《ᠮᠢᠨᠦ ᠬᠡᠦᠭᠡᠳ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠨ ᠪᠤᠯᠪᠠᠴᠤ ᠠᠵᠢᠯ ᠤᠯᠬᠤ ᠦᠭᠡᠢ ᠪᠠᠢᠨ᠎ᠠ》 ᠬᠡᠵᠦ ᠠᠷᠭ᠎ᠠ ᠮᠤᠬᠤᠷᠳᠠᠭᠰᠠᠨ ᠴᠸ᠋ ᠶᠤᠮ ᠰᠢᠭ᠋᠂ ᠪᠠᠰᠠ ᠭᠤᠮᠤᠳᠠᠵᠦ ᠪᠠᠢᠭ᠎ᠠ ᠴᠸ᠋ ᠶᠤᠮ ᠰᠢᠭ᠋ ᠶᠠᠷᠢᠵᠦ ᠪᠠᠢᠬᠤ ᠭᠡᠷ᠎ᠤᠨ ᠠᠬᠠᠮᠠᠳ ᠲᠠᠢ ᠴᠦᠭᠡᠨ ᠪᠤᠰᠤ ᠲᠠᠭᠠᠷᠠᠯᠳᠤᠵᠤ ᠪᠠᠢᠨ᠎ᠠ᠃ ᠬᠡᠴᠢᠨᠠᠨ ᠵᠢᠯ ᠰᠤᠷᠭᠠᠭᠤᠯᠢ ᠰᠤᠶᠤᠯ᠎ᠤᠨ ᠮᠦᠷ ᠬᠦᠭᠡᠭᠡᠯᠭᠡᠵᠦ᠂ ᠬᠡᠴᠢᠨᠠᠨ ᠶᠡᠭᠡ ᠮᠦᠨᠭᠭᠦ ᠲᠦᠭᠦᠷᠢᠭ ᠵᠠᠷᠤᠵᠤ᠂ ᠪᠠᠶ᠎ᠠ ᠰᠡᠳᠬᠢᠯ ᠶᠤᠭᠡᠨ ᠵᠦᠳᠡᠭᠡᠨ ᠪᠠᠢᠵᠦ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠡᠭᠦᠰᠭᠡᠭᠰᠡᠨ ᠪᠤᠯᠪᠠᠴᠤ ᠠᠵᠢᠯ ᠤᠯᠬᠤ ᠦᠭᠡᠢ ᠪᠠᠢᠨ᠎ᠠ ᠬᠡᠳᠡᠭ ᠪᠤᠯ ᠦᠨᠡᠭᠡᠷ ᠰᠠᠨᠠᠭ᠎ᠠ ᠵᠤᠪᠠᠮᠠᠷ ᠵᠦᠢᠯ ᠮᠦᠨ᠃ ᠬᠡᠪᠡᠴᠤ ᠪᠢᠳᠠᠨ᠎ᠦ ᠲᠤᠨᠭᠭᠠᠨ ᠪᠤᠳᠤᠬᠤ ᠴᠢᠬᠤᠯᠠᠳᠠᠢ ᠵᠦᠢᠯ ᠴᠸ᠋ ᠤᠯᠠᠨ ᠪᠤᠢ᠃

ᠶᠠᠭᠤᠨ᠎ᠤ ᠡᠮᠦᠨ᠎ᠡ᠂ ᠦᠨᠠᠨ ᠳ᠋ᠡᠭᠡᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠡᠬᠦᠰᠬᠦ ᠪᠤᠯᠤᠨ ᠠᠵᠢᠯ ᠤᠯᠬᠤ ᠬᠤᠶᠠᠷ ᠨᠢ ᠤᠳᠤ ᠲᠠᠮᠡᠢ ᠶᠡᠭᠡ ᠬᠤᠯᠪᠤᠭ᠎ᠠ ᠦᠭᠡᠢ ᠪᠤᠯᠵᠤ ᠪᠠᠢᠭ᠎ᠠ ᠬᠡᠯᠳᠡᠢ᠃ ᠬᠡᠷᠪᠡ ᠬᠤᠯᠪᠤᠭ᠎ᠠ ᠲᠠᠢ ᠬᠡᠪᠡᠯ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠨ ᠰᠤᠷᠤᠯᠭ᠎ᠠ ᠵᠢᠨ ᠨᠠᠮᠳᠠᠷ ᠨᠢ ᠵᠠᠷᠢᠮ ᠠᠵᠢᠯ᠎ᠤᠨ ᠪᠠᠢᠷᠢ ᠵᠢᠨ ᠵᠠᠪᠠᠯ ᠱᠠᠭᠠᠷᠳᠠᠳᠠᠭ ᠨᠢᠭᠡ ᠨᠦᠭᠦᠴᠡᠯ ᠲᠠᠳᠦᠢ᠃ ᠬᠡᠪᠡᠴᠦ 《ᠶᠡᠭᠡ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠨ ᠪᠤᠯᠪᠠᠴᠤ ᠠᠵᠢᠯ ᠤᠯᠬᠤ ᠦᠭᠡᠢ》 ᠬᠡᠵᠦ ᠡᠨᠡ ᠬᠤᠶᠠᠷ ᠶᠠᠪᠤᠳᠠᠯ᠎ᠢ ᠬᠤᠯᠪᠤᠵᠤ ᠶᠠᠷᠢᠬᠤ ᠨᠢ ᠶᠠᠭᠠᠬᠢᠬᠤ ᠵᠢᠨ ᠠᠷᠭ᠎ᠠ ᠦᠭᠡᠢ ᠤᠤᠯ᠎ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠡᠭᠦᠰᠪᠠᠯ ᠤᠯᠤᠰ ᠡᠴᠡ ᠠᠵᠢᠯ ᠬᠤᠪᠢᠶᠠᠷᠢᠯᠠᠳᠠᠭ ᠪᠠᠢᠭᠰᠠᠨ ᠦᠶ᠎ᠠ ᠵᠢ ᠰᠠᠨᠠᠭᠳᠠᠭᠤᠯᠤᠨ᠎ᠠ᠃ ᠮᠡᠳᠡᠭᠡᠵᠢ ᠪᠡᠷ᠂ ᠭᠤᠴᠢ ᠰᠢᠬᠠᠮ ᠵᠢᠯ᠎ᠤᠨ ᠡᠮᠦᠨ᠎ᠡ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠳ ᠲᠤ᠌ ᠤᠯᠤᠰ ᠡᠴᠡ ᠦᠨᠡᠬᠡᠷ ᠠᠵᠢᠯ ᠬᠤᠪᠢᠶᠠᠷᠢᠯᠠᠳᠠᠭ ᠪᠠᠢᠭᠰᠠᠨ᠃ ᠲᠠᠷᠠ ᠦᠶ᠎ᠠ ᠳ᠋ᠤ ᠦᠨᠳᠦᠷ ᠰᠤᠷᠤᠯᠭ᠎ᠠ ᠵᠢᠨ ᠨᠡᠮᠳᠡᠷ ᠲᠠᠢ ᠬᠦᠮᠦᠨ ᠬᠠᠷᠢᠴᠠᠨᠭᠭᠤᠢ ᠴᠦᠭᠡᠨ ᠪᠠᠢᠵᠦ᠂ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠡᠭᠦᠰᠪᠡᠯ ᠠᠵᠢᠯ ᠬᠤᠪᠢᠶᠠᠷᠢᠯᠠᠳᠠᠭ ᠪᠤᠯᠬᠤᠷ ᠠᠶᠠᠨᠳᠠᠭᠠᠨ ᠠᠯᠪᠠᠨ ᠠᠵᠢᠯ ᠲᠠᠢ ᠪᠤᠯᠴᠢᠬᠠᠳᠠᠭ ᠪᠠᠢᠬᠰᠠᠨ᠃ ᠰᠡᠬᠦᠯᠠᠷ ᠨᠢ ᠤᠯᠤᠰ ᠡᠴᠡ ᠠᠵᠢᠯ ᠬᠤᠪᠢᠶᠠᠷᠢᠯᠠᠬᠤ ᠦᠭᠡᠢ ᠪᠤᠯᠤᠭᠰᠠᠨ ᠪᠤᠯᠪᠠᠴᠤ ᠠᠷᠪᠠᠭᠠᠳ ᠵᠢᠯ᠎ᠤᠨ ᠡᠮᠦᠨᠡᠭᠡᠨ ᠪᠤᠯᠳᠠᠯ᠎ᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠨ ᠤᠶᠤᠳᠠᠨ ᠳ᠋ᠤ ᠬᠤᠰᠢᠭᠤ ᠰᠢᠶᠠᠨ᠎ᠦ ᠱᠠᠳᠤ ᠪᠠᠷ ᠪᠠᠰᠠ ᠬᠠᠶᠠ ᠵᠠᠷᠢᠮ ᠳ᠋ᠠᠭᠠᠨ ᠠᠵᠢᠯ ᠬᠤᠪᠢᠶᠠᠷᠢᠯᠠᠴᠢᠬᠠᠳᠠᠭ ᠪᠠᠢᠬᠰᠠᠨ ᠪᠢᠯᠡ᠃ ᠭᠡᠳᠡᠯ᠎ᠡ ᠦᠨᠦᠳᠦᠷ ᠵᠠᠰᠠᠭ ᠵᠠᠬᠢᠷᠭᠠᠨ᠂ ᠠᠵᠢᠯ ᠦᠢᠯᠡᠰ᠎ᠤᠨ ᠨᠢᠭᠡᠴᠢ᠎ᠳᠤ ᠠᠵᠢᠯᠯᠠᠬᠤ ᠬᠡᠪᠡᠯ ᠵᠠᠪᠠᠯ ᠠᠯᠪᠠᠳᠠᠨ᠎ᠦ ᠰᠢᠯᠭᠠᠯᠳᠠ᠂ ᠠᠵᠢᠯ ᠦᠢᠯᠡᠰ᠎ᠤᠨ ᠨᠢᠭᠡᠴᠢ ᠵᠢᠨ ᠬᠦᠮᠦᠨ ᠡᠯᠰᠡᠬᠦ ᠰᠢᠯᠭᠠᠯᠳᠠ ᠵᠢ ᠲᠠᠮᠵᠢᠬᠤ ᠬᠡᠷᠡᠭᠳᠡᠢ ᠪᠤᠯᠵᠠᠢ᠃

ᠲᠠᠷᠠᠭᠠᠯᠠᠪᠠᠯ᠂ 《ᠠᠵᠢᠯ》 ᠬᠡᠳᠡᠭ᠎ᠤᠨ ᠲᠤᠬᠠᠢ ᠪᠢᠳᠠ ᠤᠢᠯᠠᠭᠠᠯᠳᠠ ᠲᠠᠨᠢᠯᠳᠠ ᠪᠠᠨ ᠬᠤᠪᠢᠷᠠᠭᠤᠯᠬᠤ ᠴᠢᠬᠤᠯᠠᠳᠠᠢ ᠪᠤᠯᠵᠠᠢ᠃ ᠬᠡᠴᠢᠨᠠᠨ ᠵᠢᠯ᠎ᠤᠨ ᠲᠤᠷᠰᠢ ᠪᠢᠳᠠ ᠤᠯᠤᠰ᠎ᠤᠨ ᠡᠳ᠋᠎ᠤᠨ ᠵᠠᠰᠠᠭ ᠡᠴᠡ ᠴᠠᠯᠢᠩ ᠠᠪᠳᠠᠭ ᠠᠵᠢᠯ᠎ᠢ ᠯᠠ 《ᠠᠵᠢᠯ》 ᠵᠢᠡᠷ ᠦᠵᠡᠭᠰᠡᠭᠡᠷ ᠢᠷᠠᠵᠠᠢ᠃ ᠦᠨᠡᠨ ᠳ᠋ᠡᠭᠡᠨ ᠬᠤᠭᠤᠯᠠᠨ ᠭᠡᠷ᠎ᠤᠨ ᠦᠢᠯᠡᠴᠢᠯᠡᠭᠴᠢ᠂ ᠮᠠᠰᠢᠨ ᠲᠡᠷᠭᠡᠨ᠎ᠦ ᠵᠠᠰᠠᠪᠤᠷᠢᠴᠢᠨ ᠪᠤᠯᠬᠤ ᠪᠤᠶᠤ ᠦᠪᠠᠷ᠎ᠢᠶᠡᠨ ᠵᠢᠵᠢᠭ ᠺᠤᠮᠫᠠᠨᠢ ᠡᠷᠬᠢᠯᠡᠬᠦ᠂ ᠬᠤᠭᠤᠯᠠᠨ ᠬᠡᠷ ᠨᠡᠭᠡᠭᠡᠬᠦ᠂ ᠲᠠᠷᠢᠶ᠎ᠠ ᠲᠠᠷᠢᠵᠤ ᠮᠠᠯ ᠮᠠᠯᠯᠠᠬᠤ ᠨᠢ ᠪᠦᠷ ᠠᠵᠢᠯ ᠮᠦᠨ᠃ ᠨᠠᠢᠭᠡᠮ᠎ᠤᠨ ᠵᠦᠪ ᠲᠠᠯ᠎ᠠ ᠵᠢᠨ ᠲᠠᠯ᠎ᠠ ᠲᠠᠯ᠎ᠠ ᠵᠢᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭ᠎ᠠ ᠵᠢ ᠬᠠᠨᠭᠭᠠᠵᠦ᠂ ᠦᠷᠳᠡᠭ ᠪᠦᠳᠦᠭᠡᠵᠦ ᠪᠠᠢᠭ᠎ᠠ ᠬᠦᠳᠡᠯᠮᠤᠷᠢ ᠪᠦᠬᠦᠨ᠎ᠢ 《ᠠᠵᠢᠯ》 ᠬᠡᠵᠦ ᠦᠵᠡᠬᠦ ᠶᠤᠰᠤᠳᠠᠢ᠃ ᠤᠳᠤᠬᠠᠨ᠎ᠦ 《ᠠᠵᠢᠯ᠎ᠪᠠᠢᠪᠠᠴᠤ ᠬᠢᠬᠦ ᠬᠦᠮᠦᠨ ᠦᠭᠡᠢ； ᠬᠦᠮᠦᠨ ᠪᠠᠢᠪᠠᠴᠤ ᠠᠵᠢᠯ᠎ᠢ ᠨᠢ ᠬᠢᠬᠦ ᠦᠭᠡᠢ》 ᠬᠠᠴᠢᠨ ᠦᠵᠡᠭᠳᠡᠯ᠎ᠤᠨ ᠬᠠᠮᠤᠭ᠎ᠤᠨ ᠭᠤᠤᠯ ᠰᠢᠯᠳᠠᠭᠠᠨ ᠪᠤᠯ ᠡᠨᠡᠬᠦ 《ᠠᠵᠢᠯ》᠎ᠤ᠋ᠨ ᠲᠤᠬᠠᠢ ᠤᠯᠠᠮᠵᠢᠯᠠᠯᠳᠤ ᠬᠡᠯᠪᠠᠢᠬᠦᠦ ᠤᠢᠯᠠᠭᠠᠯᠳᠠ ᠲᠠᠨᠢᠯᠳᠠ ᠡᠴᠡ ᠪᠤᠯᠤᠭᠰᠠᠨ ᠪᠠᠢᠳᠠᠯ ᠲᠠᠢ᠃

ᠡᠢᠮᠦᠷᠬᠦᠤ ᠠᠬᠤᠢ ᠪᠠᠢᠳᠠᠯ ᠲᠤᠤᠷ᠎ᠠ᠂ ᠮᠠᠨ᠎ᠦ ᠬᠡᠷ᠎ᠤᠨ ᠠᠬᠠᠮᠠᠳ ᠪᠤᠯᠤᠭᠰᠠᠳ ᠬᠡᠦᠭᠡᠳ ᠵᠢᠡᠨ ᠵᠠᠪᠠᠯ ᠶᠡᠭᠡ ᠰᠤᠷᠭᠠᠭᠤᠯᠢ᠎ᠳᠤ ᠰᠤᠷᠤᠯᠴᠠᠭᠤᠯᠬᠤ ᠪᠡᠷ ᠠᠯᠪᠠᠳᠠᠬᠤ ᠬᠡᠷᠡᠭᠳᠡᠢ ᠤᠤ ᠦᠭᠡᠢ ᠤᠤ ᠬᠡᠳᠡᠭ᠎ᠢ ᠬᠢᠨᠠᠮᠠᠭᠠᠢ ᠪᠤᠳᠤᠯᠬᠢᠯᠠᠬᠤ ᠬᠡᠷᠡᠭᠳᠡᠢ ᠪᠤᠯᠵᠤ ᠪᠠᠢᠨ᠎ᠠ᠃ ᠢᠯᠠᠨᠭᠭᠤᠶ᠎ᠠ ᠪᠢᠴᠢᠭ ᠨᠤᠮ ᠰᠤᠷᠬᠤ ᠲᠤᠷ᠎ᠠ ᠦᠭᠡᠢ᠂ ᠰᠠᠢᠨ ᠰᠤᠷᠴᠤ ᠲᠡᠢᠯᠭᠦ ᠦᠭᠡᠢ ᠬᠡᠦᠭᠡᠳ᠎ᠢ ᠵᠠᠪᠠᠯ ᠶᠡᠭᠡ ᠰᠤᠷᠭᠠᠭᠤᠯᠢ᠎ᠳᠤ ᠰᠢᠯᠭᠠᠨ ᠤᠷᠤᠬᠤ ᠬᠡᠷᠡᠭᠳᠡᠢ ᠬᠡᠵᠦ ᠲᠠᠰᠢᠭᠤᠷᠳᠠᠵᠦ ᠠᠯᠪᠠᠳᠠᠬᠤ ᠨᠢ ᠴᠤᠬᠤᠮ ᠶᠠᠭᠤᠨ᠎ᠦ ᠲᠦᠯᠦᠭᠡ ᠪᠤᠢ ᠬᠡᠳᠡᠭ ᠵᠢᠡᠨ ᠲᠤᠨᠭᠭᠠᠵᠦ ᠪᠤᠳᠤᠭᠤᠰᠢᠳᠠᠢ᠃ ᠵᠦᠪᠭᠡᠨ ᠰᠢᠯᠭᠠᠯᠳᠠ ᠵᠢᠨ ᠦᠨᠳᠦᠷ ᠬᠤᠪᠢ᠂ ᠰᠤᠷᠤᠯᠭ᠎ᠠ ᠵᠢᠨ ᠦᠨᠳᠦᠷ ᠨᠠᠮᠳᠡᠷ ᠵᠢᠡᠷ ᠨᠢᠭᠡ ᠬᠦᠮᠦᠨ᠎ᠢ ᠬᠡᠮᠵᠢᠶᠠᠯᠠᠵᠦ ᠪᠤᠯᠬᠤ ᠦᠭᠡᠢ᠂ ᠬᠠᠷᠢᠨ ᠴᠤᠪᠤᠭᠤ ᠰᠡᠷᠭᠦᠯᠡᠩ᠂ ᠪᠠᠶ᠎ᠠ ᠳ᠋ᠡᠭᠡᠨ ᠢᠳᠡᠭᠡᠯ ᠲᠠᠢ᠂ ᠡᠷᠡᠭᠦᠯ ᠰᠡᠳᠬᠢᠴᠠ ᠲᠠᠢ ᠬᠦᠮᠦᠨ ᠪᠤᠯᠤᠨ ᠬᠦᠮᠦᠵᠢᠬᠦ ᠨᠢ ᠨᠡᠩ ᠴᠢᠬᠤᠯᠠ ᠪᠢᠰᠢ ᠤᠤ ⁈ ᠤᠢᠷ᠎ᠠ ᠵᠢᠨ ᠵᠢᠯ ᠡᠴᠡ ᠰᠤᠷᠤᠭᠴᠢᠳ᠎ᠢ ᠠᠨᠭᠬ᠎ᠠ ᠲᠤᠮᠳᠠᠳᠤ ᠡᠴᠡ ᠡᠬᠢᠯᠡᠵᠦ ᠨᠢᠭᠡ ᠪᠦᠯᠦᠭ᠎ᠢ ᠨᠢ ᠠᠵᠢᠯ ᠮᠡᠷᠭᠡᠵᠢᠯ᠎ᠤᠨ ᠰᠤᠷᠭᠠᠭᠤᠯᠢ ᠦᠭᠡᠳᠡ ᠬᠦᠳᠦᠯᠦᠨ ᠵᠢᠯᠤᠭᠤᠳᠴᠤ ᠪᠠᠢᠭ᠎ᠠ ᠵᠢ ᠰᠡᠷᠭᠡᠭ᠎ᠢᠶᠡᠷ ᠲᠠᠨᠢᠪᠡᠯ ᠵᠤᠬᠢᠨ᠎ᠠ᠃

ᠡᠭᠦᠨ᠎ᠳᠤ ᠤᠨᠴᠠᠭᠠᠢᠯᠠᠨ ᠲᠤᠳᠤᠷᠬᠠᠢᠯᠠᠭᠤᠰᠢᠳᠠᠢ ᠨᠢᠭᠡ ᠵᠦᠢᠯ ᠬᠡᠪᠡᠯ᠂ ᠲᠤᠰ ᠪᠠᠶ᠎ᠠ ᠵᠢᠨ ᠰᠤᠶᠤᠯ ᠪᠤᠯᠪᠠᠰᠤᠷᠠᠯ ᠵᠢᠡᠨ ᠲᠡᠭᠡᠭᠰᠢᠯᠡᠬᠦᠯᠵᠦ᠂ ᠦᠷᠭᠡᠨ ᠲᠡᠯᠭᠡᠷ ᠡᠷᠳᠡᠮ ᠮᠡᠳᠡᠯᠭᠡ ᠡᠵᠡᠮᠰᠢᠬᠦ ᠬᠦᠰᠡᠯ ᠲᠠᠢ᠂ ᠰᠤᠷᠴᠤ ᠰᠤᠳᠤᠯᠬᠤ ᠲᠤᠷ᠎ᠠ ᠲᠠᠢ ᠬᠦᠮᠦᠨ᠎ᠦ ᠶᠡᠭᠡ ᠰᠤᠷᠭᠠᠭᠤᠯᠢ᠎ᠳᠤ ᠰᠢᠯᠭᠠᠨ ᠤᠷᠤᠵᠦ ᠤᠶᠤᠳᠠᠨ᠂ ᠴᠢᠨᠠᠭᠰᠢᠯᠠᠨ ᠮᠠᠰᠲ᠋ᠸᠷ᠂ ᠳ᠋ᠤᠺᠲ᠋ᠤᠷ ᠪᠤᠯᠬᠤ ᠵᠢ ᠪᠢᠳᠠ ᠪᠠᠶᠠᠷᠯᠠᠨ ᠵᠤᠷᠢᠭᠵᠢᠭᠤᠯᠬᠤ ᠶᠤᠰᠤᠳᠠᠢ᠃ ᠬᠠᠷᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ᠎ᠳᠤ ᠤᠷᠤᠵᠤ ᠰᠤᠷᠤᠯᠴᠠᠬᠤ ᠨᠢ ᠠᠯᠪᠠᠨ ᠠᠵᠢᠯ ᠤᠯᠬᠤ ᠵᠢᠨ ᠲᠦᠯᠦᠭᠡ ᠬᠡᠰᠡᠨ ᠵᠤᠷᠢᠯᠭ᠎ᠠ ᠲᠠᠢ ᠪᠠᠢᠪᠠᠯ ᠶᠠᠮᠠᠷ ᠰᠤᠷᠭᠠᠭᠤᠯᠢ᠂ ᠶᠠᠮᠠᠷ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠰᠤᠨᠭᠭᠤᠬᠤ ᠪᠠᠨ ᠰᠠᠢᠨ ᠰᠤᠳᠤᠯᠬᠤ ᠬᠡᠷᠡᠭᠳᠡᠢ ᠪᠦᠭᠡᠳ ᠰᠢᠯᠭᠠᠨ ᠤᠷᠤᠭᠰᠠᠨ᠎ᠦ ᠲᠠᠷᠠᠭ᠎ᠠ ᠪᠠᠰᠠ ᠪᠠᠶ᠎ᠠ ᠪᠠᠨ ᠰᠤᠯᠠ ᠲᠠᠯᠪᠢᠵᠦ ᠪᠤᠯᠬᠤ ᠦᠭᠡᠢ᠂ ᠪᠠᠶ᠎ᠠ ᠳ᠋ᠡᠭᠡᠨ ᠬᠠᠷᠢᠭᠤᠴᠠᠨ ᠰᠠᠢᠨ ᠰᠤᠷᠬᠤ ᠭᠡᠷᠡᠭᠳᠡᠢ ᠬᠡᠵᠦ ᠲᠡᠭᠦᠦ ᠨᠠᠷ ᠲᠡᠭᠡᠨ ᠵᠦᠪᠯᠡᠶ᠎ᠠ᠃