4 ᠰᠠᠷᠠᠶᠢᠨ 17ᠤ ᠡᠳᠦᠷ᠂ ᠰᠤᠷᠪᠤᠯᠵᠢᠯᠠᠭ᠍ᠴᠢ
ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠲᠣᠪᠴᠢᠶᠠᠠᠴᠠ ᠣᠢᠯᠠᠭᠠᠭᠰᠠᠨ
ᠵᠢᠡᠷ᠂ ᠬᠤᠪᠧᠢ ᠮᠤᠵᠢᠶᠢᠨ ᠰᠢᠶᠤᠤ ᠭᠠᠨ ᠬᠣᠲᠠᠶᠢᠨ ᠣᠯᠢᠮᠫᠢᠺᠤᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠲᠥᠪᠦᠨ ᠪᠡᠶᠡᠶᠢᠨ
ᠲᠠᠮᠢᠷᠤᠨ ᠣᠷᠳᠣᠨᠳᠤ ᠡᠷᠭᠢᠯᠡᠭᠰᠡᠨ 2026 ᠣᠨᠤ ᠪᠥᠬᠥ ᠤᠯᠤᠰᠤᠨ ᠵᠠᠯᠠᠭᠤᠴᠤᠳᠤᠨ ᠵᠢᠣᠳᠣᠣᠶᠢᠨ ᠮᠠᠩᠯᠠᠢ
ᠰᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨ (U18 ᠳᠤᠭᠤᠢᠯᠠᠩ᠂ U20 ᠳᠤᠭᠤᠢᠯᠠᠩ ) ᠵᠢᠴᠢ ᠪᠥᠬᠥ ᠤᠯᠤᠰᠤᠨ ᠵᠢᠣᠳᠣᠣᠶᠢᠨ ᠬᠤᠪᠢ ᠲᠡᠮᠳᠡᠭᠯᠡᠬᠦ ᠤᠷᠤᠯᠳᠤᠭᠠᠨ
( ᠬᠣᠶᠠᠳᠤᠭᠠᠷ ᠥᠷᠲᠡᠭᠡ )ᠳᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠠᠩᠭᠢ 2 ᠠᠯᠲᠠᠨ ᠮᠧᠳᠠᠯ᠂ 2 ᠬᠦᠷᠡᠯ ᠮᠧᠳᠠᠯᠤᠨ
ᠭᠠᠷᠮᠠᠭᠠᠢ ᠠᠮᠵᠢᠯᠲᠠ ᠣᠯᠵᠠᠢ᠃
ᠲᠣᠰ ᠤᠳᠠᠭᠠᠨᠤ ᠤᠷᠤᠯᠳᠤᠭᠠᠨᠢ ᠤᠯᠤᠰᠤᠨ
ᠪᠡᠶᠡᠶᠢᠨ ᠲᠠᠮᠢᠷᠤᠨ ᠶᠡᠷᠦᠩᠬᠡᠢ ᠲᠣᠪᠴᠢᠶᠠᠶᠢᠨ ᠬᠦᠨᠳᠦ ᠡᠷᠭᠦᠯᠲᠡ᠂ ᠪᠥᠬᠡ᠂ ᠵᠢᠣᠳᠣᠣᠶᠢᠨ ᠬᠥᠳᠡᠯᠭᠡᠭᠡᠨᠦ
ᠬᠠᠮᠢᠶᠠᠷᠤᠯᠲᠠᠶᠢᠨ ᠲᠥᠪ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠢᠣᠳᠣᠣᠶᠢᠨ ᠨᠡᠢᠭᠡᠮᠯᠢᠭᠡᠴᠡ ᠭᠣᠣᠯᠯᠠᠨ ᠡᠷᠭᠢᠯᠡᠵᠦ᠂
ᠬᠤᠪᠧᠢ ᠮᠤᠵᠢᠶᠢᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠲᠣᠪᠴᠢᠶᠠ᠂ ᠰᠢᠶᠤᠤ ᠭᠠᠨ ᠬᠣᠲᠠᠶᠢᠨ ᠠᠷᠠᠳᠤᠨ ᠵᠠᠰᠠᠭᠤᠨ
ᠣᠷᠳᠣᠨᠠᠴᠠ ᠳᠠᠭᠠᠭᠠᠴᠢᠯᠠᠨ ᠡᠷᠭᠢᠯᠡᠵᠡᠢ᠂ ᠪᠥᠬᠥ ᠤᠯᠤᠰᠤᠨ ᠡᠯᠡ ᠮᠤᠵᠢ（ᠣᠷᠣᠨ᠂ ᠬᠣᠲᠠ） ᠪᠣᠯᠣᠨ ᠠᠵᠢᠯ ᠲᠥᠷᠥᠯᠦᠨ ᠪᠡᠶᠡᠶᠢᠨ
ᠲᠠᠮᠢᠷᠤᠨ ᠨᠡᠢᠭᠡᠮᠯᠢᠭ᠂ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ 32 ᠲᠥᠯᠥᠭᠡᠯᠡᠭᠴᠢᠳᠦᠨ ᠪᠦᠯᠬᠦᠮᠤᠨ
700 ᠭᠠᠷᠤᠢ ᠲᠠᠮᠢᠷᠴᠢᠨ ᠤᠷᠤᠯᠳᠤᠭᠠᠨᠳᠤ ᠨᠡᠷᠡ ᠮᠡᠳᠡᠭᠦᠯᠦᠨ ᠤᠷᠤᠯᠴᠠᠪᠠ᠃ ᠤᠷᠤᠯᠳᠤᠭᠠᠨᠳᠤ ᠡᠷᠡᠭᠲᠡᠢᠶᠢᠨ
ᠵᠢᠣᠳᠣᠣ᠂ ᠡᠮᠡᠭᠲᠡᠢᠶᠢᠨ ᠵᠢᠣᠳᠣᠣ ᠪᠠ ᠡᠷᠡᠭᠲᠡᠢ ᠡᠮᠡᠭᠲᠡᠢᠶᠢᠨ ᠬᠣᠯᠢᠮᠠᠭ ᠬᠠᠮᠲᠤ ᠵᠢᠨ ᠤᠷᠤᠯᠳᠤᠭᠠᠨ ᠭᠡᠬᠦ
ᠭᠤᠷᠪᠠᠨ ᠶᠡᠬᠡ ᠲᠥᠷᠥᠯ ᠢ ᠲᠣᠬᠢᠷᠠᠭᠤᠯᠪᠠ᠃ ᠥᠪᠥᠷ ᠮᠣᠩᠭᠣᠯᠤᠨ ᠠᠩᠭᠢ ᠨᠡᠶ᠋ᠢᠲᠡ 44 ᠲᠠᠮᠢᠷᠴᠢᠨ ᠲᠣᠮᠢᠯᠠᠵᠤ᠂
U18 ᠳᠤᠭᠤᠢᠯᠠᠩᠤᠨ ᠪᠥᠬᠥ 14 ᠲᠠᠰᠤᠨ
ᠤᠷᠤᠯᠳᠤᠭᠠᠨ ᠵᠢᠴᠢ ᠡᠷᠡᠭᠲᠡᠢ ᠡᠮᠡᠭᠲᠡᠢᠶᠢᠨ ᠬᠣᠯᠢᠮᠠᠭ ᠬᠠᠮᠲᠤ ᠵᠢᠨ ᠤᠷᠤᠯᠳᠤᠭᠠᠨ᠂ U20 ᠳᠤᠭᠤᠢᠯᠠᠩᠤᠨ 9 ᠲᠠᠰᠤᠨ ᠤᠷᠤᠯᠳᠤᠭᠠᠨ
ᠵᠢᠴᠢ ᠡᠷᠡᠭᠲᠡᠢ ᠡᠮᠡᠭᠲᠡᠢᠶᠢᠨ ᠬᠣᠯᠢᠮᠠᠭ ᠬᠠᠮᠲᠤᠶᠢᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠭᠤᠯᠪᠠ᠃
9 ᠡᠳᠦᠷᠦᠨ ᠰᠢᠷᠦᠭᠦᠨ ᠲᠡᠮᠡᠴᠡᠭᠡᠨᠢᠶᠡᠷ
ᠳᠠᠮᠵᠢᠨ᠂ ᠥᠪᠥᠷ ᠮᠣᠩᠭᠣᠯᠤᠨ ᠲᠠᠮᠢᠷᠴᠢᠳ 2 ᠠᠯᠲᠠᠨ ᠮᠧᠳᠠᠯ 2 ᠬᠦᠷᠡᠯ ᠮᠧᠳᠠᠯ ᠤᠯᠵᠤ᠂ 3 ᠲᠠᠮᠢᠷᠴᠢᠨ ᠲᠠᠪᠤᠳᠤᠭᠠᠷᠲᠤ᠂
5 ᠲᠠᠮᠢᠷᠴᠢᠨ ᠳᠣᠯᠣᠳᠤᠭᠠᠷᠲᠤ ᠣᠷᠣᠵᠤ᠂ ᠪᠠᠰᠠ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠶᠣᠰᠣ᠌ ᠰᠤᠷᠳᠠᠬᠤᠨᠤᠨ ᠱᠠᠩᠨᠠᠯ
ᠬᠦᠷᠲᠡᠪᠡ᠃ ᠡᠭᠦᠨᠳᠦ᠂ ᠰᠤᠨᠳᠤᠷ U18 ᠳᠤᠭᠤᠢᠯᠠᠩᠤᠨ ᠡᠷᠡᠭᠲᠡᠢᠶᠢᠨ 73 ᠺᠢᠯᠣᠭ᠌ᠷᠠᠮᠤᠨ ᠲᠡᠰᠤᠨ ᠮᠠᠩᠯᠠᠢ ᠵᠢᠴᠢ U18 ᠳᠤᠭᠤᠢᠯᠠᠩᠤᠨ ᠬᠠᠮᠤᠭ ᠰᠠᠢᠨ
ᠮᠡᠷᠭᠡᠵᠢᠯᠦᠨ ᠱᠠᠩᠨᠠᠯᠢ ᠬᠦᠷᠲᠡᠵᠦ᠂ ᠵᠢᠷᠭᠠᠯᠰᠠᠢᠬᠠᠨ U20 ᠳᠤᠭᠤᠢᠯᠠᠩᠤᠨ ᠡᠷᠡᠭᠲᠡᠢᠶᠢᠨ
90 ᠺᠢᠯᠣᠭ᠌ᠷᠠᠮᠤᠨ ᠲᠡᠰᠤᠨ ᠮᠠᠩᠯᠠᠢ᠂ ᠰᠢᠭᠤᠷᠭᠠᠨ U18 ᠳᠤᠭᠤᠢᠯᠠᠩᠤᠨ ᠡᠷᠡᠭᠲᠡᠢᠶᠢᠨ
73 ᠺᠢᠯᠣᠭ᠌ᠷᠠᠮᠤᠨ ᠲᠡᠰᠤᠨ ᠭᠤᠲᠠᠭᠠᠷᠲᠤ ᠣᠷᠣᠵᠤ᠂ ᠢᠳᠡᠷᠵᠠᠨᠠ U20 ᠳᠤᠭᠤᠢᠯᠠᠩᠤᠨ ᠡᠷᠡᠭᠲᠡᠢᠶᠢᠨ
100 ᠺᠢᠯᠣᠭ᠌ᠷᠠᠮᠠᠴᠠ ᠳᠡᠭᠡᠭᠰᠢᠬᠢ ᠲᠡᠰᠤᠨ ᠭᠤᠲᠠᠭᠠᠷᠲᠤ ᠣᠷᠣᠵᠠᠢ᠃