ᠳᠡᠵᠦ᠂ ᠳᠤᠬᠠᠢᠶᠢᠨ ᠦᠶᠡᠳᠦ ᠰᠠᠶ᠍ᠢ 29 ᠨᠠᠰᠤᠲᠠᠢ ᠪᠠᠢᠯᠠ᠃
ᠡᠦ ᠺᠦᠨ ᠪᠡᠶᠡ ᠦᠷᠡᠭ᠌ᠳᠡᠭ᠌ᠰᠡᠨᠦ ᠳᠠᠷᠠᠭᠠ᠂ ᠵᠢᠶᠠᠩᠨᠠᠨᠤ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠵᠢᠷᠤᠮᠤᠨ ᠴᠡᠷᠢᠭᠦᠨ ᠶᠡᠷᠦᠩᠬᠡᠢ ᠵᠢᠯᠣᠭᠣᠳᠭᠤ ᠭᠠᠵᠠᠷ ᠭᠠᠱᠢᠭᠤᠳᠠᠯᠤᠨ ᠬᠤᠷᠠᠯ ᠬᠢᠵᠦ᠍᠂ ᠦᠷᠡᠭ᠌ᠳᠡᠭ᠌ᠰᠡᠨ ᠪᠠᠭᠠᠲᠤᠷᠢᠶᠠᠨ ᠭᠦᠨᠡ ᠭᠠᠱᠢᠭᠤᠳᠠᠵᠤ ᠪᠠᠢᠬᠤᠪᠠᠨ ᠢᠯᠡᠳᠭᠡᠪᠡ᠃ ᠱᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠦᠷᠡᠭ᠌ᠳᠡᠭ᠌ᠰᠡᠨ ᠪᠠᠭᠠᠲᠤᠷ ᠡᠦ ᠺᠦᠨᠦ ᠪᠤᠩᠬᠤᠨᠢ ᠵᠢᠶᠠᠩᠶ᠌ᠢᠨᠡᠴᠡ ᠨᠠᠨᠵᠢᠩᠤᠨ ᠢᠦᠢ ᠬᠤᠸᠠᠲᠠᠶᠶ᠋ᠢᠨ ᠦᠷᠡᠭ᠌ᠳᠡᠭ᠌ᠰᠡᠨ ᠪᠠᠭᠠᠲᠤᠷᠴᠤᠳᠤᠨ ᠪᠤᠩᠬᠤᠨᠤ ᠬᠦᠷᠢᠶᠡᠯᠡᠩᠳᠦ ᠱᠢᠯᠵᠢᠭᠦᠯᠪᠡ᠃ 1985 ᠣᠨᠤ ᠬᠠᠩᠰᠢᠶ᠋ᠢᠨ ᠡᠳᠦᠷ᠂ ᠵᠢᠶᠠᠩᠶ᠌ᠢᠨ ᠱᠢᠶᠠᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨ ᠳ᠋ᠢᠩ ᠱᠠᠨ ᠠᠭᠤᠯᠠᠶᠢᠨ ᠡᠮᠦᠨᠡ ᠪᠡᠯᠳᠤ 《ᠦᠷᠡᠭ᠌ᠳᠡᠭ᠌ᠰᠡᠨ ᠪᠠᠭᠠᠲᠤᠷ ᠡᠦ ᠺᠦᠨᠢ ᠣᠷᠣᠱᠢᠭᠤᠯᠤᠭᠰᠠᠨ ᠭᠠᠵᠠᠷᠤᠨ ᠳᠤᠷᠠᠰᠭᠠᠯᠤᠨ ᠬᠥᠱᠢᠢᠡ》 ᠪᠤᠰᠬᠠᠪᠠ᠃
ᠡᠦ ᠺᠦᠨ ᠤ᠋ ᠨᠤᠲᠤᠭᠲᠤ ᠲᠡᠭᠦᠨᠦ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠯᠠᠷᠠᠰᠢ ᠦᠭᠡᠢ ᠳᠡᠮᠳᠡᠭᠯᠡᠭᠳᠡᠭᠰᠡᠭᠡᠷ ᠶᠤᠮ᠃ ᠤᠢ᠍ᠢᠷᠠᠶ᠋ᠢᠨ ᠵᠢᠯᠡᠴᠡ᠂ ᠸᠠᠨᠵᠸᠤ ᠲᠣᠭᠣᠷᠢᠭ ᠡᠦ ᠺᠦᠨ ᠤ᠋ ᠲᠤᠪᠴᠢ ᠨᠠᠮᠳᠠᠷᠢ ᠨᠠᠢᠷᠠᠭᠤᠯᠤᠨ ᠪᠢᠴᠢᠵᠦ᠍ ᠳᠠᠭᠤᠰᠭᠠᠪᠠ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠬᠢᠨ 《ᠸᠠᠨᠵᠸᠤ ᠵᠢᠨ ᠬᠤᠪᠢᠰᠭᠠᠯᠤᠨ ᠦᠯᠢᠭᠡᠷ》 ᠢ᠋ ᠨᠡᠢᠭᠡᠮ ᠲᠣᠭᠣᠷᠢᠭᠲᠤ ᠣᠷᠣᠭᠤᠯᠬᠤ᠂ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠳᠦ ᠣᠷᠣᠭᠤᠯᠬᠤ ᠵᠡᠷᠭᠡ 《ᠲᠤᠯᠤᠭᠠᠳᠦ ᠣᠷᠣᠭᠤᠯᠬᠤ》ᠠᠵᠢᠯᠯᠠᠭᠠᠶ᠋ᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ᠥᠷᠨᠢᠭᠦᠯᠬᠦ᠌ᠪᠡᠷ ᠲᠠᠮᠵᠢᠨ 《 ᠪᠠᠭᠠᠲᠤᠷ ᠵᠠᠩᠵᠤᠨ》 ᠤ᠋ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠬᠥᠮᠦᠰᠦᠨ ᠰᠡᠳᠭᠢᠯᠢ ᠤᠮᠳᠠᠯᠠᠬᠤ ᠬᠦᠴᠦᠨ ᠪᠣᠯᠭᠠᠪᠠ᠃
（ᠰᠢᠨᠬᠤᠸᠠ ᠬᠤᠷᠢᠶᠠᠶᠢᠨ ᠴᠦᠩᠴᠢᠩᠤᠨ ᠴᠠᠬᠢᠯᠭᠠᠨ ᠮᠡᠳᠡᠭᠡ ᠡᠴᠡ）