8 ᠰᠠᠷᠠᠶ᠋ᠢᠨ18ᠤ ᠣᠷᠣᠶ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠢ ᠵᠦᠴᠦᠭᠡᠶ᠋ᠢᠨ ᠲᠣᠭ᠍ᠯᠠᠯᠲᠠᠶ᠋ᠢᠨ ᠨᠡᠢᠭᠡᠮᠯᠢᠭᠡᠴᠡ ᠭᠤᠤᠯᠯᠠᠨ ᠡᠷᠭᠢᠯᠡᠵᠦ᠍᠂ 《ᠵᠡᠬᠦᠨ ᠪᠠᠶᠠ ᠵᠢᠨ ᠡᠯ ᠷᠧᠨᠲᠡᠶ ᠵᠥᠴᠥᠭᠡᠳᠦ ᠰᠢᠡᠭᠭᠡᠭᠡᠭᠰᠡᠨ ᠬᠠᠢᠷᠠ ᠰᠡᠳᠬᠢᠯᠭᠡ ᠪᠡᠷ ᠵᠢᠡᠨ ᠬᠠᠮᠲᠤ ᠴᠤᠭᠯᠠᠷᠠᠵᠤ ᠤᠮᠠᠷᠠᠲᠤ ᠬᠢᠯᠢᠶ᠋ᠢᠨ ᠰᠣᠶᠣᠯᠤᠨ ᠬᠥᠭ ᠠᠶᠠᠰᠢ ᠬᠠᠮᠲᠤᠪᠠᠷ ᠤᠯᠠᠮᠵᠢᠯᠠᠬᠤ》 ᠪᠠᠷ ᠭᠤᠤᠯ ᠰᠡᠳᠦᠪ ᠪᠣᠯᠭᠠᠭ᠍ᠰᠠᠨ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠵᠡᠭᠦᠨ ᠪᠡᠶᠠ ᠵᠢᠨ ᠡᠯ ᠷᠧᠨᠲᠡᠶ ᠵᠦᠴᠦᠭᠡᠶ᠋ᠢᠨ ᠦᠵᠡᠭᠦᠯᠭᠡᠶ᠋ᠢᠨ ᠲᠣᠭ᠍ᠯᠠᠯᠲᠠᠶ᠋ᠢᠨ ᠭᠠᠷᠠᠭ ᠵᠢᠴᠢ ᠥᠪᠥᠷ ᠮᠣᠩᠭᠣᠯ ᠱᠠᠨ ᠰᠢ ᠾᠧᠪᠧᠶ ᠱᠠᠨᠰᠢ ᠳᠥᠷᠪᠡᠨ ᠮᠤᠵᠢ ᠣᠷᠣᠨᠤ ᠱᠢᠯᠢᠳᠡᠭ ᠵᠦᠴᠦᠭᠡ︵ᠫᠷᠤᠭ᠌ᠷᠠᠮ︶ᠶ᠋ᠢᠨ ᠲᠣᠭ᠍ᠯᠠᠯᠲᠠᠶ᠋ᠢᠨ ᠠᠵᠢᠯᠯᠠᠭᠠ 《ᠵᠡᠭᠦᠨ ᠪᠡᠶᠠ ᠵᠢᠨ ᠡᠯ ᠷᠧᠨᠲᠡᠶ ᠵᠦᠴᠦᠭᠡ ᠵᠢᠨ ᠤᠷᠠᠯᠢᠭᠤᠨ ᠨᠤᠲᠤᠭ》 ᠱᠠᠩᠳᠤ ᠱᠢᠶᠠᠨᠳᠤ ᠡᠬᠢᠯᠡᠵᠦ᠍᠂ ᠥᠪᠥᠷ ᠮᠣᠩᠭᠣᠯ ᠱᠠᠨ ᠰᠢ ᠾᠧᠪᠧᠶ ᠱᠠᠨᠰᠢ ᠳᠥᠷᠪᠡᠨ ᠮᠤᠵᠢ ᠣᠷᠣᠨᠤ 29 ᠡᠯ ᠷᠧᠨᠲᠡᠶ ᠵᠦᠴᠦᠭᠡᠶ᠋ᠢᠨ ᠪᠦᠯᠬᠦᠮᠦᠨᠬᠢᠨ ᠬᠠᠮᠲᠤᠪᠠᠷ ᠲᠣᠭ᠍ᠯᠠᠬᠤ ᠪᠤᠯᠤᠨᠠ᠃
ᠡᠬᠢᠯᠡᠯᠲᠡᠶ᠋ᠢᠨ ᠦᠳᠡᠱᠢᠯᠡᠭᠡᠶ᠋ᠢᠨ ᠠᠬᠤᠢ ᠲᠠᠯᠠᠪᠠᠢᠳᠤ ᠵᠡᠭᠦᠨ ᠪᠠᠶᠠ ᠵᠢᠨ ᠡᠯ ᠷᠸᠨ ᠲᠠᠢ ᠳᠠᠭᠤᠤ ᠪᠥᠵᠢᠭ 《ᠶᠢᠰᠦᠨ ᠵᠧᠦ᠍ᠶ᠋ᠢᠨ ᠢᠵᠢᠯᠢ ᠠᠶᠠᠲᠠᠶ ᠡᠯ ᠷᠸᠨ ᠲᠠᠢ》 ᠨᠢ ᠪᠠᠶᠠᠷ ᠬᠦᠷᠲᠡᠶ ᠠᠢᠵᠠᠮ ᠪᠣᠯᠤᠨ ᠥᠳᠭᠡᠨ ᠵᠤᠵᠠᠭᠠᠨ ᠤᠷᠤᠨ ᠨᠤᠲᠤᠭ ᠤ᠋ᠨ ᠵᠠᠩ ᠦᠢᠯᠡ ᠵᠢ ᠢᠯᠡᠷᠡᠭᠦᠯᠦᠭᠰᠡᠨ ᠲᠣᠭ᠍ᠯᠠᠯᠲᠠ ᠪᠡᠷ ᠵᠢᠡᠨ ᠦᠳᠡᠰᠢᠯᠡᠭᠡ ᠵᠢᠨ ᠬᠥᠱᠢᠭᠡ ᠵᠢ ᠰᠡᠬᠦᠪᠡ᠃ ᠳᠠᠷᠠᠭᠠ ᠨᠢ 《ᠵᠡᠭᠦᠨ ᠪᠠᠶᠠ ᠵᠢᠨ ᠡᠯ ᠷᠸᠨ ᠲᠠᠢ ᠵᠢᠨ ᠭᠠᠯ ᠭᠤᠯᠤᠮᠳᠠᠪᠠᠨ ᠦᠶᠡᠶ᠋ᠢᠨ ᠦᠶᠡᠳᠦ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠶᠠ᠂ ᠤᠷᠠᠯᠢᠭ ᠤ᠋ᠨ ᠭᠠᠯ ᠭᠤᠯᠤᠮᠳᠠ ᠵᠢ ᠰᠠᠬᠢᠭ᠍ᠰᠠᠨᠳᠤ ᠬᠦᠨᠳᠦᠳᠭᠡᠯ ᠳᠡᠪᠱᠢᠭᠦᠯᠦᠶᠡ》ᠵᠡᠷᠭᠡ ᠲᠠᠪᠤᠨ ᠪᠦᠯᠦᠭ ᠰᠣᠳᠣᠨ ᠲᠣᠭ᠍ᠯᠠᠯᠲᠠ ᠪᠡᠷ ᠡᠯ ᠷᠧᠨᠲᠡᠶ ᠵᠦᠴᠦᠭᠡᠶ᠋ᠢᠨ ᠱᠢᠨᠡᠶ᠋ᠢ ᠡᠭᠦᠳᠤᠨ ᠬᠥᠭ᠌ᠵᠢᠭᠰᠡᠨ ᠲᠡᠦᠬᠡᠨ ᠶᠠᠪᠤᠴᠠᠶ᠋ᠢ ᠠᠮᠢᠳᠤᠯᠢᠭᠢᠶᠠᠷ ᠳᠡᠯᠭᠡᠨ ᠦᠵᠡᠭᠦᠯᠵᠠᠢ᠃
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠡᠰᠤᠨ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪ ᠪᠤᠯᠬᠤ 《ᠵᠡᠭᠦᠨ ᠪᠡᠶᠠ ᠵᠢᠨ ᠡᠯ ᠷᠧᠨᠲᠡᠶ ᠵᠦᠴᠦᠭᠡᠶ᠋ᠢᠨ ᠲᠥᠯᠥᠭᠡᠯᠡᠬᠦ᠌ ᠴᠢᠨᠠᠷᠲᠠᠢ ᠤᠯᠠᠮᠵᠢᠯᠠᠭ᠍ᠴᠢ》᠂ 93 ᠲᠠᠢ ᠭᠦᠸᠧ ᠶᠢᠦ ᠱᠠᠨ ᠨᠠᠰᠤᠲᠠᠨ ᠠᠵᠢᠯᠯᠠᠭᠠᠶ᠋ᠢᠨ ᠠᠬᠤᠢ ᠲᠠᠯᠠᠪᠠᠢᠳᠤ᠄《ᠵᠡᠭᠦᠨ ᠪᠡᠶᠠ ᠵᠢᠨ ᠡᠯ ᠷᠧᠨᠲᠡᠶ ᠪᠣᠯ ᠳᠤᠮᠳᠠᠳᠤᠶ᠋ᠢᠨ ᠰᠣᠶᠣᠯᠤᠨ ᠦᠨᠡᠲᠦ ᠡᠷᠳᠡᠨᠢ ᠮᠥᠨ᠂ ᠪᠢᠳᠡ ᠡᠷᠬᠡᠪᠰᠢ ᠰᠠᠢᠲᠤᠷ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ᠂ ᠰᠠᠢᠲᠤᠷ ᠤᠯᠠᠮᠵᠢᠯᠠᠵᠤ᠂ ᠰᠠᠢᠲᠤᠷ ᠪᠠᠳᠠᠷᠠᠭᠤᠯᠬᠤ ᠬᠡᠷᠡᠭ᠌ᠲᠡᠢ᠃ ᠵᠠᠯᠠᠭᠤᠴᠤᠳ ᠰᠠᠨᠠᠭᠠᠴᠢᠯᠠᠭᠠᠠᠴᠠ ᠪᠠᠨ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠪᠡᠷ ᠴᠢᠷᠮᠠᠢᠵᠤ᠂ ᠡᠭᠦᠳᠦᠨ ᠪᠦᠲᠦᠭᠡᠬᠦ᠌ ᠴᠢᠳᠠᠪᠤᠷᠢᠪᠠᠨ ᠴᠢᠷᠮᠠᠢᠨ ᠪᠠᠳᠠᠷᠠᠭᠤᠯᠵᠤ᠂ ᠰᠣᠩᠭᠣᠳᠠᠭ ᠪᠦᠲᠦᠭᠡᠯ ᠡᠴᠡ ᠰᠤᠷᠤᠯᠴᠠᠬᠤ᠂ ᠱᠢᠨᠡᠶ᠋ᠢ ᠡᠭᠦᠳᠦᠨ ᠥᠭᠡᠷᠡᠴᠢᠯᠡᠨ ᠪᠠᠢᠭᠤᠯᠬᠤᠪᠠᠷ ᠳᠠᠮᠵᠢᠨ ᠤᠮᠠᠷᠠᠲᠤᠶ᠋ᠢᠨ ᠡᠬᠡ ᠭᠠᠵᠠᠷ ᠳᠡᠭᠡᠷᠡᠬᠢ ᠡᠨᠡ ᠬᠦ᠌ ᠭᠠᠢᠬᠠᠮᠱᠢᠭ᠍ᠲᠤ ᠰᠠᠢᠬᠠᠨ ᠰᠤᠶᠤᠯ ᠤ᠋ᠨ ᠦᠪ ᠢ᠋ ᠨᠡᠡᠭ ᠤᠯᠠᠨ ᠬᠦᠮᠦᠨ ᠳ᠋ᠤ ᠤᠢᠯᠠᠭᠠᠭᠤᠯᠬᠤ ᠪᠡᠷ ᠴᠢᠷᠮᠠᠢᠬᠤ ᠬᠡᠷᠡᠭᠲᠠᠢ》 ᠬᠡᠵᠠᠢ᠃
ᠵᠡᠭᠦᠨ ᠪᠡᠶᠠ ᠵᠢᠨ ᠡᠯ ᠷᠧᠨᠲᠡᠶ ᠵᠦᠴᠦᠭᠡ ᠪᠣᠯ ᠨᠢᠭᠡ ᠵᠦᠶ᠋ᠯᠦᠨ ᠶᠠᠷᠢᠬᠤ ᠳᠠᠭᠤᠯᠠᠬᠤ᠂ ᠪᠥᠵᠢᠭ ᠪᠠ ᠲᠣᠭ᠍ᠯᠠᠯᠲᠠ ᠵᠡᠷᠭᠡ ᠣᠯᠠᠨ ᠵᠦᠶ᠋ᠯᠦᠨ ᠤᠷᠠᠯᠢᠭᠤᠨ ᠬᠡᠯᠪᠡᠷᠢᠶ᠋ᠢ ᠤᠶᠠᠯᠳᠤᠭᠤᠯᠤᠭᠰᠠᠨ ᠠᠷᠠᠳᠤᠨ ᠤᠷᠠᠯᠢᠭ ᠪᠤᠯᠤᠨᠠ᠃ ᠡᠨᠡ ᠬᠦ᠌ ᠤᠷᠠᠯᠢᠭ ᠨᠢ ᠴᠢᠩ ᠤᠯᠤᠰᠤᠨ ᠲᠦᠭᠡᠮᠡᠯ ᠡᠯᠪᠡᠭ᠌ᠲᠦ᠍ᠶ᠋ᠢᠨ ᠦᠶᠡᠳᠦ ᠡᠭᠦᠰᠦᠭ᠌ᠰᠡᠨ ᠪᠥᠭᠡᠳ ᠢᠷᠭᠡᠨ ᠤᠯᠤᠰᠤᠨ ᠡᠬᠢᠨᠦ ᠦᠶᠡᠳᠦ ᠠᠭᠠᠵᠢᠮᠢᠶᠠᠷ ᠪᠦᠷᠢᠯᠳᠦᠵᠦ᠍᠂ 20 ᠳ᠋ᠤᠭᠠᠷ ᠵᠠᠭᠤᠨᠤ ᠲᠠᠪᠢᠭᠠᠳ ᠣᠨᠳᠤ ᠵᠡᠭᠦᠨ ᠪᠡᠶᠠ ᠵᠢᠨ ᠡᠯ ᠷᠸᠨ ᠲᠠᠢ ᠬᠡᠮᠡᠨ ᠵᠢᠩᠬᠢᠨᠢᠪᠡᠷ ᠨᠡᠷᠡᠢᠳᠦᠭ᠌ᠳᠡᠵᠦ᠍᠂ ᠭᠣᠣᠯᠳᠠᠭᠤ ᠥᠪᠥᠷ ᠮᠣᠩᠭᠣᠯᠤᠨ ᠳᠤᠮᠳᠠ ᠪᠠᠷᠠᠭᠤᠨ ᠬᠡᠰᠡᠭ ᠵᠢᠴᠢ ᠬᠥᠷᠰᠢ ᠵᠡᠷᠭᠡᠯᠡᠳᠡᠭᠡ ᠱᠠᠨ ᠰᠢ᠂ ᠾᠸᠪᠸᠢ ᠵᠡᠷᠭᠡ ᠭᠠᠵᠠᠷᠲᠤ ᠳᠡᠯᠭᠡᠷᠡᠭ᠌ᠰᠡᠨ ᠪᠠᠢᠨᠠ᠃ ᠵᠡᠭᠦᠨ ᠪᠠᠶᠠ ᠵᠢᠨ ᠡᠯ ᠷᠧᠨᠲᠡᠶ ᠵᠦᠴᠦᠭᠡ ᠪᠣᠯ ᠤᠯᠠᠭᠠᠨᠴᠠᠪ ᠬᠣᠲᠠᠳᠤ ᠣᠨᠴᠠ ᠪᠠᠢᠳᠠᠭ ᠣᠷᠣᠨ ᠨᠤᠲᠤᠭᠤᠨ ᠵᠦᠴᠦᠭᠡᠶ᠋ᠢᠨ ᠲᠥᠷᠥᠯ ᠪᠠᠢᠵᠤ᠂ 1997 ᠤᠨᠳᠦ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠲᠢᠩᠬᠢᠮ ᠡᠴᠡ ᠱᠠᠩᠳᠤ ᠱᠢᠶᠠᠨ ᠢ᠋ 《ᠵᠡᠭᠦᠨ ᠪᠡᠶᠠ ᠵᠢᠨ ᠡᠯ ᠷᠧᠨᠲᠡᠶ ᠵᠦᠴᠦᠭᠡᠶ᠋ᠢᠨ ᠤᠷᠠᠯᠢᠭᠤᠨ ᠨᠤᠲᠤᠭ》 ᠭᠡᠵᠦ᠍ ᠨᠡᠷᠡᠢᠳᠪᠠ᠃ 2018 ᠣᠨᠳᠤ ᠵᠡᠭᠦᠨ ᠪᠡᠶᠠ ᠵᠢᠨ ᠡᠯ ᠷᠧᠨᠲᠡᠶ ᠵᠦᠴᠦᠭᠡ ᠨᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠳᠦᠷᠪᠡᠭᠡᠨ ᠪᠠᠢᠭᠠ ᠵᠦᠴᠦᠭᠡᠶ᠋ᠢᠨ ᠲᠦᠷᠦᠯᠦᠨ ᠬᠤᠪᠢᠪᠠᠷ 348 ᠳᠤᠮᠳᠠᠳᠤ ᠤᠯᠤᠰᠤᠨ ᠰᠢ ᠵᠦᠴᠦᠭᠡᠶ᠋ᠢᠨ ᠲᠦᠷᠦᠯᠳᠦ ᠰᠣᠩᠭᠣᠭ᠍ᠳᠠᠨ ᠤᠷᠤᠭ᠍ᠰᠠᠨ ᠪᠠᠢᠨᠠ᠃
ᠣᠢᠯᠠᠭᠠᠭ᠍ᠰᠠᠨᠢᠶᠠᠷ᠂ ᠲᠣᠰ ᠬᠤᠭᠤᠴᠠᠭᠠᠨᠤ ᠤᠷᠠᠯᠢᠭᠤᠨ ᠦᠵᠡᠭᠦᠯᠭᠡᠶ᠋ᠢᠨ ᠲᠣᠭ᠍ᠯᠠᠯᠲᠠ ᠵᠢᠨ ᠠᠵᠢᠯᠯᠠᠭᠠ 7 ᠡᠳᠦᠷ ᠶᠠᠪᠤᠭ᠍ᠳᠠᠵᠤ᠂ ᠪᠠᠭᠠ ᠬᠡᠯᠪᠡᠷᠢᠶ᠋ᠢᠨ ᠵᠦᠴᠦᠭᠡ︵ᠫᠷᠤᠭ᠌ᠷᠠᠮ︶ᠵᠢᠨ ᠦᠵᠡᠭᠦᠯᠭᠡᠶ᠋ᠢᠨ ᠲᠣᠭ᠍ᠯᠠᠯᠲᠠ᠂ ᠲᠣᠮᠣ ᠬᠡᠯᠪᠡᠷᠢᠶ᠋ᠢᠨ ᠵᠦᠴᠦᠭᠡᠶ᠋ᠢᠨ ᠦᠵᠡᠭᠦᠯᠭᠡᠶ᠋ᠢᠨ ᠲᠣᠭ᠍ᠯᠠᠯᠲᠠ᠂ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠦᠵᠡᠭᠦᠯᠭᠡ᠂ ᠠᠷᠠᠳᠤᠨ ᠪᠦᠯᠬᠦᠮ ᠤ᠋ᠨ ᠲᠤᠰᠬᠠᠢ ᠲᠠᠯᠠᠪᠠᠢ ᠦᠵᠡᠭᠦᠯᠭᠡᠶ᠋ᠢᠨ ᠲᠣᠭ᠍ᠯᠠᠯᠲᠠ ᠵᠢᠴᠢ ᠰᠦᠯᠵᠢᠶᠡᠨ ᠨᠡᠪᠲᠡᠷᠡᠭᠦᠯᠦᠭᠴᠢᠳ ᠤ᠋ᠨ ᠤᠷᠤᠯᠳᠤᠭᠠᠨ᠂ ᠠᠷᠠᠳᠲᠤ ᠠᠱᠢᠭ ᠬᠦᠷᠲᠡᠭᠡᠬᠦ᠌ ᠲᠣᠭ᠍ᠯᠠᠯᠲᠠ᠂ ᠤᠷᠠᠯᠢᠭᠤᠨ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠵᠡᠷᠭᠡ ᠣᠯᠠᠨ ᠪᠤᠯᠤᠩᠢ ᠪᠠᠭ᠍ᠲᠠᠭᠠᠭ᠍ᠰᠠᠨ ᠪᠠᠢᠨᠠ᠃