ᠭᠡᠷ᠎ᠦᠨ ᠬᠦᠮᠤᠵᠢᠯ ᠭᠡᠭᠡᠷᠡᠯ᠎ᠦᠨ ᠦᠨᠲᠤᠰᠤ
2026-04-20 10:16:18
ᠵᠣᠬᠢᠶᠠᠭ᠍ᠴᠢ᠄
ᠲᠠᠯᠠᠨᠪᠠᠶᠠᠷ
ᠣᠩᠱᠢᠭ᠍ᠰᠠᠨ ᠣᠳᠠᠭ᠎ᠠ᠄
★★★☆☆

ᠬᠡᠨ ᠬᠦᠮᠦᠨ ᠳ᠋ᠤ ᠠᠪᠴᠤ ᠬᠡᠯᠡᠭᠰᠡᠨ ᠴᠸ᠋ ᠭᠡᠷ᠎ᠤᠨ ᠬᠦᠮᠦᠵᠢᠯ᠂ ᠰᠤᠷᠭᠠᠭᠤᠯᠢ᠎ᠶᠢᠨ ᠬᠦᠮᠦᠵᠢᠯ᠂ ᠨᠡᠢᠭᠡᠮ᠎ᠤᠨ ᠬᠦᠮᠤᠵᠢᠯ ᠭᠡᠬᠥ᠌ 《ᠭᠤᠷᠪᠠᠨ ᠬᠦᠮᠤᠵᠢᠯ》 ᠤ᠋ᠨ ᠲᠡᠭᠲᠡᠷᠯᠡᠭᠰᠡᠨ ᠮᠦᠷᠲᠡᠯ᠎ᠢᠶᠡᠷ ᠬᠦᠮᠤᠨ ᠪᠣᠯᠬᠤ ᠵᠠᠮ ᠮᠦᠷ᠎ᠢᠶᠠᠨ ᠡᠯᠭᠦᠵᠦ᠂ ᠦᠪᠡᠷ᠎ᠢ᠎ᠪᠡᠨ ᠤᠯᠠᠮ᠎ᠢᠶᠡᠷ ᠳᠡᠬᠦᠯᠳᠡᠷᠵᠢᠬᠦᠯᠳᠡᠭ᠃ ᠭᠡᠬᠥ᠎ᠳ᠋ᠡᠬᠡᠨ ᠭᠡᠷ᠎ᠦᠨ ᠬᠦᠮᠤᠵᠢᠯ ᠨᠢ ᠶᠠᠮᠠᠷᠪᠠ ᠬᠦᠮᠤᠨ᠎ᠤ ᠨᠢᠯᠬ᠎ᠠ ᠪᠠᠭ᠎ᠠ ᠦᠶ᠎ᠡ ᠡᠴᠠ ᠡᠬᠢᠯᠡᠨ ᠦᠯᠦ᠍ ᠮᠡᠲᠡᠬᠥ᠎ᠶᠢᠨ ᠲᠤᠮᠲᠠ ᠶᠠᠪᠤᠭᠲᠠᠵᠤ᠂ ᠭᠤᠷᠪᠠ ᠳᠠᠪᠤᠨ ᠨᠠᠰᠤᠯᠠᠬᠤ ᠳ᠋ᠤ ᠵᠠᠷᠢᠮ ᠲᠠᠯ᠎ᠠ᠎ᠪᠠᠷ ᠮᠡᠲᠡᠭᠲᠡᠮ᠎ᠡ ᠨᠦᠯᠤᠭᠡ ᠲᠠᠢ ᠪᠤᠯᠵᠤ᠂ ᠨᠠᠰᠤ ᠨᠡᠮᠡᠭᠲᠡᠨ ᠠᠷᠪᠠᠨ ᠲᠠᠪᠤ ᠵᠢᠷᠭᠤᠭ᠎ᠠ ᠬᠦᠷᠬᠥᠯᠡᠷ ᠢᠯᠡᠷᠬᠡᠢ ᠪᠤᠯᠤᠨ᠎ᠠ᠃ ᠶᠠᠷᠢᠶᠡᠨ ᠦᠭᠡᠢ ᠡᠨᠡ ᠬᠤᠭᠤᠷᠤᠨᠳᠤ ᠲᠣᠯᠤᠭ᠎ᠠ ᠨᠠᠢ᠍ᠮᠠᠨ ᠵᠢᠯ ᠰᠤᠷᠭᠠᠭᠤᠯᠢ ᠰᠤᠶᠤᠯ᠎ᠤᠨ ᠮᠦᠷ ᠬᠦᠭᠡᠭᠡᠵᠤ ᠰᠤᠷᠭᠠᠭᠤᠯᠢ᠎ᠶᠢᠨ ᠬᠦᠮᠤᠵᠢᠯ᠎ᠢᠶᠠᠷ ᠭᠤᠣᠯᠲᠠᠭᠰᠠᠨ ᠨᠡᠶ᠋ᠢᠭᠡᠮ᠎ᠦᠨ ᠬᠦᠮᠤᠵᠢᠯ᠎ᠬᠦᠷᠳᠡᠳᠡᠭ ᠪᠤᠯᠪᠠᠴᠤ ᠭᠡᠷ᠎ᠦᠨ ᠬᠦᠮᠤᠵᠢᠯ ᠨᠢ ᠮᠦᠨ ᠯᠠ ᠬᠡᠤᠬᠡᠳ᠎ᠤᠨ ᠭᠡᠭᠡᠷᠡᠯ᠎ᠤᠨ ᠦᠨᠳᠦᠰᠦ ᠪᠤᠯᠬᠤ ᠵᠢ ᠤᠮᠲᠤᠭᠠᠶ᠋ᠢᠯᠠᠵᠣ ᠪᠣᠯᠬᠤ ᠦᠭᠡᠢ᠃

ᠭᠡᠷ᠎ᠤᠨ ᠬᠦᠮᠦᠵᠢᠯ᠎ᠢ ᠰᠢᠭᠤᠳ ᠶᠠᠷᠢᠬᠤ ᠳ᠋ᠤ ᠠᠪᠤ ᠡᠵᠢ᠂ ᠭᠡᠷ᠎ᠤᠨ ᠠᠬᠠᠮᠠᠳ ᠪᠤᠯᠤᠭᠰᠠᠳ ᠦᠪᠡᠷ᠎ᠤᠨ ᠪᠡᠶ᠎ᠡ ᠪᠡᠷ᠎ᠢᠶᠡᠨ ᠬᠡᠪ ᠲᠠᠭᠤᠷᠢᠶᠠᠯ ᠪᠤᠯᠵᠤ᠂ ᠦᠭᠡ ᠶᠠᠷᠢᠶ᠎ᠠ ᠦᠢᠯᠡ ᠬᠦᠳᠡᠯᠦᠯ ᠪᠦᠷᠢ ᠪᠡᠨ ᠬᠢᠴᠢᠶᠡᠬᠦ ᠵᠢ ᠬᠡᠯᠡᠨ᠎ᠡ᠃ ᠠᠷᠠᠳ᠎ᠤᠨ ᠵᠤᠶ᠋ᠢᠷ ᠰᠡᠴᠡᠨ ᠦᠭᠡᠨ ᠳ᠋ᠤ 《ᠬᠡᠭᠡᠷ ᠠᠯᠠᠭ ᠡᠴᠠ ᠰᠢᠬᠢᠷ᠎ᠠ ᠠᠯᠠᠭ᠂ ᠬᠡᠯᠲᠡᠩ ᠭᠡᠬᠥᠤ ᠡᠴᠠ ᠱᠤᠪᠲᠤᠩ ᠤᠨᠠᠭ᠎ᠠ》᠂ 《ᠰᠤᠷᠭᠠᠯ ᠰᠠᠶ᠋ᠢᠲᠠᠢ ᠠᠶ᠋ᠢᠯ ᠡᠴᠠ ᠰᠤᠷᠲᠠᠯ ᠰᠠᠶ᠋ᠢᠲᠠᠢ ᠬᠡᠤᠬᠡᠳ》 ᠭᠡᠵᠤ ᠬᠡᠯᠡᠲᠡᠭ᠎ᠦᠨ ᠤᠴᠢᠷ ᠤᠳᠬ᠎ᠠ ᠨᠢ ᠡᠨᠡ ᠪᠤᠯᠤᠨ᠎ᠠ᠃ ᠠᠷᠠᠳ᠎ᠤᠨ ᠲᠤᠮᠲᠠ ᠲᠡᠯᠭᠡᠷᠡᠭᠰᠡᠨ ᠵᠤᠶ᠋ᠢᠷ ᠰᠡᠴᠡᠨ ᠦᠭᠡ ᠭᠡᠭᠴᠢ ᠲᠡᠷᠡ ᠴᠢᠭ᠎ᠢᠶᠡᠷ᠎ᠢᠶᠡᠨ ᠤᠶ᠋ᠢᠯᠡᠲᠤᠯᠭᠡᠲᠤ᠌ ᠴᠢᠨᠠᠷᠲᠠᠢ ᠪᠠᠢᠵᠤ᠂ ᠠᠯᠢᠪᠠ ᠬᠡᠷᠡᠭ ᠪᠤᠲᠠᠰ ᠶᠠᠭᠤᠮ᠎ᠠ ᠦᠵᠡᠭᠲᠡᠯ᠎ᠦᠨ ᠲᠤᠲᠤᠭᠠᠲᠤ᠌ ᠵᠢᠮ᠎ᠡ ᠶᠤᠰᠤ᠎ᠶᠢ ᠮᠦᠷᠲᠡᠵᠤ ᠬᠡᠯᠡᠭᠰᠡᠨ ᠲᠠᠯ᠎ᠠ᠎ᠪᠠᠷ ᠮᠠᠰᠢ ᠶᠡᠬᠡ ᠢᠲᠡᠭᠡᠬᠥᠯᠬᠥ᠌ ᠬᠦᠴᠤᠨ ᠲᠠᠢ ᠪᠠᠶ᠋ᠢᠳᠠᠭ᠃ ᠶᠡᠷᠤ ᠨᠢ ᠡᠷᠲᠡᠨ᠎ᠳ᠋ᠡᠬᠡᠨ ᠬᠡᠤᠬᠡᠳ᠎ᠢᠶᠠᠨ ᠰᠤᠷᠭᠠᠵᠤ ᠬᠡᠯᠡᠬᠥ᠌ ᠲᠠᠯ᠎ᠠ᠎ᠪᠠᠷ ᠭᠡᠷ᠎ᠤᠨ ᠠᠬᠠᠮᠠᠳ ᠪᠤᠯᠤᠭᠰᠠᠳ ᠦᠪᠡᠷ ᠪᠢ᠎ᠶᠢᠨ ᠬᠡᠪ ᠲᠠᠭᠤᠷᠢᠶᠠᠯ᠎ᠢ ᠶᠡᠬᠡᠲᠡ ᠬᠢᠴᠢᠶᠡᠩᠬᠥᠶ᠋ᠢᠯᠡᠨ᠂ ᠬᠡᠤᠬᠡᠳ᠎ᠤᠨ᠎ᠢᠶᠠᠨ ᠬᠠᠵᠠᠭᠤᠲᠠ ᠬᠡᠯᠡ ᠠᠮᠠ ᠪᠣᠯᠬᠤ᠂ ᠡᠨᠡ ᠲᠡᠷᠡ ᠬᠦᠮᠤᠨ᠎ᠢ ᠮᠠᠭᠤᠯᠠᠵᠤ ᠬᠡᠯᠡᠬᠥ᠌ ᠠᠯᠢ ᠪᠦᠬᠥᠢ ᠡᠪ ᠵᠦᠢ ᠦᠬᠡᠢ ᠦᠭᠡ ᠶᠡᠷᠢᠶ᠎ᠡ ᠤᠶ᠋ᠢᠯᠡ ᠬᠦᠲᠡᠯᠤᠯ᠎ᠢ ᠴᠢᠩᠭ᠎ᠠ ᠴᠡᠭᠡᠷᠯᠡᠳᠡᠭ᠃ ᠡᠬᠦᠨ᠎ᠤ ᠲᠠᠭᠠᠤ ᠬᠡᠤᠬᠡᠳ᠎ᠤᠨ᠎ᠢᠶᠠᠨ ᠬᠦᠯᠢᠶᠡᠨ ᠠᠪᠬᠤ ᠴᠢᠲᠠᠪᠤᠷᠢ᠎ᠶᠢ ᠪᠠᠶ᠋ᠢᠩᠭᠤ ᠠᠩᠬᠠᠷᠴᠤ᠌᠂ ᠭᠡᠷ᠎ᠤᠨ ᠭᠠᠳᠠᠨᠠᠬᠢ ᠠᠵᠢᠯ ᠬᠦᠲᠡᠯᠮᠤᠷᠢ᠎ᠶᠢ ᠵᠣᠷᠢᠯᠭ᠎ᠠ ᠲᠠᠢ ᠬᠢᠯᠭᠡᠬᠥ᠌ ᠮᠡᠲᠣ ᠪᠠᠷ ᠬᠦᠳᠦᠯᠦᠨ ᠲᠠᠭᠠᠭᠤᠯᠵᠤ᠂ ᠦᠭᠡ ᠤᠶ᠋ᠢᠯᠡ᠎ᠪᠠᠷ᠎ᠢᠶᠠᠨ ᠪᠡᠶᠡᠴᠢᠯᠡᠨ ᠬᠢᠵᠦ ᠦᠵᠡᠬᠥᠯᠬᠦ᠎ᠶᠢ ᠶᠡᠬᠡᠲᠡ ᠡᠷᠬᠢᠮᠯᠡᠳᠡᠭ᠃ ᠶᠠᠭ ᠢ᠌ᠢᠮᠤ᠎ᠡᠴᠨ 《ᠲᠡᠷᠡ ᠬᠡᠤᠬᠡᠳ ᠴᠢᠨᠢ ᠡᠴᠢᠭᠡ ᠡᠬᠡ᠎ᠪᠠᠨ ᠲᠠᠭᠤᠷᠢᠶᠠᠭᠰᠠᠨ ᠴᠢᠬᠢ ᠵᠦᠭᠡᠯᠡᠨ ᠰᠠᠶ᠋ᠢᠨ ᠬᠡᠤᠬᠡᠳ ᠰᠢᠤ᠂ ᠠᠭᠠᠰᠢ ᠵᠠᠩ ᠨᠢ ᠴᠤ᠌ ᠡᠴᠢᠭᠡ ᠡᠬᠡ ᠲᠠᠢ᠎ᠪᠠᠨ ᠡᠬᠡᠬᠡ ᠠᠲᠠᠯᠢᠬᠠᠨ ᠪᠠᠶ᠋ᠢᠬᠤ ᠦᠭᠡᠢ ᠤᠤ ?》 ᠭᠡᠬᠥ᠌ ᠮᠡᠲᠤ᠎ᠪᠠᠷ ᠮᠤᠷᠠᠯ ᠰᠠᠢᠳᠠᠢ ᠬᠡᠤᠬᠡᠳ᠎ᠢ ᠮᠠᠬᠳᠠᠨ ᠰᠠᠢᠰᠢᠶᠠᠬᠤ ᠤᠴᠠᠷᠠᠯ ᠳᠠᠩᠳᠠ ᠲᠤᠬᠢᠶᠠᠯᠳᠤᠳᠠᠭ᠃ ᠭᠡᠲᠡᠯ᠎ᠡ ᠤᠲᠣᠬᠠᠨ ᠳ᠋ᠤ ᠡᠴᠢᠭᠡ ᠡᠭᠡᠴᠦᠦᠯ ᠨᠢ ᠬᠡᠤᠬᠡᠳ᠎ᠢᠶᠡᠨ ᠵᠢᠭᠠᠵᠤ ᠰᠤᠷᠭᠠᠬᠤ ᠳ᠋ᠠᠭᠠᠨ ᠬᠡᠤᠬᠡᠳ᠎ᠢᠶᠡᠨ ᠯᠡ ᠱᠠᠭᠠᠷᠳᠠᠬᠤ ᠡᠴᠡ ᠪᠢᠰᠢ᠂ ᠦᠪᠡᠷ ᠪᠡᠶ᠎ᠡ ᠪᠠᠨ ᠮᠠᠰᠢ ᠰᠤᠯᠠ ᠲᠠᠯᠪᠢᠵᠤ᠂ ᠠᠵᠢᠯ ᠠᠮᠢᠳᠤᠷᠠᠯ ᠳ᠋ᠤ ᠪᠠᠨ ᠬᠠᠰᠢ ᠶᠠᠰᠢ ᠬᠠᠨᠳᠤᠬᠤ ᠦᠵᠡᠭᠳᠡᠯ ᠬᠠᠷᠠᠭᠳᠠᠵᠤ ᠪᠠᠢᠳᠠᠭ᠃ ᠡᠨᠡ ᠨᠢ ᠨᠢᠭᠡ ᠬᠡᠤᠬᠡᠳ᠎ᠤᠨ ᠬᠦᠮᠤᠵᠢᠯ ᠪᠤᠯᠪᠠᠰᠤᠷᠠᠯ ᠰᠠᠶ᠋ᠢᠲᠠᠢ᠂ ᠡᠷᠡᠬᠥᠯ ᠰᠠᠷᠠᠭᠤᠯ ᠦᠰᠤᠨ ᠪᠤᠶ᠋ᠢᠵᠢᠬᠤ᠎ᠳᠤ ᠰᠢᠭᠤᠳ ᠪᠤᠶᠤ ᠳᠠᠮ᠎ᠢᠶᠠᠷ ᠤᠷᠰᠢᠭ ᠶᠠᠷᠰᠢᠭ ᠪᠤᠯᠵᠤ ᠮᠡᠳᠡᠨ᠎ᠡ᠃

ᠡᠢᠮᠦ ᠡᠴᠠ ᠪᠢᠳᠠ 《ᠭᠡᠷ᠎ᠦᠨ ᠬᠦᠮᠤᠵᠢᠯ ᠭᠡᠭᠡᠷᠡᠯ᠎ᠦᠨ ᠦᠨᠲᠤᠰᠤ》 ᠭᠡᠲᠡᠭ ᠶᠤᠰᠤ ᠤᠴᠢᠷ᠎ᠢ ᠬᠦᠨ ᠤᠬᠠᠭᠠᠷᠠᠵᠤ᠂ ᠬᠡᠤᠬᠡᠳ᠎ᠤᠨ᠎ᠢᠶᠠᠨ ᠠᠯᠤᠰ ᠢᠷᠡᠭᠡᠲᠤᠢ᠎ᠳᠤ ᠬᠠᠷᠢᠭᠤᠴᠠᠬᠤ ᠬᠤᠯᠠ᠎ᠶᠢᠨ ᠬᠠᠷᠠᠴᠠ ᠲᠠᠢ ᠪᠠᠶ᠋ᠢᠬᠤ ᠬᠡᠷᠡᠭᠲᠠᠢ᠃ ᠲᠠᠷᠤᠢ ᠡᠴᠢᠭᠡ ᠡᠬᠡ ᠪᠤᠯᠤᠭᠰᠠᠳ ᠤᠷᠢᠳ ᠵᠢᠡᠷ ᠵᠦᠪ ᠦᠵᠡᠯ ᠰᠤᠷᠲᠠᠯ ᠲᠠᠢ ᠪᠤᠯᠬᠤ ᠵᠢ ᠬᠢᠴᠢᠶᠡᠵᠦ᠂ ᠡᠳᠦᠷ ᠲᠤᠳᠤᠮ ᠭᠡᠷ᠎ᠤᠨ ᠬᠦᠮᠦᠵᠢᠯ᠎ᠤᠨ ᠲᠤᠬᠠᠢ ᠮᠡᠳᠡᠯᠭᠡ ᠮᠡᠳᠡᠴᠡ ᠵᠢ ᠰᠤᠷᠤᠯᠴᠠᠵᠤ᠂ ᠠᠮᠢᠲᠤᠷᠠᠯ ᠲᠤᠮᠲᠡᠭᠢ ᠠᠯᠢ ᠪᠦᠬᠥᠢ ᠵᠢᠵᠢᠭ ᠰᠠᠵᠢᠭ ᠤᠴᠢᠷ ᠶᠠᠪᠤᠲᠠᠯ᠎ᠳᠤ ᠴᠤ᠌ ᠬᠢᠴᠢᠶᠡᠮᠡᠲᠡᠬᠡᠢ ᠬᠠᠨᠲᠤᠵᠤ᠂ ᠬᠡᠤᠬᠡᠳ᠎ᠤᠨ ᠬᠦᠮᠤᠵᠢᠯ᠎ᠳᠤ ᠬᠦᠨᠲᠣ ᠬᠠᠷᠢᠭᠤᠴᠠᠯᠭ᠎ᠠ ᠲᠠᠢ ᠪᠠᠶ᠋ᠢᠬᠤ ᠪᠠᠨ ᠰᠠᠶ᠋ᠢᠲᠤᠷ ᠲᠤᠩᠭᠠᠨ ᠪᠤᠲᠤᠭᠤᠰᠢᠲᠠᠢ᠃

ᠣᠷᠴᠢᠭᠤᠯᠤᠭ᠍ᠴᠢ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠲᠤᠮᠳᠠᠳᠤ ᠤᠯᠤᠰ᠎ᠤᠨ ᠮᠤᠩᠭᠤᠯ ᠬᠡᠯᠡᠡ᠎ᠤ ᠰᠤᠨᠢᠠ ᠮᠠᠳᠡᠭᠡ᠎ᠶ᠋ᠢᠨ ᠰᠦᠯᠵᠢᠶ᠎ᠠ
ᠢᠷᠡᠯᠲᠡ᠄
ᠬᠤᠪᠢᠶᠠᠯᠴᠠᠬᠤ᠄

2008-2025 © ᠳᠤᠮᠳᠠᠳᠤ ᠤᠯᠤᠰ᠎ᠤᠨ ᠮᠤᠩᠭᠤᠯ ᠬᠡᠯᠡᠨ᠎ᠤ ᠰᠤᠨᠢᠨ ᠮᠡᠳᠡᠭᠡᠨ᠎ᠤ ᠰᠦᠯᠵᠢᠶ᠎ᠡ ᠦᠮᠴᠢᠯᠡᠯ᠎ᠤᠨ ᠡᠷᠬᠡ᠎ᠲᠠᠢ

ᠵᠤᠬᠢᠶᠠᠭᠴᠢ᠎ᠶᠢᠨ ᠡᠷᠬᠡ ᠬᠠᠤᠯᠢ᠎ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ᠎ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ᠎ᠶᠢ ᠬᠠᠲᠠᠭᠤ ᠬᠤᠷᠢᠭᠯᠠᠨ᠎ᠠ

ᠬᠠᠷᠢᠯᠴᠠᠬᠤ ᠤᠲᠠᠰᠤ᠄0471-6635435

ᠢᠮᠧᠯ᠄mgyxww@163.com   蒙ICP备10000005号