ᠠᠷᠪᠠ ᠶᠢᠰᠦᠳᠦᠭᠡᠷ ᠬᠤᠭᠤᠴᠠᠭᠠᠨᠤ
ᠳᠤᠮᠳᠠᠳᠤ ᠤᠯᠤᠰᠤᠨ ᠰᠢ ᠵᠦᠴᠦᠭᠡᠶᠢᠨ ᠨᠠᠢᠷ ᠡᠨᠡ ᠡᠳᠦᠷᠡᠴᠡ 25ᠤ ᠡᠳᠦᠷ ᠪᠣᠯᠲᠠᠯᠠ
ᠬᠠᠩᠵᠧᠦ ᠳᠦ ᠶᠠᠪᠤᠭᠳᠠᠨᠠ᠂ ᠲᠣᠰ ᠬᠤᠭᠤᠴᠠᠭᠠᠨᠤ ᠰᠢ ᠵᠦᠴᠦᠭᠡᠶᠢᠨ ᠨᠠᠢᠷᠲᠤ ᠪᠥᠬᠥ ᠤᠯᠤᠰᠤᠨ 21 ᠮᠤᠵᠢ᠂
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ᠂ ᠰᠢᠭᠤᠳ ᠬᠠᠷᠢᠶᠠ ᠬᠣᠲᠠᠶᠢᠨ 42 ᠰᠢᠯᠢᠳᠡᠭ ᠵᠦᠴᠦᠭᠡᠵᠢ ᠴᠤᠭᠯᠠᠭᠤᠯᠵᠤ᠂
20 ᠰᠢ ᠲᠠᠭᠤᠤᠷᠢᠯᠢᠭ ᠵᠦᠴᠦᠭᠡᠶᠢᠨ ᠲᠥᠷᠥᠯ ᠵᠢᠴᠢ ᠶᠠᠷᠢᠶᠠᠲᠤ ᠵᠦᠴᠦᠭᠡ᠂ ᠳᠠᠭᠤᠯᠠᠯᠳᠤ ᠵᠦᠴᠦᠭᠡ᠂ ᠪᠥᠵᠢᠭᠲᠦ
ᠵᠦᠴᠦᠭᠡ᠂ ᠳᠠᠭᠤᠤ ᠬᠥᠭᠵᠢᠮᠲᠦ ᠵᠦᠴᠦᠭᠡ ᠵᠡᠷᠭᠡ ᠠᠳᠠᠯᠢ ᠪᠤᠰᠤ ᠤᠷᠠᠯᠢᠭ᠋ ᠤᠨ ᠲᠥᠷᠥᠯ ᠢ ᠬᠠᠮᠤᠷᠴᠤ᠂ ᠮᠠᠨᠤ
ᠤᠯᠤᠰᠤᠨ ᠰᠢ ᠵᠦᠴᠦᠭᠡᠶᠢᠨ ᠤᠷᠠᠯᠢᠭ᠋ᠤᠨ ᠤᠯᠠᠮᠵᠢᠯᠠᠯ ᠪᠠ ᠰᠢᠨᠡᠶᠢ ᠡᠭᠦᠳᠦᠭᠰᠡᠨ ᠰᠢᠯᠢᠳᠡᠭ ᠦᠷᠡ ᠪᠦᠲᠦᠭᠡᠯ ᠢ
ᠳᠡᠯᠭᠡᠨ ᠦᠵᠡᠭᠦᠯᠦᠨᠡ᠃
ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠤᠨ ᠤᠳᠬᠠ
ᠤᠷᠠᠯᠢᠭ᠋ᠤᠨ ᠬᠢᠨᠦ ᠬᠣᠯᠪᠣᠭᠠ ᠡᠴᠠ ᠮᠡᠳᠡᠭᠦᠯᠵᠦ᠂ ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠤᠨ ᠤᠯᠠᠭᠠᠨᠮᠥ᠋ᠴᠢᠷᠤᠨ
ᠬᠢᠨ ᠵᠤᠬᠢᠶᠠᠨ ᠪᠦᠲᠦᠭᠡᠵᠦ ᠲᠤᠭᠯᠠᠭᠰᠠᠨ 《ᠲᠡᠭᠷᠢᠶᠢᠨ ᠬᠢᠵᠠᠭᠠᠷ ᠲᠠᠢ ᠵᠠᠯᠭᠠᠯᠳᠤᠬᠰᠠᠨ ᠲᠠᠯᠠ ᠨᠤᠲᠤᠭ》 ᠭᠡᠬᠦ
ᠶᠠᠷᠢᠶᠠᠲᠤ ᠵᠦᠴᠦᠭᠡᠨᠢ ᠬᠦᠨ ᠬᠦᠨᠵᠡᠭᠡᠢ ᠭᠣᠣᠯ ᠰᠡᠳᠦᠪ᠂ ᠭᠣᠢᠳᠠ ᠰᠠᠢᠬᠠᠨ ᠲᠣᠭᠯᠠᠯᠲᠠ ᠪᠠ ᠥᠪᠡᠷᠮᠢᠴᠡ ᠤᠷᠠᠯᠢᠭ᠋ᠤᠨ
ᠬᠡᠪ ᠨᠠᠮᠪᠠ ᠪᠠᠷᠢᠶᠠᠨ ᠠᠷᠪᠠ ᠶᠢᠰᠦᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠢ ᠵᠦᠴᠦᠭᠡᠶᠢᠨ ᠨᠠᠢᠷᠲᠤ
ᠰᠣᠩᠭᠣᠭᠳᠠᠨ ᠣᠷᠣᠭᠰᠠᠨ ᠪᠥᠭᠡᠳ 9 ᠰᠠᠷᠠᠶᠢᠨ 11ᠦ ᠡᠳᠦᠷᠡᠴᠡ 18ᠤ ᠡᠳᠦᠷ ᠪᠣᠯᠲᠠᠯᠠ ᠦᠪᠡᠳᠡᠭᠰᠢ ᠨᠠᠢᠷᠲᠤ
ᠲᠤᠭᠯᠠᠬᠤ ᠪᠣᠯᠣᠨᠠ᠃
ᠥᠪᠥᠷ ᠮᠣᠩᠭᠣᠯ ᠤᠨ ᠤᠷᠠᠯᠢᠭ᠋ ᠵᠦᠴᠦᠭᠡᠶᠢᠨ
ᠬᠦᠷᠢᠶᠡᠯᠡᠩᠦᠨ ᠲᠣᠭᠯᠠᠭᠰᠠᠨ 《ᠮᠣᠷᠢᠲᠤ ᠴᠡᠷᠢᠭ》 ᠭᠡᠬᠦ ᠪᠥᠵᠢᠭᠲᠦ ᠵᠦᠴᠦᠭᠡ ᠨᠢ ᠲᠤᠰ ᠬᠤᠭᠤᠴᠠᠭᠠᠨᠤ ᠰᠢ ᠵᠦᠴᠦᠭᠡᠶᠢᠨ
ᠨᠠᠢᠷᠤᠨ ᠴᠣᠷᠤᠨ ᠭᠠᠭᠴᠠ ᠪᠥᠵᠢᠭᠲᠦ ᠵᠦᠴᠦᠭᠡᠪᠡᠷ ᠰᠣᠩᠭᠣᠭᠳᠠᠵᠤ᠂ ᠬᠠᠩᠵᠧᠦᠶᠢᠨ ᠶᠡᠬᠡ ᠲᠢᠶᠠᠲᠷᠲᠤ ᠲᠤᠭᠯᠠᠬᠤ
ᠪᠤᠯᠤᠨᠠ᠃
ᠪᠥᠵᠢᠭᠲᠦ ᠵᠦᠴᠦᠭᠡ 《ᠮᠣᠷᠢᠲᠤ ᠴᠡᠷᠢᠭ》ᠲᠤ᠂
ᠮᠣᠩᠭᠣᠯ ᠵᠠᠯᠠᠭᠤ ᠴᠢᠯᠠᠭᠤ ᠵᠢᠨ ᠲᠡᠦᠬᠡᠶᠢᠨ ᠵᠠᠩᠭᠢᠯᠠᠭᠠᠶᠢᠨ ᠦᠶᠡᠳᠦ᠂ ᠬᠤᠪᠢ ᠬᠥᠮᠥᠨᠦ ᠰᠣᠩᠭᠣᠯᠲᠠᠪᠠᠨ
ᠦᠨᠳᠦᠰᠦᠲᠡᠨᠦ ᠰᠣᠩᠭᠣᠯᠲᠠᠲᠠᠢ ᠨᠢᠭ᠍ᠲᠠ ᠬᠤᠯᠪᠤᠵᠤ᠂ ᠡᠪ ᠬᠠᠮᠲᠤ ᠨᠠᠮᠢ ᠡᠷᠡᠰ ᠲᠠᠭᠠᠵᠦ᠂ ᠥᠪᠥᠷ ᠮᠣᠩᠭᠣᠯᠤᠨ
ᠠᠷᠠᠳᠤᠨ ᠮᠣᠷᠢᠲᠤ ᠴᠡᠷᠢᠭᠦᠨ ᠡᠩᠨᠡᠭᠡᠨᠳᠦ ᠣᠷᠣᠵᠤ᠂ ᠪᠦᠬᠦ ᠳᠤᠮᠳᠠᠳᠤ ᠤᠯᠤᠰᠤᠨ ᠴᠢᠯᠦᠭᠡᠯᠡᠯᠲᠡ ᠵᠢᠨ
ᠲᠥᠯᠥᠭᠡ ᠲᠡᠮᠡᠴᠡᠭᠰᠡᠨ ᠦᠯᠢᠭᠡᠷᠢ ᠶᠠᠷᠢᠪᠠ᠃ ᠪᠠᠢᠯᠳᠤᠭᠠᠨᠤ ᠲᠠᠯᠠᠪᠤᠷᠲᠤ᠂ ᠴᠢᠯᠠᠭᠤ ᠪᠡᠶᠡ ᠦᠷᠡᠭᠳᠡᠬᠦᠡᠴᠡ
ᠠᠶᠤᠬᠤ ᠦᠭᠡᠢ᠂ ᠡᠷᠡᠯᠬᠡᠭᠢᠶᠡᠷ ᠳᠠᠢᠰᠤᠨᠢ ᠤᠰᠠᠳᠬᠠᠪᠠ︔ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠳᠤᠮᠳᠠᠳᠤ ᠠᠷᠠᠳ ᠤᠯᠤᠰ
ᠪᠠᠢᠭᠤᠯᠤᠭᠳᠠᠭᠰᠠᠨᠤ ᠳᠠᠷᠠᠭᠠ᠂ ᠲᠡᠷᠡ ᠢᠷᠠᠭᠤ ᠠᠯᠳᠠᠷᠲᠤ ᠲᠠᠲᠠᠭᠳᠠᠯ ᠦᠭᠡᠢ᠂ ᠬᠠᠷᠢᠨ ᠳᠣᠲᠣᠭᠠᠳᠤ ᠰᠡᠳᠬᠢᠯᠳ᠋ᠡᠬᠢ
ᠡᠩᠬᠡ ᠲᠠᠢᠪᠤᠩᠤᠨ ᠬᠦᠰᠡᠯ ᠡᠷᠡᠮᠡᠯᠵᠡᠯᠳᠡᠭᠡᠨ ᠬᠦᠲᠦᠯᠦᠭᠳᠡᠵᠦ ᠲᠠᠯᠠ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠵᠤ ᠢᠷᠡᠪᠡ᠃
ᠶᠠᠷᠢᠶᠠᠲᠤ ᠵᠦᠴᠦᠭᠡ 《ᠲᠡᠭᠷᠢᠶᠢᠨ ᠬᠢᠵᠠᠭᠠᠷᠲᠠᠢ
ᠵᠠᠯᠭᠠᠯᠳᠤᠬᠰᠠᠨ ᠲᠠᠯᠠ ᠨᠤᠲᠤᠭ》 ᠨᠢ ᠪᠠᠷᠠᠭᠤᠨ ᠣᠷᠣᠨᠤ ᠲᠥᠯᠥᠪᠯᠡᠭᠡᠶᠢᠨ ᠰᠠᠢᠨ ᠲᠤᠷᠠᠴᠤᠳᠢᠶᠠᠷ ᠬᠦᠦᠷᠨᠢᠯᠤᠨ
ᠭᠣᠣᠯ ᠴᠣᠭᠴᠠ ᠪᠣᠯᠭᠠᠵᠤ᠂ ᠬᠠᠷᠠᠮ ᠦᠭᠡᠢ ᠵᠣᠷᠢᠭᠤᠯᠬᠤ ᠵᠣᠷᠢᠭ᠋ ᠰᠠᠨᠠᠭᠠ ᠪᠣᠯᠣᠨ ᠵᠠᠯᠠᠭᠤ ᠨᠠᠰᠤᠨᠤ ᠬᠦᠰᠡᠯᠡᠩ
ᠢ ᠨᠢᠭ᠍ᠲᠠᠷᠠᠭᠤᠯᠤᠭᠰᠠᠨ ᠴᠠᠭ ᠦᠶᠡᠶᠢᠨ ᠮᠠᠭᠲᠠᠭᠠᠯ ᠳᠠᠭᠤᠤ ᠪᠣᠯᠣᠨᠠ᠃ ᠲᠡᠷᠡ ᠨᠢ 《ᠬᠠᠷᠠᠮ ᠦᠭᠡᠢ ᠵᠣᠷᠢᠭᠤᠯᠬᠤ᠂
ᠨᠥᠬᠥᠷᠰᠡᠭ ᠪᠠᠢᠬᠤ᠂ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠬᠤ᠂ ᠤᠷᠤᠭᠰᠢᠯᠠᠨ ᠲᠠᠪᠰᠢᠬᠤ》 ᠰᠠᠢᠨ ᠳᠤᠷᠠᠴᠤᠳᠤᠨ ᠵᠣᠷᠢᠭ᠋
ᠰᠠᠨᠠᠭᠠᠶᠢ ᠠᠮᠢᠳᠤᠯᠢᠭ᠋ᠢᠶᠠᠷ ᠲᠠᠢᠯᠪᠤᠷᠢᠯᠠᠭᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠡᠩ ᠴᠤ᠌ ᠭᠦᠨ ᠰᠡᠳᠬᠢᠯᠭᠡᠪᠡᠷ
ᠵᠠᠯᠠᠭᠤ ᠨᠢᠭᠡ ᠦᠶᠡᠶᠢᠨ ᠬᠢᠨᠦ ᠤᠯᠤᠰ ᠤᠷᠤᠨᠤ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠳᠤ ᠣᠷᠣᠯᠴᠠᠬᠤ ᠰᠡᠳᠬᠢᠯ ᠬᠥᠳᠡᠯᠭᠡᠮᠡ
ᠦᠵᠡᠭᠳᠡᠯᠢ ᠵᠢᠷᠤᠭᠯᠠᠵᠤ᠂ ᠣᠷᠭᠢᠯᠤᠮᠠ ᠬᠠᠯᠠᠭᠤᠨ ᠠᠮᠢᠳᠤᠷᠠᠬᠤᠢᠶᠢᠨ ᠦᠷᠲᠡᠭᠦᠨ ᠦᠵᠡᠯᠲᠡᠶᠢ ᠳᠠᠮᠵᠢᠭᠤᠯᠵᠠᠢ᠃
ᠢᠷᠡᠯᠲᠡ᠄
ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠰᠤᠶᠤᠯ ᠪᠠ ᠵᠢᠭᠤᠯᠴᠢᠯᠠᠯᠤᠨ ᠲᠢᠩᠬᠢᠮ