ᠴᠠᠭᠠᠨ ᠰᠠᠷᠠ ᠥᠢᠷᠠᠳᠤᠬᠤ ᠵᠢ ᠳᠠᠭᠠᠯᠳᠤᠨ᠂ ᠪᠠᠶᠠᠷᠤᠨ ᠡᠳᠥᠷᠤᠨ ᠠᠭᠤᠷ ᠠᠮᠢᠰᠬᠤᠯ ᠶᠠᠪᠤᠬᠤ ᠳᠤᠳᠤᠮ ᠥᠳᠭᠡᠷᠡᠨᠡ᠃ 2 ᠰᠠᠷᠠᠶᠢᠨ 13ᠪ ᠡᠳᠦᠷ᠂ ᠲᠦᠩᠯᠢᠶᠣᠣ ᠬᠤᠳᠠᠶᠢᠨ ᠺᠠᠢᠯᠤ ᠰᠢᠶᠠᠨᠤ ᠰᠢᠶᠣᠣ ᠵᠢᠶᠧ ᠵᠢᠢ ᠪᠠᠯᠭᠠᠰᠤᠨᠤ ᠰᠢᠩ ᠯᠦᠩ ᠳᠢ ᠲᠣᠰᠬᠣᠨ ᠳ᠋ᠤ ᠪᠠᠶᠠᠷ ᠪᠠᠶᠠᠰᠬᠤᠯᠠᠩᠳᠥ ᠠᠭᠤᠷ ᠠᠮᠢᠰᠬᠤᠯ ᠪᠢᠯᠬᠠᠵᠤ᠂ 180 ᠡᠷᠦᠬᠡ ᠲᠣᠰᠬᠣᠨᠤ ᠠᠷᠠᠳ ᠴᠠᠭᠠᠨ ᠰᠠᠷᠠᠶᠢᠨ 《ᠲᠣᠮᠣ᠌ ᠪᠡᠯᠡᠭ》 ᠲᠤᠰᠤᠯᠠ᠃
ᠰᠢᠩ ᠯᠦᠩ ᠳᠢ ᠲᠣᠰᠬᠣᠨᠤ ᠨᠠᠮᠤᠨ ᠭᠡᠰᠢᠭᠥᠨ ᠪᠠ ᠤᠯᠠᠨ ᠲᠦᠮᠡᠨᠦ ᠦᠢᠯᠡᠴᠢᠯᠡᠭᠡᠨᠦ ᠲᠥᠪᠲᠦ ᠬᠥᠮᠥᠨ ᠤᠯᠠᠨ ᠴᠤᠬᠯᠠᠷᠠᠨ ᠬᠥᠷ ᠬᠥᠭᠵᠢᠶᠠᠨ ᠵᠢᠨᠷ ᠪᠢᠯᠬᠠᠨᠠ᠃ ᠲᠣᠰᠬᠣᠨᠤ 《ᠬᠣᠶᠠᠷ ᠵᠥᠪᠯᠡᠯ》 ᠤ᠋ᠨ ᠬᠢᠨ ᠨᠠᠷᠢᠨ ᠨᠢᠮᠪᠠᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠲᠣᠰᠬᠣᠨᠤ 70 ᠨᠠᠰᠤᠨᠠᠴᠠ ᠳᠡᠭᠡᠭᠰᠢᠬᠢ ᠨᠠᠰᠤᠲᠠᠢᠴᠤᠳ ᠡᠨᠳᠡ ᠲᠣᠭᠣᠷᠢᠨ ᠰᠠᠭᠤᠯᠴᠠᠵᠤ᠂ ᠪᠠᠶᠡᠷ ᠪᠠᠬᠠᠳᠤᠯᠳᠥ ᠠᠭᠤᠷ ᠠᠮᠢᠰᠬᠤᠯᠤᠨ ᠳᠤᠮᠳᠠ ᠰᠢᠨᠡ ᠵᠢᠯᠦᠨ 《ᠤᠯᠠᠭᠠᠨ ᠪᠠᠭᠯᠠᠭᠠ》 ᠵᠢ ᠲᠤᠰᠴᠥ ᠪᠠᠢᠯᠠ᠃
ᠲᠣᠰᠬᠣᠨᠤ ᠠᠷᠠᠳ ᠶᠢᠨ ᠬᠦᠶ ᠱᠠᠨ ᠢᠨᠢᠶᠡᠳᠥ ᠪᠢᠯᠬᠠᠭᠤᠯᠤᠨ ᠤᠯᠠᠭᠠᠨ ᠪᠠᠭᠯᠠᠭᠠᠶᠢ ᠲᠣᠰᠴᠤ ᠠᠪᠬᠤ ᠳ᠋ᠠᠭᠠᠨ᠄ 《ᠰᠢᠨᠡ ᠵᠢᠯᠦᠨ ᠤᠯᠠᠭᠠᠨ ᠪᠠᠭᠯᠠᠭᠠ ᠤᠯᠤᠬᠰᠠᠨ ᠳ᠋ᠠᠭᠠᠨ ᠮᠠᠰᠢ ᠪᠠᠶᠠᠷᠲᠠᠢ ᠪᠠᠢᠨᠠ᠂ ᠡᠢᠨᠬᠦ ᠴᠠᠭᠠᠨ ᠰᠠᠷᠠ ᠵᠢᠨ ᠠᠭᠤᠷ ᠠᠮᠢᠰᠬᠤᠯ ᠨᠢᠭᠡ ᠯᠡ ᠳᠡᠭᠡᠷᠡ ᠥᠳᠬᠡᠷᠡᠴᠢᠭᠡᠯᠡ》 ᠭᠡᠵᠦ ᠰᠡᠳᠬᠢᠯ ᠳᠣᠭᠳᠣᠯᠤᠨ ᠬᠡᠯᠡᠨᠡ᠃ ᠲᠡᠷᠡ ᠪᠡᠷ ᠨᠠᠰᠤᠳᠠᠢᠴᠤᠳᠲᠦ ᠤᠯᠭᠤᠬᠰᠠᠨ ᠤᠯᠠᠭᠠᠨ ᠪᠠᠬᠯᠠᠭᠠ ᠵᠢ 5 ᠵᠢᠯ ᠳᠠᠷᠠᠭᠠᠯᠠᠨ ᠲᠤᠰᠴᠤ ᠪᠠᠢᠭᠠ ᠶᠤᠮ᠃ ᠣᠢᠯᠠᠭᠠᠭᠰᠠᠨᠢᠶᠠᠷ᠂ ᠡᠨᠡ ᠵᠢᠯ ᠪᠥᠬᠥ ᠲᠣᠰᠬᠣᠨᠤ ᠪᠦᠬᠦᠯᠢ 70 ᠨᠠᠰᠤᠨᠠᠴᠠ ᠳᠡᠭᠡᠭᠰᠢᠬᠢ 70 ᠨᠠᠰᠤᠲᠠᠨ ᠬᠥᠮᠥᠨ ᠪᠥᠷᠢ 300 ᠲᠥᠭᠥᠷᠢᠭᠦᠨ ᠤᠯᠠᠭᠠᠨ ᠪᠠᠭᠯᠠᠭᠠ ᠲᠤᠰᠴᠠᠢ᠃ ᠡᠨᠡ ᠬᠦ᠌ ᠦᠨᠡᠨ ᠪᠣᠳᠠᠲᠠᠢ ᠬᠠᠯᠠᠮᠵᠢᠯᠠᠯ ᠨᠢ ᠨᠠᠰᠤᠲᠠᠢᠴᠤᠳᠲᠤ ᠲᠣᠰᠬᠣᠨᠤ ᠬᠠᠮᠲᠤ ᠨᠡᠢᠳᠡᠶᠢᠨ ᠬᠠᠯᠠᠭᠤᠨ ᠳᠤᠯᠠᠭᠠᠨᠢ ᠭᠦᠨ ᠮᠡᠳᠡᠷᠡᠭᠦᠯᠵᠤ ᠪᠠᠢᠯᠠ᠃
ᠮᠤᠷᠢᠨ ᠵᠢᠯᠤᠨ ᠴᠠᠭᠠᠨ ᠰᠠᠷᠠᠳᠤ ᠰᠢᠩ ᠯᠦᠩ ᠳᠢ ᠲᠣᠰᠬᠣᠨᠤ 《ᠬᠣᠶᠠᠷ ᠵᠥᠪᠯᠡᠯ》 ᠨᠢ ᠪᠠᠰᠠ ᠪᠦᠬᠦ ᠲᠣᠰᠬᠣᠨᠤ 180 ᠡᠷᠦᠬᠡᠳᠦ 6 ᠲᠦᠮᠡᠨ ᠲᠥᠭᠥᠷᠢᠭᠦᠨ ᠶᠡᠷᠦᠩᠬᠡᠢ ᠦᠷᠳᠡᠭ ᠪᠦᠬᠦᠢ ᠴᠠᠭᠠᠨ ᠰᠠᠷᠠᠶᠢᠨ ᠪᠡᠯᠡᠭ ᠪᠡᠯᠡᠳᠬᠡᠵᠦ᠂ ᠪᠦᠬᠦ ᠲᠣᠰᠬᠣᠨᠤ ᠠᠷᠠᠳᠲᠤ ᠬᠠᠮᠲᠤᠶᠢᠨ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠲᠡᠶᠢᠨ ᠡᠯᠪᠡᠭ ᠪᠠᠶᠠᠯᠢᠭ᠋ ᠦᠷᠡ ᠪᠦᠲᠦᠮᠵᠢ ᠵᠢ ᠡᠳ᠋ᠯᠡᠭᠦᠯᠥᠭᠰᠡᠨ ᠪᠠᠢᠨᠠ᠃
ᠲᠣᠰᠬᠣᠨᠤ ᠨᠠᠮᠤᠨ ᠭᠡᠰᠢᠭᠥᠨ ᠪᠠ ᠤᠯᠠᠨ ᠲᠦᠮᠡᠨᠦ ᠦᠢᠯᠡᠴᠢᠯᠡᠭᠡᠨᠦ ᠲᠥᠪᠦᠨ ᠳᠤᠳᠤᠷᠠ ᠨᠠᠰᠤᠳᠠᠢᠴᠤᠳᠲᠦ ᠤᠯᠠᠭᠠᠨ ᠪᠠᠬᠯᠠᠭᠠ ᠭᠠᠷᠳᠠᠭᠤᠯᠬᠤ ᠵᠢᠨ ᠲᠠᠭᠠᠦ ᠬᠠᠮᠳᠤ ᠨᠡᠢᠳᠡ ᠡᠴᠡ ᠪᠠᠰᠠ ᠡᠷᠦᠬᠡ ᠪᠦᠷᠢᠳᠦ ᠲᠤᠲᠤᠷᠭᠠ ᠵᠡᠷᠭᠡ ᠠᠮᠢᠳᠤᠷᠠᠯᠤᠨ ᠡᠳ᠋ ᠪᠣᠳᠠᠰ ᠲᠦᠭᠡᠭᠡᠵᠦ᠂ ᠡᠯᠪᠡᠭ ᠬᠤᠷᠢᠶᠠᠯᠲᠠᠶᠢᠨ ᠪᠠᠶᠠᠷ ᠪᠠᠬᠠᠳᠤᠯ ᠲᠤᠰᠬᠤᠨ ᠳᠥᠭᠥᠷᠡᠩ ᠴᠤᠤᠷᠢᠶᠠᠳᠤᠨᠠ᠃ ᠲᠣᠰᠬᠣᠨᠤ ᠺᠠᠳ᠋ᠷ ᠪᠣᠯᠣᠨ ᠳᠤᠭᠤᠢᠯᠠᠩᠤᠨ ᠳᠠᠷᠤᠭᠠ ᠨᠠᠷ ᠠᠵᠢᠯ ᠵᠢᠨᠨ ᠲᠣᠳᠣᠷᠬᠠᠢ ᠬᠤᠪᠢᠶᠠᠷᠢᠯᠠᠨ᠂ ᠤᠭᠤᠳᠠ ᠲᠠᠢ ᠳᠤᠳᠤᠷᠭᠠ ᠵᠢ ᠲᠣᠰᠬᠣᠨᠤ ᠠᠷᠠᠳᠲᠤ ᠨᠢᠭᠡᠳ ᠨᠢᠭᠡ ᠪᠡᠷ ᠭᠠᠷᠳᠠᠭᠤᠯᠵᠤ ᠪᠠᠢᠯᠠ᠃
ᠲᠣᠰᠬᠣᠨᠤ ᠠᠷᠠᠳ ᠰᠢᠦᠢ ᠱᠢ ᠯᠢᠨ᠄ 《ᠡᠨᠡ ᠪᠣᠯ ᠳᠥᠷᠪᠡᠳᠡᠬᠢ ᠵᠢᠯ ᠲᠣᠰᠬᠣᠨᠠᠴᠠ ᠥᠭᠭᠦᠭᠰᠡᠨ ᠴᠠᠭᠠᠨ ᠰᠠᠷᠠᠶᠢᠨ ᠪᠡᠯᠡᠭ ᠪᠣᠯᠬᠤ ᠶᠤᠮ᠂ ᠮᠠᠨᠤ ᠲᠣᠰᠬᠣᠨᠤ ᠬᠠᠮᠳᠤ ᠵᠢᠨ ᠠᠵᠤ ᠠᠬᠤᠢ ᠵᠢᠨ ᠬᠥᠭᠵᠢᠯᠲᠠ ᠵᠢ ᠳᠠᠭᠠᠯᠳᠤᠨ ᠤᠯᠠᠨᠢᠶᠠᠷᠢᠶᠠᠨ ᠴᠥᠮ ᠠᠰᠢᠭ᠋ ᠬᠦᠷᠲᠡᠵᠦ᠂ ᠮᠠᠨᠤᠰᠤᠨ ᠰᠡᠳᠬᠢᠯ ᠳ᠋ᠤ ᠲᠤᠢᠯᠤᠨ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠰᠠᠨᠠᠬᠳᠠᠵᠤ ᠪᠠᠢᠨᠠ》 ᠭᠡᠵᠦ ᠰᠡᠳᠬᠢᠯ ᠬᠥᠳᠡᠯᠦᠨ ᠬᠡᠯᠡᠨᠡ᠃
ᠰᠢᠩ ᠯᠦᠩ ᠳᠢ ᠲᠣᠰᠬᠣᠨ ᠪᠠᠰᠠ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠥᠭᠵᠢᠯᠲᠡᠶᠢ ᠴᠢᠬᠤᠯᠠᠴᠢᠯᠠᠨ᠂ ᠬᠠᠮᠲᠤ ᠨᠡᠶ᠋ᠢᠲᠡᠡᠴᠡ ᠲᠣᠰ ᠪᠠᠯᠭᠠᠰᠤᠨᠳᠤ ᠰᠤᠷᠤᠯᠴᠠᠵᠤ ᠪᠠᠢᠭᠠ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ 66 ᠰᠣᠷᠣᠭ᠍ᠴᠢᠳᠤ ᠬᠥᠮᠥᠨ ᠪᠦᠷᠢᠳᠦ 100 ᠲᠥᠭᠥᠷᠢᠭᠦᠨ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠵᠠᠷᠤᠳᠠᠯ ᠨᠥᠬᠥᠪᠦᠷᠢᠯᠡᠵᠦ᠂ ᠭᠡᠷᠦᠨ ᠠᠬᠠᠮᠠᠳᠤᠨ ᠠᠵᠤ ᠠᠬᠤᠢᠶᠢᠨ ᠳᠠᠷᠤᠭᠠᠰᠤᠶᠢ ᠬᠥᠩᠭᠡᠯᠡᠨ᠂ ᠬᠡᠦᠬᠡᠳᠦᠨ ᠰᠤᠷᠤᠯᠴᠠᠯᠭᠠ ᠳ᠋ᠤ ᠨᠠᠩ ᠲᠥᠬᠥᠮ ᠥᠵᠡᠭᠥᠯᠪᠡ᠃ ᠡᠭᠦᠨᠦ ᠬᠠᠮᠳᠤ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠰᠢᠯᠭᠠᠭᠤᠯᠤᠨ ᠣᠷᠣᠭᠰᠠᠨ ᠵᠢᠩᠬᠢᠨᠢ ᠠᠩᠭᠢᠶᠢᠨ 3 ᠣᠶᠤᠲᠠᠨ ᠳ᠋ᠤ ᠬᠥᠮᠥᠨ ᠪᠦᠷᠢᠳᠦ 1000 ᠲᠥᠭᠥᠷᠢᠭ ᠱᠠᠩᠨᠠᠯ ᠬᠦᠷᠳᠡᠭᠡᠵᠦ᠂ ᠲᠡᠳᠡᠨᠦ ᠴᠢᠷᠮᠠᠢᠨ ᠰᠤᠷᠤᠯᠴᠠᠬᠤᠶᠢ ᠵᠣᠷᠢᠭ᠍ᠵᠢᠭᠤᠯᠵᠠᠢ᠃ ᠡᠳᠡᠬᠡᠷ ᠠᠷᠭᠠ ᠬᠡᠮᠵᠢᠶᠡ ᠨᠢ ᠲᠣᠰᠬᠣᠨᠤ ᠠᠷᠠᠳᠲᠤ ᠵᠣᠯ ᠵᠢᠷᠭᠠᠯ ᠡᠳ᠋ᠯᠡᠭᠦᠯᠦᠭᠰᠡᠨ ᠵᠢᠨᠷ ᠪᠠᠷᠠᠬᠤ ᠥᠭᠡᠢ ᠲᠣᠰᠬᠣᠨᠤ ᠢᠷᠡᠭᠡᠳᠦᠢᠶᠢᠨ ᠬᠥᠭᠵᠢᠯᠲᠡᠳᠦᠴᠦ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠬᠥᠪᠥᠷᠡᠭᠥᠯᠥᠭᠰᠡᠨ ᠪᠠᠢᠨᠠ᠃
ᠡᠨᠡ ᠬᠦ᠌ ᠬᠠᠯᠠᠭᠤᠨ ᠳᠣᠲᠣᠨᠣ᠌ ᠴᠠᠭᠠᠨ ᠰᠠᠷᠠᠶᠢᠨ 《ᠲᠣᠮᠣ᠌ ᠪᠡᠯᠡᠭ》 ᠨᠢ ᠰᠢᠩ ᠯᠦᠩ ᠳᠢ ᠲᠣᠰᠬᠣᠨᠤ ᠬᠠᠮᠲᠤᠶᠢᠨ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠲᠡᠶᠢᠨ ᠯᠠᠪᠳᠠᠭᠤᠨ ᠪᠠᠲᠤᠲᠠᠢ ᠦᠷᠡ ᠪᠦᠲᠦᠮᠵᠢᠡᠴᠡ ᠰᠠᠯᠵᠤ ᠴᠢᠳᠠᠬᠤ ᠥᠭᠡᠢ ᠶᠤᠮ᠃ ᠣᠢᠷᠠᠶᠢᠨ ᠵᠢᠯᠡᠴᠡ ᠨᠠᠭᠠᠰᠢ ᠲᠣᠰᠬᠣᠨᠤ 《ᠬᠣᠶᠠᠷ ᠵᠥᠪᠯᠡᠯ》 ᠤ᠋ᠨ ᠳᠠᠭᠠᠭᠤᠯᠭᠠ ᠳᠣᠣᠷᠠ ᠰᠢᠩ ᠯᠦᠩ ᠳᠢ ᠲᠣᠰᠬᠣᠨ ᠤᠯᠠᠨ ᠲᠦᠮᠡᠨᠦ 《ᠪᠠᠴᠢᠮᠳᠠᠵᠦ᠂ ᠳᠦᠪᠡᠭᠳᠡᠵᠦ᠂ ᠬᠦᠴᠢᠷᠳᠡᠵᠦ᠂ ᠵᠤᠪᠠᠨᠢᠵᠦ》 ᠪᠠᠢᠭᠠ ᠠᠰᠠᠭᠤᠳᠠᠯᠳ᠋ᠤ᠌ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠵᠦ᠂ ᠠᠵᠤ ᠦᠢᠯᠡᠰᠦᠨ ᠬᠥᠭᠵᠢᠯᠲᠡᠶᠢ ᠭᠦᠨᠵᠡᠭᠡᠢᠷᠡᠭᠦᠯᠥᠨ᠂ ᠠᠷᠠᠳᠤᠨ ᠠᠮᠢᠳᠤᠷᠠᠯᠤᠨ ᠪᠠᠲᠤᠯᠠᠭᠠ ᠵᠢ ᠪᠥᠬᠥ ᠬᠥᠴᠥᠨ ᠵᠢᠨᠷ ᠠᠳᠬᠤᠵᠤ ᠢᠷᠡᠪᠡ᠃ ᠴᠥᠬᠥᠷᠡᠰᠢ ᠦᠭᠡᠢ ᠴᠢᠷᠮᠠᠢᠯᠭᠠᠪᠠᠷ ᠳᠠᠮᠵᠢᠨ 2025 ᠣᠨᠳᠤ ᠲᠣᠰᠬᠣᠨᠤ ᠬᠠᠮᠲᠤᠶᠢᠨ ᠣᠷᠣᠯᠭᠠ 100 ᠲᠦᠮᠡᠨ ᠲᠥᠭᠥᠷᠢᠭᠲᠦ ᠬᠦᠷᠴᠦ᠂ ᠲᠣᠰᠬᠣᠨᠤ ᠠᠷᠠᠳᠤᠨ ᠬᠦᠷᠲᠡᠮᠵᠢ ᠵᠢᠨ ᠲᠥᠷᠥᠭᠳᠡᠯ᠂ ᠵᠣᠯ ᠵᠢᠷᠭᠠᠯᠲᠤ ᠲᠥᠷᠥᠭᠳᠡᠯ᠂ ᠠᠮᠤᠷ ᠲᠦᠪᠰᠢᠨᠦ ᠲᠥᠷᠥᠭᠳᠡᠯᠢ ᠥᠷᠬᠥᠯᠵᠢᠯᠡᠨ ᠳᠡᠭᠡᠭᠰᠢᠯᠡᠭᠥᠯᠵᠤ ᠴᠢᠳᠠᠬᠰᠠᠨ ᠪᠠᠢᠨᠠ᠃
ᠴᠠᠭᠠᠨ ᠰᠠᠷᠠᠶᠢᠨ 《ᠲᠣᠮᠣ᠌ ᠪᠡᠯᠡᠭ》 ᠨᠢ ᠬᠠᠮᠲᠤᠶᠢᠨ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠲᠡᠶᠢᠨ ᠠᠰᠢᠭ᠋ ᠲᠤᠰᠠᠶᠢ ᠡᠷᠦᠬᠡ ᠪᠦᠷᠢᠳᠦ ᠨᠠᠷᠢᠯᠢᠭ᠋ ᠣᠨᠣᠴᠠᠲᠠᠢᠪᠠᠷ ᠬᠥᠷᠭᠡᠵᠤ᠂ ᠡᠨᠡ ᠬᠦ᠌ ᠴᠠᠭᠠᠨ ᠰᠠᠷᠠᠶᠢ ᠨᠠᠩ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠂ ᠨᠠᠩ ᠤᠳᠬᠠ ᠠᠭᠤᠯᠭᠠᠲᠠᠢ ᠪᠣᠯᠭᠠᠵᠠᠢ᠃
ᠰᠢᠩ ᠯᠦᠩ ᠳᠢ ᠲᠣᠰᠬᠣᠨᠤ ᠨᠠᠮᠤᠨ ᠡᠭᠦᠷᠦᠨ ᠱᠦᠵᠢ᠂ ᠲᠣᠰᠬᠣᠨᠤ ᠠᠷᠠᠳᠤᠨ ᠵᠥᠪᠯᠡᠯᠦᠨ ᠡᠷᠬᠢᠯᠡᠭᠴᠢ ᠸᠠᠩ ᠭᠠᠩ᠄ 《ᠲᠠᠷᠠᠭᠠᠴᠢᠶᠢᠨ ᠠᠯᠬᠤᠮᠳᠤ ᠰᠢᠩ ᠯᠦᠩ ᠳᠢ ᠲᠣᠰᠬᠣᠨᠤ 〈ᠬᠣᠶᠠᠷ ᠵᠥᠪᠯᠡᠯ〉 ᠤ᠋ᠨ ᠬᠢᠨ ᠠᠷᠠᠳᠤᠨ ᠲᠥᠯᠥᠭᠡ ᠵᠢᠳᠬᠦᠬᠦ ᠠᠮᠠᠯᠠᠯᠲᠠ ᠪᠠᠨ ᠥᠷᠬᠥᠯᠵᠢᠯᠠᠨ ᠪᠠᠷᠢᠮᠲᠠᠯᠠᠵᠤ᠂ ᠲᠣᠰᠬᠣᠨᠤ ᠠᠷᠠᠳᠲᠤ ᠵᠢᠯ ᠪᠣᠯᠭᠠᠨ ᠨᠠᠮᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠬᠠᠯᠠᠮᠵᠢᠯᠠᠯ ᠪᠠ ᠴᠠᠭᠠᠨ ᠰᠠᠷᠠᠶᠢᠨ ᠠᠰᠠᠷᠠᠮᠵᠢᠳᠥ ᠠᠵᠢᠯᠯᠠᠭᠠ ᠵᠢ ᠡᠳ᠋ᠯᠡᠭᠥᠯᠵᠤ ᠮᠡᠳᠡᠷᠡᠭᠦᠯᠬᠦᠪᠡᠷ ᠪᠠᠷᠠᠬᠤ ᠦᠭᠡᠢ ᠨᠠᠩ ᠴᠤ᠌ ᠣᠨᠴᠠᠯᠢᠭ᠍ᠲᠤ ᠠᠵᠤ ᠦᠢᠯᠡᠰᠢ ᠭᠥᠭᠵᠢᠭᠥᠯᠵᠤ᠂ ᠠᠵᠤ ᠦᠢᠯᠡᠰᠦᠨ ᠲᠠᠰ ᠳᠡᠪᠰᠢᠬᠦᠶᠢ ᠠᠬᠢᠭᠤᠯᠤᠨ᠂ ᠲᠣᠰᠬᠣᠨᠤ ᠬᠠᠮᠲᠤᠶᠢᠨ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠲᠡᠳᠦ ᠰᠢᠨᠡ ᠬᠥᠳᠡᠯᠭᠡᠬᠦ ᠬᠦᠴᠦᠨ ᠨᠡᠮᠡᠷᠢᠯᠡᠨᠡ； ᠬᠥᠮᠥᠰᠦᠨ ᠣᠷᠣᠰᠢᠨ ᠰᠠᠭᠤᠬᠤ ᠣᠷᠴᠢᠨ ᠲᠣᠭᠣᠷᠢᠨᠢ ᠰᠢᠯᠢᠳᠡᠭᠵᠢᠭᠦᠯᠵᠦ᠂ ᠦᠵᠡᠰᠬᠦᠯᠡᠩᠲᠦ ᠰᠠᠢᠬᠠᠨ ᠣᠷᠣᠰᠢᠨ ᠰᠠᠭᠤᠬᠤᠳᠤ ᠲᠣᠬᠢᠷᠠᠮᠵᠢᠲᠠᠢ ᠬᠥᠳᠡᠭᠡ ᠲᠣᠰᠬᠣᠨᠢ ᠪᠠᠢᠭᠤᠯᠥᠨ᠂ ᠲᠣᠰᠬᠣᠨᠤ ᠠᠷᠠᠳᠤᠨ ᠠᠮᠢᠳᠤᠷᠠᠯᠤᠨ ᠴᠢᠨᠠᠷ ᠴᠢᠨᠰᠠᠭᠠᠶᠢ ᠳᠡᠭᠡᠭᠰᠢᠯᠡᠭᠦᠯᠥᠨᠡ； ᠦᠢᠯᠡᠴᠢᠯᠡᠭᠡᠨᠦ ᠪᠠᠲᠤᠯᠠᠭᠠᠶᠢ ᠲᠡᠭᠦᠯᠳᠡᠷᠵᠢᠭᠦᠯᠵᠦ᠂ ᠲᠣᠰᠬᠣᠨᠤ ᠠᠷᠠᠳᠤᠨ ᠬᠣᠢᠰᠢᠳᠠᠶᠢᠨ ᠵᠣᠪᠠᠨᠢᠯᠢ ᠰᠢᠢᠳᠪᠦᠷᠢᠯᠡᠨ᠂ ᠲᠣᠰᠬᠣᠨᠤ ᠠᠷᠠᠳᠤᠨ ᠠᠮᠢᠳᠤᠷᠠᠯᠢ ᠤᠯᠠᠮᠠᠴᠠ ᠤᠯᠠᠮ ᠰᠠᠢᠵᠢᠷᠠᠭᠤᠯᠵᠤ᠂ ᠨᠤᠲᠤᠭ ᠤᠰᠤᠨᠤ ᠬᠥᠭᠵᠢᠯᠲᠡᠶᠢ ᠤᠯᠠᠮᠠᠴᠠ ᠤᠯᠠᠮ ᠲᠥᠷᠭᠡᠳᠭᠡᠨᠡ》 ᠭᠡᠵᠤ ᠢᠳᠡᠭᠡᠯ ᠳᠥᠭᠥᠷᠡᠩ ᠬᠡᠯᠡᠵᠤ ᠪᠠᠢᠯᠠ᠃