ᠬᠤᠨᠠᠨ ᠡᠴᠡ ᠴᠠᠭᠠᠨ ᠰᠠᠷᠠ ᠵᠢᠨ ᠵᠢᠷᠤᠭ᠂ ᠭᠠᠬᠠᠢ ᠵᠢᠨ ᠮᠢᠬᠠ ᠂ ᠴᠡᠴᠡᠭ ᠤᠨ ᠴᠠᠢ ᠢᠷᠡᠬᠦᠯᠦᠯᠠ
ᠦᠪᠦᠷ ᠮᠤᠩᠭᠤᠯ ᠡᠴᠠ ᠬᠤᠤᠰ ᠤᠶᠠᠩᠭᠠ᠂ ᠦᠭᠡᠷᠤᠨ ᠪᠤᠷᠴᠠ᠂ ᠴᠠᠭᠠᠨ ᠢᠳᠡᠭᠡ ᠢᠯᠡᠭᠡᠯᠡ
ᠨᠦᠬᠦᠷᠯᠡᠯᠤᠨ ᠵᠠᠬᠢᠳᠠᠯ
ᠨᠠᠢᠵᠠ ᠠᠪᠢᠶᠠᠰ ᠲᠠᠨᠠ᠄
ᠰᠠᠢᠨ ᠪᠠᠢᠨᠠ ᠤᠤ ？ ᠪᠢᠳᠠ ᠬᠤᠶᠠᠷ ᠬᠡᠳᠦᠢᠪᠡᠷ ᠨᠢᠭᠤᠷ ᠤᠴᠠᠷᠠᠭᠠ ᠦᠬᠡᠢ ᠪᠤᠯᠪᠠᠴᠤ ᠵᠠᠬᠢᠳᠠᠯᠢᠶᠡᠷ ᠲᠠᠨᠢᠯᠴᠠᠬᠤ ᠪᠤᠯᠤᠭᠰᠠᠨ ᠳ᠋ᠠᠭᠠᠨ ᠲᠤᠩ ᠪᠠᠶᠠᠷᠳᠠᠢ ᠪᠠᠢᠨᠠ᠃ ᠮᠢᠨᠤ ᠲᠦᠷᠦᠭᠰᠡᠨ ᠨᠤᠲᠤᠭ ᠬᠤᠨᠠᠨ ᠮᠤᠵᠢᠳᠤ ᠳᠤᠮᠳᠠᠳᠤ ᠵᠢᠨ ᠲᠠᠪᠤᠨ ᠬᠠᠢᠷᠬᠠᠨᠤ ᠨᠢᠭᠡ ᠪᠤᠯᠬᠤ ᠡᠾᠸᠩ ᠱᠠᠨ ᠠᠭᠤᠯᠠ ᠪᠠᠢᠳᠠᠭ ᠰᠢᠦ᠃
᠁
ᠡᠭᠦᠨᠡ᠄ ᠴᠸᠨ ᠯᠸ ᠶᠠᠨ ᠡᠴᠡ
2025 ᠤᠨᠤ 12 ᠰᠠᠷᠠ ᠵᠢᠨ 29ᠤ᠋ ᠡᠳᠦᠷ
ᠨᠠᠢᠵᠠ ᠰᠢᠶᠠᠩ ᠶᠠᠩ ᠯᠢᠨ ᠲᠠᠨᠠ᠄
ᠰᠠᠢᠨ ᠪᠠᠢᠨᠠ ᠤᠤ ？ ᠮᠢᠨᠤ ᠨᠡᠷᠡ ᠵᠢ ᠠᠰᠤᠷᠤ ᠭᠡᠳᠡᠭ᠃ ᠠᠰᠤᠷᠤ ᠭᠡᠳᠡᠭ ᠪᠤᠯ ᠦᠪᠦᠷ ᠮᠤᠩᠭᠤᠯᠤᠨ ᠨᠢᠭᠡ ᠵᠦᠢᠯᠤᠨ ᠠᠷᠠᠳᠤᠨ ᠨᠠᠢᠷᠠᠯ ᠬᠦᠭᠵᠢᠮᠤᠨ ᠲᠤᠰᠬᠠᠢ ᠠᠶᠠᠯᠭᠤ ᠪᠤᠯᠤᠨᠠ᠃ ᠨᠠᠢᠵᠠ ᠲᠠᠨᠢ ᠦᠪᠦᠷ ᠮᠤᠩᠭᠤᠯᠤᠨ ᠲᠠᠯᠠ ᠨᠤᠲᠤᠭ ᠲᠸ᠋ ᠤᠷᠢᠵᠦ ᠪᠠᠢᠨᠠ᠃
᠁
ᠡᠭᠦᠨᠡ᠄ ᠠᠰᠤᠷᠤ ᠡᠴᠡ
2026 ᠤᠨᠤ 1 ᠰᠠᠷᠠ ᠵᠢᠨ 1ᠤ᠋ ᠡᠳᠦᠷ
ᠰᠢᠨᠡ ᠤᠨᠤ ᠡᠬᠢᠨᠤ ᠡᠳᠦᠷ᠂ ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠰᠢᠯᠢ ᠵᠢᠨ ᠭᠤᠤᠯ ᠠᠢᠮᠠᠭᠤᠨ ᠰᠥᠨᠢᠳ ᠪᠠᠷᠠᠭᠤᠨ ᠬᠣᠰᠢᠭᠤᠨᠤ ᠲᠠᠪᠤᠳᠤᠭᠠᠷ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠳᠦᠷᠪᠡᠳᠦᠭᠡᠷ ᠤᠨᠤ ᠳᠦᠷᠪᠡᠳᠦᠭᠡᠷ ᠠᠩᠬᠢᠶᠢᠨ ᠰᠤᠷᠤᠭ᠍ᠴᠢᠳ 1600 ᠺᠢᠯᠦᠮᠸᠲᠷ ᠬᠤᠯᠠ ᠡᠴᠡ ᠢᠷᠡᠭᠰᠡᠨ ᠤᠨᠴᠠᠭᠠᠢ ᠵᠠᠬᠢᠳᠠᠯᠢ ᠲᠤᠰᠴᠡᠢ᠃ ᠡᠳᠡᠭᠡᠷ ᠵᠠᠬᠢᠳᠠᠯᠢ ᠬᠤᠨᠠᠨ ᠮᠤᠵᠢ ᠵᠢᠨ ᠱᠤᠤᠶᠠᠩ ᠬᠤᠳᠠᠶᠢᠨ ᠯᠦᠩ ᠬᠤᠢ ᠰᠢᠶᠠᠨᠤ ᠸᠠᠨ ᠾᠧ ᠲᠤᠷᠰᠢᠯᠲᠠᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠲᠦᠷᠪᠡᠳᠦᠭᠡᠷ ᠣᠨᠤ ᠰᠤᠷᠤᠭ᠍ᠴᠢᠳ ᠢᠯᠡᠭᠡᠭᠰᠡᠨ ᠶᠤᠮ᠃
— ᠪᠢ ᠬᠤᠨᠠᠨ ᠮᠤᠵᠢ ᠵᠢᠨ ᠰᠠᠢᠨ ᠨᠠᠢᠵᠠ ᠸᠸᠢ ᠰᠸ ᠢᠦᠢ ᠵᠢᠨ ᠵᠠᠬᠢᠳᠠᠯᠢ ᠲᠤᠰᠴᠤ ᠤᠯᠤᠬᠰᠠᠨ᠂ ᠨᠠᠢᠵᠠ ᠮᠢᠨᠢ ᠨᠠᠳᠠ ᠡᠴᠡ ᠦᠪᠦᠷ ᠮᠤᠩᠭᠤᠯᠤᠨ ᠦᠩᠭᠡ ᠦᠵᠡᠮᠵᠢ᠂ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠤᠬᠠᠢ ᠠᠰᠠᠭᠤᠭᠰᠠᠨ ᠪᠦᠭᠡᠳ ᠦᠪᠡᠷᠤᠨ ᠪᠠᠬᠠᠷᠬᠠᠳᠠᠭ ᠠᠮᠢᠲᠠᠨ ᠬᠡᠷᠡᠮᠦ ᠪᠠᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠰᠢᠦ ᠭᠡᠵᠦ ᠰᠥᠨᠢᠳ ᠪᠠᠷᠠᠭᠤᠨ ᠬᠣᠰᠢᠭᠤᠨᠤ ᠲᠠᠪᠤᠳᠤᠭᠠᠷ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠳᠦᠷᠪᠡᠳᠦᠭᠡᠷ ᠤᠨᠤ ᠳᠦᠷᠪᠡᠳᠦᠭᠡᠷ ᠠᠩᠭᠢ ᠵᠢᠨ ᠡᠨᠡᠷᠢᠯ ᠶᠠᠷᠢᠨᠠ᠃
ᠨᠤᠮ ᠤᠩᠰᠢᠨᠠ
— ᠪᠢ ᠦᠪᠦᠷ ᠮᠤᠩᠭᠤᠯᠤᠨ ᠰᠠᠢᠨ ᠨᠠᠢᠵᠠ ᠰᠤᠳᠤᠷᠤᠨ ᠵᠠᠬᠢᠳᠠᠯᠢ ᠲᠤᠰᠤᠭᠰᠠᠨ᠂ ᠮᠢᠨᠤ ᠨᠠᠢᠵᠠ ᠮᠤᠷᠢ ᠤᠨᠤᠳᠠᠭ ᠭᠡᠰᠡᠨᠢ ᠮᠡᠳᠡᠭᠡᠳ ᠶᠤᠰᠤᠳᠠᠢ ᠪᠠᠬᠠᠷᠬᠠᠪᠠ᠃ ᠪᠢ ᠨᠠᠢᠵᠠ ᠲᠠᠢ ᠪᠠᠨ ᠰᠦᠨᠢᠳᠤᠨ ᠲᠠᠯᠠ ᠪᠠᠷ ᠮᠤᠷᠢ ᠤᠨᠤᠮᠠᠷ ᠪᠠᠢᠨᠠ ᠭᠡᠵᠦ ᠯᠦᠩ ᠬᠤᠢ ᠰᠢᠶᠠᠨᠤ ᠸᠠᠨ ᠾᠧ ᠲᠤᠷᠰᠢᠯᠲᠠᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠲᠦᠷᠪᠡᠳᠦᠭᠡᠷ ᠣᠨᠤ ᠯᠢᠦ ᠠᠨ ᠶᠠ ᠬᠡᠯᠡᠨᠡ᠃
ᠲᠤᠰ ᠬᠤᠶᠠᠷ ᠰᠤᠷᠭᠠᠭᠤᠯᠢ ᠨᠢ 2025 ᠤᠨᠤ ᠡᠴᠦᠰᠢᠶᠡᠷ 《ᠭᠠᠷ ᠭᠠᠷᠢᠶᠡᠨ ᠬᠤᠯᠪᠤᠯᠴᠠᠵᠦ ᠦᠨᠳᠦᠰᠦᠳᠡᠨᠤ ᠪᠦᠯᠬᠦᠮᠳᠡᠯᠢ ᠠᠬᠢᠭᠤᠯᠤᠶᠠ》 ᠭᠤᠤᠯ ᠰᠡᠳᠦᠪᠲᠤ ᠵᠠᠬᠢᠳᠠᠯ ᠪᠢᠴᠢᠬᠦ ᠠᠵᠢᠯᠯᠠᠭᠠ ᠵᠤᠬᠢᠶᠠᠨ ᠪᠠᠢᠭᠤᠯᠤᠭᠰᠠᠨ ᠡᠴᠡ ᠬᠡᠤᠬᠡᠳᠤᠳ ᠬᠠᠷᠢᠯᠴᠠᠨ ᠵᠠᠬᠢᠳᠠᠯ ᠪᠢᠴᠢᠬᠦ ᠪᠤᠯᠤᠬᠰᠠᠨ ᠶᠤᠮ᠃ ᠲᠡᠳᠡ ᠵᠠᠬᠢᠳᠠᠯᠳ᠋ᠠᠭᠠᠨ ᠨᠤᠲᠤᠭ ᠤᠰᠤ᠂ ᠵᠠᠩ ᠵᠠᠩᠰᠢᠯ᠂ ᠨᠡᠷᠡ ᠵᠢᠨ ᠢᠷᠡᠯᠳᠡ᠂ ᠬᠠᠢᠷᠠᠳᠠᠢ ᠠᠮᠢᠳᠠᠨ᠂ ᠳᠤᠷᠠᠳᠠᠢ ᠲᠤᠭᠯᠠᠭᠠᠮ ᠵᠡᠷᠭᠡ ᠪᠠᠨ ᠪᠢᠴᠢᠭᠰᠡᠨ ᠨᠢ ᠠᠷᠭᠠ ᠦᠬᠡᠢ ᠬᠦᠭᠡᠷᠦᠭᠦᠨ᠃
ᠠᠮᠳᠠᠳᠤ ᠢᠳᠡᠭᠡᠨ ᠠᠮᠳᠠᠷᠬᠠᠨᠠ
— ᠦᠪᠦᠷ ᠮᠣᠩᠭᠣᠯ ᠪᠤᠯᠤᠨ ᠬᠤᠨᠠᠨᠤ ᠰᠤᠷᠤᠭᠴᠢᠳ ᠬᠠᠷᠢᠯᠴᠠᠨ ᠵᠠᠬᠢᠳᠠᠯ ᠪᠢᠴᠢᠬᠦ ᠪᠠᠷ ᠳᠠᠮᠵᠢᠵᠦ ᠨᠡᠩ ᠢᠯᠡᠭᠦᠦ ᠤᠢᠯᠠᠭᠠᠯᠴᠠᠵᠦ ᠴᠢᠩ ᠰᠡᠳᠬᠢᠯᠤᠨ ᠨᠦᠬᠦᠷᠯᠡᠯ ᠪᠠᠢᠭᠤᠯᠪᠠ᠂ ᠰᠤᠷᠤᠭᠴᠢᠳ ᠲᠸ᠋ ᠮᠠᠨᠤ ᠤᠯᠤᠰ ᠪᠤᠯ ᠨᠢᠭᠡᠳᠦᠭᠰᠡᠨ ᠤᠯᠠᠨ ᠦᠨᠳᠦᠰᠦᠳᠠᠨ ᠲᠠᠢ ᠤᠯᠤᠰ ᠮᠦᠨ᠂ ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠳᠡᠨ ᠪᠤᠯ ᠤᠯᠠᠨ ᠦᠨᠳᠦᠰᠦᠳᠡᠨ ᠲᠠᠰᠤᠷᠠᠯᠳᠠ ᠦᠬᠡᠢ ᠶᠠᠪᠤᠯᠴᠠᠨ ᠰᠤᠯᠢᠯᠴᠠᠵᠦ ᠠᠭᠤᠰᠤᠯᠴᠠᠭᠰᠠᠨ ᠡᠴᠡ ᠪᠤᠢ ᠪᠤᠯᠵᠦ ᠪᠦᠷᠢᠯᠳᠦᠭᠰᠡᠨ ᠭᠡᠳᠡᠭᠢ ᠲᠠᠨᠢᠭᠤᠯᠬᠤ ᠵᠢ ᠵᠤᠷᠢᠭᠰᠠᠨ ᠡ ᠭᠡᠵᠦ ᠲᠤᠰ ᠠᠵᠢᠯᠯᠠᠭᠠᠳᠤ ᠤᠷᠤᠯᠴᠠᠭᠰᠠᠨ ᠯᠦᠩ ᠬᠤᠢ ᠰᠢᠶᠠᠨᠤ ᠸᠠᠨ ᠾᠧ ᠲᠤᠷᠰᠢᠯᠲᠠᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠰᠢᠶᠤᠤ ᠵᠢᠩ ᠪᠠᠭᠰᠢ ᠶᠠᠷᠢᠯᠠ᠃
ᠦᠪᠡᠷᠤᠨ ᠵᠢᠷᠤᠭᠰᠠᠨ ᠵᠢᠷᠤᠭᠢᠶᠡᠨ ᠰᠢᠤᠳᠠᠨ ᠲᠡᠮᠳᠡᠭ ᠪᠤᠯᠭᠠᠨ ᠨᠠᠭᠠᠭᠰᠠᠨ᠂ ᠦᠷᠦᠪᠴᠢᠬᠡᠨ ᠰᠡᠳᠬᠢᠯᠤᠨ ᠦᠬᠡ ᠪᠠᠨ ᠦᠰᠦᠭ ᠪᠤᠯᠭᠠᠨᠳ᠋ᠠᠭᠠᠨ ᠰᠢᠪᠡᠨᠡᠭᠰᠡᠨ ᠲᠤᠭᠲᠤᠢ ᠵᠠᠬᠢᠳᠠᠯ ᠬᠤᠩᠭᠤᠷᠬᠠᠨ ᠬᠡᠤᠬᠡᠳᠤᠨ ᠦᠨᠡᠨᠴᠢᠬᠡᠨ ᠨᠦᠬᠦᠷᠯᠡᠯᠤᠨ ᠪᠡᠯᠭᠡᠳᠡᠯ ᠠᠵᠠᠢ᠃
ᠪᠦᠯᠬᠦᠮᠳᠡᠯᠤᠨ ᠵᠠᠬᠢᠳᠠᠯ
ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠰᠢᠯᠢ ᠵᠢᠨ ᠭᠤᠤᠯ ᠠᠢᠮᠠᠭᠤᠨ ᠰᠥᠨᠢᠳ ᠪᠠᠷᠠᠭᠤᠨ ᠬᠣᠰᠢᠭᠤ ᠪᠤᠯᠤᠨ ᠬᠤᠨᠠᠨ ᠮᠤᠵᠢ ᠵᠢᠨ ᠱᠤᠤᠶᠠᠩ ᠬᠤᠳᠠᠶᠢᠨ ᠯᠦᠩ ᠬᠤᠢ ᠰᠢᠶᠠᠨ ᠬᠤᠭᠤᠷᠤᠨᠳᠤ ᠪᠠᠨ 1600 ᠺᠢᠯᠦᠮᠸᠲᠷ ᠵᠠᠢᠳᠠᠢ᠂ ᠭᠡᠪᠡᠴᠦ ᠲᠡᠳᠡᠨᠤ ᠪᠦᠯᠬᠦᠮᠳᠡᠯᠤᠨ ᠰᠡᠳᠬᠢᠯ ᠵᠡᠬᠦᠦ ᠬᠠᠳᠬᠤᠬᠤ ᠵᠠᠢ ᠦᠬᠡᠢ ᠤᠢᠷᠠᠬᠠᠨ᠃
ᠰᠥᠨᠢᠳ ᠪᠠᠷᠠᠭᠤᠨ ᠬᠣᠰᠢᠭᠤᠨᠤ ᠲᠠᠪᠤᠳᠤᠭᠠᠷ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠳᠦᠷᠪᠡᠳᠦᠭᠡᠷ ᠤᠨᠤ ᠳᠦᠷᠪᠡᠳᠦᠭᠡᠷ ᠠᠩᠭᠢᠶᠢᠨ ᠰᠤᠷᠤᠭ᠍ᠴᠢᠳ ᠬᠤᠯᠠᠶᠢᠨ ᠵᠠᠬᠢᠳᠠᠯ ᠲᠠᠢ ᠬᠠᠮᠳᠤ ᠪᠠᠰᠠ ᠨᠢᠭᠡᠨ ᠤᠨᠴᠠᠭᠠᠢ ᠪᠡᠯᠡᠭ ᠲᠤᠰᠴᠠᠢ᠂ ᠳᠠᠷᠤᠢ ᠬᠤᠨᠠᠨᠤ ᠨᠠᠢᠵᠠ ᠨᠠᠷᠤᠨ ᠬᠢᠨᠢ ᠢᠯᠡᠭᠡᠭᠰᠡᠨ ᠤᠯᠤᠰᠤᠨ ᠳᠡᠰᠤᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪ ᠪᠤᠯᠬᠤ ᠲᠠᠨᠲᠸᠦ ᠵᠢᠨ ᠴᠠᠭᠠᠨ ᠰᠠᠷᠠ ᠵᠢᠨ ᠵᠢᠷᠤᠭ᠂ ᠲᠠᠪᠤᠰᠤᠯᠠᠭᠰᠠᠨ ᠭᠠᠬᠠᠢ ᠵᠢᠨ ᠮᠢᠬᠠ᠂ ᠠᠯᠲᠠᠨ ᠮᠦᠩᠬᠦᠨ ᠴᠡᠴᠡᠭᠤᠨ ᠴᠠᠢ ᠵᠡᠷᠭᠡ ᠪᠤᠯᠤᠨᠠ᠃
ᠵᠢᠷᠤᠭ ᠲᠤᠰᠤᠨᠠ
— ᠬᠤᠨᠠᠨᠤ᠋ ᠨᠠᠢᠵᠠ ᠨᠠᠷᠤᠨ ᠢᠯᠡᠭᠡᠭᠰᠡᠨ ᠲᠠᠪᠤᠰᠤᠯᠠᠭᠰᠠᠨ ᠭᠠᠬᠠᠢᠶᠢᠨ ᠮᠢᠬᠠ ᠨᠢ ᠮᠠᠰᠢ ᠠᠮᠳᠠ ᠲᠠᠢ᠂ ᠲᠠᠨᠲᠸᠦ ᠵᠢᠨ ᠴᠠᠭᠠᠨ ᠰᠠᠷᠠ ᠵᠢᠨ ᠵᠢᠷᠤᠭᠢ ᠬᠠᠷᠠᠭᠠᠳ ᠮᠠᠨᠤ ᠤᠯᠤᠰᠤᠨ ᠴᠠᠭᠠᠨ ᠰᠠᠷᠠ ᠵᠢᠨ ᠲᠤᠬᠠᠢ ᠪᠠᠰᠠ ᠨᠢᠭᠡᠨ ᠵᠠᠩᠰᠢᠯ ᠲᠠᠢ ᠲᠠᠨᠢᠯᠴᠠᠭᠰᠠᠨ ᠭᠡᠵᠦ ᠰᠥᠨᠢᠳ ᠪᠠᠷᠠᠭᠤᠨ ᠬᠣᠰᠢᠭᠤᠨᠤ ᠲᠠᠪᠤᠳᠤᠭᠠᠷ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠳᠦᠷᠪᠡᠳᠦᠭᠡᠷ ᠤᠨᠤ ᠳᠦᠷᠪᠡᠳᠦᠭᠡᠷ ᠠᠩᠬᠢᠶᠢᠨ ᠴᠢᠩᠬᠠᠨᠢ ᠶᠠᠷᠢᠨᠠ᠃
《ᠠᠭᠳᠠ ᠵᠢᠨ ᠬᠠᠷᠢᠭᠤ ᠵᠢᠯ ᠳ᠋ᠡᠬᠡᠨ᠂ ᠠᠶᠠᠭᠠᠨᠤ ᠬᠠᠷᠢᠭᠤ ᠡᠳᠦᠷ ᠲᠡᠬᠡᠨ》 ᠭᠡᠳᠡᠭᠢᠶᠡᠷ᠂ ᠲᠡᠳᠡ ᠴᠸ᠋ ᠬᠤᠨᠠᠨᠤ ᠨᠠᠢᠵᠠ ᠨᠠᠷ ᠲᠠᠭᠠᠨ ᠴᠠᠭᠠᠨ ᠢᠳᠡᠭᠡ᠂ ᠦᠬᠡᠷᠤᠨ ᠪᠤᠷᠴᠠ ᠵᠡᠷᠭᠡ ᠦᠪᠦᠷ ᠮᠤᠩᠭᠤᠯᠤᠨ ᠤᠨᠴᠠ ᠭᠠᠷᠤᠯᠳᠠ ᠪᠠᠨ ᠰᠦ ᠴᠠᠭᠠᠨ ᠰᠡᠳᠬᠢᠯᠤᠨ ᠪᠡᠯᠡᠭ ᠪᠤᠯᠭᠠᠨ ᠬᠠᠷᠢᠭᠤ ᠢᠯᠡᠭᠡᠯᠡ᠃
— ᠦᠪᠦᠷ ᠮᠤᠩᠭᠤᠯᠤᠨ ᠴᠠᠭᠠᠨ ᠢᠳᠡᠭᠡ ᠤᠨᠴᠠᠭᠠᠢ ᠠᠮᠳᠠ ᠳᠠᠢ᠂ ᠪᠢ ᠠᠩᠬᠠ ᠤᠳᠠᠭᠠ ᠴᠠᠭᠠᠨ ᠢᠳᠡᠭᠡ ᠢᠳᠡᠵᠦ ᠪᠠᠢᠨᠠ᠂ ᠨᠠᠢᠵᠠ ᠵᠢᠨ ᠮᠢᠨᠢ ᠪᠡᠯᠡᠭᠯᠡᠭᠰᠡᠨ 《ᠬᠡᠢ ᠮᠤᠷᠢ ᠮᠠᠨᠳᠠ》 ᠬᠡᠬᠦ ᠬᠤᠤᠰ ᠤᠶᠠᠩᠭᠠ ᠵᠢ ᠪᠢ ᠰᠢᠨᠡᠯᠡᠬᠦ ᠦᠶᠡᠰ ᠴᠤᠩᠬᠤᠨ ᠳᠡᠭᠡᠷᠡ ᠪᠠᠨ ᠨᠠᠭᠠᠨᠠ ᠭᠡᠵᠦ ᠯᠦᠩ ᠬᠤᠢ ᠰᠢᠶᠠᠨᠤ ᠸᠠᠨ ᠾᠧ ᠲᠤᠷᠰᠢᠯᠲᠠᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠲᠦᠷᠪᠡᠳᠦᠭᠡᠷ ᠣᠨᠤ ᠭᠦᠸᠸ ᠢᠦᠢ ᠹᠸᠢ ᠪᠡᠯᠡᠭ ᠲᠤᠰᠤᠭᠠᠳ ᠪᠠᠶᠠᠷᠳᠠᠢᠬᠠᠨ ᠪᠠᠢᠯᠠ᠃
ᠡᠬᠡᠯᠭᠡᠨ ᠵᠠᠬᠢᠳᠠᠯ ᠪᠤᠯᠪᠠᠴᠤ ᠡᠩᠬᠦᠷᠡᠢ ᠪᠠᠭᠠᠴᠤᠳᠤᠨ ᠨᠦᠬᠦᠷᠯᠡᠯᠢ ᠵᠤᠵᠠᠭᠠᠳᠭᠠᠵᠦ ᠪᠦᠯᠬᠦᠮᠳᠡᠯᠢ ᠨᠢᠭᠲᠠᠷᠠᠭᠤᠯᠤᠭᠰᠠᠨ ᠵᠠᠬᠢᠳᠠᠯ ᠪᠤᠯᠬᠤ ᠶᠤᠮ᠃ ᠦᠪᠦᠷ ᠮᠤᠩᠭᠤᠯᠤᠨ ᠪᠠᠭᠠᠴᠤᠳ ᠡᠴᠡ ᠬᠤᠨᠠᠨᠤ ᠨᠠᠢᠵᠠᠳ᠋ᠠᠭᠠᠨ ᠪᠢᠴᠢᠭᠰᠡᠨ 《ᠡᠭᠦᠷᠢᠳᠡ ᠵᠢᠨ ᠠᠯᠳᠠᠨ ᠬᠤᠯᠪᠤᠭᠠ》᠂ 《ᠦᠨᠢ ᠮᠦᠩᠬᠡ ᠵᠢᠨ ᠨᠦᠬᠦᠷᠯᠡᠯ》 ᠬᠡᠬᠦ ᠤᠷᠠᠨ ᠪᠢᠴᠢᠯᠭᠡ ᠨᠢ ᠦᠨᠳᠦᠰᠦᠳᠡᠨ ᠨᠤᠭᠦᠳᠤᠨ ᠶᠠᠪᠤᠯᠴᠠᠭᠠ ᠰᠤᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠤᠨ ᠦᠯᠢᠭᠡᠷᠢ ᠶᠠᠷᠢᠵᠦ ᠪᠠᠢᠨᠠ᠂ ᠪᠢᠴᠢᠭᠯᠡᠵᠦ ᠪᠠᠢᠨᠠ ᠁
— ᠬᠤᠨᠠᠨᠤ ᠨᠠᠢᠵᠠ ᠮᠢᠨᠢ ᠦᠪᠦᠷ ᠮᠤᠩᠭᠤᠯᠤᠨ ᠦᠨᠢᠶᠡᠨ ᠰᠦ ᠠᠮᠳᠠ ᠳᠠᠢ ᠤᠤ ᠭᠡᠵᠦ ᠠᠰᠠᠭᠤᠵᠠᠢ᠃ ᠪᠢ ᠦᠪᠦᠷ ᠮᠤᠩᠭᠤᠯᠤᠨ ᠦᠨᠢᠶᠡᠨ ᠰᠦ ᠠᠮᠳᠠ ᠳᠠᠢ ᠪᠠᠷ ᠪᠠᠷᠠᠬᠤ ᠦᠬᠡᠢ ᠤᠯᠤᠰ ᠲᠠᠶᠠᠭᠠᠷ ᠲᠸ᠋ ᠨᠡᠷᠡᠳᠡᠢ ᠰᠢᠦ ᠭᠡᠵᠦ ᠬᠠᠷᠢᠭᠤ ᠪᠢᠴᠢᠪᠠ᠃ ᠪᠢᠳᠠᠨᠤ ᠨᠦᠬᠦᠷᠯᠡᠯ ᠰᠦ ᠪᠠᠷ ᠡᠬᠢᠯᠡᠭᠰᠡᠨ ᠳ᠋ᠡᠬᠡᠨ ᠲᠤᠩ ᠪᠡᠯᠭᠡᠰᠢᠶᠡᠵᠦ ᠪᠠᠢᠨᠠ᠃ ᠪᠢᠳᠠ ᠠᠨᠠᠷᠤᠨ ᠦᠷᠠ ᠰᠢᠭ ᠨᠢᠭᠲᠠᠷᠠᠨ ᠪᠦᠯᠬᠦᠮᠳᠡᠵᠦ᠂ ᠰᠢᠨᠠ ᠴᠠᠭ ᠦᠶᠠ ᠵᠢᠨ ᠰᠠᠢᠨ ᠪᠠᠭᠠᠴᠤᠳ ᠪᠤᠯᠬᠤ ᠪᠠᠷ ᠴᠢᠷᠮᠠᠢᠨᠠ ᠭᠡᠵᠦ ᠰᠥᠨᠢᠳ ᠪᠠᠷᠠᠭᠤᠨ ᠬᠣᠰᠢᠭᠤᠨᠤ ᠲᠠᠪᠤᠳᠤᠭᠠᠷ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠳᠦᠷᠪᠡᠳᠦᠭᠡᠷ ᠤᠨᠤ ᠳᠦᠷᠪᠡᠳᠦᠭᠡᠷ ᠠᠩᠭᠢᠶᠢᠨ ᠭᠡᠭᠡᠨᠵᠦ᠍ᠩ ᠶᠠᠷᠢᠨᠠ᠃
ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠳᠡᠨᠤ ᠶᠡᠬᠡ ᠪᠦᠯᠬᠦᠮᠳᠡᠯ ᠢ᠋ ᠴᠢᠩᠭᠠᠳᠬᠠᠬᠤ ᠵᠢᠨ ᠠᠯᠤᠰ ᠬᠡᠳᠦ ᠵᠢᠨ ᠪᠠ ᠦᠨᠳᠦᠰᠦᠨ ᠵᠦᠢᠯ ᠨᠢ ᠰᠤᠶᠤᠯᠤᠨ ᠬᠠᠮᠲᠤ ᠵᠢᠨ ᠲᠠᠨᠢᠯᠳᠠ ᠵᠢ ᠴᠢᠩᠭᠠᠳᠬᠠᠨ᠂ ᠦᠨᠳᠦᠰᠦᠳᠡᠨ ᠨᠤᠭᠦᠳᠤᠨ ᠬᠠᠮᠲᠤ ᠵᠢᠨ ᠤᠶᠤᠨ ᠰᠠᠨᠠᠭᠠᠨᠤ ᠬᠡᠷ ᠤᠷᠤᠨᠢ ᠪᠠᠢᠭᠤᠯᠵᠦ᠂ ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠳᠠᠨᠤ ᠬᠠᠮᠲᠤ ᠵᠢᠨ ᠴᠤᠭᠴᠠ ᠵᠢᠨ ᠤᠬᠠᠮᠰᠠᠷᠢ ᠪᠠᠲᠤ ᠴᠤᠭᠴᠠᠯᠠᠬᠤᠳᠤ ᠪᠤᠢ᠃
— ᠮᠠᠨᠤ ᠬᠤᠶᠠᠷ ᠰᠤᠷᠭᠠᠭᠤᠯᠢ ᠵᠢᠨ ᠰᠤᠷᠤᠭᠴᠢᠳ ᠵᠠᠬᠢᠳᠠᠯᠢᠶᠡᠷ ᠵᠠᠭᠤᠴᠢ ᠪᠤᠯᠭᠠᠵᠦ᠂ ᠦᠨᠳᠦᠰᠦᠳᠡᠨ ᠨᠤᠭᠦᠳᠤᠨ ᠶᠠᠪᠤᠯᠴᠠᠭᠠ ᠰᠤᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠢ ᠠᠬᠢᠭᠤᠯᠵᠦ᠂ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠬᠠᠮᠲᠤᠶᠢᠨ ᠴᠣᠭᠴᠠᠶᠢᠨ ᠤᠬᠠᠮᠰᠠᠷᠢ ᠪᠠᠲᠤ ᠴᠤᠭᠴᠠᠯᠠᠬᠤ ᠵᠢ ᠪᠤᠳᠠᠳᠠᠢᠵᠢᠭᠤᠯᠵᠦ ᠪᠠᠢᠨᠠ ᠭᠡᠵᠦ ᠲᠤᠰ ᠠᠵᠢᠯᠯᠠᠭᠠᠳᠤ ᠤᠷᠤᠯᠴᠠᠭᠰᠠᠨ ᠰᠥᠨᠢᠳ ᠪᠠᠷᠠᠭᠤᠨ ᠬᠣᠰᠢᠭᠤᠨᠤ ᠲᠠᠪᠤᠳᠤᠭᠠᠷ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠠᠯᠢᠮᠠ ᠪᠠᠭᠰᠢ ᠪᠤᠯᠤᠨ ᠯᠢ ᠴᠸᠨ ᠡᠾᠸ ᠪᠠᠭᠰᠢ ᠶᠠᠷᠢᠯᠠ᠃
（ ᠭᠡᠷᠡᠯ ᠵᠢᠷᠤᠭᠢ ᠠᠯᠢᠮᠠ ᠬᠠᠩᠭᠠᠪᠠ ）