ᠯᠢᠶᠣᠤ ᠰᠢ ᠯᠦᠩ ᠨᠥᠬᠥᠷᠦᠨ ᠡᠪᠡᠳᠴᠢᠨ ᠬᠦᠨᠳᠦ ᠪᠠᠢᠭᠰᠠᠨ ᠬᠤᠭᠤᠴᠠᠭᠠᠨᠳᠤ ᠪᠠ ᠨᠠᠰᠤ ᠪᠠᠷᠠᠭᠰᠠᠨᠤ ᠲᠠᠷᠠᠭᠠ᠂ ᠰᠢᠶᠢᠨ ᠫᠢᠩ ᠯᠢ ᠴᠢᠶᠠᠩ ᠵᠤᠤ ᠯᠸ ᠵᠢᠢ ᠸᠠᠩ ᠬ᠍ᠤ ᠨᠢᠩ ᠼᠠᠢ ᠴᠢ ᠳ᠋ᠢᠩ ᠰᠢᠦᠸᠠᠢ ᠰᠢᠶᠠᠩ ᠯᠢ ᠰᠢ ᠬᠠᠨ ᠵᠧᠩ ᠬ᠍ᠤ ᠵᠢᠨ ᠲᠤᠤ ᠵᠡᠷᠭᠡ ᠨᠥᠬᠥᠳ ᠡᠮᠨᠡᠯᠭᠡᠶᠢᠨ ᠬᠣᠷᠢᠶᠠᠳᠤ ᠬᠦᠷᠴᠦ ᠪᠤᠯᠭᠤᠭᠠᠨ ᠦᠵᠡᠭᠰᠡᠨ ᠪᠤᠶᠤ ᠤᠯᠠᠨ ᠬᠡᠯᠪᠡᠷᠢᠪᠡᠷ ᠯᠢᠶᠣᠤ ᠰᠢ ᠯᠦᠩ ᠨᠥᠬᠥᠷᠦᠨ ᠨᠠᠰᠤ ᠪᠠᠷᠠᠭᠰᠠᠨᠳᠤ ᠭᠦᠨ ᠡᠮᠭᠡᠨᠢᠨ ᠭᠠᠰᠢᠭᠤᠳᠠᠵᠤ ᠪᠠᠢᠬᠤᠪᠠᠨ ᠢᠯᠡᠳᠬᠡᠬᠦᠶᠢᠨ ᠬᠠᠮᠲᠤ ᠲᠡᠭᠦᠨᠤ ᠲᠦᠷᠦᠯ ᠰᠠᠳᠤᠨᠢ ᠨᠢ ᠳᠣᠲᠣᠨᠣ᠌ᠪᠠᠷ ᠲᠣᠬᠣᠨᠢᠭᠤᠯᠵᠤ ᠪᠠᠢᠬᠤᠪᠠᠨ ᠢᠯᠡᠳᠬᠡᠪᠡ
ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠰᠢᠯᠢᠳᠡᠭ ᠨᠠᠮᠤᠨ ᠭᠡᠰᠢᠭᠦᠨ᠂ ᠤᠷᠳᠤ ᠬᠤᠭᠤᠴᠠᠭᠠᠨᠤ ᠰᠢᠯᠭᠠᠯᠲᠠᠶᠢ ᠥᠩᠭᠡᠷᠡᠭᠡᠭᠰᠡᠨ ᠡᠪ ᠬᠠᠮᠲᠤ ᠶᠣᠰᠣᠨᠤ ᠰᠢᠳᠤᠷᠭᠤ ᠪᠠᠢᠯᠳᠤᠭ᠍ᠴᠢ᠂ ᠮᠠᠨᠤ ᠴᠡᠷᠢᠭᠦᠨ ᠰᠢᠯᠢᠳᠡᠭ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠵᠢᠯᠣᠭᠣᠳᠤᠭ᠍ᠴᠢ᠂ ᠤᠳᠤ ᠦᠶᠡᠶᠢᠨ ᠠᠷᠤ ᠲᠠᠯᠠᠶᠢᠨ ᠠᠵᠢᠯᠢ ᠪᠦᠬᠦ ᠲᠠᠯᠠᠪᠠᠷ ᠪᠦᠲᠦᠭᠡᠨ ᠪᠠᠢᠭᠤᠯᠤᠭᠰᠠᠨ ᠰᠢᠯᠭᠠᠷᠠᠭᠰᠠᠨ ᠤᠳᠤᠷᠢᠳᠬᠤ ᠬᠥᠮᠥᠨ᠂ ᠲᠥᠪᠦᠨ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠡ ᠵᠢᠨ ᠤᠤᠯᠤᠨ ᠭᠡᠰᠢᠭᠦᠨ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ ᠴᠢᠯᠦᠭᠡᠯᠡᠬᠦ ᠴᠡᠷᠢᠭᠦᠨ ᠤᠤᠯᠤᠨ ᠶᠡᠷᠦᠩᠬᠡᠢ ᠠᠷᠤ ᠲᠠᠯᠠᠶᠢᠨ ᠬᠡᠯᠲᠡᠰᠦᠨ ᠳᠠᠷᠤᠭᠠ ᠯᠢᠶᠣᠤ ᠰᠢ ᠯᠦᠩ ᠨᠥᠬᠥᠷ᠂ ᠡᠪᠡᠳᠴᠢᠨ ᠵᠢᠡᠷ 2026 ᠣᠨᠤ 1 ᠰᠠᠷᠠᠶᠢᠨ 23ᠤ᠋ 1 ᠴᠠᠭ 50 ᠮᠢᠨᠦ᠋ᠲᠲᠦ ᠪᠡᠭᠡᠵᠢᠩᠳᠦ ᠨᠠᠰᠤ ᠪᠠᠷᠠᠪᠠ᠂ ᠨᠠᠰᠤᠨ ᠰᠡᠭᠦᠳᠡᠷ 85᠃ 29ᠤ᠋ ᠡᠳᠦᠷ᠂ ᠯᠢᠶᠣᠤ ᠰᠢ ᠯᠦᠩ ᠨᠥᠬᠥᠷᠦᠨ ᠴᠢᠨᠳᠠᠷᠢ ᠪᠡᠭᠡᠵᠢᠩᠦᠨ ᠪᠠᠪᠦᠦᠱᠠᠨᠳᠡᠬᠢ ᠬᠤᠪᠢᠰᠬᠠᠯᠴᠢᠳᠤᠨ ᠨᠡᠶ᠋ᠢᠲᠡᠶᠢᠨ ᠪᠤᠩᠬᠤᠨᠳᠤ ᠳᠡᠭᠳᠡᠭᠡᠪᠡ᠃
ᠯᠢᠶᠣᠤ ᠰᠢ ᠯᠦᠩ ᠨᠥᠬᠥᠷ 1959 ᠣᠨᠤ 1 ᠰᠠᠷᠠᠳᠤ ᠭᠦᠢᠵᠧᠦ ᠮᠤᠵᠢᠶᠢᠨ ᠰᠧ ᠨᠠᠨ ᠰᠢᠶᠠᠨᠡᠴᠡ ᠴᠡᠷᠢᠭᠲᠦ ᠣᠷᠣᠵᠤ᠂ 1963 ᠣᠨᠤ 2 ᠰᠠᠷᠠᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠳᠤ ᠣᠷᠣᠪᠠ᠃ ᠤᠷᠢᠳ ᠬᠣᠵᠢᠳ ᠬᠠᠭᠤᠷᠠᠢ ᠵᠠᠮᠤᠨ ᠴᠡᠷᠢᠭᠦᠨ 11 ᠳ᠋ᠤᠭᠡᠷ ᠠᠷᠮᠢᠶᠢᠨ ᠳᠠᠷᠤᠭᠠ᠂ ᠴᠧᠩᠳᠦ᠋ᠶᠢᠨ ᠴᠡᠷᠢᠭᠦᠨ ᠲᠣᠭᠣᠷᠢᠭ᠋ᠤᠨ ᠳᠡᠳ᠋ ᠺᠤᠮᠠᠨᠲᠠᠯᠠᠭᠴᠢ᠂ ᠺᠤᠮᠠᠨᠲᠠᠯᠠᠭᠴᠢ ᠵᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠪᠠ᠃ 2002 ᠣᠨᠤ 10 ᠰᠠᠷᠠᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ ᠴᠢᠯᠦᠭᠡᠯᠡᠬᠦ ᠴᠡᠷᠢᠭᠦᠨ ᠠᠷᠤ ᠲᠠᠯᠠᠶᠢᠨ ᠠᠵᠢᠯᠤᠨ ᠶᠡᠷᠦᠩᠬᠡᠢ ᠬᠡᠯᠲᠡᠰᠦᠨ ᠳᠠᠷᠤᠭᠠᠶᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠵᠤ᠂ ᠲᠤᠰ ᠵᠢᠯᠦᠨ 11 ᠰᠠᠷᠠᠳᠦ ᠲᠦᠪᠤᠨ ᠴᠡᠷᠢᠭᠤᠨ ᠶᠠᠪᠤᠳᠠᠯᠤᠨ ᠬᠤᠷᠢᠶᠠ ᠵᠢᠨ ᠭᠡᠰᠢᠬᠦᠨᠤ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠪᠠ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠ᠂ ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠬᠤᠭᠤᠴᠠᠭᠠ᠂ ᠠᠷᠪᠠᠨ ᠳᠣᠯᠣᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠲᠥᠪ ᠬᠣᠷᠢᠶᠡ ᠵᠢᠨ ᠭᠡᠰᠢᠭᠦᠨ᠃ 2000 ᠣᠨᠤ 6 ᠰᠠᠷᠠᠳᠤ ᠬᠤᠷᠠᠩᠳᠠ ᠭᠸᠨᠧᠷᠠᠯᠤᠨ ᠴᠡᠷᠢᠭᠦᠨ ᠴᠣᠯᠠ ᠵᠢ ᠬᠦᠷᠳᠡᠪᠡ᠃
ᠯᠢᠶᠣᠤ ᠰᠢ ᠯᠦᠩ ᠨᠥᠬᠥᠷᠦᠨ ᠡᠪᠡᠳᠴᠢᠨ ᠬᠦᠨᠳᠦ ᠪᠠᠢᠭᠰᠠᠨ ᠬᠤᠭᠤᠴᠠᠭᠠᠨᠳᠤ ᠪᠠ ᠨᠠᠰᠤ ᠪᠠᠷᠠᠭᠰᠠᠨᠤ ᠳᠠᠷᠠᠭᠠ᠂ ᠰᠢᠶᠢᠨ ᠫᠢᠩ᠂ ᠯᠢ ᠴᠢᠶᠠᠩ᠂ ᠵᠣᠣ ᠯᠧ ᠵᠢᠢ᠂ ᠸᠠᠩ ᠬ᠍ᠤ ᠨᠢᠩ᠂ ᠼᠠᠢ ᠴᠢ᠂ ᠳ᠋ᠢᠩ ᠰᠢᠦᠸᠠᠢ ᠰᠢᠶᠠᠩ᠂ ᠯᠢ ᠰᠢ᠂ ᠬᠠᠨ ᠵᠧᠩ᠂ ᠬ᠍ᠤ ᠵᠢᠨ ᠲᠤᠤ ᠵᠡᠷᠭᠡ ᠨᠥᠬᠥᠳ ᠡᠮᠨᠡᠯᠭᠡᠶᠢᠨ ᠬᠤᠷᠢᠶᠠᠳᠦ ᠬᠦᠷᠴᠦ ᠪᠤᠯᠭᠤᠭᠠᠨ ᠦᠵᠡᠭᠰᠡᠨ ᠪᠤᠶᠤ ᠤᠯᠠᠨ ᠬᠡᠯᠪᠡᠷᠢᠪᠡᠷ ᠯᠢᠶᠣᠤ ᠰᠢ ᠯᠦᠩ ᠨᠥᠬᠥᠷᠦᠨ ᠨᠠᠰᠤ ᠪᠠᠷᠠᠭᠰᠠᠨᠳᠤ ᠭᠦᠨ ᠡᠮᠭᠡᠨᠢᠨ ᠭᠠᠰᠢᠭᠤᠳᠠᠵᠤ ᠪᠠᠢᠬᠤᠪᠠᠨ ᠢᠯᠡᠳᠬᠡᠬᠦᠶᠢᠨ ᠬᠠᠮᠲᠤ ᠲᠡᠭᠦᠨᠦ ᠲᠥᠷᠥᠯ ᠰᠠᠳᠤᠨᠢ ᠨᠢ ᠳᠣᠲᠣᠨᠣ᠌ᠪᠠᠷ ᠲᠣᠬᠣᠨᠢᠭᠤᠯᠵᠤ ᠪᠠᠢᠬᠤᠪᠠᠨ ᠢᠯᠡᠳᠬᠡᠪᠡ᠃
29 ᠤ᠋ ᠦᠳᠡᠶᠢᠨ ᠡᠮᠦᠨᠡ᠂ ᠪᠠᠪᠦᠦᠱᠠᠨᠳᠡᠬᠢ ᠬᠤᠪᠢᠰᠬᠠᠯᠴᠢᠳᠤᠨ ᠨᠡᠶ᠋ᠢᠲᠡᠶᠢᠨ ᠪᠤᠩᠬᠤᠨᠤ ᠶᠣᠰᠣᠯᠠᠯᠤᠨ ᠲᠠᠩᠬᠢᠮᠳᠦ ᠲᠥᠪ ᠴᠢᠬᠢᠮᠠᠢ ᠪᠠᠢᠵᠤ᠂ ᠭᠠᠰᠢᠭᠤᠳᠠᠯᠤᠨ ᠠᠶᠠᠰ ᠤᠶᠠᠷᠠᠭᠤᠨ ᠨᠠᠮᠬᠠᠨ ᠴᠤᠤᠷᠢᠶᠠᠳᠤᠨᠠ᠃ ᠭᠣᠣᠯ ᠲᠢᠩᠬᠢᠮᠦᠨ ᠳᠡᠭᠡᠷᠡ ᠲᠠᠯᠠᠳᠤ 《 ᠯᠢᠶᠣᠤ ᠰᠢ ᠯᠦᠩ ᠨᠥᠬᠥᠷᠢ ᠡᠮᠭᠡᠨᠢᠨ ᠭᠠᠰᠢᠭᠤᠳᠠᠶᠠ 》 ᠭᠡᠬᠦ ᠬᠠᠷᠠ ᠳᠡᠪᠢᠰᠬᠡᠷ ᠴᠠᠭᠠᠨ ᠦᠰᠦᠭ ᠲᠠᠢ ᠬᠥᠨᠳᠡᠯᠡᠨ ᠪᠢᠴᠢᠭᠡᠰᠦᠶᠢ ᠡᠯᠭᠦᠵᠦ᠂ ᠬᠥᠨᠳᠡᠯᠡᠨ ᠪᠢᠴᠢᠭᠡᠰᠦᠶᠢᠨ ᠳᠣᠣᠷᠠ ᠲᠠᠯᠠᠳᠤ ᠯᠢᠶᠣᠤ ᠰᠢ ᠯᠦᠩ ᠨᠥᠬᠥᠷᠦᠨ ᠬᠦᠷᠦᠭᠢ ᠡᠯᠭᠦᠵᠡᠢ᠃ ᠯᠢᠶᠣᠤ ᠰᠢ ᠯᠦᠩ ᠨᠥᠬᠥᠷᠦᠨ ᠴᠢᠨᠳᠠᠷ ᠰᠣᠷᠭᠣᠭ ᠴᠡᠴᠡᠭ ᠮᠠᠢᠯᠠᠰᠤ ᠵᠢᠨ ᠳᠤᠮᠳᠠ ᠠᠮᠤᠷᠯᠢᠩᠭᠤᠢ ᠬᠡᠪᠳᠡᠵᠤ᠂ ᠪᠡᠶᠡ ᠳᠡᠭᠡᠷᠡ ᠨᠢ ᠭᠠᠯ ᠤᠯᠠᠭᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠲᠤᠭᠢ ᠬᠤᠴᠢᠵᠠᠢ᠃
ᠨᠠᠮ᠂ ᠤᠯᠤᠰ᠂ ᠴᠡᠷᠢᠭ ᠠᠩᠭᠢᠶᠢᠨ ᠬᠤᠯᠪᠤᠭᠳᠠᠯ ᠪᠦᠬᠦᠢ ᠤᠳᠤᠷᠢᠳᠬᠤ ᠨᠥᠬᠥᠳ ᠬᠦᠷᠴᠦ ᠠᠶᠠᠷᠯᠠᠨ ᠮᠣᠷᠳᠠᠭᠤᠯᠤᠭᠰᠠᠨ ᠪᠤᠶᠤ ᠤᠯᠠᠨ ᠬᠡᠯᠪᠡᠷᠢᠪᠡᠷ ᠡᠮᠭᠡᠨᠢᠨ ᠭᠠᠰᠢᠭᠤᠳᠠᠵᠤ ᠪᠠᠢᠬᠤᠪᠠᠨ ᠢᠯᠡᠳᠬᠡᠪᠡ᠃ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠡ ᠵᠢᠨ ᠪᠠᠢᠭᠤᠯᠭᠠ ᠵᠢᠨ ᠡᠯᠡ ᠰᠠᠯᠠᠭᠠ ᠮᠥᠴᠢᠷ᠂ ᠴᠡᠷᠢᠭ ᠠᠩᠭᠢᠶᠢᠨ ᠪᠡᠭᠡᠵᠢᠩᠳᠦ ᠰᠠᠭᠤᠭᠠ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠨᠢᠭᠡᠴᠢᠶᠢᠨ ᠤᠳᠤᠷᠢᠳᠤᠯᠭᠠ ᠪᠣᠯᠣᠨ ᠴᠡᠷᠢᠭ ᠠᠩᠭᠢᠶᠢᠨ ᠳᠠᠷᠤᠭᠠ ᠪᠠᠢᠯᠳᠤᠭ᠍ᠴᠢᠳᠤᠨ ᠲᠥᠯᠥᠭᠡᠯᠡᠭᠴᠢ᠂ ᠯᠢᠶᠣᠤ ᠰᠢ ᠯᠦᠩ ᠨᠥᠬᠥᠷᠦᠨ ᠠᠮᠢᠳᠤ ᠰᠡᠷᠡᠭᠦᠨ ᠪᠠᠢᠬᠤ ᠦᠶᠡᠶᠢᠨ ᠨᠠᠢᠵᠠ ᠪᠣᠯᠣᠨ ᠨᠤᠲᠤᠭᠤᠨ ᠬᠢᠨᠢ ᠲᠥᠯᠥᠭᠡᠯᠡᠭᠴᠢ ᠪᠠᠰᠠ ᠬᠦᠷᠤᠯᠴᠡᠨ ᠢᠷᠡᠵᠤ ᠠᠶᠠᠷᠯᠠᠨ ᠮᠣᠷᠳᠠᠭᠤᠯᠵᠠᠢ᠃
（ᠰᠢᠨᠬᠤᠸᠠ ᠬᠣᠷᠢᠶᠡ ᠵᠢᠨ ᠪᠡᠭᠡᠵᠢᠩᠦᠨ 1 ᠰᠠᠷᠠᠶᠢᠨ 29 ᠤ᠋ ᠴᠠᠬᠢᠯᠭᠠᠨ ᠮᠡᠳᠡᠭᠡ）