《ᠡᠷᠳᠡ ᠬᠦᠷᠦᠭᠡᠳ ᠢᠷᠡᠴᠢᠬᠡᠪᠡ ᠤᠤ？》᠂ 《ᠲᠠᠢᠮᠤ ᠡ᠂ ᠠᠰᠢᠭ ᠬᠤᠪᠢᠶᠠᠷᠢᠯᠠᠬᠤ ᠬᠡᠵᠦ ᠪᠠᠢᠬᠤ ᠶᠤᠮ ᠴᠢᠨᠢ ᠯᠠᠪᠳᠠᠢ ᠡᠷᠳᠡ ᠢᠷᠡᠨᠠ ᠰᠢᠳᠡ！》 ᠤᠢᠷᠠ ᠵᠢᠨ ᠡᠳᠦᠷ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨᠤ ᠰᠢ ᠡᠾᠧ ᠰᠢᠶᠠᠩᠤᠨ ᠴᠢᠶᠠᠨ ᠡᠾᠧ ᠲᠤᠰᠬᠤᠨᠤ ᠨᠠᠮᠤᠨ ᠭᠡᠰᠢᠬᠦᠨ ᠤᠯᠠᠨ ᠲᠦᠮᠡᠨ ᠤ ᠦᠢᠯᠡᠴᠢᠯᠡᠭᠡᠨᠤ ᠲᠦᠪ ᠲᠤ᠌ ᠬᠤᠶᠠᠷ ᠭᠦᠮᠦᠨᠤ ᠲᠦᠭᠦᠮᠬᠡᠨ ᠶᠠᠷᠢᠶᠠ ᠪᠦᠬᠦ ᠲᠤᠰᠬᠤᠨᠤ ᠠᠷᠠᠳᠤᠨ ᠪᠠᠶᠠᠰᠤᠯᠢ ᠪᠦᠷᠢᠨ ᠢᠯᠡᠷᠡᠭᠦᠯᠵᠦ ᠪᠠᠢᠯᠠ᠃ ᠲᠤᠰ ᠡᠳᠦᠷ ᠴᠢᠶᠠᠨ ᠡᠾᠧ ᠲᠤᠰᠬᠤᠨᠤ ᠠᠷᠠᠳᠤᠳ ᠦᠢᠯᠡᠴᠢᠯᠡᠭᠡᠨ ᠤ ᠲᠦᠪ ᠲᠤ᠌ ᠡᠷᠳᠡᠯᠡᠨ ᠢᠷᠡᠵᠦ᠂ ᠬᠦᠰᠡᠵᠦ ᠬᠦᠯᠢᠶᠡᠭᠰᠡᠨ ᠵᠢᠯᠤᠨ ᠠᠰᠢᠭ ᠵᠢᠡᠨ ᠬᠤᠪᠢᠶᠠᠷᠢᠯᠠᠵᠦ᠂ ᠮᠦᠨ ᠰᠢᠨᠠ ᠨᠢᠭᠡ ᠵᠢᠯᠤᠨ ᠵᠢᠡᠨ ᠦᠭᠡᠳᠡ ᠡᠰᠡᠷᠡᠭ ᠪᠠᠢᠬᠤ ᠵᠢ ᠪᠡᠯᠭᠡᠰᠢᠶᠠᠨ ᠵᠤᠭᠤᠬᠳᠠᠵᠠᠭᠠᠵᠦ ᠪᠠᠢᠪᠠ᠃
《ᠵᠠ ᠪᠦᠭᠦᠳᠡᠭᠡᠷ ᠤᠷᠤ ᠤᠷᠤ ᠪᠡᠨ ᠤᠯᠤᠭᠠᠳ ᠰᠠᠭᠤᠭᠠᠷᠠᠢ᠂ ᠪᠢ ᠤᠳᠤ ᠤᠯᠠᠨ ᠳ᠋ᠤ ᠡᠨᠡ ᠨᠢᠭᠡ ᠵᠢᠯ ᠤᠨ ᠲᠠᠩᠰᠠ ᠵᠢ ᠪᠤᠳᠤᠵᠦ ᠦᠭᠭᠦᠶᠠ！》 ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨᠤ ᠰᠢ ᠡᠾᠧ ᠰᠢᠶᠠᠩ ᠤᠨ ᠴᠢᠶᠠᠨ ᠡᠾᠧ ᠲᠤᠰᠬᠤᠨᠤ ᠨᠠᠮ ᠤᠨ ᠡᠭᠦᠷ ᠤᠨ ᠱᠦᠵᠢ ᠮᠦᠷᠳᠡᠭᠡᠨ ᠲᠤᠰᠬᠤᠨᠤ ᠵᠦᠪᠯᠡᠯᠤᠨ ᠡᠷᠬᠢᠯᠡᠭᠴᠢ ᠸᠠᠩ ᠬᠠᠢ ᠵᠢᠶᠦ᠋ᠨ ᠨᠢᠭᠡ ᠲᠠᠯᠠ ᠪᠡᠷ ᠭᠠᠷ ᠲᠤᠬᠢᠨ ᠤᠯᠠᠨᠢ ᠰᠠᠭᠤᠯᠭᠠᠬᠤ ᠵᠢᠨ ᠲᠠᠭᠠᠤ ᠨᠦᠬᠦᠭᠡ ᠲᠡᠯᠠ ᠪᠡᠷ ᠲᠤᠰᠬᠤᠨᠤ ᠪᠡᠨ ᠡᠯᠪᠡᠭ ᠬᠤᠷᠢᠶᠠᠯᠳᠠ ᠵᠢᠨ ᠲᠠᠩᠰᠠ ᠵᠢ ᠪᠤᠳᠤᠵᠦ ᠭᠠᠷᠤᠯᠠ᠃ 《ᠦᠨᠦᠳᠦᠷ ᠪᠢᠳᠡ ᠨᠢᠭᠡᠳᠦᠯᠳᠠᠢ ᠲᠠᠷᠢᠵᠦ ᠬᠠᠮᠳᠤ ᠪᠡᠷ ᠪᠠᠶᠠᠵᠢᠬᠤ ᠵᠢᠨ ᠠᠰᠢᠭᠢ ᠨᠡᠢᠳᠡ 100 ᠲᠦᠮᠡᠨ ᠲᠦᠭᠦᠷᠢᠭ ᠬᠤᠪᠢᠶᠠᠷᠢᠯᠠᠨᠠ᠂ ᠡᠭᠦᠨ ᠲᠤᠳᠤᠷᠠ ᠬᠠᠳᠠᠳᠤ᠂ ᠲᠠᠪᠤᠨ ᠤᠪᠤᠭᠠ ᠵᠡᠷᠭᠡ 3 ᠪᠠᠢᠭᠠᠯᠢᠯᠢᠭ ᠲᠤᠰᠬᠤᠨᠢ ᠪᠠᠬᠳᠠᠭᠠᠵᠦ ᠪᠠᠢᠨᠠ᠃ ᠡᠨᠡ ᠵᠢᠯ ᠮᠠᠨᠤᠰ ᠤᠨ ᠬᠤᠳᠠᠯᠳᠤᠬᠰᠠᠨ ᠲᠠᠷᠢᠶᠠ ᠲᠤᠳᠤᠷᠠ ᠦᠨᠠ ᠪᠡᠷ ᠨᠡᠯᠢᠶᠠᠳ ᠰᠠᠢᠨ ᠨᠢ ᠨᠤᠬᠠᠢ ᠵᠢᠨ ᠬᠤᠰᠢᠭᠤ ᠡᠪᠡᠰᠤ᠂ ᠮᠤ᠌ ᠪᠦᠷᠢ ᠳ᠋ᠤ 162 ᠲᠦᠭᠦᠷᠢᠭ ᠬᠤᠪᠢᠶᠠᠷᠢᠯᠡᠵᠦ ᠲᠡᠢᠯᠦᠨᠠ᠂ ᠨᠠᠷᠠᠨ ᠬᠤᠸᠠᠷ ᠪᠤᠯᠤᠨ ᠡᠷᠳᠡᠨᠢ ᠰᠢᠰᠢ ᠮᠤ᠌ ᠪᠦᠷᠢ ᠳ᠋ᠤ 400 ᠲᠦᠭᠦᠷᠢᠭ ᠬᠤᠪᠢᠶᠠᠷᠢᠯᠡᠵᠦ ᠲᠡᠢᠯᠦᠨᠠ᠃ ᠮᠠᠨᠤᠰ ᠡᠨᠡ ᠵᠢᠯ ᠪᠠᠰᠠ ᠬᠢᠳᠡᠳ ᠡᠪᠡᠰᠤᠨ ᠡᠮ ᠲᠠᠷᠢᠵᠦ᠂ 8 ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠪᠡᠯᠡ ᠤᠷᠤᠭᠤᠯᠤᠯᠠ ᠁》 ᠬᠡᠵᠦ ᠤᠷᠤᠯᠭᠠ ᠵᠠᠷᠤᠯᠭᠠ ᠪᠡᠨ ᠨᠠᠷᠢᠨ ᠲᠤᠭᠠᠴᠢᠵᠦ ᠭᠠᠷᠤᠯᠠ᠃ ᠡᠳᠡᠭᠡᠷ ᠤᠷᠤᠯᠭᠠ ᠵᠠᠷᠤᠯᠭᠠ ᠵᠢ ᠲᠤᠰᠬᠤᠨ ᠤ ᠳ᠋ᠠ ᠳ᠋ᠦᠩ ᠡᠾᠧ ᠬᠤᠷᠰᠢᠶᠠᠵᠢᠯ ᠡᠴᠡ ᠪᠤᠳᠤᠵᠦ ᠭᠠᠷᠭᠠᠬᠰᠠᠨ ᠪᠠᠢᠵᠠᠢ᠃ ᠸᠠᠩ ᠬᠠᠢ ᠵᠢᠶᠦ᠋ᠨ ᠴᠤ᠌ ᠡᠳᠡᠭᠡᠷ ᠲᠠᠩᠰᠠ ᠵᠢ ᠠᠯᠠᠭᠠᠨᠤ ᠪᠠᠨ ᠵᠢᠷᠤᠭᠠᠰᠤ ᠰᠢᠭ᠋ ᠨᠠᠷᠢᠨ ᠴᠡᠭᠡᠵᠢᠯᠡᠵᠦ ᠪᠠᠢᠯᠠ᠃ ᠲᠤᠰᠬᠤᠨᠤ ᠠᠷᠠᠳᠤᠳ ᠡᠳᠡᠭᠡᠷ ᠤᠷᠤᠯᠭᠠ ᠵᠠᠷᠤᠯᠭᠠ ᠵᠢᠨ ᠲᠠᠩᠰᠠ ᠵᠢ ᠨᠢᠮᠪᠠᠢ ᠰᠤᠨᠤᠰᠬᠤ ᠵᠢᠨ ᠲᠠᠭᠠᠤ ᠳ᠋ᠤ ᠨᠠᠮ ᠲᠠᠭᠤ ᠪᠡᠷ ᠬᠠᠵᠠᠭᠤ ᠵᠢᠨ ᠬᠦᠮᠦᠰ ᠲᠠᠢ ᠪᠡᠨ ᠶᠠᠷᠢᠯᠴᠠᠵᠦ᠂ ᠴᠢᠷᠠᠢ ᠳ᠋ᠤ ᠨᠢ ᠬᠠᠨᠤᠮᠵᠢᠳᠠᠢ ᠮᠦᠰᠢᠶᠡᠳᠤ ᠲᠤᠳᠤᠷᠠᠵᠦ ᠪᠠᠢᠪᠠ᠃
ᠲᠠᠷᠠᠭᠠᠳᠤᠨᠢ ᠨᠠᠮ ᠤᠯᠠᠨ ᠲᠦᠮᠡᠨ ᠤ ᠦᠢᠯᠡᠴᠢᠯᠡᠭᠡᠨ ᠤ ᠲᠦᠪ ᠤᠨ ᠬᠦᠷᠢᠶᠡᠨ ᠲᠤᠮᠳᠠᠬᠢ ᠫᠤᠤᠵᠢᠩ ᠤᠨ ᠲᠠᠭᠤ ᠵᠢᠨ ᠨᠢᠵᠢᠬᠢᠨᠡᠬᠦ ᠵᠢ ᠲᠠᠭᠠᠯᠳᠤᠨ ᠠᠰᠢᠭ ᠬᠤᠪᠢᠶᠠᠷᠢᠯᠠᠯ ᠤᠨ ᠮᠦᠩᠬᠦ ᠭᠠᠷᠳᠠᠭᠤᠯᠬᠤ ᠠᠵᠢᠯ ᠵᠢᠩᠬᠢᠨᠢ ᠪᠡᠷ ᠡᠬᠢᠯᠡᠯᠠ᠃ ᠠᠵᠢᠯᠳᠠᠳ ᠡᠴᠡ ᠠᠢᠯ ᠪᠤᠯᠭᠠᠨ ᠤ ᠬᠤᠪᠢᠶᠠᠷᠢᠯᠠᠬᠰᠠᠨ ᠬᠡᠮᠵᠢᠶᠠ ᠪᠡᠷ ᠵᠤᠭᠤᠰᠢ ᠲᠤᠭᠠᠯᠠᠨ ᠤᠯᠠᠭᠠᠨ ᠤᠭᠤᠳᠠᠨ ᠳ᠋ᠤ ᠬᠢᠵᠦ᠂ ᠲᠤᠰᠬᠤᠨᠤ ᠠᠷᠠᠳ ᠲᠤ᠌ ᠭᠠᠷᠳᠠᠭᠤᠯᠤᠯᠠ᠃ ᠲᠤᠰᠬᠤᠨᠤ ᠠᠷᠠᠳ ᠤᠳ ᠪᠠᠶᠠᠷᠤᠨ ᠢᠨᠢᠶᠡᠳᠤ ᠪᠢᠯᠬᠠᠭᠤᠯᠤᠨ ᠠᠢᠯ ᠠᠢᠯᠤᠨ ᠠᠰᠢᠭ ᠬᠤᠪᠢᠶᠠᠷᠢᠯᠠᠯᠤᠨ ᠮᠦᠩᠬᠦ ᠪᠡᠨ ᠭᠠᠷᠳᠠᠬᠤ ᠵᠢᠨ ᠲᠠᠭᠠᠤ ᠬᠠᠷᠢᠯᠴᠠᠨ ᠪᠡᠶᠠᠷ ᠬᠦᠷᠭᠡᠵᠦ᠂ ᠲᠤᠬᠠᠢ ᠵᠢᠨ ᠲᠠᠯᠠᠪᠤᠷᠤᠨ ᠠᠭᠤᠷ ᠠᠮᠢᠰᠬᠤᠯ ᠦᠭᠡᠳᠡᠷᠭᠡᠭ ᠰᠠᠢᠬᠠᠨ ᠪᠠᠢᠯᠠ᠃
《ᠪᠢ 2024 ᠤᠨ ᠳ᠋ᠤ ᠳ᠋ᠠ ᠳ᠋ᠦᠩ ᠡᠾᠧ ᠬᠤᠷᠰᠢᠶᠠᠵᠢᠯ ᠳ᠋ᠤ ᠤᠷᠤᠵᠦ᠂ ᠨᠢᠳᠤᠨᠤᠨ ᠪᠠᠰᠠ 50 ᠭᠠᠷᠤᠢ ᠮᠤ᠌ ᠭᠠᠵᠠᠷ ᠨᠤᠳᠤᠭ ᠵᠢᠡᠷ ᠵᠢᠡᠨ ᠬᠤᠪᠢ ᠤᠷᠤᠵᠦ᠂ ᠦᠨᠦᠳᠤᠷᠤᠨ ᠠᠰᠢᠭ ᠬᠤᠪᠢᠶᠠᠷᠢᠯᠠᠯ ᠳ᠋ᠤ ᠬᠤᠶᠠᠷ ᠲᠦᠮᠡ ᠭᠠᠷᠤᠢ ᠲᠦᠭᠦᠷᠢᠭ ᠤᠯᠤᠯᠠ᠂ ᠰᠡᠳᠬᠢᠯ ᠮᠠᠰᠢ ᠬᠠᠩᠭᠠᠮᠵᠢᠳᠠᠢ ᠪᠠᠢᠨᠠ》 ᠬᠡᠵᠦ ᠲᠤᠰᠬᠤᠨ ᠤ᠋ ᠢᠷᠭᠡᠨ ᠯᠢ ᠸᠧᠨ ᠵᠢᠶᠦ᠋ᠨ ᠶᠠᠷᠢᠵᠦ ᠪᠠᠢᠯᠠ᠃ ᠬᠤᠷᠰᠢᠶᠠᠵᠢᠯ ᠳ᠋ᠤ ᠤᠷᠤᠬᠰᠠᠨ ᠡᠴᠡ ᠨᠠᠭᠠᠰᠢ ᠴᠢᠶᠠᠨ ᠡᠾᠧ ᠲᠤᠰᠬᠤᠨᠤ ᠠᠷᠠᠳ ᠶᠠᠮᠠᠷᠴᠦ ᠰᠡᠳᠬᠢᠯ ᠵᠤᠪᠠᠬᠤ ᠤᠴᠢᠷ ᠦᠭᠡᠢ ᠪᠡᠷ ᠬᠠᠮᠤᠭ ᠲᠤᠤᠷᠠ ᠲᠦᠪᠰᠢᠨ ᠢ ᠪᠠᠳᠤᠯᠠᠬᠰᠠᠨ ᠤᠷᠤᠯᠭᠠ ᠲᠠᠢ ᠪᠡᠷ ᠦᠯᠦ ᠪᠠᠷᠠᠮ ᠪᠠᠰᠠ ᠦᠪᠡᠷᠰᠡᠳᠤᠨ ᠲᠠᠷᠢᠶᠠ ᠲᠠᠷᠢᠬᠤ ᠪᠤᠯᠤᠨ ᠬᠤᠨᠢ ᠲᠡᠵᠢᠭᠡᠬᠦ ᠪᠡᠨ ᠬᠠᠷᠰᠢᠯᠠᠬᠤ ᠦᠭᠡᠢ᠂ ᠲᠡᠷᠡᠴᠢᠯᠡᠨ ᠬᠤᠷᠰᠢᠶᠠᠵᠢᠯ ᠳ᠋ᠤ ᠬᠦᠳᠡᠯᠮᠤᠷᠢ ᠬᠦᠴᠦ ᠬᠡᠷᠡᠭᠴᠡᠭᠡᠳᠠᠢ ᠦᠶᠠ ᠳ᠋ᠤ ᠢᠷᠡᠵᠦ ᠬᠠᠪᠰᠤᠷᠤᠨ ᠠᠵᠢᠯ ᠬᠢᠵᠦ ᠦᠭᠭᠦᠨ᠂ ᠢᠯᠡᠭᠦᠦ ᠨᠢᠭᠡ ᠬᠤᠪᠢ ᠤᠷᠤᠯᠭᠠ ᠤᠯᠵᠦ ᠲᠡᠢᠯᠬᠦ ᠪᠤᠯᠤᠬᠰᠠᠨ ᠪᠠᠢᠨᠠ᠃
ᠤᠢᠷᠠ ᠵᠢᠨ ᠵᠢᠯ ᠡᠴᠡ ᠰᠢ ᠡᠾᠧ ᠰᠢᠶᠠᠩ ᠤᠨ ᠴᠢᠶᠠᠨ ᠡᠾᠧ ᠲᠤᠰᠬᠤᠨ ᠨᠢ ᠲᠤᠰᠬᠤᠨ ᠤ ᠨᠠᠮ ᠤᠨ ᠡᠭᠦᠷ ᠤᠨ ᠲᠠᠭᠠᠭᠤᠯᠭᠠ ᠲᠤᠤᠷᠠ ᠭᠠᠵᠠᠷ ᠨᠤᠳᠤᠭ ᠤᠨ ᠲᠠᠷᠬᠠᠢ ᠪᠤᠳᠠᠷᠬᠠᠢ ᠡᠵᠡᠩᠨᠡᠯᠳᠡ ᠵᠢᠨ ᠪᠠᠢᠳᠠᠯᠢ ᠬᠤᠪᠢᠷᠠᠭᠤᠯᠵᠦ᠂ ᠲᠤᠰᠬᠤᠨ ᠤ ᠬᠠᠷᠢᠶᠠᠨ ᠳ᠋ᠡᠬᠢ ᠰᠤᠯᠨ ᠲᠠᠯᠪᠢᠬᠳᠠᠵᠦ ᠪᠠᠢᠭᠠ ᠭᠠᠵᠠᠷ ᠨᠤᠳᠤᠭ ᠤᠨ ᠡᠬᠢ ᠪᠠᠶᠠᠯᠢᠭ ᠢ ᠨᠢᠭᠡᠳᠬᠡᠵᠦ᠂ ᠲᠠᠷᠢᠶᠠᠯᠠᠩ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠢ ᠲᠠᠷᠬᠠᠢ ᠪᠤᠳᠠᠷᠬᠠᠢ ᠡᠵᠡᠩᠨᠡᠯᠳᠡ ᠡᠴᠡ ᠬᠡᠪᠴᠢᠶᠡᠵᠢᠬᠦᠯᠦᠨ ᠡᠵᠡᠩᠨᠡᠬᠦ ᠵᠦᠭ ᠬᠡᠯᠪᠡᠷᠢ ᠵᠢ ᠬᠤᠪᠢᠷᠠᠭᠤᠯᠤᠨ᠂ 300 ᠮᠤ᠌ ᠵᠢᠨ ᠲᠤᠷᠰᠢᠴᠠ ᠡᠴᠡ 2 ᠲᠦᠮᠡ ᠭᠠᠷᠤᠢ ᠮᠤ᠌ ᠵᠢᠨ ᠬᠡᠪᠴᠢᠶᠡᠵᠢᠬᠦᠯᠦᠨ ᠡᠵᠡᠩᠨᠡᠬᠦ 《ᠴᠢᠶᠠᠨ ᠡᠾᠧ ᠵᠢᠨ ᠬᠤᠷᠳᠤᠴᠠ》 ᠵᠢ ᠡᠭᠦᠳᠦᠭᠰᠡᠨ ᠪᠠᠢᠨᠠ᠃ ᠲᠤᠰᠬᠤᠨᠤ ᠠᠷᠠᠳ ᠨᠢ ᠭᠠᠵᠠᠷ ᠨᠤᠳᠤᠭ ᠵᠢᠡᠷ ᠵᠢᠡᠨ ᠬᠤᠪᠢ ᠤᠷᠤᠬᠤ ᠪᠤᠯᠤᠨ ᠪᠡᠯᠡ ᠮᠦᠩᠬᠦ ᠪᠡᠷ ᠬᠤᠪᠢ ᠤᠷᠤᠬᠤ ᠬᠤᠶᠠᠷ ᠵᠦᠢᠯ ᠤᠨ ᠬᠡᠯᠪᠡᠷᠢ ᠪᠡᠷ ᠨᠢᠭᠡᠳᠤᠯᠳᠠᠢ ᠲᠠᠷᠢᠵᠦ᠂ ᠨᠢᠭᠡᠳᠦᠯᠳᠠᠢ ᠬᠠᠮᠢᠶᠠᠷᠤᠨ᠂ ᠨᠢᠭᠡᠳᠦᠯᠳᠠᠢ ᠪᠤᠷᠤᠯᠠᠭᠤᠯᠬᠤ ᠪᠠᠷᠢᠮᠵᠢᠶᠠᠵᠢᠬᠰᠠᠨ ᠠᠵᠢᠯᠯᠠᠭᠠᠨ ᠤ ᠰᠢᠰᠲᠧᠮ ᠢ ᠪᠠᠢᠭᠤᠯᠵᠦ᠂ ᠭᠠᠵᠠᠷ ᠤᠷᠤᠨᠤ ᠪᠡᠨ ᠨᠦᠬᠦᠴᠡᠯ ᠳ᠋ᠡᠭᠡᠨ ᠲᠤᠬᠢᠷᠠᠬᠰᠠᠨ ᠲᠠᠷᠢᠵᠦ ᠤᠷᠭᠤᠭᠤᠯᠬᠤ ᠦᠢᠯᠡᠰᠢ ᠬᠦᠭᠵᠢᠬᠦᠯᠵᠠᠢ᠃ ᠢᠩᠬᠢᠭᠡᠳ ᠲᠤᠰᠬᠤᠨᠤ ᠭᠠᠵᠠᠷ ᠨᠤᠳᠤᠭ ᠵᠢᠡᠨ ᠤᠯᠠᠮ ᠡᠷᠴᠢᠮᠵᠢᠬᠦᠯᠦᠨ ᠠᠰᠢᠬᠯᠠᠵᠦ᠂ ᠲᠡᠷᠢᠶᠡᠯᠡᠩ ᠤᠨ ᠦᠷᠠ ᠪᠦᠳᠦᠮᠵᠢ ᠵᠢ ᠲᠡᠭᠡᠭᠰᠢᠯᠡᠭᠦᠯᠦᠭᠰᠡᠨ ᠮᠦᠷᠳᠡᠭᠡᠨ ᠲᠠᠷᠢᠶᠠᠴᠢᠳᠤᠨ ᠤᠷᠤᠯᠭᠠ ᠵᠢ ᠴᠤ᠌ ᠪᠦᠳᠦᠮᠵᠢᠳᠠᠢ ᠨᠡᠮᠡᠭᠳᠡᠭᠦᠯᠦᠭᠰᠡᠨ ᠪᠠᠢᠨᠠ᠃