— ᠤᠯᠠᠭᠠᠨ ᠮᠤᠷᠢᠨ ᠵᠢᠯᠤᠨ ᠴᠠᠭᠠᠨ ᠰᠠᠷᠠᠳᠤ ᠵᠤᠷᠢᠭᠤᠯᠤᠭᠰᠠᠨ ᠤᠨᠴᠠ ᠤᠬᠠᠭᠠᠯᠠᠯ （ ᠳᠥᠷᠪᠡ）
ᠠᠳᠤᠭᠤ ᠨᠢ ᠬᠦᠴᠦᠨ ᠴᠢᠳᠠᠯ᠂ ᠡᠷᠡᠯᠬᠡᠭ ᠪᠠᠭᠠᠲᠤᠷ ᠪᠠ ᠦᠨᠡᠨᠴᠢ ᠱᠢᠳᠤᠷᠭᠤᠶ᠋ᠢᠨ ᠪᠡᠯᠭᠡᠳᠡᠯ ᠪᠤᠯᠵᠤ᠂ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠠᠴᠠ ᠤᠶᠤᠨ ᠰᠠᠨᠠᠭᠠᠨᠤ᠋ ᠬᠦᠨ ᠳ᠋ᠤ ᠬᠦᠷᠲᠡᠯᠡ᠂ ᠪᠣᠳᠠᠰᠤᠨ ᠠᠴᠢᠶᠠᠯᠠᠪᠤᠷᠢᠠᠴᠠ ᠰᠣᠶᠣᠯᠤᠨ ᠢᠮ ᠲᠠᠮᠠᠭᠠ ᠪᠤᠯᠲᠠᠯᠠ ᠳᠤᠮᠳᠠᠳᠤ ᠢ᠋ᠢᠨ ᠦᠨᠳᠦᠰᠦᠲᠡᠨ ᠤ᠋ ᠰᠡᠳᠬᠢᠯ ᠵᠢᠷᠦᠭᠡᠨ ᠳ᠋ᠤ ᠬᠠᠳᠠᠡᠭᠰᠢᠵᠡᠢ᠃ ᠠᠳᠤᠭᠤ ᠢ᠋ᠢ ᠭᠠᠷᠰᠢᠭᠤᠯᠵᠤ᠂ ᠠᠷᠠᠴᠢᠯᠠᠨ ᠮᠠᠯᠵᠢᠵᠤ᠂ ᠡᠳ᠋ᠯᠡᠵᠤ ᠠᠰᠢᠭᠯᠠᠬᠰᠠᠨ ᠲᠡᠤᠬᠡ ᠢ᠋ᠢᠨ ᠤᠷᠲᠤ ᠠᠶᠠᠨ ᠳ᠋ᠤ ᠳᠤᠮᠳᠠᠳᠤ ᠢ᠋ᠢᠨ ᠦᠨᠳᠦᠰᠦᠲᠡᠨ ᠠᠳᠤᠭᠤ ᠲᠠᠢ ᠳᠤᠲᠤᠨᠤ ᠢ᠋ᠢᠨ ᠠᠨᠳᠠ ᠵᠢᠡᠭᠬᠢᠨᠢ ᠬᠠᠨᠢ ᠪᠤᠯᠵᠦ᠂ ᠠᠳᠤᠭᠤ ᠮᠠᠯ ᠢ᠋ ᠡᠳ᠋ᠯᠡᠵᠤ ᠬᠡᠷᠡᠭᠯᠡᠬᠦ ᠳ᠋ᠤ ᠲᠤᠬᠢᠷᠠᠮᠵᠢᠲᠠᠢ ᠤᠯᠠᠨ ᠠᠷᠪᠢᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢ᠋ ᠡᠭᠦᠳᠦᠨ ᠪᠦᠲᠦᠭᠡᠵᠤ᠂ ᠦᠡᠭᠭᠡ ᠵᠢᠰᠤᠮ ᠢ᠋ ᠲᠤᠳᠤᠷᠬᠠᠢᠯᠠᠨ ᠨᠡᠷᠡᠢᠳᠴᠤ᠂ ᠠᠳᠤᠭᠤᠨ ᠤ᠋ ᠲᠤᠬᠠᠢ ᠢᠷᠦᠭᠡᠯ ᠮᠠᠭᠲᠠᠭᠠᠯ᠂ ᠳᠠᠭᠤᠤ ᠰᠢᠯᠦᠭ᠂ ᠦᠯᠢᠭᠡᠷ ᠳᠤᠮᠤᠭ᠂ ᠵᠦᠢᠷ ᠰᠠᠴᠠᠨ ᠦᠭᠡ ᠬᠦᠷᠳᠡᠯᠡ ᠮᠠᠰᠢ ᠤᠯᠠᠨ ᠵᠤᠬᠢᠶᠠᠬᠳᠠᠨ᠂ ᠦᠪᠡᠷᠮᠢᠴᠠ ᠤᠨᠴᠠᠯᠢᠭ ᠲᠠᠢ ᠦᠨᠳᠦᠰᠤᠲᠠᠨ ᠤ᠋ ᠰᠤᠶᠤᠯ ᠢ᠋ ᠪᠦᠷᠢᠯᠳᠦᠭᠦᠯᠦᠭᠡᠳ᠂ ᠬᠦᠮᠦᠨ ᠲᠦᠷᠦᠯᠬᠢᠳᠡᠨᠤ ᠰᠤᠶᠤᠯ ᠪᠤᠯᠪᠠᠰᠤᠨᠤ ᠨᠢᠭᠡᠨ ᠲᠠᠯᠠᠰᠳᠤ ᠪᠤᠯᠵᠦ᠂ ᠤᠳᠤ ᠬᠦᠷᠲᠡᠯᠠ ᠦᠪᠯᠡᠨ ᠤᠯᠠᠮᠵᠢᠯᠠᠭᠰᠠᠭᠠᠷ ᠪᠠᠢᠭᠠ ᠪᠢᠯᠡ᠃
ᠠᠳᠤᠭᠤᠨ ᠵᠢᠰᠤᠮ
ᠠᠳᠤᠭᠤᠨ ᠰᠤᠶᠤᠯ ᠳ᠋ᠤ ᠠᠳᠤᠭᠤ ᠢ᠋ᠢ ᠵᠢᠰᠤᠯᠠᠬᠦ᠂ ᠨᠡᠷᠡᠯᠡᠬᠦ ᠨᠢ ᠪᠠᠰᠠ ᠨᠢᠭᠡᠨ ᠬᠡᠯᠡ ᠰᠢᠨᠵᠢᠯᠡᠯ ᠤ᠋ᠨ ᠤᠬᠠᠭᠠᠨ ᠪᠢᠯᠡ᠃ ᠬᠠᠰᠢᠷ ᠲᠤᠷᠰᠢᠯᠭᠠ ᠲᠠᠢ ᠮᠠᠯᠴᠢᠳ ᠠᠳᠤᠭᠤᠨ ᠤ᠋ ᠦᠰᠦ ᠪᠠ ᠲᠡᠮᠳᠡᠭ ᠤ᠋ᠨ ᠬᠢᠨᠢ ᠦᠡᠭᠭᠡ ᠵᠢᠰᠤ ᠢ᠋ᠢ ᠦᠨᠳᠦᠰᠦᠯᠡᠨ ᠲᠤᠰ ᠲᠤᠰ ᠲᠤᠨᠢ ᠢᠯᠭᠠᠨ ᠨᠡᠷᠡᠯᠡᠳᠡᠭ᠃ ᠠᠳᠤᠭᠤᠨ ᠤ᠋ ᠵᠢᠰᠤᠮ ᠢ᠋ ᠶᠡᠬᠡᠡᠭᠬᠢ ᠳ᠋ᠡᠭᠡᠨ ᠠᠯᠤᠰ ᠡᠴᠡ ᠪᠠᠷᠠᠯᠠᠬᠤ ᠵᠢᠰᠤᠮ᠂ ᠳᠠᠡᠭ ᠵᠢᠰᠤᠮ᠂ ᠳᠠᠪᠬᠤᠷ ᠵᠢᠰᠤᠮ᠂ ᠲᠡᠮᠳᠡᠭ ᠵᠢᠰᠤᠮ᠂ ᠲᠤᠳᠤᠳᠬᠠᠯ ᠵᠢᠰᠤᠮ ᠳᠦᠷᠪᠡᠨ ᠲᠦᠷᠦᠯ ᠬᠤᠪᠢᠶᠠᠳᠠᠭ᠃ ᠠᠳᠤᠭᠤᠨ ᠵᠢᠰᠤᠮᠤᠨ ᠨᠡᠷᠡᠢᠳᠦᠯ ᠨᠢ ᠪᠠᠢᠭᠠᠯᠢ ᠵᠢᠨ ᠬᠠᠮᠤᠭᠤᠨ ᠪᠦᠷᠢᠨ ᠬᠦᠢᠴᠡᠳ ᠦᠩᠭᠡ ᠵᠢ ᠢᠯᠭᠠᠭᠰᠠᠨ ᠨᠡᠷᠡ ᠪᠤᠯᠤᠭᠰᠨᠨ ᠪᠠᠢᠳᠠᠭ᠃
1. ᠠᠯᠤᠰ ᠡᠴᠡ ᠪᠠᠷᠠᠯᠠᠬᠤ ᠵᠢᠰᠤᠮ ᠢ᠋ ᠪᠠᠷᠠᠭᠠᠨ ᠵᠢᠰᠤᠮ ᠪᠠ ᠴᠠᠢᠪᠤᠷ ᠵᠢᠰᠤᠮ ᠭᠡᠵᠤ ᠬᠤᠪᠢᠶᠠᠨᠠ᠃
ᠴᠠᠢᠪᠤᠷ ᠵᠢᠰᠤᠮ — ᠴᠠᠭᠠᠨ᠂ ᠰᠠᠷᠠᠯ᠂ ᠴᠠᠪᠢᠳᠠᠷ᠂ ᠰᠢᠷᠭᠠ᠂ ᠬᠤᠯᠠ᠂ ᠬᠤᠸᠠ᠂ ᠵᠠᠭᠠᠯ ᠵᠡᠷᠭᠡ ᠨᠢ ᠴᠠᠭᠠᠪᠲᠤᠷᠬᠠᠨ ᠴᠠᠢᠷᠡᠵᠤ ᠦᠵᠡᠭᠳᠡᠳᠡᠭ ᠤᠴᠢᠷ ᠡᠴᠡ ᠴᠠᠢᠪᠤᠷ ᠵᠢᠰᠤᠮ ᠳ᠋ᠤ ᠲᠤᠭᠠᠴᠠᠭᠳᠠᠳᠠᠭ᠃
ᠪᠠᠷᠠᠭᠠᠨ ᠵᠢᠰᠤᠮ — ᠬᠠᠷᠠ᠂ ᠬᠡᠭᠡᠷ᠂ ᠬᠠᠯᠲᠠᠷ᠂ ᠬᠦᠷᠡᠡᠭ᠂ ᠵᠠᠭᠡᠷᠳᠡ᠂ ᠪᠤᠷᠤ᠂ ᠬᠠᠯᠢᠭᠤᠨ᠂ ᠤᠯᠠᠭᠠᠨ ᠵᠡᠷᠭᠡ ᠵᠢᠰᠤᠮ ᠬᠠᠷᠠᠪᠳᠤᠷᠬᠠᠨ ᠪᠠᠷᠠᠭᠠᠨ ᠦᠡᠭᠭᠡᠲᠡᠢ ᠦᠵᠡᠭᠳᠡᠳᠡᠭ ᠡᠴᠡ ᠪᠠᠷᠠᠭᠠᠨ ᠵᠢᠰᠤᠮ ᠳ᠋ᠤ ᠲᠤᠭᠠᠴᠠᠭᠳᠠᠳᠠᠭ᠃
2. ᠤᠢᠷᠠ ᠢ᠋ᠢᠨ ᠬᠠᠷᠠᠭᠠᠨ ᠳ᠋ᠤ ᠦᠵᠡᠭᠳᠡᠬᠦ ᠠᠳᠤᠭᠤ ᠢ᠋ᠢ ᠲᠠᠡᠭ ᠵᠢᠰᠤᠮ ᠪᠠ ᠳᠠᠪᠬᠤᠷ ᠵᠢᠰᠤᠮ ᠭᠡᠵᠤ ᠬᠤᠪᠢᠶᠠᠨᠠ᠃
ᠲᠠᠡᠭ ᠵᠢᠰᠤᠮ — ᠪᠤᠰᠤᠳ ᠦᠡᠭᠭᠡ ᠬᠤᠯᠢᠯᠳᠤᠬᠰᠠᠨ ᠦᠭᠡᠢ᠂ ᠭᠠᠭᠴᠠ ᠦᠡᠭᠭᠡ ᠢ᠋ᠢᠨ ᠵᠢᠰᠤᠮ ᠢ᠋ ᠬᠡᠯᠡᠵᠤ ᠪᠤᠢ᠃ ᠡᠭᠦᠨ ᠳ᠋ᠤ ᠴᠠᠭᠠᠨ᠂ ᠬᠠᠷᠠ᠂ ᠬᠡᠭᠡᠷ᠂ ᠵᠡᠭᠡᠷᠳᠡ᠂ ᠰᠢᠷᠭᠠ᠂ ᠬᠦᠷᠡᠡᠭ ᠵᠡᠷᠭᠡ ᠵᠢᠰᠤᠮ ᠪᠤᠢ᠃
ᠳᠠᠪᠬᠤᠷ ᠵᠢᠰᠤᠮ — ᠬᠤᠶᠠᠷ ᠪᠤᠶᠤ ᠬᠤᠶᠠᠷ ᠡᠴᠡ ᠳᠡᠭᠡᠭᠰᠢ ᠲᠤᠭᠠᠨ ᠤ᠋ ᠦᠡᠭᠭᠡ ᠢ᠋ᠢᠨ ᠦᠰᠤ ᠨᠡᠢᠯᠡᠯᠳᠤᠵᠤ ᠪᠠᠢᠪᠠᠯ ᠳᠠᠪᠬᠤᠷ ᠵᠢᠰᠦᠮ ᠲᠠᠢ ᠭᠡᠨᠠ᠃ ᠡᠭᠦᠨ ᠳ᠋ᠤ ᠠᠯᠠᠭ᠂ ᠴᠤᠬᠤᠷ᠂ ᠪᠤᠭᠤᠷᠤᠯ᠂ ᠰᠠᠭᠠᠷᠠᠯ᠂ ᠬᠤᠯᠠ᠂ ᠬᠠᠯᠢᠭᠤᠨ᠂ ᠴᠠᠪᠢᠳᠠᠷ ᠵᠡᠷᠭᠡ ᠵᠢᠰᠤᠮ ᠪᠤᠢ᠃
3. ᠲᠡᠮᠳᠡᠭ ᠵᠢᠰᠤᠮ — ᠮᠤᠷᠢᠨ ᠤ᠋ ᠳᠡᠯ᠂ ᠰᠡᠭᠦᠯ᠂ ᠲᠤᠯᠤᠭᠠᠢ᠂ ᠮᠠᠡᠭᠨᠠᠢ᠂ ᠴᠢᠬᠢ᠂ ᠨᠢᠳᠤ᠂ ᠰᠢᠬᠢᠷᠠ ᠲᠤᠭᠤᠷᠠᠢ᠂ ᠨᠢᠷᠤᠭᠤ᠂ ᠭᠡᠳᠡᠰᠤ ᠵᠡᠷᠭᠡ ᠭᠠᠵᠠᠷ ᠲᠤᠨᠢ ᠪᠠᠢᠭᠠ ᠦᠰᠦᠨ ᠤ᠋ ᠦᠡᠭᠭᠡ ᠪᠤᠶᠤ ᠲᠡᠮᠳᠡᠭ ᠢ᠋ ᠨᠢ ᠪᠡᠶᠠ ᠢ᠋ᠢᠨ ᠬᠢᠨᠢ ᠵᠢᠰᠤᠮ ᠲᠠᠢ ᠬᠤᠯᠪᠤᠵᠤ ᠨᠡᠷᠡᠯᠡᠬᠦ ᠢ᠋ᠢ ᠬᠡᠯᠡᠵᠤ ᠪᠠᠢᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠬᠠᠮᠠᠷ ᠴᠠᠭᠠᠨ ᠬᠤᠯᠠ᠂ ᠲᠠᠯ ᠴᠠᠭᠠᠨ ᠰᠢᠷᠭᠠ ᠭᠡᠭᠦ ᠮᠡᠲᠤ᠃
4. ᠲᠤᠳᠤᠳᠬᠠᠯ ᠵᠢᠰᠤᠮ — ᠮᠤᠷᠢᠨ ᠤ᠋ ᠦᠨᠳᠦᠰᠦᠨ ᠵᠢᠰᠤᠮ ᠳᠡᠭᠡᠷᠠ ᠲᠤᠳᠤᠳᠬᠠᠯ ᠨᠡᠮᠡᠵᠤ ᠨᠡᠷᠡᠯᠡᠬᠦ ᠢ᠋ᠢ ᠬᠡᠯᠡᠵᠤ ᠪᠤᠢ᠃ ᠵᠢᠱ᠌ᠢᠶᠡᠯᠡᠪᠡᠯ ᠰᠢᠪᠠᠭᠤᠨ ᠰᠡᠷᠡᠯ᠂ ᠭᠠᠡᠭᠭᠠᠡᠭ ᠬᠠᠷᠠ᠂ ᠡᠭᠦᠯᠡᠨ ᠪᠤᠷᠤ ᠭᠡᠭᠦ ᠮᠡᠲᠤ᠃
ᠠᠳᠤᠭᠤᠨ ᠤ᠋ ᠡᠳ᠋ᠯᠡᠯ ᠬᠡᠷᠡᠭᠰᠡᠯ
ᠠᠳᠤᠭᠤ ᠵᠢ ᠭᠠᠷᠰᠢᠭᠤᠯᠤᠭᠰᠠᠨ ᠤᠷᠳᠤ ᠬᠤᠭᠤᠴᠠᠭᠠᠨᠤ ᠲᠡᠦᠭᠡᠨ ᠶᠠᠪᠤᠴᠠᠳᠤ᠂ ᠮᠤᠩᠭᠤᠯᠴᠤᠳ ᠠᠳᠤᠭᠤ ᠵᠢ ᠦᠪᠡᠷᠤᠨ ᠵᠢᠡᠨ ᠰᠠᠨᠠᠭᠠ ᠪᠠᠷ ᠤᠷᠤᠭᠤᠯᠵᠦ᠂ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠳᠠᠭᠠᠨ ᠦᠢᠯᠡᠴᠢᠯᠡᠬᠦᠯᠬᠦ ᠵᠢᠨ ᠲᠦᠯᠦᠭᠡ ᠮᠠᠰᠢ ᠤᠯᠠᠨ ᠡᠳ᠋ᠯᠡᠯ ᠭᠡᠷᠡᠭᠰᠡᠯᠢ ᠡᠭᠦᠳᠦᠨ ᠪᠦᠲᠦᠭᠡᠭᠰᠡᠨ ᠪᠦᠭᠡᠳ ᠡᠳᠡᠭᠡᠷ ᠡᠳ᠋ᠯᠡᠯ ᠭᠡᠷᠡᠭᠰᠡᠯᠳᠤ ᠤᠨᠴᠠᠯᠢᠬᠳᠤ ᠨᠡᠷᠡ ᠦᠭᠡ ᠬᠠᠢᠷᠠᠯᠠᠨ᠂ ᠦᠭᠡ ᠬᠡᠯᠡᠨᠤ ᠦᠭᠡᠰᠤᠨ ᠰᠠᠩ ᠵᠢᠡᠨ ᠪᠠᠶᠠᠯᠢᠬᠵᠢᠭᠤᠯᠤᠭᠰᠠᠨ ᠶᠤᠮ᠃
ᠨᠠᠷᠠᠨ ᠰᠡᠷᠡᠨ ᠪᠦᠭᠦᠷᠭᠡ ᠲᠠᠢ
ᠨᠠᠶᠠᠨ ᠬᠤᠶᠠᠷ ᠭᠠᠨᠵᠤᠭᠠ ᠲᠠᠢ
ᠨᠠᠪᠴᠢᠨ ᠰᠠᠢᠬᠠᠨ ᠬᠦᠯᠢᠮ ᠲᠠᠢ
ᠨᠠᠷᠢᠨ ᠨᠤᠤᠰᠤᠨ ᠲᠤᠬᠤᠮ ᠲᠠᠢ
ᠲᠤᠯᠢ ᠳᠦᠭᠦᠷᠢᠭ ᠬᠠᠵᠠᠭᠠᠷ ᠲᠠᠢ
ᠲᠤᠷᠭᠠᠨ ᠤᠲᠠᠰᠤᠨ ᠤᠯᠤᠡᠭ ᠲᠠᠢ
ᠬᠦᠷᠡᠯ ᠪᠤᠯᠤᠳ ᠳᠦᠷᠦᠭᠡ ᠲᠠᠢ
ᠬᠦᠮᠦᠯᠳᠦᠷᠭᠡ ᠬᠤᠳᠠᠷᠭᠠ ᠴᠢᠮᠡᠭ ᠲᠠᠢ ᠁
ᠠᠳᠤᠭᠤᠨ ᠤ᠋ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠤ᠋ᠨ ᠨᠢᠭᠡ ᠪᠤᠯᠬᠤ 《ᠡᠮᠡᠭᠡᠯ》 ᠢ᠋ ᠮᠤᠡᠭᠭᠤᠯᠴᠤᠳ ᠡᠢᠨ ᠬᠦ᠌ ᠮᠠᠭᠲᠠᠲᠠᠭ᠃ ᠡᠮᠡᠭᠡᠯᠳᠤ ᠬᠤᠷᠴᠢᠨ᠂ ᠪᠠᠷᠭᠤ᠂ ᠦᠵᠦᠮᠦᠴᠢᠨ᠂ ᠰᠦᠨᠢᠳ᠂ ᠠᠪᠠᠭᠠ᠂ ᠴᠠᠬᠠᠷ᠂ ᠤᠷᠳᠤᠰᠤᠨ ᠡᠮᠡᠭᠡᠯ ᠨᠢ ᠪᠦᠷ ᠦᠪᠡᠷ ᠦᠪᠡᠷᠤᠨ ᠵᠢᠡᠨ ᠤᠨᠴᠠᠯᠢᠬ ᠲᠠᠢ᠂ ᠠᠳᠠᠯᠢ ᠪᠤᠰᠤ ᠪᠠᠢᠳᠠᠭ᠃ ᠡᠮᠡᠭᠡᠯ ᠭᠡᠳᠡᠭ ᠪᠤᠯ ᠮᠤᠷᠢᠨ ᠤ᠋ ᠨᠢᠷᠤᠭᠤᠨ ᠳ᠋ᠤ ᠲᠤᠬᠤᠳᠠᠭ᠂ ᠪᠦᠬᠦᠷᠭᠡ᠂ ᠬᠠᠪᠲᠠᠰᠤ᠂ ᠬᠤᠡᠭᠭᠤ᠂ ᠬᠢᠷᠠ᠂ ᠳᠦᠷᠦᠭᠡ᠂ ᠤᠯᠤᠡᠭ᠂ ᠵᠢᠷᠢᠮ᠂ ᠪᠠᠭᠠᠪᠤᠷ᠂ ᠭᠠᠨᠵᠤᠭᠠ᠂ ᠲᠤᠪᠤᠷᠤᠤ᠂ ᠲᠤᠬᠤᠮ᠂ ᠬᠦᠯᠢᠮ ᠵᠡᠷᠭᠡ ᠡᠴᠡ ᠪᠦᠷᠢᠳᠦᠭᠰᠡᠨ ᠤᠨᠤᠵᠤ ᠡᠳ᠋ᠯᠡᠬᠦ ᠬᠡᠷᠡᠭᠯᠡᠯ ᠶᠤᠮ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠠᠳᠤᠭᠤᠨ ᠤ᠋ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠳ᠋ᠤ ᠤᠷᠭᠠ᠂ ᠴᠠᠯᠮᠠ᠂ ᠪᠤᠭᠤᠢᠯᠢ ᠵᠡᠷᠭᠡ ᠪᠠᠷᠢᠬᠤ ᠬᠡᠷᠡᠭᠯᠡᠯ； ᠨᠤᠭᠲᠤ᠂ ᠬᠠᠵᠠᠭᠠᠷ᠂ ᠴᠢᠳᠤᠷ ᠵᠡᠷᠭᠡ ᠲᠤᠭᠲᠠᠭᠠᠬᠤ ᠬᠡᠷᠡᠭᠯᠡᠯ； ᠱᠤᠡᠭ᠂ ᠵᠠᠯᠠ᠂ ᠠᠷᠭᠠᠮᠵᠢᠶᠠ ᠵᠡᠷᠭᠡ ᠪᠠᠢᠡᠭᠭᠤᠯᠠᠬᠤ ᠬᠡᠷᠡᠭᠯᠡᠯ ᠪᠠᠢᠳᠠᠭ᠃
ᠤᠷᠭᠠ — ᠠᠳᠤᠭᠤ ᠬᠠᠷᠢᠭᠤᠯᠬᠤ ᠪᠤᠶᠤ ᠮᠤᠷᠢ ᠪᠠᠷᠢᠬᠤ ᠳ᠋ᠤ ᠬᠡᠷᠡᠭᠯᠡᠳᠡᠭ ᠦᠵᠦᠭᠦᠷ ᠲᠡᠭᠡᠨ ᠬᠤᠢᠪᠢ ᠲᠠᠢ ᠨᠠᠷᠢᠨ ᠤᠷᠲᠤ ᠮᠤᠳᠤ᠃
ᠵᠠᠯᠠ — ᠮᠤᠷᠢ ᠤᠨᠤᠭᠠ ᠤᠶᠠᠬᠤ ᠳ᠋ᠤ ᠪᠡᠯᠡᠳᠬᠡᠭᠰᠡᠨ ᠱᠤᠡᠭ᠂ ᠮᠤᠳᠤ᠂ ᠳᠡᠭᠡᠰᠤ ᠵᠠᠷᠭᠡ ᠬᠡᠷᠡᠭᠰᠡᠯ᠃
ᠨᠤᠭᠲᠤ — ᠠᠳᠤᠭᠤᠨ ᠤ᠋ ᠲᠤᠯᠤᠭᠠᠢ ᠳ᠋ᠤ ᠵᠠᠭᠦᠯᠭᠡᠵᠤ᠂ ᠤᠶᠠᠬᠤ ᠪᠤᠶᠤ ᠬᠦᠳᠦᠯᠵᠤ ᠶᠠᠪᠤᠬᠤ ᠳ᠋ᠤ ᠵᠤᠷᠢᠭᠤᠯᠤᠨ ᠵᠠᠡᠭᠭᠢᠳᠴᠤ ᠬᠢᠭᠰᠡᠨ ᠰᠢᠯᠢ᠂ ᠬᠠᠴᠠᠷ᠂ ᠰᠠᠭᠠᠯᠳᠤᠷᠭᠠ᠂ ᠡᠷᠡᠤᠪᠴᠢ᠂ ᠴᠤᠯᠪᠤᠭᠤᠷ᠂ ᠭᠤᠭᠴᠤᠭᠠ ᠵᠡᠷᠭᠡ ᠪᠡᠷ ᠪᠦᠷᠢᠯᠳᠦᠭᠰᠡᠨ ᠬᠡᠷᠡᠭᠰᠡᠯ᠃
ᠬᠠᠵᠠᠭᠠᠷ — ᠮᠤᠷᠢᠨ ᠤ᠋ ᠲᠤᠯᠤᠭᠠᠢ ᠳ᠋ᠤ ᠤᠭᠯᠠᠵᠤ᠂ ᠠᠮᠠᠭᠠᠢᠯᠠᠵᠤ ᠵᠠᠯᠠᠬᠤ ᠵᠤᠷᠢᠯᠭᠠ ᠪᠡᠷ ᠬᠢᠭᠰᠡᠨ ᠠᠮᠠᠭᠠᠢ᠃
ᠴᠢᠳᠤᠷ — ᠮᠤᠷᠢ ᠮᠠᠯ ᠢ᠋ ᠬᠤᠯᠠ ᠶᠠᠪᠤᠬᠤ ᠡᠴᠡ ᠰᠡᠷᠭᠡᠢᠯᠡᠵᠤ᠂ ᠭᠤᠷᠪᠠᠨ ᠬᠦᠯ （ᠡᠮᠦᠨᠠ ᠬᠤᠶᠠᠷ ᠬᠦᠯ ᠪᠠ ᠵᠦᠪ ᠲᠠᠯᠠ ᠢ᠋ᠢᠨ ᠬᠤᠢᠳᠤ ᠬᠦᠯ） ᠢ᠋ ᠨᠢ ᠲᠤᠷᠭᠤᠵᠤ ᠴᠢᠭᠲᠠᠯᠠᠬᠤ ᠬᠡᠷᠡᠭᠰᠡᠯ᠃
ᠠᠷᠭᠠᠮᠵᠢᠶᠠ — ᠮᠤᠷᠢ ᠢ᠋ᠢ ᠢᠳᠡᠰᠢᠯᠡᠭᠦᠯᠬᠦ ᠳ᠋ᠡᠭᠡᠨ ᠬᠡᠷᠡᠭᠯᠡᠬᠦ ᠭᠠᠳᠠᠰᠤ ᠲᠠᠢ ᠤᠷᠲᠤ ᠤᠶᠠᠭᠠ （ᠰᠤᠷ ᠪᠤᠶᠤ ᠳᠡᠭᠡᠰᠤ᠂ ᠤᠯᠤᠰᠤ ᠵᠡᠷᠭᠡ）
ᠲᠠᠰᠢᠭᠤᠷ — ᠮᠤᠷᠢ ᠢ᠋ᠢ ᠲᠦᠷᠭᠡᠨ ᠶᠠᠪᠤᠭᠤᠯᠬᠤ ᠳ᠋ᠤ ᠵᠤᠷᠢᠭᠤᠯᠤᠭᠰᠠᠨ ᠡᠰᠢ ᠂ ᠰᠤᠷ᠂ ᠰᠡᠭᠡᠯᠳᠦᠷᠭᠡ ᠪᠦᠬᠦᠢ ᠬᠡᠷᠡᠭᠰᠡᠯ᠃
ᠠᠳᠤᠭᠤᠨ ᠤ᠋ ᠶᠠᠪᠤᠳᠠᠯ
ᠠᠳᠤᠭᠤᠨ ᠤ᠋ ᠬᠦᠯ ᠤ᠋ᠨ ᠬᠢᠰᠬᠢᠳᠡᠯ᠂ ᠬᠦᠳᠡᠯᠭᠡᠭᠡᠨ ᠢ᠋ ᠶᠠᠪᠤᠳᠠᠯ ᠭᠡᠵᠤ ᠬᠡᠯᠡᠳᠡᠭ᠃
ᠠᠳᠤᠭᠤᠨ ᠤ᠋ ᠶᠠᠪᠤᠳᠠᠯ ᠢ᠋ ᠠᠯᠬᠤᠬᠤ ᠢ᠋ᠢᠨ ᠠᠳᠠᠯᠢ ᠦᠭᠡᠢ ᠡᠴᠡ ᠠᠯᠬᠤᠭᠠ᠂ ᠱᠤᠭᠰᠢᠶᠠ᠂ ᠳᠦᠡᠭᠰᠢᠶᠠ᠂ ᠶᠦᠷᠭᠡᠭᠡ᠂ ᠬᠠᠲᠠᠷᠢᠶᠠ᠂ ᠴᠤᠬᠬᠢᠶᠠ᠂ ᠳᠠᠪᠬᠢᠶᠠ᠂ ᠵᠢᠷᠤᠭᠠ ᠭᠡᠭᠦᠴᠢᠯᠡᠨ ᠠᠡᠭᠭᠢᠯᠡᠵᠤ ᠨᠡᠷᠡᠯᠡᠳᠡᠭ᠃ ᠬᠠᠷᠢᠨ ᠤᠳᠤᠬᠠᠨᠤ ᠤᠯᠠᠨ ᠤᠯᠤᠰᠤᠨ ᠮᠤᠷᠢᠨᠤ ᠤᠷᠤᠯᠳᠤᠭᠠᠨᠳᠤ ᠬᠤᠷᠳᠤᠨ ᠮᠤᠷᠢᠨᠤ ᠤᠷᠤᠯᠳᠤᠭᠠᠨ ᠡᠴᠡ ᠭᠠᠳᠠᠨᠠ ᠬᠠᠳᠠᠷᠢᠶᠠ ᠮᠤᠷᠢᠨᠤ ᠤᠷᠤᠯᠳᠤᠭᠠᠨ᠂ ᠵᠢᠷᠤᠭᠠ ᠮᠤᠷᠢᠨᠤ ᠤᠷᠤᠯᠳᠤᠭᠠᠨ ᠶᠠᠪᠤᠭᠳᠠᠭᠤᠯᠳᠠᠬ ᠪᠦᠭᠡᠳ ᠬᠠᠳᠠᠷᠢᠶᠠ ᠵᠢᠷᠤᠭᠠ ᠵᠢ ᠨᠢ ᠪᠠᠰᠠ ᠤᠷᠤᠰᠤᠮᠠ ᠵᠢᠷᠤᠭᠠ᠂ ᠤᠨᠠᠭᠠᠨ ᠵᠢᠷᠤᠭᠠ ᠭᠡᠬᠦ ᠮᠡᠳᠤ ᠪᠡᠷ ᠲᠤᠳᠤᠳᠬᠠᠨ ᠨᠡᠷᠡᠯᠡᠳᠡᠭ᠃
ᠠᠯᠬᠤᠭᠠ — ᠠᠯᠬᠤᠯᠠᠬᠤ ᠬᠦᠳᠡᠯᠦᠯ ᠨᠢ ᠬᠡᠯᠳᠦᠷᠢᠬᠦ ᠢ᠋ᠢ ᠪᠤᠳᠤᠪᠠᠯ ᠠᠷᠠᠢ ᠳᠦᠷᠭᠡᠨ ᠪᠦᠭᠡᠳ ᠬᠦᠡᠭᠭᠡᠨ ᠴᠤᠪᠤᠭᠤ ᠪᠠᠢᠬᠤ ᠢ᠋ᠢ ᠬᠡᠯᠡᠨᠠ᠃ ᠠᠳᠤᠭᠤᠨ ᠤ᠋ ᠠᠯᠬᠤᠭᠠ ᠢ᠋ᠢ ᠡᠡᠭ ᠤ᠋ᠨ ᠠᠯᠬᠤᠭᠠ᠂ ᠬᠦᠡᠭᠭᠡᠨ ᠬᠠᠷᠠ ᠠᠯᠬᠤᠭᠠ᠂ ᠭᠦᠨ ᠬᠠᠷᠠ ᠠᠯᠬᠤᠭᠠ᠂ ᠭᠦᠶᠦᠮᠠ ᠬᠠᠷᠠ ᠠᠯᠬᠤᠭᠠ ᠭᠡᠵᠤ ᠬᠤᠪᠢᠶᠠᠨᠠ᠃
ᠱᠤᠭᠰᠢᠶᠠ — ᠱᠤᠭᠰᠢᠬᠤ ᠨᠢ ᠳᠦᠡᠭᠰᠢᠬᠦ ᠡᠴᠡ ᠲᠦᠷᠭᠡᠨ ᠪᠦᠭᠡᠳ ᠪᠡᠶᠠ ᠰᠡᠭᠰᠦᠷᠬᠦ ᠨᠢ ᠰᠢᠷᠦᠭᠦᠨ᠃
ᠲᠦᠡᠭᠰᠢᠶᠠ — ᠬᠠᠲᠠᠭᠤ ᠱᠤᠭᠰᠢᠶᠠ᠃
ᠶᠦᠷᠭᠡᠭᠡ — ᠮᠤᠷᠢᠨ ᠤ᠋ ᠵᠢᠭᠳᠡᠬᠡᠨ ᠰᠢᠷᠦᠭᠦᠨ ᠶᠠᠪᠤᠳᠠᠯ᠂ ᠱᠤᠭᠰᠢᠬᠤ ᠬᠠᠲᠠᠷᠢᠬᠤ ᠬᠤᠶᠠᠷ ᠤ᠋ᠨ ᠬᠤᠭᠤᠷᠤᠨᠳᠤᠬᠢ ᠶᠠᠪᠤᠳᠠᠯ᠃
ᠬᠠᠲᠠᠷᠢᠶᠠ — ᠱᠤᠭᠰᠢᠶᠠ ᠡᠴᠡ ᠲᠦᠷᠭᠡᠨ ᠶᠠᠪᠤᠳᠠᠯ᠃
ᠴᠤᠬᠬᠢᠶᠠ — ᠡᠮᠦᠨᠠ ᠬᠤᠶᠠᠷ ᠬᠦᠯ ᠵᠡᠷᠭᠡᠪᠡᠷ ᠬᠤᠢᠳᠤ ᠬᠤᠶᠠᠷ ᠬᠦᠯ ᠵᠡᠷᠭᠡᠪᠡᠷ ᠡᠭᠡᠯᠵᠢᠯᠡᠨ ᠬᠠᠷᠠᠢᠯᠡᠵᠤ ᠲᠦᠭᠡᠯᠡᠵᠤ ᠶᠠᠪᠤᠬᠤ ᠨᠢᠭᠡᠨ ᠵᠦᠢᠯ ᠤ᠋ᠨ ᠶᠠᠪᠤᠳᠠᠯ᠃
ᠳᠠᠪᠬᠢᠶᠠ — ᠮᠤᠷᠢᠨ ᠤ᠋ ᠬᠠᠮᠤᠭ ᠤ᠋ᠨ ᠬᠤᠷᠳᠤᠨ ᠶᠠᠪᠤᠳᠠᠯ᠃
ᠵᠢᠷᠤᠭᠠ — ᠨᠢᠭᠡ ᠲᠠᠯᠠ ᠢ᠋ᠢᠨ ᠤᠷᠳᠤ ᠬᠤᠢᠳᠤ ᠬᠦᠯ ᠢ᠋ᠢᠡᠨ ᠵᠡᠷᠭᠡ ᠪᠡᠷ ᠡᠷᠭᠦᠭᠦ ᠪᠤᠶᠤ ᠵᠡᠷᠭᠡ ᠪᠡᠷ ᠭᠠᠵᠠᠷ ᠲᠤᠰᠬᠠᠬᠤ ᠶᠠᠪᠤᠳᠠᠯ᠃
ᠬᠤᠷᠳᠤᠨ ᠮᠤᠷᠢᠨ ᠤ᠋ ᠴᠤᠯᠠ
ᠨᠠᠢᠷ ᠨᠠᠭᠠᠳᠤᠮ ᠳ᠋ᠤ 《ᠠᠢᠷᠠᠭ ᠤ᠋ᠨ ᠲᠠᠪᠤ》 ᠳ᠋ᠤ ᠤᠷᠤᠬᠰᠠᠨ ᠮᠤᠷᠢᠳ ᠢ᠋ ᠬᠠᠮᠤᠭ ᠤ᠋ᠨ ᠪᠡᠯᠭᠡ ᠲᠡᠢ ᠰᠠᠢᠬᠠᠨ ᠦᠭᠡᠰ ᠢ᠋ᠢᠡᠷ ᠢᠷᠦᠭᠡᠨ ᠮᠠᠭᠲᠠᠬᠤ ᠢ᠋ᠢ ᠬᠤᠷᠳᠤᠨ ᠮᠤᠷᠢᠨ ᠤ᠋ ᠴᠤᠯᠠ ᠳᠠᠭᠤᠳᠠᠬᠤ ᠭᠡᠨᠠ᠃ ᠬᠤᠷᠳᠤᠨ ᠮᠤᠷᠢᠨᠤ ᠴᠤᠯᠠ ᠵᠢᠨ ᠢᠷᠦᠭᠡᠯ ᠨᠢ ᠤᠷᠠᠨ ᠵᠤᠬᠢᠶᠠᠯᠤᠨ ᠰᠲ᠋ᠢᠯᠢ ᠵᠢ ᠪᠠᠶᠠᠯᠢᠬᠵᠢᠭᠤᠯᠤᠭᠰᠠᠨ ᠵᠢᠡᠷ ᠪᠠᠷᠠᠬᠤ ᠦᠭᠡᠢ᠂ ᠮᠤᠷᠢᠨ ᠴᠤᠯᠠ ᠳᠠᠭᠤᠳᠠᠬᠤ ᠢᠷᠦᠭᠡᠯᠴᠢ ᠵᠢ ᠬᠦᠮᠦᠵᠢᠬᠦᠯᠦᠭᠰᠡᠨ ᠶᠤᠮ᠃
** ᠠᠢᠮᠠᠭ ᠤ᠋ᠨ ** ᠰᠤᠮᠤᠨ ᠤ᠋ ** ᠭᠠᠴᠠᠭᠠᠨ ᠤ᠋ ** ᠤ᠋ ᠦᠨᠢᠷ ᠰᠦᠷᠦᠭ ᠤ᠋ᠨ ᠭᠡᠭᠦᠦ ᠵᠢᠨ ᠤᠨᠠᠭᠠ
ᠬᠠᠨ ᠳᠡᠯᠡᠬᠡᠢ ᠳ᠋ᠤ ᠪᠠᠭᠲᠠᠰᠢ ᠦᠭᠡᠢ ᠬᠠᠮᠤᠭ ᠰᠦᠷᠦᠭ ᠤ᠋ᠨ ᠲᠡᠷᠢᠭᠦᠨ
ᠬᠠᠮᠤᠭ ᠠᠮᠢᠲᠠᠨ ᠤ᠋ ᠬᠠᠨᠤᠰᠢ ᠦᠭᠡᠢ ᠪᠠᠶᠠᠷ ᠴᠠᠡᠭᠭᠡᠯ ᠤ᠋ᠨ ᠮᠠᠡᠭᠯᠡᠢ
ᠲᠠᠯᠠ ᠢ᠋ᠢᠨ ᠴᠠᠭᠠᠨᠠ ᠡᠴᠡ ᠳᠡᠪᠬᠢᠭᠠᠳ ᠢᠷᠡᠳᠡᠭ
ᠲᠡᠰ ᠪᠦᠷᠭᠦᠳ ᠰᠢᠭ ᠱᠤᠡᠭᠭᠤᠭᠠᠳ ᠢᠷᠡᠳᠡᠭ
ᠲᠠᠪᠤᠨ ᠵᠠᠭᠤ ᠡᠴᠡ ᠲᠠᠰᠤᠷᠠᠭᠠᠳ ᠢᠷᠡᠳᠡᠭ
ᠲᠠᠯᠠᠪᠠᠢ ᠢ᠋ᠢᠨ ᠤᠯᠠᠨ ᠢ᠋ ᠪᠠᠶᠠᠰᠬᠠᠭᠠᠳ ᠢᠷᠡᠳᠡᠭ
ᠬᠠᠡᠭᠭᠠᠢ ᠢ᠋ᠢᠨ ᠴᠠᠭᠠᠨᠠ ᠡᠴᠡ ᠬᠠᠷᠠᠢᠭᠠᠳ ᠢᠷᠡᠳᠡᠭ
ᠬᠠᠷᠪᠤᠭᠰᠠᠨ ᠰᠤᠮᠤ ᠰᠢᠬ ᠰᠤᠮᠤᠳᠠᠭᠠᠳ ᠢᠷᠡᠳᠡᠭ
᠁
ᠮᠠᠭᠲᠠᠵᠤ ᠪᠠᠷᠠᠰᠢ ᠦᠭᠡᠢ ᠡᠷᠳᠡᠮ ᠲᠠᠢ
ᠮᠠᠡᠭᠯᠡᠢᠯᠡᠵᠤ ᠪᠠᠷᠠᠰᠢ ᠦᠭᠡᠢ ᠬᠦᠶᠤᠳᠠᠯ ᠲᠠᠢ
ᠮᠢᠡᠭᠭᠠᠨ ᠰᠢᠨᠵᠢᠯᠡᠭᠡ ᠢ᠋ᠢ ᠲᠡᠭᠦᠰ ᠪᠦᠷᠢᠳᠦᠭᠦᠯᠦᠭᠰᠡᠨ
ᠮᠦᠡᠭᠭᠡ ᠠᠮᠤᠭᠤᠯᠠᠡᠭ ᠡᠡᠭᠭᠡ ᠵᠢᠷᠭᠠᠯᠠᠡᠭ
ᠲᠦᠮᠡᠨ ᠤ᠋ ᠡᠭᠡ
ᠲᠦᠷᠭᠡᠨ ᠴᠠᠬᠢᠯᠭᠠᠨ
ᠲᠤᠳᠤ ᠮᠠᠡᠭᠨᠠᠢ ᠭᠦᠯᠭᠡ ᠡᠨᠡ ᠪᠢᠯᠡ᠁ ᠭᠡᠵᠤ 《ᠲᠡᠷᠢᠭᠦᠨ ᠮᠤᠷᠢ》 ᠪᠡᠨ ᠴᠤᠯᠯᠠᠨᠠ᠃
ᠬᠤᠷᠳᠤ ᠴᠢᠳᠠᠯ ᠢ᠋ᠢᠡᠨ ᠰᠤᠷᠢᠨ ᠤᠷᠤᠯᠳᠤᠭᠰᠠᠨ ᠬᠦᠯᠦᠭ ᠮᠤᠷᠢᠳ ᠤ᠋ᠨ ᠳᠤᠲᠤᠷᠠ ᠡᠴᠡ ᠬᠦᠴᠦ ᠪᠡᠷ ᠢ᠋ᠢᠡᠨ ᠳᠠᠪᠠᠭᠤ᠂ ᠬᠤᠷᠳᠤ ᠪᠡᠷ ᠢ᠋ᠢᠡᠨ ᠠᠭᠤᠤ᠂ ᠰᠢᠨᠳᠠᠰᠤ ᠰᠠᠢᠲᠤ᠂ ᠱᠠᠯᠠᠮᠠᠭ ᠬᠦᠳᠡᠯᠭᠡᠭᠡᠨᠲᠤ ᠬᠤᠷᠳᠤᠨ ᠬᠦᠯᠦᠭ ᠢ᠋ᠢᠡᠨ ᠬᠦᠨᠳᠤᠲᠤ ᠨᠠᠭᠠᠳᠤᠮᠴᠢᠳ ᠤ᠋ᠨ ᠡᠮᠦᠨᠠ ᠢᠷᠠᠭᠤ ᠰᠠᠢᠬᠠᠨ ᠴᠤᠯᠠ ᠦᠭᠴᠤ ᠢᠯᠭᠤᠮ ᠰᠠᠢᠬᠠᠨ ᠮᠠᠭᠲᠠᠲᠠᠭ᠃ ᠲᠡᠷᠢᠭᠦᠨ ᠮᠤᠷᠢᠨ ᠳ᠋ᠤ 《ᠲᠦᠮᠡᠨ ᠤ᠋ ᠡᠬᠡ》 ᠴᠤᠯᠠ ᠦᠭᠴᠤ᠂ ᠲᠠᠪᠤ ᠡᠴᠡ ᠳᠡᠭᠡᠭᠰᠢ ᠳ᠋ᠤ ᠤᠷᠤᠬᠰᠠᠨ ᠮᠤᠷᠢ ᠢ᠋ᠢ 《ᠠᠢᠷᠠᠬ ᠤ᠋ᠨ ᠲᠠᠪᠤ》 ᠬᠡᠵᠤ᠂ ᠠᠳᠠᠭ ᠮᠤᠷᠢ ᠢ᠋ᠢ 《ᠪᠠᠶᠠᠨ ᠬᠤᠳᠤᠭᠤᠳᠤ》 ᠭᠡᠬᠦ ᠮᠡᠲᠤ ᠪᠡᠷ ᠨᠡᠷᠡᠯᠡᠳᠡᠭ᠃
ᠠᠳᠤᠭᠤᠨ ᠤ᠋ ᠲᠤᠬᠠᠢ ᠢᠷᠦᠭᠡᠯ ᠮᠠᠭᠲᠠᠭᠠᠯ
ᠠᠳᠤᠭᠤᠨ ᠤ᠋ ᠲᠤᠬᠠᠢ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠪᠤᠯ ᠠᠳᠤᠭᠤᠨ ᠰᠤᠶᠤᠯ ᠤ᠋ᠨ ᠳᠤᠲᠤᠷᠡᠬᠢ ᠬᠡᠯᠡ ᠤᠷᠠᠯᠢᠭ ᠢ᠋ᠢᠡᠷ ᠢᠯᠡᠷᠡᠬᠦ ᠤᠯᠠᠨ ᠬᠡᠯᠪᠡᠷᠢ ᠵᠢᠨ ᠨᠢᠭᠡ ᠶᠤᠮ᠃ ᠠᠳᠤᠭᠤᠨ ᠤ᠋ ᠲᠤᠬᠠᠢ ᠢᠷᠦᠭᠡᠯ ᠳ᠋ᠤ 《ᠠᠳᠤᠭᠤᠨ ᠰᠦᠷᠦᠭ ᠤ᠋ᠨ ᠢᠷᠦᠭᠡᠯ》᠂ 《ᠤᠨᠠᠭᠠᠨ ᠤ᠋ ᠢᠷᠦᠭᠡᠯ》᠂ 《ᠠᠵᠢᠷᠭᠠᠨ ᠤ᠋ ᠢᠷᠦᠭᠡᠯ》᠂ 《ᠭᠡᠭᠦᠤ ᠪᠠᠷᠢᠬᠤ ᠢᠷᠦᠭᠡᠯ》᠂ 《ᠬᠦᠡᠭᠭᠡᠯᠡᠵᠤ ᠵᠠᠰᠠᠬᠤ ᠢᠷᠦᠭᠡᠯ》᠂ 《ᠢᠮᠨᠠᠵᠤ ᠲᠠᠮᠠᠭᠠᠯᠠᠬᠤ ᠢᠷᠦᠭᠡᠯ》᠂ 《ᠮᠤᠷᠢ ᠤᠡᠭᠭᠤᠯᠠᠬᠤ ᠢᠷᠦᠭᠡᠯ》᠂ 《ᠡᠮᠡᠭᠡᠯ ᠲᠤᠬᠤᠮ ᠮᠢᠯᠢᠶᠡᠬᠤ ᠢᠷᠦᠭᠡᠯ》᠂ 《ᠵᠢᠷᠤᠭᠠ ᠮᠤᠷᠢᠨ ᠤ᠋ ᠢᠷᠦᠭᠡᠯ》᠂ 《ᠮᠤᠷᠢᠨ ᠤ᠋ ᠬᠡᠤᠬᠡᠳ ᠤ᠋ᠨ ᠢᠷᠦᠭᠡᠯ》 ᠭᠡᠭᠦᠴᠢᠯᠡᠨ ᠤᠯᠠᠨ ᠪᠠᠢᠵᠤ᠂ 《ᠬᠤᠷᠳᠤᠨ ᠬᠦᠯᠦᠭ ᠤ᠋ᠨ ᠮᠠᠭᠲᠠᠭᠠᠯ》᠂ 《ᠰᠡᠯᠬᠢᠨ ᠵᠡᠭᠡᠷᠲᠡ ᠢ᠋ᠢᠨ ᠮᠠᠭᠲᠠᠭᠠᠯ》᠂ 《ᠰᠢᠪᠠᠭᠤᠨ ᠰᠠᠷᠠᠯ ᠤ᠋ᠨ ᠮᠠᠭᠲᠠᠭᠠᠯ》 ᠭᠡᠭᠦᠴᠢᠯᠡᠨ ᠬᠤᠷᠳᠤᠨ ᠮᠤᠷᠢᠤᠨ ᠤ᠋ᠨ ᠲᠤᠬᠠᠢ ᠮᠠᠭᠲᠠᠭᠠᠯ ᠴᠤ᠌ ᠤᠯᠠᠨ ᠪᠠᠢᠳᠠᠭ᠃
《 ᠵᠠ —
ᠤᠮ ᠰᠠᠢᠨ ᠠᠮᠤᠭᠤᠯᠠᠡᠭ ᠪᠤᠯᠲᠤᠭᠠᠢ \ ᠰᠡᠷᠢᠭᠦᠨ ᠰᠠᠢᠬᠠᠨ ᠲᠡᠨᠢᠭᠡᠷ ᠲᠠᠯᠠ ᠳ᠋ᠡᠬᠢ \ ᠰᠡᠷᠭᠦᠯᠡᠡᠭ ᠴᠤᠪᠤᠭᠤ ᠡᠷᠳᠡᠨᠢᠲᠤ ᠰᠦᠷᠦᠭ \ ᠤᠰᠤᠨ ᠤ᠋ ᠲᠤᠡᠭᠭᠠᠯᠠᠭ ᠡᠴᠡ ᠤᠤᠭᠤᠵᠤ ᠨᠤᠲᠤᠭᠰᠢᠬᠰᠠᠨ \ ᠤᠷᠭᠤᠮᠠᠯ ᠤ᠋ᠨ ᠰᠤᠷ ᠲᠤ᠌ ᠪᠡᠯᠴᠢᠭᠡᠷᠯᠡᠵᠤ ᠶᠠᠪᠤᠬᠰᠠᠨ \ ᠤᠷᠠᠨ ᠰᠠᠢᠪᠤᠷ ᠭᠢᠰᠬᠢᠳᠡᠯ ᠲᠠᠢ \ ᠤᠨᠠᠭᠠᠨ ᠵᠢᠷᠤᠭᠠ ᠶᠠᠪᠤᠳᠠᠯ ᠲᠠᠢ \ ᠤᠶᠠᠨ ᠵᠦᠭᠡᠯᠡᠨ ᠬᠠᠲᠠᠷᠢᠶᠠ ᠪᠡᠷ \ ᠤᠨᠤᠬᠰᠠᠨ ᠡᠵᠡᠨ ᠢ᠋ᠢᠡᠨ ᠪᠠᠶᠠᠷᠯᠠᠭᠤᠯᠳᠠᠭ \ ᠤᠷᠤᠰᠤᠮᠠ ᠬᠤᠷᠳᠤᠨ ᠠᠯᠬᠤᠳᠠᠯ ᠢ᠋ᠢᠡᠷ \ ᠤᠷᠲᠤ ᠢ᠋ᠢᠨ ᠵᠠᠮ ᠢ᠋ ᠲᠤᠭᠤᠯᠳᠠᠭ \ ᠤᠶᠠᠬᠠᠨ ᠰᠠᠢᠬᠠᠨ ᠢᠨᠴᠠᠭᠠ ᠪᠡᠷ \ ᠠᠭᠤᠯᠠ ᠭᠤᠪᠢ ᠢ᠋ᠢ ᠨᠠᠷᠭᠢᠭᠤᠯᠳᠠᠭ ᠃
᠁
ᠤᠷᠤᠰᠬᠠᠯ ᠲᠤᠡᠭᠭᠠᠯᠠᠭ ᠭᠤᠤᠯ ᠤ᠋ᠨ
ᠦᠨᠳᠦᠷ ᠰᠠᠢᠬᠠᠨ ᠳᠡᠨᠵᠢᠨ ᠳᠡᠭᠡᠷᠠ
ᠠᠭᠤᠳᠠᠮ ᠲᠡᠨᠢᠭᠡᠷ ᠲᠠᠯᠠ ᠢ᠋ᠢᠨ
ᠤᠷᠭᠤᠮᠠᠯ ᠰᠠᠢᠲᠠᠢ ᠵᠦᠯᠭᠡᠨ ᠳᠡᠭᠡᠷᠠ
ᠲᠡᠭᠷᠢ ᠢ᠋ᠢᠨ ᠤᠳᠤ ᠰᠢᠬ
ᠲᠤᠭᠠ ᠦᠭᠡᠢ ᠤᠯᠠᠨ ᠪᠤᠯᠵᠤ
ᠪᠤᠯᠠᠭ ᠤ᠋ᠨ ᠤᠰᠤ ᠰᠢᠬ
ᠪᠤᠮ ᠰᠠᠶᠠ ᠪᠡᠷ ᠦᠷᠡᠵᠢᠬᠦ ᠪᠤᠯᠲᠤᠭᠠᠢ！》
ᠬᠡᠮᠡᠨ ᠠᠳᠤᠭᠤᠨ ᠰᠦᠷᠦᠭ ᠢ᠋ᠢᠡᠨ ᠢᠷᠦᠭᠡᠳᠡᠭ᠃
ᠠᠳᠤᠭᠤᠨ ᠤ᠋ ᠲᠤᠬᠠᠢ ᠵᠦᠢᠷ ᠰᠠᠴᠠᠨ ᠦᠭᠡ
ᠠᠳᠤᠭᠤ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠵᠦᠢᠷ ᠰᠡᠴᠡᠨ ᠦᠭᠡ ᠮᠠᠰᠢ ᠤᠯᠠᠨ ᠪᠤᠢ᠃ ᠠᠭᠤᠯᠭᠠ ᠵᠢᠨ ᠲᠠᠯᠠ ᠪᠠᠷ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ᠂ ᠠᠵᠦ ᠤᠨᠳᠤᠷᠤᠯᠭᠠ᠂ ᠰᠤᠷᠭᠠᠯ ᠬᠦᠮᠦᠵᠢᠯ᠂ ᠪᠡᠯᠭᠡ ᠲᠡᠮᠪᠡᠷᠢᠯ᠂ ᠵᠤᠷᠢᠭ ᠬᠠᠢᠷᠠᠯᠠᠬᠤ ᠵᠡᠷᠭᠡ ᠵᠦᠢᠷ ᠰᠡᠴᠡᠨ ᠦᠭᠡ ᠪᠦᠷ ᠪᠠᠢᠳᠠᠭ᠃ ᠡᠳᠡᠭᠡᠷ ᠵᠦᠢᠷ ᠦᠭᠡᠨᠤ ᠪᠤᠢ ᠪᠤᠯᠤᠭᠰᠠᠨ ᠢᠷᠡᠯᠳᠡ ᠨᠢ ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠ ᠡᠴᠡ ᠢᠷᠡᠯᠳᠡᠢ ᠦᠭᠡᠰᠤᠨ ᠰᠠᠩᠤᠨ ᠡᠷᠳᠡᠨᠢᠰᠤᠨ ᠬᠦᠮᠦᠷᠭᠡ ᠪᠤᠯᠬᠤ ᠶᠤᠮ᠃
ᠠᠪᠤ ᠢ᠋ᠢᠨ ᠪᠤᠢ ᠳ᠋ᠤ ᠬᠦᠮᠦᠨ ᠲᠠᠨᠢᠬᠤ
ᠠᠭᠲᠠ ᠢ᠋ᠢᠨ ᠪᠤᠢ ᠳ᠋ᠤ ᠭᠠᠵᠠᠷ ᠲᠠᠨᠢᠬᠤ
ᠠᠪᠤ ᠢ᠋ᠢᠨ ᠬᠦᠤ ᠢ᠋ᠢᠨ ᠵᠤᠷᠢᠭ ᠬᠤᠷᠴᠠ
ᠠᠳᠤᠭᠤᠨ ᠰᠦᠷᠦᠭ ᠤ᠋ᠨ ᠲᠤᠭᠤᠷᠠᠢ ᠬᠤᠷᠴᠠ
ᠠᠭᠲᠠ ᠠᠯᠳᠠᠪᠠᠯ ᠪᠠᠷᠢᠵᠤ ᠪᠤᠯᠳᠠᠭ
ᠠᠮᠠ ᠠᠯᠳᠠᠪᠠᠯ ᠪᠠᠷᠢᠵᠤ ᠪᠤᠯᠳᠠᠭ ᠦᠭᠡᠢ
ᠠᠳᠤᠭᠤᠨ ᠤ᠋ ᠪᠡᠨ ᠬᠢᠷᠢ ᠪᠡᠷ ᠢᠰᠭᠢᠷᠴᠤ
ᠬᠦᠨᠵᠢᠯᠡ ᠢ᠋ᠢᠨ ᠢ᠋ᠢᠡᠨ ᠬᠢᠷᠢ ᠪᠡᠷ ᠬᠦᠯ ᠢ᠋ᠢᠡᠨ ᠵᠢᠬᠢ
ᠠᠶᠠᠭᠠᠨ ᠤ᠋ ᠬᠠᠷᠢᠭᠤ ᠡᠳᠦᠷ ᠲᠡᠭᠡᠨ
ᠠᠭᠲᠠ ᠢ᠋ᠢᠨ ᠬᠠᠷᠢᠭᠤ ᠵᠢᠯ ᠳ᠋ᠡᠭᠡᠨ
ᠠᠶᠠᠭᠠᠨ ᠤ᠋ ᠠᠯᠠᠭ ᠡᠴᠡ
ᠠᠳᠤᠭᠤᠨ ᠤ᠋ ᠠᠯᠠᠭ ᠳᠡᠭᠡᠷᠠ
ᠠᠭᠤᠯᠠ ᠮᠤᠷᠢ ᠢ᠋ᠢ ᠵᠤᠪᠠᠭᠠᠵᠤ
ᠠᠭᠤᠷ ᠪᠡᠶᠠ ᠢ᠋ᠢ ᠵᠤᠪᠠᠭᠠᠨᠠ
ᠠᠭᠲᠠ ᠢ᠋ᠢᠨ ᠰᠠᠢᠨ ᠢ᠋ ᠤᠨᠤᠨ ᠪᠠᠢᠵᠤ ᠮᠠᠳᠡᠨᠠ
ᠠᠨᠳᠠ ᠢ᠋ᠢᠨ ᠰᠠᠢᠨ ᠢ᠋ ᠬᠠᠨᠢᠯᠠᠨ ᠪᠠᠢᠵᠤ ᠮᠡᠳᠡᠨᠠ
ᠠᠷᠤ ᠳᠠᠪᠠᠵᠤ ᠬᠦᠯᠦᠭ ᠪᠤᠯᠳᠠᠭ
ᠠᠵᠢᠯ ᠬᠢᠵᠤ ᠬᠦᠮᠦᠨ ᠪᠤᠯᠳᠠᠭ
ᠠᠯᠲᠠ ᠮᠦᠡᠭᠭᠦ ᠪᠡᠶᠠ ᠢ᠋ᠢᠨ ᠴᠢᠮᠡᠭ
ᠠᠳᠤᠭᠤ ᠮᠠᠯ ᠲᠠᠯᠠ ᠢ᠋ᠢᠨ ᠴᠢᠮᠡᠭ
ᠡᠷᠠ ᠬᠦᠮᠦᠨ ᠤ᠋ ᠴᠡᠭᠡᠵᠢᠨ ᠳ᠋ᠤ
ᠡᠮᠡᠭᠡᠯ ᠬᠠᠵᠠᠭᠠᠷ ᠲᠠᠢ ᠮᠤᠷᠢ ᠡᠷᠭᠢᠯᠳᠤᠨᠠ
ᠤᠨᠤᠭᠠ ᠰᠠᠢᠲᠠᠢ ᠢ᠋ᠢᠨ ᠶᠠᠪᠤᠳᠠᠯ ᠪᠦᠲᠦᠨᠠ
ᠤᠬᠠᠭᠠᠨ ᠰᠠᠢᠲᠠᠢ ᠢ᠋ᠢᠨ ᠠᠵᠢᠯ ᠲᠦᠬᠦᠷᠦᠨᠠ
ᠤᠷᠤᠭᠰᠢ ᠭᠢᠰᠬᠢᠬᠦ ᠳ᠋ᠤ ᠤᠷᠭᠤᠭᠠ ᠬᠠᠳᠠ
ᠤᠤᠭᠤᠵᠤ ᠢᠳᠡᠬᠦ ᠳ᠋ᠤ ᠤᠷᠭᠠ ᠢ᠋ᠢᠨ ᠮᠤᠷᠢ
ᠦᠷᠭᠦᠭᠰᠡᠨ ᠮᠤᠷᠢᠨ ᠳ᠋ᠤ ᠲᠠᠰᠢᠭᠤᠷ ᠤᠯᠠᠨ
ᠦᠨᠤᠴᠢᠨ ᠬᠡᠤᠬᠡᠳ ᠲᠤ᠌ ᠡᠵᠡᠨ ᠤᠯᠠᠨ
ᠠᠳᠤᠭᠤᠨ ᠤ᠋ ᠨᠡᠷᠡᠢᠳᠦᠯ
ᠠᠳᠤᠭᠤ ᠢ᠋ᠢ ᠨᠠᠰᠤ ᠰᠢᠳᠤ᠂ ᠬᠦᠢᠰᠤ ᠴᠢᠨᠠᠷ᠂ ᠦᠡᠭᠭᠡ ᠵᠢᠰᠤᠮ᠂ ᠶᠠᠪᠤᠳᠠᠯ ᠬᠢᠳᠡᠯ᠂ ᠠᠯᠳᠠᠷ ᠴᠤᠯᠠ ᠵᠡᠷᠭᠡ ᠤᠯᠠᠨ ᠲᠠᠯᠠ ᠪᠡᠷ ᠢᠯᠭᠠᠨ ᠨᠡᠷᠡᠯᠡᠳᠡᠭ᠃ ᠡᠭᠦᠨ ᠳ᠋ᠤ ᠨᠠᠰᠤ ᠰᠢᠳᠤ ᠪᠡᠷ ᠨᠢ ᠢᠯᠭᠠᠨ ᠨᠡᠷᠡᠯᠡᠬᠦ ᠭᠡᠳᠡᠭ ᠨᠢ ᠮᠤᠷᠢᠨ ᠤ᠋ ᠨᠠᠰᠤᠨ ᠤ᠋ ᠲᠤᠭᠠ ᠪᠡᠷ ᠨᠡᠷᠡᠯᠡᠬᠦ ᠢ᠋ᠢ ᠬᠡᠯᠡᠵᠤ ᠪᠠᠢᠭᠠ ᠶᠤᠮ᠃ ᠮᠤᠩᠭᠤᠯ ᠬᠡᠯᠡᠨᠤ ᠦᠭᠡᠰᠤᠨ ᠰᠠᠩᠳᠤ ᠬᠦᠮᠦᠨᠤ ᠨᠠᠰᠤᠨ ᠡᠴᠡ ᠪᠤᠰᠤᠳ ᠠᠮᠢᠳᠠᠨᠤ ᠨᠠᠰᠤ ᠵᠢ ᠨᠡᠷᠡᠯᠡᠭᠰᠡᠨ ᠨᠡᠷᠡ ᠲᠤᠳᠤᠷᠠ ᠠᠳᠤᠭᠤᠨᠤ ᠨᠠᠰᠤᠨ ᠨᠡᠷᠡᠢᠳᠦᠯ ᠬᠠᠮᠤᠭᠤᠨ ᠪᠦᠷᠢᠨ ᠬᠦᠢᠴᠡᠳ ᠪᠠᠢᠳᠠᠬ᠃
ᠤᠨᠠᠭᠠ — ᠲᠤᠰ ᠵᠢᠯ ᠤ᠋ᠨ ᠲᠦᠯ （ᠡᠷᠠ ᠤᠨᠠᠭᠠ᠂ ᠦᠬᠢᠨ ᠤᠨᠠᠭᠠ）᠃
ᠰᠡᠷᠪᠠ — ᠡᠪᠤᠯ ᠤ᠋ᠨ ᠡᠬᠢᠨ ᠡᠴᠡ ᠳᠠᠷᠠᠭᠠ ᠬᠠᠪᠤᠷ ᠤ᠋ᠨ ᠰᠡᠭᠦᠯᠴᠢ ᠳ᠋ᠤ ᠭᠠᠷᠤᠭᠰᠠᠨ ᠤᠨᠠᠭᠠ᠂ ᠪᠠᠰᠠ ᠪᠦᠬᠦᠯᠢ ᠵᠢᠯ ᠤ᠋ᠨ ᠤᠢ ᠬᠦᠷᠦᠭᠡᠳᠦᠢ ᠤᠨᠠᠭᠠ ᠢ᠋ᠢ ᠰᠡᠷᠪᠠ ᠭᠡᠳᠡᠭ᠃
ᠳᠠᠭᠠ — ᠬᠤᠶᠠᠷ ᠨᠠᠰᠤᠨ ᠤ᠋ ᠠᠳᠤᠭᠤ （ᠡᠷᠠ ᠳᠠᠭᠠ᠂ ᠦᠭᠢᠨ ᠳᠠᠭᠠ）᠃
ᠰᠢᠳᠦᠯᠡᠡᠭ — ᠭᠤᠷᠪᠠᠨ ᠨᠠᠰᠤᠨ ᠤ᠋ ᠠᠳᠤᠭᠤ （ᠰᠢᠳᠦᠯᠡᠡᠭ ᠦᠷᠢᠶᠠ᠂ ᠰᠢᠳᠦᠯᠡᠡᠭ ᠪᠠᠢᠳᠠᠰᠤ）
ᠬᠢᠵᠠᠭᠠᠯᠠᠡᠭ — ᠳᠦᠷᠪᠡᠨ ᠨᠠᠰᠤᠨ ᠤ᠋ ᠠᠳᠤᠭᠤ （ᠬᠢᠵᠠᠭᠠᠯᠠᠡᠭ ᠦᠷᠢᠶᠠ᠂ ᠬᠢᠵᠠᠭᠠᠯᠠᠡᠭ ᠪᠠᠢᠳᠠᠰᠤ）
ᠦᠷᠢᠶᠠ — ᠭᠤᠷᠪᠠ ᠡᠴᠡ ᠳᠦᠷᠪᠡᠨ ᠨᠠᠰᠤᠨ ᠤ᠋ ᠡᠷᠠ ᠠᠳᠤᠭᠤ᠃
ᠪᠠᠢᠳᠠᠰᠤ — ᠭᠤᠷᠪᠠ ᠡᠴᠡ ᠳᠦᠷᠪᠡᠨ ᠨᠠᠰᠤᠨ ᠤ᠋ ᠡᠮᠠ ᠠᠳᠤᠭᠤ᠃
ᠰᠤᠶᠤᠭᠠᠯᠠᠡᠭ — ᠲᠠᠪᠤᠨ ᠨᠠᠰᠤᠨ ᠤ᠋ ᠠᠳᠤᠭᠤ᠃
ᠮᠤᠷᠢ （ᠠᠭᠲᠠ） — ᠳᠦᠷᠪᠡᠨ ᠨᠠᠰᠤᠨ ᠡᠴᠡ ᠳᠡᠭᠡᠭᠰᠢᠬᠢ ᠠᠭᠲᠠᠯᠠᠭᠰᠠᠨ ᠠᠳᠤᠭᠤ᠃
ᠠᠵᠢᠷᠭᠠ — ᠳᠦᠷᠪᠡᠨ ᠨᠠᠰᠤᠨ ᠡᠴᠡ ᠳᠡᠭᠡᠭᠰᠢᠬᠢ ᠠᠭᠲᠠᠯᠠᠭᠰᠠᠨ ᠦᠭᠡᠢ ᠡᠷᠠ ᠠᠳᠤᠭᠤ᠃
ᠭᠡᠬᠦᠦ — ᠳᠦᠷᠪᠡᠨ ᠨᠠᠰᠤᠨ ᠡᠴᠡ ᠳᠡᠭᠡᠭᠰᠢᠬᠢ ᠨᠠᠰᠤ ᠭᠦᠢᠴᠡᠭᠰᠡᠨ ᠡᠮᠡ ᠠᠳᠤᠭᠤ᠃
ᠠᠳᠤᠭᠤ — ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤ᠋ᠨ ᠨᠢᠭᠡ᠂ ᠪᠢᠲᠡᠭᠦᠤ ᠲᠤᠭᠤᠷᠠᠢ ᠲᠠᠢ ᠪᠤᠳᠠ ᠮᠠᠯ ᠤ᠋ᠨ ᠶᠡᠷᠦᠡᠭᠬᠡᠢᠯᠡᠭᠰᠡᠨ ᠨᠡᠷᠡᠢᠳᠤᠯ᠃
ᠪᠤᠰᠤᠳ ᠳᠠᠭᠤᠳᠠᠯᠭᠠ᠄
ᠬᠦᠯᠦᠭ — ᠮᠤᠷᠢᠨ ᠤ᠋ ᠬᠦᠨᠳᠦᠳᠬᠡᠯ ᠨᠡᠷᠠ
ᠠᠷᠭᠤᠮᠠᠭ — ᠬᠦᠴᠦ ᠴᠢᠳᠠᠯ ᠰᠠᠢᠲᠠᠢ ᠭᠤᠶᠤᠮᠰᠤᠭ ᠴᠡᠪᠡᠷ ᠠᠵᠢᠨᠠᠢ
ᠠᠷᠠᠨᠵᠠᠯ — ᠬᠤᠤᠰ ᠦᠭᠡᠢ ᠬᠤᠷᠳᠤᠨ ᠬᠦᠯᠦᠭ ᠮᠤᠷᠢ
ᠠᠵᠢᠨᠠᠢ — ᠰᠢᠨᠲᠠᠰᠤ ᠰᠠᠢᠲᠠᠢ ᠬᠤᠷᠳᠤᠨ ᠬᠦᠯᠦᠭ
（《 ᠮᠤᠡᠭᠭᠤᠯᠮᠤᠷᠢᠨᠤ ᠡᠷᠳᠡᠨᠢ ᠵᠢᠨ ᠲᠤᠪᠴᠢᠶᠠᠨ 》 ᠵᠡᠷᠭᠡ ᠮᠠᠲᠸᠷᠢᠶᠠᠯ ᠡᠴᠡ ᠡᠰᠢᠯᠡᠪᠡ）