3 ᠰᠠᠷᠠ ᠶ᠋ᠢᠨ 28 ᠤ᠋ ᠡᠳᠦᠷ᠂ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠷᠠᠳᠢᠣ᠋ ᠲᠧᠯᠸᠢᠰᠤᠨ ᠬᠣᠷᠢᠶᠠ᠂ ᠵᠢᠶᠠᠩᠰᠤ ᠮᠤᠵᠢ ᠵᠢᠨ ᠷᠠᠳᠢᠣ᠋ ᠲᠧᠯᠸᠢᠰ ᠤ᠋ᠨ ᠶᠡᠷᠦᠩᠬᠡᠢ ᠦᠷᠳᠡᠬᠡ᠂ ᠣᠷᠳᠣᠰ ᠬᠤᠳᠠ ᠵᠢᠨ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤ᠋ᠨ ᠲᠥᠪ᠂ ᠨᠠᠨᠵᠢᠩ ᠤ᠋ᠨ ᠷᠠᠳᠢᠣ᠋ ᠲᠧᠯᠸᠢᠰ ᠤ᠋ᠨ ᠪᠦᠯᠦᠭᠯᠡᠯ᠂ ᠤᠳᠤᠭ ᠤ᠋ᠨ ᠡᠮᠦᠨᠡᠲᠦ ᠬᠣᠰᠢᠭᠤᠨ ᠤ᠋ ᠵᠠᠰᠠᠭ ᠤ᠋ᠨ ᠣᠷᠳᠣᠨ ᠤ ᠬᠠᠮᠲᠤᠷᠠᠨ ᠦᠢᠯᠡᠳᠦᠭᠰᠡᠨ ᠲᠣᠮᠣ᠌ ᠬᠡᠯᠪᠡᠷᠢ ᠵᠢᠨ ᠪᠠᠷᠢᠮᠲᠠᠲᠤ ᠹᠢᠯᠢᠮ《ᠰᠡᠳᠬᠢᠯ ᠠᠷᠭᠠᠮᠵᠢᠭᠰᠠᠨ ᠨᠤᠳᠤᠭ》 ᠨᠠᠨᠵᠢᠩ ᠳ᠋ᠤ ᠦᠵᠡᠭᠴᠢᠳ ᠲᠠᠢ ᠵᠤᠯᠭᠠᠵᠠᠢ᠃
《ᠰᠡᠳᠬᠢᠯ ᠠᠷᠭᠠᠮᠵᠢᠭᠰᠠᠨ ᠨᠤᠳᠤᠭ》 ᠢ 1968 ᠣᠨ ᠳ᠋ᠤ ᠨᠠᠨᠵᠢᠩ ᠤ᠋ᠨ 1087 ᠰᠡᠭᠡᠭᠡᠳᠡᠨ ᠵᠠᠯᠠᠭᠤ ᠠᠯᠤᠰ ᠬᠤᠯᠠ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠣᠷᠳᠣᠰ ᠲᠤ᠌ ᠬᠦᠷᠴᠦ ᠪᠠᠷᠢᠭᠠᠳᠠ ᠳ᠋ᠤ ᠪᠠᠭᠤᠭᠰᠠᠨ ᠶᠠᠪᠤᠳᠠᠯ ᠶ᠋ᠢᠡᠷ ᠰᠡᠳᠦᠪᠯᠡᠵᠦ᠂ ᠬᠣᠶᠠᠷ ᠭᠠᠵᠠᠷ ᠢ᠋ ᠬᠣᠯᠪᠣᠭᠰᠠᠨ ᠦᠨᠳᠦᠰᠦᠲᠡᠨ ᠤ᠋ ᠪᠦᠯᠬᠦᠮᠳᠡᠯ ᠤ᠋ᠨ ᠦᠯᠢᠭᠡᠷ ᠳᠡᠦᠬᠡ ᠵᠢ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠢᠨᠠ᠃ ᠲᠤᠰ ᠹᠢᠯᠢᠮ ᠨᠢ ᠳᠡᠭᠡᠷᠡ ᠳᠣᠣᠷᠠ ᠬᠣᠶᠠᠷ ᠪᠦᠯᠦᠭ ᠳᠠᠢ᠂ ᠪᠦᠯᠦᠭ ᠪᠦᠷᠢ ᠨᠢ 50 ᠮᠢᠨᠦ᠋ᠲ᠂ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠷᠠᠳᠢᠣ᠋ ᠲᠧᠯᠸᠢᠰᠤᠨ ᠬᠣᠷᠢᠶᠠ ᠵᠢᠨ ᠣᠳᠣᠨ ᠲᠧᠯᠸᠢᠰ ᠤ᠋ᠨ ᠫᠷᠣᠭ᠌ᠷᠠᠮ ᠦᠢᠯᠡᠳᠬᠦ ᠲᠥᠪ 4 ᠵᠢᠯ ᠤ᠋ᠨ ᠬᠤᠭᠤᠴᠠᠭᠠ ᠵᠠᠷᠤᠴᠠᠭᠤᠯᠤᠨ᠂ ᠥᠪᠥᠷ ᠮᠣᠩᠭᠣᠯ᠂ ᠵᠢᠶᠠᠩᠰᠤ ᠬᠣᠶᠠᠷ ᠭᠠᠵᠠᠷ ᠵᠢᠡᠷ ᠶᠠᠪᠤᠵᠤ᠂ 40 ᠭᠠᠷᠤᠢ ᠰᠡᠬᠡᠭᠡᠲᠡᠨ ᠵᠠᠯᠠᠭᠤ᠂ ᠮᠠᠯᠴᠢᠨ ᠵᠡᠷᠭᠡ ᠵᠢ ᠡᠷᠢᠵᠦ ᠰᠤᠷᠪᠤᠯᠵᠢᠯᠠᠨ᠂ 15 ᠬᠠᠭᠤᠴᠢᠨ ᠰᠠᠭᠤᠴᠠᠪᠠᠷ ᠬᠦᠷᠴᠦ ᠰᠡᠬᠦᠳᠡᠷᠯᠡᠨ᠂ ᠲᠦᠮᠡ ᠭᠠᠷᠤᠢ ᠴᠠᠭ ᠤ᠋ᠨ ᠪᠣᠷᠣ᠌ ᠮᠠᠲᠧᠷᠢᠶᠠᠯ ᠢ᠋ ᠰᠡᠭᠦᠳᠡᠷᠯᠡᠨ ᠴᠤᠭᠯᠠᠭᠤᠯᠤᠭᠠᠳ ᠦᠢᠯᠡᠳᠴᠤ ᠭᠠᠷᠭᠠᠵᠠᠢ᠃
ᠨᠠᠨᠵᠢᠩ ᠤ᠋ᠨ ᠦᠵᠡᠭᠴᠢ ᠼᠤᠤ ᠰᠢᠨ ᠬᠤᠧᠠ᠄《ᠹᠢᠯᠢᠮ ᠢ᠋ ᠦᠵᠡᠮᠡᠭᠴᠡ ᠪᠢ ᠲᠤᠬᠠᠢ ᠵᠢᠨ ᠵᠢᠯᠳᠤ ᠤᠷᠳᠤᠰ ᠲᠤ᠌ ᠪᠠᠭᠤᠭᠰᠠᠨ ᠡᠳᠦᠷ ᠬᠤᠨᠤᠭ ᠶ᠋ᠢᠡᠨ ᠳᠤᠷᠠᠰᠤᠨ ᠰᠠᠨᠠᠭᠠᠯᠵᠠᠵᠤ ᠡᠷᠬᠡ ᠦᠭᠡᠢ ᠨᠢᠯᠪᠤᠰᠤ ᠤᠨᠠᠭᠠᠭᠰᠠᠨ ᠡ᠂ ᠡᠨᠡ ᠬᠦ᠌ ᠦᠩᠬᠡᠷᠡᠯᠳᠡ ᠪᠡᠨ ᠪᠢ ᠬᠡᠴᠢᠨᠡᠨ ᠵᠢᠯ ᠪᠤᠯᠤᠭᠰᠠᠨ ᠴᠤ᠌ ᠮᠠᠷᠲᠠᠬᠤ ᠦᠭᠡᠢ᠂ ᠡᠨᠡ ᠹᠢᠯᠢᠮᠢ ᠬᠦᠦ ᠳ᠋ᠡᠭᠡᠨ᠂ ᠣᠮᠪᠣᠯᠣ᠌ ᠳ᠋ᠠᠭᠠᠨ ᠪᠦᠷ ᠦᠵᠡᠬᠦᠯᠦᠨᠡ》 ᠭᠡᠵᠦ ᠶᠠᠷᠢᠵᠤ ᠪᠠᠢᠯᠠ᠃ ᠲᠤᠬᠠᠢ ᠵᠢᠨ ᠳᠠᠯᠠᠪᠠᠢ ᠳ᠋ᠤ ᠪᠠᠷᠤᠭ 700 ᠭᠠᠷᠤᠢ ᠨᠠᠨᠵᠢᠩ ᠤ᠋ᠨ ᠰᠡᠬᠡᠭᠡᠲᠡᠨ ᠵᠠᠯᠠᠭᠤ ᠪᠣᠯᠣᠨ ᠳᠡᠳᠡᠨ ᠤ᠋ ᠭᠡᠷ ᠪᠦᠯᠢ ᠵᠢᠨ ᠬᠢᠨ ᠰᠤᠨᠢᠷᠬᠠᠨ ᠦᠵᠡᠵᠡᠢ᠃