ᠰᠤᠷᠪᠤᠯᠵᠢᠯᠠᠭ᠍ᠴᠢ 2 ᠰᠠᠷᠠ ᠵᠢᠨ
11ᠦ ᠡᠳᠦᠷ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠲᠢᠩᠬᠢᠮᠡᠴᠡ
ᠣᠢᠯᠠᠭᠠᠭᠰᠠᠨ ᠵᠢᠡᠷ᠂ ᠮᠠᠨᠤ ᠤᠯᠤᠰᠤᠨ ᠮᠠᠯᠤᠨ ᠠᠰᠢᠭ᠋ ᠰᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠦ ᠦᠢᠯᠡᠳᠪᠦᠷᠢᠯᠡᠯᠦᠨ
ᠰᠠᠭᠤᠷᠢᠨ ᠪᠣᠯᠤᠭᠰᠠᠨ ᠥᠪᠥᠷ ᠮᠣᠩᠭᠣᠯ ᠨᠢ ᠣᠢᠷᠠᠶᠢᠨ ᠬᠤᠭᠤᠴᠠᠭᠠᠨᠳᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ 《ᠠᠷᠪᠠᠨ
ᠶᠡᠬᠡ ᠢᠨᠵᠧᠨᠧᠷᠢᠩ》ᠢ ᠡᠬᠢᠯᠡᠨ ᠬᠡᠷᠡᠭᠵᠢᠭᠦᠯᠵᠦ᠂ ᠡᠭᠦᠨᠦ ᠤᠯᠠᠮᠠᠴᠠ ᠴᠢᠨᠠᠷ ᠰᠠᠢᠲᠠᠢ ᠪᠣᠬᠢᠷᠲᠤᠯ ᠦᠭᠡᠢ
ᠮᠠᠯᠤᠨ ᠠᠰᠢᠭ᠋ ᠰᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠦ ᠬᠠᠩᠭᠠᠯᠭᠠᠶᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠨᠡᠮᠡᠭᠳᠡᠭᠦᠯᠦᠨᠡ᠃
ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ
ᠣᠷᠣᠨᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠪᠠ ᠬᠥᠳᠡᠭᠡ ᠲᠣᠰᠬᠣᠨ ᠮᠠᠯᠵᠢᠬᠤ ᠣᠷᠣᠨᠤ ᠲᠢᠩᠬᠢᠮᠦᠨ ᠳᠠᠷᠤᠭᠠ
ᠭᠦᠸᠧ ᠵᠠᠨ ᠵᠢᠶᠠᠩᠤᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨᠢᠶᠠᠷ᠂ 《ᠠᠷᠪᠠᠨ ᠶᠡᠬᠡ ᠢᠨᠵᠧᠨᠧᠷᠢᠩ》 ᠨᠢ ᠲᠣᠰ ᠲᠤᠰ 《ᠦᠷᠡᠶᠢᠨ ᠢᠯᠳᠠᠰᠤ》᠂ ᠰᠢᠨᠡᠶᠢ
ᠡᠭᠦᠳᠬᠦ ᠬᠡᠯᠬᠢᠶᠡᠶᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ᠂ ᠠᠮᠤ ᠪᠤᠳᠠᠭᠠᠨᠤ ᠦᠢᠯᠡᠳᠪᠦᠷᠢᠯᠡᠯᠦᠨ ᠴᠢᠳᠠᠪᠤᠷᠢᠶᠢ
ᠳᠡᠭᠡᠭᠰᠢᠯᠡᠭᠦᠯᠬᠦ᠂ ᠰᠦᠶᠢᠨ ᠦᠢᠯᠡᠰᠢ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ᠂ ᠡᠷᠳᠡᠨᠢ ᠰᠢᠰᠢᠶᠢᠨ ᠠᠮᠢᠳᠤ ᠪᠣᠳᠠᠰᠤᠨ
ᠦᠢᠯᠡᠳᠬᠦ ᠠᠵᠤ ᠦᠢᠯᠡᠰᠢ ᠰᠢᠯᠢᠳᠡᠭᠵᠢᠭᠦᠯᠬᠦ᠂ ᠮᠢᠬᠠᠨᠤ ᠦᠬᠡᠷ ᠮᠢᠬᠠᠨᠤ ᠬᠣᠨᠢᠨᠤ ᠭᠠᠷᠤᠯᠲᠠ ᠦᠷᠡ ᠠᠰᠢᠭ᠋ᠢ
ᠨᠡᠮᠡᠭᠳᠡᠭᠦᠯᠬᠦ᠂ ᠲᠡᠵᠢᠭᠡᠯ ᠡᠪᠡᠰᠦᠨᠦ ᠬᠠᠩᠭᠠᠯᠭᠠᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ᠂ ᠬᠦᠢᠲᠡᠨ ᠰᠡᠷᠢᠭᠦᠨ
ᠪᠦᠰᠡᠨᠤ ᠢᠳᠡᠰᠢᠨ ᠨᠣᠭᠣᠭᠠ ᠵᠢᠨ ᠦᠢᠯᠡᠳᠪᠦᠷᠢᠯᠡᠯᠤᠨ ᠰᠠᠭᠤᠷᠢᠶᠢ ᠪᠡᠬᠢᠵᠢᠭᠦᠯᠬᠦ᠂ ᠮᠠᠯᠤᠨ ᠠᠰᠢᠭ᠋
ᠰᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠢ ᠨᠠᠷᠢᠯᠢᠭ᠋ ᠡᠳ᠋ᠰᠢᠭᠦᠯᠬᠦ᠂ ᠲᠦᠷᠦᠯ ᠲᠡᠮᠳᠡᠭᠢ ᠪᠣᠢᠵᠢᠭᠤᠯᠬᠤ
ᠪᠠ ᠠᠷᠠᠯᠵᠢᠶᠠᠯᠠᠬᠤ ᠲᠠᠪᠴᠠᠩᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢᠨ ᠢᠨᠵᠧᠨᠧᠷᠢᠩ ᠪᠣᠯᠣᠨᠠ᠂ ᠵᠣᠷᠢᠯᠭᠠ
ᠨᠢ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠶᠡᠷᠦᠩᠬᠡᠢᠯᠡᠭᠰᠡᠨ ᠦᠢᠯᠡᠳᠪᠦᠷᠢᠯᠡᠯᠦᠨ ᠴᠢᠳᠠᠪᠤᠷᠢ ᠪᠠ ᠶᠠᠰᠤ ᠴᠢᠨᠠᠷ
ᠦᠷᠡ ᠠᠰᠢᠭ᠋ᠢ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠠᠮᠤ ᠪᠤᠳᠠᠭᠠ ᠮᠢᠬᠠ ᠰᠦ ᠵᠡᠷᠭᠡ ᠭᠣᠣᠯ ᠪᠣᠯᠬᠤ ᠮᠠᠯᠤᠨ ᠠᠰᠢᠭ᠋
ᠰᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠦ ᠭᠠᠷᠤᠯᠲᠠᠶᠢ ᠲᠣᠭᠲᠠᠭᠤᠨᠢᠶᠠᠷ ᠨᠡᠮᠡᠭᠳᠡᠭᠦᠯᠬᠦᠶᠢᠨ ᠲᠥᠯᠥᠭᠡ
ᠶᠤᠮ᠃
ᠥᠪᠥᠷ ᠮᠣᠩᠭᠣᠯ ᠮᠠᠯᠤᠨ ᠠᠰᠢᠭ᠋ ᠰᠢᠮᠡ
ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠢ ᠨᠠᠷᠢᠯᠢᠭ᠋ ᠡᠳ᠋ᠰᠢᠭᠦᠯᠬᠦ ᠪᠠ ᠪᠣᠬᠢᠷᠲᠤᠯ ᠦᠭᠡᠢ ᠣᠷᠭᠠᠨᠢᠭ᠋ ᠲᠥᠷᠥᠯ
ᠲᠡᠮᠳᠡᠭᠢ ᠰᠢᠯᠢᠳᠡᠭᠵᠢᠭᠦᠯᠦᠨ᠂ ᠡᠷᠳᠡᠨᠢ ᠰᠢᠰᠢᠶᠢᠨ ᠠᠮᠢᠳᠤ ᠪᠣᠳᠠᠰᠤᠨ ᠦᠢᠯᠡᠳᠬᠦ ᠠᠵᠤ ᠦᠢᠯᠡᠰ᠂ ᠬᠠᠲᠠᠭᠤ
ᠲᠥᠯᠥᠪᠲᠦ ᠴᠠᠭᠠᠨ ᠢᠳᠡᠭᠡᠨ᠂ ᠰᠢᠯᠢᠳᠡᠭ ᠦᠬᠡᠷ ᠬᠣᠨᠢᠨ ᠮᠢᠬᠠ᠂ ᠠᠮᠢᠲᠠᠨᠤ ᠸᠠᠺᠼᠢᠨ᠂ ᠠᠰᠢᠭ᠍ᠲᠤ ᠪᠠᠺᠲᠧᠷᠢ᠂
ᠬᠤᠪᠤᠷ ᠬᠡᠷᠡᠭᠯᠡᠭᠡᠨᠤ ᠰᠢᠪᠳᠤᠷᠳᠤ ᠬᠦ᠋ᠴᠢᠯ ᠵᠡᠷᠭᠡ ᠥᠨᠳᠥᠷ ᠨᠡᠮᠡᠯᠲᠡ ᠥᠷᠲᠡᠭ ᠪᠦᠬᠦᠢ ᠠᠵᠤ ᠦᠢᠯᠡᠰᠢ ᠶᠡᠬᠡᠪᠡᠷ
ᠬᠥᠭᠵᠢᠭᠦᠯᠵᠦ᠂ ᠬᠦᠴᠦᠨᠢᠶᠡᠨ ᠲᠥᠪᠯᠡᠷᠡᠭᠦᠯᠦᠨ ᠦᠬᠡᠷ ᠬᠣᠨᠢᠨᠤ ᠮᠢᠬᠠ᠂ ᠪᠢᠰᠢᠯᠠᠭ᠂ ᠡᠯᠳᠡᠪ ᠠᠮᠤ᠂ ᠬᠦᠢᠲᠡᠨ
ᠰᠡᠷᠢᠭᠦᠨ ᠪᠦᠰᠡᠨᠤ ᠢᠳᠡᠰᠢᠨ ᠨᠣᠭᠣᠭᠠ᠂ ᠨᠡᠷᠡᠨ ᠬᠤᠸᠠᠷᠤᠨ ᠦᠷᠡ᠂ ᠰᠤᠷᠭᠤᠭ ᠡᠷᠳᠡᠨᠢ ᠰᠢᠰᠢ ᠵᠡᠷᠭᠡ ᠪᠣᠬᠢᠷᠲᠤᠯ
ᠦᠭᠡᠢ ᠮᠠᠯᠤᠨ ᠠᠰᠢᠭ᠋ ᠰᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠦ ᠲᠥᠷᠥᠯ ᠲᠡᠮᠳᠡᠭᠢ ᠪᠣᠶ ᠪᠣᠯᠭᠠᠵᠤ᠂
ᠨᠠᠩ ᠣᠯᠠᠨ ᠴᠢᠨᠠᠷ ᠰᠠᠢᠲᠠᠢ ᠰᠢᠯᠢᠳᠡᠭ ᠮᠠᠯᠤᠨ ᠠᠰᠢᠭ᠋ ᠰᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠢ ᠪᠥᠬᠥ
ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠦ ᠬᠣᠭᠣᠯᠠᠨ ᠰᠢᠷᠡᠭᠡᠨᠳᠦ ᠣᠷᠣᠭᠤᠯᠬᠤᠪᠤᠯᠤᠨᠠ᠃
ᠣᠢᠯᠠᠭᠠᠭᠰᠠᠨᠢᠶᠠᠷ᠂ ᠥᠪᠥᠷ ᠮᠣᠩᠭᠣᠯ
ᠣᠯᠠᠨ ᠠᠷᠭᠠ ᠵᠠᠮᠢᠶᠠᠷ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠣᠷᠣᠯᠭᠠᠶᠢ ᠨᠡᠮᠡᠭᠳᠡᠭᠦᠯᠬᠦᠶᠢ ᠠᠬᠢᠭᠤᠯᠵᠤ᠂ ᠰᠢᠶᠠᠨᠤ
ᠬᠡᠪᠴᠢᠶᠡᠨᠦ ᠠᠵᠤ ᠠᠬᠤᠢ ᠪᠠ ᠠᠷᠠᠳᠢ ᠪᠠᠶᠠᠵᠢᠭᠤᠯᠬᠤ ᠠᠵᠤ ᠦᠢᠯᠡᠰᠢ ᠶᠡᠬᠡᠪᠡᠷ ᠬᠥᠭᠵᠢᠭᠦᠯᠵᠦ᠂ ᠰᠢᠶᠠᠨᠤ
ᠬᠣᠲᠠᠪᠠᠷ ᠴᠢᠬᠤᠯᠠ ᠠᠴᠢᠶᠠᠯᠠᠪᠤᠷᠢ ᠪᠣᠯᠭᠠᠭᠰᠠᠨ ᠰᠢᠨᠡ ᠬᠡᠯᠪᠡᠷᠢᠶᠢᠨ ᠬᠣᠲᠠ ᠪᠠᠯᠭᠠᠰᠤᠵᠢᠯᠲᠠᠶᠢ ᠨᠢᠭᠡᠳᠦᠯᠲᠡᠢ
ᠲᠥᠯᠥᠪᠵᠢᠭᠦᠯᠦᠨ ᠠᠬᠢᠭᠤᠯᠵᠤ᠂ ᠲᠠᠷᠢᠶᠠᠯᠠᠬᠤ ᠡᠷᠦᠭᠡ ᠲᠠᠢ ᠬᠤᠯᠪᠤᠭᠠᠯᠠᠨ ᠲᠠᠷᠢᠶᠠᠯᠠᠬᠤ ᠡᠷᠦᠭᠡ ᠵᠢ ᠳᠠᠢᠴᠢᠯᠠᠬᠤ
ᠲᠣᠭᠲᠠᠴᠠᠶᠢ ᠲᠡᠭᠦᠯᠳᠡᠷᠵᠢᠭᠦᠯᠵᠦ᠂ ᠲᠠᠷᠢᠶᠠᠯᠠᠩᠢ ᠬᠦᠴᠦᠷᠬᠡᠭᠵᠢᠭᠦᠯᠦᠨ ᠲᠠᠷᠢᠶᠠᠴᠢᠳᠲᠤ ᠠᠰᠢᠭ᠋ ᠬᠦᠷᠲᠡᠭᠡᠨ
ᠲᠠᠷᠢᠶᠠᠴᠢᠳᠢ ᠪᠠᠶᠠᠵᠢᠭᠤᠯᠬᠤ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢᠨ ᠦᠷᠡ ᠪᠦᠲᠦᠮᠵᠢᠶᠢ ᠦᠷᠭᠦᠯᠵᠢᠯᠡᠨ ᠳᠡᠭᠡᠭᠰᠢᠯᠡᠭᠦᠯᠬᠦ
ᠪᠣᠯᠣᠨᠠ᠃
ᠣᠳᠣᠬᠠᠨᠳᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠠᠮᠤ
ᠪᠤᠳᠠᠭᠠᠨᠤ ᠭᠠᠷᠤᠯᠲᠠ ᠪᠥᠬᠥ ᠤᠯᠤᠰᠤᠨ ᠲᠠᠪᠤᠳᠤᠭᠠᠷᠲᠤ ᠵᠢᠭ᠍ᠰᠠᠭᠠᠭᠳᠠᠵᠤ᠂ ᠦᠬᠡᠷ᠂ ᠬᠣᠨᠢᠨᠤ ᠮᠢᠬᠠᠨᠤ
ᠵᠢᠯᠦᠨ ᠭᠠᠷᠤᠯᠲᠠ ᠴᠥᠮ 100 ᠲᠦᠮᠡᠨ ᠲᠣᠨᠢ ᠳᠠᠪᠠᠵᠤ᠂ ᠦᠨᠢᠶᠡᠨ ᠰᠦ᠂ ᠢᠮᠠᠭᠠᠨ ᠨᠣᠤᠯᠤᠭᠤᠷ᠂ ᠡᠪᠡᠰᠦ ᠪᠣᠷᠳᠣᠭᠠᠶᠢᠨ
ᠵᠢᠯᠦᠨ ᠭᠠᠷᠤᠯᠲᠠ ᠪᠠ 《ᠨᠠᠷᠠᠲᠤ ᠣᠨᠴᠠ ᠰᠢᠯᠢᠳᠡᠭ ᠰᠢᠨᠡ》 ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠦ ᠲᠣᠭᠠ ᠪᠥᠬᠥ
ᠤᠯᠤᠰᠤᠨ ᠡᠮᠦᠨᠡ ᠡᠩᠨᠡᠭᠡᠨᠳᠦ ᠲᠣᠭᠲᠠᠭᠤᠨ ᠪᠠᠢᠨᠠ᠃