2026 ᠣᠨᠤ ᠫᠠᠷᠢᠰᠤᠨ ᠨᠣᠮ ᠪᠢᠴᠢᠭᠦᠨ ᠨᠠᠢᠷ 17ᠤ᠋ ᠡᠳᠦᠷᠡᠴᠡ 19ᠤ᠋ ᠡᠳᠦᠷ ᠪᠣᠯᠲᠠᠯᠠ ᠹᠷᠠᠨᠼᠢᠶᠢᠨ ᠫᠠᠷᠢᠰᠤᠨ ᠬᠠᠭᠠᠨᠤ ᠲᠤᠮᠤ ᠣᠷᠳᠣᠨᠳᠤ ᠶᠠᠪᠤᠭᠳᠠᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠪᠯᠡᠯᠦᠨ ᠲᠥᠯᠥᠭᠡᠯᠡᠭᠴᠢᠳᠦᠨ ᠪᠦᠯᠬᠦᠮᠤᠨ ᠬᠢᠨ ᠰᠣᠨᠭᠭᠤᠳᠠᠭ ᠨᠣᠮ ᠪᠢᠴᠢᠭ ᠪᠣᠯᠣᠨ ᠰᠢᠷᠢᠰ ᠰᠣᠶᠣᠯᠤᠨ ᠠᠵᠢᠯᠯᠠᠭᠠᠲᠠᠢ ᠣᠷᠣᠯᠴᠠᠵᠤ᠂ ᠰᠢᠨᠡ ᠴᠠᠭ ᠦᠶᠡᠶᠢᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠪᠯᠡᠯᠦᠨ ᠦᠷᠡ ᠪᠦᠲᠦᠭᠡᠯ ᠪᠣᠯᠣᠨ ᠳᠤᠮᠳᠠᠳᠤᠶᠢᠨ ᠰᠣᠶᠣᠯᠤᠨ ᠷᠢᠳᠢ ᠰᠢᠳᠢᠶᠢ ᠳᠡᠯᠭᠡᠨ ᠦᠵᠡᠭᠦᠯᠵᠡᠢ᠃
ᠲᠣᠰ ᠬᠤᠭᠤᠴᠠᠭᠠᠨᠤ ᠫᠠᠷᠢᠰᠤᠨ ᠨᠣᠮ ᠪᠢᠴᠢᠭᠦᠨ ᠨᠠᠢᠷ ᠨᠢ 《ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ》 ᠵᠢᠡᠷ ᠣᠨᠤ ᠭᠣᠣᠯ ᠰᠡᠳᠦᠪ ᠪᠣᠯᠭᠠᠵᠤ᠂ ᠪᠥᠬᠥ ᠳᠡᠯᠡᠬᠡᠢᠶᠢᠨ 450 ᠰᠢᠬᠠᠮ ᠬᠡᠪᠯᠡᠯᠦᠨ ᠪᠠᠢᠭᠤᠯᠤᠮᠵᠢ ᠴᠤᠭᠯᠠᠷᠠᠵᠠᠢ᠃ ᠬᠤᠸᠠᠨ ᠴᠢᠦ ᠰᠣᠨᠢᠨ ᠮᠡᠳᠡᠭᠡ ᠬᠡᠪᠯᠡᠯᠦᠨ ᠬᠥᠭᠵᠢᠯᠲᠡᠶᠢᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠡᠴᠡ ᠨᠢᠭᠡᠳᠦᠯᠲᠡᠢ ᠲᠥᠯᠥᠪᠵᠢᠭᠦᠯᠦᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠭᠰᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠪᠯᠡᠯᠦᠨ ᠲᠥᠯᠥᠭᠡᠯᠡᠭᠴᠢᠳᠦᠨ ᠪᠦᠯᠬᠦᠮ ᠨᠢ ᠬᠡᠪᠯᠡᠯᠦᠨ ᠡᠲᠡᠭᠡᠳᠦᠨ ᠲᠥᠯᠥᠭᠡᠯᠡᠭᠴᠢ᠂ ᠵᠣᠬᠢᠶᠠᠯᠴᠢ᠂ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠤᠨ ᠤᠯᠠᠮᠵᠢᠯᠠᠭᠴᠢ ᠵᠡᠷᠭᠡ 60 ᠰᠢᠬᠠᠮ ᠬᠥᠮᠥᠨᠢ ᠴᠤᠭᠯᠠᠭᠤᠯᠵᠤ᠂ ᠨᠣᠮ ᠪᠢᠴᠢᠭᠦᠨ ᠦᠵᠡᠭᠦᠯᠭᠡ᠂ ᠤᠳᠬᠠ ᠵᠣᠬᠢᠶᠠᠯᠤᠨ ᠶᠠᠷᠢᠯᠴᠠᠭᠠ᠂ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠦᠵᠡᠭᠦᠯᠭᠡ ᠲᠣᠭᠯᠠᠯᠲᠠ᠂ ᠬᠡᠪᠯᠡᠯᠦᠨ ᠡᠷᠬᠡᠶᠢᠨ ᠬᠠᠮᠲᠤᠷᠠᠯᠴᠠᠭᠠ ᠵᠡᠷᠭᠡ ᠤᠯᠠᠨ ᠡᠰᠢᠲᠦ ᠬᠡᠯᠪᠡᠷᠢᠪᠡᠷ ᠹᠷᠠᠨᠼᠢ ᠵᠢᠴᠢ ᠡᠸᠦ᠋ᠷᠦᠫᠡ ᠲᠢᠪᠦᠨ ᠠᠷᠠᠳ ᠤᠯᠠᠨᠳᠤ ᠪᠣᠰᠣᠭᠠ ᠴᠣᠭᠴᠠᠲᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠳᠦᠷᠢ ᠲᠥᠷᠬᠦᠶᠢ ᠬᠠᠷᠠᠭᠤᠯᠪᠠ᠃
ᠳᠤᠮᠳᠠᠳᠤ ᠤᠯᠤᠰᠤᠨ ᠦᠵᠡᠭᠦᠯᠭᠡᠶᠢᠨ ᠲᠠᠢᠰᠠᠨᠳᠤ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠢ ᠠᠭᠤᠰᠤᠯᠴᠠᠭᠤᠯᠤᠭᠰᠠᠨ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠤᠷᠠᠨ ᠵᠦᠨᠭᠨᠡᠯᠤᠨ ᠤᠳᠬᠠ ᠵᠣᠬᠢᠶᠠᠯ᠂ ᠤᠤᠭᠠᠯ ᠡᠭᠦᠳᠦᠯᠳᠡ ᠵᠢᠨ ᠱᠣᠭ ᠵᠢᠷᠤᠭ᠂ ᠪᠠᠭᠠᠴᠤᠳ ᠬᠡᠦᠬᠡᠳᠦᠨ ᠬᠡᠪᠯᠡᠯ ᠵᠡᠷᠭᠡ ᠨᠣᠮ ᠪᠢᠴᠢᠭᠦᠨ ᠦᠵᠡᠭᠦᠯᠭᠡᠶᠢᠨ ᠲᠣᠭᠣᠷᠢᠭ᠋ᠢ ᠲᠣᠬᠢᠷᠠᠭᠤᠯᠵᠤ᠂ ᠤᠯᠠᠨ ᠲᠦᠷᠦᠯᠦᠨ ᠬᠡᠯᠨ ᠪᠡᠷ 600 ᠭᠠᠷᠤᠢ ᠵᠦᠢᠯ᠂ 1200 ᠭᠠᠷᠤᠢ ᠳᠡᠪᠲᠡᠷ ᠬᠡᠪᠯᠡᠭᠳᠡᠬᠦᠨᠢ ᠢᠯᠡᠷᠡᠭᠦᠯᠵᠦ᠂ 《ᠰᠢ ᠵᠢᠨ ᠫᠢᠩ ᠲᠦᠷᠦᠶᠢ ᠵᠠᠰᠠᠬᠤ ᠲᠤᠬᠠᠢ》 ᠨᠣᠮᠤᠨ ᠨᠢᠭᠡᠳᠦᠭᠡᠷ ᠪᠣᠳᠢᠡᠴᠡ ᠲᠠᠪᠤᠳᠤᠭᠠᠷ ᠪᠣᠳᠢ᠂ 《ᠰᠢᠨᠡ ᠴᠠᠭ ᠦᠶᠡᠶᠢᠨ ᠲᠦᠷᠦᠶᠢ ᠵᠠᠰᠠᠬᠤ ᠲᠤᠬᠠᠢ ᠵᠢᠨ ᠪᠣᠳᠠᠲᠤ ᠲᠡᠮᠳᠡᠭᠯᠡᠯ》 ᠨᠣᠮᠤᠨ ᠨᠢᠭᠡᠳᠦᠭᠡᠷ ᠪᠣᠳᠢ᠂ 《ᠰᠢ ᠵᠢᠨ ᠫᠢᠩ ᠨᠠᠮᠤᠨ ᠲᠡᠦᠬᠡ ᠵᠢᠨ ᠶᠠᠷᠢᠭ᠍ᠰᠠᠨ ᠨᠢ》 ᠵᠡᠷᠭᠡ ᠭᠣᠣᠯ ᠰᠡᠳᠦᠪᠲᠦ ᠬᠡᠪᠯᠡᠭᠳᠡᠬᠦᠨᠦ ᠬᠢᠲᠠᠳ ᠭᠠᠳᠠᠭᠠᠳᠤ ᠬᠡᠯᠡᠨᠦ ᠬᠡᠪᠯᠡᠯ ᠵᠢᠴᠢ ᠤᠯᠤᠰᠤᠨ ᠭᠣᠣᠯᠳᠠᠯᠭᠠ ᠲᠠᠢ ᠬᠡᠪᠯᠡᠯᠦᠨ ᠲᠦᠷᠦᠯ ᠵᠦᠢᠯᠦᠨ 《ᠳᠤᠮᠳᠠᠳᠤᠶᠢᠨ ᠵᠤᠬᠢᠶᠠᠯᠤᠨ ᠬᠥᠮᠥᠷᠭᠡ》 ᠭᠡᠬᠦ ᠬᠢᠲᠠᠳ ᠹᠷᠠᠨᠼᠢ ᠬᠡᠯᠡᠨᠤ ᠬᠠᠷᠢᠴᠠᠭᠤᠯᠤᠭᠰᠠᠨ ᠴᠤᠪᠤᠷᠠᠯ ᠪᠢᠴᠢᠭ ᠵᠡᠷᠭᠡᠶᠢ ᠭᠣᠣᠯᠳᠠᠯᠭᠠᠲᠠᠢ ᠳᠡᠯᠭᠡᠨ ᠦᠵᠡᠭᠦᠯᠪᠡ᠃
ᠦᠵᠡᠭᠦᠯᠭᠡ ᠵᠢᠨ ᠬᠤᠭᠤᠴᠠᠭᠠᠨᠳᠤ᠂ ᠲᠥᠯᠥᠭᠡᠯᠡᠭᠴᠢᠳᠦᠨ ᠪᠦᠯᠬᠦᠮ ᠤᠯᠠᠨ ᠲᠠᠯᠠᠪᠤᠷ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠᠨᠤ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠪᠡ᠃ 17ᠤ᠋ ᠡᠳᠦᠷᠦᠨ 《ᠫᠠᠷᠢᠰᠤᠨ ᠨᠣᠮ ᠪᠢᠴᠢᠭᠦᠨ ᠨᠠᠢᠷᠤᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠠᠯᠠᠭᠤ ᠵᠣᠬᠢᠶᠠᠯᠴᠢᠳᠤᠨ ᠳᠡᠯᠭᠡᠷᠡᠭᠦᠯᠬᠦ ᠠᠵᠢᠯᠯᠠᠭᠠ》 ᠳᠡᠭᠡᠷᠡ ᠴᠧᠨ ᠴᠢᠦ ᠹᠠᠨ᠂ ᠯᠢᠦ ᠲᠦᠩ᠂ ᠯᠢᠶᠠᠩ ᠴᠢᠩ ᠰᠠᠨ ᠵᠡᠷᠭᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠣᠬᠢᠶᠠᠯᠴᠢᠳ ᠹᠷᠠᠨᠼᠢᠶᠢᠨ ᠵᠣᠬᠢᠶᠠᠯᠴᠢ ᠪᠣᠯᠣᠨ ᠬᠡᠪᠯᠡᠯᠦᠨ ᠡᠲᠡᠭᠡᠳᠦᠨ ᠬᠥᠮᠥᠰᠲᠠᠢ ᠶᠠᠷᠢᠯᠴᠠᠵᠤ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠤᠷᠠᠨ ᠵᠦᠨᠭᠨᠡᠯᠤᠨ ᠤᠳᠬᠠ ᠵᠣᠬᠢᠶᠠᠯ ᠪᠣᠯᠣᠨ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠢᠷᠡᠭᠡᠳᠦᠢ ᠵᠡᠷᠭᠡ ᠰᠡᠳᠦᠪᠦᠨ ᠲᠣᠭᠣᠷᠢᠨᠳᠤ ᠰᠤᠳᠤᠯᠤᠨ ᠶᠠᠷᠢᠯᠴᠠᠪᠠ᠃
ᠶᠠᠷᠢᠯᠴᠠᠭᠠ ᠵᠢᠨ ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠭᠰᠠᠨ ᠹᠷᠠᠨᠼᠢᠶᠢᠨ ᠣᠷᠴᠢᠭᠤᠯᠤᠭ᠍ᠴᠢ ᠮᠠᠷᠢᠶᠤᠨ·ᠳ᠋ᠠᠯᠢᠪᠤᠶᠢᠰ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠄《ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠤᠷᠠᠨ ᠵᠦᠨᠭᠨᠡᠯᠤᠨ ᠤᠳᠬᠠ ᠵᠣᠬᠢᠶᠠᠯ ᠨᠢ ᠭᠠᠵᠠᠷ ᠣᠷᠣᠨ᠂ ᠰᠣᠶᠣᠯ ᠪᠠ ᠴᠠᠭᠤᠨ ᠬᠢᠵᠠᠭᠠᠷᠯᠠᠯᠡᠴᠡ ᠳᠠᠪᠠᠵᠤ ᠴᠢᠳᠠᠳᠠᠭ᠂ ᠣᠳᠣᠬᠠᠨᠤ ᠠᠰᠠᠭᠤᠳᠠᠯᠢ ᠰᠢᠨᠵᠢᠯᠡᠨ ᠰᠤᠳᠤᠯᠬᠤ᠂ ᠣᠳᠣ᠌ ᠦᠶᠡᠶᠢᠨ ᠬᠥᠮᠥᠨᠴᠢ ᠴᠢᠨᠠᠷᠢ ᠬᠢᠨᠠᠨ ᠰᠢᠨᠵᠢᠬᠦ ᠪᠦᠲᠦᠮᠵᠢᠲᠡᠶ ᠠᠷᠭᠠ ᠵᠠᠮ ᠮᠥᠨ᠃ ᠡᠢᠮᠦᠡᠴᠡ ᠪᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠤᠷᠠᠨ ᠵᠦᠨᠭᠨᠡᠯᠤᠨ ᠲᠤᠭᠤᠵᠢᠰᠢ ᠮᠠᠰᠢ ᠪᠠᠬᠠᠷᠬᠠᠳᠠᠭ᠂ ᠲᠡᠭᠦᠨᠦ ᠥᠪᠡᠷᠮᠢᠴᠡ ᠬᠠᠷᠠᠭᠠᠰᠤ ᠨᠢ ᠹᠷᠠᠨᠼᠢᠶᠢᠨ ᠤᠩᠰᠢᠭ᠍ᠴᠢᠳᠲᠤ ᠠᠪᠴᠤ ᠬᠡᠯᠡᠪᠡᠯ ᠲᠤᠢᠯᠤᠨ ᠰᠢᠨᠡ ᠰᠡᠪᠡᠭᠦᠨ ᠪᠠᠢᠳᠠᠭ》 ᠭᠡᠪᠡ᠃
ᠣᠢᠯᠠᠭᠠᠭᠰᠠᠨᠢᠶᠠᠷ᠂ ᠳᠤᠮᠳᠠᠳᠤ ᠹᠷᠠᠨᠼᠢᠶᠢᠨ ᠬᠡᠪᠯᠡᠯᠦᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠦ ᠰᠣᠯᠢᠯᠴᠠᠭᠠᠨᠤ ᠬᠤᠷᠠᠯ᠂ ᠨᠣᠮ ᠤᠩᠰᠢᠬᠤ ᠰᠣᠯᠢᠯᠴᠠᠭᠠᠨᠤ ᠪᠠ ᠶᠠᠷᠢᠯᠴᠠᠬᠤ ᠬᠤᠷᠠᠯ᠂ ᠬᠡᠪᠯᠡᠯᠦᠨ ᠡᠷᠬᠡᠶᠢᠨ ᠭᠡᠷᠡ ᠲᠣᠭᠲᠠᠬᠤ᠂ ᠰᠢᠨᠡ ᠨᠣᠮ ᠨᠡᠢᠲᠡᠯᠡᠬᠦ᠂ ᠵᠣᠬᠢᠶᠠᠯᠴᠢ ᠭᠠᠷᠤᠨ ᠥᠰᠥᠭ ᠵᠢᠷᠤᠵᠤ ᠬᠤᠳᠠᠯᠳᠤᠬᠤ ᠵᠡᠷᠭᠡ ᠣᠯᠠᠨ ᠵᠦᠢᠯᠦᠨ ᠬᠡᠪᠯᠡᠯᠦᠨ ᠰᠣᠯᠢᠯᠴᠠᠭᠠᠨᠤ ᠠᠵᠢᠯᠯᠠᠭᠠᠶᠢ ᠦᠵᠡᠭᠦᠯᠭᠡᠶᠢᠨ ᠬᠤᠭᠤᠴᠠᠭᠠᠨᠳᠤ ᠵᠠᠯᠭᠠᠭᠠ ᠪᠠᠷ ᠡᠷᠭᠢᠯᠡᠬᠦ ᠪᠣᠯᠣᠨᠠ᠃
（ᠰᠢᠨᠬᠤᠸᠠ ᠬᠣᠷᠢᠶᠡ ᠵᠢᠨ ᠫᠠᠷᠢᠰᠤᠨ ᠴᠠᠬᠢᠯᠭᠠᠨ ᠮᠡᠳᠡᠭᠡ）