ᠦᠷᠯᠦᠬᠡ ᠵᠢᠨ ᠨᠠᠷᠠᠨᠢᠶᠡᠷ ᠬᠤᠯᠠ ᠭᠦᠶᠦᠬᠦ᠂ ᠬᠢᠴᠢᠶᠡᠯᠤᠨ ᠵᠠᠪᠰᠠᠷᠯᠠᠭᠠ ᠳ᠋ᠤ ᠬᠠᠨᠤᠳᠠᠯᠠ ᠨᠠᠭᠠᠳᠬᠤ᠂ ᠤᠨᠴᠠᠯᠢᠭᠳᠤ ᠳᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨ ᠳ᠋ᠤ ᠢᠳᠡᠪᠬᠢᠳᠡᠢ ᠤᠷᠤᠯᠴᠠᠬᠤ ᠁ ᠡᠨᠡ ᠵᠢᠯᠤᠨ 4 ᠰᠠᠷᠠ ᠳ᠋ᠤ ᠦᠪᠡᠷᠳᠡᠬᠡᠨ ᠵᠠᠰᠬᠠᠤ ᠤᠷᠤᠨᠤ ᠰᠤᠷᠭᠠᠨ ᠬᠦᠮᠦᠵᠢᠯᠤᠨ ᠲᠢᠩᠬᠢᠮ ᠳᠤᠰᠬᠠᠢ ᠰᠡᠳᠦᠪᠳᠤ ᠠᠬᠢᠭᠤᠯᠬᠤ ᠬᠤᠷᠠᠯ ᠬᠢᠵᠦ᠂ ᠪᠦᠬᠦ ᠤᠷᠤᠨᠤ ᠬᠡᠪᠴᠢᠶᠡᠨ ᠳ᠋ᠤ 《ᠡᠷᠡᠬᠦᠯ ᠮᠡᠨᠳᠤ ᠵᠢ ᠳᠡᠷᠢᠬᠦᠨ ᠳ᠋ᠤ ᠳᠠᠯᠪᠢᠬᠤ》 ᠠᠵᠢᠯᠢ ᠬᠦᠨᠵᠡᠬᠡᠢ ᠨᠠᠢᠳᠠᠪᠤᠷᠢᠵᠢᠭᠤᠯᠵᠤ᠂ ᠨᠢᠬᠡ ᠪᠦᠯᠦᠭ ᠲᠦᠬᠡᠮᠡᠯᠵᠢᠬᠦᠯᠵᠤ ᠪᠤᠯᠬᠤ ᠵᠢᠱ᠌ᠢᠶᠠ ᠦᠵᠡᠬᠦᠯᠬᠦ ᠰᠤᠷᠭᠠᠭᠤᠯᠢ ᠵᠢ ᠪᠤᠢ ᠪᠤᠯᠭᠠᠬᠤ ᠪᠡᠷ ᠳᠤᠳᠤᠷᠬᠠᠢ ᠱᠠᠭᠠᠷᠳᠠᠵᠠᠢ᠃ 《ᠡᠷᠡᠬᠦᠯ ᠮᠡᠨᠳᠤ ᠵᠢ ᠳᠡᠷᠢᠬᠦᠨ ᠳ᠋ᠤ ᠳᠠᠯᠪᠢᠬᠤ》 ᠤᠢᠯᠠᠭᠠᠭᠳᠠᠬᠤᠨᠢ ᠨᠠᠢᠳᠠᠪᠤᠷᠢᠵᠢᠭᠤᠯᠬᠤᠶᠢᠨ ᠭᠤᠤᠯᠳᠠᠯᠭᠠ ᠨᠢ ᠰᠤᠷᠤᠭᠴᠢᠳᠤᠨ ᠪᠡᠶᠡ ᠮᠠᠬᠠᠪᠤᠳᠤᠨ ᠡᠷᠡᠭᠦᠯ ᠴᠢᠬᠢᠷᠠᠭᠢ ᠠᠬᠢᠭᠤᠯᠬᠤ᠂ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠬᠦᠮᠦᠵᠢᠯᠢ ᠴᠢᠬᠤᠯᠠᠴᠢᠯᠠᠬᠤ ᠳ᠋ᠤ ᠪᠤᠢ᠃ ᠡᠨᠡ ᠲᠤᠬᠠᠢ ᠦᠪᠦᠷ ᠮᠤᠩᠭᠤᠯᠤᠨ ᠡᠯᠠ ᠱᠠᠳᠤᠨᠤ ᠡᠯᠠ ᠰᠤᠷᠭᠠᠭᠤᠯᠢ ᠦᠪᠡᠷ ᠦᠪᠡᠷᠤᠨ ᠬᠠᠷᠢᠭᠤᠯᠳᠠ ᠪᠠᠨ ᠲᠤᠰᠢᠶᠠᠯᠠ᠃
ᠳᠠᠮᠢᠷᠤᠨ ᠬᠢᠴᠢᠶᠡᠯᠢ ᠨᠢᠬᠡ ᠴᠤᠭᠴᠠᠵᠢᠭᠤᠯᠤᠨ ᠠᠬᠢᠭᠤᠯᠤᠨᠠ
ᠬᠦᠯ ᠪᠦᠮᠪᠦᠬᠡ᠂ ᠰᠠᠭᠰᠤᠨ ᠪᠦᠮᠪᠦᠬᠡ᠂ ᠦᠳᠦᠨ ᠪᠦᠮᠪᠦᠬᠡ᠂ ᠫᠢᠩᠫᠤᠩ ᠪᠦᠮᠪᠦᠬᠡ ᠵᠢᠨ ᠤᠷᠤᠯᠳᠤᠭᠠᠨ ᠁ ᠤᠢᠷᠠ ᠵᠢᠨ ᠡᠳᠦᠷ ᠬᠦᠬᠡᠬᠤᠳᠠ ᠵᠢᠨ ᠭᠤᠴᠢᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ （ᠥᠪᠥᠷ ᠮᠣᠩᠭᠣᠯᠤᠨ ᠪᠠᠭ᠍ᠰᠢᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠬᠠᠷᠢᠶᠠᠲᠤ ᠬᠣᠶᠠᠳᠤᠭᠠᠷ ᠰᠤᠷᠭᠠᠭᠤᠯᠢ） ᠵᠢᠨ 《ᠨᠡᠷᠡᠨ ᠬᠡᠷᠡᠯᠳᠦ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠤᠯᠠᠷᠢᠯ》 ᠤ᠋ᠨ ᠠᠵᠢᠯᠯᠠᠭᠠ ᠬᠦᠭᠵᠢᠶᠡᠨᠳᠡᠢ ᠶᠠᠪᠤᠭᠳᠠᠵᠤ᠂ ᠰᠤᠷᠤᠭ᠍ᠴᠢᠳ ᠡᠳᠦᠷ ᠪᠦᠷᠢ 2 ᠴᠠᠭᠠᠴᠠ ᠳᠤᠲᠠᠭᠤ ᠦᠭᠡᠢ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨ ᠳ᠋ᠤ ᠤᠷᠤᠯᠴᠠᠬᠤ ᠵᠢ ᠦᠨᠡᠨ ᠬᠦ᠌ ᠪᠠᠳᠤᠯᠠᠵᠤ ᠪᠠᠢᠯᠠ᠃ ᠳᠤᠰ ᠰᠤᠷᠭᠠᠭᠤᠯᠢ ᠵᠢᠯ ᠪᠦᠷᠢ ᠶ᠋ᠢᠨ 3 ᠰᠠᠷᠠ ᠠ᠋ᠴᠠ 7 ᠰᠠᠷᠠ ᠵᠢ ᠰᠤᠷᠭᠠᠭᠤᠯᠢ ᠶ᠋ᠢᠨ 《ᠨᠡᠷᠡᠨ ᠬᠡᠷᠡᠯᠳᠦ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠤᠯᠠᠷᠢᠯ》 ᠵᠢᠡᠷ ᠳᠤᠭᠳᠠᠭᠠᠵᠤ᠂ ᠤᠯᠠᠨ ᠵᠦᠢᠯᠤᠨ ᠤᠷᠤᠯᠳᠤᠭᠠᠨᠢ ᠵᠠᠯᠭᠠᠭᠠ ᠪᠡᠷ ᠶᠠᠪᠤᠭᠳᠠᠭᠤᠯᠵᠤ᠂ ᠰᠤᠷᠤᠭᠴᠢ ᠨᠢᠬᠡᠪᠦᠷᠢ ᠵᠢᠨ ᠤᠷᠤᠯᠴᠠᠬᠤ ᠵᠢ ᠳᠠᠢᠴᠢᠯᠠᠳᠠᠭ᠃
ᠤᠨ ᠨᠢᠬᠡᠴᠢ ᠵᠢᠨ ᠬᠤᠭᠤᠷᠤᠨᠳᠤᠬᠢ ᠠᠯᠠᠭᠠᠳᠠᠬᠤ ᠪᠦᠮᠪᠦᠬᠡ᠂ ᠰᠠᠭᠰᠤᠨ ᠪᠦᠮᠪᠦᠬᠡ ᠵᠢᠨ ᠤᠷᠤᠯᠳᠤᠭᠠᠨ᠂ ᠬᠤᠪᠢ ᠬᠦᠮᠦᠨᠤ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠵᠢ ᠰᠤᠷᠢᠭᠰᠠᠨ ᠦᠳᠦᠨ ᠪᠦᠮᠪᠦᠬᠡ᠂ ᠫᠢᠩᠫᠤᠩ ᠪᠦᠮᠪᠦᠬᠡ ᠵᠢᠨ ᠤᠷᠤᠯᠳᠤᠭᠠᠨ᠂ ᠬᠦᠴᠦ ᠤᠬᠠᠭᠠᠨ ᠤᠷᠠ ᠮᠡᠷᠬᠡᠵᠢᠯᠢ ᠰᠤᠷᠢᠭᠰᠠᠨ ᠪᠦᠬᠡ ᠪᠠᠷᠢᠯᠳᠤᠭᠠᠨ᠂ ᠳᠡᠬᠡᠰᠤ ᠦᠰᠦᠷᠬᠦ ᠤᠷᠤᠯᠳᠤᠭᠠᠨ ᠵᠡᠷᠬᠡ ᠨᠢ ᠰᠤᠷᠤᠭᠴᠢᠳᠤᠨ ᠬᠢᠴᠢᠶᠡᠯᠦᠨ ᠭᠠᠳᠠᠨᠠᠬᠢ ᠠᠮᠢᠳᠤᠷᠠᠯᠢ ᠪᠠᠶᠠᠯᠢᠭ᠍ᠵᠢᠭᠤᠯᠵᠤ᠂ ᠰᠤᠷᠤᠭ᠍ᠴᠢᠳᠲᠤ ᠪᠡᠶᠡ ᠮᠠᠬᠠᠪᠤᠳᠢᠶᠠᠨ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠬᠤ᠂ ᠴᠣᠭ ᠵᠢᠪᠬᠤᠭᠠᠪᠠᠨ ᠭᠠᠢᠬᠠᠭᠤᠯᠬᠤ ᠲᠠᠪᠴᠠᠩ ᠬᠠᠩᠭᠠᠵᠤ᠂ ᠰᠤᠷᠤᠯᠭᠠᠶᠢᠨ ᠳᠠᠷᠤᠭᠠᠰᠤᠶᠢ ᠪᠦᠲᠦᠮᠵᠢᠲᠡᠶ ᠬᠥᠩᠭᠡᠷᠡᠭᠦᠯᠦᠨ᠂ ᠨᠠᠷᠠᠨ ᠬᠡᠷᠡᠯᠳᠤ ᠦᠰᠦᠨ ᠪᠤᠢᠵᠢᠯᠳᠠ ᠵᠢ ᠵᠠᠯᠠᠭᠤ ᠨᠠᠰᠤᠨᠤ ᠦᠵᠡᠰᠬᠦᠯᠡᠩᠲᠦ ᠰᠠᠢᠬᠠᠨ ᠳᠡᠪᠢᠰᠬᠡᠷ ᠦᠩᠬᠡ ᠪᠤᠯᠭᠠᠵᠤ ᠪᠠᠢᠯᠠ᠃
《ᠮᠠᠨᠤ ᠰᠤᠷᠭᠠᠭᠤᠯᠢ ᠪᠡᠶᠠ ᠵᠢᠨ ᠳᠠᠮᠢᠷᠤᠨ ᠬᠢᠴᠢᠶᠡᠯᠢ ᠬᠦᠢᠴᠡᠳ ᠨᠡᠬᠡᠬᠡᠬᠦ ᠵᠢᠨ ᠳᠠᠭᠠᠤ ᠡᠳᠦᠷ ᠪᠦᠷᠢ ᠵᠢᠨ 16᠄ 00 ︱ 16᠄ 50 ᠶ᠋ᠢ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠬᠡᠯᠲᠡᠰᠦᠨ ᠬᠢᠴᠢᠶᠡᠯᠦᠨ ᠭᠠᠳᠠᠨᠠᠬᠢ ᠬᠥᠳᠡᠯᠭᠡᠭᠡᠨᠦ ᠴᠠᠭᠢᠶᠠᠷ ᠲᠣᠭᠲᠠᠭᠠᠵᠤ᠂ ᠬᠢᠴᠢᠶᠡᠯᠦᠨ ᠭᠠᠳᠠᠨᠠᠬᠢ ᠬᠥᠳᠡᠯᠭᠡᠭᠡᠨ ᠪᠠ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠬᠢᠴᠢᠶᠡᠯᠦᠨ ᠵᠣᠯᠭᠠᠯᠴᠠᠭᠠᠶᠢ ᠰᠢᠯᠢᠳᠡᠭᠵᠢᠭᠦᠯᠵᠦ ᠪᠠᠢᠨᠠ》 ᠬᠡᠵᠦ ᠰᠤᠷᠭᠠᠭᠤᠯᠢ ᠵᠢᠨ ᠳᠠᠮᠢᠷᠤᠨ ᠳᠤᠭᠤᠢᠯᠠᠩᠤᠨ ᠳᠠᠷᠤᠭᠠ ᠪᠢᠯᠢᠭᠳᠦ ᠪᠠᠭᠰᠢ ᠳᠠᠨᠢᠯᠴᠠᠭᠤᠯᠤᠯᠠ᠃
ᠳᠤᠰ ᠰᠤᠷᠭᠠᠭᠤᠯᠢ 12 ᠵᠢᠯᠤᠨ ᠲᠦᠷᠢᠮᠳᠤ ᠰᠤᠷᠭᠠᠭᠤᠯᠢ ᠪᠤᠯᠤᠭᠰᠠᠨᠤ ᠬᠤᠪᠢ ᠳ᠋ᠤ᠂ ᠪᠡᠶᠠ ᠵᠢᠨ ᠳᠠᠮᠢᠷᠤᠨ ᠬᠦᠮᠦᠵᠢᠯᠢ ᠱᠠᠳᠤ ᠱᠠᠳᠤ ᠪᠡᠷ ᠵᠤᠯᠭᠠᠭᠤᠯᠵᠤ᠂ 《ᠪᠠᠭᠠ ᠰᠤᠷᠭᠠᠭᠤᠯᠢ ᠳ᠋ᠤ ᠰᠠᠭᠤᠷᠢ ᠳᠠᠯᠪᠢᠬᠤ᠂ ᠠᠩᠬᠠ ᠳᠤᠮᠳᠠᠳᠤ ᠳ᠋ᠤ ᠴᠢᠳᠠᠪᠤᠷᠢ ᠵᠢ ᠳᠡᠬᠡᠭᠰᠢᠯᠡᠬᠦᠯᠬᠦ᠂ ᠦᠨᠳᠦᠷ ᠳᠤᠮᠳᠠᠳᠤ ᠳ᠋ᠤ ᠳᠤᠰᠬᠠᠢ ᠮᠡᠷᠬᠡᠵᠢᠯ ᠵᠢᠡᠷ ᠬᠦᠮᠦᠵᠢᠬᠦᠯᠬᠦ》 ᠨᠢᠬᠡ ᠴᠤᠭᠴᠠᠵᠢᠭᠤᠯᠤᠭᠰᠠᠨ ᠬᠢᠴᠢᠶᠡᠯᠤᠨ ᠰᠢᠰᠲᠧᠮᠢ ᠪᠠᠢᠭᠤᠯᠵᠤ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢᠨ ᠱᠠᠳᠤᠨ ᠳ᠋ᠤ ᠰᠤᠷᠤᠭᠴᠢᠳᠤᠨ ᠳᠠᠮᠢᠷᠤᠨ ᠬᠢᠴᠢᠶᠡᠯᠤᠨ ᠳᠤᠷᠠ ᠰᠤᠨᠢᠷᠬᠠᠯ᠂ ᠳᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨ ᠳ᠋ᠤ ᠤᠷᠤᠯᠴᠠᠬᠤ ᠳᠠᠳᠬᠠᠯᠢ ᠬᠦᠮᠦᠵᠢᠬᠦᠯᠬᠦ ᠵᠢ ᠴᠢᠬᠤᠯᠠᠴᠢᠯᠠᠵᠤ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢᠨ ᠳᠡᠬᠡᠳᠤ ᠤᠨ ᠡᠴᠡ ᠡᠬᠢᠯᠡᠨ ᠠᠩᠬᠠ ᠳᠤᠮᠳᠠᠳᠤ ᠵᠢᠨ ᠪᠡᠶᠠ ᠵᠢᠨ ᠳᠠᠮᠢᠷᠤᠨ ᠰᠢᠯᠭᠠᠯᠳᠠ ᠵᠢᠨ ᠠᠭᠤᠯᠭᠠ ᠳ᠋ᠤ ᠬᠠᠨᠳᠤᠭᠤᠯᠤᠨ ᠳᠠᠮᠢᠷᠤᠨ ᠴᠢᠳᠠᠪᠤᠷᠢ ᠵᠢᠨ ᠦᠨᠳᠦᠰᠦᠨ ᠪᠤᠯᠪᠠᠰᠤᠷᠠᠯᠢ ᠴᠢᠩᠭᠠᠳᠬᠠᠵᠤ᠂ ᠠᠩᠬᠠ ᠳᠤᠮᠳᠠᠳᠤ ᠵᠢᠨ ᠱᠠᠳᠤᠨ ᠳ᠋ᠤ ᠦᠨᠳᠦᠷ ᠵᠡᠷᠬᠡ ᠵᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳ᠋ᠤ ᠲᠠᠪᠰᠢᠬᠤ ᠰᠢᠯᠭᠠᠯᠳᠠ ᠵᠢᠨ ᠳᠤᠰᠬᠠᠢ ᠲᠦᠷᠦᠯᠤᠨ ᠳᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨᠤ ᠤᠷᠠ ᠴᠢᠳᠠᠪᠤᠷᠢ ᠵᠢ ᠪᠤᠯᠪᠠᠰᠤᠷᠠᠩᠭᠤᠢ ᠡᠵᠡᠮᠰᠢᠬᠦᠯᠵᠦ᠂ ᠦᠨᠳᠦᠷ ᠳᠤᠮᠳᠠᠳᠤ ᠵᠢᠨ ᠱᠠᠳᠤᠨ ᠳ᠋ᠤ ᠳᠤᠰᠬᠠᠢ ᠲᠦᠷᠦᠯᠤᠨ ᠳᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨᠤ ᠤᠷᠠ ᠮᠡᠷᠬᠡᠵᠢᠯᠢ ᠬᠦᠨᠵᠡᠬᠡᠢᠷᠡᠬᠦᠯᠵᠦ᠂ ᠰᠤᠷᠤᠭᠴᠢ ᠨᠢᠬᠡᠪᠦᠷᠢ ᠳ᠋ᠤ 1 — 2 ᠵᠦᠢᠯᠤᠨ ᠳᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨᠤ ᠳᠤᠰᠬᠠᠢ ᠮᠡᠷᠬᠡᠵᠢᠯᠢ ᠡᠵᠡᠮᠰᠢᠬᠦᠯᠬᠦ ᠪᠡᠷ ᠵᠢᠭᠠᠨ ᠰᠤᠷᠭᠠᠯᠳᠠ ᠵᠢᠨ ᠬᠠᠷᠠᠯᠳᠠ ᠪᠠᠨ ᠪᠤᠯᠭᠠᠵᠠᠢ᠃ 《ᠮᠠᠨᠤ ᠰᠤᠷᠭᠠᠭᠤᠯᠢ ᠨᠠᠷᠠᠨ ᠬᠡᠷᠡᠯᠳᠤ ᠪᠡᠶᠠ ᠵᠢᠨ ᠳᠠᠮᠢᠷᠤᠨ ᠤᠯᠠᠷᠢᠯᠤᠨ ᠠᠵᠢᠯᠯᠠᠭᠠ ᠵᠢ ᠵᠢᠯ ᠳ᠋ᠤ 2 ᠤᠳᠠᠭᠠ ᠡᠷᠬᠢᠯᠡᠵᠦ᠂ ᠶᠡᠬᠡ ᠬᠦᠨᠳᠦᠳᠬᠡᠨ ᠴᠢᠬᠤᠯᠠᠴᠢᠯᠠᠳᠠᠭ᠃ ᠰᠤᠷᠤᠭᠴᠢ ᠪᠤᠯᠭᠠᠨ ᠤᠷᠤᠯᠴᠠᠬᠤ ᠵᠢ ᠱᠠᠭᠠᠷᠳᠠᠵᠤ ᠤᠷᠢᠶᠠᠯᠠᠳᠠᠭ᠃ ᠰᠤᠷᠤᠭᠴᠢᠳᠤᠨ ᠳᠤᠷᠠ ᠰᠤᠨᠢᠷᠬᠠᠯ ᠳ᠋ᠤ ᠬᠠᠨᠳᠤᠭᠤᠯᠵᠤ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢᠨ ᠬᠡᠯᠳᠡᠰ ᠪᠠ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠵᠨ ᠬᠡᠯᠳᠡᠰ ᠲᠤ᠌ ᠪᠦᠮᠪᠦᠬᠡᠨ ᠲᠦᠷᠦᠯ᠂ ᠳᠠᠷ ᠬᠦᠴᠦ ᠵᠢ ᠪᠤᠯᠪᠠᠰᠤᠷᠠᠭᠤᠯᠬᠤ ᠲᠦᠷᠦᠯ᠂ ᠠᠪᠠᠷᠢᠵᠤ ᠮᠠᠴᠤᠬᠤ᠂ ᠳᠡᠬᠡᠰᠤ ᠤᠶᠠᠬᠤ ᠮᠡᠳᠤ ᠵᠢᠨ 15 ᠲᠦᠷᠦᠯᠤᠨ ᠳᠤᠷᠠ ᠰᠤᠨᠢᠷᠬᠠᠯᠳᠤ ᠬᠢᠴᠢᠶᠡᠯ ᠨᠡᠬᠡᠬᠡᠵᠦ ᠪᠠᠢᠨᠠ᠃ ᠳᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨ ᠳ᠋ᠤ ᠠᠨᠠᠢ ᠰᠤᠷᠤᠭᠴᠢᠳ ᠲᠤ᠌ ᠵᠤᠷᠢᠭᠤᠯᠤᠨ ᠳᠤᠰᠬᠠᠢ ᠵᠢᠭᠠᠨ ᠵᠢᠯᠤᠭᠤᠳᠤᠯᠭᠠ ᠵᠢᠨ ᠬᠢᠴᠢᠶᠡᠯ ᠨᠡᠬᠡᠬᠡᠵᠦ᠂ ᠪᠦᠬᠦ ᠰᠤᠷᠤᠭᠴᠢᠳᠤᠨ ᠨᠢᠳᠦᠨ ᠳ᠋ᠡᠬᠡᠨ ᠭᠠᠯ ᠳᠠᠢ᠂ ᠨᠢᠭᠤᠷ ᠲᠠᠭᠠᠨ ᠴᠤᠭ ᠳᠠᠢ ᠦᠰᠦᠨ ᠪᠤᠢᠵᠢᠬᠤ ᠵᠢ ᠠᠬᠢᠭᠤᠯᠵᠤ ᠪᠠᠢᠨᠠ》 ᠬᠡᠵᠦ ᠪᠢᠯᠢᠭᠳᠦ ᠪᠠᠭᠰᠢ ᠳᠠᠮᠢᠷᠤᠨ ᠬᠢᠴᠢᠶᠡᠯᠤᠨ ᠪᠠᠢᠭᠤᠯᠤᠯᠳᠠ ᠵᠢᠨ ᠳᠤᠬᠠᠢ ᠬᠦᠨᠵᠡᠬᠡᠢ ᠳᠠᠨᠢᠯᠴᠠᠭᠤᠯᠤᠯᠠ᠃
AI ᠮᠡᠷᠬᠡᠵᠢᠯ ᠰᠤᠷᠤᠭᠴᠢᠳᠤᠨ ᠳᠤᠷᠠ ᠰᠤᠨᠢᠷᠬᠠᠯᠢ ᠬᠦᠭᠵᠢᠬᠡᠨᠡ
ᠵᠣᠬᠢᠶᠠᠮᠠᠯ ᠤᠶᠤᠨ ᠴᠢᠳᠠᠪᠤᠷᠢ ᠵᠢᠨ ᠴᠠᠭ ᠦᠶᠡ ᠬᠦᠷᠴᠦ ᠢᠷᠡᠬᠦᠪᠡᠷ᠂ AI ᠮᠡᠷᠬᠡᠵᠢᠯ ᠵᠢᠡᠷ ᠴᠢᠳᠠᠪᠤᠷᠢ ᠤᠯᠭᠤᠭᠰᠠᠨ ᠣᠶᠤᠨᠴᠢ ᠲᠠᠮᠢᠷᠤᠨ ᠲᠠᠯᠠᠪᠠᠶ ᠨᠢ ᠴᠦ᠍ ᠰᠤᠷᠤᠭ᠍ᠴᠢᠳᠤᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠪᠣᠯᠪᠠᠰᠤᠷᠠᠯᠢ ᠨᠠᠩ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠤᠯᠭᠠᠵᠤ᠂ ᠰᠤᠷᠤᠭᠴᠢᠳᠤᠨ ᠰᠤᠨᠢᠷᠬᠠᠯᠢ ᠨᠠᠩ ᠲᠠᠳᠠᠨᠠ᠃
ᠡᠨᠡ ᠵᠢᠯᠤᠨ ᠬᠠᠪᠤᠷᠤᠨ ᠰᠢᠨᠡ ᠰᠤᠷᠤᠯᠭᠠᠶᠢᠨ ᠬᠤᠭᠤᠴᠠᠭᠠ ᠡᠬᠢᠯᠡᠬᠦ ᠪᠡᠷ᠂ ᠦᠬᠠᠢ ᠬᠤᠳᠠᠶᠢᠨ ᠭᠤᠷᠪᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ 4 ᠢᠵᠢ ᠣᠶᠤᠨᠲᠤ ᠲᠠᠮᠢᠷᠤᠨ ᠲᠥᠬᠦᠭᠡᠷᠦᠮᠵᠢ ᠬᠤᠳᠠᠯᠳᠤᠨ ᠠᠪᠴᠤ᠂ ᠳᠡᠭᠡᠰᠦ ᠦᠰᠦᠷᠬᠦ᠂ ᠬᠤᠯᠠ ᠬᠠᠷᠠᠢᠬᠤ᠂ ᠰᠠᠭᠤᠭᠠ ᠪᠡᠷ ᠤᠷᠤᠭᠰᠢ ᠪᠥᠬᠥᠢᠬᠦ ᠵᠡᠷᠭᠡ 7 ᠵᠦᠢᠯᠦᠨ ᠲᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨᠢ ᠬᠢᠬᠦ ᠳ᠋ᠤ ᠬᠠᠪᠰᠤᠷᠤᠮᠵᠢ ᠦᠵᠡᠬᠦᠯᠪᠡ᠃ ᠲᠡᠭᠡᠬᠦᠯᠡᠷ ᠬᠢᠴᠢᠶᠡᠯᠦᠨ ᠵᠠᠪᠰᠠᠷᠯᠠᠭᠠᠪᠤᠯᠤᠮᠠᠭᠴᠠ ᠰᠤᠷᠤᠭᠴᠢᠳ ᠡᠳᠡᠭᠡᠷ ᠲᠥᠬᠦᠭᠡᠷᠦᠮᠵᠢᠶᠢ ᠲᠤᠭᠤᠷᠢᠨ ᠡᠯᠡ ᠵᠦᠢᠯᠤᠨ ᠳᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨ ᠬᠢᠵᠦ ᠪᠤᠯᠪᠠᠰᠤᠷᠠᠨᠠ᠃ ᠠᠩᠬᠠ ᠳᠤᠮᠳᠠᠳᠤ ᠵᠢᠨ ᠭᠤᠷᠪᠠᠳᠤᠭᠠᠷ ᠤᠨᠤ ᠰᠤᠷᠤᠭᠴᠢ ᠸᠠᠩ ᠳ᠋ᠠ ᠵᠢᠨᠤ ᠬᠦᠩᠬᠡᠬᠡᠨ ᠦᠰᠦᠷᠬᠦ ᠬᠦᠳᠡᠯᠬᠡᠬᠡᠨᠤ ᠶᠠᠪᠤᠴᠠ ᠵᠢ ᠡᠯᠧᠺᠲᠷᠣᠨ ᠳᠡᠯᠭᠡᠴᠡ ᠰᠡᠬᠦᠳᠡᠷᠯᠡᠬᠦ ᠵᠢᠨ ᠳᠠᠭᠠᠤ ᠬᠢᠷᠢ ᠪᠦᠳᠦᠮᠵᠢ ᠵᠢ ᠠᠦ᠋ᠲ᠋ᠣ᠋ ᠲᠡᠮᠳᠡᠭᠯᠡᠨ ᠭᠠᠷᠭᠠᠴᠢᠬᠠᠯᠠ᠃ ᠡᠬᠢᠯᠡᠵᠦ ᠦᠰᠦᠷᠬᠦ ᠬᠦᠳᠡᠯᠬᠡᠬᠡᠨ ᠡᠴᠡ ᠭᠠᠷᠢᠶᠠᠨ ᠰᠠᠵᠢᠬᠤ ᠬᠡᠮᠵᠢᠶᠡ᠂ ᠭᠠᠵᠠᠷ ᠪᠠᠭᠤᠬᠤ ᠲᠣᠭᠲᠠᠪᠤᠷᠢᠲᠤ ᠴᠢᠨᠠᠷ ᠵᠡᠷᠭᠡ ᠬᠥᠳᠡᠯᠭᠡᠭᠡᠨᠦ ᠨᠠᠷᠢᠨ ᠵᠦᠢᠯᠡᠰ ᠪᠦᠬᠦᠨᠢ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠰᠡᠬᠦᠳᠡᠷᠯᠡᠬᠦ ᠵᠢᠨ ᠳᠠᠭᠠᠤ ᠲᠦᠷᠰᠦ ᠰᠢᠩᠬᠡᠬᠡᠯᠳᠡ ᠵᠢ ᠲᠠᠬᠢᠨ ᠲᠠᠪᠳᠠᠨ ᠦᠵᠡᠵᠦ ᠪᠤᠯᠤᠨᠠ᠃ 《ᠡᠳᠡᠭᠡᠷ ᠰᠢᠨᠡ ᠲᠥᠬᠦᠭᠡᠷᠦᠮᠵᠢ ᠵᠢ ᠬᠡᠷᠡᠭᠯᠡᠬᠦᠳᠦ ᠲᠥᠬᠥᠮ᠂ ᠬᠢᠭᠰᠡᠨ ᠬᠥᠳᠡᠯᠦᠯ ᠪᠠᠷᠢᠮᠵᠢᠶᠠ ᠪᠢᠰᠢ ᠪᠣᠯ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠰᠠᠨᠠᠭᠤᠯᠵᠤ ᠵᠠᠯᠠᠷᠠᠭᠤᠯᠵᠤ ᠦᠭᠬᠦᠨᠡ᠃ ᠳᠤᠬᠠᠢ ᠵᠢᠨ ᠴᠠᠭᠤᠨ 〈ᠲᠦᠷᠰᠦ ᠰᠢᠩᠬᠡᠬᠡᠯᠳᠡ ᠵᠢᠨ ᠳᠡᠮᠳᠡᠭᠯᠡᠯ〉 ᠨᠢ ᠮᠠᠨᠤ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠪᠤᠯᠪᠠᠰᠤᠷᠠᠯᠢ ᠪᠤᠰᠤᠳ ᠬᠢᠴᠢᠶᠡᠯ ᠲᠦᠷᠦᠯᠤᠨ ᠬᠢᠰᠢᠭ ᠨᠡᠩ ᠨᠠᠷᠢᠯᠢᠭ᠋ ᠣᠨᠣᠴᠠᠲᠠᠢ ᠪᠤᠯᠭᠠᠵᠠᠢ》 ᠭᠡᠵᠦ ᠸᠠᠩ ᠳᠠᠶᠢᠨ ᠪᠠᠶᠠᠷᠳᠠᠢᠬᠠᠨ ᠬᠡᠯᠡᠨᠡ᠃
《ᠤᠳᠤ ᠵᠢᠨ ᠲᠦᠬᠦᠬᠡᠷᠦᠮᠵᠢ ᠨᠢ 〈ᠬᠢᠨᠠᠭᠴᠢ〉 ᠲᠡᠳᠦᠢ ᠪᠢᠰᠢ᠂ ᠨᠡᠩ ᠴᠤ᠌ 〈ᠳᠠᠰᠬᠠᠯᠵᠢᠭᠤᠯᠤᠭᠴᠢ〉 ᠬᠡᠮᠡᠷ᠃ ᠥᠩᠭᠡᠷᠡᠭᠰᠡᠨᠳᠦ ᠨᠢᠭᠡ ᠪᠠᠭ᠍ᠰᠢ ᠳᠥᠴᠢ ᠲᠠᠪᠢᠨ ᠬᠡᠦᠬᠡᠳ ᠢ᠋ ᠵᠢᠭᠠᠳᠠᠭ ᠵᠢᠡᠷ ᠵᠠᠷᠢᠮ ᠨᠠᠷᠢᠯᠢᠭ ᠵᠦᠢᠯᠡᠰᠢ ᠬᠦᠢᠴᠡᠳ ᠤᠯᠵᠤ ᠬᠠᠷᠠᠬᠤ ᠦᠬᠡᠢ ᠨᠢ ᠭᠠᠷᠴᠠᠭᠠ ᠦᠬᠡᠢ᠃ ᠤᠳᠤ ᠰᠤᠷᠤᠭᠴᠢᠳᠤᠨ ᠬᠦᠳᠡᠯᠦᠯᠢ ᠴᠠᠭ ᠳᠤᠬᠠᠢ ᠳ᠋ᠤᠨᠢ ᠰᠡᠬᠦᠳᠡᠷᠯᠡᠵᠦ ᠰᠢᠩᠬᠡᠬᠡᠬᠦ ᠪᠤᠯᠤᠭᠰᠠᠨ ᠡᠴᠡ ᠠᠯᠢ ᠬᠦᠳᠡᠯᠦᠯ ᠨᠢ ᠪᠠᠷᠢᠮᠵᠢᠶᠠ ᠪᠤᠰᠤ ᠪᠠᠢᠬᠤ ᠵᠢ ᠤᠨᠤᠪᠴᠢᠳᠠᠢ ᠦᠵᠡᠵᠦ ᠭᠠᠷᠬᠤ ᠵᠢᠨ ᠬᠠᠮᠳᠤ ᠵᠠᠯᠠᠷᠠᠭᠤᠯᠬᠤ ᠳ᠋ᠤ ᠶᠡᠬᠡ ᠲᠦᠬᠦᠮ ᠪᠤᠯᠤᠭᠰᠠᠨ᠃ ᠤᠶᠤᠨᠴᠢ ᠲᠦᠬᠦᠬᠡᠷᠦᠮᠵᠢ ᠵᠢ ᠠᠰᠢᠭᠯᠠᠭᠰᠠᠨ ᠡᠴᠡ ᠰᠤᠷᠤᠭᠴᠢᠳᠤᠨ ᠪᠤᠯᠪᠠᠰᠤᠷᠠᠯᠢ ᠨᠡᠩ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠦᠬᠡᠳ ᠦᠨᠳᠦᠷ ᠪᠦᠳᠦᠮᠵᠢᠳᠡᠢ ᠪᠤᠯᠭᠠᠭᠰᠠᠨ》 ᠬᠡᠵᠦ ᠰᠤᠷᠭᠠᠭᠤᠯᠢ ᠵᠢᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠪᠠᠭ᠍ᠰᠢ ᠴᠧᠨ ᠰᠢᠶᠣᠣ ᠷᠦᠢ ᠳᠠᠨᠢᠯᠴᠠᠭᠤᠯᠤᠯᠠ᠃
ᠰᠢᠨᠡᠠᠷᠭᠠ ᠬᠡᠮᠵᠢᠶᠠ ᠤᠶᠤᠳᠠᠳᠤᠨ ᠢᠳᠡᠪᠬᠢᠵᠢᠯᠢ ᠲᠠᠢᠴᠢᠯᠠᠨᠠ
ᠡᠳᠦᠷ ᠪᠦᠷᠢᠶᠢᠨ ᠥᠷᠯᠥᠭᠡᠶᠢᠨ 7 ᠴᠠᠭᠲᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠮᠠᠰᠢᠨ ᠴᠠᠬᠢᠯᠭᠠᠨᠤ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ 《ᠱᠦᠵᠢ ᠲᠠᠢ ᠬᠠᠮᠳᠤ ᠬᠦᠶᠦᠬᠦ》 ᠳᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨ ᠪᠤᠯᠵᠤᠭᠠ ᠶᠤᠰᠤᠭᠠᠷ ᠡᠬᠢᠯᠡᠵᠦ᠂ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠤᠳᠤᠷᠢᠳᠤᠯᠭᠠ ᠳᠠᠭᠠᠭᠤᠯᠤᠨ ᠭᠦᠶᠦᠵᠦ᠂ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠳ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠨ᠂ ᠭᠦᠶᠦᠯᠲᠡᠶᠢᠨ ᠡᠩᠨᠡᠭᠡ ᠶᠠᠪᠤᠬᠤ ᠲᠤᠲᠤᠮ ᠵᠢᠡᠨ ᠪᠤᠵᠠᠭᠠᠢᠷᠠᠨᠠ᠃ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠳ ᠥᠷᠯᠥᠭᠡᠶᠢᠨ ᠲᠤᠶᠠᠭᠠᠶᠢ ᠤᠭᠲᠤᠨ᠂ ᠮᠦᠷᠦ ᠵᠡᠷᠬᠡᠴᠡᠨ ᠭᠦᠶᠦᠬᠦ ᠨᠢ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠦ ᠨᠢᠭᠡᠨ ᠦᠵᠡᠰᠬᠦᠯᠡᠩᠲᠦ ᠰᠠᠢᠬᠠᠨ ᠦᠵᠡᠮᠵᠢ ᠪᠤᠯᠵᠤ ᠲᠡᠯᠭᠡᠭᠳᠡᠪᠡ᠃ ᠣᠢᠷᠠᠶᠢᠨ ᠵᠢᠯᠦᠳᠲᠦ ᠂ ᠲᠤᠰ ᠰᠤᠷᠭᠠᠭᠤᠯᠢ ᠨᠢ 《ᠱᠦᠵᠢ ᠲᠠᠢ ᠬᠠᠮᠳᠤ ᠬᠦᠶᠦᠬᠦ》 ᠣᠨᠴᠠᠯᠢᠭ᠍ᠲᠤ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠲᠦᠷᠦᠯ ᠲᠡᠮᠳᠡᠭᠢ ᠡᠭᠦᠳᠴᠦ᠂ ᠥᠷᠯᠥᠭᠡᠶᠢᠨ ᠭᠦᠶᠦᠯᠲᠡ᠂ ᠨᠡᠷᠡᠨ ᠬᠡᠷᠡᠯᠳᠤ ᠭᠦᠶᠦᠯᠲᠡ᠂ ᠠᠩᠭᠢᠶᠢᠨ ᠪᠡᠶᠡᠶᠢᠨ ᠲᠠᠮᠢᠷ᠂ ᠰᠤᠷᠭᠠᠭᠤᠯᠢᠶᠢᠨ ᠪᠡᠶᠡᠶᠢᠨ ᠲᠠᠮᠢᠷ ᠵᠡᠷᠭᠡ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠦᠢᠯᠡᠳᠦᠯᠭᠡᠶᠢᠨ ᠠᠵᠢᠯᠯᠠᠭᠠᠶᠢ ᠪᠠᠢᠩᠭᠤᠵᠢᠭᠤᠯᠤᠨ ᠥᠷᠨᠢᠭᠦᠯᠵᠦ᠂ ᠰᠤᠷᠤᠭ᠍ᠴᠢᠳ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠨᠣᠮᠧᠷᠵᠢᠡᠷ ᠲᠠᠪᠴᠠᠩᠳ᠋ᠤ ᠡᠳᠦᠷ ᠪᠦᠷᠢᠶᠢᠨ ᠪᠣᠯᠪᠠᠰᠤᠷᠠᠯᠤᠨ ᠺᠠᠷᠲ ᠪᠦᠷᠢᠳᠬᠡᠬᠦᠯᠵᠦ᠂ ᠳᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨ ᠳ᠋ᠤ ᠤᠷᠤᠯᠴᠠᠭᠰᠠᠨ ᠲᠡᠮᠳᠡᠭᠯᠡᠯ ᠬᠢᠭᠡᠳ ᠲᠣᠭᠠ ᠪᠠᠷᠢᠮᠲᠠᠶᠢ ᠳᠡᠭᠡᠭᠰᠢ ᠳᠠᠮᠵᠢᠭᠤᠯᠬᠤ᠂ ᠳᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨ ᠳ᠋ᠤ ᠣᠷᠣᠯᠴᠠᠭᠰᠠᠨ ᠪᠠᠢᠳᠠᠯᠢ ᠪᠦᠷᠢᠳᠬᠡᠬᠦ᠂ ᠪᠣᠯᠪᠠᠰᠤᠷᠠᠯᠤᠨ ᠶᠠᠪᠤᠴᠠᠶᠢ ᠮᠥᠷᠳᠡᠬᠦ᠂ ᠪᠣᠳᠠᠲᠠᠢ ᠦᠷᠡ ᠪᠦᠲᠦᠮᠵᠢᠶᠢ ᠦᠨᠡᠯᠡᠬᠦ ᠵᠢ ᠪᠡᠶᠡᠯᠡᠭᠦᠯᠪᠡ᠃
《ᠪᠡᠶᠡᠶᠢᠨ ᠲᠠᠮᠢᠷᠤᠨ ᠪᠣᠯᠪᠠᠰᠤᠷᠠᠯ ᠳ᠋ᠤ ᠤᠷᠤᠯᠴᠠᠬᠤ ᠵᠢ ᠪᠠᠷᠢᠮᠳᠠᠯᠠᠭᠰᠠᠨ ᠡᠴᠡ ᠨᠠᠭᠠᠰᠢ ᠪᠡᠶᠠ ᠮᠠᠬᠠᠪᠤᠳ ᠴᠢᠬᠢᠷᠠᠭᠵᠢᠭᠰᠠᠨ ᠵᠢᠡᠷ ᠪᠠᠷᠬᠠᠤ ᠦᠬᠡᠢ ᠪᠠᠰᠠ ᠬᠥᠬᠢᠭᠦᠯᠦᠯ ᠰᠠᠢᠰᠢᠶᠠᠯ ᠬᠦᠷᠳᠡᠪᠡ᠂ ᠮᠠᠰᠢ ᠣᠮᠣᠭ᠍ᠰᠢᠯᠲᠠᠢ ！》 ᠭᠡᠵᠦ ᠡᠯᠧᠺᠲᠷᠣᠨ ᠬᠤᠳᠠᠯᠳᠤᠭᠠᠨᠤ ᠶᠠᠪᠤᠳᠠᠯᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠰᠣᠷᠣᠭ᠍ᠴᠢ ᠴᠧᠨ ᠬᠣᠩ ᠶᠠᠨ ᠶᠠᠷᠢᠨᠠ᠃ ᠳᠡᠷᠡ 2025 ᠣᠨᠤ ᠨᠡᠷᠡᠨ ᠬᠡᠷᠡᠯᠳᠤ ᠭᠦᠶᠦᠯᠳᠡ ᠵᠢᠨ ᠤᠷᠤᠯᠳᠤᠭᠠᠨᠳᠤ ᠨᠢᠭᠡᠳᠦᠭᠡᠷᠲᠦ ᠵᠢᠭ᠍ᠰᠠᠭᠠᠭᠳᠠᠵᠤ᠂ ᠳᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨ ᠳ᠋ᠤ ᠦᠷᠬᠦᠯᠵᠢ ᠤᠷᠤᠯᠴᠬᠠᠤ ᠰᠠᠢᠨ ᠰᠠᠢᠬᠠᠨ ᠳᠠᠳᠬᠠᠯ ᠳᠠᠢ ᠪᠤᠯᠪᠠ᠃ 《ᠣᠳᠣᠬᠠᠨᠳᠤ᠂ ᠪᠦᠬᠦ ᠰᠣᠷᠣᠭ᠍ᠴᠢᠳᠤᠨ ᠨᠢᠭᠡᠬᠡᠨ ᠰᠠᠷᠠᠶᠢᠨ ᠭᠦᠶᠦᠯᠳᠡ ᠵᠢᠨ ᠵᠠᠢ 20 ᠲᠦᠮᠡᠨ ᠺᠢᠯᠣᠮᠧᠲᠷ ᠬᠦᠷᠴᠦ᠂ ᠭᠠᠭᠴᠠ ᠬᠥᠮᠥᠨᠦ ᠭᠠᠭᠴᠠ ᠰᠠᠷᠠᠶᠢᠨ ᠬᠠᠮᠤᠭᠤᠨ ᠶᠡᠬᠡ ᠭᠦᠶᠦᠯᠳᠡ ᠵᠢᠨ ᠵᠠᠢ 170 ᠺᠢᠯᠣᠮᠧᠲᠷᠲᠦ ᠬᠦᠷᠴᠡᠢ》 ᠭᠡᠵᠦ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠵᠢᠭᠠᠨ ᠰᠤᠷᠭᠠᠯᠲᠠᠶᠢᠨ ᠬᠡᠯᠲᠡᠰᠦᠨ ᠡᠷᠬᠢᠯᠡᠭᠴᠢ ᠸᠠᠩ ᠵᠢᠶᠦ᠋ᠨ ᠫᠧᠩ ᠳᠠᠨᠢᠯᠴᠠᠭᠤᠯᠤᠯᠠ᠃ ᠠᠯᠢ ᠣᠯᠠᠨ ᠠᠷᠭᠠ ᠬᠡᠮᠵᠢᠶᠡ ᠨᠢ ᠰᠣᠷᠣᠭ᠍ᠴᠢᠳᠢ ᠰᠦᠯᠵᠢᠶᠡᠨᠡᠴᠡ ᠵᠠᠢᠳᠠᠭᠤᠯᠵᠤ᠂ ᠪᠠᠢᠷᠢᠶᠢᠨ ᠭᠡᠷᠡᠴᠡ ᠭᠠᠷᠭᠠᠵᠤ᠂ ᠲᠠᠮᠢᠷᠤᠨ ᠲᠠᠯᠠᠪᠠᠶᠳᠤ ᠤᠴᠢᠭᠤᠯᠵᠤ᠂ ᠰᠣᠷᠣᠭ᠍ᠴᠢᠶᠢᠨ ᠪᠡᠶᠡ ᠮᠠᠬᠠᠪᠤᠳᠤᠨ ᠡᠷᠡᠭᠦᠯ ᠮᠡᠨᠳᠦᠶᠢᠨ ᠬᠢᠷᠢ ᠲᠦᠪᠰᠢᠨᠢ ᠦᠷᠭᠦᠯᠵᠢᠯᠡᠨ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠪᠡᠶᠡᠶᠢᠨ ᠲᠠᠮᠢᠷᠢᠶᠠᠷ ᠬᠥᠮᠥᠨᠢ ᠬᠥᠮᠥᠵᠢᠭᠦᠯᠬᠦ ᠪᠠ ᠶᠣᠰᠣ᠌ ᠰᠤᠷᠳᠠᠬᠤᠨᠢᠶᠡᠷ ᠬᠥᠮᠥᠨᠢ ᠬᠥᠮᠥᠵᠢᠭᠦᠯᠬᠦᠶᠢ ᠭᠦᠨᠵᠡᠭᠡᠢ ᠠᠭᠤᠰᠤᠯᠴᠠᠭᠤᠯᠵᠤ ᠪᠠᠢᠭᠠ ᠶᠤᠮ᠃
ᠣᠢᠷᠠᠶᠢᠨ ᠵᠢᠯᠳᠦ᠂ ᠥᠪᠥᠷ ᠮᠣᠩᠭᠣᠯ ᠡᠷᠡᠭᠦᠯ ᠮᠡᠨᠳᠦ ᠰᠤᠷᠭᠠᠭᠤᠯᠢᠶᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢ ᠪᠦᠬᠦ ᠲᠠᠯᠠ ᠪᠠᠷ ᠠᠬᠢᠭᠤᠯᠵᠤ᠂ ᠶᠡᠬᠡ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠪᠡᠶᠡ ᠮᠠᠬᠠᠪᠤᠳᠢ ᠴᠢᠭᠢᠷᠠᠭᠵᠢᠭᠤᠯᠬᠤ 《ᠬᠣᠣᠰ ᠠᠷᠪᠠᠨ ᠵᠤᠷᠪᠤᠰ》 ᠤ᠋ᠨ ᠠᠷᠭᠠ ᠬᠡᠮᠵᠢᠶᠡᠶᠢ ᠨᠠᠢᠳᠠᠪᠤᠷᠢᠵᠢᠭᠤᠯᠵᠤ᠂ ᠰᠤᠷᠤᠭ᠍ᠴᠢᠳᠤᠨ ᠰᠡᠳᠬᠢᠴᠡᠶᠢᠨ ᠡᠷᠡᠭᠦᠯ ᠮᠡᠨᠳᠦᠶᠢᠨ ᠲᠤᠰᠬᠠᠢ ᠠᠵᠢᠯᠯᠠᠭᠠ᠂ ᠰᠤᠷᠤᠭ᠍ᠴᠢᠳᠤᠨ ᠪᠠᠶᠠᠷ ᠳᠤᠷᠠᠰᠬᠠᠯ ᠠᠮᠠᠷᠠᠯᠲᠠᠶᠢᠨ ᠡᠳᠦᠷᠦᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠳᠠᠰᠬᠠᠯ ᠲᠣᠬᠢᠷᠠᠭᠤᠯᠬᠤ᠂ ᠭᠡᠷ ᠪᠦᠯᠢ ᠰᠤᠷᠭᠠᠭᠤᠯᠢ ᠨᠡᠢᠭᠡᠮᠦᠨ ᠬᠢᠨ ᠬᠦᠴᠦᠪᠡᠨ ᠬᠠᠮᠲᠤᠳᠬᠠᠨ ᠬᠡᠦᠬᠡᠳᠦᠨ ᠡᠷᠡᠭᠦᠯᠢᠶᠡᠷ ᠦᠰᠦᠨ ᠪᠣᠢᠵᠢᠬᠤᠶᠢ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ ᠵᠢ ᠴᠢᠬᠤᠯᠠᠴᠢᠯᠠᠵᠤ᠂ 2025 ᠣᠨᠤ ᠡᠴᠦᠰᠲᠦ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠰᠤᠷᠤᠭ᠍ᠴᠢᠳᠤᠨ ᠪᠡᠶᠡ ᠮᠠᠬᠠᠪᠤᠳᠤᠨ ᠡᠷᠡᠭᠦᠯ ᠮᠡᠨᠳᠦᠶᠢᠨ ᠰᠢᠯᠢᠳᠡᠭ ᠨᠣᠷᠮᠠ 2020 ᠣᠨᠤ ᠬᠢᠡᠴᠡ 21.8 ᠵᠠᠭᠤᠨᠤ ᠨᠢᠭᠡᠴᠢ ᠳᠡᠭᠡᠭᠰᠢᠯᠡᠪᠡ᠃
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠲᠢᠩᠬᠢᠮᠦᠨ ᠪᠡᠶᠡᠶᠢᠨ ᠲᠠᠮᠢᠷ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠤᠷᠠᠯᠢᠭ᠋ ᠬᠢᠭᠡᠳ ᠬᠥᠳᠡᠯᠮᠦᠷᠢ ᠵᠢᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠭᠠᠵᠠᠷᠤᠨ ᠬᠠᠮᠢᠶᠠ ᠪᠦᠬᠦᠢ ᠬᠠᠷᠢᠭᠤᠴᠠᠯᠭᠠᠳᠠᠨ ᠡᠴᠡ 《ᠲᠠᠷᠠᠭᠠᠴᠢ ᠪᠡᠷ ᠥᠪᠥᠷ ᠮᠣᠩᠭᠣᠯ 〈ᠡᠷᠡᠭᠦᠯ ᠮᠡᠨᠳᠦᠶᠢ ᠲᠡᠷᠢᠭᠦᠨᠳᠦ ᠲᠠᠯᠪᠢᠬᠤ〉 ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠣᠢᠯᠠᠭᠠᠭᠳᠠᠬᠤᠨᠢ ᠪᠠᠷᠢᠮᠲᠠᠯᠠᠨ᠂ ᠡᠷᠡᠭᠦᠯ ᠮᠡᠨᠳᠦ ᠰᠤᠷᠭᠠᠭᠤᠯᠢᠪᠠᠷ ᠭᠠᠷᠳᠠᠴᠠ ᠪᠣᠯᠭᠠᠵᠤ᠂ ᠪᠠᠶᠠᠷ ᠳᠤᠷᠠᠰᠬᠠᠯ ᠠᠮᠠᠷᠠᠯᠲᠠᠶᠢᠨ ᠡᠳᠦᠷᠦᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠳᠠᠰᠬᠠᠯᠢ ᠨᠠᠢᠳᠠᠪᠤᠷᠢᠵᠢᠭᠤᠯᠬᠤᠶᠢ ᠠᠬᠢᠭᠤᠯᠵᠤ᠂ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠦ ᠬᠥᠯ ᠪᠥᠮᠪᠥᠭᠡᠶᠢ ᠶᠡᠬᠡᠪᠡᠷ ᠬᠥᠭᠵᠢᠭᠦᠯᠦᠨ᠂ ᠰᠤᠷᠭᠠᠭᠤᠯᠢᠶᠢᠨ ᠭᠤᠸᠠ ᠰᠠᠢᠬᠠᠨ ᠵᠢᠡᠷ ᠤᠮᠳᠠᠯᠠᠬᠤ ᠠᠵᠢᠯᠯᠠᠭᠠᠶᠢ ᠭᠦᠨᠵᠡᠭᠡᠢᠷᠡᠭᠦᠯᠵᠦ᠂ ᠶᠣᠰᠣ᠌ ᠰᠤᠷᠳᠠᠬᠤᠨ ᠣᠶᠤᠨ ᠤᠬᠠᠭᠠᠨ ᠪᠡᠶᠡ ᠮᠠᠬᠠᠪᠤᠳ ᠭᠤᠸᠠ ᠰᠠᠢᠬᠠᠨ ᠬᠥᠳᠡᠯᠮᠦᠷᠢ ᠵᠡᠷᠭᠡ ᠪᠥᠬᠥ ᠲᠠᠯᠠᠪᠠᠷ ᠬᠥᠮᠥᠵᠢᠭᠦᠯᠬᠦ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠰᠢᠰᠲᠧᠮᠢ ᠢᠳᠡᠪᠬᠢᠲᠡᠢ ᠪᠠᠢᠭᠤᠯᠵᠤ᠂ ᠰᠤᠷᠤᠭ᠍ᠴᠢᠳᠤᠨ ᠪᠥᠬᠥ ᠲᠠᠯᠠᠶᠢᠨ ᠬᠥᠭᠵᠢᠯᠲᠡᠶᠢ ᠠᠬᠢᠭᠤᠯᠤᠨᠠ》 ᠬᠡᠯᠡ᠃