ᠦᠨᠡᠨ ᠪᠣᠳᠠᠲᠠᠢ ᠬᠡᠷᠡᠭᠡᠴᠡ ᠬᠠᠪᠰᠤᠷᠤᠨ ᠲᠡᠳᠬᠦᠬᠦ᠌ ᠶᠠᠪᠤᠳᠠᠯ ᠬᠦᠷᠳᠡᠯᠡ᠂ ᠲᠠᠬᠢᠭᠠᠳ ᠠᠮᠢᠳᠤᠯᠢᠭ ᠪᠣᠳᠠᠲᠠᠢ ᠬᠠᠤᠯᠢ ᠪᠡᠷ ᠵᠠᠰᠠᠬᠤ ᠬᠢᠴᠢᠶᠡᠯ ᠬᠦᠷᠲᠡᠯᠡ᠂ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠬᠠᠤᠯᠢ ᠴᠠᠭᠠᠵᠠᠶ᠋ᠢᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠣᠢᠯᠠᠭᠠᠭ᠍ᠳᠠᠬᠤᠨᠡᠴᠨ ᠨᠠᠰᠤᠨ ᠳ᠋ᠸ᠋ ᠦᠯᠦ ᠬᠦᠷᠦᠭᠰᠡᠳ ᠤ᠋ᠨ ᠪᠠᠢᠴᠠᠭᠠᠬᠤ ᠠᠵᠢᠯᠤᠨ ᠲᠦᠷᠦᠯ ᠲᠡᠮᠳᠡᠭ ᠬᠦᠷᠳᠡᠯᠡ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳ ᠤ᠋ᠨ ᠪᠠᠢᠴᠠᠭᠠᠬᠤ ᠪᠠᠢᠭᠤᠯᠭᠠ ᠪᠣᠳᠠᠲᠦ ᠦᠢᠯᠡᠳᠦᠯᠭᠡᠪᠡᠷᠢᠶᠡᠨ ᠪᠠᠭᠠᠴᠤᠳ ᠬᠡᠦᠬᠡᠳᠤᠨ ᠢᠳᠡᠷᠡᠭᠦᠨ ᠦᠰᠦᠨ ᠪᠤᠢᠵᠢᠯᠳᠠ ᠵᠢ ᠬᠠᠮᠠᠭᠠᠯᠠᠨᠠ᠃
《ᠨᠢᠭᠡᠳᠦᠯᠲᠡᠶ ᠲᠦᠷᠦᠯ ᠲᠡᠮᠳᠡᠭ》ᠡᠴᠡ 《ᠣᠨᠴᠠᠯᠢᠭ᠍ᠲᠤ ᠵᠢᠭ᠍ᠰᠠᠭᠠᠯ》 ᠬᠦᠷᠲᠡᠯᠡᠬᠢ ᠨᠢᠭᠡ ᠴᠣᠭ᠍ᠴᠠᠵᠢᠭᠤᠯᠤᠬᠰᠠᠨ ᠬᠠᠮᠠᠭᠠᠯᠠᠯᠳᠠ
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳ ᠤ᠋ᠨ ᠪᠠᠢᠴᠠᠭᠠᠬᠤ ᠬᠣᠷᠢᠶᠠ 《ᠪᠠᠢᠴᠠᠭᠠᠬᠤ ᠠᠵᠢᠯ ᠵᠢᠡᠷ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠪᠠᠭᠠᠴᠤᠳ ᠬᠡᠦᠬᠡᠳ ᠢ ᠬᠠᠮᠠᠭᠠᠯᠠᠬᠤ》 ᠵᠢ ᠠᠬᠢᠭᠤᠯᠵᠦ᠂ ᠣᠷᠣᠨ ᠨᠤᠲᠤᠭᠤᠨ ᠣᠨᠴᠠᠯᠢᠭᠲᠤ ᠰᠠᠭᠤᠷᠢᠯᠠᠨ᠂ ᠲᠦᠷᠦᠯ ᠲᠡᠮᠳᠡᠭᠢ ᠡᠭᠦᠳᠴᠦ᠂ ᠣᠢᠯᠠᠭᠠᠭ᠍ᠳᠠᠬᠤᠨᠨᠢ ᠨᠢᠭᠡᠳᠦᠯᠲᠡᠶ᠂ ᠵᠢᠭ᠍ᠰᠠᠭᠠᠯᠨᠢ ᠬᠣᠯᠪᠣᠭᠠᠯᠠᠨ ᠬᠥᠳᠡᠯᠦᠯᠴᠡᠭ᠌ᠰᠡᠨ ᠨᠠᠰᠤᠨᠳᠤ ᠥᠯᠥ᠍ ᠬᠦᠷᠦᠭ᠌ᠰᠡᠳᠦᠨ ᠬᠠᠤᠯᠢ ᠴᠠᠭᠠᠵᠠᠶ᠋ᠢᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠱᠢᠰᠲ᠋ᠧᠮᠢ ᠪᠠᠢᠭᠤᠯᠪᠠ᠃
ᠣᠷᠳᠣᠰ ᠬᠤᠳᠠᠵᠢᠨ 《ᠨᠠᠬᠢᠶᠠᠶ᠋ᠢ ᠬᠠᠮᠠᠭᠠᠯᠠᠬᠤ 》 ᠬᠡᠰᠡᠨ ᠪᠦᠯᠬᠦᠮ ᠤ᠋ᠨ ᠨᠡᠷᠡ ᠳ᠋ᠸ᠋ ᠬᠦᠰᠡᠯ ᠡᠷᠡᠮᠡᠯᠵᠡᠯᠢᠶᠡᠷ ᠪᠢᠯᠬᠠᠨᠠ； ᠤᠯᠠᠭᠠᠨᠬᠠᠳᠠ ᠬᠣᠲᠠᠶ᠋ᠢᠨ ᠯᠢᠨᠰᠢ ᠱᠢᠶᠠᠨᠳᠤ ᠂ 《 ᠳ᠋ᠠᠨ ᠳ᠋ᠠᠨᠤ ᠠᠵᠢᠯᠯᠠᠬᠤ ᠥᠷᠥᠭᠡ 》 ᠨᠢ 《 ᠰᠠᠷᠠᠨᠠ ᠴᠡᠴᠡᠭ ᠪᠠᠳᠠᠷᠠᠨ ᠳᠡᠯᠭᠡᠷᠡᠭ᠌ᠰᠡᠨ 》 ᠪᠦᠯᠬᠦᠮᠳᠡᠯᠦᠨ ᠬᠠᠭᠤᠳᠠᠰᠤᠶ᠋ᠢ ᠵᠢᠷᠤᠬᠯᠠᠨᠠ； ᠬᠥᠬᠡᠬᠣᠲᠠᠶ᠋ᠢᠨ 《ᠵᠤᠯᠠ》 ᠵᠢᠨ ᠬᠠᠯᠠᠭᠤᠨ ᠢᠯᠴᠢ᠂ ᠬᠣᠷᠴᠢᠨᠤ ᠲᠠᠯᠠ ᠨᠤᠲᠤᠭ ᠲᠡᠭᠡᠷᠡ ᠨᠠᠬᠢᠶᠠᠯᠠᠬᠰᠠᠨ 《 ᠳᠤᠯᠠᠭᠠᠨ》᠂ ᠡᠯᠡᠰᠦᠨ ᠴᠥᠯ ᠭᠣᠪᠢᠶ᠋ᠢᠨ ᠭᠦᠨᠳᠦ ᠦᠨᠳᠦᠰᠦ ᠬᠠᠳᠭᠤᠭ᠍ᠰᠠᠨ 《ᠬᠠᠢᠷᠠ》 ᠵᠡᠷᠭᠡ ᠣᠷᠣᠨ ᠨᠤᠲᠤᠭᠤᠨ ᠤᠨᠴᠠᠯᠢᠭᠢ ᠬᠠᠷᠠᠭᠤᠯᠤᠬᠰᠠᠨ ᠲᠦᠷᠦᠯ ᠳᠡᠮᠳᠡᠭ ᠨᠢ ᠥᠪᠥᠷ ᠮᠣᠩᠭᠣᠯᠤᠨ 《ᠪᠠᠢᠴᠠᠭᠠᠬᠤ ᠠᠵᠢᠯ ᠵᠢᠡᠷ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠪᠠᠭᠠᠴᠤᠳ ᠬᠡᠦᠬᠡᠳ ᠢ ᠬᠠᠮᠠᠭᠠᠯᠠᠬᠤ 》 ᠲᠦᠷᠦᠯ ᠲᠡᠮᠳᠡᠭᠦᠨ ᠵᠢᠭ᠍ᠰᠠᠭᠠᠯ ᠢ᠋ ᠬᠠᠮᠲᠤᠪᠠᠷ ᠪᠦᠷᠢᠯᠳᠦᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠲᠡᠳᠡᠨᠦ ᠥᠯᠢᠭᠡᠷ ᠨᠢ ᠲᠣᠰ ᠲᠣᠰ ᠠᠳᠠᠯᠢ ᠥᠬᠡᠶ ᠪᠠᠢᠵᠤ᠂ ᠵᠠᠷᠢᠮ ᠨᠢ ᠨᠢᠭᠡ ᠤᠳᠠᠭᠠᠨᠤ ᠱᠢᠳᠤᠷᠭᠤ ᠶᠣᠰᠣᠨᠤ ᠬᠠᠮᠠᠭᠠᠯᠠᠯᠲᠠᠳᠤ ᠬᠣᠯᠪᠣᠭ᠍ᠳᠠᠵᠤ᠂ ᠵᠠᠷᠢᠮ ᠨᠢ ᠨᠢᠭᠡ ᠤᠳᠠᠭᠠᠨᠤ ᠣᠷᠳᠣ ᠤᠳᠠᠭᠠᠨ ᠬᠠᠢᠷᠠ ᠬᠠᠯᠠᠮᠵᠢ ᠵᠢ ᠳᠠᠮᠵᠢᠭᠤᠯᠬᠤ ᠳᠠᠢ ᠬᠣᠯᠪᠣᠭ᠍ᠳᠠᠵᠤ᠂ ᠵᠠᠷᠢᠮ ᠨᠢ ᠨᠢᠭᠡ ᠵᠦᠶ᠋ᠯᠦᠨ ᠲᠦᠷᠢᠮᠦᠨ ᠡᠬᠢ ᠡᠭᠦᠰᠦᠯᠦᠨ ᠱᠢᠨᠡᠴᠢᠯᠡᠯᠲᠡᠳᠦ ᠬᠣᠯᠪᠣᠭ᠍ᠳᠠᠵᠤ ᠪᠠᠢᠳᠠᠭ᠃
《ᠲᠦᠷᠦᠭᠦᠴᠢ ᠭᠠᠯᠠᠭᠤ ᠵᠠᠮᠴᠢᠯᠠᠬᠤ》 ᠡᠴᠡ 《ᠰᠦᠷᠦᠭ ᠭᠠᠯᠠᠭᠤ ᠵᠡᠷᠭᠡ ᠪᠡᠷ ᠨᠢᠰᠭᠦ》 ᠪᠤᠯᠳᠠᠯᠠᠬᠢ ᠪᠦᠯᠬᠦᠮ ᠨᠡᠢᠳᠡ ᠵᠢᠨ ᠨᠢᠬᠳᠠᠷᠠᠯᠤᠨ ᠬᠦᠴᠦᠨ
《ᠬᠠᠤᠯᠢᠪᠠᠷ ᠵᠠᠰᠠᠬᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠳᠡᠳ᠋ ᠵᠠᠬᠢᠷᠤᠯ》ᠤ᠋ᠨ ᠲᠤᠱᠢᠶᠠᠯ ᠬᠠᠷᠢᠭᠤᠴᠠᠯᠭᠠᠪᠠᠨ ᠭᠦᠢᠴᠡᠳᠭᠡᠬᠦ᠌ ᠪᠣᠯ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳ ᠤ᠋ᠨ ᠪᠠᠢᠴᠠᠭᠠᠬᠤ ᠬᠣᠷᠢᠶᠠᠨᠤ ᠨᠢᠭᠡ ᠤᠳᠠᠭᠠᠨᠤ ᠬᠠᠢᠷᠠ ᠬᠠᠯᠠᠮᠵᠢᠯᠠᠯᠤᠨ ᠰᠦᠪᠡᠭ᠌ᠴᠢᠯᠡᠯ ᠪᠠᠢᠵᠦ᠂ ᠤᠳᠤ ᠨᠢᠬᠡᠨᠳᠡ ᠨᠢᠭᠡᠨ ᠡᠩᠨᠡᠭᠡ ᠪᠣᠯᠵᠤ ᠪᠦᠷᠢᠯᠳᠦᠨ᠂ ᠲᠤᠱᠢᠶᠠᠯ ᠬᠠᠷᠢᠭᠤᠴᠠᠯᠭᠠᠪᠠᠨ ᠭᠦᠢᠴᠡᠳᠭᠡᠬᠦ᠌ ᠠᠷᠭᠠ ᠮᠠᠶᠢᠭ ᠨᠢ 《ᠭᠠᠭ᠍ᠴᠠᠭᠠᠷᠢᠶᠠᠨ ᠪᠠᠢᠯᠳᠤᠬᠤ》 ᠡᠴᠡ 《3 + N ᠪᠦᠯᠬᠦᠮ ᠨᠡᠢᠲᠡᠶ᠋ᠢᠨ ᠪᠠᠢᠯᠳᠤᠭᠠᠨ》 ᠪᠤᠯᠤᠨ ᠬᠤᠪᠢᠷᠠᠵᠦ᠂ ᠬᠠᠤᠯᠢᠪᠠᠷ ᠵᠠᠰᠠᠬᠤ ᠦᠷᠡᠶ᠋ᠢ ᠪᠦᠯᠬᠦᠮᠨᠡᠢᠳᠡ ᠵᠢᠨ ᠴᠢᠷᠮᠠᠢᠯᠭᠠ ᠳᠤᠤᠷᠠ ᠨᠠᠩ ᠣᠯᠠᠨ ᠬᠡᠦᠬᠡᠳᠦᠨ ᠰᠡᠳᠭᠢᠯᠳᠦ ᠦᠨᠳᠦᠰᠦᠯᠡᠭᠦᠯᠪᠡ᠃
《 ᠪᠤᠰᠤᠳ ᠲᠦ᠍ ᠵᠢᠷᠬᠢᠶᠡ ᠵᠢᠨ ᠵᠣᠭᠣᠰ ᠬᠤᠷᠢᠶᠠᠬᠤ ᠨᠣᠮᠧᠷᠢ ᠵᠢᠬᠡᠯᠡᠬᠦᠯᠪᠡᠯ ᠶᠠᠯᠠ ᠬᠢᠬᠦ᠌ ᠬᠠᠮᠰᠠᠭᠠᠲᠠᠨ ᠪᠣᠯᠵᠣ ᠮᠡᠳᠡᠨᠡ ᠬᠡᠵᠢᠦᠦ？》 ᠬᠥᠬᠡᠬᠣᠲᠠᠶ᠋ᠢᠨ ᠬᠣᠶᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠠᠤᠯᠢ ᠪᠡᠷ ᠵᠠᠰᠠᠬᠤ ᠬᠢᠴᠢᠶᠡᠯ ᠳᠡᠭᠡᠷᠡ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳ ᠤ᠋ᠨ ᠪᠠᠢᠴᠠᠭᠠᠬᠤ ᠬᠣᠷᠢᠶᠠᠨᠤ ᠨᠠᠮᠤᠨ ᠤᠳᠤᠷᠢᠳᠭᠤ ᠳᠤᠭᠤᠢᠯᠠᠩᠤᠨ ᠪᠦᠷᠢᠯᠳᠦᠬᠦᠨ᠂ ᠳᠡᠳ᠋ ᠪᠠᠢᠴᠠᠭᠠᠬᠤ ᠳᠠᠷᠤᠭᠠ ᠵᠧᠩ ᠵᠢᠶᠠ ᠮᠧᠶ ᠬᠢᠴᠢᠶᠡᠯ ᠳᠠᠢᠯᠤᠮᠵᠢ ᠬᠢᠨᠡ᠃ ᠡᠨᠡ ᠬᠦ᠌ ᠠᠮᠢᠳᠤᠯᠢᠭ ᠦᠵᠡᠭ᠌ᠳᠡᠯ ᠨᠢ ᠶᠠᠭ ᠥᠪᠥᠷ ᠮᠣᠩᠭᠣᠯᠤᠨ ᠪᠠᠢᠴᠠᠭᠠᠬᠤ ᠪᠠᠢᠭᠤᠯᠭᠠᠶ᠋ᠢᠨ ᠨᠠᠰᠤᠨ ᠳ᠋ᠸ᠋ ᠦᠯᠦ ᠬᠦᠷᠦᠭᠰᠡᠳ ᠤ᠋ᠨ ᠪᠠᠢᠴᠠᠭᠠᠬᠤ ᠡᠩᠨᠡᠬᠡ ᠵᠢᠨ 《ᠭᠠᠭ᠍ᠴᠠᠭᠠᠷ ᠲᠡᠮᠡᠴᠡᠬᠦ᠌》 ᠪᠠᠢᠳᠠᠯᠢ ᠡᠪᠳᠡᠵᠦ᠍᠂ ᠪᠠᠢᠴᠠᠭᠠᠬᠤ ᠳᠠᠷᠤᠭᠠᠶ᠋ᠢᠨ 《ᠲᠦᠷᠦᠭᠦᠴᠢ ᠭᠠᠯᠠᠭᠤᠶ᠋ᠢᠨ ᠦᠢᠯᠡᠳᠦᠯ 》 ᠵᠢᠡᠷ 《ᠰᠦᠷᠦᠭ ᠭᠠᠯᠠᠭᠤᠶ᠋ᠢᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ》 ᠢ᠋ ᠬᠥᠭ᠌ᠵᠢᠭᠡᠭ᠌ᠰᠡᠨ ᠬᠤᠷᠢᠶᠠᠩᠭᠤᠶ ᠳᠦᠷᠰᠦ ᠪᠣᠯᠤᠨᠠ᠃
ᠥᠪᠥᠷ ᠮᠣᠩᠭᠣᠯᠤᠨ ᠪᠠᠭ᠍ᠰᠢᠶ᠋ᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠠᠷᠢᠶᠠᠲᠤ ᠠᠯᠠᠱᠠ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳ᠋ᠸ᠋᠂ ᠠᠯᠠᠱᠠ ᠠᠢᠮᠠᠭᠤᠨ ᠠᠷᠠᠳ ᠤ᠋ᠨ ᠪᠠᠢᠴᠠᠭᠠᠬᠤ ᠬᠤᠷᠢᠶᠠ ᠵᠢᠨ ᠨᠠᠮᠤᠨ ᠤᠳᠤᠷᠢᠳᠭᠤ ᠳᠤᠭᠤᠢᠯᠠᠩᠤᠨ ᠱᠦᠵᠢ᠂ ᠪᠠᠢᠴᠠᠭᠠᠬᠤ ᠳᠠᠷᠤᠭᠠ ᠸᠠᠩ ᠺᠧ ᠸᠧᠶ ᠪᠥᠬᠥ᠌ ᠰᠤᠷᠭᠠᠭᠤᠯᠢᠶ᠋ᠢᠨ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠳᠲᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠦ ᠳᠣᠷᠣᠮᠵᠢᠯᠠᠯ᠂ ᠰᠦᠯᠵᠢᠶᠡᠨᠦ ᠶᠠᠯᠠᠲᠤ ᠠᠵᠢᠯᠯᠠᠭᠠᠶ᠋ᠢ ᠰᠡᠷᠭᠡᠢᠯᠡᠬᠦ᠌ ᠵᠡᠷᠭᠡ ᠲᠤᠰᠭᠠᠶ ᠰᠡᠳᠦᠪᠲᠦ ᠲᠠᠢᠯᠤᠮᠵᠢ ᠬᠢᠵᠦ᠍᠂ ᠬᠡᠷᠡᠭᠢᠶᠡᠷ ᠬᠠᠤᠯᠢ ᠴᠠᠭᠠᠵᠠᠶ᠋ᠢ ᠲᠠᠢᠯᠪᠤᠷᠢᠯᠠᠵᠤ᠂ ᠰᠤᠷᠤᠭ᠍ᠴᠢᠳᠤᠨ ᠥᠭᠡᠳᠡᠯᠡᠨ ᠳᠠᠪᠱᠢᠬᠤᠶ᠋ᠢ ᠬᠥᠲᠥᠯᠥᠨ ᠵᠢᠯᠣᠭᠣᠳᠪᠠ᠃ ᠠᠯᠠᠱᠠ ᠪᠠᠷᠠᠭᠤᠨ ᠬᠣᠱᠢᠭᠤᠨᠤ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠬᠠᠤᠯᠢ ᠪᠡᠷ ᠵᠠᠰᠠᠬᠤ ᠬᠥᠮᠦᠵᠢᠯᠦᠨ ᠰᠠᠭᠤᠷᠢᠨᠳᠤ᠂ 《ᠨᠠᠷᠠᠨ ᠨᠠᠰᠤᠨ ᠳ᠋ᠸ᠋ ᠦᠯᠦ ᠬᠦᠷᠦᠭᠰᠡᠳ ᠤ᠋ᠨ ᠪᠠᠢᠴᠠᠭᠠᠬᠤ ᠠᠵᠢᠯ 》ᠤ᠋ᠨ ᠪᠦᠯᠬᠦᠮᠡᠴᠡ ᠵᠢᠯᠣᠭᠣᠳᠤᠭ᠍ᠰᠠᠨ ᠳᠠᠭᠤᠷᠢᠶᠠᠮᠠᠯ ᠱᠢᠭᠦᠬᠦ᠌ ᠲᠢᠩᠬᠢᠮ ᠶᠠᠪᠤᠭ᠍ᠳᠠᠵᠤ᠂ ᠲᠥᠪ ᠴᠢᠩᠭᠠ ᠱᠢᠭᠦᠬᠦ᠌ ᠲᠢᠩᠬᠢᠮᠦᠨ ᠪᠠᠢᠴᠠᠭᠠᠯᠲᠠ ᠡᠴᠨ ᠬᠤᠷᠴᠠ ᠱᠢᠷᠦᠭᠦᠨ ᠮᠠᠷᠭᠤᠯᠳᠤᠬᠤ ᠬᠦᠷᠲᠡᠯᠡ᠂ ᠪᠠᠢᠴᠠᠭᠠᠬᠤ ᠲᠤᠱᠢᠶᠠᠯᠲᠠᠨᠨᠠᠷ ᠨᠢᠭᠡ ᠲᠠᠯᠠᠪᠠᠷ ᠨᠠᠷᠢᠨ ᠨᠢᠮᠪᠠᠶ ᠵᠢᠯᠣᠭᠣᠳᠴᠤ᠌᠂ ᠬᠠᠤᠯᠢ ᠴᠠᠭᠠᠵᠠᠶ᠋ᠢᠨ ᠲᠣᠭ᠍ᠲᠠᠭᠠᠯᠢ ᠰᠤᠷᠤᠭ᠍ᠴᠢᠳᠤᠨᠪᠡᠶᠡᠴᠢᠯᠡᠨ ᠤᠢᠯᠠᠭᠠᠬᠤ ᠦᠶ᠋ᠯᠡᠳᠦᠯᠭᠡ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠤᠨᠠ᠃
ᠲᠦᠩᠯᠢᠶᠣᠤ ᠬᠣᠲᠠᠶ᠋ᠢᠨ ᠬᠣᠷᠴᠢᠨ ᠲᠣᠭᠣᠷᠢᠭᠲᠤ᠂ ᠨᠠᠰᠤᠨ ᠳ᠋ᠸ᠋ ᠦᠯᠦ ᠬᠦᠷᠦᠭᠰᠡᠳ ᠤ᠋ᠨ ᠪᠠᠢᠴᠠᠭᠠᠬᠤ ᠠᠵᠢᠯ ᠤ᠋ᠨ ᠪᠦᠯᠬᠦᠮᠦᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠬᠠᠤᠯᠢᠪᠠᠷ ᠵᠠᠰᠠᠬᠤ ᠳᠡᠳ᠋ ᠵᠠᠬᠢᠷᠤᠯ ᠪᠠᠢᠬᠤᠳᠠᠭᠠᠨ᠂ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠦ ᠳᠣᠷᠣᠮᠵᠢᠯᠠᠯᠤᠨ ᠬᠡᠷᠡᠭᠲᠦ ᠠᠩᠬᠠᠷᠤᠯ ᠵᠢᠡᠨ ᠲᠦᠪᠯᠡᠷᠡᠭᠦᠯᠵᠦ᠂ ᠲᠤᠰᠭᠠᠶ ᠮᠡᠷᠭᠡᠵᠢᠯᠦᠨ ᠰᠡᠳᠭᠢᠴᠡᠶ᠋ᠢᠨ ᠵᠥᠪᠯᠡᠭ᠌ᠴᠢᠶ᠋ᠢ ᠤᠷᠢᠵᠤ᠂ 《 ᠪᠢᠴᠢᠬᠠᠨ ᠵᠦᠷᠵᠢᠶ᠋ᠢᠨ ᠳ᠋ᠧᠩ 》 ᠰᠡᠳᠭᠢᠴᠡᠶ᠋ᠢᠨ ᠥᠷᠲᠡᠭᠡᠶ᠋ᠢ ᠪᠠᠢᠭᠤᠯᠵᠤ᠂ ᠰᠤᠷᠤᠬᠴᠢᠳᠲᠦ ᠰᠠᠨᠠᠭᠠ ᠠᠮᠤᠷ ᠰᠡᠳᠬᠢᠯ ᠤ᠋ᠨ ᠦᠬᠡ ᠪᠡᠨ ᠠᠭᠤᠳᠠᠯᠤᠨ ᠶᠠᠷᠢᠬᠤ ᠤᠷᠤᠨ ᠵᠠᠢ ᠶ᠋ᠢ ᠬᠠᠩᠭᠠᠪᠠ᠃
ᠪᠠᠢᠴᠠᠭᠠᠬᠤ ᠳᠠᠷᠤᠭᠠ ᠲᠦᠷᠦᠭᠦᠯᠡᠨ ᠳᠠᠢᠴᠢᠯᠠᠬᠤ ᠡᠴᠡ ᠳᠠᠭᠤᠷᠢᠶᠠᠮᠠᠯ ᠱᠢᠭᠦᠬᠦ᠌ ᠲᠢᠩᠬᠢᠮ ᠬᠦᠷᠲᠡᠯᠡ᠂ ᠬᠠᠤᠯᠢ ᠪᠡᠷ ᠵᠠᠰᠠᠬᠤ ᠳᠡᠳ᠋ ᠵᠠᠬᠢᠷᠤᠯᠨᠠᠷ 《ᠲᠦᠷᠦᠭᠦᠴᠢ ᠭᠠᠯᠠᠭᠤ ᠠᠶᠠᠯᠠᠯᠢ ᠳᠠᠭᠠᠭᠤᠯᠵᠤ᠂ ᠰᠦᠷᠦᠭ ᠭᠠᠯᠠᠭᠤ ᠵᠡᠷᠭᠡ ᠪᠡᠷ ᠨᠢᠰᠬᠦ》 ᠵᠢ ᠠᠬᠢᠭᠤᠯᠵᠦ᠂ 1300 ᠭᠠᠷᠤᠢ ᠪᠠᠢᠴᠠᠭᠠᠬᠤ ᠲᠤᠰᠢᠶᠠᠯᠳᠠᠨᠢ ᠲᠥᠪᠯᠡᠷᠡᠭᠦᠯᠦᠨ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠳᠦ ᠬᠦᠨᠵᠡᠭᠡᠢᠷᠡᠬᠦᠯᠪᠡ᠃
《ᠱᠢᠷᠬᠠᠶ᠋ᠢ ᠡᠳᠡᠭᠡᠷᠡᠭᠦᠯᠬᠦ》 ᠡᠴᠨ 《ᠠᠶᠠᠯᠠᠯᠢ ᠳᠠᠬᠢᠨ ᠡᠬᠢᠯᠡᠭᠦᠯᠬᠦ᠌ 》 ᠬᠦᠷᠳᠡᠯᠡᠬᠢ ᠱᠢᠰᠲ᠋ᠧᠮ ᠳᠠᠢ ᠪᠠᠳᠤᠯᠠᠭᠠ
《ᠪᠠᠢᠴᠠᠭᠠᠬᠤ ᠠᠵᠢᠯ ᠵᠢᠡᠷ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠪᠠᠭᠠᠴᠤᠳ ᠬᠡᠦᠬᠡᠳ ᠢ ᠬᠠᠮᠠᠭᠠᠯᠠᠬᠤ》 ᠠᠮᠠᠯᠠᠯᠲᠠ ᠨᠢ ᠡᠷᠡᠰ ᠪᠠᠲᠤᠪᠠᠷ 《 ᠱᠢᠷᠬᠠᠲᠤᠭ᠍ᠰᠠᠨ ᠵᠢᠭᠦᠷᠢ ᠡᠳᠡᠭᠡᠷᠡᠭᠦᠯᠬᠦ᠌》 ᠮᠥᠷᠲᠡᠭᠡᠨ ᠪᠠᠰᠠ 《 ᠵᠠᠯᠠᠭᠤ ᠨᠠᠰᠤᠨᠤ ᠠᠶᠠᠯᠠᠯᠤᠨ ᠴᠢᠭ᠌ᠯᠡᠯᠢ ᠵᠠᠯᠠᠷᠠᠭᠤᠯᠬᠤ 》 ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠡᠨᠡ ᠬᠦ᠌ ᠨᠠᠰᠤᠨᠳᠤ ᠥᠯᠥ᠍ ᠭᠦᠷᠦᠭ᠌ᠰᠡᠳᠢ ᠪᠥᠬᠥ᠌ ᠲᠠᠯᠠᠪᠠᠷ᠂ ᠵᠠᠢ ᠵᠠᠪᠰᠠᠷ ᠥᠬᠡᠶ ᠬᠠᠮᠠᠭᠠᠯᠠᠬᠤ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠡᠬᠡ ᠭᠠᠵᠠᠷᠲᠤ ᠯᠠᠪᠳᠠᠭᠤᠨ ᠪᠠᠲᠤᠲᠠᠶ ᠲᠦᠷᠢᠮᠦᠨ ᠪᠠᠢᠭᠤᠯᠤᠯᠲᠠ ᠪᠠ ᠦᠶ᠋ᠯᠡᠳᠦᠯᠭᠡᠶ᠋ᠢᠨ ᠰᠥᠪᠡᠭ᠌ᠴᠢᠯᠡᠯᠲᠡᠪᠡᠷ ᠳᠡᠮᠵᠢᠨ ᠪᠣᠳᠠᠲᠤ ᠠᠬᠤᠶ ᠪᠤᠯᠤᠨ ᠬᠤᠪᠢᠷᠠᠵᠤ ᠪᠠᠢᠨᠠ᠃
ᠬᠢᠩᠭᠠᠨ ᠠᠢᠮᠠᠭᠲᠤ᠂ ᠪᠠᠢᠴᠠᠭᠠᠬᠤ ᠪᠠᠢᠭᠤᠯᠭᠠ ᠬᠥᠮᠦᠰᠦᠨ ᠰᠡᠳᠭᠢᠯᠢ ᠬᠥᠳᠡᠯᠭᠡᠮᠡ 《ᠬᠠᠤᠯᠢ ᠴᠠᠭᠠᠵᠠᠪᠠᠷ ᠠᠪᠤᠷᠠᠨ ᠲᠤᠰᠠᠯᠠᠬᠤ ᠤᠷᠳᠤ ᠬᠤᠭᠤᠴᠠᠭᠠᠨᠤ ᠪᠦᠲᠦᠮᠵᠢᠲᠡᠢ ᠲᠣᠭ᠍ᠲᠠᠴᠠ 》 ᠵᠢ ᠡᠭᠦᠳᠪᠡ᠃ ᠹᠠᠩ ᠹᠠᠩ （ ᠪᠤᠷᠤᠭᠤᠯᠠᠭ᠍ᠰᠠᠨ ᠨᠡᠷᠡ） ᠡᠭᠡᠴᠢ ᠥᠬᠢᠨ ᠳᠡᠭᠦᠦ ᠬᠣᠶᠠᠭᠤᠯᠠᠶ᠋ᠢᠨ ᠡᠴᠢᠭᠡ ᠨᠢ ᠪᠤᠰᠤᠳ ᠬᠥᠮᠦᠨ ᠲᠠᠢ ᠵᠠᠭᠤᠷᠠᠯᠳᠤᠭᠠᠨ ᠡᠭᠦᠰᠴᠦ᠍᠂ ᠨᠦᠬᠦᠭᠡ ᠡᠲᠡᠭᠡᠳ ᠨᠢ ᠰᠥᠨᠢ ᠳᠦᠯᠢᠪᠡᠷ ᠭᠡᠷ ᠳᠣᠲᠣᠷᠠ ᠴᠢᠶᠢᠦ ᠲᠤᠰᠤ ᠴᠢᠳᠭᠤᠨ ᠭᠠᠯ ᠲᠠᠯᠪᠢᠵᠤ᠂ ᠡᠭᠡᠴᠢ ᠥᠬᠢᠨ ᠳᠡᠭᠦᠦ ᠬᠣᠶᠠᠭᠤᠯᠠᠶ᠋ᠢ ᠬᠦᠨᠳᠦ ᠨᠣᠴᠢᠲᠠᠢ ᠰᠢᠳᠠᠭᠠᠨ ᠰᠢᠷᠠᠬᠳᠤᠭᠤᠯᠵᠤ᠂ ᠭᠡᠷ ᠪᠠᠢᠱᠢᠩᠢ ᠭᠠᠯᠳᠠᠵᠤ᠂ ᠶᠠᠯᠠᠳᠠᠨ ᠬᠠᠷᠢᠨ ᠲᠦᠯᠦᠬᠦ᠌ ᠴᠢᠳᠠᠯ ᠦᠭᠡᠢ ᠪᠠᠢᠪᠠ᠃ ᠡᠨᠡ ᠬᠦ᠌ ᠬᠡᠷᠡᠭᠡᠴᠡ ᠪᠣᠯᠵᠣ ᠶᠠᠳᠠᠭᠤᠷᠠᠵᠤ᠂ ᠰᠤᠷᠤᠯᠭᠠᠪᠠᠨ ᠳᠣᠷᠭᠣᠨ ᠵᠣᠭ᠍ᠰᠣᠬᠤ ᠱᠢᠬᠠᠭ᠍ᠰᠠᠨ ᠬᠡᠷ ᠪᠦᠯᠢᠶ᠋ᠢᠨ ᠡᠮᠦᠨᠡ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠠᠷᠠᠳ ᠤ᠋ᠨ ᠪᠠᠢᠴᠠᠭᠠᠬᠤ ᠪᠠᠢᠭᠤᠯᠭᠠ ᠨᠢ ᠠᠪᠤᠷᠠᠨ ᠲᠤᠰᠠᠯᠠᠬᠤ ᠮᠥᠩᠭᠥᠶ᠋ᠢ ᠱᠢᠨᠡᠶ᠋ᠢ ᠡᠭᠦᠳᠦᠨ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠢᠲᠡᠭᠡᠮᠵᠢ ᠰᠠᠢᠲᠠᠶ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠬᠣᠷᠱᠢᠶᠠᠳᠤ ᠣᠷᠣᠭᠤᠯᠵᠤ᠂ ᠣᠷᠳᠣ ᠬᠤᠭᠤᠴᠠᠭᠠᠨᠤ ᠪᠦᠲᠦᠮᠵᠢᠲᠡᠶ ᠲᠣᠭ᠍ᠲᠠᠴᠠᠶ᠋ᠢ ᠪᠠᠢᠭᠤᠯᠤᠨ᠂ ᠵᠢᠯ ᠪᠦᠷᠢᠶ᠋ᠢᠨ ᠬᠠᠪᠤᠷ᠂ ᠨᠠᠮᠤᠷᠤᠨ ᠰᠤᠷᠭᠠᠭᠤᠯᠢ ᠡᠬᠢᠯᠡᠬᠦ᠌ ᠦᠶᠡᠳᠦ᠂ 《ᠰᠲ᠋ᠣᠺᠤᠨ ᠬᠦᠦ ᠮᠥᠩᠭᠥ᠌ ᠣᠯᠭᠣᠬᠤ 》 ᠲᠠᠢ ᠠᠳᠠᠯᠢᠪᠠᠷ ᠡᠭᠡᠴᠢ ᠥᠬᠢᠨ ᠳᠡᠭᠦᠦ ᠬᠣᠶᠠᠷᠲᠤ 《ᠠᠱᠢᠭ ᠣᠷᠣᠯᠭᠠᠶ᠋ᠢᠨ ᠮᠥᠩᠭᠥ᠌》 ᠶ᠋ᠢ ᠳ᠋ᠦᠩᠨᠡᠨ ᠪᠤᠳᠤᠵᠤ ᠥᠭ᠌ᠴᠦ᠂ ᠲᠡᠳᠡᠨᠦ ᠰᠤᠷᠤᠯᠭᠠ ᠪᠠ ᠠᠮᠢᠳᠤᠷᠠᠯᠢ ᠦᠷᠭᠦᠯᠵᠢᠯᠡᠨ ᠪᠠᠲᠤᠯᠠᠪᠠ᠃
ᠱᠢᠯᠢᠶ᠋ᠢᠨ ᠭᠤᠤᠯ ᠠᠢᠮᠠᠭᠤᠨ ᠤᠯᠠᠭᠠᠶ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠣᠷᠣᠨᠳᠤ᠂ ᠦᠪᠦᠷ ᠮᠤᠩᠭᠤᠯ ᠤ᠋ᠨ ᠠᠩᠬᠠᠳᠠᠭ᠍ᠴᠢ 《 ᠪᠠᠢᠴᠠᠭᠠᠬᠤ ᠪᠠᠢᠭᠤᠯᠭᠠ ᠨᠡᠢᠬᠡᠮ ᠲᠤᠭᠤᠷᠢᠬ ᠰᠤᠷᠭᠠᠭᠤᠯᠢ ᠬᠡᠷ ᠪᠦᠯᠢ》 ᠶ᠋ᠢᠨ ᠬᠡᠷ ᠪᠦᠯᠢᠶ᠋ᠢᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠤᠯᠪᠤᠭᠠᠯᠠᠨ ᠬᠥᠳᠡᠯᠦᠯᠴᠡᠬᠦ᠌ ᠠᠵᠢᠯᠤᠨ ᠥᠷᠲᠡᠭᠡ ᠪᠠᠢᠭᠤᠯᠤᠭ᠍ᠳᠠᠪᠠ᠃ ᠬᠣᠶᠠᠷ ᠨᠠᠰᠤᠨᠳᠤ ᠥᠯᠥ᠍ ᠭᠦᠷᠦᠭ᠌ᠰᠡᠳᠦᠨ ᠡᠴᠢᠭᠡ ᠨᠢ ᠡᠷᠡᠭᠦᠦ ᠱᠢᠶ᠋ᠳᠭᠡᠯ ᠭᠦᠶ᠋ᠴᠡᠳᠭᠡᠵᠦ᠍᠂ ᠡᠵᠢ ᠨᠢ ᠠᠯᠠᠭᠠ ᠪᠣᠯᠤᠭ᠍ᠰᠠᠨᠡᠴᠨ ᠪᠣᠯᠵᠣ ᠬᠢᠨᠠᠨ ᠬᠠᠮᠠᠭᠠᠯᠠᠯᠲᠠ ᠳᠤᠲᠠᠭ᠍ᠳᠠᠵᠤ ᠪᠠᠢᠭᠠ ᠬᠦᠴᠢᠷᠳᠡᠯᠳᠦ ᠲᠤᠯᠭᠠᠷᠠᠭ᠍ᠰᠠᠨᠢ ᠤᠯᠵᠤ ᠮᠡᠳᠡᠬᠡᠳ᠂ ᠪᠠᠢᠴᠠᠭᠠᠬᠤ ᠪᠠᠢᠭᠤᠯᠭᠠ ᠵᠠᠭᠠᠯᠳᠤᠯᠭᠠᠶ᠋ᠢ ᠬᠠᠤᠯᠢ ᠶᠣᠰᠣᠭᠠᠷ ᠳᠡᠮᠵᠢᠵᠦ᠍᠂ ᠲᠡᠳᠡᠨᠢ ᠬᠠᠪᠰᠤᠷᠤᠨ ᠬᠢᠨᠠᠨ ᠬᠠᠮᠠᠭᠠᠯᠠᠭ᠍ᠴᠢᠶ᠋ᠢ ᠨᠢ ᠬᠤᠪᠢᠷᠠᠭᠤᠯᠤᠭ᠍ᠰᠠᠨ ᠪᠥᠭᠡᠳ ᠪᠠᠢᠴᠠᠭᠠᠬᠤ ᠰᠠᠨᠠᠭᠤᠯᠭᠠᠪᠠᠷ ᠲᠠᠮᠵᠢᠨ᠂ ᠡᠷᠭᠢᠯᠡᠨ ᠬᠠᠮᠢᠶᠠᠷᠬᠤ ᠪᠠᠢᠭᠤᠯᠭᠠ ᠡᠴᠨ ᠲᠡᠳᠡᠨᠢ 《 ᠪᠣᠳᠠᠲᠠᠶ ᠠᠰᠠᠷᠠᠨ ᠲᠡᠵᠢᠭᠡᠬᠦ᠌ ᠬᠥᠮᠦᠨ ᠥᠬᠡᠶ ᠬᠡᠦᠬᠡᠳ 》 ᠵᠢᠡᠷ ᠮᠠᠭᠠᠳᠯᠠᠨ ᠲᠣᠭ᠍ᠲᠠᠭᠠᠬᠤᠶ᠋ᠢ ᠠᠬᠢᠭᠤᠯᠵᠤ᠂ ᠡᠭᠦᠨᠦ ᠤᠯᠠᠮᠡᠴᠨ ᠲᠦᠷᠢᠮᠦᠨ ᠴᠢᠨᠠᠷᠲᠠᠶ ᠠᠮᠢᠳᠤᠷᠠᠯᠤᠨ ᠪᠠᠲᠤᠯᠠᠭᠠ ᠣᠯᠭᠣᠪᠠ᠃
ᠦᠬᠠᠶ ᠬᠣᠲᠠᠳᠤ᠂ 《ᠭᠤᠤᠯᠲᠤ ᠪᠣᠷᠣ ᠨᠠᠰᠤᠨ ᠳ᠋ᠸ᠋ ᠦᠯᠦ ᠬᠦᠷᠦᠭᠰᠡᠳ ᠤ᠋ᠨ ᠪᠠᠢᠴᠠᠭᠠᠬᠤ ᠠᠵᠢᠯᠤᠨ ᠲᠠᠰᠤᠭ》 ᠲᠦ᠍ 《 ᠭᠤᠤᠯᠲᠤ ᠪᠣᠷᠣ ᠨᠠᠰᠤᠨ ᠳ᠋ᠸ᠋ ᠦᠯᠦ ᠬᠦᠷᠦᠭᠰᠡᠳ ᠤ᠋ᠨ ᠪᠠᠢᠴᠠᠭᠠᠬᠤ ᠴᠢᠳᠠᠪᠤᠷᠢᠳᠠᠨ ᠤ᠋ ᠬᠦᠮᠦᠷᠬᠡ》 ᠶ᠋ᠢ ᠪᠠᠢᠭᠤᠯᠵᠤ᠂ ᠪᠥᠬᠥ᠌ ᠬᠣᠲᠠᠶ᠋ᠢᠨ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠡᠳᠭᠢᠴᠡᠶ᠋ᠢᠨ ᠪᠠᠭ᠍ᠰᠢ᠂ ᠬᠠᠤᠯᠢ ᠪᠡᠷ ᠵᠠᠰᠠᠬᠤ ᠤᠬᠠᠭᠤᠯᠤᠨ ᠲᠠᠢᠯᠪᠤᠷᠢᠯᠠᠭ᠍ᠴᠢ ᠵᠡᠷᠭᠡ ᠲᠤᠰᠭᠠᠶ ᠮᠡᠷᠭᠡᠵᠢᠯᠦᠨ ᠬᠥᠮᠦᠰᠢ ᠴᠤᠭ᠍ᠯᠠᠷᠠᠭᠤᠯᠪᠠ᠃ ᠶᠠᠯᠠᠳᠤ ᠬᠣᠯᠪᠣᠭ᠍ᠳᠠᠭ᠍ᠰᠠᠨ ᠨᠠᠰᠤᠨᠳᠤ ᠥᠯᠥ᠍ ᠭᠦᠷᠦᠭ᠌ᠰᠡᠳ ᠲᠦ᠍ ᠰᠡᠳᠭᠢᠴᠡᠶ᠋ᠢᠨ ᠵᠢᠯᠤᠭᠤᠳᠤᠯᠭᠠ ᠬᠢᠬᠦ᠌ ᠴᠢᠬᠤᠯᠠᠲᠠᠶ ᠦᠶᠡᠳᠦ᠂ ᠪᠠᠢᠴᠠᠭᠠᠬᠤ ᠲᠤᠱᠢᠶᠠᠯᠲᠠᠨ ᠲᠤᠰᠭᠠᠶ ᠬᠥᠮᠥᠷᠭᠡᠡᠴᠡ ᠡᠬᠢ ᠪᠠᠶᠠᠯᠢᠭ ᠱᠢᠯᠵᠢᠭᠦᠯᠦᠨ ᠠᠪᠴᠤ᠌᠂ ᠰᠡᠳᠭᠢᠴᠡᠶ᠋ᠢᠨ ᠵᠥᠪᠯᠡᠯᠭᠡ ᠥᠭ᠌ᠭᠦᠭ᠌ᠴᠢᠶ᠋ᠢ ᠤᠷᠢᠨ ᠣᠷᠣᠯᠴᠠᠭᠤᠯᠵᠤ᠂ ᠲᠡᠳᠡᠨᠳᠦ ᠨᠢᠭᠡ ᠨᠢᠭᠡᠪᠡᠷ ᠰᠡᠳᠭᠢᠴᠡᠶ᠋ᠢᠨ ᠦᠨᠡᠯᠡᠨ ᠵᠢᠱ᠌ᠢᠯᠲᠡ ᠬᠢᠬᠦ᠌᠂ ᠬᠥᠲᠥᠯᠥᠨ ᠵᠢᠯᠣᠭᠣᠳᠭᠤ ᠪᠠ ᠠᠵᠢᠯᠯᠠᠭᠠᠶ᠋ᠢ ᠨᠢ ᠵᠠᠯᠠᠷᠠᠭᠤᠯᠤᠨ ᠵᠠᠰᠠᠬᠤ ᠦᠶ᠋ᠯᠡᠴᠢᠯᠡᠭᠡ ᠬᠠᠩᠭᠠᠪᠠ᠃
ᠰᠢᠳᠠᠵᠤ ᠰᠢᠷᠠᠬᠳᠤᠬᠰᠠᠨ ᠪᠢᠴᠢᠬᠠᠨ ᠥᠬᠢᠨ ᠳ᠋ᠸ᠋ ᠬᠡᠳᠦᠨ ᠵᠢᠯᠦᠨ 《ᠰᠤᠷᠤᠯᠭᠠᠶ᠋ᠢᠨ ᠰᠠᠭᠤᠷᠢ ᠮᠥᠩᠭᠥ᠌》 ᠪᠠᠢᠭᠤᠯᠵᠤ ᠥᠭ᠌ᠭᠦᠭ᠌ᠰᠡᠨᠡᠴᠡ ᠠᠪᠤᠭᠠᠳ᠂ ᠡᠯᠡ ᠲᠠᠯᠠᠶ᠋ᠢᠨ ᠬᠢᠨᠢ ᠵᠤᠬᠢᠴᠠᠭᠤᠯᠤᠨ ᠬᠦᠳᠡᠯᠬᠡᠵᠦ ᠥᠨᠥᠴᠢᠨ ᠬᠡᠦᠬᠡᠳᠲᠦ ᠲᠦᠷᠢᠮᠦᠨ ᠪᠠᠲᠤᠯᠠᠭᠠᠶ᠋ᠢ ᠪᠠᠲᠤ ᠴᠣᠭ᠍ᠴᠠᠯᠠᠬᠤ ᠬᠦᠷᠲᠡᠯᠡ； ᠬᠠᠯᠠᠭᠤᠨ ᠳᠤᠯᠠᠭᠠᠨ ᠠᠵᠢᠯᠯᠠᠬᠤ ᠥᠷᠥᠭᠡᠳᠡᠬᠢ ᠬᠠᠯᠠᠱᠢᠷᠠᠯ ᠥᠬᠡᠶ ᠶᠠᠷᠢᠯᠴᠠᠭᠠᠡᠴᠨ ᠠᠪᠤᠭᠠᠳ ᠬᠠᠷᠠᠵᠤ ᠬᠠᠷᠠᠭᠠᠯᠵᠠᠵᠤ ᠬᠠᠪᠰᠤᠷᠤᠨ ᠬᠥᠮᠦᠵᠢᠭᠦᠯᠬᠦ᠌ ᠰᠠᠭᠤᠷᠢᠨ ᠤ᠋ 《 ᠪᠡᠶᠡ ᠰᠡᠳᠬᠢᠴᠡ ᠵᠢᠨ ᠵᠠᠰᠠᠯᠲᠠ》 ᠬᠦᠷᠳᠡᠯᠡ — 《ᠪᠠᠢᠴᠠᠭᠠᠬᠤ ᠠᠵᠢᠯ ᠵᠢᠡᠷ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠪᠠᠭᠠᠴᠤᠳ ᠬᠡᠦᠬᠡᠳ ᠢ ᠬᠠᠮᠠᠭᠠᠯᠠᠬᠤ》 ᠦᠶ᠋ᠯᠡᠳᠦᠯᠭᠡ ᠨᠢ᠂ ᠨᠠᠰᠤᠨᠳᠤ ᠥᠯᠥ᠍ ᠭᠦᠷᠦᠭ᠌ᠰᠡᠳᠦᠨ ᠪᠠᠢᠴᠠᠭᠠᠬᠤ ᠠᠵᠢᠯᠤᠨ ᠬᠠᠮᠤᠭᠤᠨ ᠳᠡᠭᠡᠳᠦ ᠬᠥᠭᠡᠭᠡᠴᠡᠯᠳᠦᠯᠢ ᠬᠦᠨᠵᠡᠬᠡᠢ ᠲᠠᠢᠯᠪᠤᠷᠢᠯᠠᠨ ᠢᠯᠡᠷᠡᠬᠦᠯᠵᠦ᠂ ᠥᠩᠭᠡᠷᠡᠭ᠌ᠰᠡᠨᠢ ᠲᠥᠪ ᠭᠤᠤᠯᠴᠢᠪᠠᠷ ᠲᠡᠰᠦᠯᠦᠨ ᠲᠣᠭ᠍ᠲᠠᠭᠠᠭ᠍ᠰᠠᠨ ᠶᠠᠪᠤᠳᠠᠯ ᠪᠣᠯᠬᠤᠪᠠᠷ ᠪᠠᠷᠠᠬᠤ ᠥᠬᠡᠶ ᠨᠠᠩ ᠴᠤ᠌ ᠬᠠᠷᠢᠭᠤᠴᠠᠯᠭᠠᠲᠠᠶᠪᠠᠷ ᠢᠷᠡᠭᠡᠳᠦᠶᠶ᠋ᠢ ᠲᠤᠯᠭᠠᠭᠤᠷᠢᠯᠠᠭ᠍ᠰᠠᠨ ᠶᠠᠪᠤᠳᠠᠯ ᠪᠣᠯᠤᠨᠠ᠃
ᠭᠤᠢᠪᠢᠰᠢ ᠦᠬᠡᠢ ᠴᠢᠷᠮᠠᠢᠪᠠᠯ ᠯᠠᠪᠳᠠᠢ ᠰᠡᠳᠬᠢᠯ ᠬᠠᠨᠤᠮᠵᠢᠳᠠᠢ ᠦᠷᠡ ᠳ᠋ᠦᠩ ᠤᠯᠤᠨᠠ᠃ ᠥᠪᠥᠷ ᠮᠣᠩᠭᠣᠯᠤᠨ ᠪᠠᠢᠴᠠᠭᠠᠬᠤ ᠠᠵᠢᠯᠲᠠᠳ ᠡᠳᠦᠷᠵᠢᠨ ᠱᠢᠷᠭᠠᠭᠤ ᠠᠵᠢᠯᠯᠠᠵᠤ᠂ ᠪᠠᠭᠠᠴᠤᠳ ᠬᠡᠦᠬᠡᠳ ᠤ᠋ᠨ ᠵᠢᠡᠨ ᠢᠳᠡᠷᠡᠬᠦᠨ ᠵᠢᠡᠷ ᠦᠰᠦᠨ ᠪᠤᠢᠵᠢᠬᠤ ᠵᠢ ᠬᠠᠮᠠᠭᠠᠯᠠᠵᠠᠭᠠᠨᠠ᠃