— ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩᠦᠨ ᠬᠠᠷᠢᠭᠤ ᠵᠠᠬᠢᠳᠠᠯ ᠨᠢ ᠠᠮᠧᠷᠢᠺᠠᠶ᠋ᠢᠨ ᠨᠥᠬᠥᠷᠰᠡᠭ ᠬᠥᠮᠦᠰ ᠪᠣᠯᠤᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠢ ᠶᠡᠬᠡᠳᠡ ᠵᠣᠷᠢᠭ᠍ᠵᠢᠭᠤᠯᠪᠠ
ᠮᠣᠷᠢᠨ ᠵᠢᠯᠦᠨ ᠴᠠᠭᠠᠨ ᠰᠠᠷᠠᠶ᠋ᠢᠨ ᠪᠠᠶᠠᠷᠢᠶᠡᠷ ᠠᠮᠧᠷᠢᠺᠠᠶ᠋ᠢᠨ ᠠᠢᠤᠸᠠ ᠵᠧᠣ᠌ᠶ᠋ᠢᠨ ᠵᠢᠵᠢᠭ ᠬᠤᠲᠠ ᠮᠠᠰᠺᠠᠲ᠋ᠢᠨ ᠲᠠᠬᠢᠨᠳᠠ ᠪᠡᠭᠡᠵᠢᠩᠡᠴᠡ ᠢᠷᠡᠭ᠌ᠰᠡᠨ ᠪᠠᠶᠠᠷᠤᠨ ᠡᠳᠦᠷᠦᠨ ᠵᠥᠩᠨᠡᠯᠢ ᠲᠤᠰᠤᠯᠠ᠃
2 ᠰᠠᠷᠠᠶ᠋ᠢᠨ 16 ᠤ᠋ ᠡᠳᠦᠷ᠂ ᠤᠯᠤᠰ ᠤᠨ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩ ᠠᠮᠧᠷᠢᠺᠠᠶ᠋ᠢᠨ ᠠᠢᠤᠸᠠ ᠵᠧᠣ᠌ᠶ᠋ᠢᠨ ᠨᠥᠬᠥᠷᠰᠡᠭ ᠬᠥᠮᠦᠰᠲᠦ ᠬᠠᠷᠢᠭᠤ ᠵᠠᠬᠢᠳᠠᠯ ᠢᠯᠡᠭᠡᠭᠰᠡᠨ ᠪᠥᠭᠡᠳ ᠴᠠᠭᠠᠨ ᠰᠠᠷᠠᠶ᠋ᠢᠨ ᠪᠠᠶᠠᠷᠤᠨ ᠺᠠᠷᠲ ᠬᠦᠷᠭᠡᠵᠦ᠍᠂ ᠪᠠᠶᠠᠷᠤᠨ ᠡᠳᠦᠷᠦᠨ ᠵᠥᠩᠨᠡᠯ ᠳᠡᠪᠱᠢᠭᠦᠯᠵᠦ᠍᠂ 《ᠳᠤᠮᠳᠠᠳᠤ ᠠᠮᠧᠷᠢᠺᠠᠶ᠋ᠢᠨ ᠬᠠᠷᠢᠯᠴᠠᠭᠠ ᠵᠢᠨ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠠᠷᠠᠳ ᠲᠦᠮᠡᠨᠳᠤ ᠪᠤᠢ᠂ ᠰᠠᠭᠤᠷᠢᠨᠢ ᠠᠷᠠᠳᠤᠨ ᠳᠤᠮᠳᠠ ᠪᠤᠢ᠂ ᠢᠷᠡᠭᠡᠳᠦᠶᠨᠢ ᠵᠠᠯᠠᠭᠤᠴᠤᠳ ᠲᠤ᠌ ᠪᠤᠢ᠂ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠨᠢ ᠣᠷᠣᠨ ᠨᠤᠲᠤᠭᠲᠤ ᠪᠤᠢ》 ᠭᠡᠵᠦ᠍ ᠢᠯᠡᠳᠭᠡᠪᠡ᠃
ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩ ᠪᠣᠯᠤᠨ ᠠᠢᠤᠸᠠ ᠵᠧᠦ᠍ᠶ᠋ᠢᠨ ᠨᠥᠬᠥᠷᠰᠡᠭ ᠬᠥᠮᠦᠰᠦᠨ ᠭᠦᠨ ᠵᠤᠵᠠᠭᠠᠨ ᠨᠥᠬᠥᠷᠯᠡᠯ ᠨᠢᠭᠡᠨᠲᠡ 41 ᠵᠢᠯ ᠦᠷᠭᠦᠯᠵᠢᠯᠡᠪᠡ᠃
《ᠮᠠᠰᠺᠠᠲ᠋ᠢᠨ ᠪᠣᠯᠤᠨ ᠪᠡᠭᠡᠵᠢᠩᠤᠨ ᠬᠤᠭᠤᠷᠤᠨᠳᠤᠬᠢ ᠴᠠᠭᠠᠨ ᠰᠠᠷᠠᠶ᠋ᠢᠨ ᠵᠥᠩᠨᠡᠯ ᠪᠣᠯ ᠪᠢᠳᠡᠨ ᠦ ᠨᠥᠬᠥᠷᠯᠡᠯᠢᠶᠡᠨ ᠬᠠᠮᠲᠤᠪᠠᠷ ᠨᠠᠨᠳᠢᠩᠨᠠᠵᠤ ᠪᠠᠢᠭᠠ ᠶᠠᠪᠤᠳᠠᠯ ᠮᠥᠨ》᠃ ᠮᠠᠰᠺᠠᠲ᠋ᠢᠨᠳᠤ᠂ ᠠᠢ᠌ᠤᠸᠠ ᠵᠧᠦ᠍ ᠶ᠋ᠢᠨ ᠨᠦᠬᠦᠷᠰᠡᠭ ᠬᠦᠮᠦᠰ ᠪᠣᠯᠤᠨ ᠠᠮᠧᠷᠢᠺᠠᠶ᠋ᠢᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠮᠠᠰᠢ ᠵᠣᠷᠢᠭ᠍ᠵᠢᠵᠤ᠂ ᠲᠡᠳᠡ ᠱᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ ᠰᠤᠷᠪᠤᠯᠵᠢᠯᠠᠭ᠍ᠴᠢᠶ᠋ᠢᠨ ᠰᠤᠷᠪᠤᠯᠵᠢᠯᠠᠭᠠ ᠶ᠋ᠢ ᠬᠦᠯᠢᠶᠡᠬᠦ᠌ᠳᠡᠭᠡᠨ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩᠦᠨ ᠬᠠᠯᠠᠭᠤᠨ ᠳᠣᠲᠣᠨᠣ ᠵᠥᠩᠨᠡᠯ ᠪᠤᠯᠤᠨ ᠴᠢᠩ ᠰᠡᠳᠭᠢᠯᠦᠨ ᠬᠦᠰᠡᠯ ᠨᠠᠢᠳᠠᠯᠭᠠᠳᠤ ᠲᠠᠯᠠᠷᠬᠠᠵᠤ ᠪᠠᠢᠬᠤ ᠰᠡᠳᠬᠢᠯᠬᠡ ᠵᠢᠴᠢ ᠳᠤᠮᠳᠠᠳᠤ ᠠᠮᠧᠷᠢᠺᠠᠶ᠋ᠢᠨ ᠠᠷᠠᠳ ᠲᠦᠮᠡᠨᠦ ᠨᠥᠬᠥᠷᠯᠡᠯ᠂ ᠳᠤᠮᠳᠠᠳᠤ ᠠᠮᠧᠷᠢᠺᠠᠶ᠋ᠢᠨ ᠬᠠᠷᠢᠯᠴᠠᠭᠠᠶ᠋ᠢᠨ ᠲᠣᠭ᠍ᠲᠠᠭᠤᠨ ᠪᠦᠬᠡᠳ ᠡᠷᠡᠭᠦᠯ ᠬᠥᠭ᠌ᠵᠢᠯᠲᠡᠶ᠋ᠢ ᠬᠠᠮᠲᠤᠪᠠᠷ ᠠᠬᠢᠭᠤᠯᠬᠤ ᠬᠦᠰᠡᠯ ᠡᠷᠡᠮᠡᠯᠵᠡᠯᠢᠶᠡᠨ ᠢᠯᠡᠳᠭᠡᠵᠡᠢ᠃
ᠮᠦᠷᠠᠨ ᠳᠠᠯᠠᠢ ᠲᠠᠮᠵᠢᠨ ᠬᠦᠷᠴᠤ ᠢᠷᠡᠭᠰᠡᠨ ᠴᠠᠭᠠᠨ ᠰᠠᠷᠠᠶ᠋ᠢᠨ ᠵᠦᠩᠨᠡᠯ
《41 ᠵᠢᠯᠦᠨ ᠡᠮᠦᠨᠡ ᠪᠢ ᠠᠢᠤᠸᠠ ᠵᠧᠣ᠌ᠳᠦ ᠠᠢᠯᠴᠢᠯᠠᠵᠤ᠂ ᠲᠠᠨᠠᠷᠤᠨ ᠬᠠᠯᠠᠭᠤᠨ ᠤᠭ᠍ᠲᠤᠯᠭᠠᠶ᠋ᠢ ᠬᠦᠷᠲᠡᠵᠡᠢ᠂ ᠲᠡᠳᠡᠭᠡᠷ ᠰᠠᠢᠨ ᠰᠠᠢᠬᠠᠨ ᠡᠷᠭᠢᠴᠡᠭᠦᠯᠦᠯᠢ ᠣᠲᠣ ᠪᠣᠯᠲᠠᠯᠠ ᠲᠣᠪ ᠲᠣᠳᠣᠷᠬᠠᠶ ᠴᠡᠭᠡᠵᠢᠯᠡᠭ᠌ᠰᠡᠭᠡᠷ ᠪᠠᠢᠨᠠ》᠃ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩ ᠡᠨᠡ ᠬᠦ᠌ ᠨᠥᠬᠥᠷᠯᠡᠯᠦᠨ ᠢᠷᠠᠭᠤ ᠳᠠᠭᠤᠷᠢᠰᠭᠠᠯᠢ ᠳᠠᠬᠢᠨ ᠡᠷᠭᠢᠴᠡᠭᠦᠯᠪᠡ᠃
ᠡᠭᠦᠨᠡᠴᠡ ᠡᠮᠦᠨᠡ᠂ ᠠᠮᠧᠷᠢᠺᠠᠶ᠋ᠢᠨ ᠠᠢᠤᠸᠠ ᠵᠧᠣ᠌ᠶ᠋ᠢᠨ ᠨᠥᠬᠥᠷᠰᠡᠭ ᠬᠥᠮᠦᠨ ᠪᠸᠢᠯᠦ᠋ᠡᠭ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩᠳᠦ ᠵᠠᠬᠢᠳᠠᠯ ᠢᠯᠡᠭᠡᠵᠦ᠍᠂ ᠠᠢᠤᠸᠠ ᠵᠧᠣ᠌ᠶ᠋ᠢᠨ ᠨᠥᠬᠥᠷᠰᠡᠭ ᠬᠥᠮᠦᠰᠢ ᠲᠥᠯᠥᠭᠡᠯᠡᠨ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩ ᠪᠣᠯᠤᠨ ᠫᠸᠩ ᠯᠢ ᠶᠤᠸᠠᠨ ᠫᠷᠤᠹᠸᠰᠰᠤᠷᠲᠤ ᠴᠠᠭᠠᠨ ᠰᠠᠷᠠᠶ᠋ᠢᠨ ᠵᠦᠩᠨᠡᠯ ᠳᠡᠪᠱᠢᠭᠦᠯᠵᠦ᠍᠂ ᠠᠢᠤᠸᠠ ᠵᠧᠣ᠌ᠶ᠋ᠢᠨ ᠨᠥᠬᠥᠷᠰᠡᠭ ᠬᠥᠮᠦᠰ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠯᠦᠭᠡᠶ᠋ᠢᠨ ᠨᠥᠬᠥᠷᠯᠡᠯᠢᠶᠡᠨ ᠨᠠᠨᠳᠢᠩᠨᠠᠬᠤ ᠵᠢᠨ ᠬᠠᠮᠲᠤ ᠦᠷᠭᠦᠯᠵᠢᠯᠡᠨ ᠬᠥᠭ᠌ᠵᠢᠭᠦᠯᠦᠨᠡ ᠭᠡᠵᠦ ᠢᠯᠡᠳᠭᠡᠪᠡ᠃ ᠪᠸᠢᠯᠦ᠋ᠡᠭ᠂ ᠯᠠᠨᠲ᠋ᠢ᠂ ᠳ᠋ᠸᠸᠴᠢᠶ᠍ᠸᠺ᠂ ᠵᠢᠨᠪᠸᠯᠢ ᠵᠢᠴᠢ ᠳᠤᠮᠳᠠᠳᠤ ᠤᠯᠤᠰᠲᠤ ᠰᠠᠭᠤᠵᠤ ᠪᠠᠢᠭᠰᠠᠨ ᠤᠤᠯᠤᠨ ᠡᠯᠴᠢᠨ ᠰᠠᠢᠳ ᠪᠦᠯᠠᠨᠰᠲ᠋ᠠᠳ᠋ᠸ᠂ ᠳᠡᠯᠡᠬᠡᠢᠶ᠋ᠢᠨ ᠠᠮᠤ ᠪᠤᠳᠠᠭᠠᠨᠤ ᠱᠠᠩᠨᠠᠯᠤᠨ ᠰᠠᠭᠤᠷᠢ ᠮᠥᠩᠭᠥᠨᠦ ᠨᠡᠢᠭᠡᠮᠯᠢᠭᠦᠨ ᠨᠡᠷᠡ ᠬᠦᠨᠳᠦᠲᠦ ᠲᠡᠷᠢᠭᠦᠯᠡᠭ᠌ᠴᠢ ᠺᠦᠢᠶ᠍ᠢᠨ ᠪᠤᠯᠤᠨ ᠲᠤᠰ ᠵᠧᠦ᠍ᠶ᠋ᠢᠨ 《5 ᠵᠢᠯ 5 ᠲᠦᠮᠡᠨ ᠬᠥᠮᠦᠨ》ᠤ᠋ ᠰᠠᠨᠠᠭᠠᠴᠢᠯᠠᠭᠠᠳᠤ ᠣᠷᠣᠯᠴᠠᠵᠤ ᠳᠤᠮᠳᠠᠳᠤ ᠤᠯᠤᠰᠲᠤ ᠠᠢᠯᠴᠢᠯᠠᠭᠰᠠᠨ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠳ ᠪᠠᠰᠠ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩ ᠪᠣᠯᠤᠨ ᠲᠡᠭᠦᠨᠦ ᠬᠠᠳᠤᠨᠳᠤ ᠴᠠᠭᠠᠨ ᠰᠠᠷᠠᠶ᠋ᠢᠨ ᠪᠠᠶᠠᠷ ᠤ᠋ᠨ ᠺᠠᠷᠲ ᠶᠠᠪᠤᠭᠤᠯᠵᠤ᠂ ᠳᠤᠷᠠᠲᠠᠶᠠ ᠠᠮᠧᠷᠢᠺᠠ ᠳᠤᠮᠳᠠᠳᠤᠶ᠋ᠢᠨ ᠨᠥᠬᠥᠷᠰᠡᠭ ᠰᠣᠯᠢᠯᠴᠠᠭᠠᠶ᠋ᠢ ᠴᠢᠷᠮᠠᠢᠨ ᠠᠬᠢᠭᠤᠯᠵᠤ᠂ ᠬᠣᠶᠠᠷ ᠤᠯᠤᠰᠤᠨ ᠬᠠᠷᠢᠯᠴᠠᠭᠠᠶ᠋ᠢᠨ ᠬᠥᠭ᠌ᠵᠢᠯᠲᠡᠳᠦ ᠬᠦᠴᠦᠨ ᠴᠢᠳᠠᠯᠢᠶᠠᠨ ᠡᠷᠭᠦᠨᠡ ᠭᠡᠵᠦ᠍ ᠢᠯᠡᠳᠭᠡᠪᠡ᠃
ᠪᠸᠢᠯᠦ᠋ᠩ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠂ ᠪᠠᠶᠠᠷ ᠤᠨ ᠺᠠᠷᠲᠢᠶᠠᠷ ᠳᠠᠮᠵᠢᠨ ᠬᠠᠷᠢᠯᠴᠠᠨ ᠴᠠᠭᠠᠨ ᠰᠠᠷᠠᠶ᠋ᠢᠨ ᠵᠥᠩᠨᠡᠯ ᠳᠡᠪᠱᠢᠭᠦᠯᠵᠦ᠍᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠨᠥᠬᠥᠷᠰᠡᠭ ᠬᠥᠮᠦᠰ ᠪᠣᠯᠤᠨ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩᠦᠨ ᠭᠦᠨ ᠵᠤᠵᠠᠭᠠᠨ ᠨᠥᠬᠥᠷᠯᠡᠯᠢ ᠦᠷᠭᠦᠯᠵᠢᠯᠡᠭᠦᠯᠬᠦ ᠨᠢ ᠠᠢ᠌ᠤᠸᠠ ᠵᠧᠦ᠍ᠶ᠋ᠢᠨ ᠳᠤᠮᠳᠠᠳᠤ ᠤᠯᠤᠰᠯᠤᠭᠠᠶ᠋ᠢᠨ ᠨᠥᠬᠥᠷᠰᠡᠭ ᠬᠠᠷᠢᠯᠴᠠᠭᠠᠶ᠋ᠢ ᠴᠢᠨᠠᠭ᠍ᠰᠢᠳᠠ ᠪᠡᠬᠢᠵᠢᠭᠦᠯᠬᠦ᠌ ᠪᠣᠯᠤᠨᠠ ᠭᠡᠵᠡᠢ᠃
ᠯᠣᠣ ᠵᠢᠯᠦᠨ ᠥᠯᠵᠡᠢᠲᠦ ᠡᠳᠦᠷ ᠲᠤ᠌ ᠮᠠᠰᠺᠠᠲ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠳᠤᠮᠳᠠᠳᠤ ᠤᠯᠤᠰᠲᠤ ᠠᠢᠯᠴᠢᠯᠠᠭ᠍ᠰᠠᠨ ᠲᠥᠯᠥᠭᠡᠯᠡᠭ᠌ᠴᠢᠳᠦᠨ ᠪᠦᠯᠬᠦᠮᠦᠨ ᠰᠤᠷᠤᠭ᠍ᠴᠢᠳᠲᠤ ᠬᠠᠷᠢᠭᠤ ᠵᠠᠬᠢᠳᠠᠯ ᠢᠯᠡᠭᠡᠭ᠌ᠰᠡᠨ ᠪᠥᠭᠡᠳ ᠴᠠᠭᠠᠨ ᠰᠠᠷᠠᠶ᠋ᠢᠨ ᠪᠠᠶᠠᠷᠤᠨ ᠺᠠᠷᠲ ᠬᠦᠷᠭᠡᠭᠰᠡᠨ ᠡᠴᠡ ᠠᠪᠤᠭᠠᠳ ᠮᠣᠭᠠᠶ ᠵᠢᠯᠦᠨ ᠴᠠᠭᠠᠨ ᠰᠠᠷᠠᠡᠴᠡ ᠡᠮᠦᠨᠡᠬᠡᠨ ᠠᠢᠤᠸᠠ ᠵᠧᠣ᠌ᠶ᠋ᠢᠨ ᠨᠦᠬᠦᠷᠰᠡᠭ ᠬᠦᠮᠦᠰᠲᠤ ᠴᠠᠭᠠᠨ ᠰᠠᠷᠠᠶ᠋ᠢᠨ ᠪᠠᠶᠠᠷᠤᠨ ᠺᠠᠷᠲ ᠬᠦᠷᠭᠡᠭᠰᠡᠨ᠂ ᠲᠠᠬᠢᠭᠠᠳ ᠡᠨᠡ ᠵᠢᠯᠦᠨ ᠴᠠᠭᠠᠨ ᠰᠠᠷᠠᠳᠤ ᠬᠠᠷᠢᠯᠴᠠᠨ ᠵᠦᠩᠨᠡᠯ ᠲᠡᠪᠰᠢᠭᠦᠯᠦᠭᠰᠡᠨ ᠬᠦᠷᠲᠡᠯᠡ᠂ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩ 1985 ᠣᠨᠳᠤ ᠠᠮᠧᠷᠢᠺᠠᠳᠤ ᠠᠩᠬᠠ ᠤᠳᠠᠭᠠ ᠠᠢᠯᠴᠢᠯᠠᠭ᠍ᠰᠠᠨᠡᠴᠡ ᠨᠠᠭᠠᠱᠢᠬᠢ ᠠᠮᠧᠷᠢᠺᠠᠶ᠋ᠢᠨ ᠠᠷᠠᠳ ᠣᠯᠠᠨᠲᠠᠶ ᠪᠠᠢᠭᠤᠯᠤᠭ᠍ᠰᠠᠨ ᠨᠥᠬᠥᠷᠯᠡᠯᠢᠶᠡᠨ ᠣᠯᠠᠨᠲᠠ ᠡᠷᠭᠢᠴᠡᠭᠦᠯᠪᠡ᠃
1985 ᠣᠨᠳᠤ᠂ ᠲᠤᠬᠠᠢ ᠵᠢᠨ ᠦᠶᠠ ᠳ᠋ᠤ ᠾᠸᠪᠸᠢ ᠮᠤᠵᠢᠶᠢᠨ ᠵᠧᠩ ᠳ᠋ᠢᠩ ᠰᠢᠶᠠᠨᠤ ᠨᠠᠮᠤᠨ ᠬᠤᠷᠢᠶᠠᠵᠢᠨ ᠱᠦᠵᠢᠶᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠵᠤ ᠪᠠᠢᠭᠰᠠᠨ ᠰᠢ ᠵᠢᠨ ᠫᠢᠩ ᠪᠦᠯᠬᠦᠮ ᠳᠠᠭᠠᠭᠤᠯᠤᠨ ᠮᠠᠰᠺᠠᠲ᠋ᠢᠨ ᠳ᠋ᠤ ᠠᠢᠯᠴᠢᠯᠠᠵᠤ᠂ ᠯᠠᠨᠲ᠋ᠢ᠂ ᠪᠸᠢᠯᠦᠢ᠍ᠩ ᠵᠡᠷᠭᠡ ᠬᠥᠮᠥᠰᠬᠦᠯᠢᠶᠡᠨ ᠠᠪᠬᠤ ᠠᠵᠢᠯᠳᠤ ᠣᠷᠣᠯᠴᠠᠪᠠ᠃ 2012 ᠣᠨᠳᠤ᠂ ᠲᠤᠬᠠᠢᠶᠢᠨ ᠦᠶᠡᠳᠦ ᠤᠯᠤᠰᠤᠨ ᠳᠡᠳ᠋ ᠲᠡᠷᠢᠭᠦᠯᠡᠭᠴᠢᠶᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠵᠤ ᠪᠠᠢᠭᠰᠠᠨ ᠰᠢ ᠵᠢᠨ ᠫᠢᠩ ᠳᠠᠬᠢᠨᠲᠠ ᠮᠠᠰᠺᠠᠲ᠋ᠢᠨᠳᠤ ᠠᠢᠯᠴᠢᠯᠠᠵᠤ᠂ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠨᠥᠬᠥᠷᠰᠡᠭ ᠬᠥᠮᠥᠰᠲᠠᠢ ᠬᠠᠮᠲᠤ ᠦᠩᠬᠡᠷᠡᠭᠰᠡᠨᠢᠶᠡᠨ ᠡᠷᠬᠢᠴᠡᠬᠦᠯᠵᠤ ᠵᠣᠭᠣᠭ ᠲᠡᠯᠬᠡᠪᠡ᠃ 2023 ᠣᠨᠤ 11 ᠰᠠᠷᠠᠳᠤ᠂ ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩ ᠰᠠᠨ ᠹᠷᠠᠨᠰᠢᠰᠺᠤᠳᠤ ᠠᠮᠧᠷᠢᠺᠠᠶᠢᠨ ᠨᠥᠬᠥᠷᠰᠡᠭ ᠪᠦᠯᠬᠦᠮᠦᠨ ᠬᠠᠮᠲᠤᠷᠠᠭᠰᠠᠨ ᠤᠭᠲᠤᠬᠤ ᠳᠠᠶ᠋ᠢᠯᠠᠯᠭᠠᠳᠤ ᠣᠷᠣᠯᠴᠠᠬᠤᠡᠴᠡ ᠡᠮᠦᠨᠡ ᠯᠠᠨᠲ᠋ᠢ ᠵᠡᠷᠭᠡ ᠠᠮᠧᠷᠢᠺᠠ ᠶᠢᠨ ᠨᠥᠬᠥᠷᠰᠡᠭ ᠬᠥᠮᠥᠰᠦᠨ ᠲᠥᠯᠥᠭᠡᠯᠡᠭᠴᠢᠳᠲᠠᠢ ᠠᠭᠤᠯᠵᠠᠵᠤ᠂ ᠶᠠᠷᠢᠶᠠ ᠢᠯᠡᠳᠬᠡᠯ ᠬᠢᠬᠦ ᠳᠡᠭᠡᠨ ᠠᠩᠬᠠ ᠤᠳᠠᠭᠠ ᠠᠮᠧᠷᠢᠺᠠᠳᠤ ᠠᠶ᠋ᠢᠯᠴᠢᠯᠠᠭᠰᠠᠨ ᠥᠩᠭᠡᠷᠡᠯᠲᠡᠪᠡᠨ ᠡᠷᠭᠢᠴᠡᠭᠦᠯᠪᠡ᠃
《ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩ 41 ᠵᠢᠯᠦᠨ ᠡᠮᠦᠨᠡ ᠠᠢ᠍ᠢᠤᠸᠠ ᠵᠧᠦᠳᠦ ᠪᠤᠯᠤᠬᠰᠠᠨ ᠰᠠᠢᠨ ᠰᠠᠢᠬᠠᠨ ᠥᠩᠭᠡᠷᠡᠯᠲᠡ ᠪᠠ ᠨᠥᠬᠥᠷᠯᠡᠯᠢᠶᠡᠨ ᠢᠮᠠᠭᠲᠠ ᠳᠤᠷᠠᠰᠤᠨ ᠰᠠᠨᠠᠭᠠᠯᠵᠠᠭᠰᠠᠭᠠᠷ ᠪᠥᠭᠡᠳ ᠡᠨᠳᠡᠬᠢ ᠠᠷᠠᠳ ᠲᠦᠮᠡᠨᠢ ᠬᠠᠯᠠᠮᠵᠢᠯᠠᠵᠤ ᠢᠷᠠᠵᠠᠢ᠂ ᠡᠨᠡ ᠬᠦ᠌ ᠮᠦᠷᠠᠨ ᠳᠠᠯᠠᠢ ᠲᠠᠮᠵᠢᠨ ᠢᠷᠡᠭᠰᠡᠨ ᠴᠠᠭᠠᠨ ᠰᠠᠷᠠᠶᠢᠨ ᠵᠥᠩᠨᠡᠯ ᠨᠢ ᠬᠥᠮᠥᠰᠦᠨ ᠰᠡᠳᠬᠢᠯᠢ ᠶᠡᠬᠡᠳᠡ ᠳᠣᠭᠳᠣᠯᠤᠭᠤᠯᠵᠠᠢ》 ᠭᠡᠵᠦ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠨᠦᠬᠦᠷᠰᠡᠭ ᠬᠦᠮᠦᠨ ᠭᠠᠢᠷᠤᠢ·ᠳ᠋ᠸᠸᠴᠸᠺ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠬᠡᠯᠡᠪᠡ᠃
ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩ 1985 ᠣᠨ ᠳᠤ ᠠᠶ᠋ᠢᠤᠸᠠ ᠵᠧᠦᠳᠦ ᠠᠢᠯᠴᠢᠯᠠᠬᠤᠳᠠᠭᠠᠨ ᠭᠠᠶ᠋ᠢᠷᠦᠢᠶᠢᠨ ᠡᠴᠢᠭᠡ ᠡᠬᠡ ᠳ᠋ᠸᠸᠴᠸᠺ ᠡᠷᠡ ᠡᠮᠡ ᠬᠣᠶᠠᠭᠤᠯᠠᠶᠢᠨ ᠭᠡᠷᠲᠦ ᠰᠠᠭᠤᠵᠠᠢ᠃ ᠡᠨᠡ ᠵᠢᠯ ᠭᠠᠢᠷᠦᠢ ᠭᠡᠷᠦᠨ ᠬᠥᠮᠥᠰᠲᠠᠢᠪᠡᠨ ᠴᠠᠭᠠᠨ ᠰᠠᠷᠠᠶᠢᠨ ᠪᠠᠶᠠᠷᠤᠨ ᠺᠠᠷᠲ ᠳᠡᠭᠡᠷᠡ ᠭᠠᠷᠤᠨ ᠥᠰᠥᠭ ᠵᠢᠷᠤᠪᠠ᠃ ᠲᠡᠷᠡ ᠪᠠᠰᠠ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠂ ᠡᠬᠢᠨᠳᠡᠭᠡᠨ ᠬᠠᠭᠤᠴᠢᠨ ᠨᠠᠢᠵᠠ ᠨᠡᠷ ᠢᠷᠠᠵᠤ ᠪᠠᠶᠠᠷ ᠤᠨ ᠺᠠᠷᠲ ᠳᠡᠭᠡᠷᠡ ᠭᠠᠷᠤᠨ ᠦᠰᠦᠭ ᠵᠢᠷᠤᠵᠤ ᠪᠠᠢᠪᠠ᠂ ᠲᠤᠬᠠᠢ ᠶᠢᠨ ᠭᠠᠵᠠᠷᠤᠨ ᠠᠷᠠᠳ ᠤᠯᠠᠨ ᠮᠡᠳᠡᠭᠰᠡᠨᠦ ᠲᠠᠷᠠᠭᠠ ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩᠳᠦ ᠮᠡᠨᠳᠦᠴᠢᠯᠡᠯ᠂ ᠵᠥᠩᠨᠡᠯ ᠪᠤᠯᠤᠨ ᠲᠠᠯᠠᠷᠬᠠᠯ ᠳᠡᠪᠰᠢᠭᠦᠯᠵᠦ᠂ ᠭᠠᠷᠤᠨ ᠦᠰᠦᠭ ᠵᠢᠷᠤᠬᠤ ᠬᠥᠮᠥᠨ ᠶᠠᠪᠤᠬᠤ ᠲᠤᠳᠤᠮ ᠣᠯᠠᠰᠢᠷᠠᠪᠠ ᠭᠡᠵᠡᠢ᠃
ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩ ᠬᠠᠷᠢᠭᠤ ᠵᠠᠬᠢᠳᠠᠯᠳᠠᠭᠠᠨ ᠠᠶ᠋ᠢᠤᠸᠠ ᠵᠧᠦᠶᠢᠨ ᠨᠥᠬᠥᠷᠰᠡᠭ ᠬᠥᠮᠥᠰᠢ 《ᠦᠷᠭᠦᠯᠵᠢᠯᠡᠨ ᠬᠣᠶᠠᠷ ᠤᠯᠤᠰᠤᠨ ᠠᠷᠠᠳᠤᠨ ᠬᠣᠭᠣᠷᠣᠨᠳᠣᠬᠢ ᠨᠥᠬᠥᠷᠯᠡᠯᠢ ᠠᠬᠢᠭᠤᠯᠬᠤᠪᠠᠷ ᠴᠢᠷᠮᠠᠢᠵᠤ᠂ ᠠᠮᠧᠷᠢᠺᠠᠶᠢᠨ ᠨᠠᠩ ᠣᠯᠠᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠳᠤᠮᠳᠠᠳᠤ ᠠᠮᠧᠷᠢᠺᠠᠶᠢᠨ ᠨᠥᠬᠥᠷᠯᠡᠯᠦᠨ ᠵᠠᠯᠭᠠᠮᠵᠢᠯᠠᠭ᠍ᠴᠢ᠂ ᠡᠩᠬᠡ ᠲᠠᠢᠪᠤᠩ ᠨᠥᠬᠥᠷᠯᠡᠯᠦᠨ ᠠᠬᠢᠭᠤᠯᠤᠭ᠍ᠴᠢ ᠪᠤᠯᠵᠤ᠂ ᠳᠤᠮᠳᠠᠳᠤ ᠠᠮᠧᠷᠢᠺᠠᠶᠢᠨ ᠬᠠᠷᠢᠯᠴᠠᠭᠠᠶᠢᠨ ᠬᠥᠭᠵᠢᠯᠲᠡᠳᠦ ᠨᠠᠩ ᠶᠡᠬᠡ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠬᠦ ᠵᠢ ᠬᠦᠰᠡᠵᠤ ᠪᠠᠢᠨᠠ》 ᠭᠡᠵᠦ ᠳᠣᠲᠣᠨᠣ᠌ᠪᠠᠷ ᠵᠣᠷᠢᠭ᠍ᠵᠢᠭᠤᠯᠪᠠ᠃
ᠮᠠᠰᠺᠠᠲ᠋ᠢᠨ ᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠨᠥᠬᠥᠷᠯᠡᠯᠦᠨ ᠵᠥᠪᠯᠡᠯᠦᠨ ᠲᠡᠷᠢᠭᠦᠯᠡᠭᠴᠢ ᠳ᠋ᠠᠨ· ᠰᠲ᠋ᠠᠢ ᠊ ᠡᠸᠨ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠂ ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩᠦᠨ ᠵᠥᠩᠨᠡᠯ ᠨᠢ ᠤᠯᠠᠨᠢ ᠶᠡᠬᠡᠳᠡ ᠵᠣᠷᠢᠭ᠍ᠵᠢᠭᠤᠯᠵᠤ᠂ 《ᠪᠢᠳᠡᠨᠳᠦ ᠬᠣᠶᠠᠷ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠦ ᠨᠥᠬᠥᠷᠯᠡᠯ᠂ ᠬᠣᠶᠠᠷ ᠤᠯᠤᠰᠤᠨ ᠬᠠᠷᠢᠯᠴᠠᠭᠠᠶᠢᠨ ᠬᠥᠭᠵᠢᠯᠲᠡᠶᠢ ᠦᠷᠭᠦᠯᠵᠢᠯᠡᠨ ᠠᠬᠢᠭᠤᠯᠬᠤ ᠬᠥᠳᠡᠯᠭᠡᠬᠦ ᠬᠦᠴᠦᠨᠢ ᠣᠯᠭᠣᠵᠠᠢ》 ᠭᠡᠪᠡ᠃
ᠡᠨᠡ ᠬᠦ᠌ ᠨᠥᠬᠥᠷᠯᠡᠯᠢᠶᠡᠨ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠨᠠ
ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩ᠂ 《ᠪᠠᠢᠳᠠᠯ ᠶᠠᠭᠠᠬᠢᠵᠤ ᠬᠤᠪᠢᠷᠠᠭᠰᠠᠨ ᠴᠤ᠌ ᠳᠤᠮᠳᠠᠳᠤ ᠠᠮᠧᠷᠢᠺᠠ ᠬᠣᠶᠠᠷ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠦ ᠰᠣᠯᠢᠯᠴᠠᠭᠠ ᠬᠢᠵᠤ ᠬᠠᠮᠲᠤᠷᠠᠯᠴᠠᠬᠤ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠬᠤᠪᠢᠷᠠᠬᠤ ᠦᠭᠡᠢ᠂ ᠬᠣᠶᠠᠷ ᠤᠯᠤᠰᠤᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠬᠠᠷᠢᠯᠴᠠᠨ ᠣᠢᠯᠠᠭᠠᠯᠴᠠᠵᠤ ᠬᠠᠷᠢᠯᠴᠠᠨ ᠳᠣᠲᠣᠨᠣ᠌ ᠪᠠᠢᠬᠤ ᠨᠥᠬᠥᠷᠯᠡᠯ ᠬᠤᠪᠢᠷᠠᠬᠤ ᠦᠭᠡᠢ ᠶᠤᠮ》 ᠭᠡᠵᠦ ᠢᠯᠡᠳᠭᠡᠪᠡ᠃
ᠯᠠᠨᠲ᠋ᠢ ᠰᠤᠷᠪᠤᠯᠵᠢᠯᠠᠭ᠍ᠴᠢᠶᠢᠨ ᠰᠣᠷᠪᠤᠯᠵᠢᠯᠠᠭᠠᠶᠢ ᠬᠦᠯᠢᠶᠡᠬᠦᠳᠡᠭᠡᠨ᠂ ᠠᠷᠠᠳ ᠲᠦᠮᠡᠨᠦ ᠨᠥᠬᠥᠷᠯᠡᠯ ᠨᠢ ᠠᠮᠧᠷᠢᠺᠠ ᠳᠤᠮᠳᠠᠳᠤᠶᠢᠨ ᠬᠠᠷᠢᠯᠴᠠᠭᠠᠶᠢᠨ ᠲᠣᠭᠲᠠᠭᠤᠨ ᠪᠠ ᠬᠥᠭᠵᠢᠯᠲᠡᠳᠦ ᠴᠢᠬᠤᠯᠠ ᠦᠢᠯᠡᠳᠦᠯᠲᠠᠢ ᠶᠤᠮ᠃ ᠠᠶ᠋ᠢᠤᠸᠠ ᠵᠧᠦᠶᠢᠨ ᠨᠠᠢᠵᠠ ᠨᠠᠷᠲᠤ ᠠᠪᠴᠤ ᠬᠡᠯᠡᠪᠡᠯ᠂ ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩ ᠯᠦ᠍ᠭᠡᠶᠢᠨ 41 ᠵᠢᠯᠦᠨ ᠨᠥᠬᠥᠷᠯᠡᠯ ᠪᠣᠯ ᠲᠤᠢᠯᠤᠨ ᠡᠷᠬᠢᠮ ᠨᠠᠨᠳᠢᠨ ᠶᠤᠮ᠂ 《ᠪᠢᠳᠡ ᠡᠨᠡ ᠬᠦ᠌ ᠨᠥᠬᠥᠷᠯᠡᠯᠢᠶᠡᠨ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠨᠠ》 ᠭᠡᠪᠡ᠃
2023 ᠣᠨᠤ 11 ᠰᠠᠷᠠᠳᠤ ᠰᠠᠨ ᠹᠷᠠᠨᠰᠢᠰᠺᠦᠳᠤ ᠶᠠᠷᠢᠶᠠ ᠲᠠᠯᠪᠢᠬᠤᠳᠠᠭᠠᠨ᠂ ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩ ᠳᠤᠮᠳᠠᠳᠤ ᠤᠯᠤᠰ ᠢᠷᠡᠬᠦ 5 ᠵᠢᠯᠳᠦ ᠳᠤᠷᠠᠲᠠᠶᠠ 5 ᠲᠦᠮᠡᠨ ᠠᠮᠧᠷᠢᠺᠠᠶᠢᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠢ ᠳᠤᠮᠳᠠᠳᠤ ᠤᠯᠤᠰᠲᠤ ᠤᠷᠢᠵᠤ ᠰᠣᠯᠢᠯᠴᠠᠨ ᠰᠤᠷᠤᠯᠴᠠᠭᠤᠯᠤᠨᠠ ᠭᠡᠵᠦ ᠨᠡᠢᠲᠡᠯᠡᠪᠡ᠃ ᠲᠡᠷᠡ ᠲᠤᠤᠷᠠ ᠨᠢ ᠯᠠᠨᠲ᠋ᠢ ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩᠳᠦ ᠵᠠᠬᠢᠳᠠᠯ ᠢᠯᠡᠭᠡᠵᠦ᠂ ᠮᠠᠰᠺᠠᠲ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠪᠠᠰᠠ ᠡᠨᠡ ᠬᠦ᠌ ᠲᠥᠯᠥᠪᠯᠡᠭᠡᠳᠦ ᠣᠷᠣᠯᠴᠠᠬᠤ ᠶᠢ ᠬᠦᠰᠡᠪᠡ᠃ ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩ ᠬᠠᠷᠢᠭᠤ ᠵᠠᠬᠢᠳᠠᠯᠳᠠᠭᠠᠨ᠂ ᠨᠡᠩ ᠤᠯᠠᠨ ᠠᠮᠧᠷᠢᠺᠠᠶᠢᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ 《ᠦᠨᠡᠨ ᠪᠣᠳᠠᠲᠠᠢ᠂ ᠪᠣᠰᠣᠭᠠ ᠴᠣᠭᠴᠠᠲᠤ᠂ ᠪᠦᠬᠦ ᠲᠠᠯᠠᠶᠢᠨ ᠳᠤᠮᠳᠠᠳᠤ ᠤᠯᠤᠰᠢ ᠤᠢᠯᠠᠭᠠᠨ ᠮᠡᠳᠡᠷᠡᠵᠦ᠂ ᠬᠣᠶᠠᠷ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠦ ᠬᠣᠭᠣᠷᠣᠨᠳᠤ ᠨᠡᠩ ᠤᠯᠠᠨ ᠬᠠᠷᠢᠯᠴᠠᠨ ᠣᠢᠯᠠᠭᠠᠯᠴᠠᠵᠤ ᠬᠠᠷᠢᠯᠴᠠᠨ ᠳᠣᠲᠣᠨᠣ᠌ ᠪᠠᠢᠬᠤ ᠬᠥᠭᠥᠷᠭᠡ ᠬᠣᠯᠪᠣᠭᠠᠰᠤᠶᠢ ᠴᠣᠭᠴᠠᠯᠠᠬᠤᠶᠢ ᠵᠣᠷᠢᠭ᠍ᠵᠢᠭᠤᠯᠤᠨᠠ》 ᠭᠡᠵᠦ ᠢᠯᠡᠳᠬᠡᠪᠡ᠃
ᠰᠤᠷᠤᠭ᠍ᠴᠢᠳ ᠢᠳᠡᠪᠬᠢᠲᠡᠢᠪᠡᠷ ᠨᠡᠷᠡ ᠮᠡᠳᠡᠭᠦᠯᠦᠭᠰᠡᠨ ᠪᠠᠢᠳᠠᠯ ᠢ ᠰᠲ᠋ᠠᠢ ᠊ ᠡᠸᠨ ᠲᠣᠪ ᠲᠣᠳᠣᠷᠬᠠᠢ ᠴᠡᠭᠡᠵᠢᠯᠡᠭᠰᠡᠭᠡᠷ ᠪᠠᠢᠯᠠ᠃ ᠲᠡᠷᠡ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠂ 《5 ᠵᠢᠯ 5 ᠲᠦᠮᠡᠨ ᠬᠦᠮᠦᠨ》 ᠤ᠋ ᠰᠠᠨᠠᠭᠠᠴᠢᠯᠠᠭᠠ ᠡᠬᠢᠯᠡᠭᠰᠡᠨᠡᠴᠡ ᠨᠠᠭᠠᠰᠢ᠂ ᠠᠮᠧᠷᠢᠺᠠᠶᠢᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠲᠤ ᠳᠤᠮᠳᠠᠳᠤ ᠤᠯᠤᠰᠢ ᠣᠢᠯᠠᠭᠠᠬᠤ᠂ ᠨᠥᠬᠥᠷᠯᠡᠯ ᠢ ᠵᠠᠯᠭᠠᠮᠵᠢᠯᠠᠬᠤ 《ᠬᠠᠮᠤᠭᠤᠨ ᠰᠠᠢᠨ ᠠᠵᠠ ᠲᠣᠬᠢᠶᠠᠯ》 ᠬᠠᠩᠭᠠᠵᠤ᠂ ᠬᠣᠶᠠᠷ ᠲᠠᠯᠠᠶᠢᠨ ᠣᠢᠯᠠᠭᠠᠯᠴᠠᠭᠠᠶᠢ ᠨᠡᠮᠡᠭᠳᠡᠭᠦᠯᠵᠦ᠂ ᠬᠣᠶᠠᠷ ᠤᠯᠤᠰᠤᠨ ᠬᠠᠷᠢᠯᠴᠠᠭᠠ ᠪᠣᠯᠣᠨ ᠪᠦᠬᠦ ᠳᠡᠯᠡᠬᠡᠢᠳᠦ ᠴᠥᠮ ᠰᠠᠢᠨ ᠶᠠᠪᠤᠳᠠᠯ ᠪᠣᠯᠪᠠ ᠭᠡᠵᠡᠢ᠃
《ᠣᠲᠣ ᠪᠢᠳᠡ 〈5 ᠵᠢᠯ 5 ᠲᠦᠮᠡᠨ ᠬᠦᠮᠦᠨ〉 ᠤ᠋ ᠰᠠᠨᠠᠭᠠᠴᠢᠯᠠᠭᠠᠶ᠋ᠢᠨ ᠴᠢᠬᠤᠯᠠ ᠠᠴᠢ ᠬᠣᠯᠪᠣᠭ᠍ᠳᠠᠯᠢ ᠨᠠᠩ ᠭᠦᠨᠵᠡᠭᠡᠶ ᠲᠠᠨᠢᠵᠤ ᠤᠯᠪᠠ》᠃ ᠪᠸᠢᠯᠥ᠋ᠩ᠂ ᠠᠢᠤᠸᠠ ᠵᠧᠤᠶ᠋ᠢᠨ ᠨᠥᠬᠥᠷᠰᠡᠭ ᠬᠥᠮᠦᠰ ᠬᠢᠭᠡᠳ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩᠦᠨ ᠬᠣᠭᠣᠷᠣᠨᠳᠣᠬᠢ ᠭᠦᠨ ᠵᠤᠵᠠᠭᠠᠨ ᠨᠥᠬᠥᠷᠯᠡᠯᠨᠢ ᠶᠠᠭ ᠰᠠᠢᠬᠠᠨ ᠨᠠᠢᠵᠠ ᠪᠣᠯᠤᠯᠴᠠᠬᠤ᠂ ᠬᠠᠨᠢᠲᠠᠨ ᠪᠣᠯᠤᠯᠴᠠᠬᠤ ᠬᠦᠰᠡᠯ ᠰᠠᠨᠠᠭᠠ ᠡᠴᠡ ᠢᠷᠡᠯᠲᠡᠲᠡᠶ ᠪᠠᠢᠵᠤ᠂ ᠬᠠᠷᠢᠯᠴᠠᠨ ᠬᠦᠨᠳᠦᠳᠭᠡᠵᠦ᠍᠂ ᠬᠠᠷᠢᠯᠴᠠᠨ ᠰᠤᠷᠤᠯᠴᠠᠬᠤ ᠠᠵᠢᠯᠯᠠᠭᠠ ᠡᠴᠡ ᠢᠷᠡᠯᠲᠡᠲᠡᠶ ᠶᠤᠮ ᠭᠡᠪᠡ᠃
《〈5 ᠵᠢᠯ 5 ᠲᠦᠮᠡᠨ ᠬᠦᠮᠦᠨ〉 ᠤ᠋ ᠰᠠᠨᠠᠭᠠᠴᠢᠯᠠᠭᠠ ᠪᠣᠯ ᠬᠣᠶᠠᠷ ᠤᠯᠤᠰᠤᠨ ᠬᠠᠷᠢᠯᠴᠠᠭᠠᠶ᠋ᠢ ᠠᠬᠢᠭᠤᠯᠬᠤ ᠡᠯᠪᠡᠭ ᠦᠷᠡ ᠪᠦᠲᠦᠭᠡᠯᠲᠡᠶ ᠠᠷᠭᠠ ᠬᠡᠮᠵᠢᠶᠡ ᠮᠥᠨ ᠂ ᠬᠣᠶᠠᠷ ᠤᠯᠤᠰᠤᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠬᠤᠭᠤᠷᠤᠨᠳᠤ ᠪᠠᠨ ᠱᠢᠨᠡ ᠨᠥᠬᠥᠷᠯᠡᠯ ᠪᠠᠢᠭᠤᠯᠤᠭᠰᠠᠨ ᠪᠣᠯ ᠡᠨᠡ ᠬᠦ᠌ ᠰᠠᠨᠠᠭᠠᠴᠢᠯᠠᠭᠠᠶ᠋ᠢᠨ ᠬᠠᠮᠤᠭᠤᠨ ᠡᠷᠬᠢᠮ ᠨᠠᠨᠳᠢᠨ ᠣᠯᠤᠯᠲᠠ ᠪᠣᠯᠤᠨᠠ》᠃ ᠲᠡᠷᠡ᠄ 《ᠡᠨᠡ ᠬᠦ᠌ ᠰᠠᠨᠠᠭᠠᠴᠢᠯᠠᠭᠠ ᠪᠣᠯ ᠱᠢᠨᠡ ᠭᠠᠷᠤᠭᠠ ᠮᠥᠨ》 ᠭᠡᠵᠦ᠍ ᠰᠡᠳᠭᠢᠯ ᠳᠣᠭ᠍ᠳᠣᠯᠤᠨ ᠬᠡᠯᠡᠪᠡ᠃
ᠡᠭᠦᠷᠢᠳᠡ ᠮᠠᠷᠲᠠᠭ᠍ᠳᠠᠰᠢ ᠦᠭᠡᠢ ᠥᠩᠭᠡᠷᠡᠯᠲᠡ
《5 ᠵᠢᠯ 5 ᠲᠦᠮᠡᠨ ᠬᠦᠮᠦᠨ》 ᠤ᠋ ᠰᠠᠨᠠᠭᠠᠴᠢᠯᠠᠭᠠᠶ᠋ᠢ ᠡᠬᠢᠯᠡᠭᠦᠯᠦᠭ᠌ᠰᠡᠨ ᠬᠣᠶᠠᠷ ᠵᠢᠯ ᠭᠠᠷᠤᠢᠶ᠋ᠢᠨ ᠲᠤᠷᠰᠢ᠂ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩ ᠡᠨᠡ ᠬᠦ᠌ ᠰᠠᠨᠠᠭᠠᠴᠢᠯᠠᠭᠠᠳᠤ ᠣᠷᠣᠯᠴᠠᠭ᠍ᠰᠠᠨ ᠠᠮᠧᠷᠢᠺᠠᠶ᠋ᠢᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠲᠤ ᠣᠯᠠᠨᠲᠠ ᠬᠠᠷᠢᠭᠤ ᠵᠠᠬᠢᠳᠠᠯ ᠢᠯᠡᠭᠡᠪᠡ᠃
ᠡᠳᠦᠭᠡ ᠪᠣᠯᠲᠠᠯᠠ ᠨᠢᠭᠡᠨᠲᠡ 4 ᠲᠦᠮᠡ ᠭᠠᠷᠤᠢ ᠠᠮᠧᠷᠢᠺᠠᠶ᠋ᠢᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠲᠤᠰ ᠰᠠᠨᠠᠭᠠᠴᠢᠯᠠᠭᠠᠳᠤ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠪᠠ᠃ 《 ᠡᠨᠡ ᠨᠢ ᠨᠥᠬᠥᠷᠰᠡᠭ ᠰᠣᠯᠢᠯᠴᠠᠭᠠ ᠬᠠᠮᠲᠤᠷᠠᠯᠴᠠᠭᠠ ᠵᠢ ᠥᠷᠨᠢᠭᠦᠯᠬᠦ᠌ ᠪᠣᠯ ᠳᠤᠮᠳᠠᠳᠤ ᠠᠮᠧᠷᠢᠺᠠ ᠬᠣᠶᠠᠷ ᠤᠯᠤᠰᠤᠨ ᠠᠷᠠᠳᠤᠨ ᠰᠡᠳᠭᠢᠯᠦᠨ ᠬᠠᠨᠳᠤᠰᠢ ᠪᠣᠯᠬᠤᠶ᠋ᠢ ᠭᠦᠢᠴᠡᠳ ᠬᠠᠷᠠᠭᠤᠯᠵᠤ ᠪᠠᠢᠨᠠ》᠃ 2026 ᠣᠨᠤ 1 ᠰᠠᠷᠠ ᠶ᠋ᠢᠨ 7 ᠤ᠋ ᠡᠳᠦᠷ᠂ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩ ᠠᠮᠧᠷᠢᠺᠠᠶ᠋ᠢᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠰᠣᠯᠢᠯᠴᠠᠭᠠᠨᠤ ᠪᠦᠯᠬᠦᠮᠤᠨ ᠳᠤᠮᠳᠠᠳᠤ ᠤᠯᠤᠰᠲᠦ ᠠᠢᠯᠴᠢᠯᠠᠭᠰᠠᠨ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠳᠲᠤ ᠬᠠᠷᠢᠭᠤ ᠵᠠᠬᠢᠳᠠᠯ ᠢᠯᠡᠭᠡᠬᠦᠳᠡᠭᠡᠨ ᠢᠩᠬᠢᠵᠤ ᠵᠢᠭᠠᠵᠤ ᠭᠠᠷᠭᠠᠪᠠ᠃
《ᠮᠠᠰᠢ ᠤᠯᠠᠨ ᠵᠠᠯᠠᠭᠤᠴᠤᠳ ᠳᠤᠮᠳᠠᠳᠤ ᠤᠯᠤᠰᠲᠤ ᠬᠦᠷᠴᠦ᠍ ᠵᠢᠭᠤᠯᠴᠢᠯᠠᠬᠤ ᠪᠠ ᠰᠤᠷᠤᠯᠴᠠᠬᠤᠪᠠᠷ ᠲᠠᠮᠵᠢᠨ᠂ ᠠᠮᠢᠳᠤᠷᠠᠯᠤᠨ ᠥᠩᠭᠡᠷᠡᠯᠲᠡᠪᠡᠨ ᠪᠠᠶᠠᠯᠢᠭ᠍ᠵᠢᠭᠤᠯᠤᠬᠰᠠᠨ ᠪᠦᠬᠡᠳ ᠨᠠᠰᠤᠨ ᠲᠤᠷᠱᠢᠳᠠᠶ᠋ᠢᠨ ᠨᠥᠬᠥᠷᠯᠡᠯᠢ ᠪᠠᠢᠭᠤᠯᠵᠠᠢ》᠃ ᠪᠸᠢᠯᠥ᠋ᠩ ᠡᠴᠡ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩᠳᠦ ᠥᠭ᠌ᠭᠦᠭ᠌ᠰᠡᠨ ᠵᠠᠬᠢᠳᠠᠯᠳᠠᠭᠠᠨ ᠠᠢᠤᠸᠠ ᠵᠧᠤᠶ᠋ᠢᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ《5 ᠵᠢᠯ 5 ᠲᠦᠮᠡᠨ ᠬᠦᠮᠦᠨ》 ᠤ᠋ ᠰᠠᠨᠠᠭᠠᠴᠢᠯᠠᠭᠠᠳᠤ ᠣᠷᠣᠯᠴᠠᠭ᠍ᠰᠠᠨ ᠦᠷᠡ ᠪᠦᠲᠦᠭᠡᠯᠢ ᠲᠠᠨᠢᠯᠴᠠᠭᠤᠯᠪᠠ᠃ ᠲᠡᠷᠡ ᠪᠡᠷ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠂ ᠣᠳᠣᠬᠠᠨᠳᠤ ᠶᠠᠭ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠵᠠᠯᠠᠭᠤᠴᠤᠳᠤᠨ ᠡᠨᠡ ᠵᠢᠯᠦᠨ ᠬᠠᠪᠤᠷᠶᠠᠪᠤᠬᠳᠠᠬᠤ ᠳᠤᠮᠳᠠᠳᠤ ᠤᠯᠤᠰᠲᠠᠬᠢ ᠠᠢᠯᠴᠢᠯᠠᠯᠲᠠ ᠵᠢ ᠪᠡᠯᠡᠳᠭᠡᠵᠦ᠍ ᠪᠠᠢᠨᠠ ᠭᠡᠵᠡᠢ᠃
ᠵᠠᠯᠠᠭᠤ ᠰᠤᠷᠤᠭ᠍ᠴᠢ ᠲᠠᠢᠰᠸᠨ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩᠦᠨ ᠡᠨᠡ ᠬᠦ᠌ ᠰᠠᠨᠠᠭᠠᠴᠢᠯᠠᠭᠠᠶ᠋ᠢ ᠳᠤᠷᠠᠳᠤᠭ᠍ᠰᠠᠨᠳᠤ ᠲᠠᠯᠠᠷᠬᠠᠪᠠ᠃ ᠲᠡᠷᠡ᠂ 《ᠳᠤᠮᠳᠠᠳᠤ ᠤᠯᠤᠰᠲᠠᠬᠢ ᠠᠶᠠᠯᠠᠯ ᠪᠣᠯ ᠡᠭᠦᠷᠢᠳᠡ ᠮᠠᠷᠲᠠᠭ᠍ᠳᠠᠰᠢ ᠦᠭᠡᠢ ᠥᠩᠭᠡᠷᠡᠯᠲᠡ ᠮᠥᠨ᠂ ᠮᠢᠨᠦ᠍ ᠢᠷᠡᠭᠡᠳᠦᠢᠶ᠋ᠢ ᠭᠦᠨ ᠨᠥᠯᠥᠭᠡᠯᠡᠬᠦ᠌ ᠪᠣᠯᠤᠨᠠ᠂ ᠪᠢ ᠳᠤᠷᠠᠳᠠᠶᠠ ᠳᠡᠯᠡᠬᠡᠶᠶ᠋ᠢᠨ ᠡᠩᠬᠡ ᠲᠠᠢᠪᠤᠩᠳᠤ ᠬᠦᠴᠦᠨ ᠴᠢᠳᠠᠯᠢᠶᠠᠨ ᠡᠷᠭᠦᠨᠡ》 ᠭᠡᠪᠡ᠃
ᠰᠤᠷᠤᠭ᠍ᠴᠢ ᠴᠠᠷᠯᠧᠰ᠄ 《ᠡᠨᠡ ᠪᠣᠯ ᠨᠢᠭᠡ ᠤᠳᠠᠭᠠᠶ᠋ᠢᠨ ᠡᠷᠬᠢᠮ ᠨᠠᠨᠳᠢᠨ ᠠᠵᠠ ᠲᠣᠬᠢᠶᠠᠯ ᠮᠥᠨ᠂ ᠪᠢᠳᠡ ᠠᠭᠤᠤ ᠶᠡᠬᠡ ᠳᠤᠮᠳᠠᠳᠤ ᠤᠯᠤᠰ ᠤᠨ ᠠᠷᠠᠳ ᠲᠦᠮᠡᠨᠲᠡᠶ ᠲᠠᠨᠢᠯᠴᠠᠯᠠ᠂ ᠳᠤᠮᠳᠠᠳᠤ ᠤᠯᠤᠰᠲᠠᠬᠢ ᠠᠶᠠᠯᠠᠯ ᠳᠤᠮᠳᠠ ᠤᠴᠠᠷᠠᠭ᠍ᠰᠠᠨ ᠬᠥᠮᠦᠨ ᠨᠢᠬᠡ ᠪᠦᠷᠢ ᠮᠠᠰᠢ ᠳᠣᠲᠣᠨᠣ᠂ ᠨᠥᠬᠥᠷᠰᠡᠭ ᠪᠠᠢᠯᠠ》 ᠬᠡᠪᠡ᠃
ᠠᠮᠧᠷᠢᠺᠠᠶ᠋ᠢᠨ ᠨᠥᠬᠥᠷᠰᠡᠭ ᠬᠥᠮᠦᠨ ᠮᠦ᠍ ᠶᠠᠨ ᠯᠢᠩ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠂ ᠣᠢᠷᠠᠶ᠋ᠢᠨ ᠬᠣᠶᠠᠷ ᠵᠢᠯᠳᠦ ᠪᠢ ᠳᠤᠮᠳᠠᠳᠤ ᠤᠯᠤᠰᠲᠤ ᠣᠯᠠᠨ ᠤᠳᠠᠭᠠ ᠠᠢᠯᠴᠢᠯᠠᠪᠠ ᠬᠡᠪᠡ᠃ ᠲᠡᠷᠡ᠂ 《5 ᠵᠢᠯ 5 ᠲᠦᠮᠡᠨ ᠬᠥᠮᠦᠨ》 ᠤ᠋ ᠰᠠᠨᠠᠭᠠᠴᠢᠯᠠᠭᠠᠳᠤ ᠣᠷᠣᠯᠴᠠᠭ᠍ᠰᠠᠨ ᠠᠮᠧᠷᠢᠺᠠᠶ᠋ᠢᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠳᠤᠮᠳᠠᠳᠤ ᠤᠯᠤᠰᠲᠤ ᠠᠢᠯᠴᠢᠯᠠᠬᠤ ᠦᠶᠡ ᠶ᠋ᠢᠨ ᠳᠣᠭ᠍ᠳᠣᠯᠤᠭ᠍ᠰᠠᠨ ᠰᠡᠳᠭᠢᠯᠭᠡ ᠵᠢ ᠪᠡᠶᠡᠪᠡᠷᠢᠶᠡᠨ ᠭᠡᠷᠡᠴᠢᠯᠡᠵᠤ᠂ 《ᠡᠳᠡᠭᠡᠷ ᠰᠣᠯᠢᠯᠴᠠᠭᠠᠨᠤ ᠠᠵᠢᠯᠯᠠᠭᠠ ᠳᠤᠮᠳᠠ᠂ ᠪᠢᠳᠡ ᠦᠨᠡᠨ ᠪᠣᠳᠠᠲᠠᠢ ᠳᠤᠮᠳᠠᠳᠤ ᠤᠯᠤᠰᠢ ᠤᠢᠯᠠᠭᠠᠵᠡᠢ》 ᠭᠡᠪᠡ᠃
ᠲᠡᠷᠡ᠄ 《ᠡᠨᠡ ᠬᠦ᠌ ᠰᠠᠨᠠᠭᠠᠴᠢᠯᠠᠭᠠ ᠨᠢ ᠨᠢᠭᠡᠨᠲᠡ ᠪᠢᠳᠡᠨᠦ ᠶᠠᠷᠢᠯᠴᠠᠭᠠ ᠰᠣᠯᠢᠯᠴᠠᠭᠠ ᠬᠢᠬᠦ᠌᠂ ᠨᠥᠬᠥᠷᠯᠡᠯᠢ ᠤᠯᠠᠮᠵᠢᠯᠠᠬᠤ ᠬᠥᠭᠥᠷᠭᠡ ᠪᠣᠯᠵᠠᠢ》 ᠭᠡᠪᠡ᠃
（ᠱᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ ᠠᠮᠧᠷᠢᠺᠠᠶ᠋ᠢᠨ ᠮᠠᠰᠺᠠᠲ᠋ᠢᠨᠤ ᠴᠠᠬᠢᠯᠭᠠᠨ ᠮᠡᠳᠡᠭᠡ）