ᠤᠯᠤᠰᠤᠨ ᠡᠮ ᠡᠮᠨᠡᠯᠭᠡᠶᠢᠨ ᠳᠠᠭᠠᠳᠬᠠᠯᠤᠨ ᠲᠣᠪᠴᠢᠶᠠ᠂
ᠤᠯᠤᠰᠤᠨ ᠬᠥᠭᠵᠢᠭᠦᠯᠦᠯᠲᠡ ᠪᠠ ᠥᠭᠡᠷᠡᠴᠢᠯᠡᠯᠲᠡᠶᠢᠨ ᠵᠥᠪᠯᠡᠯ᠂ ᠤᠯᠤᠰᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠡᠷᠡᠭᠦᠯ
ᠮᠡᠨᠳᠦᠶᠢᠨ ᠵᠥᠪᠯᠡᠯ ᠬᠠᠮᠲᠤᠷᠠᠨ 《ᠡᠮ ᠡᠮᠨᠡᠯᠭᠡᠶᠢᠨ ᠳᠠᠭᠠᠳᠬᠠᠯᠢᠶᠠᠷ ᠦᠨᠳᠦᠰᠦᠨ ᠱᠠᠲᠤᠨᠤ ᠡᠮ ᠡᠮᠨᠡᠯᠭᠡ
ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠦᠢᠯᠡᠴᠢᠯᠡᠭᠡᠨᠦ ᠬᠥᠭᠵᠢᠯᠲᠡᠶᠢ ᠳᠡᠮᠵᠢᠬᠦ ᠲᠤᠬᠠᠢ ᠵᠢᠯᠤᠭᠣᠳᠬᠤ ᠰᠠᠨᠠᠯ》ᠢ ᠲᠦᠷᠦᠭᠦᠬᠡᠨ
ᠳᠠᠷᠤᠮᠠᠯᠯᠠᠨ ᠲᠠᠷᠬᠠᠭᠠᠵᠤ᠂ ᠦᠨᠳᠦᠰᠦᠨ
ᠱᠠᠲᠤᠨᠤ ᠡᠮᠴᠢ ᠨᠠᠷ ᠤᠵᠢᠭ᠋ ᠡᠪᠡᠳᠴᠢᠲᠡᠨᠳᠦ ᠬᠠᠮᠤᠭᠤᠨ ᠣᠷᠳᠣ᠌ᠳᠠᠭᠠᠨ 12 ᠭᠠᠷᠠᠭᠤᠨ ᠡᠮᠦᠨ ᠵᠣᠷ ᠪᠢᠴᠢᠵᠦ
ᠥᠭᠴᠦ ᠪᠤᠯᠬᠤᠶᠢ ᠵᠥᠪᠰᠢᠶᠡᠷᠡᠪᠡ᠃
ᠲᠣᠰ 《ᠵᠢᠯᠤᠭᠣᠳᠬᠤ ᠰᠠᠨᠠᠯ》ᠳᠤ ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ
ᠵᠣᠷᠢ ᠡᠭᠦᠳᠡᠨ ᠡᠮᠨᠡᠯᠭᠡᠶᠢᠨ ᠤᠳᠠᠭᠠ ᠪᠦᠷᠢᠶᠢᠨ ᠳᠤᠮᠳᠠᠴᠢ ᠵᠠᠷᠤᠳᠠᠯ᠂ ᠡᠭᠦᠳᠡᠨ ᠡᠮᠨᠡᠯᠭᠡᠶᠢᠨ ᠡᠮᠦᠨ
ᠵᠦᠢᠯᠡᠰᠦᠨ ᠤᠳᠠᠭᠠ ᠪᠦᠷᠢᠶᠢᠨ ᠳᠤᠮᠳᠠᠴᠢ ᠵᠠᠷᠤᠳᠠᠯᠤᠨ ᠰᠢᠯᠭᠠᠨ ᠬᠢᠨᠠᠯᠲᠠᠳᠤ ᠣᠷᠣᠭᠤᠯᠬᠤ ᠦᠭᠡᠢ ᠭᠡᠵᠦ
ᠲᠤᠳᠤᠷᠬᠠᠢ ᠲᠤᠷᠠᠳᠤᠭᠰᠠᠨ ᠨᠢ ᠦᠨᠳᠦᠰᠦᠨ ᠱᠠᠲᠤᠨᠤ ᠡᠮᠴᠢ ᠨᠠᠷᠤᠨ ᠡᠪᠡᠳᠴᠢᠲᠡᠨᠦ ᠡᠪᠡᠳᠴᠢᠨᠦ ᠪᠠᠢᠳᠠᠯᠢ
ᠦᠨᠳᠦᠰᠦᠯᠡᠨ ᠵᠦᠢ ᠵᠣᠬᠢᠰᠲᠠᠢ ᠣᠨᠣᠰᠢᠯᠠᠨ ᠡᠮᠨᠡᠬᠦ ᠲᠥᠰᠥᠯ ᠲᠣᠭᠲᠠᠭᠠᠵᠤ ᠲᠡᠢᠯᠬᠦ ᠪᠣᠯᠭᠠᠵᠦ᠂ ᠡᠪᠡᠳᠴᠢᠲᠡᠨᠦ
ᠡᠮᠨᠡᠯᠭᠡᠶᠢᠨ ᠬᠣᠷᠢᠶᠠᠨᠳᠤ ᠪᠠᠢᠨ ᠳᠠᠬᠢᠨ ᠢᠷᠡᠵᠦ ᠡᠮ ᠵᠠᠯᠠᠬᠤ ᠵᠠᠷᠤᠳᠠᠯᠤᠨ ᠳᠠᠷᠤᠭᠠᠰᠤᠶᠢ ᠬᠥᠩᠭᠡᠷᠡᠭᠦᠯᠪᠡ᠃
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠮᠴᠢᠯᠡᠭᠡᠨᠦ ᠪᠠᠲᠤᠯᠠᠭᠠ
ᠵᠢᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠲᠣᠪᠴᠢᠶᠠᠶᠢᠨ ᠡᠮ ᠡᠮᠨᠡᠯᠭᠡᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠬᠠᠮᠢᠶᠠᠷᠤᠯᠲᠠᠶᠢᠨ ᠭᠠᠵᠠᠷᠤᠨ
ᠳᠠᠷᠤᠭᠠ ᠵᠠᠩ ᠶᠠᠨ ᠶᠠᠨ ᠢᠯᠡᠷᠬᠡᠢᠯᠡᠬᠦᠳᠡᠭᠡᠨ᠂ ᠦᠨᠳᠦᠰᠦᠨ ᠱᠠᠲᠤᠨᠤ ᠡᠮᠴᠢ ᠨᠠᠷ ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ
ᠵᠣᠷ ᠪᠢᠴᠢᠵᠦ ᠪᠣᠯᠬᠤ ᠪᠤᠯᠤᠭᠰᠠᠨ ᠨᠢ ᠡᠷᠬᠡᠪᠰᠢ ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ ᠵᠣᠷ ᠪᠢᠴᠢᠵᠦ ᠦᠭᠬᠦᠨᠡ ᠭᠡᠰᠡᠨ
ᠶᠠᠪᠤᠳᠠᠯ ᠪᠢᠰᠢ ᠶᠤᠮ᠃ ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ ᠵᠣᠷᠢ ᠡᠮᠴᠢᠯᠡᠭᠡᠨᠦ ᠣᠨᠣᠰᠢᠯᠠᠯᠲᠠ ᠲᠣᠳᠣᠷᠬᠠᠢ᠂ ᠡᠮ ᠬᠡᠷᠡᠭᠯᠡᠬᠦ
ᠲᠥᠰᠥᠯ ᠲᠣᠭᠲᠠᠪᠤᠷᠢᠲᠠᠢ᠂ ᠡᠪᠡᠳᠴᠢᠨᠦ ᠪᠠᠢᠳᠠᠯᠢ ᠲᠣᠭᠲᠠᠭᠤᠨ ᠬᠢᠵᠠᠭᠠᠷᠯᠠᠬᠤ ᠴᠢᠬᠤᠯᠠᠲᠠᠢ ᠤᠵᠢᠭ᠋ ᠡᠪᠡᠳᠴᠢᠲᠡᠨᠳᠦ
ᠬᠡᠷᠡᠭᠯᠡᠬᠦ ᠪᠥᠭᠡᠳ ᠮᠢᠨᠴᠦᠭᠦᠷᠡᠭᠦᠯᠬᠦ ᠡᠮ᠂ ᠮᠡᠳᠡᠷᠡᠯᠦᠨ ᠡᠮ ᠵᠡᠷᠭᠡ ᠵᠢ ᠵᠤᠷᠲᠦ ᠬᠡᠷᠡᠭᠯᠡᠬᠦᠶᠢ ᠴᠢᠩᠭᠠ
ᠴᠠᠭᠠᠵᠠᠯᠠᠨᠠ᠃ ᠦᠨᠳᠦᠰᠦᠨ ᠱᠠᠲᠤᠨᠤ ᠡᠮᠴᠢᠨᠠᠷ ᠡᠪᠡᠳᠴᠢᠲᠡᠨᠦ ᠡᠪᠡᠳᠴᠢᠨᠦ ᠪᠠᠢᠳᠠᠯ᠂ ᠡᠮᠦᠨ ᠵᠦᠢᠯᠡᠰᠦᠨ
ᠨᠥᠭᠡᠴᠡ᠂ ᠬᠠᠷᠢᠶᠠ ᠣᠷᠣᠨᠤ ᠡᠪᠡᠳᠴᠢᠨᠦ ᠵᠢᠭ᠍ᠰᠠᠯ ᠵᠡᠷᠭᠡ ᠶᠡᠷᠦᠩᠬᠡᠢᠯᠡᠭᠰᠡᠨ ᠬᠦᠴᠦᠨ ᠵᠦᠢᠯᠢ ᠦᠨᠳᠦᠰᠦᠯᠡᠨ᠂
ᠲᠣᠬᠢᠷᠠᠮᠵᠢᠲᠠᠢ ᠵᠣᠷ ᠪᠢᠴᠢᠨ ᠥᠭᠴᠦ᠂ ᠬᠠᠷᠢᠶᠠ ᠣᠷᠣᠨᠤ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠡᠮ ᠬᠡᠷᠡᠭᠯᠡᠬᠦ ᠬᠡᠷᠡᠭᠴᠡᠭᠡ
ᠱᠠᠭᠠᠷᠳᠠᠯᠭᠠᠶᠢ ᠪᠠᠲᠤᠯᠠᠬᠤ ᠬᠡᠷᠡᠭᠲᠡᠢ ᠭᠡᠵᠡᠢ᠃
ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢ ᠨᠠᠢᠳᠠᠪᠤᠷᠢᠵᠢᠭᠤᠯᠤᠨ ᠦᠷᠡ
ᠪᠦᠲᠦᠮᠵᠢ ᠭᠠᠷᠭᠠᠬᠤᠶᠢ ᠦᠨᠡᠨ ᠬᠦ᠌ ᠪᠠᠲᠤᠯᠠᠬᠤᠶᠢᠨ ᠲᠥᠯᠥᠭᠡ᠂ ᠥᠪᠥᠷ ᠮᠣᠩᠭᠣᠯ ᠪᠠᠰᠠ ᠰᠢᠶᠠᠨᠤ ᠬᠡᠪᠴᠢᠶᠡᠨᠳᠦ
ᠨᠢᠭ᠍ᠲᠠ ᠬᠡᠯᠪᠡᠷᠢᠶᠢᠨ ᠡᠮᠴᠢᠯᠡᠭᠡᠨᠦ ᠬᠠᠮᠲᠤᠶᠢᠨ ᠴᠣᠭᠴᠠ ᠪᠤᠯᠬᠤ 《ᠡᠮᠦᠨ ᠲᠠᠰᠤᠭᠤᠨ ᠲᠦᠪ》 ᠪᠠ ᠬᠣᠲᠠ ᠲᠣᠭᠣᠷᠢᠭ᠋ᠤᠨ 《ᠡᠮ ᠡᠮᠨᠡᠯᠭᠡ ᠵᠢᠨ ᠳᠠᠭᠠᠳᠬᠠᠯᠤᠨ ᠰᠦᠯᠵᠢᠶᠡᠨ
ᠲᠡᠭᠡᠷᠡᠬᠢ ᠡᠮᠦᠨ ᠲᠠᠰᠤᠭ》 ᠪᠠᠢᠭᠤᠯᠵᠤ᠂ ᠦᠨᠳᠦᠰᠦᠨ ᠱᠠᠲᠤᠨᠳᠦ ᠭᠡᠷᠡᠭᠰᠡᠬᠦ ᠡᠮᠦᠨ
ᠵᠦᠢᠯᠡᠰᠢ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠭᠦᠢᠴᠡᠳ ᠲᠣᠬᠢᠷᠠᠭᠤᠯᠤᠨ ᠬᠦᠷᠭᠡᠬᠦᠶᠢ ᠦᠨᠡᠨ ᠬᠦ᠌ ᠪᠠᠲᠤᠯᠠᠨᠡ ᠭᠡᠵᠦ ᠲᠣᠳᠣᠷᠬᠠᠢ
ᠲᠣᠭᠲᠠᠭᠠᠪᠠ᠃